ထူးဆန်းထွေလာ ဖားနှစ်ကောင်သတင်းနဲ့ အတူပြန်လည်ထွက်ရှိ
လာတဲ့ တစ်ပတ်ခန့်ထုတ်ဝေမှု အပိတ်ခံရသော ပေါ် ပြူလာဂျာနယ်
နအဖစစ်အစိုးရ၏ စာပေကင်ပေတိုင်ဌာနမှ ထုတ်ဝေခွင့် တစ်ပတ်တိတိ ပိတ်ပင်ခံခဲ့ရသော ပေါ် ပြူလာဂျာနယ်နှင့် အင်ဗွိုင်းဂျာနယ်နှစ်စောင်တို့ အနက် ပေါ်ပြူလာဂျာနယ်မှာ ယခုတနင်္ဂနွေနေ့တွင် ပြန်လည် ထုတ်ဝေခွင့်ရရှိခဲ့ပြီး၊ အင်ဗွိုင်းဂျာနယ်မှာလည်း မကြာခင်မှာ ပြန်လည်ထုတ်ဝေခွင့် ရရှိတော့မှာ ဖြစ်ကြောင်း စာပေအသိုင်းအ၀ိုင်းနှင့် နီးစပ်ပတ်သက်သော အသိုင်းအ၀ိုင်းမှ ကြားသိရပါသည်။ ယင်းဂျာနယ်နှစ်စောင်အား စာပေကင်ပေတိုင်ဟူသော အမည်ဆိုးဖြင့် ကျော်ကြားနေသော မြန်မာနိုင်ငံစာပေစိစစ်ရေးမှ ၄င်းတို့ဂျာနယ် ထုတ်ဝေသူများအား အကြောင်း အမျိုးမျိုးကြောင့် ထုတ်ဝေနိုင်ခြင်း မရှိပါဟူ၍ လျှောက်ထား စာရေးသား တင်ခိုင်းခဲ့သော်လည်း ( Bi Weekly Eleven) နှင့်( Monitar) ဂျာနယ်တို့က မိန်းကလေးအဖော်၊ အလန်ပုံများကို ဖော်ပြသောကြောင့် မြန်မာစာပေစိစစ်ရေးမှ ထုတ်ဝေမှု ရပ်ဆိုင်းခဲ့ရခြင်း ဖြစ်ကြောင်းကို ဖော်ကောင်လုပ် ရေးသား တင်ပြခဲ့သဖြင့် ပေါ် ပြူလာဂျာနယ်နှင့် အင်ဗွိုင်းဂျာနယ် ထုတ်ဝေသူတို့မှာ စာပေ၀န်းကျင်တွင် အရှက်ရခဲ့ပါသည်။
မြန်မာနိုင်ငံ စာပေစိစစ်ရေးညွှန်မှုး (ဗိုလ်မှုးတင့်ဆွေ(ခ)ရဲရင့်တင့်ဆွေ)မှာ ၄င်း၏နောက်ကွယ်မှ ထောက်လှမ်းစုံစမ်း ဖိအားပေးနေသည့် (ဗိုလ်မှုးမျိုးမြင့်မောင်)ကို မလွန်ဆန်နိုင်သောကြောင့် ဖြစ်သည်ဟု စာပေစိစစ်ရေးနှင့် နီးစပ်သူတို့က ပြောဆိုခဲ့ပါသည်။ (၂၀၁၀)ရွေးကောက်ပွဲကာလ နီးကပ်လာသည်နှင့် မြန်မာနိုင်ငံစာပေစိစစ်ရေး ကင်ပေတိုင်များက စာပေအနုပညာ၊ ဂျာနယ်၊ မဂ္ဂဇင်းထုတ်ဝေမှုများ၊ ရေးသားမှုများအပေါ်တွင် ပိုမိုကာ ဖိအားပေး နှိပ်ကွပ်လျှက် ရှိနေပါသည်ဟုလည်း ယင်းစာပေအသိုင်းအ၀ိုင်းက ဆိုလာပြန်ပါသည်။ နအဖစစ်အစိုးရ အကြိုက်ကိုသိသော အလိုတော်ရိ လျှပ်တပြက်ဂျာနယ်မှ (ဆရာကြီးတစ်ခါစားမြတ်ခိုင်)၊ စာပေစိစစ်ရေးအတွင်းရေးမှုး (ကိုကို-စက်မှုတက္ကသိုလ်) ဆိုသူတွေကတော့ ၄င်းတို့အရှင်သခင် နအဖစစ်ဗိုလ်ချုပ်၊ ဗိုလ်မှုးကြီးများကို မိန်းမအပျော်အပါး၊ ယမကာသေရည်တို့ ဆက်သတိုက်ကျွေးပြီး၊ ၄င်းတို့ဂျာနယ်များ ဆင်ဆာ ဖြတ်ခြင်းမခံရအောင်၊ အ၀ါရောင်စာပေများ ရေးသားခွင့်ရအောင် လာဘ်သက္ကာယများ ဆက်သနေပါတယ် လို့လည်း ပြောကြားလာပါတယ်။ ယခုအပိတ်ခံရတဲ့ ဂျာနယ် ထုတ်ဝေသူများကလည်း မိမိတို့ ဂျာနယ်များထုတ်ဝေမှု အပိတ်မခံရအောင် အရှင်သခင်ကြီးများကို မည်သည့်နည်း၊ မည်သည့်အရာများဖြင့်ဆက်သရမည်လဲဆိုသည်ကို စဉ်းစားနေရပါကြောင်း ကြားသိခဲ့ရပါသည်။ (၂၀၁၀)ခုနှစ် ကမ္ဘာ့ ဖလားပြိုင်ပွဲတွင် ဘောလုံးအနိုင်အရှုံးကို မှန်ကန်တိကျစွာ ဆုံးဖြတ်ပေးခဲ့သော ရေဘ၀ဲလေး ပေါလ်ကို အားကျတော်မူသော နအဖအကြိုက် (ဖော်လံဖား) တတ်သော ဒါရိုက်တာကြည်စိုးထွန်းနှင့် (ကပ်ဖား)သော တေးသံရှင်ရော့ခ်ကာကြီး ဇော်ဝင်းထွဋ် တို့ကလည်း ပြန်လည် ထုတ်ဝေခွင့်ရခဲ့သော ယခုတစ်ပတ်ထုတ် ပေါ် ပြူလာဂျာနယ်တွင် နအဖ စစ်အစိုးရရွှေ တို့သဘောကျမည့် အကြောင်းအရာများကို ဆောင်းပါးအဖြစ် ရေးသားထားသည် ကိုတော့ ရေးသားတင်ပြခဲ့ပါရင် ရှည်ဝေးနေမည် စိုးပါသဖြင့် ရှာဖွေဝယ်ယူ ဖတ်ရှုကြပါရန် လေးစားစွာ တိုက်တွန်းအပ်ပါသည်။
မာဃ၀ိဇ္ဇာ
သတင်းအကျဉ်းချုပ် ...
ဇူလိုင်ဆယ့်ကိုး တပ်လှန့်နိူးသည်
ဒို့မျိုးစဉ်ဆက် တိုင်သနည်း။
ဆယ့်ကိုးဇူလိုင် မမေ့နိူင်တည့်
မိုးရက်မိုးခါ ဖြစ်နေပါလည်း
ရှူသာမြက်ခင်း နံနက်ခင်းနှင့်
