0 တောင်းရမ်း စားသောက်နေရသော မြန်မာကျောင်းဆရာအိုများ၏ လူမှုဒုက္ခများ

ဆယ်စု နှစ်ပေါင်းများစွာ ပညာရေးတာဝန်များကို ကျရာ ဒေသများတွင် တာဝန်ထမ်းဆောင်ခဲ့ကြအပြီး အငြိမ်းစား ယူထားကြသူ မြန်မာကျောင်းဆရာအိုများမှာ လူမှုဒုက္ခ အ၀၀ကို ခါးစည်း ခံရလျက် ရှိကြောင်း သတင်းရရှိသည်။

မန္တလေးတက္ကသိုလ် သမိုင်းဌာနမှာ နှစ် ၃၀ ကျော် ကထိကတာဝန်ယူခဲ့အပြီး အငြိမ်းစားယူထားသူ ဆရာကြီးတစ်ဦးမှ မောက္ခသို့ ရင်ဖွင့်ပြောပြခဲ့သည်။ “အဘတို့ ရတဲ့ ပင်စင် လစာက လုံးဝကို မလောက်မငပါ။ လမ်းစရိတ်နဲ့ လဖက်ရည်ဖိုးမျှသာ ရှိတယ်။ ပင်စင်တစ်ခုတည်းနဲ့ အမှီပြုထားရတော့ ဘယ်လိုမှ စားလို့သောက်လို့ မ၀ဘူး။”

ရှမ်းပြည်နယ် တောင်ကြီး အထကကျောင်းတွင် ကျောင်းအုပ်လုပ်ခဲ့သူ အသက် ၇၁ နှစ်အရွယ်ရှိ ဆရာကြီး ဦးစိုင်းမင်းလွင်မှ မိသားစု ကလည်းမထောက်ပံ့နိုင်သဖြင့် တပည့်ဟောင်းများအိမ်သုိ့ တစ်အိမ်တက်ဆင်း လိုက်လံ တောင်းစားရင်း ကျန်ရှိနေသည့် ဘ၀၏ နောက်ဆုံးနှစ်များကို ဖြတ်သန်းနေရကြောင်း ပြောပြခဲ့သည်။

ရန်ကုန်တိုင်းအတွင်း အထက်တန်းကျောင်းအုပ် တာဝန်များ ထမ်းဆောင်ခဲ့ပြီး မြို့နယ်တစ်ခုတွင် ပညာရေးမှူး လုပ်ခဲ့ဖူးသူ ဆရာကြီး ဦးအေးသိန်းမှ ကျောင်းဆရာစလုပ်ခါစ ကာလများနှင့် မတူတော့ဘဲ ဆရာတန်ဖိုး လုံးဝ ကျဆင်းနေရသဖြင့် လုပ်ခဲ့သမျှ အရာမထင်ဟု ခံစားရကြောင်း၊ ရင်နာနေရကြောင်း၊ ပညာရေးစနစ်ကြီး ပျက်စီးနေသည်ကို ကြည့်ပြီး စိတ်ဆင်းရဲရကြောင်း ခံစားပြောပြခဲ့သည်။ “ဒီနေ့ခေတ် ပညာရေးစနစ်ကို ဘယ်လိုမှ နားမလည်နိုင်ဘူး။ ဆရာဟာ ဆရာနဲ့ကို မတူတော့ဘူး။ မနက်ကျောင်းမသွားခင် ဈေးဗန်းကိုင်ပြီး ဈေးရောင်းရတဲ့ ကျောင်းဆရာမတွေလေ။ သူတို့ကို အပြစ်တော့ မတင်ရက်ဘူး။ ဒါပေမဲ့ တန်ဖိုးကတော့ သွားပြီ။ ကျောင်းသားဟာလည်း ဆရာတွေအပေါ်မှာ တန်ဖိုးထားမှု ကျဆင်းသွားတာ။ အနှစ် ၂၀ ကျော် ကာလမှာ အဆိုးဝါးဆုံးပါ။”

မူလတန်းကျောင်းအုပ်တာဝန်ကို ၄၅ နှစ်တိုင်တိုင် ထမ်းဆောင်ခဲ့သူ ပဲခူးတိုင်း၊ နယ်မြို့လေးတစ်မြို့မှ အသက် ၆၈ နှစ် ရှိပြီဖြစ်သည့် ဆရာမကြီး ဒေါ်ခင်ခင်ဝင်းက သူတို့ ပညာသင်ကြား ပေးခဲ့ကြသောသူများမှာ ယခုအခါ နိုင်ငံ ခေါင်းဆောင်များပင် ဖြစ်နေကြကြောင်းနှင့် မည်သည့်အခါကမျှ ဆရာကန်တော့ပွဲ အခမ်းအနား မလုပ်ခဲ့ကြဘူးကြောင်း ပြောပြခဲ့ပါသည်။ ထို့အပြင် စားဝတ်နေရေးအတွက် မလောက်မငဘ၀နှင့် ရှင်သန်နေရကြောင်း၊ တောင်းရမ်း စားသောက် နေရကြောင်းတို့ကိုလည်း မျက်ရည်အပြည့်ဖြင့် ခံစားပြောပြခဲ့သည်။

“ကျမ မူအုပ်တာဝန်ကို ၄၅ နှစ် ထမ်းဆောင်ခဲ့ပါတယ်။ ကျမတို့ ရှက်လည်း ရှက်နေလို့မရတော့ပါဘူး။ ဆေးကုဖို့က ငွေမရှိဘူး။ သားသမီးနောက်ခံကလည်းမရှိဘူးလေ။ တောင်းရမ်း စားသောက်နေကြရပါတယ်။ ရှက်လည်း မရှက်တော့ပါဘူး။ တပည့် ကျောင်းသားတွေ အခုအခါမှာ လူကြီးတွေဖြစ်၊ ကုမ္ပဏီဒါရိုက်တာကြီးတွေ၊ စီအီးအိုတွေဖြစ်၊ အချို့ဆို ဗိုလ်မှူးကြီးတွေ၊ ဗိုလ်ချုပ်တွေတောင် ဖြစ်နေကြပြီ။ မုဒိတာပွားရပါတယ်။ သို့သော်လည်းပဲ ကျောင်းသားဟောင်းများမှ လှူဒါန်းပေးကမ်းစွန့်ကြဲမှုကို မျှော်လင့်နေကြရတာပါ။ ပုံမှန်ရပ်တည်လို့မှ မရတာ။ လူအိုရုံကလည်း လက်မခံဘူး။ အဲဒါနဲ့ အခုမြင်တဲ့အတိုင်းပဲ တောင်းရမ်းစားသောက်ပါတယ်။”

ပြီးခဲ့သည့် သြဂုတ်လတွင် ကျောင်းဆရာဆရာမများအပါအ၀င် အငြိမ်းစား ၀န်ထမ်းများ ၅၀ ဦးမှ ဗိုလ်ချုပ်မှူးကြီးသန်းရွှေထံသို့ ပင်စင်လစာတိုးမြှင့်ပေးရန် တောင်းဆိုခဲ့ကြသည်။

မောက္ခ ပြည်တွင်းပညာရေးသတင်း

သတင်းအကျဉ်းချုပ် ...

0 မြန်မာစစ်အစိုးရ၏ နျူးကလီးယားစီမံကိန်း နှင့် ဗိုလ်မှူးဟောင်း စိုင်းသိန်းဝင်း - အပိုင်း (၂)

တပ်မှူးတပ်သား ပြောစကား (၀၃၉)

မြန်မာစစ်အစိုးရမှာ ‘အဏုမြူလက်နက်တွေထုတ်လုပ်မယ့် နျူးကလီးယားစီမံကိန်း’ ရှိနေတယ်ဆိုတဲ့ အထောက်အထားတချို့ကို ယူဆောင်ပြီး၊ ပြည်ပကိုထွက်ခွါလာခဲ့သူကတော့ မြန်မာ့တပ်မတော်မှာ စစ်အင်ဂျင် နီယာအရာရှိအဖြစ်တာဝန်ထမ်းဆောင်ခဲ့သူ ဗိုလ်မှူးဟောင်းစိုင်းသိန်းဝင်းပါ။ တပ်မတော်နည်းပညာတက္ကသိုလ် DSTA ဗိုလ်သင်တန်းအပတ်စဉ်(၁)က ကျောင်းဆင်းခဲ့ပြီးတော့၊ ရုရှနိုင်ငံမှာ ဒုံးကျည်ဆိုင်ရာစက်မှုဘာသာရပ် နဲ့ မဟာသိပ္ပံဘွဲ့ရယူခဲ့သူ ဗိုလ်မှူးဟောင်းစိုင်းသိန်းဝင်းရဲ့ ပြောကြားချက် ဒုတိယပိုင်းကို ဒီသီတင်းပတ်ရဲ့ “တပ် မှူးတပ်သား ပြောစကား” အပတ်စဉ်ကဏ္ဍမှာ ဦးရော်နီညိမ်းက စီစဉ်တင်ဆက် ထားပါတယ်။

ဦးရော်နီညိမ်း။ ။ ဗိုလ်မှူးတို့က DSTA အပတ်စဉ်(၁)က ဆင်းတာဆိုတော့ ရုရှနိုင်ငံကို ဒီလို တပ်ကစစ် အင်ဂျင်နီယာတွေကို နျူကလီးယားဘာသာရပ်တွေ ဒုံးကျည်ဘာသာရပ်တွေ တက်ဖို့လွှတ်တာဟာ ဘယ်တုန်း လောက်က စခဲ့ပြီးတော့ ဗိုလ်မှူးက ဘယ်အသုတ်လောက်မှာ သွားရတာပါလဲ ခင်ဗျ။

ဗိုလ်မှူးစိုင်းသိန်းဝင်း။ ။ ကျနော်က ပထမဆုံးအသုတ်နဲ့ သွားရတာပါ။ ၂၀၀၁ခုနှစ် မေလကနေ စပြီး တော့ တက် ရပါတယ်။ ကျနော်တို့ ရုရှမှာ စာသင်လာခဲ့ရတဲ့ပုံစံက projectလုပ်တယ်ဆိုတာက ကိုယ်နဲ့သက် ဆိုင်တဲ့ ဘာသာရပ်မှာ၊ ဥပမာ rocket engine design လုပ်တယ်ဆိုရင် ကျနော်လုပ်တဲ့ project ဟာ ရုရှ rocket company တွေက design တွေမို့လို့ သူက မြန်မာပြည်ပြန်ရောက်တဲ့အချိန်မှာ ဆက်လက်စမ်းသပ် ပြီးတော့ အသုံးချလို့ ရနိုင်တဲ့ project အပြည့်အစုံ ဖြစ်ပါတယ်။ အဲဒါတွေကို ကျနော်တို့ ကျောင်းပြီးလို့ ပြန် လာတဲ့အချိန်မှာ ‘သသန’ ရောက်တဲ့အချိန်မှာ ကျနော်တို့ ကိုယ့် project ကိုယ်အကုန်အင်္ဂလိပ်လို ပြန်လုပ်ပြီး တော့ သိပ္ပံနှင့်သုတေသနဌာန ဌာနချုပ်မှူးဆီမှာ ကျနော်တို့တင်ပြရတာပါ။ အဲဒါတွေက ကျနော်တို့ လက်တွေ့ လုပ်မယ်ဆိုရင် စမ်းသပ်သုတေသနလုပ်နိုင်တဲ့ project တွေဖြစ်ပါတယ်။ဦးရော်နီညိမ်း။ ။ဟုတ်ကဲ့ခင်ဗျ၊ ဌာနချုပ်မှူးဆိုတာက ‘သသန’ ဌာနချုပ်မှူးပေါ့နော်။ ဘယ်သူပါလဲ မသိ ဘူးခင်ဗျ။ ဗိုလ်မှူးတို့ အချိန်တုန်းက။

ဗိုလ်မှူးစိုင်းသိန်းဝင်း။ ။ ဗိုလ်ချုပ်စိန်ဝင်း ဖြစ်ပါတယ် ခင်ဗျ။

ဦးရော်နီညိမ်း။ ။ အခုတော့ သူက ‘လေကြောင်းရန်ကာကွယ်ရေးအရာရှိချုပ်’ ဖြစ်သွားပါပြီ။ ဗိုလ်မှူးတို့ က ပထမဆုံးအသုတ် လွှတ်တာဆိုတော့ လူကြီးတွေက ပထမဦးဆုံးအသုတ်သွားမယ့် သင်တန်းသားတွေကို မှာကြားတာမျိုး ရှိပါသလား ခင်ဗျ။ ဗိုလ်မှူးတို့ကို ဘယ်လိုများ မှာကြားလိုက်ပါသလဲ။ ဒီလိုမျိုးပညာတွေ တတ် ပြီး ပြန်လာရင် ဘာလုပ်ဖို့လို့ ပြောပါသလဲ ခင်ဗျ။

