၈ရက်နေ.လယ်သမားကြီးဦးထွန်းအေး၏ ရုံးထုတ်ဖြစ်သောကြောင့် နံနက်၁၀နာရီမှစ၍ ကန်ကြီးထောင့်သို့ (၁၅မိုင်၎ဖာလုံ)စက်ဘီးနှင့်စီးနင်းကာသွားကြပါသည်..၃ယောက်တွဲစီအားလုံးပေါင်းအယောက်၂၀ခန်.ရှိပါသည်။
ရင်ဘတ်တွင်လယ်သမားတော်လှန်ရေးခေါင်းဆောင်ဆရာစံ၏ရင်ထိုးကို ထိုးကာသွားကြခြင်းဖြစ်ပါသည်၊ ရုံးသို.ရောက်သောအခါကိုထွန်းအေးအား ကန်ကြီးထောင့်မြို့နယ်မှ တရားသူကြီးဒေါ်ဖြူဖြူခိုင်မှ ကိုထွန်းအေးအားထောင်ဒါဏ်၃လကျခံစေရန်အမိန့်ချမှတ်ခဲ့ပါသည်။
ကိုထွန်းအေး၏ဖြစ်စဉ်ကိုကြည့်ပါက ထောင်တရက်ကျကျ ၊တစ်လကျကျထောင်ကျတာပါဘဲ ..ငွေရှင်ရယ်အာဏာပိုင်ရယ်ကို အနိုင်ပေးလိုက်ခြင်းဖြစ်ကြောင်းသိသာလှပါသည်။ လယ်သမားများ၏အကာအကွယ်မဲ့မူ့ကိုမီးမောင်းထိုးပြလိုက်ခြင်းဖြစ်ပါသည်။ အာဏာပိုင်များ၏အစိုးရ ထောက်ပံ့ကြေးသည်လယ်တစ်ဧကလျင်၂၀၀၀၀(တစ်ချို.နေရာတွင်၅၀၀၀)ထုတ်ပေးခြင်းသည် လယ်သမားတစ်ဦးအဖို့လယ်တစ်ဧက၏ကုန်ကျစားရိတ်နှင့်လုံးဝမလောက်ဌပါ..
လယ်တစ်ဧကလျင်ကုန်ကျစားရိတ်သည် ကျပ်ငွေတစ်သိန်းအထက်မှာ ကုန်ကျသောကြောင့် တခြား ဓနရှင်များထံတွင်အတိုးနူန်းကြီးမြင့်စွာဖြင့်ငွေချေးဌါးရသောကြောင့် လယ်သမားအမူ့အခင်းများ ပေါ်ပေါက်လာရခြင်း ဖြစ်ပါသည်၊ ထိုကိစ္စများသည်ကိုထွန်းအေးတို့တစ်နေရာထဲတွင်ဖြစ်နေခြင်းမဟုတ်ပါ.တနိုင်ငံလုံးတွင်ထိုကိစ္စများဖြစ်ပေါ်နေခြင်းဖြစ်ပါသည်။ နောက်တစ်ချက်မှာကိုထွန်းအေးသည် လယ်တစ်ဧကလျင်ရပ်ကွက်အုပ်ချုပ်ရေးမှူး များမှ ၅၀၀ကောက်ခံခြင်းကို ဧရာဝတီတိုင်းဝန်ကြီးဦးသိန်းအောင်ထံသို့လိပ်မူကာ အိုင်အယ်လ်အိုရုံးသို့ မိတ္တူပို့တိုင်ကြားခြင်းနှင့်လည်းပါတ်သက်နေပါသည်။ အကြောင်းပြချက်မရှိဘဲငွေကောက်ခံခြင်းကြောင့်လည်းဖြစ်ပါသည်။ကန်ကြီးထောင့်အုပ်စုတွင်အုပ်စု၈၀ရှိပါသည်။တစ်အုပ်စုလျင် ဧက၂၀၀၀ကျော်ရှိသောကြောင့် ကန်ကြီးထောင့်မြို့နယ်တစ်အုပ်စုထဲ၌ပင် သိန်းပေါင်း ၈၀၀လောက် အာဏာပိုင်များမှရရှိထားခြင်းကြောင့် ကိုထွန်းအေးထိုကိစ္စကို ထပ်တိုင်လျင်ပြန်လည်၍ လယ်သမားများထံသို့ပေးအပ်ရမည်စိုးသောကြောင့်လည်းဖြစ်နိုင်ပါသည် ။
အားလုံးကိုခြုံကြည့်လျင်အာဏာပိုင်များ၏ လယ်သမားများအပေါ်လောက်ဌအောင် စိုက်ပျိုးစားရိတ်ထုတ်မပေးခြင်း၊ လယ်သမားများအားအဓ္ဓမငွေကောက်ခံခြင်းကြောင့် ဟုကောက်ချက်ချနိုင်ပါသည်။
ထိုကဲ့သို့နောက်နောင်မဖြစ်ပေါ်စေရန်လွှတ်တော်အမတ်မင်းများကလည်းလွှတ်တော်အမတ်ဆိုသည့်နံမည်ကိုဖက်တွယ်မိန်းမောမနေကြဘဲတောင်သူ။လယ်သမားများ၏ရပိုင်ခွင့်အခွင့်အရေးများကိုကာကွယ်သည့်ဥပဒေများပေါ်ပေါက်လာရေးအတွက်ဆွေးနွေးတိုင်ပင်ကြပါလွှတ်တော်တွင်အတည်ပြုနိုင်ရန်ကြိုးစားကြပါ..ထိုကဲ့သို့ပြုလုပ်ခြင်းမရှိပါကကျွန်တော်တို့လူ့အခွင့်အရေးစောင့်ကြည့်သူများကွန်ယက်(HRWDN)အနေဖြင့်လယ်သမားများနှင့်ပူးပေါင်းကာတောင်သူလယ်သမားများ၏ရပိုင်ခွင့်အခွင့်အရေးများကိုလွှတ်တော်တွင်ပေါ်ပေါက်စေရန်တရားသောဥပဘောင်အတွင်းမှတောင်းဆိုတိုက်ပွဲဝင်သွားမည်ဖြစ်ပါကြောင်းအသိပေးကြေငြာအပ်ပါသည်။
လူ့အခွင့်အရေးစောင့်ကြည့်သူများကွန်ယက်(HRWDN)
သတင်းအကျဉ်းချုပ် ...
စစ်အုပ်စုကပြောတယ်..ဒေါ်အောင်ဆန်းစုကြည်ဟာ( သာမာန်အမျိုးသမီး) တယောက်ပါတဲ့..ပြည်သူလူထုက ဒီလို ကြိုဆိုကြတယ်ဗျာ...အံ့ရော .... အံ့ရော .....
Photo..AP
သတင်းအကျဉ်းချုပ် ...
အဓိပတိ ရဲ့ အမိမြေ….
****************
အမေ...
...မေ့ပျောက်ပျောက် ဖြစ်နေတဲ့ 
နေ့ လေးတွေ ရောက်ရောက်လာ
ဒါကို အမေ
သတိထားမိလား…အမေ…။
အမေ့ရဲ့ သားတွေ
ဒီနေရာလေးမှာ
တွန်းထိုးပျော်မြူး
ကြွေးကြော်ဘူးတယ်….
ပညာတတ်ကြီး ဖြစ်ရမယ်…။
အမေ့ရဲ့ သားတွေ
ဒီနေရာလေးမှာ
စည်းလုံး တွန်ကျူး
ကြွေးကြော်ဘူးတယ်….
လွတ်လပ်ရေး ကြီး ရရမယ်….။
အမေ့ရဲ့ သားတွေ
ဒီနေရာလေးမှာ
ရဲမာန် ဝင့်ကြွား
ဆုံးဖြတ် ဘူးတယ်
တော်လှန်ရေးကို နွှဲရမယ်…။
အမေ့ရဲ့ သားတွေ
ဒီနေရာလေး မှာ
သမဂ္ဂ တည်
စည်းလုံး ခဲ့သည်
သွေးနီး ခဲ့သည်
ကိုယ်ကျိုး မရှာ
စီးပွား မပါ
လက်ဗလာ နဲ့ 
တိုက်ပွဲ လီလီ
ပေးဆပ် နွှဲသည်….
ပေးဆပ် ခဲ့သည်….
ပေးဆပ် နေမည်…
ပေးဆပ် နေဦးမည်…သာ…။
အမေ ချစ်တဲ့ သားတွေ
အမေ ချစ်တဲ့ သားတွေရဲ့ သွေးတွေ
အမေ့ ကို ချစ်တဲ့ သားတွေ
အမေ့ ကို ချစ်တဲ့ သားတွေ ရဲ့ သွေးတွေ
တစ်လွှာ ပြီး တစ်လွှာ
အကြိမ်ကြိမ် …
အလီလီ …
ခင်းထားတဲ့ လမ်း…
ဟော…ဒီ……
အဓိပတိ လမ်း …
စိန်ပန်းတွေ ကြဲဖြန့်သလို
နီနေတဲ့ လမ်း
မျက်ရည်တွေ မိုးရွာသလို
ရွှဲနေတဲ့ လမ်း။
ကြင်နာသူ တွေ
လက်ချင်း ချိတ်ခဲ့ဘူးသလို…
ထိုသူ တွေပဲ
လက်ပြ ခွဲခဲ့ရတဲ့ လမ်း။
ဘွဲ့ရပျော် မြူး
မိသားစု တွေ
စုံခဲ့ဘူးတဲ့..လမ်း….
ပြန်ခေါ် မထူး
ဘဝ ကူး၍
ကွေကွင်း ခဲ့ရတဲ့လမ်း။
ဒီလမ်းမကြီးပေါ်မှာ
မတွန့် မတွေ
အသက်တွေ ပေးလှု
ထိုသူတွေ ရဲ့
ဘူမိ နက်သန်
ယူနီယံ ကို
ဘဝမေ့လျော
ကျေးဇူး ကမ်းလျက်
စစ်ဖိနပ် စီးခဲ့
မာန်ဟုန် ကြီး၍
သစ္စာ ဖောက်သူ
(တစ်ခါက မွေးထုတ်ခဲ့တဲ့)
အမေ့ သားအချို့  ကပေါ့…
အမေ….ရေ…….
( သူတို့ မိခင် ကျောင်းတော် တစ်ခွင်)…. ကို
မိုးလုံး မှိုင်းမျှ
တုန်ဟီး ထစေ….
ယမ်းငွေ့ မွေ့စွေ..
သွေး လှိုင်းထစေ…
အဲဒီနေ့ မှာ…
အမေ့ သားဟောင်း တွေက
အမေ့ သားသစ် တွေကို
သမိုင်း မွေဖြတ်
အဓိပတိ လမ်းကိုပါ
မျက်ရည်ကျစေတဲ့ လုပ်ရပ်
သမိုင်းကြီးတဲ့
တက္ကသိုလ် ရဲ့ နှလုံးသား ကို
ပြင်းအားများတဲ့ … ဗုံး….
ဝုန်း…. ကနဲ…. အခွဲ…..
အမေ့ ရင်လည်း ကွဲနေရော့ထင်…။
အမေ….
အမေ့ ရင်မှာ
ဆပိုလိမ့်ထင်
တမ်းတနေလျှင်
အမေ့ ရယ်…
သွေးစီး ချောင်းဖြစ်
မြစ်လို တစ်သွယ်
ပင်လယ် တစ်မျှ
သမုဒ္ဒရာ မက
မည်သို့ မည်မျှ
ပေးလှု ဆပ်ရ…
နောက်မတွန့်သူ
ပေးဆပ်ကြတဲ့သူ
ထိုသူတွေသည်…
အမေ့ ရင်ခွင်ထဲ
ဆက်၍….
ဆက်၍….
ရယူခြင်းကင်းတဲ့
စွန့်လွတ် ပေးဆပ်ခြင်းတွေ
ပေးးဆပ် နေမြဲ..
ပေးဆပ် နေဆဲ...
ပေးဆပ် လျက်ပါ..ပဲ...။
ကိုဝိုင်ဝိုင်ကေ
(၇-၇-၁၁)
သတင်းအကျဉ်းချုပ် ...
