0 မြန်မာစာသုံး OS ကို ၂၀၁၁ (11-11-11) တစ်ခြောက်လုံးဆုံတဲ့နေ့မှာတွင် အခမဲ့ ထုတ်ဝေမည်။

ကျွန်တော်က ကွန်ပျူတာနဲ့ ပတ်သက်ပြီး မတောက်တခေါက်လေး တတ်ထားတော့ သူငယ်ချင်းများ၊ သူငယ်ချင်းမဟုတ်သူများ က အကူညီတောင်းရင် ကွန်ပျူတာကို Clone လေးဆင်ပေးလိုက်၊ Branded လေး ဝယ်ပေးလိုက် လုပ်ပါတယ်၊ ကွန်ပျူတာ အဟောင်းလေးများကိုလည်း သုံးစွဲသူ (user) စိတ်ကြိုက်ဖြစ်အောင် Upgrade လုပ်ပေးလိုက်ပေါ့ဗျာ၊ အဲဒီလို လုပ်ပေးတဲ့အခါ ကျွန်တော် နေတဲ့ နေရာက ထိုင်းနယ်စပ်ဆိုတော့ကာ၊ Branded တွေဝယ်ပေးမိတဲ့အခါ၊ OS (Built In) ပါလာတာတဲ့အခါ ပြဿနာအကြီးအကျယ် တက်ပါလေရော၊ သိတယ်ဟုတ်လား ထိုင်းကဝယ်တော့ windows တစ်ခုလုံး ယပက်လက် (ထိုင်း) လိုချည်းပဲ၊ windows ပြန်တင်ရအောင်လည်း original licences ပြန်မတင်ရင်လည်း သုံးမယ့် သူတွေက (ဝယ်တဲ့သူ) သုံးမရ၊ နောက်မှ လိုက်ရှာကြည့်တော့ win xp မှာ (LIP=Langauge Interface Pack) ကိုတွေ့တော့ မှ ပြန်ဖြုတ်ပစ်၊ Regional setting ကို Myanmar ပြောင်း၊ ဟိုလုပ်ဒီလုပ်နဲ့ မှ International ပြန်ရ၊ ပြီးတော့ရော မပြီးသေးဘူး၊ သုံးတဲ့သူတွေက ပြဿနာရှာ (Complian) တက်ကြပြန်ရော၊ ရှမ်း(ထိုင်း) ဝင်းဒိုး တောင်ရှိတယ်၊ (အမှန်ပြောရရင် အရှေ့တောင်အာရှ မှာ မြန်မာကလွဲရင် အကုန် သူတို့ဒေသ ဗားရှင်း ရှိသလားတောင်မသိဘူး) မြန်မာဝင်းဒိုးပဲ ထည့်ပေးပါတဲ့၊ (ပြဿနာ) အဲဒါနဲ့ ဟိုလုပ်ဒီလုပ်နဲ့ My myanmar Unicode ကိုတွေ့သွားတော့ အဲဒါလေးသုံးပေးလိုက်ရင် နည်းနည်းတော့ အဆင်ပြေသား၊

အဲကြော်ငြာ ဝင်နေတာတဲ့လိုရင်းမရောက် ဖြစ်တော့မယ်၊ အခုတော့ The Voice Journal Jan-11 ကို (MEF=Myanmar Engineer Forum အားကိုးနဲ့) ဖတ်လိုက်ရတယ်၊ အဲဒီမှာ ဦးငွေထွန်း ပြောတာလေးကိုပေါ့ (11-11-11) တစ်ခြောက်လုံးဆုံတဲ့နေ့မှာ မြန်မာဘာသာသုံး Os ထုတ်ဝေပြီး အများပြည်သူ အခမဲ့ပေးသုံးမယ်ဆိုပဲဗျာ၊ သတင်း အပြည့်အစုံက ဒီလိုပါ

မြန်မာစာသုံး ကွန်ပျူတာစနစ်
(Myanmar Operating System) ကို ၂၀၁၁ ခုနှစ် နိုဝင်ဘာလ ၁၁ ရက်နေ့တွင် ထုတ်ဝေမည်ဖြစ်ပြီး အခမဲ့ပေးသုံးသွား မည်ဖြစ်ကြောင်း Solveware Solution ၏ အမှုဆောင်အရာရှိချုပ် ဦးငွေထွန်းက ဒီဇင်ဘာလ ၂၆ ရက်နေ့က ပြည်ထောင်စု မြန်မာနိုင်ငံ ကုန်သည်များ နှင့် စက်မှု လက်မှုလုပ်ငန်းရှင်များ အသင်းချုပ် (UMFCCI) တွင် ကျင်းပသောTEDx Youth @ Yangon ပွဲတွင် ပြောကြားသည်။
လူငယ်များအတွက်ရည်ရွယ်ကျင်းပသော၊ လူအများကြားတွင် ပျံ့နှံ့သင့်သော စိတ်ကူးစိတ်သန်းများကို အဓိကထားကာ ဟောပြောသည့်ပွဲဖြစ်သည့် မြန်မာ့ပထမဆုံးTEDx ပွဲတွင် တက်ရောက်ဟောပြောသူ ဦးငွေထွန်းက အဆိုပါ စနစ် ထုတ်ဝေမှုကိစ္စနှင့် ပတ်သက်၍ “မြန်မာစာသုံး စက်လည်ပတ်မှုစနစ်ဘာလို့မဖြစ်နိုင်ရမှာလဲ” ဟူသော ခေါင်းစဉ်ဖြင့် ပြောဆိုရာ၌ အထက်ပါအတိုင်း ထည့်သွင်းပြောဆိုခဲ့ခြင်းဖြစ်သည်။ သုံးစွဲသူများအတွက် အဆိုပါ မြန်မာစာသုံး ကွန်ပျူတာ OS စနစ်မှာ သုံးမည်ဆိုလျှင် သုံးလို့ရသည့် အခြေအနေအထိ ပြီးမြောက်နေပြီဖြစ်ကြောင်း၊ သို့သော် အက္ခရာစဉ် စနစ်၊ ပြက္ခဒိန်၊ သတ်ပုံအမှားရှာစနစ်၊ အမည်များ နှင့် အဘိဓာန်တို့ထည့်သွင်းရန် ကျန်ရှိ ကြောင်း ၎င်းကဆိုသည်။ ယခုထုတ်ဝေမည့်စနစ်ကို မြန်မာနိုင်ငံသမိုင်းတွင် စံအများဆုံး သတ်မှတ် ပြဋ္ဌာန်းပေးခဲ့သည့်သာလွန်မင်းတရားကြီးကို ဂုဏ်ပြုသော အားဖြင့် “သာလွန်” ဟု အမည်ပေးထားကြောင်း၊ စိတ်ပါဝင်စားသူများနှင့် ၀ိုင်းဝန်းကူညီလိုသူများအနေ ဖြင့် http://code.google.com/p/thalun နှင့် ngwetun@solvewaresolution.net သို့ ဆက်သွယ် နိုင်ကြောင်းလည်း ၎င်းကဆိုသည်။ “ငွေကြေးအတွက် ထုတ်ကုန်မဟုတ်ပါဘူး။ အခမဲ့ပေးသွားမှာပါ” ဟု ဦးငွေထွန်းကဆိုသည်။ စိတ်ပါဝင်စားသူ များအနေဖြင့် မြန်မာစာသုံး စက်လည်ပတ်မှုစနစ် တစ်ရပ်ဖြစ်မြောက်လာစေရန် အိုင်တီပညာရှင် မဟုတ်သော်လည်း အသုံးအနှုန်းများ ဘာသာပြန်ခြင်း၊ ပရိုဂရမ်များ စမ်းသပ်ပေးခြင်း၊ အသုံးပြုသူလက်စွဲများ ကူညီရေးသားခြင်း၊ ရိုးရာဓလေ့ သရုပ်ဖော်ပုံများ ရေးဆွဲခြင်း၊ သုံးစွဲသူများ လက်ဝယ် ရောက်အောင် ကူညီခြင်း၊ မသုံးစွဲတတ်သူများကို သင်တန်းပို့ချခြင်း စသည်ဖြင့် ၀ိုင်းဝန်းကူညီ နိုင်ကြောင်း ၎င်းက ဆက်လက်ပြောကြားသည်။ “ကျွန်တော်တို့ သမိုင်းမှာ ပြန်မကြုံနိုင်တဲ့ အကုန်လုံး ၁ တွေ ချည်းပဲ ဆုံတဲ့ရက် ၁၁-၁၁-၂၀၁၁ မှာ ထုတ်ဝေနိုင်အောင်ကြိုးစားသွားပါမယ့် လို့ ကတိပေးပါတယ်” ဟု ၎င်းကဆိုပြီး လာအိုကဲ့သို့ ကုန်းတွင်းပိတ်အာဆီယံ နိုင်ငံတွင် ပင် ကိုယ်ပိုင်ဘာသာစကားနှင့် စက်လည်ပတ်မှုစနစ်ကို သုံးစွဲနိုင်သည်ကို တွေ့ရကြောင်း၊ မြန်မာကွန်ပျူတာပညာရှင်များ တီထွင်သော မြန်မာစာသုံးစက်လည်ပတ်မှု စနစ်တစ်ရပ်ဖြစ်ထွန်း ပေါ်ပေါက်လျှင် နိုင်ငံခြားငွေများစွာ သက်သာနိုင်ကြောင်းလည်း ပြောဆိုခဲ့သည်။
အဆိုပါပွဲတွင် ဦးငွေထွန်းက ပြည်တွင်းရှိ Window OS အပါအ၀င် Software များ တရားမ၀င်သုံးစွဲနေသူ များကို ၂၀၁၃ ခုနှစ်တွင် ဖွံ့ဖြိုးဆဲနိုင်ငံများပါ မဖြစ်မနေ လိုက်နာလာရမည့် TRIPS (Trade-Related Aspects of Intellectual Property Rights) ဥာဏ မူပိုင်ခွင့်ဆိုင်ရာနှင့် ပတ်သက်၍လည်း ကြိုတင်သတိပေးပြောဆိုခဲ့သည်။ မြန်မာစာသုံး ကွန်ပျူတာစနစ်ထုတ်ဝေခြင်းနှင့် ပတ်သတ်၍ အဆိုပါပွဲတက်ရောက်ခဲ့သူ ပြည်တွင်း အိုင်တီပညာရှင်တစ်ဦးက “ဒါဖြစ်သင့်တဲ့ကိစ္စပဲ” မှတ်ချက်ပြုသည်။
သတင်းရင်းမြစ် (The Voice Journal)

