ဆန္ဒတစ်ခုကို ဖြည့်ဆည်းခြင်း
ကျွန်တော်တို့ မြန်မာနိုင်ငံ၏ လွတ်လပ်ရေးဖခင်ကြီး ဗိုလ်ချုပ်အောင်ဆန်း၏ ဇနီး ဒေါ်ခင်ကြည် ရှိစဉ်က မိခင်ကြီး ဒေါ်ခင်ကြည်၏ မိတ်ဆွေသူငယ်ချင်းတစ်ဦးဖြစ်သူ ဒေါ်တင်တင်သည် ဒေါ်ခင်ကြည် ကျန်းမာရေးချို့တဲ့စဉ် ကာလတစ်လျှောက်လုံး အနီးကပ်ပြုစုစောင့်ရှောက် ပေးခဲ့သူတစ်ဦးဖြစ်သည်။ ဒေါ်တင်တင်သည် ဗိုလ်ချုပ်အောင်ဆန်း၏ ဇနီး ဒေါ်ခင်ကြည်နှင့် ခင်မင်ရင်းနှီးမှုမှာ နိုင်ငံရေးနှင့် ပတ်သက်ခြင်းမရှိ၊ စီးပွားရေးနှင့်လည်း ပတ်သက်ခြင်းမရှိ လူမှုရေးသက်သက်ဖြင့်သာ ခင်မင်ကူညီ ပတ်သက်ခဲ့သူ တစ်ဦးဖြစ်သည်။
ယခုအချိန် ဒေါ်တင်တင်သည် လေဖြတ်ဝေဒနာခံစားနေကာ အစားအသောက်တို့ ပါးစပ်မှ လည်း စားခြင်း၊ သောက်ခြင်းတို့ကို မပြုလုပ်နိုင်ချေ။ ၂.၇.၂၀၁၁ (စနေ) နေ့တွင် ဒေါ်တင်တင်အား သူ၏ မိသားစုဝင် သားသမီးများက မိခင်ဒေါ်တင်တင်၏ အလုပ်ချင်ဆုံးသော ဆန္ဒတစ်ခုကို ပြုလုပ် ပေးခဲ့သည်။ ယင်းဆန္ဒမှာ နာရေးကူညီမှုအသင်း(ရန်ကုန်)ထံသို့ အလှူငွေ ထည့်ဝင်လိုသော ဆန္ဒပင် ဖြစ်သည်။
ထို့ကြောင့် ၂.၇.၂၀၁၁ (စနေနေ့) နံနက် (၉း၀၀) နာရီအချိန်တွင် ပါရမီလမ်းရှိ မိခင် ဒေါ်တင်တင်၏ နေအိမ်သို့ နာရေးကူညီမှုအသင်း(ရန်ကုန်) ဥက္ကဌ ဦးကျော်သူမှ သွားရောက်၍ အလှူငွေ US$ 500 လှူဒါန်းမှုကို လက်ခံအားပေး ကျေးဇူးတင်စကား ပြောကြားခဲ့သည်။ မိခင်ကြီး ဒေါ်တင်တင်၏ အလုပ်ချင်ဆုံးသော ဆန္ဒတစ်ခုကို ဖြည့်ဆည်းပေးနိုင်ခဲ့ပြီဖြစ်သောကြောင့် မိခင်ကြီး ဒေါ်တင်တင် ကျန်းမာချမ်းသာ ၀မ်းသာစွာဖြင့် သာဓု အနုမောဒနာ ခေါ်ဆိုနိုင်ခဲ့ပါတော့သည်။
ကိုကျော်သူ
သတင်းအကျဉ်းချုပ် ...
နာရေးကူညီမှုအသင်း(ရန်ကုန်)၏ အများပြည်သူတို့အပေါ် ပေးဆပ်မှုများအား အများပြည်သူ အလှူရှင်တို့ သိရှိမုဒိတာပွားစေရန် ဟူသော ရည်ရွယ်ချက်တစ်ခုတည်းနှင့် အလှူရှင်များအား (ကန့်သတ်) အနေဖြင့် ပြန်လည်၍ လက်ဆောင်ပေးအပ်ခဲ့သော နာရေးကူညီမှုအသင်း(ရန်ကုန်)၏ “တစ်နေ့တာပေးဆပ်မှုများ” နှင့် “ဂီတလူမှုရေးသူရဲကောင်းများ Vol:1” ဟူသော DVD အချပ်များကို ဖန်တီး ပေးဆပ်ခဲ့ပြီးဖြစ်သည်။
ယင်းအခွေများတွင် ဂီတလောကမှ လူမှုရေးစိတ်ဓါတ်ရှိသော ဂီတပညာရှင်များတို့သည် တစ်တတ်တစ်အား ပါဝင်ကူညီသီဆိုခဲ့ပြီးဖြစ်သည်။ ပထမဆုံးသော “တစ်နေ့တာပေးဆပ်မှု” DVD အခွေတွင် ဂီတပညာရှင် အနဂ္ဃနှင့် Hip Hop အဆိုတော် (၁၀) ဦးတို့က အယူသီးမှု တိုက်ဖျက်ရေး ခံစားမှုသံစဉ် “လက်ကမ်းလိုက်” ဟူသောသီချင်းတစ်ပုဒ်ကို ပေးဆပ်သီဆိုပေးပြီးဖြစ်ရာ ယခုထပ်မံ ဖန်တီးမည့် ဂီတလူမှုရေး သူရဲကောင်းများ Vol:2 အတွက် အဆိုတော် အနဂ္ဃမှ ၂.၇.၂၀၁၁ (စနေ) နေ့တွင် ဒုတိယခြေလှမ်းအဖြစ် ထပ်မံ၍ ရေးစပ်သီဆိုထားသော အယူသီးမှုတိုက်ဖျက်ရေး သီချင်း သစ်အား Home Studio တစ်ခု၌ စိတ်ဓါတ်ထက်သန် ပြင်းပြစွာဖြင့် သီချင်းသွင်းရန် ကြိုးပမ်းနေပြီ ဖြစ်ကြောင်း အလှူရှင်များ၊ လူမှုရေးသမားများ၊ လူမှုရေးဂီတပညာရှင်များအား သတင်းကောင်းပါး လိုက်ပါသည်။
ကိုကျော်သူအားကျေးဇူးတင်ရှိပါသည်...
သတင်းအကျဉ်းချုပ် ...
မင်းတခြမ်းခင်းထားသမျှ နောက်က ကျန်တဲ့ တခြမ်းတွေကို ငါလိုက်ခင်းနေရတယ်...(မြို့တော်ဝန် အသစ် ဦးလှမြင့်)
Photo..Khinmgwin(ap)အားကျေးဇူးတင်ရှိပါသည်...
သတင်းအကျဉ်းချုပ် ...
“ကျွန်တော်က ရှဲဒိုးစာရေးဆရာပါ။”
။၁။
“Do you approve of the do-it-yourself trend?” the side walk radio announcer asked a passer by, holding the microphone up to him.
“Positively not,” the man replied, with unexpected vehemence. “I’m definitely against it”
“Why are you so against it?” asked the surprised announcer.
“I’m a ghost writer,” was the reply.
။၂။
ဒီဟာသလေးကို ဘာသာပြန်မပြခင်မှာ အလျင် ၁၀စုနှစ်တစ်ခုကျော်ကျော်ကို ပြန်သွားကြည့်ရအောင်။ အဲဒီအ ချိန်က နိုင်ငံရဲ့ ဒီမိုကရေစီ အရေးကို ရှေ့ဆောင်လုပ်နေကြတဲ့ ဒေါ်အောင်ဆန်းစုကြည်အပါဝင် ကျောင်းသား ခေါင်းဆောင်၊ တိုင်းရင်းသားခေါင်းဆောင် တော်တော် များများက အကျဉ်းထောင်တွေထဲမှာ..။ အဲဒီလို ဦးဆောင် သူတွေ ထင်ရှားသူတွေ အဖမ်းဆီးခံအဖိနှိပ်ခံထားရလို့ အရှိန်ကျိုးနေတဲ့ နိုင်ငံရဲ့ ဒီမိုကရေစီအရွေ့ကို အသွင် တစ်ခုနဲ့ရှေ့တိုးရွေ့ချဉ်းကပ်လာတာပါဘဲ။
ဆေဗယ်ဆိုဆိုင်ယတီတွေ၊ လူမှုအခြေပြုအဖွဲ့အစည်းတွေများလာရင်လည်း နိုင်ငံတစ်နိုင်ငံဟာ ဒီမိုကရေစီအ သွင်ကူးလာတတ်တယ်။ ဟိုနိုင်ငံကြည့်ပါလား။ ဒီနိုင်ငံကြည့်ပါလားဆိုပြီး ဥပမာတွေ၊ ဖလော်တွေ၊ ဒိုင်ယလော့ တွေ၊ အက်ရှင်ပလန်တွေနဲ့ ဝင်တိုးလာခဲ့တယ်။ အဲလိုတိုးလာခဲ့တာဟာ ကျွဲခိုပေါ်နွားခိုးပေါ်သလို ခိုးကြောင်ခိုး ဝှက်မှသည် ပေါ်ပေါ်တင်တင် လုပ်လာကြရတဲ့ လူမှုရေးလုပ်ငန်းတွေဟါ ၁၀စုနှစ်တစ်စုကျော်ဖြတ်သန်း လာ ပြီးတဲ့နောက် မြွေမသေတုတ်မကျိုးနဲ့ တချို့နေရာတွေမှာ ရွှေမိုးငွေမိုးရွာခဲ့သလို တချို့နေရာတွေမှာ သဲထဲရေ သွန်ဖြစ်လာခဲ့ပါတော့တယ်.။
အဲလိုပြင်လိုက် ပျက်လိုက် ထပ်ပြင်လိုက်နဲ့ ရှေ့တိုးရင်း ပြည်တွင်းမှာ အသွင်အမျိုးမျိုးနဲ့ အားသွန်လုပ်ကိုင် အောင်မြင်လာကြတာမှာ နောက်ပိုင်း ယခုဒီမိုကရေစီအစိုးရရဲ့ ကျေးဇူးရှင် ယခင်စစ်အစိုးရ ကိုယ်တိုင် နောက် ပိုင်းမှာ ကြံ့ခိုင်ရေးအဖွဲ့အစည်းဆိုတာမျိုးတွေ လုပ်လာပြီး နေရာဝင်လုလာခဲ့တာပါဘဲ။ ဒါပေမယ့် ပြည်သူ့ရဲ့ယုံ ကြည်ချက်တွေ၊ မေတ္တာတွေကတော့ သူတို့အပေါ်သီးပွင့်မ သွားခဲ့ရှာ ပါဘူး။
အဲဒီလို ကျွဲခိုးနွားခိုးပေါ်သလိုလုပ်နေရတဲ့ လူမှုရေးအဖွဲ့တွေ၊ အန်ဂျီအိုအဖွဲ့အစည်းတွေထဲကနေ ထင်ထင် တောက်တောက်ဖောက် ထွက်လာတာကတော့ စာရေးဆရာ၊ တေးဆို၊ တေးရေး၊ သရုပ်ဆောင်၊ ဒါရိုက်တာ အကယ်ဒမီ ဘဘဦးသုခတည်ထောင်ပြီး ရုပ်ရှင်မင်း သား ကိုကျော်သူ၊ စာရေးဆရာမသန်းမြင့်အောင်နှင့် အနုပ ညာရှင်အသီးသီးနဲ့ လူမှုရေးဝန်ထမ်းကြီးငယ်များက မိမိတို့နိုင်ရာတာဝန်များ ကနေ အသီးသီးတာဝန်ယူ ဝန်းရံ ထိန်းသိမ်းပြီး ယနေ့အထိအောင်မြင် ထင်ရှားကာ ပြည်သူတွေအားလုံးရဲ့ အားကိုးရာ စံပြအဖွဲ့အ စည်းဖြစ်လာတဲ့ “နာရေးကူညီမှုအသင်းကြီး” ဖြစ်ပါတယ်။
အောင်မြင်ထင်ရှားလာပြီးတဲ့နောက် အမျိုးမျိုးသော အတိုက်အခံ တွေ၊ အတွန်းအပိတ်တွေကို ခါးစည်းခံပြီး ခုနောက်ဆုံး အမေရိကန်ရဲ့အမြင့်ဆုံးကိုယ်စားလှယ် မစ္စတာဂျွန် မက်ကိန်း ကိုယ်တိုင် လာရောက်လည်ပတ်ခြင်းဖြင့်ချီးမြောက်ခံရတဲ့အထိကို စံပြုဖွယ်အောင်မြင်ခဲ့ပါတယ်။ ဒါပေမယ့် အဲလိုပြည်ပ တိုင်းတစ်ပါးကလူတွေကတောင် အသိမှတ်ပြုအားပေးနေခဲ့တဲ့သည့် နာရေးကူညီမှု လိုအဖွဲ့စည်းမျိုးကို သန့်စင်သောခံယူချက်နဲ့ အားပေးအားမြောက်မပြုနိုင်တဲ့အပြင် မသာပါးစပ်ထဲက ငွေတစ် မတ်ကို ဝင်လုချင်တဲ့ အဖွဲ့အစည်းတွေလည်းရှိခဲ့သလို ပြည်သူတွေလည်းသိခဲ့ပါတယ်။
ပြည်သူ့မေတ္တာ၊ ပြည်သူ့ယုံကြည်မှုဆိုတာ အဲလိုဖြတ်လမ်းကယူလို့မရဘူးဆိုတာတောင် မဝေခွဲတတ်တဲ့သူမျိုး တွေက နိုင်ငံ့ဒီမိုကရေစီအရေးလုပ်ဆောင်မယ်ဆိုတော့ ကျွန်တော်ဖျော့တော့တော့ လေးရယ်မိတယ်။ ငါတို့ ကံဆိုးဦးမှာဘဲလို့လည်း သက်ပြင်းချမိတယ်။ နောက်တော့လည်း ကိုယ့်အတွေးဟာ သူတို့အလုပ်တွေဖြစ်လာ တာပါဘဲ ထူးမခြားနားပတ်ပျိုးကို ကိုယ်တို့တိုးတိုးလေး အသံထပ်မြှင့်ဆိုကြရပြန်ရော။
။၃။
ဒီနေရာမှာ ကျွန်တော်အငေါ်တူးတွေးချင်တာလေးတစ်ခုက အရင်တုန်းကလူတွေလိုဘဲ၊ အခုလွှတ်တော်တက် နေတဲ့ ဝန်ကြီး၊ ဝန်ငယ်၊ ဝန်လတ်တွေဟာ ဒေါ်အောင်ဆန်းစုကြည်ကိုမူဝါဒရေးရာအရ ယှဉ်ပြိုင်အနိုင်ယူဖို့မ ကြိုး စားဘဲ။ အငြိုးအတေး အခုအခံကြီးနဲ့ ရန်ရှာနေ သလိုလုပ်နေတာက ဘယ်သူပြောင်းပြောင်း၊ ဘယ်မူပြောင်း ပြောင်း ပေါ်လွင်နေတာပါဘဲ။ တကယ်တော့ သူတို့လိုလုပ်ပိုင်ခွင့် ရှိနေ သူ တွေ ဟာ အိမ်ထဲကထွက်တာနဲ့ နောက် ယောင်ခံအလိုက်ခံ၊ လာနုတ်ဆက်သူကို အိမ်အထိလိုက်ဖိအားပေးခံနေရရှာတဲ့ ဒေါ်အောင် ဆန်းစုကြည် လိုလူ မျိုးထက် အဘက်ဘက်မှာသာလွန်စွာနဲ့ တိုင်းကျိုးပြည်ပြုလုပ်ငန်းတွေကို လုပ်နိုင်ပါရက်နဲ့ မိန်းမတစ် ယောက်ကို ခေါင်းပေါင်းစတလူလူနဲ့ယောက်င်္ကျားကြီးတွေက သဘောထားမကြီးနိုင်ဘဲ ဖိအားပေး ရက်စက်နေတာဟာ ဒီမို ကရေစီစနစ် ကို အကောင်ထည်ဖော်နေတဲ့ လူကြီးလူကောင်းတွေပါဆိုပြီး လူရှေ့ထွက်ပြောနေတာ သူတို့အစား သည်းသည်းခါခါကိုရှက်မိတယ်။
တိုင်းပြည်ဆင်းရဲနေတာသိရှိပါတယ်ဆိုပြီး မိန့်ခွန်းပြောတဲ့ခေါင်းပေါင်းရဲ့လက်မှာစွပ်ထားတဲ့ လက်စွပ်က သိန်း ရာချီတန်တဲ့ အရည်ေ ကာင်းကျောက်ကြီးဋ္ဌာပနာလို့။ ပြည်သူတွေဘဝကို အသိမှတ်ပြုဖို့ ရထားတက်စီးပြတဲ့ ခေါင်းပေါင်းစီးတဲ့ရထားက ကျွန်တော်တို့နေ့တိုင်း ကြော်ခွဆင်းရတဲ့ပန်းသည်တွေ၊ ကုန်ထုတ်တွေမပါဘူး။ အဲဒီ ခေါင်းပေါင်းကို တစ်မနက်လောက် မြောက်ဥက္ကလာအဝိုင်းကြီးကနေ ဒါမှမဟုတ် လှိုင်သာယာမီးခွက်ဈေး ထိပ် ကနေ မြို့ထဲလောက်အထိ ကားတိုးစီးဖို့ဖိတ်ခေါ်ကြည့်ချင်စိတ်လည်း အူထဲမှာမြူးသွားတယ်။ သူငယ်ချင်းတစ် ယေက်ကတော့ ငါနဲ့တွေ့လို့ကတော့ ထောက်လှမ်းရေးလုပ်ပစ်လိုက်မယ်ဆိုပြီး ရယ်ဟဟကျိန်းတယ်။ ယိုသူမ ရှက်မြင်သူရှက် ဆိုတာ ဒါမျိုးထင်တာဘဲ။ မီဒီယာလွတ်လပ်ခွင့်မြင့်တင်မယ်လို့ ကတိပေးထားတဲ့ခေါင်းပေါင်းက ဘဲ သတင်းစာရှင်း လင်းပွဲလာရင် ကင်မရာ၊ ရီကော်ဒါ၊ ဖုန်းတွေကို ဂျာနယ်ပိုင်ပစ္စည်းဖြစ်ကြောင်း ထောက်ခံစာ ယူလာရမယ်ဆိုပြီးလည်း တခါမှမကြားဖူးတဲ့ ပါးစပ်ဥပဒေတွေထထုတ်တယ်။ တကယ်ဆို လုံခြုံရေးအခြေခံစနစ် တွေ တိုးမြှင့်လိုက်ယုံနဲ့ပြေလည်ရမှာကို ကိုယ့်ကိုပြည်သူနဲ့ ရွှေလမ်းငွေလမ်းဖောက်ပေးမယ့် မီဒီယာကို လည် ပင်းညှစ်ချင်တဲ့ အကျင့်နဲ့အဲလိုလူတွေက ဒီမိုကရေစီဂါထာ ထထကျူးတော့ ကိုယ်စိတ်ပျက်လက်ပျက် ဟက် ဟက်ပက်ပက်ရယ်ခဲ့ဖူးတယ်ဆိုတာ မလွန်းဘူးဗျနော်။ တကယ်ပါ ကင်မရာတို့၊ ဖုန်းတို့၊ အသံဖမ်းစက်တို့ကို ထောက်ခံစာ ရေးပေးရတယ်ဆိုတာ ဘယ်ကမ္ဘာက မီဒီယာလောကမှာမှမကြားဖူးတဲ့ စကားပါဗျာ..။
