0 ငြိမ်းချမ်းရေး ဗိသုကာကြီး ဆရာကြီးသခင်ကိုယ်တော်မှိုင်းရဲ့ကွယ်လွန်ခြင်း (၄၇)နှစ်မြောက်အမှတ်တရအထိမ်းအမှတ်ပွဲကျင်းပ

ငြိမ်းချမ်းရေး ဗိသုကာကြီး ဆရာကြီး သခင်ကိုယ်တော်မှိုင်းရဲ့ ကွယ်လွန်ခြင်း (၄၇) နှစ်မြောက် ၊ အမှတ်တရ အထိမ်းအမှတ်ပွဲကို စမ်းချောင်းမြို့နယ် ကျွန်းတော ကျောင်းတိုက် မှာ ယနေ့ နံနက် ၈း၃၀ နာရီက ကျင်းပခဲ့ပါတယ်။

စာရေးဆရာသန်းစိုးနိုင်မှ အခမ်းအနားကိုမိတ်ဆက်ပေးပြီး၊၀ါရင့် နိုင်ငံရေးသမားကြီးများဖြစ်တဲ့ သခင်သိန်းမောင် ၊နိုင်ငွေသိန်း ၊ ဦးလှကွန့် ၊ ဦးဖေအောင်စတဲ့ ပုဂ္ဂိုလ်များ၊ CRPP ဦးအေးသာအောင်၊ ဦးသာဘန်း စသူများ၊ ၈၈ မျိုးဆက်များ၊ ကျောင်းသားသမဂ္ဂခေါင်းဆောင်ဟောင်းများ၊ NLD မှ ဒေါ်အောင်ဆန်းစုကြည်နှင့်အဖွဲ့ဝင်များ ၊ ဆရာကြီးသခင်ကိုယ်တော်မှိုင်းရဲ့ တပြည့်တပန်း များ ၊ စာပေအနုပညာနယ်ပယ်မှ ပုဂ္ဂိုလ်များ ပရိသတ် ၁၅၀၀ ခန့် တက်ရောက်ခဲ့ကြပါတယ်။

ဒီအခမ်းအနားမှာ ၊ဆရာကြီးသခင်ကိုယ်တော်မှိုင်း မကွယ်လွန်မှီက မိန့်ကြားခဲ့သည့်အတိုင်း သူမနာကိုယ်မနာ စေ့စပ်ဆွေးနွေးရေး ပြည်တွင်းငြိမ်းချမ်းရေး မှုဖြင့် လက်ရှိအမှန်တကယ် ပြည်တွင်းစစ် ချုပ်ငြိမ်းရေး၊ အဓိကလိုအပ်နေတဲ့ကာလ ဖြစ်နေတဲ့အတွက်ဆရာကြီး ဒဂုန်တာရာရဲ့ ပြည်တွင်းငြိမ်းချမ်းရေးကော်မတီဖွဲ့စည်းရေးကိုလည်း အခမ်းအနားတွင် နှိုးဆော်ခဲ့ပါတယ်။

ပြည်တွင်းငြိမ်းချမ်းရေး ပန်ကြားလွှာပါ ဆန္ဒပြုလက်မှတ်များကိုလည်း တက်ရောက်သူ ပုဂ္ဂိုလ်များက အားတက်သရော လက်မှတ်ထိုး ထောက်ခံခဲ့ကြပါသည်။ ပြည်တွင်းငြိမ်းချမ်းရေး အတွက် လက်တွေ့ဆောက်ရွက်နိုင်ရေးအတွက် ဦးလှကွန့်နဲ့ ဦးဖေအောင်တို့က ရှင်းလင်းပြခဲ့ပြီး ကဗျာဆရာ မောင်စိမ်းနီ ၊မောင်လင်းရိပ်နဲ့ မိုးဦး ဆွေညိမ်းတို့က ဆရာကြီး သခင်ကိုယ်တော်မှိုင်းရဲ့ မဟာလေးချိုးကြီးများကို ရွတ်ဆိုခဲ့ကြပါတယ်။ ကဗျာဆရာ၊ဘာသာပြန်ဆရာ အံ့မောင်ကလည်း ဆရာကြီးရဲ့ကဗျာ များနဲ့ပက်သက်ပြီး ရှင်းလင်းပြခဲ့ပါသည်။

ပြည်တွင်းငြိမ်းချမ်းရေး ကော်မတီကို မကြာမီ ဖွဲ့စည်းပြီး ဆက်လက်အကောင်အထည်ဖော် ဆောင်ရွက်သွားမည်ဖြစ်ကြောင်း သတင်းရရှိပါသည်။

ရွှေနန္ဒ shwenanda

သတင်းအကျဉ်းချုပ် ...

0 အမျိုးသမီးများအဖွဲ့ ချုပ် ( မြန်မာနိုင်ငံ) က စီစဉ်တဲ့ "ချွတ်ချော်တဲ့ လွှတ်တော် " ဟာသ သရော် ဇာတ်လမ်း

အမျိုးသမီးများအဖွဲ့ ချုပ် ( မြန်မာနိုင်ငံ) က စီစဉ်တဲ့ "ချွတ်ချော်တဲ့ လွှတ်တော် " ဟာသ သရော် ဇာတ်လမ်း ပထမပိုင်း

အမျိုးသမီးများအဖွဲ့ ချုပ် ( မြန်မာနိုင်ငံ) က စီစဉ်တဲ့ "ချွတ်ချော်တဲ့ လွှတ်တော် " ဟာသ သရော် ဇာတ်လမ်းးဒုတိယပိုင်း

အမျိုးသမီးများအဖွဲ့ ချုပ် ( မြန်မာနိုင်ငံ) က စီစဉ်တဲ့ "ချွတ်ချော်တဲ့ လွှတ်တော် " ဟာသ သရော် ဇာတ်လမ်း ပထမပိုင်းပါ.. .. Rambo 4 မှာ သရုပ် ဆောင်ထားတဲ့ (လူကြမ်း :P) မင်းသားကြီး မောင်မောင်ခင် - ပန်းသီး - ကြယ်သီး - ဇီးသီး တို့ နှင့် အတူ အနုပညာ မောင်နှမ များစွာ ပါဝင်ပါတယ်..

DVB entertainment

သတင်းအကျဉ်းချုပ် ...

0 " လျှောက်သောလမ်းမှာ"--(မောင်ဆန်)

" လျှောက်သောလမ်းမှာ"

ကလေး ရယ်---------၊
ဘယ် အတွက်ကြောင့်
စစ်ဖိနပ် သံခွာကိုမကြောက်
ထိုးဖောက်မယ့် လှံစွပ်
ရင်ညွန့်မငဲ့
အသက်နဲ့ ခန္တာ
ပြာ ဖြစ်ပါစေ
ပြည်သူတွေ အသက်တွက်
ရုန်းထွက်ခဲ့ ရှေ့ကို
ဒီမိုကရေစီ လိုချင်လို့--- တဲ့။


ကလေး ရယ်--------၊
ဘယ် အတွက်ကြောင့်
တောင့်တ မြတ်နိုး
မိုးမကြောက် လေမကြောက်
ရေမသောက် ထမင်းမစား
" ဟန်းဂါစထ္ကိုက်" ဆို လားဗျာ
အစာငတ်ခံ ဆန္ဒပြပွဲထဲ
မျက်နှာထား ကဲကဲ
နေလောင် အမဲစက်တွေနဲ့
စက္ကန့် မီနစ်များစွာ
နာရီ နေ့ရက် ကြာကြာ
မဆာ မလောင်
မရှောင် မကွင်း
ရင်းနှီး ပေးဆက်
ဘေး မထွက်ခဲ့တာ
မြန်မာပြည်သူ တရပ်လုံး
အတွက်ပါ------ တဲ့။

ကလေး ရယ်------၊
ဘယ် အတွက်ကြောင့်
စောင့်မျှော် မှန်းဆ
အငမ်း မရ
လမ်းမ လမ်းသွယ်
လမ်းလယ် လမ်းစပ်
ရွာရပ် မြို့တွင်း
စစ်ကင်းတွေ လှည့်နေတယ်။


စစ်ရဲ့ အနိဠာ
မကြာမှီ တွေ့ရတော့မယ်။

စစ်ရဲ့ ကြမ္မာ
အိမ်မက်ပမာ မဟုတ်ဖူးကွယ်။

စစ်ရဲ့ ဂြိုလ်ဆိုး
မီးမိုးတွေ ရွာတော့မှာ။

စစ်ရဲ့နိမိတ်
သိပ့် စိတ်မချရဖူးကွာ။

စစ်ရဲ့ ရှေ့ပြေး
ဘေးမကြောက် ရန်မကြောက်
ကလေးတို့ ရဲရဲတောက်
မိုးဦးသောက် ရောင်နီ
အရှေ့ဖက်ဆီ ချီတက်
မပျက် မကွက် ခရီးဆက်
မနက်ဖြန့်အတွက်
မြန်မာပြည်ကို
မျက်နှာသစ်ပေးပါရစေ---- တဲ့။

ကလေး ရယ်-----၊
တကယ်တော့လေ
အရွယ်နှင့်မလိုက်
နှလုံးရည် တိုက်ပွဲ
ငြိမ်းချမ်းရေး တိုက်ပွဲ
လိုက်ရဲ တိုက်ရဲသူတွေ
ဖြစ်ပေမယ့်
ဇီးစေ့နဲ့ မြင့်မိုရ်တောင်
ကျောက်ဆောင်နဲ့ လှေဦးး
ကမ်းနဖူးနဲ့ ဒီရေကြမ်း
သွေးတိုးစမ်းသလိုပါပဲလား------ ။



စစ်သားဆိုတာ
ပြည်သူကဖွား
ပြည်သူကြားနေ
ပြည်သူ့ သားတွေလို့
ကလေးတို့ခံယူ
စံနမူနာတွေ ယုံကြည်ထား
နာလာန်လည်းမထူ
အလံဖြူလည်းမတင်
အာဏာရှင် လူတစုရဲ့
ကျဆုံးခန်းကို
ယမ်းခိုးနဲ့ ဖမ်းအုပ်
လူလုပ်တဲ့ ခေတ်မှီသေနတ်တွေနဲ့
လူတွေကို ဖြုတ် ထုတ် သတ်
ဒရစပ် ပစ်ခတ်
အရှင်သခင်တွေက ညစ်ပတ်
စစ်တပ်ကို ခိုင်းလေတော့
တသွေး တသံ
တမိန့် တအာဏာ
တပါတီ ဘက်တော်သားတွေလည်း
လက်ရဲ ဇက်ရဲ
ကလေးရင်ထဲ
အတွေးလွဲ အမြင်လွဲ
ကျည်ဆံတွေ သဲနဲ့ လက်ပက်သလို

အိုး --------၊

မြင်ရက်စရာ မရှိအောင်
တောင်လိုပုံ အလောင်းတွေ
ပေတရာလမ်းမ ထက်မှာ
မြေလွှာလမ်းမ အထက်မှာ
ကျောက်စလစ် လမ်းမထက်မှာ
မြို့ပတ်ရပ်ကွက် အတွင်းမှာ
နေရာများစွာ
သင်္ချိုင်းရွာသစ်
ကမ္ဘာကျော် စစ်မည်း
လူသတ်ပွဲကြီး ဖြစ်သွားတယ်။
ကလေးရယ်---------၊

ရှစ်ရက် ရှစ်လ
ရှစ်ဆယ် ရှစ်ကနေ
နှစ်ထောင် ဆယ်တစ်
လုံးလုံးမမေ့
ယနေ့အထိ
ပကတိ ဖြစ်ရပ်
သမိုင်း အညစ်ဇာတ်ကို
လူတိုင်းတတ်မြောက် သွားကြပြီ။

ကလေး ရယ်----------၊
ရည်ရွယ်ချက် ကြီးမား
နိုးကြား တက်ကြွစွာ
ဘ၀ဆိုတာ
ဘာမှန်း မသိမှီ
ဒီမိုကရေစီ သပိတ်မှာ
တော်လှန် လှေဆိပ်မှာ
အရိပ်တွေ ကွယ်ကာပျောက်
ဦးသိတဲ့
ကလေး အမြောက်အများ
ဘယ်ရောက်သွားကြပါသလဲကွယ်။ ။


မောင်ဆန်

သတင်းအကျဉ်းချုပ် ...

0 ရင်ထဲကရှစ်ဆယ့်ရှစ်- အပိုင်း ( ၁ ) ဆောင်းပါးရှင်- မောင်မောင်ဝမ်း

သမိုင်းဆိုတာအမြင်ကပ်ရုံသက်သက်နဲ့ဖျောက်လို့မရနိုင်ကောင်းပါဘူး၊လူသားတွေရဲ့အတ္တကိုငွေကြေးအာဏာအကျိုးစီးပွားတွေနဲ့သွန်းလောင်းပေးလို့ယာယီမှေးမှိန်ကောင်းမှေးမှိန်နိုင်ပေမဲ့….အမှန်တရားဆိုတာ….တနေ့မှာ တော့ပေါ်ထွန်းလာစမြဲပါ……..

ရှစ်ဆယ့်ရှစ်ဆိုတာဘာလည်း………….?

ရှစ်ဆယ့်ရှစ်ဆိုတာ…စစ်အာဏာရှင်များအဆက်ဆက်ပြောသွားခဲ့သလို….အရေးအခင်းလား……..

ရှစ်ဆယ့်ရှစ်ဆိုတာ….မင်းမဲ့စရိုက်တွေနဲ့ပြည်သူလူထုကြီးရဲ့အသက်အိုးအိမ်စည်းစိမ်တွေကိုခြောက်လှန့်ခဲ့တဲ့ ပရမ်းပတာ…ရုန်းရင်းဆန်ခတ်မူ့ကြီးလား……..

ရှစ်ဆယ့်ရှစ်ဆိုတာ…အာဏာရှင်စနစ်ကိုတော်လှန်ပြီးဒီမိုကရေစီစနစ်ကိုပြောင်းလည်းအကောင်ထည်ဖော်ဘို့ကိုလိုလားတဲ့ လူထုကြီးရဲ့ လူထုတော်လှန်ရေးကြီးလား………..

ဒီနေ့မျိုးဆက်သစ်တွေအတွက်ကတော့ေ၀၀ါးနေဆဲ ပုံပြင်တပိုဒ်လိုပါပဲ

---------------------------------------------------------------------------------------

ကျနော် ၈၈ လူထုအရေးတော်ပုံအကြောင်းကိုတင်ပြရာမှာ အကုန်လုံးကို ကျနော်မသိပါဘူး ၊ အခုကျနော်ရေးတဲ့ ဆောင်းပါးဟာသမိုင်းပြုစုနေတာမဟုတ်ဘူးဆိုတာတော့ပြောပရစေ..ကျနော်ကြုံတွေ့ခဲ့ရတဲ့အတွေ့အကြုံတွေကိုလက်ဆင့်ကမ်းတင်ပြလိုက်ခြင်းသာလျှင်ဖြစ်ပါတယ်…..ဒီအထဲမှာ သင်ခန်းစာယူစရာတွေ ဆင်ခြင်စရာတွေကို ရှစ်ဆယ့်ရှစ်လူထုအရေးတော်ပုံဆိုတာဘာမှန်းမသိတဲ့…လူငယ်မျိုးဆက်သစ်တွေ..လေ့လာနိုင်ဘို့ကိုအထူးရည်ရွယ်ပါတယ်……

ကျနော်ရန်ကုန်တက္ကသိုလ်ကို ၁၉၈၄ မှာစရောက်တယ်၊ နေရတာက တက္ကသိုလ်စာကြည့်တိုက်ဘေးမှာရှိတဲ့ အင်းဝဆောင်မှာ…အဲဒီအခါကတဆောင်လုံးဥပဒေကျောင်းသားတွေချည်းပဲထားတယ်….ကျနော်ကံကောင်း တယ်ပြောရမလားမသိဘူးတက္ကသိုလ်ပထမနှစ်ကိုစတက်တက်ချင်းမှာပဲ..စိတ်တူကိုယ်တူသူငယ်ချင်းတွေနဲ့ဆုံ ဖြစ်တယ်လေ…..အခု အင်္ဂလန်မှာရှိနေတဲ့…နံမည်ကျော် ပန်းချီဆရာ ( ပန်းချီထိန်လင်း ) ၊ အောင်လင်း ( ယခုဂျပန် ) ၊ ဇော်လင်း ( မြင်းခြံ ) သူတို့နဲ့တွဲဖြစ်ကြတယ်…ဒီအထဲမှာ ကျနော်နဲ့ထိန်လင်း တူတာက စာဖတ်ဝါသနာပါတယ်…အနုပညာကိုခုံမင်တယ်……တံငါနားနီးတံငါပြောရမလားမသိဘူး..ကျန်တဲ့သူငယ်ချင်း တွေပါ ..ကျနော်တို့ဝါသနာတွေကူးကုန်ကြတယ်…..ကျနော်တို့အားလုံးဟာ…စာဖတ်ခြင်းအလေ့မှာတော့ တော်တော်လေးကိုထုံကြတယ်…ကမာရွတ် လှည်းတန်းမှာရှိတဲ့ စာအုပ်ဆိုင်တွေဆိုတာ…ကျနော်တို့မသိတဲ့ ဆိုင်မရှိသလောက်ပဲ……နောက်တခုကကျနော်တို့ကတက္ကသိုလ်အနုပညာအသင်းမှာလည်းပါဝင်ပတ်သက်နေသူတွေဆိုတော့…..အင်းဝဆောင် အခန်းနံပါတ် ၉၃/၉၄ ဆိုတာ အနုပညာအသင်းရုံးခန်းကြီးလိုပဲ…..ကိုဇာဂနာ ၊ အရိုင်း ၊ ဖိုးဖြူ ၊ ကင်းကောင် ၊ စုတ်ဖွား ၊ဂေါ်ဇီလာတို့ကအစတော်တော်များများက….ကျနော်တို့ အဆောင် ကိုဝင်ထွက်သွားလာနေကြတာ ….တခါတခါ ကိုသူရ ခေါ် ကိုဇာဂနာနဲ့ စာပေရေးရာ ၊ အနုပညာ ကိစ္စတွေ ၊ အငြိမ့်ကိစ္စတွေဆွေးနွေးရင်းက..သူ့ရင်ထဲကပေါက်ကွဲထွက်လာတဲ့…အဲဒီအချိန်ကအစိုးရ(မြန်မာ့ဆိုရှယ်လစ် လမ်းစဉ်ပါတီအစိုးရ)ကိုမကျေနပ်တဲ့…စကားလုံးတွေကိုလည်းကြားရတတ်တယ်….တက္ကသိုလ်ကျောင်းသားဘ၀ဟာ..ကျနော့်ဘ၀တလျှောက်လုံးမှာအလွတ်လပ်ဆုံးအပျော်ဆုံးနဲ့..အရသာအရှိဆုံးအချိန်တွေလို့ပဲပြောပရစေ…..ကံကောင်းထောက်မစွာ…လွတ်လပ်တဲ့ကျောင်းသားဘ၀မှာ..စာပေတွေကိုလေ့လာခွင့်ရလိုက်တာကိုက နိုင်ငံရေးရဲ့ခြေလှမ်းအစလို့ပဲပြောလို့ရနိုင်မလားမသိဘူး…..

အဲဒီအချိန်ကာလက အုပ်စိုးခဲ့တဲ့ မဆလ ( မြန်မာ့ဆုိုရှယ်လစ်လမ်းစဉ်ပါတီ အစိုးရ )ဆိုတာ…၁၉၆၂ ခုနှစ်…မှာ ပါလီမန်ဒီမိုကရေစီကိုဖျက်သိမ်းပြီး..တပါတီအာဏာရှင်စနစ်နဲ့အုပ်စိုးခဲ့တဲ့ အစိုးရပေါ့….ပါတီ ဥက္ကဌ ကြီးကတော့..ဦးနေ၀င်း(ဗိုလ်ချုပ်ကြီးနေ၀င်း)……..တိုင်းပြည်ကိုသူအာဏာသိမ်းပြီးချိန်ကစလို့…ပုဂ္ဂလိကပိုင် လုပ်ငန်းတွေကိုအကုန်ပြည်သူပိုင်သိမ်း…ဆိုရှယ်လစ်စနစ်နဲ့တိုင်းပြည်ကိုဆက်လက်ချီတက်မယ်ဆိုပြီး..တံခါး ပိတ်စီးပွားရေးဝါဒကိုလက်ကိုင်ပြုပြီး…ခရီးဆက်လာလိုက်တာ…တိုင်းပြည်ဟာ…ကမ္ဘာ့အဆင်းရဲဆုံးနိုင်ငံအဆင့်ကိုရောက်ခဲ့တယ်……လူထုတရပ်လုံးရဲ့ဆင်းရဲမွဲတေမူ့ဟာ…..ပြောစရာစကားလုံးရှာမရလောက်အောင် အောက်ဆုံးအဆင့်ကိုရောက်သွားခဲ့တယ်လေ…တခါကအရှေ့တောင်အာရှမှာဂုဏ်တင့်ခဲ့တဲ့မြန်မာနိုင်ငံဟာ… နောက်၂၆နှစ်အကြာမှာတော့…မျက်နှာငယ်စရာတိုင်းပြည်ဖြစ်သွားတယ်…………..နိုင်ငံရဲ့အထွေထွေအကြပ် အတည်းကြီးဟာ ကျနော်တို့ ကျောင်းသားတွေကိုပါ ရိုက်ခပ်စေခဲ့တာပေါ့….တကယ်တော့ ကျနော်တို့ ပညာသင်ခဲ့ရတဲ့…တက္ကသိုလ်ဆိုတာ…နိုင်ငံတကာနဲ့ယှဉ်လိုက်ရင်..တော်တော်လေးကိုနိမ့်ကျသွားပါတယ်….ဒါကလည်း…လွတ်လပ်တဲ့ပညာရေးစနစ်ပုံစံတွေပျက်သုဉ်းပြီး…အာဏာရှင်စနစ်ကိုသက်ဆိုးရှည်စေမဲ့…ပညာရေးပုံစံတွေကိုအာဏာရှိသူများကစိတ်တိုင်းကျချယ်လှယ်ပြီး…စီမံခဲ့တာဆိုတော့..အားလုံးဟာ..ကမောက်ကမချည်းပါပဲ…..နောက်တခုအရေးကြီးဆုံးက…လူထုတရပ်လုံးရဲ့အထွေထွေအကြပ်အတည်းကြီးကသားသမီးတွေ ဖြစ်ကြတဲ့ကျောင်းသားများကိုလာရိုက်ခပ်စေခဲ့တာအမှန်ပါ…ဒါ့ကြောင့်၁၉၆၂စစ်အာဏာရှင်များအာဏာသိမ်းပြီးချိန်ကစလို့ ကျောင်းသားများဟာ အံတုတော်လှန်ခဲ့ကြတာ……….

