dawnmanhon

Saturday, February 13, 2010

0 သုခအလင်း မွေးဖွားခြင်း

ဗိုလ်ချုပ်မွေးနေ့မှာ..ဗိုလ်ချုပ်ကြိုက်တဲ့ ပဲပြုတ်နဲ့ နံပြားနဲ့..သုခအလင်းကိုစတင်ခြင်းပေါ့..

“မွေးဖွားခြင်းနှင့် သေဆုံးခြင်း” စကားအရ “ဖြစ်လျှင်ပျက်မည်” ဖြစ်သော်ငြားလည်း ဖြစ်ချင်းပျက်ချင်းတို့သည် ရုပ်ဝတ္ထုတို့နှင့်သာ သက်ဆိုင်သည်။ စိတ်သတ္တိ နှင့်မသက်ဆိုင်ချေ။

ခိုင်မာသော စိတ်ဓာတ်နှင့် ရဲရင့်သော ခံယူချက်တို့ကို မည်သည့်အရာကမှ မဖျက်ဆီးနိုင်ချေ။
ဖြစ်ခြင်းနှင့် ပျက်ခြင်းကြားကာလ . . . ။

မွေးဖွားခြင်းနှင့် သေဆုံးခြင်း ကြားကာလ၌ အများအတွက် အကျိုးပြုမည့်၊ အကျိုးရှိမည့် အရာများကို ဖန်တီးတည်ဆောက်ပေးရမည့် တာဝန်မှာ ကျွန်တော်တို့ လူမှုရေးသမားများ၏ တာဝန်ဖြစ်သည်။

ကျွန်တော်တို့သည် ဘဘဦးသုခ ရည်မှန်းမျှော်လင့် မျိုးဆက်ချပေးခဲ့သော နာရေးကူညီမှုအသင်း (ရန်ကုန်) ကို ဖွဲ့စည်းတည်ထောင်၍ ပြည်သူလူထုတို့ကို ပံ့ပိုးကူညီခဲ့ရာမှ “သုခကုသိုလ်ဖြစ်ဆေးခန်း” ဟူသော အခမဲ့ဆေးဝါးကုသပေးသော ကုသိုလ်ကို ရယူခဲ့ပြီးဖြစ်ပါသည်။ ယခုတစ်ဖန် . . . “သုခအလင်း” စာကြည့်တိုက်ဟူ၍ မျိုးဆက်သစ်လူငယ်များအတွက် ရည်သန်လျှက် မွေးဖွားခဲ့ပြန်ပါသည်။

“သုခအလင်း” အဓွန့်ရှည်ရေး၊ ရေရှည်ရပ်တည်နိုင်ရေးအတွက် ကျွန်တော်တို့၏ စိတ်ဓာတ်၊ ခံယူချက်တို့ ခိုင်မာရဲရင့်ဖို့ လိုအပ်ပါသည်။
ထို့ကြောင့် ကျွန်တော်တို့သည် ဖခင်ဗိုလ်ချုပ်အောင်ဆန်း၏ ခိုင်မာသော ဆုံးဖြတ်ချက်၊ ရဲရင့်သော ခံယူချက်များ ဖြစ်သော . . .
“ငါ့အား ဖုံးလွှမ်းထားသော လကွယ်သန်းခေါင်ယံ . . . ၊ ယင်းမှောင်မိုက်အတွင်းမှနေ၍ အရှုံမပေးသော ငါ့စိတ်ကို ဖန်ဆင်းပေးသူ နတ်၊ သိကြားကို ငါသည် ကျေးဇူးစကားဆိုပါ၏။ လောကဓံတရား၏ လက်ခုပ်အတွင်းသို့ ဘယ်လိုပင်ကျရောက်စေကာမူ ငါကား မတုန်မလှုပ်၊ မငိုကြွေး။ လောကဓံတရား၏ ရိုက်ပိုက်ခြင်း ဒဏ်ချက်ကြောင့် ငါ၏ ဦးခေါင်းသည် သွေးသံတို့ဖြင့် ရဲရဲနီနေ၏၊ သို့သော် ညွတ်ကားမညွတ်။ လောဘဒေါသတို့ ကြီးစိုးရာဌာန၏ အခြားမဲ့၌ကား သေခြင်းတရားသည် ကြောက်မက်ဖွယ်ရာ ငံ့လင့်နေ၏။ သို့ပင်မူ ငါ့အားမတုန်လှုပ်သည်ကိုသာ တွေ့ရပေအံ့။ နောင်ကိုလည်း ဘယ်တော့မှ မကြောက်သည်ကို တွေ့ရပေအံ့။”
. . . ဟူသောစကားလုံးများသည် ကျွန်တော်တို့အတွက် ခိုင်မာရဲရင့်သော အားဆေးများပင်ဖြစ်တော့သည်။

ဗိုလ်ချုပ်ရဲ့ အားဆေးများနှင့် ဘဘဦးသုခရဲ့အမွေ (လူမှုရေး၊ ဘာသာရေး) ကိုထပ်မံတိုးပွားမှုပြုခဲ့သော ဤ”သုခအလင်း” စာကြည့်တိုက်ကို ဗိုလ်ချုပ်ရဲ့မွေးနေ့ဖြစ်သော ၁၃.၂.၂၀၁၀ ရက်နေ့တွင် မျိုးဆက်သစ်လူငယ်များအတွက် ရည်သန်လျက် နာရေးကူညီမှုအသင်း (ရန်ကုန်) တည်ရှိရာ နေရာဌာန၌ မွေးဖွားခဲ့ပြီဖြစ်ပါသည်။

ကျွန်တော်တို့သည် မျိုးဆက်သစ်လူငယ်များအတွက် ရည်သန်၍ ဘဘဦးသုခမျိုးစေ့ချပေးသော လူမှုရေးစိတ်ဓာတ်နှင့် ဖြစ်ပေါ်လာမည့်၊ ဖြစ်ပေါ်လတ္တံ့၊ ဖြစ်ပေါ်နေဆဲ အတိုက်အခိုက်၊ အနှောက်အယှက်၊ အဖျက်အဆီး၊ အတားအဆီးမှန်သမျှကို ကျွန်တော်တို့၏ ဖခင် ဗိုလ်ချုပ်အောင်ဆန်း၏ ရဲရဲတော်စကားလုံးများကို လက်ခံကျင့်သုံးကာ ကျွန်တော်တို့၏ ဘဝပန်းတိုင်၊ ပြည်သူတို့၏ ငြိမ်းချမ်းရေးပန်းတိုင်သို့ ရောက်အောင် ဤ”သုခအလင်း”နေရာဌာနမှ မလျော့သောဇွဲနှင့် လက်တွဲမဖြုတ် ချီတက်ကြပါမည်ဟု သန္နိဌာန်ချလိုက်ပါသည်။

ဘဘဦးသုခနှင့် ဖခင်ဗိုလ်ချုပ်အောင်ဆန်းတို့ ရောက်ရာမြင့်မြတ်သော ဘုံဌာနအသီးအသီးမှ သာဓု . . သာဓု . . .သာဓု . . ခေါ်ဆိုပါလေတော့ . ..

ကျော်သူ

0 မဲဆောက်မြို့ SAW ကျောင်းတွင် ကျင်းပပြုလုပ်သည့် မြန်မာနိုင်ငံကလေးများ နေ့ (ဗိုလ်ချုပ်အောင်ဆန်းမွေးနေ့) အခမ်းအနား (ဓာတ်ပုံသတင်း)

ပေးပို့ - နေသစ်မီဒီယာ
ထပ်ဆင့်မျှဝေပေးသော မမြတ်လေးငုံအားကျေးဇူးတင်ရှိပါသည်။

0 လွတ်လပ်ရေးဖခင်ကြီးဗိုလ်ချုပ်အောင်ဆန်း၏ (၉၅)နှစ်ပြည့်မွေးနေ့ ဂုဏ်ပြုအမှတ်တရ

မြန်မာနိုင်ငံရဲ. လွတ်လပ်ရေး ဖခင်ကြီး အဖေ ဗိုလ်ချုပ်အောင်ဆန်း ..၉၅ နှစ်မြောက်မွေးနေ.မှ စပြီး နောက်နှစ်ပေါင်းများစွာ ရောက်ရာ ဘုံဘဝမှာ ကောင်းကျိုးချမ်းသာများ ခံစားရပြီး ပျော်ရွင်ချမ်းမြေ့ပါစေလို. ဆုမွန်ကောင်းတောင်းလိုက်ပါတယ်။

( ငါတို့၏ ကိုးကွယ်ရာ )

ကျနော် ကြက်သီးတွေထတယ် အဖေ
မနက်လင်းတိုင်း မနက်ခင်းတိုင်း
အဖေ မျှော်မှန်းခဲ့တဲ့ ပြီးပြည့်စုံတဲ့ဘဝ
သားတို့ရကြပြီလားလို့ ကိုယ့်သမိုင်းကို ကိုယ်ပြန်မေးကြည့်မိတယ် ။
အဖေ တည်ဆောက်ပေးခဲ့တဲ့ အုတ်မြစ်တွေကို
အရောင်အမျိူးမျိူးကြား ၊ အသွေးစုံ အလံတွေ ၊ ဦးထုပ်ဒီဇိုင်းများစွာ နဲ့
သူတို့တွေ .......
သူတို့တွေ တန်ဖိုးဖြတ်ခဲ့ကြတယ် အဖေ ။

ထွန်းလင်းတောက်ပနေဆဲံ ၊ ဘယ်တော့မှ မမှေးမှိန်နိုင်မယ့် အဖေ့ပုံရိပ်တွေကို
မူတွေ ၊ ဝါဒတွေ ၊ သဘောတရားတွေ ၊ ရယူပိုင်ဆိုင်လိုမှုတွေ
သွေးညှီနံ့တွေ နဲ့
သူတို့တွေ ....
သူတို့တွေ ဖုံးဖိချင်ကြတယ် အဖေ ။
အဖေ့ ရဲ့ အမိုးအကာအောက်မှာ
တည်ငြိမ်တဲ့ ရပ်တည်မှုမရှိ ၊ လူ့တန်ဖိုးမဲ့ချင် ကြလို့
သားတို့ လားရာလမ်းတွေ ၊ သားတို့ အနာဂါတ်ပန်းတိုင်တွေအတွက်
မနက်တွေကို စတေးခဲ့ကြရတယ် အဖေ ။
လုံလောက်ပြီလား ။
မနက် ၊ အသက် ၊ အရှက် ၊ သွေးချွေး ၊ သိက္ခာ ၊ လိပ်ပြာ
အဖေ ကြိုတင်ခန့်မှန်းခဲ့ဖူးတဲ့ ( .... ) လွတ်လပ်ရေး ။
သားတို့ ရင်လေးမိတယ် အဖေ ။

