အပိုင်း ( ၁ )
မကောင်းမြစ်တား၊ ကောင်းရာညွှန်လတ်၊ အတတ်သင်စေ၊ ပေးဝေနှီးရင်း၊ ထိမ်းမြားခြင်းလျှင်၊ ၀တ်ငါးအင်၊ ဖခင်မယ်တို့တာ။
ကျနော်တို့ငယ်ငယ်ကသင်ခဲ့ရတဲ့ ဆောင်ပိုဒ်လေးပါ။တော်တော်များများရင်းနှီးနေကြလိမ့်မယ်လို့ထင်ပါတယ်။မိဘတွေက သားသမီးတို့အပေါ်ထားအပ်သော ၀တ္တရားများပေါ့၊ လောကမှာမိဘတော်တော်များများဟာ သားသမီးအပေါ်မှာမေတ္တာကြီးမားတတ်တယ်ဆိုတာ စာဖွဲ့အထူးပြောဘို့လိုမယ်မထင်တော့ပါဘူး၊ ဒါပေမဲ့လည်း တချို့သောချွှင်းချက်များတော့ရှိတာပေါ့လေ၊ ဒါကလည်းဖြစ်တောင့်ဖြစ်ခဲပါ၊ မိဘတွေက သားသမီးကိုသတ်ပစ်တာတို့၊ ပြည့်တံစာလုပ်ငန်းအတွက်ရောင်းချခဲ့တာတို့ ဆိုတာတွေက ကြုံရခဲတဲ့ကိစ္စပါ၊ ကြုံခဲ့ရင်တောင်မှ ရှားပါးတဲ့ဖြစ်ရပ်ဖြစ်ပါလိမ့်မယ်၊ ဒီလိုအဖြစ်မျိုးရှိလာခဲ့ရင်တောင်မှ ဘယ်သူကမှ အားပေးအားမြှောက်နဲ့ ဂုဏ်ယူနေမှာမဟုတ်သလို ၀ိုင်းဝန်းပြစ်တင်ရှုတ်ချကြမှာအမှန်ပါပဲ။
လူတိုင်းမှာ ကိုယ့်ကိုမွေးထုတ်ခဲ့သူတွေဟာမိဘတွေဖြစ်သလို ၊ တိုင်းပြည်တပြည်မှာ အစိုးရဆိုတာကလည်း တကယ်တော့မိဘပါ ၊ မိဘအစစ်တွေမဟုတ်သည့်တိုင်အောင် ပြည်သူလူထုတရပ်လုံးရဲ့ မိဘနေရာမှာရှိနေရတဲ့သူတွေလို့ ကျနော်ယုံကြည်ပါတယ်။ သားသမီးများရဲ့ကောင်းမွေ၊ဆိုးမွေများကိုမိဘများကခံကြရသလို သားသမီးများအပေါ်တာဝန်ကျေကြဘို့ကိုလည်း မိဘတိုင်းနီးပါး ကြိုးစားအားထုတ်တတ်ကြပါတယ်။ ထို့နည်းတူစွာ အစိုးရဆိုတာကလည်း ပြည်သူများရဲ့ကောင်းမွေဆိုးမွေများကို ခံကြရပါမယ်။ ပြည်သူလူထုအပေါ်တာဝန်ကျေဘို့လိုပါလိမ့်မယ်။ ဒါမှ မိဘနဲ့တူသောအစိုးရဖြစ်နေမှာပါ။ ဘယ်ပြည်သူလူထုမဆို မိဘနဲ့တူသောအစိုးရကို အလိုရှိကြမှာအမှန်ပါ။
တနေ့ .. ကျနော်အင်တာနက်ပေါ်မှာ G- talk ဖွင့်ထားတုန်း ၂ ပတ်ကျော်လောက်လိုင်းပေါ်မှာပျောက်နေတဲ့ မြန်မာပြည်က ကျနော့်တူတစ်ယောက်နဲ့ အဆက်သွယ်ပြန်ရပါတယ်။ သူက အခုမှ ၁၆ နှစ်သား ဆယ်တန်းတက်နေတယ် ကျနော်က အမေရိကံပြည်ထောင်စု နယူးရောက်ပြည်နယ် ၊ ဘတ်ဖဲလိုးမြို့မှာနေတာပါ၊
“ ဦးဝမ်း… မြန်မာပြည်က ..အင်တာနက်တွေ..ရွှေးကောက်ပွဲနီးလို့လားမသိဘူးဖြတ်ထားတယ်”
“ဟုတ်လား……….”
“နောက်ပြီး လိုင်းတွေကလည်း.. အရမ်းနှေးတယ်ဗျာ.. အင်တာနက်သုံးရတာ အဆင်ကိုမပြေဘူး မီးကလည်းလာလိုက်မလာလိုက်နဲ့ ဦးတို့ဆီမှာရော အဲဒါမျိုးလိုင်းဖြတ်တာတွေ.. လိုင်းတွေနှေးတာတွေဖြစ်လား”……ကျနော်တချက်ပြုံးမိလိုက်တယ်.. ဒါပေမဲ့ ကျနော့်ရင်ထဲမှာတော့ တော်တော်လေးကိုထိခိုက်သွားပါတယ်။ သူက သူအမြင်နဲ့ကြုံနေရတဲ့ အခက်ခဲကိုလှမ်းငြီးကြည့်လိုက်တာပါ…..ဘယ်ရှိမလည်း သားရဲ့.. ဦးတို့ဆီမှာ မီးပျက်တယ်ဆိုတာ.. လည်းမရှိဘူး.. အင်တာနက်လိုင်းတွေဖြတ်ထားတာတို့.. နှေးတာတို့ဆိုတာမရှိဘူး……ကျနော့်တူလေးရဲ့သက်ပြင်းချသံကိုတချက်ကြားလိုက်ရအပြီး သူ့ဘက်က အင်တာနက်လိုင်းက ပြတ်သွားပြန်ပါတယ်။ နောက်တခါ တတူတူနဲ့လှမ်းခေါ်ပြီးစကားဆက်ပြောမယ်ကြံတော့ စကားသံကပြောရလိုက်မရလိုက်နဲ့…… ကျနော်တော်စိတ်မကောင်းဖြစ်သွားတယ်။ သူငြီးမယ်ဆိုလည်းငြီးလောက်ပါတယ်။ မြန်မာပြည်မှာ အခု အင်တာနက် ၀န်ဆောင်မှု့လုပ်ပေးတဲ့ ကုမဏ္ဍီဘယ်နှစ်ခုရှိလည်းမသိဘူး ဒီမှာတော့ ကျနော်တို့မြို့သေးလေးမှာတောင်မှ .. ကုမဏ္ဍီ ၅ ခုအပြိုင်ရှိပါတယ်။ သုံးစွဲရာမှာလည်း စာအုပ်တအုပ်က စာရွှက်တွေကိုလှန်ဖတ်နေသလိုမျိုး မြန်ဆန်ပါတယ်။လွတ်လပ်တဲ့ဒီမိုကရေစီ ( Liberal Democracy )ကျင့်သုံးနေတဲ့နိုင်ငံရဲ့အနှစ်သာရဟာဒါမျိုးပါ့လားစဉ်းစားနေတုန်း.. တခါ တူလေးဆီကလှမ်းခေါ်သံကြားလို့ လက်ခံနားထောင်လိုက်တော့ စကားနည်းနည်းပြောရပြန်တယ်……
“ ဦးဝမ်း.. အလုပ်နားနေရတယ်ဆို.”
“ အေးကွ.. ငါအလုပ်ကနားနေရတယ်”
“ ဟင်.. ဒါဆို ဦးဝမ်း ၀င်ငွေမရှိတော့.. ဘယ်လိုလုပ်မလည်း.. ဘာနဲ့စားကြမလည်း”
“ အစိုးရကကြွေးတယ်.. အစိုးရကပေးတယ်ကွ ”
“ ဟာ.. ဦးဝမ်းကလည်း.. သားက အတည်ပြောနေတဲ့ ဥစ္စာ.. နောက်နေတယ် ”
“ ဘယ်ကလားနောက်ရမှာလည်း.. ဦးအလုပ်ကနားနေရတော့.. အစိုးရက စားဘို့ဆိုပြီး တလ.. မိသားစု ၃ ဦးကို ဒေါ်လာ ငါးရာကျော်ပေးတယ် .. နောက်ပြီး တပတ်ကို ဒေါ်လာ ၂၅၀ ပေးတယ်ကွာ.. တလ ၁၀၀၀ ပေါ့ .. ငါမနောက်ပါဘူးကွာ.. တကယ်ပြောနေတာပါ ”
“ တကယ်….”
“ တကယ်ပေါ့သားရဲ့.. ဦးဝမ်း.. သားကိုဘယ်တုန်းကလိမ်ပြောဘူးလို့လည်း ”
“ အစိုးရက.. တလကို ဒေါ်လာ ၁၅၀၀ ကျော် အလကားထောက်ပံ့ထားတယ်ဆိုတာ မြန်မာငွေနဲ့ဆို ၁၃သိန်းလောက်ရှိတယ်.. သားဖြင့် ဦးဝမ်းပြောလို့သာယုံရတယ်.. ကြားတောင်မကြားဘူးဘူး.. သားသူငယ်ချင်းတယောက်အဖေဆို..စစ်တပ်ထဲကနေပင်စင်နဲ့ထွက်လာတာတောင်မှ.. တလတလ.. စားဘို့ အလျှဉ်မမှီဘူးဗျာ.. သနားပါတယ်..” သူရဲ့အသံတွေထဲမှာ ကရုဏာနဲ့ရောစွက်နေတဲ့ မကျေနပ်သံတချို့ကိုလှမ်းမြင်လိုက်သလို ခံစားလိုက်ရတယ်။ အမေရိကားမှာ အလုပ်လုပ်နေတဲ့ လူတယောက်ဟာ သက်ဆိုင်ရာ ကုမဏ္ဍီက အကြောင်းအမျိုးမျိုးကြောင့်ရပ်နားလိုက်ရတယ်ဆို.. အဲဒီကုမဏ္ဍီနဲ့ အစိုးရပေါင်းပြီး ၀န်ထမ်းတွေကိုထောက်ပံ့ရပါတယ်။ တပတ်ကိုဘယ်လောက်ဆိုတာတော့ တစ်ယောက်နဲ့တစ်ယောက်မတူဘူး ( သူ အလုပ်လုပ်လို့ရလာတဲ့ ၀င်ငွေအပေါ်တည်မှီပြီးဆုံးဖြတ်တယ်) ၊ ပြီးတော့ အစားအသောက်အတွက် မိသားစုဦးရေ အပေါ်တည်မှီပြီးပေးတယ်..အလုပ်လက်မဲ့ထောက်ပံ့ကြေးကို ပျမ်းမျှအားဖြင့် ၂ နှစ်လောက်အထိပေးပါတယ်။ ဒီအတောအတွင်း အလုပ်တခုရအောင်ရှာပေါ့ ။ မရခဲ့ရင်ရောဆိုရင် အစိုးရကနေ တခါ လူမှု့ထောက်ပံ့ရေးအသွင်သဏ္ဍန်တမျိုးနဲ့ ထပ်ပေးပြန်တယ်။ ဒါကတော့ အမေရိကားမှာရှိတဲ့ ဘယ်သူမဆို.. လ ၆၀ ( ၅ နှစ် ) ခံစားခွင့်ရှိတယ်၊
အစားအသောက်အတွက်ကတော့ တော်တော်ကြာကြာထိကိုထောက်ပံ့ပါတယ်။အစိုးရဟာ လူထုကိုဘယ်တော့မှအငတ်မခံဘူး။ ဒါဆို နအဖပြောသလိုမျိုး အိုးမဲ့ အိမ်မဲ့တွေအများကြီးဆိုတာကို ကျနော်နည်းနည်းလေးရှင်းပြခြင်တယ်။ အမေရိကားမှာ လူတွေကို ခရက်တစ် ( credit ) ဆိုတာနဲ့ ချုပ်ထားတယ် ခရက်တစ်ဆိုတာ အကြွေးဝယ်စနစ်နဲ့ပေးထားတဲ့ ကဒ်ကလေးတွေကိုတင်ပြောတာမဟုတ်ပါဘူး..