- ဆဲဗင်းဇူလိုင် ကျောင်းသားလှုတ်ရှားမူ့

- ဦးသန့် အရေးခင်း

- မှိုင်းရာပြည့်ကျောင်းသားလှုတ်ရှားမူ့စသဖြင့်ပေါ့လေ……ဒါပေမဲ့စစ်အာဏာရှင်များရဲ့လူမဆန်စွာ ရက်စက်ဖြိုခွင်းမူ့တွေကြောင့် ရဟန်း ၊ ရှင် ၊လူ ၊ ကျောင်းသား ပြည်သူတွေအသက်ပေးခဲ့ရပါတယ်။

စစ်အာဏာရှင်များကိုမကျေနပ်တဲ့ ကျောင်းသားလှုတ်ရှားမူ့များဟာ ကြားထဲမှာလည်း ကျိုးကြား ကျိုးကြားဆိုသလိုပေါ်ခဲ့ပါတယ်…ဒါပေမဲ့လူထုကြားထဲကိုပြန့်ပြန့်နှံ့နှံ့မရောက်အောင်မဆလအာဏာရှင်များဟာ နှိပ်ကွက်ခဲ့ပါတယ်…ဒီလိုနဲ့ တနှစ်ပြီး တနှစ်ကုန်လွန်လာခဲ့ရာကအစ…….

၁၉၈၈

အဲဒီနှစ်ကတော့အာဏာရှင်များအတွက်စကံဆိုးလာတဲ့နှစ်လို့ပြောမယ်ဆိုရင်လည်းမမှားလောက်ပါဘူး..အစိုးရ ရဲ့စီမံခန့်ခွဲမူ့အမှားတွေ၊အာဏာရူးသွပ်မူ့တွေအတွက်ပေးဆပ်ရတဲ့နှစ်ပါ…..ဒါမတိုင်မှီမှာ…အဆိုးရွားဆုံးဖြစ်ရပ်တခုကတော့ငွေစက္ကူတွေကိုတရားမ၀င်ကျေငြာလိုက်တဲ့အတွက်လူထုတရပ်လုံးအကြီးအကျယ်ထိခိုက်နစ်နာ သွားစေခဲ့တဲ့ကိစ္စပါ……လူထုလက်ထဲမှာလည်ပတ်နေတဲ့ငွေတွေဟာ…အဓိပ္ပါယ်မဲ့…သာမာန်စက္ကူစုတ်လောက် တောင်တန်ကြေးမရှိဖြစ်ကုန်တယ်….မူလအစက…မဆလ(မြန်မာ့ဆိုရှယ်လစ်လမ်းစဉ်ပါတီအစိုးရ)ကိုထောက်ခံနေတဲ့သူတွေတောင်ဒီတချီမှာတော့…တော်တော်ကိုအထိနာကုန်ကြပါတယ်….ပြောမယ်ဆို..အသက်ဆုံးရှုံးသွားတဲ့သူတွေတောင်ရှိပါတယ်…..လူထုတရပ်လုံးရဲ့သီးမခံနိုင်မူ့ဟာ..အထွတ်အထိပ်ကိုရောက်နေပြီ…သို့သော် အစပျိုးမဲ့လမ်းစကိုရှာမတွေ့သေးဘူးဖြစ်နေကြတယ်…ကျွှန်တော်မှတ်မိသေးတယ်…ပထမတကြိမ်ငွေစက္ကူတွေသိမ်းတော့…..တ၀က်လောက်ပြန်လဲပေးသေးတယ်..နောက်တကြိမ်…၇၅ကျပ်တန်တွေကိုတရားမ၀င်ငွေစက္ကူအဖြစ်ကျေငြာလိုက်တော့…လုံးလုံးကိုလဲမပေးတော့ဘူး….ရန်ကုန်မှာဆူပူမူ့တချို့ဖြစ်တယ်…..လှည်းတန်း ကမာရွတ်ဘက်မှာ….မကျေနပ်တဲ့လူတွေက..အစိုးရပိုင်အဆောက်အဦကိုဖျက်ပစ်တယ်…မီးပွိုင့်တွေရိုက်ချိုးကြတယ်…..နောက် ကျောင်းတွေပိတ်ပစ်လိုက်တယ်…..အိမ်ပြန်ဘို့ပိုက်ဆံမရှိတဲ့အဆောင်နေကျောင်းသားတွေကို လမ်းစရိတ်တွေထုတ်ပေးပြီး…အပြန်ခိုင်းလိုက်တယ်…….

ကျောင်းတွေပြန်ဖွင့်တဲ့အခါ….ကျောင်းသားတွေရဲ့မကျေနပ်မူ့အဆိုင်အခဲကြီးကတော့ရှိနေဆဲ….ဒါပေမဲ့ဘယ်ကစရမလည်းမသိဖြစ်နေကြတယ်….ဒီလိုနဲ့နေလာရင်းက…၁၉၈၈မတ်လမှာတော့ရန်ကုန်စက်မူ့တက္က သိုလ်ကျောင်းသားတွေနဲ့..အရပ်သားတွေ..လဘက်ရည်ဆိုင်မှာစကားများရာကအစ…ပြသနာတွေဖြစ်ကြတယ်…ရိုက်ပွဲတွေဖြစ်ကြတယ်…သက်ဆိုင်ရာအာဏာပိုင်များရဲ့အထိန်းအသိမ်းညံ့ဖျင်းမူ့တွေကြောင့်….ပြသနာက အေးချမ်းမသွားပဲ…ပိုကြီးထွားလာတယ်…ရန်ကုန်စက်မူ့တက္ကသိုလ်ကျောင်းသား…ကိုဖုန်းမော်နဲ့ကိုစိုးနိုင်တို့ လုံထိန်းတွေပစ်လိုက်တဲ့သေနပ်နဲ့ သေဆုံးခဲ့ကြတယ်….အဲဒီ့ဂယက်က ရန်ကုန်တက္ကသိုလ်ထိပါကူးစက်ခဲ့ပြီး ကျောင်းသားလှုတ်ရှားမူ့အကြီးအကျယ်ဖြစ်ခဲ့တယ်….တခါ….တန်းစီချီတက်လာတဲ့ကျောင်းသားတွေကို ရန်ကုန်တက္ကသိုလ်အနီး..အင်းလျှားကန်စောင်းမှာရှိတဲ့…တံတားနီမှာ…အကြမ်းဖက်နှိမ်နင်းခြင်းပြင်းပြင်းထံထံခံလိုက်ရတယ်…ကျောင်းသားပေါင်းများစွာကိုလည်း….အင်းစိန်အကျဉ်းထောင်ထဲ့..ဖမ်းထဲ့ထားလိုက်တယ်…..ဒါကိုတော့….၁၉၈၈မတ်လကျောင်းသားလှုတ်ရှားမူ့လို့..နောင်ကာလများမှာသမိုင်းတွင်စေခဲ့ပါတယ်…….ဒီလှုတ် ရှားမူ့မှာထင်ရှားခဲ့တဲ့ကျောင်းသားခေါင်းဆောင်တွေထဲကတော့မင်းဇေယျ(၈၈မျိုးဆက်ကျောင်းသားခေါင်း ဆောင် )နဲ့ကိုဌေးကြွယ်၊လှမျိုးနောင်တို့ပါဝင်ခဲ့ပါတယ်……

၁၉၈၈မတ်လကျောင်းသားလှုတ်ရှားမူ့ဖြစ်တော့ကျနော်ကျောင်းမှာမရှိပါဘူး…နေမကောင်းတာနဲ့ ဇာတိမြို့ကိုပြန်ရောက်နေတော့…အဲဒီ့အကြောင်းလည်းကောင်းကောင်းမသိပါဘူး…..နားရည်ဝအောင်ကြားဘူးတဲ့အဆင့်ပဲရှိပါတယ်…ဒါပေမဲ့နယ်ကနေသတင်းတွေကြားနေရတော့…ရင်ထဲမတော့တော်တော်ခံစားခဲ့ရတာအမှန်ပါ….ကျောင်းတွေကို…ဇွန်လမှာပြန်ဖွင့်ပေးပါတယ်….ကျောင်းတွေပြန်ဖွင့်တော့…ကျနော့သူငယ်ချင်း… ထိန်လင်း၊အောင်လင်း၊ဇော်လင်းအပါဝင်အနီးစပ်ဆုံးပုဂ္ဂိုတွေကကျောင်းသားလှုတ်ရှားမူ့ထဲမှာပါလို့ဆိုပြီးကျောင်းထုတ်ခံလိုက်ရပြီ…သူတို့ကကျောင်းထုတ်ခံလိုက်ရတယ်ဆိုတာကို…မိဘတွေအသိမပေးဘူး..ဟန်မပျက် ကျောင်းလာတက်ကြတယ်…နေစရာအဆောင်ကမရှိတော့ ကျနော့်အခန်းမှာပဲစုနေကြတယ်…( အဲဒီအချိန်မှာ ကျနော်တို့ကစတုတ္ထနှစ်ရောက်နေပြီဆိုတော့တစ်ယောက်ခန်းတွေရတယ်)..နောက်တော့…အဆောင်မူးက.ကျနော့်ကိုခေါ်သတိပေးတယ်….ကျောင်းထုတ်ခံထားရတဲ့ကျောင်းသားတွေကိုလက်ခံမထားဘို့ပေါ့…ကျနော် ထင်ပါတယ်..အဆောင်မူးကလည်းတာဝန်အရသာပြောတာပါ….လက်တွေ့…သူငယ်ချင်းတွေအသာလေးဝင်နေတာကို သိပေမဲ့လည်း…မသိချင်ဟန်ဆောင်နေရှာပါတယ်….

ကျနော်တို့ကကျောင်းကိုသာလာကြတာပါ…ကျောင်းတက်စာသင်မယ်ဆိုတဲ့စိတ်ကူး..တယောက်မှမရှိ တော့ဘူး…လှုတ်ရှားမူ့တွေလုပ်ဘို့ကို စတင်စိုင်းပြင်းဘို့ကိုပဲ…အားသန်နေကြတယ်…..ဘာလို့လည်းဆိုတော့ မကြာသေးခင်ကမှပူပူနွေးနွေးကာလကမှ…ကျနော်တို့ကျောင်းသားတွေသွေးမြေကျခဲ့ရပြီ…ကျောင်းသားပေါင်း ရာနဲ့ချီအင်းစိန်အကျဉ်းထောင်ထဲမှာလည်းရှိနေဆဲဆိုတော့…..တော်တော်များများက…စာသင်ကြားရေးကိုစိတ်မ၀င်စားတော့ဘူး…ရန်ကုန်တက္ကသိုလ်ဝန်းထဲမှာဆို ပိုသိသာတယ်….ကျောင်းသားတွေတော်တော်များများက စာသင်ခန်းတွေထဲမှာမရှိကြပဲ….စာသင်ခန်းပြင်ပက…နေရာတွေဖြစ်တဲ့…စားသောက်ဆိုင်တန်းတို့…အာရ်စီ… .စာကြည့်တိုက်ရှေ့…ဘွဲ့နှင်းသဘင်ခန်းမရှေ့….အဲသလိုနေရာတွေမှာဝိုင်းဖွဲ့ပြီးထိုင်နေကြတယ်…တူရာတူရာအစုလေးတွေဖွဲ့…တီးတိုးကိုယ်စီနဲ့…တယောက်မျက်နှာတယောက်ကြည့်ရင်း…သူနဲ့ကိုယ်မသိတောင်မှ…အကြည့် ချင်းဆုံမိသွားရင်…လက်မထောင်ပြတာမျိုး……..

အပေါင်းသင်းများတဲ့ ကျနော်တို့ ဒီတခါတော့ တော်တော်ကောင်းတယ်ပြောရမယ်….ကျနော် ကိုဇာဂနာနဲ့တွေ့တော့ကျနော်တို့လှုတ်ရှားနေတဲ့အကြောင်းသူ့ကိုတီးတိုးဖွင့်ပြောပြတယ်…ဖြစ်ချင်တော့..သူကလည်း..သူ့နည်းသူ့ဟန်နဲ့လှုတ်ရှားနေတာကိုး….ကျနော်တို့ကိုအကူညီပေးတယ်….ကျနော်ကမြို့ကတယောက်ဆီကနေကဗျာစာအုပ်တအုပ်ယူလာတယ်…ဗားတော့ဂရက်ကဗျာတွေ…အဲဒီထဲက..ကဗျာတွေကို…လက်ရေး တွေနဲ့ကူးရေးတာကူး…နောက်ဖရောင်းစက္ကူပေါ်မှာ..ကညစ်တံနဲ့ရေး…မှင်သုတ်…မီးချောင်းနဲ့လှိမ့်ပြီး…ကော်ပီ တွေပွား…..ညဘက်လူခြေတိတ်ချိန်ဆို…အုပ်စုလိုက်ခွဲပြီး…တက္ကသိုလ်ဝန်းနေရာအနှံ့မှာစာတွေလိုက်ကပ်ကြ တယ်…..ကျနော်တို့လိုပဲ…အခြားသောအုပ်စုတွေကလည်း..သူ့နည်းသူ့ဟန်နဲ့လှုတ်ရှားနေကြတာ….ဒါပေမဲ့…တအုပ်စုနဲ့တအုပ်စုမပေါင်းဆုံမိကြသေးဘူး……….အာရ်စီထဲမှာ…အစိုးရဆန့်ကျင်ရေးစာတွေ….ကပ်တော့… ကျနော်တို့က သုံးဖွဲ့ခွဲထားတယ်….တဖွဲ့က ကပ်…တဖွဲ့က ကင်းစောင့်....အဲဒီ ကင်းစောင့်တဲ့အဖွဲ့နဲ့ ကျန်တဖွဲ့ကပေါင်းပြီး…အဲဒီ့စာကိုဝိုင်းအုံဖတ်ပေးရတယ်…နောက်တော့…ကျောင်းသားအုပ်ကတဖြေးဖြေးနဲ့များလာ…စာထဲမှာပါတဲ့အချက်တွေကိုကျနော်တို့ကအသံကျယ်ကျယ်နဲ့ထောက်ခံဆွေးနွေးပေါ့…တချို့ကျောင်းသူ ကျောင်းသားတွေဆို မှတ်စုနဲ့လိုက်ကူးတာတောင်ရှိတယ်…( သူတို့ကလည်းဆက်ဖြန့်ဘို့များပါတယ် ) ကော်ပီဆိုင်တွေလည်းသွားမကူးရဲဘူးလေ….ဒီလိုနဲ့..မကြာလှတဲ့တနေ့မှာတော့….ကျနော်တို့အင်းဝဆောင်ပေါ်မှာရှိနေခိုက်…ကျောင်းသားတွေရဲ့အော်ဟစ်သံတွေ…ဆူညံထွက်လာတယ်…အာရ်စီရှေ့မှာကျောင်းသားတွေ…ဆန္ဒစပြပြီ…..ကျောင်းဝန်းအတွင်းမှာရှိနေကြတဲ့ကျောင်းသားတွေ….အဲဒီနေရာဆီကိုစုပြုံရောက်လာကြတယ်….

၁၉၈၈ ရဲ့ဇွန်လ ကျောင်းသားလှုတ်ရှားမူ့စတင်ခဲ့ကြတယ်……..

ကျောင်းဝန်းအတွင်းမှာစီတန်းလှည့်လည်ဆန္ဒပြကြတယ်……အာရ်စီရှေ့မှာဟောပြောလုပ်တယ်……ကျောင်း သားတွေ တယောက်ပြီး တယောက်ဟောပြောကြပေါ့….ဇွန်လ ကျောင်းသားလှုတ်ရှားမူ့မှာ…ထင်ရှားခဲ့တဲ့ ကျောင်းသားခေါင်းဆောင်ကတော့….မောင်မောင်ကျော်(ယခုအမေရိကံနိုင်ငံ)ပါ။နောက်မိုးသီးဇွန်…..ကိုကို လတ်အစရှိသူတွေပေါ့…..ဇွန်လကျောင်းသားလှုတ်ရှားမူ့မှာထူးခြားတာက…ကျောင်းသားအရေးလှုတ်ရှားမူ့တင်မကတော့ပဲ…ဒီထက်တဆင့်မြှင့်တဲ့…နိုင်ငံရေးဆီလှမ်းတက်ခဲ့ကြတယ်……ဒီမိုကရေစီသဘောတရားဟာ… ဇွန်ကျောင်းသားလှုတ်ရှားမူ့မှာ စတင်အမြစ်တွယ်ခဲ့ပြီ…….ဖမ်းဆီးခံကျောင်းသားတွေကိုပြန်လွှတ်ပေးဘို့ကို တောင်းဆိုခဲ့ကြတယ်…….ဇွန်ကျောင်းသားလှုတ်ရှားမူ့မှာ…အရေးကြီးတဲ့မူတခုကိုချနိုင်ခဲ့တယ်….ဒါကတော့…….. “ ကျောင်းသားသပိတ်မှသည်….အထွေထွေသပိတ်ကြီးဆီသို့ ” ဆိုတာပါပဲ…..

နောက်မကြာခင်ရက်ပိုင်းအတွင်းမှာပဲမဆလအစိုးရဟာသုံးနေကြဗျူဟာအတိုင်း…ကျောင်းသားလှုတ်ရှားမူ့ဖြစ်လာတဲ့အခါတိုင်းမှာ…ကျောင်းပိတ်တဲ့..စနစ်ကိုအမြဲလုပ်တယ်….ကျောင်းတွေကိုပိတ်လိုက်ပြီ………..ကျနော်တို့ကျောင်းသားအစုတွေကွဲပြားသွားအောင်လုပ်လိုက်တာပေါ့……ဆန္ဒပြကျောင်းသားအများစုကြီးက..ကျောင်းဝန်းအတွင်းကနေပြင်ပကိုထွက်လာခဲ့ကြတယ်……ပြည်သူတွေနဲ့ပူးပေါင်းမယ်….ရန်ကုန်ပြည်လမ်းမကြီးတလျှောက်ချီတက်ခဲ့ကြတယ်…ဒီချီတက်ဆန္ဒပြပွဲမှာ..အခြေခံပညာအထက်တန်းကျောင်းကကျောင်းသူကျောင်းသားလေး တွေပါပါဝင်လာခဲ့ကြတယ်….စမ်းချောင်းမြေနီကုန်းအရောက်မှာလုံထိန်းကားတွေနဲ့..၀င်တိုက်လို့သေကျေခဲ့ရတဲ့ကျောင်းသားတွေရှိခဲ့ပါတယ်……..ဒါကိုမခံနိုင်တဲ့…လူအုပ်ကြီးက…လုံထိန်းတွေမောင်းလာတဲ့ကားကိုအတင်းဝင်တက်ပြီး…ကားပေါ်မှာပါလာတဲ့…လုံထိန်းရဲတွေကိုသတ်ဖြတ်ပစ်လိုက်ကြတယ်….ကျနော်မှတ်မိသလောက်ရန်ကုန်ဆေးရုံကြီးရှေ့အရောက်မှာ…တခါလုံထိန်းအလောင်းတွေကိုတင်လာတဲ့ကားကိုပါ..လူအုပ်ကြီးက…မီးနဲ့ရှို့ ပစ်လိုက်တယ်…..မဆလ အစိုးရက ရန်ကုန်မြို့ကိုပါ အရေးပေါ်အခြေနေ(ပိုဒ်မ၁၄၄ ) ထုတ်လိုက်တယ်လေ…..

ဇွန်လကျောင်းသားလှုတ်ရှားမူ့မှာလူထုနဲ့ကျောင်းသားအတိုင်းအတာတခုထိပူးပေါင်းမိသွားပြီ….. အကြမ်းဖက်သတ်ဖြတ်မူ့တွေကိုမျက်ဝါးထင်ထင်တွေ့မြင်လိုက်ကြရပြီ……လူထုရဲ့မခံနိုင်မူ့တွေဟာအထွတ် အထိတ်ကိုရောက်နေပြီ….တိုင်းပြည်ရဲ့ဆင်းရဲမွဲတေမူ့ဟာ…အောက်ဆုံးကိုရောက်နေပြီ…….

ဒါပေမဲ့…ဒီတချီလည်း….အာဏာရှင်များဘက်က…အသာရနေဆဲပါ……ကျောင်းသားလှုတ်ရှားမူ့ကို အောင်မြင်စွာချေမူန်းနိုင်ခဲ့ပါတယ်………အာဏာရှင်တို့မချေမူန်းနိုင်လိုက်တဲ့…အရာကတော့….နယ်အရပ်ရပ်ကို ပြန်သွားကြမဲ့…ကျောင်းသားများရဲ့အစိုးရဆန့်ကျင်ရေးစိတ်ဓါတ်များကိုတော့သူတို့…..မချေမူန်းနိုင်ခဲ့ပါဘူး…….

ဒါဟာ…၁၉၈၈လူထုအရေးတော်ပုံကြီးဖြစ်ဘို့…အစပျိုးမူ့တခုဖြစ်သွားပြီဆိုတာ…မဆလတစ်ပါတီအာ ဏာရှင်အစိုးရဟာ….သိပ်အလေးနက်မထားခဲ့ပါဘူး….သူတို့ရဲ့လုပ်ရပ်က…ဖြစ်ပေါ်လာသော..အစိုးရဆန့်ကျင် ရေးလူတ်ရှားမူ့တိုင်းကို အကြမ်းဖက်ချေမူန်းဘို့ကိုသာ…အလေးနက်ထားနေကြတာပါ……

နယ်အသီးသီးကိုပြန်သွားကြတဲ့ကျောင်းသားတွေဟာ…၁၉၈၈လူထုအရေးတော်ပုံကြီးရဲ့အမာခံရဲဘော်တွေဖြစ်ကုန်ကြတယ်ဆိုရင်…ဘယ်သူငြင်းချင်ပါသလည်း………

အပိုင်း ( ၂ ) ဆက်ပါဦးမည်……

အားလုံးကိုလေးစားစွာဖြင့်

(မောင်မောင်ဝမ်း)

သတင်းအကျဉ်းချုပ် ...

