ခုတလော မြန်မာပြည်မှာ မိုးတွေရွာတယ် ရေတွေကြီးတယ်ဆိုတော့ အတော်လေးကို စိတ်မကောင်းဖြစ်မိပါတယ်။ မိုးမရွာတော့လဲ မရွာလို့ ရွာလိုက်တော့လဲ ရွဲ့သလားမှတ်ရတယ် ဘယ်နေရာ ကြည့်လိုက်ကြည့်လိုက် ရေကြီးတယ် ရေလျှံတယ်ဆိုတာတွေ နားမဆံအောင် ကြားနေရတဲ့ တို့ပြည် ဖြစ်နေပါပေါ့။ ရေဘေးကြောင့် ဒုက္ခတွေရောက်ကြတာ ကြားရ မြင်ရတာ အင်မတန်မှ စိတ်ညစ်ညူးဖို့ ကောင်းလှပါတယ်။
ဒီလိုအချိန်မှာ အရင်တုန်းက NGO တစ်ခုမှာ လုပ်တုန်းက ရေကြီးရင် အရေးပေါ် သဲအိတ်တွေ နဲ့ကာကွယ်ရမယ့် နည်းစနစ်လေးတွေ ပြင်ဆင်ခဲ့ဖူးတာလေးကို ပြန်ပြီးတော့ သတိရမိတယ်။ အတိအကျ အရင်ကလုပ်ခဲ့တာမျိုး ပြင်ဆင်ပေးခဲ့တာမျိုးတော့ မဟုတ်ပေမယ့် အတတ်နိုင်ဆုံး အဆင်ပြေမယ့် ပုံစံလေးတွေနဲ့ ဘယ်လိုဘယ်ပုံဆိုတဲ့ နည်းလမ်းလေးတွေကို စနစ်တကျဖြစ်အောင် ပြန်ရေးပြချင်ပါတယ်။ တယောက်တလေလောက် ဖတ်မိလို့ သုံးဖြစ်မယ် အသုံးဝင်ခဲ့မယ်ဆိုရင် ရေးရကျိုးနပ်တယ်လို့ ခံယူပါတယ်။
ရေတွေ ရုတ်တရက် ကြီးလာတဲ့နေရာတွေ တိုးလာတဲ့ နေရာတွေမှာ သဲအိတ်နဲ့ ကာကွယ်တာဟာ အတော်လေး ထိရောက်တဲ့ နည်းလမ်းပါ။ ရေအမြင့် လေးငါးပေ အမြင့်လောက် တိုးလာတဲ့ ရေကို သဲအိတ်သုံးပြီးတော့ ထိထိရောက်ရောက် ကာကွယ်နိုင်ပါတယ်။ ကာကွယ်တဲ့နေရာမှာ နေရာဒေသတစ်ခုကို ကာကွယ်တာ၊ အရေးကြီးတဲ့ နေရာတွေကို ကာကွယ်တာ၊ သောက်ရေကန်၊ ရေတွင်း စတဲ့ နေရာတွေကို ကာကွယ်တာ၊ အိမ်တံခါးပေါက် စတဲ့နေရာတွေကို ကာကွယ်တာ စသဖြင့် ပုံစံအမျိုးမျိုး နေရာအမျိုးမျိုးအတွက် သင့်လျှော်လိုက်ဖက်မယ့် နည်းစနစ်တွေ ရှိကြပါတယ်။
သဲအိတ်နဲ့ ရေကြီးတာကို ကာကွယ်တဲ့နေရာမှာ သဲအိတ်လုပ်မယ့် အိတ်ကိုရွေးချယ်တာကအစ သဲဖြည့်တာ၊ သဲအိတ်စီတာ စတဲ့အဆင့်ဆင့်မှာ နည်းစနစ် ကျနဖို့လိုပါတယ်။
သဲအိတ်ပဲကွာအိတ်ထဲသဲထည့်ပြီးတော့ ရေတိုးတဲ့နေရာကို ကားထားရင် မပြီးဘူးလားမေးရင် မပြီးဘူးလို့ပဲ ပြောရမှာပါ။ ဖြစ်သလို စနစ်တကျ ပြင်ဆင်ပြုလုပ်ထားခြင်း မရှိတဲ့ သဲအိတ်တွေဟာ ပင်ပန်းတာပဲ အဖတ်တင်ပြီးတော့ ထိရောက်စွာ ကာကွယ်မှု မပေးနိုင်ပါဘူး။