ဗိုလ်မှူးစိုင်းသိန်းဝင်း။ ။ ဟုတ်ကဲ့ ကျနော်တို့မသွားခင် (၂)ရက်အလိုမှာ ဗိုလ်ချုပ်မှူးကြီးမောင်အေး “နိုင် ငံတော်ကာကွယ်ရေးတက္ကသိုလ်”ကို ရောက်လာပြီးတော့ ကျနော်တို့ တပ်မတော်အရာရှိတွေချည့်ပဲ စုပြီးတော့ မိန့်ခွန်းပြောပါတယ်။ သိပ္ပံနှင့်နည်းပညာဝန်ကြီး ဦးသောင်းလည်း ပါပါတယ်။ ကျနော်တို့ကိုပြောတဲ့အထဲမှာ တော့ ဒီနေ့ခေတ် မြန်မာ့တပ်မတော်အနေနဲ့ ခေတ်မှီလက်နက်တွေ ပိုင်ဆိုင်ဖို့လိုအပ်ကြောင်း ဒါကြောင့်မိုလို့ nuclear ၊ rocket နဲ့ဆိုင်တဲ့ ပညာရပ်တွေသွားသင်ဖို့ ကျနော်တို့ကို ရုရှကိုလွှတ်မယ်ဆိုတဲ့အကြောင်း ကျနော် တို့ကိုပြောပါတယ်။ ပထမ စစချင်းမှာ သိပ္ပံနှင့်နည်းပညာဝန်ကြီးဦးသောင်းက ကျနော်တို့ကို နျူကလီးယား ပညာရပ်တစ်မျိုးအတွက် တရုတ်ပြည်ကိုသွားပြီးတော့ ညှိနှိုင်းတယ်လို့ ပြောပါတယ်။ ဒါပေမယ့် တရုတ်က ငြင်းလိုက်တယ်။ အိန္ဒိယကို သွားတယ်၊ အိန္ဒိယက လက်ခံတယ်။ ဒါပေမယ့် ရုရှသွားတဲ့အခါ ရုရှကလည်း လက်ခံတဲ့အတွက်ကြောင့်မို့ ကျနော်တို့ကို ရုရှကိုပို့လိုက်တယ်ပေါ့။ သပိတ်ကျင်းစီမံကိန်း ဆိုတာတွေက အား လုံးလုပ်ပြီးသွားတဲ့ အချိန်လောက်ကျမှ ကျနော်တို့ကို အသိပေးတဲ့ပုံစံ တွေ့ရပါတယ်။ သပိတ်ကျင်းကို ၂၀၀၆ နှစ်လယ်ပိုင်းလောက်ကျမှ ကျနော်တို့ရုရှပြန်အရာရှိတွေကို စုစည်းပြီး သိပ္ပံနှင့်နည်းပညာတပ်အမှတ်(၁)ဆိုပြီး ဖွဲ့စည်းပြီးတော့ လွှတ်လိုက်တာ ဖြစ်ပါတယ်။

ဦးရော်နီညိမ်း။ ။ အဲဒီတော့ ရုရှနိုင်ငံကကော နျူကလီးယားပညာရပ်ဒုံးကျည်ပညာရပ်တွေကို တကယ် ပဲ သူတို့ဆီကပညာရှင်တွေကို သင်ကြားမွေးထုတ်ပေးသလို ဗိုလ်မှူးတို့ကိုကော စံချိန်အပြည့်စံချိန်မှီသင်ကြား ပေးပါသလား ခင်ဗျ။ သွားတက်ရတဲ့ ကျောင်းတွေကကော ကမ္ဘာ့အဆင့်နဲ့အညီ သတ်မှတ်ထားတဲ့ ဥပမာ အင် ဂျင်နီယာပိုင်းဆိုရင် အမေရိကားမှာ MIT (Massachusetts Institute of Technology) တို့ အိန္ဒိယက IIT (Indian Institutes of Technology) တို့လိုမျိုး ထိပ်တန်း အင်ဂျင်နီယာဘာသာရပ်သင်တက္ကသိုလ်ကြီးတွေနဲ့ ယှဉ်ရင် ဘယ်လိုအနေအထား ရှိပါသလဲခင်ဗျ။

ဗိုလ်မှူးစိုင်းသိန်းဝင်း။ ။ ကျနော်တို့ သွားတက်လာခဲ့တဲ့ Bauman University (Bauman Moscow State Technical University) က မြန်မာပြည်အနေနဲ့ ပြောမယ်ဆိုရင်တော့ စက်မှုတက္ကသိုလ်ကြီးပဲပေါ့။ သူ က University ဖြစ်ပြီးတော့ ကျနော်တို့ မြန်မာပြည်မှာ ဆောက်ခဲ့တဲ့ RIT - Rangoon Institute of Technology ဆိုတာကတော့ Institute အဆင့်ပဲ ရှိတာကိုး။ University အောက်မှာမှ Institute တွေရှိတာ ကိုး။ သဘောက မြန်မာပြည်မှာရှိတဲ့ RIT ဆိုတာ ကျနော်တို့ Bauman University ကြီးရဲ့ အခွဲတစ်ခု လိုမျိုး ပေါ့၊ အဲဒီလို ရှိပါတယ်။ ရုရှားမှာလည်း main ပင်မ တက္ကသိုလ် ရှိတယ်။ သူ့ကို အမ်ဂယ်(လ်)တဲအူး (ရုရှဘာ သာနှင့် М.Г.Т.У - Московский Государственный Технический Университет имени Н.Э. Ба­умана – အင်္ဂလိပ်ဘာသာ MSTU- Moscow State Technical University) လို့ခေါ်တယ်။ ဆိုလိုတာက မော်စကိုစက်မှုတက္ကသိုလ်ပေါ့ ခင်ဗျာ။ ကျနော် တက်ခဲ့တာ က အဲဒီ မော်စကိုစက်မှုတက္ကသိုလ်မှာပါ။ သူတို့ သင်တဲ့ပုံစံကတော့ ရုရှကျောင်းသားတွေကိုသင်တာနဲ့ အနည်းအကျဉ်း ကွာခြားမှုရှိပါတယ်။ ဥပမာ ကျနော်တို့ rocket engine design ဌာနမှာဆိုရင် ကျနော်တို့ကို liquid fuel (လောင်စာအ ရည်) နဲ့အသုံးချတဲ့ rocket engine design ကိုပဲ သင်ပေးတယ်။ solid fuel (လောင်စာခဲ)သုံးတဲ့ rocket engine design ကို သင်မပေး ပါဘူး။ နောက်ပြီးတော့ project လုပ်တဲ့အခါမှာလည်း ကျနော်တို့ကို First Stage Rocket Engine Design ကို project မလုပ်ခိုင်းဘဲ Second Stage Rocket Engine Design ကိုပဲ လုပ်ခိုင်းတာရှိပါတယ်။

(မှတ်ချက်။ ။ liquid fuel (လောင်စာအရည်) - ဒုံးကျည်တွေမှာ လောင်စာအရည်အဖြစ် စသုံးဖို့ ၁၉၀၃ ခုနှစ်မှာ ရုရှ သိပ္ပံပညာရှင် Konstantin Tsiolkovsky လမ်းညွှန်မှုပေးခဲ့ပြီး အမေရိကန်ပါမောက္ခ Robert H. Goddard က ၁၉၂၆ မှာ စတင်ဆောင်ရွက်ခဲ့ပါသည်။ solid fuel (လောင်စာခဲ) – (၁၃)ရာစုကနေ (၂၀)ရာစု မတိုင်ခင် (သို့မဟုတ်) လောင်စာရည်သုံး ဒုံးကျည်တွေက efficiency နှင့် control ပိုမိုကောင်းမွန်ကြောင်း မဖော်ထုတ်နိုင်ခင်အထိ၊ ဒုံးကျည်တွေမှာ လောင်စာခဲအဖြစ် ယမ်းမှုန့်များကို သုံးခဲ့ပါသည်။ Multistage Rocket ဆိုသည်မှာ အဆင့် နှစ်ဆင့်ထက်ပိုပြီး ပါဝင်တဲ့ ဒုံးကျည်အမျိုးအစားတွေပါ။ ပုံမှန်အားဖြင့် First Stage ဆိုတာ အောက်ဆုံးက အကြီးဆုံး အပိုင်းဖြစ်ပြီးတော့ Second Stage ဆိုတာကတော့ တွဲဆက်ပါနေ တဲ့ အပေါ်ကအပိုင်းကို ဆိုလိုပါသည်။)

ဦးရော်နီညိမ်း။ ။ အဲဒီတော့ဘယ်လိုပဲပြောပြော၊ ဒီတက္ကသိုလ်ကြီး ကမ္ဘာ့ထိပ်တန်း အင်ဂျင်နီယာတက္က သိုလ်တွေထဲမှာ စာရင်းဝင်တဲ့ တက္ကသိုလ်ကြီးတစ်ခုမှာ ဗိုလ်မှူးတို့ သွားရောက်ပညာသင်ကြားခဲ့တဲ့ သဘောပဲ ပေါ့။ နောက်ပြီးတော့ နျူကလီးယားပညာရပ်ကို သွားသင်တယ်ဆိုတာ ဘာမှတော့ ပြဿနာမရှိဘူး။ ငြိမ်းချမ်း တဲ့ကိစ္စမှာသုံးဖို့ အရပ်ဘက်သုံး ဘာညာဆိုလို့ရှိရင် သူတို့တည်ဆောက်မယ့် nuclear reactor တွေကိုလည်း သူတို့က IAEA ရဲ့အစစ်မခံနိုင် လို့ ဗိုလ်မှူးတို့လို တပ်မတော်အရာရှိတွေကို ပြန်လာရင်လည်း တောထဲမှာပဲ ကြိတ်ပြီး စက်ရုံတွေဆောက်ပြီး လုပ်တယ် ဆိုတဲ့ သဘောမျိုးပေါ့နော်။

ဗိုလ်မှူးစိုင်းသိန်းဝင်း။ ။ ကျနော်တို့ အသုတ်တွေမှာ အရပ်ဖက်အင်ဂျင်နီယာတွေလည်း ပါပါတယ်။ သိပ္ပံနှင့်နည်းပညာဝန်ကြီးဌာနက GTI (Government Institute of Technology)ကျောင်းအုပ်တွေ ဆရာတွေ ပေါ့။ ဆရာတွေ ပါပါ တယ်။ ထူးခြားတာ တစ်ခုကတော့ ကျနော်တွေ့ခဲ့တာက ကျောက်ဆည်က ကြံ့ခိုင်ဖွံ့ဖြိုး ရေး စည်းရုံးရေးမှူး တစ်ယောက် ပါတယ်။ သူက မြန်မာစာ အဓိကနဲ့ ပြီးထားတဲ့လူ။ သူ့ကို MEPhI (Moscow Engineering Physics Institute) ဆိုတဲ့ Nuclear Physics ကျောင်းကို စာသင်ဖို့ လွှတ်ခဲ့တာ ကျနော် တွေ့တယ်ဗျ။

ဦးရော်နီညိမ်း။ ။ ဆိုလိုတာက ကျောက်ဆည်မြို့ ကျောက်ဆည်နယ်ထဲက မြန်မာစာအဓိကနဲ့ ကျောင်း ပြီးထား တဲ့ပုဂ္ဂိုလ်ကို ရုရှမှာ နျူကလီးယားဘာသာရပ်သင်ဖို့ စေလွှတ်တယ်ဆိုတော့၊ သက်ဆိုင်ရာပုဂ္ဂိုလ်ကြီး တွေရဲ့ ကိုယ့်ဒေသခံလူမို့လို့ ဆိုတဲ့ သဘောလား ခင်ဗျ။

ဗိုလ်မှူးစိုင်းသိန်းဝင်း။ ။ အဲဒီလို ယူဆလို့ ရပါတယ်။ ဘာလို့လဲဆိုတော့ တပ်မတော်ထဲမှာ အခု အသင်း အဖွဲ့ မဖွဲ့ရ ဆိုပေမယ့် ‘ကျောက်ဆည်အသင်း’ ဆိုပြီးတော့ ဦးသန်းရွှေကို နာယကခန့်ပြီးတော့ လုပ်နေခဲ့တာ တွေကလည်း ရှိတယ်။ အမျိုးမျိုး အဖုံဖုံပဲ။ ကျနော်တို့ တပ်မတော်အစဉ်အလာတွေလည်း တော်တော်တော့ ပျက်နေပြီခင်ဗျ။

