0 2011 ThinGyan (Sky Net) Video Clips (အကြတ်​နေ့​)(အတတ်နေ့)

http://linoo.myanmarpress.com/မှ ကူးယူဖော်ပြပါသည်..

သတင်းအကျဉ်းချုပ် ...

0 မေတ္တာစုန်ရေ -နှစ်သစ်ဆုတောင်း (ဒေါ်မာမာအေး)

နှစ်သစ်ဆုတောင်း မေတ္တာစုန်ရေ သီချင်းသစ်လေးကို မာအေးချစ်တဲ့ အမိမြန်မာပြည်နဲ့ချစ်ဆွေတို့အားလုံးအတွက်မျှဝေလိုက်ပါတယ်

မာမာအေး

သတင်းအကျဉ်းချုပ် ...

1 ၂၀၁၁-ခုနှစ်မြန်မာသင်္ကြန်အကြိုနေ့ နှင့်အကျနေ့မြင်ကွင်းဓါတ်ပုံများ။

&efukefoMuFef

rEåav;oMuFef


(rZösdrESifh bDbDpD rS "gwfyHkrsm; ul;,lygonf )

သတင်းအကျဉ်းချုပ် ...

0 ကြည့်တတ်မြင်တတ်ခံစားတတ်ပါစေ

ဒီနေ.တော.နိုင်ငံရပ်ခြားကိုအကြောင်းအမျိုးမျိုးနဲ.ရောက်နေကြတဲ.လူငယ်တွေအကြောင်းကိုပြောပြချင်ပါတယ်။

နိုင်ငံရပ်ခြားကိုလာပြီဆိုတော.ဘယ်လိုပဲရောက်လာလာငွေကြေးကုန်ကျမှုကတော.ရှိမှာအမှန်ပါပဲ၊နိုင်ငံခြားဆိုတော.မြန်မာလူငယ်တွေအများဆုံးသွားကြတာကတော.ဒေသတွင်းနိုင်ငံတွေပဲဆိုပါတော.။ပညာတတ်အများစုကအနိမ်.ဆုံးစင်ကာပူလောက်။တခြားငွေကြေးအားနည်းတဲ.သူတွေ။ကျန်းမာရေးစစ်ဆေးချက်မအောင်တဲ.သူတွေကြတော.မလေးရှား၊ထိုင်း။ငွေပင်ငွေရင်းတတ်နိင်တဲ.သူများကလဲဂျပန်တို.။ကိုရီးယားတို.ပေါ.ဗျာ၊

နိုင်ငံရပ်ခြားကိုလာရတဲ.အဓိကရည်ရွယ်ချက်တွေကတော.အားလုံးနီးပါးတူကြပါတယ်။ငွေရှာဖို.ပါပဲ။

တချို.ပညာတော်သင်တွေတော.မပါဘူးပေါ.ဗျာ။မပါဘူးဆိုရင်တောင်အနဲဆုံးတော.သူတို.လဲပညာတဖက်နဲ.ငွေကိုရှာဖွေနေသူတွေလဲရှိတာပါပဲ၊အဲဒီတော.ဘယ်လိုအကြောင်းမျိုးနဲ.ပဲထွက်ခဲ.မူရင်းရည်ရွယ်ချက်ကိုတော.အကောင်အထည်ဖော်စေချင်တာပါပဲ၊ဒီမှာတချို.ရည်ရွယ်ချက်လမ်းလွဲသွားကြတာတွေလဲရှိပါတယ်။သူတို.တွေနိုင်ငံခြားဆိုတာကိုလက်တွေ.မှာမြင်လိုက်ရတော.တော်တော်များများကကိုယ်.နိုင်ငံနဲ.ယှဉ်ပြီးကြည်.လိုက်ကြမှာတော.မလွဲပါဘူး၊

အဲဒီတော.လေဆိပ်ကိုစမြင်လိုက်ပြီဆိုကတည်းကိုကကွာခြားချက်ကိုမြင်တော.တာပါပဲ၊

ဒီနေရာမှာနှိုင်းယှဉ်ချက်နဲ.အတူအားငယ်မိ၊သိမ်ငယ်မိတဲ.ကိုယ်.စိတ်ကိုလဲကိုယ်ပြန်ဖိထားရပါသေးတယ်၊

ပထမတော.ရောက်ရောက်ချင်းတော်တော်များများကအူကြောင်ကြောင်ဖြစ်မိပါတယ်။မသွားတတ်၊မလာတတ်။အဆိုးဆုံးက သူတို.ဆီမှာused to ဖြစ်နေတာတွေနဲ.ကိုယ်နဲ.ကအကျွမ်းမဝင်သေး၊ အဲဒီတော.ရောက်နှင်.နေသူတွေကို ကိုယ်က နဲနဲတော.ကိုးကွယ်ရတော.တာပေါ.၊တချို.နှစ်ဟောင်းကြီးတွေကလဲဒီကောင်ကိုနဲနဲတော.ပညာပိုင်းလေးတွေပြရမှာပေါ.ဆိုတဲ.အမြင်လေးတွေလဲရှိပါတယ်။တချို.ကတော.ဆောင်ရန်၊ရှောင်ရန်လေးတွေကိုတောသားမြို.ရောက်က သင်ပြသလိုမျိုးပေါ.၊သင်ပြပေးကြပါတယ်။လူသစ်ကလဲလက်ခံရတာပေါ.ဗျာ၊သူမှအကျွမ်းတဝင်မဖြစ်သေးတာ၊

အားလုံးကစစရောက်ချင်းမှာတော.အတတ်နိင်ဆုံးအကြွေးတွေကျေအောင်လုပ်ကြ။အိမ်ကိုငွေပို.ကြနဲ.ပေါ.ဗျာ၊အဲနဲနဲလဲနိင်ငံခြားပါးဝလာရောလျှပ်ပေါ်လော်လီပ၇မ်းပတာသုံးစွဲလာကြပါလေရော။အကျိုးရှိအောင်လုပ်မယ်ဆိုတဲ.ရည်ရွယ်ချက်လဲနဲနဲလျော.သွားကြပါတယ်၊အဝတ်အစားတွေကိုshow ပြကောင်းအောင်ဝယ်ကြ။အဲလကုန်ရင်ဘီယာလေးတမျှမျှနဲ.ပေါ.

စကားတွေဆိုရင်လဲမိုးထိုးတော.တာပေါ.၊အားလုံးကိုမဆိုလိုပါဘူး။တချို.နှစ်ကြီးသမားတွေလောက်ပါ၊တော်တော်များများမှာတော.ရှိကြတာအမှန်ပါပဲ၊အဲပိုဆိုးတာကအယားလေးတွေပါဖြေချင်ကြတာပေါ.၊ယောကျာင်္းတင်ပဲလားဆိုတော.မဟုတ်ပါ။မိန်းမတွေလဲဒီလိုပါပဲ။အဲအဝတ်အစားမပေါ်.တပေါ်လေးတွေဝတ်ရင်းနိုင်ငံသားတွေနဲ.အပြိုင်ဂုဏ်ယူပြနေကြတော.တာပေါ.။ပိုဆိုးတာကကိုယ်.ကိုကိုယ်မြန်မာလို.တောင်မပြောရဲကြတာပါပဲ။နိုင်ငံခြားသားဟန်ဆောင်ထားလိုက်ပါတော.တယ်၊

မြန်မအချင်းချင်းတောင်လိမ်ချင်နေကြတာတော.တော်.တော်.ကိုမြင်ပြင်းကတ်မိပါတယ်။တချို.ကလိမ်လဲလိမ်ချင်သေးတယ်။မပိရိ။မင်းမြန်မာလားလို.မြန်မာလိုမေးတာကိုမဟုတ်ဘူးလို.ပြန်ဖြေတယ်။ဒါဖြင်.မြန်မာလိုနားလည်တာပေါ.လို.ဆိုတော.နဲနဲတော.နားလည်ပါတယ်တဲ.။ခေါင်းငြိမ်.ရမလိုခေါင်းခါရမလိုပုံစံမျိုးနဲ.၊

အဲတချို.ကမြန်မာမဟုတ်ဘူး၊တိုင်းရင်းသားဆိုတာပါလိုက်သေးတယ်၊အဲဒါပေမယ်.မြန်မာပြည်ကိုချစ်တတ်တဲ.လူမျိုးတွေလဲအများကြီးရှိပါတယ်။မြန်မာပြည်မှာပဲပျော်တယ်ဆိုတဲ.လူကောင်းလေးတွေပေါ.ဗျာ၊ဒါမျိုးတွေတွေ.ရင်တော.ကျွန်တော်တအားအားတက်မိပါတယ်။ကိုယ်.နိုင်ငံမကောင်းပေမယ်.တိုင်းပြည်ချစ်စိတ်လေးတွေရှိနေသေးတယ်ဆိုရင်တော.ဝမ်းသာမိပါတယ်၊

နိုင်ငံရပ်ခြားမှာဘဝကိုနေပျော်သလိုနေပြီးအပြီးဇာတ်မြှပ်သွားကြတဲ.လူတွေလဲရှိပါသေးတယ်၊သူတို.ကတော.ချီးကျရာပျော်တဲ.လောက်တွေလို.ပဲခေါ်ပါရစေ၊

ကျွန်တော်.အနေနဲ.လူငယ်တွေကိုပြောချင်တာကပညာတော်သင်ပဲလာလာ၊ငွေကြေးရှာဖို.ပဲလာလာအချိန်တန်၇င်ဖြင်.အိမ်ကိုပြန်ကြဖို.တော.မမေ.ကြပါနဲ.လို.ပြောပါရစေ။ကျွန်တော်တို.တတ်မြောက်ထားတဲ.ပညာရပ်တွေကိမိမိရဲ.မွေးဖွားရာနေရာလေးမှာပြန်ပြီးအသုံးမချတတ်ရင်တော.ပညာတတ်လို.ကိုမခေါ်ထိုက်ပါဘူး၊ပညာတွေဘယ်လောက်ပဲတတ်တတ်ကိုယ်.အတွက်လောက်ပဲ၊ကိုယ်ဖူလုံရုံလောက်ပဲအတွက်ဆိုရင်တော.တဘို.တည်းသမားပဲဖြစ်ပါတယ်။ကိုယ်.ရဲ.မြန်မာပြည်မှာကိုယ်.လောက်မဖူလုံတဲ.သူတွေ၊ပညာမတတ်မြောက်ကြတဲ.သူတွေအတွက်ကိုယ်.ရဲ.တတ်စွမ်းနိုင်သလောက်လေးနဲ.တော.အကျိုးပြုစေချင်တာပါပဲ။ဒါမှာလဲပညာရေတွေဆက်လက်စီးဆင်းနိုင်မှာပါ၊သို.မဟုတ်ရင်ဖြစ်ေ၇သေအိုင်ကြီးပုတ်တော.သည်ဆိုသလိုပါပဲ။ဆက်လက်မစီးဆင်းနိုင်တဲ.ရေတွေဟာတနေရာထဲမှာပဲသေနေရင်းနဲ.တဖြည်းဖြည်းပုတ်တော.တာပါပဲ၊ဒါကြောင်.တချိန်မှာတိုင်းပြည်အတွက်ပြန်လည်အကျိုးပြုပေးကြပါလို.တိုက်တွန်းပါရစေ။ကျွန်တော်နိုင်ငံခြားကိုရောက်ခါစကအင်တာနက်ကိုကောင်းကောင်းအကျွမ်းတဝင်မဖြစ်သေးတဲ.မည်သူ.ကိုမဆိုအင်တာနက်ဗဟုသုတကိုကိုယ်သိသလောက်သင်ပြပေးပါတယ်။သူတို.တွေအားလုံးအားလပ်တဲ.အချိန်မှာတခြားဟာတွေနဲ.အချိန်ကုန်နေမဲ.အတူတူဒါလေးနဲ.ကုန်ရကျိုးနပ်အောင်သင်ပေးရခြင်းဖြစ်ပါတယ်။အခြေခံရှိရှိမရှိရှိ၊စိတ်ဝင်စားရင်လာသာလာခဲ.လို.ပြောပြီးသင်ပေးလိုက်တာပါပဲ၊

