1 သိန်းစိန်ပြောတဲ့ခြစားမှုတိုက်ဖျက်ရမယ်ဆိုတဲ့ဗြောင်လိမ့်ဗြောင်လိမ် မထူးဇာတ်ကြီး

အကျင့်ပျက် ခြစားမှု တိုက်ဖျက်ရမယ်ဆိုတာ အစိုးရနေရာ ရောက်တဲ့သူတိုင်း ပြောရတဲ့စကားပဲ။

အထူးသဖြင့် နိုင်ငံ့ဝန်ထမ်း အစိုးရဝန်ထမ်း ပြည်သူ့ဝန်ထမ်းတွေ ဟိုးအထက်ကနေ အောက်အထိ အကြီးအကျယ် အာဏာကို အလွဲသုံးစားလုပ် ခြစား လာဘ်ယူနေကြောင်း ဖုံးမနိုင်ဖိမရ ဘွင်းဘွင်းကြီးပေါ် စုတ်ပြတ်သပ် ဖွတ်သရွတ် လိုက်နေတဲ့ တိုင်းပြည်မျိူးမှာ အစိုးရဖြစ်လာတဲ့သူတွေက တိုင်းသူပြည်သားတွေကို ပျားရည်နဲ့ဝမ်းချသလို ပေးရတဲ့ကတိ....။

ဘယ်အကောင်းစားနိုင်ငံမှာမှ ခြစားမှုတိုက်ဖျက်ရေးဟာ ဦးစားပေး နံပါတ်တစ် ထည့်ပြောနေစရာ စကားကို မဟုတ်ဘူး။ ငြိမ်ပိခေတ်ကတည်း "လာဘ်ပေးလာဘ်ယူ ဒို့ရန်သူ" ခဲ့တာပဲ။ လွှတ်တော်မှာ အမေးအဖြေတွေလုပ်တော့ နအဖ ဝန်ကြီးတွေက ကျူပ်တို့လက်ထက်မှာတော့ အားလုံးကောင်းဗျားလို့ ထောင်ဝါဒါစတိုင်နဲ့ အော်ခဲ့ပြီးမှ သူတို့ဝန်ကြီးချူပ် အခုသမ္မတကတစ်ခါ ခြစားမှုတိုက်ဖျက်ရမယ်ဆိုတော့ တော်တော့ကိုရူးပြီး ဗြောင်လိမ့်ဗြောင်လိမ် မထူးဇာတ်ကြီး ဆက်ခင်းကြမှာပါပဲ။

ခက်တာက ဝန်ထမ်းတွေ လာဘ်စားလို့ တိုင်းပြည်ပျက်တာ မဟုတ်ဘူး။ တိုင်းပြည်ပျက်လို့ ဝန်ထမ်းတွေ လာဘ်စားကုန်တာ။ တိုင်းပြည်ဘာလို့ ပျက်သလဲလို့ အထူးဋီကာချဲ့ပြစရာ မလိုတော့ပါဘူး။ မစွမ်းဆောင်နိုင်လို့ အရည်အချင်းမပြည့်မှီလို့ ပညာမတတ်လို့ လုပ်ရင်းကိုင်ရင်းသား မလုပ်တတ်မကိုင်တတ်နဲ့ ပျက်ရတယ်လို့တော့ မထင်နဲ့။ တမင်ဖျက်ပြစ်တာ။ အဲ့ဒါကို ခိုင်ခိုင်မာမာ ယုံပါ။

ဒီဘက် အနှစ်- ၂၀ကျော်မှာ ပျက်တာဟာ ဆိုရှယ်လစ်ခေတ်ထက် ပိုပျက်ပါတယ်။ စစ်အုပ်စုနဲ့ သူတို့ရဲ့အကျိူးတူ လူတန်းစား အခိုင်အမာ ဖြစ်ထွန်းလာပါတယ်။ တမင်ဖျက်ပြစ်တယ်ဆိုတာ စစ်အုပ်စုနဲ့ သူ့ရဲ့ အကျိူးတူလူတန်းစား အခိုင်အမာတည်ဆောက်ခဲ့ခြင်းကိုပဲ ရည်ညွှန်းဆိုလိုပါတယ်။

