ရန်ကုန်တိုင်းရဲမှူး ရဲမှူးကြီးဝင်းနိုင်နေရာတွင် ရဲမှူးကြီးအောင်နိုင်သူ တာဝန်ယူပြီးနောက် တိုင်းအတွင်း တရားမဝင်လုပ်ငန်းများမှ ဆက်ကြေးကောက်ယူမှုပုံစံ ပြောင်းလဲလာကြောင်း ပုံမှန် ဆက်ကြေးပေးနေရသူများက ပြောသည်။
ဗဟန်းမြို့နယ်မှ ဘောလုံးပွဲ လောင်းကစားဒိုင်တဦးက ၎င်းအနေဖြင့် ရန်ကုန်တိုင်းရဲတပ်ဖွဲ့မှူးရုံးကို နဂိုက တလကျပ် (၂) သိန်းပေးနေရရာမှ ယခုရဲမှူးကြီးအသစ်ပြောင်းလာပြီးနောက် ကျပ် (၃) သိန်း တောင်းခံလာကြောင်း ပြောသည်။
ဒဂုံမြို့နယ်၌ အနှိပ်ခန်းဖွင့်လှစ်ထားသူတဦးက “ကျနော်တို့က ရန်ကုန်တိုင်း ရဲတပ်ဖွဲ့မှူးရုံးကို တလ ပုံမှန် (၆) သိန်းလောက် ပေးရတယ်။ အခု ရဲမှူးကြီးအသစ်ပြောင်းတော့ ဈေးနှုန်းလည်း ပြောင်းမယ် ပြောတယ်။ နောက် အနှိပ်ခန်းနဲ့ ပြည့်တန်ဆာကိစ္စ ရောလုပ်တဲ့လုပ်ငန်းတွေကိုတော့ လောလောဆယ် ပြည့်တန်ဆာကိစ္စတွေ နားထားဖို့ ညွှန်ကြားထားတယ်။ ကျနော်တို့ကတော့ ရိုးရိုးအနှိပ်ခန်းပဲဆိုတော့ ကိစ္စမရှိဘူး။ ဆက်လုပ်ပါလို့ ပြောထားတယ်” ဟု ရှင်းပြသည်။
- ရာထူးမှ ဖယ်ရှားခံနိုင်ရသည် ဟု သတင်းထွက်ပေါ်နေသော ရဲတပ်ဖွဲ့ ရဲချုပ် ခင်ရီ
ပန်းပဲတန်းမြို့နယ်ရှိ လမ်းဘေးတွင် တရားမဝင် ဗီစီဒီ၊ ဒီဗွီဒီ ရောင်းချသူတဦးကလည်း ၎င်းအနေဖြင့် ဌာနဆိုင်ရာ စုစုပေါင်း (၁၁) ဦးခန့်ကို လစဉ်ဆက်ကြေးပေးရကြောင်း၊ ရန်ကုန်တိုင်းရဲတပ်ဖွဲ့မှူးရုံးမှ တလကို ကျပ် (၂,ဝဝဝ) ကောက်ကြောင်း၊ ယခု ရဲမှူးကြီးပြောင်း၍ ဆက်ကြေးပမာဏ တိုးမည်ပြောဆိုသော်လည်း ပမာဏ မည်မျှတိုးမည်ဆိုသည်ကို မသိသေးကြောင်း ပြောသည်။
ရန်ကုန်တိုင်း ရဲတပ်ဖွဲ့မှူးရုံးအပါအဝင် သက်ဆိုင်ရာ ရဲတပ်ဖွဲ့များ၊ ရဲသတင်းတပ်ဖွဲ့များ၊ စရဖများပါအဝင် အာဏာပိုင်အဖွဲ့အစည်း အသီးသီးသည် ရန်ကုန်တိုင်းအတွင်းရှိ တရားမဝင်လုပ်ငန်းများမှ ဆက်ကြေးကောက်ခံနေကြခြင်းဖြစ်သည်။
ရန်ကုန်တိုင်းအတွင်းရှိ အနှိပ်ခန်း၊ ပြည့်တန်ဆာရုံ၊ နိုက်ကလပ်၊ ကာရာအိုကေဘား၊ ဟိုတယ်များ၊ တည်းခိုခန်းများ၊ ဘောလုံးပွဲလောင်းကစားဒိုင်၊ ချဲထီဒိုင်၊ ဗီစီဒီ၊ ဒီဗွီဒီ ရောင်းချသူများ၊ ပုံနှိပ်လုပ်ငန်းရှင်များ စသဖြင့် ဥပဒေနှင့် ငြိစွန်းပြီး စီးပွားရှာနေသူများထံမှ ပုံမှန်ဆက်ကြေးကောက်ခံလေ့ ရှိကြသည်။
ဆက်ကြေးကောက်သည့် အဖွဲ့များအနက် ရန်ကုန်တိုင်းရဲတပ်ဖွဲ့မှူးရုံးသို့ ပေးရသည့် ဆက်ကြေးငွေမှာ အမြင့်ဆုံးဖြစ်ပြီး ရန်ကုန်တိုင်းရဲမှူးကြီး ဝင်းနိုင်သည်လည်း မြို့နယ်ရဲမှူးတို့၏ ကတော်များမှတဆင့် လာဘ်ငွေယူသည်ဆိုသည့် စွပ်စွဲချက်ဖြင့် ထောင်ဒဏ်(၃) နှစ် ကျခံသွားရခြင်းဖြစ်သည်။
၎င်းနေရာကို ရဲမှူးကြီးအောင်နိုင်သူ တာဝန်ဆက်ယူပြီးနောက် ယခုကဲ့သို့ ဆက်ကြေးပမာဏ အပြောင်းအလဲသတင်းများ ထွက်ပေါ်လာခြင်းဖြစ်သည်။
သတင်းအကျဉ်းချုပ် ...
သံဃာတော်တပါးမှ ထောင်တွင်းမတရားနှိပ်စက်ခံရပုံကို ဖွင့်ဟပြောဆိုထားပါတယ်။
သတင်းအကျဉ်းချုပ် ...
source။ ။http://www.youtube.com/user/thadarmay
၁၉၈၈ ခုနှစ် ဒီမိုကရေစီရရှိရေး လူထုလှုပ်ရှားမှုကြီးကို မြန်မာ့ တပ်မတော်က အကြမ်းဖက် ပစ်ခတ် ဖြိုခွင်းခဲ့သောကြောင့် ဆန္ဒပြသူများ ထောင်နှင့်ချီ၍ သေဆုံးခဲ့ရသူ ရှိခဲ့သည်။
ထိုစဉ်က ဖြစ်ရပ်တချို့နှင့် ပတ်သက်သည့် ဓာတ်ပုံမှတ်တမ်းများထဲတွင် အာဏာသိမ်းပြီး နောက်တနေ့ ဖြစ်သော စက်တင်ဘာ ၁၉ ရက်နေ့ ပစ်ခတ်မှုများကြောင့် သေဆုံးခဲ့သူ ဆန္ဒပြကျောင်းသူ မ၀င်းမော်ဦး၏ ဓာတ်ပုံမှာ အထင်ရှားဆုံး ဓာတ်ပုံများထဲတွင် ပါဝင်သည်။
စစ်အာဏာသိမ်းခဲ့သည့် ၁၉၈၈ ခုနှစ် စက်တင်ဘာလ ၁၈ ရက်နေ့က သေနတ်မှန်ထားသော မဝင်းမော်ဦးကို သယ်ယူပြေးလွှားနေသည့် ဒေါက်တာ စောလွင်နှင့် ဒေါက်တာ မင်းသိန်း
မေး ။ ။ မ၀င်းမော်ဦးအတွက် နှစ်ပတ်လည် ဆွမ်းကပ်တယ်လို့ သိရပါတယ်။ အေးအေးချမ်းချမ်း လုပ်ခွင့် ရခဲ့ပါသလား။
ဖြေ ။ ။ ကောင်းကောင်းမွန်မွန်တော့ လုပ်ခွင့်ရပါတယ်။ သူတို့ အဖွဲ့အစည်း ဘာညာတော့ ဘေးပတ်ဝန်းကျင်မှာ ရှိတော့ရှိတာပေါ့။ ဒါပေမယ့်လို့ သူတို့ဘာသာ သူတို့ နေကြတာပါ။ နှောင့်ယှက်တာ ဘာညာတော့ မရှိဘူးပေါ့။ နှစ်တိုင်းနှစ်တိုင်း ကျနော်တို့ လုပ်ခဲ့တဲ့အခါမှာလည်း ဘာပြဿနာမှ မရှိခဲ့ပါဘူး။ မရှိဘူး ဆိုတာကလည်း ကိုယ့်ဆီလာတဲ့ မိတ်ဆွေ အပေါင်းအသင်းတွေကလည်း သမီးကို ဂုဏ်ပြုတဲ့ အနေနဲ့ လာလာပြီးတော့ ဒီလိုပဲ ငြိမ်းငြိမ်းချမ်းချမ်း ပြောကြ ဆိုကြတာလေ။
မေး ။ ။ နှစ်တိုင်း ဆွမ်းကပ်ပေမယ့် မ၀င်းမော်ဦး မှာခဲ့တဲ့ စကားတခွန်းကြောင့် ဦးတို့ အခုချိန်ထိ သူ့အတွက် အမျှမဝေဘူး ဆိုတာ သိရပါတယ်ရှင့်။
