ယနေ့ဇွန်လ ၃ ရက်နေ့ညနေ ၃ နာရီအချိန်ခန့်က ရန်ကုန်မြို့၊တက္ကသိုလ်ရိပ်သာလမ်း ၊အမှတ်(၅၄) ရှိ မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်၏နေအိမ်၌NLDပါတီ၏ပြောရေးဆိုခွင့်ရှိသူရှေ့နေဦးဥာဏ်ဝင်းနှင့် ဒေါ်အောင်ဆန်းစုကြည်တို့တွေ့ဆုံဆွေးနွေးခဲ့ကြပါသည်။ယင်းသို့တွေ့ဆုံဆွေးနွေးရာ၌မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်မှNLDပါတီ၏ပြောရေးဆိုခွင့်ရှိသူရှေ့နေဦးဥာဏ်ဝင်းအားအောက်ပါအတိုင်း ပြောကြားခဲ့ပါသည် ။
(၁) တရုတ်ပြည်သူ့သမ္မတနိုင်ငံ ၀န်ကြီးချုပ် ၀မ်ကြားပေါင်အားမြန်မာစစ်အစိုးရမှလက်ခံတွေ့ဆုံခြင်းသည် အိမ်နီးချင်းနိုင်ငံတစ်ခုအနေဖြင့်ချစ်ကြည်ရင်းနှီးမှုမှာအလွန်အရေးကြီးသည့်အတွက်တွေ့ဆုံခြင်းအပေါ်ဝမ်းမြောက်စွာလက်ခံပါကြောင်း
(၂)NDF ဒေါက်တာသန်းညိမ်းနှင့် ဦးခင်မောင်ဆွေတို့ ပါတီတည်ထောင်၍မှတ်ပုံတင်ခြင်းကိစ္စရပ်အပေါ်၌ ရှုတ်ချခြင်းလည်းမပြုသလို၊ထောက်ခံခြင်းလည်းမပြုကြောင်း၊ ၄င်းတို့ပါတီအနေနှင့် NLD ပါတီနှင့်မည်သို့မှ မသက်ဆိုင်ပါကြောင်း
(၃)အမေရိကန်အထက်လွှတ်တော်အမတ်(၆)ဦးမှNLDပါတီကိုလက်ရှိတရားဝင်ပါတီအဖြစ်ထောက်ခံ အားပေးနေံခြင်းကိုလည်း အထူးကျေးဇူးတင်ရှိပါကြောင်း
(၄)ဦးအောင်ဆန်းဦးမှစွဲဆိုခဲ့သောအမှုကိစ္စအပေါ်၌လည်းတရားဥပဒေနှင့်အညီ ဆက်လက်ရင်ဆိုင်သွားမည်ဖြစ်ကြောင်း
(၅)အမေရိကန်နိုင်ငံအထက်လွှတ်တော်အမတ် မစ္စတာဂျင်ဝဘ်နှင့်လည်းတွေ့ဆုံခွင့်ရပါကတွေ့ဆုံလိုပါကြောင်း
(၆)၄င်း၏ကျန်းမာရေးအခြေအနေမှာလည်းကောင်းမွန်လျှက်ရှိနေပါကြောင်း၊မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်မှNLD ပါတီ၏ပြောရေးဆိုခွင့်ရှိသူရှေ့နေဦးဥာဏ်ဝင်းသို့ပြောကြားသွားခဲ့ပါသည်။
လေးစားဦးညွှတ်လျှက်
ရဲရဲတောက် Burma Paparazi
သတင်းအကျဉ်းချုပ် ...
ပြည်သူတွေ ဒုက္ခရောက်ပြီးငတ်ပြတ်နေချိန်မှာ မျောက်လောင်းလေးကတော့ မွေးနေ့ ကျင်းပပြီးပျော်မြူးနေလျက်ပါပဲ။ဓာတ်ပုံများအတွက် batoeအားကျေးဇူးတင်ရှိပါသည်။
သတင်းအကျဉ်းချုပ် ...