ဦးရော်နီညိမ်း။ ။ နောက်ပြီးတော့ ဒီလိုပညာရှင်တွေပေါ့နော်။ ဗိုလ်မှူးတို့လိုအင်ဂျင်နီယာအရာရှိတွေကို သီးသန့် DSTA လို ကျောင်းတွေထောင်ပြီးတော့မှ မွေးထုတ်လာခဲ့တာလည်း နှစ်တွေကြာလာခဲ့ပြီ၊ တခါ ဗိုလ် မှူးတို့ဆိုရင်လည်း RIT လိုဟာမျိုးကို သွားပြီးတော့ Master တက်ခဲ့ရသေးတယ်။ နောက်တခါ နိုင်ငံခြားကို လည်းသွားပြီးတော့ အခုလို မျိုးဘွဲ့လွန်တွေ ထပ်ပြီး တက်ရတယ်။ အဲဒီတော့ (၁၅) နှစ်လောက် ကြာလာခဲ့တဲ့ အချိန်မှာ အခုချိန်ထိ မအောင်မြင်တဲ့ ကိစ္စ၊ အောင်မြင်ဖို့ အလှမ်းဝေးနေတဲ့ ကိစ္စလို့ နိုင်ငံတကာက ပညာရှင် တွေက သုံးသပ်နေရတဲ့ အဖြစ်ကို ဗိုလ်မှူး ဘယ်လို ထင်ပါသလဲခင်ဗျ။ ဒီ စစ်အစိုးရ ကြိတ်ပြီး လုပ်နေတဲ့ နျူကလီးယားစီမံကိန်း မအောင်မမြင် ဖြစ်နေရတဲ့ အပေါ်ကို၊ ဗိုလ်မှူး ဘယ်လို ခံစားမိပါသလဲ။

ဗိုလ်မှူးစိုင်းသိန်းဝင်း။ ။ ဟုတ်ကဲ့ စီမံခန့်ခွဲမှု အပေါ်မှာပဲ မူတည်ပါတယ်။ ပြီးတော့ လူမှန် နေရာမှန် မရောက်တာ၊ အဲဒီ ပြဿနာက အဓိက ပါပဲ။ ကျနော်တို့ nuclear ၊ rocket စီမံကိန်းတွေမှာ ဆိုလျှင်လည်း သိပ္ပံနှင့်နည်းပညာဝန်ကြီးဌာနက တာဝန်ယူပြီးတော့ စီစဉ်ပေမယ့် ရုရှကို ရောက်သွားတဲ့ အချိန်ကျတော့ ကိုယ်သင်ရမယ့်subjectနဲ့ ကိုယ့်ရဲ့ အခြေခံ knowledge နဲ့ မကိုက်တာတွေ အများကြီးရှိပါတယ်။ ကွန်ပျူတာ ဘာသာရပ်နဲ့ ကျောင်းပြီးလာတဲ့ DSA က ညီတွေဆိုရင် Nuclear Physics သွားတက်ရတဲ့အခါ ကိုးလို့ကန့် လန့်နဲ့ ဒုက္ခရောက်ကုန်ကြတာရှိတယ်။ တချို့ကျ တော့ ဒီ entrance စာမေးပွဲမှာတင် ပြန်ခဲ့ရတာတွေ ရှိတယ်၊ အဲဒီလိုပေ့ါ ကျနော်တို့ စကတည်းကိုက လူ့ အရင်းအမြစ်ကို တည်ဆောက်တဲ့အချိန်မှာ ကတည်းကိုက လွဲ ချော်နေတာလေးတွေ ရှိပါတယ်။

ဦးရော်နီညိမ်း။ ။ ဟုတ်ကဲ့ နောက်ပြီးတော့ နည်းပညာပိုင်းဆိုင်ရာမှာလည်း ဒီနိုင်ငံကြီးတွေကတောင်မှ မအောင် မြင်နိုင်လို့ စွန့်လွှတ်ထားတဲ့နည်းပညာမျိုးကိုပဲ အသုံးပြုတယ်၊ အဲဒါကလည်း ဒီကိစ္စ မအောင်မြင်ရ တဲ့ အကြောင်းရင်းတစ်ခု ဖြစ်နေတယ်လို့ ကျနော်တို့ ပြောသံကြားဖူးပါတယ်။

ဗိုလ်မှူးစိုင်းသိန်းဝင်း။ ။ အဲဒါကတော့ Carbon Monoxide Laser Beam ကိုသုံးပြီးတော့ isotopes တွေကိုခြား ပြီးတော့ uranium သန့်စင်တာ ပေါ့။ အဲဒီနည်းလမ်းကို အမေရိကားကတောင်မှ အကုန်အကျများ လို့ ဆိုပြီးတော့ စွန့်လွှတ်ခဲ့တာ ကြာပါပြီ။ အဲဒါကို သိပ္ပံနှင့်နည်းပညာဝန်ကြီးဌာနက လုပ်တယ်။ အဲဒီမှာ သူတို့ က presentation တစ်ခု လုပ်တယ်၊ ဗိုလ်ချုပ်ကြီး မောင်အေးကို ခေါ်ပြီးတော့။ အဲဒီမှာ သံပြားကိုဖောက်သွား တယ်ပေါ့ သူတို့ရဲ့ laser beam က။ ဒါပေမယ့် အဲဒီအဆင့်ထက် ပိုပြီးတော့ သူတို့ ဆက်မလုပ်နိုင်ပါဘူး။ အဖျားရှူး သွားတာပါပဲ။

(မှတ်ချက်။ ။ Carbon Monoxide (CO) Laser = Carbon Dioxide (CO2) Laserထက် အရည်အသွေး efficiency ပိုကောင်းသည်။ Carbon Dioxide (CO2) Laser = ၁၉၆၄ မှာ တီထွင်ခဲ့သော အစောဆုံး Gas Lasers တွေထဲက တစ်ခု ဖြစ်ပါငည်။ Carbon Monoxide (CO) Laser ကို ၁၉၆၉ မှာ တီထွင်ခဲ့ပြီး isotopes separation ကို ၁၉၇၀ နှစ်ကုန် ပိုင်းမှာ ပြုလုပ်နိုင်ခဲ့ပါသည်။)

ဦးရော်နီညိမ်း။ ။ ဆိုတော့ တခြားနိုင်ငံ မြောက်ကိုရီးယားနဲ့ကော လုပ်တာရှိပါသေးလားခင်ဗျ။ ‘သသန’ က။

ဗိုလ်မှူးစိုင်းသိန်းဝင်း။ ။ မြောက်ကိုရီးယားနဲ့လုပ်တဲ့ ဟာတွေက သမရိုးကျလက်နက်အစီအစဉ်တွေပဲ ရှိပါတယ်။ ဒီ နျူကလီးယားနဲ့ ပတ်သက်တဲ့ ကိစ္စမှာတော့ မြောက်ကိုရီးယားတွေကို ကျနော် မတွေ့ခဲ့ရပါဘူး။

ဦးရော်နီညိမ်း။ ။ ဥမင်လှိုင်ခေါင်းတွေ ကိစ္စကတော့ ဒီ ‘သသန’ နဲ့ မဆိုင်ဘူးပေါ့။

ဗိုလ်မှူးစိုင်းသိန်းဝင်း။ ။ ဟုတ်ကဲ့ ဥမင်လှိုင်ခေါင်းကိစ္စကို ကကယာ(ကာကွယ်ရေးဝန်ကြီးဌာနစစ်အင် ဂျင်နီယာ ညွှန်ကြားရေးမှူးရုံး) လုပ်တာပါ။ သူတို့မှာ ဌာနတစ်ခုရှိပါတယ်။ အဲဒီကနေပြီးတော့ မြန်မာအရာရှိ တွေကို မြောက်ကိုရီးယား အင်ဂျင်နီယာ ဥမင်လှိုင်ခေါင်း ဘာသာရပ် တွေလာသင်ပေးပါတယ်။ နောက်ပြီး တော့ FCCS (Far Control Computer System) ဆိုတဲ့ သင်တန်းကိုလည်း မြောက်ကိုရီးယားတွေက လာ သင်ပေးပါတယ်။ အဲဒါကတော့ လက်ရုံးတပ်(တိုက်ခိုက်ရေးတပ်များအတွက် အထောက်အကူပေးရသောတပ်) တွေက အရာရှိတွေကိုခေါ်ပြီးတော့ သင်ပေးတာပါ။ နောက် ရေဒါသင်တန်း တစ်ခုကလည်း ရှိပါသေးတယ်၊ အဲဒါလည်း မြောက်ကိုရီးယားတွေပဲ လာသင်ပေးတာ ပါ။

ဦးရော်နီညိမ်း။ ။ ဟုတ်ကဲ့ အဲဒီတော့ ဗိုလ်မှူးက မြိုင်မြို့နယ် စက်ရုံက ဆိုတော့ နောက်ထပ် ‘သနလ’ ရှိသေးလား ခင်ဗျ။

ဗိုလ်မှူးစိုင်းသိန်းဝင်း။ ။ မြိုင်စက်ရုံက သနလ(၂) ဖြစ်ပါတယ်။ သနလ(၁) က ပြင်ဦးလွင် စက်ရုံပါ။ သိပ္ပံနှင့်နည်းပညာဝန်ကြီးက ပြောထားတာကတော့ သနလ (၁)၊(၂)၊(၃)၊(၄)၊(၅) အထိဆက်ပြီးတော့ ဖွဲ့စည်း သွားဖို့ရှိတယ်လို့ ပြော ပါတယ်။ ဒါပေမယ့် (၂)မှာပဲ သူတို့ ဆုံးသွားတယ်။ သနလ(၃) ရဲ့နေရာကိုတော့ အလောင်းတော်ကဿပဥယျဉ်နားက 'ပုထိုးလုံ'ဆိုတဲ့ ရွာနားလေးမှာလုပ်ဖို့ လျာထားတယ်လို့တော့ကြားလိုက် ပါတယ်။ ဒါပေမယ့် စီမံကိန်းက ပျက်သွားပါတယ်။

ဦးရော်နီညိမ်း။ ။ ဟုတ်ကဲ့ အဲဒီတော့ ဗိုလ်မှူးလုပ်ခဲ့တဲ့ ဒီ သနလ(၁) က ကာကွယ်ရေးဝန်ကြီးဌာန အောက်က မဟုတ်ဘူးပေါ့။

ဗိုလ်မှူးစိုင်းသိန်းဝင်း။ ။ ဟုတ်ပါတယ် ခင်ဗျ၊ ဒီနေရာမှာ အင်မတန် ရှုပ်ထွေးပါတယ်။ ကျနော် သေသေ ချာချာ ရှင်းပြမှ ရမှာပါ။

ဦးရော်နီညိမ်း။ ။ ဟုတ်ကဲ့ ပြောပါဦး။

ဗိုလ်မှူးစိုင်းသိန်းဝင်း။ ။ ဒီစက်ရုံတွေကို စပြီးတော့ foundလုပ်တာ (တည်ထောင်တာ)က စပြီးတော့ အခြေချတာက သိပ္ပံနှင့်နည်းပညာဝန်ကြီးဌာန ကလုပ်တာပါ။ ပြီးသွားတဲ့အချိန်မှာ အဲဒီစက်ရုံတွေမှာ ၀င်ပြီး တော့ နေရာယူမယ့်လူတွေကျတော့ ကျနော်တို့ ဖြစ်ပါတယ်။ ကျနော်တို့ကို ရုရှက ပြန်လာတဲ့အချိန်မှာ အဲဒီ စက်ရုံတွေထဲကို ထည့်လိုက်ပါတယ်။ ပြင်ဦးလွင်စက်ရုံကို သိပ္ပံနှင့်နည်းပညာဆိုင်ရာပစ္စည်းထုတ်လုပ်ရေး အလုပ်ရုံ အမှတ်(၁)ဆိုပြီး တပ်ဖွဲ့စည်းလိုက်ပြီးတော့ ကျနော်တို့ကို အဲဒီကို လွှတ်လိုက်တယ်။ နောက်ပြီးတော့ မြိုင်စက်ရုံကိုကျတော့ သိပ္ပံနှင့်နည်းပညာဆိုင်ရာပစ္စည်းထုတ်လုပ်ရေးအလုပ်ရုံ အမှတ်(၂)ဆိုပြီး တပ်တစ်တပ် ဖွဲ့ပြီး တပ်မှူးတစ်ယောက်နဲ့ကျနော်တို့ကို လွှတ်လိုက်ပြန်ပါတယ်။ နောက်ပြီး သပိတ်ကျင်းစီမံကိန်းက ဆောက် ပြီးသွားပြီ။ အဲဒီမှာ သိပ္ပံနှင့်နည်းပညာဝန်ကြီးဌာနက သိပ္ပံပညာရှင်တွေကလည်း အဲဒီကို ရောက်နေပြီပေါ့။

ဦးရော်နီညိမ်း။ ။ Nuclear Physics ပညာရှင်တွေ ပေါ့နော်။

ဗိုလ်မှူးစိုင်းသိန်းဝင်း။ ။ ဟုတ်ကဲ့။ အဲဒီအချိန်မှာမှ ကျနော်တို့ဆီက ရုရှကပြန်လာတဲ့ နျူကလီးယားဘာ သာရပ် နဲ့ ကျောင်းပြီးလာတဲ့ အရာရှိတွေကို၊ တခါ တပ်မှူးတစ်ယောက်နဲ့ တပ်ဖွဲ့တစ်ဖွဲ့ ဖွဲ့ပြီးတော့ အဲဒီအထဲ ကို ထည့်လိုက်ပါ တယ်။ အဲဒီမှာ….