ပြီးတော.လူငယ်တွေရည်ရွယ်ချက်ပျောက်နေရင်အတတ်နိုင်ဆုံးတော.ပြောပြပေးလိုက်ပါတယ်။သူတို.တွေရင်ဖွင်.လာရင်လဲကိုယ်ကနားထောင်ပေးရတာပါပဲ၊သနားဖို.ကောင်းတဲ.လူတွေလဲရှိကြပါတယ်။ကြိုးစားနေကြတဲ.လူငယ်တွေလဲအများကြီးပါပဲ။ပြီးတော.မြန်မာလူမျိုးချင်းလဲတတ်နိုင်သလောက်ကူညီကြဖို.၊အလုပ်လိုလာရင်ဝိုင်းဝန်းပြီးရှာပေးကြဖို.ဆိုတာတွေလဲကိုယ်ကပြောလဲပြော။လုပ်လဲလုပ်ပြရတာပေါ.၊

နိုင်ငံရပ်ခြားရောက်နေတဲ.သူတွေဟာလွမ်းစရာရှိရင်တောင်ကြာကြာမလွမ်းနိုင်ကြပါဘူး၊အလုပ်တာဝန်တွေတဘက်ဆိုတော.စိတ်ဖိစီးမှုဒဏ်ကိုကြာကြာမခံစားရဲပါဘူး၊ငိုချင်ရင်တောင်တိတ်တိတ်လေးမျက်ရည်ဝဲရပါတယ်၊

နာဂစ်မွှေတုန်းကဆိုရင်နိုင်ငံခြားမှာရောက်နေသူတွေဟာဖြင်.ရင်တထိတ်ထိတ်ငါ.တို.အိမ်လေးများပါသွားပြီလားဆိုပြီးအင်တာနက်ကနေကြည်.ကြရပါတယ်၊တချို.ဆိုတငိုငိုနဲ.ပေါ.ဗျာ၊သူတို.တွေရဲ.ဘဝတွေကိုကိုယ်ချင်းစာတရားလေးနဲ.ကြည်.မှမြင်တတ်မှာပါ၊ခံစားတတ်မှလည်းစာနာနားလည်ပေးနိုင်မှာပါ၊

ဲအဲချစ်စရာကောင်းတဲ.မြန်မာလူမျိုးတွေရဲ.စရိုက်လေးတွေရှိပါသေးတယ်။ဘုန်းကြီးတွေ.ရင်မနေနိုင်၊လက်အုပ်ချီရှစ်ခိုးရင်တတ်နိုင်သလောက်လှုုဒါန်းတာတွေလဲရှိပါတယ်၊
နိုင်ငံရပ်ခြားရောက်နေပေမယ်.မြန်မာလူမျိုးတွေချစ်စရာကောင်းတာကအလှုအတန်းတွေနဲ.ဘာသာရေးတွေမှာအင်တိုက်အားတိုက်ပါဝင်နေကြတာကိုတွေ.ရပါတယ်။ဒီလိုမျိုးလေးတွေ.ရင်တော.စိတ်ကြည်နူးရတာအမှန်ပါပဲဗျာ၊ဘာသာရေးစိတ်ဓာတ်လေးနဲ.အခြေခံလူ.ယဉ်ကျေးမှုလေးတွေတော.ရှိကြပါသေးလားဆိုပြီးရင်ထဲအေးမိပါတယ်။

နိုင်ငံရပ်ခြားမှာငွေရှာနေကြတဲ.ရွေုမြန်မာတွေရဲ.ဘဝကိုတွေးကြည်.ရင်လဲမျက်ရည်ဝဲမိတာအမှန်ပါပဲ။မိဘတကွဲ၊သားတကွဲမယားတကွဲနဲ.ဘယ်သူ.မှတော.ပျော်လို.နေချင်ကြမှာမဟုတ်ဘူးဆိုတာကိုလဲတွေးမိပါတယ်၊လစဉ်အိမ်ကိုငွေကြေးပုံမှန်ပို.နိုင်အောင်ကြိုးစား။သူတို.တွေကတော.ဖြစ်သလိုနေ၊ဖြစ်သလိုစား၊အလုပ်ရှင်တွေကနှိမ်ရင်လဲပြန်မပြောဝံ.၊ကြိတ်မှိတ်အသာလုပ်နေတဲ.သူ.တို.တွေရဲ.ရင်ထဲကိုဝင်ကြည်.ရင်ဒဏ်ရာဒဏ်ချက်တွေအပြည်.နဲ.မို.နှလုံးသားမှာအမာရွတ်တွေအထပ်ထပ်နဲ.စီးစရာသွေးတွေတောင်ခမ်းခြောက်လုနီးပါးဖြစ်နေပါပြီ၊

ဘဝဆိုတာပျော်ရာမှာမနေရ၊တော်ရာမှာနေရတဲ.သူတို.လေးတွေရဲ.အနာဂတ်တွေပျောက်သွားမှာကိုတော်တော်စိုးရိမ်မိပါတယ်။

ပြီးတော.နိုင်ငံရပ်ခြားမှာနေသူတွေရဲအဓိကကျတာကျန်းမာရေးပါပဲ။ကျန်းမာရေးကောင်းမှအလုပ်လုပ်နိုင်မှာပါ၊

သူဌေးဆိုတာများသောအားဖြင်.ကိုယ်ချင်းစာတရားခေါင်းပါးတာများပါတယ်။အလုပ်သမားတယောက်သူတို.အတွက်ဘယ်လောက်ပဲအလုပ်တွေကြိုးစားလုပ်ပေး။အဲဒီအလုပ်သမားကျန်းမာရေးမကောင်းတာနဲ.သူတို.တွေမျက်နှာလွဲခဲပစ်လုပ်တော.တာပါပဲ၊သူတို.ကအလုပ်သမားဆီကနေကြံချောင်းကိုကြိတ်စက်ထဲထည်.သလိုရသမျှအရည်ညှစ်တော.တာပါပဲ။နောက်ဆုံးညှစ်စရာအရည်မကျန်တော.အရသာလည်းမရှိတော.ရင်တော.ပစ်လိုက်တော.တာပါပဲ။ဒီလိုပဲနိုင်ငံခြားမှာအလုပ်လုပ်ရင်းဘဝဆုံးပါးသွားတာတွေလဲအများကြီးပါ၊

လူငယ်တွေဒီလိုပဲကြွေလင်.သွားခဲ.ရတာဟာဖြင်.ဘယ်လောက်တောင်ရင်နာဖို.ကောင်းလိုက်ပါသလဲ၊

ဒါကိုအုပ်ချုပ်သူအစိုးရတယောက်အနေဖြင်.နားလည်ခံစားပေးနိုင်ခဲ.ရင်သိတ်ကောင်းမှာပါပဲ၊

ပြီးတော.ငွေကြေးစီးမျောမှုအပိုင်းနဲ.ပတ်သက်ပြီးတော.ပြောချင်ပါသေးတယ်၊

နိုင်ငံရပ်ခြားရောက်နေကြတဲ.မြန်မာတွေရဲ.နှစ်စဉ်ပို.ငွေတွေအားလုံးဒေါ်လာဘီလီယံနဲ.ချီပြီးရှိပါတယ်။ဒါပေမယ်.ဒီငွေတွေဘယ်ကိုရောက်သွားလဲဆိုတာကတော.ဘယ်သူမှမသိကြပါဘူး၊အိမ်ကမိသားစုတွေလဲတိုက်ဆောက်၊ကားစီးကြတာလဲမတွေ.။ဝမ်းဝတယ်ဆိုရုံလောက်လေးပါပဲ၊ဒါပေမယ်.သူတို.ပို.လိုက်ကြတဲ.လုပ်အားခငွေတွေနဲ.အကျိုးစီးပွါးဖြစ်နေကြတဲ.လူတွေတော.ရှိကြပါတယ်။ငွေလွဲုလုပ်ငန်းလုပ်ပြီးစီးပွါးရှာနေကြတဲ.လူတစုပေါ.ဗျာ၊မြန်မာပြည်ရဲ.အပြည်ပြည်ဆိုင်ရာငွေကြေးစီးဆင်းမှုဘဏ်လုပ်ငန်းစနစ်တွေမရှိကြတာလဲပါပါတယ်။ဒါကြောင်.ဟွန်ဒီလို.ခေါ်တဲ.ငွေလွှဲလုပ်ငန်းတွေအကျိုးများနေကြတာပေါ.၊ယနေ.ဟွန်ဒီလုပ်ငန်းတွေရဲ.နောက်ကြောင်းရာဇဝင်တွေကိုသေသေချာချာသိထားသင်.ပါပြီ။

ဒါမှနိုင်ငံရပ်ခြားမှာအလုပ်လုပ်နေကြတဲ.လူတွေရဲ.အကျိုးစီးပွါးကိုကာကွယ်နိုင်မှာပါ၊နဖူးကချွေးခြေကျအောင်လုပ်ရ၊ပြီးတော.မြန်မာပြည်ကမိသားစုလောက်ငှတယ်ဆိုရုံလေးပဲငွေပို.ပေးနေရတော.အချိန်ကုန်အသက်ကြီးလာတာပဲအဖတ်တင်ပါတယ်၊ဒါဖြင်.မြန်မာပြည်ပြန်ရင်ကောအဆင်ပြေနိုင်ပါ.မလားလို.ဆိုတော.ဒီမှာမှဝမ်းဝရုံပို.နိ်ုင်အုန်းမယ်။မြန်မာပြည်မှာဆိုရင်တော.ခံနာခေါက်ဖို.ကနိမ်းပါပဲ၊ကုလားလိုငိုပြရမယ်.ကိန်းပါ၊

ဒါကြောင်.လဲသူတို.တွေပေတေပြီးလုပ်နေရတာပေါ.ဒီလိုဘဝတွေကိုအစိုးရတဖြစ်လဲအုပ်ချုပ်သူလူတန်းစာတွေသိမြင်ကြရင်ဘယ်လောက်ကောင်းလိမ်.မလဲ၊ဘာတွေများစီစဉ်ပေးနိုင်မလဲဆိုတာကိုလဲတွေးကြည်.လိုက်တော. ဟူး ဆိုပြီးချလိုက်တဲ.ကိုယ်.ရဲ.သက်မလေးကိုတောင်အကြိမ်ကြိမ်အားနာမိပါရဲ.ဗျာ၊ဒါကြောင်.လဲ "အံ.သြဖွယ်မကုန်နိုင် ကဲမယုံချင်နေ"လို.သာညည်းလိုက်ချင်ပါတော.တယ်၊

နိုင်ငံရပ်ခြားအလုပ်လုပ်နေကြရတဲ.သူတွေရဲ.ခံစားချက်အကြောင်းကိုရေးပြ၊ပြောပြရမယ်ဆိုရင်တထောင်.တညပုံပြင်ထက်တောင်ရှည်သွားအုန်းမှာပါ၊ပြောပြလို.မကုန်နိုင်ပါဘူး၊

ဒါကြောင်.ဒါတွေဟာဖြစ်စဉ်းစားသုံးသပ်အဖြေရှာဖို.တော.လိုနေပါပြီလို.နိုင်ငံရပ်ခြားရောက်ရွှေမြန်မာများကိုယ်စားရေးပြောလေးပြောလိုက်ပါရစေ၊

(သားချစ်)

သတင်းအကျဉ်းချုပ် ...