ဦးကျော်ဝင်းမှ ဟီလာရီ ကလင်တန်ထံသို့ ပေးပို့သော စာကို ဒီနေရာမှာဖတ်နိုင်ပါတယ်
မင်းဆက်ခိုင်(narinjara)
--------------
ဝါရှင်တန် ဒီစီရှိ အမေရိကန် ဆိုင်ရာ မြန်မာနိုင်ငံ၏ သံရုံး ဒုတိယအကြီးအကဲ သံမှူးကြီး ဦးကျော်ဝင်း သည် သူရာထူးကို စွန့်လွှတ်ပြီး မိသားစုနှင့် အတူ ဇူလိူင်လ ၄ ရက်နေ့က အမေရိကန် နိုင်ငံတွင် နိုင်ငံရေး ခိုလှုံခွင့် တောင်းခံ လိုက်ကြောင်း သတင်း ရရှိသည်။
သံမှူးကြီး ဦးကျော်ဝင်းမှ အမေရိကန် နိုင်ငံခြားရေးဝန်ကြီး ဟီလာရီ ကလင်တန် ထံသို့ ဇူလိုင်လ ၄ ရက်က စာရေးသားပြီး ထိုသို့ ခိုလုံခွင့် တောင်းခဲ့ခြင်း ဖြစ်ကြောင်း သိရသည်။
ဦးကျော်ဝင်းမှ သူရေးသားသော စာထဲတွင် မြန်မာ အစိုးရ ခေါင်းဆောင်များ အနေဖြင့် ဒီမိုကရေစီ ဖေါ်ဆောင်နိုင်မည့် မျှော်လင့်ချက် ကင်းမဲ့နေသဖြင့် သူအနေဖြင့် ရာထူးမှ နှုတ်ထွက်ရခြင်း ဖြစ်ကြောင်းနှင့် ယခုကဲ့သို့ နိုင်ငံရေး ခိုလှုံခွင့် တောင်းခံရ ခြင်းဖြစ်ကြောင်း စာထဲတွင် ဖေါ်ပြ ထားသည်ဟု သိရသည်။
ထိုကဲ့သို့ မြန်မာမှ ထိပ်တန်း သံမှူးကြီး တဦး အနေဖြင့် ရာထူးမှ နှုတ်ထွက်ပြီး အမေရိကန်နိုင်ငံတွင် နိုင်ငံရေးခိုလှုံခွင့် တောင်းခံသည့် အပေါ် မည်ကဲ့သို့ မြင်ပါသလဲဟု လန်ဒန်မြို့တွင် နေထိုင်သော အဝေးရောက် မြန်မာသံ တမန်ဟောင်း တဦးဖြစ်သူ ဦးခင်မောင်ကြည်ကို မေးကြည့်ရာ သူ့က သူ၏ အမြင်ကို ယခုကဲ့သို့ ပြောသည်။
“ကျနော့်အနေနဲ့ အခုလို သံမှူးကြီးတဦးအနေနဲ့ အမေရိကန်နိုင်ငံမှာ နိုင်ငံရေး ခိုလှုံခွင့် တောင်းဆို တာကို ကြိုဆိုပါတယ်။ ဝမ်းလည်း ဝမ်းသာပါတယ်။ အမေရိကန်က လူတွေလည်း ကြိုဆိုကြသလို တခြား လူတွေလည်း ကြိုဆိုကြပါတယ်။ အခု မြန်မာ သမ္မတက မုတ်ဆိုးက အတောင်တွေ ချိုးထားတဲ့ ငှက်လို မပျံနိုင်ဘူး။ ပြောရမယ် ဆိုရင် သမ္မတဟာ အလကား အကောင်။ အစိုးရဆိုတာ အစိုးရ အလုပ်ကို လုပ်နိုင်ရမယ်၊ အခုက မလုပ်နိုင်ဘူး။ မြန်မာအစိုးရဟာ ဒီမိုကရေစီ ဖေါ်ဆောင်မယ့် အစိုးရ မဟုတ်ဘူး။ ဒါကို အထဲလူတွေရော၊ အပြင်ကလူတွေ ပါသိအောင် သံမှူးကြီး ဦးကျော်ဝင်းက ဖွင့်ချ လိုက်တာဖြစ်တယ်။ ဒါကတော့ အင်မတန် ကြိုဆိုဖို့ ကောင်းပါ တယ်။”
၎င်းပြင် ဦးခင်မောင်ကြည်က ယခုမြန်မာအစိုးရသစ်၏ ပါလီမန်ဆိုသည်မှာလည်း အဓိပ္ပါယ်မရှိသော ပါလီမန်ဖြစ်သလို ဦးသိန်းစိန် အစိုးရသည်လည်း စစ်တပ်က ကြိုးကိုင်ထားသော အစိုးရ သာဖြစ်သည်ဟု ဆက် ပြောသည်။
“ အဲ… ပြောရမယ်ဆိုရင် ဒီအစိုးရဟာ စစ်တပ်ကနေပြီးတော့ နောက်က ကြိုးကိုင်ထားတဲ့ အစိုးရသာ ဖြစ်တယ်။ စစ်မှန်တဲ့ အစိုးရမဟုတ်ဘူး။ ပြီးတော့ အခု ပါလီမန်တို့ဘာတို့ တကယ့် အမှန်အကန်တွေ မဟုတ်ဘူး။ ပါလီမန် အမတ်တွေဆိုတာကလည်း အခိုင်းခံတွေပဲ။ နိုင်ငံမှာ လိုအပ်တဲ့ ကျန်းမာရေးတို့၊ ပညာရေးတို့ အတွက်တော့ ဘာမှ မလုပ်ဘူး။ ပြည်သူတွေရဲ့ ပိုက်ဆံတွေဟာ အလကား ဖြစ်သွား တယ်။ ဘာဖြစ်လို့လည်းဆိုတော့ အခု သမ္မတတွေ ပါလီမန်အမတ်တွေကို လစာတွေ ပေးနေရတယ်။ မလိုအပ်ပဲ ကုန်တယ်။ အလုပ်လုပ်လို့ ထိုက်တန်တဲ့သူကို ပေးရတာအရေးမကြီးဘူး။ အခု အစိုးရ အဖွဲ့ဆိုတာက တိုင်းပြည် အတွက် အလုပ်လုပ်တဲ့ လူတွေမှ မဟုတ်တာ။ ပါလီမန်အမတ်တွေထဲက ကြံ့ဖွံ့ပါတီ မဟုတ်ပဲ တခြားပါတီက အမတ်တွေဆိုရင်လည်း အနိုင်ရခဲ့တာ အလကားပဲ။ ဘာမှ မလုပ် နိုင်ဘူးလေ။”
ယခုဆိုလျှင် ဗမာ့စစ်တပ်ထဲတွင်လည်း တစစပြိုကွဲမှုများဖြစ်ပေါ်လာပြီး နောက်ဆိုလျှင် တိုင်းပြည်လည်း ပြိုကွဲတော့ မည်ဖြစ်ကြောင်း ဦးခင်မောင်ကြည်က သုံးသပ်ပြောဆိုသည်။
“အခုဆိုရင် တိုင်းပြည်က ပြိုကွဲတော့မယ် ဘာဖြစ်လို့လဲဆိုတော့ ဗမာစစ်တပ်က စစ်သားတွေ ကလည်း စစ်သားစိတ် မရှိတော့ဘူး။ စစ်သားတွေက ဓါးမြ၊ သခိုး၊ မုဒိမ်းကောင် အဲသလို ဖြစ်နေကြတယ်။ လုမယ်၊ သတ်မယ်၊ မုဒိမ်းကျင့်မယ် အဲလိုပဲ။ အဲဒါကြောင့် အခုသူတို့ စစ်တပ်ဟာ ရှုံးနိမ့်နေပီ ဘယ်နေရာမှာပဲဖြစ်ဖြစ် ကရင်နဲ့ တိုက်ပွဲဖြစ်တာပဲဖြစ်ဖြစ်၊ ကချင်နဲ့ တိုက်ပွဲ ဖြစ်တာပဲ ဖြစ်ဖြစ်။ သူတို့မှာက စစ်သားကောင်း မရှိတော့ဘူး။ စစ်တိုက်တယ်ဆိုတာက အမျိုးသားရေးအရ စိတ်ဓာတ်က ထိပ်ဆုံးက ရှိနေရ မယ်။ အခုက ဗမာ့တပ်မတော်တခုလုံးဟာ စိတ်ဓာတ်က ပျက်စီးနေပြီ။ ဂိတ်တွေဖွင့် အခွန်တွေ အများကြီး ကောက်မယ်၊ တိုင်းရင်းသားကျေးရွာတွေမှာ သောင်းကျန်းမယ်။ မှောင်ခိုကူးမယ်၊ စစ်တပ်က အဲသလို စီးပွါးရေး လုပ်နေကြပြီ။ ပြီးတော့ သူတို့အထဲမှာ ကိုယ်တိုင်က ပြိုကွဲတော့မှာ ဘာဖြစ်လို့လည်းဆိုတော့ နအဖ ခေတ်တုန်းက ကောင်းစားနေခဲ့ပြီးတော့ အခု ဘေးထွက်သွားတဲ့ အကောင်တွေ ရှိတယ်။ နောက် အခုဟာက သိန်းစိန်က စစ်တပ်ကို အမိန့်အာဏာပေးလို့မရဘူး။ ဘာဖြစ်လို့လည်းဆိုတော့ စစ်တပ်က ဗိုလ်ချုပ်မှူးကြီးက သူ့ထက်ကြီးတယ်လေ။ စစ်တပ် ဦးသိန်းစိန် လက်အောက်မှာ ရှိတာမဟုတ်ဘူး။ နအဖခေတ်က တချို့ တိုင်းမှူးတို့ တခြား အရာရှိတွေကလည်း အခုအစိုးရအပေါ် မကျေနပ်တာတွေ ရှိတယ်။ ဘာဖြစ်လို့လဲဆိုတော့ တချိန်က သူတို့ လုပ်ချင်သလို လုပ်နေခဲ့တဲ့ နေရာတွေမှာ နောက်လူတွေ ဝင်သွားလို့လေ။ အဲဒါကြောင့် တိုင်းပြည်က ပြိုကွဲတော့မှာ သေချာပါတယ်။ ခုလို အခြေ အနေမျိုးမှာ သံမှူကြီး ဦးကျော်ဝင်းက ဘက်ပြောင်းလာတော့ သိပ်ကောင်းသွားတာပေါ့။ နိုင်ငံခြားက လူတွေရော ပြည်သူတွေရော အကုန်လုံး အခြေအနေမှန် သိသွားရတာ သိပ်ကောင်းတာပေါ့” ဟု ပြောသည်။
ဦးကျော်ဝင်း၏ ကြိုးပမ်း လုပ်ဆောင်မှုများကို မြန်မာနိုင်ငံခြားရေး ဝန်ကြီးဌာနမှ ပယ်ချခြင်းများကို ခံခဲ့ရပြီး အပြစ်တင် ဝေဖန်ခံနေရသောကြောင့် လုပ်သက်စေ့လို့ မြန်မာပြည် ပြန်သွားလျှင် အရေးယူ ခံရမည့် အနေအထားများ ရှိနေကြောင်း ဟီလာရီ ကလင်တန်ထံသို့ ပေးပို့သော စာတွင် ပါရှိသည်။
အမေရိကန်ပြည်ထောင်စု အနေနှင့် မြန်မာအစိုးရ ခေါင်းဆောင်များ အပါအဝင် သူတို့နှင့် နီးစပ်သော စီးပွားရေး လုပ်ငန်းရှင်များ အပေါ် ပိတ်ဆို့မှုများကို ဆက်လက် ထိန်းထားဖို့ လိုအပ်ကြောင်း ဦးကျော်ဝင်းက သူ၏ စာတွင် တိုက်တွန်း ထားသည်။
၎င်းအပြင် မြန်မာနိုင်ငံအတွင်း လူ့အခွင့်အရေး ချိုးဖောက်မှုများကို စုံစမ်း စစ်ဆေးရန် အတွက် နိုင်ငံတကာ အသိုင်းအဝန်းကလည်း စုံစမ်းစစ်ဆေးရေး ကော်မရှင် ဖွဲ့နိုင်ရန် ဖိအားပေးကြရန် လိုအပ်ကြောင်း ဦးကျော်ဝင်းက ပြောသည်။
ဦးကျော်ဝင်းသည် နိုင်ငံခြားရေး ၀န်ကြီးဌာနမှာ ၁၉၈၀ ပြည့်နှစ်က သံအရာရှိအဖြစ် စတင် တာဝန် ယူခဲ့သည်။ လုပ်သက် ၃၁ နှစ် ကြာ တာဝန်ထမ်းခဲ့ပြီး ယခု သူ့၏ နှုတ်ထွက်စာကို မြန်မာ ဒုတိယ နိုင်ငံခြားရေး ၀န်ကြီးထံ လိပ်မူ ပေးပို့လိုက်ကြောင်း သိရသည်။
http://www.narinjara.com/detailsbur.asp?id=3293
သတင်းအကျဉ်းချုပ် ...
အပ္ပမာဒ ပြန်တမ်း
ခံစားချက် ဆိုတာ..
ကားဆီဖြည့်သလို ဖြည့်လို့ရတဲ့အရာ မဟုတ်ဘူး ။
ရေစီးကြောင်း ဆိုတာ...
ခုတ်ထစ်ဖြတ်ပိုင်းလို့ရတဲ့အရာ မဟုတ်ဘူး ။
သမိုင်း ဆိုတာ...
စားပြီးပစ်လိုက်လို့ ရတဲ့ ကျွတ်ကျွတ်အိတ်ခွံ မဟုတ်ဘူး ။
ငါတို့သမိုင်းထဲက အဲဒီနေ့
မျိုးဆက်လှိုင်း အဆက်ဆက်မမေ့ဘူး ...။
ငါတို့မမေ့ဘူး
"ဇူလှိုင် (၇) ရက်နေ့ကို " ။
အဲဒီ သမိုင်းကို မသိဟန်ဆောင်နေရင်တော့
ဆွံ့အနေတဲ့ အကန်းဘဲ
မျက်စိကန်းသူ မမြင်ပေမယ့်
အလင်းဟာ အလင်းဘဲ...။
မမြဲခြင်းတွေက ထာဝရမြဲတယ်...
မီးနီပြတားမရတဲ့ သင်္ခါရသဘော ...