လူတစ်ယောက်ရဲ့ရာဇ၀င်ဆို ပိုမှန်မလားမသိဘူး၊ လူတယောက်ရိုးသားတာ၊ အပြစ်မရှိတာ၊အလုပ်ကြိုးစားလုပ်တာ၊ ပစ္စည်းတွေကိုအကြွေးစနစ်နဲ့ဝယ်ရင်မှန်မှန်ပြန်ပေးတာ၊ရာဇ၀တ်မှု့ကင်းတာ၊စသဖြင့် ကျန်တာတွေလည်း အများကြီးရှိသေးတာပေါ့ အဲဒါတွေကို အမှတ်ပေးစနစ်နဲ့ ပေးတယ်။ မေးစရာတစ်ခုရှိမယ်.. ခင်ဗျားက လိုခြင်တဲ့ ပစ္စည်းတခုကို အကြွေးနဲ့ဝယ်ပြီး ပြန်မဆပ်ဘူးဆိုရင်ရော ( ဗမာပြည်မှာဆို အကြွေးရရင်ဆင်တောင်ဝယ်စီးမဲ့သူများအတွက်)၊ ရတယ်။ မဆပ်နဲ့ ၊ အချိန်တန်လို့ လစဉ်ပေးရမဲ့ အကြွေးကို မပေးတော့ဘူးဆိုရင်.. အဲဒီပစ္စည်းကို ပိုင်ရှင် ကုမဏ္ဍီတွေက လာသိမ်းမှာပဲ မပူနဲ့ ၊ မော်တော်ကားဆို ကြိုက်တဲ့နေရာမှာဖွက်ထား သူတို့ကသိတယ်.. ရေဒါစနစ်တွေနဲ့လုပ်ထားတာ။ ပြီးရင် ခင်ဗျား ခရက်တစ်ကဆိုးသွားပြီ ၊ ခရက်တစ်ဆိုးတော့ဘာဖြစ်မလည်း၊ ခင်ဗျားဘာမှအကြွေးဝယ်လို့မရတော့ဘူး၊ ဘဏ်တွေကလည်း ပိုက်ဆံချေးလို့မရတော့ဘူး၊ အနိမ့်ဆုံး အိမ်တောင်ဌားနေလို့မရတော့ဘူး၊အလုပ်တွေက လက်မခံဘူး၊ ခရက်တစ်ကောင်းရင်ရောဘာဖြစ်မလည်း အိမ်ဝယ်ခြင်တယ် ဒေါ်လာတသိန်းတန်လောက်အိမ်တောင်မှ အရစ်ကျဝယ်လို့ရတယ် တလခြင်းနည်းနည်းဆပ်သွားရတယ် ခင်ဗျားပေးတာမှန်လေ ခရက်တစ် အမှတ်ကတက်လေပဲ။ စ၀ယ်ဝယ်ခြင်း တစ်ပြားမှမကုန်ဘူး ကျနော်နေတဲ့ နယူးရောက်ပြည်နယ်မှာဆို ပထမဆုံးအိမ်ဝယ်မဲ့သူအတွက် အစိုးရက ဒေါ်လာ ၈၀၀၀ လောက်အထိ အလကားပေးတယ် ။ ခင်ဗျား အလုပ်သာရှိ ( အနည်းဆုံး ၂ နှစ်လောက်ပေါ့ ) နောက်တခါ ခရက်တစ်လည်းကောင်းဆို အိမ်တလုံးတပြားမှမကုန်ပဲဝယ်လို့ရတယ်။ ပြီးမှ တစ်လခြင်း နည်းနည်းပြန်ဆပ်ပေါ့၊ ကျနော်ပြောခဲ့တဲ့အတိုင်း ခရက်တစ်ဆိုးတဲ့သူတွေအတွက် အိမ်ဌားနိုင်တဲ့ပိုက်ဆံရှိလည်း အိမ်ရှင်တော်တော်များများက ခရက်တစ်စစ်ဆေးကြည့်လို့ဆိုးတယ်ဆိုရင်.. မဌားဘူး။ အဲဒီတော့ အိုးမဲ့ အိမ်မဲ့တွေဖြစ်ကုန်ရော၊ နောက်မေးစရာရှိနိုင်တာက.. အစိုးရက အမြဲထောက်ပံ့နေတော့.. ဗမာတွေးနဲ့ဆို အလုပ်မလုပ်ပဲထိုင်စားနေမယ်ဆိုရင်ရော… ဖြစ်တယ် ထိုင်စား။ ခင်ဗျား ခရက်တစ်ဆိုးနေမှာပဲ။ ခင်ဗျား အခွင့်ရေးတွေ အကုန်ဆုံးရှုံးမယ်.. ဒါပေမဲ့ ဘယ်တော့မှမငတ်ဘူး၊ အစိုးရကခင်ဗျားကိုကြွေးထားမယ်။ ခရက်တစ်ကောင်းရင် ခင်ဗျားလုပ်ငန်းတခုထူထောင်ခြင်တယ်ဆိုပါဆို့ . ဘဏ်တွေက ခင်ဗျားကို ပိုက်ဆံချေးခြင်ကြမှာ အလုအယက်ပဲ.. ဘာလုပ်ခြင်လုပ်ခြင်. သူတို့ထုတ်ချေးမယ်။ အမေရိကားမှာ အလုပ်လုပ်ခြင်းဟာလည်း ကောင်းမွန်သော ခရက်တစ်ကိုဖြစ်စေတယ်။ ပျင်းလို့မရဘူး၊
ကျန်းမာရေးနဲ့ပတ်သက်လို့ကလည်း ၀င်ငွေနည်းမိသားစုများကို အစိုးရကထောက်ပံ့တယ် နေထိုင်မကောင်း ကျန်းမာရေးချို့တဲ့ရင် အစိုးရကကူတယ် ( ကုန်ခြင်သလောက်ကုန်ပါစေ ) ကျနော်တို့ မြန်မာနိုင်ငံသားတွေထဲမှာ ဆေးကုလိုက်ရတာ ဒေါ်လာ သိန်းနဲ့ချီကုန်တဲ့သူတွေရှိတယ်။ အစိုးရက ကူတယ်။ ဒီမှာ ဆေးခန်း၊ ဆေးရုံတွေဆိုတာ ပုဂ္ဂလိကပိုင်တွေချည်းပဲ ဆေးကုသစရိတ်ကလည်းဈေးကြီးတယ်။( ဒါပေမဲ့ ခင်ဗျားမှာ ၀င်ငွေကောင်းတယ်ဆိုရင်တော့ အခမဲ့ဆေးကုသခွင့်မရဘူး၊) ကိုယ်ပိုက်ဆံနဲ့ကိုယ်ကုရတယ်။ အဲဒီ ကုမဏ္ဍီတွေကို ခင်ဗျားဆေးကုလို့ ကုန်ကျစရိတ်အတွက် အစိုးရကပေးတယ်။ဘာမှပူစရာမလိုဘူး၊ အလကားဆေးသွားကုရတာဆို သိမ်ငယ်စရာမလိုဘူး ၊ တကယ်တော့ အလကားကုတာမဟုတ်ဘူး ၊ ခင်ဗျားကုန်ကျမဲ့ငွေကို အစိုးရကပေးတာ။
တပ်မတော်သားတွေ ကဏ္ဍပြောပြဦးမယ်၊ ဒီမှာ နိုင်ငံရပ်ခြားကနေရောက်လာပြီး နေထိုင်ခွင့်တရားဝင်ရှိတဲ့သူတွေဆို စစ်ထဲဝင်ခြင်ကြတာအများကြီး ဘာလို့လည်းဆိုတော့ ဘ၀အာမခံချက်အပြည့်ရှိတယ်။ ရပိုင်ခွင့်တွေအများကြီးပဲ။ တိုက်ပွဲမှာ ကျဆုံးသွားမယ်ဆိုရင်တောင်မှ ဒေါ်လာ သိန်းချီ ( မြန်မာငွေ သိန်းထောင်ချီပြီး ) ပေးတယ်။ မိဘ၊သားသမီး၊မိန်းမ၊လင်ယောကျာင်္း သူတို့အတွက်တောင်မှ အားလုံးနေဘို့ ထိုင်ဘို့က အစအားလုံး အစိုးရက တာဝန်ယူပေးတယ်၊ သူတို့တတွေ အလုပ်လုပ်ခြင်တယ်ဆိုရင်တောင်မှ အလုပ်လုပ်ခွင့် အခွင့်ရေး သူများထက်သာတယ် ( ဒါ စစ်သားမဟုတ်သေးဘူး စစ်သားဆွေမျိုးပဲရှိသေးတယ်)။ စစ်သားတွေပင်စင်ယူမယ်ဆို ထမ်းဆောင်ခဲ့တဲ့ နှစ်အလိုက်ကြည့်ပြီးလစာရကြတယ် ( အနည်းဆုံး ဒေါ်လာ ၂၀၀၀ နဲ့ အထက်မှာရှိတယ် ) ဒါသာမန်စစ်သားအဆင့် အရာရှိတွေဆို အများကြီး ပင်စင်လစာရတယ်။သူတို့ အလုပ်လုပ်လိုသေးတယ်ဆိုရင် ချက်ခြင်း အလုပ်သမားရှာဖွေရေးဌာနတွေက အလုပ်ရှာပေးတယ်။ စစ်သားဘ၀မှာလည်း အလုပ်ချိန် ဒါမှမဟုတ် တာဝန်ထမ်းဆောင်ချိန်မဟုတ်ပဲ အထက်အရာရှိက အောက်လက်ငယ်သားကို အမိန့်ပေးပိုင်ခွင့်၊ အာဏာပြပိုင်ခွင့်မရှိဘူး၊ သွားပြလို့ကတော့ ပြသနာတက်ပြီသာပြင်ပေတော့ အဲဒီလို၊ စစ်သားက စစ်သားအလုပ်ပဲလုပ်တယ် တခြားအလုပ်မှာဝင်မပါဘူး ၀င်မရှုတ်ဘူး၊ အဓိကထူးခြားတာက စစ်သားတွေ၊ရဲတွေကိုလူထုကချစ်တယ် လေးစားကြတယ်။ ဗမာပြည်နဲ့မကွာလားဗျာ၊
အပိုင်း ၂ ဆက်ပါဦးမည်
သတင်းအကျဉ်းချုပ် ...
ဝမ်းသာကြည်နူးစွာဖြင့် . . . . ၂၅.၁၁.၂၀၁၀ (ကြာသပတေးနေ့) နံနက် (၁၀း၀၀) နာရီ အချိန်တွင် နာရေးကူညီမှုအသင်း (ရန်ကုန်) တည်ရှိရာ အမှတ် ၁၃/က၊ ဗိုလ်မှူးဗထူးလမ်း၊ ၄၂ ရပ်ကွက်၊ မြောက်ဒဂုံမြို့နယ်သို့ Myanmar Solar Rays Co.,Ltd. မိသားစု (အမှတ် - ၄၂၊ ပါရမီလမ်း၊ (၆) ရပ်ကွက်၊ လှိုင်မြို့နယ်) မှ နာရေးကူညီမှုအသင်း (ရန်ကုန်)တွင် အသုံးပြုရန် TOYOTA Light Truck တန်ဖိုးငွေကျပ် ၁၁၃၀၀၀၀၀/- (တစ်ရာတစ်ဆယ့် သုံးသိန်း)တန် မော်တော်ယာဉ်တစ်စီးအား လာရောက်လှူဒါန်းသွား ပါသည်။
ယင်း လှူဒါန်းပွဲတွင် ၀ဋ်ကြွေးတော်ပြေ ရန်အောင်မြေကျောင်းတိုက် ဆရာတော် (၅) ပါး အား ပင့်ဆောင်၍ နေ့ဆွမ်းဆက်ကပ်ကာ ရေစက်သွန်းချ လှူဒါန်းခဲ့ပါသည်။
နာရေးကူညီမှုအသင်း(ရန်ကုန်)သည် ပိတ်ရက်မရှိ အများပြည်သူတို့၏ နာရေးကိစ္စများ၊ ကျန်းမာရေးကိစ္စများအား နေ့တဓူဝ ထမ်းဆောင်ပေးလျှက်ရှိရာ အသင်းပိုင် မော်တော်ယာဉ် (၀န်ထမ်း ကြို/ပို့) တစ်စီးဖြင့်သာ လုပ်ဆောင်နေရသည်ဖြစ်၍ ရုံးကိစ္စများ၊ အလှူငွေကိစ္စများ အခြား အခြားသော လူမှုရေးကိစ္စများအပြင် နာရေးလမ်းကြောင်းများတွင် ၀တ်ရွတ်အဖွဲ့ လိုက်လံရွတ်ဖတ်ခြင်းတို့ကို ပြုလုပ် နေရသည် ဖြစ်သောကြောင့် လုပ်ငန်းလုပ်ဆောင်ရာတွင် အားနည်းချက်များ၊ နှောင့်နှေးမှုများ ကြုံတွေ့ ခဲ့ရသည်။ ယခုကဲ့သို့ Myanmar Solar Rays Co.,Ltd. မိသားစု (အမှတ် - ၄၂၊ ပါရမီလမ်း၊ (၆) ရပ်ကွက်၊ လှိုင်မြို့နယ်) မှ နာရေးကူညီမှုအသင်း (ရန်ကုန်)တွင် အသုံးပြုရန် TOYOTA Light Truck မော်တော်ယာဉ်တစ်စီး လှူဒါန်းခဲ့ခြင်းကြောင့် အသင်း၏ ပေးဆပ်မှုလုပ်ငန်းများကို အချိန်နှင့် တပြေးညီ ကူညီမှုများ၊ ထမ်းဆောင်မှုများ ပြုလုပ်နိုင်တော့မည်ဖြစ်ပါသည်။
ထို့အတွက် အလှူရှင် ဦးဝင်းမြင့်သိန်း ၊ ဒေါ်ခင်မြတ်လှိုင် (Myanmar Solar Rays Co.,Ltd.) မိသားစုတို့အား နာရေးကူညီမှုအသင်း(ရန်ကုန်)မှ ၀မ်းမြောက်ဝမ်းသာစွာဖြင့် သာဓု .. သာဓု .. သာဓု ဟု ခေါ်ဆိုလိုက်ရပါသည်။
နာရေးကူညီမှုအသင်း(ရန်ကုန်)နှင့် ပတ်သက်ဆက်စပ်သမျှ ဒေ၀တာနတ်မင်း အပေါင်း၊ မြင်အပ် မမြင်အပ်သော ပုဂ္ဂိုလ်အပေါင်းနှင့် (၇) ရက်သားသမီး အသင်းသူ/သားများမှ ၀မ်းသာကြည်နူး စွာဖြင့် သာဓု အနုမောဒနာခေါ်ဆို လိုက်ပါသည်။
ပေးပို့သော ကိုကျော်ဟိန်းအားကျေးဇူးတင်ရှိပါသည်။
သတင်းအကျဉ်းချုပ် ...