ဝါးလုံးသိမ်းရမ်းတဲ့အနေနဲ့ နိုင်ငံတကာကိုလည်းနည်းနည်းထည့်ပါရစေ။ နိုင်ငံတကာက ကိုယ်စားလှယ်တွေ လည်း အဲဒီကိစ္စမှာ ရှက်တတ်ရင်ရှက်လို့ရပါတယ်။ ဒီလိုလူတွေကို ပြုံးပြ လက်ဆွဲလာနုတ်ဆက်ပြီးအခွင့်အရေး ယူသွားတာဟာ ခင်ဗျားတို့ကိုယ်တိုင်လည်း အခြောက်စိတ်ရှိနေလို့ဘဲလို့ ပြောရတော့မှာဘဲ။ သူတို့ကတော့ ပြောမှာပေါ့ ငါ့ခေတ်မှာ ငါ့နိုင်ငံတော်အကျိုးငါသည်ပိုးဖို့ဘဲရှိတယ် မင်းတို့ငတုန်းတွေကိစ္စမင်းတို့ဖာသာနိုင် အောင် ရှင်းဆိုပြီးပေါ့။
။၎။
ဒီစကားတွေပြောနေရလောက်အောင် မင်းကဘာကောင်လဲဆိုရင်တော့ ကျွန်တော်ဘာကောင်မှမဟုတ်ပါဘူး။ ဒါပေမယ့် မဖြစ်မနေဖြေရ မယ်ဆိုရင်တော့ အကောင်တော့အကောင်ဘဲ ဒါပေမယ့် ဒီမိုကရေစီ စစ်စစ်ကိုဆာ လောင်နေတဲ့ကောင်ပါလို့ ဖြေလိုက်မှာပါဘဲ။ တိုင်းပြည် အတွက်အလုပ်လုပ်နေတယ်လို့ လေလုံးမထွားချင် ပေမယ့် ပြည်သူတစ်ဦးအနေနဲ့တော့ တိုင်းပြည် အ ရေးအရာကို လမ်းကြောင်း တစ်ခုပေါ်ကနေအမြဲ စောင့် ကြပ်ကြည့်ရှုခဲ့သလို သက်ပြင်းလည်း အမြဲထူထူပူပူ ရှိနေခဲ့သူပါ။ အဲဒါဆိုလည်း ခေါင်းပေါင်း ပေါင်းပြီး စင်ပေါ် တက်ခဲ့ကွာဆိုရင်လည်း မိန်းမတစ်ယောက် မျက်စောင်းခြောက်ခြောက်တွေထိုးပြီး ဇွတ်ကြောက်နေတဲ့ အ ခြောက်ကြီးေ တွနဲ့တစ်စားပွဲထဲ ထိုင်ပြီးပြုံး ရလောက်အောင် သတ္တိမရှိတဲ့အတွက်နိုးလို့ဘဲဖြေရမှာဘဲ..။ ဒါ ကျွန် တော့်ရဲ့ ခရမ်းရောင် သံမဏိခံယူချက်ဘဲ။ လိုအပ်ရင် အသက်ဓာတ်တွေ ယိမ်းချင်ယိမ်းသွားမယ်။
ခင်ဗျားတို့ အဟုတ်ဖြစ်တဲ့နေ့ ကျွန်တော်အပါအဝင်ပြည်သူတွေရဲ့လပ်ခုပ်သံလည်း တစ်ကယ်အုတ်အုတ်ကျယ် ကျယ်မြည်ထွက်လာပါ လိမ့်မယ်။
ကဲပါ အထက်ကကျွန်တော် ဘိုလိုကူးချပြထားတဲ့ ဟာသလေးကို စီလျော်အောင်ဘာသာပြန်ပြပါရစေတော့။ သူ့ အဓိပ္ပာယ်ကတော့ ရေဒီယိုအစီစဉ်တစ်ခုက အစီစဉ်ကြေငြာသူက လမ်းမှာ သူအစီစဉ်တင်ဆက်နေရာဘေး က ဖြတ်သွားသူတစ်ယောက်ကို မိုက်ခရို ဖုန်းထိုးပေးရင်း မေးလိုက်တာ “ခင်ဗျား ကိုယ်ထူကိုယ်ထလုပ်ရတဲ့ စနစ် ကို သဘောကျလားဗျ ”တဲ့..။ အဲဒါကို အမေးခံရတဲ့သူက ရေဒီယိုအစီစဉ်ကြေငြာသူ လုံးဝမျှော်လင့်မထား တဲ့ အဖြေဖြစ်တဲ့ “သဘော မကျဘူး။ လုံးဝလည်းမထောက်ခံဘူး” လို့ ပြန်ဖြေ လိုက် သတဲ့။ အဲတော့ အစီစဉ်ကြေ ငြာသူက “ဘာဖြစ်လို့ ဒီ လောက်တောင်မလိုလားရတာလဲဗျာ” လို့ပြန်မေးလိုက်တော့ ..သူက “ကျွန်တော်က ရှဲဒိုး စာရေးဆရာလေ” တဲ့…ခုလက်ရှိ ဒေါ်အောင်ဆန်းစုကြည်အပါအဝင်၊ နိုင်ငံရဲ့ကောင်းရာကောင်းကြောင်းတွေကို လုပ်နေတဲ့ သူတွေကို တာဝန်ရှိသူတွေရဲကဆက်ဆံနေပုံ..သဘောထားနေပုံက အဲဒီဟာသလေးထဲက ရှဲဒိုးစာ ရေးဆရာလိုဖြစ်နေသလား လို့ တွေးပြုံးလေးပြုံးရင်း………………..။ ။
ချစ်ခင်လေးစားစွာဖြင့်
စိမ်းခက်စိုး
(သောကြာနေ့) ဇွန်လ ၃၀၊ ၂၀၁၁
နံနက် - ၁၂း ၃၉ နာရီ
သတင်းအကျဉ်းချုပ် ...
ဒါပြည်တွင်းမှာ ဇူလိုင်လထဲမှာ ဖြန့်ဝေဖို့လုပ်ထားတဲ့ ပို့စကဒ်ဒီဇိုင်းလေးပါ။ အွန်လိုင်း. ပြည်တွင်းသို့တတ်နိုင်သမျှဖြန့်ဝေပေးကြပါရန်...
ပေးပို့သောခေတ်နေအားကျေးဇူးတင်ရှိပါသည်...
သတင်းအကျဉ်းချုပ် ...
၂၀၁၀ ရွေးကောက်ပွဲမှာ ပါဝင်ယှဉ်ပြိုင်ခဲ့ကြတဲ့ ပါတီခေါင်းဆောင်တချို့က ရယ်သလို မောသလိုနဲ့ သတင်းတပ်ဖွဲ့ ဝင်တွေကို ပြောတတ်တယ်။ “ကျုပ်တို့ကိုတော့ ဟိုတားဒီတားနဲ့ NLD ကိုတော့ လုပ်ချင်တာ လုပ်ခွင့်ပေးတယ်။ ခင်ဗျားတို့က မမိုက်ပါဘူးဗျာ”တဲ့။ မှတ်ပုံတင်နိုင်ငံရေးပါတီထက် မှတ်ပုံတင်မထားတဲ့ ပါတီကို ပစား ပေးနေခြင်းအပေါ် နားမလည်နိုင်လာတော့တဲ့ပုံ ရှိလာပါတယ်။
ခက်တာက ပြည်သူအများစုအနေနဲ့ ရွေးကောက်ပွဲဝင်ပါတီတွေ ဘာလုပ်နေသလဲဆိုတာထက် NLD ဘာလုပ်နေသလဲဆိုတာကို ပိုစိတ်ဝင်စားကြတယ်။ ဒေါ်စု ဘာလုပ်တော့မလဲဆိုတာ လူထုနိုင်ငံရေးလိုဖြစ်နေတာ ဘယ်လိုလုပ်ကြမလဲ။ ရေခဲမုန့်ကျွေးပြီး ဒေါ်စုနိုင်ငံရေးကို မကြည်နဲ့နော်လို ပြောလို့ရတာမှ မဟုတ်ဘဲ။ နည်းနည်းလေးတော့ ကြောက်တယ်၊ ဒါပေမယ့် မထောက်ခံဘဲလည်း မနေနိုင်ပေါ့။ ဒေါ်အောင်ဆန်းစုကြည် နောက်ဆုံးတစ်ခေါက် နေအိမ်အကျယ်ချုပ်က မလွတ်ခင်မှာ ပြည်ထဲရေး ဌာနက တာဝန်ရှိသူနဲ့ ဒေါ်စုတို့တက္ကသိုလ်ရိပ်သာလမ်းက အိမ်မှာ တွေ့ကြတော့ လိုအပ်တာ ပြောပါ။ ကူညီပါ့မယ်လို့ ရဲအရာရှိကြီး ကမ်းလှမ်းခဲ့တာကို မှတ်မိပါသေးတယ်။ ဒေါ်စုနဲ့ NLD အခုလို နိုင်ငံရေး ဆက် မလုပ်ဖို့ ပြည်ထဲရေးဝန်ကြီးက အကြောင်းကြားစာ ပို့ လိုက်ပြီးတဲ့နောက် ပြည်ထဲရေးဝန်ကြီးနဲ့ တွေ့ဆုံ လိုပါကြောင်း ဒေါ်စုဘက်က ပြန်လည် ပြောဆိုလိုက်ပါတယ်။ သမ္မတကြီးရဲ့ အစိုးရအဖွဲ့မှာပါတဲ့ ပြည်ထောင်စုဝန်ကြီး အဆင့်လောက်ကိုသာ စကားပြောခွင့် တောင်းဆိုတာဖြစ်ပါတယ်။ ပြန်လည် လွတ်မြောက်ပြီးတဲ့ နောက်ပိုင်း အစဉ်တစိုက် တွေ့ဆုံဆွေးနွေးဖို့ကို ဒေါ်စုတောင်းခဲ့ပေမယ့် အစိုးရသစ်ကလည်း တုတ်တုတ်မှ မလှုပ်ခဲ့ပါဘူး။
အစိုးရသစ်ရဲ့ဟန်းနီးမွန်းရက်(၁၀၀) ပြည့်ခါနီးတဲ့အထိ တုံဏိဘာဝေပါဘဲ။ အာဏာပိုင်တွေဘက်က ဒေါ်စုနဲ့ NLDကို ဘယ်လိုအနေအထား၊ ဘယ်လောက်အတိုင်း အတာမှာ “တည်”ထားစေချင်သလဲဆိုတာ စဉ်းစားရပါမယ်။ ရွေးကောက်ပွဲလမ်းကြောင်းပေါ် အမှန်တကယ် တက်စေချင်တာလား၊ နိုင်ငံရေးလိုလို လူမှုရေးလိုလိုနဲ့ လုံးပြီး ပျော်သလိုနေ၊ ရေချိန်တစ်ခုထက် မကျော်စေနဲ့ သဘောလား။ အီလယ်လယ်ဖြစ်လာတော့လည်း တောင်တွေးမြောက်တွေး တွေးလာကြပါတယ်။
နံပတ်ဖိုက်ဂီယာထိုးပြီး အရှိန်နဲ့မောင်းလာတဲ့ကားကို နံပတ်ဝမ်း တန်းထည့်ခိုင်းလို့တော့ မဖြစ်ပါဘူး။ လေးကနေသုံး၊ သုံးကနေ နှစ်ပေါ့။ ၂၀၀၈ဖွဲ့ စည်းပုံကို NO လုပ်တယ်၊ ၂၀၁၀ရွေးကောက်ပွဲကို NO လုပ်တယ်၊ ၉၀ရလဒ်ကို မဖြည်ဘူး၊ ဒဏ်ရာဗရပွ ခံထားရတဲ့ အတိုက်အခံပါတီကြီး NLDကို ဂငယ်ကွေ့ တန်းကွေ့ခိုင်းလို့တော့ မဖြစ်ပါဘူး။ ကိုယ့်နေရာမှာသူ၊ သူ့နေရာမှာကိုယ်ဆိုပြီး အပြန်အလှန် ကိုယ်ချင်းစာစိတ်တော့ ထားကြမှ နိုင်ငံရေးစိတ်ဝမ်းကွဲမှုတွေ လျော့ပါးပြီး ပြန်လည်သင့်မြတ်ရေးဆိုတာ ဖြစ်မှာမဟုတ်လား။
ဒေါ်စု ပြန်လွတ်ခါစ ပြောတာဆိုတာတွေဟာ အတော်ကလေး ညင်သာလို့ တည်ဆဲအစိုးရပေါ်မှာ အင်မတန် ပျော့ပျောင်းပြီးခါမှ အခုလို တင်းတင်းမာမာ ဖြစ်လာရတာဟာ သူ့ကို ဥပေက္ခာပြုထားလို့၊ သိုသိုသိပ်သိပ်တောင် အဆက်အသွယ် မလုပ်လို့ဘဲဖြစ်ပါတယ်။ ဒီကာလတလျောက်မှာ ဒေါ်စုဘက်က လမ်းကြောင်းတွေ မြောက်မြားစွာဖွင့်ပေးခဲ့၊ လျိူ့ဝှက်စွာနဲ့ အများကြီးလိုက်လျောခဲ့ပါတယ်။ ကာယကံရှင်တွေ သိကြပါတယ်။ ဖိုင်နယ်မပြောနဲ့ ကွာတားလောက် မရောက်ခင်မှာဘဲ လမ်းစတွေ၊ လမ်းကြောင်းတွေ ပြတ်တောက်ကုန်ပါတယ်။ ဒေါ်စု စိတ်ပျက် လက်ပျက်ဖြစ်ရပါတယ်။
ပြည်တွင်းငြိမ်းချမ်းရေးကာလတုန်းက တောထဲကကွန်မြူနစ်ပါတီကို ရန်ကုန်မြို့ပင့်ဖိတ်ပြီး ဆွေးနွေး စကားပြောကြတော့ အထမမြောက်ခဲ့ဘူး။ ရန်ကုန်မှာ ကွန်မြူနစ်ဆဲလ်အသစ်တွေ မွေးခဲ့နိုင်တာဘဲ အဖတ်တင်တယ်လို့ ဝေဖန်ခဲ့ဖူးပါတယ်။ နောက်သုံးနှစ်ဆို ဒေါ်စု အသက်(၇၀)ပြည့်ပါတော့မယ်။ မြန်မာ့နိုင်ငံရေးရဲ့ ဟာကွက်စစ်စစ်ကို လက်တွေ့ကျကျ ဖြည့်ဆည်း ဆောင်ရွက်ပေးလိုတဲ့စိတ် ဒေါ်စုမှာ တည်ရှိနေပါပြီ။ ဒေါ်စုဟာ ကွန်မြူနစ်မဟုတ်လို့ အရင်က မြန်မာ့သမိုင်း အကြမ်းပတမ်းကာလက အတွေ့အကြုံတွေနဲ့ ယှဉ်ထိုးဖို့ မသင့်ပါဘူး။
ပြည်သူတွေလည်း အေးချမ်းချင်ကြတယ်၊ အစိုးရလည်း အေးချမ်းချင်တယ်၊ နိုင်ငံရေးသမားတွေလည်း အေး
ချမ်းချင်တယ်၊ ဒေါ်စုလည်း အေးချမ်းချင်တယ်။ တော်လှန်ရေးတွေဖြစ်မှ၊ အဆုံးစွန် “၀ုန်း”လိုက်မှ ဆိုသူတွေကိုတော့ ထားပစ်ခဲ့လိုက်ပါ။ ဘယ်သူမှ ဆူဆူပူပူဖြစ်တာ မမြင်ချင်ဘူး၊ မြင်ချင်တာက အစိုးရတာဝန်ရှိသူတွေနဲ့ ဒေါ်အောင်ဆန်းစုကြည် တစားပွဲထဲထိုင်ပြီး နိုင်ငံရေးအကြောင်းတွေ ပြောဆိုကြတာပါ။ အပြန်အလှန် ကူညီရိုင်းပင်းနေကြတာပါ။ ဒါဟာ မြန်မာပြည်သား အားလုံးရဲ့ဆန္ဒပါ။ NLDရဲ့ ဆန္ဒမဟုတ်ဘူး၊ KNUရဲ့ ဆန္ဒမဟုတ်ဘူး။ အမေရိကန်ရဲ့ဆန္ဒမဟုတ်ဘူး၊ ကုလသမဂ္ဂရဲ့ ဆန္ဒမဟုတ်ဘူး။ ပြည်ထောင်စုသားအားလုံးရဲ့ ဆန္ဒပါ။
ဒီမိုကရေစီရေးအတွက် နှစ်ပေါင်း (၂၀)ကျော် ရုန်းကန်၊ မျှော်လင့်တာတွေ မဖြစ်ခဲ့တာများပြီး အသက်အရွယ်
အားဖြင့်လည်း ကြီးရင့်လာပြီဖြစ်တဲ့ ဒေါ်စုအတွက် ကမ္ဘာကျော်အတိုက်အခံဆိုတဲ့ ဂုဏ်ပုဒ်ကို နောက်ဆုံးထွက်သက် အထိ ဖက်တွယ်သွားပြီး ထောင်ထဲကို ပြန်ဝင်သွားဖို့လည်း ၀န်လေးနေမှာ မဟုတ်ပါဘူး။ ဒီလိုမျိုး အဆုံးသတ်မှုကိုပြည်သူတွေက မမြင်ရက်ပါဘူး။ မြန်မာ့သမိုင်းမှာ ဒီလိုမှတ်တမ်းမျိုး ရေးသားတော့မယ့် ခေတ်သစ်သမိုင်းဆရာတို့ရဲ့ လက်ညှိုးထိုးအပြစ်တင်မယ့် သမိုင်းတရားခံဘ၀ကို ကျွန်တော်တို့ အားလုံး အပို့မခံပါရစေနဲ့။
ဒေါ်အောင်ဆန်းစုကြည် လုပ်ပေးနိုင်တာတွေ ရှိပါတယ်။ ပြည်ထဲရေးဝန်ကြီးအနေနဲ့ဒေါ်စုနဲ့ စကားစမြည် ပြောကြည့်ပါ။ တစ်နိုင်ငံလုံး အပြုံးပန်းတွေဝေပြီး မေတ္တာတွေ လွှမ်းသွားပါစေ့မယ်။
အောင်မျိုးထွန်း
၃၀- ၆- ၂၀၁၁
သတင်းအကျဉ်းချုပ် ...