ကိုဟန်လင်း (Myanmar IT)အားကျေးဇူးတင်ရှိပါသည်။

သတင်းအကျဉ်းချုပ် ...

0 ဒိန်းမတ်နိုင်ငံကအထက်တန်းကျောင်းသားများ တနေ့တာ အလှူငွေရှာ စီမံချက်(ရုပ်/သံ)

ဒိန်းမတ်နိုင်ငံ က အထက်တန်း ကျောင်းသား တွေဟာ နှစ်စဉ်နှစ်တိုင်း နိုဝင်ဘာလ ၃ ရက်နေ့တိုင်း OPERATION DAY WORK လို့ အမည် ရတဲ့ တနေ့တာ အလှူငွေရှာ တဲ့ စီမံချက် ကို အကောင် အထည် ဖေါ်ခဲ့တာ ၂၅ နှစ် ပြည့်ခဲ့ ပါပြီ။ ရရှိတဲ့ လုပ်အားခ ဝင်ငွေ တွေကို ကမ္ဘာ့ အဆင်းရဲဆုံး နိုင်ငံတွေ ကို ရွေးချယ် ထောက်ပံ့ကြရာမှာ ၂ဝ၁ဝ ခုနှစ်က မြန်မာနိုင်ငံ ကို ရွေးချယ်ခဲ့ပြီး၊ ၂ဝ၁၁ ခုနှစ်မှာ ထိုင်း မြန်မာ နယ်စပ်က ဒုက္ခသည် စခန်းတွေမှာ ရှိတဲ့ ကလေးသူငယ်တွေ အတွက် ပညာရေး စရိတ် အကုန်အကျ ခံမဲ့ အကြောင်း၊အဆိုပါ ကျောင်းသားတွေဟာ မြန်မာနိုင်ငံတွင်း သွားရောက်လေ့လာ သလို၊ ထိုင်းမြန်မာ နယ်စပ်လဲ သွားကြပါတယ်။ သူတို့ ရိုက်ကူးလာတဲ့ ဗွီဒီယိုတွေ၊ စလိုက် ရုပ်သေ ပုံတွေကို၊ ဒိန်းမတ်နိုင်ငံ တဝန်းရှိ ကျောင်းတွေကို လိုက်လံပြသယင်း စည်းရုံးသလို၊ မြန်မာ အဖွဲ့အစည်း ကိုလဲ ပြသပြီး အကြံတောင်းပုံ ကို အမျိုသားဒီမိုကရေစီ အဖွဲ့ချုပ် အဖွဲ့ဝင် ကိုမြင့်ဝေက ရှင်းပြပါတယ်။ဒိန်းမတ်အစိုးရပိုင်း ကလဲ အစိုးရ ရုံးတွေမှာရော၊ ပြင်ပ လုပ်ငန်းရှင်တွေ ကိုပါ၊ ဒီ တနေ့တာ ဝင်ငွေရှာတဲ့ ကျောင်းသားတွေကို ဝိုင်းဝန်း ပံ့ပိုးဖို့အားပေး လှုံ့ဆော်ပါတယ်။
(bbc)

ဒိန်းမတ်နိုင်ငံ od.dk အဖွဲ့နဲ့ပူးပေါင်းရိုက်ကူးထုတ်လုပ်ထားပြီး ဒိန်းမတ်နိုင်ငံက Who Made who အဖွဲနဲ့ GW(Generation Wave)မျိုးဆက်သစ် လူငယ်များ အစည်းအရုံးရဲ့လူငယ်တချို့တွေ့ဆုံတုန်းအချိန်အခါက ဆန်းသစ်စွာဖန်တီးထားတဲ့ 'Left Hand of the Boxer'ဆိုတဲ့ သီချင်းကိုနားထောင်ကြည့်ပါ။

သတင်းအကျဉ်းချုပ် ...

0 အမျိုးသားဒီမိုကရေစီအဖွဲ့ချုပ်ရုံးရှေ့တွင်ပြုလုပ်ခဲ့တဲ့လွတ်လပ်ရေးနေ့ အကြို ရံပုံငွေဈေးရောင်းပွဲဒုတိယနေ့[ 3.1.2011 ]

ယုံကြည်ချက်အသီးသီးကြောင့်အကျဉ်းကျနေသောနိုင်ငံရေးသမားများအတွက် ကူညီလိုသူများအဖွဲ့ ချုပ်ရုံးသို့  တဦးချင်းအကူအညီပေးချင်၍သော်လည်းကောင်း၊မိမိတတ်နိုင်သလောက်အကူအညီပေးချင်၍သော်လည်းကောင်း လာရောက်ဆက်သွယ်အကြောင်းကြားနိုင်ကြောင်းအသိပေးအပ်ပါသည်။
Photo/ kotinhlaing facebook

သတင်းအကျဉ်းချုပ် ...

0 ၂၀၁၁ နှစ်သစ်မြန်မာ ပြည်သူတွေအတွက် အခွန်သစ် Withholding Tax

အားလုံးမင်္ဂလာနှစ်သစ်၂၀၁၁ပါခင်ဗျား..

၂၀၁၁ နှစ်သစ်ကို ကြိုဆိုသည့်အနေဖြင့် နအဖ စစ်အစိုးရက withholding tax ၃.၅% စတင်ကောက်ခံမည့်အကြောင်းကို ဒီဇင်ဘာလ ၃၁ ရက်နေ့တွင် မြန်မာနိုင်ငံ ကုန်သည်စက်မှု အသင်းချုပ်မှာ ကုန်သည်များကို ရှင်းလင်းချပြသွားပါတယ် လာရောက်ရှင်းလင်းတဲ့ ပြည်တွင်းအခွန်ဌာနမှ ညွှန်မှူး နှစ်ဦးက နအဖအစိုးရဖက်မှ အ ပြင်းအထန်ကာကွယ်ပြောဆိုရင်း တိုတိုပြောရရင်တော့-

၁။ ကုန်သည်များက အမြတ်ခွန်စာရင်းများကို မှန်မှန်မတင်ပြကြလို့ အမြတ်ခွန်မကောက်နိုင်ပဲ commercial tax 10% ကိုသာ သက်ညှာစွာနဲ့ ကောက်ခံခဲ့ရကြောင်း

၂။ ယခု စတင်မိတ်ဆက်မည့် withholding tax ၃.၅% သည် ကြိုတင် ခွန်အမျိုးအစားဖြစ်ပြီး နှစ်စဉ် အမြတ်ခွန်စာရင်းရှင်းလင်းချိန်တွင် ပိုနေပါက ပြန်ပေးမည့် အခွန်မျိုးဖြစ်ကြောင်း


၃။ အိမ်နီးခြင်းနိုင်ငံများတွင်လည်း ဒီလို withholding tax ၃.၅% ရှိလည်းရှိ၊ ကောက်လည်း ကောက်ခံပါကြောင်း

၎။ ယခုလောလောဆယ် အမိန့်စာထွက်လာပြီဖြစ်လို့ စတင်အကောင်အထည်ဖော်ရာမှာ ပြည်သူအားလုံးက ၀ုိင်းဝန်းကူညီကြရန်ဖြစ်ကြောင်း တကယ်လက်တွေ့ အကောင်အထည်ဖော်ရာမှာ အဆင်မပြေတော့မှ စာနဲ့ တရားဝင် တင်ပြကြဘို့ ပြောကြားသွားပါတယ်။