ယနေ့  မနက်တွင် ရွှေဂုံတိုင်ရှိအမျိုးသားဒီမိုကရေစီအဖွဲ့ချုပ်ရုံးရှေ့သို့ နအဖ၏ အာဘော်များကို အထူးရေးသားပေးနေသော (ငါးမင်းဆွေ) ဆိုသူ ရောက်ရှိလာပြီး အမျိုးသားဒီမိုကရေစီအဖွဲ့ချုပ်အထွေထွေ အတွင်းရေးမှုးဒေါ်အောင်ဆန်းစုကြည်နှင့် တွေ့ဆုံလိုကြောင်း အော်ဟစ်ဆန္ဒပြခဲ့သည်။ ၄င်း (ငါးမင်းဆွေ) ရေးသားခဲ့သော မော်နီတာ ဂျာနယ်ပါ ဆောင်းပါးနှင့် ပတ်သက်ပြီး ရှင်းလင်းပြောကြားလိုကြောင်း၊ ဒေါ်အောင်ဆန်းစုကြည်ကြောင့် အနောက်နိုင်ငံများမှ စီးပွါးရေးပိတ်ဆို့ထားမှုအား ဖယ်ရှားပေးစေလိုကြောင်း အော်ဟစ်တောင်းဆိုခဲ့ပါသည်။
ငါးမင်းဆွေအား အမျိုးသားဒီမိုကရေစီရုံးရှေ့သို့ လာရောက်ရန်အတွက် ဖုန်းဆက်ခေါ်ဆိုခဲ့သူမှာ လျှပ်တပြက်ဂျာနယ်မှ နအဖဖော်လံဖား မြတ်ခိုင်၏ သား ဇေယျာမြတ်ခိုင် ဖြစ်ပါသည်။ ငါးမင်းဆွေသည် အဖွဲ့ချုပ်ရုံးရှေ့ ထောက်လှမ်းရေးများထိုင်သော လက်ဖက်ရည်ဆိုင်တွင် ကြိုတင်ရောက်ရှိနေပြီး မော်နီတာဂျာနယ်၊ လျှပ်တပြက်ဂျာနယ်မှ ဇေယျာမြတ်ခိုင်မှ ဖုန်းဖြင့် (အကိုလာလို့ရပြီ၊ အဆင်သင့်ဖြစ်ပြီ) ဟု ပြော၍ လှမ်းခေါ်လိုက်ရာ ငါးမင်းဆွေရောက်လာပြီး ၄င်း၏ ဆောင်းပါးမိတ္တူများ တပွေ့တပိုက်နှင့် စတင်အော်ဟစ်ဆန္ဒပြပါတော့သည်။
ငါးမင်းဆွေမှ ၄င်းရေးသားခဲ့သော ဆောင်းပါးမိတ္တူများကို ပြည်တွင်းဂျာနယ်မှ ဂျာနယ်လစ်များနှင့် လူအချို့အား လိုက်လံဝေငှခဲ့ပြီး နိုင်ငံခြားသတင်းဌာနမှ သတင်းထောက်တစ်ဦးမှ ထိုမိတ္တူဆောင်းပါးကို တောင်းရာ ပြည်ပနိုင်ငံခြားသတင်းဌာနမှဆိုရင် မပေးနိုင်ကြောင်း ပြောဆိုခဲ့ပါသည်။ အကြောင်းစုံအား ဆက်လက်စုံစမ်းရာ ငါးမင်းဆွေ ရေးသားသော ဆောင်းပါးခေါင်းစဉ်တွင် ဒေါ်စုကြည်ဟု သုံးနှုံးထားသည်ကို အမျိုးသားဒီမိုကရေစီအဖွဲ့ချုပ်ပါတီဝင်များက မကျေနပ်ကြကြောင်း၊ ပြည်သူများမှလည်း မကျေနပ်ကြကြောင်း သိရပါသည်။
အဲ့ဒီနောက် ငါးမင်းဆွေအား အမျိုးသားဒီမိုကရေစီအဖွဲ့ ချူပ် ရုံးအဖွဲ့မှုး ဦးဝင်းထိန်မှ တွေ့ဆုံရှင်းလင်းခဲ့ပါသည်။ ဦးဝင်းထိန်မှ ဒေါ်စုကြည်ဆိုသည့် အသုံးအနှုံးအား ပြောင်းလဲရေးသားရန်၊ ၄င်းတို့ အဖွဲ့ချုပ်ခေါင်းဆောင်အား ယင်းကဲ့သို့ ခေါ်ဆိုခြင်းကို လုံးဝ လက်မခံနိုင်ကြောင်း၊ နအဖစစ်အစိုးရအကြိုက်ရေးသားနေသောသူနှင့် ၄င်းတို့၏ ခေါင်းဆောင်အား ပေးမတွေ့နိုင်ကြောင်း၊ ဦးဝင်းထိန်မှ ၄င်းထောင်ကျနေစဉ်အတွင်း ငါးမင်းဆွေ ရေးသားသော ဆောင်းပါးများတွင် နအဖကောင်းကြောင်း၊ ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ် မကောင်းကြောင်းများ လုပ်ကြံရေးသားထားသည်ကို ဖတ်ရကြောင်း ပြောဆိုခဲ့ပါသည်။
ထိုသို့အမျိုးသားဒီမိုကရေစီအဖွဲ့ချုပ်မှ ဦးဝင်းထိန်နှင့် ငါးမင်းဆွေတို့ တွေ့ဆုံရှင်းလင်းနေကြသည်ကို မြတ်ခိုင်၏ သား ဇေယျာမြတ်ခိုင်နှင့် လျှပ်တပြက်အဖွဲ့သားများမှ ဗီဒီယိုနှင့်ဓါတ်ပုံမှတ်တမ်းများ ရိုက်ယူနေသည်ကို တွေ့ခဲ့ရပါသည်။
ပြီးခဲ့သည့် တစ်ပတ်မှ စတင်၍ ဒေါ်အောင်ဆန်းစုကြည်၏ ဓါတ်ပုံနှင့် သတင်းများကို ထည့်သွင်းရေးသားဖော်ပြခဲ့သည့်ဂျာနယ်များ အပိတ်ခံရအပြီးတွင် ဒေါ်အောင်ဆန်းစုကြည်၏ သတင်းကို လာရောက်မှတ်တမ်းယူသော ပြည်တွင်းဂျာနယ်လစ်များ မတွေ့ရတော့ပေ။ သို့သော် လျှပ်တပြက်ဂျာနယ်မှ ဇေယျာမြတ်ခိုင်နှင့် ၄င်း၏အဖွဲ့သားများကတော့ ဆက်လက်လာရောက် သတင်းယူနေသည်ကို တွေ့ရပါသည်။
အကြောင်းအရင်းကို စုံစမ်းကြည့်ရာ သူရဦးရွှေမန်း (ဗိုလ်ချုပ်ကြီးဟောင်း) မှ ထောက်လှမ်းရေးနှင့် သတင်းတပ်ဖွဲ့မှ ရဲထောက်လှမ်းရေးများအား ဒေါ်အောင်ဆန်းစုကြည် သတင်းယူခြင်း၊ ဓါတ်ပုံရိုက်ခြင်း လုပ်ရမည် သို့ သော် အနှောင့်အယှက်မပေးရဟု ညွှန်ကြားပြောဆိုထားသောကြောင့် အမျိုးသားဒီမိုကရေစီအဖွဲ့ချုပ်ရုံးအတွင်းသို့ ၀င်ရောက်သတင်းယူ၍ မရသောကြောင့် မြတ်ခိုင်နှင့် သူ့သား ဇေယျာမြတ်ခိုင်တို့အဖွဲ့အား ပြန်ကြားရေးဝန်ကြီးဦးကျော်ဆန်းမှ ငွေကြေးနှင့် အခွင့်အရေးများပေး၍ ဓါတ်ပုံနှင့် ဗီဒီယိုမှတ်တမ်းသတင်းများ ယူခိုင်းထားကြောင်းသိရပါသည်။
မြတ်ခိုင် အယ်ဒီတာချုပ်အဖြစ် တာဝန်ယူထုတ်ဝေနေသော မော်နီတာဂျာနယ်တွင် ဒေါ်အောင်ဆန်းစုကြည်၏ ဓါတ်ပုံကို ကြီးမားစွာ မျက်နှာဖုံးအဖြစ် ဖော်ပြခဲ့သော်လည်း ထုတ်ဝေမှု ယာယီရပ်ဆိုင်းခံရသော ဂျာနယ် ၉ စောင်တွင် မပါဝင်ခဲ့ပေ။ သို့သော် လူအများပြောဆိုစရာဖြစ်မည်ဆိုသဖြင့် ၄င်း၏ ဂျာနယ်တစ်စောင်ဖြစ်သော လျှပ်တပြက်ဂျာနယ်ကို ထုတ်ဝေမှု ယာယီရပ်ဆိုင်းခံရသည်ဟု သတင်းလွှင့်ခဲ့ပါသည်။
ဟံသာဝတီ ဦးဝင်းတင် ရေးသားသော (ဘာလဲဟဲ့ လူ့ငရဲ) စာအုပ်ပါ ထောင်တွင်းအကြမ်းဖက်မှု၊ ညှဉ်းပန်းနှိပ်စက်မှုများအကြောင်း ရေးသားထားသည်ကို တန်ပြန်သောအားဖြင့် ပြန်ကြားရေးဝန်ကြီးဦးကျော်ဆန်းမှ မြတ်ခိုင်အား ၄င်း၏ဂျာနယ်တွင် မြန်မာပြည်မှ ထောင်များမှာ လွန်စွာကောင်းကြောင်း၊ နိုင်ငံတော်အစိုးရ၏ စေတနာရှိမှုကြောင့် ထောင်ကျအကျဉ်းသားများမှာ ကောင်းမွန်စွာနေရကြောင်း ရေးသားခိုင်းမှုကို အလွန်အကျွံ ကူညီရေးသားပေးခဲ့သော ဂျာနယ်လစ်ဆိုးတစ်ယောက် ဖြစ်ပါသောကြောင့် မြတ်ခိုင်နှင့် သူ၏အဖွဲ့သားများ၊ ငါးမင်းဆွေတို့ကဲ့သို့သောသူများအား သတိကြီးမားစွာနှင့် ရှောင်ရှားကြပါလို့ အသိ ပေးတင်ပြလိုက်ပါတယ်။
(မြန်မာပြည်သားတစ်ဦး)။
ကိုနစ် (www.niknayman-niknayman.co.cc)မှ ပြန်လည်မျှဝေသည်။
သတင်းအကျဉ်းချုပ် ...
တိုကျို၊ နိုဝင်ဘာ(၂၃)
သတင်းရေးသား-သန့်မျိုးထွေး(မိုးသောက်ကြယ်)
၇ နှစ်နှင့် ၆ လာကြာ နေအိမ်အကျယ်ချုပ်မှပြန်လည်လွတ်မြောက်လာခဲ့ပြီးဖြစ်သော မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ဂျပန်ရောက် မြန်မာ့ဒီမိုကရေစီလှုပ်ရှားဆောင်ရွက်နေသူများက ကြိုဆိုပွဲတရပ်ကျင်းပ၍ ပြည်သူလူထု၏ခေါင်းဆောင်အဖြစ် ထပ်မံအတည်ပြု ထောက်ခံလိုက်ကြသည်။
တိုကျိုမြို့ ရှီဘူယရပ်ကွက်၌ရှိသော ကုလသမဂ္ဂအဆောက်အဦးအရှေ့တွင် ယနေ့ညနေပိုင်းက ကျင်းပပြုလုပ်သော ထောက်ခံကြိုဆိုပွဲသို့ ဂျပန်ရောက်မြန်မာနိုင်ငံသား တစ်ရာ့ရှစ်ဆယ်ကျော် တက်ရောက်အတည်ပြုထောက်ခံကြိုဆိုခဲ့ကြပြီး မကြာသေးမှီက ဒေါ်အောင်ဆန်းစုကြည်လွတ်မြောက်အပြီးတွင် လူအများက သူမကိုသာမေးမြန်းနေကြ၍ သူမကသာ ပြောဆိုနေရပြီး လူအများ၏စကားကိုလည်း ပြန်လည်ကြားလိုကြောင်းပြောဆိုထားခဲ့သောကြောင့် ကြိုဆိုလှုပ်ရှားသူများက မှတ်စုစာအုပ်ငယ်များတွင် ပြည်သူလူထုမှ လူထုခေါင်းဆောင်သို့ဟု အဓိပ္ပါယ်ရသည့် လူအများမှဒေါ်အောင်ဆန်းစုကြည်သို့ ပြောကြားလိုသော ရင်တွင်းဆန္ဒစကားများ ကောက်ယူစုစည်းမှုတရပ်ကို လှုပ်ရှားခဲ့ကြောင်းတွေ့ရသည်။
ထောက်ခံလှုပ်ရှားမှုနှင့်ပါတ်သတ်၍ ``ဘာကြောင့်ထောက်ခံရသလဲဆိုသော ဒေါ်အောင်ဆန်းစုကြည်ဟာ မြန်မာ့ဒီမိုကရေစီအရေးအတွက် အနစ်နာခံပြီးတော့ ကြိုးပမ်းဆောင်ရွက်မယ်ဆိုတဲ့ အနေအထားဟာ ထိမ်းသိမ်းခြင်းခံရပြီးတဲ့နောက်မှာဆို ပိုပြီးတော့ကို တွေ့လာရပါတယ်၊ အဲ့ဒိအခါ ပိုပြီးအားတက်ရပါတယ်၊ ဒေါ်အောင်ဆန်းစုကြည်က လုပ်ဆောင်မှသာလျှင် မြန်မာ့ဒီမိုကရေစီအရေးဟာ ပိုပြီးတော့ မြန်မြန်ဆန်းဆန်နဲ့ အောင်မြင်မှာဖြစ်ပါတယ်၊ စနစ်ကျမှာလည်းဖြစ်ပါတယ်။ ဒါ့ကြောင့် ကျနော်တို့က ကြိုဆိုထောက်ခံရခြင်းဖြစ်ပါတယ်´´ဟု စီစဉ်ဆောင်ရွက်ခဲ့သည့် ၂၀၁၀ရွေးကောက်ပွဲဆန့်ကျင်ရေးကော်မတီ၏ အဖွဲ့ဝင်တဦးဖြစ်သည့် ဦးလွင်အောင်စိုးကရှင်းပြသည်။
၂၀၁၀ရွေးကောက်ပွဲဆန့်ကျင်ရေးကော်မတီ(2010 Election Boycott Committee-japan)မှာ နအဖစစ်အစိုးရက ယခုလဆန်းပိုင်းတွင်ကျင်းပပြုလုပ်ခဲ့သည့် ရွေးကောက်ပွဲကို လက်မခံအယုံအကြည်မရှိဟုဆိုကာ ဆန့်ကျင်ကန့်ကွက်လှုပ်ရှားရေးအတွက် ဂျပန်ရှိဒီမိုကရေစီ အဖွဲ့အစည်းများမှ အဖွဲ့ဝင်များညီညွတ်စွာ ပူးပေါင်းပါဝင်ဖွဲ့စည်းထားသည့် အဖွဲ့တခုဖြစ်ပြီး ရွေးကောက်ပွဲပြီးသည့်တိုင် အဖွဲ့ကိုမဖျက်ဘဲဆက်လက်ဖွဲ့စည်း၍ ဒီမိုကရေစီအရေးအတွက် တက်ကြွစွာလှုပ်ရှားဆောင်ရွက်နေသော အဖွဲ့တခုဖြစ်သည်။
ကြိုဆိုထောက်ခံသော ဆန္ဒစကားများကောက်ခံရယူမှုတွင် ဂျပန်လူမျိုး(၄၅)ဦးက ၄င်းတို့ယုံကြည်လေးစားသော နိုဗယ်ငြိမ်းချမ်းရေးဆုရှင် ဒေါ်အောင်ဆန်းစုကြည်အား ၀မ်းမြောက်ဝမ်းသာ ကြိုဆိုထောက်ခံကြောင်း၊ မြန်မာ့နိုင်ငံတွင် စစ်မှန်သောဒီမိုကရေစီစနစ်အမြန်ဆုံးပေါ်ပေါက်ပြီး လူအခွင့်အရေးအပြည့်အ၀ရှိသော ငြိမ်းချမ်းသော တိုင်ပြည်တခုကိုတည်ဆောက်နိုင်ပါစေကြာင်း၊ ဂျပန်ရောက်မြန်မာ့လူမျိုးများနှင့်ဆန္ဒတထပ်တည်းဖြစ်ကြောင်း အားပါးတရပါဝင်ရေးသားခဲ့ကြပြီး ယနေ့စုစည်းရရှိခဲ့သော ဂျပန်နှင့်မြန်မာ ဆန္ဒစကားများကို လူထုခေါင်းဆောင် ဒေါ်အောင်ဆန်းစုကြည်၏ လက်ဝယ်အရောက်ပေးပို့သွားမည်ဖြစ်ကြောင်း ဦးဆောင်လှုပ်ရှားသူ မလေးလေး(တိုကျို)မှပြောပြသည်။
ဂျပန်သတင်းဋ္ဌာန ANN News နှင့်ဒေါ်အောင်ဆန်းစုကြည်တို့ တွေ့ဆုံမေးမြန်းမှုတွင် ဂျပန်ရောက်မြန်မာနိုင်ငံသားများအား ဒေါ်အောင်ဆန်းစုကြည်က ဘာ့ကြောင့်ကိုယ့်တိုင်းပြည်ကိုစွန့်ခွာခဲ့ရကြောင်းနှင့် ကိုယ့်တိုင်းပြည်ကိုမမေ့ရန် မီဒီယာမှတဆင့် အမှာစကားပြောကြားခဲ့သည်။ အဆိုပါစကားအပေါ် ဦးလွင်အောင်စိုးက``အင်းမတန်ကောင်းတဲ့မှာကြားချက်ပါ၊ ကျနော်တို့ကို ဘ၀မမေ့သွားအောင် ကျနော်တို့ကို ထိမ်းကြောင်းပေးတဲ့ စကားဖြစ်ပါတယ်၊ ဒီအတိုင်းပဲ ကျနော်တို့ဂျပန်ရောက်နေလျှက်မှာပဲ မြန်မာ့ဒီမိုကရေစီအရေးအတွက် ကြိုးစားဆောင်ရွက်ရင်း မြန်မာဆိုတဲ့ဂုဏ်ကို ကြိုးစားထိမ်းသိမ်းနေပါတယ်´´ဟု လူထုခေါင်းဆောင်၏ စကားကို လိုက်နာလျှက်ရှိကြောင်းပြောပြသည်။
ဒီအပြင် ဂျပန်ရှိ (၄၀)ကျော်သော အဖွဲ့အစည်းအသီးသီးမှ ထုတ်ပြန်ကြေငြာချက်များ၊ အမှာစကားများကို ပြောဆိုဖတ်ကြားခဲ့ကြပြီး အဆုံးပိတ်အဖြစ် နိုင်ငံရေးအကျဉ်းသားများ ကူညီစောင့်ရှောက်ရေးအသင်းက ၂၀၀၃ ဒီပဲယင်းအရေးအခင်းအပြီးတွင် ထုတ်ဝေခဲ့သည့် လှောင်ချိုင့်ထဲကအမည်ရှိ တေးစီးရီးမှ ``ဒေါ်အောင်ဆန်းစုကြည်´´သီချင်းကို PRMG တေးဂီတအဖွဲ့မှဦးဆောင်၍ တက်ရောက်လာသူများတညီတညွတ်တည်းသီဆိုခဲ့ကြသည်။
photo။ ။ kothaw (fb)
သတင်းအကျဉ်းချုပ် ...