ဖြေ ။ ။ ဟုတ်ပါတယ်။ အဲဒီတုန်းက သမီးက ဗိုလ်ချုပ်ပုံလေး ကိုင်ပြီးတော့ ဒူးလေး ထောက်နေတော့ သူငယ်ချင်းတွေက ၀ပ်ခိုင်းတာမှာ သမီးက ပြောတယ် တဲ့၊ ငါ မ၀ပ်ဘူး၊ မ၀ပ်ဘူး။ ငါတို့ ဒီမိုကရေစီ မရမချင်း၊ ငါတို့ တခုခု ဖြစ်သွားသည့် တိုင်အောင်တောင်မှ ငါတို့ နာမည်ခေါ်ပြီး အမျှမဝေပါနဲ့ဦး ငါတို့ ဆက်ပြီးတော့ တိုက်ပွဲဝင်နေဦးမယ် တဲ့၊ အဲဒီလို ပြောခဲ့တယ် တဲ့၊ အဲဒီလိုပဲ သူ့သူငယ်ချင်းတွေ ဆီကနေ ကျနော်တို့က ကြားခဲ့ရတယ်။ ကျနော်တို့ မိဘတွေ အနေနဲ့ သူတို့ တောင်းထားတဲ့ဟာ မရမချင်း၊ နောက် သူ့ဆန္ဒအရ ယနေ့အထိ ၂၁ နှစ် အထိတိုင်ကို သူ့နာမည် ခေါ်ပြီးတော့လည်း ကျနော် လုံးဝ သူ့အတွက် အမျှ မဝေဖူးသေးပါဘူး။ သူတို့ တောင့်တတဲ့ အနေအထား ရလာပြီ ဆိုမှသာလျှင် သူ့အတွက် သူ့နာမည်ကို အားရပါးရကြီး ခေါ်ပြီးတော့ ကျနော် အမျှဝေမယ်လို့ ဆုံးဖြတ်ထားပါတယ်။
မေး ။ ။ လွန်ခဲ့တဲ့ ၂၁ နှစ်က အဖြစ်အပျက်လေးကို ဦးမှတ်မိသလောက် ပြောပြပေးပါရှင်။
ဖြေ ။ ။ အဲဒါတွေက ဘယ်တော့မှ မမေ့ပါဘူး။ သူက မဟုတ်မခံစိတ် ရှိတယ်။ အဲဒီနေ့တုန်းက မနက်ပိုင်းက သူ့ကို ကျနော်တို့ မိဘတွေကလည်း တားတာပေါ့။ အဘိုးတွေ အဘွားတွေကလည်း တားတယ်။ သမီး ဒီနေ့က သိပ် အခြေအနေ ကောင်းမှာ မဟုတ်ဘူး၊ မသွားရင် ကောင်းမယ် ဆိုတော့ သူက ဘိုးဘိုးကြီး တဲ့ သမီးတို့က ကျောင်းမှာ ဆိုလို့ရှိရင် အမာခံတောင် မဟုတ်ဘူး တဲ့လေ၊ အသေခံပါ တဲ့။ အဲဒီတော့ သမီးတို့ မသွားလို့ မရဘူး၊ နောက်တော့လည်း သူက လူကြီးဖြစ်နေတဲ့ အတွက် မသွားလို့ မဖြစ်ဘူး။ သမီး သွားရမယ် တဲ့။ သွားရင်လည်း သမီး မျက်နှာပြရုံတင်ပါပဲ တဲ့။ ပြီးရင် သမီး ပြန်လာမယ် ဆိုပြီးတော့ ကျောင်းရောက်သွားတဲ့ အခါကျတော့ သူငယ်ချင်း အပေါင်းအသင်းတွေနဲ့ တွေ့တော့ ပြောကြ ဆိုကြရင်းနဲ့ သူလည်း စိတ်ဝင်စားပြီးတော့ ပါသွားတယ်ပေါ့။
ပါသွားတော့ အဲဒီအချိန်မှာ သူက ဗိုလ်ချုပ်ပုံ ကိုင်ထားတယ်။ အဲဒါနဲ့ သူပါသွားပြီး ချီတက်သွားကြတော့ အဲဒီက အပြန်၊ အပြန်မှာ မဟာဗန္ဓုလလမ်းအတိုင်း သူတို့ ၀င်တယ်။ ၀င်ပြီးတော့ ဘုရားလမ်းကျတော့ ပြန်ဆင်းတယ်။ ကုန်သည်လမ်းကနေ ပြန်ပတ်တဲ့အခါ အဲဒီ ထောင့်နားမှာ မီးပွိုင့်ရှိတယ်။ အဲဒီနားမှာ သူတို့ အပစ်ခံရတာ။
ပထမ သူတို့ စပစ်တဲ့ အချိန်တုန်းက အောက်ပိုင်းကို သူတို့ ပစ်တာပေါ့၊ ဒူးအောက်ပိုင်းကို သူတို့ ပစ်တာ။ အဲဒီမှာ သူက ဘယ်ခြေသလုံးကို အရင် ထိတယ်။ ပြီးတော့ နောက်တခါ ထပ်အပစ်မှာ ဘယ်ပေါင်ကိုပဲ ထပ်ထိတယ်။ ဒူးကိုထိတော့ သူက ဓာတ်ပုံနဲ့ ကိုင်ပြီးတော့ ခွေကျသွားတယ်။
သမီးနဲ့ အတူတူ ချီတက်တဲ့ ကလေးတွေက ပြောပြတယ်။ သူခွေကျသွားတော့ သူ့ဘေးနားက သူငယ်ချင်းက “ဟဲ့ ၀င်းမော်ဦး ၀ပ်၊ ၀င်းမော်ဦး ၀ပ်” ဆိုတော့ သူက ဗိုလ်ချုပ်ပုံ ကိုင်ထားတဲ့ အတွက် ငါ ၀ပ်လိုက်လို့ရှိရင် ဗိုလ်ချုပ်ပုံ ကျမယ်။ အဲဒီတော့ ဒို့အဖွဲ့ပါ ကျမယ် ဆိုပြီးတော့ သူက မ၀ပ်ဘဲနဲ့ နောက်တခါ ထပ်အပစ်မှာ ညာလက်မောင်းကို ၀င်ပြီးတော့ ဖောက်ပြီးတော့ ရင်ထဲကို ၀င်သွားတာ တဲ့။
နောက် ၁၂ နာရီ ခွဲလောက်တော့မှ လိုက်ကယ်တဲ့ ဆရာဝန်တွေက သူ့ကိုတွေ့တော့ “ဦး သမီးကို ကယ်ပါ” ဆိုပြီးတော့ သမီးက ပြောတယ်တဲ့။ ပြောတော့ အခု ဓာတ်ပုံထဲမှာ ပါလာတဲ့ မ နေတဲ့ ဆရာဝန်က ကျနော့်ဆီ ရောက်လာပြီးတော့ ပြောပြတာ။
သူ့ကို တွေ့တဲ့ အချိန်တုန်းက သူ အသက်ရှိသေးတယ်။ ဒီလိုဒီလိုပဲ ကျနော့်ကို ကယ်ပါ ဆိုပြီးတော့ ပြောတယ် ဆိုပြီးတော့ပေါ့။ အဲဒါနဲ့ ဆေးရုံရောက်တဲ့ အထိ သူတို့လည်း ပို့ပေးကြပါတယ်။ ဆေးရုံရောက်တော့လည်း ဆေးရုံက ကျနော့်ဆီ ဖုန်းဆက်တယ်။ ဖုန်းဆက်တော့ ဖုန်းနံပါတ်တွေ ဘာတွေကျတော့လည်း သူကိုယ်တိုင်ပဲ ပေးတာ တဲ့။ အဲဒီတော့ ကျနော့်ဆီ ဖုန်းရောက်တော့ နှစ်နာရီခွဲ၊ သုံးနာရီလောက်မှာ ကျနော်တို့လည်း ဘယ်လိုမှ သွားလို့ မရဘူး။ လမ်းတွေကလည်း အကုန်လုံး ပိတ်ကုန်တာ။ သံဆူးကြိုးတွေနဲ့ပိတ် ဘာညာနဲ့ အတားအဆီးတွေ ရှိနေတာ။
အဲဒါနဲ့ ကျနော်ရယ်၊ ကျနော့် ယောက်ဖရယ်၊ အကိုဝမ်းကွဲ တယောက်ရယ် ကျနော်တို့ သုံးယောက်က တယောက်က ဆိုင်ကယ်နဲ့ သွားတယ်။ ကျန်တဲ့ နှစ်ယောက်က စက်ဘီးနဲ့ သွားတယ်။ သံဆူးတွေ မ၊ တိုင်တွေဖယ်နဲ့ ဆေးရုံရောက်တော့ သုံးနာရီခွဲ၊ လေးနာရီ မတ်တင်းလောက် ရှိပြီ။ သူ့ကို လိုက်ရှာတော့ 3-4 ward မှာ တင်ထားတယ် ဆိုတော့ ကျနော်တို့က အဲဒီကို သွားရှာတာ မတွေ့ဘူး။ အဲဒီတော့ ဆေးရုံက ဒိပြင် ward တွေမှာ သွားရှာတော့ အဲဒီတွေမှာလည်း မရှိဘူး။ အဲဒီတော့ ဒါဆို အရေးပေါ်ဌာနကို ထပ်မေးဦးမယ် ဆိုပြီး သွားမေးတော့ သူ့ကို ခွဲစိတ်ပေးတဲ့ ဆရာဝန်နဲ့ သွားတွေ့တယ်။ သူက အသည်းအသန်အခန်းထဲမှာ ရှိပါတယ်၊ ကျနော် ကိုယ်တိုင် တင်ခဲ့တာပါ ဆိုတော့မှ ကျနော်က 3-4 ward ကို ပြန်သွားပြီးတော့ အသည်းအသန်အခန်းထဲကို သွားကြည့်တော့မှ သမီးကို ကျနော်တို့ တွေ့ရတယ်။