0 မြောက်ဦး ရှေးဟောင်းဘုရား မူလ စံကျောင်းတွင် ထားရှိရန် ဆရာတော်ဆုံးဖြတ်

ချင်းမိုင်၊ ဇူလိုင် ၂၁၊ ၂၀၁၁ (YPI) -

မြောက်ဦးမြို့ဟောင်းမှ တူးဖော်ရရှိသည့် ရှေးဟောင်း အမွေအနှစ် လောကမဉ္စူ ဘုရားကို အာဏာပိုင်များက မြောက်ဦး ရှေးဟောင်း ယဉ်ကျေးမှုဌာနတွင် ထားရှိရန်အတွက် တောင်းခံနေသော်လည်း လက်ရှိစံမြန်းရာ ကျောင်းတိုက်ဖြစ်သည့် ရတနာမာန်အောင်ကျောင်း ၌သာ ထားရှိမည်ဟု ဆရာတော် အရှင်ဝါယာ မိန္ဒက မိန့်ကြားသည်။

ရတနာမာန်အောင်ကျောင်းထိုင် ဆရာတော်က “ဘုန်းကြီးကတော့ ဘုရားကိုကျောင်းမှာပဲ ဆက်ထားဖို့ ဆုံးဖြတ်ချက်ချထားတယ်။ အာဏာပိုင်တွေကိုတော့ မေတ္တာနဲ့ပြောမှာပါ။ သူတို့ကလက်နက်နဲ့ လာလုယူသွားရင်တော့ မတတ်နိုင်ဘူးပေါ့” ဟု မိန့်ဆိုသည်။

အဆိုပါ လောကမဉ္စူဘုရားကိုပြီးခဲ့သည့် တနင်္ဂနွေနေ့တွင် နိုင်ငံတော်သမ္မတ အမိန့်စာ နှင့် ရှေးဟောင်းယဉ်ကျေးမှု ဌာနညွှန်ကြားချက်ဖြင့် ရခိုင်ပြည်နယ် မြောက်ဦးမြို့နယ် အထွေထွ အုပ်ချုပ်ရေးမှူးနှင့် မြောက်ဦး ရှေးဟောင်း ယဉ်ကျေးမှုဝန်ကြီးဌာနမှ ဒု ညွှန်ကြားရေးမှူး ဦးသိုက်ဦးတို့ ဦးဆောင်ပြီး လာရောက်ပင့်ဆောင်ရန်ကြိုးပမ်းခဲ့သည်။ သို့ရာတွင် ဒေသခံများက တားဆီးခဲ့ကြသဖြင့် မအောင်မြင်ခဲ့ပေ။

“အဓိကကတော့ ယဉ်ကျေးမှုဌာနကို မယုံတော့တာပဲ။ ပြီးခဲ့တဲ့ နှစ်ပိုင်းကတူးဖော်တွေ့ရှိခဲ့တဲ့ ရှေးဟောင်းငွေဒဂါင်္း ၇၃ ပြား ဆိုလည်း အဲဒီဌာနကဒီလိုပဲယူသွားတာ။ အခုသွားကြည့်ကြတော့ အဲဒီဒဂါင်္းတွေမရှိတော့ဘူး။ တခြားရှေးဟောင်းပစ္စည်းတွေဆိုလည်း ပျောက် ပျောက်သွားတယ်”ဟု မြောက်ဦးဒေသခံ တစ်ဦးက ပြောသည်။

ယဉ်ကျေးမှုဝန်ကြီးဌာသို့ ပင့်ဆောင်ရန်ကြိုးပမ်းနေသည့် လောကမဉ္စူဘုရား ဟု ခေါ်ဆိုသော ဈာနမုဒြာဘုရားကို လွန်ခဲ့သည့် မေလ ကုန်က လောကမဉ္စူ စေတီတော်ပြုပြင်စဉ် တူးဖော်တွေ့ရှိခဲ့သည်။ ဘုရားမှာဉာဏ်တော် ၁၂လက္မခန့်ရှိပြီး အလေးချိန် ၄ ပိဿာ ၆၄ ကျပ်သား ခန့် ရှိသည်။

စတင်တူးဖော်တွေ့ရှိစဉ်ကတည်းက ဘုရားကို ရတနာမာန်အောင် ကျောင်းတွင်ထားရှိပြီး ယခုအခါ ဘုရားသီတင်းသုံးရန်အတွက်ကျောင်း ဆောက်လုပ်ရန် အလှူငွေများရရှိထားပြီး ဖြစ်ကြောင်း အရှင် ၀ါယာမိန္ဒ က မိန့်သည်။

“ဘုရားက အပြင်ကသာကြေးကွပ်ထားတာ အထဲမှာရွှေတွေနဲ့ လုပ်ထားတာ။ နောက်အခု ဘုရားဦးခေါင်းတော်မှာအ ပေါက်တစ်ခုဖြစ်နေတယ်။ အဲဒီအပေါက်ကနေအထဲမှာ ရွှေပုရပိုက်တွေ့တယ်။ ဒါကြောင့် သူတို့လိုချင်စိတ် များနေတာပါ”ဟု အရှင် ၀ါယာမိန္ဒက မိန့်သည်။

ဘုရားကို အာဏာပိုင်များ ပင့်ဆောင်ရန် ယခု အကြိမ် ကြိုးပမ်းမှုသည် ဒုတိယအကြိမ်မြောက်ဖြစ်ပြီး ဘုရားတူးဖော်တွေ့ရှိပြီးသည့် ဇွန်လဆန်းပိုင်းတွင်လည်း ပထမအကြိမ် ပင့်ဆောင်ရန်ကြိုးပမ်းခဲ့ကြဖူးသည်။ ထိုစဉ်ကတည်းက ဒေသခံများ ၀ိုင်းဝန်းတားဆီးခဲ့ သောကြောင့် အောင်မြင်မှုမရခဲ့ပေ။ ဒုတိယအကြိမ်တွင် လည်း ဒေသခံအင်အား ၂၀၀၀ ခန့်က ထပ်မံတားဆီးခဲ့ပြန်သည်။

ထိုပြဿနာကို ခရီးသွားနေသည့် ဆရာတော်အရှင် ၀ါယာမိန္ဒ ပြန်ရောက်မည့် ဇူလိုင်၂၄ရက်နေ့တွင် ဆရာတော် ၏ ဆုံးဖြတ်ချက်ကို ဒေသခံများက လက်ခံသွားမည်ဖြစ်ကြောင်း ရခိုင် တိုင်းရင်းသား တိုးတက်ရေး ပါတီမှ တာဝန်ရှိသူ တစ်ဦးက ပြောသည်။

ယခုအခါ အရှင်ဝါယာမိန္ဒသည် အမေရိကန်နိုင်ငံ ခရီးစဉ်မှ ပြန်လည်ရောက်လာပြီး လောလောဆယ် သီတင်းသုံးနေသည့် ဝေါမြို့နယ်မှ မြောက်ဦးသို့ လာမည့်ရက်ပိုင်းအတွင်း ကြွမည်ဖြစ်ကြောင်း သိရသည်။
Yangon PressInternational

သတင်းအကျဉ်းချုပ် ...

2 ၂၀၁၁၊ ဇွန် ၂၇ ရက်နေ့က မန္တလေးကျောက်ဝိုင်းမှာ ဖြစ်ပွားခဲ့တဲ့ တရုတ်-ဗမာ ရန်ပွဲကစတဲ့ အရေးအခင်းဗီဒီယိုဖိုင်

၂၀၁၁၊ ဇွန် ၂၇ ရက်နေ့က မန္တလေးကျောက်ဝိုင်းမှာ ဖြစ်ပွားခဲ့တဲ့ တရုတ်-ဗမာ ရန်ပွဲကစတဲ့ အရေးအခင်းဗီဒီယိုဖိုင် (အပိုင်း ၁)

၂၀၁၁၊ ဇွန် ၂၇ ရက်နေ့က မန္တလေးကျောက်ဝိုင်းမှာ ဖြစ်ပွားခဲ့တဲ့ တရုတ်-ဗမာ ရန်ပွဲကစတဲ့ အရေးအခင်းဗီဒီယိုဖိုင် (အပိုင်း ၂)

ဧည့်ဗီဇာနဲ့ တရုတ်ပြည်သား တရုတ်ကျောက်သမားငါးယောက်နဲ့ ဗမာကျောက်သမားတစ်ယောက် ကျောက်ရောင်း/၀ယ်ကိစ္စနဲ့ ပတ်သက်ပြီး အချင်းများရာက တစ်ယောက်သောဗမာ ခံရရာ တရားခံ တရုတ်များကို ဗမာများစွာ ၀န်းရံထားပြီး နိုင်ငံတော်သီချင်း ၀ိုင်းဆိုကြတဲ့ ဇာတ်လမ်းပါ။
ရဲများက တရုတ်များကို လက်ထိပ်ခတ်ကာ လူတွေကြားထဲကနေ ထုတ်ယူသွားပါတယ်။
နောက်သိရတာက အဲဒီတရုတ်များကို တရုတ်သံရုံးဆီ ပြန်အပ်လိုက်ရပြီး အဲဒီတရုတ်တွေကို တရုတ်ပြည်ကို ပြန်လွှတ်လိုက်ကြောင်းသိရပါတယ်။

Nyo Gyi Facebookမှ

သတင်းအကျဉ်းချုပ် ...

0 ၆၄ နှစ်မြောက် အာဇာနည်နေ့ အထိမ်းအမှတ်အဖြစ် ဘလောက်ဂါကိုနေဘုန်းလတ်ဂုဏ်ပြုဖွဲ့ဆိုသောကဗျာ

သူ့မျက်နှာကို မော့ကြည့်တိုင်း
ကျွန်တော့်ရဲ့ မာန်မာနတွေ သိမ်ဖျော့မှေးမှိန်သွား
ကြီးမြတ်သော ပေးဆပ်စွန့်လွှတ်ခြင်းမှာ
လုပ်မြဲအလုပ်တစ်ခုလို သူရိုးရှင်းတည်ငြိမ်ခဲ့ပုံက
အသံကျယ်တဲ့ သင်္ကြန်အမြောက်တွေကို အရှက်ရစေခဲ့
သူ့မျက်နှာက ခက်ထန်မာကြောသယောင်ယောင်
ဒါပေမယ့် … သူ့ရဲ့ အားပြင်းတဲ့ စိတ်အလင်းရောင်မှာ
သူ့ရဲ့ တည်ကြည်လေးနက်ခြင်းက မဲညစ်ပိတ်မှောင်မနေခဲ့
တိုင်းပြည်နဲ့လူမျိုးကို ချစ်ခြင်း
လွတ်လပ်မှုနဲ့ ငြိမ်းချမ်းရေးကို မြတ်နိုးခြင်း
သူ့နှလုံးသားက အဲဒီအားနှစ်ခုတည်းနဲ့ ထိန်ထိန်လင်းတယ်
အဲဒီအလင်းကို ကျွန်တော့်ရင်ဘတ်ဆီ နှလုံးသားချင်း ချိတ်ဆက်စီးကူး
ကျွန်တော့်ရင်ခုန်သံတွေ ပူနွေးပြင်းရှမှုတစ်ခုနဲ့ တက်ကြွတောက်မြူးခဲ့ … ။

သူ့မျက်နှာကို မော့ကြည့်တိုင်း
ကျွန်တော့်ရဲ့ သိမ်ငယ်စိုးထိတ်မှုတွေ အားပျော့ကင်းစင်သွား
သူ့ရုပ်သွင်ရဲ့ သတ္တိရသက
ကျွန်တော့်စိတ်ဓါတ်ကို ဆွဲယူထူမတယ်…
သူ့သွေးတွေရဲ့ လတ်ဆတ်ပူနွေးမှုက
ကျွန်တော့်သွေးကြောတွေထဲ ဖောက်ဝင်စီးဆင်းတယ်…
ကျွန်တော့်အခန်းကျဉ်းလေးရဲ့ တိတ်ဆိတ်မှုထဲမှာ
သူ့စကားသံတွေ အသံမဲ့ပဲ့တင်ထပ်
တစ်သားတည်းကျသွားတဲ့ စိတ်ဓါတ်ခွန်အားနဲ့
သူမက်ခဲ့တဲ့ အိပ်မက် ကျွန်တော် ဆက်မက်တယ်
တစ်ထပ်တည်းကျသွားတဲ့ ရင်ခုန်သံစည်းချက်နဲ့
သူပျိုးခဲ့တဲ့ တစ်ပွင့်ပန်း ကျွန်တော် ဆက် လက်ဆင့်ကမ်းမယ်
သူချစ်ခဲ့သော တိုင်းပြည် သူမျှော်လင့်တဲ့အတိုင်း တည်စေဖို့
နီစွေးပြတ်သားသော ရဲရင့်ခြင်းနဲ့
ကျွန်တော် ရှေ့ဆက်ချီတက် ထမ်းရွက်မယ် …။

ကျွန်တော်တို့လမ်းရဲ့ ခက်ခဲကြမ်းတမ်းမှုတွေ
သူလျှောက်ခဲ့ရတဲ့လမ်းလောက် ဆိုးဝါးပြင်းထန်ခဲ့သလား
ကျွန်တော်တို့ခရီးရဲ့ ရှုပ်ထွေးခဲယဉ်းမှုတွေ
သူနှင်ခဲ့ရတဲ့ခရီးလောက် ပွေလီကျပ်တည်းခဲ့သလား
ဦးနှောက်တွေ ဆူဝေပေါက်ကွဲလုမတတ်
သူတွေးခေါ်တွက်ချက်ခဲ့သလောက်
ကျွန်တော်တို့တွေ ဘယ်နှစ်ယောက်များ အားထုတ်ခဲ့ကြဖူးသလဲ
အိပ်လဲ ဒီစိတ် စားလဲ ဒီစိတ် သွားလဲ ဒီစိတ်နဲ့
သူ စွဲစွဲလမ်းလမ်း တောင့်တရယူပေးခဲ့တဲ့ လွတ်လပ်ရေး
အဲဒီ… လွတ်လပ်ရေးဆိုတာအတွက်
ကျွန်တော်တို့ သူ့လောက် ရူးသွပ်ပေးဆပ်ခဲ့ကြရဲ့လား
မေးခွန်းတွေများစွာက
ကျွန်တော့်ရင်ကို တွန်းထိုးတူးဆွကြ
သူ့မျက်နှာကို မော့ကြည့်တိုင်း
ကျွန်တော့်ကိုယ်ကျွန်တော် အားမလို အားမရ ဖြစ်မိတုန်းပဲ …. ။

နေဘုန်းလတ်

၆၄ နှစ်မြောက် အာဇာနည်နေ့ အထိမ်းအမှတ် ( ဘားအံ အကျဉ်းထောင် မှ ဂုဏ်ပြုဖွဲ့ဆိုပါသည် )

သတင်းအကျဉ်းချုပ် ...

0 အကျဉ်းကျခံနေရသောမိခင် မထက်ထက်ဦးဝေ၏သမီးကြီး ရွှေပြည်သာနေအိမ်တွင် ကွယ်လွန်အနိစ္စရောက်။

သတင်းအကျဉ်းချုပ် ...

0 အခါလည်းနှောင်းခဲ့ပြီ လွမ်း အဉ္ဇလီ ရေး ... ချမ်းငြိမ်း

တစ်ခါတစ်ရံ လသာတဲ့ညမှာဆို အတူတူတစ်ယောက်ကိုတစ်ယောက်မှီပြီး အရသာခံဖို့ ချစ်သူကို အောက်မေ့ကြတယ်။ မိုးအုံ့ တဲ့ညနေပိုင်းတွေကျ အထူးသဖြင့် အိမ်နဲ့ အဝေးကြီးမှာ ရောက်နေတဲ့အခါဆို
အမေ့ရင်ခွင်မှာပြန်ခိုချင်တဲ့စိတ်ဖြစ်မိတယ်။ ဆီးနှင်းတွေပိန်းပိတ်မှောင်ပြီး တကယ်ခိုက်ခိုက်တုန်အောင်
ချမ်းတဲ့ ဆောင်းညတွေမှာကျ ဘ၀ကြင်ဖော်ရဲ့ ရင်ငွေ့ ကို လှုံချင်ကြပြန်တယ်။ အားလုံးအားလုံး ပျော်ရွှင်
ကခုန်လေ့ရှိတဲ့ မီးပုံပွဲတွေကျပြန်တော့ အိမ်က ကလေးတွေ၊ ညီအစ်ကိုဆွေမျိုးတွေကို သတိရပြန်တယ်။

ဘာအတွက်နဲ့ ဘယ်နေရာ၊ ဘယ်အချိန်မှာ၊ ဘာတွေလုပ်နေနေ လူ့ သဘာဝအရ အရင်ပက်သက်
ဆက်ဆံခဲ့ဖူးတဲ့ အခြားသူတွေကို အမှတ်တရရှိကြတာချည်းဘဲ။ ။

(တေးရေးစိုင်းခမ်းလိတ်၏ ကိုမောင်မောင် (မဇ္ဈိမလှိုင်း)သို့ ဂုဏ်ပြုခြင်းစာစုမှ..)


(၁)

ယခုနှစ်ပိုင်းအတွင်း တစ်ခါတစ်လေပေါ်ထွက်လာသော ကိုယ်ပိုင်သံစဉ်သီချင်းကောင်းအချို့ ကြားရ
သည့်အခါ တစ်စုံတစ်ခုလိုအပ်နေသလိုခံစားရပါသည်။ ထိုတစ်စုံတစ်ခုကို တွေးတောကြည့်သောအခါ
သီချင်းတွင်ပါဝင်သော (Music)ဂီတအသံပိုင်းကို စဉ်းစားမိပါသည်။ ရံဖန်ရံခါပေါ်ထွက်လာသော ကိုယ်ပိုင်
သံစဉ်သီချင်းကောင်းလေးတွေမှာ (Vocal)အဆိုပိုင်း အားကောင်းသော်လည်း (Instrument)တူရိယာပိုင်း
အားနည်းနေသည်ဟု ခံစားမိပါသည်။ ဆိုရလျှင် ဂီတတူရိယာပေါင်းစုံ အသံစုစည်းမှုအားနည်းခြင်း (ဥပမာ-
လေမှုတ်တူရိယာ မပါဝင်ခြင်း)နှင့် သီချင်းတစ်ပုဒ်လုံးအား စီမံပေါင်းစပ်မှု (Agreement) အားနည်းခြင်းတို့ 
ကို ကြားသိခံစားရပါသည်။ ထိုအခါမျိုးမှာ သူ့ ကိုအထူးသတိရမိလေသည်။ သူဆိုသည်မှာ အများကခေါ်
ကြသော အဉ္ဇလီမောင်မောင်...။


(၂)

၁၉၈၀ ၀န်းကျင်နှစ်များမှာ ခိုင်ထူးသီချင်းများ အလွန်အောင်မြင်နေပါ၏။ မင်းသိပါ၏၊ သီချင်းတစ်ပုဒ်
ပန်းတစ်ဆုပ်၊ လေးမြားတစ်လက်နဲ့ သီချင်းသည်၊ အဉ္ဇလီ၊ နေညိုချိန်အတွေး၊ အိမ်အလွမ်း.. ခိုင်ထူး၏
အားပါသော ဆိုဟန်မှာ လူငယ်ထုကို လွှမ်းမိုးသွား၏။ ထို့ နောက် မရှေးမနှောင်းမှာပင် အဆိုတော်ခင်မောင်
တိုး၏သီချင်းများ ဆက်တိုက်ပျံ့ လွင့်လာပြန်သည်။ အဉ္ဇလီအတွက် ဂီတဉ္ဇလီ၊ စောင်းကြိုးရှိုက်သံ၊ ကြိုးမဲ့
ချည်တိုင်.. သီချင်းတွေ နားထောင်ရင်း တေးရေးသူ မောင်မောင်ဆိုသူကို ဦးညွှတ်လေးစားနေမိသည်။
ဒီလိုနဲ့ မောင်မောင်ရေးသောသီချင်းတွေကို ဂရုတစိုက်နားထောင်ဖြစ်ခဲ့သည်။ သိပ်မကြာပါ။ သင်္ကြန်မိုး
ဇာတ်ကားရုံတင်သည်။ ဇာတ်လမ်းစပြတော့ စာတမ်းထိုးသည့်အခါ မင်းသမီး၊ မင်းသားအမည်ကို အရင်မထိုး။
ဇာတ်ကားကိုဖန်တီးသော ဂီတမှုးများ၏အမည်ကို အရင်ထိုး၏။ သည်မှာ ကိုမောင်မောင့်နာမည်ကို မြင်ရ
သည်။ အမျိုးသားယဉ်ကျေးမှုကိုဖော်ကျူးသော တေးသံစုံဇာတ်ကားမို့ ဂီတမှုးတွေအမည် ဦးစားပေးရေးထိုးပုံ
ရသည်ဟုနားလည်ခဲ့သည်။ သင်္ကြန်မိုးဇာတ်ကားနှင့်အတူ ကိုမောင်မောင်ရေးသော သင်္ကြန်မိုးသီချင်းမှာ
မြန်မာပြည်တစ်ဝန်း ပျံ့ လွင့်သွားပါတော့သည်။ လူတိုင်းပါးစပ်ဖျားမှာ “မိုးပြေးလေးရေ သင်္ကြန်မိုးပြေးရေ
စိုရုံဖျန်းပက်ဦး”ဖြစ်ကုန်ပါသည်။ သည့်နောက် ခင်သန်းနုနှင့် ဇင်ဝိုင်းပါဝင်သော မမစိမ်းဇာတ်ကား၊ မေသန်းနုနှင့် ဇင်ဝိုင်းပါဝင်သော ဒဏ္ဍာရီဇာတ်ကား ကြည်နူးဆွတ်ပျံ့ ဖွယ်လူငယ်တို့ ၏ ချစ်ခြင်းမေတ္တာဖွဲ့ ကို ရိုက်ကူးထားသော ဤဇာတ်ကားများက ရင်ကို တစ်ခါတည်းစွဲသွားစေပါသည်။ ထိုဇာတ်ကားများနှင့်အတူ ကိုမောင်မောင်ရေးဖွဲ့ သော ရိုးရိုးလေး၊ နှင်းဆီပန်သူ၊ ပန်းချစ်သူ၊ မဖြေသာပါဘူး၊ ရွာမယ်ဆိုရင်လေ၊ ဒဏ္ဍာရီ၊ သစ္စာတော်ဦးသီချင်းတွေက ရင်ကို လှုပ်ခတ်စေခဲ့သည်။

သြော်.. ဂီတအနုပညာရှင်ကိုမောင်မောင်၊ ဂီတအသံသစ်တွေဖန်တီးဖို့ ၊ သီချင်းကောင်းတွေရေးသားဖို့ ဤမြေကမ္ဘာမှာ လူဖြစ်လာသည်ဟုဆိုထိုက်သောကိုမောင်မောင်၊ သူ၏အနုလက်ရာတွေထဲမှာ လူငယ်ဘ၀များယစ်မူးခဲ့ရသည်။ ငြိမ့်ငြိမ့်မူးမူး ကြည်နူးဆွတ်ပျံ့ ဖွယ်သံစဉ်များ...

၈၈ မတိုင်ခင်ကာလတွေမှာ ကိုမောင်မောင်အပါအ၀င် မဇ္ဈိမလှိုင်းအဖွဲ့ သားတွေကို အင်းလျားတံတားဖြူဘက်မှာ တွေ့ ရတတ်သည်။ ခရမ်းပြာအဆောင်မှာနေကြမှန်းသိရသည်။ တစ်ခါတစ်ခါ တဲပုတ်ကြီးပမာဖွင့်လှစ်ထားသော မြမေတ္တာခြံထဲကလက်ဖက်ရည်ဆိုင်မှာ စုဖွဲ့ ထိုင်နေကြတာ မြင်တွေ့ ရပါသည်။

သည်အချိန်မှာ မဇ္ဈိမလှိုင်းသည် အထင်ကရတီးဝိုင်းကြီးဖြစ်နေပါပြီ။ ကိုခင်မောင်တိုး၏အသံ သြရှရှနဲ့ 
ကိုရဲလွင်၊ ကိုနေ၀င်း၊ ကိုမောင်မောင်တို့ ၏တေးသီချင်းများ လူငယ်တို့ ၏ရင်ထဲ အရှိန်အဟုန်ပြင်းစွာ စီးဆင်း
နေရာယူထားခဲ့ပါပြီ။ မဟာဆန်သူ၊ ကြိုးကြာသံ၊ မျက်သွယ်၊ ရောင်စဉ်ခုနစ်သွယ် စီးရီးတွေက ချည်နှောင်တုတ်ဖွဲ့ ထားကြသည်။ အထူးသဖြင့် သံစဉ်ဖန်တီးမှုဆန်းသစ်သော၊ လှပထူးခြားသော ကိုမောင်မောင့်သီချင်းတွေကိုစွဲလမ်းခဲ့ရပါ၏။ ကိုမောင်မောင့်သီချင်းများသည် မြန်မာရနံ့ စကားလုံးတို့ ဖြင့် ထုံသင်းကာ သံစဉ်ပိုင်းကငြိမ့်ညောင်းပြေပြစ်ပြီး တီးကွက်များက ဆန်းသစ်မြူးကြွနေပေသည်။ သံစဉ်နှင့်စာသား တစ်ထပ်တည်းကျသလို တီးကွက်တီးလုံးအရ စာတစ်လုံးချင်း ခွင်ကျလွန်း၍ အံ့သြခဲ့ရသည်။ ကိုမောင်မောင်ရေးခဲ့သောသီချင်းများတွင် အကြောင်းအရာကို ဘောင်ခတ်မထား၊ အချစ်သီချင်းများသာမက ဘ၀ဒသနပါဝင်သော၊ တရားဓမ္မနှင့်သက်ဆိုင်သော လူ့ ဘ၀မေးခွန်းများကို သီချင်းထဲ ထည့်သွင်းရေးဖွဲ့ ထားပါသည်။ ကိုမောင်မောင်ရေးခဲ့သောအချစ်သီချင်းများတွင် စာသားနုရွမှုအပိုင်းကို အောက်ပါသီချင်းများ၌ မြင်တွေ့ ရပါမည်။

မှုန်နံ့ သာခြယ် မို မို့ ပါးပြင်ထက်မှာ ခိုတွယ်နိုင်စွမ်းမယ့် မျက်ရည်စမ်းရယ် ပျော်ရွှင်ဖွယ်နေ့ ရက်လေးကိုနွမ်းအောင် ငိုသံနဲ့ အဆုံးမသတ်လိုက်ပါနဲ့ ... (ဂျက်မြသောင်း ဆို - မကြားရက်လို့ ပါလေ)

တကယ်ဘဲဝမ်းနည်းမိတယ် တို့ ရင်ထဲကချစ်သူရယ် ခရမ်းပြာပန်းလေးတစ်ပွင့်မို့  ပန်းလို့ သူမမြင်ဘူးကွယ်.