ဦးရော်နီညိမ်း။ ။ အဲဒီတော့ ဗိုလ်မှူးက နောက်ဆုံး သနလ(၁) ကနေ ပြည်ပကို ထွက်ခွါလာတာလား၊ သနလ(၂) ကနေ ကို ထွက်ခွါလာတာလား ခင်ဗျာ။

ဗိုလ်မှူးစိုင်းသိန်းဝင်း။ ။ ကျနော် သနလ (၁) ကနေ ထွက်လာတာပါ။

ဦးရော်နီညိမ်း။ ။ ပြင်ဦးလွင်က နေပေါ့။

ဗိုလ်မှူးစိုင်းသိန်းဝင်း။ ။ ဟုတ်ကဲ့ခင်ဗျာ။

ဦးရော်နီညိမ်း။ ။ ဒါပေမယ့် အများကသိနေတာက ဗိုလ်မှူးကို မြိုင်ကလို့ပဲ သိနေတာ။ မြိုင်လည်း သွား ပြီး တာဝန်ထမ်းဆောင်ဖူးတယ် ပေါ့။

ဗိုလ်မှူးစိုင်းသိန်းဝင်း။ ။ ဟုတ်ကဲ့ ကျနော် မြိုင်ကို ၂၀၀၇ ခုနှစ် ဒီဇင်ဘာကနေ ၂၀၁၀ဇန်န၀ါရီ အထိ ကျနော် မြိုင်မှာ ရှိနေခဲ့ပါတယ်။ (၃)နှစ်လောက် ပေ့ါ။ အဲဒီအချိန်မှာ ၂၀၁၀ ဇန်န၀ါရီမှာ ကျနော် ပြင်ဦးလွင်ကို ပြန်ပြောင်းရပါတယ်။ သနလ(၁) ကို ပြန်ပြောင်းပြီး အဲဒီမှာ (၁)လလောက် နေပြီးမှ ကျနော် ထွက်လာတာပါ။

ဦးရော်နီညိမ်း။ ။ ဟုတ်ကဲ့ ဒါဆို ဗိုလ်မှူး ဒီဓါတ်ပုံတွေနဲ့ ဂျာမဏီက စက်ကြီးတွေနဲ့ ပုံတွေကတော့ မြိုင် က ပုံတွေ ပေါ့နော်။

ဗိုလ်မှူးစိုင်းသိန်းဝင်း။ ။ မြိုင်က ပုံတွေလည်း ပါပါတယ်။ ပြင်ဦးလွင်က ပုံတွေလည်း ပါပါတယ်။ ရုရှက နေ၂၀၀၅ နိုဝင်ဘာမှာ ကျနော် ရောက်ပါတယ်။ ပြန်လာခဲ့ပြီးတဲ့အချိန်မှာ ကျနော်တပ်(၃)တပ်လုံးမှာ နေပြီး သွားခဲ့တဲ့ သဘောရှိပါတယ်။

ဦးရော်နီညိမ်း။ ။ မြန်မာစစ်အစိုးရရဲ့ နျူကလီးယားလက်နက်စီမံကိန်း အကြောင်း ဖော်ထုတ်တင်ပြပေး နေတဲ့ ဗိုလ်မှူးဟောင်းစိုင်းသိန်းဝင်းရဲ့ ပြောစကား အပိုင်း(၃)ကိုတော့ ရှေ့သီတင်းပတ် ဗီအိုအေမြန်မာပိုင်းအစီ အစဉ် စနေ၊ တနင်္ဂနွေ နံနက်တွေမှာ ဆက်လက် တင်ဆက်ပေးမှာ ဖြစ်ပါတယ်။ စောင့်မျှော်နားဆင်ကြပါ။ ကျနော် ရော်နီညိမ်းပါ။

(ဗီအိုအေ)

သတင်းအကျဉ်းချုပ် ...

0 ဝီကီလိ(က်)နှင့် အင်တာနက်လွတ်လပ်ခွင့်

ဟိုရက်ပိုင်းတွေက Wikileaks နဲ့ ပတ်သက်ပြီး တော်တော်လေးကို ဆူညံသွားပါတယ်။ ခုလည်း ဆူညံနေဆဲပါ။ ဒါပေမယ့် ကျွန်တော်ကတော့ WikiLeaks ကို တိုက်ရိုက် စိတ်ဝင်စားတာ မဟုတ်ပဲ WikiLeaks နဲ့ ထိစပ်နေတဲ့ နည်းပညာ အကြောင်းတွေ ကိုသာ စိတ်ဝင်စားပါတယ်။ နောက် WikiLeaks ရဲ့ Ideology ပိုင်းကိုလည်း စိတ်မဝင်စားပါဘူး။ အဲဒီအပြင် ဝီကီလိ(က်) တည်ထောင်သူ ဂျူလီယန်အဆန့်(ဂ်ျ)ရဲ့ အကြောင်းကိုလည်း စိတ်မဝင်စားပါဘူး။ အဲဒီအပြင် ဝီကီလိ(က်) အနေနဲ့ ထိပ်တန်း လှို့ဝှက်တွေနဲ့ ပတ်သက်ပြီး တင်သင့်၊ မတင်သင့် ဆိုတဲ့ အပိုင်းကိုလည်း စိတ်မဝင်စားပါဘူး။

ဝီကီလိ(က်) အမေရိကန် သံတမန်ရေးရာနဲ့ ပတ်သက်တဲ့ ကေဘယ် သတင်းအချက်အလက်ပေါင်း မြောက်များစွာကို ဖွင့်ချလိုက်တယ်၊ အဲဒီမှာ အမေရိကန် အစိုးရနဲ့ တစ်ခြား နိုင်ငံတွေ မျက်စိမျက်နှာတွေ ပျက်ကုန်ပါတယ်။ အဲဒီအပြင် ဝီကီလိ(က်)က ဘဏ်ကြီးနှစ်ခုနဲ့ ပတ်သက်တဲ့ ငွေစာရင်း အလွဲသုံးစားတွေကို ဖော်ထုတ်ဖွင့်ချမယ်လို့ စိန်ခေါ်လိုက်တော့ ဘဏ်တွေပျက်ပြီး စီးပွားရေး ပြုတ်ကျထားတဲ့ အနာမကျက်သေးတဲ့ အစိုးရနဲ့ တစ်ခြား စီးပွားရေး အဖွဲ့အစည်းတွေကပါ စိုးရိမ်မှုတွေ ပိုပြီး တိုးလာပါတော့တယ်။ ဒါတွေသာ ဖွင့်ချလိုက်ရင် နောက်ထပ် စီးပွားရေးနှေးကွေးမှု တစ်ကြိမ် ထပ်ဖြစ်မလားဆိုတဲ့ စိုးရိမ်သောကတွေ အပြင် သိသိနဲ့ မသိချင်ရောင်ဆောင်ပြီး မျက်စိပိတ် ရှေ့ဆက်နေရတဲ့ အိုဘားမား အစိုးရအတွက်လည်း တကယ့်ကို အကြပ်ရိုက်စရာ ဖြစ်လာမယ့် အနေအထားပါ။ တကယ်တော့ ဝီကီလိ(က်)ဖွင့်ချမယ့် ဘဏ်တွေနဲ့ ပတ်သက်တဲ့ အချက်အလက်တွေဟာ အိုဘားမား အစိုးရ မသိ မရှိဘူးလို့ ကျွန်တော် ထင်ပါတယ်။ ဒါကြောင့်လည်း ဘယ်လိုမှု ပြန်သိမ်းလို့ရမှာ မဟုတ်တော့တဲ့ သံတမန်ရေးရာ အချက်အလက်တွေအတွက် စိုးရိမ်တာထက် နောက်ထပ် တက်လာမယ့် လိုင်းလုံးကို တွေးမိပြီး ဝီကီလိ(က်)ကို အသည်းအသန် လိုက် တိုက်ခိုက်နေတယ်လို့ ကျွန်တော် ယူဆပါတယ်။

အဲဒီလို ပိတ်ဆို့ကြတဲ့ အထဲမှာ အစိုးရမင်းတွေ လုပ်ကြတဲ့ ကိစ္စအထိ ကျွန်တော် စိတ်ဝင်စားတဲ့ အထဲမှာ မပါသေးပါဘူး။ ဒါပေမယ့် နည်းပညာ ကုမ္ပဏီကြီးတွေ ဖြစ်တဲ့ Papal လို၊ Amazon နဲ့ အခြား Credit Card ကုမ္ပဏီတွေကပါ ပါဝင်ပတ်သက်ပြီး ပိတ်ကြဆို့ကြတာကတော့ ကျွန်တော် အမှန်တကယ်ကို စိတ်ဝင်စားမိပါတယ်။ အဲဒီလို ပိတ်ကြဆို့ကြတဲ့ ကုမ္ပဏီတွေရဲ့ ဝီကီလိ(က်)အပေါ် အရေးယူမှုဟာ ဖြစ်ကော ဖြစ်သင့်ရဲ့လား၊ ပါဝင်ပတ်သက်နေတဲ့ သူတွေ ထိခိုက်မှာစိုးလို့ ဆိုတဲ့ အကြောင်းပြချက်နဲ့ ဝီကီလိ(က်)ကို ပိတ်တယ်ဆိုတာ မခိုင်လုံဘူးလို့ ကျွန်တော် လုံးဝယုံကြည်ပါတယ်။ အဲဒီလို ထိခိုက်မှာစိုတဲ့အတွက် လူ့အခွင့်အရေး အဖွဲ့အစည်းတွေက တောင်းဆိုလာတဲ့အခါ ဝီကီလိ(က်)ကလည်း နာမည်တွေနဲ့ ပတ်သက်ပြီး တည်းဖြတ်မှုတွေ ပြုလုပ်ပေးခဲ့ပါတယ်။ မတရာဘူးဆိုတာ သူတို့လောက် Freedom of Press ဆိုပြီး အော်နေတဲ့ နိုင်ငံတွေက စီးပွားရေး လုပ်ငန်းကြီးတွေက ကိုယ်ကျိူးစီးပွားနဲ့ ပတ်သက်လာရင် Freedom of Press ကို လစ်လျူရှုတယ်ဆိုတာ အလွန်ကို အကြည့်ရဆိုးတဲ့ ကိစ္စပါ။ တကယ်တန်းတော့ Freedom of Press တစ်ခုတည်းကို ထိခိုက်တာ မဟုတ်ပါဘူး။ Internet Freedom ကိုပါ ထိခိုက်ပါတယ်။ ကျွန်တော်တို့က ဝီကီလိ(က်)တစ်ခုတည်းကို လုပ်တာပါဗျာ။ ကျန်တာတွေကို မလုပ်ပါဘူးလို့ မပြောပါနဲ့။ တစ်တက်စားလည်း ကြက်သွန်၊ နှစ်တက်စားလည်း ကြက်သွန်ပါပဲ။ Freedom of Press ဆိုတာ ပုံနှိပ်စာလုံးတွေ ကိစ္စဆိုပြီး လစ်လျူရှုလို့ ရသေးတယ်ထားဦး၊ နက်တီဇင်လို့ခေါ်တဲ့ ဗွီကမ္ဘာက နိုင်ငံသားတွေ အတွက်တော့ Internet Freedom ကို ထိခိုက်လာတာ လုံးဝလက်ပိုက်ကြည့် မနေသင့်တဲ့ကိစ္စပဲ ဖြစ်ပါတယ်။