ရောက်သွားတဲ့အချိန်မှာ သမီးကို မြင်လိုက်ရတော့ စိတ်ထဲ တမျိုးကြီး၊ ဇဝေဇ၀ါဖြစ်သွားတယ်။ ပါးစပ်မှာလည်း အောက်စီဂျင်တွေ ပေးထားတယ်။ ခွဲစိတ်ထားတော့ သူ သတိမရသေးဘူး။ အဲလိုနဲ့ပဲ အဲဒီ ညနေမှာပဲ သူဆုံးသွားတာ။ ကျနော်တို့နဲ့လည်း စကား မပြောလိုက်ရဘူး။ သူဆုံးတဲ့အထိကို ကျနော်တို့ မိဘတွေ ဘယ်သူတွေ ဘယ်ဝါတွေ လာတယ် ဆိုတာ မသိသွားလိုက်ရရှာဘူး။ သူက ၁၉၇၂ ခု အောက်တိုဘာ ၁၅ ရက်နေ့မှာ မွေးတာ။ သူဆုံးတုန်းက ၁၆ နှစ်ပေါ့။ သူသာ ရှိနေသေးရင် အခု ၃၇ နှစ်ပေါ့။ အိမ်ရောက်တော့ သူ့မအေ သူ့အဘွားတွေက ၀ိုင်းမေးကြတာ။ မပြောရက်ပေမယ့် မပြောလည်း မဖြစ်ဆိုတော့ အကျိုးအကြောင်း ပြောရတာပေါ့။ စိတ်မကောင်းတာက လွဲလို့ ဘာတတ်နိုင်မလဲနော်။
သူ့ကျောင်း အလက (၄) ကြည့်မြင်တိုင်ကျောင်းက ချီတက်တဲ့သူတွေထဲက ၁၇ ယောက် ထိတယ်။ အဲဒီထဲမှာ ၃ ယောက်က သေသွားတယ်။ ယောင်္ကျားလေး နှစ်ယောက်ရယ် သမီးရယ်ပေါ့။ ယောင်္ကျားလေး နှစ်ယောက်မှာ တယောက်ဆိုရင် ၁၅ နှစ်ပဲ ရှိသေးတယ်။ သူတို့နှစ်ယောက်ကတော့ နေရာမှာတင် သေသွားကြတာ။ အဲဒီတုန်းက ဆေးရုံမှာ ဒဏ်ရာရတဲ့သူတွေ ဆိုတာလည်း အများကြီး ဖြစ်နေတာပေါ့။ ကလေးတွေ နာလို့ အော်ကြဘာကြနဲ့ ဒါပေမယ့် ကိုယ့်ဘာသာကိုယ် သမီးဇောက ရှိနေတော့ ကျန်တာတွေ ဘာမှ အလေးမထားမိတော့ဘူး။
မေး။ ။ ဒဏ်ရာရနေတဲ့ မ၀င်းမော်ဦးကို ဆရာဝန်နှစ်ယောက်က သယ်လာတဲ့ပုံကို မြင်လိုက်ရတော့ ဦး ဘယ်လိုခံစားရလဲဆိုတာလေး ပြောပြပေးပါလားရှင်။
ဖြေ။ ။ ဘယ်လိုပြောရမလဲ။ အဲဒီပုံလေးက … စိတ်မကောင်းဘူးဗျာ …။ သမီးကတော့ သူ့ကံကိုက ဒီလိုပဲ ပါလာတာ။ ဒီလောက်အသက်အရွယ်ပဲ နေရမယ်လို့ ဖြစ်လာတာပဲ ဆိုတော့လေ။ ကျနော်ကတော့ သမီးအတွက် ဂုဏ်ယူပါတယ်။ ကျနော့်အမေ၊ သမီးရဲ့အဘွား ဆိုရင်လည်း အခု ၈၆ နှစ်ရှိနေပြီ။ အမေက ဟိုးအရင်က ဖဆပလတို့ ပမညတ တို့မှာသူက လှုပ်ရှားခဲ့ဖူးပါတယ်။ သူ့ဘွားအေသွေး ပါလို့ပဲ ဒီလိုစိတ်ရှိလားတော့ မပြောတတ်ဘူး။ သူ့အဘွားကလေ ၂၀၀၇ တုန်းက သံဃာတွေနဲ့ လိုက်ပါသေးတယ်။ ကြည့်မြင်တိုင် ကမ်းနားဈေးကနေပြီးတော့ လမ်းလျှောက်လိုက်သွားတာ ကမ္ဘာအေး လမ်းဆုံအထိ လိုက်သွားသေးတာ။ အခုလည်း သမီးအတွက် သူပဲ ကမကထ လုပ်ပေးနေတာ။ ကျနော်တို့ကတော့ အခုအချိန်ထိ နိုင်ငံရေး ဘာညာလည်း နားလည်း မလည်ဘူး၊ ၀င်လည်း မပါခဲ့ဘူးပေါ့။
မေး။ ။ မ၀င်းမော်ဦးတို့ လက်ထက်ကတည်းက အခြေအနေတွေနဲ့ အခု လက်ရှိ ဖြစ်နေတဲ့ အခြေအနေတွေအပေါ် ဘာများ ပြောချင်ပါသလဲရှင်။
ဖြေ။ ။ အခုလက်ရှိ မျိုးဆက်သစ်လေးတွေ ဆက်လက်ပြီးတော့လည်း သူတို့ တောင်းထားတဲ့၊ နောက်ပြီးတော့ ကျဆုံးသွားတဲ့သူတွေရဲ့ ဆန္ဒကို ဖြည့်ဆည်းပေးပါလို့ပဲ ကျနော်ပြောချင်ပါတယ်။
မူရင်း။ ။ ဧရာဝတီ
သတင်းအကျဉ်းချုပ် ...
အန်အယ်ဒီရဲ့ပထမရပ်တည်ချက်ကတော့ ရွေးကောက်ပွဲဝင်ဖို့မဝင်ဖို့ကိစ္စက ရွေးကောက်ပွဲဥပဒေတွေထွက်လာမှ စဉ်းစားမယ်လို့ပြောထားပါတယ်။ သင့်တော်တဲ့ဗျူဟာတခုပါ။ တောင်းဆိုနေတာက တကဏ္ဍ၊ ရွေးကောက်ပွဲဝင်မဝင်ဆိုတာ နောက်ကဏ္ဍပေါ့၊ ဒါပေမယ့် ဦးဝင်းတင် ဝါရှင်တန်ပို့စ်မှာရေးထားပါတယ်၊ နိုင်ငံရေးအကျဉ်းသားတွေမလွှတ်ပေးဘူးဆိုရင်၊ တွေ့ဆုံဆွေးနွေးရေးမလုပ်ဘူးဆိုရင် ရွေးကောက်ပွဲမဝင်ဘူး၊ စစ်အစိုးရကျင်းပမယ့် ရွေးကောက်ပွဲဆိုတာလဲ အတုအယောင်ဖြစ်မှာဘဲတဲ့။ စစ်အစိုးရကို အကျပ်ကိုင်လိုက်တာပါ။ ဒါပေမယ့် ဒီလိုအကျပ်ကိုင်တာက အန်အယ်ဒီအတွက် make or break ဖြစ်နေတယ်။ သူတို့မှာလဲ တခြားရည်ရွယ်ချက်တွေရှိနေနိုင်ပါတယ်။
နအဖရဲ့ ၂၀ဝ၈အခြေခံဥပဒေကို လက်မခံရတဲ့အကြောင်းရင်းတွေထဲမှာ
၁။ စစ်တပ်က ကြိုက်တဲ့ချိန်မှာ အာဏာသိမ်းခွင့်ပြုထားတယ်
၂။ အမျိုးသားကာကွယ်ရေးနှင့်လုံခြုံရေးကောင်စီမှာ စစ်တပ်ကကြီးစိုးနေတယ်၊
၃။ နိုင်ငံတော်သမတရာထူးကို အရပ်သားတွေရပိုင်ခွင့်မရှိဘဲ စစ်ဗိုလ်တွေအတွက် တမင်ဖန်တီးထားတယ်။
၎။ ဒေါ်အောင်ဆန်းစုကြည်ကို တမင်ရည်ရွယ်ပြီး သမ္မတ မဖြစ်လာအောင်ဖန်တီးထားတယ်
၅။ လွှတ်တော်မှာ စစ်တပ်က ၂၅%ယူထားတယ်၊
၆။ ကာကွယ်ရေး၊ ပြည်ထဲရေးနဲ့ နယ်စပ်ရေးရာဝန်ကြီးဌာနတွေကို စစ်တပ်ကယူထားတယ်။
၇။ ကာကွယ်ရေးဦးစီးချုပ်က သမတထက် သြဇာပိုရှိနေတယ်။
ဘာတွေမဟုတ်တာတွေ တဖတ်သတ်ရေးထားတာတွေ downloadလုပ် ဖတ်ကြည့်ချင်ရင်
သတင်းအကျဉ်းချုပ် ...