အကျယ်ရှင်းလင်းစဉ်မှာတော့ မြန်မာပြည်မှာ AIR MANDALAY တို့ YANGON AIR တို့ တောင် ( AIR BAGAN မပါပါ ) ၁၀နှစ်ကျော် အရှုံးပြခဲ့လို့ နိုင်ငံတော်က သက်ညှာစွာနဲ့အမြတ်ခွန်မကောက်ခဲ့ပဲ commercial tax 10% ကိုသာ သက်ညှာစွာနဲ့ ကောက်ခံခဲ့ရကြောင်း အခြားလုပ်ငန်းကြီးတွေလဲ ထိုနည်း၎င်းပဲဖြစ်ကြောင်း ရှုံးနေတာကို အိပ်စိုက်ပြီးဆက်လုပ်နေတာကိုနားမလည်ကြောင်း ဆက်လုပ်နေတာ ကိုက်နေ လို့ဖြစ်ကြောင်း မကိုက်တော့ရင် ရပ်သွားမှာဖြစ်ကြောင်း တာဝန်မဲ့ ရမ်းကားစွာပြောကြားသွားပါတယ်

ကုမ္ပဏီများ ပြည်သူများဘက်က ထပြောကြစဉ်မှာတော့ ဒီ Withholding Tax ကို နိုင်ငံခြား ကတင်သွင်းသူများ ရောင်းချသူများကတော့ ပေးမယ်မထင်ကြောင်း၊ လောလောဆယ် ပြည်တွင်းကကုန်သည်ကပဲ စိုက်ပေးပြီး တိုက်ရိုက်ခံစားရမှာကတော့ စားသုံးသူပြည်သူတွေပဲဖြစ်ကြောင်း၊ ယခုလို ပြည်သူတွေ စားဝတ်နေရေးကြပ်တည်းခက်ခဲနေစဉ်မှာ ဒါမျိုး အခွန်မျိုးကိုစဉ်းစားလုပ်ဆောင်သင့်ကြောင်း၊ အမြတ်ခွန်ရှင်းတော့မှ ပိုရင်ပြန်ထုတ်ပေးမယ် လျောက်ကြပေါ့ ဆိုတာကလည်း အစိုးရဆီက ငွေပြန်တောင်းဘို့ဆိုတာ ကျားမြီးပဲပြေးဆွဲလိုက်ခြင်တော့ကြောင်း စသည်တို့ တင်ပြကြပါတယ်။

စာရေးသူအမြင်ကိုတင်ပြရရင်တော့ -

commercial tax 10% ဆိုတာဆောင်ခဲ့ရတုန်းကလည်း စာနဲ့ပေနဲ့ ထွက်လာတာမရှိခဲ့ပဲ ဗိုလ်ချုပ်ကြီးမောင်အေး ခရီးစဉ်တစ်ခုမှာ နုတ်မိန့်နဲ့ပြောခဲ့တာကို ပြန်တင်ပြရဲတဲ့သူမရှိပဲ အားလုံးဆောင်ခဲ့ရတာပါ အဲ အခု Withholding Tax မှာတော့ စာထွက်ပြီးရှင်းလင်းသေးတယ်ဆိုတော့ ပြောတော့ပြောသေးတယ်ဆိုရမှာပေါ့ခင်ဗျာ။

ပြီးတော့ ဒီလို Tax မျိုးဟာ တိုင်းပြည် ချွတ်ခြုံကျပြီး ကုန်းကောက်စရာမရှိချိန်မျိုးကျမှ ကောက်ကြတဲ့အခွန်မျိုးဖြစ်ပါတယ် မြန်မာပြည်လို သဘာဝဓါတ်ငွေ့တွေ သစ်တောတွေ ကျောက်မျက်တွေထုတ်ရောင်းနေတဲ့နိုင်ငံမျိုး၊ ကားပါမစ် ဆိုင်ကယ်ပါမစ် ဟန်းဖုန်းပါမစ် ဌာနဆိုင်ရာလေလံမျိုးစုံနဲ့ တစ်တိုင်းပြည်လုံးက ရှိသမျှပိုက်ဆံ သိမ်းကျုံးကောက်ပြီးတဲ့ အစိုးရ ကောက်စရာမလိုပါဘူး

ပြီးတော့ ကျနော်တို့ အခြားတိုင်းပြည်တွေက ဘာဝယ်ဝယ် export ဖြစ်လို့ VAT တို့ GST တို့ လျော့ပေးတာပဲရှိပါတယ် WITHHOLDING TAX ဆောင်ရတယ်တော့ တစ်ခါမှမကြားဘူးပါ မဆောင်ရဘူးပါ

ကျနော်တို့တိုင်းပြည်ကရောင်းတဲ့အခါမှာလည်း သစ်ပဲရောင်းရောင်း ပဲရောင်းရောင်း ပုဇွန်ရောင်းရောင်း ဆန်ရောင်းရောင်း သူများတိုင်းပြည်ကို WITHHOLDING TAX ဆောင်ရတယ်လို့ မရှိခဲ့ဘူးပါ

နအဖစစ်အစိုးရလက်ထက်မှာ အိမ်ခြံမြေ အရောင်းအ၀ယ်လုပ်ရင် Tax နဲနဲနဲ့ စစ်ဗိုလ်ချုပ်ကြီးတွေနဲ့ ဆွေမျိုးတွေ သားသမီးမြေးမြစ်တွေ တေဇတို့ ဇော်ဇော်တို့ ခင်ရွှေတို့ နေအောင်တို့ ၀ယ်သမျှ white money ဖြစ်ဘို့ အခွန်လျော့ပေါ့ပေးတဲ့ အမိန့်ကျတော့ နှစ်စဉ် တစ်နှစ်ပြီးတစ်နှစ် သက်တမ်းတိုးပေးခဲ့တာ အတော်များများ သတိထားမိကြမှာပါ..Tax ၅၀% ကနေ ၁၅% ထိ လျော့ပေးထားတဲ့ မတရားဥပဒေတစ်ခုပါပဲ..ပြည်သူသန်းပေါင်းများစွာနဲ့ တိုက်ရိုက်သက်ဆိုင်ပြီး မိမိနိုင်ငံ productivity နဲ့ ယှဉ်ပြိုင်စွမ်းအားတက်စေမဲ့ commercial Tax ကတော့ ၅% လောက်လျော့ဘို့ ( Global recession ကာလမှာ တောင်းတောင်းပန်ပန် တင်ပြခဲ့ကြတာတောင် ) မစဉ်းစားခဲ့တာပါ..

ဒီတော့ ဒီလောက်ပိုက်ဆံတွေရပြီး ဘာဘတ်ဂျက် စာရင်းတစ်ခုမှ တိုင်းပြည်တင်ပြစရာမလိုပဲ စိတ်ကြိုက်လုပ်ခဲ့တဲ့ ဒီစစ်အစိုးရ ဘာလို့ငွေတွေထပ်လိုပြီး အခွန်တွေထပ်ကောက်လာရပြန်တာလဲပြီးတော့ ဒီအခွန်တွေတိုးကောက်ပြီး ဘယ်နေရာတွေမှာ သုံးမှာလဲ ကျနော်တို့အားလုံး နှစ်ပေါင်း၂၀ကျော်ခံခဲ့ကြပြီးလို့ ကောင်းကောင်းနားလည်ကြပါတယ် နေပြည်တော်တည်ဆော က်ဘို့ ဘာမှန်းမသိတဲ့ လှိုဏ်ခေါင်းတွေဖော က်ဘို့ နူကလီးယား စီမံကိန်းလိုမျိုးလုပ်ဘို့ ပြည်သူလူထုကို နှိပ်ကွပ်ဘို့လက်နက်တွေဝယ်ဘို့ အနီးစပ်ဆုံးပြောရရင် အခုလို DKBA တို့ KNU တို့ တိုက်လာရင် အပြတ်နှိမ်နင်းပြစ်ဘို့ နောက်ဆုံးတတ်နိုင်ရင် မန်ယူ ၀ယ်ဘို့ ပြည်သူတွေ ဆန်ပြုတ်နပ်ကျော်သောက်နေနေ သောက်ဂရုမစိုက် ဘောလုံးအသင်းတွေထောင်ပြီး လုပ်ချင်တာတွေပဲလုပ်ဘို့ ဒါတွေပဲသုံးမှာမဟုတ်လားဗျာ.. နောက်ပြီး ခုတစ်ခါ ဘာမှပြန်မပြောရဲဘဲ ငြိမ်ခံပြီးဆောင်နေကြရင်တော့ ဒါနဲ့တင်မက ထပ်လာပါတော့မယ် တစ်ခြားအမည်မျိုးစုံတပ်ထားတဲ့ အခွန်အမျိုးမျိုး..အမှန်ကတော့ ကျနော်တို့ ပြည်သူဆိုတာအခွန်ထမ်းတွေပါ ၊ မှန်မှန်ကန်ကန် ရင်ကော့ပြီးဆောင်ရမှာပါ သူများနိုင်ငံနည်းတူ ပညာရေး ကျမ္မာရေး စီးပွားရေး အခြေခံအဆောက်အဦတွေ သာတူညီမျှ ထိုက်ထိုက်တန်တန် ပြည်သူမျက်နှာမငယ်ရအောင်လုပ်ပေးထားရင်ပေါ့၊



ဒါကြောင့် ယခု အစိုးရလှမ်းလိုက်တဲ့ WITHHOLDING TAX ခြေလှမ်းဟာဖြင့် ကုန်းကောက်စရာမကျန်တော့တဲ့ပြည်သူ့အိပ်ကပ်ထဲက ထပ်ပြီး ရသလောက် နှိုက်လိုက်တဲ့လုပ်ရပ်ပါပဲ ပြည်သူအားလုံး အသိတရားရှိရှိနဲ့ ဆန့်ကျင်တွန်းလှန်ကြဘို့လိုပါကြောင်း COMMERCIAL TAX တုန်းကလို ဓါတ်ဆီ ဒီဇယ်ဈေးတွေ အသားလွတ်တက်တုန်းကလို ငြိမ်ခံနေကြမယ်ဆိုရင်တော့ ကျနော်တို့အားလုံး အသုံးမကျလို့ သတ္တိနဲကြလို့ မှန်ရဲ့သားနဲ့ ပြန်မပြောရဲကြလို့ ခံကြရတာပဲလို့ နှလုံးသွင်းပြီး နအဖ လုပ်သမျှ အားလုံး လေးဘက်ထောက်ခံကြဘို့သာရှိကြောင်း တင်ပြလိုက်ပါတယ်။ မြန်မာတွေ .. မှန်တာကို ရဲရဲပြောကြပါစို့ သတ္တိရှိရှိ ရင်ဆိုင်ကြပါစို့ .. စည်းကမ်းရှိရှိ စုစည်းကြပါစို့.. မတရားတာကိုတွန်းလှန်ကြပါစို့..