အံ့ဘုန်းမြတ်(dvb)
သရုပ်ဆောင်ထက်ထက်မိုးဦးနဲ့ 7 Day Journal သတင်းထောက် မအေးသူစံတို့ရဲ့ ကိစ္စနဲ့ပတ်သက်ပြီး မြန်မာနိုင်ငံစာပေနှင့် စာနယ်ဇင်းဗဟိုအဖွဲ့က ထပ်မံပြီး ကြေညာချက်တစ်စောင်ကို မနေ့က ရက်စွဲနဲ့ ထုတ်ပြန်လိုက်ပါတယ်။ ဒီကြေညာချက်ထဲမှာတော့ သတင်းရင်းမြစ်နဲ့တွေ့ဆုံမေးမြန်းရင် ကျင့်ဝတ်နဲ့အညီမေးဖို့နဲ့ စာပေ၊ ရုပ်ရှင်၊ သဘင်ဂီတ နယ်ပယ်အချစ်ချင်းချစ်ခင်ရင်းနှီးမှုကိုပျက်ပြားစေနိုင်သည့် ပြောဆိုပြုမှုခြင်းများကိုရှောင်ရှားရန်ဆိုတဲ့နှစ်ချက်ကို စာနယ်ဇင်းအဖွဲ့ ကထုတ်ပြန်တာပါ။ ဒီလိုစာထုတ်ပြန်လိုက်တာနဲ့ပတ်သက်ပြီး “အဲဒီစာကတော့ နှစ်ဦးနှစ်ဘက်ကို မျှမျှတတဖြစ်အောင်အသင်းက စီမံတယ်၊ ဆုံးဖြတ် တယ်လို့ထင်တယ်။ စာထဲမှာ တိုက်တွန်းမေတ္တာရပ်ခံတယ်လို့ပါတယ်လေ.. ဆိုတော့မျှတာပါတယ်။ သတင်းထောက်ကို ဝေဖန်တာမျိုး.. ရှုတ်ချတာမျိုး မဟုတ်ဘူးလေ´´ လို့ သတင်းဂျာနယ် အယ်ဒီတာတစ်ဦးကပြောပါတယ်။
ဒီကြေညာချက်ကို အတွင်းရေးမှူး ဦးကိုကို (စက်မှုတက္ကသိုလ်) က ဥက္ကဌကိုယ်စား လက်မှတ်ရေးထိုး ထုတ်ပြန်ခဲ့တာဖြစ်ပြီး အသစ်ပြန်လည်ဖွဲ့စည်းထားတဲ့ မြန်မာနိုင်ငံစာပေနှင့်စာနယ်ဇင်း ဗဟိုရဲ့ ဒုတိယအကြိမ်မြောက် ထုတ်ပြန်ကြေညာချက်လည်း ဖြစ်ပါတယ်။
သတင်းအကျဉ်းချုပ် ...