updated news
မြောက် ကိုရီးယား နှင့်  တောင်ကိုရီးယား ပစ်ခတ်မှူ တွင် တောင်ကိုရီးယား မရိန်းတပ်သား ၂ ဦး အသက် Sergeant Seo Jeong-woo ၂၂ နှစ် နှင့်  Private 2nd Class Moon Kwang-wook ၂၀ နှစ် သေဆုံးပြီး ၁၆ ဦးဒဏ်ရာ ရကာ ထိုအထဲမှ ၆ ဦး ဒဏ်ရာ ပြင်းထန် စွာရရှိခဲ့ သည်
အရပ်သား ၃ ဦး လည်းဒဏ်ရာရရှိခဲ့ ပြီး အိမ် များ နှင့်  သိုလှောင်ရုံ (ဂိုထောင်) များလဲ မီးလောင်ခဲ့ သည် တောမီးများလဲ လောင်ကြွမ်း နေပြီး ရန်ဖျောင်း ကျွန်း တစ်ကျွန်း လုံး မီးများ ပြတ်တောက် သွားခဲ့ သည် ။ အရပ်သား များကို အင်ချွန်း သို့ ရွှေ့ ပြောင်းပေးထားပြီး အချို့  အရပ်သားများကို ဘန်ကာများသို့  ပြောင်းရွှေ့  ပေးထားခဲ့ သည် ။ နေ့ လည် ၂ နာရီ ၃၄ မီးနစ်တွင် ပထမအကြိမ်ပြစ်ခတ်ခဲ့ ပြီး ၂နာရီ ၄၉ မီနစ် အထိ အချက် ၂၀ ပျော်ပြစ်ခတ်ခဲ့ သည် ။ ၃ နာရီ ၁၀ မီးနစ် မှ ၄၁ မီး နစ်အထိ ဒုတိယ အကြီမ် ပြစ်ခတ်ခဲ့ သည် ။ မရိန်းတပ် အတွင်း K 9 ( တင့် ကား)အမြောက် တပ် လက်နှက်တိုက် ၊ စစ်တန်းလျား နှင့်  အနီး ရှိ အိမ် များပေါ်သို့  ကျရောက်ခဲ့ သည် ။ ရန်းဖျောင်းကျွန်း မှ ၁၂ ကိလိုမီတာ ဂဲ ဘော်ရီ အမြောက် စခန်းမှ မှပြစ်ခတ် ခဲ့ သည် ။ တောင်ကိုရီးယားမှ လဲ အချက် ၈၀ ပြန်လည်ပစ်ခတ်ခဲ့ သည် ။ အဆိုပါယန်းဖောင်းကျွန်း သည် နယ်ကြားမျည်း NLL မှ ၁-၅ ကီလိုမီတာ အကွာ တွင် တည်ရှိသည် ။ အဆိုပါ အမြောက်တပ် မှ K 9 တင့် ကားများ များ သည် နံနက် ၈ နာရီ အချိန်မှ စတင်၍ ပင် လယ်ပြင်သို့  ပစ်ခတ် စစ်ရေး လေ့ ကျင့် နေချိန်ဖြစ်သည် ။ အဆိုပါ စစ်ရေး လေ့ ကျင့် မှု့ သည် ၂၂ ရက်နေ့ မှ လ ကုန်သည် အထိ လေ့ ကျင့် ရန် ဖြစ်သည် ။ ယနေ့  တိုက်ခိုက် မှု့ ကြောင့်  အဆိုပါ စစ်ရေးလေ့  ကျင့် မှု့  ရပ်တန့်  မည် မဟုတ်ဟု တောင်ကိုရီးယား စစ်ရုံးမှ ထုတ်ဖေါ်ပြောကြားခဲ့ သည် ။ အဆိုပါ ကျွန်း တွင် မီးသတ်ကား တစ်စီးသာရှိ သည် ။ အင်ချွန်း မြို့  မှ မီး သတ်ကား နှင့်  လူနာတင် ယာဉ် များ ပို့ ဆောင်လျှက် ရှိသည် ။ မြောက်ကိုရီးယား အသံလွင့် ဌာ မှ တောင်ကိုရီးယားမှ စတင်ပြစ် ခတ် ခဲ့ သည်ဟု ကြေညာခဲ့ သည် ။ မြောက်ကိုရီးယား မှ ထိခိုက်မှု ကို ထုတ်ဖေါ်ပြောကြား မှု့  မရှိပေ ။
http://world.kbs.co.kr/korean/news/news_photo_detail.htm?No=15648
forward mailမှ
ဒီကနေ့နေ့လည်၂နာရီခွဲကျော်ကျော်လောက်က မြောက်ကိုးရီးဘက်မှ တောင်ကိုးရီးယားနိုင်ငံရှိ yeonpyeong ကျွန်းသို့ ဒုံးလက်နက်များဖြင့် အချက်ပေါင်းများစွာ စတင်ပစ်ခတ်ခဲ့ရာ လူနေအိမ်ပေါင်းများစွာမီးလောင် ပျက်ဆီးပြီး တောင်ကိုးရီးယားစစ်တပ်မှကမ်းခြေစောင့် စစ်သား(၂)ဦးသေဆုံးပြီး အရပ်သား(၃)ဦးမှာ ဒဏ်ရာပြင်းထန်စွာရရှိပြီး၁၅ယောက်မှာသိပ်မပြင်းထန်သောဒဏ်ရာရရှိခဲ့ကြောင်း၊ သေဆုံးသူဦးရေဟာ ဒီထက်ပိုမိုလာနိုင်ဖွယ်ရှိတယ်လို့လည်း တောင်ကိုးရီးယားအသံလွှင့်ဌာနKBSမှထုထ်လွှင့်သွားပါတယ်။ မြောက်ကိုးရီးယားဘက်က ပစ်ခတ်မှုဟာ နေ့လည် ၄နာရီခွဲအချိန်ထိ ပစ်ခတ်မှုအကြိမ်ပေါင်း (၅၀)ကျော်လောက်ရှိတယ်လို့ပြောဆိုပါတယ်။
တောင်ကိုးရီးယားစစ်တပ်မှလည်း ဒုံးလက်နက်များဖြင့် အချက်ပေါင်း၈၀ခန့် ပြန်လည်ပစ်ခတ်ခဲ့ပြီးနောက် ညနေ ၆နာရီအချိန်မှာတော့ တိုက်ပွဲမှာရပ်ဆိုင်းသွားပါတယ်။ နိုင်ငံ ၏ အချို့ နေရာများ ကို အရေးပေါ်အခြေအနေ သတ်မှတ်ထားပြီး တောင်ကိုးရီးယား ပူးတွဲတပ်မများ အသင့်ပြင်ထားကြောင်း တောင်ကိုးရီးယားမီဒီယာများမှ ပြောဆိုနေကြပါတယ်။ ထိုကျွန်းမှာနေထိုင်နေကြတဲ့ သူများဟာငါးဖမ်းလုပ်ငန်းနဲ့ အသက်မွေးနေထိုင်နေကြသူများဖြစ်ပါတယ်။
သတင်းအကျဉ်းချုပ် ...
ဒေါ်အောင်ဆန်းစုကြည်၏နှလုံးသားပုံရိပ်များ (အစအဆုံး)ကို ဒီမှာဖတ်နိုင်ပါတယ်။
“ကျမ အမျိုးသားရင်ကြားစေ့ရေးကို ကျမ အမြဲ ယုံကြည်ပါတယ်။ ကျမတို့ဟာ ပြည်သူရဲ့ အင်အားကို အားကိုးပြီးတော့ အလုပ်လုပ်နေတာလို့ အကြိမ်ကြိမ်အခါခါ ပြောခဲ့ပြီးပါပြီ။ ပြည်သူရဲ့ အင်အားကို စနစ်တကျသုံးမှပဲ ထိရောက်မှာပါ။ ပြည်သူတွေကို ထပ်ပြီး မှာပါရစေ။ ကိုယ်လိုချင်တာကို မျှော်လင့်နေရုံနဲ့ မအောင်မြင်ပါဘူး။ ကိုယ်လိုချင်တာကို ရအောင် လုပ်ကြမှ၊ လုပ်ရဲမှ ၊ လုပ်နိုင်မှ ရမယ်။ အကောင်းဆုံး နည်းလမ်းကို ရှာရမယ်’’
(ဒေါ်အောင်ဆန်းစုကြည်၏ မိန့်ခွန်းကောက်နုတ်ချက်တခုမှ-)
တခါက ကျနော့်မြို့မှာပါ..။
ကျနော်တို့ အပေါင်းသင်းတွေ ၀ိုင်းဖွဲ့ပြီး စကားပြောနေတဲ့အချိန်မှာ မြို့ပေါ်က နည်းနည်းပိုက်ဆံချမ်းသာတယ်လို့ ပြောလို့ရတဲ့ သူတယောက် ၀င်လာတယ်။ပြီးတော့ အဆက်မပြတ် ဆိုသလို .."သူ့စီးပွားရေးကို ဘယ်အာဏာပိုင်တွေက ဘယ်လိုနှိပ်စက်လို့ ဘယ်လို ဒုက္ခရောက်တဲ့အကြောင်း ၊ စီးပွားရေး လုပ်ပိုင်ခွင့်များကိုလည်း ဘယ်လို ကန့်သတ်ပိတ်ပင်တဲ့အကြောင်း" တွေကို ခိုသံပါအောင်ညည်းရင်း ပြောနေလိုက်တာ၊ ကျနော်တို့တောင် ပိုက်ဆံစုပြီး သူ့ကို ၀ိုင်းကူပေးရမယ့်ပုံ…။
ဒါနဲ့ တယောက်က စလာတယ်…။
“ ဒါ..စံနစ်ကြောင့်ပေါ့.. စံနစ်ကို ပြုပြင်ရမယ် ” လို့ ပြောတော့ အဲဒီလူက ထိုင်ရာကနေ ထသွား မယောင်တောင် ဖြစ်သွားတယ်။
“ ခင်ဗျားတို့ နိုင်ငံရေးကြောင်းပြောမယ်ဆို.. ကျနော် နားမထောင်ချင်ဘူးဗျာ.. နိုင်ငံရေးကို ကျနော် စိတ်မ၀င်စားဘူး ” လို့ဆိုလာတော့ ၊ ကျနော်က…
“ အခုခင်ဗျား ညည်းနေတာတွေဟာ နိုင်ငံရေး မဟုတ်ဘူးလား .. အဲဒါ ခင်ဗျား နိုင်ငံရေးအကြောင်း ပြောနေတာပဲ ”
“ ဟာ.. မလုပ်ပါနဲ့ဗျာ.. ကျနော်က ကိုယ့်စီးပွားက လွဲပြီး ဘာမှစိတ်မ၀င်စားဘူးဗျ.. ပိုက်ဆံရဖို့ပဲ သိတယ်.. ကိုယ်လုပ်မှ ကိုယ်စားရတာပါဗျာ ”
ခေါင်းကိုတွင်တွင်ကုတ်ရင်း ကျနော်တို့စကားတွေကို ဇွတ် ငြင်းချက်ထုတ်တော့တယ်..။ ဒီလူနဲ့တော့ ခက်ပြီ…။
“ နေပါဦး.. ခင်ဗျား စောစောက ပြောသွားတဲ့.. ကိုယ်လုပ်မှ.. ကိုယ်စားရတယ်ဆိုတာ..တကယ်လား ”
ကျနော်က ဒီလိုမေးလိုက်တော့ သူက ပေစောင်းစောင်းကြည့်ပြီး.. မကျေနပ်တဲ့လေသံနဲ့…
“ ခလေး သွားမေးတောင်.. သိပါတယ်ဗျာ ”
“ ကိုယ်လုပ်မှ.. ကိုယ်စားရတယ်ဆိုရင်.. ခင်ဗျား စောစောက ဘာလို့ညည်းတာလဲ.. ကိုယ်လုပ်တိုင်း .. ကိုယ် တကယ်စားရလို့လား ”
သူ့စိတ်ထဲမှာ တော်တော်ရှုပ်ထွေးသွားဟန်ရှိတယ်။
“ မသိဘူးဗျာ .. ကျနော်က ပိုက်ဆံချမ်းသာဖို့ပဲ သိတယ် ..။ ကျန်တာ ကျနော်မသိဘူး..။ ခင်ဗျားတို့လို နိုင်ငံရေးလုပ်လို့ ပိုက်ဆံရလာမှာမှ မဟုတ်တာ ”
ဒါနဲ့ကျနော်တို့ထဲက တယောက်က ကြားဖြတ်ပြီး...
