ဧရာဝတီ၊ မေခ နဲ့ မလိခ မြစ်များမှာ ဆောက်လုပ်နေတဲ့ တရုတ်ဆည်များနေရာပြမြေပုံ (BURMA RIVERS NETWORK, http://www.burmariversnetwork.org/dam-projects/irrawaddynmaimali.html)
အောင်ဒင်
ဒီလို ခေါင်းစဉ်တပ်တော့ လွန်တယ်လို့ တချို့ကထင်ကြလိမ့်မယ်၊ ဒါပေမည့် ကျနော်တို့ရဲ့ မိခင်မြစ်မကြီး ဧရာဝတီဟာစစ်အုပ်စုရဲ့ အလိုတော်ရိ ဘိန်းဘုရင် လော်စစ်ဟန် ရဲ့ အေးရှားဝေါလ်ကုမ္ပဏီနဲ့တရုတ်ကုမ္ပဏီများရဲ့ စက်ယန္ထယားကြီးတွေနဲ့တူးဆွ တိုက်ခိုက်မှုအောက်မှာ အပြင်းအထန်နာကျင်နေရပါပြီ၊ ကိုခင်ဝမ်းရဲ့ "မဟာ သဘာဝရှင်"၊ ကိုထူးအိမ်သင်ရဲ့ "ရာဇဝင်များရဲ့ သတို့သမီး"၊ ကျနော်တို့ အားလုံးရဲ့ မိခင် ဧရာဝတီ ဟာ မချစ်မနှစ်သက်သောသူများရဲ့ အနိုင်ကျင့်မှုကို စတင်ခံစားနေရပါပြီ၊ ဧရာဝတီ ကို အချိန်မီ ကယ်တင်နိုင်ကြဖို့၊ အင်နဲ့ အားနဲ့ အကာအကွယ်ပေးနိုင်ကြဖို့ ဒီစာတမ်းကို ရေးပါတယ်၊
(၁)
ဇွန်လ ၉ ရက်နေ့က စပြီး မြန်မာစစ်အုပ်စု ရဲ့ မြောက်ပိုင်းတိုင်းစစ်ဌာနချုပ်လက်အောက်ခံတပ်တွေက ကချင်ပြည်နယ်အတွင်းမှာရှိတဲ့ ကချင်လွတ်မြောက်ရေးတပ်မတော်ရဲ့ အခြေစိုက်စခန်းတွေကို စတင်တိုက်ခိုက်တာ အားလုံး သိကြပြီးဖြစ်မှာပါ၊ အစပိုင်းမှာ ပြင်းပြင်းထန်ထန်စစ်ပွဲတွေ ဆက်တိုက်ဖြစ်ပွါးခဲ့ပြီး ဒီကနေ့အထိလဲ နှစ်ဖက်အပစ်အခတ်ရပ်စဲရေး ဆွေးနွေးနေကြတယ် ဆိုပေမည့် စစ်ပွဲငယ်တွေ ကြိုကြားကြိုကြား ဖြစ်ပေါ်နေဆဲပါ၊ ဗမာစစ်တပ် နဲ့ ကချင်စစ်တပ် နှစ်ဖက်စလုံးမှာ အကျအဆုံးတွေ၊ ဒဏ်ရာရသူတွေအမြောက်အများ ရှိခဲ့ပါတယ်၊ ပိုပြီး ဆုံးရှုံးနစ်နာရတာကတော့ ကချင်ပြည်သူတွေပါ၊ ဗမာစစ်တပ်ရဲ့ အနိုင်ကျင့်မှု၊ လုယက်မှု၊ အဓမ္မပေါ်တာဆွဲမှုတွေကြောင့်သောင်းနဲ့ချီတဲ့ ပြည်သူတွေ နေရပ်ဒေသကို စွန့်ခွါထွက်ပြေးကြရပါတယ်၊ တရုတ်-မြန်မာ နယ်စပ်က ကေအိုင်အေ ဌာနချုပ်ရှိရာ လိုင်ဇာ မှာခိုလှုံနေကြတာ ဒုက္ခသည်ဦးရေ ၁၄၀၀၀ ကျော်ရှိပါတယ်၊
ထောင်ပေါင်းများစွာကတော့ တရုပ်နိုင်ငံထဲ ဝင်ပြေးကြပြီး ဆွေမျိုး၊ မိတ်ဆွေများထံ ခိုလှုံနေကြရပါတယ်၊ တချို့က နယ်စပ်ကို မပြေးပဲ အထက်ဖက်က ဗန်းမော်၊ ဝိုင်းမော်မြို့တွေက ခရစ်ယန်ဘုရားကျောင်းတွေ၊ ဗုဒ္ဓဘာသာဘုန်းတော်ကြီးကျောင်းတွေမှာ ခိုလှုံနေကြရပါတယ်၊ မပြေးနိုင်သူတွေကတော့ ကချင်တပ်ကို ထောက်ခံသူများအဖြစ် ဗမာစစ်တပ်က ဖမ်းဆီး ညှင်းပန်းနှိပ်စက်တာ၊ သတ်ဖြတ်တာ ခံကြရပါတယ်၊ ထိုင်းနိုင်ငံအခြေစိုက် ကချင်အမျိုးသမီးအဖွဲ့အစည်းရဲ့ သတင်းပို့ချက်အရ ကချင်အမျိုးသမီး အနည်းဆုံး ၁၈ ယောက်လောက်ဟာ ဗမာစစ်သားတွေရဲ့ အုပ်စုလိုက်မုဒိန်းကျင့်တာခံကြရပြီး တချို့မိန်းကလေးတွေကို စစ်သားတွေက မုဒိန်းကျင့်ပြီးတာနဲ့ သတ်ပစ်လိုက်ကြတယ်လို့ ကြားသိရပါတယ်၊
ဒီစစ်ပွဲတွေ စတာနဲ့ ၁၇နှစ်ကျော်တည်ရှိခဲ့တဲ့ အပစ်အခတ်ရပ်စဲရေးကို တဘက်သတ်ချိုးဖောက်တာက မြန်မာစစ်အုပ်စုဘက်ကပါ၊ အဓိက ရည်ရွယ်ချက်ကတော့ တပိန်မြစ်ကို ဆည်ဖို့ဟန့်တားပြီး ရေအားလျှပ်စစ်ထုတ်ယူဖို့လုပ်နေတဲ့ မြန်မာစစ်အုပ်စုနဲ့ တရုပ်အစိုးရ ကုမ္ပဏီများရဲ့ ပူးပေါင်းစီမံကိန်းတွေက ကချင်တပ်များထိန်းချုပ်ရာဒေသအတွင်းမှာ ကျရောက်နေလို့ အဲဒီဒေသအတွင်းကနေ ကချင်တပ်များကို မောင်းထုတ်ဖို့လုပ်တဲ့ စစ်ဆင်ရေးပါ၊ အခုတော့ နှစ်ဖက်အပစ်အခတ်ရပ်စဲရေး ဆွေးနွေးပွဲတွေ စတင်နေပါပြီ၊ မြန်မာနိုင်ငံတွင်းက ပြည်သူများသာမက တကမ္ဘာလုံးက အစိုးရတွေ၊ ပြည်သူတွေကပါ အပစ်အခတ်ရပ်စဲပြီး နိုင်ငံရေးပြဿနာတွေကို ငြိမ်းချမ်းစွာ ဖြေရှင်းကြဖို့ တောင်းဆိုနေကြတာပါ၊ ဒါပေမည့် အားလုံးမျှော်လင့်သလို စစ်ပွဲတွေအဆုံးသတ်ပြီး ထာဝရတည်တန့်တဲ့ ငြိမ်းချမ်းရေးရဖို့ဆိုတာ အလှမ်းဝေးလွန်းလှပါတယ်၊ မြန်မာစစ်အုပ်စုနဲ့ တရုပ်အစိုးရရဲ့ ကောက်ကျစ်စဉ်းလဲတဲ့ မတရားမှုတွေ မရပ်သ၍ ကျနော်တို့ မြန်မာနိုင်ငံဟာ ငြိမ်းချမ်းနိုင်မှာ မဟုတ်ပါ၊
(၂)
မြန်မာစစ်အုပ်စုကို တရုတ်စိုးရက စီးပွါးရေး၊ နိုင်ငံရေး၊ ဘက်ပေါင်းစုံက ထောက်ခံအားပေးနေခဲ့တာ ၁၉၈၉ ခုနှစ်ကတည်းကပါ၊ လူ့အခွင့်အရေးချိုးဖောက်မှု၊ နိုင်ငံတော်အာဏာကို မတရားသဖြင့် အကြမ်းဖက်ရယူထားမှုတွေကြောင့် နိုင်ငံတကာမိသားစုကြီးက ပစ်တင် ရှုံ့ချနေတဲ့ မြန်မာစစ်အုပ်စုကို နိုင်ငံတကာအရေးယူမှုတွေ မလုပ်နိုင်အောင် တရုတ်အစိုးရက ကုလသမဂ္ဂလုံခြုံရေးကောင်စီမှာ၊ အထွေထွေညီလာခံမှာ၊ လူ့အခွင့်အရေးကောင်စီမှာ အမြဲတမ်းအကာအကွယ်ပေးနေရုံတင်မက မြန်မာစစ်အုပ်စုအတွက်လိုအပ်တဲ့ လက်နက်ခဲယမ်းတွေ၊ စစ်လေယဉ်တွေ၊အမြောက်တွေ၊ တင့်ကားတွေ ကိုလဲ အလိုရှိသလောက်လျှော့ဈေးနဲ့ တမျိုး၊ အကြွေးစံနစ်နဲ့ တဖုံ ထောက်ပံ့ရောင်းချပေးနေတာပါ၊ အတိုးမဲ့ချေးငွေတွေ၊ အတိုးနည်းချေးငွေတွေ ထုတ်ပေး၊ စီးပွါးရေးပူးပေါင်းဆောင်ရွက်မှုတွေ လုပ်ပြီး မြန်မာစစ်အုပ်စုကို တရုတ်အစိုးရက ကျားကန်ပေးနေတာပါ၊ အဲဒီလို အကူအညီပေးမှု တွေအတွက် မြန်မာစစ်အုပ်စုက တရုတ်အစိုးရကို ရက်ရက်လျောလျော ပြန်ပေးနေရတာလဲအများကြီးပါ၊
အထင်ရှားဆုံးကတော့ မြန်မာနိုင်ငံတွင်းကို ယူနန်ပြည်နယ်က တရုတ်တွေ လွယ်လွယ်ကူကူနဲ့ ဝင်ရောက်အခြေချခွင့်ရပြီး အာဏာပိုင်တွေရဲ့ အထူးအခွင့်အရေးပေးမှုနဲ့ စီးပွါးရေးလုပ်ငန်းများကို အပြိုင်အဆိုင်မဲ့လုပ်ခွင့်ရပြီး မြန်မာနိုင်ငံရဲ့ စီးပွါးရေးကိုကြီးကြီးမားမား ချယ်လှယ်နိုင်နေတာပါပဲ၊ မန္တလေးလို မြန်မာ့မင်းနေပြည်တော်ဟောင်း နဲ့ မြန်မာနိုင်ငံရဲ့ ဒုတိယအကြီးဆုံးမြို့တော်ကြီးဟာ တရုတ်မြို့တော်ကြီးလို့ထင်ရလောက်အောင် ဒေသခံမြန်မာတွေက အဝေးကိုရောက်ကုန်ပြီး တရုတ်စီးပွါးရေးသမားတွေက အလုံးအရင်းနဲ့ လွှမ်းမိုးထားကြပါပြီ၊ လားရှိုး၊ မူဆယ်၊ မြစ်ကြီးနား၊ ဗန်းမော် စတဲ့ ရှမ်းပြည်နယ်၊ ကချင်ပြည်နယ်မြို့ကြီးများမှာလဲ တရုတ်လူမျိုးများ အလုံးအရင်းနဲ့ ရောက်ရှိနေထိုင်ကြပြီး မြန်မာနိုင်ငံသား လက်မှတ်များကိုတောင် ကိုင်ဆောင်ထားကြပြီး ပြီးခဲ့တဲ့ရွေးကောက်ပွဲမှာ စစ်အုပ်စုရဲ့ ကြံ့ဖွံ့ပါတီ ကိုမဲပေးခဲ့ကြတာပါ၊
မြန်မာနိုင်ငံရဲ့ အဖိုးတန် သယံဇာတတွေ၊ ကျွန်းသစ်တွေ၊ ကျောက်မျက်ရတနာတွေ၊ သဘာဝဓာတ်ငွေ့တွေလဲ တရုတ်ကုမ္ပဏီများက ရှာဖွေဖော်ထုတ်ပြီး တရုတ်ပြည်မကြီးကို သယ်ယူသွားနေကြပါပြီ၊ တကယ်တော့ မြန်မာနိုင်ငံကို တရုတ်အစိုးရက စီးပွါးရေးကိုလိုနီပြုနေတာ နှစ်ပေါင်းများစွာ ကြာနေပါပြီ၊ မြန်မာစစ်ခေါင်းဆောင်တွေက သူတို့အာဏာတည်မြဲရေးအတွက် တရုတ်အစိုးရကို ပဏ္ဏာဆက်သ ကျွန်ပြုခံနေကြတာ ကြာပါပြီ၊ အဲဒီလောက်စော်ကားနေရတာကိုမှ မကျေနပ်နိုင်သေးတဲ့ တရုတ်အစိုးရက မြန်မာပြည်သူတွေရဲ့ အသက်သွေးကြော၊ မြန်မာနိုင်ငံရဲ့ အသည်းနှလုံး၊ ကျနော်တို့ချစ်တဲ့ မြစ်ကြီး ဧရာဝတီ ကို လည်မြိုညှစ်၊ အနိုင်ကျင့်နေပြန်ပါပြီ၊
(၃)
၂၀၀၇ ခုနှစ် မေလမှာ မြန်မာစစ်အုပ်စုက တရုတ်အစိုးရပိုင် China Power Investment Corporation (CPI) နဲ့ ကချင်ပြည်နယ်အတွင်း၊ မေခ၊ မလိခ နဲ့ ဧရာဝတီမြစ်ဖျားမှာ ရေအားလျှပ်စစ်ဓာတ်ထုတ်လုပ်ရေးအတွက် ဆည်ကြီး (၇) ခု ဆောက်လုပ်မည့် သဘောတူညီချက်ကို လက်မှတ်ရေးထိုးခဲ့ကြပါတယ်၊ အဲဒီသဘောတူညီချက်အရ မလိခမြစ်ပေါ်မှာ လိုင်းဇာဆည်၊ မေခမြစ်ပေါ်မှာ ချီဘွေ၊ ပရှဲ၊ လာခင်၊ ဖီဇော၊ နဲ့ ခေါင်လန်ဖူး ဆည် ၅ ခု နဲ့ မေခ နဲ့ မလိခ ဆုံတဲ့ မြစ်ဆုံ၊ ဧရာဝတီမြစ်ကြီးရဲ့အစမှာ မြစ်ဆုံဆည် စတဲ့ ဆည်ကြီး (၇) ခုကို ၁၀ နှစ်အတွင်း ပြီးအောင် တည်ဆောက်ဖို့ပါ၊