ရန်ကုန်မြို့၊ အပြည်ပြည် ဆိုင်ရာ အလုပ်သမား ရေးရာ အဖွဲ့ရုံး (အိုင်အယ်လ်အို) က အဓမ္မ ခိုင်းစေမှု ဆိုင်ရာ လက်ကမ်း စာစောင်ကို အစိုးရ၊ ကုလသမဂ္ဂ၊ ပြည်တွင်း ပြည်ပ လူမှုရေး အဖွဲ့ အစည်းများ၊ ရပ်ရွာ လူမှု အသိုင်း အ၀ိုင်း များမှ တဆင့် ဇွန်လ လယ်ပိုင်း မှစပြီး ဖြန့်ဝေ သွားမည် ဖြစ်ကြောင်း ယင်းရုံးမှ ဆက်သွယ် ညှိနှိုင်းရေးမှူး စတိဖ် မာရှယ်လ်က ပြောကြား ပါသည်။ ယင်း လက်ကမ်း စာစောင်တွင် အဓမ္မ စေခိုင်းမှု ဆိုသည်မှာ အဘယ်နည်း၊ မည်သို့ တိုင်ကြား နိုင်သနည်း၊ တိုင်ကြား မှုသည် လျှို့ဝှက် လုံခြုံမှု ရှိပါသလား၊ တိုင်ကြားပုံ နည်းစနစ် အရ မည်သို့ ဆောင်ရွက် သနည်း၊ တိုင်ကြားခြင်းဖြင့် မည်သို့ ရလာဒ်များ ပေါ်ပေါက်လာ နိုင်ပါသလဲ၊ တိုင်ကြားမှု ပြုလုပ်ရန် မည်သူ့ကို ဆက်သွယ် ရမည်နည်း စသည်ဖြင့် ခေါင်းစဉ်များ ခွဲလျက် မြန်မာ ဘာသာဖြင့် လွယ်ကူ ရှင်းလင်းစွာ နားလည် နိုင်အောင် ရေးသား ထားကြောင်း သိရှိရ ပါသည်။
မြန်မာနိုင်ငံဆိုင်ရာ ဆက်သွယ်ရေးအရာရှိ စတိဗ် မာရှယ်လ် (Steve Marshall) နဲ့ ပဲခူးမြို့က လမ်းပြကြယ်အဖွဲ့မှရှေ့နေကြီးဦးအေးမြင့်တို့တွေ့ဆုံစဉ်အဆိုပါ လက်ကမ်း စာစောင်ကို ဖြန့်ဝေ ရန်အတွက် အလုပ် သမား ရေးရာ ၀န်ကြီးဌာန၊ ၀န်ကြီး ဦးအောင်ကြည် နှင့် အပြည်ပြည်ဆိုင်ရာ အလုပ်သမား အဖွဲ့ရုံး၊ (အိုင်အယ်လ်အို)၊ အမှုဆောင် ညွန်ကြားရေးမှူး မစ္စတာ ကာရီတာ ပရီအိုလာ နှင့် အဖွဲ့နှင့် ယခုနှစ် ဇန်န၀ါရီလ ၁၈ ရက်နေ့တွင် တွေ့ဆုံစဉ် သဘော တူညီချက် ရရှိခဲ့ခြင်း ဖြစ်ကြောင်း သိရှိရသည်။ အိုင်အယ်လ်အိုက ပထမ ပုံနှိပ်မှု အနေဖြင့် စောင်ရေ တစ်သိန်း ရိုက်နှိပ်ထားပြီး လိုအပ် သလောက် ဆက်လက် ဖြန့်ဝေသွားမည်ဟု ဆိုပါသည်။ လက်ကမ်း စာစောင်တွင် အဓမ္မ ခိုင်းစေမှု ဆိုသည်မှာ လူတစ်ဦး တစ်ယောက်အား အလုပ် တစ်ခုကို ထိုသူ မပြုလုပ်ပါက (သို့မဟုတ်) မလိုက်နာပါက တစ်စုံ တစ်ရာ အပြစ်ပေး ခံရမည် ဟူသော ခြိမ်းခြောက် မှုကြောင့် ထိုသူ၏ ဆန္ဒမပါဘဲ ဥပဒေနှင့် ဆန့်ကျင်၍ ခိုင်းစေသော အလုပ်မျိုးကို ခေါ်ပါသည် ဟုဖော်ပြ ထားပါသည်။ ထို့အပြင် တိုင်ကြားချက်ကို ပေးပို့ရန် အိုင်အယ်လ်အို အဖွဲ့ရုံး၏ တည်ရှိရာ (ကုန်သည်ကြီးများ ဟော်တယ်၊ ဆူးလေ ဘုရားလမ်း) လိပ်စာ အသေးစိတ်၊ ဆက်သွယ်ရန် ဖုန်းနံပါတ်များနှင့် အီးမေးလ် များကို ဖော်ပြ ထားသည်ဟု သိရှိရ ပါသည်။
(ဟံသာဝတီ)
သတင်းအကျဉ်းချုပ် ...