.. (မီမီဝင်းဖေ ဆို - မဖြေသာပါဘူး)

နှစ်ဦးသားတွေ့ ရင် ကလေးလေးတစ်ယောက်လို တိုးဝှေ့ ချွဲတတ်သူရယ် ချစ်တဲ့ရင်ခွင် ခေါင်းလေးဝှက်လို့ 

ပန်းမွေ့ ရာမှာ နားချင်သေးတယ်ဆိုသူရယ်၊ ချစ်သူ့ မျက်နှာ အိပ်စက်တဲ့အခါ တရေးရေးစိုက်လို့ ကြည့်ရင်း

သူ့ ရဲ့ ရင်ခွင် ချမ်းမြေ့သွားလို့ ပန်းသမျှခြေရာ အနွမ်းတွေ လွင့်ပြယ်ပါစေကွယ်... (မီမီဝင်းဖေ ဆို - တစိမ့်စိမ့်

ရင်ထဲမယ်)

ဇာတိမ်ကန့် လွှာ ပိတ်ဆီးကာစေ မှိန်ပေမယ့် ထွင်းလို့ ထိုးဖောက်နိုင်ရုံလေး ကိုယ်ယောင်ပြသလို မထည်ဝါလည်းလေ အာရုံဝယ်ရှင်းရှင်း တို့ ကမြင်နေရင်း ချစ်သောသူရယ် မောင့်အနားမှာကွယ် ရင်ခွင်မှာ လွှဲခို ယီးလေးယိုနွဲ့ လို့  ထိုစဉ်က ရွှန်းစိုလပြည့်ည၀န်းမို့  အခါခါပြန်တမ်းတ လွမ်းညမှတ်တမ်းအို... (ဒင်းနစ် ဆို - လမင်းသာ

ချိန်)

“အဉ္ဇလီမောင်မောင်ဟာ စန္ဒယားဆရာမို့ လားမသိဘူး။ သူ့ သီချင်းတွေကိုတီးရင် တစ်လုံးကျန်ရင် ကျန်သလိုသိပ်သိသာတယ်။ တီးကွက်တစ်လုံးချင်းကို စာသားတစ်လုံးချင်းနဲ့  ချိတ်ဆက်ထားတာကြောင့် တစ်လုံးဆို တစ်လုံး ကျန်ခဲ့ရင်သိသာပါတယ်”ဟု ဂီတနှင့် အကျွမ်းတ၀င်ရှိသည့် မိတ်ဆွေတစ်ဦးက ပြောဖူးပါသည်။ ကိုမောင်မောင်သည် ယင်းသို့ စကားလုံးတစ်လုံးချင်း တွဲသီထားသော အချစ်သီချင်းများသာမက...

ရေစီးရဲ့ သဘောလည်း စောကြောသေချာစွာ ငါမသိ လှိုင်းဝဲဂယက်အထာကိုလည်း မကျွမ်း သက်လုံကလည်းမစေ့နဲ့  သို့ သော်လည်းလေ မြစ်ထဲကို ငါခုန်ချခဲ့၏... (နွေအိပ်မက်)

လူမှုရေးဘ၀ရဲ့ ပျော့ကွက်တွေကို နင်းချေနေရင်း ဟန်ဆောင်ခြင်းညရဲ့  ထောင်ချောက်အတွင်းဝကို ငွေနဲ့ ဖုံးကွယ်လို့  ကွယ်ကာရယ် လောကငရဲကို ကွန်းခိုစခန်းယောင်ယောင်၊ ထင်အောင်မြင်အောင် ဖန်ဆင်းထားတယ်

... (ရာပြည့် ဆို - ပြဌာန်းချက်)

စိန်ခေါ်နေတဲ့လမ်း နက္ခတ်နဲ့ စီးချင်းထိုးကာ ပြန်လှန်ပစ်ပြီးတော့ အမေအို မျှော်မယ်မှန်းလည်း သိလျက်နဲ့ ခရီးကြမ်းဖျက်ကာ ပြန်မလာနိုင်သေးခင်... (ခိုင်ထူး ဆို - အိမ်အလွမ်း)

မျိုးဆက်ရဲ့ အားမာန်တစ်ခုပါ လမ်းကြောင်းမှန်ရွေးချယ်ခြင်း အများနည်းတူ သက်လုံမကောင်းရင် မွေးဖွားရာအရပ်ဆီ မိုင်ထောင်ချီပျံနေရင်း ကြိုးကြာငှက်တချို့ လေ ချီလာစဉ်ကျန်ရစ်ပြီ... (ခင်မောင်တိုး ဆို - ကြိုးကြာသံ)

အစရှိသည့် အတွေးအခေါ်ပါသည့် ဒသနဆန်သောသီချင်းများကို ရေးခဲ့ရုံမက ပို၍နက်ရှိုင်းသော တရားဓမ္မဆန်သည့် သီချင်းများကိုလည်း ဆက်လက်ရေးဖွဲ့ ခဲ့ပါသည်။

ဆည်းလည်းလေးများပြတဲ့တရားသံကို စမ်းချောင်းလေးတို့ ဇွဲနဲ့ အားမာန်နဲ့  ပေါင်းစပ်ပြီးကျင့်ခဲ့ရင် အေးငြိမ်းတဲ့ သစ်ရိပ်မှာ စွန့် လွှတ်မှုနဲ့ ခွင့်လွှတ်စဉ် ငြိမ်းသွားလိမ့်မယ်တဲ့... (ခင်မောင်တိုး ဆို - ဆည်းလည်းလှိုက်သံ)

ရေဟာတကယ်ဆို အရောင်အဆင်းမဲ့ ဆိုးတဲ့အရောင်အတိုင်း လိုက်လို့ သာ စွန်းရစ်ထင်သလိုဘဲ တွယ်တာငြိတဲ့အာရုံနောက်လိုက်က လူရဲ့ သဘောလည်း ရေအတိုင်းဘဲ ရောင်စုံစွန်းထင်းခဲ့တဲ့စိတ်ကို ဖြူစင်အောင် ပြန်ဖွပ်ဦးမယ်... (ဒင်းနစ် ဆို - ငြိမ်သက်ခြင်း)

၁၉၈၈ မုန်တိုင်းထန်ကာလ နောက်ပိုင်း ၉၀ ၀န်းကျင်နှစ်တွေမှာ ဗိုလ်တထောင် Y.M.C.A အနီး ၄၇ လမ်းလက်ဖက်ရည်ဆိုင်မှာ နံနက်တိုင်းလိုလို ကိုမောင်မောင့်ကို တွေ့ ရတတ်သည်။ ကိုခင်မောင်တိုးနှင့်အတူ မြင်တွေ့ ရသောကိုမောင်မောင်မှာ ကျန်းမာရေးကောင်းပုံမရ။ သို့ ပါသော်လည်း လက်ထဲမှာ ဆေးပေါ့လိပ်နှင့်ပါဝါမျက်မှန်ထူထူအောက်မှ အမြဲတစေ တွေးတွေးဆဆကြည့်တတ်သော ကိုမောင်မောင့်မျက်လုံးတွေမှာ ရီဝေမှုန်မှိုင်းယှက်သန်းနေပါသည်။ စကားဝိုင်း၌ ကိုမောင်မောင်သည် စကားသိပ်မပြော၊ တစ်စုံတစ်ရာကို အလေးအနက်ထား စဉ်းစားနေဟန်သာ မြင်တွေ့ ရလေ့ရှိသည်။ နောက်တော့ မန္တလေးပြန်သွားတာ ကြားသိရ၏။

သီချင်းအသစ်တွေလည်း မတွေ့ ရ။

၁၉၉၅ မတ်လ နေပူပူလောင်ကျွမ်းသောတစ်နေ့ တွင် သတင်းစာမှာ နာရေးကြော်ငြာတွေ့ ရ၏။

ဦးမောင်မောင် (အဉ္ဇလီ)

အသက် ၄၇ နှစ်

နှမြောတသစိတ်ဖြင့် ကြေကွဲရလေသည်။

(၄)

တစ်စွန်းတစ်စပြန်လည်ကြားသိရသောသတင်းတွေအရ ကိုမောင်မောင်မကွယ်လွန်မီ နောက်ဆုံးနှစ်တွေ
အကြောင်း ရံဖန်ရံခါစဉ်းစားနေမိပါသည်။ နောက်ဆုံး သုံး လေး နှစ်တွေမှာ ကိုမောင်မောင်ဘယ်လိုနေထိုင်ခဲ့
ပါသလဲ။ လူသူအပေါင်းအသင်းနဲ့ ဝေးရာမှာ ဘာ့ကြောင့် သူနေချင်ခဲ့တာလဲ။ သူ့ ဂီတအနုပညာကို သူ ယုံကြည်မြတ်နိုးသလောက် ခွဲခြားဆက်ဆံခံရသောဝန်းကျင်ကို နာကြည်းခဲ့လေသလား။ ရန်ကုန်မှ မန္တလေးပြန်သွားတိုင်းပြန်သွားတိုင်း ခါးသီးနာကျင်မှုများနဲ့ ကြုံခဲ့ရပါသလား။ အဉ္ဇလီသီချင်းကို ကျပ်သုံးရာ့ငါးဆယ်ဖြင့်သာ ရောင်းခဲ့ရပြီး သီချင်းရေးခ ထောင်ဂဏန်းမျှသာရသော သူ့ ဘ၀အခြေအနေနှင့် ဘ၀ရပ်တည်မှုကို ဂီတစာဆိုကြီးမြို့ မငြိမ်းမကွယ်လွန်မီ နောက်ဆုံးခံစားမှုတွေနှင့် နှိုင်းယှဉ်နေခဲ့ပါသလား။ မြို့ မငြိမ်းဆုံးတော့ ၄၆ နှစ်၊ ကိုမောင်မောင်ဆုံးတော့ ၄၇ နှစ်။ သမီးလေးတွေကို နေ့ စဉ် ကျောင်းကြိုပို့ လုပ်ကာ မိသားစုတာဝန် ဘာ့ကြောင့် သူ ကျေပွန်ခဲ့ချင်တာပါလဲ။ ပဲလှော်ချောင်ထဲက တယောကိုထွန်းရဲ့ အိမ်လေးမှာ ဘာ့ကြောင့် တစ်ယောက်တည်း သွားနေခဲ့ပါသလဲ။ အဖြေကတော့ ကာယကံရှင် ကိုမောင်မောင့်ထံမှာသာ ရှိပါလိမ့်မည်။

တကယ်တော့ ဂန္ထ၀င် သင်္ကြန်မိုးသီချင်းကိုရေးခဲ့သော ကိုမောင်မောင်သည် မူလတန်းကျောင်းသား ဘ၀ တည်းက စန္ဒယားပညာကို နိုင်ငံတကာသုံးဂီတသင်္ကေတဖြင့်စနစ်တကျသင်ကြားခဲ့သူ၊ မြန်မာမှုအနုပညာ
အပေါင်း ခညောင်းသော မန္တလေးရွှေမြို့ တော်ကြီးမှာ ဂီတပညာရှင်များဖြစ်သော မြို့ မငြိမ်း၊ဓားတန်းဦးသန့် ၊စန္ဒယားဦးသိန်းမောင်တို့ ၏ အနုပညာအမွေဆက်ခံသူ အနုပညာမျိုးဆက်၊ မြို့ မတူရိယာတီးဝိုင်းကြီးမှာ စန္ဒယားတီးခဲ့သူ၊ ဂန္ထ၀င် (Classical) ဂီတကို စန္ဒယားနှင့် ဂီတာ နှစ်မျိုးလုံးကျွမ်းကျင်ပိုင်နိုင်စွာ တီးခတ်နိုင်သူ၊ မြန်မာသီချင်းကြီးသီချင်းခန့် များကို ခေတ်ပေါ်ဂီတာနှင့် တီးခတ်နိုင်စွမ်းရှိသူ၊ သတင်းစာဆရာ စာရေးဆရာမကြီးလူထုဒေါ်အမာ၏ တူသားဖြစ်ရုံမက သစ်လွင်ဆန်းသစ်သော သီချင်းနှင့် ဂီတသံစဉ်မျိုးစေ့များကို ကမ္ဘာမြေပေါ်ကြဲပက်ထွန်ယက်ခဲ့သူပါရမီရှင် အနုပညာသည်ဖြစ်ပါသည်။



(၅)

လူအတော်များများက ကိုယ့်ကောင်းကင် ကိုယ်မြင်အောင်ကြည့်ရမှန်းမသိ၊ ကြည့်နိုင်စွမ်းမရှိချိန်မှာ ကိုမောင်မောင်ကတော့ သူ့ ကောင်းကင် သူပြန်မြင်ခဲ့ရုံမက ကိုယ်တိုင်ပင် စိတ်တိုင်းကျ ရောင်စုံခြယ် တက် ရေးဆွဲခဲ့သူဖြစ်သည်ကို သူ့ ဂီတအနုပညာက သက်သေခံနေပါသည်။

(၆)
ကိုမောင်မောင်ဆုံးပြီးတော့ ဘာ့ကြောင့်ရယ်မသိ၊ ကိုမောင်မောင့်ဇနီးကကိုမောင့်မောင့်အဆုတ်အား
ရိုက်ထားသောဓာတ်ပုံကို တေးရေးကိုနေ၀င်းထံ ပေးအပ်ခဲ့ပါသည်။ ။



ချမ်းငြိမ်း

(7 DAY NEWS ဂျာနယ်၊ အတွဲ ၁၀၊ အမှတ် ၁၈၊ ဇူလိုင် ၂၁၊ ၂၀၁၁ ခုနှစ်ထုတ်မှ ကူးယူဖော်ပြပါသည်)

မျှဝေသော ကိုအောင်မျိုးထွန်းအားကျေးဇူးတင်ရှိပါသည်..

သတင်းအကျဉ်းချုပ် ...

0 မြစ်ကြီးနားရှိ ကချင် စစ်ပြေး ဒုက္ခသည်များကို အန်ဂျီအို အဖွဲ့များ ကူညီခွင့် မရသေး

ချင်းမိုင်၊ ဇူလိုင် ၂၀၊ ၂၀၁၁ (YPI) - ကချင်ပြည်နယ်တွင်း ဖြစ်ပွားနေသည့် တိုက်ပွဲများကြောင့် မြစ်ကြီးနားမြို့တွင် လာရောက် ခိုလှုံလျက်ရှိသော ကချင်စစ်ပြေးဒုက္ခသည်များ စားနပ်ရိက္ခာ အခက်အခဲ ကြုံတွေ့နေရသော်လည်း အစိုးရမဟုတ်သည့် အဖွဲ့ အစည်း (NGO) များ လာရောက်ကူညီနိုင်ခြင်း မရှိသေးကြောင်း သိရှိရသည်။

မြန်မာပြည်တွင်း လှုပ်ရှားနေသည့် NGO အဖွဲ့အစည်းတစ်ခုမှ အမည်မဖော်လိုသည့် အရာရှိတစ်ဦးက ၄င်းတို့ အနေဖြင့် ဇွန်လ ၂၄ ရက်နေ့ မှစ၍ ကချင်ပြည်နယ်တွင်းရှိ ဒုက္ခသည်များအား ကူညီထောက်ပံ့နိုင်ရန် ကြိုးစားခဲ့သော်လည်း အာဏာပိုင်များထံမှ ယခုအချိန်ထိ ခွင့်မပြုသေးကြောင်း ပြောသည်။

အဆိုပါ NGO တာဝန်ရှိသူက “စားနပ်ရိက္ခာမပြောနဲ့ ကျန်မားရေး၊ ပညာရေးတောင် အ၀င်မခံဘူး” ဟု ရှင်းပြသည်။

ကချင်လွတ်မြောက်ရေးတပ်ဖွဲ့ (KIA- Kachin Independent Army) နှင့် မြန်မာအစိုးရ စစ်တပ်များအကြား သီးတင်းပတ် ၅ ပတ် ကျော်ကြာ ဖြစ်ပွားလျက်ရှိသည့် တိုက်ခိုက်မူများကြောင့် မိမိတို့နေရပ်ရင်းမှ တိမ်းရှောင် ခိုလှုံလာသူ ကချင်စစ်ပြေး ဒုက္ခသည် ၁,၀၀၀ ကျော်ရှိပြီဖြစ်သည်ဟု ဒုက္ခသည်များခိုလှုံလျက်ရှိသည့် မြစ်ကြီးနားမြို့ရှိ ခရစ်ယာန် ဘုရားကျောင်း တစ်ကျောင်းမှ တာဝန်ရှိသူ တစ်ဦးက ပြောသည်။

၎င်းကဆက်၍ “ကျွန်တော်တို့ကိုအခုထိ NGO တွေက လာမထောက်ပံ့သေးဘူးဗျာ။ အစိုးရကတော့ လာပေးတယ်။ ဒါပေမဲ့ လုံလောက်မူ မရှိပါဘူး” ဟု ပြောသည်။ ၄င်းတို့ အနေဖြင့် NGO များ၏ အထောက်အပံ့ကို လိုအပ်နေကြောင်းလည်း ဖြည့်စွက်ပြောသည်။

မြစ်ကြီးနားမြို့တွင် AZG ၊ World Concern ၊ WHO ၊ AHRN ၊ ငြိမ်းဖာင်ဒေးရှင်း ( Shalom Foundation) နှင့် မေတ္တာဖောင်ဒေးရှင်း စသည့်အစိုးရမဟုတ်သည့် အဖွဲ့အစည်းတို့၏ ရုံးခွဲများဖွင့်လှစ်ထားပြီး ကူညီရေး လုပ်ငန်းများအား ဆောင်ရွက်လျက်ရှိသော်လည်း ယခု ဒုက္ခသည်အရေးတွင် မည်သည့်အဖွဲ့ကိုမျှ ကူညီခွင့်မပြုသေးဟု အဆိုပါ အဖွဲ့အစည်းများက ပြောသည်။

အစိုးရအနေဖြင့် ကချင်ဒုက္ခသည်များကို NGO အဖွဲ့အစည်းများက ထောက်ပံ့ခွင့် ပိတ်ပင်ထားသည်မှာ လူမဆန်သည့် လုပ်ရပ်ဖြစ်ပြီး လူအခွင့်အရေးကို ချိူးဖောက်နေသည့်ဟု စစ်ပြေးဒုက္ခသည်များကို ကူညီစောင့်ရှောက်ရေးအဖွဲ့မှ တာဝန်ရှိသူဒေါ်မိုင်းဂျာကပြောသည်။

“ကချင်ပြည်သူတွေက လက်နက်ကိုင်မဟုတ်ဘူးလေ။ NGO တွေမကူညီရဘူးဆိုရင် ကျွန်မတို့ ပြည်သူတွေ အစာငတ်ပြီးသေရုံပေါ့”ဟုဖြည့်စွက်ပြောဆိုသည်။

ယနေ့ နံနက်ပိုင်းက ပြည်နယ် အစိုရအဖွဲ့ အမျိူးသမီးရေးရာ နှင့် မြို့နယ်အဆင့် တာဝန်ရှိသူ လူကြီးများ လှူဒါန်းသည့် ဆန် ၄ အိတ် ဆီတစ်ပုံး ရရှိကြောင်း ဒုက္ခသည်များ လက်ခံစောင့်ရှောက်ထားသည့် ဘုရားကျောင်း တာဝန်ခံက ပြောပြသည်။

“ကျွန်တော်တို့ကို အစိုရးအဖွဲ့တွေကတော့ လာလူကြပါတယ် ဒါပေမဲ့။ မလောက်ဘူးပေါ့ လှူတယ်ဆိုတဲ့ နာမည်ခံတာတစ်ခုလောက်ဘဲလို့ ကျွန်တော်ထင်ပါတယ်” ဟုဘုရားကျောင်း တာဝန်ရှိသူတစ်ဦးက ပြောသည်။

ယခုလအတွင်း ကချင်ပြည်နယ် ၀န်ကြီးချုပ် လဂျွန်ငန်ဆိုင်း ကလည်း မြစ်ကြီးနား မြို့ပေါ်ရှိ ဒုက္ခသည်များကို အကူအညီ အချို့လှူဒါန်းခဲ့ကြောင်း မြစ်ကြီးနားမြို့မှ မြို့မိမြို့ဖ တစ်ဦးက ပြောသည်။

မြစ်ကြီးနားမြို့တွင် စစ်ပြေးဒုက္ခသည်များ နာခိုးရာဘုရားကျောင်းများမှာ တပ်ကုန်း ၊ ဇီးလွန် ၊ မန်ခရိန်၊ ဂျန်မိုင်ကောင် ၊ အင်ဂျန်တုံ အစရှိသည့် ရပ်ကွက်များမှ ဖြစ်သည်။

ယခုရက်ပိုင်းအတွင်း တိုက်ပွဲများ ထပ်မံ ဖြစ်ပွားလျက်ရှိကာ ဒုက္ခသည်များလည်း ထပ်မံ ရောက်ရှိလျက်ရှိသည်ဟု ဒုက္ခသည်စခန်းတာဝန်ရှိသူ တစ်ဦးက ပြောသည်။

Yangon PressInternational

သတင်းအကျဉ်းချုပ် ...