အဲဒီ ဆည်ကြီးများ နဲ့အတူ ရေကာတာကြီးများ၊ ရေအားလျှပ်စစ်ထုတ်လုပ်ရေးစက်ရုံများလဲ ပါဝင်တည်ဆောက်မှာဖြစ်ပြီး ဒီဆည်ကြီး (၇) ခုကနေ လျှပ်စစ်ဓာတ်အား တနှစ်ကို မီဂါဝပ် ၁၃၃၆၀ ထုတ်လုပ်ပြီး တရုတ်ပြည် ယူနန်ဒေသကို တင်ပို့ဖြန့်ဖြူးဖို့ပါ၊
ဒါဟာဖြင့် အစွမ်းကုန်စီးပွါးရေး တိုးတက်ကောင်းမွန်လာတဲ့ တရုတ်နိုင်ငံရဲ့ တဟုန်ထိုးမြင့်မားလာတဲ့ လျှပ်စစ်ဓာတ်အားလိုအပ်ချက်ကို ဖြည့်ဆည်းဖို့ တရုတ်အစိုးရရဲ့ ကြိုးစားမှုပါ၊ သူ့နိုင်ငံတိုးတက်ရေးအတွက် ဆန္ဒရှိတာကို အပစ်မပြောလိုပေမည့် ဒီ ဆည်ဆောက်လုပ်ရေး လုပ်ငန်းတွေကြောင့် ကျနော်တို့ နိုင်ငံကပြည်သူတွေ ဆုံးရှုံးနစ်နာရမှာကို လုံးဝငဲ့ကွက်စဉ်းစားခြင်းမရှိပဲ တကိုယ်ကောင်းစိတ်ဓာတ်နဲ့ အနိုင်ကျင့်တာ၊ ကျနော်တို့ရဲ့ ဧရာဝတီ ကို လည်မျိုညှစ်တာကိုတော့ ကျနော်တို့ အစွမ်းကုန်ရှုံ့ချကြရမှာပါ၊
ဒီဆည်ကြီး (၇) ခုမှာ အကြီးဆုံးက မြစ်ဆုံဆည်ပါ၊ တည်နေရာက မေခ၊ မလိခ မြစ်ဆုံရဲ့အောက်ဖက် ၂ မိုင်ခန့်အကွာ၊ မြစ်ကြီးနားမြို့ရဲ့ မြောက်ဘက် ၂၆မိုင်ခန့်အကွာ၊ ဆည် ရဲ့အတိုင်းအတာက အမြင့်ပေ ၅၀၀ (အထပ် ၄၉ ထပ်မြင့်တဲ့ အဆောက်အအုံတခုလောက်) နဲ့ အလျား ပေ ၅၀၀ ရှိပါမယ်၊ ဆည်ရေကို ထိန်းသိန်းထားမည့် ရေကာတာကြီး (Reservoir) က စင်္ကာပူနိုင်ငံ(ဧရိယာ စတုရန်းမိုင် ၂၆၈) ထက်နှစ်ဆလောက်တောင်ကြီးပြီး နယူးယောက်မြို့ (ဧရိယာ စတုရန်းမိုင် ၄၆၉) လောက် ကျယ်တယ်လို့ သိရပါတယ်၊ ၂၀၁၇ ခုနှစ်မှာ ရည်ရွယ်တဲ့အတိုင်း ဆောက်လုပ်ပြီးစီးသွားရင် တနှစ်ကို လျှပ်စစ်ဓာတ်အား ၃၆၀၀ ကနေ ၆၀၀၀ မီဂါဝပ် အထိ ထုတ်လုပ်နိုင်မယ်လို့ ဆိုပါတယ်၊ ဆောက်လုပ်ရေးကုန်ကျစားရိတ်က အမေရိကန်ဒေါ်လာ သန်းပေါင်း ၃၆၀၀ ဖြစ်ပြီး ဒီစီမံကိန်းကနေ အဓိက အကျိုးဖြစ်ထွန်းမှာက မြန်မာစစ်ခေါင်းဆောင်များ၊အထူးသဖြင့် အရင်က ၈လုံးလို့ခေါ်ပြီး အခု ၉လုံး ဖြစ်လာတဲ့ ဗိုလ်ချုပ်ကြီးဟောင်း ဒုသမ္မတ ဦးသီဟသူရ တင်အောင်မြင်ဦး ၊ သူ့ရဲ့အလိုတော်ရိစီးပွါးရေးလုပ်ငန်းရှင် စတီဗင် လော (ခေါ်) ထွန်းမြင့်နိုင် နဲ့ သူ့ရဲ့ Asia World ကုမ္ပဏီ နဲ့ တရုတ်အစိုးရတို့ပဲဖြစ်ပြီး အဓိက နစ်နာဆုံးရှုံးကြမှာက သန်းပေါင်းများစွာသော မြန်မာပြည်သူများပဲ ဖြစ်ကြပါတယ်၊ ဒါဟာဖြင့် တရုတ်အစိုးရက မြန်မာစစ်အုပ်စုကို မြန်မာပြည်သူတွေကို သတ်ဖြတ်အနိုင်ကျင့်ဖို့ ထောက်ပံ့ကူညီရုံတင်မကဘူး၊ သူကိုယ်တိုင်က မြန်မာပြည်သူတွေကို တိုက်ရိုက် သတ်ဖြတ်အနိုင်ကျင့်ဖို့ကြိုးစားတာပဲ ဖြစ်ပါတယ်၊
(၄)
တကယ်က ဒီစီမံကိန်းကို မလုပ်သင့်ကြောင်း ကချင်ပြည်သူများ၊ ကချင်လွတ်မြောက်ရေးအဖွဲ့ (ကေအိုင်အို/KIO) တို့က မြန်မာစစ်အုပ်စုကိုရော၊ တရုတ်အာဏာပိုင်များကိုပါ အကြိမ်ကြိမ်မေတ္တာရပ်ခံခဲ့ကြတာပါ၊ ၂၀၀၄ ခုနှစ် ဖေဖော်ဝါရီလ ၁ရက်နေ့မှာ ကချင်ပြည်နယ် တန်ဖဲ ရွာသားများက ကချင်အတိုင်ပင်ခံအဖွဲ့ထံ၊ ၂၀၀၇ ခုနှစ် ဇွန်လ ၁၁ရက်နေ့ မှာ ကေအိုင်အို ဥက္ကဋ္ဌက ယူနန်ပြည်နယ် အာဏာပိုင်အဖွဲ့ထံ၊ ၂၀၀၇ ခုနှစ် ဇူလိုင်လ ၆ရက်နေ့မှာ ကေအိုင်အို ဥက္ကဋ္ဌက နအဖဥက္ကဋ္ဌ ဗိုလ်ချုပ်မှူးကြီးသန်းရွှေ ထံ၊ ၂၀၀၇ ခုနှစ် ဇူလိုင် ၆ရက်နေ့မှာပဲ ကချင်ပြည်နယ် တန်ဖဲ ရွာသားများက မြောက်ပိုင်းတိုင်းစစ်ဌာနချုပ် တိုင်းမှူးထံ၊ ၂၀၀၉ ခု အောက်တိုဘာ ၂၆ရက်နေ့မှာ ကေအိုင်အိုက ကချင်အတိုင်ပင်ခံအဖွဲ့ထံ၊ ၂၀၁၀ ခုနှစ် မတ်လ ၁၀ ရက်နေ့မှာ ကေအိုင်အိုက မြောက်ပိုင်းတိုင်းစစ်ဌာနချုပ် တိုင်းမှူးထံ၊ စာတွေအကြိမ်ကြိမ်ပို့ပြီး ဒီမြစ်ဆုံဆည်တည်ဆောက်ရေး စီမံကိန်းကို ပယ်ဖျက်ပေးဖို့ တောင်းဆိုခဲ့၊ ကန့်ကွက်ခဲ့ကြတာပါ၊ ဒီနှစ် ၂၀၁၁ ခုနှစ်မှာပဲ မတ်လ ၂၆ ရက်နေ့မှာ ကေအိုင်အို ဥက္ကဋ္ဌကြီး လရော် ဇောင်းဟရာ က တရုတ်သမ္မတ နဲ့ ကွန်မြူနစ်ပါတီအကြီးအကဲ ဟူဂျင်တောင် ထံစာပို့ပြီး မေတ္တာရပ်ခံခဲ့ပါသေးတယ်၊ ဒါပေမည့် တရုတ်အစိုးရရော၊ မြန်မာစစ်ခေါင်းဆောင်များကပါ ကချင်ပြည်သူတွေရဲ့ တောင်းဆိုချက်ကို မျက်ကွယ်ပြုပြီး မြစ်ဆုံဆည်တည်ဆောက်ရေး စီမံကိန်းကို ဆက်လက်အကောင်အထည်ဖော်နေကြဆဲပါ၊
ဒီနေရာမှာ တရုတ်အစိုးရရဲ့ ရက်စက်ယုတ်မာမှုနဲ့ ဘယ်သူသေသေ ငတေမာပြီးရောဆိုတဲ့ စိတ်ဓာတ်ကို အံ့ဩဖွယ်ရာ တွေ့ရှိရပါတယ်၊ တကယ်တော့ တရုတ်နဲ့ မြန်မာ နှစ်ဖက်စလုံးက အင်ဂျင်နီယာတွေ၊ ကျွမ်းကျင်သူတွေ၊ သိပ္ပံပညာရှင်တွေက ၂၀၀၉ ခုနှစ်အောက်တိုဘာလမှာ အစီရင်ခံစာတစောင်တင်သွင်းပြီး မြစ်ဆုံဆည်တည်ဆောက်ရေးကို ဖျက်သိမ်းဖို့ အကြံပေးခဲ့ကြတာပါ၊ဒီလိုပါ၊
(၅)
မြစ်ဆုံဆည်တည်ဆောက်ရေးနဲ့ ပါတ်သက်ပြီး လူထုရဲ့ ကန့်ကွက်မှုတွေရှိလာတဲ့အခါမှာ တရုတ် နဲ့ မြန်မာအာဏာပိုင်များက သူတို့ စည်းနဲ့ ဘောင်နဲ့ ဆောင်ရွက်ပါတယ်ဆိုတာပြနိုင်ဖို့ တရုတ်၊မြန်မာပညာရှင်များပါဝင်တဲ့ Biodiversity And Nature Conservation Association (BANCA) အဖွဲ့ကို မြစ်ကြီးနား နဲ့ မြစ်ဆုံဒေသတဝိုက်မှာ ပါတ်ဝန်းကျင်ထိခိုက်မှု တိုင်းတာချက်ပထမအဆင့် (The First Step of Environmental Impact Assessment/EIA) ပြုလုပ်ဖို့ ၂၀၀၉ ခုနှစ်ထဲမှာ တာဝန်ပေးခဲ့ပါတယ်၊ EIA ဆိုတာက ကုလသမဂ္ဂက ဦးဆောင်ဖွဲ့ထားတဲ့ မဲခေါင်မြစ်ကော်မရှင် (Mekong River Commission) က မဲခေါင်မြစ်ဝှမ်းဒေသမှာ ဆောက်လုပ်မည့် ဆည်များအတွက် မဆောက်လုပ်ခင် ကြိုတင်လေ့လာဖို့ သတ်မှတ်ထားတဲ့ တိုင်းတာဆန်းစစ်ချက် (Assessment) ဖြစ်ပြီး အဆင့် ၁၀ ဆင့်ရှိပါတယ်၊
တာဝန်ပေးချက်အရ အဲဒီအဖွဲ့က လပေါင်းများစွာ ကွင်းဆင်း လေ့လာသုံးသပ်မှုတွေ လုပ်ပြီး ၂၀၀၉ ခုနှစ် အောက်တိုဘာလ မှာ စာမျက်နှာ ၁၀၀၀ နီးပါးရှိတဲ့ သူတို့ရဲ့ တွေ့ရှိချက်အစီရင်ခံစာ (Environmental Impact Assessment/EIA) နဲ့ အကြံပြုချက်တွေ (Recommendations ) ကို တရုတ် နဲ့ မြန်မာအာဏာပိုင်များထံ တင်သွင်းခဲ့ပါတယ်၊ အဲဒီအစီရင်ခံစာမှာ ဧရာဝတီမြစ်ကြီးကို" မြန်မာနိုင်ငံရဲ့ အသက်သွေးကြော၊ ပြည်သူသန်းပေါင်းများစွာရဲ့ အသက်မွေးဝမ်းကြောင်းနဲ့ ခရီးသွားလာမှုအတွက်အမှီပြုရာ၊ သန်းပေါင်း ၅၀ကျော်ပြည်သူတွေ ရဲ့ ပင်မ ဆက်သွယ်ရေးလမ်းကြောင်းကြီး" အဖြစ်တင်စားပြီး "ဒီမြစ်ကြီးကို ဆည်ကြီး (၇) ခုနဲ့ အပိုင်းပိုင်းအပြတ်ပြတ်ဖြစ်အောင်လုပ်တာဟာ မြစ်ဆုံဒေသမှာနေကြတဲ့ ပြည်သူတွေတင်မက၊ မြစ်အောက်ပိုင်း အဝေးကြီးက၊ မြစ်ဝကျွန်းပေါ်ဒေသက ပြည်သူတွေကိုပါ အင်မတန်ကြီးမာတဲ့ လူမှုရေး၊ စီးပွါးရေး နဲ့ ပါတ်ဝန်းကျင်ဆိုင်ရာ အနိဌာရုံတွေ သက်ရောက်စေလိမ့်မယ်" လို့ ထောက်ပြဝေဘန်ထားပါတယ်၊