(RFA)
စက်တင်ဘာ ၁၈ ရက်နေ့က သံတွဲထောင်က လွတ်လာတဲ့ ရန်ကုန် စက်မှုတက္ကသိုလ် ကျောင်းသား ကိုမျိူးရန်နောင်သိမ်းဟာ စစ်ကြောရေးကာလအတွင်း အာဏာပိုင်တွေရဲ့ ညှင်းပန်းနှိပ်စက် ခံခဲ့ရတာကြောင့် အာရုံကြောထိခိုက်သွားခဲ့ပြီး ထောင်ထဲမှာ ဆေးဝါးကုသမှုကို လုံလုံလောက်လောက် မရရှိခဲ့တဲ့အတွက် လမ်းမလျှောက်နိုင်တော့တဲ့ အခြေအနေ ရောက်သွားခဲ့ပါတယ်။
ကိုမျိူးရန်နောင်သိမ်းဟာ ၁၉၈၈ခုနှစ် ရှစ်လေးလုံး လူထုလှုပ်ရှားမှု ဖြစ်ပေါ်ခဲ့တဲ့အချိန်ကတည်းကစပြီး နိုင်ငံရေးမှာ တက်တက်ကြွကြွ ပါဝင်လှုပ်ရှားခဲ့တဲ့ ကျောင်းသားတဦးပါ။ ၁၉၉၆ခုနှစ် ကျောင်းသားလှုပ်ရှားမှုမှာ ရန်ကုန် စက်မှုတက္ကသိုလ် ကျောင်းသားတဦးအနေနဲ့ ဦးဆောင်လှုပ်ရှားခဲ့တဲ့အတွက် အာဏာပိုင်တွေရဲ့ ဖမ်းဆီးတာကို ခံခဲ့ရပြီး ထောင်ဒဏ် (၇)နှစ် ချမှတ်ခံခဲ့ရပါတယ်။ ထောင်ကလွတ်လာပြီးတော့လည်း ၈၈မျိူးဆက် ကျောင်းသားခေါင်းဆောင်တွေဖြစ်တဲ့ မင်းကိုနိုင်၊ ကိုကိုကြီးတို့နဲ့အတူ နိုင်ငံရေးမှာ ဆက်လက် ပါဝင်လှုပ်ရှားခဲ့သူ ဖြစ်ပါတယ်။ ဒါပေမယ် ၂၀ဝ၇စက်တင်ဘာ ရွှေဝါရောင်သံဃာလှုပ်ရှားမှုအပြီးမှာ ကိုမျိူးရန်နောင်သိမ်းဟာ ဒုတိယအကြိမ် အဖမ်းခံခဲ့ရတာဖြစ်ပါတယ်။ သူအဖမ်းခံရပုံက အခြားသူတွေနဲ့မတူပဲ လူစည်ကားတဲ့နေရာမှာ အမည်မသိလူတွေက အတင်းဝင်ရောက်ရိုက်နှက်ပြီး ချုပ်နှောင် ခေါ်ဆောင်သွားခြင်းခံရတာ ဖြစ်ပါတယ်။
သတင်းအကျဉ်းချုပ် ...
အေးလဲ့
source: Irrawaddy
အမေရိကန် နိုင်ငံသားအဖြစ် ခံယူထားသော နိုင်ငံရေးသမား ဦးကျော်ဇောလွင် (ခေါ်) ဦးညီညီအောင်ကို အင်းစိန်ထောင်သို့ ပို့ဆောင်လိုက်ပြီ ဖြစ်သော်လည်း မိသားစုဝင်များနှင့် တွေ့ဆုံခွင့် မပေးသေးကြောင်း သိရသည်။
ဦးညီညီအောင်သည် ပြီးခဲ့သည့် စက်တင်ဘာလ ၃ ရက်နေ့က ရန်ကုန်မင်္ဂလာဒုံ လေဆိပ်အဝင်၌ အဖမ်းဆီး ခံခဲ့ရခြင်းဖြစ်ပြီး ၁၇ ရက်နေ့က အင်းစိန်ထောင်သို့ပို့လိုက်ကြောင်း ရန်ကုန် အခြေစိုက် အမေရိကန်သံရုံးက မိသားစုထံ ထုတ်ဖော် ပြောကြားလိုက်သည်ဟု သိရသည်။
ထိုင်းနိုင်ငံ မြန်မာသံရုံးမှတဆင့် ဗီဇာရယူပြီး ဘန်ကောက်မှ စက်တင်ဘာ ၃ ရက်နေ့ညနေပိုင်း လေယာဉ် TG/305 ဖြင့် ထွက်ခွာသွားစဉ် ရန်ကုန်အဝင်၌ စစ်အစိုးရက ထိန်းသိမ်းထားခဲ့ပြီး ၁၉ ရက်နေ့ကမှ အမေရိကန် သံရုံးအရာရှိနှင့် တွေ့ခွင့်ပေးကြောင်း သိရသည်။
အဒေါ်ဖြစ်သူ ဒေါ်ခင်ခင်ဆွေက ယနေ့ အင်းစိန်ထောင်သို့ သွားရောက်ခဲ့ရာ ဦးညီညီအောင်နှင့် လူချင်း တွေ့ခွင့်မရဘဲ အမေရိကန်သံရုံး အကူအညီဖြင့် အစားအသောက်များကိုသာ ပေးခဲ့ရကြောင်း သိရသည်။
ဦးညီညီအောင်ကို အရေးပေါ်စီမံချက်အက်ဥပဒေ ပုဒ်မ - ၅ (ည) ဖြင့် တရားစွဲဆိုထားခြင်းဖြစ်ပြီး လာမည့် အောက်တိုဘာလ ၁ ရက်နေ့ တွင် တရားရုံးထုတ်မည်ဟု အမေရိကန် သံရုံးက မိသားစုထံသို့ အကြောင်း ကြားကြောင်း ဒေါ်ခင်ခင်ဆွေကဆက်ပြောသည်။
“သူ့ကို အောက်တိုဘာ ၁ ရက်နေ့ လှိုင်မြို့နယ် တရားရုံးမှာ ရုံးထုတ်မယ်လို့ ပြောပါတယ်” ဟု ဒေါ်ခင်ခင်ဆွေက ဆိုသည်။
ရန်ကုန်ရှိ အမေရိကန် သံရုံးက ရှေ့နေငှားရမ်းရန် ကူညီမည်ဖြစ်ရာ ဦးညီညီအောင်၏ သဘောထားအရ သူ၏ အမှုလိုက် ရှေ့နေအဖြစ် ရှေ့နေ ဦးကြည်ဝင်းကို ငှားရမ်းလိုကြောင်း သိရသည်။
ဖမ်းဆီး၊ ထိန်းသိမ်းခံရစဉ် အတောအတွင်း နှိပ်စက် ညှင်းပန်းမှုခံခဲ့ရသေးကြောင်း ဦးညီညီအောင်၏ အကိုတော်စပ်သူ ထိုင်းနိုင်ငံတွင် နေထိုင်သည့် ဦးကိုကိုအောင်က ပြောသည်။
ဦးကိုကိုအောင်က “သူ အထဲမှာ အနှိပ်စက်ခံရတယ်၊ ၇ ရက် ထမင်းမကျွေးဘူး၊ ၁၀ ရက် ဝန်းကျင်လောက် နှိပ်စက်ခံရတယ်၊ မျက်နှာက အစ တကိုယ်လုံး ရိုက်နှက်ခံရတယ်လို့ ကောင်စစ်ဝန်ကတဆင့် ကျနော်တို့ကို ပြောပြတယ်” ဟု ပြောသည်။
ဆက်လက်ပြီး ၎င်းက အနှိပ်စက်ခံထားရသောကြောင့် ကျန်းမာရေးအတွက် ဆေးကုသခွင့် တောင်းထား သော်လည်း ယခုထက်ထိ မရသေးသဖြင့် မိသားစုက စိုးရိမ်နေကြသည်ဟု ဆိုသည်။
မြန်မာပြည်ထဲ ပြန်သွားရခြင်း အကြောင်းအရင်းကို ဦးညီညီအောင် ကိုယ်တိုင်သာ သိနိုင်မည် ဖြစ်ကြောင်းနှင့် ၎င်းအဖမ်းအဆီးခံရသည့် သတင်းနှင့် ပတ်သက်ပြီး စစ်အစိုးရက ၁၇ ရက်ကြာ မည်သည့် သတင်းမျှ ထုတ်ဖော်ခဲ့ခြင်းမရှိကြောင်း ဦးကိုကိုအောင်က ဆက်ပြောသည်။
ဦးညီညီအောင် အထိန်းသိမ်း မခံရမီကပင် နိုင်ငံရေး လှုပ်ရှားမှုများတွင် ပါဝင်ခဲ့သည့် သူ၏ မိသားစုဝင် ၅ ဦး အဖမ်းဆီးခံခဲ့ရကြောင်း သိရသည်။
၎င်း၏ မိခင် ဒေါ်စန်းစန်းတင်သည် ထောင်ဒဏ် ၅ နှစ်ချခံထားရပြီး မောင်နှမ ၀မ်းကွဲ တော်စပ်သူ မသက်သက်အောင်မှာ ထောင်ဒဏ် ၆၅ နှစ် ချခံထားရသည်။
နှလုံးရောဂါရှိသော မသက်သက်အောင်သည် မြင်းခြံထောင်တွင် ယခုအခါ မျက်လုံးဝေဒနာနှင့် အကျောကပ်ခြင်း ဝေဒနာကိုပါ ခံစားနေရကြောင်း ဒေါ်ခင်ခင်ဆွေကပြောသည်။
ဦးညီညီအောင်သည် ၁၉၈၈ ခုနှစ် လူထု လှုပ်ရှားမှုတွင် ပါဝင်ခဲ့ပြီး ၂ လခန့် အထိန်းသိမ်းခံရသည်။ နောက်ပိုင်းတွင် ထိုင်းနယ်စပ် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) တွင် ခေတ္တ ပါဝင်ခဲ့သည်။ ထို့နောက် အမေရိကန် ပြည်ထောင်စုတွင် သွားရောက် ခိုလှုံခွင့်ယူပြီး အမေရိကန် နိုင်ငံသား အဖြစ်ခံယူခဲ့သည်။
သတင်းအကျဉ်းချုပ် ...