“ ဒါဆို.. ခင်ဗျား ဘယ်လောက်ချမ်းသာနေပြီလဲ။ နိုင်ငံရေးကလွဲလို့ ဘာမှမလုပ်တဲ့ ဒေါ်အောင်ဆန်းစုကြည်လောက် ချမ်းသာလား …။ အခု ဒေါ်အောင်ဆန်းစုကြည်မှာ နိုဘယ်လ်ဆုနဲ့တင် ဒေါ်လာသန်းချီရနေပြီ..။ ခင်ဗျား သူ့လောက်ချမ်းသာနေပြီလား ” ...ဆိုတော့ ဒီလူ တော်တော် တွေဝေသွားတယ် ။
“ ကျနော် အမှန်ပြောရရင်.. ဒေါ်အောင်ဆန်းစုကြည်ကိုတော့ လေးလည်းလေးစားတယ်.. ချစ်လည်းချစ်တယ်..။ ဒါပေမယ့် ကျနော် နိုင်ငံရေးမလုပ်ရဲဘူးဗျ ..။ ကြောက်တယ်..။ ကျနော်ဒီလိုပြောတာ ဘယ်သူ့မှ လျှောက်မပြောနဲ့နော်.. ”
(မျက်လုံးက ဘေးဘီ ၀ဲယာ ကျီးကန်းတောင်းမှောက်ကြည့်ရင်း စိုးရိမ်နေပုံ…) “ တကယ်ပါဗျာ.. ကျုပ်တို့နိုင်ငံကို ဒီမိုကရေစီနိုင်ငံဖြစ်စေချင်တာ အမှန်ပဲ.. ကျနော်ကတော့ မလုပ်ရဲဘူးဗျ .. ကြောက်တယ်”
“ ခင်ဗျား နိုင်ငံရေးမလုပ်ချင်ဘူးဆိုလည်း နေလို့ရပါတယ်...။ ဒါပေမယ့် နိုင်ငံရေးကိုတော့ မသိလို့ မဖြစ်ဘူးဗျ… နိုင်ငံရေး မသိဘူးဆိုရင် .. အုပ်ချုပ်တဲ့သူတွေက..လုပ်ချင်ရာ လုပ်သွားမှာပဲ……..”
ကျနော့်ရင်ထဲမှာ တခါက အန်တီစု ထပ်ခါထပ်ခါပြောခဲ့တဲ့ စကားကို သွားသတိရမိတယ်။ အမြဲတမ်းလည်း ပြောတယ်…..။
“ ကိုယ်လိုချင်တာကို မျှော်လင့်နေရုံနဲ့ မအောင်မြင်ပါဘူး။ ကိုယ်လိုချင်တာကို ရအောင် လုပ်ကြမှ ၊ လုပ်ရဲမှ လုပ်နိုင်မှ ရမယ်။ ”
”လိုချင်တာကို မျှော်လင့်ရုံပဲ မျှော်လင့်ပြီး၊ ရအောင်လုပ်ယူဖို့ ခက်ခဲနေတဲ့ သူတွေကိုလည်း တွေ့ကြုံခဲ့ဖူးပါတယ်။”
ဒီလိုပြောခဲ့တဲ့ အန်တီ့ရဲ့ စကားတွေဟာ ကျနော့် ရင်ထဲမှာ စွဲနေတယ်။
ကျနော် အမျိုးသားပြန်လည်သင့်မြတ်ရေးကို ယုံတယ် ။ တနေ့မှာ ဖြစ်ကိုဖြစ်ရမယ်ဆိုတဲ့ ယုံကြည်ချက်က အခုထိ ဖျက်လို့မရနိုင်ပါဘူး၊ အမျိုးသားပြန်လည်သင့်မြတ်ရေး မရှိဘဲနဲ့ ၊ တိုင်းပြည်ထူထောင်ဖို့ ဆိုတာ သမင်မွေးရင်း ကျားစားရင်း ဖြစ်မှာ အမှန်ပဲ။
အကောင်းဆုံးပါဆိုတဲ့ စံနစ်နဲ့သွားလည်း မအောင်မြင်နိုင်ပါဘူး၊ ဘာဖြစ်လို့လဲ ဆိုတော့ ကျနော့်တို့ နိုင်ငံရဲ့ အမျိုးသား စည်းလုံးညီညွတ်ရေးက ပြိုကွဲနေတာ မဟုတ်လား၊
ကျနော်တို့ ကျောင်းသားလူငယ်တွေ အစွမ်းရှိသလောက် ကြိုးစားအားထုတ်ခဲ့တာ အတိုင်းတာ တခုထိတော့ အောင်မြင်ခဲ့ပါတယ်။ ဒါပေမယ့် အားရလောက်အောင် အဆင့်ထိတော့ မရောက်ခဲ့ပါဘူး၊ ဒီလို အတိုင်းတာ တခုထိ ရောက်ဖို့ဆိုတာတောင် ..တကယ်တော့ ...အန်တီစုအပါဝင် လူကြီးတွေရဲ့ ကျောထောက်နောက်ခံပေးလို့ဆိုတာ အမှန်ပါပဲ။ ကျနော်တို့ချည်း ဒီလောက်ခရီးမပေါက်နိုင်ပါဘူး။ ဒါ့အတွက် အန်တီစုကို အထူး ကျေးဇူးတင်မိပါတယ်။
အန်တီစုဟာ ကျနော်တို့ရဲ့မိဘဆိုလည်း မမှားလောက်ပါဘူး၊ ကျနော်တို့ အပေါ် မိဘမေတ္တာလို မေတ္တာတွေ ပေးခဲ့ပါတယ်။ သားသမီးတွေလို သဘောထားခဲ့ပါတယ်…။ ကျနော်တို့နဲ့ ဆက်ဆံရင်တောင်မှ ဘယ်တော့မှ ”မင်းတို့ ...ငါတို့...” မသုံးဘူး။ ”သားတို့..သမီးတို့...” ဆိုပြီး သုံးတယ်။ သူ့ကိုယ်သူကတော့ အန်တီလို့ပဲ သုံးတယ်။
ကျနော်မှတ်မိသေးတယ်..။ အန်တီစုရဲ့"မိဘမေတ္တာ အလင်းစလေး" တချက် ပေါ့…..။
တနေ့ ကျနော်တို့ ကျောင်းသားတွေအပါအ၀င် လူကြီးတွေပါ (စုစုပေါင်း အယောက် ၃၀လောက်တော့ ရှိမယ်ထင်တယ်..။) အန်တီ့ခြံဝန်းထဲက အခမ်းအနားတခု ကျင်းပခဲ့တဲ့ အဆောက်အဦမှာ..အမျိုးသားနေ့ အတွက် အစည်းအဝေးလုပ်နေကြတာ..။(ဒါကလည်း အန်တီက လူကြီးတွေကို မေတ္တာရပ်ခံပြီး ကျနော်တို့ကို အစည်းဝေးတက်ခွင့်ပေးခဲ့တာပါ။)
အမျိုးသားဒီမိုကရေစီအဖွဲ့ချုပ်က ဦးကြည်မောင် က ဦးဆောင်ပါဝင်ပြီး တိုင်းရင်းသားအဖွဲ့တွေ ၊ ကျနော်တို့ကျောင်းသားတွေထဲမှာ ကိုမင်းဇေယျာ ( ၈၈-မကသ-ကျောင်းသားခေါင်းဆောင် ) ကလည်း ထောင်ထဲက ပူပူနွေးနွေး လွတ်လာတဲ့အချိန်။ သူလည်း အစည်းဝေးကို ရောက်လာခဲ့တယ်။
နောက် ..ကိုကျော်ဌေးဦး၊ ကိုလေးလွင် (၈၈-မျိုးဆက်-ကျောင်းသားခေါင်းဆောင်များ) ၊
အမျိုးသားဒီမိုကရေစီအဖွဲ့ချုပ် ပါတီထဲကဆို မှတ်မှတ်ရရ ဘကြီးမိုး (စာရေးဆရာ မောင်မိုးသူ) ၊ ဦးသိန်းတင် ( ထောင်တွင်း ကွယ်လွန် ) ၊ ဒေါက်တာ ဒေါ်မေ၀င်းမြင့်၊ ကိုခွန်မြင့်ထွန်း ( NCGUB ၀န်ကြီး) သူတို့လည်း ပါကြတယ်။
ဒီလိုနဲ့ အစည်းအဝေး ကျင်းပနေစဉ် မထင်မှတ်တဲ့မြင်ကွင်းတခုက ကျနော့်မျက်လုံးထဲ ၀င်ရောက်လာခဲ့တယ်။ ကျနော်တို့နဲ့ ခပ်လှမ်းလှမ်းက မြက်ခင်းပြင်နဲ့ အလှပန်းပင်ခြုံလေးတွေနားမှာ အန်တီစုက.. နိုင်ငံခြားသား ခလေးပေါက်စလေးတဦးနဲ့ ပျော်ရွှင်မြူးထူးနေတဲ့မြင်ကွင်းပါ၊
ခလေးလေးက အရမ်းချစ်ဖို့ ကောင်းတယ်၊ ၂ နှစ်သားလောက်ပဲ ရှိမယ်ထင်တယ်၊ (ပုံကြည့်ရတာတော့...သံတမန်တယောက်ယောက်ရဲ့ ရင်သွေးများလား မသိဘူး၊) ဆံပင်လေးတွေက ရွှေရောင်သန်းပြီး ပျော့စင်းနေတာပဲ ၊ လေလေး တချက်ဝှေ့လိုက်ပြီဆို ..ဖွာကနဲ ..ဖွာကနဲနဲ့၊ သိပ်ကြည့်လှတယ်။ လမ်းလျှောက်ပုံကလည်း ဆတ်တောက်... ဆတ်တောက်နဲ့ ၊ အန်တီစုဆီ ပြေးလာလိုက် ...ပတ်လည်ပြေးသွားလိုက်နဲ့ လုပ်နေတယ်၊
နောက်တော့ ခလေးလေးက အန်တီစုဆီ တခါပြေးလာတော့ အန်တီစုက ရှေ့ကနေ မနှေးမမြန်လေး ပြေးတယ်၊ ခလေးလေးက ဆတ်တောက် ဆတ်တောက်နဲ့ လိုက်တယ် ၊
ကျနော် အစည်းဝေးကို စိတ် မ၀င်စားတော့ဘူး ၊ ဘေးနားမှာရှိတဲ့ ကျောင်းသားခေါင်းဆောင် ကိုလေးလွင်ကို လက်တို့ပြီး ပြလိုက်တယ်..။ အားလုံးကလည်း သတိပြုမိ သွားသလား မသိဘူး။ လှမ်းကြည့်လိုက်မိတယ် ထင်တယ်…။
အန်တီစုက ရှေ့တည့်တည့်ကနေ လက်ခုပ်တီးပြီး ခေါ်နေတော့ ..ခလေးလေးကလည်း ပြေးလာတယ်..။
နောက်တော့ အန်တီ သတိ ပြန်ဝင်လာလား မသိဘူး။ ခလေးလေးကို မ ချီပြီး အိမ်ထဲ ပြေးဝင်သွားတယ်..။
ကျနော်ထင်ပါတယ်..။ အဲဒီအချိန်မှာ အန်တီဟာ လူထုခေါင်းဆောင်၊ ပါတီခေါင်းဆောင်ဆိုတဲ့ အတွေးထက် … မိခင်တယောက်ရဲ့စိတ်တွေ ကိန်းဝပ်သွားပုံရတယ်..။ အင်မတန်မှ ချစ်စရာကောင်းတဲ့ မြင်ကွင်းပါ..။ ကျနော့်တသက်မှာ ဒီမြင်ကွင်းဟာ ဘယ်တော့မှ မမေ့နိုင်ပါဘူး။ နောင်လည်း ဒီလိုဟာမျိုး တွေ့မြင်နိုင်ဖို့ အလွန်မှ ခက်သွားလောက်ပါပြီ။
ဒီလိုနဲ့ အမျိုးသားနေ့အခမ်းအနားကို အန်တီ့ခြံဝန်းထဲမှာ ကျင်းပတော့ တက်ရောက်လာကြတဲ့သူတွေ အတော့်ကို များပါတယ်။ ဒီအခမ်းအနားက ဒုတိယမြောက် အခမ်းအနားပေါ့..။ တိုင်းရင်းသားအစစ်တွေက သူတို့ရဲ့ ရိုးရာ အကတွေနဲ့ ဖျော်ဖြေကြတယ်။ နောက် သီချင်းတွေဆိုနဲ့ အတော်မှ စည်ကားလှပါတယ်၊ အမျိုးသားအောင်ပွဲနေ့ကိုလည်း အောင်မြင်စွာ ကျင်းပနိုင်ခဲ့ပါတယ်။
အန်တီ့အိမ်ရှေ့က တရားပွဲကတော့ စနေ၊တနင်္ဂနွေဆို ထုံးစံအတိုင်း စည်ကားလျှက်ပါပဲ။
ဒါပေမယ့် တနေ့မှာတော့ လုပ်ကြံစာ တစောင် တက်လာတယ်..။(ဒါ သေချာတယ်.. တမင်သက်သက် လုပ်ကြံလိုက်တာ .. ဒီစာက..)