အတ္တငွေ့တထောင်းထောင်းထလို့
ကိုယ်စိုက်ခဲ့ သမျှ ကိုယ်ပြန်ရိတ်သိမ်းဖို့ မမေ့နဲ့ ...။
အဆုံးသတ်တစ်နေ့ ဆိုတာ ရှိတယ်
"ကောင်းကင်နဲ့ မြေကြီး ကဲ့သို့
လူမိုက်နဲ့ တရားသဘော ...ဝေးတယ်"။
ဘုရားဟောတွေက
ခေတ်အဆက်ဆက် သွေးထွက်အောင်မှန်တယ်ဆိုတာ....
မမေ့နဲ့ ...။ ။
2p
(၆) ရက်နေ့ ၊ ဇူလှိုင်လ ၊ ၂၀၁၁ ခုနှစ် ။
ပေးပို့သော ခောတ်နေအားကျေးဇူးတင်ရှိပါသည်..
သတင်းအကျဉ်းချုပ် ...
မင်္ဂလာပါ သမ္မတကြီး...ဦးသိန်းစိန် ခင်ဗျာ
ဗုဒ္ဓဘာသာဝင် မြန်မာနိူင်ငံ သားတစ်ယောက် အနေနဲ့ မင်္ဂလာပါလို့ နှုတ်ခွန်းဆက်ရင်း ကျနော့်ကို ကျနော်ဘဲ မိတ်ဆက်ပေးပါရစေ ။
ကျနော်ဟာ မြန်မာမြေမှာ မွေးဖွားကာ ရှင်သန်းကြီးထွားလာပြီး လက်ရှိ အနေအထားမှာ တိုင်းပြည် အခြေအနေ အရ ပြည်ပရောက်နေတဲ့ အညတရ မြန်မာနိူင်ငံသား တစ်ဦးပါ ။ ပညာဖြင့် အသက်မွေးဝမ်းကြောင်းပြုချင်လို့ ပညာသင်ကြားခဲ့တဲ့ ကျနော်ဟာ သမ္မတကြီးတို့ အသိုင်းအ၀ိုင်းမှာ ရေပန်းစားနေတဲ့ ဂွင်ဆိုတဲ့ စကားလုံးကို နာကြည်းမုန်းတီးတာက အစပြုကာ ပြည်ပကို ထွက်ခွာပြီး မိမိတတ်ထားတဲ့ ပညာလေးနဲ့ ရိုးသားစွာ အသက်မွေးဝမ်းကြောင်းပြုရင်းက တိုင်းပြည် အတွက် တတ်နိူင်သလောက်လေး ပေးဆပ်ဖို့ ကြိုးစားနေသူ တစ်ယောက်ပါလို့ ဦးစွာ ပထမ မိတ်ဆက် စကား ဆိုပါရစေခင်ဗျား
မြန်မာနိူင်ငံသား တော်တော်များများက မင်္ဂလာ ဆိုတဲ့ စကားလုံးကို ရေလည် သုံးစွဲနေကြပေမယ့် မင်္ဂလာ ရှိအောင် မနေတတ်ကြလို့ ကျနော်တို့ တိုင်းပြည် အခုလို အနေအထား ကို ရောက်လာတာပါ ဆိုရင်လည်း မှားမည် မထင်ပါဘူး သမ္မတကြီး ခင်ဗျာ ။ မင်္ဂလာဆိုတဲ့ စကားလုံးရဲ့ အနက်အဓိပ္ပာယ်ကို ဗုဒ္ဓဘာသာဝင် မြန်မာနိူင်ငံ သား တစ်ယောက် ဖြစ်တဲ့ သမ္မတကြီး က ကျနော့်ထက် ပိုမို နားလည်လိမ့်မယ်လို့ ကျနော် ထင်ထားပါတယ်.။ သို့ပေသော်ငြား လိုက်နာ ကျင့်ကြံဖို့ အားနည်းနေတယ်ထင်လို့ စေတနာရှေ့ထားကာ ကျနော် လေးစားစွာ အကြံပြုတင်ပြချင်ပါတယ်... ။
လက်ရှိ အနေအထားအမှာ သမ္မတကြီးဆိုတဲ့ ရာထူးကို ဆုပ်ကိုင်ထားတဲ့ သူ တစ်ယောက် အနေနဲ့ တိုင်းပြည်ကို တကယ်ချစ်ပါသလား ၊ တိုင်းပြည် ကို တကယ် တိုးတက်ထွန်းကားစေလိုပါသလား လို့ ပထမဦးစွာ ကိုယ်တိုင်ဘဲ ဖြေကြားစေလိုပါတယ် ။ အကယ်၍များ တိုင်းပြည်ကို တကယ်ချစ်ခဲ့ရင် ကျနော်တို့ တိုင်းပြည်ရဲ့ အနာဂတ်ကမ္ဘာမှာ ပြည်သူလူထု ဒုက္ခကြီးစွာ မခံစားရအောင် ကြံဆောင် လုပ်ဆောင်ပေးဖို့ အတွက်သမ္မတကြီး ကြိုးစားလုပ်ဆောင်စေလိုတဲ့ အချက်လေးများကို ကျနော် တင်ပြပါရစေ........။
မြန်မာပြည်က ပြည်သူလူထု ဆင်းရဲ ဒုက္ခကြီးစွာရောက် လို့ ကံကြမ္မာဆိုး အမျိုးမျိုးနဲ့ရင်ဆိုင်နေရတာ သမ္မတကြီး သိပါတယ် ဆိုတာ သမ္မတကြီးက မိန့်ခွန်းများက ဖော်ပြနေပါတယ် ။ ကျနော်တို့ တိုင်းပြည်ဟာ နိူင်ငံတကာ အလယ်မှာ မျက်နှာငယ်နေကြရတာလည်း သမ္မတကြီး အသိဆုံးပါဘဲ........ ။ နဂိုကမှ ယိမ်းယိုင်နေတဲ့ ကျနော်တို့ တိုင်းပြည်ကြီးမှာ ပြည်တွင်းစစ်ကြီး ဖြစ်ပွားအောင် ဖန်တီးထားလို့ မကြာခင် ဗုန်းဗုန်းလဲတော့ပါမယ် ခင်ဗျာ... ။ ဒီစစ်ပွဲတွေ ဘယ်က စတင်လာတယ်ဆိုတာ သမ္မတကြီး အသိဆုံးပါဘဲ ။ ဒါကြောင့် ပြဿနာတွေရဲ့ ရင်းမြစ်မူလကို သိနေမှတော့ ဖြေရှင်းရတာ သိပ်မခက်လောက်ပါဘူးဗျာ..... ။ စိတ်ထားမှန်ဖို့ကသာ အဓိပါ ဆိုတဲ့ စကားလေးကို သေချာစွာ တွေးပြီး အမြန်ဆုံး ရပ်တန့်နိူင်အောင် ကြိုးစားစေလိုပါတယ် ။
ဒီနေရာမှာ သမ္မတကြီးတို့ ဘက်က ငါတို့က နိူင်ငံခြား ၀င်ငွေရှာဖို့ အတွက် ကြိုးစားတာကို မင်းတို့က အပြစ်မြင်တာလို့ ပြောမှာ အသေအချာပါဘဲ ။
ဥပမာ ဆိုကြပါစို့ သမ္မတကြီး အိမ်မှာ အထွဋ်အမြတ် ထားတဲ့ အခန်းလေးတွေကို တည်းခိုခန်း ဖွင့်စားရင် အပိုဝင်ငွေရတာပေါ့လို့ ကျနော်က သမ္မတကြီးကို ပြောလာခဲ့ရင် သမ္မတကြီး ဘယ်လို ခံစားရမလည်း ။ မင်းကွာ ကြံကြံဖန်ဖန် တွေးတတ်တယ် ငွေရတာ မှန်ပေမယ့် ငါ့အိမ် ကျက်သရေယုတ်ပါတယ်လို့ ပြန်ဖြေမှာ အမှန်ပါဘဲ ။ အခုလည်း ဒီလိုပါဘဲ ခင်ဗျာ ။ သမ္မတကြီး မိသားစုနဲ့ သက်ဆိုင်တဲ့ နေရာလေးမှာတောင်ငွေကြေးနဲ့ မလဲနိူင်တဲ့ အရာတွေ ရှိနေခဲ့ရင် တနိူင်ငံလုံးနဲ့သက်ဆိုင်တဲ့ အရာ တခုဆို ပိုဆိုးတာပေါ့လို့ ကျနော်က ဥပမာပေးခဲ့ရင် ရိုင်းတယ်လို့ မယူဆပါနဲ့ ။ တထွာပြရင် တလံလောက် မြင်တတ်လို့ သမ္မတကြီး ရာထူးရလာခဲ့ပြီးမှ စေ့စေ့တွေးမှ ရေးရေးပေါ် ဆိုရင်တော့ သိပ်မဟန်သေးဘူးလို့ ယူဆမိတာပါဘဲ ။
ကျနော်တို့ တိုင်းပြည်ရဲ့ မြေပေါ် မြေအောက် သယံဇာတ မှန်သမျှကို ယခင် အစိုးရက လက်ညိုးထိုး ရောင်းစားလို့ ကုန်သလောက် နီးပါး ရှိသွားတဲ့ အခါ သဘာဝ အရင်းအမြစ်တွေကို ပါ ယခု အစိုးရ အသစ်က ဆက်လက် ရောင်းချပြီး စီးပွားရှာနေရုံမျှနဲ့တော့ တိုင်းပြည် တိုးတက် ထွန်းကားဖို့ မလွယ်ပါဘူး ။ သယံဇာတမှ တပါး ထုတ်ကုန်ဆိုတာ နတ္တိဖြစ်နေတဲ့ ကျနော်တို့ တိုင်းပြည် ပြန်လည် ထူထောင်ရေး အတွက် နိူင်ငံတကာ အကူအညီဆိုတာ အရမ်းကို လိုအပ်နေတဲ့ အချိန်ပါ ။ နိူင်ငံတကာကလည်း စစ်မှန်တဲ့ အပြောင်းအလဲ လုပ်ပြခဲ့ရင် အကူအညီပေးပါ့မယ်လို့ ဂတိတွေ ပြုထားကြတာ သတင်းများအရ ကျနော် ကြားသိခဲ့ရပါတယ် ။
သူတို့တွေ တောင်းဆိုတဲ့ အချက်ကို သမ္မတကြီး ဘာကြောင့် လိုက်လျောဖို့ နောက်တွန့်နေရတာလည်း ။ သမ္မတကြီး ဦးဆောင်တဲ့ အစိုးရက စစ်မှန်တဲ့ ဒီမိုကရေစီ စနစ်ကို ဖော်ဆောင်နေတာ အမှန်ပါ ဆိုရင် ဒီမိုကရေစီ နိူင်ငံ တည်ဆောက်ဖို့အတွက် အသက်သွေးချွေးတွေ ပေးဆပ်ကာ စတေးခံခဲ့ကြတဲ့ ပြည်သူလူထုရဲ့ သူရဲကောင်းတွေကို ဘာကြောင့် ဆက်လက် ချုပ်နှောင်ထားချင်ရတာလည်း ။ သူတို့တွေ ပြင်ပကမ္ဘာကို ရောက်သွားတဲ့ အခါ ငါတို့ကို တုန့်ပြန်မှာ စိုးတယ် ဆိုတဲ့ အတွေးတွေ သမ္မတကြီးမှာ ၀င်နေပုံထောက်တော့ သမ္မတကြီး စိတ်သဏ္ဍန်မှာ အမှန်တရားရဲ့ ခွန်အား နည်းပါးနေသေးသလို မဟုတ်တာတွေ ဆက်လုပ်ဖို့ ကြံစည်နေတာ ဖြစ်မယ်လို့ မြတ်ဗုဒ္ဓရဲ့ တရားတော်များ အရ ကျနော် ခန့်မှန်းမိပါတယ် ။
အခုချိန်မှာ သမ္မတကြီးရဲ့ အစိုးရ အသစ်ကြီး ဖရိုဖရဲ နဲ့ ကပိုကရို ကပွဲတွေ ဆင်နေတာကို ကျနော်တို့ အနေနဲ့ မျက်ဝါးထင်ထင် တွေ့မြင်ရနေသလို သမ္မတကြီးကိုယ်တိုင်လည်း အသိဆုံး ဖြစ်ပါမှာ ။ တကယ်တော့ သမ္မတကြီးနဲ့ လက်ရှိ် အုပ်ချုပ်သူ ရာထူးကို ယူထားကြသူများဟာ သူတို့လုပ်ဆောင်ရမည့် တာဝန်ဝတ္တရားများကို လုံးဝ ရင်းနှီးကျွမ်းဝင်မှု မရှိဘူး ဆိုတာ မြန်မာနိူင်ငံ ပကတိ အနေအထားက ဖော်ပြနေလို့ လေးနက်စွာ စဉ်းစားဆင်ခြင်စေလိုပါတယ် ။ အဲဒီနောက်ဆက်တွဲ ပြဿနာရဲ့ ဆိုးကျိုးမှန်သမျှကိုတော့ သမ္မတကြီးနဲ့ အဖွဲ့လေးတွေသာ မက တနိူင်ငံလုံးက ပြည်သူလူထုပါ ခံစားရမှာ ဖြစ်လို့ အတတ်နိူင်ဆုံး ပြုပြင်ပြောင်းလဲရေး လုပ်စေလိုပါတယ် ။