စိုက်ပျိူးရေးကို အခြေခံတယ်ဆိုတဲ့ တိုင်းပြည်ရဲ့ အဓိက စီးပွားထုတ်ကုန် ထုတ်လုပ်ရေးမှာ နည်းပညာကအစ ဘာတစ်ခုမှ မတိုးတက် မအောင်မြင်ပါဘူး။ စက်မှုစီးပွား နည်းပညာစီးပွား ဘာမှ အသစ်မထွန်းကား မတိုးတက်ပါ။
ရေသန့်စက်၊ ဘိလပ်ရည်စက်၊ ကြွပ်ကြွပ်အိတ်စက်၊ ဖယောင်းတိုင်စက်၊ ဂျစ်ကား]ဆင်}တဲ့ တွင်ခုံဝပ်ရှော့၊ အထည်ချူပ်စက်ရုံလို့ ခေါ်တဲ့ အပ်ချူပ်စက်အကြီးစား လုပ်ငန်းမျိူးတွေကို စက်မှုဇုံတဲ့။

ခေတ်ပြိုင်ကမ္ဘာကထွင်တဲ့ နည်းပညာတွေဖြစ်တဲ့ မိုဘိုင်းဖုန်း ဆက်သွယ်ရေးစံနစ်နဲ့ အင်တာနက် မြန်မာပြည်မှာရှိလာလို့ အရင်ကထက် ပိုမတိုးတက်ဖူးလားလို့ ပြောတဲ့ အံ့သြထူးဆန်းဖွယ်ရာ လူပြက်များကိုတော့ ကြုံဖူးပါတယ်။ ဒါပေမယ့် မင်းတုန်းမင်းကြီး ဘီယာသောက် မသွားရရှာဘူးဆိုတဲ့ ပြက်လုံးလောက်တောင် မရီရဘူး။

တိုင်းပြည်မှာ ရှိသမျှ မြေပေါ်မြေအောက် သံယာဇာတတွေ အပြောင်ရှင်း၊ လူ လယ်ကူလီကအစ ပါမောက္ခအဆုံး တိုင်းပြည်က ထွက်ပြေးရပါတယ်။ အခုနပြောတဲ့ သံယာဇာတတွေရောင်းတာ၊ အခုနပြောတဲ့ မိုဘိုင်းဖုန်းနဲ့ အင်တာနက် မြန်မာပြည်ကိုသွင်းတာ စစ်အုပ်ချူပ်သူတွေနဲ့ အကျိူးတူလူတန်းစားတို့ရဲ့ စီးပွားရေးပါပဲ။

လူလတ်တန်းစားပျောက်ပြီး ဘဝတွေ မိုးနဲ့မြေလောက် "ဟ"ကုန်တယ်ဆိုတာ သူတို့ရဲ့ ဈေးကွက်မောင်ပိုင်စီးမှုနဲ့ ပါမစ်စီးပွားရေးကားလ်ချားကြီးကြောင့် မဟုတ်လား။ လူတန်းစားနှစ်ရပ်ဆိုလို့ ၆၀ - ၄၀၊ ၃၀ - ၇၀၊ ၂၀ - ၈၀ ဆိုသလို အချိူးအစား မဟုတ်ဘူး။ လက်တစ်ဆုပ်စာက နတ်စည်းစိမ်ခံစားပြီး လူများစုကြီးက ပြာပုံတိုးနေရတာ။ နိုင်ငံခြားမှာ ကိုယ့်ကိုထောက်ပံ့တဲ့ အမျိူးရှိတဲ့အိမ်လောက်ပဲ မတ်တပ်စာရှိရတဲ့အဖြစ်။

ဋီကာမချဲ့ချင်ပါဘူးဆိုမှ မနေနိုင်လို့ ချဲ့လိုက်မိတယ်။ ဆန်ရှင်ကြောင့်တွေ ဆန်သေကြောင့်တွေလို့ ဘူးသွင်းခံထားရသူတွေလည်း အပမှီတာ ပျောက်လိုပျောက်ငြား။