ဒီအစီရင်ခံစာရေးသူတွေကပဲ "ဧရာဝတီမြစ်ဆုံ ဟာ ကချင်လူမျိုးများရဲ့ ဂုဏ်ယူစရာပိုင်ဆိုင်မှု၊ ယဉ်ကျေးမှုရဲ့ အသည်းနှလုံး ဖြစ်ပြီး ဒီမြစ်ဆုံဟာ ဆည်ဆောက်လုပ်ရေးအတွက် လုံးဝပျောက်ပျက်သွားမှာဖြစ်လို့ အဲဒီဆုံးရှုံးမှုကြီးဟာဖြင့် ကချင်လူမျိုးများသာမက မြန်မာပြည်သူများအားလုံးအတွက် ကြောက်ခမန်းလိလိကြီးမားတဲ့ ဝမ်းနည်းကြေကွဲစရာကြီးဖြစ်လိမ့်မယ်" လို့လဲ သတိပေးထားပါတယ်၊ ရေလွှမ်းမိုးခံရမည့် ကျေးရွာတွေ၊ ရွှေ့ပြောင်းနေရာချရမည့် ပြည်သူတွေ၊ အဖျက်ဆီးခံရမည့် သစ်တောကြီးတွေ၊ ထာဝရပျောက်ဆုံးသွားမည့် သဘာဝအလှအပတွေ၊ ဆက်လက်မရှင်သန်နိုင်တော့မည့် ရှားပါးသစ်ပင်တွေ၊ ပန်းတွေ နဲ့ ရေသတ္တဝါတွေ အကြောင်းတင်ပြသတိပေးထားသလို ဧရာဝတီမြစ်ရေစီးဆင်းမှု နှေးကွေးသွားတဲ့အတွက်ကြောင့် ပင်လယ်ဘက်က ဆားငံရေတွေ ပြန်လည်စီးဝင်ပြီး မြန်မာနိုင်ငံရဲ့ စပါးကျီဖြစ်တဲ့ မြစ်ဝကျွန်းပေါ်ဒေသမှာ စိုက်ပျိုးရေးနဲ့ ရေလုပ်ငန်းတွေ ပျက်စီးကြမည့်အကြောင်း ထောက်ပြထားပါတယ်၊ နောက်ဆုံးမှာတော့ အစီရင်ခံစာရေးသာသူ ပညာရှင်များက တရုတ်၊မြန်မာ အာဏာပိုင်များကို "မြစ်ဆုံရေကာတာဆောက်လုပ်ရေးစီမံကိန်းကို စွန့်လွှတ်ဖို့ နဲ့ မဖြစ်မနေဆောက်မှဖြစ်မယ်ဆိုရင် လဲ မြစ်ဆုံမှာ မဆောက်ပဲ မြစ်ဆုံရဲ့အထက် မေခ နဲ့ မလိခမြစ်များမှာ အသေးစား ဆည် နှစ်ခုအစားထိုးဆောက်ဖို့” အကြံပြုထားပါတယ်၊
အဲဒီ ပညာရှင်များရဲ့ တာဝန်သိသိတင်ပြချက်တွေကို တရုတ်၊မြန်မာ အာဏာပိုင်များက ဒေါသတကြီး ညင်းပယ်လိုက်ကြပါတယ်၊ အစီရင်ခံစာကိုလဲ လူထုကြားထဲ ရောက်မလာအောင် ဖုံးကွယ်ထားကြပြီး နောက်ထပ်ဆောင်ရွက်ရမည့် တိုင်းတာချက်အဆင့် ၉ ခုကိုလဲ မဆောင်ရွက်တော့ပါ၊ အဲဒီနောက်တော့ ဘယ်သူသေသေ ငတေမာရင်ပြီးရောဆိုတဲ့ မူဝါဒနဲ့ မြစ်ဆုံဆည်တည်ဆောက်ရေး ကို အားကြိုးမာန်တက်ဆောင်ရွက်နေတော့တာပါ၊ ပညာရှင်များက မြစ်ဆုံဆည်ဟာ စစ်ကိုင်းငလျင်ပြတ်ရွေ့ကြောကြီးနဲ့ နီးလို့ ငလျင်များလှုပ်ခဲ့ရင် မြစ်ကြီးနားမြို့ကြီးတမြို့လုံး စက္ကန် ၂၀ အတွင်းမှာ ရေအောက်နစ်မြုတ်သွားနိုင်တယ်လို့လဲ သတိပေးကြပါတယ်၊ အဲဒီအတွက် စစ်အုပ်စုရဲ့ အရေးယူမှုက မြစ်ကြီးနားမြို့အခြေစိုက် မြောက်ပိုင်းတိုင်းစစ်ဌာနချုပ်ကို မြစ်ဆုံရဲ့အထက်ဖက်က ပူတာအိုမြို့ကို ရွှေ့ပြောင်းအခြေချဖို့အမိန့်ထုတ်တာပါ၊ မြစ်ကြီးနားမြို့နေ ပြည်သူများအတွက်တော့ နည်းနည်းလေးမှ စိတ်ပူပုံမရပါ၊
ဝမ်းနည်းကြေကွဲစရာအကောင်းဆုံးကတော့ မြန်မာပြည်သူလူထုတရပ်လုံးရဲ့အကျိုးစီးပွါးကို တရုတ်အစိုးရက အဓမ္မဖျက်ဆီးနေတာကို မြန်မာစစ်ခေါင်းဆောင်များက ကျေကျေနပ်နပ် ခွင့်ပြုပြီး ပူးပေါင်းကူညီနေတာပါပဲ၊ တကယ်တော့ တရုတ် အစိုးရနဲ့ မြန်မာစစ်ခေါင်းဆောင်များပူးပေါင်းပြီး မြန်မာလူထုတရပ်လုံးအပေါ် အကြမ်းဖက်တဲ့ ရာဇဝတ်မှုကြီး (Crimes against Humanity) ကျူးလွန်နေတာပါ၊
(၆)
ဒီစာကို ဒေါသနဲ့ ရေးတာဖြစ်ကြောင်း ဝန်ခံပါရစေ၊ ဒါကြောင့် တချို့စကားလုံးတွေ ကြမ်းတမ်းနေပါလိမ့်မယ်၊ ခွင့်လွှတ်ကြပါ၊ ပြီးတော့ တရုတ်၊ မြန်မာ လူမျိုးများအချင်းချင်း မုန်းတီးဖို့ ၊ ရန်ဖြစ်ဖို့ လှုံ့ဆော်တာလဲ မဟုတ်ရပါ၊ တရုတ်လူမျိုးများအပေါ် ဘယ်လို အာဃာတမှ မရှိပါ၊ မြန်မာနိုင်ငံတွင်းမှာ ဘိုးစဉ်ဘောင်ဆက်နေထိုင်နေကြတဲ့ တရုတ်လူမျိုးများကိုလဲ မြန်မာနိုင်ငံသားအချင်းချင်းမို့ ချစ်ခင်ပါတယ်၊ ဆွေမျိုးအရင်းအချာလို သဘောထားပါတယ်၊ ဒါပေမည့် တရုတ်အစိုးရနဲ့ မြန်မာစစ်ခေါင်းဆောင်တွေကိုတော့ ပြင်းပြင်းထန်ထန်ရှုံ့ချဖို့ ဒီစာတမ်းကို ရေးပါတယ်၊ ပြီးတော့ ဧရာဝတီ ကိုကယ်တင်ကြဖို့ မြန်မာနိုင်ငံသားအပေါင်းကို တောင်းဆိုပါတယ်၊
ဘယ်လို ကယ်တင်ကြမလဲ၊ ကျနော်တို့ ဧရာဝတီ ကယ်တင်ရေး (SAVE THE IRRAWADDY) အမျိုးသားရေး လှုပ်ရှားမှုကြီးလုပ်ရမှာပါ၊ ပြည်တွင်းက ပြည်သူတွေက ဧရာဝတီ မြစ်ဆုံဆည်တည်ဆောက်ရေးကို ကန့်ကွက်ကြောင်း မြန်မာစစ်အုပ်စုကို တောင်းဆိုသင့်သလို ရန်ကုန် မှာရှိတဲ့ တရုတ်သံရုံး၊ မန္တလေးမှာရှိတဲ့ တရုတ်ကောင်စစ်ဝန်ရုံးများကို ကန့်ကွက်စာတွေ ပေးပို့သင့်ပါတယ်၊ ဧရာဝတီမြစ်ကြီး အနိုင်ကျင့်ခံနေရမှုနဲ့ ကချင်ပြည်နယ် နဲ့ မြန်မာတနိုင်ငံလုံးက ပြည်သူတွေ ထိခိုက်နစ်နာမည့်အရေးကို လူထုသိနားလည်အောင် ရှင်းလင်းတင်ပြပြီး လူထုအင်အားနဲ့ ဧရာဝတီကို ကာကွယ်ကြရမှာပါ၊ ဆရာတော်၊ သံဃာတော်များကလဲ သူတို့ရဲ့ တရားပွဲများမှာ ဧရာဝတီမြစ်ကြီးရဲ့ အကျိုးကျေးဇူးကို ရည်ညွှန်းဖွဲ့ဆိုပြီး ဧရာဝတီကို စောင့်ရှောက်ကာကွယ်ဖို့လူတိုင်းမှာတာဝန်ရှိကြောင်း ဟောပြောသင့်ပါတယ်၊ အနုပညာရှင်များကလဲ ဧရာဝတီမြစ်ကြီး အရင်လိုမစီးဆင်းနိုင်တော့ရင် ဖြစ်လာမည့်အကျိုးဆက်တွေကို လူထုနဲ့ စစ်တပ်ထဲက နိုင်ငံချစ်တဲ့ စစ်ဗိုလ်၊ စစ်သားတွေသိအောင် သီချင်းတွေစပ်ဆို၊ စာတမ်းဖတ်ပွဲတွေ၊ ဆွေးနွေးပွဲတွေ လုပ်သင့်ပါတယ်၊ အထူးသဖြင့် လောဘဇောကပ်နေတဲ့ မြန်မာစစ်ခေါင်းဆောင်တွေ၊ အလိုတော်ရိစီးပွါးရေးသမားတွေနဲ့ တရုတ်ကွန်မြူနစ်ပါတီအစိုးရတို့ကို မြန်မာပြည်သူတွေဟာ ဧရာဝတီ ကို ထိရင် မခံဘူးဟေ့ ဆိုတာကို သိအောင်ပြသကြဖို့ပါ၊
ပြည်ပရောက် မြန်မာနိုင်ငံသားတွေကလဲ သက်ဆိုင်ရာနိုင်ငံများမှာ ရှိတဲ့ တရုတ်သံရုံး၊ ကောင်စစ်ဝန်ရုံးများရှေ့မှာ ဆန္ဒပြတာ၊ ကန့်ကွက်စာပို့တာတွေလုပ်သင့်ပါတယ်၊ ပြီးတော့ သက်ဆိုင်ရာနိုင်ငံများက အစိုးရများ၊ လွှတ်တော်ကိုယ်စားလှယ်များကို တရုတ်အစိုးရရဲ့ မြန်မာပြည်သူများအပေါ် တိုက်ရိုက် လူ့အခွင့်အရေးချိုးဖောက်မှုကြီးကို တင်ပြတိုင်တန်းသင့်ပါတယ်၊ ပြီးတော့ ကျနော်တို့ အခု ကုလသမဂ္ဂက မြန်မာနိုင်ငံမှာ စစ်အုပ်စုက ကျူးလွန်နေတဲ့ လူသားမျိုးနွယ်စုတခုလုံးအပေါ်အကြမ်းဖက်မှုတွေကို စုံစမ်းရေးကော်မရှင်ဖွဲ့ပြီး ဖော်ထုတ်အရေးယူဖို့ တောင်းဆိုနေသလို တရုတ်အစိုးရကလဲ မြန်မာပြည်ရဲ့ ဧရာဝတီမြစ်ကြီးကိုအနိုင်ကျင့်ပြီး မြန်မာပြည်သူတွေအပေါ် အကြမ်းဖက်နေတယ်၊ Crimes against Humanity တွေ ကျူးလွန်နေတယ်ဆိုတာ တိုင်တန်းကြရမှာပါ၊
ကျနော်တို့ဘက်မှာ အဖွဲ့အစည်းပေါင်းစုံ၊ အတွေးအခေါ်ပေါင်းစုံ နဲ့ ရပ်တည်မှုပေါင်းစုံရှိပြီး မညီညွတ်ကြဘူးလို့ သတ်မှတ်ခံကြရပါတယ်၊ နအဖစစ်အုပ်စုအပေါ် စီးပွါးရေးပိတ်ဆို့မှုလုပ်တာကို ထောက်ခံတဲ့လူ နဲ့ ကန့်ကွက်တဲ့လူ၊ စစ်အုပ်စုရဲ့ လွှတ်တော်ထဲဝင်တဲ့လူနဲ့ လွှတ်တော်အပြင်မှာပဲနေတဲ့လူ၊ နိုင်ငံရေးကို သက်တောင့်သက်သာလုပ်ချင်တဲ့လူ နဲ့ ထောင်အကြိမ်ကြိမ်အကျခံပြီးလုပ်တဲ့လူ၊ ပညာရှင်ဘဝပြောင်းပြီး ဘေးကဝေဘန်တဲ့လူနဲ့ မိုက်ခွက်ကိုင်ပြီး အသံလွှင့်တဲ့လူ၊ ကွန်ပြူတာရှေ့ထိုင်ပြီး အင်တာနက်နဲ့ တော်လှန်ရေးလုပ်တဲ့လူ၊ စစ်အုပ်စုနဲ့ ပူးပေါင်းဆောင်ရွက်ပြီး ဖြည်းဖြည်းချင်းတော့ ပြောင်းမှာပါလို့ မျှော်လင့်တဲ့လူ နဲ့ စစ်အုပ်စုရဲ့ လှည့်ဖျားမှုကိုမခံပဲ ပိုပြီးဖိအားပေးချင်တဲ့လူ၊ နိုင်ငံရေးကို စိတ်ကုန်သွားတဲ့လူတွေ နဲ့ စိတ်မဝင်စားတော့ တဲ့လူ၊ ကျနော်တို့ အားလုံး ဘယ်လိုပဲရှိခဲ့ရှိခဲ့၊ အမြင်တွေ၊ ရပ်တည်ချက်တွေ မတူခဲ့ရင်တောင်မှ ဒီတခါတော့ ကျနော်တို့ ညီကြရအောင်ပါ၊ ဧရာဝတီ မရှိရင် ကျနော်တို့ဘဝတွေ အဓိပ္ပာယ်ရှိမှာ မဟုတ်တော့ပါ၊ ကျနော်တို့ ညီမှ အမိ ဧရာဝတီ ကို ကယ်တင်နိုင်၊ ကာကွယ်နိုင်မှာပါ၊
ဧရာဝတီ ကိုကယ်တင်ကြပါစို့၊
လေးစားစွာ၊
အောင်ဒင်
ဇူလိုင် ၈၊ ၂၀၁၁
သတင်းအကျဉ်းချုပ် ...