သဲအိတ်တွေကို စီပုံစီနည်းတွေကို မရေးပြခင် အရင်ဆုံး သဲထည့်တာက စပြီးတော့ ရေးပြချင်ပါတယ်။ သဲထည့်ဖို့အတွက် ပထမဆုံး ထည့်စရာအိတ်တွေကို ရွေချယ်ရပါမယ်။ သဲထည့်ပြီး သဲအိတ်အဖြစ် အသုံးပြုမယ့် သဲအိတ်ရဲ့ အရွယ်အစားကလဲ အရေးကြီးပါတယ်။ ၁၄လက်မ အဝကျယ်နဲ့ ၂၄ လက်မကနေ ၂၆ လက်မ ရှည်တဲ့ အိတ်ဆိုဒ်က အဆင်အပြေဆုံး သုံးနိုင်တဲ့ ဆိုဒ်ပါပဲ။ ကျန်တဲ့ အိတ်အရွယ်အစားတွေ အသုံးပြုနိုင်ပေမယ့် ဒီအရွယ်အစားက အသင့်အလျှော်ဆုံးပါပဲ။ ကိုင်တွယ် အသုံးပြုရတာကော သဲအလေးချိန် အချိန်တစ်ဆယ်လောက် (၃၅ ကနေ ၄၀ ပေါင်) ထည့်ပြီးတော့ သုံးနိုင်လို့ပါ။ ဒီလောက် အလေးချိန်ဆိုရင် အဆင်ပြေပြေ သယ်ယူစီထားလို့ ရတဲ့ အနေအထားပါ။ မရတော့လဲ ရနိုင်တဲ့အိတ်ကို အဆင်ပြေသလို သုံးနိုင်ပါတယ်။
ပုံ (၁) သဲအိတ်ဖြည့်နည်း အမှန်
ပုံ (၂) သဲအိတ်ဖြည့်နည်း အမှားများ
သဲအိတ်စီနည်းတွေထဲမှာ ပထမဆုံး ပြချင်တဲ့ ပုံစံကတော့ တာပုံစီတဲ့နည်းပဲ ဖြစ်ပါတယ်။ စီပုံစီနည်းကို အရင်ရေးပြပြီးမှ သဲအိတ်တွေ စီတဲ့နေရာမှာ လိုက်နာရမှာတွေ ရေးပြပါ့မယ်။ တာပုံစီနည်းကို အင်နဲ့အားနဲ့ တစ်နေရာကနေ စီးဆင်းလာတဲ့ ရေအနေအထားမှာ အသုံးပြုသင့်ပါတယ်။ ဥပမာပြောရင် မြစ်ချောင်းတွေကနေ ရေတိုးလာတဲ့ နေရာမျိုးတွေမှာ ဖြစ်ကမ်းနား ချောင်းကမ်းနားတွေမှာ စီပြီးတော့ ကာကွယ်ရာမှာ သိပ်အသုံးဝင်တဲ့ နည်းဖြစ်ပါတယ်။
ဒါ့အပြင်ရပ်ကွတ်တစ်ခု၊အိမ်တစ်စု၊ကယ်ဆယ်ရေးစခန်းတစ်ခုကိုပတ်ပြီးတော့စီထားပြီး နေရာတစ်ခုကို ရေကြီးတာကနေ ကာကွယ်ပေးဖို့လဲ အသုံးဝင်ပါသေးတယ်။
ပုံ (၃) တာပုံစီနည်း
ဒီလိုသဲအိတ်စီတော့မယ်ဆိုရင် ဖြစ်နိုင်ရင် သဲအိတ်စီမယ့် နေရာတစ်လျှောက်မှာ မြောင်းတစ်ခု အရင်တူးသင့်ပါတယ်။ စီထားတဲ့ သဲအိတ်တွေကို ရေအရှိန်နဲ့ နောက်ပြန်မရွေ့စေဖို့အတွက် ထိန်းချုပ်ထားမယ့် နေရာတစ်ခု ဖန်တီးတဲ့ သဘောဖြစ်ပါတယ်။ သဲအိတ်တွေရဲ့ အောက်ဆုံးအလွှာ မစီခင်မှာ ဒီမြောင်းကို အရင်တူးထားရပါတယ်။ မြောင်းရဲ့ အကျယ်က သဲအိတ်နှစ်အိတ်စာ၊ အနက်က တစ်အိတ်စာဆိုရင် လုံလောက်ပါပြီ။