Amazon က သူ့ရဲ့ Amazon Web Service လို့ခေါ်တဲ့ Hosting Service ကနေ ဝီကီလိ(က်)ကို ထုတ်ပစ်ခဲ့ပါတယ်။ သူတို့အကြောင်းပြချက်က သူတို့ရဲ့ Terms and Conditions ကို မလိုက်နာလို့ပါတဲ့။ တကယ်တန်း ပြောကြကြေးဆိုရင် ဟိုးအရင် အာဖကန်ကိစ္စတွေ ဖွင့်ချတုန်းက ဘာကြောင့် ပြဿနာ မလုပ်ပါသလဲ၊ တကယ်တန်း Terms and Conditions ကို ထိခိုက်တယ်ထားဦး။ ဘယ်နေရာတွေတော့ ထိခိုက်နေပါတယ် ဆိုပြီး အကြောင်းကြား ပြုပြင်ရုံနဲ့ မလုံလောက်ဘူးလား။ ကျွန်တော်ကတော့ အဲဒီလောက်နဲ့ လုံလောက်တယ်လို့ ယုံကြည်ပါတယ်။ ခုတော့ ဘာမပြော ညာမပြော ပိတ်ပစ်ပါတယ်။ နောက် Credit Card Company တွေနဲ့ Paypal ကလည်း ဒီအတိုင်းပါပဲ၊ သူတို့ အပြောအရတော့ Terms and Conditions ဆိုတာပါပဲ၊ တကယ်တန်း Terms and Conditions ဆိုတာ ရောင်းသူနဲ့ ဝယ်သူ အဆင်ပြေအောင် စနစ်တကျ လည်ပတ်နိုင်အောင် စီစဉ်ထားတဲ့ စည်းမျဉ်းစည်းကမ်းတွေပါ၊ ရောင်းသူဖက်က ပိတ်ချင်တိုင်းပိတ်လို့ ရအောင် အာဏာသုံးလို့ရအောင် စီစဉ်ထားတာတွေ မဟုတ်ပါဘူး။ (ဒါပေမယ့် Hosting Company တွေရဲ့ Terms and Conditions တွေက အသုံးပြုသူတွေအတွက် ထောင်ချောက်တွေ ဖြစ်နေတတ်တာ တွေ့တွေ့နေရပါတယ်) အဲဒီလို နှစ်ဦးနှစ်ဖက် သဘောတူညီချက်ကို လုပ်ချင်တာလုပ်ဖို့ အသုံးချတယ်ဆိုတာ အခြေခံ လူ့အခွင့်အရေးကို ချိုးဖောက်တာပါပဲ။ ငါတို့ လုပ်ချင်တာလုပ်မယ်ဆိုတဲ့ အပေါက်ချိုးတာပါပဲ။

အဲဒီနေရာမှာ အိုဘားမားအစိုးရဆိုတာ အင်တာနက် လွတ်လပ်ခွင့်နဲ့ ပတ်သက်ပြီး ရှေ့ကအစိုးရတွေထက် အသံအကျယ်ဆုံး ပြောတဲ့ အစိုးရဖြစ်ပါတယ်။ အိုဘားမားကိုယ်တိုင် အင်တာနက်ရဲ့ Web 2.0 ကို စပါယ်ရှယ် အသုံးချပြီး မဲဆွယ်စည်းရုံးရေး တွေလုပ်ခဲ့၊ အင်တာနက် လွတ်လပ်ခွင့်နဲ့ ပတ်သက်ရင် မိုးမွှန်အောင် ပြောလာတဲ့သူ ဖြစ်ပါတယ်။ နိုင်ငံခြားရေး ဝန်ကြီး ဟီလာရီကလင်တန် ဆိုတာလည်း ထိုနည်း လည်းကောင်း၊ သူမကတော့ အင်တာနက် လွတ်လပ်ခွင့်ဆိုတာထက် လွတ်လပ်စွာ ချိတ်ဆက်ခွင့်ဆိုတဲ့ အပိုင်းကို အဓိကထား ပြောဖူးပါတယ်။ လွတ်လပ်စွာ ချိတ်ဆက်ခွင့်ဆိုတာ ငါးခုမြောက် လွတ်လပ်မှုဆိုပြီး ဟိုးအရင်က ဘိုးတော်ကြီး သမ္မတရုစဗဲ့ကို ပြောခဲ့တဲ့ လွတ်လပ်မှု လေးခုဆိုတာကို သံယောင်လိုက်ပြီး ပြောခဲ့ဘူးသူပါ။ အဲဒီအပြင် ဟီလာရီကလင်တန်က ကော်ပိုရိတ်တွေနဲ့ ပတ်သက်ပြီး အင်တာနက်မှာ သတင်းအချက်အလက် လွတ်လပ်ခွင့်ကို ပိတ်ဆို့တာမျိုး မလုပ်ဖို့ အမြဲတမ်း တိုက်တွန်းနေခဲ့သူ ဖြစ်ပါတယ်။ ခုကိစ္စလိုမျိုး အင်တာနက် လွတ်လပ်ခွင့်ကို ချိုးဖောက်ပြီး နည်းပညာကုမ္ပဏီကြီးတွေ လုပ်ချင်တာ လုပ်နေတာကြတော့ နှုတ်ဆိတ်ပြီး လေသံလေးတောင် မဟကြတာ တွေ့နေရပါတယ်။ ဒါပေမယ့် ကျွန်တော့်အထင် သူတို့ကိုယ်တိုင်က ဖိအားပေးတာ ကြောင့်လည်း ဖြစ်နိုင်ပါတယ်။ ဒါပေမယ့် သူတို့ သမိုင်းမှာ အစိုးရက ဖိအားပေးတိုင်း လိုက်လုပ်တယ်ဆိုတာ လူကြားကောင်းအောင် အသံကောင်းဟစ်တာပဲ ဖြစ်နိုင်ပါတယ်။ တကယ်တန်း ဘယ်ကုမ္ပဏီမှ သူတို့ရဲ့ အကျိုးစီးပွားကို အထိခိုက်ခံပြီး အစိုးရစကား နားထောင်လေ့ မရှိပါဘူး။

ဒါပေမယ့် တစ်ဖက်မှာလည်း Twitter လို Facebook လို နည်းပညာ ကုမ္ပဏီကြီးတွေက အစိုးရရဲ့ ဖိအားကို ဆန့်ကျင်ပြီး ဝီကီလိ(က်)ကို ဆက်လက် အထောက်အပံ့ပေးထားဆဲ ရှိပါတယ်။ သူတို့အနေနဲ့ ပိတ်စရာ အကြောင်း မရှိဘူးလို့လည်း ထုတ်ပြန်ကြေညာ ထားပါတယ်။ အဲဒီလိုတွေ ရှိတယ်ဆိုတော့လည်း နက်တီဇင်တွေအတွက် နတ်လူသာဓုခေါ်စရာ အကြောင်းလို့ ထင်စရာရှိပါတယ်။ ဒါပေမယ့်လည်း ကျွန်တော့်အထင်တော့ သူတို့ အကျိုးစီးပွားကို သက်ရောက်မှု ကြီးကြီးမားမား မရှိတာကြောင့်ပဲလို့ ယူဆပါတယ်။ တကယ်လို့သာ ထိခိုက်လာမယ်ဆိုရင် တစ်ခြား နည်းပညာကုမ္ပဏီတွေရဲ့ ပုံစံကို ချိုးဦးမှာ သေချာပါတယ်။

အဲဒီတော့ နည်းပညာကုမ္ပဏီတွေ အနေနဲ့ ဝီကီလိ(က်)ကို ပိတ်တယ်ဆိုတာ တကယ်တန်း သေသေချာချာ သုံးသပ်ရင် သူတို့အကျိုးစီးပွားကို ထိခိုက်လာမှာ စိုးရိမ်တဲ့အတွက်လို့ ကောက်ချက်ချနိုင်ပါတယ်။ ဒီတော့ ဘယ်လိုထိခိုက်မှာလဲ၊ ကျွန်တော့်အထင် နောက်ဆုံး ဝီကီလိ(က်)အနေနဲ့ ဖွင့်ချမယ်ဆိုတဲ့ ဘဏ်ဆိုင်ရာ ငွေစာရင်း အလွဲသုံးစားမှုတွေနဲ့ တိုက်ရိုက်သက်ဆိုင် နေမယ်လို့ ကျွန်တော် ယူဆပါတယ်။ တကယ်တန်း ပိတ်ကြဆို့ကြတဲ့အထဲမှာ ထိပ်ဆုံးက ပါနေတာတွေက Paypal နဲ့ Credit Card ကုမ္ပဏီတွေ ဖြစ်နေတာ သတိထားကြည့်ရင် သိနိုင်ပါတယ်။ Amazon ကတော့ ဘယ်လိုနည်းနဲ့ ပဲကြီးလှော်ထဲ ဆားညပ်သွားတယ် မသိပါ။ သူကိုယ်တိုင်လည်း အဲဒီလို ထဲထဲဝင်ဝင် ပါဝင်ပတ်သက်မှု ရှိလို့လား၊ တစ်ခြား ဖိအားတွေ ကြောင့်လား၊ ဒါကတော့ သူတို့ပဲ သိပါလိမ့်မယ်။

ဝီကီလိ(က်)နဲ့ အင်တာနက် လွတ်လပ်ခွင့်ကတော့ နက်တီဇင်တွေအတွက် သတိထားစရာ ကိစ္စကြီး ဖြစ်လာပါပြီ။ အဲဒီအပြင် ပြောတော့ Internet Freedom တကယ်ဖြစ်လာတော့ မသိချင်ရောင်ဆောင်နေတဲ့ အင်တာနက် လွတ်လပ်ခွင့် ခေါင်းဆောင် ကြီးတွေလည်း ရှိနေပါပြီ။ အင်တာနက် လွတ်လပ်ခွင့်ကို အသုံးချ စီးပွားရှာပြီး အကျိုးစီးပွားနဲ့ ပတ်သက်လာတဲ့ အခါမှာ အလွယ်တကူ ချိုးဖောက်တတ်တဲ့ ကုမ္ပဏီကြီးတွေလည်း ရှိလာနေပါပြီ။ ဒီတော့ နည်းပညာလောကမှာ ထုံးစံအတိုင်း ကြီးနိုင်ငယ်ညှင်းတွေ ရှိလာဦးမယ့် လက္ခဏာတွေ မြင်နေရပါတယ်။ ဘာတွေ ဖြစ်လာဦးမယ် စောင့်ကြည့်ကြတာပေါ့ဗျာ။

ကိုသီဟ (www.myanmartutorials.com)အားကျေးဇူးတင်ရှိပါသည်.

သတင်းအကျဉ်းချုပ် ...

0 ညီအကို မောင်နှမ အားလုံးအတွက် ဖတ်ရှုစရာ သတင်း လက်ဆောင် ..

ကျနော်တို့ အားလုံး မျက်စိတွေ နားတွေ ဖွင့်ထားလိုက်ကြရအောင်ဗျာ.......