“ ငါတို့မြန်မာပြည်ဝယ်
မိဘတိုင်းကကွယ်
ဗိုလ်အောင်ဆန်းလို
သူရဲကောင်းတွေ မွေးရမယ် ...”
အဖေမမြင်ခဲ့ရတဲ့ ၊ အဖေ မမှီလိုက်တော့တဲ့
ပင်လုံ ရဲ့ အသီးအပွင့်တွေ ကျနော်တို့ ဆွတ်ယူစားသုံးနေကြတယ်အဖေ ။
ဒါပေမယ့်
အပင်စိုက်ခဲ့တဲ့ အဖေ့ကိုတော့ မေ့ယောင်ဆောင်ချင်ကြသေးတယ် အဖေ ။
သား ရင်နာတယ် ။
“ ကြည်ရေ ... ပဲပြုတ်နဲ့နံပြား ရရင် စားချင်တယ် ”
တဲ့လား အဖေရယ် ။
အခုတော့ ငါ့သားအတွက် ၊ ငါ့်သမီးအတွက် ၊ ငါ့သွေးအတွက် ၊ ငါ့မြေးအတွက် ......... ၊ ငါ့ .........၊ ငါ့ .....
ဆုံးခန်းမတိုင်နိုင်မယ့် ရလိုမှု လောဘဇောတွေ အတွက်
တစ်ချို့တွေ အရှက်ကို မငဲ့နိုင်တော့ဘူး ။
လာရာလမ်းအတိုင်း ပြန်သွားရမယ့် ဒီဘဝခရီး မှာ
“ အနတ္တ ” သဘောကို သိမြင်ပါလျက် ၊ ရသမျှကို ကဲ့ယူ
မသေခင်မှာ လက်ကုန်နှိုက်ချင်ကြတယ် အဖေရယ် ။
သား ရင်နာတယ် ။
မြန်မာ့လွတ်လပ်ရေးအတွက် တပ်မတော်ဖွဲ့ဖို ဂျပန်ပြည်မှာကွယ်
တကယ်ပဲ အသက်နဲ့ လဲ လို့ ဆင်းရဲ ဒုက္ခခံကာ ကြံစည်တယ် ။ သူရဲကောင်း တို့ ....
ဗိုလ်အောင်ဆန်း နဲ့ အာဇာနည်တွေရယ် ။

ရှက်ဖို့ကောင်းလိုက်တာ အဖေရယ် ..။
အဖေ့ အိပ်မက်တွေ မျှော်လင့်ချက်တွေကို မှ အားမနာ
သားတို့ ခမျာ နိပွန် မှာ ၊ မလေး မှာ ၊ စလုံးမှာ ၊ ယပက်လက်မှာ ၊ ကကြီးမှာ
ရှေ့မျက်နှာ နောက်ထားလို့ ကျွန်အကြီးစားဖြစ်နေရတယ် ။
ကိုယ့် မိခင်အရိပ် ၊ ဖခင်ကျေးဇူး ထက်
သူတထူးအတွက် သိတတ်နေရတဲ့ အဖြစ် ။
သား ရင်နာတယ် အဖေ ။
လေဒီဒိုင်ယာနာ သေတဲ့နေ့ ၊ ဘုန်းတော်ကြီးအသတ်ခံရတဲ့နေ့တွေ ဆို
သက္ကရာဇ် အချိန်အတိအကျပြောနိုင်ပေမယ့်
အဖေ့ မွေးနေ့ နဲ့ ငယ်နာမည်တောင် မသိတော့တဲ့ ၊ တာဝန်မကျေတဲ့ သားသမီးတွေကို
လာဆုံးမပါဦးအဖေ ။
အာဇာနည် ကိုးဦး အမည်စာရင်း မေး မလား ။ မမှတ်မိဘူး ။
အဖေ့ မွေးရပ် မမှတ်မိဘူး ။
ရဲဘော်သုံးကျိပ်ဆို ဝေးရော ။
ဒါပေမယ့် ....
ချန်ဂင် ၊ ဆွန်ဂျူး ၊ နေ့ကလပ် ၊ နိုကီယာ ၊ စည်ဘီယာ
နေတတ်သူတွေ အဖို့တော့ မီးမလာလည်း အင်ဗာတာ ရှိတယ် အဖေ ။
နတ်မောက်က အဖေ့ အိမ် ဘယ်သူတွေ သွားကြလို့လဲ
နတ်မောက်လမ်း က အဖေ့ပြတိုက် ဘယ်သူ ဦးခိုက်ကြမလဲ
အဖေ ပြောခဲ့တယ်နော် ။
စည်းကမ်းဆိုတာ မရှိမှတော့ ရထားတဲ့ လွတ်လပ်ရေးသာ ( .... ) လွတ်လပ်ရေးပဲ ဖြစ်မယ်တဲ့ ။
အဖေ့ ကြေးရုပ်နားက ကွမ်းမထွေးရ ဆိုတဲ့ ဆိုင်းဘုတ်ကိုမှ ပျစ်ခနဲ့ထွေးတဲ့ ငနဲ
အဖေ နာရင်းတီးချင်မှာပဲနော် ။
အဖေ
သား ရင်နာတယ် အဖေ ။
အဖေ့ မိန့်ခွန်းတွေ နားထောင်မိတိုင်း
အဖေ့ လက်ရေး နဲ့ ( ကြည်ရေ....) ဆိုတာလေး ပြန်မြင်မိတိုင်း
အဖေ့ ရည်မှန်းချက်တွေ ၊ အဖေ့ လုပ်ငန်းစဉ်တွေ ဖတ်ရတိုင်း
ဖြစ်ချင်တိုင်းဖြစ်နေတဲ့ သားတို့ဘဝ တွေ အတွက် အဖေ့ကို မျက်နှာပူတယ် ။
အိမ်သာအထွက် သိန်းဖေ ပုဆိုး နဲ့ လက်သုတ် တဲ့ အဖေ
ကဲ ယှဉ်စမ်း
သိန်းဖေ အောင်ဆန်း
သခင်စိုး အောင်ဆန်း
ဦးနု အောင်ဆန်း
သန်းထွန်း အောင်ဆန်း
နေဝင်း အောင်ဆန်း
ကျော်ငြိမ်း အောင်ဆန်း
............ အောင်ဆန်း
............ အောင်ဆန်း
ကြည့်တတ်ရင် မြင်နိုင်မယ် ။
ရုပ်ရှင်ရုံမှာတောင် အောက်တန်းကကြည့်တဲ့ အဖေ ။
ဘိလပ်သွားတာတောင် အနွေးထည်ကောင်းကောင်း မဆင်နိုင်တဲ့ အဖေ ။
သူရို့တွေ အစား သားရှက်တယ် အဖေ ။
အဖေ့ မွေးနေ့ဆိုတာ
မြန်မာပြည်ရဲ့ မွေးနေ့ပါ ။ ကလေးများနေ့ ဘယ်ရောက်သွားပြီလဲ?
မြန်မာ ပြည်ဟာ မွေးနေ့ကိတ် မဟုတ်ဖူးဆိုတာ သူရို့ သိပါလေစ ?
အချိန်တန်ရင်တော့ နွားပိန်က သေချာပေါက်ကန်လိမ့်မယ် ။
အဖေ့ မွေးနေ့နဲ့ ပင်လုံနိဒါန်းကို
အဖေ့အရိပ်ခို ၊ အဖေ့အိမ်မှာ နေဖူးတဲ့ သားမောင်ချမ်း
ကြက်သီးတဖြန်းဖြန်းထပြီး
ဒီစာကို ရေးတယ် ။
/ခသူသမ]
ငမား ( ၆ . ၂ . ၂၀၁၀ )

0 Google Buzz VS Your Privacy

Google Buzz Sucks

Google Buzz ကို ဒီ ၂ ရက်အတွင်းမှာ တော်တော်လန့်သွားတယ်။ အဓိကကတော့ privacy လုံးဝကို မလုံခြုံတော့ဘူး။ Google ဘာတွေလုပ်နေလဲ မသိတော့ဘူး ဒီ ၂ ရက်အတွင်းမှာကို သူတို့ တိတ်တိတ်လေးနေ့ ပြင်နေတာ အများကြီးပဲ။

Buzz ထဲမှာ ကျွန်တော့်ကို follow လုပ်ဖို့ ကျွန်တော့်ကို ခွင့်တောင်းစရာမလိုဘူး။ follow လုပ်ပြီးတာနဲ့ ကျွန်တော် တင်သမျှ Buzz messages တွေအကုန် ဖတ်လို့ရသွားပြီ။ ကျွန်တော် မတင်ဘဲနဲ့လဲ အခြား Google က services တွေ မှာ ကျွန်တော်လုပ်သမျှ Buzz မှာ update လုပ်နေတယ်။ ဥပမာ Google Reader မှာ တစ်ခုခု share တာမျိုးကို အကုန်ကြည့်လို့ ရနေတယ်။ နောက် Gtalk Status message ကိုလဲ update လုပ်တယ်။

Google Profile မှာ ကိုယ့်ဖြည့်ထားသလောက် information ကလဲ လူတိုင်းကြည့်လို့ရနေပြီ။ အရင်က profile ကို hide လုပ်ထားလို့ရတယ်။ အခု Buzz ထွက်လာတော့ profile က ကျွန်တော့် message က နာမည်ကို နှိပ်လိုက်တာနဲ့ တန်းပြီး ကြည့်ရုံပဲ ဖုန်းနံပါတ်တွေ Geolocation တွေများ ထည့်ထားသေးရင် ဘယ်နားရောက်နေတယ် ဆိုတာပါသိရမယ်။ အရမ်းကြောက်ဖို့ ကောင်းတယ် နောက် Google က live Search လိုမျိုးလုပ်ပြီး လူတိုင်း messages တွေကို ဝင်ရှာနိုင်တဲ့ service မျိုးလုပ်နိုင်သေးတယ်။ မိုဘိုင်းဖုန်းကနေ Nearby Search အခုလုပ်လိုက်ရင် Buzz ကို မိုဘိုင်းဖုန်းသုံးနေတဲ့ သူတွေ (မြန်မာနိုင်ငံသားတွေ) အကုန်ရှာလို့ ရနေတယ်။

တော်တော်လေးလန့်သွားတယ် ကျွန်တော်က VIP ပုဂ္ဂိုလ်လဲမဟုတ်ဘူး ကိုယ့်အကြောင်းကို ဖုံးထားမှ ဖြစ်မယ့် လူမျိုးလဲ မဟုတ်ဘူး။ ဒါပေမယ့် ကျွန်တော့် အကြောင်းကို web ပေါ်မှာ အကုန်ကြည့်လို့ ရနေတာကိုတော့ တော်တော်လေးလန့်သွားတယ်။ လောလောဆယ် Buzz ထဲမှာ Mashable လိုမျိုးကို follow လုပ်လို့ရတယ်။ သူတို့ ဘာတွေ အသစ်တင်လဲဖတ်လို့ရတယ် comment ဝင်ရေးလိုက်ပြီဆိုပါစို့ အဲဒီ comment မှာပါတဲ့ ကျွန်တော့် နာမည် profile ကနေ email ဖြည့်ထားရင် spam mail ပို့လို့ရပြီ။ Geolocation နဲ့ Buzz ကို update လုပ်ထားရင် ကျွန်တော်ရှိတဲ့ နိုင်ငံကို လိုက်ပြီး location based Spam ကြော်ငြာတွေ ပို့လို့ရပြီ။ ပြောလို့မရဘူး contact မှာပါတဲ့ ဖုန်းနံပါတ်တွေကို mobile ဖုန်း ကြေငြာလုပ်တဲ့ သူတွေ location based နဲ့ လိုက်ရှာပြီး SMS ကြော်ငြာတွေ ပို့လို့ ရနေမယ်။ အနည်းဆုံး SMS နဲ့ မင်းထီပေါက်ပါတယ် ဆိုပြီး လာတဲ့ အချိန် ထီထိုးထားမိရင် ကျွန်တော်သာဆို ယုံမိတော့မှာပဲ။