အရှင်အာနန္ဒာရဲ့ ပယ်ဆုလေးတန်၊ ခံဆုလေးပါး တရားထဲမှာ အရှင်အာနန္ဒာ က သူမြတ်စွာဘုရားကို အမြဲတမ်းအလုပ် အကျွေးပြုပေးရမည့် ဥပဌာကရဟန်း ရာထူးနေရာ ကိုလက်ခံရာမှာ...
လူတွေရဲ့သည်းခြေကြိုက် အခွင့် အရေး၊ ရပိုင်ခွင့် ၄ မျိုး.....
၁။ မြတ်စွာဘုရား အားကပ်လှူသော ကောင်းသောဆွမ်းကို သူ့အားမကျွေးရန်၊
၂။ မြတ်စွာဘုရား ၀တ်ရုံသောသင်္ကန်းအကောင်စားကို သူ့အားမပေးရန်၊
၃။ မြတ်စွာဘုရား နှင့်အတူ ဂန္ဒကုဋီတိုက်တွင် သူ့အားအတူမထားရန်၊
၎။ မြတ်စွာဘုရားအား ပင့်ဖိတ်သော အလှူပွဲများသို့ သူ့အားမခေါ်ရန် တို့ကို... ပယ်ဆုလေးတန်အဖြစ်၎င်း၊
လောကကောင်းကျိုးကို ထိထိရောက်ရောက် ဆောင်ရွက်နိုင်အောင် သူယူရမဲ့ ရာထူးရဲ့ လုပ်ပိုင်ခွင့်တာဝန် နဲ့ ၀တ္တရား ၄မျိုး.....
၁။ သူပင့်ဖိတ်တိုင်း မြတ်စွာဘုရားမှ ကြွချီပေးရန်၊
၂။ အဝေးမှ လာသော ဘုရားဖူးများအား မြတ်စွာဘုရားရှေ့မှောက်ပို့ခွင့်ပြုရန်၊
၃။ သူသံသယရှိ ရ်ျ မေးလျှောက်ခဲ့လျှင် မြတ်စွာဘုရားမှ ချက်ချင်း ဖြေဆိုပေးရန်၊
၎။ သူ့ကွယ်ရာမှာ မြတ်စွာဘုရား ဟောကြားခဲ့သော တရားကို သူ့အား အစအဆုံး ပြန်လည်ဟောကြားပေးရန် တို့ကို... ခံဆုလေးပါး အဖြစ်၎င်း တောင်းခံပုံကို သိရတဲ့လူတိုင်း (( Aung K. Thaike) ရေးခဲ့သလို) မိမိကိုယ်တိုင်သာလို့ ၀င်စဉ်းစားကြည့်မိရုံလေးနဲ့တင် ကြက်သီမွေးညှင်းထမိပါတယ်။
ပုထုဇဉ်ထဲမှာလည်း ဗိုလ်ချုပ်အောင်ဆန်း လိုလူတွေ ရှိခဲ့ပါတယ်။ ရှိနေပါတယ်။ လူရယ်လို့ ဖြစ်လာရင် လူတိုင်းမှာမိမိနဲ့ သက်ဆိုင်တဲ့ တာဝန် ၀တ္တရားဆိုတာ ရှိပါတယ်။ အနိမ့်ဆုံး သားသမီးဝတ်တော့ရှိပါတယ်။
တိုင်းပြည်တစ်ခုလုံးရဲ့ ကံကြမ္မာကို အကောင်းဘက် ပြောင်းလဲဖို့ ကြိုးစားကြရာမှာ လူနည်းစုရဲ့ ကြိုးစားရုန်းကန်မှုထက် တိုင်းသူပြည်သားအားလုံးရဲ့ကြိုးစားရုန်းကန်မှု ဖြစ်မှအောင်မြင်လွယ်ကူမှာပါ။ ကောင်းကျိုးတရား တစ်ခု ဖြစ်ထွန်းလာဖို့ ပြည့်စုံရမည့် အကြောင်းတရားတွေအထဲမှာ ကံကောင်းခြင်းဟာ အရေးပါတဲ့အကြောင်းတရား တစ်ခုပါ။ ရှေ့တန်းကနေ ကိုယ်ကျိုးစွန့် ရုန်းကန်နေကြတဲ့ နေရာက မပါနိုင်ရင်တောင် တစ်ဦးချင်း ကံကောင်းနေအောင် အကြောင်းကောင်းတွေကို သတိဥာဏ်ပညာနဲ့ ဖြည့်ဆည်းပေးနေကြ စေချင်ပါတယ်။
ကံကောင်းခြင်း ဆိုတာမှာ
(အဟိရိက)... အရှက်အကြောက် ကင်းမဲ့သဖြင့် လည်းကောင်း။
(ကာကသူရေန)... ကျီးကဲ့သို့ လုယူရဲသဖြင့် လည်းကောင်း။
(ဓံသိနာ)... သူတစ်ပါး ပျက်စီးအောင် ချောက်တွန်းသဖြင့် လည်းကောင်း။
(ပက္ခန္ဒိနာ)... အခွင့်အလမ်း သာယာသို့ ပြေးဝင်သဖြင့် လည်းကောင်း။
(ပဂဗ္ဘေန)... ရက်စက်သဖြင့် လည်းကောင်း။
(သံကိလိဋ္ဌေန)... အကုသိုလ် နည်းလမ်းဖြင့် လည်းကောင်း။
ဇီဝိတ... အသက်မွေးသည်ရှိသော်။ သုဇီတ... အသက်မွေးမှုလွယ်၏။ ဓမ္မပဒ-၁၈၊၆၊၂၂၄ ..... ဆိုတဲ့ အလွယ်လမ်း၊ အချောင်လမ်း အကုသိုလ် ၀ိသမလောဘတွေ၊ မတရားသဖြင့် မသမာတဲ့နည်းတွေနဲ့ ကြီးပွါးအောင် လုပ်နေတာကိုမဆိုလိုပါ။ ဓမ္မဗျာပါရ ကံအကျိုးပေးကောင်းခြင်းကို ဆိုလိုတာပါ။
ကျေးဇူးတင်စွာဖြင့်.....ရွှေဇီးကွက်
သတင်းအကျဉ်းချုပ် ...
၈ရက်နေ.လယ်သမားကြီးဦးထွန်းအေး၏ ရုံးထုတ်ဖြစ်သောကြောင့် နံနက်၁၀နာရီမှစ၍ ကန်ကြီးထောင့်သို့ (၁၅မိုင်၎ဖာလုံ)စက်ဘီးနှင့်စီးနင်းကာသွားကြပါသည်..၃ယောက်တွဲစီအားလုံးပေါင်းအယောက်၂၀ခန်.ရှိပါသည်။
ရင်ဘတ်တွင်လယ်သမားတော်လှန်ရေးခေါင်းဆောင်ဆရာစံ၏ရင်ထိုးကို ထိုးကာသွားကြခြင်းဖြစ်ပါသည်၊ ရုံးသို.ရောက်သောအခါကိုထွန်းအေးအား ကန်ကြီးထောင့်မြို့နယ်မှ တရားသူကြီးဒေါ်ဖြူဖြူခိုင်မှ ကိုထွန်းအေးအားထောင်ဒါဏ်၃လကျခံစေရန်အမိန့်ချမှတ်ခဲ့ပါသည်။
ကိုထွန်းအေး၏ဖြစ်စဉ်ကိုကြည့်ပါက ထောင်တရက်ကျကျ ၊တစ်လကျကျထောင်ကျတာပါဘဲ ..ငွေရှင်ရယ်အာဏာပိုင်ရယ်ကို အနိုင်ပေးလိုက်ခြင်းဖြစ်ကြောင်းသိသာလှပါသည်။ လယ်သမားများ၏အကာအကွယ်မဲ့မူ့ကိုမီးမောင်းထိုးပြလိုက်ခြင်းဖြစ်ပါသည်။ အာဏာပိုင်များ၏အစိုးရ ထောက်ပံ့ကြေးသည်လယ်တစ်ဧကလျင်၂၀၀၀၀(တစ်ချို.နေရာတွင်၅၀၀၀)ထုတ်ပေးခြင်းသည် လယ်သမားတစ်ဦးအဖို့လယ်တစ်ဧက၏ကုန်ကျစားရိတ်နှင့်လုံးဝမလောက်ဌပါ..
လယ်တစ်ဧကလျင်ကုန်ကျစားရိတ်သည် ကျပ်ငွေတစ်သိန်းအထက်မှာ ကုန်ကျသောကြောင့် တခြား ဓနရှင်များထံတွင်အတိုးနူန်းကြီးမြင့်စွာဖြင့်ငွေချေးဌါးရသောကြောင့် လယ်သမားအမူ့အခင်းများ ပေါ်ပေါက်လာရခြင်း ဖြစ်ပါသည်၊ ထိုကိစ္စများသည်ကိုထွန်းအေးတို့တစ်နေရာထဲတွင်ဖြစ်နေခြင်းမဟုတ်ပါ.တနိုင်ငံလုံးတွင်ထိုကိစ္စများဖြစ်ပေါ်နေခြင်းဖြစ်ပါသည်။ နောက်တစ်ချက်မှာကိုထွန်းအေးသည် လယ်တစ်ဧကလျင်ရပ်ကွက်အုပ်ချုပ်ရေးမှူး များမှ ၅၀၀ကောက်ခံခြင်းကို ဧရာဝတီတိုင်းဝန်ကြီးဦးသိန်းအောင်ထံသို့လိပ်မူကာ အိုင်အယ်လ်အိုရုံးသို့ မိတ္တူပို့တိုင်ကြားခြင်းနှင့်လည်းပါတ်သက်နေပါသည်။ အကြောင်းပြချက်မရှိဘဲငွေကောက်ခံခြင်းကြောင့်လည်းဖြစ်ပါသည်။ကန်ကြီးထောင့်အုပ်စုတွင်အုပ်စု၈၀ရှိပါသည်။တစ်အုပ်စုလျင် ဧက၂၀၀၀ကျော်ရှိသောကြောင့် ကန်ကြီးထောင့်မြို့နယ်တစ်အုပ်စုထဲ၌ပင် သိန်းပေါင်း ၈၀၀လောက် အာဏာပိုင်များမှရရှိထားခြင်းကြောင့် ကိုထွန်းအေးထိုကိစ္စကို ထပ်တိုင်လျင်ပြန်လည်၍ လယ်သမားများထံသို့ပေးအပ်ရမည်စိုးသောကြောင့်လည်းဖြစ်နိုင်ပါသည် ။
အားလုံးကိုခြုံကြည့်လျင်အာဏာပိုင်များ၏ လယ်သမားများအပေါ်လောက်ဌအောင် စိုက်ပျိုးစားရိတ်ထုတ်မပေးခြင်း၊ လယ်သမားများအားအဓ္ဓမငွေကောက်ခံခြင်းကြောင့် ဟုကောက်ချက်ချနိုင်ပါသည်။
ထိုကဲ့သို့နောက်နောင်မဖြစ်ပေါ်စေရန်လွှတ်တော်အမတ်မင်းများကလည်းလွှတ်တော်အမတ်ဆိုသည့်နံမည်ကိုဖက်တွယ်မိန်းမောမနေကြဘဲတောင်သူ။လယ်သမားများ၏ရပိုင်ခွင့်အခွင့်အရေးများကိုကာကွယ်သည့်ဥပဒေများပေါ်ပေါက်လာရေးအတွက်ဆွေးနွေးတိုင်ပင်ကြပါလွှတ်တော်တွင်အတည်ပြုနိုင်ရန်ကြိုးစားကြပါ..ထိုကဲ့သို့ပြုလုပ်ခြင်းမရှိပါကကျွန်တော်တို့လူ့အခွင့်အရေးစောင့်ကြည့်သူများကွန်ယက်(HRWDN)အနေဖြင့်လယ်သမားများနှင့်ပူးပေါင်းကာတောင်သူလယ်သမားများ၏ရပိုင်ခွင့်အခွင့်အရေးများကိုလွှတ်တော်တွင်ပေါ်ပေါက်စေရန်တရားသောဥပဘောင်အတွင်းမှတောင်းဆိုတိုက်ပွဲဝင်သွားမည်ဖြစ်ပါကြောင်းအသိပေးကြေငြာအပ်ပါသည်။
လူ့အခွင့်အရေးစောင့်ကြည့်သူများကွန်ယက်(HRWDN)
သတင်းအကျဉ်းချုပ် ...