ရေတိုးတဲ့ဒဏ်ကို ခံနိုင်ရည်ရှိအောင် သဲအိတ်တာရဲ့ လိုချင်တဲ့ အမြင့်ပေါ်လိုက်ပြီး စီမယ့်သဲအိတ်တွေရဲ့ အကျယ်ကို သုံးဆဖြစ်အောင် စီသင့်ပါတယ်။ ဒီစီနည်းက အင်မတန် အသုံးဝင်သော်လည်း သဲအိတ်အရေအတွက် အများကြီးလိုပါတယ်။ ဒါကြောင့်မို့ မိမိလိုအပ်မယ်ထင်တဲ့ အမြင့်ကို ရရှိအောင် သဲအိတ်ဘယ်လောက် စီစဉ်ရမယ်ဆိုတာ အောက်က ပုံသေနည်းနဲ့ ကြိုတင်တွက်ချက် စီစဉ်ထားလို့ရပါတယ်။ တွက်တာကတော့ သဲတစ်အိတ်စာ အကျယ်နဲ့ တွက်ချက်တာပါ။ သဲတစ်အိတ်ကို တစ်ပေလို့ ခန့်မှန်းချေ တွက်ချက်ပါတယ်။
ပုံသေနည်းကတော့
သဲအိတ် အရေအတွက် = (၃ x သဲတာအမြင့်) + (၉ x သဲတာအမြင့် x သဲတာအမြင့်) / ၂
ဥပမာပြောရရင် ၃ ပေမြင့်တဲ့ သဲတာတစ်ခုအတွက် သဲအိတ်တစ်တန်းစာ သဲအိတ်ပေါင်း
= (၃ x ၃) + (၉ x ၃ x ၃) /၂ = ၄၅ အိတ်
ဒါကြောင့်မို့
၁ ပေအမြင့်အတွက် ၆ အိတ်
၂ ပေအမြင့်အတွက် ၂၁ အိတ်
၃ ပေအမြင့်အတွက် ၄၅ အိတ်
၎ ပေအမြင့်အတွက် ၇၈ အိတ်လိုပါမယ်။ ဒါက သဲအိတ်တစ်အိတ်စာ အကျယ်အတွက်ပဲ တွက်ချက်တာရှိပါသေးတယ်။
သဲအိတ်စီမယ့် နေရာရဲ့ အလျားနဲ့ တွက်ချက်ရရင်တော့ ပေတစ်ရာ အလျားရှိတဲ့ တာတစ်ခုအတွက်ဆိုရင် သဲအိတ် အဆတစ်ရာ လိုတာပေါ့။ အဲဒိတော့
၁ပေ အမြင့်အတွက် သဲအိတ်ပေါင်း ၆၀၀
၂ပေ အမြင့်အတွက် သဲအိတ်ပေါင်း ၂၁၀၀
၃ပေ အမြင့်အတွက် သဲအိတ်ပေါင်း ၄၅၀၀
၎ပေ အမြင့်အတွက် သဲအိတ်ပေါင်း ၇၈၀၀ လိုအပ်ပါမယ်။
သဲအိတ် အလုံအလောက် မရရှိနိုင်တဲ့ ဒေသတွေမှာတော့ သဲအိတ်အခြေ အကျယ်ကို အမြင့်ရဲ့ နှစ်ဆအနေနဲ့လဲ သုံးကြပါသေးတယ်။ ဒီနည်းနဲ့ စီမယ်ဆိုရင်တော့ ပေတစ်ရာ အလျားရှိတဲ့ တာတစ်ခုအတွက်တော့
၁ ပေအမြင့်အတွက် ၆ အိတ်ပေါင်း ၆၀၀
၂ပေ အမြင့်အတွက် သဲအိတ်ပေါင်း ၁၇၀၀
၃ပေ အမြင့်အတွက် သဲအိတ်ပေါင်း ၅၅၀၀
၎ပေ အမြင့်အတွက် သဲအိတ်ပေါင်း ၉၀၀၀ လိုအပ်ပါမယ်။
ရှေ့အပိုင်းက အဆက်ဖြစ်တဲ့ တာပုံစီနည်းမှာ သဲအိတ်တာရဲ့အခြေကို သဲအိတ်တာရဲ့ အမြင့်ရဲ့ နှစ်ဆနဲ့ စီတဲ့ပုံကို ဖော်ပြပေးလိုက်ပါတယ်။