0 ဆိတ်ခေါင်းချိတ်ပြီး ခွေးသားရောင်းခြင်း

မြန်မာ့နိုင်ငံရေးဇာတ်ခုံမှာ စစ်အာဏာရှင်အဆက်ဆက် ဆိတ်ခေါင်းချိတ်ပြီး ခွေးသားရောင်းကြတဲ့နည်းကို ကျင့်သုံးတက်ကြတယ်။

နအဖ၀န်ကြီးချုပ်လုပ်ခဲ့သူက ဘောင်းဘီချွတ်အစိုးရမှာ သမတဖြစ်တာနဲ့  အသွင်ပြောင်းအရပ်သားအစိုးရလို့  သတ်မှတ် လို့ မရပါ။ အဆင့်(၇) ဆင့်ပါ လမ်းပြမြေပုံမှ ပေါ်ထွက်လာတဲ့ ဖွဲ့ စည်းအုပ်ချုပ်ပုံ၊ လွှတ်တော်၊ အစိုးရ ဆိုတာတွေမှာ ဒီပဲယင်း သွေးတွေ၊ ရွှေဝါရောင်သွေးတွေနဲ့  စွန်းထင်းနေတယ်။ လှည်းအိုကြီးကို ချူတွေတပ်ဆွဲရင် အသံမြည်ရုံပဲ ရှိမှာပါ။

သမတဦးသိန်းစိန် (ဗိုလ်ချုပ်ကြီးဟောင်း) ရဲ့  လာဘ်ပေး၊ လာဘ်ယူကင်းစင်ရေး၊ ဆင်းရဲနွမ်းပါးမှုတိုက်ဖျက်ရေးဆိုတဲ့ သကာရည်လောင်းထားတဲ့ စကားလုံးတွေကြောင့် ထင်ကြေးတွေ ပေးလို့ မရပါဘူး။ မဆလခေတ်မှာလည်း ပြည့်တန်ဆာတိုက်ဖျက်ရေး၊ မှောင်ခိုတိုက်ဖျက်ရေးတို့ ၊ န၀တ နအဖခေတ်မှာလည်း လာဘ်ပေး လာဘ်ယူတိုက်ဖျက်ရေး၊ မူးယစ်ဆေးဝါး တိုက်ဖျက်ရေးတို့ လုပ်ခဲ့ပေမယ့် မအောင်မြင်ခဲ့ဘူး။

ဒါ့အပြင် စီးပွားရေးပညာရှင် ဦးမြင့်တို့ လို ပုဂ္ဂိုလ်တွေကို သမတအကြံပေးအဖြစ် ခန့် အပ်ခဲ့ပေမယ့် စစ်ဗိုလ်တွေ စိတ်တိုင်းမကျရင် ထုတ်ပစ်တက်ကြတယ်။ ဗိုလ်နေ၀င်း တော်လှန်ရေးကောင်စီ အာဏာသိမ်းပြီး ချိန်မှာ (၄၇) ခုနှစ် ဖွဲ့ စည်းအုပ်ချုပ်ပုံ ပြောင်းမယ်လဲပြောရော ပထစအစိုးရလက်ထက်က ခန့် အပ်ခဲ့တဲ့ ဒေါက်တာဘဦး ခေါင်းဆောင်တဲ့ အကြံပေးအဖွဲ့ က နိုင်ငံခြားမှ အခြေခံဥပဒေများကို မှာယူကာ လေ့လာဖို့ လုပ်နေစဉ်မှာ အကြံပေးတွေကို ဖြုတ်ပစ် ခဲ့တယ်။ ဗိုလ်ခင်ညွန့် တုန်းကလည်း ထောက်လှမ်းရေးကပဲ တိုင်းပြည်မှာ ချယ်လှယ်သလို၊ အပြောင်းအလဲလိုလားသူလို ထင်ကြေးပေးမှုတွေခံရပြီး တစုလုံး ဖြုတ်ထုတ်ဖယ်ရှား ဖမ်းဆီးခြင်းခံရတဲ့ သာဓကရှိခဲ့တယ်။

စစ်ခေါင်းဆောင်တွေအဆက်ဆက်ဟာ တရားဥပဒေစိုးမိုးရေး၊ တရားရေးမဏ္ဏိုင် ခိုင်ခန့် ရေးတို့ ဆိုပြီး မကြာခဏပြောပေမယ့် မတရားအုပ်စိုးနေကြတယ်။ ဒီကနေ့  ကြံဖွတ်အစိုးရမှာလည်း လာဘ်ပေးလာဘ်ယူ ကင်းစင်ရေး၊ ဆင်းရဲနွမ်းပါးမှု တိုက်ဖျက်ရေးလို့  သိန်းစိန်က ပြောနေပေမယ့် ဒုသမတ သီဟသူရတင်အောင်မြင့်ဦး (ဒုဗိုလ်ချုပ်ကြီးဟောင်း) ကိုယ်တိုင်က ကုန်သွယ်ရေးကောင် စီဥက္ကဌအဖြစ်နဲ့  မိုက်ကြေးခွဲနေတယ်။ လွှတ်တော်ဥက္ကဌ ဦးရွှေမန်း (ဗိုလ်ချုပ်ကြီးဟောင်း) ရဲ့  သား ကိုအောင်သက်မန်းတို့ က စီးပွားရေးလောကမှာ လွှမ်းမိုးထားတယ်။ စစ်တပ်ရဲ့  မြန်မာ့စီးပွားရေး ဦးပိုင်ကုမ္ပဏီက အမျိုးသားစီးပွားရေးတရပ်လုံးကို လက်ဝါးကြီးအုပ်ထားပါတယ်။

ကြံဖွတ်ပါတီခေါင်းဆောင်ဖြစ်တဲ့ ဦးအောင်သောင်း (ဗိုလ်မှူးကြီးဟောင်း) ကလည်း ကြံဖွတ်အုပ်ချုပ်ရေးမှာ အမြတ်ထုတ်နေတယ်။ တိုင်းဒေသကြီး၊ ပြည်နယ်ဝန်ကြီးချုပ်တွေက တပ်ကို ကိုင်ထားတဲ့ တိုင်းမှူးတွေကို အရေးစိုက်ကြတယ်၊ ၀စေ ဝေစားနည်းတွေကို ကျင့်သုံးပေမယ့် အဝေမတည့်တဲ့အခါမှာ တောင်ပိုင်းတိုင်း တိုင်းမှူး ဗိုလ်မှူးချုပ်ထွန်းသန်းတို့  ဖြုတ်ချခံရတယ်။ ၀စ်သောက်စ်ကား၊ ဆိုင်ကယ်ခွန်တွေကအစ အမြတ်ထုတ်လာလို့  မန္တလေးဝန်ကြီးချုပ်ဦးရဲမြင့် (ဒုဗိုလ်ချုပ်ကြီး ဟောင်း-စဖရ) နဲ့  လပခတိုင်းမှူးတို့  စားကျက်လုကြတယ်။ ၀စ်သောက်စ်ကားနဲ့ ပဲ မန္တလေးမှာ ကားမိုင်းခွဲမှု ဖြစ်ခဲ့တယ်။

ဒီကနေ့ ကြံဖွတ်ခေါင်းဆောင်တွေရဲ့ နောက်ကြောင်းရာဇ၀င်တွေကို လေ့လာကြည့်တဲ့အခါမှာ သမတဦးသိန်းစိန်ဟာ ဗျူဟာမှူးကနေ ဖူးကြီးအခြေစိုက် ဒကစ (ဒေသဆိုင်ရာကွပ်ကဲမှုစစ်ဆင်ရေး) မှူး ဖြစ်တော့ တပ်မြေအတွက် အဖျက်ခံရတဲ့ရွာတွေ၊ ငမိုးရိပ်ရေလှောင်တမံမှာ အဖျက်ခံရတဲ့ ရွာတွေနဲ့  ပက်သက်ပြီး တာဝန်မကင်းသူဖြစ်သလို၊ တြိဂံတိုင်းမှူးဘ၀မှာလည်း ထိုင်း-မြန်မာနယ်စပ်စစ်ကို ဖန်တီးပြီး အပြစ်မဲ့ပြည်သူတွေ သေကြေခဲ့တဲ့ စစ်တရားခံတဦး ဖြစ်တယ်။

ဒုသမတ ဦးတင်အောင်မြင့်ဦးဟာလည်း မုံးကိုးမှာ ငြိမ်းအဖွဲ့ တွေကို အစုအပြုံလိုက် သတ်ဖြတ်ခဲ့သူတဦးအဖြစ် သွေးနံ့ မပျောက်သေးပါဘူး။ လွှတ်တော်ဥက္ကဌ ဦးရွှေမန်း ကတော့ ရွှေဝါရောင်အရေးတော်ပုံမှာ သူရဲ့  တပ်မ(၆၆) ကို ရန်ကုန်လွှတ်ပြီး လက်စွမ်းပြရဲသူ ဖြစ်တယ်။ ကြံဖွတ် ခေါင်းဆောင် ဦးအောင်သောင်းကတော့ ဒီပဲယင်းသွေးမြေကျမှုမှာ ပါဝင်ပက်သက်ခဲ့သူ ဖြစ်တယ်။.

ရာဇ၀င်ကျော် လူဆိုးတသိုက် ကြီးစိုးနေတဲ့နိုင်ငံမှာ မြန်မာ့တပ်မတော်ဟာ မြို့ သူပုန်၊ တောသူပုန် အဆင့်ကနေ ရုန်းထွက်သင့်ပြီ။ တိုင်းပြည်အပေါ် ဖွဲ့ စည်းပုံနဲ့ ဂုတ်ခွစည်းထားတဲ့ စစ်တပ်ရဲ့ အခန်းကဏ္ဍာဟာ ယဉ်ကျေးတဲ့ကမ္ဘာမှာ ရှက်စရာဖြစ်နေတယ်။ (၂၁) ရာစုထဲမှာ စစ်တပ်အားကိုးရှိတယ်ဆိုပြီး ထင်သလို ချယ်လှယ်နေတာဟာ မဏ္ဍပ်တိုင်တက်ပြပြီး လှန်ပြနေတဲ့ လုပ်ရပ် ဖြစ်တယ်။

အရိုင်းအစိုင်းဝါဒကို ကြီးထွားအောင်လုပ်နေခြင်း ဖြစ်တယ်။ စစ်ခေါင်းဆောင်တွေက ဘယ်လိုနည်းလမ်းတွေနဲ့ ပဲ အမည် အမျိုးမျိုးပြောင်း၊ အရေခွံအမျိုးမျိုး ပြောင်းနေပေမယ့် လူထုဖိနှိပ်ရေးလုပ်ရပ်တွေ ဆက်ရှိနေသမျှ ပြည်သူ့ ရန်သူအမှတ် (၁) အဖြစ် ဗိုလ်စွဲနေမှာပါ။

ဧရာ

(၁၈၊ ၇။ ၂၀၁၁)။

သတင်းအကျဉ်းချုပ် ...

0 မန္တလေးမှာ အာဇာနည်နေ့ကို ဂုဏ်ပြုတဲ့အနေနဲ့ ဗိုလ်ချုပ်အောင်ဆန်း ဓါတ်ပုံနှင့် ပန်းစီးများဖြင့် တစ်ကိုယ် တော် ဝတ်ပြု နေသူ..

မန္တလေးမြို့ ၆၂လမ်း၊ မနော်ရမံ ဥယျာဉ်ရှေ့  တွင် ဗိုလ်ချုပ်အောင်ဆန်း ဓါတ်ပုံနှင့် ပန်းစီးများဖြင့် တစ်ကိုယ် တော် ဝတ်ပြု နေသူ.........။

တကယ်ကိုလေးစားလောက်ပါတယ်။ ၆၄ နှစ်မြောက် အာဇာနည်နေ့ကို ဂုဏ်ပြုတဲ့အနေနဲ့ မန္တလေးမြို့၊ ၆၂ လမ်းပေါ်က မနော်ရမံ ဥယျာဉ် ရှေ့မှာ လူငယ်တစ်ယောက် တစ်ကိုယ်တော် ၀တ်ပြုဆုတောင်းနေတာဖြစ်ပါတယ်။ အမည်မသိပါ။ နေရပ်မသိပါ။ ဘယ်လိုပြီးသွားတယ်မသိသေးပါ။ လေးနာရီကျမှ ထမယ်လို့ သူ့ကိုလာခေါ်တဲ့ သူတွေကို ပြောတယ်ဆိုပဲ။ လူထုပရိသတ်က တော့ တကယ်ကို အားပါးတရ၀ိုင်းကြည့်နေကြလေရဲ့။

သူ့ ကို ထရန်လာခေါ်သော သူ အစ်မနှင့်ပြောသော စကားများမှာ...
ဗိုလ်ချုပ်ဆိုတာ ကလေးတွေ သိတောင်မသိကြတော့ဘူး။ မိဘတွေက ဗိုလ်ချုပ် အကြောင်း မပြောပြကြဘူး ။ မိဘတွေ ကိုက အဲလိုစိတ်ဓါတ်တွေမရှိလို့ သားသမီးတွေ မသိတာ..။ ကျွန်...တော့် သားသမီးတွေ အဲလို အဖြစ်မခံနိုင်ဘူး..။
နားလည်ရမယ်..ပြောချင်တာပြော..ကျွန်တော့်ရဲ့ ရည်ရွယ်ချက်က ဗိုလ်ချုပ်ကိုလေးစားရမယ်...( အစ်မမှ- နင့်ကို မလေးစားရဘူး မပြောဘူး၊ ကိုယ့်အိမ်ကနေ ကိုယ်လေးစားလို့ ..ရတယ်)
ကျွန်တော့်ရဲ့ ရည်ရွယ်ချက် အမှန်အတိုင်းပြောရယင် လူတွေမေ့နေလို့ ....။
(အစ်မမှ- ဘယ်သူမှ မမေ့ဘူး..)
အခုလူတွေ...မမေ့ကြဘူးဆိုယင်.. ကိုယ့်အိမ်ကိုယ်ပြန်ပြီး အလံ တစ်ဝက်ထောင်လို့ ရတယ်..ဂုဏ်ပြုလို့ ရတယ်..။
(အစ်မမှ- သွားမယ်လာ)
ဒီလို လက်ဆင့်ကမ်းတာ ညံ့ဖြင်းလာလို့  တစ်ဖြေးဖြေးနဲ့ တစ်မြို့ လုံး သူများ ကျွန်ဘဝ ရောက်နေတာ...။
(အစ်မမှ- သွားမယ်လာ.. ၄ နာရီ မပြည့်သေးဘူးလား..)

ညနေ ၄ နာရီမှ ထမယ်...။ ဒိပြင်နိုင်ငံကလာတိုက်တာလို့ သူများလက်အောက်ကျတာ မဟုတ်ပဲ.. ခုတော့ တရုတ် က အကုန်သိမ်းသွားပြီ...။
ဟု အပြန်အလှန်ပြောဆိုတာ ကြားခဲ့ရပါတယ် (ပြောနေတာ တင်ပေးထားပါ့မယ်..)။
သူအစ်မနှင့် အတူ ဦးလေး ဘုန်ကြီးတစ်ပါးလည်း လိုက်လာပါတယ်..။

ကိုဝိုင် ဝိုင်ကေ

သတင်းအကျဉ်းချုပ် ...

0 ဒေါ်အောင်ဆန်းစုကြည်ရဲ့  လွမ်းသူ့ ပန်းခွေ ဘယ်မှာလဲ

video. Sophia Sofia Chan facebook
အာဇာနည်နေ့ ရန်ကုန်မြို့ မနက်ခင်းလေး ကြည်ကြည်သာသာရှိပါစေလို့  ကျွန်တော့်ဆုတောင်း အမှန် ပြည့်ဝခဲ့ပါတယ်။ မိုးမရွာ နေမပူ နိုင်ငံရေးသမားများအကြိုက် ရာသီဥတုလေးမှာ ရပ်ကွက်ထဲက သူငယ်ချင်း နှစ်ယောက်နဲ့ အတူ နံနက် ၁၀း ၃၀နာရီခန့် ၊ လင့်ခ်လမ်းမှတ်တိုင်ကို ဘတ်စ်ကားစီးပြီး ရောက်ခဲ့ပါတယ်။ ကားပေါ်မှာထဲက ဂျင်းဘောင်းဘီရှည်ဝတ် လူငယ်လေးနှစ်ယောက်နဲ့ စကားပြောဖြစ်ပြီး သူတို့ လည်း ဗိုလ်ချုပ်ကို အလေးသွားပြုမယ်ပြောလို့  ကျွန်တော် သူတို့ နှစ်ယောက်ကို စိတ်ထဲက ချီးကျူးလိုက်လိုက်မိတယ်။ “တို လူငယ် တို့ ဗိုလ်ချုပ်” မဟုတ်ပါလား။

အာဇာနည်ကုန်းဘက်ကို ကျွန်တော်တို့ ဦးတည်လိုက်တဲ့အခါ လုံခြုံရေးမြောက်မြားစွာကို ရုတ်တရက် တွေ့ လိုက်ရပါတယ်။ ရဲ၊ မီးသတ်၊ ကြက်ခြေနီ၊ အရပ်ဝတ်စုံထောက် ထောင်ဂဏန်းမျှဟာဗိုလ်ချုပ်ကို လာရောက် ဂါရ၀ပြုမယ့် ပြည်သူတွေကို တရံမလပ်ညွှန်ကြားနေပြီး ဝေါ်ကီတော်ကီ၊ မိုဘိုင်းဖုန်း၊ ကင်မရာ အကြီးအသေး မျိုးစုံ၊ စာအုပ်ဘောပင်တွေအသီသီးနဲ့  စောင့်ကြပ်နေပါတယ်။

ပထမအဆင့်မှာ ပါလာတဲ့ ဖုန်း၊ ကင်မရာ၊ အိတ်တွေကို မှတိတမ်းသွင်းပြီး ထားရစ်ခဲ့ရပါတယ်။ကျွန်တော်တို့ မှာ အဲဒါတွေ ဘာမှပါမလာလို့ နောက်တစ်ဆင့်အနေနဲ့  ကန်လန့် ကာအပြာကြီးချထားတဲ့အလုံပိတ် တဲရုံလေးထဲ ၀င်ရောက်ပြီး ခန္ဓာကိုယ်ကို စိမ်ပြေနပြေစစ်ပါတယ်။ ကျွန်တော့်ရဲ့  စီးကရက်ဘူးနဲ့ ထီးရှည်ကြီးကို ယူဆောင် သွားခွင့်ပြုတဲ့ အခါ အာဇာနည်ကုန်းဝင်းထဲကို သူတို့ သတ်မှတ်ထားတဲ့ ဂိတ်ဝကနေ ၀င်ရောက်ခဲ့ပါတယ်။

ဟိုကြည့်ဒီကြည့်လုပ်၊ နည်းနည်းမတ်တပ်ရပ်လိုက်ရင် ရှေ့ ကို မြန်မြန်ဆက်သွားဖို့  လုံခြုံရေးပုဂ္ဂိုလ်များက အမိန့် ပေးနေပါတယ်။ဝင်လာတဲ့လူမှန်သမျှကို ဗီဒီယိုရိုက်၊ ဓာတ်ပုံရိုက်၊ စာနဲ့ ရေးလို့  ၀ိုင်းပြီး ပြူးတူးပြဲတဲ မှတ်တမ်း တင်နေကြတာကို တွေ့ ရပါတယ်။ အာဇာနည်ကုန်းပေါ်အတက်မှာ နောက်ထပ် အပြာရောင်မိုးလုံလေလုံ ရုံလေး
တစ်ခုထဲ ၀င်ခိုင်းပါတယ်။ စက်ကလေးအောက်ကို ၀င်တော့ တတီတီ အသံလည်းကြားရပါသေးတယ်။

အတံအပြားကြီးတစ်ခုနဲ့ လည်း ကိုယ်ကို အထက်အောက်ဆွဲပြီး အရှာခံရပါတယ်။ ခန္ဓာကိုယ်ကို လက်နဲ့ လည်း ကိုင်တွယ်ရှာဖွေပါတယ်။ နောက်ဆုံးမှာတော့ ကျွန်တော်သိပ်တွေ့ ချင်တဲ့ အာဇာနည်ဗိမ္မာန်ကြီးကို
တွေ့ မြင်ခွင့်ရခဲ့ပါတယ်။

ဖြိုးတိုးဖြောက်တောက်လောက်ဘဲ လူတွေလာရောက် အလေးပြုဦးညွှတ်တာ တွေ့ ရပြီး လုံခြုံရေးကအဆမတန် များပြားနေတာကို သတိထားမိခဲ့ပါတယ်။ အယောက် ၃၀ လောက် တစ်စု စုပြီး လော်စပီကာကနေ “ ကျဆုံး လေပြီးသော ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများအား အလေးပြု” ဆိုပြီး တိုင်ပင် ခေါ်ပေးပါတယ်။ တစ်မိနစ်တောင် မပြည့်လိုက်ဘူး၊ “အလေးမြဲ” လုပ်ခိုင်းပါတယ်။

ပြီးတော့ နောက်လူများ ဂါရ၀ပြုနိုင်ဖို့ ဆိုပြီး ထွက်ခွာပေးပါရန် ထပ်လုပ်ပြန်ပါတယ်။ ကျွန်တော်ကတော့လာချ ထားတဲ့ ပန်းခွေတွေကို လျှောက်ကြည့်ပါသေးတယ်။ အာဇာနည်ခေါင်းဆောင်ကြီးတွေမိသားစုရဲ့ လွမ်းသူ့ ပန်းခွေတွေ နဲ့ အတူ ၂၀၁၀ ရွေးကောက်ပွဲဝင်ပါတီ ၄ ပါတီရဲ့ ပန်းခွေတချို့ ကို တွေ့ ရပါတယ်။

ဗိုလ်ချုပ်မိသားစုကိုယ်စား သား ဦးအောင်ဆန်းဦးရဲ့ ပန်းခွေကို တွေ့ ရပါတယ်။ ပန်းခွေတိုင်းမှာ ကိုယ်စားပြုသူ တွေရဲ့ နာမည်၊ အဖွဲ့ အစည်းကိုတွေ့ ရပြီး ပန်းခြင်း ၂ ခြင်းမှာတော့ ရေးထားတာ မတွေ့ ရပါဘူး။ သူတို့ ညွှန်ကြားထားတဲ့ လမ်းအတိုင်း ကျွန်တော်တို့ ပြန်ထွက်ခဲ့ပါတယ်။

ရွှေတိဂုံဘုရား ဆောင်းတန်းကနေဆင်းပြီး အုတ်လမ်းမှတ်တိုင်ဘက် လမ်းလျှောက်လာခဲ့ကြပြီးN L D ရုံးချုပ် ဘက် ထွက်ခဲ့ကြပါတယ်။ ရေဒီယိုတွေထဲကနေ ဒေါ်အောင်ဆန်းစုကြည်က နေ့ လည်ပိုင်းမှာ အဖွဲ့ ချုပ် လူငယ်တွေနဲ့ အတူ အာဇာနည်ကုန်းကို သွားရောက်ဂါရ၀ပြုမယ်လို့ ကြိုသိထားတဲ့မတွက်ကျွန်တော်တို့  ၃ ယောက် စိတ်တူကိုယ်တူနဲ့  ရုံးချုပ်ရှေ့ ကို ရောက်လာခဲ့ကြပါတယ်။ ရုံးချုပ်ရှေ့ မှာရော၊ဒီဘက် ကားလမ်း ပလက်ဖောင်းပေါ်မှာပါ လူတွေ တအုပ်တမကြီးကို ဘွားကနဲ မြင်လိုက်ရတော့ ကြက်သီးတောင် ထ မိပါတယ်။