လာဘ်စားတဲ့ဆီပြန်သွားရရင် ဘိလပ်မြေခိုးရောင်းတဲ့ နေ့စား အလုပ်သမားကို တိုက်ဖျက်ရမှာ မဟုတ်ဘူး။ အဲဒီ့တံတားဆောက်ဖို့ ငွေကို ဘယ်နေရာက ဘယ်လောက်ရပြီး ဘယ်လိုသုံးတာပါဆိုတာ အစိုးရကနေ တိုင်းသူပြည်သားကို တင်ပြရတဲ့စံနစ် ဖော်ဆောင်ရမှာဖြစ်တယ်။ ဒါ အဓိကပဲ... အစိုးရအလုပ်ဆိုတာ၊ ကျနော်များ ဒီနှစ်မှာ ဒီလောက်ငွေတွေကို ဒီနေရာတွေကရပြီး ဒီနေရာတွေမှာ သုံးပါ့မယ်လို့ ပြောရမယ်။ အဲ့ဒါ ခြစားတာ တိုက်ဖျက်တာပဲ။

သူခိုးကလူဟစ်ပြီး အကျင့်ပျက် ခြစားမှု တိုက်ဖျက်မယ့်အသံ ကြားတိုင်း အန်ချင်တယ်။

MMCPမှbaungအားကျေးဇူးတင်ရှိပါသည်..

သတင်းအကျဉ်းချုပ် ...

0 သက်တော်(၁၀၀) ဓါတ်ပေါင်းစုံအောင်မင်းခေါင်ဆရာတော်ကြီး

သက်တော်(၁၀၀) ဓါတ်ပေါင်းစုံအောင်မင်းခေါင်ဆရာတော်ကြီး

      ပြည်တွင်း/ပ သာသနာပြု မွန်ဆရာတော်ကြီး ဘဒ္ဒန္တသီလ၀န္တသည် ၁၉၅၈ ခုနှစ်မှ ၂၀၀၇ ခုနှစ် အထိ ကမ္ဘာ့နိုင်ငံပေါင်း (၁၄) နိုင်ငံသို့ သွားရောက်ပြီး တရားပို့ချခြင်း၊ မေတ္တာဘာဝနာပွားများခြင်း၊ စေတီများ တည်ထားခြင်းဖြင့် သာသနာပြုလုပ်ငန်းများကို သယ်ပိုးဆောင်ရွက်ခဲ့ရာ ဆရာတော်ကြီး တည်ထားခဲ့သော ကမ္ဘာ့နိုင်ငံအရပ်ရပ်မှ ဘုရားစေတီများမှာ - World Peace Pagoda (Byailone Chanda Zedi) NW Corner, Shwedagon Yahu Corner, Yangon (November 2, 1941)၊ Aung Mingaung Pagoda Windermere, Yangon (January 13, 1949)၊ Benares Pagodas(4) Varanasi. India (1958)၊ American Shwedagon Allegany, New York State, USA May 30, 1958 – June 6, 1958 – August 27, 1982 – September 6, 1982 (reconstruction)၊ Cakkavala Universal Pagoda Boise, Idaho State, USA (May 22, 1982 – June 11, 1982)၊ Canada Shwedagon Kinmount, Ontario, Canada (August 4, 1982 – August 22, 1982)၊ Crystal Mountain Peace Pagoda Galiano Island, BC, Canada (September 9-18, 1982)၊ New Zealand Shwedagon Wangapeka Valley, Nelson, S.Island, New Zealand (January 2 – 9, 1983)၊ Australia Shwedagon Adelaide, Australia (January 28, 1983 – February 9, 1983)၊ England Shwedagon Warwickshire, England, UK (July 28 – August 14. 1988) စသည့် စေတီတော်မြတ်များ ဖြစ်ကြသည်။