ကျနော်တို့တွေ အားလုံး မျက်စိတွေ နားတွေ ဖွင့်ထားကြလိုက်စို့ ဆိုတာ က လည်း ပြည်တွင်းမှာ ငါးမင်းဆွေ၊ မြန်မာအီးဂရက် အစရှိတဲ့ သတင်းအမှောင်ချခံထားရတဲ့ မြန်မာပြည်သူတွေကို မှိုင်းတိုက်နေတဲ့ စစ်အစိုးရ အလိုတော်ရိ သိစ္စာခံ တစ်ဘ၀စံတွေလို လက်ကိုင်တုတ်တွေရဲ့ လူမဆန်တဲ့ အကြံယုတ်တွေ၊ သတင်းစာ ကိုင်လိုက်ရင် ဓာတ်လိုက်နိုင်တဲ့ ဆိုတဲ့ အဝေးမှုန်၊ မြန်မာ့အမှောင် အစရှိတဲ့ အတင်းစာတွေ (သတင်းစာ မဟုတ်ပါ) ကလည်း၊ တပ်ချုပ်ကြီး ဦးဆောင်တဲ့ စစ်အာဏာရူးတစ်သိုက်က မြန့်မာ့တပ်မတော်ကို လက်ကိုင်တုတ်လုပ်ပြီး အတင်းရော အဓမ္မ အကြမ်းဖက်ကာ မြန်မာပြည်ကို မဖွံ့ဖြိုးတဲ့ ကဏ္လမရှိတော့အောင် အဲ့ဒီ့ အတင်းစာတွေထဲမှာ ပဲ အောင်မြင်စွာ တည်ဆောက်နေကြောင်း ( အပြင် လက်တွေ့လောကမှာတော့ ပြောင်းပြန်ပါ။ ) မျက်နှာပြောင်ပြောင် ခေါင်းချောင်ချောင်နဲ့ ၀ါဒဖြန့်နေတဲ့ အချိန်မို့ ကျနော်တို့ အားလုံးဟာ တကယ့် သတင်း အမှန်ကို သိချင်ရင် Radio, Online website and blog တွေကိုပဲ အားထားရမှာဖြစ်ပါတယ်ဗျာ။

လွတ်လပ်မှု၊ လုံခြုံမှု၊ တရားမျှတမှုကို လိုချင်ရင်၊ အကြောက်တရားတွေက လွတ်မြောက်ပြီး ကျနော်တို့ အားလုံးရဲ့ အနာဂတ် မျိုးဆက်တွေကို ကျနော်တို့ လက်ထက်မှာရှိနေတဲ့ နိုင်ငံထက် ပိုမိုကောင်းမွန် လုံခြုံစိတ်ချ တရားမျှတတဲ့ နိုင်ငံတစ်ခုကို လက်ဆင့်ကမ်းနိုင်ဖို့ဆိုရင် အမေစု ပြောခဲ့သလိုပဲ ကျနော်တို့ အားလုံး နိုးကြားတက်ကြွနေဖို့လိုပါတယ်။ ကိုယ့်နိုင်ငံ့အရေး ဘယ်လိုအခြေအနေတွေ ရှိတယ်၊ ဘာတွေကတော့ နိုင့်ထက်စီးနင်း မတရားမှုတွေ ရှိနေတယ်ဆိုတာလည်း အမှန်ကို အမှန် အတိုင်း သိရှိနေဖို့ လိုတယ်လို့ ယုံကြည်ပါတယ်ဗျာ။

ဒါမှလဲ ကျနော်တို့ အနေနဲ့ မှန်တာကို မလုပ်ရဲ မပြောရဲရင်တောင်၊ မမှန်တာ၊ မတရားတာကိုတော့ မထောက်ခံမိအောင် ရှောင်ကြဉ်နိုင်မှာ ဖြစ်ပါတယ်။ တကယ်တော့ လူရယ်လို့ ဖြစ်လာရင် မတရားတာ ကို မနှစ်သက်တဲ့ ဗီဇလေးတွေကတော့ အနည်းနဲ့ အများရှိကြပါတယ်။ အကြောက်တရားကြောင့် ဖြစ်စေ၊ ကိုယ်ကျိုးစီးပွားကြောင့် ဖြစ်စေ၊ မသိနားမလည် မှိုင်းတိုက်ခံထားရလို့ ဖြစ်စေ ( Egress မှ စစ်အာဏာရှင် လက်ကိုင်တုတ် နေ၀င်းမောင် ၏ မှိုင်းတိုက်ခြင်းကို ခံထားရသော ပြည်တွင်းမှ မိန်းကလေး၊ ယောင်္ကျားလေးများက လက်ရှိအကောင်းဆုံး ဥပမာဖြစ်ပါတယ်။) မှန်ကန်မှု၊ တရားမျှတမှု၊ လူ့အခွင့်အရေး၊ လူသားချင်း စာနာထောက်ထားရေးဆိုတာတွေကို သိကောင်း သိပေမဲ့၊ လက်ခံကောင်း လက်ခံပေမဲ့ ပါးစပ်ပိတ်နုတ်ဆိတ်နေမှာဖြစ်နိုင်သလို၊ မြေနိမ့်ရာ လှံစိုက် အာဏာရှင် အကြိုက်လိုက်ပြီး မျက်နှာလို မျက်နှာရ ပုတ်ခတ်စော်ကား အနိုင်ကျင့်နေတာတွေလဲ တပုံတပင်ရှိနေပါတယ်။

စစ်အစိုးရဘက်က ၀ါဒဖြန့် လုပ်ကြံမှိုင်းသွင်းမှုတွေကတော့ ပြည်တွင်းက အစိုးရထိန်းချုပ်ထားတဲ့ လက်အောက်ခံ Media တွေမှာ မတွေ့ချင် အဆုံးပါပဲ။ ပွင့်ပွင့်လင်းလင်းပြောရရင်တော့ အစားချောင်လို့ ကိုယ်ကျိုးစီးပွားအတွက်ဖြစ်စေ၊ အကြပ်ကိုင် ခြိမ်းခြောက်ခံရလို့ ဖြစ်စေ၊ မထည့်မနေရ မပြောမနေရဆိုတဲ့ ဒီလို လက်ကိုင်တုတ် သတင်းတွေ၊ ဒီလောက်တတိုင်းပြည်လုံး အဘက်ဘက်က ဆင်းရဲနိမ့်ကျနေပြီး၊ လူထုရဲ့ ဆန္ဒကိုလည်းလစ်လျှူရှုကာ၊ အမှန်အတိုင်းထုတ်ဖော်ဆန္ဒပြတဲ့ သူဆိုရင် ယောင်္ကျား၊မိန်းမ၊ သံဃာပါမကျန် နှစ်ရှည် လုပ်ကြံအမှုဆင်ထောင်ချပြီး တစ်တိုင်းပြည်လုံး ဘက်စုံဖွင့်ဖြိုးတိုးတက်နေပါတယ်ဆိုတဲ့ စစ်အာဏာရူးတသိုက်ရဲ့ အသုံးချခံ Media တွေ၊ အလိုတော်ရိတွေရဲ့ လက်တွေ့အခြေအနေတွေနဲ့ ဘယ်လိုမှ မအပ်စပ်တဲ့ လုပ်ကြံလီဆယ်မှုတွေနဲ့ ပြည့်နှက်နေတဲ့ စာတွေ၊ အသံတွေကိုလည်း လူထုက ငြီးငွေ့စိတ်ကုန်နေတာလည်း နှစ်ပေါင်းများစွာရှိနေပါပြီဗျာ...

ဒီလို အာဏာရှင်တွေထဲမှာ အဆိုးဆုံးဖြစ်တဲ့ စစ်အာဏာရှုင်တွေရဲ့ လက်အောက်မှာ ပြားပြားဝပ် ပါးစပ်၊ မျက်စိ၊ နားတွေ အကုန်ပိတ်ခံထားရတဲ့၊ မှိုင်းတိုက်ခံ အမှောင်ဖုံးလူထုအတွက် အလင်းရောင်ကို ဖော်ဆောင်ပေးမဲ့၊ တကယ့်ဖြစ်ရပ် အခြေအနေတွေကို ထင်ဟပ်ဖော်ပြနေတဲ့ လင့်တွေ၊ ဆိုက်တွေ၊ ဘလော့တွေကို Share လိုက်ပါတယ်ဗျာ...

http://www.irrawaddy.org/bur/

http://www.irrawaddyblog.com/

http://www.nguyinpyin.net/

http://moemaka.com/

http://www.yoma3.org/

http://naytthit.com/

http://narinjara.com/burmese.asp

http://www.mongloi.org/burmese/

http://www.kaowao.org/b/index.php

http://burmatoday.net/index_news_agencies.htm

http://www.voanews.com/burmese/news/

http://saffrontoward.blogspot.com/

http://malaria88.blogspot.com/

http://www.bbc.co.uk/burmese/

http://burmese.dvb.no/

http://thadar.blogspot.com/

http://burmese.bnionline.net/

http://www.demowaiyan.co.cc/

http://soneseayar.blogspot.com/

http://freedomnewsgroup.com/

http://yoma3blog.blogspot.com/

http://www.blc-burma.org/

http://kyokorea.blogspot.com/

http://abbsoluteright.blogspot.com/

http://www.dawnmanhon.com/

http://www.revolution8888.mmn.co.in/

http://drlunswe.blogspot.com/

သတင်းအမှောင်ချမှုကို တိုက်ဖျက်ပြီး အမှန်တရား နဲ့ တရားမျှတမှုကို ကျနော်တို့အားလုံး ပူးပေါင်းဖော်ထုတ်ကြပါစို့ ......

~ ရွှင်းလန်းချမ်းမြေ့ပါစေ ~

Candidly yours

San Maung

PS : ဘလော့ (Block)လုပ်ထားလို့ လင့်တွေကိုကြည့်လို့မရဘူး၊ Proxy တွေလဲ ကျော်လို့ခွလို့မရတော့ဘူး... Proxy အသစ်လေးများရှိရင် ဝေမျှပါဦးဆိုတဲ့ ညီအကို မောင်နှမ များအတွက် Admin ကိုချမ်းမြေ့က ကျွန်တော် တို့ရဲ့ Freedom From Fear Group နဲ့ သူ့ရဲ့ Account မှာ ကျော်လို့ရမဲ့ လိုင်းတွေ နေ့တိုင်းနီပါးတင်ပေး ပါမယ်...ဒီထဲက နည်းပညာ အကျွမ်းတ၀င်ရှိသူများကိုလည်း ဖိတ်ခေါ်ပါတယ်...

Chan Myae

http://www.facebook.com/notes/chan-myae/17122010-proxy-sites-update/178929262126771

သတင်းအကျဉ်းချုပ် ...

0 စစ်ဘားတိုက်မှ ငိုရိူက်သံများ

သတင်းအကျဉ်းချုပ် ...

0 ဒု-ပင်လုံညီလာခံ၊ ဒေါ်စုနှင့်အပြန် အလှန်မေးဖြေ

(သျှမ်းသံတော်ဆင့်)
သျှမ်းတေးသံရှင် ဆခဟဟာ တော်လှန်ရေးသမား တယောက်ဖြစ်သလို လက်ရှိမှာ သျှမ်းသံတော်ဆင့် သတင်းစဉ်ရဲ့ လက်ထောက် အယ်ဒီတာလဲဖြစ်ပါတယ်။ သူ့ရဲ့ ဒေါ်စုလွတ်လပ်မှုသင်္ကေတ ဆိုတဲ့သီချင်းကို ဒီရက်ပိုင်းမှာ RFA ကနေ မကြာခဏ ထုတ်လွှင့် ပေးတာ သောတရှင်များ မှတ်မိကြမှာပါ။


ဒေါ်စုအတွက် သျှမ်းတော်လှန်ရေးသမားတယောက်ရဲ့မေးခွန်းက ဒီလိုပါ။

မေး။ ။လေးစားအပ်တဲ့ ဒေါ်အောင်ဆန်းစုကြည်အတွက် ကျနော်တို့မေးချင်တာက ဒေါ်စုပြောတဲ့ ၂၁ ရာစု ပင်လုံညီလာခံကို ကျနော် တို့တိုင်းရင်းသားတွေကလဲ အားလုံးဝိုင်းပြီး ကြိုဆိုထောက်ခံကြတယ်။ မျှော်လင့်ကြတယ်။ ဒါကြောင့် (၁) ၂၁ ရာစုပင်လုံ ညီလာခံစီစဉ်နေတာ ဒေါ်စုအဖို့ ဘာအဓိကအခက်အခဲတွေရှိမယ်ထင်သလဲ၊ (၂) ကျနော်တို့ သျှမ်းသံတော်ဆင့်သတင်းစဉ် Shan Herald and Agency for News အပါအ၀င် ပြည်ပတိုင်းရင်းသား မီဒီယာတွေက ဘာတွေ ဘယ်လိုကူညီနိုင်မလဲ။ ဘယ်လို ပံ့ပိုး သင့်တယ် လို့ထင်လဲ။ (၃) လက်နက်ကိုင် အပစ်ရပ် တိုင်းရင်းသားတွေရဲ့ အခန်းကဏ္ဍကို ဘယ်လိုထည့်သွင်းစဉ်းစားမလဲ။ ဘယ်လိုဆက်စပ်မှုရှိနိုင်မလဲ။ အဲဒါတွေကို သိချင်မေးချင်ပါတယ်။
ဖြေ။ ။၂၁ ရာစုပင်လုံညီလာခံကိုတိုင်းရင်သားတွေက ကြိုဆိုကြတယ်။ ထောက်ခံကြတယ်။ ၀ိုင်းဝန်းပံ့ပိုး ချင်ကြတယ် ဆိုတာ ကြားရတော့ အင်မတန်မှ အားတက်ရပါတယ်။ ၂၁ ရာစု ဒုတိယပင်လုံညီလာခံ/ ဒုတိယပင်လုံ ကိုစီစဉ်ရာမှာ အကြီးမားဆုံး အခက် အခဲကတော့ နားလည်မှုလွဲမှားနေကြခြင်းဖြစ်ပါတယ်။ဒုတိယပင်လုံညီလာခံ ကိုဦးတည်တာဟာ ထိပ်တိုက်ရင်ဆိုင်မှု လမ်းစဉ် ဖြစ်လို့ အင်မတန် အန္တရာယ်များတယ်လို့ထင်နေတဲ့လူတွေ လည်းရှိပါတယ်။ ကျမတို့ရဲ့ရည်ရွယ်ချက်က အမျိုးသား ရင်ကြားစေ့ရေး ၊ ပြည်တွင်းပဋိပက္ခတွေချုပ်ငြိမ်းစေဖို့ ပြည်ထောင်စုသဘောတရားတွေကို အသေအချာ နားလည်ပြီး ပြည်ထောင်စုစိတ်ဓါတ်တွေခိုင်မာသန်စွမ်းစေဖို့ ဘဲဖြစ်ပါတယ်။