Google Buzz က အမှန်တော့ Twitter + FaceBook’s Like + Geolocation ပေါင်းထားတာပဲ။ Google က အချိန်တို အတွင်းမှာ သူ့ရဲ့ Social Networking ဆိုဒ်ကို အကြီးကြီးဖြစ်လာချင်တော့ အတင်း force လုပ်ပြီး ကျွန်တော် ဘာမှ မသိလိုက်ရပဲ ကျွန်တော့် Gtalk list ထဲက သူတွေကို follow လုပ်ထားပြီးသားဖြစ်နေတာ တွေ့ရတယ်။ မလုပ်ရသေးတဲ့သူများဆိုလဲ Recommanded ဆိုပြီး လာပြနေသေးတယ်။ Spammer တွေအတွက် အကောင်းဆုံး ဂွင်တစ်ခုလိုဖြစ်နေပြီ bot များရေးထားပြီး crawl လုပ်လိုက်ရင် Buzz ကနေ နာရီဝက်လောက် အတွင်းမှာ email contact ပေါင်းသိန်းချီရနိုင်တယ်။ ပြီးရင် အဲဒီကောင်တွေ ကို business တွေဆီ ဒေါ်လာ ရာဂဏန်းလောက်နဲ့ ရောင်းစား ပိုက်ဆံရှာလို့ရတယ်။

ထွက်တာ ၂ ရက်ပဲရှိသေးတဲ့ Buzz ရဲ့Privacy သတင်းကတော့ web ပေါ်မှာ တော်တော်လေးပြန့်နေတယ်။ အခု ကျွန်တော်ရေးထားတာတောင် personal အမြင်ပဲ ရှိသေးတယ် security professional တွေရဲ့ articles တွေ အခုပဲ “Google Buzz Privacy” ဆိုပြီး ရှာလိုက်တာတောင် result 66,300,000 အဲဒီလောက်ထွက်နေပြီ။ ကျွမ်းကျင်တဲ့သူတွေ ရေးထားတာကို ရှာဖတ်ကြည့်လေ Buzz က ကြောက်စရာကောင်းလာလာလေလေ ဖြစ်လာတာနဲ့ ကျွန်တော်ကတော့ Buzz ကို လုံးဝပိတ်လိုက်ပြီ။ ပိတ်ချင်ရင် Gmail အောက်ဆုံးမှာ turn off buzz ဆိုပြီး ရှိပါတယ်။ အဲဒီကနေ ပိတ်လို့ရပါတယ်။ ကျွန်တော်ကတော့ Buzz သုံးလိုက်ကတည်းက online privacy နဲ့ပက်သက်ပြီး shock ရသွားတယ် ပထမဆုံးဘဲ။ Google လိုမျိုးက သူ့ product အောင်မြင်ဖို့ဆို ကျွန်တော်တို့ privacy ကို ချနင်းဖို့ ဝန်လေးပုံ မရဘူး။

ထူးတေဇာမှ ပြန်လည်မျှဝေပါသည်။

0 မြန်မာနိုင်ငံသည် ကုန်ပစ္စည်းချင်းဖလှယ်သည့်ခေတ်သို့ ပြန်လည်ရောက်ရှိနေ

ရန်ကုန် - မြန်မာပြည်တွင် ငွေစက္ကူအကြွေရှားပါးမှုကြောင့် စီးကရက်၊ ခေါင်လျှော်ရည် အစရှိသဖြင့် ကုန်ပစ္စည်းချင်းဖလှယ်သည့်စံနစ်ကို ကျင့်သုံးနေကြရကြောင်း သိရှိရသည်။

နိုင်ငံတစ်ကာ၏ ဒဏ်ခတ်အရေးယူပိတ်ဆို့မှုများနှင့် အဆမတန် ငွေကြေးဖေါင်းပွမှုတို့ကြောင့် မြန်မာစစ်အစိုးရအနေဖြင့် ငွေစက္ကူအသေးများကို ရိုက်နှိပ်ထုတ်ဝေခြင်းမရှိတော့ကြောင်း ကျွမ်းကျင်သူများက ဆိုကြသည်။

ဈေးဆိုင်များနှင့် စားသောက်ဆိုင်များတွင် ပြန်အမ်းရမည့်အကြွေအစား ကော်ဖီမစ်ထုပ်၊ စီးကရက်၊ တစ်ရှူးထုပ် အစရှိသည်တို့ကိုသာ ပြန်ပေးလေ့ရှိပြီး တန်ဖိုးသေးငွေစက္ကူများကို မတွေ့ရသည်မှာ နှစ်နှင့်ချီနေပြီဖြစ်ကြောင်း သိရှိရသည်။

ယခင်ကအစိုးရဘဏ်များတွင် ငွေစက္ကူအသေးများ လဲလှယ်ရယူနိုင်သော်လည်း ယခုအခါ ဈေးဆိုင်ပိုင်ရှင်တို့အနေဖြင့် လမ်းပေါ်တွင် လှည့်လည်တောင်းရမ်းနေသော သူတောင်းစားများကိုသာ အားကိုးလျက် တန်ဖိုးသေးငွေစက္ကူများကို လဲလှယ်နေရကြောင်း သိရှိရသည်။

ငွေကြေးအဆမတန်ဖေါင်းပွမှုကလည်း တန်ဖိုးသေးငွေစက္ကူများကို ပျောက်ဆုံးစေပြီး အာဆီယံဖွံ့ဖြိုးရေးဘဏ်၏ ကိန်းဂဏန်းများအရ ၂၀ဝ၅ မှ ၂၀ဝ၈ ခုနှစ်အတွင်း ပျမ်းမျှခြင်းအားဖြင့် စားသုံးသူဈေးနှုန်း ၂၄% ခန့်မြင့်တက်ခဲ့ကြောင်း သိရှိရသည်။

ချိုချဉ်ငွေကြေး
စီးပွားရေးမြို့တော်ရန်ကုန်တွင် ကော်ဖီမစ်တစ်ထုပ် (သို့) ခေါင်းလျှော်ရည် အထုပ်သေးတစ်ထုပ်ကို ၁၀ဝ ကျပ်အဖြစ် လဲလှယ်သုံးစွဲနေကြရပြီး တစ်ရှူးတစ်ထုပ် (သို့) စီးကရက်တစ်လိပ် (သို့) ချိုချဉ်တစ်လုံးသည် ငွေငါးဆယ်ကျပ်နှင့်ညီမျှကြောင်း သိရှိရသည်။

´ချောင်းဆိုးပျောက်ဆေး တစ်ပုလင်းဝယ်တာ ပြန်အမ်းငွေ ၁၅၀ အဖြစ် ဆိုင်က ချိုချဉ်သုံးလုံးပြန်ပေးတယ်´ဟု အငှါးကားမောင်းသူတစ်ဦးက ပြောကြားခဲ့သည်။ ´ချိုချဉ်စားရင် ချောင်းပိုဆိုးလိမ့်မယ်လို့ သူ့ကိုပြောတော့ ယိုးဒယားဖြစ် မီးခြစ်တစ်လုံးပေးတယ်။ ကျွန်တော်က ဆေးလိပ်မသောက်တတ်ဘူးလို့ ပြန်ပြောတော့ နှာစေးနေတာနဲ့ အသုံးတည့်မှာပါဆိုပြီး တစ်ရှူးသုံးထုပ်ပေးလိုက်တယ်´ဟု သူကဆက်လက်ရှင်းပြခဲ့သည်။

ရခိုင်ပြည်နယ်၏မြို့တော် စစ်တွေမြို့ရှိ လက်ဖက်ရည်ဆိုင်အချို့တွင် အရှာရခက်သော တန်ဖိုးနည်းငွေစက္ကူအကြွေများအစား ၎င်းတို့ကိုယ်တိုင်ပြုလုပ်ထားသော ကူပွန်များကို အသုံးပြုနေကြကြောင်း သိရှိရသည်။

´တိုလီမိုလီ ပစ္စည်းလေးတွေနဲ့ လဲပေးတာထက် ကူပွန်သုံးရတာက ပိုအဆင်ပြေပါတယ်´ဟု လက်ဖက်ရည်ဆိုင်ပိုင်ရှင်တစ်ဦးက ပြောကြားခဲ့သည်။ ကူပွန်ပေါ်တွင် ဆိုင်နာမည်နှင့် ငွေတန်ဖိုးတို့ကို ကွန်ပျူတာနှင့်ရိုက်နှိပ်လျက် ဆိုင်ပိုင်ရှင်ကလက်မှတ်ထိုးပြီး သုံးစွဲနေကြကြောင်း သိရှိရသည်။

ငွေကြေးလှည့်ပတ်မှုအတွက် ပြား ၅၀ မှအစပြုလျက် ၅၀ဝ၀ ကျပ်အထိ သုံးစွဲရန် တရားဝင်ပြဌါန်းထားသော်လည်း အမှန်တစ်ကယ်အားဖြင့် အကြီးသုံးခု (၂၀ဝ၊ ၅၀ဝ၊ ၁၀ဝ၀) တန်တို့ကိုသာ အတွေ့ရများလျက်ရှိ၏။

´ကျွန်တော်သိသလောက်ကတော့ အစိုးရက ၁၀ဝ၀ တန်ပဲထုတ်တော့တာခင်ဗျ´ဟု ရန်ကုန်တက္ကသိုလ် အငြိမ်းစားစီးပွါးရေးပညာရှင်တစ်ဦးက ပြောကြားခဲ့သည်။ ´ငွေစက္ကူအသေးတွေအတွက်မှာ ပုံနှိပ်ခက ငွေတန်ဖိုးထက်ကြီးမြင့်နေတော့ ဆက်မထုတ်နိုင်ကြတော့ဘူး´ဟု သူကဆက်လက်ပြောကြားခဲ့သည်။

ငွေကြေးလည်ပတ်မှုအတွက် အစိုးရက ငွေကြေးတန်ဖိုးပမာဏ မည်မျှထုတ်ဝေထားကြောင်း မည်သူမျှမသိရှိကြဘဲ အစိုးရအနေဖြင့် ၁၉၉၆-၉၇ ခုနှစ်တွင် ၁၇၉.၈၂ ဘီလျံကျပ်ရှိကြောင်း ထုတ်ပြန်ခဲ့အပြီးတွင် တရားဝင်ထပ်မံအသိပေးထုတ်ပြန်ခြင်း မရှိတော့ကြောင်း သိရှိရသည်။

Reuters က နောက်ဆုံးကိန်းဂဏန်းများကို မေးမြန်းလေ့လာသောအခါ ´နိုင်ငံတော်ရဲ့ လျှို့ဝှက်ချက်ဖြစ်တာကြောင့် ကျွန်တော်တို့အနေနဲ့ ဒါကိုပြောလို့မရပါဘူး´ဟု အဆင့်မြင့်အရာရှိတစ်ဦးက ဖြေကြားခဲ့ကြောင်း သိရှိရသည်။