0 ဒေါ်အောင်ဆန်းစုကြည်ကို Vital Voices ခေါ် ကမ္ဘာ့အမျိုးသမီးအဖွဲ့ ဂုဏ်ပြု(ရုပ်/သံ)

Daw Aung San Suu Kyi accepts the 2011 Vital Voices Global Trailblazer Award. Although she could not leave Burma to attend the event. She recorded these remarks to be played at the Awards which took place on April 12, 2011 at the John F. Kennedy Center for the Performing Arts in Washington DC.

သတင်းအကျဉ်းချုပ် ...

0 အတာသင်္ကြန်အကျနေ့ ရွှေဂုံတိုင်အမျိုးသားဒီမိုကရေစီအဖွဲ့ချုပ်ရုံးရှေ့မှာ ပြုလုပ်တဲ့ စတုဒီတာ အလှူပွဲ...

ဓာတ်ပုံသတင်း...ဒီမိုဝေယံ

သတင်းအကျဉ်းချုပ် ...

0 နိုင်ငံရေးဆိုတာ မြင့်မြတ်သူတို့ရဲ့အလုပ် ( မောင်မောင်ဝမ်း )

ဟိုးလွန်ခဲ့တဲ့နှစ် ၂၀ ကျော်ကာလ ကိုပြန်ပြောင်းလို့သတိရမိတယ်၊

၁၉၉၀ရွှေးကောက်ပွဲအကြိုစည်းရုံးရေးကာလမှာကျနော်တို့မြို့ကိုစည်းရုံးရေးဆောင်ရွက်ဘို့အနုပညာရှင်တွေ ရောက်ရှိလာကြတယ်၊ ကဗျာဆရာကြီး ဦးတင်မိုး ၊ ဖေမြင့် ၊ မောင်သွေးသစ်၊ ကိုမြတ်ခိုင်၊ အဆိုတော် ကိုတင်လှိုင် ၊ စန္ဒယား တင်ဝင်းလှိုင် တို့---------ညဘက် တညမှာ ကျန်တဲ့သူတွေက အိမ်ကြီးရဲ့အောက်ဘက် မြက်ခင်းပြင်မှာ ဆိုကြ တီးကြ ကဗျာတွေရွတ်ကြနဲ့ ၊ အိမ်အပေါ်ထပ်မှာတော့ ဆရာ ဦးတင်မိုးနဲ့လူငယ်ကျောင်းသားတချို့ ရှိနေကြတယ်….ဆရာကြီးနဲ့ဝိုင်းဖွဲ့ဆွေးနွေးရင်း..ဆရာကြီးရဲ့သြ၀ါဒတွေကိုခံယူတယ်ဆိုရင်လည်းမမှားပါဘူး။ အဲဒီနေ့ညက မှတ်မှတ်ရရ……………

စကားဝိုင်းကို အားလုံးတပြေးညီ ကြမ်းပြင်ပေါ်မှာပဲဝိုင်းဖွဲ့ခဲ့ကြတယ် ဆရာကြီးက ထိပ်ဆုံးမှာ..

“တကယ်တော့…နိုင်ငံရေးအလုပ်ဆိုတာမြင့်မြတ်တဲ့အလုပ်ပါ…တနည်းအားဖြင့်မြင့်မြတ်သူတို့ရဲ့အလုပ်..တော်ရုံစိတ်ထားနဲ့လုပ်နိုင်ဘို့ခက်တယ်….ဒါပေမဲ့ကျုပ်ကနိုင်ငံရေးသမားတော့မဟုတ်ဘူး…နိုင်ငံရေးသမားလို့ခံယူရ လောက်အောင်စွန့်လွတ်အနစ်နာခံစိတ်အဲသလောက်မကြီးမားဘူး…မြင့်မြတ်တဲ့စိတ်အဲသလောက်မရှိသေးဘူး…ပေမှီဒေါက်မှီ နိုင်ငံရေးသမားတယောက်ဖြစ်ဘို့ တော်တော်လိုတာဗျ…ဥပမာ…ဗိုလ်ချုပ်အောင်ဆန်းတို့ ဒေါ်အောင်ဆန်းစုကြည်တို့လိုပေါ့….ကျုပ်က အများကြီးလိုသေးတယ်…..”

ဆရာကြီးရင်ထဲကထွက်လာတဲ့စကားလုံးတွေထဲမှာ ရိုးသားဖြူစင်တဲ့အရိပ်ငွေ့တွေ ရောထွေးပါလာတယ်… ပကာသနတွေမပါဘူး..ဟန်ဆောင်မှု့တွေမသုံးဘူး

“ ဒါဆို ဆရာကြီး န၀တ ( အဲဒီကာလက န၀တ ပဲရှိသေးတယ် ) ကနိုင်ငံရေးလုပ်နေတာ မဟုတ်ဘူးလား… သူတို့လည်း မြင့်မြတ်တဲ့အလုပ် လုပ်နေတာပေါ့ ” ဆိုတော့

“ဘယ်ကလာ……သူတို့ကစီးပွားရှာနေကြတာ….နိုင်ငံအာဏာနဲ့စီးပွားရေးလုပ်နေတာ…နိုင်ငံရေးလုပ်နေတာမဟုတ်ဘူး….နိုင်ငံရေးသမားကနိုင်ငံရေးကိုခုတုန်းလုပ်ပြီးစီးပွားမရှာဘူးဗျ…နိုင်ငံရေးအလုပ်ကိုနိုင်ငံရေးအတွေး ခေါ်လုပ်ငန်းစဉ်အတိုင်းပဲလုပ်တယ်…တိုင်းပြည်နဲ့လူထုကိုဘယ်လိုတိုးတက်အောင်လုပ်ပေးရမလည်းဆိုတဲ့အ တွေးတွေကိုပဲစဉ်ဆက်မပြတ်တွေးတယ်…လုပ်တယ်…သူ့ရင်ထဲမှာရှိတာငွေမဟုတ်ဘူး….လူထု..တိုင်းပြည်ကိုဘယ်လိုချစ်ပါတယ်..ဘယ်လိုတိုးတက်အောင်လုပ်နေပါတယ်ဘယ်လောက်ပဲပြောပြော..လက်တွေ့ဟုတ်သ လား..ကြည့်…မဟုတ်ရင်…တခုခုမှားနေပြီ..တကယ်လုပ်မဲ့သူကတကယ်ဖြစ်နိုင်မဲ့လုပ်ငန်းစဉ်ကိုပဲရွေးချယ်တယ်…တင်းသင့်တာတွေကိုတင်း..လျှော့သင့်တာတွေကိုလျှော့..လူထုမျက်နှာ..လူထုအခွင့်ရေးကိုပဲကြည့်တယ်….တခါတလေကျုပ်စိတ်ကူးယဉ် ကြည့်တယ်…ကိုယ်ကသမ္မတပေါ့ဗျာ(စိတ်ကူးယဉ်တာတော့ရာထူးမြင့်မြင့်ထားမှ ကောင်းတာ..)….တိုင်းပြည်ကို တည်ဆောက်ကြည့်တယ်…တကယ်ကိုအရသာရှိတာဗျာ..စိတ်ကူးနဲ့တောင်အရသာရှိတယ်….ကျုပ်အမြင်ပြောရရင် လောကမှာ အများအကျိုးကို စိတ်ရှိသလောက်ဆောင်ရွက်နေရတာလောက် ကောင်းတာ ဘာမှမရှိဘူး..အစောကပြောခဲ့သလိုပါပဲ..နိုင်ငံရေးဆိုတာမြင့်မြတ်တဲ့အလုပ်ပါ…တခါ..မြင့်မြတ်သူတို့ရဲ့အလုပ်ပါဘာလို့လည်းဆိုတော့ အများအကြိုးကို ကိုယ်ကျိုးစွန့်ပြီးသယ်ပိုးရတာကိုး..”

“ဆရာကြီး စစ်အာဏာရှင်တွေကတော့..နိုင်ငံရေးဆိုတဲ့အသံကြားလိုက်တာနဲ့ တီကောင်ကိုဆားထိလိုက်သလို တွန့်တွန့်သွားတာ..ဘာလို့လည်း”

“သူတို့ကနိုင်ငံရေးလုပ်နေတာမှမဟုတ်တာ..သူတို့ရေးလုပ်နေတာဆိုတော့…နိုင်ငံရေးလုပ်နေသူများဟာ..သူတို့အတွက်ရန်ဘက်ဖြစ်နေတာပေါ့…ကျုပ်နားလည်တာက…နိုင်ငံရေးအလုပ်ဆိုတာ..မှားမှန်းသိရင်ပြင်နိုင်ရမယ်….မှန်ရင်ဆက်လျှောက်ရဲရမယ်…ပြုနိုင်လွယ်..ပြင်နိုင်လွယ်ဖြစ်ရမယ်…လူထုမျက်နှာ..လူထုအကျိုးစီးပွားကိုရှေးရှုရမယ် ..အဲဒါမှ နိုင်ငံရေး”

လွန်ခဲ့တဲ့ဆယ်စုနှစ်နှစ်ခုဆီကစကားတွေဟာခုထိလတ်ဆတ်နေဆဲ၊ခေတ်မှီနေဆဲ၊ကျနော့်ရင်ထဲမှာစွဲထိနေဆဲပါ…… “ နိုင်ငံရေးဆိုတာမြင့်မြတ်သူတို့ရဲ့အလုပ်တဲ့ ”

မြင့်မြတ်တဲ့အလုပ်ကိုလုပ်မယ်ဆို…မမြင့်မြတ်သူတို့ရဲ့ထိုးနှက်တိုက်ခိုက်ဝေဖန်ဆော်ကားမူ့တွေသတ်ဖြတ်မူ့တွေ ဆိုတာမလွဲမသွေကြုံရမှာပါပဲ…..ဆန့်ကျင်ဘက်တို့ရဲ့အားပြိုင်မူ့ဆိုတာ..လောကဓမ္မပဲလေ…ဒီကမ္ဘာလောကကြီးကိုကဆန့်ကျင်ဘက်တို့ရဲ့အားပြိုင်မူ့တွေနဲ့တည်ဆောက်ထားတာမဟုတ်လား---------------------------------ဦးစောသတ်ဖြတ်မှာကိုကြောက်လို့ ဗိုလ်ချုပ်ဟာ နိုင်ငံရေးလောက ကနေ ဟိုးအစောကြီးကထဲက စွန့်ခွာသွားခဲ့မယ်ဆိုရင် မြန်မာပြည်ရဲ့လွတ်လပ်ရေး ကံကြမ္မာဟာဘာတွေများဖြစ်လာလိမ့်မလည်း----မြင့်မြတ်တဲ့သူတွေရဲ့လုပ်ရပ်များဟာမ်ိမိယုံကြည်ရာပန်းတိုင်အတွက်ဘာကိုမှစိုးရွံ့စိတ်မရှိအောင်မြင်မူ့ပန်းတိုင်ကို မရောက်ရောက်သည်အထိလျှောက်တတ်ကြတယ်။