စစ်အုပ်စုကပြောတယ်..ဒေါ်အောင်ဆန်းစုကြည်ဟာ( သာမာန်အမျိုးသမီး) တယောက်ပါတဲ့..ပြည်သူလူထုက ဒီလို ကြိုဆိုကြတယ်ဗျာ...အံ့ရော .... အံ့ရော .....
Photo..AP
သတင်းအကျဉ်းချုပ် ...
အဓိပတိ ရဲ့ အမိမြေ….
****************
အမေ...
...မေ့ပျောက်ပျောက် ဖြစ်နေတဲ့ 
နေ့ လေးတွေ ရောက်ရောက်လာ
ဒါကို အမေ
သတိထားမိလား…အမေ…။
အမေ့ရဲ့ သားတွေ
ဒီနေရာလေးမှာ
တွန်းထိုးပျော်မြူး
ကြွေးကြော်ဘူးတယ်….
ပညာတတ်ကြီး ဖြစ်ရမယ်…။
အမေ့ရဲ့ သားတွေ
ဒီနေရာလေးမှာ
စည်းလုံး တွန်ကျူး
ကြွေးကြော်ဘူးတယ်….
လွတ်လပ်ရေး ကြီး ရရမယ်….။
အမေ့ရဲ့ သားတွေ
ဒီနေရာလေးမှာ
ရဲမာန် ဝင့်ကြွား
ဆုံးဖြတ် ဘူးတယ်
တော်လှန်ရေးကို နွှဲရမယ်…။
အမေ့ရဲ့ သားတွေ
ဒီနေရာလေး မှာ
သမဂ္ဂ တည်
စည်းလုံး ခဲ့သည်
သွေးနီး ခဲ့သည်
ကိုယ်ကျိုး မရှာ
စီးပွား မပါ
လက်ဗလာ နဲ့ 
တိုက်ပွဲ လီလီ
ပေးဆပ် နွှဲသည်….
ပေးဆပ် ခဲ့သည်….
ပေးဆပ် နေမည်…
ပေးဆပ် နေဦးမည်…သာ…။
အမေ ချစ်တဲ့ သားတွေ
အမေ ချစ်တဲ့ သားတွေရဲ့ သွေးတွေ
အမေ့ ကို ချစ်တဲ့ သားတွေ
အမေ့ ကို ချစ်တဲ့ သားတွေ ရဲ့ သွေးတွေ
တစ်လွှာ ပြီး တစ်လွှာ
အကြိမ်ကြိမ် …
အလီလီ …
ခင်းထားတဲ့ လမ်း…
ဟော…ဒီ……
အဓိပတိ လမ်း …
စိန်ပန်းတွေ ကြဲဖြန့်သလို
နီနေတဲ့ လမ်း
မျက်ရည်တွေ မိုးရွာသလို
ရွှဲနေတဲ့ လမ်း။
ကြင်နာသူ တွေ
လက်ချင်း ချိတ်ခဲ့ဘူးသလို…
ထိုသူ တွေပဲ
လက်ပြ ခွဲခဲ့ရတဲ့ လမ်း။
ဘွဲ့ရပျော် မြူး
မိသားစု တွေ
စုံခဲ့ဘူးတဲ့..လမ်း….
ပြန်ခေါ် မထူး
ဘဝ ကူး၍
ကွေကွင်း ခဲ့ရတဲ့လမ်း။
ဒီလမ်းမကြီးပေါ်မှာ
မတွန့် မတွေ
အသက်တွေ ပေးလှု
ထိုသူတွေ ရဲ့
ဘူမိ နက်သန်
ယူနီယံ ကို
ဘဝမေ့လျော
ကျေးဇူး ကမ်းလျက်
စစ်ဖိနပ် စီးခဲ့
မာန်ဟုန် ကြီး၍
သစ္စာ ဖောက်သူ
(တစ်ခါက မွေးထုတ်ခဲ့တဲ့)
အမေ့ သားအချို့  ကပေါ့…
အမေ….ရေ…….
( သူတို့ မိခင် ကျောင်းတော် တစ်ခွင်)…. ကို
မိုးလုံး မှိုင်းမျှ
တုန်ဟီး ထစေ….
ယမ်းငွေ့ မွေ့စွေ..
သွေး လှိုင်းထစေ…
အဲဒီနေ့ မှာ…
အမေ့ သားဟောင်း တွေက
အမေ့ သားသစ် တွေကို
သမိုင်း မွေဖြတ်
အဓိပတိ လမ်းကိုပါ
မျက်ရည်ကျစေတဲ့ လုပ်ရပ်
သမိုင်းကြီးတဲ့
တက္ကသိုလ် ရဲ့ နှလုံးသား ကို
ပြင်းအားများတဲ့ … ဗုံး….
ဝုန်း…. ကနဲ…. အခွဲ…..
အမေ့ ရင်လည်း ကွဲနေရော့ထင်…။
အမေ….
အမေ့ ရင်မှာ
ဆပိုလိမ့်ထင်
တမ်းတနေလျှင်
အမေ့ ရယ်…
သွေးစီး ချောင်းဖြစ်
မြစ်လို တစ်သွယ်
ပင်လယ် တစ်မျှ
သမုဒ္ဒရာ မက
မည်သို့ မည်မျှ
ပေးလှု ဆပ်ရ…
နောက်မတွန့်သူ
ပေးဆပ်ကြတဲ့သူ
ထိုသူတွေသည်…
အမေ့ ရင်ခွင်ထဲ
ဆက်၍….
ဆက်၍….
ရယူခြင်းကင်းတဲ့
စွန့်လွတ် ပေးဆပ်ခြင်းတွေ
ပေးးဆပ် နေမြဲ..
ပေးဆပ် နေဆဲ...
ပေးဆပ် လျက်ပါ..ပဲ...။
ကိုဝိုင်ဝိုင်ကေ
(၇-၇-၁၁)
သတင်းအကျဉ်းချုပ် ...
ဦးကျော်ဝင်းမှ ဟီလာရီ ကလင်တန်ထံသို့ ပေးပို့သော စာကို ဒီနေရာမှာဖတ်နိုင်ပါတယ်
မင်းဆက်ခိုင်(narinjara)
--------------
ဝါရှင်တန် ဒီစီရှိ အမေရိကန် ဆိုင်ရာ မြန်မာနိုင်ငံ၏ သံရုံး ဒုတိယအကြီးအကဲ သံမှူးကြီး ဦးကျော်ဝင်း သည် သူရာထူးကို စွန့်လွှတ်ပြီး မိသားစုနှင့် အတူ ဇူလိူင်လ ၄ ရက်နေ့က အမေရိကန် နိုင်ငံတွင် နိုင်ငံရေး ခိုလှုံခွင့် တောင်းခံ လိုက်ကြောင်း သတင်း ရရှိသည်။
သံမှူးကြီး ဦးကျော်ဝင်းမှ အမေရိကန် နိုင်ငံခြားရေးဝန်ကြီး ဟီလာရီ ကလင်တန် ထံသို့ ဇူလိုင်လ ၄ ရက်က စာရေးသားပြီး ထိုသို့ ခိုလုံခွင့် တောင်းခဲ့ခြင်း ဖြစ်ကြောင်း သိရသည်။
ဦးကျော်ဝင်းမှ သူရေးသားသော စာထဲတွင် မြန်မာ အစိုးရ ခေါင်းဆောင်များ အနေဖြင့် ဒီမိုကရေစီ ဖေါ်ဆောင်နိုင်မည့် မျှော်လင့်ချက် ကင်းမဲ့နေသဖြင့် သူအနေဖြင့် ရာထူးမှ နှုတ်ထွက်ရခြင်း ဖြစ်ကြောင်းနှင့် ယခုကဲ့သို့ နိုင်ငံရေး ခိုလှုံခွင့် တောင်းခံရ ခြင်းဖြစ်ကြောင်း စာထဲတွင် ဖေါ်ပြ ထားသည်ဟု သိရသည်။
ထိုကဲ့သို့ မြန်မာမှ ထိပ်တန်း သံမှူးကြီး တဦး အနေဖြင့် ရာထူးမှ နှုတ်ထွက်ပြီး အမေရိကန်နိုင်ငံတွင် နိုင်ငံရေးခိုလှုံခွင့် တောင်းခံသည့် အပေါ် မည်ကဲ့သို့ မြင်ပါသလဲဟု လန်ဒန်မြို့တွင် နေထိုင်သော အဝေးရောက် မြန်မာသံ တမန်ဟောင်း တဦးဖြစ်သူ ဦးခင်မောင်ကြည်ကို မေးကြည့်ရာ သူ့က သူ၏ အမြင်ကို ယခုကဲ့သို့ ပြောသည်။
“ကျနော့်အနေနဲ့ အခုလို သံမှူးကြီးတဦးအနေနဲ့ အမေရိကန်နိုင်ငံမှာ နိုင်ငံရေး ခိုလှုံခွင့် တောင်းဆို တာကို ကြိုဆိုပါတယ်။ ဝမ်းလည်း ဝမ်းသာပါတယ်။ အမေရိကန်က လူတွေလည်း ကြိုဆိုကြသလို တခြား လူတွေလည်း ကြိုဆိုကြပါတယ်။ အခု မြန်မာ သမ္မတက မုတ်ဆိုးက အတောင်တွေ ချိုးထားတဲ့ ငှက်လို မပျံနိုင်ဘူး။ ပြောရမယ် ဆိုရင် သမ္မတဟာ အလကား အကောင်။ အစိုးရဆိုတာ အစိုးရ အလုပ်ကို လုပ်နိုင်ရမယ်၊ အခုက မလုပ်နိုင်ဘူး။ မြန်မာအစိုးရဟာ ဒီမိုကရေစီ ဖေါ်ဆောင်မယ့် အစိုးရ မဟုတ်ဘူး။ ဒါကို အထဲလူတွေရော၊ အပြင်ကလူတွေ ပါသိအောင် သံမှူးကြီး ဦးကျော်ဝင်းက ဖွင့်ချ လိုက်တာဖြစ်တယ်။ ဒါကတော့ အင်မတန် ကြိုဆိုဖို့ ကောင်းပါ တယ်။”
၎င်းပြင် ဦးခင်မောင်ကြည်က ယခုမြန်မာအစိုးရသစ်၏ ပါလီမန်ဆိုသည်မှာလည်း အဓိပ္ပါယ်မရှိသော ပါလီမန်ဖြစ်သလို ဦးသိန်းစိန် အစိုးရသည်လည်း စစ်တပ်က ကြိုးကိုင်ထားသော အစိုးရ သာဖြစ်သည်ဟု ဆက် ပြောသည်။
“ အဲ… ပြောရမယ်ဆိုရင် ဒီအစိုးရဟာ စစ်တပ်ကနေပြီးတော့ နောက်က ကြိုးကိုင်ထားတဲ့ အစိုးရသာ ဖြစ်တယ်။ စစ်မှန်တဲ့ အစိုးရမဟုတ်ဘူး။ ပြီးတော့ အခု ပါလီမန်တို့ဘာတို့ တကယ့် အမှန်အကန်တွေ မဟုတ်ဘူး။ ပါလီမန် အမတ်တွေဆိုတာကလည်း အခိုင်းခံတွေပဲ။ နိုင်ငံမှာ လိုအပ်တဲ့ ကျန်းမာရေးတို့၊ ပညာရေးတို့ အတွက်တော့ ဘာမှ မလုပ်ဘူး။ ပြည်သူတွေရဲ့ ပိုက်ဆံတွေဟာ အလကား ဖြစ်သွား တယ်။ ဘာဖြစ်လို့လည်းဆိုတော့ အခု သမ္မတတွေ ပါလီမန်အမတ်တွေကို လစာတွေ ပေးနေရတယ်။ မလိုအပ်ပဲ ကုန်တယ်။ အလုပ်လုပ်လို့ ထိုက်တန်တဲ့သူကို ပေးရတာအရေးမကြီးဘူး။ အခု အစိုးရ အဖွဲ့ဆိုတာက တိုင်းပြည် အတွက် အလုပ်လုပ်တဲ့ လူတွေမှ မဟုတ်တာ။ ပါလီမန်အမတ်တွေထဲက ကြံ့ဖွံ့ပါတီ မဟုတ်ပဲ တခြားပါတီက အမတ်တွေဆိုရင်လည်း အနိုင်ရခဲ့တာ အလကားပဲ။ ဘာမှ မလုပ် နိုင်ဘူးလေ။”
ယခုဆိုလျှင် ဗမာ့စစ်တပ်ထဲတွင်လည်း တစစပြိုကွဲမှုများဖြစ်ပေါ်လာပြီး နောက်ဆိုလျှင် တိုင်းပြည်လည်း ပြိုကွဲတော့ မည်ဖြစ်ကြောင်း ဦးခင်မောင်ကြည်က သုံးသပ်ပြောဆိုသည်။