မူရင်းသတင်း

Facing rampant inflation, Myanmar turns to bartering @ Reuter

မောင်သစ်စိမ်း အားကျေးဇူးတင်ရှိပါသည်။

0 အမျိုးသားဒီမိုကရေစီအဖွဲ့ချုပ်ရုံးမှာ ကျင်းပတဲ့(၆၃)နှစ်မြောက် ပြည်ထောင်စုနေ့ အခမ်းအနား ဓာတ်ပုံမှတ်တမ်း...

shwenanda မှ

Friday, February 12, 2010

0ှဗိုလ်ချုပ်အောင်ဆန်း၏မိန့်ခွန်းများနှင့် ဗိုလ်ချုပ်၏ မိန့်ခွန်းပြောဆိုချက်(အသံဖိုင်)များ

ပေးပို့သော စိုးသီဟ (moethaukkye)အားကျေးဇူးတင်ရှိပါသည်။

Thursday, February 11, 2010

0 ရွေးကောက်ပွဲဝင်ရေး မဆုံးဖြတ်သေးဟု ဒေါ်စု ပြော

နယူးဒေလီ (မဇ္ဈိမ)။ ။ သိသင့်သိထိုက်သော ရွေးကောက်ပွဲဆိုင်ရာ အချက်အလက်များ မထုတ်ပြန်သေးသမျှ ဝင်ရောက် ယှဉ်ပြိုင်ရေး မဆုံးဖြတ်နိုင်ကြောင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောဆိုလိုက်သည်။

ယမန်နေ့က သူမနှင့် သွားရောက် တွေ့ဆုံသူများကို ပြောကြားလိုက်ခြင်းဖြစ်ပြီး တရားမျှတသော ရွေးကောက်ပွဲဖြစ်ရန် လွတ်လပ်စွာ သတင်းရယူနိုင်ခွင့်လည်း လိုအပ်သည်ဟု သူမက မီးမောင်းထိုးပြလိုက်သည်။

'ရွေးကောက်ပွဲ ဝင်ရေး၊ မဝင်ရေးကို အခုချိန်မှာ ဘယ်လိုမှ ဆုံးဖြတ်လို့ မရသေးဘူး။ ရွေးကောက်ပွဲဆိုင်ရာ ကိစ္စတွေ သိရှိဖို့ အချက်တွေက အများကြီးပဲ။ အဲဒါတွေ ဘာမှ မသိရသေးခင်မှာ ဘယ်လိုမှ ဆုံးဖြတ်ဖို့ မဖြစ်သေးဘူးလို့ ဒေါ်အောင်ဆန်းစုကြည်က ပြောဆိုလိုက်တယ်” ဟု အမျိုးသား ဒီမိုကရေစီအဖွဲ့ချုပ် ပြောခွင့်ရနှင့် ရှေ့နေဖြစ်သူ ဦးဥာဏ်ဝင်းက ပြောသည်။

နေအိမ် ပြင်ဆင်ရေးကိစ္စနှင့် ပတ်သက်ပြီး ဦးဥာဏ်ဝင်း၊ အိမ်ပြင်ဆင်ရေး လွှဲအပ်ခံထားရသည့် ဦးထင်ကျော်တို့နှင့် သူမ၏ နေအိမ်တွင် ယမန်နေ့ နေ့လည် ၁ နာရီမှ ၃ နာရီအထိ တွေ့ဆုံခဲ့သည်။

''ဘယ်ရွေးကောက်ပွဲမဆို သတင်း ရယူခွင့်၊ သတင်းလွတ်လပ်ခွင့်၊ သတင်းထုတ်ပြန်ခွင့် ရှိဖို့လိုတယ်။ ဒါတွေ မရှိရင်တော့ ဘယ်လို ရွေးကောက်ပွဲမှ တရားမျှတမှာ မဟုတ်ဘူးလို့ ဒီလိုပြောပါတယ်” ဟု ဦးဥာဏ်ဝင်းက ပြောသည်။

အခြေခံ အကျဆုံးဖြစ်သည့် လွတ်လပ်စွာ ရေးသားခွင့်၊ ပြောဆိုခွင့်၊ စုရုံးခွင့်၊ ဖွဲ့စည်းခွင့် အစရှိသည့် အချက်များ လိုအပ်ကြောင်း အမျိုးသား ဒီမိုကရေစီအဖွဲ့ချုပ်၏ အထွေထွေ အတွင်းရေးမှူး ဒေါ်အောင်ဆန်းစုကြည်က ပြောသည်။

ထိုသို့ ပြောဆိုမှုနှင့် ပတ်သက်ပြီး အန်အယ်ဒီ အကြီးတန်း ခေါင်းဆောင်တဦးဖြစ်သူ ဦးဝင်းတင်က ''ရွေးကောက်ပွဲ စည်းမျဉ်းတွေကလည်း မထွက်လာသေးတဲ့အတွက် ဒေါ်စုက ဒီလောက်ပဲ ပြောနိုင်မှာပဲ။ ဒါ့ထက်လည်း ပြောဖို့မလိုဘူးပေါ့။ ပြောဖို့ အချိန်ရောက်လာရင် ဒေါ်စုအနေနဲ့ တိကျပြတ်သားတဲ့ စကားတွေ ပြောလာနိုင်တယ်လို့ ထင်ပါတယ်'' ဟု ပြောသည်။

ဦးဝင်းတင်က ''ဒေါ်စုပြောတဲ့ အချက်တွေက အလွန်အရေးကြီးတယ်။ ရွေးကောက်ပွဲအတွက် အဓိက လိုအပ်ချက် ဖြစ်တယ်။ နိုင်ငံရေး လိုအပ်ချက် ဖြစ်တယ်။ ဒေါ်စုပြောတာ ဘာလဲဆိုတော့ ရွေးကောက်ပွဲ တရပ်ရဲ့ ပြည့်ဝတဲ့ ဂုဏ်အင်္ဂါတွေ ပေါ်ပေါက်လာဖို့အတွက် တောင်းဆိုသင့်တာ တောင်းဆိုရမယ်၊ ရပ်တည်သင့်တာ ရပ်တည်ရမယ်ဆိုတဲ့ အချက်ဖြစ်တယ်'' ဟု ပြောသည်။

ထို့ပြင် ၂၀၀၈ ခုနှစ် ဖွဲ့စည်းပုံ အခြေခံ ဥပဒေအရ ကျင်းပသွားမည့် ရွေးကောက်ပွဲဖြစ်ပါက ဒီမိုကရေစီ စနစ်ဆီသို့ ဖော်ဆောင်နိုင်မည် မဟုတ်ကြောင်း ဒေါ်အောင်ဆန်းစုကြည်က ယခင်ကတည်းက ပြောဆိုခဲ့ဖူးကြောင်း ဦးဥာဏ်ဝင်းက ပြောသည်။

လိမ်ညာမှုများ၊ သတင်း အမှောင်ချမှုများဖြင့် ပြည့်နှက်နေခဲ့သော အခြေခံ ဥပဒေ အတည်ပြုရေးကို အတင်းအကျပ် လုပ်ဆောင်ပြီးနောက် စစ်အစိုးရက ယခုနှစ်အတွင်း ရွေးကောက်ပွဲ လုပ်မည်ဟု ကြေညာထားစဉ် အတိုက်အခံ အင်အားစုများက အခြေခံ ဥပဒေ ပြင်ဆင်ပေးရန်၊ ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများလွှတ်ပေးရန်နှင့် တွေ့ဆုံ ဆွေးနွေးမှုပြုရန် တောင်းဆိုထားသည်။

(ရဲရင့်အောင် တည်းဖြတ်သည်။)

0 ဗိုလ်ချုပ်အောင်ဆန်းကဗျာများ

Wednesday, February 10, 2010

0 တရားဝင်စစ်ကျွန်မဖြစ်ဘို့ စစ်အခြေခံဥပဒေကို ဆန့်ကျင်ကြစို့-

0 လှိုင်သာယာက အလုပ်သမားတွေရဲ့ ဆန္ဒပြပွဲမှ တောင်းဆိုချက်(၁၀)ရပ်

0 ပြန်ပို့ခံရသော ဒုက္ခသည်များ ပြန်လည်ရောက်ရှိလာ

ထိုင်းနိုင်ငံ တာ့ခ်ခရိုင် ထဆောင် ယန်းမြို့နယ်ရှိ ဒုက္ခသည်စခန်း၌ မကြာသေးခင် ရက်ပိုင်းက ပြန်ပို့ခံလိုက်ရသော ကရင်ဒုက္ခသည် ၁၂ ဦး ယနေ့ ပြန်လည် ရောက်ရှိလာ သည်ဟု ကရင် အမျိုးသမီး အစည်းအရုံး (KWO) ပြောရေးဆိုခွင့်ရှိသူ နော်ဘလူးမင်း နိုက်ဇန် က ပြောသည်။

ပြီးခဲ့သည့် သောကြာနေ့က ထိုင်း-မြန်မာ နယ်စပ် တာ့ခ်ခရိုင် ထဆောင်ယန်း မြို့နယ်ရှိ ဒုက္ခသည် စခန်းမှ ပြန်ပို့ခံရသော ကရင် ဒုက္ခသည်များကို တွေ့ရစဉ် (ဓာတ်ပုံ - Reuters)

လွန်ခဲ့သည့် အပတ် သောကြာနေ့၌ ၎င်း ဒုက္ခသည်များကို ထိုင်းအာဏာ ပိုင်းများ၏ အစီအစဉ်ဖြင့် ပြန်ပို့ခဲ့ရာမှ လုံခြံမှု မရှိသည့် အတွက် ယခုကဲ့သို့ ပြန်လည် ရောက်ရှိခဲ့ခြင်း ဖြစ်သည်ဟု ဆိုသည်။

“ပြန်သွားတဲ့ ဒုက္ခသည်တွေ အတွက် လုံခြုံမှုမရှိဘူး အာမခံ ချက်လည်း မရှိဘူး မိုင်းတော တွေထဲမှာ နေရတယ်၊ အဲဒါကြောင့် သူတို့ တအား ကြောက်နေ ကြတယ်၊ မနေရဲလို့ ပြန်လာတာ ဖြစ်တယ်”ဟု နော်ဘလူး မင်းနိုက်ဇန်က ဧရာဝတီသို့ ပြောသည်။

ပြန်ပို့ရန် စီစဉ်ထားသည့် ဒုက္ခသည်များကို ထို့နေ့၌ပင် ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး (UNHCR) တာဝန် ရှိသူတချို့ ဒုက္ခသည် စခန်းသို့ သွားရောက်ခဲ့ပြီး နောက်ပိုင်း၌ ထိုင်းအာဏာပိုင်များက ရပ်ဆိုင်းခဲ့ကြောင်း သိရသည်။

ဒုက္ခသည်များကို နေရပ်သို့ ပြန်မပို့ရန်အတွက် KWO အဖွဲ့အပါအ၀င် လူ့အခွင့်အရေး လှုပ်ရှားနေသည့် အဖွဲ့အစည်းများက ပါဝင် တောင်းဆိုမှုများကြောင့် ယင်း အစီအစဉ်ကို ရပ်ဆိုင်းပေးခြင်းဖြစ်ကြောင်း နော်ဘလူးမင်းနိုက်ဇန်က ပြောသည်။