ကိုယ်တိုင် မလုပ်နိူင်လို့ အကြံပေးတွေ ခေါ်ထားပြီး ငါတို့ ရှေ့ဆက်သွားမယ် လို့ သမ္မတကြီးရဲ့ စိတ်ကူးလေးက မဆိုးပါဘူး ။ ဒါပေမယ့် လူရွေးတာ မှားသွားတယ်...။ ဆင်းရဲမွဲတေမှုကို တိုက်ဖျက်ဖို့ အတွက် သူတောင်းစားတွေ ဖမ်းပြီး ထောင်ထဲထည့်ထားလိုက်ပါ ဆိုတဲ့ နည်းလမ်းလောက်သာ ပေးတတ်တဲ့ လူအများက သမ္မတကြီးကို ရယ်စရာ ကောင်းတဲ့ ဆုံးဖြတ်ချက်တွေကို ချပေးနိူင်ဖို့ သွေးထိုးပေးကြပါလိမ့်မယ် ။ သူတို့တွေဟာ အခွင့်အရေး ဆိုတဲ့ စကားကို ကြားတာနဲ့ အသိဥာဏ်တွေ ဖောက်ပြားသွားလို့ သူတို့ အကြံပေးတာကို သမ္မတကြီး ဆက်လက် လုပ်ဆောင်နေရင် ကျနော်တို့ ပြည်သူလူထု အမြင်မှာသာ မက နိူင်ငံ တကာ အလယ့်မှာ အရှက်ကွဲတော့မှာ အသေအချာပါဘဲ ဆိုတာ မြေကြီး လက်ခက် မလွဲ ကျနော် ရဲဝင့်စွာ ပြောရဲပါတယ် ။
သမ္မတကြီး ဦးဆောင်တဲ့အစိုးရ တိုင်းပြည် ကောင်းစားရေးကို တကယ်လုပ်ဆောင်ချင်တဲ့ဆန္ဒ အမှန်သာ ရှိခဲ့ရင် နိူင်ငံရေး အကျဉ်းသားတွေကို
ချွင်းချက် မရှိ ပြန်လွှတ်ပေးသင့်ပါတယ် ။ ကမ္ဘာတလွှားက ပညာရှင်ပါလို့ တင်စားခေါ်ဝေါ်နေကြကာ ဆုတံဆိပ်တွေ အမျိုးမျိုး အပ်နှင်းခြင်းခံထားရတဲ့ ကောင်းကင်များရဲ့ လမင်း ၊ ပညာရှင်များရဲ့ မိခင် ၊ တိုင်းပြည်အတွက် အဖိုးမဖြတ်မနိူင်တဲ့ ရတနာ တပါးဖြစ်တဲ့ ဒေါ်အောင်ဆန်းစုကြည်နဲ့ တွေ့ဆုံဆွေးနွေးရေး အမြန်ဆုံးလုပ်သင့်ပါတယ် ။ သမ္မတကြီး ခေါ်ထားတဲ့ အကြံပေးပညာရှင်တွေ အားလုံးပေါင်းပြီး တသက်လုံး စဉ်းစားလို့ မရတဲ့ အဖြေများကို အမေစုက ခဏတာ အချိန်လေး အတွင်းမှာ အဖြေပေးနိူင်ပါတယ် ဆိုတာ မယုံရင် လက်တွေ့ကျကျ တွေ့ဆုံဆွေးနွေးလိုက်တာ အကောင်းဆုံးပါဘဲ ခင်ဗျာ ။
အတိတ်ကံကြောင့် အခုလို ရာထူးမျိုးကို ပိုင်ဆိုင်ခွင့်ရတဲ့ သမ္မတကြီး အနေနဲ့ ပစ္စပ္ပုန်မှာ ရေစုန်မျောလိုက်ရင် သမိုင်းမှာ အကြီးမားဆုံး တရားခံ စာရင်းထဲကို ရောက်ဖို့ တည်းတည်းလေးဘဲ ကျန်ပါတော့တယ်....။ သမ္မတကြီးလည်း ကျနော်တို့ အမျိုးသား ဖခင်ကြီး ဗိုလ်ချုပ်အောင်ဆန်း အကြောင်းတော့ ကျနော့်ထက် ပိုသိမှာပါ ။ သူတို့တွေဟာ ကိုယ်ကျိုး မဖက် တိုင်းပြည် အကျိုး အတွက် သယ်ပိုးဆောင်ရွက်ခဲ့ကြတာ တပါးသူကျွန်ဘ၀က လွတ်မြောက်ဖို့ ဆိုတာ အားလုံးသိပြီးသားပါ ။ အခုတော့ အဲဒီကျေးဇူးရှင်ကြီးများဟာ သူတို့စွန့်ပြီးဘာတခုမှ မစားသွားကြဘဲ နောက်လူများ စားသောက်ဖို့ ချန်ထားခဲ့တာကို အလွယ်တကူ စားသောက်နေရလို့ ယခင် အစိုးရက ကျေးဇူးတရားကို နားမလည်တဲ့ အပြင် သူတော်ကောင်းတွေရဲ့ မျက်နှာကို တံတွေးနဲ့ အကြိမ်ကြိမ် ထွေးခဲ့ကြသလို လုပ်ဆောင်ခဲ့တာကို တွေ့ရတော့ များစွာ ၀မ်းနည်းမိပါတယ်။
လွတ်လပ်ရေးရဲ့ ယဇ်ပလ္လင်ထက်မှာ အသက်သွေးချွေးပေါင်းများစွာ စတေးခဲ့သွားခဲ့ကြတဲ့ သူရဲကောင်းတွေက ကျနော်တို့ တပါးကျွန်ဘ၀မှ လွတ်မြောက်ဖို့ ကြိုးစားခဲ့ကြတာပါ ။ ယခင်အစိုးရက လက်ထက်က စတင်လာခဲ့တဲ့ တရုတ်ကျွန်ဘ၀ ပြန်ရောက်အောင် လုပ်ဆောင်နေတဲ့ စီမံကိန်းများကို လက်ရှိအစိုးရက ဆက်လက် အကောင်အထည်ဖော်နေကြဆဲ ဖြစ်လို့ သမ္မတကြီးတို့လည်း ထူးမခြားနားပါဘဲလို့ ပြည်သူလူထုက သုံးသပ်နေတာကို နားခံရသိပ်ခက်လှရင် ထူးခြားတဲ့ အပြောင်းအလဲကို ရဲရဲကြီးသာ ပြောင်းလဲလိုက်စမ်းပါ လို့ အကြံပေးပါရစေ .....။
သမ္မတကြီးထက် ရာထူးကြီးမားသူ လက်ရှိ အနေအထားမှာ မရှိပါဘူး ။ အမှန်နဲ့အမှား ဆိုတာ လက်ရှိ ပကတိ အနေအထားကို လက်တွေ့ကျကျ ရှုမြင်သုံးသပ်ကာ အမှန်တရားနောက်ကို လိုက်ပါမယ်လို့ စဉ်းစားထားရင် သမ္မတကြီး နောက်ကျောက ထောက်ထားတဲ့ ဒါးသွားတစ်ချောင်းကို ငဲ့ကြည့်မနေပါနဲ့ ။ တိုင်းပြည်အပေါ်ကို တကယ့်စိတ်ရင်းစေတနာကောင်းနဲ့ လုပ်ဆောင်မယ် ဆိုရင် သမ္မတကြီးရဲ့ ရှေ့မှ သန်းငါးဆယ်ကျော်သော ပြည်သူလူထုကြီးက လက်ခုပ်သြဘာတီးဖို့ အဆင်သင့်စောင့်စားနေကြပါတယ် ....။
သဘာဝ ကို လုပ်အား မထည့်နိူင်ရင် ထိုက်တန်တဲ့ တန်ဖိုးကို ရရှိဖို့ သိပ်ခက်လို့ လုပ်အားဆိုတာ ပေါင်းထည့်နိူင်အောင်ကြိုးစားကြရပါတယ် သမ္မတကြီး ။
သကြံန်အမြောက်ကြီးလို ကြွေးကြော်သံတွေ ရွတ်ပြနေလို့ တိုင်းပြည် တိုးတက်ထွန်းကားလာမှာ မဟုတ်တာ အသေအချာပါ ။ အဲဒီလို လုပ်အား ဆိုတာတောင် ပညာကို အခြေခံထားကာ အဆင်မြင့်နည်းပညာများပါ ပေါင်းစပ်နိူင်တဲ့ နိူင်ငံများကသာ ကမ္ဘာပေါ်မှာ ထင်ပေါ်ကျော်ကြားလာကြပါတယ်။
ဒါကြောင့်လည်း ကမ္ဘာမှာ ပညာသာ အဓိက ဆိုပြီး နိူင်ငံတကာက ခေတ်မှီနည်းပညာများနဲ့ အဆင့်မြင့် ပညာရေးများကို သင်ကြားပေးဖို့ ကြိုးစားနေကြချိန်မှာ ကျနော်တို့ နိူင်ငံက ကလေးတွေမှာ စာရေးစရာ ဗလာစာအုပ်တောင် မလောက်ငတာ အားလုံးအသိပါ ။ ကိုယ့်ပတ်ဝန်းကျင်မှာ ဒီလို ကလေးငယ်တွေ များလာလို့ ကရုဏာသက်သူများက စေတနာများဖြင့် ကိုယ်ထူကိုယ်ထ လုပ်အားပေးကာ လူမှုရေး လုပ်ငန်းလေးတွေ လုပ်ဆောင်ကြတော့လည်း သမ္မတကြီးရဲ့ အစိုရ အသစ်ကြီးက လိုက်လံ နှောက်ယှက်ကြပြန်တယ် ။ ဒီလို အနေအထားကို သိသိကြီးနဲ့ တိုင်းပြည်တိုးတက်ထွန်းကားအောင် ဆောင်ရွက်နေပါတယ် ဆိုတာ ကျနော်တို့ ဘယ်လို အသိဥာဏ်မျိုးနဲ့ လက်ခံပေးရမှာလည်း ဗျာ ။
ကမ္ဘာမှာ ဘွဲ့ရပြီး အိမ်ဖော် အလုပ်ကို လုပ်နေကြရတာ မြန်မာနိူင်ငံသားဘဲ ရှိပါတော့တယ် သမ္မတကြီး ။ အဲဒီဘွဲ့ရပညာတတ်တွေကို နည်းနည်းလေးသာ မွမ်းမံပြင်ဆင်ပေးနိူင်ခဲ့ရင် သူတို့တွေ အကျိုးစီးပွား ဖြစ်ထွန်းသလို တိုင်းပြည်အတွက်လည်း အင်မတန် အကျိုးစီးပွားရရှိစေလို့ ဥပမာလေးနဲ့ တင်ပြပါရစေ ။ အိမ်ဖော်တစ်ယောက်ရဲ့ လစာက စကာင်္ပူမှာ ဆို ဒေါ်လာ 450 မကျော်ပါဘူး ။ အကယ်၍များ သူဟာ သူသင်ထားတဲ့ ပညာနဲ့ အသက်မွေးဝမ်းကြောင်း ပြုနိူင်ခဲ့ရင် အဲဒီထက် လေးဆလောက် ရနိူင်ပါတယ် ။ သူ့ဝင်ငွေတွေက မြန်မာနိူင်ငံထဲကို ပြန်လည် စီးဝင်လာလို့ တိုင်းပြည်အတွက်လည်း အကျိုးရှိသလို သူ့ရဲ့ ဘ၀ရပ်တည်ချက် အတွက်လည်း ပိုမို ကောင်းမွန်မှာ အမှန်ပါဘဲ ဆိုတာ သမ္မတကြီးတွေးကြည့်ရင်တောင် သိသာလွန်းလှပါတယ် ။
နောက်တချက်က စကာင်္ပူဆိုတဲ့ ပွဲစားနိူင်ငံက လူတွေ မြန်မာနိူင်ငံက ပညာရှင်များကို အသုံးချကာ ကြီးပွားနေကြပုံလေး တခုကို သမ္မတကြီးကို တင်ပြချင်ပါသေးတယ် ။ မြန်မာနိူင်ငံက အင်ဂျင်နီယာ ဘွဲ့ရ တစ်ယောက် စကာင်္ပူမှာ အလုပ်လုပ်တဲ့ အခါ ဒေါ်လာ 1800 လောက် ပေးလေ့ ရှိပါတယ် ။
အဲဒီ လူကို ကုမ္ပဏီက သင်တန်းလေး သုံးလလောက် အလုပ်နဲ တွဲပြီး သင်ပေးပြီးတဲ့ အခါ တနာရီကို 75 ဒေါ်လာနဲ့ အခြား ကုမ္ပဏီတွေကို ဌားစားကြတယ် ။ အဲဒီလူကိုဘဲ မြန်မာနိူင်ငံသို့ ပညာရှင် အဖြစ် ပြန်လည် စေလွှတ်လိုက်တဲ့အခါ ကျနော်တို့ တိုင်းပြည် အတွက် မိအေး နှစ်ခါနာဆိုသလို ဖြစ်ကြရပြန်တယ် ။လုပ်အားဆုံးရှုံးရုံသာ မက ကိုယ့်တိုင်းပြည်က ငွေကြေးပါ အဆစ်ပေးလိုက်ရတယ် ။ ဒီလို အဖြစ်အပျက်တွေ အများကြီးတွေ့ခဲ့ရလို့ များစွာ ၀မ်းနည်းခဲ့ရပါတယ် ။