ယင်းသည့်စနေ ဂြိုလ်ဆိုးမွှေခဲ့။
တွင်းဝန်ရုံးဆီ ဆယ်နာရီနှင့်
စွန်းသည်ဟိုဘက် နာရီဝက်တွင်
ပြည်တွက်ရေးရာ များဝန်တာကို
ဖြာဖြာတနည်း ခေါင်းဆောင်ကြီးတို့
စုစည်းတထွေ ဆွေးနွေးနေစဉ်
ဂျစ်ကားစိမ်းမှ ဆင်းသက်ကြပြီး
လက်မှတော်မီ စတင်းချီလျှက်
တပ်မည် နံပါတ် ဆယ့်နှစ်မှတ်သည့်
စစ်တပ်ဝတ်စုံ အရေခြုံတို့
စုပြုံတက်သွား မိနစ်ခြားဝယ်
နားကွဲမတတ် ဒလစပ်လျှင်
ပစ်ခတ်ဆူညံ သေနတ်သံတို့
မိုးယံထိုးဖောက် လေ၀ယ်နှောက်သည်
ထက်အောက်ဝန်းကျင် တုန်သနည်း ။
ကျည်ပွင့် သံလည်း
မိုးယံကိုဖွင့် လေ၀ယ်လွင့်သည်
ယမ်းပွင့်ယမ်းခိုး ဝေသတည်း ။
ဗိုလ်ချုပ်အောင်ဆန်း ပြည့်ချစ်ပန်းနှင့်
ခေါင်နန်းစာဆို ဦးဘချိုပြင်
ကြည်ညိုဆပွား ဒို့အားထားသည့်
စော်ဘွားမိုင်းပွန် လူရည်ချွန်လှ
သခင်မြနှင့်
တကွတူပြိုင် မန်းဘခိုင် ၊
ကြိုင်လှိုင်သတင်း ဦးဘ၀င်း
ပျံ့သင်းဂုဏ်ဒြပ် ဦးရာဇတ်တို့
ပစ်သတ်ခံရ ဆောင်ခန်းမ၀ယ်
လဲကျသေဆုံး သွေးနီဖုံးသည် -------
ဆုံရှုံးခဲ့ရလေပြီတကား ။
ဤသတင်းလျှင်
ချက်ခြင်းပျံ့သွား ပြည်သူ့နားသို့
သိကြားမကြာ ပြည်လုံးမှာလည်း
သည်းညှာပျက်ပြုန်း ကြိမ်မီးအုံးသို့
ယူကျုံးမရ မျက်ရည်ကျခဲ့---------- ၊
တသနှမြော အသေစောဟု
သောကလှိုက်ဖို ရှိုက်ငင်ငိုမိ
ရက်ကိုလစား ချိန်တွေများသည်
ခြေက်ဆယ့်သုံးနှစ် တိုင်ခဲ့ပြီ။
ပြည်သူ့လွတ်လပ်ရေး အသက်ပေး၍
စတေးခံသွား ခေါင်းဆောင်များအတွက်
ဒို့ကားတဖန် ဆောင်ရွက်ရန်ကား
မိမြန်အတွက် စွမ်းသည့်ဘက်မှ
ဆထက်ကြိုးကုတ် အားမာန်ထုတ်၍
ဗိုလ်ချုပ်ချမှတ် လမ်းစဉ်မြတ်ကို
ကျင့်အပ်လိုက်နာ သွားရန်သာတည်း ။
ဆယ့်ကိုးဇူလိုင် မမေ့နိူင်သည့်။
ဇူလိုင်ဆယ့်ကိုး တပ်လန့်နိူးသည် --------၊
ဒို့မျိုးစဉ်ဆက် တိုင်သတည်း ။
ထွဏ်းနေနွယ် ။
သတင်းအကျဉ်းချုပ် ...