ခေတ်အဆက်ဆက်စစ်အာဏာကြီးများကနိုင်ငံရေးဆိုတာကိုပုံဖျက်သွားကြလေတော့..နိုင်ငံရေးဆိုတာ ကြားလိုက်ယုံနဲ့..အများစုကမသတီစရာတခုလို့မြင်လာတတ်ကြတယ်…နိုင်ငံရေးသမားဆိုသူများကိုအဖျက်သ မားတွေ၊အချောင်သမားတွေ၊ လူထုကို ဒုက္ခပေးမဲ့သူတွေလို့မြင်လာအောင် အမျိုးမျိုးဝါဒတွေဖြန့်တယ် နံမည်တွေပျက်အောင်ဖျက်တယ်။ တကယ်တော့ နိုင်ငံရေးအလုပ်ဟာ လောကီနယ်ပယ်တခုလုံးမှာ အလွန်မှမြင့်မြတ်တဲ့အလုပ်ပဲဖြစ်ပါတယ်။နိုင်ငံရေးဆိုတာကိုညစ်နွမ်းအောင်လုပ်တာဟာလုပ်တဲ့သူရဲ့လုပ်ရပ်ပဲ ဖြစ်တယ်၊ နိုင်ငံရေးရဲ့ ဖြစ်စဉ်မဟုတ်ဘူး၊

နအဖ ရေလည်းသုံးတတ်တဲ့ နိုင်ငံရေးနဲ့မပတ်သက်ရဆိုတဲ့စကားရပ်ကို အသဲယားတယ် နိုင်ငံရေးဆိုတာ နိုင်ငံသားတွေရဲ့အရေးပဲ တနည်းအားဖြင့် လူသားတွေရဲ့အရေးပဲ ဒါကိုမပတ်သက်ရဆိုတော့ လူထုက ဘယ်နေရာမှာသွားပတ်သက်ရတော့မှာလည်း၊လိုရင်လိုသလို မလိုရင်မလိုသလို ဆွဲယူတတ်တာ အာဏာရှင်တွေရဲ့စရိုက်လက္ခဏာ တခုပါ၊

တကယ်တော့ စစ်အာဏာရှင်အဆက်ဆက်မှာ နိုင်ငံရေးဆိုတဲ့ ဝေါဟာရကို အဓိပ္ပါယ်ဖွင့်သွားတာက ဆန့်ကျင်သူ၊အာဏာကိုဖြတ်လမ်းနည်းဖြင့်ရယူသောလုပ်ရပ်၊တိုင်းပြည်ကိုဖျက်စီးနှောက်ယှက်နေသူများစသဖြင့်ပေါ့လေ ၊ သူတို့ကိုသူတို့ကြ နိုင်ငံရေးသမားများလို့ဘယ်တုန်းကမှမပြောခဲ့ဘူး အဲသလောက်ထိနိုင်ငံရေးဆိုတဲ့ ဝေါဟာကိုကြောက်ရွံ့ကြတာ ---တခါက ဒေါ်အောင်ဆန်းစုကြည်နဲ့ ကျနော်တို့ကျောင်းသားတွေဆုံခဲ့စဉ်အခါက အန်တီစုပြောခဲ့တဲ့စကားလေးကိုလည်း သတိရမိတယ်…..

“နိုင်ငံရေးဆိုတာစက်ဆုတ်ရွံ့ရှာစရာအလုပ်မဟုတ်ဘူးဆိုတာကို…လူထုတရပ်လုံးသိအောင်ကြိုးစားဘို့လိုတယ်…..နိုင်ငံရေးဆိုတာပြည်သူပြည်သားအားလုံးနဲ့သက်ဆိုင်တဲ့ကိစ္စ…ပြည်သူတရပ်လုံးနိုးကြားတက်ကြွနေဘို့လို တယ်….အန်တီတို့ချည်းပဲလုပ်နေလို့မရဘူး…လူထုတရပ်လုံးကနိုးကြားမူ့မရှိဘူးဆိုရင်..ဘယ်လမ်းစဉ်ကောင်း ကောင်းနဲ့ပဲသွားသွားမအောင်မြင်နိုင်ဘူး……ဒီမိုကရေစီမရသေးတဲ့နိုင်ငံမပြောနဲ့…ဒီမိုကရေစီနိုင်ငံကြီးတွေမှာ တောင်..ရရှိထားပြီးသားဒီမိုကရေစီကိုပျောက်ပျက်မသွားအောင်…လူထုရဲ့နိုးကြားတက်ကြွမူ့တွေနဲ့ဝိုင်းထိန်း သိမ်းကြရတာ ” မှတ်သားစရာကောင်းတဲ့ စကားတွေပါ ။ တကယ်တော့ နိုင်ငံရေးဆိုတာ ကိုယ်ကျိုးကိုစွန့်ပြီး အများအကျိုးကိုဆောင်ရွက်ရတဲ့ ကိစ္စပါ ၊ လောကုတ္တရာမှာ ဘာသာသာရေးဟာ အထွတ်အထိပ်ဆိုရင် လောကီမှာ နိုင်ငံရေးဟာ အမြင့်ဆုံးမှာရှိတယ်လို့ဆိုချင်ပါတယ်။ အင်မတန်မှ ဖြူစင်မြင့်မြတ်တဲ့ နိုင်ငံရေးကို အရောင်ဆိုးပုံဖျက်သူများဟာ သူတို့ရဲ့ကိစ္စသာဖြစ်ပါလိမ့်မယ် ၊ မူလ နိုင်ငံရေးကတော့ အမြဲဖြူစင်လျှက်ပါ။ နိုင်ငံရေးဆိုတာလူသားတွေအကျိုးစီးပွား (အများ အကျိုးစီးပွား )ကိုဆောင်ကျဉ်းပေးရတဲ့ အလုပ်ဖြစ်တဲ့အတွက်

တကယ်တော့ နိုင်ငံရေးဆိုတာ မြင့်မြတ်သူတို့ရဲ့အလုပ်သာဖြစ်ပါတယ်။



စိတ်ဓာတ်မြင့်မားလေ အများအကျိုးဆောင်ရွက်လေ

( ဆရာတော်အရှင်ဆန္ဒာဓိက)

ကြုံတွေ့ လာသမျှ လူသားတိုင်းရဲ့ အကျိုးစီးပွားကို

ကိုယ်စွမ်းနိုင်သမျှ မေတ္တာစေတနာအပြည့်နဲ့ 

ကူညီဆောင်ရွက်ပေးတာကိုပဲ

ဒီဘ၀ ကျေးဇူးရှင် ၊သံသရာ့ ကျေးဇူးရှင်တွေကို

ကျေးဇူးတုံ့ ပြန်နေတာမို့ 

ကျေးဇူးဆပ်တယ် လို့ ခေါ်ပါတယ် ..။

မျက်မှောက်မျက်ကွယ် ကျေးဇူးရှင်တွေကို

ကျေးဇူးဆပ်နေရတာကိုပဲ

ပေးဆပ်နေရတယ်လို့ ပေါ့ပေါ့ပါးပါး သုံးနှုန်းကြပါတယ်..။

ကျေးဇူးတရားကို သိနားလည်တဲ့ သူတော်ကောင်းမှန်သမျှ

ကိုယ်နဲ့ ထိတွေ့ ပတ်သတ်လာသူတွေရဲ့  အကျိုးစီးပွားကို

ကိုယ်စွမ်းနိုင်တဲ့ဘက်က

သို့ မဟုတ်

ကိုယ်စိတ်ဝင်စားတဲ့ အခန်း ကဏ္ဍက

အတတ်နိုင်ဆုံး ကူညီ ဆောင်ရွက်ပေးရင်း

ကျေးဇူးတရားကို တုံ့ ပြန်ပေးဆပ်နေကြတာမို့ 

လောကအတွက်ပေးဆပ်နေကြတဲ့

ပရဟိတ သူတော်ကောင်းတိုင်းကို

မြင့်မြတ်စွာ ပေးဆပ်နေသူများလို့ 

ကမ္ပည်းထိုးနိုင်ပါတယ် …။

အားလုံးကိုလေးစားစွာဖြင့်

( မောင်မောင်ဝမ်း )

သတင်းအကျဉ်းချုပ် ...

0 အနှစ်သာရ ပြည့်ဝတဲ့ မြန်မာ့ရိုးရာသင်္ကြန်ဆိုတာ

တကယ်တော့ သင်္ကြန်ဆိုတာ မြန်မာလူမျိုးတို့ရဲ့နှစ်သစ်ကူးပွဲတော်ဖြစ်ပါတယ်။ ဗြဟ္မာဦးခေါင်းကြီးကို လက်ပြောင်းလက်လွှဲလုပ်တဲ့နတ်သမီးကို ရေဆေးပေးဖို့စတဲ့ ဘာသာရေးယုံကြည်မှု ထုံးတမ်း အစဉ်အလာတွေကို အသာထား၊ မြန်မာပြည်ရဲ့ ရာသီဥတုအရ၊နှစ်သစ်ကူးတဲ့အချိန်ဟာ အင်မတန်မှ ပူပြင်းလှတဲ့နွေကာလဖြစ်တဲ့အားလျော်စွာ တယောက်ကိုတယောက်ရေနဲ့ဖြန်းပက်ပြီးအေးချမ်းစေဖို့ ပြုမူကြတာကိုး..  မြန်မာသင်္ကြန်ပွဲတော်ရဲ့ အနှစ်သာရကလှလို့နေပါတယ်။ နှစ်သစ်မှာ အေးချမ်းကြစေဖို့တဲ့ ။အတိတ်ကောင်းနိမိတ်ကောင်းအင်မတန်မှမြတ်နိုးတဲ့ လူမျိုးတွေပီပီ တဦးကိုတဦးမွှေးကြိုင်တဲ့ နံ့သာရေတွေနဲ့ပက်ဖြန်းကြသလို ၊အဆိုတွေ၊အတီးအမှုတ်အကအခုန်တွေနဲ့ နှစ်သစ်ကြီးမှာ မင်္ဂလာအပေါင်းခညောင်းကြစေဖို့ ကြိုဆိုကြပါတယ်။