KIA ဌာနချုပ် လိုင်ဇာ။
သတင်းတွေက အမျိုးမျိုးထွက်နေတယ်။ လိုက်ဇာမြို့ကိုတိုက်ဖို့ တရုတ်ပြည်ထဲကို စစ်သားတွေရာချီပြီး ပို့နေတယ်ဆိုတာကော၊ ကချင်ငြိမ်းချမ်းရေးတပ်တွေကို ကေအိုင်အေနဲ့ပြန်တိုက်ခိုင်းမယ်ကော. . .အမျိုးမျိုးပါပဲ။
စစ်သားဆိုတာကတော့ ဟိုဘက်ဒီဘက် ဘယ်စစ်သားမဆို စစ်ပွဲကိုကြုံလာရရင် အနိုင်ရဖို့ တိုက်ကြပါလိမ့်မယ်။ ဒါ ခေတ်အဆက်ဆက်၊ သမိုင်းအဆက်ဆက် အတိုင်းတိုင်းအပြည်ပြည်က စစ်သားတိုင်းရဲ့ ဖြတ်သန်းမှုပါ။ စစ်ပွဲတပွဲဖြစ်လာတိုင်း စစ်သားတွေကတော့ သူတို့စစ်ပွဲမှာ အောင်မြင်ရေး အတွက် တိုက်ခိုက်ကြမှာပါပဲ။ တချိန်တည်းမှာသူတို့ရှင်သန်ရေး၊ စစ်ပွဲတွေဆိုတာ ပန်းနဲ့ပေါက်တာမဟုတ်ဘူး။ ကျည်ဆံ၊ ဗုံးဆံတွေနဲ့ ပစ်ကြတာပါ။ ဒီတော့ ကိုယ့်အသက်ရှင်သန်ရေးအတွက် ကိုယ်ဆန့်ကျင်တိုက်ရတဲ့ ရန်သူကို သတ်ကြရတော့မှာပါ။ စစ်ပွဲတွေမှာ တရားမျှတမှုဆိုတာ မရှိပါဘူး။ အနိုင်ရရေးအတွက် နည်းလမ်းမျိုးစုံကို အသုံးပြုကြပါလိမ့်မယ်။ ဟိုဘက် ဒီဘက် ဆန့်ကျင်ဘက် နှစ်ဘက်စလုံးက စစ်ပွဲတွေကို မနိုင်နိုင်အောင် အားထုတ်တိုက်ကြတဲ့အခါ နည်းလမ်းမျိုးစုံသုံးပါတော့မယ်။
စစ် ဆိုတာ ဖြစ်လာရင် စစ်သားတွေအဖို့က နိုင်အောင် တိုက်ဖို့တခုပဲ ရှိပေမယ့် အဲဒီ စစ်ဘာကြောင့်ဖြစ်ရသလဲ၊ အဲဒီ စစ်ကို မဖြစ်အောင် ကာကွယ်တားဆီးလို့ရနိုင်သလား၊ စစ် ကိုရှောင်ကွင်းမယ့် တခြားနည်းလမ်းရှိနိုင်သလား ဆိုတာတွေကို ရှာဖွေဖို့ကတော့ ခေါင်းဆောင်တွေ၊ အဲဒီ စစ်ပွဲကို ဖန်တီးတဲ့ အာဏာပိုင်တွေ၊ နိုင်ငံရေးသမားတွေ ရဲ့အလုပ်ပါ။
မြန်မာပြည် လွတ်လပ်ရေးကြိုးပမ်းမှုသမိုင်းမှာ တကမ္ဘာလုံး ရှောင်လို့ ကွင်းလို့မရမယ့် ဒုတိယကမ္ဘာစစ်ကြီးဖြစ်လာတော့ ကိုလိုနီနဲ့ ဖက်ဆစ် ရဲ့ အားပြိုင်တဲ့ အဲဒီစစ်ပွဲကြီးမှာ ဘယ်ဘက်အခြမ်းကပါကြမလဲ ဆိုတာ ကျွန်ဘ၀ရောက်နေတဲ့ နိုင်ငံအသီးသီးက လွတ်လပ်ရေး လှုပ်ရှားမှုတွေလုပ်နေကြတဲ့ ခေါင်းဆောင်အသီးသီးတွေကြားမှာ ဆွေးနွေးစရာဖြစ်လာပါတယ်။ အင်္ဂလိပ်၊ အမေရိကန်နဲ့ မဟာမိတ်နိုင်ငံများဟာ သူတို့ကို စစ်ရေးအရကူညီတဲ့ ကိုလိုနီနိုင်ငံများကို စစ်ကြီးပြီးရင် လွတ်လပ်ရေးပေးမယ် လို့ စည်းရုံးခဲ့သလို ဂျပန်လို ဖက်ဆစ် တွေကလည်း အာရှတိုက်သာတူညီမျှရေး ဆိုတဲ့ ကြွေးကြော်သံနဲ့ စစ်ချီစစ်မောင်းပြုခဲ့ကြတယ်။ အင်္ဂလိပ်ကို စစ်ကူမကူ ဆုံးဖြတ်ကြတဲ့ အခါမှာ လက်ဝဲအင်အားစုတွေ(သခင်စိုးတို့ ကွန်မြူနစ်တွေ)၊ အင်္ဂလိပ်လိုလားတဲ့ ၀ါရင့်နိုင်ငံရေးသမားကြီးတွေ(ဦးစောတို့လိုလူမျိုးတွေ)က အင်္ဂလိပ်ကို ပြတ်ပြတ်သားသားကူမယ်၊ ဂျပန်ကို ဖက်ဆစ်အနေနဲ့ ဆန့်ကျင်ရမယ်လို့ ဆုံးဖြတ်ကြပါတယ်။
ဒို့ဗမာအစည်းအရုံး အထွေထွေညီလာခံ ကျင်းပတော့ အင်္ဂလိပ်ကို စစ်ရေးအရ ကူမကူ ခေါင်းစဉ် ကို ဆွေးနွေးဖို့လာတဲ့ သခင်လူငယ်အများစု ကို ဖိန့်ဖိန့်တုန်သွားအောင် ဘယ်သူနဲ့မှ မတူတဲ့ အဆိုတရပ်ကို တင်သွင်းခဲ့တဲ့သူကသခင်အောင်ဆန်းပါ။
ဒီစစ်ကြီးကို အခွင့်အရေးတရပ်အနေနဲ့ သဘောထားပြီး အင်္ဂလိပ်ကို လက်နက်ကိုင်တိုက်မယ် တဲ့။ လက်နက်ဆိုလို့အပ်တိုတချောင်းတောင်မရှိတဲ့ သခင်တွေက အင်္ဂလိပ်ကို လက်နက်ကိုင်တိုက်မယ်လို့ အဆိုတင်သွင်းလိုက်တာဟာ ဘယ်က လက်နက်ရမှာလဲ လို့ ပြန်မေးစရာဖြစ်ခဲ့ပါတယ်။ ဒီတော့ သခင်အောင်ဆန်းက“သူခိုးဓါးပြတောင် ကိုယ့်လက်နက်ကို ဖန်တီးနိုင်သေးရင် ခင်ဗျားတို့ ကျုပ်တို့ တိုင်းပြည်လွတ်လပ်ရေးအတွက် အလုပ်လုပ်မယ့် သူတွေက ဘာလို့ မရှာနိုင်ရမှာလဲ” လို့ ပြန်ပြောခဲ့တယ်။ အဲဒီ အစည်းအဝေးမှာ အဲဒီ စကားဟာ နောင်တချိန် ဒီနေ့ခေတ် မြန်မာ့တပ်မတော်ရယ်လို့ ဖြစ်လာမယ့် တပ်မတော်သမိုင်းကို စဖွင့်လှစ်ပေးခဲ့တဲ့ စကားတခွန်းပါ။ ခေတ်မြန်မာပြည်မှာ တပ်မတော်ဆိုတာကို ပထမဆုံးပေါ်ပေါက်လာဖို့ ဖန်တီးခဲ့တဲ့ စကားတခွန်းပါ။
တပ်မတော်ရဲ့ သမိုင်းကို ပြန်ပြောရင် ဟိုးပဝေသဏီက ပဒေသရာဇ်တွေရဲ့ သမီးပေးနှမယူပြီး ကိုယ့်အမျိုးသားချင်းတိုက်တဲ့ တပ်မတော်တွေ၊ အိမ်နီးချင်းနိုင်ငံတွေကို အားအားရှိတိုက်ခဲ့တဲ့ တပ်မတော်တွေကို စကားထဲ ထည့်လုပ်ပြီးပြောတယ်ဆိုတာ အင်မတန်မှ ရှက်စရာကောင်းပါတယ်။ ဒီနေ့မြန်မာ့တပ်မတော်ဆိုတာ အင်မတန်မှ ဥာဏ်အမြော်အမြင်ကြီးမားတဲ့ တိုင်းပြည်အတွက် အသက်ကိုစတေးခဲ့ကြတဲ့ မျိုးချစ်စိတ်ဓါတ်ပြင်းထန်တဲ့ လူငယ်တွေရဲ့ကြိုးပမ်းမှုနဲ့ပေါက်ဖွားခဲ့တဲ့ တပ်မတော်ပါ။ ပဒေသရာဇ်တွေရဲ့ လက်ကိုင်တုတ်တပ် မဟုတ်ဘူး။
တပ်မတော်ရဲ့ ဖခင် ဆိုတာ အလကားနေရင်း မြှောက်ပင့်ပေးထားတဲ့ စကားမဟုတ်ပါဘူး။ သူစခဲ့တဲ့ စကားအတိုင်း အဲဒီ တပ်မတော်ကြီး ရုပ်လုံးပေါ်လာဖို့ သူကိုယ်တိုင် ပြည်ပကိုထွက် သူကိုယ်တိုင် အဆက်အသွယ်ရှာ သူကိုယ်တိုင် ပါဝင်ဖွဲ့စည်းခဲ့တာ အားလုံး သိပြီးသားပါ။
အဲဒီ အစည်းအဝေးမှာ သခင်အောင်ဆန်းကို ခံစားမှုနဲ့စကားပြောတယ်၊ မဖြစ်နိုင်တာကို ပြောတယ်လို့ ကောက်ချက်ချကြမယ့် လုပ်ဖေါ်ကိုင်ဖက်တွေ ဘယ်လောက်များကြမလဲ ဆိုတာ တွေးကြည့်လို့ရပါတယ်။
ပထ၀ီအနေအထားအရ ဒုတိယကမ္ဘာစစ်မှာ မြန်မာပြည်ဟာ စစ်တလင်း ဖြစ်ကို ဖြစ်ရမယ့်အခြေအနေပါ။ အဲဒီအချိန်မှာ နိုင်ငံအသီးသီးက ခေါင်းဆောင်တွေဟာ အင်္ဂလိပ်ချပေးတဲ့ နိုင်ငံရေးလမ်းကြောင်းကိုပဲ ဈေးအလျှော့အတင်းဆစ်ကြရင်း လွတ်လပ်ရေးအတွက် ပုံဖေါ်ကြတယ်(ဥပမာ အိန္ဒိယက နေရူးတို့လိုပေါ့)။ ဗိုလ်ချုပ်အောင်ဆန်းကတော့ စစ်တလင်းဖြစ်မယ့် တိုင်းပြည်ရဲ့ အခြေအနေကို တိုင်းပြည်အတွက် အကျိုးရှိမယ့်ဆုံးဖြတ်ချက်ပြတ်ပြတ်သားသားချခဲ့တယ်။ ဗိုလ်ချုပ်ဟာ သွေးဆာနေတဲ့ စစ်သွေးကြွမဟုတ်ဘူး။ ဒါပေမယ့် ဒီဒုတိယကမ္ဘာစစ်ကိုပဲ အသုံးချပြီး မြန်မာတွေကို ကိုယ့်ကြမ္မာကိုယ်ဖန်တီးခွင့်၊ ကိုယ့်ကိုယ်ကိုယ် ယုံကြည်မှုတွေပိုရှိလာမယ့် အမျိုးသားစိတ်ဓါတ်တွေမြင့်မားလာခွင့်ကို ဖန်တီးခဲ့တယ်။ ဂျပန်နဲ့ပေါင်းပြီး အင်္ဂလိပ်ကိုတိုက်ခဲ့ပေမယ့် တချိန်မှာ ဂျပန်ကို ပြန်တော်လှန်ရမယ်ဆိုတာကိုလည်း အမြဲပြင်ဆင်ပြောဆိုခဲ့ပါတယ်။ဖက်ဆစ်နဲ့ပေါင်းခဲ့ပေမယ့် ဖက်ဆစ်မဟုတ်ဘူးဆိုတာကို သူ့ကို အကဲခတ်ခဲ့တဲ့ လော့ဒ်မောင့်ဘက်တန် လို မဟာမိတ်ခေါင်းဆောင်တွေကတောင် ပြတ်ပြတ်သားသား အသိအမှတ်ပြုရတဲ့ အထိ အနေအထိုင်မှန်ခဲ့တယ်။ ဒါကြောင့်ပဲ စစ်ပြီးတဲ့အချိန်မှာ ဖက်ဆစ် စစ်ရာဇ၀တ်ကောင်အနေနဲ့ စစ်ခုံရုံးမတင်ခံရတာပေါ့။ အင်္ဂလိပ်အလိုတော်ရိ နိုင်ငံရေးသမားတချို့(ဦးစောတို့ အုပ်စုလို့ပဲ သိထားပါတယ်)က ဗိုလ်ချုပ်ကို စစ်ခုံရုံးတင်ဖို့ ကြိုးစားခဲ့ကြသေးတယ်။