“အခုဆိုရင် တိုင်းပြည်က ပြိုကွဲတော့မယ် ဘာဖြစ်လို့လဲဆိုတော့ ဗမာစစ်တပ်က စစ်သားတွေ ကလည်း စစ်သားစိတ် မရှိတော့ဘူး။ စစ်သားတွေက ဓါးမြ၊ သခိုး၊ မုဒိမ်းကောင် အဲသလို ဖြစ်နေကြတယ်။ လုမယ်၊ သတ်မယ်၊ မုဒိမ်းကျင့်မယ် အဲလိုပဲ။ အဲဒါကြောင့် အခုသူတို့ စစ်တပ်ဟာ ရှုံးနိမ့်နေပီ ဘယ်နေရာမှာပဲဖြစ်ဖြစ် ကရင်နဲ့ တိုက်ပွဲဖြစ်တာပဲဖြစ်ဖြစ်၊ ကချင်နဲ့ တိုက်ပွဲ ဖြစ်တာပဲ ဖြစ်ဖြစ်။ သူတို့မှာက စစ်သားကောင်း မရှိတော့ဘူး။ စစ်တိုက်တယ်ဆိုတာက အမျိုးသားရေးအရ စိတ်ဓာတ်က ထိပ်ဆုံးက ရှိနေရ မယ်။ အခုက ဗမာ့တပ်မတော်တခုလုံးဟာ စိတ်ဓာတ်က ပျက်စီးနေပြီ။ ဂိတ်တွေဖွင့် အခွန်တွေ အများကြီး ကောက်မယ်၊ တိုင်းရင်းသားကျေးရွာတွေမှာ သောင်းကျန်းမယ်။ မှောင်ခိုကူးမယ်၊ စစ်တပ်က အဲသလို စီးပွါးရေး လုပ်နေကြပြီ။ ပြီးတော့ သူတို့အထဲမှာ ကိုယ်တိုင်က ပြိုကွဲတော့မှာ ဘာဖြစ်လို့လည်းဆိုတော့ နအဖ ခေတ်တုန်းက ကောင်းစားနေခဲ့ပြီးတော့ အခု ဘေးထွက်သွားတဲ့ အကောင်တွေ ရှိတယ်။ နောက် အခုဟာက သိန်းစိန်က စစ်တပ်ကို အမိန့်အာဏာပေးလို့မရဘူး။ ဘာဖြစ်လို့လည်းဆိုတော့ စစ်တပ်က ဗိုလ်ချုပ်မှူးကြီးက သူ့ထက်ကြီးတယ်လေ။ စစ်တပ် ဦးသိန်းစိန် လက်အောက်မှာ ရှိတာမဟုတ်ဘူး။ နအဖခေတ်က တချို့ တိုင်းမှူးတို့ တခြား အရာရှိတွေကလည်း အခုအစိုးရအပေါ် မကျေနပ်တာတွေ ရှိတယ်။ ဘာဖြစ်လို့လဲဆိုတော့ တချိန်က သူတို့ လုပ်ချင်သလို လုပ်နေခဲ့တဲ့ နေရာတွေမှာ နောက်လူတွေ ဝင်သွားလို့လေ။ အဲဒါကြောင့် တိုင်းပြည်က ပြိုကွဲတော့မှာ သေချာပါတယ်။ ခုလို အခြေ အနေမျိုးမှာ သံမှူကြီး ဦးကျော်ဝင်းက ဘက်ပြောင်းလာတော့ သိပ်ကောင်းသွားတာပေါ့။ နိုင်ငံခြားက လူတွေရော ပြည်သူတွေရော အကုန်လုံး အခြေအနေမှန် သိသွားရတာ သိပ်ကောင်းတာပေါ့” ဟု ပြောသည်။
ဦးကျော်ဝင်း၏ ကြိုးပမ်း လုပ်ဆောင်မှုများကို မြန်မာနိုင်ငံခြားရေး ဝန်ကြီးဌာနမှ ပယ်ချခြင်းများကို ခံခဲ့ရပြီး အပြစ်တင် ဝေဖန်ခံနေရသောကြောင့် လုပ်သက်စေ့လို့ မြန်မာပြည် ပြန်သွားလျှင် အရေးယူ ခံရမည့် အနေအထားများ ရှိနေကြောင်း ဟီလာရီ ကလင်တန်ထံသို့ ပေးပို့သော စာတွင် ပါရှိသည်။
အမေရိကန်ပြည်ထောင်စု အနေနှင့် မြန်မာအစိုးရ ခေါင်းဆောင်များ အပါအဝင် သူတို့နှင့် နီးစပ်သော စီးပွားရေး လုပ်ငန်းရှင်များ အပေါ် ပိတ်ဆို့မှုများကို ဆက်လက် ထိန်းထားဖို့ လိုအပ်ကြောင်း ဦးကျော်ဝင်းက သူ၏ စာတွင် တိုက်တွန်း ထားသည်။
၎င်းအပြင် မြန်မာနိုင်ငံအတွင်း လူ့အခွင့်အရေး ချိုးဖောက်မှုများကို စုံစမ်း စစ်ဆေးရန် အတွက် နိုင်ငံတကာ အသိုင်းအဝန်းကလည်း စုံစမ်းစစ်ဆေးရေး ကော်မရှင် ဖွဲ့နိုင်ရန် ဖိအားပေးကြရန် လိုအပ်ကြောင်း ဦးကျော်ဝင်းက ပြောသည်။
ဦးကျော်ဝင်းသည် နိုင်ငံခြားရေး ၀န်ကြီးဌာနမှာ ၁၉၈၀ ပြည့်နှစ်က သံအရာရှိအဖြစ် စတင် တာဝန် ယူခဲ့သည်။ လုပ်သက် ၃၁ နှစ် ကြာ တာဝန်ထမ်းခဲ့ပြီး ယခု သူ့၏ နှုတ်ထွက်စာကို မြန်မာ ဒုတိယ နိုင်ငံခြားရေး ၀န်ကြီးထံ လိပ်မူ ပေးပို့လိုက်ကြောင်း သိရသည်။
http://www.narinjara.com/detailsbur.asp?id=3293
သတင်းအကျဉ်းချုပ် ...
အပ္ပမာဒ ပြန်တမ်း
ခံစားချက် ဆိုတာ..
ကားဆီဖြည့်သလို ဖြည့်လို့ရတဲ့အရာ မဟုတ်ဘူး ။
ရေစီးကြောင်း ဆိုတာ...
ခုတ်ထစ်ဖြတ်ပိုင်းလို့ရတဲ့အရာ မဟုတ်ဘူး ။
သမိုင်း ဆိုတာ...
စားပြီးပစ်လိုက်လို့ ရတဲ့ ကျွတ်ကျွတ်အိတ်ခွံ မဟုတ်ဘူး ။
ငါတို့သမိုင်းထဲက အဲဒီနေ့
မျိုးဆက်လှိုင်း အဆက်ဆက်မမေ့ဘူး ...။
ငါတို့မမေ့ဘူး
"ဇူလှိုင် (၇) ရက်နေ့ကို " ။
အဲဒီ သမိုင်းကို မသိဟန်ဆောင်နေရင်တော့
ဆွံ့အနေတဲ့ အကန်းဘဲ
မျက်စိကန်းသူ မမြင်ပေမယ့်
အလင်းဟာ အလင်းဘဲ...။
မမြဲခြင်းတွေက ထာဝရမြဲတယ်...
မီးနီပြတားမရတဲ့ သင်္ခါရသဘော ...
အတ္တငွေ့တထောင်းထောင်းထလို့
ကိုယ်စိုက်ခဲ့ သမျှ ကိုယ်ပြန်ရိတ်သိမ်းဖို့ မမေ့နဲ့ ...။
အဆုံးသတ်တစ်နေ့ ဆိုတာ ရှိတယ်
"ကောင်းကင်နဲ့ မြေကြီး ကဲ့သို့
လူမိုက်နဲ့ တရားသဘော ...ဝေးတယ်"။
ဘုရားဟောတွေက
ခေတ်အဆက်ဆက် သွေးထွက်အောင်မှန်တယ်ဆိုတာ....
မမေ့နဲ့ ...။ ။
2p
(၆) ရက်နေ့ ၊ ဇူလှိုင်လ ၊ ၂၀၁၁ ခုနှစ် ။
ပေးပို့သော ခောတ်နေအားကျေးဇူးတင်ရှိပါသည်..
သတင်းအကျဉ်းချုပ် ...
မင်္ဂလာပါ သမ္မတကြီး...ဦးသိန်းစိန် ခင်ဗျာ
ဗုဒ္ဓဘာသာဝင် မြန်မာနိူင်ငံ သားတစ်ယောက် အနေနဲ့ မင်္ဂလာပါလို့ နှုတ်ခွန်းဆက်ရင်း ကျနော့်ကို ကျနော်ဘဲ မိတ်ဆက်ပေးပါရစေ ။
ကျနော်ဟာ မြန်မာမြေမှာ မွေးဖွားကာ ရှင်သန်းကြီးထွားလာပြီး လက်ရှိ အနေအထားမှာ တိုင်းပြည် အခြေအနေ အရ ပြည်ပရောက်နေတဲ့ အညတရ မြန်မာနိူင်ငံသား တစ်ဦးပါ ။ ပညာဖြင့် အသက်မွေးဝမ်းကြောင်းပြုချင်လို့ ပညာသင်ကြားခဲ့တဲ့ ကျနော်ဟာ သမ္မတကြီးတို့ အသိုင်းအ၀ိုင်းမှာ ရေပန်းစားနေတဲ့ ဂွင်ဆိုတဲ့ စကားလုံးကို နာကြည်းမုန်းတီးတာက အစပြုကာ ပြည်ပကို ထွက်ခွာပြီး မိမိတတ်ထားတဲ့ ပညာလေးနဲ့ ရိုးသားစွာ အသက်မွေးဝမ်းကြောင်းပြုရင်းက တိုင်းပြည် အတွက် တတ်နိူင်သလောက်လေး ပေးဆပ်ဖို့ ကြိုးစားနေသူ တစ်ယောက်ပါလို့ ဦးစွာ ပထမ မိတ်ဆက် စကား ဆိုပါရစေခင်ဗျား
မြန်မာနိူင်ငံသား တော်တော်များများက မင်္ဂလာ ဆိုတဲ့ စကားလုံးကို ရေလည် သုံးစွဲနေကြပေမယ့် မင်္ဂလာ ရှိအောင် မနေတတ်ကြလို့ ကျနော်တို့ တိုင်းပြည် အခုလို အနေအထား ကို ရောက်လာတာပါ ဆိုရင်လည်း မှားမည် မထင်ပါဘူး သမ္မတကြီး ခင်ဗျာ ။ မင်္ဂလာဆိုတဲ့ စကားလုံးရဲ့ အနက်အဓိပ္ပာယ်ကို ဗုဒ္ဓဘာသာဝင် မြန်မာနိူင်ငံ သား တစ်ယောက် ဖြစ်တဲ့ သမ္မတကြီး က ကျနော့်ထက် ပိုမို နားလည်လိမ့်မယ်လို့ ကျနော် ထင်ထားပါတယ်.။ သို့ပေသော်ငြား လိုက်နာ ကျင့်ကြံဖို့ အားနည်းနေတယ်ထင်လို့ စေတနာရှေ့ထားကာ ကျနော် လေးစားစွာ အကြံပြုတင်ပြချင်ပါတယ်... ။
လက်ရှိ အနေအထားအမှာ သမ္မတကြီးဆိုတဲ့ ရာထူးကို ဆုပ်ကိုင်ထားတဲ့ သူ တစ်ယောက် အနေနဲ့ တိုင်းပြည်ကို တကယ်ချစ်ပါသလား ၊ တိုင်းပြည် ကို တကယ် တိုးတက်ထွန်းကားစေလိုပါသလား လို့ ပထမဦးစွာ ကိုယ်တိုင်ဘဲ ဖြေကြားစေလိုပါတယ် ။ အကယ်၍များ တိုင်းပြည်ကို တကယ်ချစ်ခဲ့ရင် ကျနော်တို့ တိုင်းပြည်ရဲ့ အနာဂတ်ကမ္ဘာမှာ ပြည်သူလူထု ဒုက္ခကြီးစွာ မခံစားရအောင် ကြံဆောင် လုပ်ဆောင်ပေးဖို့ အတွက်သမ္မတကြီး ကြိုးစားလုပ်ဆောင်စေလိုတဲ့ အချက်လေးများကို ကျနော် တင်ပြပါရစေ........။
မြန်မာပြည်က ပြည်သူလူထု ဆင်းရဲ ဒုက္ခကြီးစွာရောက် လို့ ကံကြမ္မာဆိုး အမျိုးမျိုးနဲ့ရင်ဆိုင်နေရတာ သမ္မတကြီး သိပါတယ် ဆိုတာ သမ္မတကြီးက မိန့်ခွန်းများက ဖော်ပြနေပါတယ် ။ ကျနော်တို့ တိုင်းပြည်ဟာ နိူင်ငံတကာ အလယ်မှာ မျက်နှာငယ်နေကြရတာလည်း သမ္မတကြီး အသိဆုံးပါဘဲ........ ။ နဂိုကမှ ယိမ်းယိုင်နေတဲ့ ကျနော်တို့ တိုင်းပြည်ကြီးမှာ ပြည်တွင်းစစ်ကြီး ဖြစ်ပွားအောင် ဖန်တီးထားလို့ မကြာခင် ဗုန်းဗုန်းလဲတော့ပါမယ် ခင်ဗျာ... ။ ဒီစစ်ပွဲတွေ ဘယ်က စတင်လာတယ်ဆိုတာ သမ္မတကြီး အသိဆုံးပါဘဲ ။ ဒါကြောင့် ပြဿနာတွေရဲ့ ရင်းမြစ်မူလကို သိနေမှတော့ ဖြေရှင်းရတာ သိပ်မခက်လောက်ပါဘူးဗျာ..... ။ စိတ်ထားမှန်ဖို့ကသာ အဓိပါ ဆိုတဲ့ စကားလေးကို သေချာစွာ တွေးပြီး အမြန်ဆုံး ရပ်တန့်နိူင်အောင် ကြိုးစားစေလိုပါတယ် ။
ဒီနေရာမှာ သမ္မတကြီးတို့ ဘက်က ငါတို့က နိူင်ငံခြား ၀င်ငွေရှာဖို့ အတွက် ကြိုးစားတာကို မင်းတို့က အပြစ်မြင်တာလို့ ပြောမှာ အသေအချာပါဘဲ ။