”လှိုင်သာယာမြို့နယ်မှာ ထမင်းရည်ပုလင်းတွေတောင် ၀ယ်သောက်နေရပါတယ်...” တဲ့..။ ”ထမင်းရည်ပုလင်းတွေရောင်းလို့ မလောက်ဘူးဖြစ်နေပါတယ်..” တဲ့။
အဲဒီစာကို အန်တီက ပြန်ဖြေလိုက်တယ် ..။ ဒါပေမယ့် စကားလုံးတွေ ကျနော် မမှတ်မိတော့ဘူး.. ။စိတ်မကောင်းဖြစ်ပြီး ကရုဏာသက်စွာ ပြန်ဖြေလိုက်တာတော့ သိလိုက်တယ်…………။
ဒါဟာ ထောင်ချောက်ဆင်ထားတဲ့စာလို့ပဲ အများက ယုံကြည်ကြတယ်…။
နောက် များမကြာခင်ရက်ပိုင်းမှာတော့ သတင်းစာထဲမှာ အကြီးအကျယ် ရေးလာတော့တာပဲ..။
”ထမင်းရည်ဆိုတာ.. တကယ်တော့ စားစရာမရှိလို့ ၀ယ်သောက်ကြတာ မဟုတ်ဘူး..”တဲ့..။ ”မီးသွေးအမှုန့်တွေဖျှော်ပြီး မီးသွေးအလုံးတွေလုပ်ဖို့ ရောင်းကြ၊၀ယ်ကြတာ..”တဲ့ ..။
ဒါကို မသိဘဲနဲ့ အစိုးရကို တမင်နစ်နာအောင် ...အန်တီစုက... အပုတ်ချသလိုလို... ဘာလိုလိုနဲ့ တုန့်ပြန်ရေးသားလာတာကို တော်တော်များများ မှတ်မိကြဦးမှာပါ၊
တကယ်တော့လည်း .. အန်တီစု က အဲဒီနေရာ ရောက်ဖူးတာမှ မဟုတ်တာ..။ စာကို တင်ပေးတဲ့သူကလည်း တင်ပေးလိုက်တော့ … ရင်ထဲမှာ သူသူကိုကို ခံစားသွားမှာပေါ့..။ ” လူတွေ စားစရာ ချို့တဲ့ကုန်လို့ ...ထမင်းရည်ပဲ ၀ယ်သောက်နိုင်တော့တယ်.. ”ဆိုတော့ ၊( ကျနော်ထင်ပါတယ်..) သိသိကြီးနဲ့ လုပ်ကြံလိုက်တဲ့စာပါ၊ ဒီလို အလုပ်မျိုးတွေကိုလည်း မသမာသူများက အန်တီစုအပေါ် အထင်မှား အမြင်မှားဖြစ်အောင် လုပ်ကြံတတ်ပါတယ်။
( ဘာမဟုတ်တဲ့ကိစ္စကို နအဖက ရေးကြီးခွင်ကျယ်လုပ်တာကိုလည်း နောက်ပိုင်း တင်ပြပေးပါဦးမယ်။)
သိပ်မကြာခင်မှာတော့ ကျနော်တို့ ပညာဆည်းပူးရာ ရန်ကုန်တက္တသိုလ်ရဲ့ ( ၇၅ ) နှစ်မြောက် စိန်ရတုသဘင် အခမ်းအနားကလည်း နီးကပ်လာတယ်။ကျနော်တို့ကျောင်းသားများလည်း စိန်ရတုသဘင်ပွဲ အခမ်းအနားကို နွှဲဖို့ စုကာရုံးကြပေါ့ ၊
အဲဒီအချိန်မှာ ဗိုလ်ချုပ်ခင်ညွန့်က ရန်ကုန်တက္ကသိုလ်ဝင်းအတွင်းမှာရှိတဲ့ အဆောင်တွေမှာ ကျင်းပတဲ့ ပွဲတိုင်းနီးပါးလောက် မလွတ်တမ်း တက်ရောက်နေတဲ့အချိန် ။
(တနည်းအားဖြင့် စည်းရုံးရေး အသွင်သဏ္ဍာန်တွေပါ ပါနေတယ်။)
(ထောက်လှမ်းရေးက ရုပ် ခပ်ဖြောင့်ဖြောင့် စစ်ဗိုလ်တွေနဲ့ ဇာတ်ပျက်ကျောင်းသူတွေကလည်း တရုန်းရုန်းနဲ့ ဓါတ်ပုံတွေ တွဲရိုက်နေကြတဲ့ အချိန်ပေါ့ ၊)
ရန်ကုန်တက္တသိုလ်ဟာ ယာယီအားဖြင့် စစ်ရောင် လွှမ်းသွားခဲ့တယ်။
ဗိုလ်ချုပ်ခင်ညွန့်ဆိုတဲ့ပုဂ္ဂိုလ်က ဆက်ဆံရေး စကားပြော ညက်တယ်လို့ ကြားဖူးထားတယ်။ အဆောင် ဟောပြောပွဲတွေမှာ သွားရောက် စကားပြောပြီဆို ..သူ့ပုံစံက နိုင်ငံရေးသမားတယောက် ဟန်အတိုင်းလို့ ပြောကြတယ်။(စစ်ဗိုလ် အသွင်ပြင် လက္ခဏာမျိုး မဟုတ်ဘူးလို့တောင် ပြောကြတယ်။)
ကျနော်နေခဲ့တဲ့ အင်းဝဆောင်မှာ သူရောက်လာတဲ့အခါ ကျောင်းသားတွေက မကြားတကြား လှမ်းပြီးတော့ ..“ ယောက္ခမကြီး… ယောက္ခမကြီး ” လို့  အော်တော့ ..သူ အခမ်းအနားမှာ စကားပြောတဲ့အခါ ထည့်ပြောသွားတယ် ။ “ အင်းဝဆောင်က ကျောင်းသားတွေက တော်တော်လက်နှေးတဲ့ ကျောင်းသားတွေ …။ အန်ကယ့်သမီးက ယောက်ျား ရသွားပြီ ”...တဲ့ ။
.........စသဖြင့်ပေါ့ ။ အဲသလို ကျောင်းသားတွေနဲ့ဝင်ရောတာ။ ကျောင်းသားတွေနဲ့ တ၀ါးဝါး တဟားဟား လက်ဆုံကြလို့၊
ဒါပေမယ့် တဖက်မှာတော့ နိုင်ငံရေးအခြေအနေဟာ တင်းမာမှု့ဆီကို ဦးတည်သွားစေတဲ့ ကိစ္စတခုကလည်း ပေါ်ပေါက်လာခဲ့တယ်လေ၊
၁၉၉၅ နိုဝင်ဘာ ၂၂...အင်န်အယ်လ်ဒီ သတင်းစာ ရှင်းလင်းပွဲမှာ ဒေါ်စုက ..” အမျိုးသားညီလာခံကနေပြီး မြန်မာပြည်ရဲ့ နိုင်ငံရေး အဖြေရှာနိုင်ဖို့ မလွယ်ဘူး၊ လွတ်လပ် ပွင့်လင်းမှုတွေ မရှိဘူး..” လို့ ဝေဖန်ထောက်ပြတယ်။
”ထွက်မယ် ”လို့ မပြောခဲ့ဘူး။၊ နိုဝင်ဘာ ၂၇ မှာ အမျိုးသားညီလာခံ ပြန်စတယ် ထင်တယ်။ အဲသည်မှာ ဦးအောင်ရွှေတို့က အမျိူးသားညီလာခံကနေ နိုဝင်ဘာ ၂၉ မှာ နှုတ်ထွက်လိုက်တယ်။
ဒါက အင်န်အယ်လ်ဒီ ပါတီခေါင်းဆောင်တွေ၊ လွှတ်တော်ကိုယ်စားလှယ်တွေ အပြင်မှာ ရှိသလောက် တွေ့ဆုံဆွေးနွေးပြီးမှ ထွက်လာတဲ့ ရလဒ်လို့ မြင်ပါတယ်။
(ဒီ ညီလာခံက နှုတ်ထွက်တာက သဘောထား တင်းမာတာကို ပြတာလည်း မဟုတ်ဘူး၊ ရန်လုိုတာလည်း မဟုတ်ဘူးလို့ ပြောချင်ပါတယ်။) ညီလာခံက ၂၇ မှာ စပါတယ်။ ပါတီကနေပြီး ညီလာခံကော်မရှင်ကို တင်ပြထားတာတွေ၊ တောင်းဆိုထားတာတွေ ရှိတယ်လို့ သိရတယ်။ စစ်အစုိုးရက ညီလာခံမှာ ဒါတွေကို ပြန်လည် အကြောင်းပြန်ခြင်း မရှိဘူး။ ဒါတွေကို စစ်အစုိုးရ မီဒီယာတွေက မပြောခဲ့ဘူး။ ပြည်တွင်းက မြန်မာပြည်သူတွေမှာလည်း သေသေချာချာနားလည်နိုင်ဖို့ အခြေအနေ မရခဲ့ဘူး။ လူတွေက တဖက်သတ်ပြောနေတာတွေကိုပဲ ကြားနေရတာကိုး။ အဲဒီအခြေနေပေါ်မှာ နအဖက လက်ခံနိုင်စွမ်း မရှိတော့ဘူး၊ အခိုက်အတန့်ပြေလျှော့နေတဲ့ သဘောထားတွေဟာ ( အကြောင်းတခုကြောင့် ပြေချင်ယောင်ဆောင်တာလဲ ဖြစ်နိုင်ပါတယ်။) ချက်ခြင်းဆိုသလို နအဖဘက်က ပြောင်းလဲ တင်းမာလာတော့တယ်။ အတိုက်အခံ ဒီမိုကရက်တစ် အင်အားစုများကို နှိပ်ကွပ်ရေးတွေ တဖန် ပြန်ဦးမော့လာပြန်တယ်။
တနေ့မှာတော့ ကျနော့်တစ်ယောက်တည်းကို ထောက်လှမ်းရေးက လာခေါ်သွားတယ်၊ ဒီတခါမှာတော့ ထောက်လှမ်းရေး ၁၆ မှာပါ၊ အဲဒီမှာ ဗိုလ်မှုးကြီးသန်းထွန်းနဲ့တခါ ထပ်ဆုံပါတယ်။
ကျနော်နဲ့တွေ့ဆုံတော့ အရင်တခါတုန်းကလို ပုံသဏ္ဍန်မဟုတ်တော့ဘူး၊ သူ့ကိုကြည့်ရတာ တခုခုကို အစာမကြေတဲ့ပုံမျိုး။
“ ကျနော်.. ခင်ဗျားတို့ကို အရင်တခေါက် တွေ့ခဲ့တုန်းက ပြောခဲ့တာတွေ မှတ်မိဦးမှာပါ ”
“ ဟုတ်ကဲ့.. မှတ်မိပါတယ်”
ကျနော်ကလည်း အေးအေးသက်သာပဲ ပြန်ဖြေလိုက်တယ်။
“ ကျနော်တို့ စောင့်ကြည့်ဦးမယ်ပြောတာ.. မမှားလောက်ပါဘူး..။ ခုပဲ အခြေနေတွေက တမျိုးပြောင်းလဲ လာတယ် .. ဒါတောင် ကာလက ဘယ်လောက်မှ ကြာသေးတာ မဟုတ်ဘူး ”
ပြောနေတဲ့စကားသံတွေထဲမှာ မကျေနပ်သံတွေ ပါနေတယ်ဆိုတာကို ကျနော်သတိထားမိတယ်။ ကျနော် ဆက်နားထောင်တော့…..
“ ခင်ဗျားတို့ကိုလည်း.. ကျနော်တခုပြောမယ်.. ဖြစ်နိုင်ရင် ကျောင်းသားကိစ္စပဲလုပ်ပါ.. ကျောင်းသားကိစ္စပဲ လုပ်မယ်ဆို.. ကျနော်တို့ ကူညီနိုင်တယ်.. နိုင်ငံရေး ရောစွက်လာတယ်ဆိုရင်တော့ မကောင်းဘူး.. ကျောင်းသားအရေးပဲ လုပ်မယ့် ...ကျနော်တို့ကို မဆန့်ကျင်မယ့် ကျောင်းသားသမဂ္ဂဆို ကျနော်တို့ကူညီမယ်….။”
“ ဒါတော့ အာမ မခံနိုင်ဘူး …။ ကျနော်တို့ လက်ခံထားတာ ကျောင်းသားအရေးဟာ နိုင်ငံရေးပဲ..။ ကျနော်တို့ဟာ ထာဝရ ဆန့်ကျင်ရေးသမားတွေ မဟုတ်ဘူး..။ လက်ခံနိုင်တာရှိရင်.. ထောက်ခံမှာဖြစ်သလို.. လက်မခံနိုင်တာရှိရင်.. ပြောရမှာပဲ..။ ဒါဟာ ဆန့်ကျင်တဲ့ ပုံသဏ္ဍာန်ဖြစ်သွားခဲ့ရင်..ကျနော်တို့ မတတ်နိုင်ဘူး ”
ကျနော် အေးအေးဆေးဆေးပဲ ပြောလိုက်တယ်….။
“ ခင်ဗျားတို့ကို အချိန်မရွေး အရေးယူ အပြစ်ပေးလို့ရတယ်ဆိုတာ သိတယ် မဟုတ်လား ”
သူရဲ့စကားလုံးတွေမှာ ဒေါသသံတွေ ရောနှောပါလာတယ်။
“ သိပါတယ်.. ဒါက ဗိုလ်မှုးကြီးတို့ အပိုင်းပါ .. ကျနော်တို့ အကြမ်းဖက် လုပ်ရပ် လုပ်နေတာ မဟုတ်ပါဘူး.. ”
“ ဒါပေမယ့် .. ဥပဒေဘောင်ကို ကျော်လွန်နေတယ်ဆိုတာကိုတော့ .. သတိထားဖို့ လိုလိမ့်မယ်..။ နောက်ပြီး ခင်ဗျားတို့ အန်တီကလည်း .. တလောက .. လှိုင်သာယာမှာ ထမင်းရည်ပုလင်းတွေ ၀ယ်သောက်ရလောက်အောင်ကို ပြည်သူတွေငတ်နေပြီ ...ဆိုတာ လူထုရှေ့မှာ ပြောတာ မကောင်းဘူး။
(တကယ်မှာတော့ အန်တီက ပြည်သူတွေငတ်နေပြီ..လို့ မသုံးနှုန်းခဲ့ပါဘူး။)..