နယူးဒေလီ (မဇ္ဈိမ) ။ ။ အမျိုးသား ဒီမိုကရေစီ အဖွဲ့ချုပ် (မလေးရှားဌာနခွဲ) တွင် အဖွဲ့ဝင်ဖြစ်ဖူးသူ ကိုသန်းမြင့်အောင်ကို သင်္ကန်းကျွန်းမြို့နယ် တရားရုံးက တရားမဝင် နယ်စပ် ဖြတ်ကျော်မှုနှင့် တရားမဝင် အဖွဲ့အစည်းနှင့် ဆက်သွယ်မှုတို့ဖြင့် ထောင်ဒဏ် ၅ နှစ် ယနေ့ ချမှတ်လိုက်သည်။
မြန်မာနိုင်ငံတွင်းသို့ နယ်စပ်မှ ဖြတ်ကျော်မှု လူဝင်မှု ကြီးကြပ်ရေး အက်ဥပဒေ ပုဒ်မ ၁၃/၁ ဖြင့် ထောင်ဒဏ် ၂ နှစ်နှင့် တရားမဝင်အဖွဲ့အစည်းနှင့် ဆက်သွယ်မှု (၁၇/၁) ထောင်ဒဏ် ၃ နှစ် သီးခြားစီကျခံရန် တရားသူကြီး ဒေါ်ညွှန့်ညွှန့်ဝင်းက ချမှတ်လိုက်ခြင်းဖြစ်သည်။
“သူ့အီမေးလ် ဖွင့်ကြည့်ပြီးတော့ အဲဒီထဲက အထောက်အထားတွေအရ မလေးရှား NLD L/A မှာ ဝင်ရောက် လှုပ်ရှားခဲ့တဲ့ သက်သေခံတွေ၊ အချက်အလက် အထောက်အထားတွေက ခိုင်လုံနေတယ်” ဟု မိသားစုနှင့် နီးစပ်သူတဦးက ပြောသည်။
အသက် ၃၁ နှစ်အရွယ် ကိုသန်းမြင့်အောင်သည် စစ်အစိုးရက အတိုက်အခံများကို ထောင်သွင်း အကျဉ်းချရာတွင် တွင်ကျယ်စွာ သုံးနေသော နိုင်ငံတော် အကြည်ညို ပျက်စေသော သတင်းအချက်အလက်များ အင်တာနက်မှတဆင့် ဖြန့်ဝေမှု အီလက်ထရောနစ် အက်ဥပဒေ ၃၃ (က) ဖြင့်လည်း စွဲဆိုခံထားရပြီး ဇွန် ၄ ရက်နေ့တွင် တာမွေမြို့နယ်ရှိ အရှေ့ပိုင်း ခရိုင်ထပ်မံ အမှုရင်ဆိုင်ရမှာဖြစ်သည်။
ကိုသန်းမြင့်အောင်မှာ မလေးရှားနိုင်ငံသို့ ပြန်လည်သွားရောက် အလုပ်လုပ်ရန် နိုင်ငံကူး လက်မှတ်လျှောက်ထားစဉ် မတ်လ ၄ ရက်နေ့က တာမွေမြို့နယ် ဘတ်စ်ကား မှတ်တိုင်တခုတွင် ရဲများက ဖမ်းဆီးခဲ့သည်။
ရဲက ဗုံးဖောက်ခွဲမှု တခုတွင်ပါ ပတ်သက်သည်ဟု သံသယရှိကာ သူကို ဖမ်းဆီးခဲ့ခြင်း ဖြစ်သည်။
စမ်းချောင်းမြို့ ပဒုမ္ပာပန်းခြံအတွင်း လူအသေအပျောက် မရှိသည့် ဗုံးပေါက်ကွဲမှု မတ်လ ၃ ရက် နေ့က ဖြစ်ပွားရာ ကိုသန်းမြင့်အောင် လက်ချက်ဟု ရဲက စွပ်စွဲခဲ့ရာက အထောက်အထား မပြနိုင်သဖြင့် စွဲချက် ပျက်ပြယ်သွားသည်။
ကိုသန်းမြင့်အောင်သည် မလေးရှားနိုင်ငံတွင် ၂၀၀၂ ခုနှစ်မှသည် ၂၀၀၈ ခုနှစ် နှောင်းပိုင်းအထိ သွားရောက် အလုပ်လုပ်ကိုင်ခဲ့ပြီး အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ - မလေးရှားဌာနခွဲ) တွင် အဖွဲ့ဝင် ဖြစ်ခဲ့ဖူးသည်ဟု စုံစမ်း သိရှိရသည်။
သတင်းအကျဉ်းချုပ် ...