လေးစားစွာဖြင့် ( ဆရာကြီးဂျစ် )sayar gyi Jit facebookမှ

သတင်းအကျဉ်းချုပ် ...

0 ဖလူးစစ်မြေပြင်တွင်တိုက်ပွဲဝင်လျှက်ရှိနေသောDKBAနှင့် ABSDFကျောင်းသားရဲဘော်များအားတွေ့မြင်ရစဉ်

ပေးပို့သော K0zawthuyaအားကျေးဇူးတင်ရှိပါသည်။

သတင်းအကျဉ်းချုပ် ...

0 သေနတ်ပြောင်းမှာပွင့်မယ့်ပန်းတွေ..................

သိစိတ်မှာ.....အမှန်တရားလို့
ဆိုကြပါဆို့........။
တို့ခေတ်မှာ.......
အမှန်တရားဟာ.....ဘယ်တော့မှ.....
မိုးမလင်းခဲ့ဘူး....ညီလေး...
ဒီခေတ်ရဲ့လူဖြစ်ရကြိုးနပ်ခြင်းတွေ.....မင်းကျောပိုးအိပ်ထဲ
ပါသွားတာတွေဟာ....ခေတ်တစ်ခေတ်ရဲ့...
ဖွင့်မပြောလိုခြင်းတွေလား...မင်ဆောင်းထားတဲ့ ဦးထုပ်လေးဟာ
မင်းအမေ ရဲ့
မျက်ရည်တွေနဲ့ရက်ထားတာ တဲ့လား ညီလေးရယ်
တို့တစ်တွေရဲ့
တရားမျှတခြင်းတွေ
မှောင်လွန်းလှပါတယ်......။
စိတ်မချဘူး ညီလေးရှေ့ကိုသိပ်မထွက်နဲ့ညီလေး.....
ခဏ လေးရှောင်နေနော် ညီလေး.....။

ဒီ ကောင်တွေ သိပ်လက်တံရှည်တယ် ညီလေး......
အဲဒီလို စကားသံတွေ ကြားထဲ သွားတော့မယ်.......ကိုကြီးတဲ့.....
အမှန်တရား လူငယ်လေး တစ်ယောက်ရဲ့
ဇာတ်သိမ်း ဟာ......ဒီလိုပဲလား......
ကျွန်တော်လုပ်တော့မယ်.....အကို
ကျွန်တော့်ရှေ့ကအကိုတွေကို လိပ်ပြာ မလုံဘူး အကို
ကျွန်တော်ဖြစ်အောင်လုပ်တော့မယ်အကို
အဲဒီလို စကားသံတွေ ကြား.........
တို့တစ်တွေ ဘ၀ဟာ ကျီးလန့်စာစား........။
ခေတ်စနစ်ဆိုးရဲ့အောက်......
တို့ရဲ့ အမှန်တရားဟာ.................
ဘယ်သော် အခါများမှ ပွဲထွက်ခွင့်ရ မှာလဲညီလေး..........။

တကယ်တော့ ညီလေးရာ...
တို့ဘ၀ တို့ခေတ်ကိုက...
အမှန်တရား ၊သားပျက် ၊သားလျှောဘ၀ကြီး ဆိုတာ.....
မပြောင်းလဲ တို့အားလုးံ သိခဲ့ပါတယ် ညီလေး......။

ဒီအတိုင်း ငြိမ်ခံနေ......
ဒီအတိုင် ဖြစ်တော့မှာပေါ့ ကိုကြီးရာ
မင်း စကား မင်းထားသွားပြီးလား.........။
မင့် ညီလေး အလုပ် ရှာပေးလိုက် ပါသားရယ်....
မင့် ညီလေး...စိတ်လေ နေတယ်သားရယ်
တကယ်တော့ မျိုးဆက်တစ်ဆက်လုးံ
တေပေလွင့်နေခဲ့ရတာပါ ....အမေ...ရယ်လို့
ငါမပြော ရက်ခဲ့ဘူး.....
သားတို့ခေတ်ဟာ ဘယ်လောက်ထိ ပါးလှပ်ခဲ့သလဲဆို
ကိုယ့်အရိပ် ကိုယ်ပြန်မကြည့် ရဲဘူး အမေ.......။
ဘဒ္ဒကမ္ဘာမှာ......အမှန်ကို အမှန်တိုင်းပြောရင်......
``ထောင်ကျတာ`` သားတို့ နှိင်ငံပဲရှိတယ် အမေ......။
လူ့အခွင့်ရေး အကြောင်းပြောလို့
နယ်နှင်ခံရတာ သားတို့နှိင်ငံပဲ ရှိတယ်အမေ......။
လိုချင်တာတွေကို မေတ္တာပို့ဆုတောင်းမိလို့အကြင်နာမဲ့ဆုးံဆုလာဘ်အဖြစ်.....
ကျည်ဆံတွေပဲ သားတို့ရခဲ့တယ် အမေ.........။

အမေရေ........
မေ................
သားတို့ သွေးတွေဟာ သားတို့ နှိင်ငံရဲ့
လမ်းမတွေပေါ်မှာ အခုချိန်ထိရှိနေတုန်းပါပဲ အမေ..........။
သားတို့သွေးစက်တွေ နဲ့ ဒီနိုင်ငံကြီးကို သားတို့ပတ်ထားပါတယ်......
အမေ.......။

သူတို့ပြေးစရာမြေ မရှိတဲ့အထိပေါ့
သူတို့ သေနတ်ပြောင်းမှာ ပန်းတွေပွင့်လာတဲ့အထိပေါ့.........။ ။

မင်းထက်(G W)

အောင်မောင်း(၈၈၈၈)ပြည်တွင်းအားဒေါင်းမာန်ဟုန်မှကျေးဇူးတင်ရှိပါသည်။ 

သတင်းအကျဉ်းချုပ် ...

0 အမျိုးသားဒီမိုကရေစီအဖွဲ့ချုပ်ရုံးရှေ့တွင်၆၃နှစ်မြောက် လွတ်လပ်ရေးနေ့ အကြို ဈေးရောင်းပွဲ ပြုလုပ်

ယနေ့မနက်က ရန်ကုန်မြို့ ရွှေဂုံတိုင်မှာရှိသော NLD ရုံးချုပ်ရှေ့တွင် ဈေးရောင်းပွဲတော် ကျင်းပခဲ့ပြီး ဈေးရောင်းပွဲတော်မှ ရရှိသော အမြတ်များကို အဖွဲ့ချုပ်ရံပုံငွေအတွက်သုံးစွဲသွားမည်ဖြစ်ကြောင်း သတင်းရရှိသည်။ ဈေးရောင်း ပွဲတော်ကို မနက်ပိုင်းမှ ညနေ ၄ နာရီအထိကျင်းပကြောင်း သိရှိရသည်။
Photo..ဒီမိုဝေယံ၊ Getty images၊ AP

သတင်းအကျဉ်းချုပ် ...

0 လူထုခေါင်းဆောင် ဒေါ်အောင်ဆန်းစုကြည်နှင့် NDF ခေါင်းဆောင်များတွေ့ဆုံပွဲအား ဧရာဝတီဘလော့(ဂ်)ပါ ရေးသားချက်နဲ့ ပတ်သက်ပြီး ဆက်သွယ်မေးမြန်းချက်..