တကယ်တော့ တိုင်းပြည်တိုင်း၊လူမျိုးတိုင်းဟာ နှစ်သစ်ကူးပွဲတော်တွေကို တခမ်းတနားကျင်းပလေ့ရှိပါတယ်။ အဲဒီလို ကျင်းပကြတိုင်း အတီးအမှုတ်အကအခုန်ပျော်ပွဲရွှင်ပွဲတွေပါကြစမြဲပါပဲ။ မြန်မာတို့ရဲ့ သင်္ကြန်မှာ တခြားလူမျိုးတွေနဲ့မတူတာကတော့ တိုင်းပြည်ရဲ့ရာသီဥတုနဲ့လိုက်ဖက်ညီတဲ့ ရေကစားတဲ့ရေသဘင်ပွဲလေးပါနေတာပါ။ ဒါ့အပြင် အင်မတန်မှ ထူးကဲ တဲ့ သင်္ကြန်ပွဲတော်ရဲ့ ဓလေ့စရိုက်လေးတခုရှိပါသေးတယ် ။ ဘယ်နိုင်ငံဘယ်လူမျိုးမှာမှ ရှိတယ်လို့မကြားမိသေးပါဘူး။

အဲဒါကတော့ သံချပ် ပါ။ မြန်မာ လူမျိုးတွေဟာ နှစ်သစ်မှာအေးချမ်းဖို့၊ နှစ်ဟောင်းက အပြစ် အညစ်အကြေးတွေကို ကင်းစင်ဖို့၊ ရေကစားဖြန်းပက်ကြသလို နှစ်ဟောင်းတုန်းက မကောင်းမှုတွေ၊လိုအပ်ချက်တွေ၊အပြစ်အနာအဆာတွေကို ဟာသကလေးစွက်ပြီး ထောက်ပြပြုပြင်ကြတာ သံချပ် ပါ။ ကျွန်တော် တခါကလည်း ရေးဖူးပါတယ်။ မြန်မာလူ့အဖွဲ့အစည်းဟာ ဗီဇ ဒီမိုကရေစီလူ့အဖွဲ့အစည်းပါလို့။ ဒီလို သံချပ် ထိုးတာဟာ အုပ်ချုပ်သူလူတန်းစားကိုသာမက ရပ်ထဲရွာထဲက အမြင်မတော်သမျှကို ဝေဖန်ကြ၊ဟာသနှောပြောကြပါသတဲ့။ ဒါကို အပြောခံရသူတွေကလည်း စိတ်မဆိုးကြရပါဘူးတဲ့ ။ သံချပ်အလေ့အထဟာ ဟိုးပဒေသရာဇ်ခေတ်တွေကထဲကစီးဆင်းလာတာပါ။ မြန်မာပြည်ရဲ့ဒေသအသီးသီးမှာ သံချပ် ကို ပုံသဏ္ဍန်မျိုးစုံနဲ့မြင်ရပါတယ်။ တနင်္သာရီ မြိတ်ဘက်မှာတော့  `အိမ်ခေါ်´ တယ်တဲ့။ တအိမ်ဆင်းတအိမ်တက် ဟာသတွေအရွှန်းဖေါက်ပြီး ဝေဖန်တာကို အိမ်ရှင်တွေက စိတ်မဆိုးကြတဲ့အပြင် မုန့်ပဲသွားရည်စာတွေနဲ့တောင် ဧည့်ခံပါသေးသတဲ့။

လမ်းထိပ်က ဘူးသီးကြော်သည်က ဘူးသီးအရင့်တွေသုံးတာကအစ၊ အပျိုကြီးလူပျိုကြီးတွေ ဂေါ်တာအထိ ရပ်ထဲရွာထဲ အမြီးအမောက် မတည့်တာတွေကို ဟာသလေးနှောလို့ဝေဖန်သံချပ်ထိုးကြရင် အထိုးခံတဲ့သူတွေဟာ သင်္ကြန်အခါသမယမှာ ပြုံးပြုံးကလေးနဲ့ ကုသိုလ်ယူကြပါသတဲ့။
အဲဒါ မြန်မာလူ့အဖွဲ့အစည်း ဘယ်လောက် ရင့်ကျက်တယ်၊ဗီဇဒီမိုကရေစီ ထွန်းကားတယ် ဆိုတာ ပြသမှုဖြစ်သလို တနှစ်ကူးတဲ့အချိန်မှာ အပြန်အလှန်ဝေဖန်မှုတွေနဲ့ သုံးသပ်ပြီးရှေ့ဆက်ကြတာဖြစ်တဲ့၊ အင်မတန်မှာ အထင်ကြီးစရာ၊လေးစားစရာကောင်းတဲ့ မြန်မာ့ဓလေ့ပါ။
ပြောရမယ်ဆို ဦးနေ၀င်း ရဲ့ မဆလတပါတီအာဏာရှင်စနစ်အောက်မှာတောင် ခွင့်ပြုခဲ့ပါတယ်။ ကျွန်တော်တို့ငယ်ငယ်တုန်းကပေါ့ ၊ ရေကစားမဏ္ဍပ်တွေနဲ့အပြိုင် ၊ ဆုပေးမဏ္ဍပ်တွေမှာ အလှပြကားတွေ၊သံချပ်ကားတွေဟာ အပြိုင်နွှဲကြတယ်။

ဟတ္ထ၊ဆိပ်ပါးစပ်နတ်မျက်စိ၊မောင်မောင်တို့အဖွဲ့တွေဟာ ပြည်သူတွေရဲ့အသည်းကျော်တွေပါ။ ဒီလိုအစဉ်အလာကြီးမားတဲ့ မြန်မာ့ရိုးရာ၊မြန်မာ့လူ့အဖွဲ့အစည်းရဲ့အစဉ်အလာကို ဘယ်လိုယဉ်ကျေးမှုကိုထိန်းသိမ်းဖို့ရည်ရွယ်ချက်နဲ့များ ကန့်သတ်ပါလိမ့်။
ဂေါ်မစွံအပျိုကြီးတွေလောက်တောင်၊ရပ်ကွက်ထဲကဘူးသီးကြော်သည်လောက်တောင်မှမရင့်ကျက်၊သတ္တိမရှိ၊ သူရဲဘောကြောင်တဲ့သူတွေများ သံချပ် ကိုကြောက်ကြသလားဗျာ ။
ပုဂ္ဂိုလ်ရေးရာ ထိခိုက်မှုတွေနဲ့ သင်္ကြန်ကို ညစ်နွမ်းမှာစိုးလို့ သံချပ်ကိုပိတ်တယ်ဆိုတဲ့ ယဉ်ကျေးမှုဝန်ကြီးဌာနရဲ့ ထုတ်ပြန်ချက်ကိုဖြင့် အံ့သြမိပါရဲ့ ။နှစ်ပေါင်းရာချီ စီးဆင်းလာတဲ့ ဓလေ့ထုံးတမ်းတခုကို ကန့်သတ်ပိတ်ပင်တာ ယဉ်ကျေးမှုဝန်ကြီးဌာနရဲ့အလုပ်လား လို့တွေးစရာ၊မေးစရာ ။
 ဒါ့ထက်
အဲဒီ သံချပ် ထိုးခွင့်မပြုတာ . . .
ဒီမိုကရေစီ အစိုးရ တဲ့ လားဗျာ  ။       ။

ချစ်ခင်စွာ

ချိုတူးဇော်

သတင်းအကျဉ်းချုပ် ...

0 ဂျပန်အစိုးရမှ ဖူကူရှီးမားညူကလီယားအဆင့် ၀ မှ အဆင့် ၇ အထိတိုးမြှင့်ကြေငြာ

ဂျပန်အစိုးရက ဖူကူရှီးမားညူကလီယားအကျပ်အတည်းကို နိုင်ငံတကာစံနှုန်းသတ်မှတ်ချက်ဖြစ်တဲ့ အဆင့် ၇ သို့ တိုးမြှင့်လိုက်တယ်လို့ကြေညာပြီးတဲ့နောက်ပိုင်းမှာ ဂျပန်ရောက်မြန်မာနိုင်ငံသားတွေကြားထဲမှာ စိုးရိမ်ရေမှတ်တက်လာခဲ့ပါတယ်။ ”အဆင့် ၇ ဆိုတော့ ကျနော်တို့ဘာလုပ်ရမှာလဲ” ။ ”အဆင့် ၇ ဆိုတာဘာလဲ” ဆိုတဲ့မေးခွန်းတွေဟာ စိုးရိမ်မှုတွေ၊ ဝေခွဲမရမှုတွေနဲ့အတူ ရောပြွမ်းထွက်ပေါ်လာခဲ့ပါ တယ်။

ဒီတော့ ဂျပန်အစိုးရက ပြောတဲ့ အဆင့် ၇ ဟာ ဘာလဲဆိုတာ သိထားဖို့တော့လိုအပ်လာပါပြီ။ အဲဒီအဆင့် ၇ ဆိုတာက International Nuclear Event Scale လို့ခေါ်တဲ့ နိုင်ငံတကာညူကလီယားဖြစ်ရပ်များကို တိုင်းတာသောစကေး အဆင့် ၇ ဆင့်ရှိတဲ့အထဲမှာ အမြင့်ဆုံးနဲ့ အစိုးရိမ်ရဆုံးအဆင့်ဖြစ်ပါတယ်။ အဆင့် သုံည ကနေ ၇ အထိရှိပါတယ်။ အောက်မှာ အရောင်ကွဲတွေနဲ့ဖော်ပြထားတဲ့အတိုင်းဖြစ်ပါတယ်။

7 – Major accident အဓိကကျသောမတော်တဆမှု

6 – Serious accident စိုးရိမ်ဖွယ်ရာမတော်တဆမှု

5 – Accident with wider consequences ပိုမိုကျယ်ပြန့်သောအကျိုးသက်ရောက်မှု

4 – Accident with local consequences ဒေသတွင်းအကျိုးသက်ရောက်မှု

3 – Serious incident စိုးရိမ်ဖွယ်ဖြစ်ရပ်

2 – Incident ဖြစ်ရပ်

1 – Anomaly ပုံမှန်မဟုတ်မှု

0 – Deviation (no safety significance) သိသာသောဥပါဒ်မဖြစ်မှု

အဲဒီအဆင့် ၇ ဆင့်ကို ဘယ်သူက တိုင်းတာသတ်မှတ်ထားတာလဲလို့ နောက်ထပ်မေးခွန်းထုတ်စရာရှိလာ ပါတယ်။

ညူကလီယားမတော်တဆဖြစ်ပွားလာတဲ့အခြေအနေမျိုးမှာ ဘေးကင်းလုံခြုံရေးနဲ့ပတ်သက်ပြီး သွက်လက် ထိရောက်စွာဆက်သွယ်လုပ်ကိုင်နိုင်ဖို့ဆိုပြီး နိုင်ငံတကာအနုမြူစွမ်းအင်အေဂျင်စီ IAEA ဟာ ၁၉၉၀ ခုနှစ်မှာ International Nuclear and Radiological Event Scale (INES) ကို သတ်မှတ်လုပ်ဆောင်ခဲ့ပါတယ်။