(ခေတ်ပြိုင်)
မြန်မာနိုင်ငံ ငြိမ်းချမ်းရေးရရှိရန်အတွက် ထိုင်းနှင့်မြန်မာနိုင်ငံသားများ ပထမဆုံးအကြိမ်ပူးတွဲကာ ယနေ့နံနက်တွင် ထိုင်းနိုင်ငံ မဲဆောက်မြို့၌ မေတ္တာပို့လမ်းလျှောက်ပွဲ ပြုလုပ်ခဲ့သည်။
ယနေ့ကျရောက်သည့် ကမ္ဘာ့ငြိမ်းချမ်းရေးနေ့တွင် ထိုင်းအာဏာပိုင်များ၏ ခွင့်ပြုချက်ဖြင့် လမ်းလျှောက်ပွဲကို ကျင်းပခြင်းဖြစ်ပြီး မြန်မာ့အရေးဆောင်ရွက်နေကြသည့် ထိုင်းအစိုးရမဟုတ်သောအဖွဲ့ (၆) ဖွဲ့နှင့် မြန်မာပြည်ဒီမိုကရေစီရရှိရေးအဖွဲ့အချို့တို့ ပူးပေါင်းဆောင်ရွက်ကြခြင်းဖြစ်သည်။
လမ်းလျှောက်ပွဲ ဦးဆောင်သူတဦးဖြစ်သူ Forums-Asia အဖွဲ့မှ ခွန်ချာလီဒါဖားကျလိမ်းဆတ်က “ကမ္ဘာ့ငြိမ်းချမ်းရေးနဲ့ မြန်မာ့ငြိမ်းချမ်းရေးအတွက် ဘာသာပေါင်းစုံ ဆုတောင်းမေတ္တာပို့ လမ်းလျှောက်ပွဲ ကျင်းပရခြင်းဖြစ်တယ်” ဟု ပြောသည်။
မေတ္တာပို့လမ်းလျှောက်ပွဲကို လူအင်အား (၂၀၀) ခန့်က မဲဆောက်မြို့ထိပ်ရှိ ထိုင်းသူရဲကောင်းကျောက်တိုင်မှ မဲဆောက်မြို့ကိုဖြတ်ကာ ထိုင်း-မြန်မာချစ်ကြည်ရေးတံတားအထိ (၁၀) ကီလိုမီတာအကွာအဝေးကို လမ်းလျှောက်ကြပြီး လမ်းခရီးတလျှောက်တွင် မြန်မာပြည်ငြိမ်းချမ်းရေးနှင့် သက်ဆိုင်သည့် မြန်မာ-အင်္ဂလိပ်နှစ်ဘာသာဖြင့် ရေးသားထားသည့်ပိုစတာများ၊ ဆိုင်းဘုတ်များ ကိုင်ဆောင်ကြပြီး မြန်မာသံဃာတော်များက မေတ္တာသုတ်များ ရွတ်ဆိုပေးကြသည်။
မေတ္တာပို့လမ်းလျှောက်ရာတွင်ပါဝင်သည့် ဂျာမနီမှကြွရောက်လာသည့် ဘုန်းတော်ကြီး အရှင်သောပါကမှ “မြန်မာပြည်မှာ ငြိမ်းချမ်းရေးရစေချင်တယ်။ ဦးပဉ္စင်းတို့တိုင်းပြည်မှာ ပြည်တွင်းစစ်တွေဖြစ်နေတယ်၊ နျူကလီးယားတွေထုတ်နေတယ်၊ ဒါတွေကိုစိုးရိမ်တယ်။ ဒါကြောင့် အခုလိုမေတ္တာပို့လမ်းလျှောက်ရတာဖြစ်တယ်” ဟု မိန့်ကြားသည်။
အစီအစဉ်အရ သောင်ရင်းမြစ်ကမ်းနားအထိ မေတ္တာပို့သရန်ရှိသော်လည်း ထိုင်းလုံခြုံရေးတပ်ဖွဲ့ဝင်များက သွားခွင့်မပြုဘဲ ချစ်ကြည်ရေးတံတား ထိုင်းဘက်ခြမ်းအထိသာ ခွင့်ပြုသဖြင့် ညနေ (၃) နာရီခွဲခန့်တွင် မေတ္တာပို့လမ်းလျှောက်ပွဲကို အောင်မြင်စွာရုပ်သိမ်းခဲ့သည်။
မြ၀တီ-မဲဆောက် ခရီးသည်တင်ယာဉ်မောင်းတဦးက “မြ၀တီဘက်ကတော့ ဒီကိစ္စ အတော့်ကိုသတိထားတယ်။ ဒီနေ့လမ်းလျှောက်ပွဲရှိတော့ မနက်ကတည်းကနေ စစ်တပ်၊ ရဲ၊ ပြည်သူ့စစ်၊ ကြံ့ဖွံ့၊ စွမ်းအားရှင် အကုန်လုံးပဲ ကမ်းနားတလျှောက်မှာ လက်နက်အပြည့်အစုံနဲ့ လုံခြုံရေးယူထားတယ်။ ဒါလည်း ဟာသတမျိုးပဲ” ဟု ပြောသည်။
ယခင်က အလားတူ မြန်မာများ မေတ္တာပို့လမ်းလျှောက်ပွဲကျင်းပရာ ဒေသခံအာဏာပိုင်များက ခွင့်မပြုဘဲ ဖမ်းဆီးမှုများရှိခဲ့ရာမှ ယခုတကြိမ်တွင် ခွင့်ပြုချက်ရရှိပြီး လမ်းခရီးလုံခြုံရေးအတွက်ပါ တာဝန်ယူပေးခဲ့သည်။
သတင်းအကျဉ်းချုပ် ...
သူခိုး
လရောင်
စက်တင်ဘာ ၄၊ ၂၀၀၉ | မိုးမခ Blog
ကျနော့်မှာ ကျီးကန်းတွေနဲ့ ပါတ်သက်လို့ နှလုံးသားမှာ ဒါဏ်ရာတခု ရခဲ့ဖူးပါတယ်။ ကျီးကန်းတွေကိုတွေ့တိုင်း အဲဒီကျီးကန်းတွေ ကြားအောင် နာမည်တခု အော်အော်ခေါ်မိပါတယ် အဲဒီနာမည်က သူခိုး … တဲ့။
(၁)
အင်းစိန်သီးသန့် အကျဉ်းထောင်မှာ ဖြစ်ပါတယ်။ ကျနော်တို့ သီးသန့်ထောင်မှာ နိုင်ငံရေးမှုနဲ့ ထောင်ကျလာတဲ့ ၅(ည) တွေအပါအဝင် ငါးခိုးဖမ်းမှုနဲ့ ထောင်ကျလာတဲ့ ထိုင်းလူမျိုးတွေ အပြင်ဘုတ်လို့ခေါ်တဲ့ ထောင်ကျနှစ်နည်းနည်းလေးတွေသာရှိတဲ့ ထောင်အပြင်ကို ထွက်ပြီး အလုပ်လုပ်ရတဲ့ ထောင်ကျအကျဉ်းသားတွေ ရှိကြပါတယ်။
တနေ့မှာတော့ အပြင်ဘုတ်အကျဉ်းသားတယောက် ကျနော့်ဆီကိုရောက်လာပြီး ကျီးကန်းပေါက်လေးတကောင် ဆေးလိပ် အလိပ် ၂ဝ နဲ့ ရောင်းဖို့ လာပြပါတယ်။ တကယ့်ကို အပေါက်လေးပါ။ နှုတ်သီးဘေး နှုတ်ခန်းလေးတွေတောင် မပျက်သေးပါဘူး။ ကျနော်လည်းသနားတာနဲ့ ကျီးကန်းလေးကိုဝယ်လိုက်ပါတယ်။ အဲဒီကစပြီး ကျီးကန်းလေးနဲ့ ကျနော်နဲ့ သံယောဇဉ်စခဲ့တယ်ဆိုရင် မမှားပါဘူး။
(၂)