ဝါဒစွဲနဲ့ လက်ဝဲ အုပ်စုတွေက ဖက်ဆစ်နဲ့ပေါင်း လို့ ဆန့်ကျင်ကြတယ်။ ၀ါဒစွဲနဲ့ပဲ အဲဒီလက်ဝဲတွေက စစ်ပြီးလို့ ကက်ဘိနက်အုပ်ချုပ်ရေးမှာ လွတ်လပ်ရေးကို တိုက်ယူရမယ်လို့ ဆုံးဖြတ်ခဲ့ကြပြန်ပါတယ်။
၁၉၄၇ ဇန်န၀ါရီလ ၂၇ ရက်နေ့မှာ ချုပ်ဆိုခဲ့တဲ့ တနှစ်အတွင်းလွတ်လပ်ရေးပေးပါ့မယ် လို့ အင်္ဂလိပ်အစိုးရက တိတိလင်းလင်း ကတိပြုခဲ့တဲ့ အောင်ဆန်းအက်တလီစာချုပ်ပါ အချက်တွေကြောင့် ဗိုလ်ချုပ်အောင်ဆန်းနဲ့ ဖဆပလ အဖွဲ့ချုပ်ကို ကွန်မြူနစ်တွေက ဖေါက်ပြန်သွားပြီလို့ စွတ်စွဲ၊ လွတ်လပ်ရေးဟာ အတုပါ လို့သတ်မှတ်ပြီး လက်နက်ကိုင်ခဲ့တယ်။
လွတ်လပ်ရေးရဖို့ လက်နက်ကိုင်လမ်းစဉ်ကိုပဲရွေးချယ်ဖို့ ဆုံးဖြတ်ကြ၊ ဗိုလ်ချုပ်ကိုလည်း တိုက်တွန်းကြတယ်။
အဓိက ပြောချင်တဲ့ သမိုင်းရဲ့ အခန်း၊ အစိတ်အပိုင်းက ဒီမှာပါ။
အဲဒီအချိန်မှာ ဗိုလ်ချုပ်အောင်ဆန်းမှာ ပြည်သူ့ရဲဘော်အပါအ၀င် တပ်မတော်တရပ်လည်းရှိနေပြီ။ အင်္ဂလိပ်နဲ့ ဂျပန်နဲ့တိုက်ခဲ့တဲ့ အထိုက်အလျောက်စစ်ရေးအတွေ့အကြုံလည်း ရှိနေပြီ။ လက်နက်တွေဆိုတာ တနိုင်ငံလုံး အလျှံပယ်ဖြစ်နေတယ်။(နောက်တော့ အဲဒီ လက်နက်တွေနဲ့ပဲ တောခိုကြ၊ ပြည်တွင်းစစ်ကြီးဖြစ်ခဲ့ရပါတယ်)။ အဲဒီအချိန်မှာ စစ်သွေးကြွ ဘာမဆိုတိုက်မယ်ဆိုတဲ့ ခေါင်းဆောင်တယောက်သာ ဆိုရင် တိုက်မယ်လို့ ဆုံးဖြတ်မှာပါပဲ။ ဒါပေမယ့် ဗိုလ်ချုပ်အောင်ဆန်းဟာ ဘယ်ဝါဒကိုမှလည်း ရှေ့တန်းမတင်၊ ဘယ်သူ့ကိုမှလည်းမျက်နှာမထောက်၊ ပြည်သူလူထု အကျိုးစီးပွားတခုတည်းကိုသာ ရှေ့ရှုဦးတည်တဲ့ အင်မတန်မှ အမြှော်အမြင်ကြီးမားတဲ့ ခေါင်းဆောင်ကောင်းတယောက်ပါ။ တိုင်းပြည်ဟာ အင်္ဂလိပ်နဲ့ ဂျပန်နဲ့ စစ်တလင်းမှာ ဖွတ်ဖွတ်ညက်ညက်ကျေနေပြီဆိုတာ သူ သဘောပေါက်တယ်။ အတတ်နိုင်ဆုံး စစ်ကိုရှောင်ကွင်းပြီး နိုင်ငံရေးနည်းနဲ့သာ ဖြေရှင်းဖို့၊ စားပွဲဝိုင်းမှာတွေ့ဆုံဆွေးနွေးညှိနှိုင်းမှုတွေလုပ်ပြီး လွတ်လပ်ရေးကို ယူဖို့ ဆုံးဖြတ်ခဲ့တယ်။ အိန္ဒိယက နေရူးတို့က ဒိုမီနီယာန်လွတ်လပ်ရေးသာယူပြီး တိုင်းပြည်ဖွံ့ဖြိုးမှုကို အရင်လုပ်ဖို့ အကြံပေးတာတောင် ကွန်မြူနစ်တွေရန်ကြောင့်လက်မခံခဲ့ဘူး။ မြန်မာပြည်ရဲ့ နိုင်ငံရေးမှာ မညီညွတ်မှုကြောင့် ဆုံးရှုံးရတာတွေ အများကြီးပါ။ ကျနော်တို့ရဲ တပ်မတော်ဖခင် တပ်မတော်ခေါင်းဆောင် ဗိုလ်ချုပ်အောင်ဆန်းဟာ လိုအပ်ရင် တိုက်ဖို့ဝန်မလေးပေမယ့် မလိုအပ်ရင် အသက်တချောင်းတောင်အဆုံးရှုံးမခံတဲ့ ခေါင်းဆောင်ကောင်းတယောက်ဖြစ်ပါတယ်။
တကယ်လို့များ တပ်မတော်မှာ ဗိုလ်ချုပ်လို အမြှော်အမြင်ကြီးမားတဲ့ ခေါင်းဆောင် တယောက်တလေ လောက် ရှိမယ်ဆိုရင်ဗျာ . . .။
ခု ကချင်ပြည်နယ် အရေးကိစ္စမှာ လက်ရှိအစိုးရ ဟာ အနိုင်ရအောင်တိုက်မယ့် အလားအလာကိုပဲ တွေ့ရတယ်။ ညှိနှိုင်းဖြေရှင်းပြီး ငြိမ်းချမ်းရေးကို တည်ဆောက်မယ့် အလားအလာမတွေ့ရဘူး။ အထူးသဖြင့် တရုတ်နဲ့လုပ်ထားတဲ့စီမံကိန်းတွေကို ကာကွယ်ဖို့ လက်ရှိအစိုးရဟာ ဇွတ်တိုးဝင်တော့မယ့် သဘောတွေ့နေရတယ်။
ကချင်လက်နက်ကိုင်အဖွဲ့အစည်းတွေဆိုတာ ဘာကြောင့်ပေါ်လာလဲ ဆိုတဲ့ ပြဿနာရင်းမြစ်ကို မကြည့်ပဲ၊ မဖြေရှင်းပဲနဲ့တော့ ဘယ်တော့မှ ပြေလည်တဲ့ အဖြေတရပ်ကို ရမှာမဟုတ်ဘူး။ ငါတို့မှာ အင်အားရှိတယ်၊ အပြုတ်တိုက်ပစ်လိုက်လို့ရတယ် လို့ ဆုံးဖြတ်လိုက်ရင် နောက်ဆက်တွဲ ပေးဆပ်ရမယ့် သမိုင်းရန်ကြွေးတွေဟာ မဆုံးနိုင်တင်နေကျန်နေခဲ့တော့မှာပါ။ တပ်မတော်သားတွေဟာလည်း စစ်ပွဲတွေမှာ အသက်တွေအများကြီးပေးဆပ်ကြရဦးမယ်။ ခုကိုပေးဆပ်နေရပြီမလား။ အဲဒီလို သေရကြေရတာတွေအားလုံး ဒီပြည်ထောင်စုသားတွေချည်းပါ။ ခုသေသွားတဲ့ ရဲဘော်တွေ၊ အရာရှိအကြပ်တပ်သားတွေရဲ့ မိသားစုတွေဟာ ဘယ်လောက်ပူဆွေးဝမ်းနည်းနေကြမလဲ။ အဲဒီ ရဲဘော်တွေ၊ အရာရှိအကြပ်တပ်သားတွေရဲ့မိသားစုတွေလိုပဲ တပ်မတော်သားတွေအားလုံးကိုတွေးစေချင်တဲ့ အတွေးတခုက တကယ်လို့ ဒီစစ်ကိုတိုက်ဖို့မလိုပဲ တခြားနည်းနဲ့ဖြေရှင်းလို့ရရင်ကော ဆိုတာပါပဲ။ လိုင်ဇာမြို့ထဲမှာ ကချင်လက်နက်ကိုင်တပ်တွေချည်းပဲ ရှိတာမဟုတ်ဘူး။ အပြစ်မဲ့တဲ့ သာမန်ကချင်ပြည်သူလူထုတွေ၊ အပြစ်မဲ့တဲ့ ကလေးသူငယ်လေးတွေအများကြီးဗျ။(မနေ့တနေ့ကမှ ဒုက္ခသည်စခန်းထဲ မွေးထားတဲ့ကလေးလေး တယောက်တောင် ရှိလိမ့်မယ်) အဲဒီလို အပြစ်မဲ့တဲ့သူတွေဟာ ရက်ရက်စက်စက် တိုက်ပွဲတွေကို ကြုံလိုက်တွေ့လိုက်ရရင် ဘယ်တော့မှ မကြေနိုင်တဲ့ ရန်ကြွေးတွေဟာ များသထက်များသွားတော့မှာပါပဲ။ ဒီပြည်ထောင်စုကြီးအတွင်းမှာ သေနတ်သံတွေစဲဖို့၊ ထာဝရငြိမ်းချမ်းဖို့ဆိုရင် ဒီလမ်းဟာ တက်တက်စင်အောင်လွဲမယ့်လမ်းကြီးပါ။ အမေရိကန်တွေ ဘယ်လောက်ပဲစစ်အင်အားကြီးကြီး အယ်လ်ကိုင်ဒါတွေရဲ့ ခြောက်လှန့်မှုကို နိစ္စဓူဝ ခံနေရတယ်မလား။ ဒါ စ ကတည်းက ကိုင်တွယ်ဖြေရှင်းပုံမှားယွင်းလို့လို့ပဲ ကျနော်မြင်ပါတယ်။
လက်ရှိအစိုးရအနေနဲ့ လုပ်စရာတွေအများကြီး၊ လုပ်ဖို့ကြိုးစားနေတာတွေ အများကြီးလို့ ကျနော်နားလည် ခံယူမိပါတယ်။ မနေ့က ဆရာခင်မောင်ညိုရဲ့ဆောင်းပါးလေးကို ဖတ်ပြီး အစိုးရအနေနဲ့ ကြိုးပမ်းအားထုတ်နေတာတွေ ရှိပါလိမ့်မယ် လို့မြင်မိပါတယ်။ ဆင်းရဲမွဲတေမှုပပျောက်ရေး ဆိုတဲ့ခေါင်းစဉ်နဲ့ ဆွေးနွေးနေတာ၊ ဆက်သွယ်ရေးက လက်ကိုင်ဖုန်းတွေကို တိုးချဲ့ချပေးနေတာ၊ (ဈေးနှုန်းတွေ ဒါ့ထက်ချိုဖို့၊ လိုင်းတွေဒါ့ထက်ကောင်းဖို့၊ အင်တာနက်အသုံးပြုမှုတွေ နိုင်ငံတကာအဆင့်အတန်းမီဖို့ တွေကတော့ လိုပါသေးတယ်) စတဲ့ လုပ်ရပ်တွေဟာ အပြုသဘောဆောင်တဲ့ လုပ်ရပ်တွေလို့မြင်ပါတယ်။ တချိန်တည်းမှာ အဲဒီလို လုပ်ချင်တာတွေ များတဲ့ အစိုးရတရပ်အဖို့ အတိုင်းတိုင်းအမြို့မြို့မှာ ဖေါက်ခွဲတိုက်ခိုက်မှုတွေ ရှိနေလို့ကတော့ ဘာမှ လက်တွေ့အကောင်အထည်ပေါ်လာမှာ မဟုတ်ပဲ ငါးနှစ်သက်တမ်းကုန်ဆုံးသွားလိမ့်မယ်။ သက်တမ်းစေ့ရင် အပေါင်းလက္ခဏာတိုးတက်မှုထက်၊ ရှိပြီးသားတွေတောင် ဖေါက်ခွဲ ဖျက်ဆီးခံလိုက်ရတဲ့ အနုတ်လက္ခဏာကိုဆောင်သွားလိမ့်မယ်။ ခုကို ကချင်ပြည်နယ်မှာ တံတားတွေ ဘယ်နှစင်းပျက်စီးခဲ့ပြီလဲ။
ထပ်ပြီးတောင်းဆိုပါရစေ။
အစိုးရအနေနဲ့ အတတ်နိုင်ဆုံး စစ်ကို ရှောင်ကွင်းပြီး ငြိမ်းချမ်းရေးကို တည်ဆောက်ပေးပါ။ နောက်ဆုံးအချိန်အထိ သဘောထားကြီးကြီးနဲ့ စေ့စပ်ဆွေးနွေးပေးပါ။ ကချင်တိုင်းရင်းသားများရဲ့ အနာတွေ၊ ခံစားမှုတွေကို နားလည်စာနာပေးပါ။ တခြားပြည်နယ်အသီးသီးမှာ ဖြစ်ပေါ်နေတဲ့ တိုင်းရင်းသားများနဲ့ ပဋိပက္ခအားလုံးကိုလည်း ငြိမ်းချမ်းစွာနဲ့ဖြေရှင်းပေးဖို့တောင်းဆိုပါရစေ။
ချိုတူးဇော်
သတင်းအကျဉ်းချုပ် ...