မြန်မာလူမျိုးတို့ ကပ်ဆိုဒ်နေ၍လား၊ ရာသီဥတုတွေ ဖောက်ပြန်နေ၍လား၊ ဆင်းရဲနွမ်းပါးမှု ဒါဏ်ကြောင့်လား မသိ … ကျွန်တော်တို့၏ နာရေးကူညီမှုအသင်း(ရန်ကုန်)ရှိ သုခကုသိုလ်ဖြစ် ဆေးခန်းသို့ လာရောက်ပြသ ကုသကြသော လူနာဦးရေသည် တစ်နေ့ထက် တစ်နေ့ ပိုမိုများပြား လာသည်။ ယခုဆိုလျှင် နေ့စဉ် လူနာ (၂၀၀) ခန့်ကို အခမဲ့ ကုသပေးနေလျှက်ရှိသည်။ ကုသိုလ်ဖြစ် ဆရာဝန်ကြီး၊ ဆရာဝန်မကြီးများ၏ စေတနာ ပံ့ပိုးမှုတို့ကြောင့် နာရေးကူညီမှုအသင်း(ရန်ကုန်)၏ သုခကုသိုလ်ဖြစ်ဆေးခန်းသည် လူမျိုးဘာသာ ဆင်းရဲချမ်းသာ မိတ်ဆွေရန်သူမရွေး လူနာများ၊ ကျန်းမာရေး ချို့တဲ့သူများကို နွေးထွေးပျူငှာစွာ အခမဲ့ ကုသပေးနိုင်ခြင်းဖြစ်သည်။ လူနာဦးရေ များပြားလာသည်နှင့်အလျှောက် လူနာများ ဆေးဝါးကုသမှုခံယူရန် စောင့်ဆိုင်း နားခိုရသော နေရာသည် အဓိကဖြစ်တော့သည်။ နေပူ မိုးရွာထဲ ဒီအတိုင်း စောင့်ဆိုင်းခိုင်း၍ မဖြစ်။ ဥပေက္ခာပြု၍ မဖြစ်။ အားကိုးတကြီးနှင့် ဆေးဝါးကုသမမှု လာရောက်ကုသ ခံယူကြသော လူနာများအား နွေးထွေးပျူငှာ ကြင်နာစွာ ဂရုစိုက်ရန် ကျွန်တော်တို့၏ တာဝန်ဖြစ်သည်။
ထို့ကြောင့် ယခင် ယာယီဆောက်လုပ်ထားသော လူနာနားနေဆောင်အားဖျက်၍ ခိုင်ခန့်မှု၊ ငြိမ်းအေးမှု၊ တည်တံ့မှု၊ ကြည်နူးမှုများနှင့် ပြည့်စုံသော အဆောက်အဦးကို တတ်သိပညာရှင်တို့နှင့် ပူးပေါင်းကာ အကောင်အထည်ဖေါ် တည်ဆောက်ခဲ့ကြသည်။ လေ၀င်လေထွက် ကောင်းရမည်၊ စိတ်အေးချမ်း သာယာရမည်၊ ကြည်နူးစေရမည်၊ ဗဟုသုတရစေရမည် စသည့် ပေးဆပ်မှုတို့နှင့် ပြည့်စုံ စေရန် သစ်ပင် ပန်းမာလာများကိုလည်း စိုက်ပျိုးပေးခြင်း၊ လေ၀င်လေထွက်ကောင်းရန် ဆောက်လုပ် ပေးထားခြင်း၊ သန့်စင်ခန်းသွားရန် လွယ်ကူစေခြင်း၊ သန့်ရှင်းတောက်ပြောင်စေခြင်း၊ နားနေရာတွင် အဆင်ပြေ သက်တောင့်သက်သာ နားနေရန် ထိုင်ခုံများ စီစဉ်ပေးထားခြင်း၊ မသန်မစွမ်း လူနာ၊ အသက်ကြီးရင့်သော လူနာများအား Wheel Chair နှင့် စီစဉ်ပေးခြင်း၊ ဆရာဝန်ကို စောင့်ဆိုင်းနေရချိန် တွင် နာရေးကူညီမှုအသင်း(ရန်ကုန်)၏ ပေးဆပ်မှု DVD အခွေများကို TV Screen နှင့် ပြသပေးခြင်း၊ မေတ္တာပို့သံ တရားဓမ္မများကို ဖွင့်လှစ်ပေးထားခြင်းတို့ကြောင့် လူနာများသည် ဆရာဝန်အား မပြသခင် ကတည်းက သူတို့၏ ရောဂါဝေဒနာ တစ်ဝက်လျော့ပါး သွားစေတော့မည် ဖြစ်ပါသည်။
သုခ နားနေဆောင်အား ၁၇.၇.၂၀၁၀ (စနေ) နေ့တွင် နာရေးကူညီမှုအသင်း(ရန်ကုန်) ဥက္ကဌ ဦးကျော်သူ၊ ဘဏ္ဍာရေးမှူး ရွှေဇီးကွက် ၏ မိဘနှစ်ပါးတို့မှ မုန့်ဟင်းခါးဖြင့် လူနာများ၊ ပရိသတ်များ၊ အသင်းသူ/သားများ၊ အလှူရှင်များအား ကျွေးမွေးလှူဒါန်းကာ ဖွင့်လှစ်ခဲ့ပါသည်။
အများပြည်သူ (ပြည်တွင်း ပြည်ပအလှူရှင်) တို့ လှူဒါန်းထားသော အလှူငွေတို့ဖြင့် ဆေးဝါး ကုသကြမည့် အများပြည်သူတို့အတွက် ရောဂါဝေဒနာများကို သက်တောင့်သက်သာ ကုသနိုင်ရန် အတွက် စိတ်အေးချမ်းမြေ့စွာ နားနေနိုင်ရန်အတွက် “သုခ နားနေဆောင်” အား အောင်မြင်စွာ ဖွင့်လှစ် ပေးနိုင်ပြီဖြစ်ပါ၍ အများပြည်သူ အလှူရှင်အပေါင်းတို့ သာဓု အနုမောဒနာ ခေါ်ဆိုနိုင်ရန် တင်ပြလိုက် ပါသည်။
သတင်းနှင့်ဓာတ်ပုံ။ ။ ကိုကျော်သူ
သတင်းအကျဉ်းချုပ် ...