အမေရိကန် နိုင်ငံ ရီပတ်ဘလစ်ကန် နှင့် ဒီမိုကရက်တစ်ပါတီ လွှတ်တော် အမတ် ၂၉ဦးတို့က စုပေါင်း လက်မှတ်ရေးထိုးကာ ဒုက္ခ သည်များအား နေရပ်သို့ ပြန်မပို့ရန် ပြီးခဲ့သည့်အပတ် သောကြာနေ့က ထိုင်း ၀န်ကြီးချုပ် အဖိဆစ် ဝေ့ချာချီဝအား တိုက်တွန်း ခဲ့ခြင်းဖြစ်သည်။

ဒုက္ခသည်များ နေရပ်သို့ ပြန်ပို့ခြင်း နှင့် ပတ်သက်၍ လူ့အခွင့်အရေး လှုပ်ရှားနေသည့် အဖွဲ့အစည်းများက “ဒုက္ခသည်များကို ပြန်ပို့မယ်ဆိုလို့ရှိရင် သေတွင်းကို ပို့တာနဲ့တူတယ်”ဟု ထောက်ပြခဲ့ကြသည်။

၂၀၀၉ ခုနှစ် ဇွန်လဆန်းပိုင်းက စ၍ ကရင်ပြည်နယ် ဘားအံခရိုင်အတွင်း မြန်မာစစ်အစိုးရတပ်နှင့် DKBA ပူးပေါင်းတပ်များက KNU လက်အောက်ခံ KNLAတပ်မဟာ (၇) မှ တပ်စခန်းများကို ထိုးစစ်ဆင်မှုကြောင့် ကရင်ဒုက္ခသည်များ ထိုင်းနိုင်ငံသို့ ထွက်ပြေးလာ ကြခြင်းဖြစ်သည်။ ဒုက္ခသည် အများစုမှာ ကရင်ပြည်နယ် လှိုင်းဘွဲ့မြို့နယ်အတွင်းရှိ ကျေးရွာများမှဖြစ်ကြောင်း သိရသည်။

တချိန်တည်းမှာပင် ပဲခူးတိုင်း ညောင်လေးပင်ခရိုင်အတွင်းရှိ ကျေးရွာ ၂ ရွာကို စစ်အစိုးရ စစ်ဒေသကွပ်ကဲရေး ဌာနချုပ်(စကခ) ၁၁ လက်အောက်ခံ တပ်အင်အား ၂၀၀ ခန့်က ယခုလ ၇ ရက်နေ့က လက်နက်ကြီးများဖြင့် အချက်၂၀ ပစ်ခတ်ခဲ့ ကြောင်း Karen Department of Health အဖွဲ့မှ စောအယ်ကလူရွှေဦး က ဧရာဝတီသို့ ပြောသည်။

ယင်း ကျေးရွာများမှ အိမ်ခြေ အလုံး ၂၀ အပါ အ၀င် ဆေးပေးခန်း တခု မီးရှို့ခံလိုက်ရသည်ဟုဆိုသည်။

ထိုင်းစစ်တပ်က ကရင်ပြည်နယ်တွင် တိုက်ပွဲများ မဖြစ်တော့ကြောင်း ပြောနေသော်လည်း နအဖ စစ်တပ်က စစ်ရေးလှုပ်ရှားမှု များ ဖြင့် လူ့အခွင့် အရေး ချိုးဖောက်မှုများ ပြုလုပ်နေကြောင်း၊ ယခုကဲ့သို့ ဒုက္ခသည်တွေကို ပြန်ပို့ရန် မသင့်လျော်သဖြင့် ဆက်လက် ထားရှိ သွားရန် ထိုင်းအစိုးရကို တောင်းဆိုချင်ကြောင်း စောအယ်ကလူရွှေဦး က ပြောသည်။

ထို့အပြင် ဒုက္ခသည်အရေး နှင့် ပတ်သက်သည့် အစည်းတရပ်ကို ဘန်ကောက်မြို့၌ မနက်ဖြန် ကျင်းပရန် စီစဉ်ထားပြီး ထိုင်းဝန်ကြီး များ အပါအ၀င်၊ ထိုင်းစစ်တပ်၊ UNHCR တာဝန်ရှိသူများ၊ ထိုင်း - မြန်မာ နယ်စပ်တလျှောက် ကူညီ စောင့်ရှောက်ရေး ညွန့်ပေါင်း အဖွဲ့ (TBBC)နှင့် ကရင် လူ့အခွင့်အရေး အဖွဲ့အစည်းများက တက်ရောက်မည်ဖြစ်ကြောင်း သိရသည်။
ှ(ဧရာဝတီ)

Tuesday, February 9, 2010

0 ၆၃ ကြိမ်မြောက် ရှမ်းပြည်နယ်နေ့အခမ်းအနားဂျပန်တွင်ကျင်းပ

သန့်မျိုးထွေး (moethaukkye)
ရှမ်းအမျိုးသားစာပေနှင့်ယဉ်ကျေးမှုအသင်းမှဦဆောင်၍ ရှမ်းပြည်နယ်နေ့အခမ်းအနားကို ဂျပန်နိုင်ငံတိုကျိုမြို့တွင် ယမန်နေ့ကပြုလုပ်ခဲ့ကြကြောင်းသိရသည်။
ဗိုလ်ချုပ်အောင်ဆန်းဦးဆောင်၍ ပင်လုံစာချုပ်မချုပ်ဆိုမှီ ၁၉၄၇ ခုနှစ် ဖေဖေါ်ဝါရီလ (၇)ရက်နေ့တွင် ရှမ်းခေါင်းဆောင်များနှင့်စော်ဘွားများ ပင်လုံမြို့တွင် အချင်းချင်းပြန်လည်တွေ့ဆုံသည့်အထိမ်းအမှတ်အဖြစ် ယင်းနေ့ကို “ရှမ်းအမျိုးသားနေ့”ဟုသတ်မှတ်၍ခေါ်ဆိုခဲ့သော်လည်း ယခုနောက်ပိုင်း နအဖလက်ထက်တွင် ရှမ်းအမျိုးသားနေ့အစား ရှမ်းပြည်နယ်နေ့ဟုပြောင်းလဲခေါ်ဝေါ်သတ်မှတ်ခဲ့ကြောင်းသိရသည်။
"အရင်ကတော့ အမျိုးသား၊ အမျိုးသားလို့ပြောရင် အမျိုးသားရေးလဏ္ခာတွေ ထင်ရှားပေါ်ပေါက်လာမှာစိုးလို့နဲ့တူပါတယ်။ နောက်ပိုင်မှာ ရှမ်းပြည်နယ်နေ့လို့ခေါ်ဝေါသတ်မှတ်ခဲ့တယ်၊ သို့သော်လည်းဘဲ အခုလိုပြည်ပရောက်နေတဲ့ရှမ်းတွေဘဲဖြစ်ဖြစ်၊ ပြည်တွင်းကရှမ်းတွေဘဲဖြစ်ဖြစ် ရှမ်းအမျိုးသားနေ့လို့ဘဲခေါ်ပါတယ်။"ဟုအဆိုပါအသင်းမှတာဝန်ရှိသူတဦးမှပြောပြသည်။
ဆက်လက်၍ ၄င်းမှ"ကျနော်တို့က နည်းမျိုးစုံနဲ့ဂျပန်ကိုရောက်လာတယ်၊ နိုင်ငံရေးလှုပ်ရှားတာတွေရှိသလို မိမိဟာဘာလုပ်တယ်ဆိုတာ ပဓာနမထားဘဲ ရှမ်းအမျိုးသားနေ့လို့ဘဲ တသတ်မှတ်တည်းကြွေးကြော်ကြတယ်၊ သို့သော်ကျောင်းနဲ့လာတဲ့သူတွေ၊ အခြားနေထိုင်ခွင့်နဲ့နေတဲ့သူတွေဟာ နိုင်ငံရေးနဲ့မပါတ်သတ်တဲ့သူတွေဟာ ရှမ်းအမျိုးသားနေ့လို့ပြောပြီးလာရင် သူတို့အတွက် ခက်ခဲနိုင်တဲ့အတွက် ရှမ်းပြည်နယ်နေ့လို့ဘဲ ခေါ်ဝေါ်ပြီးကျင်းပပေးခြင်းဖြစ်ပါတယ်"ဟုရှင်းပြသည်။
အဓိကအားဖြင့် ရှမ်းစာပေနှင့်ယဉ်ကျေးမှုသည် ယနေ့အချိန်အထိတည်ရှိနေ၍၊ ရှမ်းစာပေနှင့် ရှမ်းရိုးရာအ၀တ်အစားများ၊ ရှမ်းစကားများလည်းပြောဆိုနေကြကြောင်း၊ ရှမ်းအစားအစာများကိုလည်း ပြသကျွေးမွေးလိုပြီး ဂျပန်ရောက်ရှမ်းအမျိုးသားများအချင်းချင်း ပြန်လည်တွေ့ဆုံလိုသောရည်ရွယ်ချက်ဖြင့် ကျင်းပခြင်းဖြစ်ကြောင်းသိရသည်။
အခမ်းအနားတွင် ထူးကဲ၍အရသာအမျိုးမျိုးစုံလင်လှသော ရှမ်းအစားအစာများကို တက်ရောက်သူများက များစွာစိတ်ပါဝင်စား၍ စားသုံးကြည့်ကြသည်ကိုတွေ့ရှိခဲ့ရပြီး ရှမ်းရိုးရာတေးသီချင်း၊ ကိန္နရီ၊ ကိန္နရာအက၊ သိုးနယားအကများဖြင့် ကပြဖျော်ဖြေခဲ့ကြသည်။
ဂျပန်နိုင်ငံတွင် (၁၇)ကြိမ်မြောက်အဖြစ်ကျင်းပသည့် ရှမ်းပြည်နယ်နေ့အခမ်းအနားသို့ ဂျပန်ရောက်ရှမ်းတိုင်းရင်းသားများ၊ စိတ်ပါဝင်စားသူမြန်မာလူမျိုးများနှင့်ဂျပန်လူမျိုးများအပါအ၀င် လူဦးရေ(၃၀၀)ကျော်ခန့်တက်ရောက်ခဲ့ကြောင်းသိရသည်။

0 သတ်ကွင်း(ကျော်သူ)

ရန်သူ...။

အပေါ်ကရန်သူကို အောက်သို့ရောက်လာအောင်ဖျားယောင်း၊ အောက်က ရန်သူကို အပေါ်သို့ရောက် လာအောင် မြူဆွယ်၊ အရပ် (၈) မျက်နှာက ရန်သူများကို တည်ကြက်လုပ်ပြီး ကျုံးသွင်း၊ စသဖြင့် . . . ဖျားယောင်းခြင်း၊ မြူဆွယ်ခြင်း၊ ကျုံးသွင်းခြင်း၊ မှိုင်းတိုက်ခြင်း၊ ချောင်ပိတ်ခြင်း၊ ထောင်ခြောက်ဆင်၍ ရန်သူကို အမိအရဖမ်းဆီးသတ်ဖြတ်ခြင်းတို့ လုပ်ရန် အချိန်ရောက်ပြီဖြစ်သည်။