အမေစုက သူအပါအ၀င် ပြည်သူအားလုံးရဲ့ လုံခြုံမှုဟာလက်ရှိ အာဏာပိုင်အစိုးရမှာအဓိကတာဝန်ရှိ
တယ်လို့ ပြောထားတော့ စစ်အစိုးရနဲနဲအကြပ်ရိုက်သွားတယ်၊ ဒါနဲ့သူတို့လုံခြုံရေးကို ကောင်းကောင်းမနိုင်သေးကြောင်းနဲ့ အစိုးရကိုလက်နက်ကိုင်တိုက်နေသူတွေရှိကြောင်း၊ ဒီလက်နက်ကိုင်တွေကြောင့် ပြည်သူတွေလုံခြုံရေးကိုထိခိုက်ကြောင်း ဇတ်လမ်းကြိုဆင်ထားရတော့မယ်၊
ဒါနဲ့ပဲ လက်နက်ကိုင်တိုင်းရင်းသားတွေကို ရန်စတိုက်ခိုက်၊ ပြည်တွင်းမှာစစ်အစိုးရကပဲ ဗုံးထောင်ခွဲပြီး သောင်းကျန်သူတွေဗုံးခွဲကြောင်း သက်သေပြဖို့ကြိုးစား၊ နိုင်ငံရေးသမားတွေအစား လူဆိုးလူမိုက်တွေကို ထောင်ကနေရွေးထုတ်ပြီး အကြမ်းဖက်သင်တန်းပေး စတာတွေလုပ်နေသလို ၊ တစ်ဘက်ကလည်း နိုင်ငံတကာနဲ့ ပြည်တွင်းမှာ အမေစုနဲ့ NLD ရဲ့လှုပ်ရှားမှုတွေက အရှိန်ရလာတော့ အထက်လိုဂွင်တွေဆင်ပြီး အမေစုခရီးထွက်မှ နအဖကနေ သောင်းကျန်သူတွေလုပ်ကြံတဲ့ပုံစံဖန်တီး လုပ်ကြံဖို့ကို မစောင့်နိုင်တော့ပဲ ပေါ်တင်တားမြစ်တာတွေလုပ်လာပြီ... ဒါကထောင်ထဲပြန်ထည့်ဖို့ဂွင်ဆင်နေတာ။ တကယ်တော့ နအဖအကြောက်ဆုံးက ကမ္ဘာပေါ်မှာအမေစုတစ်ယောက်ပဲရှိတယ်၊
ဒီတော့တချိန်လုံးသူတို့ ကြံစည်အားထုတ်နေတာက အမေစုကိုထိန်းသိမ်းဖို့ ဒါမှမဟုတ်လုပ်ကြံဖို့ပဲ၊ ဒီလိုလုပ်ကြံနိုင်မဲ့သူတွေထဲမှာ မိန်းမတွေလည်းဖြစ်ကောင်းဖြစ်နိုင်တယ်၊ သူတို့ကိုယ်တိုင်ဗုံးတွေကို မသိပဲသယ်လာမိတာ၊ ဒါမှမဟုတ်သယ်ဆောင်လာချိန် အဝေးကလှမ်းဖေါက်ခွဲပြီး အသေခံဗုံးလိုလုပ်ပြီးအစဖျောက်လိုက်ကြောင်း သုံးသပ်မိပါတယ်၊
ဒါကြောင့်အမေစုကိုပြောလိုတာက ပြည်သူတွေအတွက် ကိုယ်ကတာဝန်ယူထားမယ်ဆိုရင် ကိုယ့်အသက်ကိုကိုယ်ကာကွယ်ဖို့လည်း တာဝန်ရှိတယ်ဆိုတာကို ဖခင်ဗိုလ်ချုပ်အောင်ဆန်းကို သင်ခန်းစာယူဖို့လိုပါတယ်၊ ဗိုလ်ချုပ်ရဲ့ အဓိကအမှားက အဲဒါပဲလို့ထင်တယ်။ ဆိုလိုတာက မိဘက သားသမီးကိုချစ်တယ်ဆိုရင် မိမိအသက်တိုရာတိုကြောင်းလုပ်တတ်တဲ့အကျင့်တွေကိုပစ်ပယ်ပြီး အသက်ရှည်ရှည်နေရဖို့ကျင့်ရမှာလည်းအဓိက တာဝန်တစ်ခုလို့ ကျနော်ယုံကြည်ပါတယ်။
source: facebook (zawonelay)
သတင်းအကျဉ်းချုပ် ...
မျှဝေသော ကိုအောင်မျိုးထွန်းအားကျေးဇူးတင်ရှိပါသည်...
သတင်းအကျဉ်းချုပ် ...
Photo..jinghpawkasa.blogspot.com
ပြည်တွင်းစစ်ကျနော် လေ့လာရသလောက်ကတော့ အခုလဲ ဖြစ် နောက်သိပ်မကြာခင်ဒီထက်ကြီးတဲ့ ပြည်တွင်းစစ်ဖြစ်မယ့်သဘောရှိတယ်..ဟို လွတ်လပ်ရေးရကာစက မြန်မာစစ်တပ်ဆိုတာ ပြောရရင် ပြည်သူလူထု အများစုရဲ. ထောက်ခံမှုအပြည့်ရတယ်..
သူပုန်တွေကြည့်လိုက်ရင်ကွန်မြူနစ်နဲ. လူမျိုးရေးဦးတည်ချက်တွေဖြစ်နေတယ်.. ဒါကြောင့် ဘယ်လောက်သူပုန်တွေအင်အားတောင့်တောင့် တွန်းလှန်နိုင်ခဲ့တယ်အခုဟာက အဲ့လို မဟုတ်တော့ဘူး ..သူပုန်အားလုံးကိုက တော်တော်လေး ပေါင်းမိနေပြီး အဓိကကလဲ လူမျိုးရေးဆိုတာထက် နိုင်ငံရေးဦးတည်ချက်ကို အဓိကထားလာတယ်.. နောက် မြန်မာလူမျိုး ဖြစ်တဲ့အမေစုကိုလဲ အားလုံးကလက်ခံထားပြီးသား သူတို.ဒေသက ပြည်သူတွေသာမက အတွင်းထဲက ပြည်သူတွေကပါ ထောက်ခံလာကြတယ်...
တပ်ကိုကြည့်လိုက်ရင် တကယ်တော့ တပ်ရင်းတစ်ရင်း ရှစ်ရာဆိုတာ အင်္ဂလိပ်ခေတ်က ပုံပါ ရောင်စုံသူပုန်နဲ. ရင်ဆိုင်ရတာကော နဲ. တပ်တွေခွဲထုတ်တာနဲ. မဆလခေတ်ရောက်လာတော့ ၆၀ဝ လောက်ပဲ များတယ် နောက်လေးရာဖြစ်လာတယ် ....
နဝတခေတ်နောက်ပိုင်းမှာ လေးရာထက်နည်းလာတယ် ကြားတယ် အခုနောက်ဆုံးသတင်းအရ အတောင့်ဆုံးတပ်ရင်းတွေတောင် နှစ်ရာတဲ့ နောက် ကလေးစစ်သားက အများသား ဗိုလ်တွေကလဲ စစ်မဖြစ်တဲ့ အချိန်အတွင်းမှာ ပြစ်မှုမရှိဘာညာနဲ. တိုက်ပွဲမရှိပဲ ရာထူးတက်လာတာ မေဂျာလောက်အထိက သူတို.တွေဖြစ်နေပြီ နောက် မီဒီယာကောင်းတော့ အမြင်ကျယ်တဲ့သူက ပိုကျယ်လာတယ်...နောက် စက်တင်ဘာအရေးအခင်းက တကယ့်ကို အပြောင်းအလဲဖြစ်စေတယ်...
ဒါပေမယ့် အထူး သဖြင့် မြန်မာစစ်တပ်မှာ အထက်က တိုက်ဆိုရင် တိုက်ဆိုတော့လဲ တိုက်ရဦးမှာပဲ ဟိုဘက်က လဲ ထိပ်တိုက်မတွေ.ပဲ ပျောက်ကျားစနစ်ဆိုတာ ကျေညာထားပြီးပြီ.. ကြားရတာတချို.ဆို ပစ်တာတောင် ပွိုင်ဖိုက်ကို မှန်ပြောင်းတပ်ပြီး ပစ်တာ ခေါင်းတွေပြုတ်ထွက်တဲ့သူက ပြုတ်ထွက်ကုန်တယ်ဆိုပဲ သေသွားတော့ လူပျိုက ပြသနာမှရှိဘူး ..အခုလို ခေတ်ပျက်ကြီး ဇနီးမယားငယ်ငယ် သမီးပျိုငယ်ငယ်ထားခဲ့ရတဲ့ သူတွေအဖို.က သေဖို. ဖြောင့်မှာ မဟုတ်ဘူး ..ခြေပြတ်လက်ပြတ်တွေကလဲ ပေါဦးမယ်.. လူကငယ်ငယ်လေး တချို.ဆိုကြားရတာ ပေါင်နှစ်ဖက်လုံးပြတ်သွား လူကတော့ အရာရှိပေါက်စ အသက်က ငယ်ငယ် လာကြည့်တဲ့သူကမရှိသလောက် ဘယ်သူမှလဲ ဒီလို ဒုက္ခိတကို အရေးတယူနဲ. မလုပ်ချင်ဘူးလေ ...သူ.ခမျာ အမှန်တရားတွေပိုသိလာတဲ့အချိန်မှာ ဘယ်လောက်ရင်နာဦးမလဲ...
ငါတို. ခြေတွေလက်တွေပေးတာ တိုင်းပြည်အတွက်တကယ်ကောဟုတ်ရဲ.လားဆိုတာ တကယ်ကို ထိုက်ထိုက်တန်တန်ပေးရတာမျိုးဆိုရင် အသက်ပေးတာတောင် ဘာခံစားချက်မှ မရရင်နေ နေပျော်တယ်ဆိုတဲ့သူတွေက တပ်ထဲမှာ အများကြီးပါ အခုဟာကတော့ခေတ်ပြောင်းလာလာ မလာလာ ဒီဒုက္ခိတတွေက ကျနော်တို. ပြည်သူတွေရဲ. တာဝန်ပါပဲ သူတို.ဟာ ကျနော်တို.လူမျိုးတွေညီအစ်ကိုတွေပါပဲ ဒါပေမယ့် အဲ့လို လူတွေကို မြင် ခြေလက်ကောင်းအောင်လဲ ကိုယ်တွေက ပြန်မလုပ်ပေးနိုင် ထိထိ ရောက်ရောက်လဲ မကူနိုင်တော့ ကျနော်တို. ပြည်သူတွေတော်တော်လေး စိတ်မကောင်းခံစားရဦးမှာပါပဲ ..တိုင်းပြည်ရဲ. တွန်းအားဖြစ်တဲ့ လူငယ်လေးတွေ က တွန်းအားမဖြစ်ပဲ တိုင်းပြည်ရဲ. ဝန်ထုပ်ဝန်ပိုးတွေပဲ ထပ်ဖြစ်လာတာ မြင်ရတာလဲ တကယ်ကို စိတ်မကောင်းစရာပါပဲဗျာ..ဟိုဘက် အတိုက်အခံဘက်ကိုလဲ ဒီလို မျိုးမဖြစ်စေချင်ပါဘူးဗျာ... ကျနော်တို.က တစ်နိုင်ငံတည်းနေနေကြတာပါ တစ်ယောက်စကား. တစ်ယောက် နားမလည်တောင် မြန်မာစကားပြောပြီး ဆွေးနွေးလို.ရပါတယ်ဗျာ..
တိုင်းပြည်တစ်ခုမှာ စစ်တပ်တစ်ခုတည်းပဲ ရှိရမယ်ဆိုတာ ကျနော် အပြည့်အဝထောက်ခံပါတယ်
ဒါပေမယ့် အဲ့ဒီစစ်တပ်က ပြည်သူသာ အမိ ပြည်သူသာ အဖခေါ်မယ့် တပ်ပဲ ဖြစ်ရပါမယ် မဟုတ်ရင်တော့ တခြားစစ်တပ်တွေရှိလာမှာ မလွဲပါ....
အချုပ်ဆိုရသော် ပြည်တွင်းစစ်ကော ပြည်ပစစ်ကော မလိုလားပါဘူး
အဓိက ပြသနာက လက်ရှိမြန်မာအစိုးရပါ..ဟိုဘက်က ထောက်ခံပြီးသားမြန်မာလူမျိုးခေါင်းဆောင်ဖြစ်တဲ့ အမေစုဆိုတာလဲ ရှိနေပြီ ဆိုတော့ကာ သူကို.ဦးဆောင်စေပြီး ဒီပြသနာကို အမြန်ဆုံးရှင်းစေချင်ပါတယ်ဗျာ...
ဒါမျိုးဖြစ်စေဖို.က တပ်က ညီအစ်ကိုတွေကို ပြောချင်တာ အားလုံးညီညီညွှတ်ညွှတ်နဲ. ဆိုင်ရာအထက်ကို စာရေးလက်မှတ်ထိုးပြီး တောင်းဆိုသင့်ပါတယ်... ဒါဟာ စစ်မတိုက်ရဲ လို. သတ္တိမရှိဘူးလို. ပြောမရပါဘူး ဒါဟာ ဖြစ်သင့်ဖြစ်ထိုက်တာကို တိုင်းပြည်အတွက် အသက်တောင်ပေးထားတဲ့တပ်မတော်သားတွေအနေနဲ. လုပ်သင့်တဲ့ကိစ္စလို. ထင်လို.ပါ ..ခက်ခဲမယ်ဆိုတာ နားလည်ပါတယ် အခုအချိန်မှာ တပ်မတော်သား အများစုကသာ အဓိကပါ ဒီအရေးအခင်းနဲ.ပတ်သက်ရင်။
ဒီသူပုန်ကို နှိမ်နင်းဖို.ဆိုတာ ကွန်မြူနစ်ကြီးဆီက ချေးငွေသာရချင်ရပါ့မယ် တရုတ်စစ်သားတွေတော့ ချေးမရပါဘူး အဓိက တပ်မတော်သားများပါပဲ ညီပါစေဗျာ
ရေးသားသူ ....mmcpမှ Chitpaအားကျေးဇူးတင်ရှိပါသည်.....
သတင်းအကျဉ်းချုပ် ...
ဂျပန်ရောက် မြန်မာ့ဒီမိုကရေစီ အင်အားစုများ၏ ဒုတိယအကြိ်မ်မြောက် အညတရ သူရဲကောင်းဆု ချီးမြှင့်နိုင်ရေးအတွက် အညတရ သူရဲကောင်းဆု ကျင်းပရေးကော်မတီမှလစဉ်ပုံမှန် အစည်းအဝေးနှင့် စကားဝိုင်း ဆွေးနွေးဖလှယ်ပွဲအား တိုကျိုမြို့ မီနာမိအိုဆုကာခန်းမ ၃တွင် ကျင်းပပြုလုပ်ခဲ့ပါသည်။ မိုးသောက်ကြယ်စာကြည့်တိုက်မှ တာဝန်ခံ ကိုစိုးဝင်းရှိန်နှင့် မိုးသောက်ကြယ် စာကြည့်တိုက် အဖွဲဝင်များမှ အလှူငွေ ယန်း၇သောင်းတိတိအား အညတရ သူရဲကောင်းဆု ကျင်းပရေးကော်မတီသို့ ပေးအပ်လှူဒါန်းခဲ့ပါတယ်။ အညတရ သူရဲကောင်းဆု ကျင်းပရေးကော်မတီအမှုဆောင် အဖွဲ့ဝင်တဦးဖြစ်သည့် ကိုမင်းထက်ဇော်မှ ကျေးဇူးတင် အမှာစကားပြောကြားပြီး စာနာဂုဏ်ပြုမှုမှသည် တစ်မျိုးသားလုံး လွတ်မြောက်မှုဆီသို့ ခေါင်းစဉ်ဖြင့် တက်ရောက်လာသော ပရိသတ်များအား ရှင်းလင်းတင်ပြခဲ့ပါသည်။
မိုးသောက်ကြယ် စာကြည့်တိုက်မှ အလှူငွေ လှူဒါန်းရခြင်း ရည်ရွယ်ချက်အား ပြောကြားရာမှာတော့ ဒေါ်အောင်ဆန်းစုကြည် မွေးနေ့မှာ အမေစုရဲ့ ဆန္ဒကို ကျနော်တို့တစ်တွေ ဖြည့်ဆည်းပေးလိုတဲ့ ရည်ရွယ်ချက်ပါ။ ဒေါ်စုက နိုင်ငံရေး အကျဉ်းသားတွေကို မေ့မထားဖို့၊ ထောက်ပံ့ကူညီကြဖို့ ပြောကြားချက်အားပြောကြားသွားပြီး ဆက်လက်လှူဒါန်းရန် ရည်ရွယ်ချက်များစွာ ရှိကြောင်း အကျယ်တ၀င့် ဆွေးနွေး အကြံပြုခဲ့ပါတယ်။
အမျိုးသား ဒီမိုကရေစီအဖွဲ့ ချုပ် (လွတ်မြောက်နယ်မြေ) ဂျပန်ဋ္ဌာနခွဲမှ ဥက္ကဌ ဦးလှဟန်မှလည်း အညတရ သူရဲကောင်းဆု အတွက် အမြဲ ဆုချီးမြှင့်နိုင်ရေးအတွက်လိုအပ်သည်များကို အနီးကပ် အကူအညီ ပေးသွားမည်ဖြစ်ပြီး အကြံဥာဏ်ကောင်းများ ရှေ့ဆက်လုပ်ရန် မှာကြားခဲ့ပါတယ်။ တက်ရောက်လာကြသော သူများမှ ဆုငွေများပေးအပ်ခဲ့ပြီး ဒုတိယအကြိ်မ် ဆုချီးမြှင့်နိုင်ရေးအတွက် အစီအစဉ်များကို အညတရသူရဲကောင်းဆု ကျင်းပရေး ဆပ်ကော်မတီဝင်များ၏ လုပ်ဆောင်မှုများအပေါ် အလေးထား ဂုဏ်ယူကြောင်း ပြောကြားခဲ့ပါတယ်။ ပိုမိုကောင်းမွန်သည့် အကြံပြုချက်များနှင့် ဆုချီးမြှင့်နေသည့် လုပ်ငန်း အရှိန်အဟုန်ကြီးစွာ လုပ်ဆောင်နိုင်စေဖို့အတွက် တတ်နိုင်သည့်ဖက်မှ အားဖြည့်ကူညီသွားမည်ဖြစ်ကြောင်း ကတိပေးစကားများ ပြောဆိုခဲ့ကြသည်။
လာမည့် ဒုတိယအကြိမ်မြောက် အညတရသူရဲကောင်းဆု ချီးမြှင့်ပေးအပ်ပွဲ၌ အနည်းဆုံး ၅ ဦးအထိ ပေးအပ်နိုင်ရန် စီစဉ်ထားကြောင်းသိရှိရပြီး တစ်ဦးလျင် ဂျပန်ငွေ ယန်း ၁ သိန်းနှင့်ညီမျှသော မြန်မာကျပ်ငွေ ၁၀ သိန်းနှုန်းဖြင့် သိန်း ၅၀ ပေးပို့ရန် စီစဉ်ထားကြောင်းလည်း သိရှိရသည်။ အညတရသူရဲကောင်း ဆုချီးမြှင့်ရေး ဘဏ္ဍာရေးဆပ်ကော်မတီ၏ စာရင်းထုတ်ပြန်ချက်အရ ယနေ့အချိန်အထိ ကောက်ခံရရှိငွေနှင့် မိုးသောက်ကြယ် စာကြည့်တိုက်အဖွဲ့မှ လှူဒါန်းငွေအပါအ၀င် ယန်း၂၉၆,၅၀၀+အမေရိကန်ဒေါ်လာ ၂၀(ဂျပန်ယန်း ၂ သိန်း ၉ သောင်း ၆ ထောင် ငါးရာယန်း)သာရှိသေးပြီး မိမိတို့ရည်မှန်းထားသည့် မြန်မာငွေသိန်း ၅၀ နှင့်ညီမျှသော ငွေပမာဏရရှိပါက ပြည်တွင်းရှိ ဆုချီးမြှင့်ရေးနှင့် ဆုရွေးချယ်ရေး တာဝန်ခံများထံသို့ ချက်ခြင်းလွှဲအပ်ကာ အမြန်ဆုံး အကောင်အထည် ဖော်သွားမည် ဖြစ်ကြောင်းလည်း သိရှိရပါသည်.။
ဓါတ်ပုံ ဟန်ဝင်းထွန်း mtk
သတင်း ထွန်းဝေ 08030991503
သတင်းအကျဉ်းချုပ် ...