အဖွဲ့ ချုပ်မှာ အာဇာနည်နေ့ အခမ်းအနားကျင်းပနေတာကို စိတ်ဝင်တစား လာရောက် နားထောင်နေကြတာ ဖြစ်ပြီး ကျွန်တော့်အထင် အဖွဲ့ ချုပ်ဝင်မဟုတ်တဲ့ ရိုးရိုးပြည်သူတွေရဲ့ အင်အားလည်း မသေးလှဘူး...
လို့ ယူဆမိပါတယ်။ ဦးတင်ဦးရဲ့ နိဂုံးချုပ်စကားကို ကြားလိုက်ရပြီး ကား ၃ စီးနဲ့  သတ်မှတ်စာရင်းပေးထား
တဲ့ လူတွေ အာဇာနည်ကုန်းကို သွားကြမယ့်အစီအစဉ်ဖြစ်ပါတယ်။ ပန်းခရမ်းပြာ ကိုရဲလွင်ကြီးကိုလည်း
ဖြတ်ကနဲတွေ့ လိုက်ရပါသေးတယ်။

ဒေါ်စု ထွက်လာတော့ ရုံးချုပ်ရှေ့ က လူအုပ်ကြီးက “ဒေါ်အောင်ဆန်းစုကြည် ကျန်းမာပါစေ”လို့  အော်ဟစ်ဆုတောင်းကြပါတယ်။ အဖွဲ့ ချုပ်ရဲ့  ၆၄ နှစ်မြောက် အာဇာနည်နေ့ ကြေညာချက်နဲ့  သဘာပတိမိန့် ခွန်း စာရွက်ကို ၅၀၀ ကျပ်နဲ့ ဝယ်ယူခဲ့ပါတယ်။ ကျွန်တော်အိမ်က ထည့်လာတဲ့ ရှိစုမဲ့စု ငွေ ၅၀၀ ကျပ်လည်း ကိစ္စချောသွားခဲ့ပါတယ်။

ဒေါ်အောင်ဆန်းစုကြည် ကားပေါ်တက်သွားပြီး ရုံချုပ်အစီအစဉ်နဲ့  ဆလွန်းတစ်စီး၊ မှန်လုံတောင်းအေ့တစ်စီး၊ ပစ်ကပ် တစ်စီး အဖွဲ့ ချုပ်ရှေ့ က ထွက်ခွာသွားခဲ့ပါတယ်။ ဒေါ်စုက ရှေ့ ဆုံး ဆလွန်းကားအဖြူလေးထဲမှာ တက်ရောက် လိုက်ပါသွားတဲ့အခါ အဲဒီမှာ ရှိနေတဲ့ လူအုပ်ကြီးလည်း ကား ၃ စီး နောက်ကနေ အာဇာနည် ကုန်းဘက် ကို ၅ ယောက်တစ်တန်း တန်းပြီး စီစီရီရီ သပ်သပ်ရပ်ရပ် လိုက်ပါသွားခဲ့ကြပါတယ်။ တချို့ 
မိသားစုအလိုက်၊ တချို့ မိန်းကလေးတွေ တစ်အုပ်၊ တချို့ ဦးဇင်းတွေတစ်စု၊ တချို့ အဘိုးကြီးတွေတစ်ဖွဲ့ ကြား
မှာ ကျွန်တော်တို့  ၃ ယောက်လည်း ဒုတိယမြောက် ရောယှက်လိုက်ပါခဲ့ပြန်ပါတယ်။

ကျွန်တော် ဒီတစ်ခါ သတိထားမိတာက “အင်အား” ကိစ္စဘဲဖြစ်ပါတယ်။ ပထမတစ်ခေါက် အာဇာနည်ကုန်းကို သွားရောက်တဲ့အခါ လုံခြုံရေးတွေရဲ့  ဆက်ဆံပုံနဲ့  ဒေါ်စု နောက်က လူအင်အားများများနဲ့  လိုက်သွားတဲ့အခါ လုံခြုံရေးတွေရဲ့ ဆက်ဆံပုံ အနည်းငယ်ကွာခြားတာကို ပက်ပင်းကြုံလိုက်ရပါတယ်။ ဒုတိယမြောက်ရောက်တဲ့ အခါ ပါသွားတဲ့ပစ္စည်းတွေကို အပ်ထားခဲ့လို့ မရတော့ဘဲ ပြန်လှည့်ထွက်ခိုင်းပြီး ဂိတ်ဝမှာလုံခြုံရေး ဦးရေ နည်းသွားတာ တွေ့ တဲ့အပြင် ကင်မရာမန်းသတင်းထောက်တွေ ပြည့်နှက်နေပြီး စစ်ဆေး
တာကိုလည်း သိပ်ကြပ်ကြပ်မတ်မတ် မလုပ်တော့ပါဘူး။ အာဇာနည်ကုန်းဝင်းပေါ်မှာတော့ ပုံမှန်အတိုင်း
စစ်တပ်ဆိုပေမယ့် မြန်မြန်ဆန်ဆန်နဲ့  လွှတ်ပေးတာတွေ့ ရပါတယ်။

ဗိုလ်ချုပ်အုတ်ဂူရှေ့ မှာ ဒေါ်စုတို့  ကား ၃စီး ဂါရ၀ပြုနေလို့  ဗိမာန်အတက်လှေခါးမှာ ကျွန်တော်တို့ နဲ့ အတူ လူ တစ်ရာလောက် စောင့်နေရပါတယ်။ ဒေါ်စုတို့ ကားတွေ ထွက်သွားမှ အပေါ်ကို တက်ခွင့်ရပါတယ်။ ဒီတစ်ခါတော့ အင်အားက များလှပြီး အာဇာနည်ကြီးတွေကို အလေးပြုတဲ့အပြင် ထိုင်ကန်တော့ခဲ့ပါသေးတယ်။ ကျွန်တော်က ချက်ချင်း ပြန်မဆင်းသေးဘဲ လွမ်းသူ့ ပန်းခွေတွေ ထပ် တိုးလာသလားလို့ သိချင်တာနဲ့  ချထားတဲ့ ပန်းခွေတွေ အစအဆုံးကို တစ်ခေါက်ပြန်စစ်လိုက်ပါတယ်။

ထူးထူးခြားခြားတွေ့ လိုက်ရတဲ့မြင်ကွင်းက ကျွန်တော့်ကို ကြက်သေသေ စေခဲ့ပါတယ်။ ပန်းခွေလှလှကြီး
၂ ခု အသစ် ရောက်လာတာ ထပ်တွေ့ ရပြီး လွမ်းသူ့ ပန်းခွေကြီးရဲ့ အလယ်မှာ ဘာစာမှ ရေးမထားဘဲ အဖြူ
ရောင်တိပ်နဲ့  ကြက်ခြေခတ် ဖုံးအုပ်ထားတာ တွေ့ လိုက်ရလို့ ပါ။ ကျွန်တော်ကြည့်နေတုန်း အနားက အဒေါ်
ကြီးတစ်ဦးကလည်း “ ဟဲ့.. N L D ရဲ့ ပန်းခွေလည်း မတွေ့ ဘူး၊ ဒေါ်အောင်ဆန်းစုကြည်ရဲ့ ပန်းခွေလည်း
မတွေ့ ရဘူးနော်” လို့  သူ့ မိတ်ဆွေကို လှမ်းပြောသံ ကြားလိုက်ရပါတယ်။ ထုံးစံအတိုင်း သူတို့ ထွက်ခိုင်းတဲ့
အပေါက်က ကျွန်တော်တို့ ပြန်ထွက်လာခဲ့ပြီး ဘတ်စ်ကားစီးလို့  မြေနီကုန်းဘက် ပြန်ခဲ့ပါတော့တယ်။

၆၄ နှစ်မြောက် အာဇာနည်နေ့ မှာ ဗိုလ်ချုပ်အပါအ၀င် အာဇာနည်ခေါင်းဆောင်ကြီးတွေကို နှစ်ခါနှစ်ခေါက် အလေးပြုဖြစ်ခဲ့တာ ကျွန်တော့်အတွက် အမှတ်တရပါ။ ပိုပြီး အထူးတလှယ် အမှတ်ရနေတာက
ဘာမှရေးမထားတဲ့ လွမ်းသူ့ ပန်းခွေကြီး နှစ်ခုပါဘဲ။

ကျွန်တော့်အမြင်ကို ပြောရရင်တော့ ဒေါ်အောင်ဆန်းစုကြည်ရဲ့ နာမည်နဲ့ လွမ်းသူ့ ပန်းခွေကို မတွေ့ ရတာ အင်မတန်ထူးခြားပါတယ်။ ဒေါ်စုအနေနဲ့  သူ့ ဖခင်အတွက် လွမ်းသူ့ ပန်းခွေ ချ ချင်ပါလိမ့်မယ်။

တလောက ဆရာပါရဂူရဲ့  နာရေးမှာတောင် ဒေါ်စုရဲ့  ပန်းခြင်းကို ကျွန်တော် တွေ့ လိုက်ရပါသေးတယ်။ဗိုလ်ချုပ်ရဲ့ နှစ်ပတ်လည်မှာ ဗိုလ်ချုပ်သမီး ဒေါ်အောင်ဆန်းစုကြည်အနေနဲ့ သူ့ အဖေအတွက် လွမ်းသူ့ ပန်းခွေ ချ၊ ဂါရ၀ပြုချင်မှာ မြေကြီးလက်ခတ်မလွဲပါဘဲ။

နာမည်ရေးထိုး မထားတဲ့ အင်မတန် လှပတဲ့ လွမ်းသူ့ ပန်းခွေကြီး နှစ်ခုကို ဘယ်သူ ပို့ ထားတာပါလဲ။ပန်းခွေကြီး နှစ်ခုရဲ့  နောက်ကြောင်းကိုလည်း သိချင်ပါသေးတယ်။

ကျွန်တော့်မှာလည်း အဖြေတစ်ခု အဆင်သင့်ရှိထားပါတယ်။


အောင်မျိုးထွန်း

၁၉- ၇- ၂၀၁၁

သတင်းအကျဉ်းချုပ် ...

0 အာဇာနည်ဗိမာန်သို့ စီတန်းချီတက်သွားရောက်ကြသော ရဟန်းရှင်ကျောင်းသားပြည်သူလူထုများ(ရုပ်/သံ)ဓာတ်ပုံ

Video..Ah Bayah Facebook

Photo.Reuters.AP,AMBA,tinhlaing

သတင်းအကျဉ်းချုပ် ...

0 အာဇာနည်နေ့တွင်ပြောကြားသော မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်၏မိန့်ခွန်း

ဒီနေ့ ကျမတို့ အာဇာနည်နေ့ကိုရောက်လာပြီးတော့ အာဇာနည်ခေါင်းဆောင်ကြီးများကို ဂုဏ်ပြုတဲ့သူအားလုံးကို ကျမကျေးဇူးတင်ပါတယ်။ အာဇာနည်နေ့ဆိုတော့ ကျမ ဒီနေ့မှာ အာဇာနည်ဆိုတဲ့အကြောင်းကိုပြောချ​င်ပါတယ်။ အများသိကြတဲ့အတိုင်းပဲ အာဇာနည် ဆိုတာကတော့ တက္ကသ ဘာသာကလာတာပေါ့နော်… အရင်တုန်းကတော့ အဓိပ္ပယ်ကတော့ ရိုးရိုးကျင့် ကြံခြင...်း ဆိုတာပါ။ အဲ့ဒီအချိန်တုန်းကတော့ လူတွေဟာ ဒုတိယ ယဉ်ကျေးမှူနဲ့ ဆက်နွယ်နေတဲ့အခါကြတော့ ဇ နဲ့ပဲ သတ်မှတ်ပါတယ်။ ဇ မြင့်တယ်ဆိုတာ ဖြစ်ကောင်းဖြစ်ပါတယ်။ ဒါပေမယ့် ကျမတို့ဒီခေတ်ဒီအခါမှာဆိုရင် မျိုးရိုးဆိုတာ လူသားမျိုးရိုးလို့ပဲ ဒီလိုလည်း မြင်ပါတယ်။ လူသားမျိုးရိုးထဲမှာ မြင့်မြတ်တဲ့သူကို အာဇာနည်လို့ ကျမတို့ဒီလိုပဲ သတ်မှတ်ချင်ပါတယ်။

ဒီတော့ မြင့်မြတ်တယ်ဆိုတဲ့ အဓိပ္ပယ်ကို ဘယ်လိုကျမတို့ အဓိပ္ပယ်ဖော်မလဲ၊ ဒါကို ဘယ်လိုပြောမလဲပေါ့နော်၊ မြင့်တယ်ဆိုတာကတော့ အဆင့်အတန်းမြင့်တာပါ၊ အဆင့်အတန်းမြင့်တယ် ဆိုတာက အတွေးအခေါ်၊ အပြောအဆို၊ အနေအထိုင်၊ အလုပ်အကိုင် အဲ့ဒါကို မြင့်တာလို့ဆိုလိုတာလို့ ကျမတို့ဒီလိုပဲ နားလည်ပါတယ်။ အဲ့ဒီတော့ ပြောကြမယ်ဆိုလို့ရှိရင် ရိုးရိုးကျင့် မြင့်မြင့်ကြံ ဆိုတာ အဲ့ဒါကိုပြောတာပါ။ အနေအထိုင်မှာ ဘော်ကျော့နေတာမျိုးကို မြင့်တယ်လို့ပြောတာမဟုတ်ပါဘူး။ ရိုးရိုးနေထိုင်ရမယ်၊ ရိုးရိုးစားသောက်နိုင်ရမယ်။ ရိုးသားမှူရှိရမယ်။ ရိုးသားမှူရှိတဲ့ တချိန်တည်းမှာပဲ အဆင့်မြင့်တဲ့ အတွေးအခေါ်တွေ၊ အဆင့်မြင့်တဲ့ အပြောအဆိုတွေ၊ အဆင့်မြင့်တဲ့ အလုပ်အကိုင်တွေ ရှိရပါမယ်။ အဲ့ဒီလို့ရှိတဲ့အခါမှာ ဒါဟာ မြင့်တယ်၊ မြင့်တယ်၊ အဆင့်မြင့်တယ်လို့ ခေါ်တယ်။

အဲ့ဒီတော့ မြတ်တယ် ဆိုတာကတော့ ကျမတို့ ဘာကို ဆိုလိုတာလဲ၊ မြတ်တယ်ဆိုတာကတော့ ကျမတို့ မြင့်မြတ်တယ်ပြောတယ်၊ ထွတ်မြတ်တယ်ပြောတယ်၊ မြတ်နိုးတယ်ပြောတယ်၊ ခြုံငုံပြီးတော့ ပြောလိုက်မယ်ဆိုလို့ရှိရင် တန်ဖိုးရှိတာကို ဆိုလိုတယ်လို့ ကျမနားလည်ပါတယ်။ လူတွေ တန်းဖိုးထားစရာဖြစ်တဲ့ လူတစ်ယောက်၊ တန်းဖိုးထားစရာဖြစ်တဲ့ အကျင့်တွေ အမူအကျင့်တွေ၊ အတွေးအခေါ်တွေ၊ အနေအထိုင်တွေ ပြီးတော့ မြင့်မြတ်တဲ့သူဆိုတာဟာ ဒီပုဂ္ဂိုရဲ့ အဆင့်မြင့်မြင့်နေထိုင် ပြောဆိုတွေးခေါ်မှူ့ကြောင့် အများကနေပြီးတော့ တန်ဖိုးထားလို့ မြင့်မြတ်တယ်လို့ပြောနိုင်တယ်လို့ ကျမကတော့ ဒီလိုပဲမြင်ပါတယ်။

အဲ့ဒီတော့ ဒီလိုအများက တန်ဖိုးထားလို့ အများကနေပြီးတော့ ဒီပုဂ္ဂိုတွေရဲ့ အလုပ်အကိုင်၊ အတွေးအခေါ်တွေကို တန်ဖိုးထားလို့ အများက အာဇာနည်တွေဖြစ်လာတာပါ။ အာဇာနည်ဆိုတာ ဖြစ်ချင်တိုင်းဖြစ်လို့ရတာမဟုတ်​ပါဘူး။ ငါ့ကိုယ်ငါ အာဇာနည် ဆိုပြီးတော့ ပြောလို့မရပါဘူး။ နာမည်တော့ ပေးလို့ရတာပေါ့။ ဒါပေမယ့် ကျမပြောချင်တာက နာမည်ကတော့ နာမည်ကိုပြောတာမဟုတ်ပါဘူး။ အများကနေပြီးတော့ သတ်မှတ်တဲ့ အာဇာနည်ဆိုတာကတော့ အများကလက်ခံမှ၊ လူအများက ကိုယ့်ရဲ့ ပတ်ဝန်းကျင်က၊ ကိုယ့်ရဲ့ နိုင်ငံက၊ ကိုနေရတဲ့ ကမ္ဘာကြီးက အာဇာနည်လို့ သတ်မှတ်မှ သာ အာဇာနည်ဖြစ်မှာပါ။

ဒီတော့ အာဇာနည်ကို တချို့တွေက ဘယ်လိုထင်ကြလဲဆိုတာ အထူးသဖြင့် အာဇာနည်နေ့နဲ့ ပတ်သက်လို့ ဆိုလို့ရှိရင် အာဇာနည်ခေါင်းဆောင်ကြီးများ၊ ကျဆုံးသွားသော အာဇာနည်ခေါင်းဆောင်ကြီးများ ဆိုတာ၊ ကျဆုံးမှပဲ အာဇာနည်ဖြစ်တယ်လို့ ထင်တဲ့သူတွေကလည်းရှိပါတယ်။ ဒီလိုလည်း မဟုတ်ပါဘူး။ ကျဆုံးဖို့မလိုပါဘူး။ တတ်နိုင်သဖြင့် မကျဆုံးဘဲနဲ့ အာဇာနည် ဖြစ်ရင်တော့ ကောင်းတာပေါ့နော်။ ဒါပေမယ့် အသက်အထိပါ စတေးသွားတယ်ဆိုတော့ ဒါ အင်မတန်မှ ထွတ်မြတ်လွန်းလို့ ဒါ တခြား အာဇာနည်တွေနဲ့မတူ ထွတ်ထွတ်မြတ်မြတ် အာဇာနည်လို့ သတ်မှတ်ရတာဖြစ်ပါတယ်။ လူတစ်ယောက်အတွက်ဆိုလို့ရှိရင် တကယ်တန်ဖိုးထားရဆုံးအရာကတော့ အသက်ပဲ။ ဒီအသက်မရှိလို့တော့ ဘာမှ ဆက်လုပ်လို့ မရပါဘူး။ တန်ဖိုးအထားရဆုံး အရေးကြီးဆုံးဖြစ်တဲ့ အသက်ကိုတောင်မှ စတေးပြီးတော့၊ စွန့်လွှတ်ပြီးတော့ ကိုယ်မှန်ရာ ထင်တဲ့ကိစ္စကိုလုပ်တာ၊ အများကောင်းကျိုးအတွက်ကို လုပ်တဲ့သူတွေကို အာဇာနည်ရယ်လို့ သတ်မှတ်တာဟာ ဘာမှ ထူးဆန်းတာမဟုတ်ပါဘူး။ ဒါကြောင့် ကျမတို့တွေက အာဇာနည်နေ့မှာ အာဇာနည် ခေါင်းဆောင်ကြီးတွေကို ဂါရ၀ပြုပါတယ်လို့ပြောတဲ့အချိန်မှာ ဘယ်လို ဂါရ၀ ပြုမလဲဆိုတာ ကျမက နဲနဲသိချင်တယ်။ ဟို ခေါင်းငုံ့ရုံနဲ့တင် ဂါရ၀ပြုတာမဟုတ်ဘူးနော်။ အဲ့ဒီခေါင်းထဲမှာ ဘာအတွေးရှိတယ် ဆိုတာ အရေးကြီးတယ်။ ဒီလို အာဇာနည်ခေါင်းဆောင်ကြီးတွေကို ခေါင်းငုံ့ပြီးတော့ ဂါရ၀ပြုလိုက်တဲ့အခါမှာ ကိုယ့်ခေါင်းထဲမှာ ဘယ်လိုရှိလဲ၊ ဘာကို ဂါရ၀ပြုနေတာလဲဆိုတာ သေချာ စဉ်းစားစေလိုတယ်။ အဲ့ဒီတော့ ဒီလိုဂါရ၀ပြုလိုက်တဲ့ ပြုထိုက်တဲ့၊ ပုဂ္ဂိုတွေကို ကျမတို့နိုင်ငံမှာ ပိုပြီးတော့ ပေါ်လာအောင်လို့ ကျမတို့ အားလုံးဝိုင်းပြီးတော့ ဘယ်လို လုပ်သင့်သလဲဆိုတာကို ကျမစဉ်းစားစေချင်ပါတယ်။ ကျဆုံးပေးတဲ့ဟာကိုပြောတာမဟုတ်ပါ​ဘူး။ ကျမတို့ လူတွေကို မလိုအပ်ဘဲနဲ့ ကျမတို့ မကျဆုံးစေချင်ဘူး။

(ဒေါ်အောင်ဆန်းစုကြည်)

သတင်းအကျဉ်းချုပ် ...