အဲဒီနေ့က ဒီဇိုင်းဆရာဆီက ပြန်ခဲ့တယ်။ စာအုပ်အဖုံးအတွက် ဒီဇိုင်းအပ်ထားပါတယ်။ တစ်လကြာခဲ့ပြီ။ သူ့ဆီ သွားရတာလည်း အကြိမ်ပေါင်း မနည်းတော့ဘူး။ “ မနက်ဖြန် လာကြည့်ပါ “ ဆိုတဲ့စကား သွားတိုင်းကြားနေရတယ်။
အဲဒီစကားဟာ ကျွန်တော်တို့ အမြဲ သုံးနေကျစကားပါ။ အလုပ်တစ်ခု သွားအပ်ရင်ပဲဖြစ်ဖြစ်၊ ရစရာရှိလို့ သွားတောင်းရင်ပဲဖြစ်ဖြစ်၊ တွေ့စရာရှိလို့ချိန်းရင်ပဲဖြစ်ဖြစ် ‘ နက်ဖြန် ‘ ဆိုတဲ့စကား အလွယ်တကူ သုံးတတ်ကြတယ်။ ‘ မနက်ဖြန် ‘ ဆိုတဲ့ နောက်တစ်နေ့ဟာ သိပ်မကြာခင် ရောက်လာမှာဖြစ်လို့ သည်းခံပါ။ “ မနက်ဖြန် “ ဆိုတာ နီးနီးလေးပါ ။ ဘာကြာတာမှတ်လို့။ ခဏလေးစောင့်ရတာပဲ။ ဒီလောက်မှ စိတ်မရှည်ဘူးလား။ “ မနက်ဖြန် “ ဆိုတာ ဒီလို အဓိပ္ပာယ်တွေ ရှိနေတယ်။
‘ မနက်ဖြန် ‘ ဆိုတဲ့အချိန်ဆိုင်းမှုဟာ ကျွန်တော်တို့တစ်တွေရဲ့ အလေ့အထလိုဖြစ်နေကြတယ်။ ကျွန်တော်တို့တစ်တွေရဲ့ အချိန်အပေါ်တန်ဖိုးထားမှုအားနည်းကြောင်း ဝန်ခံနေတဲ့ စကားလုံးဆိုတာ သတိမပြုမိကြဘူး။ “ မနက်ဖြန် “ ဆိုတဲ့စကားဟာ ကတိမတည်ခြင်းရဲ့ သင်္ကေတတစ်ခု ဖြစ်နေတယ်ဆိုတာ မစဉ်းစားမိကြဘူး။ ဒါပေမဲ့ ‘ မနက်ဖြန် ‘ ဆိုတာ နောက်တစ်နေ့ အိပ်ရာထရင် ရောက်သွားတတ်တာပဲ။ ဒီလောက်တော့ စောင့်နိုင်ရမှာပေါ့ဆိုတဲ့ အပြန်အလှန်နားလည်မှုတွေနဲ့ အပြန်အလှန်သည်းခံရင်း အပြန်အလှန် ခွင့်လွှတ်မှုတွေနဲ့ နေလာခဲ့ကြတာ ကျွန်တော်တို့ရဲ့ ယဉ်ကျေးမှုတစ်ရပ်လို ဖြစ်နေပါပြီ။
“ မနက်ဖြန်မှ လုပ်မယ် “
“ မနက်ဖြန်မှ တွေ့မယ် “
“ မနက်ဖြန်မှ သွားမယ် “
ဆိုတဲ့ ‘ မနက်ဖြန် ‘ များစွာဟာ ကျွန်တော်တို့ ပါးစပ်ထဲမှာ၊ စိတ်ထဲမှာ အကျင့်ဖြစ်နေတဲ့ သာမန်စကားတစ်လုံးပါ။ “ See you tomorrow “ ဆိုပြီး ခွဲကာနီးမှာ နှုတ်ဆက်စကား ပြောကြတာ စာဖတ်သူတွေ ကြားဖူးမှာပါ။ လူတွေရဲ့ စိတ်ထဲမှာ မနက်ဖြန်ဆိုတာ သေချာတဲ့ နေ့တစ်နေ့လို့ ယုံမှတ်ပြီး အလွယ်တကူ နှုတ်ဆက်ကြတဲ့သဘောပါ။