ဘယ်လိုနည်းတွေနဲ့ သတ်မှတ်တာလဲဆိုတဲ့မေးခွန်းကတော့ ပညာရပ်ဆိုင်ရာမေးခွန်းဖြစ်တဲ့အတွက် ရှင်းရှင်းပြောရလို့ရှိရင် ငလျင်တိုင်းတာတဲ့ပုံစံလိုမျိုး လော့ဂရစ်သမ်တွက်ချက်မှုပုံစံတွေနဲ့ နှိုင်းယှဉ်တွက် ထားတဲ့ဖော်ပြချက်ဖြစ်ပါတယ်။ အဆင့် ၀ ကနေ အဆင့် ၇ အထိ တခုနဲ့တခုကြားကွာခြားချက်ပမာဏ ဟာ ဆယ်ဆကွာပါတယ်။ ဆိုလိုတဲ့သဘောက အဆင့် ၀ ထက် အဆင့် ၁ က ဆယ်ဆပိုပြင်းတယ်၊ ပိုအန္တရာယ် ကြီးတယ်ဆိုတဲ့သဘောပါ။ အဆင့် ၀ က လူကို ဘေးဥပါဒ်သိသိသာသာမဖြစ်စေဘူးလို့ဆိုတဲ့အတွက် အဆင့် ၇ ဆိုလို့ရှိရင် အဲဒါထက် အဆ ၇၀ ပိုတဲ့အဓိပ္ပာယ်ဖြစ်ပါတယ်။

ဒီတော့ အဆင့် တဆင့်စီဟာ ဘယ်လိုလဲဆိုတာကို သိနားလည်ထားသင့်ပါတယ်။

အမြင့်ဆုံးဖြစ်တဲ့ အဆင့် ၇ Major accident ဆိုတာဟာ ရေဒီယိုဓာတ်သတ္တိကြွတဲ့ဒြပ်တွေ အမြောက်အမြားထွက်ရှိနေပြီး လူ့ ကျန်းမာရေးကိုရော သဘာဝပတ်ဝန်းကျင်ကိုပါ ကျယ်ကျယ်ပြန့်ပြန့်ထိရောက်စေတဲ့အတွက် တန်ပြန်အရေး ယူဆောင်ရွက်တာတွေကို သေသေချာချာအစီအစဉ်ချပြီး ကျယ်ကျယ်ပြန့်ပြန့်လုပ်ဆောင်ရမှာဖြစ်ပါတယ်။ 

ကမ္ဘာမှာ အဆင့် ၇ ရောက်တယ်လို့သတ်မှတ်ခံရတဲ့ ညူကလီယားမတော်မဆမှုဟာ ၁၉၈၄ ခုနှစ် ဧပြီလ ၂၆ ရက်နေ့မှာဖြစ်ပွားခဲ့တဲ့ (ယခင်ဆိုဗီယက်ယူနီယံ) အခုအခါ ယူကရိန်းနိုင်ငံ ချာနိုဘိုင်းလ် ညူကလီယား ဘေးသင့်မှုဖြစ်ပါတယ်။  စမ်းသပ်မှုလုပ်ရင်းနဲ့ အားကြီးမားလှတဲ့ရေနွေးငွေ့ပေါက်ကွဲမှုဖြစ်ပြီး မီးလောင်ကာ  ညူကလီယားလောင်စာတွေကနေ ရေဒီယိုဓာတ်သတ္တိကြွတဲ့ဒြပ်တွေ ပတ်ဝန်းကျင်လေထုထဲကို အကြီး အကျယ်ရောက်ခဲ့ပါတယ်။ လူ ၅၆ ဦးသေဆုံးပြီး လူ ၄၀၀၀ လောက်ဟာ ကင်ဆာရောဂါမျိုးစုံခံစားခဲ့ရပါတယ်။ ချာနိုဘိုင်းလ်မြို့ကိုလည်း လုံးဝစွန့်ခွာခဲ့ရပြီး လူမနေတော့တဲ့ အရပ်ဒေသဖြစ်သွားခဲ့ပါတယ်။ ၃၀ ကီလိုမီတာ အထူးကန့်သတ်ဇုံဆိုပြီး သတ်မှတ်ထားခဲ့ပါတယ်။ နောက်တခုကတော့ အခုလောလောဆယ် ဂျပန်မှာဖြစ် ပွားနေတဲ့ ဖူကူရှီးမား ညူကလီယားအကျပ်အတည်းပဲဖြစ်ပါတယ်။

အဆင့် ၆ Serious  accident ဆိုတာဟာ ရေဒီယိုဓာတ်သတ္တိကြွတဲ့ဒြပ်တွေ သိသိသာသာချည်းထွက်ရှိနေ ပြီးအဲဒါကို သေသေချချာအစီအစဉ်ရေးဆွဲသတ်မှတ်ပြီး လုပ်ဆောင်ရမှာဖြစ်ပါတယ်။ ၁၉၅၇ ခုနှစ် စက်တင်ဘာ ၂၉ ရက်နေ့က ဆိုဗီယက်ယူနီယံ Mayak မြို့မှာရှိတဲ့ Kyshtym disaster အဖြစ်အပျက်ပါပဲ။ စွန့်ပစ်ညူကလီယားဒြပ်တွေကို ပြန်လည်အသုံးချဖို့လုပ်တဲ့လုပ်ငန်းစဉ်မှာ အအေးပေးတဲ့စနစ်ချွတ်ယွင်းပြီး ရေနွေးငွေ့ပေါက်ကွဲမှုဖြစ်ခဲ့ပါတယ်။ အဲဒါကြောင့် ရေဒီယိုဓာတ်သတ္တိကြွတဲ့ဒြပ် တန်ချိန် ၇၀ ကနေ ၈၀ အထိ လေထုထဲပျံ့လွင့်ခဲ့တယ်လို့ သိရပါတယ်။ ဒေသတွင်းပြည်သူတွေအပေါ် ဘယ်လောက်အတိုင်း အတာအထိ အကျိုးသက်ရောက်မှုရှိခဲ့တယ်ဆိုတာကို မသိခဲ့ရပါဘူး။

အဆင့် ၅ Accident with wider consequences ပိုမိုကျယ်ပြန့်သောအကျိုးသက်ရောက်မှု ဆိုတာ ကတော့ ရေဒီယိုဓာတ်သတ္တိကြွတဲ့ဒြပ်တွေဟာ အတိုင်းအတာတခုအထိ ပျံ့နှံ့ထွက်တာကိုခေါ်တာပါ။ ဒီလိုဖြစ်လာခဲ့ရင် စနစ်တကျနဲ့စီစဉ်သတ်မှတ်ပြီး တန်ပြန်အရေးယူဆောင်ရွက်ရမှာဖြစ်ပါတယ်။ သေဆုံးမှု တွေဖြစ်ခဲ့ပါတယ်။ ဓာတ်ပေါင်းဖိုတွေ ထိခိုက်ပျက်စီး ညူကလီယားလောင်စာတောင့်တွေတစိတ်တပိုင်း အရည်ပျော်တာတွေဖြစ်ခဲ့ပါတယ်။

၁၉၅၇ ခုနှစ် ဗြိတိန်နိုင်ငံ Windscale fire ။ ၁၉၇၉ ခုနှစ် အမေရိကန်ပြည်ထောင်စု Three Mile Island accident ။ ၁၉၅၂ ခုနှစ် ကနေဒါနိုင်ငံ First Chalk River accident ။ ၁၉၆၉ ခုနှစ် ဆွစ်ဇာလန်နိုင်ငံ Lucens partial core meltdown ။  ၁၉၈၇ ခုနှစ် ဘရာဇီးနိုင်ငံ Goiânia accident စတဲ့နေရာတွေမှာ ဖြစ်ခဲ့ပါတယ်။

အဆင့် ၄ Accident with local consequences ဒေသတွင်းအကျိုးသက်ရောက်မှုဆိုတာကတော့ ရေဒီယို ဓာတ်သတ္တိကြွတဲ့ဒြပ်တွေ အနည်းအကျဉ်းစိမ့်ထွက်ပျံ့နှံ့ခဲ့တာကို ခေါ်တာပါ။ ဒေသတွင်းမှာ စားသောက် စရာတွေနဲ့ပတ်သက်ပြီး ကန့်သတ်ထိန်းချုပ်တားမြစ်တာတွေလုပ်ပြီး အရေးယူဆောင်ရွက်ရတဲ့အဆင့်ပါ။

လူထုကြားမှာ ဓာတ်ရောင်ခြည်သင့်ခံရနိုင်တဲ့အဆင့်ဖြစ်ပါတယ်။ အဲဒီအဆင့်သတ်မှတ်ခံခဲ့ရတဲ့ ကမ္ဘာပေါ် က ညူကလီယားမတော်တဆမှုတွေထဲမှာ တဦးသေဆုံးခဲ့ပါတယ်။ ဓာတ်ပေါင်းဖိုထိခိုက်မှုဖြစ်နိုင်တဲ့အဆင့် ဖြစ်ပါတယ်။ ဗြိတိန်၊ အမေရိကန်၊ ပြင်သစ်၊ အာဂျင်တီးနား၊ ချက်ကိုစလိုဗားကီးယား၊ ဂျပန်နိုင်ငံတွေမှာ ဖြစ်ခဲ့ဘူးပါတယ်။

အဆင့် ၃ Serious incident စိုးရိမ်ဖွယ်ဖြစ်ရပ်ဆိုတာကတော့ ညူကလီယားစက်ရုံတွေ ၊ ဓာတ်ပေါင်း ဖိုတွေမှာ အလုပ်လုပ်တဲ့အလုပ်သမားတွေ တနှစ်ကို ဓာတ်ရောင်ခြည်သင့်ခံရတဲ့ပမာဏထက် ၁၀ မြင့်မား တဲ့အဆင့်ကိုခေါ်တာပါ။ သေလောက်တဲ့အထိမဖြစ်ပါဘူး။ အရေပြားတွေလောင်သွားလောက်တဲ့အထိ ဖြစ်ခဲ့ပါတယ်။ ဗြိတိန်၊ ဟန်ဂေရီ၊ စပိန်နိုင်ငံတွေမှာ ဖြစ်ခဲ့ဘူးပါတယ်။

အဆင့် ၂ Incident ဖြစ်ရပ် ဆိုတာကတော့ လူတွေဓာတ်ရောင်ခြည်သင့်ခံရတဲ့ပမာဏဟာ ၁၀ မီလီ ဆီးလ်ဗာ့တ်ပဲရှိပါတယ်။ အလုပ်သမားတွေ ဓာတ်ရောင်ခြည်သင့်ခံရတဲ့ပမာဏထက်ပိုမိုတဲ့ ရောင်ခြည်သင့် ခံရမှုအဆင့်ဖြစ်ပါတယ်။ စပိန်၊ ဆွီဒင်၊ ပြင်သစ်နိုင်ငံတွေမှာဖြစ်ခဲ့ပါတယ် ။

အဆင့် ၁ Anomaly ပုံမှန်မဟုတ်မှု ဆိုတာကတော့ ပြည်သူတွေအနေနဲ့ တနှစ်ရောင်ခြည်သင့်ခံရရင် အန္တရာယ်မဖြစ်စေတဲ့ ပမာဏကို ကျော်လွန်တဲ့အဆင့်ဖြစ်ပါတယ်။ ပြင်သစ်နိုင်ငံဖြစ်ခဲ့ဘူးပါတယ်။

အဆင့် ၀ ကတော့ Deviation (no safety significance) သိသာသောဥပါဒ်မဖြစ်မှု ဆိုတာကတော့ ဘေးဥပါဒ်သင့်တဲ့အဆင့်မဟုတ်ပါဘူး။ စလိုဗေးနီးယား၊ အာဂျင်တီးနား၊ ဂျပန်နိုင်ငံတို့မှာဖြစ်ခဲ့ပါတယ်။

ဂျပန်အစိုးရကသတ်မှတ်ခဲ့တဲ့ အဆင့် ၇ ဆိုတာက ဘယ်နေရာကိုသတ်မှတ်ထားသလဲဆိုတာက သာမန်ပြည်သူတွေအနေနဲ့ မသိမဖြစ်သိဖို့လိုအပ်တဲ့အချက်ပါ။ အဲဒီလိုမဟုတ်ရင် ကြောက်ရွံ့စိုးရိမ်မှုတွေ ဖြစ်နိုင်လို့ပါပဲ။ ဖူကူရှီးမား ဒိုင်းအိချိ အမှတ်တစ်ဓာတ်အားပေးစက်ရုံနေရာမှာဖြစ်ပါတယ်။ ဂျပန်အစိုးရက အဲဒီလိုမကြေညာခင်မှာ IAEA ကို ကြိုတင်အသိပေးပြီး ယာယီသတ်မှတ်ထားတယ်ဆိုတဲ့လျှောက်လွှာကို တင်ထားခဲ့တယ်လို့ IAEA ကဆိုပါတယ်။

ကျော်ကျော်စိုး

၃း၅၁ နာရီ

ဧပြီလ ၁၃ ရက် ၂၀၁၁ ခုနှစ်

သတင်းအကျဉ်းချုပ် ...