ကျီးကန်းလေးကို ကျနော့်တိုက်ခန်းရဲ့ဒေါင့်မှာ ထုတ်တန်းလေးတခုလုပ်ပေးပြီး တင်ထားပါတယ်။ ကျီးကန်းလေးဟာ မနက်မိုးမလင်းခင် သူ့ရဲ့ ကျီးအာသံမပေါက်သေးတဲ့အသံလေးနဲ့ တစာစာ စတင်အော်ပါတော့တယ်၊ အဲဒီလိုအော်နေတာဟာ ကျနော် မနိုးမခြင်းပါပဲ၊ ထုတ်တန်းက ကျနော့်အရပ်လောက်မြင့်တော့ အောက်ကိုလည်း သူ ခုန်မဆင်းရဲရှာပါဘူး။ ကျနော်နိုးသွားတော့မှ မြေပဲ ဒါမှမဟုတ် ဟင်းဖတ်တဖတ်ကိုဝါးပြီး သူ့ကိုခွံ့ပေးတဲ့အခါ တကယ်ကို ငှက်မိခင်ခွံ့တာကိုစားတဲ့ ငှက်သားပေါက်လေးတွေလို အသံတစာစာအော်ရင်း အစာကိုအငမ်းမရ စားပါတော့တယ်၊ စားပြီးသွားတာနဲ့ ကျနော်လည်း ပြန်အိပ်သလို သူလည်း ထုတ်တန်းပေါ်မှာ ခဏပြန်အိပ်ပါတယ်။ မနက်၇နာရီလောက်မှာ ကျနော်လည်း အိပ်ယာနိုးလာသလို သူလည်း နိုးလာခဲ့ပါတယ်။ အဲဒီတော့မှ သူ့ကိုထုတ်တန်းအောက်ကိုချပေးပြီး အခန်းထဲမှာ ဒီအတိုင်း လွှတ်ပေးထားလိုက်ပါတယ်။ ထူးခြားတာက အဲဒီကျီးကန်းလေးဟာ အခန်းထဲကနေ အခန်းပြင်ကို လုံးဝမထွက်ပဲ ကျနော့်မျက်နှာကို တချိန်လုံး လိုက်ပြီး စောင့်ကြည့်နေတာပါပဲ၊ နောက်ပြီး တချက်တချက်မှာ သူ့ရဲ့မပီတဲ့ ကျီးအာသံတွေကိုလည်း အာတတ်ပါသေးတယ်။ ဒီလိုနဲ့ ကျီးကန်းလေးဟာ တဖြည်းဖြည်းနဲ့ ကျီးရာဝင်လာခဲ့ပါတယ်။
(၃)
ကျနော်နဲ့ နေ့စဉ်နေ့တိုင်း အဲဒီလို ၃လလောက်နေအပြီးမှာတော့ သူ့ရဲ့ အမွေးအတောင်တွေ စုံလင်စပြုလာပါပြီ၊ အခန်းထဲမှာ နေ့စဉ် နေနေတဲ့ကျီးကန်းလေးဟာ တစတစ အခန်းပြင်ကိုထွက်တတ်လာပါတယ်။ အဲဒီနောက် တိုက်ခန်းရှေ့က ရေကန်မှာရေသွားချိုးတတ်လာတယ် နောက်ဆုံး တထောင်လုံးကို လျောက်လည်သွားတတ်ခဲ့ပါပြီ။
ဒါပေမယ့် ဘယ်လောက်ပဲသွားသွား ကျနော်ထမင်းစားလေ့ရှိတဲ့ နေ့လည် ၁၂နာရီလောက်မှာတော့ ကျနော့်အခန်းကို ရောက်အောင်ပြန်လာပြီး အစာတောင်းစားပါတယ်။ ဘယ်လောက်ပဲ ကျီးကောင်ဝင်သွားခဲ့ပေမယ့် သူဟာ အစားကို သူ့ဖါသာသူ ဘယ်တော့မှမစားပဲ ကျနော်ကျွေးမှသာ စားပါတယ်။ ကျနော် သူ့ကို ခွံ့မကျွေးပဲ စမ်းကြည့်ပြီး ကြမ်းပေါ်ကို ဒီအတိုင်းချထားကြည့်ပါတယ်။ လုံးဝမတို့မထိပါဘူး၊ ကျနော့်ပုခုံးပေါ်ကို ခုံတက်လာပြီး တစာစာအော်ပါတော့တယ်။ ဒါနဲ့ပဲ နောက်ဆုံးတော့ ကျနော်ပဲလက်လျှော့ပြီး သူ့ကို ခွံ့ကျွေးရတော့တာပါပဲ။
နေ့လည်စာစားပြီးတာနဲ့ အပြင်ပြန်ထွက်သွားပြီး ညနေ နေဝင်ခါနီးအချိန်မှာတော့ ကျနော့်အခန်းကို ပြန်ရောက်လာပါတယ်။ အဲဒီမှာ သနားဖို့ကောင်းတာက အပြင်က ညောင်ပင်ကြီးမှာ အိပ်တန်းဝင်ကြတဲ့ ကျီးကန်းအုပ်က တအာအာနဲ့ အိပ်တန်းဝင်နေချိန်မှာ သီးသန့်ထောင်တိုက်ထဲက ကျီးကန်းလေးကလည်း တအာအာနဲ့ လိုက်အော်နေတာပါပဲ ၊ ဒါပေမယ့် သူအော်ရုံပဲတတ်နိုင်တာပါ ကျီးဆိုပေမယ့် ကျီးတို့တတ်အပ်တဲ့ အတတ်ပညာကို သူ လုံးဝမှ မတတ်မြောက်ခဲ့တာပဲ။
နောက်ရက်တွေမှာတော့ ကျီးကန်းလေးဟာ အိပ်တန်းဝင်ခါနီး ကျနော်တို့ ရေချိုးကန်မှာ ရေကစားနေတဲ့ကျီးကန်းတွေကြားထဲကို မယောင်မလည်နဲ့ ရောက်သွားပါတယ်။ ကျနော်လည်း ဘာဖြစ်မလဲ စောင့်ကြည့်နေတုန်းမှာပဲ ကျီးကန်းအုပ်ဟာ သူ့ကိုဝိုင်းပြီး ထိုးဆိတ်ကြပါတော့တယ်။ ကျီးအုပ်က လူနဲ့နေတဲ့ ကျီးကန်းကို လက်မခံဘူးထင်ပါရဲ့။ ကျနော့်ကျီးကန်းလေးဟာ နာလွန်းလို့ တစာစာအော်ပြီး ကျနော့်အခန်းကို ပျံပြေးလာပါတယ်။ သူ့ခန္ဒာကိုယ်မှာာလည်း ဒါဏ်ရာတချို့ရသွားခဲ့ပါတယ်။
အဲဒီအဖြစ်အပျက် ဖြစ်သွားပြီးတဲ့နောက်ပိုင်းမှာတော့ ကျနော့်ကျီးကန်းလေးဟာ ကျီးကန်းအုပ်ဆီမသွားတော့ပဲ ကျနော့်တိုက်ခန်းထဲကနေပဲ ကျီးကန်းတွေနဲ့ပြိုင်တူ လိုက်အာနေရှာပါတယ်။
(၄)
အဲဒီအချိန်အထိ ကျနော့်ကျီးကန်းလေးမှာ ကိုယ်ပိုင်နာမည်မရှိသေးပါဘူး။ ဒီလိုနဲ့ သူနာမည်ရတော့မယ့်ကိစ္စကို ကျနော့်ကျီးကန်းလေးဟာ စတင် လုပ်ဆောင်လာပါတော့တယ်။ မနက်မိုးလင်းတာနဲ့ ထွက်သွားတဲ့ကျီးကန်းလေးဟာ အရင်ကလို ထမင်းစားချိန်မှ ပြန်ရောက်လာတာမဟုတ်တော့ပဲ တိုက်ခန်းကိုပြန်လာတဲ့အကြိမ်က စိပ်လာပါတယ်။
သူပြန်လာတိုင်းလည်း နှုတ်သီးမှာ ဇွန်း၊ ဒါမှမဟုတ် မီးချစ် ဆပ်ပြာ ဆေးပေါ့လိပ် တခုမဟုတ် တခု ပါလာတတ်စမြဲပါပဲ ဒါကို ကျနော်လည်း ပထမတော့ သတိမထားမိဘူး တရက်မှာတော့ ဟင်းဘူးတွေထားတဲ့အနောက်ကို ကြည့်မိတဲ့အခါမှာတော့ ဇွန်းတွေ၊ မီးချစ်တွေ၊ ဆေးပေါ့လိပ်တွေ အများကြီးကိုတွေ့တော့မှ ကျနော့်ကျီးကန်းလေး ချီချီလာတယ်ဆိုတာ သဘောပေါက်ပါတော့တယ်။
အဲဒီနေ့ကစပြီး ပစ္စည်းတခုချီလာတိုင်း အုန်းလက်သေးသေးလေးနဲ့ သူ့ပေါင်ကို ရိုက်ပြီး အပြစ်ပေးပါတယ်။ အဲဒီလိုရိုက်ရင်လည်း သူ့ခင်ဗျာအော်လိုက်တာဆိုတာ ငယ်သံတောင်ပါတယ်၊ ဒါပေမယ့် အကျင့်ကပျောက်သလားဆိုတော့ မပျောက်ဘူး ချီမြဲတိုင်း ချီလာတုန်းပါပဲ၊ နောက်ဆုံး ရိုက်တဲ့အလုပ်ကို လက်လျော့လိုက်ပြ်ီး ကျနော်လုပ်ရတဲ့အလုပ်ကတော့ ကျန်တဲ့တိုက်ခန်းတွေကို ဇွန်းတွေ မီးချစ်တွေပျောက်ရင် ကျနော့်အခန်းမှာ လာမေးကြပါဆိုပြီး လိုက်ပြောရတဲ့အလုပ်ပါပဲ၊