ဥပမာ ဆိုကြပါစို့ သမ္မတကြီး အိမ်မှာ အထွဋ်အမြတ် ထားတဲ့ အခန်းလေးတွေကို တည်းခိုခန်း ဖွင့်စားရင် အပိုဝင်ငွေရတာပေါ့လို့ ကျနော်က သမ္မတကြီးကို ပြောလာခဲ့ရင် သမ္မတကြီး ဘယ်လို ခံစားရမလည်း ။ မင်းကွာ ကြံကြံဖန်ဖန် တွေးတတ်တယ် ငွေရတာ မှန်ပေမယ့် ငါ့အိမ် ကျက်သရေယုတ်ပါတယ်လို့ ပြန်ဖြေမှာ အမှန်ပါဘဲ ။ အခုလည်း ဒီလိုပါဘဲ ခင်ဗျာ ။ သမ္မတကြီး မိသားစုနဲ့ သက်ဆိုင်တဲ့ နေရာလေးမှာတောင်ငွေကြေးနဲ့ မလဲနိူင်တဲ့ အရာတွေ ရှိနေခဲ့ရင် တနိူင်ငံလုံးနဲ့သက်ဆိုင်တဲ့ အရာ တခုဆို ပိုဆိုးတာပေါ့လို့ ကျနော်က ဥပမာပေးခဲ့ရင် ရိုင်းတယ်လို့ မယူဆပါနဲ့ ။ တထွာပြရင် တလံလောက် မြင်တတ်လို့ သမ္မတကြီး ရာထူးရလာခဲ့ပြီးမှ စေ့စေ့တွေးမှ ရေးရေးပေါ် ဆိုရင်တော့ သိပ်မဟန်သေးဘူးလို့ ယူဆမိတာပါဘဲ ။
ကျနော်တို့ တိုင်းပြည်ရဲ့ မြေပေါ် မြေအောက် သယံဇာတ မှန်သမျှကို ယခင် အစိုးရက လက်ညိုးထိုး ရောင်းစားလို့ ကုန်သလောက် နီးပါး ရှိသွားတဲ့ အခါ သဘာဝ အရင်းအမြစ်တွေကို ပါ ယခု အစိုးရ အသစ်က ဆက်လက် ရောင်းချပြီး စီးပွားရှာနေရုံမျှနဲ့တော့ တိုင်းပြည် တိုးတက် ထွန်းကားဖို့ မလွယ်ပါဘူး ။ သယံဇာတမှ တပါး ထုတ်ကုန်ဆိုတာ နတ္တိဖြစ်နေတဲ့ ကျနော်တို့ တိုင်းပြည် ပြန်လည် ထူထောင်ရေး အတွက် နိူင်ငံတကာ အကူအညီဆိုတာ အရမ်းကို လိုအပ်နေတဲ့ အချိန်ပါ ။ နိူင်ငံတကာကလည်း စစ်မှန်တဲ့ အပြောင်းအလဲ လုပ်ပြခဲ့ရင် အကူအညီပေးပါ့မယ်လို့ ဂတိတွေ ပြုထားကြတာ သတင်းများအရ ကျနော် ကြားသိခဲ့ရပါတယ် ။
သူတို့တွေ တောင်းဆိုတဲ့ အချက်ကို သမ္မတကြီး ဘာကြောင့် လိုက်လျောဖို့ နောက်တွန့်နေရတာလည်း ။ သမ္မတကြီး ဦးဆောင်တဲ့ အစိုးရက စစ်မှန်တဲ့ ဒီမိုကရေစီ စနစ်ကို ဖော်ဆောင်နေတာ အမှန်ပါ ဆိုရင် ဒီမိုကရေစီ နိူင်ငံ တည်ဆောက်ဖို့အတွက် အသက်သွေးချွေးတွေ ပေးဆပ်ကာ စတေးခံခဲ့ကြတဲ့ ပြည်သူလူထုရဲ့ သူရဲကောင်းတွေကို ဘာကြောင့် ဆက်လက် ချုပ်နှောင်ထားချင်ရတာလည်း ။ သူတို့တွေ ပြင်ပကမ္ဘာကို ရောက်သွားတဲ့ အခါ ငါတို့ကို တုန့်ပြန်မှာ စိုးတယ် ဆိုတဲ့ အတွေးတွေ သမ္မတကြီးမှာ ၀င်နေပုံထောက်တော့ သမ္မတကြီး စိတ်သဏ္ဍန်မှာ အမှန်တရားရဲ့ ခွန်အား နည်းပါးနေသေးသလို မဟုတ်တာတွေ ဆက်လုပ်ဖို့ ကြံစည်နေတာ ဖြစ်မယ်လို့ မြတ်ဗုဒ္ဓရဲ့ တရားတော်များ အရ ကျနော် ခန့်မှန်းမိပါတယ် ။
အခုချိန်မှာ သမ္မတကြီးရဲ့ အစိုးရ အသစ်ကြီး ဖရိုဖရဲ နဲ့ ကပိုကရို ကပွဲတွေ ဆင်နေတာကို ကျနော်တို့ အနေနဲ့ မျက်ဝါးထင်ထင် တွေ့မြင်ရနေသလို သမ္မတကြီးကိုယ်တိုင်လည်း အသိဆုံး ဖြစ်ပါမှာ ။ တကယ်တော့ သမ္မတကြီးနဲ့ လက်ရှိ် အုပ်ချုပ်သူ ရာထူးကို ယူထားကြသူများဟာ သူတို့လုပ်ဆောင်ရမည့် တာဝန်ဝတ္တရားများကို လုံးဝ ရင်းနှီးကျွမ်းဝင်မှု မရှိဘူး ဆိုတာ မြန်မာနိူင်ငံ ပကတိ အနေအထားက ဖော်ပြနေလို့ လေးနက်စွာ စဉ်းစားဆင်ခြင်စေလိုပါတယ် ။ အဲဒီနောက်ဆက်တွဲ ပြဿနာရဲ့ ဆိုးကျိုးမှန်သမျှကိုတော့ သမ္မတကြီးနဲ့ အဖွဲ့လေးတွေသာ မက တနိူင်ငံလုံးက ပြည်သူလူထုပါ ခံစားရမှာ ဖြစ်လို့ အတတ်နိူင်ဆုံး ပြုပြင်ပြောင်းလဲရေး လုပ်စေလိုပါတယ် ။
ကိုယ်တိုင် မလုပ်နိူင်လို့ အကြံပေးတွေ ခေါ်ထားပြီး ငါတို့ ရှေ့ဆက်သွားမယ် လို့ သမ္မတကြီးရဲ့ စိတ်ကူးလေးက မဆိုးပါဘူး ။ ဒါပေမယ့် လူရွေးတာ မှားသွားတယ်...။ ဆင်းရဲမွဲတေမှုကို တိုက်ဖျက်ဖို့ အတွက် သူတောင်းစားတွေ ဖမ်းပြီး ထောင်ထဲထည့်ထားလိုက်ပါ ဆိုတဲ့ နည်းလမ်းလောက်သာ ပေးတတ်တဲ့ လူအများက သမ္မတကြီးကို ရယ်စရာ ကောင်းတဲ့ ဆုံးဖြတ်ချက်တွေကို ချပေးနိူင်ဖို့ သွေးထိုးပေးကြပါလိမ့်မယ် ။ သူတို့တွေဟာ အခွင့်အရေး ဆိုတဲ့ စကားကို ကြားတာနဲ့ အသိဥာဏ်တွေ ဖောက်ပြားသွားလို့ သူတို့ အကြံပေးတာကို သမ္မတကြီး ဆက်လက် လုပ်ဆောင်နေရင် ကျနော်တို့ ပြည်သူလူထု အမြင်မှာသာ မက နိူင်ငံ တကာ အလယ့်မှာ အရှက်ကွဲတော့မှာ အသေအချာပါဘဲ ဆိုတာ မြေကြီး လက်ခက် မလွဲ ကျနော် ရဲဝင့်စွာ ပြောရဲပါတယ် ။
သမ္မတကြီး ဦးဆောင်တဲ့အစိုးရ တိုင်းပြည် ကောင်းစားရေးကို တကယ်လုပ်ဆောင်ချင်တဲ့ဆန္ဒ အမှန်သာ ရှိခဲ့ရင် နိူင်ငံရေး အကျဉ်းသားတွေကို
ချွင်းချက် မရှိ ပြန်လွှတ်ပေးသင့်ပါတယ် ။ ကမ္ဘာတလွှားက ပညာရှင်ပါလို့ တင်စားခေါ်ဝေါ်နေကြကာ ဆုတံဆိပ်တွေ အမျိုးမျိုး အပ်နှင်းခြင်းခံထားရတဲ့ ကောင်းကင်များရဲ့ လမင်း ၊ ပညာရှင်များရဲ့ မိခင် ၊ တိုင်းပြည်အတွက် အဖိုးမဖြတ်မနိူင်တဲ့ ရတနာ တပါးဖြစ်တဲ့ ဒေါ်အောင်ဆန်းစုကြည်နဲ့ တွေ့ဆုံဆွေးနွေးရေး အမြန်ဆုံးလုပ်သင့်ပါတယ် ။ သမ္မတကြီး ခေါ်ထားတဲ့ အကြံပေးပညာရှင်တွေ အားလုံးပေါင်းပြီး တသက်လုံး စဉ်းစားလို့ မရတဲ့ အဖြေများကို အမေစုက ခဏတာ အချိန်လေး အတွင်းမှာ အဖြေပေးနိူင်ပါတယ် ဆိုတာ မယုံရင် လက်တွေ့ကျကျ တွေ့ဆုံဆွေးနွေးလိုက်တာ အကောင်းဆုံးပါဘဲ ခင်ဗျာ ။
အတိတ်ကံကြောင့် အခုလို ရာထူးမျိုးကို ပိုင်ဆိုင်ခွင့်ရတဲ့ သမ္မတကြီး အနေနဲ့ ပစ္စပ္ပုန်မှာ ရေစုန်မျောလိုက်ရင် သမိုင်းမှာ အကြီးမားဆုံး တရားခံ စာရင်းထဲကို ရောက်ဖို့ တည်းတည်းလေးဘဲ ကျန်ပါတော့တယ်....။ သမ္မတကြီးလည်း ကျနော်တို့ အမျိုးသား ဖခင်ကြီး ဗိုလ်ချုပ်အောင်ဆန်း အကြောင်းတော့ ကျနော့်ထက် ပိုသိမှာပါ ။ သူတို့တွေဟာ ကိုယ်ကျိုး မဖက် တိုင်းပြည် အကျိုး အတွက် သယ်ပိုးဆောင်ရွက်ခဲ့ကြတာ တပါးသူကျွန်ဘ၀က လွတ်မြောက်ဖို့ ဆိုတာ အားလုံးသိပြီးသားပါ ။ အခုတော့ အဲဒီကျေးဇူးရှင်ကြီးများဟာ သူတို့စွန့်ပြီးဘာတခုမှ မစားသွားကြဘဲ နောက်လူများ စားသောက်ဖို့ ချန်ထားခဲ့တာကို အလွယ်တကူ စားသောက်နေရလို့ ယခင် အစိုးရက ကျေးဇူးတရားကို နားမလည်တဲ့ အပြင် သူတော်ကောင်းတွေရဲ့ မျက်နှာကို တံတွေးနဲ့ အကြိမ်ကြိမ် ထွေးခဲ့ကြသလို လုပ်ဆောင်ခဲ့တာကို တွေ့ရတော့ များစွာ ၀မ်းနည်းမိပါတယ်။
လွတ်လပ်ရေးရဲ့ ယဇ်ပလ္လင်ထက်မှာ အသက်သွေးချွေးပေါင်းများစွာ စတေးခဲ့သွားခဲ့ကြတဲ့ သူရဲကောင်းတွေက ကျနော်တို့ တပါးကျွန်ဘ၀မှ လွတ်မြောက်ဖို့ ကြိုးစားခဲ့ကြတာပါ ။ ယခင်အစိုးရက လက်ထက်က စတင်လာခဲ့တဲ့ တရုတ်ကျွန်ဘ၀ ပြန်ရောက်အောင် လုပ်ဆောင်နေတဲ့ စီမံကိန်းများကို လက်ရှိအစိုးရက ဆက်လက် အကောင်အထည်ဖော်နေကြဆဲ ဖြစ်လို့ သမ္မတကြီးတို့လည်း ထူးမခြားနားပါဘဲလို့ ပြည်သူလူထုက သုံးသပ်နေတာကို နားခံရသိပ်ခက်လှရင် ထူးခြားတဲ့ အပြောင်းအလဲကို ရဲရဲကြီးသာ ပြောင်းလဲလိုက်စမ်းပါ လို့ အကြံပေးပါရစေ .....။
သမ္မတကြီးထက် ရာထူးကြီးမားသူ လက်ရှိ အနေအထားမှာ မရှိပါဘူး ။ အမှန်နဲ့အမှား ဆိုတာ လက်ရှိ ပကတိ အနေအထားကို လက်တွေ့ကျကျ ရှုမြင်သုံးသပ်ကာ အမှန်တရားနောက်ကို လိုက်ပါမယ်လို့ စဉ်းစားထားရင် သမ္မတကြီး နောက်ကျောက ထောက်ထားတဲ့ ဒါးသွားတစ်ချောင်းကို ငဲ့ကြည့်မနေပါနဲ့ ။ တိုင်းပြည်အပေါ်ကို တကယ့်စိတ်ရင်းစေတနာကောင်းနဲ့ လုပ်ဆောင်မယ် ဆိုရင် သမ္မတကြီးရဲ့ ရှေ့မှ သန်းငါးဆယ်ကျော်သော ပြည်သူလူထုကြီးက လက်ခုပ်သြဘာတီးဖို့ အဆင်သင့်စောင့်စားနေကြပါတယ် ....။
သဘာဝ ကို လုပ်အား မထည့်နိူင်ရင် ထိုက်တန်တဲ့ တန်ဖိုးကို ရရှိဖို့ သိပ်ခက်လို့ လုပ်အားဆိုတာ ပေါင်းထည့်နိူင်အောင်ကြိုးစားကြရပါတယ် သမ္မတကြီး ။