ရန်သူတို့သည် ကျွန်တော်၏ ပစ်မှတ်အတွင်းသို့ ရောက်နေပြီဖြစ်သည်။ ကျွန်တော်နှင့် ကျွန်တော်၏ သွေးသောက်များ၏ အင်အားတစ်ရပ်ထဲနှင့် ထိုရန်သူတို့ကို နှိမ်နှင်း၍မရ။ အများအား၊ ပြည်သူ့အားနှင့် တက်ညီလက်ညီ စည်းလုံးညီညွတ်စွာ သစ္စာသွေးသောက်ပြီး ရဲရဲတောက် နှိမ်နင်းမှရမည့် ရန်သူပင်ဖြစ်သည်။

ဤရန်သူသည်...မာယာများသည်။
ဤရန်သူသည်...ပရိယာယ်ကြွယ်ဝသည်။
ဤရန်သူသည်...ကလိမ်ကကျစ်ကျသည်။
ဤရန်သူသည်...အတ္တကြီးသည်၊ ရက်စက်သည်။ မိုးလုံးပြည့်မုသာဝါဒသုံးသည်၊ သွေးထိုးတတ်သည်၊ သပ်ရှိုတတ်သည်၊ အကောက်ကြံတတ်သည်။

လူမျိုးတုံးအောင်လုပ်မည့်ရန်သူ၊ အမျိုးဖျက်မည့်ရန်သူ၊ သာသနာဖျက်မည့်ရန်သူ၊ တစ်ကိုယ်ကောင်းဆန်သည့်ရန်သူ. . . မည်သို့သောရန်သူဖြစ်စေကာမူ . . . ကျွန်တော်တို့စည်းလုံးမည်၊ စိတ်ဓာတ်ခိုင်မာမည်။ လက်တွဲမဖြုတ်၊ ကြံ့ခိုင်မှုရှိမည်ဆိုပါက ချေမှုန်းနိုင်မည်ဖြစ်သည်။

သတ်ဖြတ်ခြင်း၊ နှိမ်နှင်းခြင်း၊ ဖမ်းဆီးခြင်း၊ ကျုံးသွင်းခြင်းစသည့် စကားလုံးများကို သုံးခြင်းမှာ ကျွန်တော်နိုင်ငံရေးလုပ်နေခြင်းမဟုတ်၊ နိုင်ငံရေးလှုံဆော်စာလည်းမဟုတ်၊ အရေးအခင်းဖြစ်အောင်လုပ်မည့်သူမဟုတ်၊ဆူပူနှောက်ယှက်မည့်သူမဟုတ်။

ကျွန်တော်...နိုင်ငံရေးသမားမဟုတ်။
ကျွန်တော်...လူမှုရေးသမား။
ကျွန်တော်...နိုင်ငံရေးကိုမသိ။
ကျွန်တော်...လူမှုရေးသမားသာသိသည်။

သို့သော် . . . နိုင်ငံရေးကောင်းလျှင် လူမှုရေးသမားများသက်သာမည်၊
နိုင်ငံရေးညံ့လျှင် လူမှုရေးသမားများပင်ပန်းမည်ဖြစ်သည်။

နိုင်ငံရေးဆိုသည်မှာ လှည့်စားတတ်သည်။
လူမှုရေးဆိုသည်မှာ ရိုးစင်းသည်။ ဖြူစင်သည်။ ဖြောင့်မတ်သည်။ ငြိမ်းချမ်းသည်။

သို့သော် . . . ဖြူစင်ဖြောင့်မတ်၊ ရိုးသား၊ တည်ကြည်၊ ငြိမ်းချမ်းသော လူမှုရေးလုပ်ငန်းကို အမဲဆိုး၊ (အနက်ရောင်ဆိုး) မည့် ဒိဋ္ဌိအယူဝါဒသမား၏ ဖျက်ဆီးမှု၊ တိုက်ခိုက်မှု၊ နှောက်ယှက်မှုများရှိနေသည်။
သူတို့ . . . သူတို့သာလျှင် ငြိမ်းချမ်းမှုကို ဖျက်ဆီးမည့် ဘုံရန်သူဖြစ်တော့သည်။

ကျွန်တော်ပြောခဲ့ဖူးပါသည်။ ကျွန်တော်ရေးခဲ့ဖူးပါသည်။ ကျွန်တော်ရိုးသားစွာ အဖြူထည် လူမှုရေး၊ လုပ်ငန်းစဉ်များကို တင်ပြခဲ့ဘူးပါသည်။ ကုသိုလ်ယူရမည့် ကိစ္စရပ်များ၊ ကိုယ်ချင်းစာစိတ်များပွားများရေး၊ ဗြဟ္မစိုရ်တရား (၄) ပါးလက်ကိုင်ထားရေး၊ သီလလုံရေး၊ အယူသည်းမှုပပျောက်ရေး၊ မိစ္ဆာဒိဋ္ဌိအယူရှိသူများအကြောင်း . . . များစွာ၊ များစွာ ပြောခဲ့ဖူးပါသည်။

(ဥပမာအားဖြင့် . . . တဏှာ့ကျွန်မခံပြီ၊ အခမဲ့ ကိုယ်ထည်၊ ရိက္ခာ၊ ခုတ်မယ် . . .ထစ်မယ် . . .ပါးပါးလှီးမယ်၊ နယ်ကျွန်ထွက်ပေါက်၊ သေသောသူသည် သုဿန်သို့ သက်သက်သာသာ သွားသင့်သည်၊ လှူမယ် တန်းးမယ် သာသနာပြုမယ်၊ မသေဆေးစားကြသူများ . . . စသဖြင့် နောက်ဆုံး . . . (အမွေ၊ ကတ်ကင်း၊ နှင့် ရှင်းတမ်း) တို့ဖြစ်ကြသည်။

မြန်မာပြည်တွင်းရှိ ပြည်သူပြည်သားများနှင့် ပြည်ပရောက် မြန်မာလူမျိုးတော်တော် များများသည် မိစ္ဆာဒိဋ္ဌိ အယူဝါဒသမား၏ အယူစွဲ၊ အမှားစွဲ၊ အယူသည်းမှုများကို သိရှိပြီးဖြစ်ကြသည်။

ထို့ကြောင့် ကျွန်တော်တို့၏ ရန်သူကို မြင်နေရပြီဖြစ်သည်။ ထိုရန်သူတို့၏ ပရိယာယ်ကြွယ်မှု၊ သပ်ရှိုမှု၊ ဖြားယောင်းသွေးဆောင်မှု၊ လက်တွင်းသို့ မရောက်အောင် ကျွန်တော်တို့ အထူးသတိထားရမည်။ စိတ်ဓာတ်တို့ကိုကြံ့ကြံ့ခိုင်ကာ ရဲရဲရင့်ရင့်တွန်းလှန် တိုက်ဖျက်ရတော့မည်။ ရန်သူအား အမြစ်ပါမကျန် တိုက်ခိုက်ရတော့မည်။

ပစ်မှတ်ကိုသိလျှင် ထိအောင်ပစ်ဖို့က မိမိတို့တာဝန်ပင်ဖြစ်တော့မည်။ မိမိတို့၏ ကိုယ်တွင်းကိုယ်ပမှာရှိတဲ့ ကိလေသာဟူသော မိစ္ဆာဒိဋ္ဌိအယူဝါဒ ရန်သူတို့ကို ပြည်တွင်းပြည်ပမှာရှိသည့် မြန်မာပြည်သူ ပြည်သားများက စည်းလုံးညီညွတ် လက်တွဲမဖြုတ် စိတ်ဓာတ်ခိုင်ခိုင်၊ တွန်းလှန်တိုက်ခိုက်ရန် အချိန် ရောက်ပြီ ဖြစ်ပါသည်။ ဒါမှ . . . “ကမ္ဘာမှာ မြန်မာဟေ့”ဟု ရင်ကော့၍ မော်ကြွားနိုင်မည် ဖြစ်သည်။

ကျွန်တော်လူမှုရေးလုပ်ကိုင်ပါသည်။
အများကတော့ ကျွန်တော်သည် ကုသိုလ်တွေ အများကြီးရနေပြီဟု ထင်ကြပါသည်။
သို့သော် . . . ကျွန်တော်သည် ကုသိုလ်တစ်ပဲ . . . ငရဲတစ်ပိဿာရနေပြီဖြစ်သည်။
အဘယ်ကြောင့်ဆိုသော် ကျွန်တော် လုပ်နေသည့် လုပ်ငန်းဆောင်ချက်များသည် အများအကျိုးအတွက် ထမ်းရွက်လုပ်ဆောင်သည်ဟု ဆိုသော်လည်း ဤကောင်းမှုလုပ်ငန်းကြီးတွင် နှောင့်ယှက်သူ၊ ဟန့်တားသူ၊ တားမြစ်သူ၊ ဖျက်ဆီးသူမှန်သမျှကို လေလှိုင်းမှ တစ်ဆင့်သော်လည်းကောင်း၊ စာပေထက်မှသော် လည်းကောင်း၊ FACEBOOK မှသော်လည်းကောင်း၊ ကာယကံ၊ ဝဇီကံ၊ မနောကံတို့ဖြင့် ပြန်လည်ဖြေရှင်း တုန့်ပြန်မှုများကို လုပ်ခဲ့ရသည်ဖြစ်၍ အကုသိုလ်များပင် ရခဲ့သည်။ အပယ်သို့ လားတော့မည်လား . . . မသိ။

သို့သော် ကျွန်တော်တို့၏ ဖခင် ဗိုလ်ချုပ်အောင်ဆန်း၏ ပြည်သူလူထုအား ပြောကြားထားသော စကားစုအရ . . .

“သုဂတိသွားရာ တံခါးပေါက်သည် မည်မျှပင် ကျဉ်းမြောင်းသည် ဖြစ်စေ ယမမင်း၏ ခွေးရည်ပုရပိုက်၌ ငါ၏အပြစ်တွေ မည်မျှပင် ရေးမှတ်ထားသည် ဖြစ်စေ ငါကားဂရုမပြု” ဟူသောစာပိုဒ်သည် ကျွန်တော့်အတွက် မဟာအားဆေးတစ်ခွက်ပင် ဖြစ်တော့သည်။

ထို့ကြောင့် ကျွန်တော်တို့၏ ဘုံရန်သူဖြစ်သော အယူမှား၊ အစွဲမှား၊ ဒိဋ္ဌိဝါဒများအား သိရှိပြီးသည်နှင့်အညီ ကျွန်တော်တို့၏ သတ်ကွင်းထဲသို့ ဝင်ရောက်နေသော ရန်သူတို့ကို ဇွဲရှိရှိ၊ သစ္စာရှိရှိ ဥမကွဲ၊ သိုက်မပျက်၊ စည်းလုံးညီညွတ်စွာ တိုက်ခိုက်တွန်းလှန် ဟန့်တားကြမည်ဆိုပါက ငြိမ်းချမ်းသာယာ စိုပြည်လှပသော လူ့ဘုံတစ်ရပ် ပျော်ရွှင်ဖွယ်၊ နေချင်ဖွယ် ကမ္ဘာကြီးတစ်ခု တည်ဆောက်နိုင်တော့မည် ဖြစ်ပါကြောင်း . . . ။

ကျော်သူ

Sunday, February 7, 2010

0 မြန်မာပြည်မှသက်တမ်းလွန်နေသောလေယာဉ် fokker F27(XY-AEQ)