သဲအိတ်တွေကို စီတဲ့နေရာမှာ သဲအိတ်တွေကို အချင်းချင်း ထပ်တဲ့နေရာဟာ အလွန်အရေးကြီးပါတယ်။ သဲအိတ်တွေကို တစ်ဝက်၊ ဒါမှမဟုတ် သုံးပုံ နှစ်ပုံပဲ ထည့်ထားတဲ့အတွက် သံအိတ်တွေမှာ သဲမရှိတဲ့ အပိုင်းတွေ ရှိနေပါလိမ့်မယ်။ အဲ့ဒိ သဲလွတ်နေတဲ့ အိတ်ခွံအပိုင်းကို အခြားအိတ်တစ်ခုက အပေါ်ကနေ ဖိစီပြီး ထပ်သွားခြင်းအားဖြင့် သဲအိတ်များအကြား အကြားအလပ်နည်းခြင်း၊ ရေစိမ့်ဝင်မှု နည်းပြီး ကာကွယ်နိုင်မှု မြင့်မားခြင်း၊ တစ်အိတ်နဲ့တစ်အိတ် ထောက်ပံ့ထားနိုင်သည့်အတွက် ခိုင်ခန့်ခြင်း၊ အလွယ်တကူ ကျိုးပေါက် ပျက်စီးနိုင်မှု မရှိခြင်း စတဲ့အကျိုးတွေ ရနိုင်ပါတယ်။
ပုံ (၅) သဲအိတ် နေရာချပုံ (၁)
သဲအိတ်တွေကို နေရာချတဲ့အခါမှာ သဲပြည့်ပြီး တင်းနေတဲ့ ဘက်ကို ရေလာရာဘက်ဆီမှာ ထားပြီးတော့ စီသင့်ပါတယ်။
ပုံ (၈) သဲအိတ်တာ၏ ပထမအလွှာ စီပုံကို အပေါ်စီးမှ မြင်ရပုံ
ပုံ (၁၀) သဲအိတ်စီနည်း အမှား
အပေါ်က ပုံတွေကို ကြည့်မယ်ဆိုရင် ပုံစံအမှန်က အကြားအလပ်နည်းပြီး ပုံစံအမှားမှာက အကြားအလပ်တွေ များတာကို တွေ့နိုင်မှာပါ။ လက်တွေ့မှာဆိုရင် ပိုပြီးတော့ ဆိုးတဲ့အနေအထားကို ကြုံနိုင်ပါတယ်။ အကြားအလပ်နည်းတယ်ဆိုတာ သဲတာရဲ့ ခိုင်ခန့်မှု၊ ရေစိမ့်ဝင်နိုင်မှု နည်းပါမှု၊ ကာကွယ်နိုင်စွမ်း မြင့်တာတွေရဲ့ ပြယုတ်ပါပဲ။ ဘာပဲပြောပြော အထူးသတိထားရမှာက သဲအိတ်တစ်လွှာ ခင်းပြီးတိုင်း ကြားထဲက လစ်လပ်နေတဲ့ နေရာတွေကို သဲနဲ့ဖြည့်ပေးဖို့ပါပဲ။
ပုံ (၁၁) ပလပ်စတစ်အားဖြည့် သဲအိတ်တာ
ပုံ (၁၂) ရှည်လျှားသော သဲအိတ်တာအတွက် ပလပ်စတစ်စ ခင်းနည်း
ပလပ်စတစ်စ တစ်စနှင့်တစ်စကို အနည်းဆုံး သုံးပေလောက် ထပ်ပေးဖို့လိုပါတယ်။ ရေအောက်ဘက်ကို အရင်ခင်းပြီးမှ ရေတင်ဘက်ကို ခင်းပေးရပါမယ်။ ပလပ်စတစ်စ ခင်းပြီတဲ့နောက် သဲအိတ်တွေနဲ့ တာထိပ်မှာ တစ်လိုင်း ရေလာရာဘက် အခြေမှာ တစ်လိုင်း ဖိထားပေးဖို့တော့ လိုအပ်ပါမယ်။
ရေကြီးတဲ့ဒေသတွေအတွက် အရေးအကြီးဆုံးကတော့ သောက်သုံးရေပါပဲ။ ရေကြီးရေတက်လာတဲ့ အခါမှာ နေရာဒေသအမျိုးမျိုးက အညစ်အကြေးတွေ ပျော်ဝင်စီးဆင်းလာတာတွေဟာ ရေတွင်းတွေ ရေကန်တွေဆီကို ဒလဟော ဝင်ရောက်တတ်ပါတယ်။ အဲလိုမျိုး အညစ်အကြေးတွေ ဝင်ရောက်တဲ့အတွက် သောက်သုံးရေသန့် အခက်အခဲ ဖြစ်တတ်ပါတယ်။ သန့်ရှင်းတဲ့ သောက်သုံးရေ မရရှိတဲ့အတွက် ရေကြီးရာဒေသတွေမှာ မျက်စေ့နဲ့ ပတ်သက်တဲ့ရောဂါတွေ၊ ဝမ်းရောဂါလိုမျိုး ကူးစက်ရောဂါတွေ ဖြစ်ပွားတတ်ကြပါတယ်။ ဒါကြောင့်မို့ ရေတွင်းရေကန်တွေကို သေသေချာချာ ကာကွယ်ထားသင့်ပါတယ်။