အကြောင်းဇစ်မြစ်မှန်ကို မသိဘဲ.. အဲသလိုပြောတာ မကောင်းဘူး..။ ကျနော်တို့ အစိုးရကို အပုတ်ချသလိုဖြစ်နေတယ်”
“ အဲဒါကတော့.. အန်တီနဲ့ပြောပါ..ကျနော်တို့နဲ့ မဆိုင်ပါဘူး..။ဒါပြောပါ..။ ဒါမပြောပါနဲ့..လို့ ကျနော်တို့ လုပ်နိုင်တဲ့သူတွေ မဟုတ်ပါဘူး..။ အဓိက ကျနော့်ကို ခေါ်ရတဲ့ အကြောင်းရင်းကို သိချင်ပါတယ်”
ထိုင်နေတဲ့ ကုလားထိုင် နောက်မှီကို အားပါးတရ မှီထိုင်လိုက်ရင်း.. စားပွဲပေါ်ကို လက်နှစ်ဘက် ဆန့်တင်ထားရင်းက..
“ ခင်ဗျားတို့.. ဒေါ်အောင်ဆန်းစုကြည်ကို မ၀န်းရံပါနဲ့..။ ကျောင်းသားတွေဟာ..ကျောင်းသားကိစ္စပဲ လုပ်ပါ..။ နောက်ပြီး ရန်ကုန်တက္ကသိုလ် စိန်ရတုသဘင်ပွဲကို မနှောက်ယှက်ပါနဲ့ ”
ခရားရေလွှတ် တောက်လျှောက် မနားတမ်းပြောလိုက်တယ်….။
“ ဗိုလ်မှုးကြီးကို ကျနော်ပြောနိုင်တာကတော့.. စိန်ရတုသဘင်ပွဲကို နှောက်ယှက်မယ်ဆိုတဲ့ အရာ စဉ်းတောင် မစဉ်းစားမိဘူး..။ ဒါဟာ ကျနော်တို့နဲ့လည်း သက်ဆိုင်နေတော့.. ကျနော်တို့လည်း ဆင်နွှဲချင်တယ်..။ နောက် ဒေါ်အောင်ဆန်းစုကြည်ကို မ၀န်းရံပါနဲ့...ဆိုတဲ့ကိစ္စကတော့.. ဗိုလ်မှုးကြီးတို့ နဲ့ မသက်ဆိုင်ဘူးလို့ ထင်ပါတယ်”
အခြေအနေကတော့ တင်းမာလာတဲ့သဘောရှိတယ်။
“ ဟုတ်ပြီလေ… ကျနော်တို့ကလည်း လုပ်စရာရှိတာ ဆက်လုပ်သွားမယ်.. အိုကေနော် ”
ဆိုပြီး ထောက်လှမ်းရေး ၁၆ တပ်မှုးကို လှည့်ပြီးပြောတယ်။
“ သူ့ကို ပြန်လိုက်ပို့လိုက်ပါ ”
ကျနော့်ကိုပြန်လိုက်ပို့တယ်။ နောက်ရက်မှာတော့ အကျိုးအကြောင်းတွေကို အားလုံးကို တင်ပြခဲ့တယ်။
နောက် ထူးခြားတာတခုက ကျနော်တို့ ၀ိုင်းစဉ်းစားကြတယ်။ ရန်ကုန်တက္ကသိုလ် စိန်ရတုသဘင်အခမ်းအနားမှာ ဗိုလ်ချုပ်ခင်ညွန့် စကားပြောမယ့် စင်မြင့်ကို တက္ကသိုလ်စာတိုက်ဝင်းအတွင်းမှာ ခမ်းခမ်းနားနား ပြင်ဆင်ထားတယ် ။ အဲဒါကို ကျနော်တို့ကျောင်းသားတွေက စင်မြင့်ပေါ်တက်ပြီး ကျောင်းသားသမဂ္ဂက ကျင်းပတဲ့ .. စိန်ရတုသဘင်ပွဲလုပ်ဖို့ လျှို့ဝှက်စီစဉ်ခဲ့တယ်။
ဒီသတင်း ပေါက်ကြားသွားပုံရတယ်။ နောက်ရက်မှာတော့ အဲဒီစင်မြင့်ကို သံဆူးကြိုးတွေ ပတ်လည် ကာရံထားပြီး စစ်သားအစောင့်တွေပါ ချထားလိုက်တယ်။အဲဒီတော့ အစီအစဉ်တွေကို ကျနော်တို့ပြောင်းလဲ စီစဉ်ရတော့တယ်။
ကျနော်တို့ နေရာတခုမှာ စီစဉ်ခဲ့တယ်။ ပထမ အင်းယားကန်စောင်းဘေးက ဘုန်းတော်ကြီးကျောင်းမှာ ( အန်တီ့အိမ်နဲ့ သိပ်မဝေးဘူး။) ဆွမ်းကပ်မယ်၊ ပြီးမှ စီစဉ်ထားတဲ့နေရာကို စုသွားပြီး အခမ်းအနားကျင်းပကြမယ်၊ ...ဆိုပြီး လုပ်ကြတော့ ၊ အန်တီ့အိမ်နဲ့ သိပ်မဝေးတဲ့ Joy စားသောက်ဆိုင်မှာ အခမ်းအနားတခုလုပ်ဖို့ ဆုံးဖြတ် ...အစီစဉ်တွေ ဆွဲခဲ့ကြတယ်၊
ကျနော်တို့ မူလဆုံးဖြတ်ချက်က အင်းယားကန်စောင်းဘေးက ဘုန်းကြီးကျောင်းမှာ ဆွမ်းကပ်ဖို့ သက်သက်ပါပဲ၊ အဲဒီနေ့က ဘုန်းကြီးကျောင်းမှာ အဖွဲ့အစည်းတော်တော်များများက လူတွေတော်တော်များများ လာကြတယ်၊ သတင်းမီဒီယာက လူတွေလည်း လာကြတယ်၊
ကျနော်တို့ရဲ့အစီအစဉ်ထဲမှာ အထူးအစီအစဉ်တခုက.. ရန်ကုန်တက္ကသိုလ် စိန်ရတုသဘင်ပွဲ အခမ်းအနားကနေ ဗိုလ်ချုပ်အောင်ဆန်းကို “ ဂုဏ်ထူးဆောင်ကျောင်းသား ” အဖြစ်အပ်နှင်းဖို့ အစီအစဉ်ပါတယ်။
(ကျနော်တို့ ဆိုလိုချက်က ဗိုလ်ချုပ်ဟာ ကျနော်တို့ ရန်ကုန်တက္ကသိုလ်ရဲ့ဂုဏ်ကို ထူးခြားပြောင်မြောက်အောင် စွမ်းဆောင်နိုင်ခဲ့သူ ကျောင်းသားတယောက်ဖြစ်နေလို့ ..ဒီလို အပ်နှင်းဂုဏ်ပြုချင်တာပါ၊) ဒါကိုလည်း အန်တီ့ကို ဖွင့်ပြောပြထားခဲ့တယ်၊
ကျနော်တို့ ဆွမ်းကပ်ပွဲ အခမ်းအနား မစတင်မှီမှာပဲ ဘုန်းကြီးကျောင်းပြင်ပ လမ်းမပေါ်က စစ်ကားတွေပေါ်မှာ စစ်သားတွေအပြည့်နဲ့ ကားသုံးစီး ရပ်ထားတယ်၊ ထောက်လှမ်းရေးတွေဆိုတာကလည်း ခြေချင်းလိမ်နေတာပဲ။
ဒါတွေကို ဂရုမထားပါဘူး။ ကျနော်တို့လုပ်စရာရှိတာ ဆက်လုပ်ကြတယ်..။ နောက် ကျောင်းသားတစုကို အခမ်းအနား အဓိကကျင်းပမယ့် နေရာဆီကို လွှတ်လိုက်တော့ ပြဿနာက စတက်တော့တာပဲ ၊
ဖြစ်ပုံက ဒီလိုပါ။ အစက ကျနော်တို့ အခမ်းအနားကြီး ဘယ်မှာကျင်းပမယ်ဆိုတာ ထောက်လှမ်းရေးက မသိဘူး။ ဖိတ်ကြားထားတဲ့ လူကြီးတွေလောက်ကိုပဲ လျှို့ဝှက်ပြောပြထားတယ်။
အခမ်းအနားမလုပ်ခင်မှာ ကျနော်တို့ထဲက တယောက်က ဖိတ်စာကို မှတ်တမ်းတင် ဗွီဒီယိုရိုက်ဖို့ အခန်းတွင်းမှာလုပ်နေတုန်း သတင်းပေးတယောက်က ၀င်လာပြီး၊ ဖိတ်စာကို ကိုင်ပေးသလို ဘာလိုလို လုပ်ရင်းက ပေါက်ကြားသွားပြီး ထောက်လှမ်းရေးဆီကို ချက်ချင်း သတင်းသွားပို့တယ်၊ အဲဒါနဲ့ နေရာကို သိသွားတော့ အဲဒီမှာ စစ်သားတွေအပြည့်နဲ့ ပိတ်ထားလိုက်တယ်။ ကျနော်လွှတ်လိုက်တဲ့ကျောင်းသားအုပ်စုလည်း လာရော စီးဖမ်းတော့တာပဲ ..
ကျောင်းသားတွေက ကိုယ်လွတ်ရုန်း ထွက်ပြေးကြတယ်.. ။ ကျနော်တို့ဆွမ်းကပ်မယ့် ဘုန်းကြီးကျောင်းဆီ အမောတကော ပြေးလာပြီး ပြောတော့..အစီအစဉ်တွေကို ပြောင်းလိုက်ရတော့တယ်၊ ဘုန်းကြီးကျောင်းပေါ်မှာပဲ တဆက်တည်း အခမ်းအနားကျင်းပလိုက်ကြတယ်၊
ဘုန်းကြီးကို ပထမ လျှောက်ထားတာ ဆွမ်းကျွေးဖို့ သက်သက်ပါပဲ။ အခြေအနေအရ အခန်းအနားကျင်းပကြတော့.. ဆရာတော်ဘုန်းကြီးကလည်း တော်တော်ကြောက်လန့်သွားတယ်..။ကျနော်တို့ အခမ်းအနားကျင်းပနေစဉ်မှာပဲ.. ဆရာတော်က ကျောင်းအောက်လမ်းမပေါ်မှာ ရပ်ထားတဲ့ စစ်ကားတွေ သွားကြည့်လိုက်.. အခမ်းအနား ကျင်းပနေတဲ့ နေရာပြန်လာလိုက်..။ အခမ်းအနားမှုးလုပ်နေတဲ့ ကိုထက်ရာဇာကို လာပြောလိုက်နဲ့ပေါ့…။
“ ဒကာကြီးတို့ မပြီးသေးဘူးလား..။ကျောင်းအောက်မှာ စစ်ကားတွေရောက်နေပြီ..။ ဘုန်းကြီးစိုးရိမ်တယ် ”ဆိုတော့ ရာဇာက....