မြန်မာနိူင်ငံက ပညာတတ်တော်တော်များများ တိုင်းတပါးကို ထွက်ခွါ အလုပ်လုပ်ကိုင်ကြတာ တိုင်းပြည်ကို မချစ်လို့ပါ ဆိုပြီး လူတချို့က လက်ညိုးထိုးကာ စွပ်စွဲနေကြတယ် ခင်ဗျာ ။ တကယ်တော့ အဲဒီပညာတတ်တွေ သူတို့သင်ယူတတ်မြောက်ထားတဲ့ ပညာများနဲ့ လွတ်လပ်စွာ အသက်မွေးဝမ်းကြောင်းခွင့် မရကြသလို ထိုက်တန်တဲ့ အခွင့်အရေး ဆိုတာလည်း ဖန်တီးပေးဖို့ ဘယ်သူမှ မစဉ်းစားကြဘဲ ပြစ်တင်ပြောဆိုနေရုံမျှနဲ့တော့ ဘယ်လိုနည်းနဲ့မျှ တားဆီးနိူင်မှာ မဟုတ်ပါဘူး ။ ကိုယ့်တိုင်းပြည်က လုပ်အားကို သူတပါးတိုင်းပြည်ကို အလကားပေးလိုက်ကြမယ့် အစား ကိုယ့်ပြည်တွင်းမှာ အလုပ်လုပ်ပိုင်ခွင့်တွေ ရရှိအောင် ဖန်တီးပေးနိူင်ဖို့ အတွက် သမ္မတကြီးတို့ အဖွဲ့ ပြင်ဆင်တာ တခုမှ မတွေ့ရသေးလို့ အမြန်ဆုံး ကြိုးစားဆောင်ရွက်စေလိုပါတယ် ။
သမ္မတကြီး ခင်ဗျာ မြန်မာနိူင်ငံရဲ့ အိမ်နီးချင်း နိူင်ငံ အများစုက ကျနော်တို့ တိုင်းပြည်က ခေါင်းဆောင်တွေ ပညာအရည်အချင်း နည်းပါးကြလို့ ရည်ရှည် အကျိုးစီးပွားကို ထည့်သွင်း မစဉ်းစားဘဲ တိုင်းပြည် သယံဇာတကို အလွယ်တကူ လက်ညိုးထောင်းပြီး ရောင်းချတာကို သိပ်ကို သဘောကျနေလို့ သမ္မတကြီးတို့ လုပ်သမျှ အမှန်ပါလို့ ထောက်ခံပေးထားကြပါလိမ့်မယ် ။ အဲဒါတွေကို အဟုတ်မှတ်ပြီး ငါတို့အတွက် အဆွေခင်ပွန်းကောင်းပါလို့ သတ်မှတ်ထားကာ ဆက်လက် ယုံစားထားကြရင်တော့ ရှေ့ဆက်ရမည့် အနာဂတ်ခရီးမှာ ပြည်သူလူထုရဲ့ ဘ၀များဟာ ဒုက္ခပင်လယ် ဝေနေကြအုံးမှာ အမှန်ပါဘဲ ။
တိုင်းပြည်ကို စစ်မှန်တဲ့ တိုးတက်ထွန်းကားစေလိုတဲ့ ဆန္ဒများနဲ့ တကယ် လုပ်ဆောင်ချင်တာ မှန်ခဲ့ရင် ပြုပြင်စရာ တွေကတော့ အများကြီးပါဘဲ ။ အိမ်တလုံး တည်ဆောက်ဖို့ အတွက် အုတ်မြစ်ချ တိုင်ထောင်ပြီးမှ ခေါင်မိုး မိုးလို့ ရမှာပါ ။ အဲဒီလိုပါဘဲ တိုင်းပြည် ပြန်လည် ထူထောင်ရေး လုပ်တဲ့ နေရာမှာလည်း အခြေခံ အကျဆုံး လုပ်ငန်းများကို လုပ်ဆောင်မှ ဖြစ်မှာပါ ။ အုတ်မြစ်မချ ၊ အိမ်တိုင် မထောင်ဘဲ အမိုးကို အရင်မိုးဖို့ ကြိုးစားနေကြလို့ ဘယ်သောအခါမှ အိမ်ဆောက်လို့ ရမှာ မဟုတ်သလို အခုလက်ရှိ အနေအထားမှာ သမ္မတကြီးရဲ့ အစိုးရ အသစ်ကလည်း ခေါင်မိုးအရင်မိုးစမိုးကြတာ ပေါ့ ဆိုတဲ့ ၀ါဒကို လက်ကိုင်ထားသမျှတော့ တိုင်းပြည်ကလည်း ဘယ်တော့မှ တိုးတက်ထွန်းကားလာမှာ မဟုတ်ပါဘူး ခင်ဗျာ ။
ဒီလိုမှ မဟုတ်ဘဲ သမ္မတကြီးတို့ အနေနဲ့ ငါသာလျှင် အဓိက ၊ ငါသာလျှင် ပဓာန ၊ ငါသာလျှင် ပညာရှိ ၊ ငါသိ ငါတတ် အစရှိတဲ့ ငါဆိုတဲ့ အတ္တကို ကိုင်စွဲပြီး ယခုပုံအတိုင်း ချီတက်ကြရင်တော့ မြန်မာပြည်ဆိုတာ မကြာခင် ဗုန်းဗုန်းလဲကာ တိုင်းတပါး လက်အောက်ကို ပြန်လည် ရောက်ရှိ၍ လွတ်လပ်မှုတို့ ပျောက်ဆုံးကာ လူဖြစ်ရှုံးရတဲ့ ဘ၀များကို ခံစားကြရ ပါလိမ့်အုံးမယ် ။ တချိန်က အာဇာနည်တွေ အသက်ပေးဆပ်ခဲ့ရတဲ့ လွတ်လပ်ရေးကို အခုလို အလွယ်တကူ အဆုံးရှုံးခံလိုက်ကြရင် သမိုင်းမှာ ကျနော်တို့ ဟာ တရားခံ အဖြစ် အလိုတူ အလိုပါ ဖြစ်သွားမှာ အမှန်ပါဘဲ ။ ဒါကြောင့် တိုင်းတပါး ကျွန်အောက် အဖြစ် ၀င်ရောက် ရမယ့် အချိန်များကို ဒူးထောက်ပြီး စောင့်စားနေမယ့် အစား တော်လှန်ရေး လုပ်ကာ ပြုပြင်ပြောင်းလဲရေးများကို ပြည်သူလူထု က လုပ်ဆောင်လာကြ ပါလိမ့်မယ် ။
ဒါကြောင့် သမ္မတကြီး အနေနဲ့ ဆုံးဖြတ်ချက် တခုကို ခိုင်ခိုင်မာမာချပြီး လုပ်စရာ ရှိတာကို ရဲဝင့်စွာ ဆောင်ရွက်နိူင်မှ ကျနော်တို့ တိုင်းပြည် အမြန်ဆုံး ပြန်လည် ထူထောင်နိူင်မှာ ဖြစ်လို့ အစွမ်းကုန် ကြိုးစားဆောင်ရွက်စေချင်ပါတယ် ။ အချိန်တုံ့ဆိုင်းခြင်း မရှိဘဲ သမ္မတကြီးရဲ့ အစိုးရ အသစ်အနေနဲ့ ပထမဆုံး လုပ်ဆောင်သင့်တဲ့ အခြေခံ အုတ်မြစ် အဖြစ် နိူင်ငံရေး အကျဉ်းသားများကို ချွင်းချက် မရှိ အမြန်ဆုံး ပြန်လွှတ်ပေးကာ မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဆွေးနွေးရေးကို ကြိုးစား ဆောင်ရွက်လိုက်တာဟာ အကောင်းဆုံးပါလို့ အကြံပြုတင်ပြရင်းလေးစားစွာ တိုက်တွန်း နိူးဆော်လိုက်ရပါတယ် ခင်ဗျာ ။
ခင်မင်လေးစားလျှက်
ဗမာ့သွေး
သတင်းအကျဉ်းချုပ် ...
Photo. AP.Reuters
ဒေါ်အောင်ဆန်းစုကြည် ပုဂံခရီးစဉ် (၁)(၂) ရုပ်/သံ
videoအကျယ်ကြည့်ရန်အပေါ်မှပုံကိုနှိပ်ပါ။
Video/ Democratic voice of burma
သတင်းအကျဉ်းချုပ် ...
ဒေါ်အောင်ဆန်းစုကြည်ကို ကြိုဆိုခြင်းနှင့် လှူဒါန်းငွေ လက်ခံခြင်း မပြုလုပ်ရန် ဂေါပကအဖွဲ့များအား ဖိအားပေး ဟုဆို[By The Voice Weekly]
ရန်ကုန် ဇူလိုင် ၄
မြန်မာနိုင်ငံ၏ ယဉ်ကျေးမှု အမွေအနှစ်များ အများဆုံးတည်ရှိရာ ပုဂံ ရှေးဟောင်းယဉ်ကျေးမှု နယ်မြေသို့ သားဖြစ်သူနှင့်အတူ ဘုရားဖူးရောက်ရှိလာသော ဒေါ်အောင်ဆန်းစုကြည်အား တခမ်းတနား ကြိုဆိုခြင်းနှင့် ဘုရားပုထိုးများ ပြုပြင် ထိန်းသိမ်းရန်အတွက် လှူဒါန်းငွေများကို လက်ခံခြင်း မပြုလုပ်ရန် ညောင်ဦးခရိုင် အုပ်ချုပ်ရေးမှူးရုံးက သက်ဆိုင်ရာ ဘုရားဂေါပကအဖွဲ့များသို့ အသိပေး ပြောကြားထားကြောင်း ပုဂံမြို့သို့ သွားရောက်သတင်းရယူနေသူ The Voice Weekly ၏ အကြီးတန်းသတင်းထောက်က သတင်းပေးပို့သည်။
"ဒေါ်စု မလာခင် မနေ့က ညောင်ဦးခရိုင် အုပ်ချုပ်ရေးမှူးက ဘုရားဂေါပက အဖွဲ့ဝင်တွေကို ခေါ်ပြီး ကော်ဇောနီခင်းပြီး ကြိုတာတွေ၊ အလှူငွေ လက်ခံတာတွေ၊ မှတ်တမ်းတင် ဓာတ်ပုံရိုက်တာတွေ မလုပ်ဖို့ ပြောထားပါတယ်။ ဒေါ်အောင်ဆန်းစုကြည် ရောက်လာရင်လည်း ကိုယ့်ဘာသာကိုယ် အလိမ္မာနဲ့ ရှောင်ထွက်သွားကြဖို့ ပြောထားပါတယ်" ဟု ရွှေစည်းခုံဘုရား ဂေါပကအဖွဲ့နှင့် နီးစပ်သူတစ်ဦးက ပြောကြားကြောင်း ၎င်းက ဆက်လက်သတင်းပေးပို့သည်။
အထက်ပါကိစ္စနှင့် ပတ်သတ်၍ The Voice Weekly က ယနေ့မွန်းလွဲ ၂ နာရီ ၄၀ မိနစ်ခန့်တွင် ရွှေစည်းခုံဘုရား ဂေါပကအဖွဲ့ထံသို့ တယ်လီဖုန်းဖြင့် ဆက်သွယ်၍ အတည်ပြုချက် ရယူခဲ့ရာတွင် ဂေါပကအဖွဲ့ဝင် လူကြီးများ မရှိသဖြင့် တစ်စုံတစ်ရာ ဖြေကြားပိုင်ခွင့် မရှိပါကြောင်း၊ အငယ်တန်းဝန်ထမ်းများသာ ဖြစ်သဖြင့် ဒေါ်အောင်ဆန်းစုကြည်နှင့် ပတ်သက်သော ညွှန်ကြားချက်များအား သိရှိပိုင်ခွင့် မရှိပါကြောင်း ပြန်လည်ဖြေကြားသည်။
အလားတူ ညောင်ဦးခရိုင် အုပ်ချုပ်ရေးမှူးရုံးထံသို့ The Voice Weekly က တယ်လီဖုန်းဖြင့် ဆက်သွယ်ခဲ့ရာတွင် တယ်လီဖုန်းခေါ်ဆိုမှုများ ရရှိသော်လည်း ဒေါ်အောင်ဆန်းစုကြည်နှင့် ပတ်သက်သော မေးခွန်းများ စတင်မေးမြန်းချိန်တွင် တယ်လီဖုန်းအား ဆက်လက် လက်ခံဖြေကြားခြင်း မပြုတော့သဖြင့် အတည်ပြုချက် ရယူနိုင်ခြင်း မရှိခဲ့ပါ။
ဒေါ်အောင်ဆန်းစုကြည်အား သာမန် အရပ်သားတစ်ဦးအဖြစ် သဘောထားပါကြောင်း၊ သာမန်အရပ်သား တစ်ဦးအနေဖြင့် ဥပဒေနှင့်အညီ သွားလာလှုပ်ရှား ဆောင်ရွက်မှုများကို ကန့်သတ်ရန် မရှိပါကြောင်း၊ သို့သော်လည်း နိုင်ငံတော် တည်ငြိမ်အေးချမ်းရေးနှင့် တရားဥပဒေ စိုးမိုးရေးကိုမူ အလေးထား စောင့်ထိန်းရန် လိုအပ်ပါကြောင်း ဒုတိယသမ္မတ ဦးတင်အောင်မြင့်ဦးက အမေရိကန် ပြည်ထောင်စု အထက်လွှတ်တော် အမတ် မစ္စတာ ဂျွန်မက်ကိန်းနှင့် ပြီးခဲ့သည့် ဇွန်လဆန်းက နေပြည်တော်၌ တွေ့ဆုံရာတွင် ဒုတိယသမ္မတက ပြောဆိုခဲ့သည်။
[By The Voice Weekly]
Photo/AP.Reuters
သတင်းအကျဉ်းချုပ် ...