ဒီဇိုင်းဆရာဆီကအပြန် ဆိုင်ကယ်စီးလာရင်း ‘ မနက်ဖြန် ‘ ဆိုတဲ့အချိန်အကြောင်းကို တွေးနေမိပါတယ်။ အဲဒီနေ့က ( ၆၂ ) လမ်းအတိုင်း ပြန်လာခဲ့ပါတယ်။ နေ့ခင်းဖက်ဆိုတော့ လူရှင်း၊ ကားရှင်းဖြစ်နေလို့ ဆိုင်ကယ်ကို ဖြည်းဖြည်းစီးလာခဲ့တယ်။ ဖြစ်ချင်တော့ ( ၆၂ ) လမ်းနဲ့ ခိုင်ရွှေဝါလမ်းဒေါင့်မှာ သဲကားနဲ့ ဆိုင်ကယ်တစ်စီး ချိတ်မိပြီး ဆိုင်ကယ်စီးလာတဲ့ လူနှစ်ယောက် ကားရဲ့ နောက်ဘီးကားအောက်မှာ ပြားပြားမှောက်လို့ သေနေရှာတယ်။ လူတွေကလည်း ဝိုင်းအုံလို့၊ တစ်ယောက်တစ်မျိုး ထင်မြင်ချက်တွေပြောပြီး ကြည့်နေကြတယ်။ ကျွန်တော်ကတော့ နီရဲနေတဲ့သွေးတွေကိုမကြည့်ရဲတာနဲ့ တုန်ုတုန်ယင်ယင်ဖြစ်ပြီး အိမ်ကို ပြန်လာခဲ့တယ်။
ဒီနေရာမှာ ကျွန်တော် စဉ်းစားမိတာလေး ရေးပြပါရစေ။
ဒီလူနှစ်ယောက်တော့ သေသွားရှာပြီ။ ဒီလူနှစ်ယောက်ကို ကျွန်တော်မသိပါဘူး။ ဒီလူနှစ်ယောက် နောက်ထပ် ဘဝတစ်ခုကို ပြောင်းသွားကြပြီ။ ဒီလူနှစ်ယောက်အတွက် မနက်ဖြန်ဆိုတာ မရှိတော့ဘူး။ မနက်ဖြန်ဆိုတဲ့စကား သူတို့မပြောနိုင်တော့ပါဘူး။ မနက်ဖြန်ဆိုပြီး အချိန်ကို ရွှေ့လို့မရတော့ပါဘူး။ မနက်ဖြန်ဆိုတာ သူတို့နဲ့ မသက်ဆိုင်တော့ပါဘူး။ မနက်ဖြန်များစွာဟာ သူတို့နှစ်ယောက်ဘ၀မှာ ပြီးဆုံးသွားခဲ့ပါပြီ။
မေးပါရစေ။
ဒါဆိုရင် ‘ မနက်ဖြန် ‘ နဲ့ ‘ နောက်ဘဝ ‘ ဘယ်သူက နီးပြီး၊ ဘယ်သူကပိုဝေးသလဲ။
ဥာဏ်နုနယ်တဲ့ ကလေးတစ်ယောက်ကိုသာမေးရင်တော့ မနက်ဖြန်ဆိုတာ နီးနီးလေး၊ နောက်ဘဝဆိုတာ အဝေးကြီးလို့ ဖြေမှာပဲ။
ဥာဏ်ကြီးတဲ့ လူတစ်ယောက်ကို မေးရင်တော့ မနက်ဖြန်ဆိုတာ အဝေးကြီး၊ နောက်ဘဝဆိုတာ နီးနီးလေးလို့ ဖြေမှာပါပဲ။ သေချာတွေးကြည့်ရင် မနက်ဖြန်ဆိုတာရောက်လာဖို့ နောက်ထပ် ( ၂၄ ) နာရီလောက် လိုသေးတယ်။ နောက်ဘဝဆိုတာ ချက်ချင်း ဖြစ်သွားနိုင်တာပဲ။