မြန်မာပြည်သား.. လုပ်ငန်းရှင်ကြီးများ.. နေ့ စဉ်ဖြတ်သန်းနေရပုံပါ....။ အမှတ်တမဲ့ ကြည့်တော့ စီးပွားရေးပေါ့ဗျာ...။သေချာ ကြည့်တော့ လူမျိုးရေး က ပါလာရော..။ ဒါပေမယ့် (၂) ခုလုံးက အမျိုးသားရေး ဆိုတာ မမေ့လျော့စေချင်ပါဘူး..။ စီးပွားရေး ကိုလိုနီ ဖြစ်နေတာ ဘယ်သူမှ မငြင်းရဲပါဘူး။ သိန်းထောင်ချီတဲ့ လမ်းဆုံ တစ်နေရာမှာ သုံးထပ်တိုက်ဆောက်ပြီး ရှမ်းခေါက်ဆွဲ ရောင်းတဲ့ နေရောင်မခတဲ့ ဖြူဖြူ အသားနဲ့လက်လုပ်လက်စားလေး တွေ မန္တလေးမှာ အများကြီးပါ။ မန္တလေး ဟာ ခုတော့ အဖြူရောင် နယ်မြေ ဖြစ်နေပါပြီ..၊ တရုတ် တွေချည်းပါဘဲ... ဈေးချိုနားကတော့ နည်းနည်း အမဲရောင် ကျန်သေးတယ်... ၊ ဟိုး မြို့တော် အပြင်ဘက်..ကတော့ အညိုရောင် နယ်မြေပေါ့...မြန်မာတွေ နေတယ်လေ..။
( မြေမြို ၍ လူမျိုးမပျောက်၊ လူမြို မှ လူမျိုးပျောက်မည် )....တဲ့။
ဟုတ်ကဲ့....... လဝက က အရာရှိများ ကို မေးလိုပါသည်။ မျက်စိ မမြင်ရတော့ဘဲ တာဝန် ထမ်းဆောင်နေတာလား..၊ (ဒါမှမဟုတ်) စာမတတ် ပဲ တာဝန် ထမ်းဆောင်နေတာလား..။ အလွန်သိချင်ပါတယ်... ဘယ်..လ.ဝ.က ရုံးထဲ ဝင်ဝင်.... ဒီစာကြီးကို.. အပြာရောင်ပေါ် အဖြူနဲ့ ရေးထားတာ... လ.ဝ.က ဝန်ထမ်းတွေ ..... မမြင်တာလား.. မဖတ် တတ်တာလား ဆိုတာပါ..။
သူတို့ မပါဘဲ မြန်မာတိုင်းရင်းသား မဟုတ်တဲ့သူတွေ မှတ်ပုံတင် မရနိုင်၊ အခြေ မချနိုင်ပါဘူး..။ ကျွန်တော် တို့  ငွေ ကြေးသက်သက်နဲ့ အားမတန် မာန်လျော့ပေးလိုက်ရတဲ့ စီးပွားရေး..။ ကျွန်တော် တို့  ငွေ ကြေးသက်သက်နဲ့ ရလိုမှု အတွက် အလိုလိုက် လိုက်ရတဲ့ လူမျိုးရေး..။၊ သေသေ ချာချာ စဉ်းစားဖို့  .. မျိုးချစ်စိတ်ဆိုတာ ရောင်းစားရတဲ့ အရာ.... မဟုတ်ဘူးဆိုတာ သက်ဆိုင်သူ( လိပ်ပြာ မလုံနိုင်သူ) တွေ သိစေချင်ပါတယ်။
Yeyint Kyaw facebookမှ
သတင်းအကျဉ်းချုပ် ...
ဒီကနေ၂၇ရက်နေ့မှာ ၉၀ ခုနှစ်မှ လေးကြိမ်မြောက် အဖြစ် ဖမ်းဆီးခံရပြီးနောက်ဆုံးအကြိမ် အနှစ်၂၀ ဗန်းမော်ထောင် တွင် နိုင်ငံရေးမှုဖြင့်အကျဉ်းကျနေသော အလုံမြို့နယ် အမျိုးသားဒီမိုကရေစီအဖွဲ့ချုပ် ဥက္ကဌဦးဘမြင့်၏ ၆၅နှစ်ပြည့်မွေးနေ့ပွဲနှင့် ဂုဏ်ပြုပွဲကို အလုံမြို့နယ်၊အမျိုးသားဒီမိုကရေစီအဖွဲ့ချုပ်ရုံး ရှိရာဦးဘမြင့်၏နေအိမ်မှာ ကျင်းပပါတယ်။
ဒီပွဲကိုအင်္ဂါဝတ်ပြူအဖွဲ့ကိုယ်စားဒေါ်နော်အုံးလှ၊အလုံမြို့နယ်အမျိုးသားဒီမိုကရေစီအဖွဲ့ချုပ်နဲ့၂၀၀၇
စက်တင်ဘာအကြမ်းမဖက်အမျိုးသားလှုပ်ရှားသူလူငယ်တွေကဦးဆောင်ကျင်းပတာပါ။ နံနက်၇နာ၇ီမှာ အဖွဲ့ဝင်တွေ မိတ်ဆွေတွေနဲ့ဘုန်းကြီးကျောင်းတစ်ကျောင်းမှာဆွမ်းကပ်ပြီး ဦးဘမြင့်အပါအ၀င် အကျဉ်းကျနိုင်ငံရေးအကျဉ်းသားတွေ လွတ်မြောက်ဖို့ဆွမ်းကပ် လှူဒ်ါန်းခဲ့ပါတယ် ။နံနက် ၈နာရီမှာ ကျွေးမွေးဧည့်ခံပြီးဦးဘမြင့်အပါဝင်ဖမ်းဆီးခံနိုင်ငံရေးအကျဉ်းသားများလွတ်မြောက်ဖို့ဖယာင်းတိုင်မီးထွန်းကြပြီး ဆုတောင်း ကြပါတယ်။
ဂုဏ်ပြူကဗျာများနှင့်ဂုဏ်ပြုစကားများဖတ်ကြားပြောကြားပြီး အလုံမြို့နယ်၊ အမျိုးသားဒီမိုကရေစီအဖွဲ့ချုပ် ဥက္ကဌ ဦးဘမြင့်၏သားဖြစ်သူ အလုံ လူငယ်ခေါင်းဆောင်ကိုလူမော်လတ်မှ တက်ရောက်လာသူအားလုံးကို ကျေးဇူးတင်စကားပြောကြားခဲ့ပြီးအကျဉ်းကျနိုင်ငံရေးသမားတွေပြန်လွှတ်ပေးဖို့တောင်းဆိုခဲ့ပါတယ်။ ဒီမွေးနေ့ပွဲကိုအင်္ဂါမိသားစုဝင်များ နဲ့အမျိုးသားဒီမိုကရေစီအဖွဲ့ချုပ် အဖွဲ့ဝင်များ ။ကျောင်းသားများ
၊ဖမ်းဆီးခံနိုင်ငံရေးမိသားစုဝင်များ စုစုပေါင်း၁၅၀ နီးပါးတက်ရောက်ကြခဲ့ကြပါတယ်။
အားလုံးမေတ္တာဖြင့်
ကိုလူမော်လတ်
သတင်းအကျဉ်းချုပ် ...
Photo..Irrawaddy
ပြည်သူ့လွှတ်တော် ဥက္ကဋ္ဌသူရဦးရွှေမန်းက ဥပဒေ ပြင်ပနဲ့ နီးနီးနေတဲ့သူတွေ ရှိသလို ဥပဒေပြင်ပနဲ့ ဝေးဝေးနေတဲ့ သူတွေလည်းရှိတယ်။
ဥပဒေအထက်တွင် မည်သူ တဦးယောက်မျှ မရှိသကဲ့သို့ ဥပဒေ ပြင်ပတွင်လည်း မည်သူ တဦး တယောက်မျှ ရှိ၍ မရဘူး ဆိုပြီး သတိ ပေးသလို ပြောသွားတယ်။
အားလုံးကတော့ သိကြပါတယ်။ ဥပဒေပြင်ပမှာ နီးနီးနေတဲ့သူ ဆိုတာ အမျိုးသားဒီမိုကရေစီ အဖွဲ့ချုပ်နဲ့ ဒေါ်အောင်ဆန်းစုကြည်ကို ပြောတာ၊ ဝေးဝေးက ဆိုတာက ပြည်ပ အတိုက်အခံတွေကို ပြောချင်တာပါ လို့ အဲဒီအစည်းအဝေးကို တက်ကြသူတချို့က သုံးသပ်ကြတယ်။
ကျွန်တော့်စိတ်ထဲ အွန်လိုင်းပေါ်မှာ ရေးနေသားနေတဲ့ ကျွန်တော်တို့လို လူမျိုးတွေကိုများ ရည်ညွှန်းသလားလဲ ခံစားမိတယ်။ နီးနီးဆိုတာ ကျွန်တော်တို့လို ပြည်တွင်းကရေးနေ၊ သားနေတဲ့သူတွေ၊ ဝေးဝေးဆိုတာ ပြည်ပ က ရေးနေသားနေတဲ့သူတွေပေါ့။
မြန်မာပြည် ဒီမိုကရေစီ တည်ဆောက်ရေးမှာ ဖဆပလခေတ်တုန်းကလို ဗန္ဓုလပန်းခြံထဲ ပြည်သူ့ဟစ်တိုင်ထားပေးတာမျိုးတောင် မလုပ်နိုင်ပဲ၊ ခုလို လူနည်းစု၊ ပညာတတ်လူတန်းစား နည်းနည်း ကလေး ကွက်ပြီးသုံးတဲ့ အွန်လိုင်းပေါ်မှာတောင် လွတ်လပ်စွာ ဝေဖန်ပြောဆိုရေးသားကြတာတွေ၊ အပြန်အလှန်လေးလေးစားစားနဲ့ ဆွေးနွေး ပြောဆိုရေးသားကြတာတွေကို ထိပါး လာမယ်ဆိုရင်တော့ သူတို့ပြောတဲ့ ဒီမိုကရေစီ ဟာ ဘာ ဆိုတာ ပိုထင်ရှားလာပါလိမ့်မယ်။
ဘာပဲဖြစ်ဖြစ် ကျွန်တော်တို့ကတော့ လွတ်လပ်စွာ ရေးသားထုတ်ဖေါ်ဝေဖန်ပြောဆိုခွင့်နဲ့ အပြန်အလှန်( စစ်ဗိုလ်တွေ၊ အစိုးရကိုထောက်ခံတဲ့ လိုလားတဲ့အင်အားစုတွေနဲ့) အပြန်အလှန်လေးလေးစားစား ဆွေးနွေးမှုတွေကို ပြုရင်း ရင့်ကျက်တဲ့ လူ့အဖွဲ့အစည်းတရပ် ပေါ်ထွန်းလာဖို့၊ ဒီမိုကရေစီထွန်းကားလာဖို့ ရည်ရွယ်ချက်နဲ့ ဆက်ရေးနေသားနေပါဦးမယ်။
ကျွန်တော် မြန်မာပြည်ထဲမှာနေနေတာပါ။ အချိန်မရွေး သူတို့ကြိုက်သလို စီမံနိုင်ပါတယ်။
ချစ်ခင်စွာ
ချိုတူးဇော်
သတင်းအကျဉ်းချုပ် ...
ဘီဘီစီ Radio 4 ရဲ့ ကမ္ဘာကျော် BBC Reith Lectures အစီအစဉ်မှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်က ဟောပြောချက် နှစ်ခုကို ပြုလုပ်မှာ ဖြစ်ပါတယ်။
ဒေါ်အောင်ဆန်း စုကြည်ရဲ့ ဟောပြောချက်မှာ အဓိက အားဖြင့် အာဏာရှင် အစိုးရရဲ့ လက်အောက်မှာ ဒီမိုကရေစီရေး ရုန်းကန် လှုပ်ရှားမှု အကြောင်းတွေကို ရှင်းလင်းပြောကြားမှာ ဖြစ်ပါတယ်။
ပထမ ဟောပြောချက်မှာ မြန်မာ နိုင်ငံကို အခြေခံပြီး အတိုက်အခံ ဆိုတဲ့ သဘော တရားတွေကိုတင်ပြ ထားပြီး ဒုတိယပိုင်းမှာတော့ လွတ်လပ်မှု ဆိုတာ ဘာလဲ၊ ဘယ်လို နည်းနဲ့ ရယူနိုင်မလဲ ဆိုတာ အရှေ့ အလယ်ပိုင်း ဒေသရဲ့ လတ်တလော အခြေအနေတွေကို အခြေခံပြီး တင်ပြမှာ ဖြစ်ပါတယ်။
ဒေါ်အောင်ဆန်း စုကြည်ရဲ့ ဟောပြောချက်တွေကိုဘီဘီစီက မြန်မာနိုင်ငံထဲသွားပြီး ဗီဒီယို မှတ်တမ်းရိုက်ယူခဲ့တာ ဖြစ်ပါတယ်။
ဒီဟောပြောချက်တွေကို အပိုင်းနှစ်ပိုင်း အတိုင်း ဘီဘီစီ စတူဒီယိုထဲမှာ တက်ရောက်လာသူတွေကို ပြသခဲ့ပြီး ဟောပြောချက်အပြီးမှာ တက်ရောက်လာသူတွေရဲ့ မေးမြန်းချက်တွေကို ဒေါ်အောင်ဆန်းစုကြည်က တယ်လီဖုန်းက နေ တိုက်ရိုက် ပြန်လည် ဖြေကြားခဲ့ပါတယ်။
ဒေါ်အောင်ဆန်းစုကြည်ရဲ့ ဟောပြောချက်တွေကို BBC Radio4 က ဇွန်လ ၂၈ ရက်နဲ့ ဇူလိုင် ၅ ရက်နေ့တို့မှာ ထုတ်လွှင့် မှာလည်း ဖြစ်ပါတယ်။
အင်္ဂလိပ်လို ဟောပြောချက်တွေကို နှိပ်ပါ
ဒီနေရာကနေ နားဆင်နိုင်မှာ ဖြစ်ပါတယ်။
ဘီဘီစီ မြန်မာပိုင်းကလဲ ဒီ ဟောပြောချက်တွေကို ဘာသာ ပြန်ဆိုပြီး အပိုင်းလိုက် ထုတ်လွှင့်ပေးသွားမှာ ဖြစ်ပါတယ်။
(ဘီဘီစီ)
သတင်းအကျဉ်းချုပ် ...