ကိုထွန်းအေး(ထိန်တော်ကြီးအုပ်စုဗမာစုကျေးရွာ ကန်ကြီးထောင့်မြို့နယ် ၃၀.၆.၂၀၁၁နေ့တွင် ရန်ကုန်အိုင်အယ်လ်အိုရုံးမှအပြန်အဖမ်းခံရပြီး သူ့ကို ပုဒ်မ၄၂၇။၄၄၇ဖြင်.လောလောဆယ်တရားဆွဲဆိုထားပြီး
ပုသိမ်မြို့ထောင်ကြီးချုပ်တွင်လောလောဆယ်ပို့ထားကြောင်းသိရသည်။
အဖမ်းမခံရခင်တွင်ကန်ကြီးထောင့်မြို့နယ်မှလယ်သမားများအားထွေအုပ်နှင့်မြေစာရင်းမှတစ်ဧကကို(၅၀၀)ကောက်ခံသည့်အတွက်ကိုထွန်းအေးမှလယ်သမားများအားလက်မှတ်ထိုးခိုင်းကာဝန်ကြီးချုပ်ဦးသိန်းစိန်အားလိပ်မူ၍အိုင်အယ်လ်အိုရုံးသို့မိတ္တူပေးကာအဓ္ဓမငွေကြေးကောက်ခံမူ့ကိုတရားဝင်စာပေးပို့က၎င်းကိုယ်တိုင်လက်မှတ်ထိုး၍တိုင်တန်းခဲ့ပါသည်။
ပုံမှာလယ်သမားမှတ်ပုံတင်နှင့်နောက်ကာလာဓါတ်ပုံတစ်ပုံမှာမတ်၁၃ကိုဖုန်းမော်နေ့ပုသိမ်မြို့ကိုမြင့်နိုင်(HRWDN)အိမ်တွင်ပြုလုပ်စဉ်ကတက်ရောက်ခဲ့သောပုံဖြစ်ပါသည်၊ ကိုထွန်းအေးမှာလူ့အခွင့်ရေးစောင့်ကြည့်ကာကွယ်ရေးကွန်ယက်human right watch defend net(HRWDN)ကွန်ယက်ဝင်တယောက်ဖြစ်ပါသည်။
သတင်းအကျဉ်းချုပ် ...
ကြီးတော်ရဲ့နွားကျောင်းသူများ
နာရေးကူညီမှုအသင်း(ရန်ကုန်)၏ ပထမဦးဆုံးအကြိမ်အဖြစ် မြန်မာစာပေဟောပြောပွဲ တစ်ရပ် ကို ၃.၇.၂၀၁၁ (တနင်္ဂနွေနေ့) မွန်းလွဲ (၁း၃၀) နာရီအချိန်တွင် နာရေးကူညီမှုအသင်း(ရန်ကုန်) တည်ရှိ ရာ မြောက်ဒဂုံရုံးချုပ်တွင် အောင်မြင်စွာကျင်းပခဲ့သည်။
နာရေးကူညီမှုအသင်း(ရန်ကုန်)၏ မျိုးဆက်သစ် လူငယ်/ရွယ်များ၊ လူမှုရေးသမားများအတွက် စာပေအသိဉာဏ် ဗဟုသုတများတိုးပွားစေရန် ရည်ရွယ်ကာ စာရေးဆရာ မောင်သာချိုမှ “လူနဲ့ ကြီးတော်ရဲ့နွား” ဟူသော ခေါင်းစဉ်ဖြင့် ဟောပြောသွားခဲ့သည်။ ဆရာ မောင်သာချို၏ ဟောပြောချက် များတွင် ဘုရားအလောင်း သိဒ္ဓတ္ထ မင်းသားသည် မိမိပိုင်ဆိုင်သော နန်းတော်၊ မိမိပိုင်ဆိုင်သော မယား၊ မိမိပိုင်ဆိုင်သော သား၊ မိမိပိုင်ဆိုင်သော စည်းစိမ်ဥစ္စာများ အားလုံးတို့ကို စွန့်လွတ်ကာ ကိုယ်ကျိုးစွန့်၍ လောကကောင်းကျိုးအတွက် ကျင့်ကြံအားထုတ်ခဲ့ပြီး သစ္စာလေးပါး မြတ်တရားအား တွေ့ရှိခဲ့ကာ အများပြည်သူ လူသားများအတွက် ဗြဟ္မစိုရ်တရားလက်ကိုင်ပြုပြီး ငြိမ်းချမ်းမှုချမ်းသာရှိရာ မြတ်နိဗ္ဗာန်သို့ ရောက်ရှိအောင် သွားရာလမ်းကြောင်းကို ဖော်ထုတ်ပေးခဲ့ကြောင်း၊ လူသားချင်း စာနာစိတ် ထားရှိခဲ့သော မာသာထရီဆာသည်လည်း မိမိမွေးရပ်မြေအား စွန့်လွတ်၍ တိုင်းတစ်ပါးတွင် သွားရောက်ကာ အများပြည်သူတို့အတွက် အနစ်နာခံ ပေးဆပ်ခဲ့ရာတွင် လူသားပေါင်း တစ်သန်း ကျော်၏ ဒုက္ခများကို ကယ်တင်ခဲ့သော လူသားတစ်သန်းကျော်၏ ကယ်တင်ရှင် ကျေးဇူးရှင်တစ်ဦး ဖြစ်ကြောင်း၊ မိမိတို့ မြန်မာနိုင်ငံ၏ လွတ်လပ်ရေးဖခင်ကြီး ဗိုလ်ချုပ်အောင်ဆန်း၏ ရိုးဂုဏ်၊ အနစ်နာခံ ပုံ၊ တပ်မတော်နှင့် ပြည်သူတစ်သားတည်း နေထိုင်ကျင့်ကြံပုံ၊ မိမိ၏ ဗိုလ်ချုပ်ဟူသော ဂုဏ်အရှိန်ကို အခွင့်အရေး လုံးဝမယူဘဲနှင့် အများပြည်သူအတွက် အနစ်နာခံ ပေးဆပ်မှုတို့သည်ကား မိမိ၏ နွားကို မကျောင်းဘဲ၊ ကြီးတော်၏နွားအား သွားရောက်ကျောင်းပေးခဲ့သော လူမှုရေးသမားစစ်စစ်များ၏ ကျင့်ကြံအားထုတ်ပေးခဲ့မှုများ စသည့် လူမှုရေးနှင့်ပတ်သက်သော အကြောင်းအချက်များအား သက်သေ သာဓကများစွာဖြင့် ဟောပြောခဲ့ပါသည်။
ယင်းကဲ့သို့ နာရေးကူညီမှုအသင်း(ရန်ကုန်)၏ မြန်မာစာပေဟောပြောပွဲများကို လစဉ်လတိုင်း လူမှုရေးသမားများ၊ မျိုးဆက်သစ်လူငယ်/ရွယ်များအား ရည်စူး၍ ကျင်းပပေးသွားမည်ဖြစ်ပါသည်။
နာရေးကူညီမှုအသင်း(ရန်ကုန်)
သတင်းအကျဉ်းချုပ် ...
ဒီကနေ့ပြီးသွားခဲ့တဲ့ ထိုင်းရွေးကောက်ပွဲမှာ ပြည်ပြေး ၀န်ကြီးချုပ်ဟောင်း တပ်ခ်ဆင် ရှင်နာဝပ် (Thaksin Shinawatra) ရဲ့ညီမငယ်ဖြစ်တဲ့ ယင်လပ် ရှင်နာဝပ်ဦးဆောင်တဲ့ ဖွေထိုင်းပါတီ (Pheu Thai Party) က အပြတ်အသတ် အနိုင်ရရှိသွားကြောင်း ထိုင်းသတင်းမီဒီယာများက ထုတ်လွှင့်သွားပါတယ်။
သတင်းအကျဉ်းချုပ် ...
လူပြိန်းဆိုတာ ဗိုလ်ကျရတာကိုကြိုက်တယ်
ငယ်ငယ်တုန်းကအဖြစ်လေးတခုသွားသတိရတယ်။ကျနော်တို့ရပ်ကွက်ထဲကကိုဖိုးလုံးဆိုတာတော်တော်နံမည် ကြီးတယ် အကောင်းကြီးတာတော့မဟုတ်ဘူး ဆိုးတာ မိုက်ရိုင်း ရမ်းကားတာ ၊ လူသတ်မူ့ဖြစ်ပြီး ထောင်ကပြန်လွတ်လာတော့ မိုက်ရိုင်းရမ်းကားတာ ပိုဆိုးလာတယ်။ သူနဲ့တော်ယုံလူတွေက မယှဉ်ကြဘူး ရှောင်ကြတယ်၊ သူအရက်ဘိုးတောင်းရင်လည်း တချို့သူတွေကကြောက်ကြတော့ ပေးကြတယ်၊ ဒါကို သူကိုသဘောကျ ဂုဏ်ယူနေတာ၊ လူတွေက သူ့ကိုကြောက်နေတာကို သူက ပီတိဖြစ်နေတာ။ သူ့ဘ၀မှာ တခြားဂုဏ်ယူစရာဆိုတာလည်းမရှိလေတော့ လူတွေကို ကြောက်အောင်လုပ် အနိုင်ကျင့် ဗိုလ်ကျပြီးမှ သူ့ဘ၀ကိုရပ်တည်နေရတာ…ထောင်ဆိုတာသူ့ဘ၀အတွက်အိမ်ဦးနဲ့ကြမ်းပြင်……….လူတယောက်ကိုရိုက်လိုက်နှက်ရိုက်ရမှာကိုလည်း နည်းနည်းလေးမှ ကိုယ်ချင်းမစာတတ်သူ…..
၈၈ လူထုအရေးတော်ပုံကြီးဖြစ်တော့…သူ့ကို လူအုပ်ကြီးက…မဆလ အစိုးရသူလျှိုဆိုဝိုင်းဖမ်းပြီး သတ်မယ်လုပ်တယ်….အဲဒီတုန်းက မြင်ကွင်းကို အခုထိမြင်ရောင်နေတုန်းပဲ….ရိုက်နှက်ထားလိုက်တာ …တကိုယ်လုံးရစရာမရှိဘူး…ကျနော်တို့ကျောင်းသားတွေသိတော့…သူ့ကိုမသတ်ဘို့..ကျနော်တို့မေတ္တာရပ်ခံ တယ်…နောက်…ဆေးရုံကိုပို့လိုက်တယ်…..ဆေးရုံရောက်တော့…မျက်နှာဆိုတာဇီးရွက်လောက်လေးပဲရှိတယ်….သူ့ကိုကယ်ဘို့တစာစာတောင်းဆိုနေတာပဲ…..ကျနော်တို့ဝိုင်းဝန်းကူညီပါတယ်….အသက်ပြင်းတယ်လို့ပြောရမလားမသိဘူး…မသေဘူး….ဒီလိုနဲ့နှစ်တွေဝေးသွားလိုက်တာတနေ့ရိပ်သာတခုကိုရောက်သွားရင်းနဲ့က…သူနဲ့ပြန်ဆုံခွင့်ရလိုက်တယ်….အဲဒီအချိန်မှာ…သူဟာရဟန်းဝါ၁၀၀ါလောက်ရနေတဲ့သံဃာတစ်ပါးဖြစ်နေပြီ…..အတိတ်တခါကလူဆိုးလူမိုက်ကိုဖိုးလုံးဘ၀နဲ့ဆန့်ကျင်ဘက်မှတကယ့်ကိုမယုံနိုင်လာက်အောင်ပြောင်းလည်းသွားပြီ……ကျနော်တို့ ကျောင်းသားတွေကို ကျေးဇူးတင်ကြောင်း ထပ်ခါထပ်ခါပြောတယ်…..