ဓာတ်ပုံ ဒီမိုဝေယံ

ပြီးခဲ့တဲ့ နိုဝင်ဘာလ(၃၀)ရက်နေ့ကဝင်ဒါမီယာရှိ အဖွဲ့ချုပ် (ဒု)ဥက္ကဋ္ဌ ဘဘဦးတင်ဦး၏ နေအိမ်၌ လူထုခေါင်းဆောင် ဒေါ်အောင်ဆန်းစုကြည် နှင့် အမျိုးသားဒီမိုကရေစီအဖွဲ့ချုပ်မှ ခွဲထွက်ပြီး ရွေးကောက်ပွဲ ဝင်ခဲ့တဲ့ အမျိုးသားဒီမိုကရေစီ အင်အားစု (NDF) ပါတီမှ ခေါင်းဆောင်များ ဖြစ်ကြတဲ့ ဦးခင်မောင်ဆွေ၊ ဒေါက်တာသန်းငြိမ်း၊ ဒေါက်တာဝင်းနိုင်၊ NDF လူငယ်အဖွဲ့ဝင် ကိုမြင့်လွင် နှင့် ကိုမျိုးဇော်အောင်တို့နဲ့ တွေ့ဆုံခဲ့ပါတယ်။

အဆိုပါသတင်းနဲ့ပတ်သတ်ပြီး http://www.irrawaddyblog.com/2010/12/ndf.html မှာဖော်ပြပါရှိတဲ့ နိုင်ငံရေးဟာ ကြောက်စရာ ကောင်းပါတယ်။ နှစ်ပေါင်းများစွာ ကျောချင်းကပ်ခဲ့ပေမယ့် ရွေးကောက်ပွဲ ဝင်ရေး မဝင်ရေးကြောင့် လမ်းခွဲကြ၊ ပြစ်တင် ဝေဖန်ကြနဲ့ မျက်နှာချင်း မဆိုင်နိုင်အောင် ဖြစ်သွားကြပါတယ်။ ကြားရတဲ့ သတင်းတွေအရ NLD ရုံးချုပ်မှာ ဆုံတွေ့ကြမှာကို ကန့်ကွက်ကြလို့ ဦးတင်ဦး အိမ်မှာ တွေ့ဖို့ စီစဉ်ပေးရတယ်လို့ ဆိုပါတယ်။

NDF ခေါင်းဆောင်များနဲ့ ဒေါ်အောင်ဆန်းစုကြည် မတွေ့ခင်ကလည်း အထစ်အငေါ့တွေ ရှိကြောင်း သိရပါသေးတယ်။ ဦးခင်မောင်ဆွေတို့က ဒေါ်အောင်ဆန်းစုကြည်နဲ့ တွေ့လိုကြောင်း အကြောင်းကြားစာပို့တာကို ဒေါ်အောင်ဆန်းစုကြည်က မသိခဲ့ပါဘူးတဲ့။ ရေဒီယိုကတဆင့် NDF က ပြောတော့မှ ဒေါ်အောင်ဆန်းစုကြည်က သိသွားပြီး တွေ့ကြတဲ့ အစီအစဉ် ဖြစ်ပါတယ်တဲ့။ (ဧရာဝတီ ဘလော့ဂ်စာမျက်နှာမှ)

အဆိုပါ သတင်းနဲ့ ပတ်သတ်ပြီး အဖွဲ့ချုပ်ပြောခွင့်ရပုဂ္ဂိုလ် ရှေ့နေကြီးဦးဥာဏ်ဝင်းနဲ့ ဆက်သွယ်မေးမြန်းချက်ကို တင်ပြလိုက်ရပါတယ်..

မေး။....။ ပြီးခဲ့တဲ့ နိုဝင်ဘာလ(၃၀)ရက်နေ့က NDF ခေါင်းဆောင်တွေ ဖြစ်တဲ့ ဦးခင်မောင်ဆွေတို့ တွေ့ဆုံကြတဲ့ နေရာမှာ တစ်ချို့ အင်တာနက် စာမျက်နှာတွေမှာ ပါရှိနေတာကတော့ အဖွဲ့ချုပ်ရုံးမှာ ဆုံတွေ့ကြဖို့ စီစဉ်တာကို ကန့်ကွက်ကြလို့ နေရာပြောင်းလိုက်ရတဲ့ သတင်းနဲ့ ဦးခင်မောင်ဆွေတို့က ဒေါ်အောင်ဆန်းစုကြည်နဲ့ တွေ့လိုကြောင်း အကြောင်းကြားစာပို့တာကို ဒေါ်အောင်ဆန်းစုကြည် သိခွင့်မရပဲ ရေဒီယိုမှ NDF ပြောကြားချက်ကို ဒေါ်အောင်ဆန်းစုကြည် ကြားသိမှ တွေ့ခွင်ရတယ်လို့ ရေးသားဖော်ပြချက်တွေ မှာပါရှိနေပါတယ်..။ ဒီအကြောင်းနဲ့ ပတ်သက်ပြီး အဖြစ်မှန်ကို ပြောပြပေးစေလိုပါတယ်..။

ရှေ့နေကြီးဦးဥာဏ်ဝင်း.။..။ မဟုတ်ပါဘူး.. ဒေါ်အောင်ဆန်းစုကြည်နဲ့ တွေ့ဖို့ကို ဒေါက်တာဝင်းနိုင်ကို ဦးသိန်းဦးကိုယ်တိုင် ကြိုတင် အကြောင်းကြားပါတယ်။ နောက်တစ်ခုက အဖွဲ့ချုပ်ရုံးချုပ်မှာ ဆုံတွေ့ဖို့ ကန့်ကွက်တယ် ဆိုတာလည်း မဟုတ်ပါဘူး.. ဒေါ်အောင်ဆန်းစုကြည် ကိုယ်တိုင် ဘယ်မှာတွေ့သင်တယ်ဆိုတာနဲ့ တွေ့မယ့်နေရာကို အဲ့ဒီ့နေ့ မတိုင်ခင်ကတည်းက ဒေါ်အောင်ဆန်းစုကြည်က စီစဉ်ဆုံးဖြတ်တာပါ။ အဲ့ဒီ့နေ့က NDF လူငယ်နှစ်ဦးဖြစ်တဲ့ မကွေးကိုမြင့်ငွေနဲ့ ကိုမျိုးဇော်အောင် တို့နဲ့အရင်ဆွေးနွေးပြီး နောက်မှ ဦးခင်မောင်ဆွေ၊ ဒေါက်တာသန်းငြိမ်း၊ ဒေါက်တာဝင်းနိုင်တို့နဲ့တွေ့တာပါ..။ နိုင်ငံရေးအကြောင်းဘာမှ မပြောဖြစ်ပဲ လူမှုရေးအကြောင်းတွေပဲ ပြောဖြစ်တာပါ..။ ဒေါ်အောင်ဆန်းစုကြည်၊ ဦးဝင်းထိန်တို့နဲ့ ပဲဆွေးနွေးတာပါ.. အန်ကယ်ဦးတင်ဦးမပါပါဘူး။ နှစ်ဘက်လုံးက နိုင်ငံရေးအကြောင်း လုံးဝမဆွေးနွေးပါဘူး။ ဒေါ်အောင်ဆန်းကြည်လည်း နိုင်ငံရေးအကြောင်း မဆွေးနွေးသလို သူတို့ဖက်ကလည်း မဆွေးနွေးပါဘူး..

မေး ။....။နောက်တစ်ခု သိချင်တာက NDF ကအမြဲပြောနေတဲ့ အဖွဲ့ချုပ်ရွေးကောက်ပွဲ ဝင်ဖို့မဝင်ဖို့ ဆုံးဖြတ်တဲ့ နေ့က အစည်းအဝေးမစခင်မှာ အန်ကယ်က ရွေးကောက်ပွဲမဝင်ဖို့ ဒေါ်အောင်ဆန်းစုကြည် မပြောခိုင်းပဲ.. ပြောပါတယ်ဆိုပြီး စွပ်စွဲချက်နဲ့ ပတ်သက်ပြီး အန်ကယ် တစ်စုံတစ်ခု ပြောပြပေးနိုင်မလားခင်ဗျာ..

ရှေ့နေကြီးဦးဥာဏ်ဝင်း.။..။ ဒီဥစ္စာကလည်း ဒေါ်အောင်ဆန်းစုကြည် ပြောခိုင်းတဲ့ဟာကို အန်ကယ် ပြောတာကိုး ဒေါ်စုပြောခိုင်းတဲ့ဟာ ပြောတော့ ဘာမှဖြေရှင်းစရာ မရှိဘူးလေ..ဟုပြောဆိုသွားပါတယ်...။

မည်သူကိုမျှ ထိခိုက်စေလို၍ မဟုတ်ပါ.. အဖြစ်မှန်ကို သိစေရန် ရေးသားတင်ပြလိုက်ရပါသည်..။

ဒီမိုဝေယံ

သတင်းအကျဉ်းချုပ် ...