“ ပြီးတော့မှာပါ..ဘုန်းဘုန်း။ တပည့်တော်တို့ ခဏပါပဲ ”
ဒီလိုနဲ့ လူးလာခေါက်တုန့်ပြန် လုပ်နေတဲ့ ဆရာတော်ကိုကြည့်ပြီး ကျနော်တို့လည်း အားနာကြတယ်.. ။ တခါတလေကျတော့လည်း.. ငိုအားထက် ရီ(ရယ်)အားသန် အဖြစ်လိုပဲ။
အခမ်းအနားကျင်းပနေစဉ်မှာပဲ အင်မတန်ထူးခြားတဲ့ သမိုင်းဖြစ်ရပ်လေးတခုက ပေါ်ပေါက်လာခဲ့တယ်။
ကိုမြင့်ဆွေ ( ယခု -ဖော့ဝန်းမြို့-အင်ဒီရားနားပြည်နယ်၊အမေရိကား)ကနေ စာအိတ်ရှည်ကြီးတစောင်ကို ကိုင်ပြီး ကျောင်းပေါ်အပြေးတက်လာတယ်။ ကျနော့်ကိုလာပေးရင်းက…
“ ဒီမှာ ကျောင်းသားတွေ ကျင်းပတဲ့ ရန်ကုန်တက္ကသိုလ် စိန်ရတုသဘင် အခမ်းအနားအတွက် .. အန်တီစု ပေးပို့လိုက်တဲ့ သ၀ဏ်လွှာ..။ အန်တီက အားချင်း စီစဉ်ပေးလိုက်တာ ”
ဆိုလို့ဖွင့်ကြည့်လိုက်တော့ အန်တီကိုယ်တိုင် လက်မှတ်ရေးထိုးထားတဲ့ သ၀ဏ်လွှာ..။ အဲဒါကို ကျနော်က ဖတ်ပြလိုက်တယ်..။ လူထုက သဘောတွေကျ ၊အားရကျေနပ်ခြင်းတွေနဲ့ လက်ခုပ်သံတွေ တဖြောင်းဖြောင်းပေါ့….။
ပေးပို့လိုက်တဲ့ သ၀ဏ်လွှာမှာ အန်တီ ရေးပေးထားတာကတော့ ရိုးရိုးလေးပါပဲ..။ မှတ်မိရသလောက်.. ” ကျောင်းသားလူငယ်တွေ အခုလို စည်းလုံးညီညွတ်စွာနဲ့ အစဉ်လာကြီးမားတဲ့ ရန်ကုန်တက္ကသိုလ်ရဲ့ စိန်ရတုသဘင်ပွဲ အခမ်းအနားကို ကျင်းပပြုလုပ်ခဲ့တာကို ၀မ်းမြောက်ဝမ်းသာစွာ ဂုဏ်ယူကြောင်း၊သမိုင်းအဆက်ဆက်မှာ ရှေ့ဆောင်တိုက်ပွဲဝင်ခဲ့သော၊ ၀င်နေသော ကျောင်းသားအပေါင်းတို့ကိုလည်း လေးစားယုံကြည်သောအားဖြင့် ဤသ၀ဏ်လွှာကို ပေးပို့အပ်ပါကြောင်း...” ပါရှိပါတယ်။
အန်တီအနေနဲ့ အခမ်းအနားကိုတော့ တက်ရောက်နိုင်ခြင်းမရှိပါဘူး၊ တက်ရောက်နိုင်ဖို့ အခွင့်အရေး မပေးခဲ့တာလည်း ပါတာပေါ့လေ၊ အန်တီပေးပို့တဲ့ သ၀ဏ်လွှာကြောင့်လည်း ခပ်မှိန်မှိန် ကျင်းပပြုလုပ်ခဲ့ရတဲ့ စိန်ရတုသဘင်အခမ်းအနားဟာ ကမ္ဘာသိ၊တိုင်းသိပြည်သိ ဖြစ်သွားခဲ့တာအမှန်ပါ၊ ( အဲဒီ သ၀ဏ်လွှာစာရွက်ကို ကျနော့်ကိုဖမ်းတော့ သိမ်းပြီး သက်သေခံအဖြစ် တင်သွင်းခံခဲ့ရပါတယ်)။
ကျနော်တို့ရဲ့ ရန်ကုန်တက္ကသိုလ် စိန်ရတုသဘင် အခမ်းအနား ကျင်းပပြုလုပ်အပြီးမှာတော့ ကျောင်းသားများက ဗိုလ်ချုပ်အောင်ဆန်းကို “ တက္ကသိုလ် ဂုဏ်ထူးဆောင်ကျောင်းသား ” အဖြစ် ဂုဏ်ပြုချီးမြှင့်တဲ့မှတ်တမ်းကို အန်တီ့ဆီ သွားပို့ပေးလိုက်ပါတယ်။
နောက်တရက်မှာပဲ ကျနော့်ကို သတင်းတပ်ဖွဲ့ ( SB ) က လာရောက်ခေါ်ဆောင်သွားတယ် ။ဖမ်းဆီးတာတော့ မဟုတ်သေးပါဘူး ။သူတို့ရုံးချုပ်မှာ သတင်းတပ်ဖွဲ့မှုး ဗိုလ်မှုးကြီးဗဟိန်းနဲ့တွေ့ဆုံပါတယ်။ သူက ကျနော့်ကို စာရွက်တရွက်ထုတ်ပြီးဖတ်ပြပါတယ်။ ကျနော်ဟာ ဘယ်လို အမှု့တွေနဲ့ငြိစွန်းနေကြောင်း။ ပြစ်ဒဏ်ချမယ်ဆိုရင် ထောင်ဒဏ်ဘယ်လောက်ကျနိုင်ကြောင်း....စသဖြင့်ပြောကြားခဲ့ပါတယ်။ တခြားထူးထူးထွေထွေတော့ဘာမှမရှိပါဘူး ၊ ပြန်လှန်မေးခွန်းထုတ်၊ပြောဆိုခွင့်လည်းမရှိခဲ့ပါဘူး၊
ဒီလိုနဲ့ ကျနော် အန်တီ့ကို ကန်တော့ပြီး...ဇာတိမြို့ကို ခဏဆို ပြန်သွားပါတယ်။
ဇာတိမြို့ (ရေနံချောင်းမှာ) ပဲ ကျနော့်ကို လာဖမ်းပါတယ်။ အဲဒီကနေ ချက်ခြင်း ရန်ကုန်အင်းစိန်ထောင်ကို ပို့ပါတယ်။
ရန်ကုန် အင်းစိန်ထောင်ရောက်တော့ ရှေ့မှာကြိုဖမ်းထားတဲ့ ဦးဝင်းထိန် ( အန်တီစု လက်ထောက် ) ၊ ဦးအေးဝင်း ( အန်တီ့ အကိုဝမ်းကွဲ - အဝေးရောက်ညွန့်ပေါင်းအစိုးရအဖွဲ့ ၀န်ကြီးချုပ် ဒေါက်တာစိန်ဝင်း၏ အကို - အာဇာနည်ခေါင်းဆောင် ဦးဘ၀င်းသား )၊ စာရေးဆရာ မောင်မိုးသူ၊ မောင်ဝံသ၊ ဗိသုကာ ဦးကျော်မင်း ၊ ဦးသိန်းတင် ( ထောင်တွင်း ကွယ်လွန် )၊ ကိုခွန်မြင့်ထွန်း (ယခု NCGUB ၀န်ကြီး)၊ ဒေါက်တာလှုိုင်မြင့် ၊ဦးကျော်ခင် ( တောင်ကြီးမြို့ လွှတ်တော်ကိုယ်စားလှယ်) ၊နောက် NLD က လူငယ်တွေနဲ့တွေ့ဆုံပါတယ်။
ကျနော့်ကို မကြာခင်မှာပဲ အင်းစိန်ထောင်တွင်း အထူးတရားရုံးကနေ အရေးပေါ် နိုင်ငံရေးပုဒ်မ ၅ ည အပါဝင် တရားမ၀င် သင်းပင်းဖွဲ့စည်းမှု့ ၊ တရားမ၀င် ဗွီဒီယိုခွေများ (အန်တီစု ဟောပြောပွဲ အခွေတွေပါ။) ဖြန့်ချီမှု့တွေနဲ့ ထောင်နှစ်ရှည်ချမှတ်ခြင်းခံခဲ့ရပါတယ်။ အဲဒီကစလို့ ကျနော် အန်တီစုနဲ့ဝေးသွားခဲ့တာ ယခုအချိန်ထိပါပဲ။
ကျနော်ထောင်ကပြန်လွတ်လာတော့ အန်တီစုက နေအိမ်အကျယ်ချုပ် ပြန်ခံလိုက်ရပါပြီ၊
”နိဂုံး”
ကျနော် ဒေါ်အောင်ဆန်းစုကြည်ကို ပုဂ္ဂိုလ်ရေးသက်သက် ကိုးကွယ်မှု့ဖြင့် ဆည်းကပ်ယုံကြည်မှု့ မလုပ်ခဲ့တာ ပြောရဲပါတယ်။
ဗိုလ်ချုပ်အောင်ဆန်း သမီးမို့..ဆိုတဲ့ အကြောင်းပြချက်နဲ့ပြောလာမယ်ဆိုလည်း ...ဘာ့ကြောင့် ဦးအောင်ဆန်းဦးကိုကျတော့ မချဉ်းကပ်ကြတာလဲ၊မလေးစားကြတာလဲ..လို့ မေးခွန်းထုတ်စရာပါ………..။
နှလုံးသားပုံရိပ်တွေ ကွာပါတယ်… သိပ်ကိုကွာပါတယ်။
အန်တီစု တော်ခြင်း-မတော်ခြင်း... အထူးအထွေ ဘာမှ မပြောလိုပေမယ့် ၊ ပြောနိုင်တာကတော့ .. တိုင်းပြည်တိုးတက်ချမ်းသာလိုတဲ့ စိတ်ခွန်အား ပြင်းပြပြီး၊ ထားတဲ့စေတနာမှန်တယ်၊ ရိုးသားမှု့အပြည့်ရှိတယ်ဆိုတာကတော့ အသေအချာပြောနိုင်ပါတယ်။ နောက် ရှည်လျှားလာတဲ့ တော်လှန်ရေးရဲ့ဖြစ်စဉ်အောက်မှာ စွန့်လွှတ်အနစ်နာခံမှု့တွေကပါ ရောပြွမ်းလာခဲ့ပါတယ်။
ကျနော်သိသလောက် ရာစုနှစ်အတွင်းမှာ မြန်မာလူထုရဲ့ထောက်ခံမှု့၊လေးစားမှု့၊ ကြည်ညိုမှု့တွေ ကြောက်ခမန်းလိလိရရှိသူနှစ်ဦးကို ထောက်ပြပါဆိုရင် ၊ ဗိုလ်ချုပ်အောင်ဆန်းနဲ့ သမီး ဒေါ်အောင်ဆန်းစုကြည်က လွဲလို့ ဘယ်သူရှိနိုင်မှာလည်း၊ သမိုင်းဆိုတာ ဖန်တီးယူလို့မရပါ ။ လုပ်ယူလို့မရပါ၊ လုပ်ရပ်နဲ့ဖြစ်စဉ်တွေက ပြဌာန်းခြင်းဖြင့်သာ တိုင်းတာနိုင်ပါလိမ့်မယ်။
အမှောင်ထု ရှည်လျှားလှသော မြန်မာပြည်ကို သူကလွဲလို့ ဘယ်သူဦးဆောင်နိုင်မှာလဲ။ ဦးဆောင်နိုင်မယ်ဆိုရင်တောင်မှ သူ့လို လူထုထောက်ခံမှု့ရနိုင်ပါမယ်လို့ အာမခံနိုင်ပါသလား။ မေးခွန်းထုတ်စရာပါ၊
ကျနော် ဒီ ”ဒေါ်အောင်ဆန်းစုကြည်၏ နှလုံးသားပုံရိပ်များ ”ဆိုတဲ့ ရသဆောင်းပါးတွေ ရေးနေဆဲ အချိန်မှာပဲ အန်တီစု နေအိမ် အကျယ်ချုပ်က လွတ်မြောက်လာတာနဲ့တိုက်ဆိုင်နေပါတယ်။ သိပ်ဝမ်းသာမိပါတယ်၊ ပီတိဖြစ်မိပါတယ်။ ပြောမပြတတ်လောက်အောင်ပါပဲ ၊
ဒီမိုကရေစီလွတ်မြောက်ရေးတိုက်ပွဲကတော့မပြီးသေးပါဘူး။ကြမ်းလွန်းတဲ့ခရီးကို ဆက်ရဦးမှာပါ ။………… အန်တီစုစိတ်ရော၊ကိုယ်ပါ ကျန်းမာ ချမ်းသာစွာဖြင့် ကျနော်တို့ အမိမြန်မာနိုင်ငံ ဒီမိုကရေစီနဲ့လူ့အခွင့်ကို ပြည့်ဝစွာရရှိသည်အထိ ဆက်လက်လုပ်ဆောင်နိုင်ပါစေ...လို့ ဆန္ဒပြုရင်း၊ ကဗျာဆရာ မောင်တင်သစ်ရေးသားတဲ့ “ ဒီနေ့ဟာ အစဖြစ်တယ် ” ဆိုတဲ့ကဗျာလေးနဲ့ ဂုဏ်ပြုလိုက် ပါရစေ၊
” ဒီနေ့ဟာ အစဖြစ်တယ်။”(ကဗျာဆရာ မောင်တင်သစ်)
ပင်လယ်ကိုဖြတ်လာတဲ့ မိုးနံ့ပါတဲ့လေလို
မြို့ကြီးထဲ ငါတို့ဝင်ရောက်ကြပါစို့
နေရောင်ဟာ အုန်းလက်ကိုင်းများနဲ့ အိမ်မိုးစွန်းကိုဖြန်းပြီး
ကနေတဲ့ ဒေါင်းပျိုတွေလို အစိမ်းရောင်ပွပွ လှလှကြီးဖြစ်နေတယ်။
အိမ်ရှေ့လမ်းမပေါ်က မော်တော်ကားတွေဟာ ကြိုတင်တိုင်ပင်ထားကြသလိုပဲ
ဝး၀၀ နာရီမှာ ဟွန်းတွေ တပြိုင်နက်ထဲ တီးလိုက်ကြကုန်
ဒါဟာ အစပဲ……
အရာအားလုံး အစက ပြန်စမယ့်
အစပဲ……။
လေညှင်းဟာ အရပ်မျက်နှာအသီးသီးက တလှည့်ပြီးတလှည့်တိုက်နေတယ်..
ငါတို့ဟာ လေညှင်းနဲ့အတူပါလာတဲ့ အရပ်မျက်နှာအသီးသီးက ပန်းရနံ့တွေလို
ဒီနေရာကိုစုဝေးရောက်ရှိလာကြတယ်……
သမိုင်းဝင် ဓါတ်ပုံထဲက
မျက်နှာတွေနဲ့ အားလုံးဟာ တည်ငြိမ်ခန့်ငြားလို့ပေါ့
မြို့အနှံ့ကခေါင်းလောင်းတွေဟာ
အနှစ်နှစ်အလလက ထစ်အသွားခဲ့တဲ့
သူတို့အသံ သူတို့ပြန်ရလို့ ၀မ်းသာမဆုံးဖြစ်လို့
အပြုံးမျက်နှာတွေဟာ ပြန်ပြီး တည်လို့မရတော့သလိုမျိုး
ကန်ရေပြင်ဟာ သူကိုယ်တိုင် ကုန်းပေါ်တက်လာပြီး
ပွဲတော်မှာ နွှဲချင်နေတယ်
လက်ခုပ်သံတွေက တိကျတယ် ။
အပိုအလိုမရှိဘူး
ရုပ်ရှင်မရိုက်ဘူး
ဇာတ်တိုက်မထားဘူး
တာထွက်တော့မယ့် အားမာန်တွေဟာ အချက်ပေးသံကို စောင့်နေကြပြီ
ကျားတွေအတွက် တောထဲမှာလမ်းခင်းမထားဘူး
ချောင်းတွေ့ရင် ခုန်ကျော်သွားဘို့ပဲ
ချောင်းကျယ်ရင် ဖောင်ဖွဲ့မယ်….
အရာအားလုံးအစကပြန်စမဲ့ အစဖြစ်တယ်……
ဒီနေ့ဟာ ကမ္ဘာပေါ်က အလှဆုံးနေ့တွေထဲက တနေ့ဖြစ်တယ်.
ဒီနေ့ဟာ စစ်ပွဲစတင်တဲ့နေ့မဟုတ်ဘူး၊
ဒီနေ့ဟာ စစ်ပွဲအောင်နိုင်တဲ့နေ့မဟုတ်ဘူး…
ဒီနေ့မှာ စစ်ရှုံးသူမရှိဘူး စစ်နိုင်သူမရှိဘူး၊
ဒီနေ့ဟာ ငြိမ်းချမ်းမှု့စတင်တဲ့နေ့
ငြိမ်းချမ်းမှု့အောင်နိုင်တဲ့နေ့ဖြစ်ရဲ့…..
ဒီနေ့ဟာ မေတ္တာစတင်တဲ့နေ့….
မေတ္တာအောင်နိုင်တဲ့နေ့ဖြစ်ရဲ့…
ဒီနေ့အကြောင်း ကဗျာတပုဒ်ရေးရပေလိမ့်မယ်……
ဒီနေ့အကြောင်း ကဗျာတပုဒ်မရေးခဲ့ဘူးဆိုရင် .. ငါဟာ
ဘာမှမရေးခဲ့တဲ့လူတယောက်နဲ့ ဘာထူးဦးတော့မှာလဲ…။
( ကဗျာဆရာ- မောင်တင်သစ် )
---------------------------------------------------------------------------
( အန်တီစု ၁၃.၁၁.၂၀၁၀ တွင် လွတ်မြောက်လာခြင်းအတွက် ဂုဏ်ပြုစပ်ဆိုသောကဗျာအား ကောင်းကင် ၀က်ဆိုဒ်မှ ကူးယူဖော်ပြထားပါသည်။)
အားလုံးကို လေးစားစွာဖြင့်-
မောင်မောင်ဝမ်း
maungmaungone@gmail.com
သတင်းအကျဉ်းချုပ် ...