“ဦးဇင်းက….နှစ်ဘ၀ပြောင်းသွားပြီဒကာကြီး….ဟိုးတချိန်ကကိုယ့်လုပ်ရပ်တွေကိုပြန်စဉ်းစားမိတိုင်း…နောင်တရမိတယ်…တကယ်တော့..ဦးဇင်းခံခဲ့ရတာဟာ..ကိုယ်ပြုသမျှကံ..ကိုယ်ပြန်ခံရတာပါ..ဒါ့အတွက်ဦးဇင်းဖြေသာပါတယ်….ဒါပေမဲ့…ကံကောင်းတယ်ပဲပြောရမလား…ဒကာတို့ကျောင်းသားတွေကောင်းမူ့ကြောင့်..ဦးဇင်းအသက်ရှင်သန်ခွင့်ရပြီး…ဘ၀ပြောင်းသွားတာ……ပြန်ပြောရရင်လေ…သိပ်ရှက်ဘို့ကောင်းတာပဲ….ဦးဇင်းလူဝတ်ကြောင်ဘ၀တုန်းက…ပညာဆိုတာလည်းမသင်ခဲ့ရ..ဓနဥစ္စာကလည်းမရှိ…ကိုယ့်ကိုသွန်သင်ပြသပေးမဲ့သူကလည်းမရှိ ဆိုတော့…ဆိုးချင်သလောက်ဆိုး မိုက်ချင်သလောက်မိုက်ပဲ…ဒကာကြီးတို့သိပါတယ်….ဦးဇင်းက အဲဒီတုန်းက ..အဲသလို လူတွေကို အနိုင်ကျင့်ရတာကို သိပ်ပျော်တာ…..လူတယောက်ကို ထိုးလိုက်ကြိတ်လိုက်ပြီးပြီဆို သိပ်ပီတိဖြစ်တာ….အော်..တကယ်ကကိုယ်မခံရသေးလို့ဒီလိုလုပ်နိုင်တာပါ….ဦးဇင်းစဉ်းစားမိတယ်…လူပြိန်းဆို တာ…ဗိုလ်ကျရတာကို သိပ်ကြိုက်တာ ဒကာကြီးရ……….”
ဒီစကားလေးကကျနော့်ရင်ကိုတော်တော်လှုတ်ခတ်သွားတယ်…..လူပြိန်းဆိုတာ…ဗိုလ်ကျရတာကိုကြိုက်တယ်တဲ့…………ကျနော့်စိတ်ထဲမှာ စဉ်းစားစရာဖြစ်သွားတယ်….
“ဦးဇင်းခံရတဲ့အလှည့်ကျ…မခံစားနိုင်တော့ဘူး…အရမ်းကြောက်တယ်..သေရမှာကိုအရမ်းကြောက်တယ်….တုန်လူတ်တယ်……သူများကိုအနိုင်ကျင့်တယ်ဆိုတာ….ကိုယ့်ခံရတာ..ကိုယ့်အသားနာတာမှမဟုတ်တာ…လုပ်ရဲတာပေါ့…ဒုတ်နဲ့လည်းရိုက်ရဲတယ်…ဓါးနဲ့လည်း..ခုတ်ရဲတယ်….ကိုယ့်အသားကို..၀ါးခြမ်းပြားလေးလောက်နဲ့အရိုက်ခံရတာမျိုးကြတော့ .တော်တော်မခံနိုင်တာပဲ ဒကာရေ…ကိုယ်ချင်းစာတရား မဲ့တယ်ဆိုတာ..ဒါပေါ့…..နောက် ဦးဇင်းစဉ်းစားကြည့်မိတယ်…..လူတွေဟာ…လူလူချင်းဗိုလ်ကျရတာကိုကြိုက်ပုံရတယ်….အရသာခံတွင်းတွေ့ပုံ လည်းရတယ်ဗျ…..ဦးဇင်းဆရာတော်က ဘာပြောသလည်းဆိုတော့….အစိုးမရတဲ့လောကကြီးကို အစိုးရချင်တာ လူ့သဘာဝပါပဲတဲ့….”
ကျနော့်ရှေ့ကထိုင်ပြောနေသူဟာ..တချိန်ကလူဆိုးကိုဖိုးလုံးဟုတ်မှဟုတ်ပါလေစွလို့တောင်စဉ်းစားမိတယ်…..သူ့ရဲ့လက်တွေ့ဘ၀ကပေးလိုက်တဲ့သင်ခန်းစာတွေ..ဒဏ်ရာဒဏ်ချက်တွေကပေါ်ထွက်လာတဲ့..အမှန်တရားတွေ…..ဟုတ်တယ်…လူ့ရဲ့သဘောသဘာဝဆိုတာအားလုံးအတူတူပါပဲ….ကိုဖိုးလုံးမှမဟုတ်ပါဘူး……..ဗိုလ်ကျရ တာကိုအရသာတွေ့တာ..အနိုင်ယူအနိုင်ကျင့်ရတာကိုခံတွင်းလိုက်တာ….ဒီမကောင်းတဲ့ သဘောသဘာဝကြီးကို အသိဥာဏ်ရှိသူများကစာနာစိတ်တွေ၊ကိုယ်ချင်းစာတရားတွေ၊ဥာဏ်ပညာတွေနဲ့ဆင်ချင်ယူကြရတာကိုး…….ဒါကို ဒီအတိုင်းလွှတ်ထားလိုက်ရင်….သူက သာယာသွားတော့တာပဲ….ဗိုလ်ကျစိုးမိုးချင်တဲ့စိတ်ဟာ..အတန်းပညာ အတတ်ပညာတတ်မြောက်ထားခြင်းတွေမထားခြင်းတွေနဲ့မသက်ဆိုင်ဘူး….ဗိုလ်ကျတယ်ဆိုတဲ့စိတ်ဟာ…မိမိရဲ့သာလွန်ချက်နဲ့ လူတွေကို အနိုင်ကျင့်တာ….အာဏာရှိသူက အာဏာနဲ့၊ငွေရှိသူကငွေနဲ့၊ပညာတတ်သူက ပညာနဲ့၊ မိုက်ရိုင်းရဲသူက မိုက်ရိုင်းရဲတဲ့အားနဲ့ လူတွေကို အနိုင်ကျင့်တာဟာ ဗိုလ်ကျတာပဲ၊ ကိုဖိုးလုံးကတော့ သူက မိုက်ရိုင်းရဲတယ်…..ထောင်ထဲတန်းထဲကို မျက်ကန်းတစ္ဆေ မကြောက်တိုးဝင်ရဲတယ်…လူအများစုက သူ့လို လိုက်မလုပ်ရဲတော့ သူကလူတွေကို အနိုင်ကျင့်တယ်…ဗိုလ်ကျတယ်……
နောက်တယောက်က…ကျနော်သရက်ထောင်ထဲမှာနိုင်ငံရေးအကျဉ်းသားဘ၀နဲ့ရှိနေစဉ်အချိန်ကပါ….နံမည်ကမျိုးတင့်….သူ့ကိုငှက်ရိုးလို့ပဲလူသိများကြတယ်…အဲဒီအချိန်ကသရက်ထောင်ထဲမှာရှိခဲ့တဲ့နိုင်ငံရေးအ ကျဉ်းသားအားလုံးသိကြတယ်။သူကကျနော်နေခဲ့တဲ့တိုက်အကျဉ်းဆောင်ရဲ့ရှေ့မှာတောင်ယာလာလုပ်တဲ့သူ…ကျနော်နဲ့ကတဒေသသားထဲလည်းဖြစ်ပြန်…၈၈အရေးတော်ပုံအမူ့လည်းဖြစ်ဆိုတော့တော်တော်ခင်မိတယ်…..သူ့တောင်ယာကထွက်တဲ့သီးနှံတွေဆိုလည်းကျနော်ကိုလာပေး…ကျနော်ကလိုအပ်တဲ့စားစရာလေးတွေထဲ့..သူကစားဖိုမှာသွားချက်….စားကြပေါ့….နိုင်ငံရေးထူးသတင်းထူးလေးတွေကြားလာရပြီဆိုကျနော့်ဆီအမြန်လာပြောတယ်……ဒီလိုနဲ့နေလာရာက………… ထောင်ပိုင်ကြီးဆီမှာသွားသွားနှိပ်ပေးရတဲ့အလုပ်ပေါ်လာတယ်…ဘယ်လိုကနေဘယ်လိုဖြစ်တယ်လည်းမသိ…သိပ်မကြာခင်မှာပဲထောင်ပိုင်ကသူ့ကိုတထောင်လုံးတန်းစီးဆိုခန့်လိုက်တယ်လေ(တထောင်လုံးတန်းစီးဆိုတာ..ထောင်ထဲမှာရှိတဲ့အကျဉ်းသားတွေကိုအကျဉ်းသားအချင်းချင်းပြန်အုပ်ချုပ်ခိုင်းတဲ့နေရာမှာအကြီးဆုံးပေါ့)…အဲဒီအချိန်ကစလို့..ငှက်ရိုးစတိုင်ကပြောင်းသွားတယ်(အရင်ငှက်ရိုးမဟုတ်တော့ဘူး)ကျနော်ကတော့ကိုယ့်လူတ ယောက်တထောင်လုံးတန်းစီးဖြစ်သွားရင်…အကျဉ်းသားတွေအပေါ်သက်သက်ညှာညှာရှိလောက်ပါရဲ့…နိုင်ငံ ရေးအကျဉ်းသားများအခွင့်ရေးလည်းနားလည်တန်ကောင်းလောက်ပါရဲ့ဆိုထင်လိုက်တာ..ဘယ်ဟုတ်လိမ့်မ လည်း…ကိုယ့်လူက…ဇာတိပြလာတော့တာ….သူတန်းစီးဖြစ်လို့မကြာခင်..သာမန်ရာဇ၀တ်အကျဉ်းသားတွေအပေါ်အနိုင်ကျင့်တော့တာပဲ….သူ့မျက်လုံးနဲ့မတွေ့တဲ့သူဆို…ဒုတ်နဲ့ရိုက်….လူတွေကိုရိုက်နေရတာ…သူကကစား နေသလိုမျိုဲး….သူလာရင်ကျိုးနွံတဲ့ပုံစံနဲ့နေပေးရတဲ့အကျဉ်းသားတွေကိုကြည့်ပီတိဖြစ်နေတာ……ဒီလိုနဲ့နေလာ ရင်းကသူကနိုင်ငံရေးအကျဉ်းသားတွေအပေါ်တောင်ဗိုလ်ကျလာတယ်၊ကွယ်ရာမှာဆိုရာဇ၀တ်အကျဉ်းသားတွေကိုပြောရင်….မင်းတို့ထက်ပိုတဲ့….ဘယ်သူမှထိန်းလို့မရတဲ့….ငါးည(နိုင်ငံရေးအကျဉ်းသားကိုဆိုလိုတာ)တွေ တောင်သူကဘယ်လိုနိုင်အောင်ထိန်းတာ…ဘယ်လိုပြားဝပ်နေအောင်လုပ်ထားတာ…စသဖြင့်မဟုတ်တာတွေ ပြောပြီး…စကားလုံးတွေနဲ့ဗိုလ်ကျတယ်……ကုန်ကုန်ပြောရရင်လမ်းလျှောက်တာတောင်အရင်လိုမဟုတ်တော့ဘူး…သူ့ နောက်က တပည့်တပမ်းတွေနဲ့ မြောက်ကြွမြှောက်ကြွဖြစ်လာတော့တာပဲ…ကျနော့်ဆီလည်း မလာတော့ဘူး ( မလာတော့ဘူးဆိုတာထက် မတွေ့ချင်လို့ရှောင်နေတယ်ဆိုတာ ပိုမှန်ပါလိမ့်မယ်)၊ တစတစနဲ့ ငှက်ရိုးအခြေနေကပိုဆိုးလာတယ်….တထောင်လုံးမှာရှိတဲ့အားလုံးသောအကျဉ်းသားတွေတောင်မကဘူး…. ထောင်မူးအဆင့်အရာရှိတွေဝန်ထမ်းတွေကပါ..တော်တော်ကိုမျက်မုန်းကျိုး မုန်းတီးခံရတဲ့အဆင့်ကိုရောက်နေပြီ ဘာလို့လည်းဆိုတော့ ထောင်ပိုင်က ဘယ်ဝန်ထမ်း ဘာလုပ်သလည်း သူ့ဆီကို အကုန်သတင်းပို့ရမယ်ဆိုပြီး သူ့ကိုခိုင်းထားတော့…..မှတ်စုစာအုပ်တအုပ်နဲ့ အကုန်မှတ်တမ်းတင် သတင်းပို့နေတော့တာပဲ…..သူအမြဲ လက်သုံးပြောနေကြစကားက…..“ကျုပ်ကတာဝန်နဲ့ပတ်သက်လာရင်…ဘယ်သူ့မှမညှာဘူး…စည်းကမ်းဖောက် ဖျက်သူမှန်သမျှအကုန်အရေးယူမယ်”တဲ့….သူ့စကားကဘယ်ရောက်လို့ဘယ်ပေါက်မှန်းမသိဘူး…ဒီစကားသုံးရအောင်…နိုင်ငံတော်ကတရားဝင်ခန့်အပ်ထားတဲ့ဝန်ထမ်းလည်းမဟုတ်…သူ့ဘ၀က…သူလိုကိုယ်လိုအကျဉ်းသားဘ၀…..တခါ ..ထောင်ပိုင်ကလည်း စစ်ဗိုလ် ( ဗိုလ်ကြီးဘ၀ ) ကနေ အသွင်ပြောင်းနဲ့ရောက်လာတာမှ မကြာသေး…ဆိုတော့….ဘုန်းကြီးရူးနဲ့ရေဒီယိုပျက်တွေ့ကြတော့တာပဲ…..အကျဉ်းထောင်လက်ဆွဲဥပဒေကို ကျော်ပြီးလုပ်ချင်ရာတွေလုပ်တော့တယ်…..နှစ်ယောက်လုံးကဗိုလ်ကျနေရတာကိုအရသာတွေ့နေကြတာ……အဆုံးမတော့ကောင်လေးတယောက်ကိုယောကျာင်္းချင်းကာမဆက်ဆံဘို့ကြိုးစားရာက…တထောင်လုံးတန်းစီးရာထူးပြုတ်…တိုက်ပိတ်…နောက်ရဲဘက်ပို့ခံရ…ရဲဘက်ရောက်တော့….သူနှိပ်စက်ထားတဲ့သူတွေက…လက်စားချေသတ်ပစ်လိုက်တယ်လို့ကြားတယ်……
ဒီဖြစ်စဉ်ကိုစဉ်းစားကြည့်တယ်…..အဲဒီကာလက..သရက်အကျဉ်းထောင်မှာဆို….နိုင်ငံရေးအကျဉ်းသားတွေကလွဲလို့…ရာဇ၀တ်အကျဉ်းသားတွေဆိုတာ…သူ့ကိုကြောက်နေလန့်နေရတာ….ငှက်ရိုးဘာမှမဟုတ်ဘူး….ဘာအဆင့်မှကိုမရှိတာကျနော်အသိဆုံး….အဲဒီ့ဘာမှအဆင့်မရှိတဲ့သူကိုလန့်နေရတယ်ဆိုတာ……သူ့လက်ထဲလုပ်ပိုင်ခွင့်ရောက်သွားတာကိုး….သူအုပ်ချုပ်နေပါတယ်ဆိုတဲ့ထောင်သားတွေထဲမှာဆရာဝန်တွေ…စစ်ဗိုလ်ပြုတ်တွေ…ပိုက်ဆံချမ်းသာသူတွေအများကြီး…….