      ဆရာတော်ကြီးသည် ရန်ကုန်မြို့ အမှတ် (၁၀) ရပ်ကွက် ၀င်ဒါမီယာ၊ သံလွင်လမ်း၊ ကမာရွတ်မြို့နယ်ရှိ “အောင်မင်းခေါင်စေတီ၊ ဓါတ်ပေါင်းစုံကျောင်းတိုက်” တွင် သာသနာပြုလုပ်ငန်း များ ဆောင်ရွက်တော်မှုစဉ် ၁၈.၃.၂၀၁၁ (သောကြာနေ့) နံနက် (၅း၅၀) နာရီ အချိန်တွင် တစ်ဘ၀ ဇာတ်သိမ်းခန္ဓာဝန်ငြိမ်းတော်မူခဲ့သည်။ သို့ဖြစ်ပါ၍ ကျေးဇူးတော်ရှင် ဆရာတော်ကြီး၏ ရုပ်ကလာပ် တော်အား အောင်မင်းခေါင်စေတီ၊ ဓါတ်ပေါင်းစုံကျောင်းတိုက်တွင် နာရေးကူညီမှုအသင်း(ရန်ကုန်)မှ စတီးရွှေကရ၀ိတ်ဖောင်တော်ဖြင့် အပူဇော်ခံထားရှိကာ ဆရာတော်ကြီး၏ ရုပ်ကလာပ်တော်အား အသုဘကမ္မဋ္ဌာန်း ရှုမှတ်ပွားခြင်း အခမ်းအနားကို (၁၅) ရက်တိုင်တိုင် အပူဇော်ခံထားရှိခဲ့သည်။ ၁.၄.၂၀၁၁ (သောကြာနေ့) မွန်းလွဲ (၁း၀၀) နာရီအချိန်တွင် အန္တိမအဂ္ဂိဈာပနသဘင် ဆင်ယင် ကျင်းပခဲ့ရာ နာရေးကူညီမှုအသင်း(ရန်ကုန်)မှ အသင်းသူ/သားများသည် အောင်မင်းခေါင်စေတီ၊ ဓါတ်ပေါင်းစုံကျောင်းတိုက်မှ ရုပ်ကလာပ်တော်အား ပြည်တွင်း/ပမှ တပည့်ဒါယကာ ဒါယကာမများ၊ ဆရာတော် သံဃာတော်များ နှင့်အတူ ရေဝေးသုဿန်သို့ ပင့်ဆောင်လောင်တိုက်သွင်း၍ မီးသင်္ဂြိုလ် အခမ်းအနားအား စည်ကားသိုက်မြိုက်စွာဖြင့် ကျင်းပပြုလုပ်ခဲ့သည်။

ကိုကျော်သူအားကျေးဇူးတင်ရှိပါသည်.

သတင်းအကျဉ်းချုပ် ...

0 ဂျပန်နိုင်ငံနယူကလီးယားဓါတ်ရောင်ခြည်ပျံ့ နှံ့ မှုအခြေအနေ

ဂျပန်နိုင်ငံတွင် ငလျင်ကြီးနဲ့ဆူနမီဒဏ်ကြောင့်သေဆုံးသွားရသောဂျပန်ပြည်သူပြည်သားများအတွက် ဖရောင်းတိုင်ထွန်းညှိပြီး ဆုတောင်းပေးနိုင်ပါတယ်.....

ဖူကူရှီးမားအမှတ် ၁ ဓာတ်အားပေးစက်ရုံကနေ ကီလိုမီတာ ၂၀ အတွင်းနေထိုင်တဲ့သူတွေကို ဘေးလွတ် ရာရှောင်တိမ်းဖို့ ဂျပန်အစိုးရရဲ့ကြေညာထားပေမဲ့ အဲဒီလို ဘေးကင်းဇုံသတ်မှတ်ချက်ကို ထပ်မံတိုးချဲ့ဖို့ စဉ်းစားပါလို့ နိုင်ငံတကာအနုမြူအေဂျင်စီ IAEA က ပြောဆိုလိုက်ပါတယ်။ IAEA ရဲ့ ပြောဆိုချက်ဟာ ဓာတ်အားပေးစက်ရုံကနေ ကီလိုမီတာ ၄၀ အကွာမှာရှိတဲ့ အီးအိတာတဲ့ ရွာပတ်ဝန်းကျင်မြေဆီလွှာထဲမှာ ဓာတ်ရောင်ခြည်သင့်တာတွေရှိတယ်ဆိုတာကိုတွေ့ရတဲ့အတွက်ဖြစ်ပါတယ်။

ဂျပန်အစိုးရကတော့ လူ့ကျန်းမာရေးကို ချက်ချင်းလက်ငင်းထိခိုက်နိုင်တာမျိုးမရှိဘူးလို့ ပြောပါတယ်။ IAEA နဲ့ ဂျပန်အစိုးရတို့ရဲ့ပြောဆိုချက်ကွာဟမှုရှိနေတာက အဖြစ်အပျက်အခြေအနေတွေနဲ့ပတ်သက်ပြီး စိုးရိမ်စိတ်တွေကို မြင့်တက်လာစေပါတယ်။