0 အာဇာနည် အမျိုးသားခေါင်းဆောင် …

အခုတစ်လော လူမှုဆက်သွယ်ရေး ကွန်ယက်တွေမှာ အာဇာနည်တွေကို သတိရကြ၊ လွမ်းဆွတ်ကြ၊ဂုဏ်ပြုကြ၊ ရေးသားကြ၊ မျှဝေနေကြတာတွေ တွေ့နေရတာ တကယ့်ကို ကျေနပ်စရာပါပဲ။

ဒီထဲမှာ အာဇာနည် အမျိုးသား ခေါင်းဆောင်ကြီး (၉) ဦး ဆိုတဲ့ အသုံးအနှုန်းမျိုးကိုတွေ့လိုက်ရတော့လည်း နည်းနည်းတော့ တွန့်သွားမိပါတယ်။

အာဇာနည် (Martyrs) ဆိုတာ လူအများ ကောင်းကျိုးအတွက် လူသာမန်တို့ မလုပ်နိုင်တဲ့ စွန့်လွှတ်မှု၊ အနစ်နာခံမှု တို့ကို ကိုယ့်ကိုယ်ကျိုး အတွက် မပါပဲ သန့်ရှင်းတဲ့ စိတ်နှင့် သတ္တိရှိရှိ အသက်ကိုပေးပြီးလုပ်ဆောင်ပေးတဲ့ လူတွေပါ။

အမျိုးသားခေါင်းဆောင် (National Leader) ဆိုတာ ပြည်သူလူထု တစ်ရပ်လုံးရဲ့ ချစ်ခင်မှု၊ကြည်ညိုလေးစားမှု တို့ကို လက်ခံရရှိပြီး နိုင်ငံတော်ရဲ့ အရေးအရာ ကိစ္စတို့ကို ဦးစီးဆောင်ရွက်ဖြေရှင်းပေးနိုင်သူပါ။ အမျိုးသားခေါင်းဆောင် ဆိုတဲ့ နာမဝိသေသနကို ကျွန်တော်တို့ရဲ့ ဖခင်ဗိုလ်ချုပ်ဘယ်လောက် အလေးဂရုပြုပြီး မြတ်နိုးဂုဏ်ယူခဲ့တယ် ဆိုတာ ဗိုလ်ချုပ်ကို ချစ်ခင်လေးစားတဲ့သူတိုင်းဖတ်ရှုမှတ်သား နားလည်ကြပါတယ်။

နိုင်ငံ့ခေါင်းဆောင် (State Leader or Head of Government)ဖြစ်တိုင်း အမျိုးသားခေါင်းဆောင် (National Leader) မဖြစ်နိုင်ပါ။ နိုင်ငံ့ခေါင်းဆောင် ဆိုတာအဓမ္မနည်းနဲ့ လည်း ဖြစ်နိုင်ပေမယ့် အမျိုးသားခေါင်းဆောင်က တော့ ဓမ္မနည်းလမ်းအရ ကလွဲပြီး အခြားနည်းလမ်းအရ ပေါ်ပေါက်လာစရာ အကြောင်းမရှိပါ။ ရှိလျှင်လည်း အတုသာ ဖြစ်ပါလိမ့်မည်။

၁၉၄၇ ခုနှစ် ဇူလိုင်လ ၁၉ ရက်နေ့ ဂဠုန်ဦးစောနဲ့ အပေါင်းအပါတစ်စုရဲ့ နိုင်ငံတော် လုပ်ကြံမှုကြီးမှာ …

(၁) အမျိုးသားခေါင်းဆောင် (National Leader) ဖြစ်သည့် အမျိုးသား ခေါင်းဆောင်ကြီးဗိုလ်ချုပ်အောင်ဆန်း။

(၂) အစိုးရအဖွဲ့ အဖွဲ့ဝင်များ (State Leaders or Heads of Government) များ ဖြစ်ကြသည့်

ပြည်ထဲရေး ဝန်ကြီး သခင်မြ၊ ပြန်ကြားရေး ဝန်ကြီး ဒီးဒုတ်ဦးဘချို၊ ပညာရေးနှင့်အမျိုးသားစီမံကိန်းဌာန ဝန်ကြီး ဦးရာဇတ်၊ စက်မှုလက်မှုနှင့် အလုပ်သမားဝန်ကြီး ဌာန ဝန်ကြီးမန်းဘခိုင်၊ အတိုင်ပင်ခံ တောင်တန်း ဒေသရေးရာ ဝန်ကြီး မိုင်းပွန်စော်ဘွား စပ်စံထွန်း၊ထောက်ပံ့ရေးနှင့် ကူးသန်း ရောင်းဝယ်ရေး ဝန်ကြီး ဦးဘဝင်း၊ လမ်းပန်း ဆက်သွယ်ရေး အတွင်းဝန်ဦးအုန်းမောင်။

(၃) ပညာရေးနှင့် အမျိုးသားစီမံကိန်းဌာန ဝန်ကြီး၏ ကိုယ်ရံတော် (Staff) ရဲဘော် ကိုထွေး တို့ ကျဆုံးခဲ့ရပါတယ်။

ကျဆုံးခဲ့ရသူများကို ဂုဏ်ပြုသောအားဖြင့် အာဇာနည်ဟု သတ်မှတ်ကာ ထိုနေ့ကိုလည်းအာဇာနည်နေ့ဟု ဂုဏ်ပြုသတ်မှတ်ခဲ့ပါတယ်။ ဒါကြောင့် အာဇာနည် အမျိုးသား ခေါင်းဆောင်ကြီး(၁) ဦး၊ အာဇာနည် ခေါင်းဆောင်ကြီး (၇) ဦးနှင့် အာဇာနည် ရဲဘော် (၁) ဦးဟူ၍သာ မှတ်ယူထားသင့်ပါတယ်။ အာဇာနည် ပုဂ္ဂိုလ်ကြီးများ၏ အတ္ထုပ္ပတ္တိကို သေချာစွာ လေ့လာကြပါက ပို၍သဘောပေါက်လာကြမည် ဟုသာ ဆိုချင်ပါသည်။

ထို့ကြောင့် ယနေ့ကျရောက်သော (၆၄) နှစ်မြောက် အာဇာနည်နေ့၌ အာဇာနည် အမျိုးသားခေါင်းဆောင်ကြီး ဗိုလ်ချုပ်အောင်ဆန်း၊ အာဇာနည် ခေါင်းဆောင်ကြီးများ ဖြစ်သော သခင်မြ၊ဒီးဒုတ်ဦးဘချို၊ ဦးရာဇတ်၊ မန်းဘခိုင်၊ စပ်စံထွန်း၊ ဦးဘဝင်း၊ ဦးအုန်းမောင် နှင့် အာဇာနည်ရဲဘော်ကိုထွေး တို့အား လေးစားစွာ ဂါရဝထား၍ အလေးပြုမိကြောင်းပါခင်ဗျား။

Thant Ko Ko Maung fACEBOOKမှ

သတင်းအကျဉ်းချုပ် ...

0 အမျိုးသားဒီမိုကရေစီအဖွဲ့ချုပ်ရုံးချုပ်တွင် ကျင်းပသော အာဇာနည်နေ့ အခမ်းအနား ရုပ်သံနှင့် သဘာပတိ မိန့်ခွန်း

National League for Democracy

သတင်းအကျဉ်းချုပ် ...

0 မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည် အာဇာနည်ဗိမာန်မှာ ဂါရ၀ပြု

Myanmar Martyrs Day

Myanmar's democracy icon Aung San Suu Kyi prays at her father's tomb at the Martyrs Mausoleum during a Martyr's Day ceremony in Yangon, Myanmar Tuesday, July 19, 2011. (AP Photo/Khin Maung Win) AP

သတင်းအကျဉ်းချုပ် ...

0 အမျိုးသားဒီမိုကရေစီအဖွဲ့ချုပ်မှပြုလုပ်မည့် အာဇာနည်နေ့ အခမ်းအနားအစီအစဉ်

အာဇာနည်နေ့ ဒေါ်အောင်ဆန်းစုကြည် နေအိမ်တွင် မနက် ၅ နာရီ အာရုံဆွမ်းကပ်လှူဒါန်းမည်။ နံနက် ၈ နာရီမှ ၁၀ နာရီအတွင်း ကျင်းပပြုလုပ်မည့် လက်ရှိ အစိုးရ အစီအစဉ်ဖြင့် ဒေါ်အောင်ဆန်းစုကြည် အာဇာနည်ကုန်းသို့ သွားရောက်ပြီး လွမ်းသူ့ပန်းခြင်း ပို့ဆောင်မည်။ အမျိုးသားဒီမိုကရေစီအဖွဲ့ချုပ်ရုံးတွင် အာဇာနည်နေ့ အခမ်းအနား ကို နံနက် ၁၁ နာရီတွင် စတင် ကျင်းပမည် ဖြစ်ပြီး ဒေါ်အောင်ဆန်းစုကြည် နဲ့ ဦးတင်ဦးတို့က အမှာစကား ပြောကြားမှာ ဖြစ်ပါသည်။ နိုင်ငံခြား သံတမန်များကိုလည်း အခမ်းအနားသို့ ဖိတ်ကြားထားပါသည်။ ရုံးတွင်လည်း ဆွမ်းကပ်လှူဒါန်းပွဲလည်း ပြုလုပ်မ​ည် ဖြစ်ပါသည်။

ရုံးချုပ်မှာ စုရပ်ထားပြီး ဒေါ်အောင်ဆန်းစုကြည် အပါအ၀င် လူဦးရေ ၁၀၀ ဦးခန့်က အာဇာနည် ဗိမာန်ကို ချီတက် လွမ်းသူ့ပန်းခွေချမှာ ဖြစ်ပါတယ်။ ဒီမိုကရေစီအင်အားစုနဲ့ လူငယ်ကွန်ယက်တို့ တွဲပြီး၊ CRPP ပြည်သူ့လွှတ်တော် ကိုယ်စားပြု ကော်မတီဝင်များ၊ ၀ါရင့် နိုင်ငံရေးသမားများ၊ အမျိုးသားဒီမိုကရေစီအဖွဲ့ချုပ် အဖွဲ့ဝင်များ လိုက်ပါကြမည်ဖြစ်ပါတယ်။ လူဦးရေ စာရင်းနဲ့ ပြည်ထဲရေးကို တင်ပြညှိနှိုင်းတာ ပြည်ထဲရေးက လူ ၁၀၀ ဦး လွမ်းသူ့ပန်းခွေ ကိုင်ဆောင်ပြီး အာဇာနည်ကုန်းသို့​ ချီတတ်ကြမည်ကို ခွင့်ပြုပေးသည်ဟု သိရပါသည်။ ဒါကြောင့် မနက်ဖြန် အာဇာနည်နေ့တွင် အေးချမ်းစွာဖြင့် အာဇာနည်ကြီးများကို ဂုဏ်ပြု ဦးညွတ်နိုင်လိမ့်မည် ဖြစ်ကြောင်း သိရပါသည်။

ရွှေနန္ဒ shwenanda

သတင်းအကျဉ်းချုပ် ...

0 ဒုတိယအကြိမ် လုပ်ကြံခံရခြင်း

ကြိုင်လှမောင်မောင်

သတင်းအကျဉ်းချုပ် ...

0 အမျိုးသားခေါင်းဆောင်ကြီး သို့မဟုတ် နှလုံးသားလှပတဲ့ သူရဲကောင်း (ှဗမာ့သွေး)

တိုင်းပြည် တာဝန် အမြင့်မားဆုံး စွမ်းဆောင်ကာ မိမိတို၏ အသက်ကို ပဓါန မထားဘဲ တိုင်းပြည် အတွက် ဆောင်ရွက်ရင်း ကျဆုံးခဲ့ရလို့ အာဇာနည်လို့ သတ်မှတ်ကာ တတိုင်းပြည်လုံးက အမြတ်တနိူးနဲ့ လေးစားချစ်ခင်ကာ ပြည်သူလူထုနှလုံးသားမှာ ကဗ္မည်းမော်ကွန်း တင်ထားခဲ့တဲ့ သူရဲကောင်းတွေရဲ့ ပုံရိပ်တွေက ကမ္ဘာတည်အောင် တည်တံ့နေမှာ အမှန်ပါဘဲ ။ ထိုအထဲကမှ သူရဲကောင်းတို့ အခေါင်ထွဋ်ဖျား ၊ မြန်မာနိူင်ငံရဲ့ အမျိုးသားခေါင်းဆောင် တပ်မတော်သားတို့ရဲ့ ဖခင်ကြီး ဗိုလ်ချုပ်အောင်ဆန်းက ဘာကြောင့် သူတပါးတွေထက် ပိုမို ကျော်ကြားကာ ထင်ရှားနေရသလည်း ဆိုတာကို အဖြေရှာကြည့်ရင် သူရဲ့ လှပသော နှလုံသား အကြောင်းကိုလည်း မေ့ထားလို့ ရမယ် မထင်ပါဘူး ။

တိုင်းတပါးကျွန် ဘ၀မှာ နေရတာထက် သေရတာ ပိုမြတ်ပါတယ် ခံယူထားတဲ့ ဗိုလ်ချုပ်အောင်ဆန်းက ရာထူးကိုလည်း မမက် အာဏာကိုလည်း မခင်တွယ် ၊ အခွင့်အရေးမှန်သမျှကိုလည်း ရှောင်ရှားကာ တိုင်းပြည် အတွက် ကြိုးစားပုံလေးများထဲက ကျနော် ကြားနာ မှတ်သား ဖူးတာလေးများကို ပြန်လည် ဝေမျှလိုက်ပါတယ် ။

1940 ပြည့်နှစ် ဇန်န၀ါရီလ မှာ ဒို့ဗမာ့ အစည်းအရုံးရဲ့ အလုပ်မှုဆောင် အစည်းအဝေးကို မန္တာလေးမြို့မှာ ကျင်းပလေသည် ။ ထိုအချိန်မှာ ဗြိတိလျှ လေဘာပါတီ ခေါင်းဆောင် ဆာ စတက်ဖို့ကရစ် က ဗမာနိူင်ငံ အခြေအနေကို လေ့လာဖို့ ရောက်လာခိုက်နဲ့ ကြုံလို့ ဒို့ဗမာ့အစည်းအရုံးဝင် များနဲ့တွေ့ဆုံခဲ့စဉ်က ထိုလေဘာပါတီ ခေါင်းဆောင်က သခင်အောင်ဆန်းတို့ အဖွဲ့ကို အခုလို ပြောပါတယ် ။

ဗမာပြည်ကို မရောက်ခင်က ခင်ဗျာတို့ အစည်းအရုံးဟာ လူရမ်းကားလေးတွေ ၊ ဆင်ခြင်တုံတရား ကင်းမဲ့ကာ သူပုန်ထဖို့ ကြိုးစားနေသူတွေ ၊ ပညာလက်မဲ့ အလုပ်လက်မဲ့တွေ စုပေါင်းနေတဲ့ အဖွဲ့အစည်းကြီးလို့ သိထားရတာ ။ ဒီကိုရောက်မှ အားလုံး အမြီးနဲ့ခေါင်း လွဲနေသလို ဖြစ်နေတယ် ဆိုတာကို ပြောရင်း သဘောကျစွာ ဟားတိုက် ရီနေပါတယ် ။ ထိုအခါ သခင်အောင်ဆန်းက ရယ်မောလျှက် ဒါက ဓမ္မတာပါဘဲ ။ အုပ်စိုးသူ အစိုးရ ဆိုတာ အုပ်ချုပ်ခံ လူတန်းစား အပေါ်မှာ အခုလို သဘေထားလေ့ရှိပါတယ် ။ အထူးသဖြင့် ကျနော်တို့က အတိုက်အခံ လုပ်နေတော့ သူတို့တွေ ဒီလို သတင်းလွှင့်ကြမှာပါဘဲ ။

တခုပြောချင်တာက ဗမာပြည်မှာ ရှိတဲ့ လူငယ်လူရွယ်တော ပညာမဲ့ အလုပ်လက်မဲ့ လူပေလူတေ လေးတွေ ဖြစ်ရတယ် ဆိုရင် ဘယ်သူ့ အပြစ်လည်း ။ ဗြိတိသျှ အုပ်စိုးခြင်း အောက်မှာ ဖြစ်ရတဲ့ အခုလို အဖြစ်အပျက် အတွက် ဗြိတိသျှ လူမျိုးတွေ ရှက်စရာ ကောင်းတာပေါ့ လို့ပြန်ပြောပါတယ် ။

ကရစ်ပ် ။ ။ တခုလောက် မေးစမ်းပါရစေ ၊ စပ်စုတယ်လည်း သဘောမထားပါနဲ့ ၊ ရင်းနှီးလို့ အခုလို မေးရဲတာပါ ။ ခင်ဗျာတို့က

အင်္ဂလိပ် လက်အောက်ခံ ဘ၀က လွတ်မြောက်ဖို့ ကြိုးစားနေကြတယ် ။ ဘယ်လိုနည်းနဲ့လွတ်မြောက်အေင် လုပ်ကြမှာလည်း ။

သခင်အောင်ဆန်း ။ ။ နည်းကတော့ ကျန်ာတို့ တရားတယ် ထင်တဲ့ နည်းလမ်းနဲ့ ရအောင် ပြန်ယူမှာပါဘဲ ။

ကရစ်ပ် ။ ။ မစ္စတာ အောင်ဆန်း ပြောတာ သိပ် နားမလည်ဘူး ၊ ထပ်ရှင်းစမ်းပါအုံး ။

သခင်အောင်ဆန်း ။ ။ ရှင်းပါတယ် ။ တရားတယ် ထင်တဲ့ နည်းလမ်း ဆိုတာ ရရာ နည်းလမ်းနဲ့ လုပ်ရမယ်လို့ ဆိုတာပါဘဲ ။ ဥပမာဗျာ ခင်ဗျာ အိပ်ထဲက

ဖောင်တိန်လေးဟာ ကျနော်ပိုင်တဲ့ ဖောင်တိန် ဆိုပါတော့။ ခင်ဗျာက ကျနော့်ဆီက အနိူင်ကျင့်ပြီး လုယူသွားတယ် ထားပါတော့ ။ ဒီတော့ ကျန်ာက ခင်ဗျာကို ပြန်လည် တောင်းပန်ပြီး ပြန်ပေးပါလို့ ချော့တောင်းမယ် ၊ မရရင် နောက်တနည်းနဲ့ ပြန်တောင်းမယ် ။ ဒီလိုမှ မရတဲ့ အဆုံးကျတော့ မပေးဘူးလား ပေးမလား ဆိုပြီး ခြိမ်းခြောက်တောင်းမယ် ။ ဒါနဲ့မှ မရရင် ဟောဒီလို အတင်းလုမယ် ။


သခင်အောင်ဆန်းသည် ပြောပြာဆိုဆို ကရပ်စ်ဖို့ ၏ အိပ်ကပ်ထဲက ဖောင်တိန်ကို ဆွဲယူလိုက်ရာ ကရပ်စ်၏ ကုတ်အကျီ်အိပ်ကပ်ကြီးပါ ပြဲ၍ ပါလာတော့သည် ။

သခင်အောင်ဆန်းမှာ ဧည့်သည်တယောက်၏ အကျိံင်္ီ ပြဲသည်ကိုပင် အားမနာတတ် ၊ အလိုက်မသိတတ်ဘဲ ဆက်ပြောလိုက်သေးသည် ။ ကဲ အဲဒီနည်းဟာ ကျနော်တရားတယ် ထင်တဲ့နည်းဘဲ ။ ကျနော့် ဖောင်တိန်ပြန်ရတာ လိုရင်းဘဲ ။ ကရပ်စ်မှာ ဘာမှ မပြောနိူင်ဘဲ အားရပါးရ ဟားတိုက်၍ ရယ်မောနေတော့သည် ။

သခင်အောင်ဆန်းက ဆက်ပြီး ကဲ . အခုလို လုပ်ယူရတော့ ကောင်းသေးရဲ့လား ။ ကျနော့်မှတော့ ဖောင်တိန်ပြန်ရပါရဲ့ ခင်ဗျာမှာတော့ အင်္ကျီအိပ်ကပ် အပြဲခံရတာသာ အဖတ်တင်သာပေါ့ ။ စောစောကသာ ပေးလိုက်ရင် အင်္ကျီလည်း မပြဲဘူး ။ ကျနော့်လက်တောင် တော်တော် နာသွားတယ်။ ခု ကျနော် ပြောနေတာတွေက အပိုပြောတာလည်း မပါဘူး ။ ခြိမ်းခြောက်တာလည်း မဟုတ်ဘူး ။ တကယ်ဖြစ်လာနိူင်တာကို ပြောပြတာဘဲ ။

ကရပ်စ်မှာ ဘာမှ မပြောနိူင် ။ အူတတ်မတတ် ဖြစ်နေရှာသည် ။ နောက် အတန်ကြမှာ အို ချစ်စရာ ကောင်းတဲ့ အောင်ဆန်း ၊ ချစ်စရာ ကောင်းတဲ့ အောင်ဆန်းဟူ၍သာ ထပ်ကာထပ်ကာ ရေရွတ်၍ နေရှာပါတော့သည် ။

ကိုယ်ပိုင် အုပ်ချုပ်ရေး နှင့် လွတ်လပ်သော တိုင်းပြည် အဖြစ်သို့ ရောက်ရှိစေရေး အတွက် ရန်သူကို ထိုသို့ သဘောထားကာ သံမဏိ စိတ်ဓါတ်ဖြင့် ဆက်ဆံခဲ့သော ဗိုလ်ချုပ်အောင်ဆန်းသည် တကယ်တာ့ နှလုံးသား လွန်စွာ လှပကာ ကိုယ်ချင်းစာ တရားဖြင့် လွန်စွာမှ ဂရုဏာ အားကြီးသည် ပုဂ္ဂိုလ် ဖြစ်လေသည်

စစ်သေနာပတိကြီး ဗိုလ်ချုပ်အောင်ဆန်းဟာ ရန်သူတွေနဲ့ ဆက်ဆံတဲ့ အခါ ကြမ်းတမ်းခက်ထန်သလောက် သူ့ရဲ့ နှလုံးသားက ဘယ်လောက် နူးညံ့သလည်း ဆိုတာကို ထိုစာလေးက ဖော်ပြနေတယ် ။

တိုင်းပြည်ရဲ့ အကြီးမားဆုံး ရာထူးကို ယူထားတဲ့ ဗိုလ်ချုပ်ဟာ ပဲပြုတ်နဲ့ နံပြားစားချင်တာကို အိပ်ပျော်နေတဲ့ သူ့ရဲ့ ချစ်ဇနီး အိပ်ရေးပျက်မှာ စိုးလို့ မနိူးရက်ဘဲ စာတိုလေးရေးပြီး မှာကြားထားတာ လေးက တကယ့်ကို လေးစားဖွယ် ကောင်းတဲ့ နှလုံးသား အလှပိုင်ရှင်ပါဘဲ.....။ ငါက အိမ်ထောင်ဦးစီး ၊ တိုင်းပြည်ရဲ့ အကြီးအကဲ ဆိုတာတွေ မေ့ဖျောက်ပြီး အာဏာပါဝါ ကို အသုံးမချဘဲ ချစ်ဇနီးကိုိ ချစ်ခင်မြတ်နိူးသည့် စိတ်ထဲက ဆန္ဒကို ရိုးသားစွာ ဖော်ပြထားတဲ့ ထိုစာလေးကို မြင်တိုင်း ကျနော် မျက်ရည်ဝဲခဲ့ရလို အိမ်ထောင်ဖက် အပေါ်ကို ထားရှိတဲ့ စေတနာက ယောက်ျားလေးတိုင်း အတုယူသင့်တယ်ထင်မြင်ယူဆ မိပါတယ် ။

ကျုပ်တို့ ဗိုလ်ချုပ် ရဲ့ လုပ်ဆောင်ချက်များကို ကြည်ညိုလေးစားလွန်းသေားကြောင့် စားဝတ်နေရေး ကြပ်တည်းနေတဲ့ သခင်အောင်ဆန်းကို အကူအညီပေးချင် ဒီရွှေထုပ်လေးကို အပ်နှံလာတဲ့ လူကို လုံးတီးဆန်ကို စုံကန်မြောနေရတဲ့ သခင်အောင်ဆန်းက ကျနော့် အတွက်က သိပ်အရေးမကြီးမလှပါ ။ အဖွဲ့ချုပ်မှာ ရန်ပုံငွေ လိုအပ်နေလို့ အဖွဲ့ချုပ်ကိုသာ သွားလှူလိုက်ပါလို့ အကြံပေးတော့ ရွှေထုပ်လာပေးတဲ့ ပုဂ္ဂိုလ်က သိပ်သဘောမကျပေမယ့် ဗိုလ်ချုပ်ကို ချစ်တော့ သူ့စကားကို မဆန့်ကျင်ဘဲ အဖွဲ့ချုပ်ကိုဘဲ သွားလှူပေးလိုက်ပါတယ်တဲ့ ။ အဲဒီအချိန်က သခင်အောင်ဆန်းအိမ်မှာ ဘယ်လို ဖြစ်ပျက်နေလည်း ဆိုတာ အောက်က အဖြစ်အပျက်လေးကို ဖတ်ကြည့်လိုက်ရင် ခင်ဗျာတို့ ပိုမို နားလည်သွားကြမှာပါ ။

ဗိုလ်ချုပ် အလုပ်သွားခါနီး သူ့ဇနီးသည် အတွက် ပြင်ဆင်ပေးထားတဲ့ ထမင်းဖြူလေးနဲ့ ၀က်အူချောင်း ငါးတုံး လောက် မနက်စာကို စားတော့မယ် အချိန်မှာ ဗိုလ်ချုပ်ရဲ့ အနားကို သူရဲ့ ရင်းသွေးငယ် နှစ်ဦးက လာထိုင်လို့ ဗိုလ်ချုပ်ကိုယ်တိုင် ထမင်းခွန့်ကြွေးခဲ့ဘူးတယ်.....။