စ ကတည်းက အမြတ်အဓိက လို့ ကြွေးကြော်ပြီး ဒီနေ့အထိ အဲဒီ အရင်းရှင်စနစ် သက်ဆိုးရှည်လာစေတဲ့ အဓိက အချက်က တဦးချင်းလွတ်လပ်ပိုင်ခွင့်ကို ကာကွယ်ပေးတဲ့ အခြေခံလူ့အခွင့်အရေးတွေကြောင့်ပဲလို့ ကျနော်ကတော့ သုံးသပ်ပါတယ်။ ဒါပေမယ့် အဒမ်စမစ်ရဲ့ အမြတ်ပဓာန အရင်းရှင်စနစ်ဟာ ဒုတိယကမ္ဘာစစ်အပြီးမှာပဲ ကိုလိုနီစနစ်နဲ့အတူ ကမ္ဘာပေါ်မှာ အပြီးတိုင်ချုပ်ငြိမ်းသွားခဲ့တယ် လို့ ပြတ်ပြတ်သားသား မြင်ပါတယ်။
၂၀ ရာစုမှာ လက်ဝဲ လက်ယာ အားပြိုင်မှုနဲ့ ဘာလင်တံတိုင်းပြိုပြီး လက်ဝဲအလုံးစုံကျဆုံးမှုဟာ သိသာထင်သာမြင်သာပေမယ့် တကယ့်တကယ်တန်း ပြန်ကြည့်လိုက်ရင် အဒမ်စမစ်ရဲ့ အမြတ်ပဓာန အရင်းရှင်စနစ်က ဒုတိယကမ္ဘာစစ်ပြီးကတည်းက ချုပ်ငြိမ်းခဲ့ပြီးသားပါ။ လက်ယာအုပ်စုတွေဟာ အဆုံးစွန် ကိုလိုနီထိရောက်ခဲ့ပြီး ပြုပြင်ပြောင်းလဲမှုတွေကို မဖြစ်မနေလုပ်ခဲ့ကြပါတယ်။ အဲဒီလိုပြုပြင်ပြောင်းလဲမှုတွေ
ကိုမလုပ်လို့မဖြစ်အောင်လည်း သူတို့ကို ကွန်မြူနစ်လက်ဝဲ၀ါဒက တွန်းအားပေးခဲ့တယ်။ ကွန်မြူနစ်တွေဟာ ရုရှားမှာ မဟာအောက်တိုဘာတော်လှန်ရေးနဲ့အတူ အောင်ပွဲခံခဲ့၊ဇာဘုရင်ရဲ့အဖြစ်ဆိုးကို သူတို့ သင်ခန်းစာရခဲ့တယ်။ ဒါကြောင့် အမေရိကနဲ့ဗြိတိန်တို့ဟာ ပါလီမာန်တွင်းပြုပြင်ပြောင်းလဲမှုတွေ၊ အလုပ်သမားအခွင့်အရေးပြုပြင်မှုတွေ ကို လုပ်ပြီး ကွန်မြူနစ်ခြေကုပ်မယူနိုင်အောင် ခပ်ကြမ်းကြမ်း ကိုင်တွယ်ခဲ့တယ်။ အမေရိကမှာတော့ အထက်လွှတ်တော်အမတ် ဂျိုးဇက်မက္ကာသီ က စီအိုင်အေ နဲ့ပေါင်းပြီး ဥပဒေမဲ့ကို ကိုင်တွယ် ရှင်းလင်းခဲ့တယ်။
အမေရိကန်တွေကြောက်လန့်စရာကောင်းလောက်အောင် ကမ္ဘာတခြမ်းက နေ့ချင်းညချင်း လက်ဝဲ စနစ်ကို ထူထောင်ခဲ့ကြတယ်။ ကွန်မြူနစ်တစ္ဆေအခြောက်ခံနေတဲ့ အမေရိကန်တွေဟာ အရှေ့တောင်အာရှ ဗီယက်နမ်၊ ကမ္ဘောဒီးယား၊ ကိုရီးယားကျွန်းဆွယ်တွေမှာ အမှားတွေ လူမဆန်တဲ့ လုပ်ရပ်တွေ အများကြီးလုပ်ခဲ့တယ်။
တချိန်တည်း ကွန်မြူနစ်တွေကလည်း တော်လှန်ရေးကြီးအောင်မြင်ဖို့ ဆိုပြီး အစုလိုက်အပြုံလိုက် သတ်ဖြတ်မှုတွေ အဓမ္မမှုတွေ လုပ်ခဲ့တယ်။
သမိုင်းစာမျက်နှာတွေကို ဖြတ်သန်းဖတ်ကြည့်တဲ့အခါ ကမ္ဘာဟာ အရမ်းကိုအထိ နာခဲ့တာပါ။ ဘယ်သူတွေနာခဲ့တာလဲ ဆိုတော့ ပြည်သူတွေပါ။
ဂျိုးဇက်မက္ကာသီ ကြောင့် ယိုင်နဲ့ခဲ့ရတဲ့ ဒီမိုကရေစီကို အချိန်မီပြုပြင်ပြီး လူ့အခွင့်အရေးတွေနဲ့ အချိန်မီဆေးကုအဖတ်ဆည်ခဲ့နိုင်လို့ပေါ့။ နို့မို့ဆို အဖြေက တမျိုးတောင်ဖြစ်သွားနိုင်တယ်လို့ကျနော်သုံးသပ်မိတယ်။
အမေရိကရဲ့ကောင်းမွန်တဲ့ အတုယူစရာစနစ်က အဲဒါပါပဲ။ ပြုပြင်ပြောင်းလဲမှု ရှိတာပါ။ ပြုပြင်ပြောင်းလဲမှု ဆိုတာရှိမှ ယဉ်ကျေးမှု လို့ခေါ်တယ် ဆိုသလိုပဲ၊ အမေရိကန်တွေရဲ့ အရင်းရှင်စနစ်ဟာ အဒမ်စမစ်ရဲ့ အမြတ်အဓိက ကိုလိုနီစနစ်ကနေ ပြန်လည်ပြင်ဆင်ရေးတွေနဲ့ ဈေးကွက်စီးပွားရေး ဆီထိ ပြောင်းလဲ ရွေ့လျားလာပါတယ်။
ဒီနေ့အမေရိကန်ပြည်ထောင်စုထဲမှာ ကော်ပိုးရေးရှင်းတွေ၊ ကုမ္ပဏီတွေကို မလှုပ်နိုင်မယှက်နိုင်အောင် ဥပဒေတွေအမျိုးမျိုးနဲ့ ကန့်သတ်ထားတာ တကယ့်ကို ဆိုရှယ်လစ်ဆန်ဆန်ဖြစ်ဖြစ်နေပါပြီ။ လက်ရှိ ကမ္ဘာမှာ အလုပ်သမားအခွင့်အရေးအများဆုံးရထားတာလည်း အမေရိကပါ။
အဲဒီတော့ ပစ္စည်းမဲ့လူတန်းစားတွေအတွက် ပစ္စည်းမဲ့အာဏာကိုထူထောင်မယ်၊ အလုပ်သမားနိုင်ငံတော် ထူထောင်မယ်ဆိုတဲ့ လက်ဝဲနိုင်ငံတွေမှာ ပါတီကို ပြန်မပြောရဲ၊ သမဂ္ဂဆိုတာ လွတ်လပ်စွာဖွဲ့ခွင့်မရှိနဲ့ နှိုင်းယှဉ်လိုက်တော့
လက်ဝဲတွေ ဘာကြောင့်ကျဆုံးပြီး၊ လက်က်ျာတွ ဘာကြောင့် ကျန်ခဲ့တယ် ဆိုတာ မြင်သာပါပြီ။
ဈေးကွက်စီးပွားရေးစနစ်ဆိုတာ အရင်းရှင်စီးပွားရေးစနစ်နဲ့ မတူပါဘူး။ အနှစ်သာရမှာ အရမ်းကို ကွဲပြား ပါတယ်။ အမည်နာမ အခေါ်အဝေါ်မှာတင် သိသိသာသာ ကွဲပြားပါတယ်။ အရင်းရှင်စီးပွားရေးစနစ်မှာ အရင်းရှင်လူတန်းစားကို ဗဟိုပြုဖွဲ့စည်းထားတာဖြစ်ပါတယ်။ အရင်းရှင်စနစ်မတိုင်မီက မြေရှင်စနစ်၊ အဲဒီမတိုင်မီက ပဒေသရာဇ်စနစ်၊ သမိုင်းကို နောက်ပြန်သွားကြည့်ရင် ဘယ်လိုတွေ တိုးတက်ပြောင်းလဲ လာတယ်ဆိုတာကို အထင်အရှားတွေ့ရလိမ့်မယ်။ အဲဒီလို တိုးတက်ပြောင်းလဲမှုတွေဟာ အလကား အချည်းနှီးပြောင်းလာတာတော့မဟုတ်ပါဘူး။ကျနော်တို့ လူသားတွေဟာ သမိုင်းဦးဘုံမြေခေတ်မှာ အတူတကွ စုပေါင်းနေထိုင်ရင်း လူမျိုးစုတွေ ဖြစ်ခဲ့တယ်။ သားရဲတိရစ္ဆာန်တွေရဲ့အန္တရာယ်တွေ၊ တခြားလူမျိုးစုတွေရဲ့ အန္တရာယ်တွေ၊ သဘာဝဘေးအန္တရာယ်တွေကို ဦးဆောင်ကာကွယ်ပေးနိုင်ခဲ့တဲ့ သူရဲကောင်းကို ခေါင်းဆောင်တင်မြှောက်ရာက ဘုရင်စနစ်ကို တီထွင်ပြီးသားဖြစ်ခဲ့တယ်။ ဘုရင်သေတော့ သူ့သားကို အစဉ်အဆက်အုပ်ချုပ်ခိုင်းရာကနေ အဲဒီ ဘုရင်နဲ့ အဲဒီ ဘုရင်ရဲ့အမျိုးတွေ ဖိနှိပ်မှုတွေကို မခံနိုင်စရာတွေပေါ်လာတယ်။ အရင်ဆုံး သူတို့အမျိုးအချင်းချင်း(နယ်စားပယ်စားတွေရဲ့ မကျေနပ်မှုနဲ့ စခဲ့တာ) ၁၂၁၅ မှာ အင်္ဂလန်မှာ ဂျွန်ဘုရင် နဲ့ ပြည်သူတွေ မဂ္ဂနာကာတာ စာချုပ်ကိုချုပ်တာက စလို့စည်းမျည်းခံဘုရင်စနစ်ကို စ ခဲ့တယ်။ ဒါပေမယ့် အဲဒီစာချုပ်ကို အဲဒီ ဘုရင်တွေက ချက်ခြင်း လက်ခံတာ မဟုတ်ဘူးနော်။ နှစ်တရာလောက် နည်းအမျိုးမျိုးနဲ့ဖေါက်ဖျက်ခဲ့သေးတယ်။ ဒီလိုနဲ့ ပါလီမန်စည်းမျည်းခံ ဘုရင်စနစ်ကို တီထွင်ရာကနေ ပါလီမန်ထဲ မြေရှင်တွေက သြဇာရှိနေရာ ၀င်ယူလာကြတယ်။ မြေရှင်တွေ ဘယ်လိုနည်းနဲ့ သြဇာဝင်ယူလာသလဲ လို့မေးရင် စီးပွားရေး စနစ်ကြောင့်ဆိုတာ သုံးသပ်ရပါတယ်။ စိုက်ပျိုးရေးအဓိက စီးပွားရေးစနစ်ခေတ်ကြီးမှာ မြေသြဇာကောင်းတဲ့ မြေယာတွေပိုင်ဆိုင်တဲ့သူတွေဟာ အလိုအလျောက်ကြွယ်ဝပြီး သြဇာရှိလာတယ်။ သူတို့ရဲ့ကြွယ်ဝမှု၊ သြဇာရှိမှုတွေက ပါလီမန်ထဲမှာ သူတို့စိတ်တိုင်းကျ ခြယ်လှယ်နိုင်ခဲ့စေတယ်။ ပါလီမန်ဟာ မြေရှင်တွေကြီးစိုးတဲ့ မြေရှင်ပဒေသရာဇ်စနစ်ကိုမွေးထုတ်ပေးတဲ့ ပါလီမန်ဖြစ်ခဲ့တယ်။ မြေရှင်တွေဆိုတာလည်း ပဒေသရာဇ်တွေနဲ့ သူတို့အမျိုးတွေ၊ ပဒေသရာဇ်တွေကို သစ္စာစောင့်သိပြီး စစ်တိုက်ပေးထားတဲ့ စစ်ဗိုလ်တွေကို မြေယာတွေအပိုင်စားပေးထားတာတွေပါ။ ဒီတော့ ပါလီမန်ထဲမှာ သူတို့ အကျိုးစီးပွားကို ကာကွယ်တဲ့ဥပဒေတွေကိုပဲ ရေးဆွဲ ပြဌာန်းခဲ့ကြတယ်။ အများစု ဖြစ်တဲ့ပြည်သူတွေကတော့ နင်းပြားဘ၀မှာပါပဲ။ပြည်သူတွေဟာ မြေယာကိုမှီပြီး နေထိုင်ရ၊ ထွန်ယက်စိုက်ပျိုးလုပ်ကိုင်စားသောက်ရတယ်။ မြေရှင်တွေ ဖိနှိပ်သမျှခံခဲ့ရတယ်။ အဲဒီလို နေနေရတုန်းမှာပဲ ၁၇၇၀ ၀န်းကျင်လောက်မှာ ဂျိမ်းဝပ်ဆိုတဲ့ လူ တယောက်ရေနွေးအိုးအတည်ကောင်းတာက အစပြုပြီး အင်ဂျင်ဆိုတာကို တီထွင်လာနိုင်၊ အဲဒီနောက် စက်မှု တော်လှန်ရေးကြီးပေါ်လာပြီး မြေကြီးပိုင်တိုင်း သြဇာမရှိတော့တဲ့ ဘ၀ကို မြေရှင်တွေ ရင်ဆိုင်လိုက်ရတယ်။ ဒီနေရာမှာ စဉ်းစားစရာက ဒီလိုဖြစ်မယ်မှန်းသာ စောစောကြိုသိခဲ့ရင် မြေရှင်တွေဟာ ဘယ်သူမှ ရေနွေး အုိးမတည်ရ လို့ ပါလီမန်ထဲမှာ အမိန့်တွေပြဋ္ဌာန်းခဲ့မှာ သေချာတယ်ဗျ။ ခုခေတ် အီလက်ထရွန်နစ် ဥပဒေတို့ ဘာတို့လို ရေနွေးအိုး ဥပဒေ တို့ ဘာတို့ ပြဋ္ဌာန်းခဲ့လောက်တယ်။ ဥပမာ ရေနွေးမတည်ရ၊ သတ်မှတ်ချိန်မှာ သတ်မှတ်သလောက်ပဲတည်ရမယ်၊ တည်ရင်း မစဉ်းစားရ တို့ဘာတို့ပေါ့ဗျာ။
စက်မှုတော်လှန်ရေးဆိုတာ ပညာရှင်တွေကြောင့်ပေါ်လာတာပါ။ ဒါပေမယ့် ပညာရှင်တွေက ဒီတော်လှန်ရေးဖြစ်စေလို့လုပ်ခဲ့တာမဟုတ်သလို အရင်းရှင်ဆိုတဲ့ လူတန်းစားတရပ် ပေါ်ကောင်း စေတော့ရယ် လို့လုပ်ခဲ့တာမဟုတ်ပါဘူး။ဒါပေမယ့် ပေါ်ခဲ့တယ်။ အဲဒီနောက်မှာတော့ အရင်းရှင်တွေဟာ ပါလီမန်ထဲ အာဏာတွေယူလာပြီး အရင်းရှင်တွေကို ကာကွယ်မယ့် ဥပဒေအမျိုးမျိုးကိုေ၇းဆွဲပြဋ္ဌာန်း ကြပြန်ပါလေရော။ အရင်းရှင် စနစ်မှာ အရင်းရှင်က အဓိက အခရာပါ။ ဒီတော့ သူ့ကိုယ်ကျိုးစီးပွားကို ကာကွယ်ပေးတဲ့ အစိုးရ၊ ပါလီမန်၊ စစ်တပ်တို့နဲ့ တည်ဆောက်လာကြတယ်။