(မိုးမခ)
လာမယ့် ဇွန်လ ၁၉၊ စနေနေ့မှာ ၀ါရှင်တန်ဒီစီ မှာ ပြည်နယ် မြို့နယ် ၇ ခုက မြန်မာမိသားစုတွေ စုဝေးပြီးတော့ မြန်မာပြည် ဒီမိုကရေစီခေါင်းဆောင် ဒေါ်အောင်ဆန်းစုကြည် ၆၅ နှစ်ပြည့် မွေးနေ့ အခမ်းအနားကျင်းပမည့်အကြောင်း အားလုံးကို နွေးထွေးလှိုက်လှဲစွာ ဖိတ်ကြားထားပါတယ်။
ပထမအစီအစဉ်အနေနဲ့ သမ္မတအိုဘားမားရဲ့ အိမ်ဖြူတော်ရှေ့မှာ နေ့ခင်း ၁ နာရီက ၃ နာရီအထိ စုဝေးကြပြီးတော့ ဒေါ်အောင်ဆန်းစုကြည်အရေး ဦးစားပေးဖြေရှင်းပေးဖို့ ဆန္ဒပြတောင်းဆိုတဲ့ ပွဲ ကျင်းပမှာ ဖြစ်ပါတယ်။ ပြီးနောက် ညနေ ၄ နာရီက ၇ နာရီ ကယ်ဗာရီ ဘက်ပစ် ချပ်မှာ မွေးနေ့အခမ်းအနားကို ယဉ်ကျေးမှုကပွဲ၊ ဗမာ့အငြိမ့်၊ ဓာတ်ပုံပြပွဲ စသည်တို့နဲ့ စီစဉ်ထားတယ်လို့ ဆိုပါတယ်။ မြန်မာပြည်တွင်း ရေရရှိရေး ၀ိုင်းဝန်းကူညီကြဖို့ နှိုးဆော်ရေး အစီအစဉ်များလည်း ပါဝင်တယ်လို့ ဆိုပါတယ်။ ၀င်ကြေးနဲ့ အစားအသောက်များကို အခမဲ့ လှူတယ်လို့ သိရပါတယ်။
မြန်မာပြည်ရဲ့ တခုတည်းသော အတိုက်အခံပါတီကြီး -အင်န်အယ်ဒီပါတီနဲ့ ဒေါ်အောင်ဆန်းစုကြည် ဦးဆောင်မှုကို ထောက်ခံသူများ သွားဖြစ်အောင် သွားပြီး စုဝေး အင်အားပြသင့်တဲ့ ပွဲ တခု ဖြစ်ပါတယ်။
သတင်းအကျဉ်းချုပ် ...
BURMA VJရုပ်ရှင်ဇာတ်ကားပြသနေသည့် Aoyama Theatreတည်ရှိရာမြေပုံ