0 ရှန်တိနေကေတန် (၉၀)

ရှန်တိနေကေတန် (၉၀)

မြန်မာနိုင်ငံ၏ ထင်ရှားကျော်ကြားပြီးလူအများ၏ ချစ်ခင်လေးစားခြင်းခံရသောစာပေပညာရှင် စာရေးဆရာကြီးပါရဂူ (ခ) ဦးလှကြိုင် အသက် (၉၀) နှစ်သည် ၉.၄.၂၀၁၁ (စနေနေ့) နံနက် (၁၀း၀၀) နာရီတွင် အာရှတော်ဝန်ဆေးခန်း၌ ကွယ်လွန်အနိစ္စရောက်ရှိခဲ့ပြီး ၁၁.၄.၂၀၁၁ (တနင်္လာနေ့) ညနေ (၅း၀၀) နာရီအချိန်တွင် ရေဝေးသုဿန်၌ နာရေးကူညီမှုအသင်း(ရန်ကုန်) အစီအစဉ်ဖြင့် မီးသင်္ဂြိုလ် ခြင်းအခမ်းအနားကိုကျင်းပပြုလုပ်ခဲ့ပါသည်။

ဆရာပါသည် အမျိုးသားစာပေတစ်သက်တာစာပေဆုရှင်၊ ပါရဂူ ရှန်တိနိကေတန် စာကြည့် တိုက် တည်ထောင်ခဲ့သူ၊ မြန်မာစာပေသာမက (ဟင်ဒီ၊ ပါဋ္ဌိ၊ သက္ကတ၊ အင်္ဂလိပ်စာပေများကိုလည်း ကျွမ်းကျင်တတ်မြောက်သူဖြစ်ပြီးယင်းစာပေများမှ မြန်မာစာဖတ်သူ ပြည်သူ/သားများအတွက် အတွေး အခေါ် စာကောင်းပေမွန်များစွာကိုလည်း ပြန်ဆိုရေးသားပေးခဲ့သူ၊ အိန္ဒိယ - မြန်မာချစ်ကြည်ရေးကို စာပေဖြင့် ပေါင်းကူးပေးခဲ့သူ … စသည့်စသည့် ဂုဏ်ပုဒ်တွေ အများကြီးထဲမှ ထိပ်ဆုံးက ရှိနေသင့်တာကတော့ “ပရဟိတစာရေးဆရာကြီး”ဟူ၍ ဖြစ်ပါသည်။ စာရေးဆရာဘ၀ဖြင့် နှစ်ပေါင်း (၆၀) ကျော် ကျင်လည်ခဲ့စဉ် တစ်သက်တာလုံး ဆရာပါရဂူ ရေးသားဟောပြောခဲ့သမျှမှာ အများအကျိုးဆောင်ခြင်းရဲ့ မြင့်မြတ်မှုကို အမြဲတစေ အမွှန်းတင်ခဲ့ပါသည်။ လူငယ်များကို အတ္တလျှော့ပြီး ပရကဲကြဖို့ အခွင့်ကြုံတိုင်း နှိုးဆော်ပါသည်။ ပရဟိတ လုပ်ဆောင်သူများကိုလည်း ဆရာပါရဂူက လေးလေးစားစား တန်ဖိုးထားခဲ့ပါသည်။


“မသေခင်တွေ့ရမည့် နတ်ချမ်းသာ”

ကောင်းမှုပြုလုပ်သူအတွက် ဆုပေးရန်နတ်ပြည်ကို၎င်း၊ မကောင်းမှုပြုသူအတွက် ဒဏ်ပေးရန် ငရဲပြည် ကို၎င်း မည်သည့်နေရာ၌မဆိုဖန်တီးဖို့ မခဲယဉ်းပေ။ ကောင်းမှုနှင့် မကောင်းမှုအတွက် ဤကမ္ဘာ လောက၌ပင် တုံ့ပြန်မှုဖြစ်ပေါ်မလာဘဲမနေပေ။ ဒိဗ္ဗသုခ နတ်ချမ်းသာ ဖန်တီးဖို့အတွက် တစ်ခု တည်းသော နည်းလမ်းမှာ သက်ရှိသတ္တ၀ါအားလုံးအပေါ်၌ ဂရုဏာထားခြင်းဖြစ်သည်။ တခြားလူများ၏  တိုးတက်မှု၊ ငြိမ်းချမ်းမှု၊ ရွှင်လန်းချမ်းမြေ့မှုအတွက် အစွမ်းရှိသမျှ ကြိုးစားအားထုတ်ခြင်းသည် တိုင်းပြည်နှင့် လူ့အဖွဲ့အစည်း၏ အကျိုးအတွက် သည်ပိုးဆောင်ရွက်ရာလည်း ရောက်သည်။ တခြား သူများကို အကူအညီပေးခြင်းအားဖြင့် မိမိကိုယ်ကိုလည်း ကူညီရာရောက်သည်။ မိမိကိုယ်ကို အကူအညီပေးခြင်းအားဖြင့် တခြားသူများကို ကူညီရာလည်းရောက်သည်။
(ပါရဂူ)

ဆရာပါ၏ ဈာပနအခမ်းအနားတွင် စာပေ၊ ကာတွန်း၊ ပန်းချီ စသည့် နယ်ပယ်အသီးသီးမှ အနုပညာသမားများနှင့် ဆရာပါရဂူ၏ စာပေအနုပညာကို လေးစားချစ်မြတ်နိုးကြသော ပြည်သူလူထု အပေါင်းတို့မှ လာရောက်၍ နောက်ဆုံးခရီးကို လိုက်လံပို့ဆောင်ကြသည်။

ကိုကျော်သူအားကျေးဇူးတင်ရှိပါသည်...

သတင်းအကျဉ်းချုပ် ...

0 Safety level may be heightened(Japan)

ဧပြီလ ၁၂ ရက်မနက် ၇း၂၃ နာရီတွင် အင်အား မဂ္ဂနီကျုဒ် ၅.၅ ရှိသော ငလျင် နာဂါနိုခရိုင်တွင်းဗဟိုပြု လှုပ်ခဲ့သလို။ ၈း၀၈ မိနစ်တွင် ချီးဘားခရိုင်ပင်လယ်ပြင်တွင်ဗဟိုပြုလှုပ်ခဲ့သောငလျင်ဟာ မဂ္ဂနီကျုဒ် ၆.၃ ရှိ ခဲ့ပါတယ်။ အဲဒီလိုပဲ ဧပြီလ ၁၁ ရက်နေ့ ညနေပိုင်းကလည်း အင်အားအတော်အသင့်ပြင်းတဲ့ငလျင်လှုပ်ခဲ့ ပါသေးတယ်။ မတ်လ ၁၁ ရက်နေ့ကနေ ဧပြီလ ၁၁ ရက်နေ့အထိ ပြင်းအား မဂ္ဂနီကျုဒ် ၅ အထက်မှာရှိတဲ့ ငလျင် အကြိမ်ပေါင်း ၄၀၀ ကျော်လှုပ်ခဲ့ပါတယ်။

အဲဒီလိုအကြိမ်ပေါင်းများစွာလှုပ်ခဲ့တဲ့အတွက် စိုးရိမ်စိတ်နဲ့ စိတ်ပျက်အားငယ်မှုတွေ တချို့ဂျပန်တွေမှာ လည်း စတင်ပေါ်ပေါက်လာနေပါတယ်။

ဧပြီ ၁၁ ရက်နေ့မှာ ဂျပန်အစိုးရက ဖူကူရှီးမား ဒိုင်းအိချိ အမှတ်တစ် ဓာတ်အားပေးစက်ရုံကနေ အချင်းဝက် ကီလိုမီတာ ၂၀ ကနေ ၃၀ ကြားမှာရှိတဲ့ အရပ်မှာနေထိုင်တဲ့သူတွေ နေအိမ်တွင်းမှာနေကြဖို့ ညွှန်ကြားချက်ထုတ်ထားခဲ့တာကို ထပ်မံတိုးချဲ့မှုပြုလုပ်ခဲ့တယ်လို့ ကြေညာခဲ့ပါတယ်။ ကီလိုမီတာ ၃၀ အတွင်းမှာမရှိပေမဲ့လည်း တချို့ဒေသတွေကို ပြောင်းရွှေ့ထွက်ခွာရန်လိုအပ်တဲ့အရပ်ဒေသတွေဖြစ်တယ် လို့ ကြေညာခဲ့ပါတယ်။ အကြောင်းပြတာကတော့ အဲဒီအရပ်ဒေသတွေမှာ ကြာရှည်နေလို့ရှိရင် ရေဒီယို ဓာတ်ရောင်ခြည်သင့်မှုတွေ တဖြည်းဖြည်းချင်းနဲ့ခံရမှုများလာတဲ့အခါ လူ့ကျန်းမာရေးကို ထိခိုက်လာနိုင်တဲ့ အတွက်လို့ ဆိုပါတယ်။ ဖူကူရှီးမားခရိုင်တွင်းမှာရှိတဲ့ ခတ်ဆုရာအို့။ နာမိအဲ့။ အီးအိတာတဲ့။ ခါဝါ့မာ့တာ့။ မီနာမီဆိုးမာ့ ဆိုတဲ့ မြို့တွေ ရွာတွေဟာ ကီလိုမီတာ ၃၀ ပြင်ပမှာရှိပေမဲ့လည်း အစိုးရက ထုတ်ပြန်တဲ့ ပြောင်းရွှေ့ဖို့လိုတဲ့အရပ်ဒေသတွေစာရင်းထဲမှာပါဝင်ပါတယ်။