ပြင်သစ်နဲ့ အမေရိကန်မှ ညူကလီယားဆိုင်ရာကျွမ်းကျင်သူတွေဟာ ဂျပန်ကိုရောက်လာပြီး ဂျပန်မှ တာဝန်ရှိသူတွေနဲ့ ဆွေးနွေးမှုတွေပြုလုပ်ခဲ့ပါတယ်။ ပြင်သစ်သမတ နီကိုလပ်စ် ဆာကိုဇီ လည်း ရောက်လာခဲ့ပြီး ဂျပန်ဝန်ကြီးချုပ် နာအို့တိုခန်း နဲ့ အနာဂတ်ညူကလီယားအရေးကို ဆွေးနွေးခဲ့တယ်လို့ သိရပါတယ်။ သမတဆာကိုဇီက အဲဒီဓာတ်အားပေးစက်ရုံဟာ ဘေးကင်းစိတ်ချရေးနဲ့ပတ်သက်ပြီး နိုင်ငံတကာစံနှုန်းတွေနဲ့ မညီဘူးလို့ ဆိုပါတယ်။ ပြင်သစ်ရဲ့ထဲထဲဝင်ဝင်လုပ်ကိုင်နေမှုတွေက ဖူကူရှီးမားစက်ရုံကနေ ရေဒီယိုဓာတ်သတ္တိကြွဒြပ် တော်တော့ကို ပျံ့နှံ့နေပြီလို့ ဆိုလို့ရနေပါပြီ။

ဒီအတောအတွင်း အကျပ် အတည်းဖြစ်နေတဲ့ဓာတ်အားပေးစက်ရုံရဲ့ အနီးပတ်ဝန်းကျင်မှာ ရေဒီယို ဓာတ်သတ္တိကြွဒြပ်ပျံ့နှံ့မှု မြင့်မား လာနေတယ်လို့ TEPCO က ကြာသပတေးနေ့ (မတ်လ ၃၁ ရက်)မှာ အတည်ပြုပြောဆိုလိုက်ပါတယ်။

ဓာတ်အားပေးစက်ရုံပတ်ဝန်းကျင်ကနေ ဘေးလွတ်ရာရှောင်တိမ်းခိုလှုံခဲ့ရတဲ့သူတွေဟာ သူတို့တတွေ နေထိုင်ရာ နေအိမ်တွေဆီကိုပြန်ပြီး လိုချင်တဲ့အရာတွေကိုယူတာမျိုးလုပ်နေတဲ့အတွက် ဖူကူရှီးမားခရိုင် အာဏာပိုင်တွေက ဘယ်လိုအကြောင်းကြောင့်နဲ့မှ ပြန်မလာနဲ့ဖို့ ကြေညာချက်တွေကိုကပ်ထားပါတယ်။

ဖူကူရှီးမားခရိုင်တွင်းက နွားသတ်ရုံတခုမှာ ရေဒီယိုဓာတ်ရောင်ခြည်သင့်တယ်ဆိုတာတွေ့ရှိရတဲ့အတွက် အဲဒီအမဲသားတွေကို ဈေးကွက်ထဲလုံးဝမတင်ပို့ရဘူးလို့ အမိန့်ထုတ်ထားပါတယ်။

ကျော်ကျော်စိုး

၁၃း၀၅ နာရီ

ဧပြီ ၁ ရက် ၂၀၁၁ ခုနှစ်

သတင်းအကျဉ်းချုပ် ...