ကျနော်ကလည်းနေ့စဉ်ပြော၊ ကျီးကန်းလေးကလည်း နေ့စဉ်ချီလာ၊ အဲဒီလိုနဲ့ သံသရာလည်နေတုန်း ကျနော်တို့တိုက်ထဲက ဘယ်သူက ခင်ပွန်းတပ်လိုက်တယ်မသိဘူး ကျနော့်ကျီးကန်းလေးကို သူခိုးလို့ နာမည်ပေးလိုက်ပါတယ်။ အဲဒီနာမည်ကို တိုက်တတိုက်လုံးကလည်း ကန့်ကွက်သူမရှိ အားလုံးထောက်ခံကြပါတယ်။ အဲဒီမှာပဲ ကျနော့်ရဲ့ကျီးကန်းလေးမှာ သူခိုး ဆိုတဲ့ နာမည်တလုံးရသွားခဲ့ပါပြီ၊ အရင်တုန်းက သားရေလို့ခေါ်မှသိတဲ့ ကျီးကန်းလေးဟာ သူခိုးရေ လို့ခေါ်ရင် သူ့နာမည်ကို သူသိနေခဲ့ပါပြီ၊ ထူးခြားတဲ့တချက်က သူဘယ်နေရာရောက်နေရောက်နေ ကျနော်က တိုက်ထဲကနေ အကျယ်ကြီး သူခိုးရေလို့ အော်လိုက်တာနဲ့ ကျနော့်တိုက်ခန်းရှေ့ကို ပျံဝဲလာပြီး ကျနော့်ပုခုံးပေါ်ကို တက်နားတော့တာပါပဲ ပြီးရင်း သူ့နှုတ်သီးနဲ့ ကျနော့်ရဲ့ဦးခေါင်းကို မနာအောင် ထိုးဆိတ်တတ်ပါတယ်။ ကျီးကန်းလေးနဲ့ကျနော်ရဲ့ မမြင်ရတဲ့သံယောဇဉ်ကြိုးဟာ တင်းသထက် တင်းလို့ နေခဲ့ပါပြီ။
(၅)
အဲဒီလိုနဲ့ ကျနော်နဲ့ကျီးကန်းလေး ခွဲခွာရမယ့်နေတနေ့ ရောက်ရှိလာခဲ့ပါတယ်၊ တိုက်ထဲကို ထောင်မှူးတယောက်ရောက်လာပြီး ကျနော်တို့နာမည်တွေခေါ်ပါတယ်။
အားလုံးအိပ်ယာလိပ်ပြင်ထားဖို့နဲ့ မကြာခင်ထောင်ပြောင်းတော့မယ့်အကြောင်း လာပြောပါတယ်။ သူများတွေအိပ်ယာလိပ် သိမ်းနေချိန်မှာ ကျနော်ကျီးကန်းလေးကို သူခိုးရေ သူခိုးရေ လို့ အော်အော်ခေါ်နေပါတယ်။ ထူးခြားတာက အရင်တုန်းက ဘယ်အချိန်ပဲခေါ်ခေါ် ရောက်လာတတ်တဲ့ ကျီးကန်းလေးဟာ အဲဒီနေ့ကကျမှ ဘယ်လိုမှခေါ်လို့မရဘူးဖြစ်နေပါတယ်၊ ကျနော် မနားတမ်းခေါ်နေပေမယ့် ဘယ်လိုမှ ရောက်မလာခဲ့ပါဘူး၊ နောက်ဆုံးမှာတော့ ထောင်ပြောင်းမယ့်ကားပေါ်ကို ကျနော်တက်လိုက်ရပါတော့တယ်၊
ကျနော့်ရဲ့မျက်ရည်တွေဟာလည်း ခေါင်းမှာစွပ်ထားတဲ့ ခေါင်းစွပ်ကြားထဲကနေ တဖြည်းဖြည်းကျလာပါတော့တယ်။ ကျီးကန်းလေးရဲ့သတင်းကိုတော့ ကျနော်အမြဲ နားစွင့်ထားပါတယ်။ ဒါပေမယ့် ကျီးကန်းလေးနဲ့ ပါတ်သက်တဲ့ ဘယ်လိုသတင်းမျိုးကမှ ကျနော့်ဆီကို ရောက်ရှိမလာခဲ့ပါဘူး၊
ဒီလိုနဲ့ ကျနော်လွတ်ရက်စေ့လို့ ထောင်ကလွတ်ခဲ့ပြီး ကျီးကန်းလေးရဲ့သတင်းကို စုံစမ်းဖို့အတွက် ကျနော်ထောင်ပြောင်းစဉ်က တခန်းထဲနေခဲ့တဲ့ ကိုဖုန်း (ယ္ခု ဂျပန်နိုင်ငံ) အိမ်ကို သွားစုံစမ်းကြည့်ပါတယ်။
ကိုဖုန်းအမ အပြောအရတော့ ကျနော်ထောင်ပြောင်းသွားပြီးတဲ့ညနေမှာ ကျီးကန်းလေးဟာ ကျနော့်အခန်းကိုပြန်လာပြီး ကျနော့်ကိုမတွေ့ရလို့ ပျာယာခတ်ပြီး တခန်းဝင် တခန်းထွက်နဲ့ လိုက်ရှာနေတဲ့အကြောင်း နောက်နေ့မှာတော့ ကိုဖုန်းက ဝန်ထမ်းတယောက်နဲ့ အပြင်ကိုထုတ်လိုက်တဲ့အကြောင်းနဲ့ အိမ်ကိုရောက်ပြီး ခဏအကြာမှာတော့ အပြင်ကို ပျံသန်းသွားကြောင်းပြောပြတဲ့အခါ---။
(၆) နိဂုံး
ကျနော့်စိတ်ထဲမှာတော့ ကျနော့်ရဲ့ကျီးကန်းလေးဟာ အခုချိန်ထိ အသက်ရှင်နေဆဲဖြစ်တယ်လို့ ယုံကြည်နေတုန်းပါပဲ၊ ကျီးကန်းတွေတွေ့ရင် အမြဲတန်းလိုက်ကြည့်နေမိသလို ၊ ကြည့်ရင်းနဲ့လည်း သူခိုးရေ လို့ အော်ခေါ်မိတုန်းပါပဲ ကျနော့်ရဲ့ သူခိုးသာမှန်ရင် ကျနော့်ပုခုံးပေါ်ကို လာနားမှာပါပဲ။
ကျနော့်ရဲ့မိတ်ဆွေများခင်ဗျာ … ကျီးကန်းတွေထဲမှာ သူခိုးလို့အော်လိုက်လို့ လှမ်းကြည့်တဲ့ကျီးကန်းလေးတကောင်တွေ့ရင် အဲဒီကျီးကန်းလေးဟာ ကျနော့်ကျီးကန်းလေးသာ ဖြစ်ကြောင်းပါခင်ဗျာ။
(သရုပ်ဖော် - အင်တာနက် - http://www.siestalane.com )
သတင်းအကျဉ်းချုပ် ...
ယနေ့ဂျပန်နိုင်ငံတိုကျိုမြို့အနီး ချီးဘား မာကူဟာရီဒေသရှိ စက္ကူလေယာဉ်ပျံပြိုင်ပွဲတွင် ထိုင်းနိုင်ငံကိုယ်စားပြု စက္ကူလေယာဉ်ချန်ပီယံမောင်သောင်းဒီး အသက်(၁၂နှစ်)က တဦးချင်းစွမ်းရည်အလိုက်ပြိုင်ပွဲတင် တတိယဆု ဆွတ်ခူးသွားပါတယ်။ ထိုင်းနိုင်ငံတွင် တရားမ၀င် နေထိုင်စဉ် မောင်သောင်းဒီးကို မွေးဖွားရာ မွေးစာရင်း မရှိသဖြင့် နိုင်ငံ မဲ့နေသည့် သူ့အား ဂျပန်နိုင်ငံသို့ သွားရောက်ခွင့် ပြုမပြုကို အငြင်းအခုန် ပြုလုပ်ပြီးထိုင်းအစိုးရက နိုင်ငံကူးလက်မှတ် ထုတ်ပေးလိုက်ခြင်း ဖြစ်ပါသည်။ မနေ့က(၁၉)ရက်နေ့မှာပြုလုပ်တဲ့ အုပ်စုလိုက် စက္ကူလေယာဉ်ပျံပြိုင်ပွဲမှာ မောင်သောင်းဒီးတို့အဖွဲ့က ပထမ အနိုင်ရရှိသွားပါတယ်။
သတင်းအကျဉ်းချုပ် ...