သကြံန်အမြောက်ကြီးလို ကြွေးကြော်သံတွေ ရွတ်ပြနေလို့ တိုင်းပြည် တိုးတက်ထွန်းကားလာမှာ မဟုတ်တာ အသေအချာပါ ။ အဲဒီလို လုပ်အား ဆိုတာတောင် ပညာကို အခြေခံထားကာ အဆင်မြင့်နည်းပညာများပါ ပေါင်းစပ်နိူင်တဲ့ နိူင်ငံများကသာ ကမ္ဘာပေါ်မှာ ထင်ပေါ်ကျော်ကြားလာကြပါတယ်။
ဒါကြောင့်လည်း ကမ္ဘာမှာ ပညာသာ အဓိက ဆိုပြီး နိူင်ငံတကာက ခေတ်မှီနည်းပညာများနဲ့ အဆင့်မြင့် ပညာရေးများကို သင်ကြားပေးဖို့ ကြိုးစားနေကြချိန်မှာ ကျနော်တို့ နိူင်ငံက ကလေးတွေမှာ စာရေးစရာ ဗလာစာအုပ်တောင် မလောက်ငတာ အားလုံးအသိပါ ။ ကိုယ့်ပတ်ဝန်းကျင်မှာ ဒီလို ကလေးငယ်တွေ များလာလို့ ကရုဏာသက်သူများက စေတနာများဖြင့် ကိုယ်ထူကိုယ်ထ လုပ်အားပေးကာ လူမှုရေး လုပ်ငန်းလေးတွေ လုပ်ဆောင်ကြတော့လည်း သမ္မတကြီးရဲ့ အစိုရ အသစ်ကြီးက လိုက်လံ နှောက်ယှက်ကြပြန်တယ် ။ ဒီလို အနေအထားကို သိသိကြီးနဲ့ တိုင်းပြည်တိုးတက်ထွန်းကားအောင် ဆောင်ရွက်နေပါတယ် ဆိုတာ ကျနော်တို့ ဘယ်လို အသိဥာဏ်မျိုးနဲ့ လက်ခံပေးရမှာလည်း ဗျာ ။
ကမ္ဘာမှာ ဘွဲ့ရပြီး အိမ်ဖော် အလုပ်ကို လုပ်နေကြရတာ မြန်မာနိူင်ငံသားဘဲ ရှိပါတော့တယ် သမ္မတကြီး ။ အဲဒီဘွဲ့ရပညာတတ်တွေကို နည်းနည်းလေးသာ မွမ်းမံပြင်ဆင်ပေးနိူင်ခဲ့ရင် သူတို့တွေ အကျိုးစီးပွား ဖြစ်ထွန်းသလို တိုင်းပြည်အတွက်လည်း အင်မတန် အကျိုးစီးပွားရရှိစေလို့ ဥပမာလေးနဲ့ တင်ပြပါရစေ ။ အိမ်ဖော်တစ်ယောက်ရဲ့ လစာက စကာင်္ပူမှာ ဆို ဒေါ်လာ 450 မကျော်ပါဘူး ။ အကယ်၍များ သူဟာ သူသင်ထားတဲ့ ပညာနဲ့ အသက်မွေးဝမ်းကြောင်း ပြုနိူင်ခဲ့ရင် အဲဒီထက် လေးဆလောက် ရနိူင်ပါတယ် ။ သူ့ဝင်ငွေတွေက မြန်မာနိူင်ငံထဲကို ပြန်လည် စီးဝင်လာလို့ တိုင်းပြည်အတွက်လည်း အကျိုးရှိသလို သူ့ရဲ့ ဘ၀ရပ်တည်ချက် အတွက်လည်း ပိုမို ကောင်းမွန်မှာ အမှန်ပါဘဲ ဆိုတာ သမ္မတကြီးတွေးကြည့်ရင်တောင် သိသာလွန်းလှပါတယ် ။
နောက်တချက်က စကာင်္ပူဆိုတဲ့ ပွဲစားနိူင်ငံက လူတွေ မြန်မာနိူင်ငံက ပညာရှင်များကို အသုံးချကာ ကြီးပွားနေကြပုံလေး တခုကို သမ္မတကြီးကို တင်ပြချင်ပါသေးတယ် ။ မြန်မာနိူင်ငံက အင်ဂျင်နီယာ ဘွဲ့ရ တစ်ယောက် စကာင်္ပူမှာ အလုပ်လုပ်တဲ့ အခါ ဒေါ်လာ 1800 လောက် ပေးလေ့ ရှိပါတယ် ။
အဲဒီ လူကို ကုမ္ပဏီက သင်တန်းလေး သုံးလလောက် အလုပ်နဲ တွဲပြီး သင်ပေးပြီးတဲ့ အခါ တနာရီကို 75 ဒေါ်လာနဲ့ အခြား ကုမ္ပဏီတွေကို ဌားစားကြတယ် ။ အဲဒီလူကိုဘဲ မြန်မာနိူင်ငံသို့ ပညာရှင် အဖြစ် ပြန်လည် စေလွှတ်လိုက်တဲ့အခါ ကျနော်တို့ တိုင်းပြည် အတွက် မိအေး နှစ်ခါနာဆိုသလို ဖြစ်ကြရပြန်တယ် ။လုပ်အားဆုံးရှုံးရုံသာ မက ကိုယ့်တိုင်းပြည်က ငွေကြေးပါ အဆစ်ပေးလိုက်ရတယ် ။ ဒီလို အဖြစ်အပျက်တွေ အများကြီးတွေ့ခဲ့ရလို့ များစွာ ၀မ်းနည်းခဲ့ရပါတယ် ။
မြန်မာနိူင်ငံက ပညာတတ်တော်တော်များများ တိုင်းတပါးကို ထွက်ခွါ အလုပ်လုပ်ကိုင်ကြတာ တိုင်းပြည်ကို မချစ်လို့ပါ ဆိုပြီး လူတချို့က လက်ညိုးထိုးကာ စွပ်စွဲနေကြတယ် ခင်ဗျာ ။ တကယ်တော့ အဲဒီပညာတတ်တွေ သူတို့သင်ယူတတ်မြောက်ထားတဲ့ ပညာများနဲ့ လွတ်လပ်စွာ အသက်မွေးဝမ်းကြောင်းခွင့် မရကြသလို ထိုက်တန်တဲ့ အခွင့်အရေး ဆိုတာလည်း ဖန်တီးပေးဖို့ ဘယ်သူမှ မစဉ်းစားကြဘဲ ပြစ်တင်ပြောဆိုနေရုံမျှနဲ့တော့ ဘယ်လိုနည်းနဲ့မျှ တားဆီးနိူင်မှာ မဟုတ်ပါဘူး ။ ကိုယ့်တိုင်းပြည်က လုပ်အားကို သူတပါးတိုင်းပြည်ကို အလကားပေးလိုက်ကြမယ့် အစား ကိုယ့်ပြည်တွင်းမှာ အလုပ်လုပ်ပိုင်ခွင့်တွေ ရရှိအောင် ဖန်တီးပေးနိူင်ဖို့ အတွက် သမ္မတကြီးတို့ အဖွဲ့ ပြင်ဆင်တာ တခုမှ မတွေ့ရသေးလို့ အမြန်ဆုံး ကြိုးစားဆောင်ရွက်စေလိုပါတယ် ။
သမ္မတကြီး ခင်ဗျာ မြန်မာနိူင်ငံရဲ့ အိမ်နီးချင်း နိူင်ငံ အများစုက ကျနော်တို့ တိုင်းပြည်က ခေါင်းဆောင်တွေ ပညာအရည်အချင်း နည်းပါးကြလို့ ရည်ရှည် အကျိုးစီးပွားကို ထည့်သွင်း မစဉ်းစားဘဲ တိုင်းပြည် သယံဇာတကို အလွယ်တကူ လက်ညိုးထောင်းပြီး ရောင်းချတာကို သိပ်ကို သဘောကျနေလို့ သမ္မတကြီးတို့ လုပ်သမျှ အမှန်ပါလို့ ထောက်ခံပေးထားကြပါလိမ့်မယ် ။ အဲဒါတွေကို အဟုတ်မှတ်ပြီး ငါတို့အတွက် အဆွေခင်ပွန်းကောင်းပါလို့ သတ်မှတ်ထားကာ ဆက်လက် ယုံစားထားကြရင်တော့ ရှေ့ဆက်ရမည့် အနာဂတ်ခရီးမှာ ပြည်သူလူထုရဲ့ ဘ၀များဟာ ဒုက္ခပင်လယ် ဝေနေကြအုံးမှာ အမှန်ပါဘဲ ။
တိုင်းပြည်ကို စစ်မှန်တဲ့ တိုးတက်ထွန်းကားစေလိုတဲ့ ဆန္ဒများနဲ့ တကယ် လုပ်ဆောင်ချင်တာ မှန်ခဲ့ရင် ပြုပြင်စရာ တွေကတော့ အများကြီးပါဘဲ ။ အိမ်တလုံး တည်ဆောက်ဖို့ အတွက် အုတ်မြစ်ချ တိုင်ထောင်ပြီးမှ ခေါင်မိုး မိုးလို့ ရမှာပါ ။ အဲဒီလိုပါဘဲ တိုင်းပြည် ပြန်လည် ထူထောင်ရေး လုပ်တဲ့ နေရာမှာလည်း အခြေခံ အကျဆုံး လုပ်ငန်းများကို လုပ်ဆောင်မှ ဖြစ်မှာပါ ။ အုတ်မြစ်မချ ၊ အိမ်တိုင် မထောင်ဘဲ အမိုးကို အရင်မိုးဖို့ ကြိုးစားနေကြလို့ ဘယ်သောအခါမှ အိမ်ဆောက်လို့ ရမှာ မဟုတ်သလို အခုလက်ရှိ အနေအထားမှာ သမ္မတကြီးရဲ့ အစိုးရ အသစ်ကလည်း ခေါင်မိုးအရင်မိုးစမိုးကြတာ ပေါ့ ဆိုတဲ့ ၀ါဒကို လက်ကိုင်ထားသမျှတော့ တိုင်းပြည်ကလည်း ဘယ်တော့မှ တိုးတက်ထွန်းကားလာမှာ မဟုတ်ပါဘူး ခင်ဗျာ ။
ဒီလိုမှ မဟုတ်ဘဲ သမ္မတကြီးတို့ အနေနဲ့ ငါသာလျှင် အဓိက ၊ ငါသာလျှင် ပဓာန ၊ ငါသာလျှင် ပညာရှိ ၊ ငါသိ ငါတတ် အစရှိတဲ့ ငါဆိုတဲ့ အတ္တကို ကိုင်စွဲပြီး ယခုပုံအတိုင်း ချီတက်ကြရင်တော့ မြန်မာပြည်ဆိုတာ မကြာခင် ဗုန်းဗုန်းလဲကာ တိုင်းတပါး လက်အောက်ကို ပြန်လည် ရောက်ရှိ၍ လွတ်လပ်မှုတို့ ပျောက်ဆုံးကာ လူဖြစ်ရှုံးရတဲ့ ဘ၀များကို ခံစားကြရ ပါလိမ့်အုံးမယ် ။ တချိန်က အာဇာနည်တွေ အသက်ပေးဆပ်ခဲ့ရတဲ့ လွတ်လပ်ရေးကို အခုလို အလွယ်တကူ အဆုံးရှုံးခံလိုက်ကြရင် သမိုင်းမှာ ကျနော်တို့ ဟာ တရားခံ အဖြစ် အလိုတူ အလိုပါ ဖြစ်သွားမှာ အမှန်ပါဘဲ ။ ဒါကြောင့် တိုင်းတပါး ကျွန်အောက် အဖြစ် ၀င်ရောက် ရမယ့် အချိန်များကို ဒူးထောက်ပြီး စောင့်စားနေမယ့် အစား တော်လှန်ရေး လုပ်ကာ ပြုပြင်ပြောင်းလဲရေးများကို ပြည်သူလူထု က လုပ်ဆောင်လာကြ ပါလိမ့်မယ် ။
ဒါကြောင့် သမ္မတကြီး အနေနဲ့ ဆုံးဖြတ်ချက် တခုကို ခိုင်ခိုင်မာမာချပြီး လုပ်စရာ ရှိတာကို ရဲဝင့်စွာ ဆောင်ရွက်နိူင်မှ ကျနော်တို့ တိုင်းပြည် အမြန်ဆုံး ပြန်လည် ထူထောင်နိူင်မှာ ဖြစ်လို့ အစွမ်းကုန် ကြိုးစားဆောင်ရွက်စေချင်ပါတယ် ။ အချိန်တုံ့ဆိုင်းခြင်း မရှိဘဲ သမ္မတကြီးရဲ့ အစိုးရ အသစ်အနေနဲ့ ပထမဆုံး လုပ်ဆောင်သင့်တဲ့ အခြေခံ အုတ်မြစ် အဖြစ် နိူင်ငံရေး အကျဉ်းသားများကို ချွင်းချက် မရှိ အမြန်ဆုံး ပြန်လွှတ်ပေးကာ မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဆွေးနွေးရေးကို ကြိုးစား ဆောင်ရွက်လိုက်တာဟာ အကောင်းဆုံးပါလို့ အကြံပြုတင်ပြရင်းလေးစားစွာ တိုက်တွန်း နိူးဆော်လိုက်ရပါတယ် ခင်ဗျာ ။
ခင်မင်လေးစားလျှက်
ဗမာ့သွေး
သတင်းအကျဉ်းချုပ် ...