ပြောပြန်ရင်လည်း အောင်မင်းလွန်ရာကျနေဦးမှာမို့ သိပ်တော့မပြောချင်ပါ။ ဒါပေမဲ့လို့ လူ့အသက်တချောင်းရဖို အရေးနတ်ပြည်က အပ်တချောင်းနှင့် လူပြည်ကအပ် တချောင်းထိမှ ရခဲလှတဲ့ လူဘဝမှာ ကျွန်တော်တို့ မြန်မာနိုင်ငံအစိုးရပိုင် ပြည်တွင်းလေကြောင်းလိုင်း တခုဖြစ်တဲ့ မြန်မာလေကြောင်းမှ လေယာဉ်တစီးဖြစ်သော Fokker F27 အမျိုးအစား Aircraft Registration:XY-AEQ လေယာဉ်အကြောင်းပါ။

ကျွန်တော်သိပ်မကြာသေးသော ကာလတခုတွင် ကိစ္စတခုဖြင့် ပြည်တွင်း လေကြောင်းလိုင်းတခုကို အသုံးပြုပြီး မြို့ကြီးတမြို့က ပျံသန်းရသော လေယာဉ်ဖြင့် ထွက်ခွါမိပါတယ်။ လေယာဉ်ပေါ်ရောက်ရင်ဖြင့် ကြောက်လိုက်မိသည် ဖြစ်ခြင်းကိုခံစားရပါတယ်။
ဘာကြောင့်လည်းဆိုတော့ လေယာဉ်တစီးလုံးကို မြန်မာစက်မှုဇုံက ဂျစ်ကားဆင်သလို မျိုးဆင်ထားတာ ကိုကြောက်မက်ဘွယ် တွေ့ရပါတယ်..။ ပြီးတော့ ဆေးတွေသုတ်ထားတာကလည်း ကွက်တိကွက်ကျားနဲ့ လေယာဉ်ထဲက လေအေးပေးစနစ်ကလည်း လေပူတွေထွက်လို့ဗျာ ပြောလို့ မကောင်းအောင်ပါပဲ။ လေယာဉ်ပေါ် ခရီးသည်တွေရောက်ပြီး လေယာဉ်ကိုစက်နှိုးလိုက် တယ်ဆိုရင်ပဲ ဖွတ်ချက်ဖွတ်ချက်နဲ့ချောင်းဆိုးသလို ဆီပ်ိတ်သလိုနဲ့ဗျာ။ ဒါနဲ့ပဲလေယာဉ်ကို လေယာဉ်ပြေးလမ်းထိပ်ကို မောင်းယူသွားခဲ့တယ်။ ပြေးလမ်းထိပ်ရောက်လို့ လေယာဉ်လေထဲပျံတက်ဖို့ အတွက်ပါဝါ အကုန်တင်လိုက်တဲ့အချိန်မှာတော့ လေယာဉ်တစင်းလုံး သံစုံတွေထွက်လာတယ်ဗျာ။ နားထောင်လို့တောင် မကောင်းဘူး။ အသံတွေကတော့ သတ္တုပြား အချင်းချင်း ပွတ်တိုက်သံ စတာတို့ပေါ့ စုံနေတာပဲဗျာ။

ကျွန်တော်လည်း ဘုရားကလွဲပြီး အားကိုးစရာမရှိပဲ လေယာဉ်ပျံသန်းချိန် တနာရီနဲ့ ငါးမိနစ်ကိုဘုရား စာတွေ ရွတ်လိုက်ရတာဗျာ။ ကံကောင်းတယ်လို့ ဆိုရမှာပဲ နောက်ဆုံးတော့ ကျွန်တော်ကွင်းကို ပြန်ဆင်းမှ စိတ်ချနိုင်တော့တယ်။ ဘာလည်းဗျာ ဒီလိုသက်တမ်းလွန်နေတဲ့ လေယာဉ်တွေကို လူ(ခရီးသည်) တွေတင်ပြီး ပြည်တွင်းလေကြောင်းလိုင်းမှာ အသုံးပြုနေသေးတာတော့ မကောင်းဘူးဗျာ။

ကျွန်တော်နဲ့အတူစီးလာတဲ့ နိုင်ငံခြားသားလင်မယားဆိုရင် အာမင်အာမင်နဲ့တချိန်လုံးပဲဗျာ။ ဆိုချင်တာကတော့ အသုံးမပြုပါနဲ့လို့ ပြောချင်တာမဟုတ်ပါဘူး သုံးပါ။ ဒါပေမယ့် လူမတင်ပါနဲ့တော့ ချာတာလေယာဉ် အဖြစ် အသုံးပြုလို့ ရတာပဲဗျာ။ ပြီးတော့ ပြောလိုက်သေးတယ်။ ခေတ်မှီလေယာဉ်ကွင်းကြီးတွေ ဆောက်ပေးထားတယ်။ ခေတ်မှီလေယာဉ်တွေ ဝယ်ပေးထားတယ်.. ။ လေယာဉ်ကို ပျက်ကျအောင်မောင်းတဲ့ ပိုင်းလော့တွေကို အရေးယူမယ် တို့ဘာတို့ ညာတို့နဲ့ပေါ့။

မြန်မာလေကြောင်းလိုင်းမှ အာဏာပိုင်များခင်ဗျား ပျက်ကျတဲ့ လေယာဉ်ပျံအဟောင်းတွေက ပစ္စည်းတွေ ဟိုဖြုတ် သည်ဖြုတ်ပြီးတော့ ဒီတ်လွန်နေပြီဖြစ်တဲ့ လေယာဉ်မှာ ဟိုဟာလာတပ် ဒီဟာလာတပ်နဲ့ လေယာဉ်ဟာ လေထဲမှာပျံနေရတာပါ။ ရပ်လို့မရပါဘူး ကားလိုစက်ပျက်လို့ ရပ်ချင်ရင်တော့ ဘာမှမဖြစ်ဘူးပေါ့လေ။ ဒါကြောင့်မို့ ဒီလေယာဉ်တွေမျိုးကို လူမတင်ပဲ ပစ္စည်းတင်တဲ့ လေယာဉ်အဖြစ်သာ အသုံးပြုပါတော့လို့ တောင်းဆို လိုက်ပါရစေခင်ဗျား။

ကိုဟီးရိုးနိုင်အား ကျေးဇူးတင်ရှိပါသည်။

0 ဂျပန်နိုင်ငံတိုကျိုမြို့တွင်ဖျော်ဖြေတဲ့ Tokyo sakura အငြိမ့်ပွဲ ဓာတ်ပုံမှတ်တမ်း

ဓာတ်ပုံမှတ်တမ်း။ ။ ဦးသန်းဝင်း

0 မိမိblogမှာသတင်းတခုတင်ရုံနဲ့နံမည်ကြီးfacebookတို့ twitterတို့မှာအလိုအလျှောက် သတင်းတက်အောင်(၂ )

မိမိရဲ့blog မှာတင်ထားတဲ့သတင်းများကို နံမည်ကြီး social siteတခုဖြစ်တဲ့ Twitter သို့အလိုအလျောက်ကိုပို့ချင်တယ်ဆိုလို့ရှိရင် ပထမဦးဆုံး https://www.google.com/accounts/ServiceLogin?service=feedburner&continue=http%3A%2F%2Ffeedburner.google.com%2Ffb%2Fa%2Fmyfeeds သို့သွားပါ။ မိမိ blog ကို login၀င်တဲ့ မေးလ်နဲ့ passwordကိုဖြည့်ပါ။

ပြီးရင် အပေါ်ပုံမှာပြထားတဲ့အတိုင်း မိမိရဲ့ဘလောက်လိပ်စာ(http://example.blogspot.com/)သို့မဟုတ် http://www.example.blogspot.com/feeds/posts/default?alt=rss ကိုဖြည့်ပါ။ပြီးလျှင် next ကိုနှိပ်ပါ။ ထပ်မံပေါ်လာသည့်နေရာတွင် ဘာမှမဖြည့်မပြင်ဘဲ next ကိုနှိပ်ပါ။ အောက်ပါပုံတွင် ဖော်ပြထားသည့် စာမျက်နှာသို့ရောက်ရှိသွားပါမည်။

Publicizeဟုရေးထားသော နေရာကိုနှိပ်ပါ။

အထက်ပါပုံတွင် မြင်နေရသော Socializeကိုနှိပ်ပါ. ထွက်ပေါ်လာသော စာမျက်နှာတွင် add a Twitter accountတွင် ဖြည့်လိုက်ပါ။ http://twitter.com/ အကောင့်အသစ် register လုပ်မှရပါမည်. Socialize စာမျက်နှာတွင် add a Twitter account ကိုဖြည့်ပြီးပါက saveကိုနှိပ်ရန်မမေ့ပါနှင့်။ saveကိုနှိပ်ပြီးလျှင်ပြီးသွားပါပြီ။ အားလုံးအဆင်ပြေကြပါစေ။

facebookတွင် blog သတင်းများတင်နည်းကို ဒီနေရာမှာ မျှဝေဖော်ပြပြီးဖြစ်ပါတယ်။

မှတ်ချတ်။ ။ မြန်မာပြည်Bagan Net က Twitter ကို ban ထားလို့တဲ့။ Secure server နဲ့ Gmail သုံး သလိုမျိုး "s" ခံသုံးရင် အဆင်ပြေတယ်လို့သိရပါတယ်။ ဒီလိုလေ.. အစမှာ http:// ကို https://သို့ ပြောင်းထည့်လိုက်ပါ။

0 မြန်မာတို့ရဲ့ အကယ်ဒမီ.

ပရိတ်သတ်အများ ကြိုတင် ခန့်မှန်းထားသလိုပဲ ၂၀၀၉ ၂၀၁၀ မြန်မာ့အကယ်ဒမီပေးပွဲကြီးမှာ အကောင်းဆုံး အပြောင်မြောက်ဆုံး ဟာသသရုပ်ဆောင်ဆုနဲ့ လူကြမ်းဆုကို စာပေးတာတောင် မူနေဦးမည်နှင့် သံဃာသတ်သူများ ဇာတ်ကားဖြင့် သန်းရွှေ(နေပြည်တော်)မှ တစ်ဦးတည်း အပြတ်အသတ် ဆွတ်ခူး ရရှိသွားပါတယ်။ စာပေးတာတောင် မူနေဦးမည်နှင့် သံဃာသတ်သူများ ဇာတ်ကားဖြင့် ပင် အကောင်းဆုံး ဒါရိုက်တာဆုနဲ့ ခေါင်းဆောင် မင်းသမီးဆု ကို ဒီပဲရင်းနယ်မှာ သွားရောက်ရိုက်ကူးခဲ့တဲ့ လူကိုခွေးကိုက်ခြင်း ဇာတ်ကားဖြင့် အကယ်ဒမီဆု ရခဲ့ဖူးတဲ့ ကြိုင်ကြိုင် (နေပြည်တော်)မှလည်း ပူးတွဲ ဆွတ်ခူးသွားတာဖြစ်ပါတယ်။