ဒါဆိုရင် မသေချာတဲ့ မနက်ဖြန်တွေကို ကိုယ်တကယ် မပိုင်ဆိုင်တဲ့ မနက်ဖြန်တွေကို ဘာဖြစ်မယ်မသိတဲ့ မနက်ဖြန်တွေကို ကျွန်တော်တို့ ဘာလို့ တန်ဖိုးထားနေမိကြတာလဲ။ နောက်ဘဝဆိုတာ မနက်ဖြန်ထက်စာရင် အများကြီးနီးတယ်ဆိုတာ သိရဲ့သားနဲ့ ဘာလို့များ အချိန်ကို တန်ဖိုးမထားမိကြတာလဲ။
နောက်ဘဝ ဆိုတာ နီးနီးလေးမှန်းသိရင် အလုပ်တွေကို ပြီးအောင် လုပ်သင့်တယ်။ အချိန်မဆွဲသင့်ဘူး။ အမုန်းတရားတွေနေရာမှာ မေတ္တာတရားနဲ့ အစားထိုးသင့်တယ်။ မနာလို၊ ဝန်တိုမှုတွေနေရာမှာ အပြန်အလှန် လေးစားမှုတွေနဲ့ ဆက်ဆံသင့်တယ်။ ယုံကြည်မှုတွေနဲ့ လက်တွဲသင့်တယ်။ တစ်ယောက်ကိုတစ်ယောက် လှည့်ပတ်လိမ်ညာမှုတွေနေရာမှာ ပွင့်လင်းရိုးသားမှုတွေနဲ့ ရင်ဘတ်ကိုဖွင့်ပြီး ဆက်ဆံသင့်တယ်။ အတ္တစိတ်တွေနေရာမှာ ကိုယ်ချင်းစာတရားနဲ့ အစားထိုးသင့်တယ်။ ကိုယ်ယူထားတဲ့ တာဝန်ကိုကျေသင့်တယ်။ ကိုယ်ပေးထားတဲ့ ကတိကိုတည်သင့်တယ်။ ကိုယ်ပြောထားတဲ့စကားကို ကိုယ် နားထောင်သင့်တယ်။ ဘာကြောင့်လဲဆိုတော့ ‘ မနက်ဖြန် ‘ ဆိုတာ မသေချာလို့ပါပဲ။
မသေချာတဲ့ မနက်ဖြန်ကို ကျွန်တော်တို့ ဘာလို့များ မျှော်လင့်နေကြတာလဲ။ မနက်ဖြန်ဆိုတဲ့ စကားတစ်ခွန်းနဲ့ မသေချာတဲ့ မျှော်လင့်ချက်တွေ အပြန်အလှန်ပေးပြီး ဘာလို့ လှည့်စားချင်နေကြတာလဲ။ မနက်ဖြန်ဆိုတာ လက်ရှိအချိန်လောက် မသေချာပါဘူး။ နောက်ဘဝဆိုတာ သေချာတွေးကြည့်ရင် လူတိုင်းအတွက် အဆင်သင့်ရှိနေတဲ့ အနီးဆုံးအရာပါ။
ဒါကြောင့်…
ကျွန်တော်တို့ စိတ်တွေ ပြင်သင့်တယ်။ မျက်နှာမှာ အပြုံးတွေ ရှိသင့်တယ်။ လက်မှာ အလုပ်တွေ ရှိသင့်တယ်။ ပါးစပ်မှာ မုသားတွေ မပါသင့်ဘူး။ နှလုံးသားမှာ စာနာစိတ်တွေ ရှိသင့်တယ်။ လုပ်သင့်တဲ့ အလုပ်တွေကို အချိန်မီပြီးအောင် လုပ်ဖို့ လိုတယ်။