သားကြီးကို ခွန့်လိုက် သားငယ်ကို ခွန့်လိုက်နဲ့ သူ့ကိုယ်တိုင်တော့ တလုပ်မှ မစားရသေးပါဘူး ။ ရှိနေတဲ့ ဟင်းက ၀က်အူချောင်းလေး ငါးတုံး သူ့အတွက် ဆိုတာ ဘာမှ မကျန်တော့ပေမယ့် မိဘမေတ္တာကြောင့် ဗိုလ်ချုပ်ဟာ သူ့အတွက်ကို မေ့ထားပုံရပါတယ် ။ ဒီမြင်ကွင်းကို ကြည့်ရင်း သူ့ဇနီးသည်က အရမ်းကို ၀မ်းနည်းလို့ မျက်ရည်ရွှဲလဲ နဲ့ ငိုချင်နေပေမယ့် သူ့ ခင်ပွန်းသည် သိမှာ စိုးလို့ လိုက်ကာလေး အကွယ်က တိတ်တိလေး ငိုကြွေးရင်းက အဖေ့အလုပ်သွားတော့မှာ သားတို့ရယ် .....မင်းတို့ အဖေကို မနှောက်ယှက်ပါနဲ့လို့ လှမ်းပြောလိုက်တယ်တဲ့.။

အဲဒီအချိန်မှာ သူတို့ မိသားစု ဖြစ်ပျက်နေပုံလေးကို အစ်ကိုကြီး အရင်းဖြစ်တဲ့ ကိုအောင်သန်းက သူတို့ အိမ်ကို ရောက်အလာမှာ မြင်တွေ့ရလို့ ရှုံးပွဲချကာ ငိုကြွေးပြီး ညီငယ်မိသားစုကို ကူညီဖို့ အရေး အတွက် သူ့ဇနီးသည်ကို ငွေမှာပြီး ပေးခဲ့ပြန်တယ် ။

တနိူင်ငံလုံးရဲ့ စစ်သေနာပတိ ရာထူးကို ယူထားကာ အမျိုးသား ခေါင်းဆောင်ကြီး ဖြစ်တဲ့ ညီငယ်ဟာ ထမင်းတောင် တူတူတန်တန် မစားရဘဲ ဖြစ်သလို စားနေရတာကို မြင်ရတော့ သူ့ရင်မှာ မချိခံစားရတယ်တဲ့ဗျာ.။ ကျနော်တို့သာ ဗိုလ်ချုပ်နေရာမှာ ဆိုရင် အဲဒီလို နေနိူင်ပါ့မလား လို့ တွေးမိရင်းက လေးစားလွန်းလှသလို ဒီလို စိတ်ရင်းစေတနာနဲ့ ပြည့်စုံတဲ့ ကျွန်ူပ်တို့ ဗိုလ်ချုပ်ဘ၀ ကို သနားချစ်ခင်ကာ ကျနော်လည်း မျက်ရည်တွေ ကျဆင်းခဲ့ရဘူးပါတယ် ။

လက်နက်တိုက်ထဲက လက်နက်တွေ ထုတ်သွားလို့ စိတ်ပူနေတဲ့ လူအများက ဗိုလ်ချုပ် လုံခြုံရေး အတွက် စိတ်ပူလို့ လုံခြုံရေး ပေးတော့ ကျနော်တို့ ဗိုလ်ချုပ်က သူ့အတွက် အပန်းမကြီးစေချင်လို့ ပြန်လည် ရုပ်သိမ်းခိုင်းတယ်ဗျာ.....။ ငါက မဟုတ်တာ မလုပ်တော့ လုပ်ကြံသူ ရှိမှာ မဟုတ်ပါဘူး တဲ့ ငါ့ကလေးတွေ အတွက် တော့ ငါစိတ်ပူတယ်ကွာ ဆိုပြီး ညီငယ်တစ်ယောက်လို ချစ်ခင်တဲ့ ကိုနေ၀င်းကို ဖွင့်ပြောတယ်တဲ့.။

သူ့မိသားစု အတွက် ၊ အထူးသဖြင့် သူ့ကလေးတွေ အတွက် တော့ စိတ်ပူရှာလို့ သူ့အိမ်မှာ လုံခြုံရေး ယူထားတဲ့ သူတွေကို လက်နက်ထုတ်ပေးဖို့ စီစဉ်ခိုင်းတယ်ဗျာ.....။ ကိုယ့်အတွက်တော့ မစဉ်းစားဘဲ သားသမီးတွေ အတွက် တွေးပူတတ်တဲ့ သူရဲကောင်းကြီးက ဖခင်ပီသတဲ့ စိတ်ဓါတ်လေးနဲ့ သူ့မိသားစု အပေါ်မှာတော့ အင်မတန်မှ ချစ်ခင်တဲ့ ယောက်ျားကောင်း ယောက်ျားမြတ်ကြီးပါလားဆိုပြီး အရိုအသေပေးမိပြန်ပါသေးတယ် ။

ကိုယ့်အသက်ထက် သားသမီးအရေး စဉ်းစားပေးခဲ့တဲ့ နှလုံသားလှတဲ့ ဖခင်ကြီး ဗိုလ်ချုပ်အောင်ဆန်းက တကယ်ဆို သူသေမှာကို သိနေခဲ့သူဆိုတာ အောက်ပါ အဖြစ်အပျက်လေးက သက်သေခံထားပါတယ် ။

တိုင်းပြည်အတွက်နောက်ဆုံး အကြိမ် အရေးဆိုဖို့ အင်္ဂလန်ကို ရောက်နေတုန်း ညတညမှာ ဗိုလ်ချုပ်ဟာ ဘုရင်ခံ ဆာဒေါ်မန်စမစ်ကို အရေးတကြီး တွေ့ခွင့်တောင်းခဲ့ပါတယ် ။ တိုင်းပြည် အရေးကို ဆွေးနွေးဖို့ ထင်မှတ်တဲ့ ဒေါ်မန်စမစ်က လက်ခံ တွေ့ဆုံတဲ့ အခါ ဗိုလ်ချုပ်က ဘာပြောသလည်း ဆိုတော့... ကျနော် အထီးကျန် ဖြစ်လွန်းလို့ ခင်ဗျာနဲ့ စကားပြောချင်လို့ပါ ပြောတဲ့ အခါ ဆာဒေါ်မန်စမစ် က အံ့သြသွားတယ် ။

တိုင်းပြည် တပြည်လုံးရဲ့ မျက်စိမျက်ဆန်လို ဖြစ်နေတဲ့ ခင်ဗျာလို့ အမျိုးသား ခေါင်းဆောင်ကြီးက အထီးကျန်ဆန်တယ်လို့ ပြောတော့. ကျနော်စိတ်ထဲမှာနားလည်လို့ မရဘူးလို့ ဆာဒေါ်မန်စမစ်က ပြန် ပြောတဲ့ အခါ့  ဗိုလ်ချုပ်အောင်ဆန်းက မျက်နှာက ချက်ချင်း တင်းသွားပြီး ကျနော် တိုင်းပြည်ကို လွတ်လပ်စေချင်လို့ နိူင်ငံရေးလုပ်ခဲ့တာပါ အမျိုးသားခေါင်းဆောင် ဖြစ်ချင်လို့ နိူင်ငံရေး လုပ်ခဲ့တာ မဟုတ်ဘူး ၊

ကျနော်တို့ တိုင်းပြည်ရဲ့ အမျိုးသားခေါင်းဆောင်ဘ၀ဟာ ဒီလောက် အထီးကျန်ဖြစ်လိမ်မယ်လို့ တခါမှ မထင်ထားခဲ့ဘူး ။ ဒီမယ် ကျုပ်တို့ တိုင်းပြည်ရဲ့ အမျိုးသား ခေါင်းဆောင် ဘ၀က သက်တမ်း ဘယ်လောက် ရှိလိမ့်မယ် ထင်လည်း ။ အလွန်ဆုံး သုံးနှစ်ဘဲ ၊ အခု ကျနော် ၁၈ လ ရှိပြီ နောက်နေရလှ ၁၈လ ပါဘဲ လို့ ပြောရင်း ဗိုလ်ချုပ်က မျက်ရည်တွေ ကျဆင်းလာတယ် ။

ဆာဒေါ်မန်စမစ်က ဘာပြောသလည်း ဆိုရင် တကယ်ဆို သူဟာ သေမှာကို အတိအကျနီးပါး သိနေခဲ့သူပါ ။ ဗိုလ်ချုပ် မန္တလေးကို စည်းရုံးရေး ဆင်းသွားတော့ ရဟန်းပညာ ရှိ ၊ လူပညာရှိတွေက ဗိုလ်ချုပ်ဇာတာကို တွက်ချက်ကြည့်တဲ့ အခါ မကြာခင် လုပ်ကြံခံရလိမ့်မယ်လို့ တညီတညွတ်တည်း ထွက်ဆိုထားတာရယ် ၊ သူ့ရဲ့ ပင်ကိုယ် ဗီဇ ကြောင့်ရယ်လို့ သိနေရတဲ့ အကြောင်းအရင်း နှစ်ခု ရှိနိူင်တယ်တဲ့ ။

တကယ်ဆို ဗိုလ်ချုပ် မျက်ရည် ကျတာဟာ သူသေမှာကို ကြောက်လို့ မဟုတ်ပါဘူး ၊ အရမ်းရင်းနှီးတဲ့ မိတ်ဆွေတစ်ယောက်ရဲ့ ရှေ့မှာ ရင်ဖွင်ပြတဲ့ သဘောနဲ့ မျက်ရည်ကျသွားတာပါလို့ ဆာဒေါ်မန်စမစ်က သူရေးထားတဲ့ စာအုပ်ထဲမှာ ရှင်းလင်းပြခဲ့ဘူး တယ်.....။

ဗိုလ်ချုပ်ဟာ သူသေရမှာကို သိနေပေမယ့် တိုင်းပြည်အရေး ဆောင်ရွက်စရာ တွေ နှောင့်နှေးကုန်မှာ စိုးလို့ လွတ်လပ်ရး ဆိုတဲ့ ပန်းတိုင်ကို အရာအားလုံးကို ဥပက္ခပြုပြီးချီတက်သွားတဲ့ အမြင့်မြတ်ဆုံး သူရဲကောင်း တစ်ယောက်ပါ ။ ကျနော်တို့ တတွေ ဗိုလ်ချုပ်ကို တကယ်ချစ်တယ် ဆိုရင် ဗိုလ်ချုပ် ဖြစ်စေချင်တဲ့ ဆန္ဒများကို အမြန်ဆုံး အကောင်အထည်ဖော်ပေးနိူင်အောင် ကြိုးစားကြရလိမ့်မယ် ။

ကျနာ် စဉ်းစားမိတာ တခုက ဗိုလ်ချုပ်လို ရဲရဲတောက် သူရဲကောင်းကြီး တစ်ယောက်ကို တောင် မျက်ရည်ကျလောက်အောင် အတိုက်အခံ လုပ်ကြတဲ့ လူအများက ယခင်က ရှိခဲ့ကြ ပေမယ့် သူ့ရဲ့ ဦးတည်ချက် ဖြစ်တဲ့ လွတ်လပ်သော နိူင်ငံ အဖြစ်သို့ ရောက်အောင် ချီတက်သွားတာပါဘဲ ။ အတိုက်အခံများက နောက်ဆုံးနည်းလမ်းကို ကျင့်သုံးကာ လုပ်ကြံသတ်ဖြတ်ခဲ့လို့ မြန်မာနိူင်ငံ အတွက်ဆိုတာ အသာထား ကမ္ဘာမှာတောင် နှစ်တရာ အတွင်းမှာ တကြိမ်သာ ပေါ်ထွန်းနိူင်တဲ့ ကြယ်တပွင့် ရင်နင့်ဖွယ်ရာ ကြွေကျခဲ့ရပါတယ် ။

ယခုလည်း သူ့ရဲ့ ရင်နှစ်သည်းချာ တိုင်းပြည်ရဲ့ ရတနာတပါးဖြစ်တဲ့ ဒေါ်အောင်ဆန်းစုကြည်ကို အမျိုးမျိုး ၀ိုင်းဝန်း ထိုးနှက်နေကြတာဘဲ ။ ဒါတွေကို ကြည့်ပြီး တကယ် စိတ်မကောင်း ဖြစ်မိပါတယ် ။ ကိုယ့်အမှားကို ကိုယ်သိပြီး ပြင်ကြရင် အချိန်မှီတန် ကောင်းပါ့ရဲ့ဗျာ.။

ယခုလည်း သူ့ရဲ့ ရင်နှစ်သည်းချာ တိုင်းပြည်ရဲ့ ရတနာတပါးဖြစ်တဲ့ ဒေါ်အောင်ဆန်းစုကြည်ကို အမျိုးမျိုး ၀ိုင်းဝန်း ထိုးနှက်နေကြတာဘဲ ။ ဒါတွေကို ကြည့်ပြီး တကယ် စိတ်မကောင်း ဖြစ်မိပါတယ် ။ ကိုယ့်အမှားကို ကိုယ်သိပြီး ပြင်ကြရင် အချိန်မှီတန် ကောင်းပါ့ရဲ့ဗျာ.။

ဗိုလ်ချုပ်အောင်ဆန်းက ပြော ထားတဲ့ စကားလေး

တစ်တိုင်းပြည်လုံး ကြီးပွားစေချင်ရင် လူအား၊ ငွေအား၊ ပစ္စည်းအားနဲ့ စုပေါင်းပြီး အင်တိုက်အားတိုက် လုပ်နိုင်မှ အကျိုးခံစားခွင့်ရှိကြမှာပဲ။ ဗမာ ကတစ်မျိုး၊ ကရင်ကတစ်ဖုံ၊ ကချင်၊ ချင်းတို့က တခြား အကွဲကွဲအပြားပြား လုပ်နေကြရင် အကျိုးရှိမှာမဟုတ်ဘူး။ စုပေါင်းလုပ်မှာသာ အကျိုးရှိ နိုင်မယ်။ လုပ်ကြည့်မှလည်း အကျိုးရှိကြောင်း သိနိုင်တယ်”

ဒါပေမယ့် အခုချိန်မှာ လူတစုက ပြည်တွင်းပြည်ပလည်း ခွဲခြား ၊တိုင်းရင်းသား မျိုးနွယ်စုများကိုလည်း မသိမသာ သွေးခွဲနဲ့ စိတ်ပျက်စရာ သိပ်ကို ကောင်းတယ်ဗျာ.........။ အဲဒီလူတွေကဘဲ တော်လှန်ရေး ဆိုတဲ့ အသံကို လူတွေက မုန်းတီးနေကြကာ ပြည်သူလူထု နစ်နာပါတယ်လို့ အကြောင်းပြပြီး လက်ရှိအစိုးရ လုပ်ရပ်များကို မသိမသာ အားပေးကြပြန်တယ် ။ ။တကယ်ဆို တော်လှန်ရေး ဆိုတာ လူ့သမိုင်းတလျှောက်မှာ အင်မတန်မှ အရေးပါတဲ့ အခန်းဂဏ္ဍက ရပ်တည်ခဲ့တယ် ဆိုတာ သမိုင်းမှာ အထင်အရှားပြခဲ့ပါတယ် ။

မဟုတ်လျှင် မခံ ၊ မတရားလျှင် တွန်းလှန် ၊ ဖိလျှင် ကြွမည် ၊ ထိလျှင် ချမည် ဟူသော အမှန်တရားဘက်က ရဲရဲရင့်ရင့် ရပ်တည်ကာ တိုင်းပြည် ဖွံ့ဖြိုး တိုးတက်အောင် ကျနော်တို့ တိုင်းပြည်မှာ ကြီးစိုးနေတဲ့ အာဏာရှင် စနစ်ဆိုးကို ၀ိုင်းဝန်းတိုက်ထုတ်ကြပါစို့လို့ အသိပေးရင်း လေးစားစွာ နိူးဆော် တိုက်တွန်းရင်း ကျဆုံးလေပြီးသော ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးများအား ဦးညွှတ်ကာ ဂါရ၀ပြုလျှက် ...။

ခင်မင်လေးစားလျှက်

ဗမာ့သွေး

သတင်းအကျဉ်းချုပ် ...

0 အာဇာနည်နေ့ ဥသြသံ နှင့် အာဇာနည်နေ့ မော်ကွန်းဝင် တေးသီချင်းများ

~ အာဇာနည်နေ့ ဥသြသံ နှင့် အာဇာနည်နေ့ မော်ကွန်းဝင် တေးသီချင်းများ ~ by komyoedesign
လွတ်လပ်ရေးအရယူပေးခဲ့တဲ့ အမျိုးသားခေါင်းဆောင်ကြီးတွေ ကျဆုံးခဲ့တဲ့နေ့၊ တပ်မတော်ဖခင်ကြီးကျဆုံးခဲ့တဲ့နေ့၊ဇူလိုင် ၁၉ ရက်နေ့ရောက်တိုင်း အာဇာနည်နေ့ဆိုတာကို အမျိုးကိုချစ်၊ နိုင်ငံကိုချစ်၊ တိုင်းပြည်နဲ့လူမျိုးကို ချစ်ကြတဲ့သူတိုင်း သတိရမိကြမှာပါ။ အာဇာနည်သီချင်းတွေရှားပါးပျောက်ကွယ်လုသီချင်းတွေထဲက လက်လှမ်းမီသမျှ စုစည်းပြီး ခံစားနားဆင်နိုင်အောင်ပါ။
~~~~~~~~~~~~~~~~~~~~~~~~~~~~~~~~~~
* အလေးပြုပါသည် *
သီဆိုသူ - မေလှမြိုင်
ရေးစပ်သီကုံးသူ - ဂီတာတင်အုံး

(နှစ်လဌာနီ အခါရာသီရွေ့ပေမယ့် အာဇာနည်နေ့ကိုဖြင့် မမေ့သင့်ပါသလေ…♫ ♪ ♫ ♪ ♫♪…ယနေ့ဖြင့် သတိ တရားထားဖို့ အခြေ …♫ ♪ ♫ ♪ ♫♪…အများပြည်သူတွေ အများပြည်သူတွေ …♫ ♪ ♫ ♪ ♫♪…အာဇာနည်နေ့ကိုလေ တွေးရှုကာပဲ …♫ ♪ ♫ ♪ ♫♪…အလေးပြုပါမယ်လေ…♫ ♪ ♫ ♪ ♫♪… )၂
စနစ်အနေပြောင်းခဲ့ပေမယ့် အဖြစ်ဟောင်းက ဖြေသော်မပြေ …♫ ♪ ♫ ♪ ♫♪… လွမ်း ... မျက်ရည် မြေခပြီမို့ တွေးတသသ ဆွေးစမရွှင်ပေ …♫ ♪ ♫ ♪ ♫♪… ရွှေရင်ဆူ ကဲ ကြေကွဲဝမ်းနည်းရပုံတွေ ယနေ့ထက်တိုင် အခြေ မမေ့ရက်နိုင်ပါလေ…♫ ♪ ♫ ♪ ♫♪…
အာဇာနည်ခေါင်းဆောင်ကြီးတွေ …♫ ♪ ♫ ♪ ♫ ♪ ♫ ♪…
အာဇာနည်ခေါင်းဆောင်ကြီးတွေ …♫ ♪ ♫ ♪ ♫ ♪ ♫ ♪…
ကောင်းရာသုဂတိရောက်ရှိကြပြီလေ…♫ ♪ ♫ ♪ ♫ ♪ ♫ ♪…
တေးကဗျာ အနုစာခွေရေးကာ တေးပြု …♫ ♪ ♫ ♪... အလေးပြုပါတယ်လေ …♫ ♪ ♫ ♪ ♫ ♪ ♫ ♪…
(အစအဆုံး ပြန်ဆို)
~~~~~~~~~~~~~~~~~~~~~~~~~~~~~~~~~~
~ သတိရပါသည် ~

ရေးစပ်သီကုံးသူ - မောင်မောင်သီ|
သံစဉ် စန္ဒယားလှထွတ်| သီဆိုသူ - ၀င်းဦး

(အာဇာနည်နေ့…♫ ♪ ♫ ♪ ♫ ♪… တမြေ့မြေ့ သတိရနေ …♫ ♪ ♫ ♪… သတိရသည်နှင့်အမျှလေ အသိက ညီရင်းတမျှဆွေ တိုင်းရင်းသားလူမျိုးစုတွေ …♫ ♪ ♫ ♪…
ဥမကွဲသိုက်မပျက် ခရီးဆက်လက်နှင်မလေ …♫ ♪ ♫ ♪…)၂

ဗိုလ်ချုပ်အောင်ဆန်း မှာတမ်းများခြွေ …♫ ♪ ♫ ♪… တပ်မတော်နဲ့ပြည်သူ …♫ ♪ ♫ ♪… တပြေးတည်းညီတူနေ …♫ ♪ ♫ ♪… တိုင်းပြည်ထူထောင်ရေး …♫ ♪… လုပ်ငန်းများ အထွေထွေ တွဲယှဉ်မကွာပေ မနှေးအစဉ်သာပေ …♫ ♪ ♫ ♪… ရင်ကြားစေ့အောင် ဆောင်ရွက်နိုင်စေ ညီနောင်တစုမှာလေ့ …♫ ♪ ♫ ♪ ♫ ♪…

ကျရောက်သမျှတာဝန်တွေ …♫ ♪ ♫ ♪… မသွေတမ်းပေ …♫ ♪ ♫ ♪… မခိုမကပ် လိုအပ်သမျှတွေ ဖြည့်တင်းလို့လေ …♫ ♪ ♫ ♪… သွေးစည်းခြင်းရဲ့ ရလဒ်အဖြေ လွတ်လပ်ခြင်းမှာ တို့ရာရဲအမွေ …♫ ♪ ♫ ♪… ဒီအမွေ ဒီအနှစ် တစက်မျှ အထိမခံပေ …♫ ♪ ♫ ♪… (အန္တရာယ်ရန်စွယ်ဟူသမျှတွေ)၂ သိုင်းသိုင်းဝန်းဝန်း ရိုင်းပင်းကာ တွန်းလှန်ဖြိုဖျက် တခဲနက် အောင်မြင်စေ …♫ ♪ ♫ ♪…

(အစအဆုံးပြန်ဆို)

komyoedesign အားကျေးဇူးတင်ရှိပါသည်.

သတင်းအကျဉ်းချုပ် ...

0 ဒေါင်းတမန်ဂျာနယ်

DaungTaManJournal
ပေးပို့သော ရွှေနန္ဒ. မမြတ်လေးငုံအားကျေးဇူးတင်ရှိပါသည်..

သတင်းအကျဉ်းချုပ် ...

0 သန်းရွှေသိန်းစိန်အာဏာရူးများလက်ထက်ကလေးစစ်သားစုဆောင်းမှု၊လူ့အခွင့်အရေးချိုးဖောက်မှုများတိုင်ကြားချက်အထောက်အထားမှတ်တမ်းများ -အပိုင်း(၂)

လူ့အခွင့်အရေးစောင့်ကြည့်ကာကွယ်ရေးကွန်ယက်




သန်းရွှေသိန်းစိန်အာဏာရူးများလက်ထက်ကလေးစစ်သားစုဆောင်းမှု၊လူ့အခွင့်အရေးချိုးဖောက်မှုများတိုင်ကြားချက်အထောက်အထားမှတ်တမ်းများ -အပိုင်း(၁)http://www.dawnmanhon.com/2011/07/blog-post_5917.html

သတင်းအကျဉ်းချုပ် ...