ခေါင်းဆောင် မင်းသားဆုကို ချစ်လွန်းလို့ ဖိနပ်စာကျွေးလိုက်သည် နိုင်ငံတကာတန်းဝင် ဇာတ်ကားဖြင့် သိန်းစိန် (နေပြည်တော်)၊ ဇာတ်ပို့မင်းသားဆုကို မုသာဝါဒ အတင်းစာရှင်းလင်းပွဲဇာတ်ကားဖြင့် ကျော်ဆန်း (နေပြည်တော်) ဇာတ်ပို့မင်းသမီး ဆုကို ဓာတ်ကြိုးကို မောင်ကိုင်ပါ့မယ် ဇာတ်ကားဖြင့် ၀တ်မူန်ရွှေရည် (နေပြည်တော်)နဲ...့ အကောင်းဆုံး ရုပ်ရှင်ဇာတ်ကား ဆုကတော့ 2010 election အကြောင်းကို အခြေခံရိုက်ကူးတဲ့ end of the SPDC military rule in Burma ဖြစ်ရပ်မှန် သတင်းဇာတ်ကားပဲဖြစ်ပါတယ်။

အကောင်းဆုံး စက်ပိုင်း ဆိုင်ရာဆုကိုတော့ မြန်မာအင်တာနက်နှင့် ဘက်ဘုန်းပြသနာ ဇာတ်ကားမှ ကျွမ်းကျင်ပညာရှင် မြန်မာအင်ဖိုတက်ခ်က ဆွတ်ခူးရရှိပါတယ်ရှင်။

အကယ်ဒမီပေးပွဲကို ဒဗလျူ ဒဗလျူဒေါ့ဖ် အမ်အမ်တီဗီဆလပ် ဖရီးလင့်ကနေ မဆုမွန်တစ်ယောက် အင်တိုက် အားတိုက် တိုက်ရိုက်ကြည့်ရူ့အားပေးခဲ့ပြီး ဖေ့စ်ဘွတ်ခ်နဲ့ ဂျီတော့ခ်မှ တိုက်ရိုက်လေလိူင်း အစီအစဉ်နဲ့ တင်ပို့ခဲ့ပါတယ်။ ပွဲအစပိုင်းမှာတော့ ဒဗလျူ ဒဗလျူဒေါ့ဖ် အမ်အမ်တီဗီဆလပ် ဖရီးလင့်ကနေ တဆင့် အဆင့်ဆင့် ဖြတ်ကျော်ပြီး ၀င်ရောက်အားပေးခဲ့ရာ ရုတ်တရက် ညာဘက်ထောင့်စွန်းမှာ ရှိနေတဲ့ ဆီဘောက်စ်ဆဲပွဲသဘင်ကြီးကိုပါ တစ်ပါတည်း ကြည့်ရူ့အားပေးခွင့်ထူးကြီးကိုလည်း ရရှိခဲ့ပါတယ်။

အကယ်ဒမီပေးပွဲကြိးထက် ဘေးပွဲက ပိုအင်အားကောင်းလာတဲ့နောက် မနေမနား ရေတောင်မသောက်အားပဲ တပျော်တပါး အကြိတ်အနယ် ဆဲပွဲသဘင်ကြီးကို ကျင်းပနေသည် ကိုလည်း မျက်စိမူးလောက်အောင် တပြိုင်နက် အချိန်နဲ့တပြေးညီ ကြည့်ရူအားပေးခွင့်ရခဲ့ပါတယ်။ နာရီနဲ့ချီပြီး တစ်ဗိုလ်တက် တစ်ဗိုလ်ဆင်းစနစ်နဲ့ ပ၀ါမကူ ရေမရူစတမ်း အကြိတ်အနယ် ဆဲဆိုကြိမ်းမောင်းနေမူ တောင်းပန်တိုးလျိုးနေမူ မြန်မာ့ဂုဏ်ရည်ပြပုဒ်များကို လက်သီး လက်မောင်းတန်းပြီး အာပေါင်အာရင်းသန်သန် ကြွေးကြော်သံများ ကို အက်ဒမင်များမှာ အတန်ကြာ ကြည့်ကောင်း ကောင်းနဲ့ ကြည့်ရူ့ပြီးကာမှ နောက်ဆုံး ပရိတ်သတ်ရဲ့ အော်ဟစ်တားမြစ်သံများ အားပေးသံများ ကြောင့် ဒိုင်ပွဲရပ်နဲ့ ဆီဘောက်စ် ပိတ်လိုက်ပါတယ်။

အကယ်ဒမီသုံးသပ်ချက်များကတော့ လူးလိမ့်သတ်ပုတ်ပြီး ပုဆိုးမနိုင် ပ၀ါမနိုင် ရင်ဘတ်စည်တီး အော်ဟစ် ငိုကြွေးခြင်း၊ တုတ်ဓား လက်နတ် ကိုင်ဆောင်ပြီး ရန်အဖြစ်ကြမ်းခြင်း၊ အ၀ီစိပွက်သကဲ့သို့ ၀ိုင်းဝန်း အော်ဟစ်ကြခြင်း၊ အချင်းချင်း အအော်အငေါက်ကြမ်းခြင်း၊ လိုချင်လောဘ များခြင်ြး့ဖင့် ယောကျာ်းကို မသင်္ကာခြင်း၊ အလွန်အမင်း နိုင်ခြင်း မိန်းမကို အသေအကြေကြောက်ရခြင်း၊ ဖရုသ၀ါစာများကို အာပေါင်အာရင်း သန်သန်ဖြင့် ဆဲဆိုခြင်း ဥပမာ ဒီ ဟာမ အဲ့အကောင်မ စသည် ချစ်ကြည်ရင်းနီးမူကို ပြသော ချစ်စဖွယ် ပီယ၀ါစာလေးများကို ရေလဲသုံးနူန်းခြင်း၊ ကိုယ်မွေးထားသော သားကို အသေသတ်ရန် ကြံစည်ခြင်း၊ အစ်မက ညီမကို ကြောက်မက်ဖွယ်မျက်နှာထားဖြင့် ညီမက အစ်မကို ကြုံးဝါးခြင်း၊ မျက်စိက လင်းကွင်းလောက် ပါးစပ်က မိုးပြဲဒယ်လောက် အရူးလို ပြူးပြဲပြနေခြင်း လူအများ စီတန်းရပ်ပြီး တစ်ယောက်ပြီးမှတစ်ယောက် စောင့်စားပြီး ပြောဆို ရယ်မောရခြင်း အပြိုင်အဆိုင် ငယ်သံပါအောင် အော်ဟစ်ရခြင်း များသည် မြန်မာတို့အကယ်ဒမီရ နိုင်သော အကွက်ကောင်းများ ဖြစ်လာလေသည်။

ထို့နောက်တွင် ကြေငြာအစီအစဉ်တွင်း ကြားညှပ်ထုတ်လွှင့်နေသော အကယ်ဒမီပေးပွဲကို ရပ်နားပြီး ပရိတ်သတ်ပြည်သူ အများ မျှော်လင့် စောင့်စားနေသော သတင်းအစီအစဉ်ကို ဆက်လက် ထုတ်လွှင့်ရာ "ပြည်တွင်းပြည်ပ ပကတိအခြေအနေများကို အမျိုးသားရေးစိတ်ဓာတ်ဖြင့် ရူ့မြင်ရန် ပုံ သန်းရွှေ" ဆိုသော ကျောင်းသူကျောင်း သားများကို နှိပ်ကွပ်ဆုံးမနည်းအဆင့်ဆင့်ကို သိရှိစေရန်အလို့ဌာ ဆရာမများကို စစ်သင်တန်း ပေးသော သင်တန်းဆင်းပွဲတွင် အကြီးအကဲကြိးရဲ့ မွတ်ကြားချက်ကို လပ်တော့ပ်ကိုဖွင့်ပြီး မျက်နှာခပ်တည်တည်ကြီးများဖြင့် အသံနေအသံထား အဖြတ်အတောက် ခိုင်မာတည်ကြည်စွာ ဖတ်ကြားကြပါသည်။

ထို့နောက် ၀န်ကြီးများရဲ့ လိုအပ်သည်များကို လှည့်လည်မှာကြား စားသုံးမူများကို တင်ဆက်ပြီးနောက် လေလိူင်းပေါ်မှာ လူသတ်သမားများဖြစ်သော ပြည်ပနိုင်ငံများမှ ခလောက်ဆံအကောက်ကြံနေသူများ ဝေသာလီပုဏားများဟု အသံတည်ကြီးများဖြင့် စွတ်စွဲ ကြိမ်းမောင်း ခြိမ်းခြောက်ပါသည်။ ထို့နောက်တွင်းကား ရုရှနှင့် တရုတ် ကို အခြေခံသော နိုင်ငံတကာသတင်းများကို အံ့သြကုန်နိုင်ဖွယ် ယုံကြည်စိတ်ချဖွယ် ကမ္ဘာကျော် သတင်းဌာနစီစီတီဗီမှတဆင့် ကိုးကားကူးယူပုံတူချပြီး ကြေငြာသွားခဲ့ပါသည်။

ပြီတီတီ စူတူမူတူမျက်နှာပေးလေးများကို အစွမ်းကုန် အပြုံးပန်းလေးများ ပန်ဆင်ရင်း ဗန်းကိုင် ကတ်ကြေးကိုင်ပေးခဲ့ကြပါသော အကယ်ဒမီ ဗန်းကိုင်မမလေးများအာ့ မြန်မာဆန်ဆန်လေး ၀တ်ထားရင်း ဆုကြေညာမဲ့သူကို စာအိတ်လေတွေကို ဒူးလေးညွှတ်ပြီးပေးလိုက် ဒူးလေးတွေကို ပြန်ဆန့်လိုက်နှင့် ကော့ကော့ ကန်ကန် အချိုးကျကျ ယိမ်းကကြခဲ့ကြပါသည်။ ထိုသို့ ပရိတ်သတ်ဘက်ကို လှည့်ပြီး ပြုလုပ်နေသည်များကို အဲဒါကလေ အကော့မတတ်ရင် ဆဲသလို ဖြစ်သွားသလားလို့။ ဘယ်လို သဘောရလဲဟင် ဟု စိုးရိမ်မကင်းစွာဖြင့် အင်တာနက်မှာ မျက်တောင်မခတ်အား အနီးကပ်ကြည့်ရူ့ အားပေးခဲ့သော ဘိလပ်ပြည်မှ အစ်ကိုတော် တစ်ယောက်က သုံးသပ်သွားခဲ့ကြောင်း အမေရိကန်ရောက် မမကြိးမှလည်း သတင်းပေးပို့ခဲ့ပါသည်။

အကယ်ဒမီဆုများကို ပြန်ကြားရေးဝန်ကြီး ယမမင်းက ဆီပူအိုးသင်္ကေတ ရွှေစင်ရုပ်တုလေးများကို ပေးခြင်းဖြင့် လည်းကောင်း။ ခွေးသားရေပိုက်နဲ့ သတင်းစုဆောင်းရေးဝန်ကြိး သိကြားမင်းမှာ မိုးကြိုးတံဆိပ် ၀ရဇိန်ရွှေစင် ရုပ်တုလေးများကို အသီးသီး ပေးအပ်ပြီးသည်နောက် အုတ်အုတ်ကျက်ကျက် ရုတ်ရုတ်သဲသဲဖြင့် အရသာပေါင်းစုံကို ပေးစွမ်းနိုင်သော လူမျိုးဘာသာမရွေး ကြည့်ရူနိုင်သော အကယ်ဒမီပေးပွဲကြီး အောင်မြင်စွာပြီးဆုံးကြောင်း ကြေငြာအပ်ပါသည်။

ပြောင်မြောက်စွာရေးသားသော မဆုမွန် အား ကျေးဇူးတင်ရှိပါကြောင်း