0 တပ်ချုပ်ကြီး၏ အစိုးရအသစ် အတွက် အမှာစကား

ကျွန်ူပ်တို့ လက်ထက်တွင် ပြည်သူလူထု ငတ်မွတ်ခေါင်းပါး စေရုံသာ မက အစာရေစာ ပြတ်လတ်ကာ မြန်မာလူမျိုးများအား အမြစ်ပြတ်ချေမှုန်းရန် အတွက် ကြိုးစားခဲ့သော်လည်း အစာငတ်၍ သေသူ အရေအတွက်မှာ လွန်စာ နည်းလွန်းလှ၍ များစွာ စိတ်မချမ်းမသာ ဖြစ်ခဲ့ရသည် ။ သို့သော်လည်း ကျွန်ူပ်တို့ အစပျိုး ဆောင်ရွက်မှုကြောင့် ပြည်သူလူထု ဆင်းရဲဒုက္ခ ရောက်နေရသည့် မြင်ကွင်းများမှာ များစွာ ပီတိ ဖြစ်စရာ ကောင်းလွန်းလှပါသည် ။ ဘယ်တော့မှ ငတ်၍ မသေပါဆိုသည့် မြန်မာနိူင်ငံသားများအား လက်တွေ့ သတ်သေ ပြနိူင်ဖို့ အတွက် ကျွန်ူပ် ကိုယ်စား တိုင်းပြည်ကို ပိုမို ပျက်စီးအောင် လုပ်ဆောင် ဖို့ ကျွန်ူပ်ကိုယ်တိုင် သေချာစီစစ် ရွေးချယ်ထားသည့် အစိုးရ အသစ်အနေဖြင့် ဆက်လက် အကောင်အထည်ဖော် ကြိုးပမ်း ဆောင်ရွက် ကြရန် ဦးသိန်းစိန် ခေါင်းဆောင်သော အရေခွံလဲ အစိုးရအား အထူးမှာ ကြားလိုပါသည် ။ တိုင်းပြည်ကို ဖျက်စီးသည့် နေရာ၌ ပြိုင်စံရှားသည့်ကျွန်ူပ်၏ လုပ်ရပ်များကို အတုယူ နမူနာထားပြီး အလုံးစုံ ပျက်သုဉ်းသည် အထိ ဆက်လက် လုပ်ဆောင်ကြဖို့ အလေးအနက် တိုက်တွန်းလိုပါသည် ။

ကျွန်ူပ်ဦးဆောင်ခဲ့သည့် တပ်မတော်သည် ယခုအခါတွင် ပြည်သူ့အသတ်ကို သတ်ဖြတ်ဖို့ ၀န်မလေးသော လူသတ်သမား တပ်မတော်ကြီး အဖြစ်ရောက်အောင် စိတ်ရောကိုယ်ပါ နှစ်၍ ကြိုးစားခြင်း ရလဒ်ကို ပြည်သူလူထု ခံစားနေရသည်မှာ လွန်စွာမှပင် ပျော်ရွှင်စရာ ကောင်းလွန်းလှပေသည် ။ ရာထူးနှင့် စည်းစိမ်ချမ်းသာ အတွက် ဆိုလျှင် ယနေ့ တပ်မတော်သားများသည် တိုင်းပြည်ကို ဖျက်စီးရန် ၀န်မလေးလှသလို ပြည်သူလူထုကို အကြမ်းဖက် နှိမ်နှင်းရန်လည်း ၀န်မလေးလှသည် တွေ့မြင်ခဲ့ရ၍ တိုင်းပြည်ပျက်စီးကာ ပြည်သူလူထု ဒုက္ခရောက်မှ ပျော်ရွှင်ရသည့် ကျွန်ူပ် အနေဖြင့် နစ်ခြိုက်စ၇ာ ကောင်းလွန်းလှသည် ။ ယခုအခါတွင် ပြည်သူလူထုကြားက ပေါက်ဖွားလာသည့် တပ်မတော်သားများသည် ပြည်သူလူထု အား သတ်ဖြတ်ရန် လက်နက် ကိုယ်စီ ရှိနေကြပြီ ဖြစ်၍ စိတ်ထင်တိုင်း သောင်းကျန်းနေကြသည့် မြင်ကွင်းများကို ပိုမိုတွေ့မြင်လိုလှသည့် အတွက် ၊ စစ်တပ်အတွင်းနှင့် စစ်တပ်နှင့်သက်ဆိုင်သည့် တက္ကသိုလ်များ ၊ သင်တန်းများတွင် ကိုယ်ချင်းစာ တရား ခေါင်းပါးစေရန်နှင့် လူသတ်သည့်အလုပ်ကို ယဉ်ပါးလာကော ယုတ်မာသည့် စိတ်ဓါတ် ပိုင်ရှင်များ အဖြစ်ရောက်အောင် သင်ကြားပေးကြဖို့ အရေးပါလွန်းလှပေသည် ။