အစိုးရပြောရေးဆိုခွင့်ရှိသူ ယုကိအို အဲဒါ့နို က အခြေအနေတွေဟာ တည်ငြိမ်မှုမရှိသေးဘူးဆိုတာကို အတည်ပြုပြောဆိုလိုက်ပြီး ကလေးသူငယ်တွေနဲ့ ကိုယ်ဝန်ဆောင်အမျိုးသမီးတွေ အပေါ် အကျိုး သက်ရောက်မှုရှိစေနိုင်တဲ့အတွက် အဲဒီအရပ်ဒေသတွေကို ၀င်ရောက်တာမျိုးမလုပ်ဖို့ပြောပါတယ်။

ဧပြီလ ၁၁ ရက်နေ့က ညူကလီယားဘေးကင်းရေးဆိုင်ရာအေဂျင်စီဟာ ဖူကူရှီးမား ဓာတ်အားပေးစက်ရုံ ကနေ ရေဒီယိုဓာတ်သတ္တိကြွမှုဒြပ်တွေပျံ့နှံ့မှုပမာဏများပြားနေတယ်လို့ဆိုပါတယ်။  ဒီအခြေအနေက ဂျပန်အစိုးရကို ဘေးကင်းလုံခြုံရေးအဆင့်ကို နိုင်ငံတကာစံနှုန်းသတ်မှတ်ချက်အရ အဆင့် ၅ ကနေ အဆင့် ၇ အထိ တိုးမြှင့်သတ်မှတ်ဖို့ကိုစဉ်းစားရမယ့်အခြေအနေကိုရောက်စေပါတယ်။ ညူလီယားဆိုင်ရာ အဲဒီအေဂျင်စီက ဒီထုတ်ပြန်ချက်ဟာ ကနဦးလေ့လာတွေ့ရှိချက်တွေအပေါ် အခြေခံထားတာလို့ ဆိုပါ တယ်။

၁၉၇၉ ခုနှစ်က အမေရိကန်ပြည်ထောင်စုမှာရှိတဲ့Three Miles ညူကလီဓာတ်ပေါင်းဖို မတော်တဆမှုမှာ ဘေးကင်းလုံခြုံရေးအဆင့်ကို ၅ သတ်မှတ်ခဲ့ပါတယ်။ ဆိုဗီယက်ယူနီယံ(အခုယူကရိန်းနိုင်ငံ) ချာနိုဘိုင်းလ် ညူကလီယားဓာတ်ပေါင်းဖိုပေါက်ကွဲခဲ့တဲ့တုန်းက အဆင့် ၇ သတ်မှတ်ခဲ့ပါတယ်။

ဖူကူရှီးမားညူကလီယားအကျပ်အတည်းဟာ ပိုမိုမြင့်မားလာနေတယ်လို့ဆိုလို့ရပါတယ်။ အကြောင်း ကတော့ ဂျပန်အစိုးရက ရေဒီယိုဓာတ်သတ္တိကြွတဲ့ဒြပ်တွေ ယိုစိမ့်ပျံ့နှံ့မှုဟာ ၁၉၈၆ ခုနှစ်က ဖြစ်ပွားခဲ့တဲ့ ချာနိုဘိုင်းလ် ညူကလီယားဓာတ်ပေါင်းဖိုပေါက်ကွဲမှုကနေ ယိုစိမ့်ထွက်ခဲ့တဲ့ ရေဒီယိုဓာတ်သတ္တိကြွမှုနဲ့ ပမာဏနဲ့ တူညီတဲ့အတွက်လို့ဖြစ်ပါတယ်။ ဒါကြောင့် ဂျပန်အစိုးရက ဖူကူရှီးမားစက်ရုံတ၀ိုက်ဒေသမှာ ညူကလီယားဓာတ်ရောင်ခြည်သင့်မှုဟာ ဆိုးရွားလှတဲ့အဆင့်ကိုရောက်နေတဲ့အတွက် နိုင်ငံတကာစံနှုန်း သတ်မှတ်ချက် အဆင့် ၇ အထိ တိုးမြှင့်လိုက်တာဖြစ်ပါတယ်။ ဒီအတွက် ဂျပန်အစိုးရအဖွဲ့အတွင်းဝန်ချုပ် ယုကိအို အဲဒါ့နိုက အဆင့် ၇ ကို တိုးမြှုင့်လိုက်တာနဲ့ပတ်သက်ပြီး ဖူကူရှီးမား ဓာတ်အားပေးစက်ရုံ အနီး ဒေသမှာနေထိုင်ကြတဲ့သူတွေကို တောင်းပန်လိုက်ပါတယ်။

အခုလို စံနှုန်း(စိုးရိမ်အဆင့်)ကို မြှင့်တင်လိုက်တာဟာ ချာနိုဘိုင်းလ် ညူကလီယားဘေးသင့်ခဲ့သလိုမျိုး မဟုတ်ဘူးလို့ဆိုပါတယ်။

ဒီကြားထဲ တိုကျိုမြို့ရဲ့ ရှင်းဘားရှိ ဘူတာနားမှာ ဖူကူရှီးမားခရိုင် အီဝါးကိ မြို့ပတ်ဝန်းကျင်က ထွက်တဲ့ ဟင်းသီးဟင်းရွက်တွေကို ရောင်းချတဲ့ပွဲကို ယုကိအိုအဲဒါ့နိုသွားရောက်ပြီး စတော်ဘယ်ရီသီးတွေစားပြ ဟင်းရွက်တွေဝယ်ပြတာတွေလုပ်ခဲ့ပါသေးတယ်။

ဒီလိုအခြေအနေကိုကြည့်လို့ရှိရင် ဂျပန်အစိုးရဟာ ညူကလီယားအန္တရာယ်နဲ့ပတ်သက်ပြီး ပြည်သူလူထု အကြားမှာ ထိတ်လန့်တုန်လှုပ်ချောက်ခြားမှုတွေမဖြစ်အောင် တဖြည်းဖြည်းချင်းနဲ့ လုပ်ဆောင်နေတဲ့ သဘောသက်ရောက်နေပါတယ်။

ကျိုတိုတက္ကသိုလ် ညူကလီယားဓာတ်ပေါင်းဖိုဌာနက ညူကလီယားရူပဗေဒပညာရှင် ပါမောက္ခ ဟီရိုနိုဘူ အူနဲဆာကိ က အစိုးရက ဒီလိုမျိုးဘေးအန္တရာယ်အဆင့်ကို တိုးမြှင့်လိုက်ပေမဲ့ စိုးရိမ်စရာမလိုပါဘူးလို့ ပြော ပါတယ်။ ဘာကြောင့် သူဒီလိုပြောရသလဲဆိုတာကို ”ယိုစိမ့်ပျံ့နှံ့ခဲ့တဲ့ ရေဒီယိုဓာတ်သတ္တိကြွမှုတွေဟာ အကျပ်အတည်းစဖြစ်စ ကာလဖြစ်တယ်ဆိုတာနဲ့ သဘာဝပတ်ဝန်းကျင်နဲ့ ကျန်းမာရေးကို တိုက်ရိုက် ထိခိုက်စေနိုင်တဲ့အနေအထားမရှိဘူး” ဆိုပြီး ထောက်ပြခဲ့ပါတယ်။ သူက တိုင်းထွာရရှိတဲ့အချက်အလက် တွေအားလုံးကို သုံးသပ်ပြီး ဓာတ်ပေါင်းဖိုကို ကောင်းကောင်းထိန်းသိမ်းကွပ်ကဲနိုင်ပြီလို့ပြောလို့ရတယ်လို့ ဆိုပါတယ်။ အဲဒီလိုပြောတဲ့အတွက် ယိုစိမ့်တဲ့ပမာဏ သိသိသာသာများပြားတာမျိုးမရှိဘူးဆိုတဲ့အဓိပ္ပာယ်  မဟုတ်ဘူးလို့ဆိုပါတယ်။

အစိုးရအဖွဲ့အတွင်းဝန်ချုပ်နဲ့ ပါမောက္ခတို့ရဲ့ပြောဆိုချက်တွေက ဂျပန်နိုင်ငံတွင်းပြည်သူတွေ အထူးသဖြင့် ဖူကူရှီးမားဓာတ်အားပေးစက်ရုံဒေသတ၀ိုက်က လူတွေရဲ့စိုးရိမ်စိတ်တွေကို လျော့ကျစေဖို့ဆိုတဲ့သဘော သက်ရောက်နေတဲ့အပြင် ရှင်းလင်းပြတ်သားစွာပြောဆိုတာမျိုးမလုပ်တဲ့အတွက် သံသယမျက်စိနဲ့ ကြည့်လိုသူတွေအတွက် မယုံကြည်နိုင်တဲ့အနေအထားကို ရောက်စေပါတယ်။

TEPCO အရာရှိတဦးက ရေဒီယိုဓာတ်သတ္တိယိုစိမ့်ပျံ့နှံ့မှုတွေဟာ လုံးဝမရပ်သေးတဲ့အတွက် အဲဒီလို ယိုစိမ့်ပျံ့နှံ့တဲ့ပမာဏဟာ ချာနိုဘိုင်းလ်အဆင့်ကိုရောက်လာမလား ဒါမှမဟုတ် ကျော်လွန်သွားမလား ဆိုတာကို စိုးရိမ်တယ်လို့ ပြောပါတယ်။

ညူကလီယားဘေးကင်းရေးဆိုင်ရာအေဂျင်စီရဲ့ ပြောဆိုချက်ကတော့ ယိုစိမ့်ပျံ့နှံ့တဲ့ပမာဏဟာ ချာနိုဘိုင်းလ်ရဲ့ ၁၀% ပဲရှိပါတယ်လို့ ဆိုပါတယ်။

ဗြိတိန်နိုင်ငံ Surrey တက္ကသိုလ်မှ ရူပဗေဒပါမောက္ခ ပက်ဒီရေဂင် က ဂျပန်အစိုးရရဲ့ အဆင့် ၇ စံနှုန်းကို မြှင့်လိုက်တယ်ဆိုတာက သဘာဝပတ်ဝန်းကျင်ထဲကို ရေဒီယိုဓာတ်သတ္တိကြွတဲ့ဒြပ်တွေ အတော်ကို ပျံ့နှံ့ နေတယ်ဆိုတဲ့သဘောလို့ ပြောပါတယ်။ ချာနိုဘိုင်းလ်လို အဆင့်တူပေမဲ့ တကယ်တမ်းတော့ မတူပါဘူး လို့ဆိုပါတယ်။ ပျံ့နှံ့တဲ့ပမာဏနည်းတာရယ်။ ပျံ့နှံ့တဲ့နည်းလမ်းမတူညီတာရယ်ကြောင့်လို့ ပြောပါတယ်။

သြစတြေးလျားနိုင်ငံမှ ညူကလီယားဘေးကင်းရေးဆိုင်ရာကျွမ်းကျင်ပညာရှင် ဒွန်ဟစ်ဂ်ဆဲန် က ”ကျနော့် အတွက်ကတော့ ဖူကူရှီးမားကို ချာနိုဘိုင်းလ်နဲ့တတန်းတည်းသတ်မှတ်တယ်ဆိုတာဟာ ဘာမှအဓိပ္ပာယ် မရှိဘူး” လို့ ပြောဆိုပါတယ်။

ကျော်ကျော်စိုး

၂၁း၁၂ နာရီ

ဧပြီ ၁၂ ရက်၊ ၂၀၁၁ ခုနှစ်

သတင်းအကျဉ်းချုပ် ...