0 မင်္ဂလာရှိတဲ့ တစ်လေးလုံးနေ့

မင်္ဂလာရှိတဲ့ တစ်လေးလုံးနေ့

၁.၁.၂၀၁၁ (စနေနေ့) သည် ကျွန်တော်အတွက် အဖိုးမဖြတ်နိုင်သော မင်္ဂလာတရားနှင့် ပြည့်စုံသော နေ့ရက်တစ်ရက်ပင် ဖြစ်တော့သည်။

ထိုနေ့ရက်သည် ကျွန်တော်၏ဘ၀၊ ကျွန်တော်၏ လျှောက်လှမ်းနေသော လူသားအကျိုးပြု လမ်းမပေါ်သို့ ဆွဲခေါ်လမ်းပြပေးခဲ့သော ကျွန်တော်၏ ဓူဝံကြယ်၊ ကျွန်တော်၏ မဟေသီ ဒေါ်မြင့်မြင့်ခင်ဖေ (ခ) ရွှေဇီးကွက်၏ ကမ္ဘာမြေပြင်ပေါ်သို့ စတင်ရောက်ရှိလာသော နေ့တစ်နေ့လည်း ဖြစ်သည်။ နှစ်သစ်မင်္ဂလာနေ့ရက်တွင် မွေးဖွားခဲ့သော ကျွန်တော်ဘ၀ရဲ့ ကောင်းကျိုးအသစ် အသစ်တွေကို ဖန်တီးပေးခဲ့သော ရွှေဇီးကွက်တည်းဟူသော လူမှုအကျိုးဆောင် အမျိုးသမီးတစ်ဦး မွေးဖွားသန့်စင်လာသော နေ့ရက်တစ်ရက်လည်း ဖြစ်သည်။

နံနက်စောစောပိုင်း (၄း၀၀) နာရီတွင် အိပ်ယာမှထပြီးနောက် မေတ္တာပို့သ၊ ဘုရားရှစ်ခိုး၊ ပုတီးစိပ်အပြီး ကျွန်တော်ရဲ့ အိမ်ပြင်သို့ထွက်ကာ ပတ်ဝန်းကျင်ကို လေ့လာလိုက်သည့်အခါ အလွန်ကို သာယာလှပစိုပြေ အေးချမ်းမှုကို ခံစားလိုက်မိသည်။ ကျေးငှက်များရဲ့ တေးသီသံကို ကြားလိုက်သည်။ မင်္ဂလာရှိသော အတိတ်နိမိတ်ပင် ဖြစ်တော့သည်။ နံနက် (၇း၃၀) နာရီအချိန်မှစ၍ တဖွဲဖွဲနှင့် ကြွရောက်လာကြသော ဧည့်ပရိသတ်များ၊ အသင်းသူ/သားများနှင့် စိုပြေလာသည်။

မွေးနေ့ပွဲ အခမ်းအနားစချိန်မှာ နံနက် (၉း၀၀) နာရီ မှ ညနေ (၅း၀၀) နာရီထိ သတ်မှတ် ထားသော်လည်း နံနက် (၇း၀၀) နာရီ / (၇း၃၀) နာရီအချိန်မှစ၍ ဧည့်ပရိသတ်များ စည်ကား လာမှုသည် ထူးခြားလှတော့သည်။ စာပေ၊ ဂီတ၊ ရုပ်ရှင်၊ လူမှုရေးသမားများနှင့် စည်ကားလှ တော့သည်။

နံနက် (၈း၃၅) နာရီတွင် ကျွန်တော်ဆီ တယ်လီဖုန်းသံ မြည်လာတော့သည်။ “ဒေါ်အောင်ဆန်း စုကြည် လာနေပြီတဲ့” အလွန်အံ့သြမိသည်။ ၀မ်းသာမိသည်။ ပရိသတ်အားလုံးလည်း အပြုံးမျက်နှာ များ၊ ၀မ်းသာမှုများ၊ နွေးထွေးမှု မဟာအင်အားများ တိုးပွားလာခဲ့တော့သည်။

ဟုတ်သည် … အမေ ဒေါ်စု (၈း၅၀) နာရီတွင် ရောက်ရှိလာတော့သည်။ အမေစုကို မွေးနေ့ရှင် ဒေါ်မြင့်မြင့်ခင်ဖေ (ခ) ရွှေဇီးကွက်နှင့် ကျွန်တော်ရဲ့ မိခင် ဖခင်၊ မိတ်ဆွေသင်္ဂဟများ၊ အမေစုကို လေးစားကြည်ညိုသူအားလုံး ၀မ်းမြောက်စွာ ကြိုဆိုဂါရ၀ပြုကြသည်။

အမေစုသည် ကျွန်တော်ရဲ့ ပိတ်ပင်ထားခံရသော အနုပညာလုပ်ငန်းရပ်များ၊ ဖန်တီးရိုက်ကူး ထားမှုများ၊ ရေးဆွဲထားချက်များကို စိတ်ပါဝင်စားစွာ လိုက်လံကြည့်ရှုအားပေးခဲ့သည်။

အမေစုသည် ကျွန်တော်ဖန်တီး ပြသထားသော “တရံရောအခါက” ဟူသောရုပ်ရှင်နှင့် ပတ်သက်သည့် ပါဖော်မန့် သရုပ်ပြအခန်းကိုလည်း စိတ်ဝင်တစား ကြည့်ရှုအားပေးခဲ့သည်။

ကျွန်တော်ရဲ့ ငြိမ်သက်နေသော အနုပညာလုပ်ငန်းများ ပြန်လည်အသက်ဝင် လှုပ်ရှားမှုကို ခံစားမိတော့သည်။ ဒါ . . . အမေ့ရဲ့ ပါဝါ

အမေ့ရဲ့ စွမ်းအား

အမေ့ရဲ့ နွေးထွေးမှု

အမေ့ရဲ့ ကြင်နာမှု

အမေ့ရဲ့ အားပေးမှုတို့ကြောင့်ပင် ဖြစ်တော့သည်။

ကြွရောက်လာကြသော အနုပညာနှင့် ပါတ်သက်သော သင်ဆရာ၊ မြင်ဆရာ၊ ကြားဆရာများနှင့် ကျွန်တော်အား အားပေးသူ၊ ကြင်နာသူ၊ ဂရုပြုကြသူများ၊ ပရိသတ်များ၊ နာရေးကူညီမှုအသင်း(ရန်ကုန်) အသင်းသူ/သားများ၊ လူမှုရေးသမားများ၊ ဂီတပညာရှင်ကြီးများနှင့် စာပေပညာရှင်များ အပါအ၀င် အသက် (၉၀) ကျော်ပြီဖြစ်သော်လည်း Kyaw Thu’s Art Zone ရှိ လှေကားအတက်အဆင်းများတွင် ဖန်တီးပြသထားသော အနုပညာပြချက်များကို စိတ်ပါဝင်စားစွာ တက်ကြွစွာဖြင့် လာရောက်အားပေးသော ဆရာကြီး ပါရဂူ၊ ပန်းချီပညာရှင်များနှင့် ဆရာကြီး မောင်ဒီ၊ ရုပ်ရှင်ပညာရှင်ကြီးများဖြစ်သော ဒါရိုက်တာကြီး ဦးအောင်မြင့်မြတ်နှင့်တကွ ကျွန်တော်၏ အနုပညာ ဖန်တီးမှု၊ ကျွန်တော်ရဲ့ လူမှုရေးစွမ်းဆောင်မှုတို့ကို လေးစားအားပေးမှုများကို ထပ်ဆင့် ထပ်ဆင့် အားပေးချီးမြှင့် အသိအမှတ်ပြုသော အမေ ဒေါ်အောင်ဆန်းစုကြည်နှင့် အဖွဲ့သားများ၊ လူငယ် မျိုးဆက်သစ်များ၊ အနာဂတ်ခေါင်းဆောင် လူငယ် လူရွယ်များအားလုံးကို အထူးလေးစား ဂါရ၀ဖြင့် နှလုံးသားထက်တွင် မှတ်တမ်းတင်လိုက်ရသော “တစ်လေးလုံး” မင်္ဂလာရှိသောနေ့မြတ် တစ်ရက်ပင် ဖြစ်ပါတော့သည်။

ကျော်သူ

သတင်းအကျဉ်းချုပ် ...

0 နောက်ကိုပြန်ကြည့် ရှေ့ကိုမြော်လင့်

၂၀၁၀ ဒီဇင်ဘာ ၃၀ ရက်နေ့က ရန်ကုန်ရှိနေအိမ်တွင် သူ၏ခွေးလေးကိုချီပွေ့ထားစဉ်(မိုင်အိနိချိ)

လွန်ခဲ့သည့် နိုဝင်ဘာလကလွတ်မြောက်လာပြီးနောက် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် “မြန်မာပြည်မှစာ” ကော်လံကို တဖန်ပြန်လည်ရေးသားပေးခြင်းဖြင့် ၁၃ နှစ်ကျော် ဤစာမျက်နှာများပေါ်မှ ကွယ်ပျောက်နေခြင်းကို အဆုံးသတ်စေပါတော့မည်။

သူ့ကော်လံတွင် ဒေါ်အောင်ဆန်းစုကြည်သည် အာဏာရှင်ဆန်သောအစိုးရ အား စိန်ခေါ်မှုများကို ရင်ဆိုင်လျက် မြန်မာ့ဒီမိုကရေစီရေးလှုပ်ရှားမှုများ အတွက် ရှေ့ရှုကာ တိုက်တွန်းရေးသားသွားမည်ဟု ရည်ရွယ်ထားပါသည်။

နေအိမ်အကျယ်ချုပ်မှ လွတ်မြောက်လာပြီးနောက် မိုင်အိနိချိသတင်းထောက်နှင့် တွေ့ဆုံရာတွင် သူ၏ လစဉ်ကော်လံကို ပြန်လည်ရေးသားပေးမည်ဟု သဘောတူခဲ့ပါသည်။