ကျွန်တော်ကိုယ်တိုင်လည်း ဒီလိုမျိုး တစ်ခါမှ မတွေးမိဘူး။ ဒီဇိုင်းဆရာရဲ့ ပါးစပ်ကပြောတဲ့ ‘ မနက်ဖြန် လာကြည့်ပါ ‘ ဆိုတဲ့ စကားနဲ့ ကားလမ်းပေါ်က လူနှစ်ယောက် သေဆုံးမှုဖြစ်ရပ်၊ ဒီနှစ်ခုကို နှိုင်းယှဉ်ပြီးသိလာရတဲ့ ခံစားသိပါ။
ဒါကြောင့်… သတိဆိုတဲ့ ခံစားသိလေးနဲ့ ဒီစာကို ရေးမိတာပါ။
ကျွန်တော့်မှာ မပြီးမပြတ်သေးတဲ့အလုပ်တွေလည်း အများကြီး၊ တာဝန်ယူပြီး တာဝန်မကျေသေးတဲ့ အလုပ်တွေလည်း အများကြီး ၊ ကတိတွေပေးပြီး မေ့နေတဲ့ ၊ မေ့ချင်ယောင်ဆောင်ထားတဲ့ အလုပ်တွေလည်း အများကြီးရှိနေသေးတယ်။ ချက်ချင်းဆိုသလို ရောက်လာနိုင်တဲ့ နောက်ဘဝ ကျွန်တော်မေ့နေတယ်။ မနက်ဖြန်ကို သေချာတယ်လို့ ကျွန်တော်ထင်နေတယ်။ မနက်ဖြန်ကို ပိုင်ဆိုင်တယ်လို့ ကျွန်တော် ယုံကြည်နေတယ်။ ဒါကြောင့် အချိန်တွေဆွဲတယ် ၊ ပျင်းရိစိတ်တွေမွေးတယ်။ မေ့မေ့လျော့လျော့နဲ့ ပျော်ချင်တိုင်း ပျော်နေတယ်။
အလုပ်ဆိုတာ သူ့အရွယ်နဲ့သူ ရှိတယ်။ နောက်ဘဝဆိုတဲ့အသိ ဝင်လာတာကြောင့် ကျွန်တော်တို့အရွယ်မှာ လုပ်ရမယ့်အလုပ်တွေ အများကြီးပဲ။ တာဝန်မကျေဘဲ အနီးဆုံးဖြစ်တဲ့ နောက်ဘဝကူးသွားခဲ့ရင် မတွေးရဲစရာပါပဲ။
အရင်တုန်းက နောက်ဘဝဆိုတာ အဝေးကြီး၊ မနက်ဖြန်ဆိုတာ နီးနီးလေးလို့ထင်ထားတာ။
အခုမှတွေးမိတယ်။ မနက်ဖြန်ဆိုတာက အဝေးကြီး၊ နောက်ဘဝဆိုတာက နီးနီးလေး။
ဒါကြောင့် “ မနက်ဖြန် “ ဆိုပြီး အချိန်မဆွဲကြေး။
စာဖတ်သူတွေးကြည့်ဖို့ပါ။
ဆရာ ဦးဘုန်း(ဓာတု) ၏ နီးနီးဝေးဝေး အတွေး လက်ဆောင် စာအုပ်မှ ပြန်လည်ဖော်ပြခြင်းဖြစ်သည်။
ပေးပို့သော namnamအားကျေးဇူးတင်ရှိပါသည်။
သတင်းအကျဉ်းချုပ် ...
ထူးဆန်းထွေလာ ဖားနှစ်ကောင်သတင်းနဲ့ အတူပြန်လည်ထွက်ရှိ