ထုံးစံအတိုင်းပြည်သူတွေကတော့ နင်းပြားပါ။ ကျနော်တို့ သမိုင်းမှာ သင်ခဲ့ရတဲ့ ရေနံမြေအလုပ်သမားတွေ လို အလုပ်ချိန် ၁၂ နာရီထိခိုင်းတာ၊ မ၀တ၀ လစာ၊ ကျန်းမာရေးနဲ့မညီညွတ်တဲ့ နေထိုင်မှုတွေ နဲ့ လူ အများအပြားဟာ ဆင်းရဲတွင်းနက်ခဲ့ရတယ်။ အလုပ်သမားတွေရဲ့ ကလေးအများစု ဟာ ပညာ ကောင်းကောင်းသင်ခွင့်မရခဲ့ဘူး။ ဒီတော့ အရွယ်ရောက်လာရင် အလုပ်သမားပဲပြန်ဖြစ်ကြပေါ့။ သမိုင်းဆိုတာ သေချာနားလည် သဘောပေါက်အောင်လေ့လာမယ်ဆိုရင် စာနာစိတ်ကလေးနဲ့ လေ့လာဖို့လိုပါတယ်။ ခုခေတ် မြန်မာပြည်မှာ ပြည်သူအများစု ဟာ ဆင်းရဲတွင်းနက်နေကြတယ်။ မိန်းကလေးငယ်လေးတွေ ဘ၀တွေပျက်ကြရတဲ့အထိ အဖြစ်ဆိုးတွေ ကြုံနေရတယ်။ လူငယ်လေးတွေဟာ ဆင်းရဲပင်ပန်းစွာ အလုပ်လုပ်နေရတယ်။ ဒါပေမယ့် ဘ၀အာမခံချက်ဘာမှ မရှိဘူး။ ဒီလိုပဲအတတ်ပညာရှင်၊အသိပညာရှင်တွေဟာလည်း ငွေကြေးရင်းနှီးလုပ်ကိုင်နေသူတွေလောက် အခွင့်အရေး မရကြဘူး။ ဘယ်လိုလူတွေက ဘယ်လို အာဏာတွေ၊ ဘယ်လိုစည်းစိမ်တွေနဲ့ ဘယ်လိုအခွင့်ကောင်းယူ အမြတ်ထုတ်ပြီး ဘယ်သူတွေက ကာကွယ်ပေးနေသလဲ ဆိုတာ သမိုင်းနဲ့ယှဉ်ပြီး ဆင်ခြင်ပါ။ သမိုင်းအဆက်ဆက် ဥပဒေပြုခွင့်တွေ၊ အုပ်ချုပ်ခွင့်အာဏာတွေ၊ တရားစီရင်မှုတွေကို လူတန်းစားတရပ်ကသာ ချုပ်ကိုင်ထားပြီး၊ အာဏာနဲ့ စည်းစိမ်ချမ်းသာမှုကို လူတန်းစားတရပ်၊ အလွှာတခုကသာ ချုပ်ကိုင်ထားပြီး ပြည်သူအများစုဟာ ဆင်းရဲနိမ့်ပါး ဖိနှိပ်ခံခဲ့ရတာ ခုချိန်ထိ မလွတ်မြောက်သေးပါဘူး။ အရင်းရှင်တွေဟာ အစွန်းရောက်ဖိနှိပ်မှုအပြင် ဘယ်လောက်ထိ လူသားချင်းစာနာစိတ်ကင်းမဲ့ခဲ့သလိုဆို ၁၉၃၀ ကမ္ဘာ့စီးပွားပျက်ကာလမှာ အလျှံပယ်သိုလှောင်ထားတဲ့ ကောက်ပဲသီးနှံတွေ၊ ဂျုံအိတ်တွေကို နောက်တရာသီပေါ်တဲ့အချိန်မှာဈေးကျမှာ စိုးလို့ ပင်လယ်ထဲ စွန့်ပစ်တဲ့ အထိ ရိုင်းပျခဲ့တယ်။ အဲဒီအချိန်မှာ ဈေးကွက်ထဲ ဂျုံဈေးနှုန်းတွေက အရမ်းမြင့်မားနေတော့ ဆင်းရဲသားပြည်သူအများစု ၀ယ်မစားနိုင်ခဲ့ဘူး။ အရင်းရှင်တွေ ကုန်ကြမ်းရဖို့နဲ့ ကုန်ချောပြန်ရောင်းဖို့ ကိုလိုနီစနစ်ပေါ်လာတာကိုတော့ အကျယ်တ၀င့်ရေးမနေတော့ပါဘူး။ သင်ရိုးညွှန်းတမ်းမှာလည်း အပ်ကြောင်းထပ်အောင် သင်ခဲ့ပြီးသားပါ။
လူတွေ ငတ်မွတ်ခေါင်းပါးနေတာကို လျစ်လျူရှုပြီး အမြတ်ရဖို့ အဓိကသာ မောင်းနှင်ခဲ့တဲ့ အရင်းရှင်စနစ်ဟာ အဆုံးစွန် ရိုင်းပျခဲ့တာကတော့ နာဇီတွေ၊ ဖက်ဆစ်တွေပေါ်လာတဲ့ အထိဖြစ်ခဲ့ပါတယ်။
ကားလ်မာ့ခ်စ် ဟာ အုပ်ချုပ်ရေး၊ ဥပဒေပြုရေးတွေကို လက်တဆုပ်စာလူတန်းစားတရပ်ကပဲ ခေတ်အဆက်ဆက် ကိုင်တွယ်ခဲ့ပြီး သူတို့ကိုယ်ကျိုးစီးပွားကို ကာကွယ်တဲ့ဥပဒေတွေနဲ့ ပြည်သူလူထုအများစုကို ဖိနှိပ်ခဲ့တာကို တန်ပြန်တဲ့အနေနဲ့ ပြည်သူလူထုဟာ အာဏာကို လက်ဝယ်ရရင် ဘယ်တော့မှ လူတန်းစားတရပ်လက်ထဲကိုပြန်မရောက်အောင် ဆိုပြီး တပါတီစနစ်ကို ရေးဆွဲခဲ့တယ်။ ဒါပေမယ့် ကားလ်မာ့ခ်စ် ရဲ့ တပါတီစနစ်ဟာ အာဏာရှင်စနစ် မဟုတ်ဘူး။ ပါတီတွင်း လွတ်လပ်စွာ ဝေဖန်ပြောဆိုခွင့်တွေ၊ နိုင်ငံသားတိုင်း လွတ်လပ်စွာ ဝေဖန်ပြောဆိုခွင့်တွေအပြည့်ပါတယ် ဒီမိုကရေစီစနစ်နဲ့ တည်ဆောက်ထားတဲ့ တပါတီစနစ်ပဲဖြစ်ပါတယ်။ ဆရာဦးစိန်ဝင်း ဆိုလိုချင်တာလည်း အဲဒီ သဘောပဲ ဖြစ်ပါလိမ့်မယ်။ ဒါပေမယ့် အဲဒါကလည်း ထုံးစံအတိုင်း စာအုပ်ထဲမှာ ပဲ ရှိပါတယ်။(မမေ့ဖို့က ကားလ်မာ့ခ်စ် ကိုယ်တိုင် ဘယ်တော်လှန်ရေးမှာမှ မပါခဲ့ဘူး) တကယ့်တကယ်တမ်း လူတွေက အာဏာနဲ့ထိတွေ့တဲ့အခါ၊ ပုဂ္ဂိုလ်ရေးကိုးကွယ်မှုတွေ ရှိလာတဲ့အခါ အဲဒီတပါတီစနစ်ဟာ ကြောက်စရာအကောင်းဆုံး အာဏာရှင်စနစ်ကို
ပြန်မွေးထုတ်ပြန်တော့တာပါပဲ။
အရင် ဆိုဗီယက်တို့ ၊ တရုတ်တို့မှာ ခေါင်းဆောင်ကြီးဆို ဧရာမဓါတ်ပုံကြီးတွေနဲ့ လူတွေကလည်း ဘယ်တော့မှ ထမင်းမ၀တဲ့ ရှုသိုးသိုး မျက်နှာကြီးတွေနဲ့ မှတ်မိကြဦးမှာပါ။ ကျနော်ကတော့ ဒီလူကြီးတွေမျက်နှာ ကို မှတ်မိနေသေးတယ်။ ဆိုဗီယက် က ဘရက်ဇညက်တို့၊ မော်စီတုန်းတို့၊ မဆလက ဦးစန်းယုတို့ အမြဲတမ်း ရှုတည်တည်မျက်နှာကြီးတွေလေ။ လူတဦးချင်းတယောက်ချင်း ပုဂ္ဂလိက လွတ်လပ်ခွင့်တွေ ဆိပ်သုဉ်းပြန်တော့ အဲဒီတော်လှန်ရေးဆိုတာကြီးတခါ ကျဆုံးပြန်တာပေါ့။ ဒီလိုနဲ့ ကမ္ဘာကြီးဟာ စနစ်တွေ အမျိုးမျိုးပြောင်းပြီး ခုထိ ပြည်သူအများစုရဲ့ ဘ၀တွေကတော့ မကောင်းသေးပါဘူး။ ခု အရင်းရှင်စနစ်ကနေ အမျိုးမျိုးပြုပြင်ပြောင်းလဲမှုတွေ လုပ်ထားတဲ့ ဈေးကွက်စီးပွားရေးစနစ် ဆိုတာ နဲ့ ဒီမိုကရေစီ စနစ်နဲ့ ကမ္ဘာကို ပဲထိန်းမောင်းနှင်နေပါတယ်။ဈေးကွက်စီးပွားရေးဆိုတာ အရင်းရှင်စီးပွားရေးလုံးဝ မဟုတ်ပါဘူး။ အရင်းရှင်စီးပွားရေး ဟာ အရင်းရှင်ဆိုတဲ့ လူတန်းစားတရပ်ကိုသာ ကိုယ်စားပြုတည်ဆောက်ထားတဲ့စနစ်ပါ။ ဈေးကွက်စီးပွားရေးမှာတော့ ဈေးကွက်သာ ပဓါနကျတဲ့စနစ်ပါ။ ဒါဆိုဈေးကွက်ဆိုတာ ဘာလဲ လို့မေးခွန်းထုတ်ကြည့်ပါ။ ဘောဂဗေဒမှာ ဈေးကွက်ဆိုတာ လူ တွေ လို့ အဓိပ္ပါယ်ဖွင့်ပါတယ်။ Market is people.တဲ့။
ဒီတော့ ဈေးကွက်စီးပွားရေးဟာ လူတွေ တနည်းအားဖြင့် စားသုံးသူပဓါန စီးပွားရေးစနစ်လို့ အဓိပ္ပါယ်ဖွင့်ပါတယ်။ ဒီတော့ ရှင်းပြီပေါ့။ ဈေးကွက်လိုအပ်ချက်က ဘာလဲ ဆို.. စားသုံးသူတွေဟာ အကောင်းဆုံးအရည်အသွေးကို၊ အချိုသာဆုံးဈေးနှုန်းနဲ့၊ ပေါပေါများများ လွယ်လွယ်ကူကူ ၀ယ်ချင်ပါတယ် တဲ့။ အဲဒါ ခေတ်အဆက်ဆက် စားသုံးသူတွေရဲ့ လိုအပ်ချက်ပါပဲ။ ဒါကိုပဲ အဓိကထားယှဉ်ပြိုင်ထုတ်လုပ်နေ၊ ရောင်းချနေရတာပါ။ ကုန်စည်တွေကိုမှ ဒါမျိုးလိုချင်တာမဟုတ်ဘူး။ လူတွေရဲ့ဆန္ဒက နယ်ပယ် အသီးသီးမှာ ၀န်ဆောင်မှုအပါအ၀င် နယ်ပယ်အသီးသီးမှာလည်း အဲဒီ စံသတ်မှတ်ချက်အတိုငးပဲ လိုချင်ပါတယ်။ ဘယ်အထိ လိုချင်သလဲ ဆိုရင် အုပ်ချုပ်တဲ့ စနစ်၊ အုပ်ချုပ်တဲ့အစိုးရကိုလည်း အဲဒီ လိုပဲ လိုချင်ပါတယ်။ အစိုးရဆိုတာ ဟိုလိုနေ၊ ဒီလိုနေ အမိန့်တွေ ပေးပြီး ကန့်သတ်မယ့် လူမျိုးတွေကို မလိုချင်တော့ဘူး။ ကျနော်တို့လိုချင်တဲ့အစိုးရဟာ ၀န်ဆောင်မှုပေးတဲ့ ကုမ္ပဏီလို အဖွဲ့အစည်းမျိုးပဲလိုချင်တယ်။ လွယ်လွယ်ကူကူ ဥပမာ တခုပေးပါမယ်။ လှိုင်သာယာ က အက်ဖ်အမ်အိုင်မြို့ မှာ နေကြည့်ပါ။(အရင်တုန်းက ခုတော့ နည်းနည်းမကောင်းတော့ဘူးပြောတယ်) မြို့ထဲဝင်လာတာနဲ့ ခင်ဗျားဟာ မြို့နေမြို့သူမြို့သားဆိုတာနဲ့ လုံခြုံရေးဝန်ထမ်းက ခင်ဗျားကို အလေးပြုပြီး ၀င်းတံခါးဖွင့်ပေးမယ်။ ခင်ဗျားအိမ်ရှေ့မှာ ရေမ၀ပ်စေရဘူး၊ လမ်းမီးတွေလင်းရမယ်။ အမှိုက်မရှိစေရဘူး။ တကယ်လို့ အမှိုက်တွေ့ရင်၊ လမ်းမီးမလင်းရင်၊ ရေ၀ပ်နေရင် အဲဒီ မြို့အုပ်ချုပ်တဲ့ ကော်မီတီကို ခင်ဗျား ဖုန်းနဲ့လှမ်းဆဲလို့ရတယ်။ သူတို့ ချက်ခြင်း လာပြီးဝန်ဆောင်မှုပေးမယ်။ တောင်းပန်မယ်။ ခင်ဗျားဘက်က လိုတာက လစဉ်ကြေးမှန်မှန်ပေးဖို့ပါပဲ။ အရင် အက်ဖ်အမ်အိုင်မှာ လူနေကျဲတုန်းက မြို့ကော်မီတီဟာ စည်းကမ်းအမျိုးမျိုးနဲ့နေထိုင်သူတွေကို ကန့်သတ်ခဲ့တယ်။ ဆေးအရောင်မသုတ်ရ၊ မြို့ထဲမှာ ဆိုင်မဖွင့်ရ၊ တချို့ မုန့်ဟင်းခါးဆိုင်လေးဘာလေး ကိုယ့်အိမ်ထဲဖွင့်ရင် လုံခြုံရေးက လာပြီး ဆိုင်ကို သိမ်းသွားတာမျိုးတွေ ရှိခဲ့တယ်။ တဖြည်းဖြည်း လူနေစိတ်လာတဲ့အခါမှာတော့ မြို့နေတွေက မြို့မိမြို့ဘများကော်မီတီဆိုတာ ဖွဲ့ပြီး အဲဒီ မြို့သာယာရေးကော်မီတီနဲ့ အပြိုင် စကားပြောလာတယ်။ ငါတို့ဆိုင်တွေဖွင့်မယ် ကအစ ပေါ့။ ခုတော့ အက်ဖ်အမ်အိုင်ဟာ လမ်းတိုင်းမှာ ဆိုင်တွေနဲ့ စည်လို့ကားလို့။ အဲဒါ ဒီမိုကရေစီ အုပ်ချုပ်ရေးပုံစံပါ။ဒီမိုကရေစီ စနစ်မှာ၊ ဈေးကွက်စီးပွားရေးဟာ အင်မတန်မှ သဟဇာတ စနစ်ဖြစ်တယ်။ (စစ်ဖို့တော့ လိုပါသဗျာ)။ ပြည်သူလူထုရဲ့ အဆုံးစွန်သော အန္တိမလိုချင်တဲ့ အစိုးရပုံစံကတော့ အစိုးရမလို၊ စည်ပင်သာယာပဲ လိုတယ် ဆိုတာပါပဲ။ ကျနော်တို့ကို ဟိုဟာလုပ်၊ ဒီဟာလုပ် အမိန့်ပေးတဲ့အစိုးရမျိုးကို မလိုချင်ဘူး။ ကျနော်တို့ လိုချင်တာကို ဖြည့်ဆည်းပေးမယ့် အဖွဲ့အစည်းပဲ လိုချင်တယ်။ စိတ်တိုင်းမကျရင် အချိန်မရေးဖြုတ်လို့ရရမယ်။ နောက်တဖွဲ့ကို စမ်းခန့်ကြည့်မယ်။ အကောင်းဆုံးဝန်ဆောင်မှု၊ အကောင်းဆုံးပြည်သူ့ဆန္ဒကိုဖြည့်ဆည်းပေးနိုင်တဲ့ အဖွဲ့အစည်းဟာ အစိုးရသက်တမ်းကြာမှာပဲ။
အဲဒါ အတိုင်းတိုင်းအပြည်ပြည်က ပြည်သူတွေရဲ့ စစ်မှန်တဲ့ ဒီမိုကရေစီ ရည်မှန်းချက်ပဲ ဖြစ်ပါကြောင်းဗျာ။ ။
ချိုတူးဇော်
သတင်းအကျဉ်းချုပ် ...