၁၉ စက်တင်ဘာ ၂ဝဝ၉ - လွတ်မြောက်လာတဲ့ နိုင်ငံရေး အကျဉ်းသားတွေကို လွှတ်ပေးလိုက်တာနဲ့ ပတ်သက်ပြီး နှောင်ကြိုးမဲ့ လွှတ်ပေးတာမဟုတ်ဖူးလို့ ပြောဆို ကြပါတယ်။ နောက်နောင် ပြစ်မှု တစုံတရာ ကျူးလွန်ရင်၊ အခုလွှတ်ပေးရာမှာ ကြွင်းကျန်ရစ်တဲ့ အပြစ်ဒဏ်ကို ကျခံရမဲ့ ၄ဝ၁ ပုဒ်မကို လက်မှတ်ထိုးခဲ့ရတာ ဖြစ်တယ်လို့ ပြောဆိုကြပါတယ်။
မနေ့ည ၇ နာရီလောက်မှာ သရက်ထောင်က လွတ်မြောက်လာတဲ့ ကိုခိုင်ကောင်းစံက “ထောင်က ထွက်ပေမယ့် ၄ဝ၁ ထိုးရတဲ့အတွက် နှောင်ကြိုးနဲ့ လွှတ်တယ် လို့ပဲ မြင်ပါတယ်။ မှန်ကန်တဲ့ သဘောထားတစ်ခု မဟုတ်ဘူးပေါ့၊ ယုံကြည်ချက် ကြောင့် နိုင်ငံရေးလုပ်ဆောင်လို့ ကျတဲ့ နိုင်ငံရေး အကျဉ်းသားတွေ ဖြစ်တယ်။ အမှန်ဆိုရင် ထောင် ဥပဒေအရ လျှော့ရက် ပေးရဖို့ ရှိပေမယ့် စစ်ထောက်လှမ်းက နေပြီးတော့မှ ၁/၉၉ ရဲ့ညွှန်ကြားမှုကြောင့် လျှော့ရက်တွေကို ပိတ်ထားတယ်။ ဒီအပေါ်မှာ ပျော်ရွှင်မှု ဘာမှ မခံစားရပါဘူး။” ကိုခိုင်ကောင်းစံဟာ ရခိုင်ဒီမိုကရေစီအဖွဲ့ချုပ်က ဖြစ်ပါတယ်။ သူ့ကို စစ်အစိုးရ မတရားအသင်းပုဒ်မ၊ လဝက ပုဒ်မတွေနဲ့ စုစုပေါင်း ထောင်ဒဏ် ၁ဝ နှစ် ချထားတာပါ။ လွတ်ရက်စေ့ဖို့ တနှစ်ကျော်အလိုမှာ ပြန်လွတ်လာတာ ဖြစ်ပါတယ်။
လွတ်ရက်စေ့ဖို့ ၅ ရက်အလိုမှာ ပြန်လွှတ်လာသူကတော့ ကလေးထောင်က ဦးမိုက်ကယ်ဝင်းကျော် ဖြစ်ပါတယ်။ သူဟာ ကလေးမြို့သားဖြစ်ပြီး နိုင်ငံရေး လှုပ်ရှား မှုတွေကြောင့် ဒုတိယအကြိမ် ထောင်ကျခဲ့တာပါ။ လွတ်ဖို့ ၅ ရက်အလိုမှာ လွှတ်ပေး လိုက်တာကြောင့် ၄ဝ၁ ပုဒ်မကို လက်မှတ်မထိုးခဲ့ဘူးလို့ အခုလို ပြောပါတယ်။ “သူတို့ချထားတဲ့ ဥပဒေနဲ့ဆိုရင် ၂ နှစ် ပြည့်ဖို့ ၅ ရက်အလိုမှာ သူတို့က လွှတ်ပေးလိုက်တာလေ။ မလွှတ်ပေးချင်နေ လွှတ်ပေးချင်ပေး ၄ဝ၁ တော့ မထိုးဘူး။” ကော့သောင်းထောင်က လွတ်လာတဲ့ ကိုထွန်းမင်းအောင်ကတော့ နောက် ၁ လဆို လွတ်ရက်စေ့ပြီလို့ သိရပါတယ်။ သူက အခုလို လွတ်လာတဲ့အပေါ် ထူးထူး ခြားခြား မခံစာရဘူးလို့ အခုလိုပြောပါတယ်။ “ထောင်ထဲမှာ ၂ဝဝ၇ ကနေ ၂ဝဝ၉ ခုနှစ်အထိ ၃ နှစ်အတွင်း နေခဲ့တာ ကြောင့် လွှတ်လာတဲ့ အပေါ်မှာတော့ အထွေအထူးတော့ မခံစားရပါဘူး။ ဒီလိုမျိုး ၉ လပိုင်း ၁၁ ပိုင်းဆိုရင် လွှတ်ပေးလေ့ရှိပါတယ်။ အမြဲတမ်း လုပ်ရိုးလုပ်စဉ်တစ်ခုလို့ပဲ ပြောရမှာပေါ့။” လွတ်မြောက်လာတဲ့ နိုင်ငံရေးအကျဉ်းသားတွေဟာ တိုင်းပြည်လွတ်မြောက် တဲ့အထိ နိုင်ငံရေးလှုပ်ရှားမှုတွေကို ဆက်လက်လုပ်ဆောင်အုံးမယ်လို့လဲ ပြောကြ ပါတယ်။
“မပြီးပြတ်သေးတဲ့ ဒီမိုကရေစီ တော်လှန်ရေးကို ဆက်လက်ပြီးတော့ တိုက် ပွဲဝင်ရအုံးမယ်ဆိုတဲ့ သန္နိဋ္ဌာန်ချထားမှု ရှိပါတယ်ခင်ဗျ၊” မနေ့က အကျဉ်းထောင်အသီးသီးကနေ လွတ်မြောက်လာတဲ့ အကျဉ်းသား တွေထဲ နိုင်ငံရေးအကျဉ်းသားတရာကျော်ပါတယ်လို့ ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေးအသင်း အေအေပီပီက အတည်ပြုပြောဆို လိုက်ပါတယ်။ နအဖ အစိုးရက အကျဉ်းသားတွေလွှတ်ပေးရာမှာ နိုင်ငံရေးအကျဉ်းသား တွေကိုပါ လွှတ်ပေးလိုက်တဲ့အပေါ် ဘယ်လိုမြင်ပါသလဲဆိုတဲ့ အမေးကိုတော့ အေအေပီပီ အဖွဲ့ရဲ့ တွဲဘက်အတွင်းရေးမှူး ဦးဘိုကြည်က အခုလို ပြောပါတယ်။ “လွတ်လာတဲ့ အကျဉ်းသားတွေကိုတော့ ကြိုဆိုပါတယ်။ ကျန်တဲ့သူ တွေကိုလည်း ကြိုဆိုဖို့ တတ်နိုင်သမျှ ဝိုင်းဝန်းဖေးမ စောင့်လျှောက်ကြဖို့ တိုက်တွန်း ချင်ပါတယ်။ တကယ် စစ်မှန်တဲ့ အမျိုးသား ညီညွတ်ရေးအတွက် ရည်ရွယ်တယ် ဆိုရင် ဒေါ်အောင်ဆန်းစုကြည်၊ ဦးခွန်ထွန်းဦး၊ ဦးတင်ဦး၊ မင်းကိုနိုင် တို့ကို လွှတ်ပေးရ ပါမယ်။ အရောင်ပြ လွှတ်နေတာမျိုး ဆိုရင်တော့ စစ်မှန်တဲ့ တွေဆုံ ဆွေးနွေးရေး လမ်းကြောင်းပေါ် သွားနိုင်တယ်လို့ ပြောလို့ မရသေးပါဘူး။ ဒေါ်အောင်ဆန်းစု ကြည်၊ ဦတင်ဦး၊ ဦးခွန်ထွန်းဦးတို့ကို မလွှတ်ပေးရင်တော့ ကုလသမဂ္ဂလုံခြုံရေး ကောင်စီနဲ့ ကုလသမဂ္ဂ အထွေထွေညီလာခံမှာ မြန်မာနိုင်ငံအရေးကို ဆွေးနွေးမှာမို့ လို့Tension တွေ၊ နိုင်ငံတကာဖိအားတွေ လျှော့သွားအောင် အရောင်ပြလွှတ်ပေး တာလို့ပဲ သက်မှတ်လို့ရတယ်။” စစ်အစိုးရက နိုင်ငံရေးအကျဉ်းသားတွေကို လွှတ်ပေးသလို ဆက်လက်ဖမ်း ဆီးမှုတွေကိုလည်း ရပ်တန့်ဖို့လိုတယ်လို့ ဦးဘိုကြည်က ပြောပါတယ်။ “နိုင်ငံရေးအကျဉ်းသားတွေ လွှတ်ပေးနေတယ် ဆိုပြီး တစ်ဖက်ကပြောနေ သလို ဖမ်းဆီးနေတာတွေလည်း ရှိနေပါတယ်။ ဖမ်းဆီးနေတဲ့ အထဲမှာလည်း စိုးရိမ်စရာ ကောင်းတာက အမျိုးသားဒီမိုကရေစီအဖွဲ့ချုပ် အဖွဲ့ဝင်တွေကို မတရား တဲ့ ဖောက်ခွဲမှုတွေနဲ့ တပ်ဆင်ပြီးတော့ ထောင်အပြစ်ဒဏ်အကြီးကြီးတွေ ချမှာတို့၊ မတရားသဖြင့် နှိပ်စက်မှာတို့ ဒါကိုတော့ အတော်ကလေး စိုးရိမ်ပါတယ်။ နိုင်ငံ တကာအနေနဲ့လည်း လွှတ်ပေးနေတာတွေကိုပဲ မမြင်ပဲနဲ့ ဖမ်းဆီးနေတာကိုလည်း သတိထားပြီး စောင့်ကြည့်ဖို့ လိုပါတယ်။ ဖမ်းဆီးနေတာတွေကို ရပ်တန့်ဖို့အတွက် ပိုပြီးတော့ ဖိအားပေးဖို့ လိုတယ်လို့ တိုက်တွန်းချင်ပါတယ်။” နိုင်ငံရေး အကျဉ်းသားများ ကူညီစောင့်ရှောက်ရေးအသင်းရဲ့ တွဲဘက် အတွင်းရေးမှူး ဦးဘိုကြည် ဖြစ်ပါတယ်။
ရင်းမြစ်။ ။ဒီမိုကရက်တစ်မြန်မာ့အသံမှာစာသားကိုပြန်လည်ဖော်ပြလိုက်ပါသည်။
မျှဝေခံစားနိူင်ကြပါစေ။
*မြတ်လေးငုံ*
သတင်းအကျဉ်းချုပ် ...