ရေကန်တွေကိုဆိုရင် တာဘောင်တစ်လျှောက်မှာ သဲအိတ်တွေနဲ့ ပလပ်စတစ်စတွေ အသုံးပြုပြီးတော့ ကာကွယ်သင့်သလို၊ ရေတွင်းတွေကိုလဲ သဲအိတ်တွေနဲ့ ကာကွယ်ထားသင့်ပါတယ်။ ဒီလိုကာကွယ်ခြင်းအားဖြင့် အညစ်အကြေးအရည်တွေ မြေသားမှတဆင့် စိမ့်ဝင်တာကို မကာကွယ်နိုင်ပေမယ့် တိုက်ရိုက် ဝင်ရောက်ခြင်းမှ ထိထိရောက်ရောက် ကာကွယ်နိုင်ပါတယ်။ တိုက်ရိုက်ဝင်ရောက်ခြင်း မရှိတဲ့ရေကို ပိုမိုစိတ်ချစွာ သောက်သုံးနိုင်သလို၊ ကလိုရင်းခတ်ခြင်း ကျိုးချက်ခြင်းတို့ကိုလဲ အလွယ်တကူ ပြုလုပ်သန့်စင်လို့ ရနိုင်ပါတယ်။
ပုံ (၁၃) ရေတွင်းကို သဲအိတ်စီ၍ ကာကွယ်ထားပုံ
ရေတိုးရာ လမ်းကြောင်းကို သဲအိတ်များ စီခြင်းဖြင့် လမ်းကြောင်းလွှဲခြင်းအားဖြင့် ပျက်စီးဆုံးရှုံးမှုတွေကို လျော့ချနိုင်ခြင်း၊ အရေးကြီးသော နေရာများကို ကာကွယ်နိုင်ခြင်း စတဲ့အကျိုးတွေကိုလဲ ရနိုင်စေပါတယ်။
သဲအိတ်များစီပြီး ရေကြီးခြင်းကို ကာကွယ်ရာမှာ အဓိကထား ကာကွယ်သင့်တဲ့ နေရာတွေကတော့ ဆေးရုံ၊ ဆေးခန်း၊ စာသင်ကျောင်းကဲ့သို့သော လူအများကို ကယ်ဆယ် ထားရှိနိုင်တဲ့ နေရာတွေပဲ ဖြစ်ပါတယ်။ မြစ်ချောင် တစ်လျှောက် ရေတိုးနိုင်တဲ့ နေရာတွေတင်သာမက အဆိုပါနေရာတွေကိုလည်း ဦးစားပေးပီးတော့ ကာကွယ်သင့်ပါသေးတယ်။ ထိုသို့ကာကွယ်ရာမှာ ရေတိုးလာမယ့် ရေစီးကြောင်းတွေကို လေ့လာတွက်ချက်ပြီးတော့ စနစ်တကျ စီစဉ်ကာကွယ်သင့်ပါတယ်။ အဆောက်အဦးတွေကို ကာကွယ်ထားတဲ့ သဲအိတ်နံရံတွေကို ငါးပေခြားတစ်နေရာလောက်စီ သဲအိတ်လေး ငါးအိတ်လောက်နဲ့ ထောက်ကန်ထားပေးဖို့လဲ လိုအပ်ပါသေးတယ်။
ရေစီးရာလမ်းကြောင်းကို သေချာစွာ လေ့လာပြီး ရေဦးတိုက်ရာ နေရာတွေကို သဲအိတ်အပြင် အခြားအကာအကွယ်များကိုလဲ ထပ်မံတပ်ဆင်သင့်ပါသေးတယ်။ ပုံမှာဆိုရင် ရေဦးတိုက်ရာ နေရာတည့်တည့်မှာ သစ်သားနဲ့ ပြုလုပ်တဲ့ အကာအကွယ်နဲ့ အားဖြည့်ပြီး သဲအိတ်များနဲ့ ထောက်ကန်ထားပေးပါတယ်။
ကို သာ ပို Facebook