ဒီဇင်ဘာနှောင်းပိုင်းတွင် အခြားဓာတ်ပုံသတင်းထောက်နှင့်တွေ့စဉ် “မြန်မာပြည်ကစာ”ကော်လံသစ်များ အတွက် ပထမဦးဆုံး ဆောင်းပါးကို ပရိသတ်များအတွက် နှုတ်ခွန်းဆက်နှင့်အတူ ပေးလိုက်ပါသည်။

“ မိုင်အိနိချိစာဖတ်ပရိသတ်များအားလုံးမှာ ငြိမ်းချမ်းခြင်း၊ ပျော်ရွှင်ခြင်းနှင့် ချမ်းသာကြွယ်ဝခြင်းများ ပြည့်ဝသည့် နှစ်သစ်တခုဖြစ်ကြပါစေရန် ကောင်းမွန်သောဆန္ဒများစွာဖြင့် ဆုမွန်ကောင်းတောင်း လိုက်ပါသည်” …

ဒေါ်အောင်ဆန်းစုကြည်

နှစ်တနှစ်၏အစသည် အတိတ်ဖြစ်ရပ်များကို ပြန်လည်သစ်လွင်ခြင်း၊ ပြန်လည်နိုးကြားစေခြင်း၊ သန္နိဋ္ဌာန်ဆုံးဖြတ်ချက်များချမှတ်ခြင်းနှင့် အမှတ်ရခြင်းတို့၏အချိန်သမယဖြစ်ပေသည်။

၂၀၁၀ ကို ကျွန်မပြန်လည်ကြည့်မိပါသည်။ ရေညစ်များထဲတွင် အားလုံးပျောက်ကွယ်သွားသကဲ့သို့ ယင်းနှစ်၏အပိုင်းအစများသည် မမှတ်မိနိုင်လောက်အောင်ပင်ဖြစ်ရပါသည်။ ၂၀၁၀ ၏ပထမနေ့ရက် ကို ကျွန်မ မည်ကဲ့သို့ အသုံးချခဲ့ပါသလဲ။ ကျွန်မ မမှတ်မိနိုင်ပါ။

သို့သော် ကွန်မပြောနိုင်သည်ကတော့ သက်တောင့်သက်သာမဟုတ်နိုင်ခဲ့ပါ။ ကျွန်မအိမ်ကို ပြင်ဆင် ရန် ၂၀၀၉ ခုနှစ် ဒီဇင်ဘာလမှာ စတင်ခဲ့ပါသည်။ ရက်သတ္တပတ်အနည်းငယ် ကြာလာတော့ မြူနီစီပယ်အာဏာပိုင်တွေ၏အမိန့်ကြောင့် ရပ်ဆိုင်းခဲ့ရပါသည်။

ထိုအမိန့်ကို ပြန်လည်ရုတ်သိမ်းရန် ကျွန်မ၏ရှေ့နေများကြိုးစားဆောင်ရွက်နေချိန်မှာ ကတ္ထူပုံးများ၊ အမျိုးအမည်မခွဲခြားနိုင်သည့် ပစ္စည်းများကိုထုပ်ပိုးထားသည့် သက္ကလပ်စောင်ထူထုပ်များ၊ သေတ္တာ မျိုးစုံများနှင့် ယိမ်းယိုင်နေသော စာအုပ်ပုံများကြားတွင် လပေါင်းများစွာ ကျွန်မနေထိုင်ခဲ့ရပါသည်။

မြင့်မားသည့်စာအုပ်စင်၊ ထီးထီးကြီးဖြစ်နေသည့်စားပွဲများနှင့် ဖုထစ်နေသောအထုပ်အပိုးများကြားတွင် ညပ်နေသည့်ကျွန်မအိပ်ရာထက်မှ အပေါ်ကိုကြည့်လိုက်လျှင် မျက်နှာကျက် အပေါက်အပြဲများကို ကောင်းစွာမြင်တွေ့နေရပါသည်။ ထိုမြင်ကွင်းသည် သဘာဝ၏ဟောင်းနွမ်းပျက်ယွင်းမှု သင်္ခါရတရား ကို အာရုံဝင်စားဆင်ခြင်နိုင်ရန် အချိန်များစွာပေးဆောင်ခဲ့ပါသည်။

ရာသီဥတုအေးသောအခါ ပြည့်ကျပ်နေသည့်အခန်းမှာ နွေးနွေးထွေးထွေးရှိနေသယောင်ပါ။ မြို့ပြအ တွင်း တောစခန်းချရသလိုပုံစံ နေထိုင်ရခြင်းသည် တခုခုအတွက် စွန့်စားခန်းလို ထင်မြင်နိုင်ပါသည်။ သို့ရာတွင် ရာသီဥတု ပို၍ပို၍ပူလာသောအခါ ကြည်နူးဆွတ်ပျံ့ဘွယ်အာရုံများ လွင့်ပါးပျောက်ကွယ် သွားခဲ့ရပါသည်။ အထူးသဖြင့် အိပ်ခန်း၏ပြတင်းပေါက်များအပြင်တွင် ဆင်ထားသည့်ငြမ်းများကြောင့် ပြတင်းပေါက်များမဖွင့်နိုင်သောအခါ အိုက်စပ်ပူလောင်မှုဖြင့် အိပ်မပျော်ခြင်းကို ညပေါင်းများစွာ ခံစားခဲ့ရပါသည်။ ကျွန်မသည် အကောင်းဆုံးကျန်းမာရေးအခြေအနေကို မခံစားနိုင်ခဲ့ပါ။

၂၀၁၀ ၏ ပထမ ၃ လပတ်သည် ကိုယ်ပိုင်းဆိုင်ရာ သက်တောင့်သက်သာမရှိခဲ့ရသည့်ကာလဖြစ်ရုံ မက စိတ်လှုပ်ရှားမှုလွန်ကဲခဲ့ရသောအချိန်လည်းဖြစ်ပါသည်။ ယမန်နှစ်က အင်းစိန်တရားရုံးမှာ ကျွန်မ အပေါ်ချမှတ်သည့်ပြစ်ဒဏ်ကို အယူခံဝင်ရေးတိုင်ပင်ဆွေးနွေးရန်အတွက် ကျွန်မ၏ရှေ့နေများ အခါ အားလျော်စွာ ကျွန်မထံလာရောက်ခဲ့ကြပါသည်။ ဥပဒေလုပ်ထုံးလုပ်နည်းများ အားလုံးသည် စိတ်ဝင် စားစရာကောင်းသည်ကို ကျွန်မသိမြင်လာရပါသည်။ အတွေ့အကြုံရင့်ကျက်ပြီး စွမ်းရည်ပြည့် ကျွန်မ ၏ ရှေ့နေကြီးများထံမှ များစွာသင်ယူခဲ့ပါသည်။

၁၉၉၅ ခုနှစ်မှစ၍ “ဥပဒေစိုးမိုးရေး”ကိုကိုင်စွဲထားလျက်၊ ကျွန်မတို့နိုင်ငံတွင် “ယုံကြည်ချက်ကြောင့် အကျဉ်းချခံထားရသူများ၏ရပိုင်ခွင့်များ”အတွက် ကာကွယ်ပေးနေကြသော သူတို့တတွေနှင့် အမျိုး သားဒီမိုကရေစီအဖွဲ့၏ ဥပဒေကော်မီတီတို့ကို ကျွန်မ လွန်စွာဂုဏ်ယူမိပါသည်။

ထိုရှေ့နေများအနက်မှ ဦးဥာဏ်ဝင်းသည် အဲန်အယ်လ်ဒီအလုပ်အမှုဆောင်ကော်မီတီဝင်တဦးဖြစ်နေ
သည့်အတွက် ကျွန်မ၏အိမ်ပြင်ပတွင်ဖြစ်ပျက်နေသော နိုင်ငံရေးအကြောင်းများကို များစွာသိမြင် လေ့လာနိုင်ခဲ့ပါသည်။ ပါတီ၏အဆုံးအဖြတ်ပေးရမည့်လုပ်ငန်းစဉ်တွင်လည်း အတိုင်းအတာတခု အတွက် ပါဝင်ဆောင်ရွက်နိုင်ခဲ့ပါသည်။

မြန်မာနိုင်ငံ၏ နိုင်ငံရေးအခင်းအကျင်းအတွက်အရေးကြီးတဲ့နှစ်အတွင်းမှာ အသိပညာစိန်ခေါ်မှုများ သည် ကျွန်မအဘို့ ကျန်မာရေးထက် လွန်စွာအရေးကြီးလျက်ရှိနေပါသည်။

မြန်မာ့နှစ်ကူးချိန်ကျရောက်မည့် ဧပြီလလယ်လောက်မှာတော့ ကျွန်မ၏အိမ်ကိုပြန်လည်ပြင်ဆင်ခွင့် ဆက်လက်ပြုလုပ်နိုင်ကြောင်း တရားရုံးကအမိန့်ချမှတ်ပေးခဲ့ပါသည်။ ပြင်ပကမ္ဘာနှင့်အဆက်အသွယ် ပြတ် အသံတိတ်ဆိတ်နေရသည့်နေရာကလေးသည် အလုပ်သမားများ နေရာအပြည့်လွှမ်းလျက် အသံနှင့်လှုပ်ရှားမှုများ အဆက်မပြတ်ထွက်ပေါ်ခဲ့ပါသည်။