ဒီနားလည်မှုလွဲမှားခြင်းဆိုတဲ့အခက်အခဲကို ကျော်လွှားနိုင်ဖို့ သျှမ်းသံတော်ဆင့်အပါအ၀င်မီဒီယာ အဖွဲ့တွေ က အများ ပြည်သူ နားလည်အောင်ဝိုင်းဝန်း ရှင်းလင်းပေးမယ်ဆိုရင်တော့ ကျမတို့အတွက် အများကြီး အထောက်အကူပေးမှာ ပါ။ ကျမတို့ဟာ တိုင်းရင်းသား အားလုံးကိုပြည်ထောင်စုသားတွေ အဖြစ်ခိုင်ခိုင်မာမာ ရပ်တည်စေချင်တာမို့လက်နက် ကိုင် အပစ်ရပ်တွေကိုလည်း ၂၁ ရာစုပင်လုံညီလာခံ ဖြစ်မြောက်အောင် ယုံယုံကြည်ကြည်နဲ့ ပါဝင်ကူညီကြပါလို့ မေတ္တာရပ်ခံချင်ပါတယ်။

ဒါကတော့ သျှမ်းတော်လှန်ရေးသမားတယောက်ရဲ့မေးခွန်းတွေကို ဒေါ်စုဖြေကြားသွားတာပါ။

------------------------------
ထိုင်းနယ်စပ်တနေရာမှာ နေထိုင်တဲ့ ပလောင်တော်လှန်ရေးသမားတယောက်ဖြစ်တဲ့ အမိုင်အိုက်ဖုန်းကလဲ ဒေါ်စုကိုခုလို မေးမြန်းထားပါတယ်။


မေး။ ။ ကျနော့်နာမည် မိုင်အိုက်ဖုန်းလို့ခေါ်ပါတယ်။ ကျနော့်မိခင်အဖွဲ့အစည်းက PSLF ပလောင်ပြည်နယ် လွတ်မြောက် ရေးတပ်ဦးဖြစ်ပါတယ် ။ ကျနော်ဥက္ကဌအဖြစ်နဲ့ တာဝန်ယူနေတာပါ။ ဒေါ်အောင်ဆန်းစုကြည်လွတ် လာတာ အများကြီးဝမ်းသာ တယ်။ အားလည်းအားရတယ်။ ကျနော်မေးချင်တာကတော့ ဗမာပြည်နိုင်ငံရေးပြသနာ ကိုဖြေရှင်းနိုင်ရေးအတွက် သုံးပွင့်ဆိုင်ဆွေး နွေးရေးအပေါ်မှာ ဆက်လက်ပြီးတော့်ဆောင်ရွက်ဖို့အစီအစဉ်ရှိသလား။ အားလုံးပါဝင်နိုင်တဲ့ အနေအထားအခင်းအကျင်းတွေ စီစဉ်ဖို့ရှိပါသလား လို့မေးချင်ပါတယ်။

ဖြေ။ ။ ကျမတို့ကို တိုင်းရင်းသားက ကြိုဆိုတယ် အားပေးတယ်ဆိုလို့ရှိရင်အစဉ် အမြဲဘဲဝမ်းသာ လျက်ပါ။ ကျမတို့လဲ တိုင်း ရင်းသားများ ပါဝင်တဲ့ သုံးပွင့်ဆိုင်ဆွေးနွေးပွဲတွေဖြစ်ဖို့ဆိုတာ နိုင်ငံအတွက်အဓိကကျတဲ့ကိစ္စ တခုဖြစ်တယ်လို့အမြဲဘဲစွဲကိုင်ထား တာမို့ ဒီအတိုင်းဘဲ ဖြစ်မြောက်အောင်ဆက်ပြီးတော့ ကြိုးစားလုပ်သွားမှာပါ။ ဘယ်တော့မှတိုင်းရင်းသားတွေကို ချန်ခဲ့ပြီးတော့မှ ကျမတို့သွားမှာမဟုတ်ပါဘူး။ ပြည်ထောင်စုတခုမှာဆိုရင် တိုင်းရင်းသားတွေကိုချန်ပြီးတော့ နိုင်ငံရေး အဖြေရှာဖို့ဆိုတာ ဘယ် တော့မှ မဖြစ်နိုင်ပါဘူး။ အဲတော့ ကျမတို့ဟာ တတ်နိုင်သမျှ အများပါဝင်နိုင်တဲ့ အခင်းအကျင်းတခုအမြန်ဆုံး ဖြစ်နိုင်စေဖို့ ကြိုး စားနေပါတယ်ဆိုတာကိုတော့ ယုံကြည်စေချင်ပါတယ်။ အဲလိုအခင်းအကျင်းတခုဖြစ်ပေါ်ဖို့လဲ အားလုံးကနေ ၀ိုင်းပြီးတော့ ကူညီ ပေးကြပါလို့လဲ မေတ္တာရပ်ခံပေးချင်ပါတယ်။

-----------------------------------
ဒုတိယပင်လုံညီလာခံနဲ့ပါတ်သက်ပြီးနယ်သာလဲန်အခြေစိုက်ကိုဌေးဌေးကလဲ မေးထားပါတယ်။ သူက NLD အဖွဲ့ဝင် ဟောင်းတ ယောက်ပါ။

မေး။ ။ ဒေါ်စုခင်ဗျား။ ကျနော်ဟာ တချိန်က လှိုင်မြို့နယ် NLD အဖွဲ့ဝင်ဟောင်း ဖြစ်ပါတယ်။ အန်တီတို့ ဗမာပြည်တွင်းမှာ ပင်လုံညီလာခံပြန်လည်အကောင်အထည်ဖော်ဖို့ ကြိုးစား နေတာဝမ်းသာပါတယ်။ ထို့အတူ ပြည်ပရောက်နေတဲ့ တိုင်းရင်းသား အဖွဲ့၊ မြန်မာပြည်အရေးဆောင်ရွက်နေတဲ့ ပြည်သူ/သားအတွေအတွက်လည်း ပူးပေါင်းဆောင်ရွက်နိုင်ဖို့ဒေါ်စုအနေနဲ့လုပ်ငန်းစဉ် လေးတခု ချပေးနိုင်ရင်ပိုမိုပြီးကောင်းမွန်မလားလို့ အန်တီ့ဆီ အကြံဥာဏ်တောင်းခြင်းဖြစ်ပါတယ်။ အန်တီပြန်လည် စဉ်းစားပြီး တော့ ၀ိုင်းဝန်း လုပ်နိုင်ကြဖို့လုပ်ငန်းစဉ်လေး တခုလောက် ချမှတ်ပေးဖို့ မေတ္တာရပ်ခံလိုပါတယ်။

ဖြေ။ ။ စောစောက သျှမ်းသံတော်ဆင့်အဖွဲ့ကိုပြောတဲ့အတိုင်းဘဲ။ အန်တီတို့ရဲ့ ဒုတိယပင်လုံညီလာခံ ဖြစ်မြောက်ရေးအတွက် ဆိုတာ နားလည်မှုလွဲမှားတာကိုပပျောက်သွားအောင် ၀ိုင်းပြီးတော့ ကူညီနိုင်ကြမယ်ဆိုရင် အကောင်းဆုံးပါဘဲ။ ဒီလို ၂၁ ပင်လုံ ညီလာခံတခုခေါ်တာဟာ အမျိုးသားရင်ကြားစေ့ရေး အတွက် ဖြစ်ပါတယ်။ ထိပ်တိုက်ရင်ဆိုင်ရဖို့မဟုတ်ဘူးဆိုတာကို အများက ရှင်းလင်းသိရှိအောင် ၀ိုင်းပြီးတော့ ကူညီပေးစေချင်ပါတယ်။ ဖက်ဒရယ်ဆိုတဲ့ အဓိပါယ်ကိုသိအောင် ၊ မကြောက်ကြ အောင်လို့ ပြည်ထောင်စုဆိုတဲ့ အဓိပါယ်ကိုသိအောင်၊ ပြည်ထောင်စုစိတ်ဓါတ်မွေးနိုင်အောင်လို့ ပြည်ပရောက်နိုင်ငံသူ/ နိုင်ငံသားများကြိုး စားပူးပေါင်းဆောင်ရွက်ပေး နိုင်ကြမယ်ဆိုရင် အန်တီတို့အတွက် အများကြီးအထောက်အကူပြုမှာပါလို့ပြောပါရစေ။
(www.mongloi.org/)

သတင်းအကျဉ်းချုပ် ...

0 ဗိုလ်မှူးချုပ် စောလားပွယ် (ခေါ်)ဗိုလ်နှုတ်ခမ်းမွေး ကရင့် ဒီမိုက ရေစီ သူရဲကောင်းဆု ရရှိ

အဲခေါင်သောင့်၊

နော်ဝေနိုင်ငံအခြေစိုက် ဘက်မလိုက် ကရင်အဖွဲ့မှ ဒီကေဘီအေ တပ်မဟာ ၅တပ်မှူး ဗိုလ်မှူးချုပ် စောလားပွယ် (ခေါ်) ဗိုလ်နှုတ်ခမ်းမွေးအား ဒီဇင် ဘာလ ၄ရက်နေ့က ကရင့် ဒီမိုကရေစီ သူရဲကောင်း ဆု ပေးအပ် ချီးမြှင့် လိုက်သည်။

ကရင့်ခေါင်းဆောင်ကြီး စောဘဦးကြီး ၏ မူလေးချက် အပေါ် အခြေခံကာ အမျိုးသားရေး အတွက် မားမား မတ်မတ် ရပ်တည်ဆောင်ရွက်ပေးခြင်းကြောင့် အဆိုပါ ဆုကို လက်ခံ ရရှိသွားခြင်း ဖြစ်သည်ဟု ဆုပေးပွဲ စီစဉ်သူများ၏ ပြောဆိုချက်အရ သိရသည်။

အဆိုပါ ဆုပေးပွဲကို နော်ဝေနိုင်ငံ Hokksundရှိ Senterkire ဘုရားရှိခိုးကျောင်းတွင် ပြုလုပ်ခဲ့ခြင်းဖြစ်ပြီး နော်ဝေနိုင်ငံရောက် ကရင်နှင့် ဗမာအမျိုးသားများ၊ နော်ဝေနိုင်ငံသားများ စုစုပေါင်း ၁၀၀ကျော် တက်ရောက်ခဲ့သည်။

အဆိုပါဆုကို ဗိုလ်မှူးချုပ် စောလားပွယ်၏ ကိုယ်စား နော်ဝေနိုင်ငံရောက် ကရင်အမျိုးသားတဦးက လက်ခံရယူခဲ့ပြီး ဆုငွေယူရို(၁၀၀၀)ပေးအပ်ခဲ့သည်ဟု သိရှိရသည်။

အလားတူ အဆိုပါဆုပေးသည့် အခမ်းအနားတွင် ဗိုလ်မှူးချုပ်နှုတ်ခမ်းမွေးမှ တယ်လီဖုန်းမှ တဆင့် နော်ဝေအခြေစိုက် ဘက်မလိုက် ကရင်အဖွဲ့ကို ကျေးဇူးတင်စကား ပြောဆိုသွားပြီး အမျိုးသားအပေါ် ထားရှိသော သဘောထားများနှင့် ခံယူချက်များကို ပြောဆိုသွားခဲ့သည်ဟု သတင်းရရှိပါသည်။

ဆုချီးမြှင့်ပွဲ အခမ်းအနား မှတ်တမ်းဓါတ်ပုံ

သတင်းအကျဉ်းချုပ် ...