လူပြိန်းလက်ထဲ…လုပ်ပိုင်ခွင့်ရသွားပြီဆို….ဗိုလ်ကျတတ်တာဓမ္မတာပါပဲ……သူ့မှာစဉ်းစားတွေးခေါ်နိုင်တဲ့အရည်ချင်းမှမရှိတာ….သူ့ရဲ့ဆုံးဖြတ်ချက်မှန်သမျှဟာ…သူ့အတ္တကိုအခြေခံပြီး…လာတာဆိုတော့…ဘယ်မှန်နိုင်ပါတော့မလည်း………လူပြိန်းဆိုတာ..သူသိတာအခုပဲရှိတယ်…အဲဒါ…သူ့အတ္တ..တနည်းအားဖြင့်သူ့လောဘ…….ပညာ နည်းမှလူပြိန်းဖြစ်တာမဟုတ်ဘူး…ပညာ တတ်တွေထဲမှာလည်း…လူပြိန်းတွေ အများကြီး…
ဗိုလ်ကျချင်သူဆိုတာ…..ရန်လိုမူ့ကိုလိုလားတယ်……..
တန်းတူမူ့ကိုနှစ်သက်သူဟာ…ငြိမ်းချမ်းရေးကိုလိုလားတယ်………..
လူပြိန်းဆိုတာ ဗိုလ်ကျရတာကို ကြိုက်တယ်……………………………………..
ဗိုလ်ကျချင်တဲ့သူဆိုတာ….အခုအမှန်ဟာတော်ကြာမှားရင်မှားမယ်….အခုအမှားဟာခနနေ..မှန်ရင်မှန်မယ်…..သေချာတာ တခုကတော့….သူတို့ရဲ့ အမှန်တရားဆိုတာ…သူတို့ရဲ့အတ္တပဲ…။
ယခုလက်ရှိ မြန်မာနိုင်ငံက စစ်အာဏာရှင်များကိုပဲကြည့်ပါ…..သူတို့ တိုင်းပြည်ကို ချုပ်ကိုင်ထားတာ တခုတည်းသောပေါ်လစီပဲရှိပါတယ်…ဒါကတော့…ဗိုလ်ကျစိုးမိုးခြင်းဆိုတဲ့မူကလွဲလို့တိကျခိုင်မာတဲ့သဘောတ ရား လမ်းစဉ် ဥပဒေဆိုတာ မရှိပါဘူး ( လူရိုသေရှင်ရိုသေစာအုပ်စာတမ်းတွေနဲ့ပြုစုထားပေမဲ့ လက်တွေ့ကတော့ ဒီသဘောတရာလမ်းစဉ်တွေကိုပစ်ပယ်ပြီး လက်တန်း အမိန့်တွေနဲ့ ဗိုလ်ကျစိုးမိုးရေးတခုသာလျှင်ရှိပါတယ်)
ဗိုလ်ကျတတ်တဲ့အကျင့်ဆိုးဆိုတာဘယ်လောကမှာမှမကောင်းဘူး…..ကျနော်တို့တတွေဟာဗိုလ်ကျတတ်သူ တွေ ဟုတ်မဟုတ် ကိုယ့် ကိုယ်ကိုယ်စစ်ဆေးကြည့်ရအောင်ပါ၊
အားလုံးကိုလေးစားစွာဖြင့်
(မောင်မောင်ဝမ်း )
သတင်းအကျဉ်းချုပ် ...
မြန်မာနိုင်ငံစစ်မှန်သောဖွံ.ဖြိုးတိုးတက်စေလိုလျှင်တပ်အမြင်နှင်.မကြည်.ဖို.လိုပါလိမ်.မည်။အရပ်ဘက်အမြင်နှင့်ကြည်.မှတကယ်.ပြည်သူကိုမြင်ပါလိမ်.မည်ဟုထင်ပါသည်၊တက်လာတဲ.သမ္မတကြီးအနေနှင်.အရပ်ဘက်မှလာသောလူမဟုတ်ပါ၊စစ်တပ်မှလာသောလူတဦးဖြစ်ပါသည်။စစ်တပ်ဆိုသည်မှာအရာရာတိုင်းကိုရှု.မြင်ရာတွင်တသွေး၊တသန်၊တမိန်.ဖြင်.သာရှု.မြင်လေ.ရှိပါသည်၊ခေါင်းဆောင်ကမှားလည်းပြန်ပြောခွင်.မရှိ၊စောဒကတက်နိုင်ခွင်.မရှိပေ၊
ခေါင်းဆောင်ခိုင်းသည်.အမိန်.အတိုင်းသာလုပ်ရသည်။အမှားအမှန်ဝေဖန်ပိုင်းခြားခွင်.မရှိပေ၊စစ်သင်တန်းတက်ကတည်းက brain wash လုပ်ခြင်းခံခဲ.ရပြီးဖြစ်၍ စီနီယာသမားကိုတောင် ဂျူနီယာသမားက ပြန်လှန် မေးခွန်းထုတ်ပိုင်ခွင်.မရှိပေ၊စစ်တပ်သည်လက်နက်ကိုင်အဖွဲ.အစည်းတခုဖြစ်၍စစ်တပ်အတွင်းဤစနစ်ကိုကျင်.သုံးသည်မှာမမှားသည်ဟုဆိုနိင်သော်လည်းအရပ်ဘက်ပြည်သူနှင်.ထိတွေ.ဆက်ဆံမည်ဆိုပါကဒီလမ်းစဉ်ကို အကောင်အထည်ဖော်ဆောင်လို.မရပေ၊
ယခုအခါနိုင်ငံတော်ကိုဒီမိုကရေစီအသွင်ကူးပြောင်းနေပါသည်ဆိုသော တပ်အမြင်ကို လုံးဝစွန့်လွှတ် ရပေလိမ်.မည်၊ဒီမိုကရေစီ၏အနှစ်သာရမှာအတွေးအမြင်ဘောင်ခတ်စည်းခြားထားခြင်းမရှိ၊လူထုအားဖြန်.ကျက်တွေးနိုင်မှုကိုပေးရမည်၊လူထုအမြင်သည်အခရာဖြစ်သည်၊အုပ်ချုပ်ရေးမှာပြည်သူ.လူထုဆီမှသက်ဆင်းသောကြောင်.ဖြစ်ပေသည်၊လူထု၏အမြင်ကိုလွတ်လပ်ခွင်.ပေးရမည်၊လူထု၏အသံကိုနားထောင်နိုင်စွမ်းရှိရမည်၊
အစိုးရကိုဝေဖန်ရင်ငါ.ရန်သူဟူသောအစွဲကိုဖြောင်.ရပေလိမ်.မည်၊တပ်အမြင်နှင်.ကြည်.လို.မရ၊
အရပ်ဘက်မှနေကြည်.လျှင်ဝေဖန်တိုင်းရန်သူမဟုတ်။တော်လှန်တိုင်းရန်သူမဟုတ်၊သူတို.တွေ
လည်းတိုင်းပြည်ကိုချစ်၍ပြောခြင်းလုပ်ခြင်းဖြစ်ပေသည်၊
သူတို.လဲတိုင်းပြည်ကိုချစ်ရ်ျနိုင်ငံရေးလုပ်သည်၊နိုင်ငံရေးစကားပြောသည်၊ထားတော.ငါတိုအစိုးရလဲ
ချစ်လို.တိုင်းပြည်အတွက်လုပ်သည်၊ချစ်၍လုပ်တာခြင်းအတူတူငါတို.လုပ်မှအမှန်၊ မင်းတို.လုပ်လျှင်အမှား ဆိုသောအယူအဆမျိုးမထားသင်.ပေ၊ ငါတို.သည်အုပ်ချုပ်သူလူတန်းစားမဟုတ်၊ အုပ်ချုပ်သူ
လူတန်းစားအမှန်သည်ပြည်သူလူထုသာဖြစ်သည်၊ ပြည်သူခိုင်းလို.လုပ်ရသည်၊
ပြည်သူ.ကျွေးလို.စားရသည်၊ပြည်သူကြောင်.သာရပ်တည်ရသည်ဆိုသောအတွေးမျိုးထည်.
ထားရပေမည်၊ ပြည်.သူဝန်ကိုထမ်းလို.သာပြည်.သူဝန်ထမ်းဖြစ်ရသည်၊
ဤကားအရပ်ဘက်အမြင်ဘက်ကကြည်.မှသာမြင်ပေလိမ်.မည်၊
တပ်အမြင်နှင်.ကြည်.လျှင်ဒေါ်စုကိုရန်သူဟုသတ်မှတ်နေလိမ်.မည်၊အရပ်အမြင်နှင်.ကြည်.လျှင်ဒေါ်စုသည်နိုင်ငံတော်.အကျိုး၊ပြည်သူ.ကောင်းကျိုးကိုလိုလားသူဖြစ်ပြီးပြည်သူ.အတွက်သူမရဲ.အိမ်ထောင်သည်
ဘဝကိုစွန်.ဝံ.သူ၊နှစ်ပေါင်းများစွာအကျဉ်းကျခံဝံ.သူ၊ထို.ကြောင်.ပြည်သူ.အချစ်တော်ဖြစ်ပေတော.သည်၊
တပ်အမြင်နှင်.ကြည့် လျှင်ကျောင်းသားသည်ရန်သူ၊
အရပ်ဘက်အမြင်နှင်.ကြည့်လျှင်နိုင်ငံတော်အတွက်ပညာရေးကိုစွန်.ဝံ.သူ၊ပြည်သူ.အတွက်မိမိတို.ဘဝတက်လမ်းကိုထားခဲ.သူ၊မိဘပြည်သူအတွက်တဘက်တလမ်းမှအကူအညီပေးလိုသူ၊ဒါကြောင်.ပြည်သူ.အချစ်တော်ကျောင်းသားဖြစ်ပေတော.သည်၊
တပ်အမြင်နှင်.သာသနာဝန်ထမ်းရှင်ရဟန်းတွေသည်ရဟန်းအကျင်.ကိုမကျင်.ပဲ၊လူ.တွေရဲ.အကျိုးကိုလုပ်ဆောင်သောကြောင်.ရန်သူ၊အရပ်ဘက်အမြင်နှင်.ကြည့် လျှင်သံသရာလွတ်မြောက်ကြောင်း တရားကိုအေးအေးလူလူအားမထုတ်ဝံ.ပဲ၊ဒကာ၊ဒကာမတို.၏စိတ်၏ဆင်းရဲခြင်း၊ကိုယ်၏ဆင်းရဲခြင်းတွေသက်သာရန်အလို.ငှာမိမိတို.လွတ်မြောက်မှုကိုမရှာဖွေနိုင်သေးပဲ၊အများသူငှာတို.ပါလွတ်မြောက်နိုင်ရန်တတ်နိုင်သမျှကြိုးပမ်းကြရှာသောကြောင်.ပြည်.သူတို.၏အချစ်တော်ဘုန်းဘုန်းများဖြစ်ပေတော.သည်၊
တပ်၏အမြင်ကားငါလုပ်မှရမည်ဟူသောအမြင်သက်သက်တည်း၊
အရပ်ဘက်အမြင်ကားပြည်သူအားလုံးပူးပေါင်းလုပ်မှရမည်ဟူသောအမြင်တည်း၊
တပ်အမြင်နှင်.ကြည်.သော်ချမ်းသာနေသောလက်တစုပ်စာလူတန်းစာလောက်ကိုသာမြင်မည်၊အရပ်အနေနှင်.ကြည်.သော်အခြေခံလူများစု၏ဘဝရုန်းကန်လှုပ်ရှားနေရပုံကိုသာမြင်ပါလိမ်.မည်၊ထို.ကြောင်.တပ်အမြင်နဲ့မကြည့်ပဲ၊အရပ်အမြင်နဲ.ကြည့်ပါလို.အစိုးရသစ်အားပြောပါရစေ၊
(သားချစ်)tharchizaw facebookမှ
သတင်းအကျဉ်းချုပ် ...