လုပ်စရာတွေအများကြီးရှိခဲ့ပါသည်။ အဓိကအနေကတော့ ခေါင်မိုးကိုပြင်ရန်ဖြစ်ပါသည်။ နှစ်ပေါင်းများ စွာ မုတ်သုန်လများတွင် ကျွန်မ၏အိပ်ရာရွှေ့ခဲ့ရပါတယ်။ ခွက်တွေ၊ ပလုံးတွေနှင့်ပုံးတွေသည် စစ်တု ရင် ကစားတပွဲကအရုပ်များလို မိုးယိုမှုများကိုဖမ်းဆီးရန် ကျွန်မ၏အိပ်ခန်းတွင်း ကြိုးစားနေရာယူ ထားကာ အိပ်ရာ(နှင့် အကယ်၍ အိပ်ရာပေါ်မှာ ကျွန်မရှိခဲ့လျှင်လည်း ကွန်မကိုပါ) စွတ်စိုမှုအန္တရာယ်မှ အကာအကွယ်ပေးခဲ့ကြပါတယ်။၊ အခုတော့ ခေါင်းမိုးမှာ အသံစုံထွက်ပေါ်နေပါပြီ။

နောက်မိုးရေတွေကို ကျွန်မတည်ငြိမ်စွာ စောင့်မျှော်နိုင်ပါပြီ။ မြန်မာစကားမှာတော့ အမိုးကောင်းပါက လုံခြုံမှုရှိသည်ဟုတင်စားပါသည်။ ထိပ်ပိုင်းမှာ အားလုံးကောင်းလျှင် ထွက်ပေါက်တလျှောက်အားလုံး ကောင်းကောင်းမွန်မွန်ဖြစ်မည်ဟူသည့် ဆိုရိုးကိုထင်ဟပ်စေပါသည်။

ပြင်ဆင်ခြင်းနှင့်အသစ်ပြုပြင်ခြင်းများသည် အနာဂတ်မှာ ကိုယ်ပိုင်းဆိုင်ရာသက်တောင့်သက်သာမှုကို ပိုရှိစေမည်ဟု ဆိုရမှာပါ။ သို့ရာတွင် ပြုပြင်ခြင်းအတွက် သက်မဲ့ရုပ်ပိုင်းဆိုင်ရာထက်စာလျှင် ဖြစ်နိုင် သည့်လူသားချင်းဆက်ဆံရာမှာ ပိုမိုအရေးပါပါလိမ့်မည်။

အိမ်ပြင်ဆင်ခြင်းသည် ဧပြီလမှစက်တင်ဘာလအထိ ကြားတွင် ၃ ပတ်နားလျက် ၅ လနီးပါး အချိန် ကြာခဲ့ပါသည်။ ထိုအတွင်း ကျွန်မတို့၏အလုပ်သမားများ၏ဘဝများနှင့်အနေအထားများကို ကျွန်မ နေ့စဉ် တွေ့ကြုံရင်းနှီးခွင့်ရရှိခဲ့ပါသည်။ ကျွန်မတို့နိုင်ငံ၏လုပ်သားအင်အားစုတွေ ကိုင်တွယ်ဖြေရှင်း ရမည့်အခက်အခဲများနှင့် သူတို့ရဲ့မြော်လင့်ချက်များနှင့်ပြင်းပြသည့်ဆန္ဒများ၏ ပိုမိုထင်ရှားသည့် အမြင်များကို ကောင်းစွာနားလည် သဘောပေါက်ခွင့် ရရှိခဲ့ပါသည်။

အိမ်ပြင်ခြင်းအစီအစဉ်၏ အခြားအကျိုးဆက်တခုမှာ အထူးစုံစမ်းရေးတပ်ဖွဲ့ဝင်များ၊ ခြံဝန်းအတွင်း လုံခြုံရေးတာဝန်ယူနေရသူများနှင့် မကြာခဏ တိုင်ပင်ဆွေးနွေးကြရခြင်းပင်ဖြစ်ပါသည်။ လူများနှင့် ပစ္စည်းများ ခြံတွင်းသို့သွင်းရခြင်းအတွက် ညှိနှိုင်းရသည်မှာ နေ့စဉ်နီးပါးဖြစ်ပါသည်။ ထိုစဉ် အခက် အခဲအတားအဆီးများကို နှစ်ဘက်က အကျိုးအကြောင်းနှင့် အလျှော့အတင်းပြုလုပ်ပေးခြင်းဖြင့် ပြေလည်နိုင်သည်ကို တွေ့ခဲ့ကြရပါသည်။

၂၀၁၀ သည် ကျွန်မအိမ်အတွက် ကောင်းမွန်တိုးတက်မှုများဖြစ်စေခဲ့သည့် နှစ်တနှစ်ဖြစ်ခဲ့ပါသည်။

သို့ရာတွင် ကျွန်မတို့နိုင်ငံသားများနေထိုင်ရာအိမ်ဖြစ်သည့် ကျွန်မတို့တိုင်းပြည်အတွက် ထိုနှစ်သည် ဘာတွေယူဆောင်ပေးခဲ့သလဲဆိုသည်မှာ ပိုမိုအလေးထားရမည့် ဖြစ်ရပ်ဖြစ်ပါသည်။ နောင်တချိန်မှာ ပြောပါဦးမည်။

ကျွန်မအား အနှစ် ၂၀ ကျော် ချစ်ကြည်ရင်းနှီးမှုနှင့်အားပေးခဲ့သည့် “မိုင်အိနိချိ သတင်းစာ”ကို အထူး ကျေးဇူးတင်ကြောင်းကိုဖော်ပြရန်အတွက်၎င်း၊ “မိုင်အိနိချိ သတင်းစာ”၏ ပရိသတ်အား မျှဝေရန် အတွက်၎င်း၊ ကျွန်မခင်ပွန်းအတွက် အထူးအရေးပါစေခဲ့သည့်ကဗျာ ကျွန်မနှစ်သက်သည့် ယင်း ကဗျာဥာဏ်၏ ကောက်နှုတ်ချက်ကို ဖော်ပြခြင်းဖြင့် ကျွန်မလွတ်မြောက်လာခဲ့ပြီးမှ ပထမဦး ဆုံးရေးတဲ့ ဤဆောင်းပါးကို အဆုံးသတ်လိုက်ပါရစေ။

ဒါပေမင့် … ဒီနေ့ ကောင်းစွာနေထိုင်ခဲ့ကြပါတယ် …

လွန်ခဲ့တဲ့နေ့တိုင်းကို ပျော်ရွှင်ခြင်းအိပ်မက်နှင့် …

မနက်ဖန်တိုင်းကို မြော်လင့်ခြင်းရဲ့အမြင် ဖြစ်စေပါတယ် …

ဒါကြောင့် … ယနေ့ကို ကောင်းစွာ သုံးသပ်ကြည့်ရှုပါ …

(Vedic Hymn ကိုအခြေပြုသော The Salutation to the Dawn မှ )

(ဒေါ်)အောင်ဆန်းစုကြည်

(Mainichi Japan)

ဇန္နဝါရီ ၁ ၊ ၂၀၁၁

(ဇန္နဝါရီ ၁ ၊ ၂၀၁၁ နေ့ထုတ် Mainichi သတင်းစာတွင် ဖော်ပြထားသော ဒေါ်အောင်ဆန်းစုကြည်၏ Looking Back, Looking Forward ဆောင်းပါးကို ပြန်ဆိုပါသည်။)

မောင်မောင်လှကြိုင်

၂၀၁၁-၀၁-၀၂

သတင်းအကျဉ်းချုပ် ...

1 နိုင်ငံကျော်အဆိုတော်ထူးအိမ်သင်၏ညီ မင်္ဂလာဆောင်သို့ လူထုခေါင်းဆောင်ဒေါ်အောင်ဆန်းစုကြည်တက်ရောက်ချီးမြှင့်

ယနေ.နံနက်ပိုင်းတွင်ရန်ကုန်တိုင်းတာမွေမြို့နယ်အတွင်းရှိမဟာသန္တိသုခဗုဒ္ဒသာသနစင်တာတွင်ကျင်းပသော မောင်မင်းဆုမွန်နှင့်မခင်ဝါ၀ါလှိုင်တို.၏မင်္ဂလာဆွမ်းကြွေးအခမ်းအနားသို.ဒေါ်အောင်ဆန်းစုကြည်နှင့်ဦးတင်ဦးတို.မှ ကြွရောက်ချီးမြှင့်ကြောင်း၊မောင်မင်းဆုမွန်သည်နိုင်ငံကျော်အဆိုတော်ထူးအိမ်သင်၏ညီငယ်ဖြစ်ပြီး.ဒေါ်အောင်ဆန်းစုကြည်နှင့်ရင်းနီးသောမိသားစုဝင်တဦးဖြစ်ကြောင်းသိရသည်။
kotinhliang facebookမှတဆင့်ဖော်ပြလိုက်ပါသည်။

သတင်းအကျဉ်းချုပ် ...