1 နအဖခောတ်ဆိုးကြီးထဲကကမောက်ကမဖြစ်နေတာတွေကိုမီးမောင်းထိုးပြနေတဲ့ ဦးပေါ်စံအငြိမ့်

သတင်းအကျဉ်းချုပ် ...

0 မြန်မာစစ်ဗိုလ်ချုပ်တွေ အသိဥာဏ်နည်း၊ လီကွမ်ယူ ထင်မြင်

Singapore's Minister Mentor Lee Kuan Yew speaks during the 16th International Conference on The Future of Asia, organized by Nikkei Inc., a Japanese newspaper company, Thursday, May 20, 2010, in Tokyo, Japan. (AP Photo/Shuji Kajiyama)

ဒီဇင်ဘာ ၁၅၊ ၂၀၁၀။ မြန်မာစစ်ဗိုလ်ချုပ်ကြီးတွေဟာ Stupid and Dense အသိဥာဏ်နည်းပြီး ပြောရဆိုရ ခက်တဲ့သူတွေဖြစ်တယ်ဆိုပြီး စင်ကာပူနိုင်ငံကို တည်ထောင်ခဲ့တဲ့ စင်ကာပူခေါင်းဆောင် လီကွမ်ယုက ပြောဆိုခဲ့တဲ့အကြောင်း ၀ီကီလိခ် ၀က်ဆိုဒ်မှာ ဖောက်ထုတ်လိုက်တဲ့ အမေရိကန် သံတမန် လျှို့ဝှက်မှတ်တမ်းတခုမှာ ဖော်ပြပါတယ်။

မြန်မာစစ်ခေါင်းဆောင်တွေနဲ့ ဆက်ဆံရတာဟာ ဘာမှ နားမလည်နိုင်တဲ့ လူသေကောင်တွေကို စကားပြောရသလိုပါပဲလို့ ၂၀၀၇ ခုနှစ်တုန်းက အမေရိကန်သံတမန်တွေကို ပြောဆိုခဲ့တယ်လို့ အဲဒီ အမေရိကန် သံတမန်ရေးလျှို့ဝှက်မှတ်တမ်းမှာ ဖော်ပြပါတယ်။ ဒီ မြန်မာစစ်ဗိုလ်ချုပ်တွေဟာ တိုင်းပြည်ရဲ့ သဘာဝသယံဇာတ အရင်းအမြစ်တွေ စီမံအသုံးချတဲ့နေရာမှာ ညံဖျင်းတာကြောင့်၊ ဒီဗိုလ်ချုပ်တွေနဲ့ ဆက်ဆံဖို့ လွန်ခဲ့တဲ့ ဆယ်နှစ်ကတည်းက လက်လျှော့ခဲ့ရတယ်လို့ မစ္စတာ လီကွမ်ယုက ပြောဆိုခဲ့တဲ့ အကြောင်း ဖော်ပြပါတယ်။

လီကွမ်ယုနဲ့ အမေရိကန်အဆင့်မြင့်သံတမန်နှစ်ဦးအကြား ဆွေးနွေးပြောဆိုမှုကို ရေးမှတ်ထားတဲ့ မှတ်တမ်းကို ၀ီကီလိခ် ဆိုဒ်မှာ ဖောက်ထုတ်လိုက်တာပါ။ အနည်းငယ်အသိတရားရှိလာမယ့် နောက်ထပ် မျိုးဆက်သစ် စစ်ခေါင်းဆောင်တရပ် မပေါ်လာ မချင်းတော့ မြန်မာနိုင်ငံမှာ တိုးတက်မှုတွေအတွက် မျှော်လင့်ချက် အနည်းငယ်ပဲ ရှိတယ်လို့ မစ္စတာလီက ပြောခဲ့တယ်လို့ အဲဒီမှတ်တမ်းမှာ ဖော်ပြပါတယ်။

မြန်မာဗိုလ်ချုပ်တွေဟာ မြန်မာအတိုက်အခံခေါင်းဆောင် ဒေါ်အောင်ဆန်းစုကြည်နဲ့ အာဏာခွဲဝေယူပါ့မလားဆိုတာတောင်မှ သံသယဖြစ်စရာရှိတယ်လို့လည်း ပြောထားပါတယ်။ နှစ်ပေါင်းများစွာ နေအိမ်အကျယ်ချုပ်ဘ၀နဲ့ နေခဲ့ရတဲ့ ဒေါ်အောင်ဆန်းစုကြည်ဟာ စစ်ခေါင်းဆောင်တွေအဖို့ ကြောက်ရွံစရာ မကောင်းဆိုးဝါးသဘော ဖြစ်နေတယ်လို့လည်း မစ္စတာလီက ပြောခဲ့တယ်လို့ ရေးထားပါတယ်။
(VOA)

သတင်းအကျဉ်းချုပ် ...

0 အများပြည်သူအတွက် အများပြည်သူကောင်းမှု

အများပြည်သူအတွက် အများပြည်သူကောင်းမှု

၁။ နာရေးကူညီမှုအသင်း(ရန်ကုန်)သည် အများပြည်သူ (၇) ရက်သားသမီးတို့၏ နာရေးကိစ္စ အ၀၀နှင့် ကျန်းမာရေးအတွက် သုခကုသိုလ်ဖြစ်ဆေးခန်းမှ အခမဲ့ ဆေးဝါးကုသပေးလျှက်ရှိရာ မင်းလှမြို့ နာရေးကူညီမှုအသင်းအတွက် နိဗ္ဗာယာဉ်လှည်းယာဉ် တစ်စီးအား လှူဒါန်းပေးခဲ့ပါသည်။

မင်းလှမြို့တွင် နာရေးကိစ္စဖြစ်ပေါ်ပါက နယ်ဓလေ့ထုံးစံအတိုင်း သေဆုံးသူ၏ နေအိမ်ရှေ့တွင် ရုပ်အလောင်းအား ထားရှိကြသည်။ ထို့ကြောင့် အသုဘချမည့် နေ့ရက်တွင် ယင်း နိဗ္ဗာန်လှည်းယာဉ် အား လူအားဖြင့်၎င်း၊ မော်တော်ယာဉ်ဖြင့်၎င်း ဆွဲယူသယ်ဆောင်ကာ သက်ဆိုင်ရာသုဿန်သို့ ပို့ဆောင်သဂြိုလ်ရာ၌ ယခင်ကထက် အဆင်ပြေချောမွေ့ နိုင်တော့မည်ဖြစ်သည်။ နိဗ္ဗာန်လှည်းယာဉ်၏ တန်ဖိုးမှာ ၁၈၀၀၀၀/- (တစ်ဆယ့်ရှစ်သိန်း) ကျပ်ခန့် ကုန်ကျခဲ့သည်။ ယင်း အလှူသည် အများ ပြည်သူတို့ လှူဒါန်းထားသော အလှူငွေဖြင့် အများပြည်သူတို့အတွက် တစ်ဆင့်လှူဒါန်းပေးရခြင်း ဖြစ်ပါသည်။

၂။ ဗမာတွေ အလင်းပွင့်တော့မည် ဟူသော သတင်းကြောင့် ပြည်တွင်း ပြည်ပမှ သဒ္ဒါတရား ထက်သန်စွာဖြင့် နာရေးကူညီမှုအသင်း(ရန်ကုန်) သုခကုသိုလ်ဖြစ်ဆေးခန်းတွင် ထပ်မံတိုးချဲ့ ဖွင့်လှစ် ကုသပေးမည်ဖြစ်သော မျက်စိခွဲစိပ်ခန်းအတွက် လှူဒါန်းကြသော အလှူရှင်များအနက် ဦးစွာပထမ မတည်လှူဒါန်းခဲ့သော အလှူရှင် ဦးဝင်းထွန်း + ဒေါ်ပေါက်ပေါက် (သိဂီရွှေဝါ - ပိုးထည်တိုက်) တို့၏ လှူဒါန်းငွေဖြင့် ၀ယ်ယူလိုက်သော Digital Slit Lamp (မျက်စိအာရုံကြောစက်) စမ်းသပ်ကြည့်ရှုသော ကိရိယာအား ၀ယ်ယူပြီးသည့်နောက် ယခုဆိုလျှင် မျက်စိဝေဒနာရှင်များအား ယင်းစက်သစ်ဖြင့် အခမဲ့ စမ်းသပ်ကြည့်ရှု ကုသပေးလျှက်ရှိပါသည်။ ထပ်မံ၍ရရှိသော အလှူငွေများနှင့် လိုအပ်သော မျက်စိခွဲစိပ်ခန်းသုံး ပစ္စည်းကိရိယာများနှင့် အဆင့်မီ မျက်စိခွဲစိပ်ခန်း ဖြစ်ရန်အတွက် အခန်းပြုပြင် ဖွဲ့စည်းကုသ ပေးနိုင်တော့မည်ဖြစ်ပါသည်။

၃။ နာရေးကူညီမှုအသင်း(ရန်ကုန်)သည် နာရေးကိစ္စ၊ ဆေးဝါးကုသမှုကိစ္စများအပြင် ပညာဒါန ဖွင့်လှစ်ကာ အခမဲ့ သင်ကြားပို့ချ ပေးလျှက်ရှိပြီး သုခအလင်း စာကြည့်တိုက်မှလည်း မျိုးဆက်သစ် လူငယ်များအတွက် အကျိုးရှိမည့် အကျိုးပြု စာအုပ်စာပေများကို ငှါးရမ်းပေးလျှက်ရှိသည်။ ထို့အပြင် အသင်းဝင်လိုသူများအား လစဉ် လူမှုရေးမျိုးဆက်သစ် သင်တန်းများကိုလည်း စာတွေ့လက်တွေ့ သင်ကြားပေးလျှက်ရှိရာ ၂၀၁၀ ခုနှစ်တွင် လူမှုရေးမျိုးဆက်သစ်သင်တန်း အမှတ်စဉ် (၆) အထိ ဖွင့်လှစ်ပေးနိုင်ခဲ့သည်။ ဤကဲ့သို့သော လူမှုရေးလုပ်ငန်း အ၀၀တို့ကို အောင်မြင်စွာ ပေးဆပ်နိုင်ခြင်း သည် လူငယ်မျိုးဆက်သစ်များ၏ လုပ်အားဒါန၊ လူငယ်မျိုးဆက်သစ်များ၏ လူမှုရေးခံယူချက်၊ လူငယ်မျိုးဆက်သစ်များ၏ စုပေါင်းခြင်း အင်အားတို့ဖြင့် တက်ကြွစွာ ကုသိုလ်ပြုပေးခြင်းတို့ကြောင့်ပင် ဖြစ်သည်။

၎။ နာရေးကူညီမှုအသင်း(ရန်ကုန်)သည် နေ့စဉ် နာရေးကူညီမှုပေါင်း ၄၅ - ၅၀ ဦးရေခန့်ကို အခမဲ့ ကူညီဖေးမ သဂြိုလ်ပေးလျှက်ရှိသလို သုခကုသိုလ်ဖြစ်ဆေးခန်းမှလည်း လူနာပေါင်း ၂၀၀ ဦးရေခန့်ကို နေ့စဉ် အခမဲ့ ဆေးဝါးကုသပေးလျှက်ရှိပါသည်။ ဤကဲ့သို့ အများပြည်သူတို့အတွက် ကူညီဖေးမမှုများ ပြုလုပ်ပေးနိုင်ခြင်းမှာ အများပြည်သူ ပြည်တွင်း/ပြည်ပ အလှူရှင်များ၏ အားပေးခြင်း၊ လှူဒါန်းခြင်းတို့ ကြောင့် ဖြစ်ပါသည်။

ထို့ကြောင့် ပြည်တွင်းမှ အများပြည်သူတို့အတွက် ပေးဆပ်လှူဒါန်းကြသော ပြည်တွင်း/ပြည်ပ မှ အများပြည်သူအပေါင်းတို့၏ ကောင်းမှုအစုစုတို့အား သာဓု … သာဓု … သာဓု ဟု ခေါ်ဆိုလိုက် ပါသည်။

ကိုကျော်သူ

သတင်းအကျဉ်းချုပ် ...

2 မြန်မာပြည်သူလူထုခေါင်းဆောင်ဒေါ်အောင်ဆန်းစုကြည်အားအမေရိကန်ကျောင်းသူများမှ mobile phoneဖြင့်တွေ့ဆုံမေးမြန်းချက်(ရုပ်/သံ)

သတင်းအကျဉ်းချုပ် ...