တပ်မတော်ကို တည်ထောင်ခဲ့သည်ဟု ဆိုကာ ဗိုလ်ချုပ်အောင်ဆန်းကို တပ်မတော်သား အချို့ တမ်းတမ်းတတ ရှိနေကြဆဲ ဖြစ်၍ ဗိုလ်ချုပ်အောင်ဆန်း၏ ပုံရိပ်များကို ပျောက်ကွယ်စေရေးကို ကြိုးစားဆောင်ရွက်ကြဖို့ လိုအပ်လှသလို ယခုတာဝန် ထမ်းဆောင်ဆဲ တပ်မတော်သားများ ပိုမို မိုက်လုံးကြီးလာအောင် နှင့် နောင်လာမည့် တပ်မတော်များအား ဆိုးဝါးယုတ်မာသည့် စိတ်ဓါတ်ပိုင်ရှင်များ ဖြစ်အောင် လေ့ကျင့်ပျိုးထောင်ဖို့ သည် ယခု ကာကွယ်ရေး ဦးစီးချုပ် အဓိကထား ဆောင်ရွက်ရမည့် တာဝန် ၀တ္တရားပင် ဖြစ်လေသည် ။ အမိန့်မှန်သမျှ အကုန်လိုက်နာ ဆောင်ရွက်ကြရန် စခန်းသွင်းလေ့ကျင့် ပြိုးထောင်သင့်လှပသေည် ။ ရွှေဝါရောင်တော်လှန်ရေး တွင် သံဃာများကို အကြမ်းဖက်သည့် တပ်မတော်သားများကို အတုယူကာ ဆက်လက် ကြိုးပမ်းကြလျှင် တိုင်းပြည်ကို ဖျက်စီးကာ ပြည်သူလူထု အနေဖြင့် ပိုမို ဆိုးဝါးသော ဒုက္ခများကို ဖန်တီးပေးနိူင်ဖို့သည် တပ်မတော်သားတို့၏ တာဝန် ၀တ္တရားပင် ဖြစ်လေသည် ။ ထို့အပြင် စစ်မှု မထမ်းမနေရ စနစ်ကို အတည်ပြုနိူင်ပါက ယောက်ျားလေးများထက် မိန်းကလေးများကို စစ်တပ်တွင်း ထည့်သွင်းကာ ယုတ်မာသည့် လူငယ်မျိုးဆက်သစ်များကို ပိုမိုမွေးဖွားကာ ရှင်သန်ကြီးထွားနိူင်အောင် ကြိုးစားဆောင်ရွက်ကြပါ ။



ပညာရေး ၀န်ကြီးအား အထူးအမှာ စကား ပြောကြားလိုသည်မှာ နိူင်ငံတနိူင်ငံ၏ တိုးတက်မှု ကဏ္ဍကို ပညာရည်မြင့်မားသည့် လူငယ်များ၏ စွမ်းအားဖြင့် တိုင်းတာလေ့ ရှိသည်ကို သိထားသည့် ကျွန်ူပ်တို့ စစ်အာဏာ ရှင် အစိုးရသည် ပညာရေး မဏ္ဍိုင်ကို ယိုင်နဲ့စေရန် များစွာ အားထုတ် ကြိုးပမ်းခဲ့သည်ကို မျက်မြင်ကိုယ်တွေ့ သိရှိပြီး ဖြစ်ပါလိမ့်မည် ။ သို့သော် အချို့အနည်းငယ်မျှသော လူငယ်များ သည် ကျွန်ူပ်တို့ စကားများအား ဆန့်ကျင်ရန် ကြိုးစားနေကြတုန်း ပင်ဖြစ်သည် အတွက် အစိုးရ အသစ်အနေဖြင့် အသိဥာဏ် ဖွံ့ဖြိုး တိုးတက်စေမည့် သင်ခန်းစာများ ၊ ဘာသာရပ်များကို ဖြုတ်ချ၍ ပညာရေး စနစ်ကို ဆက်လက် ဖျက်စီးဖို့အပြင် ဘာမှ မသိနားမလည်တဲ့ ဆရာ ၊ ဆရာမ များစွာကို အလုပ်ခန့်အပ်နိူင်ဖို့ အထူး လိုအပ်လှပေသည် ။ စာပေကို နားလည် တတ်ကျွမ်းသူ လုံးဝ ပပျောက်စေရေး အတွက် စီမံကိန်းများ ချမှတ်ကာ အကောင်အထည် ဖော်ရန် လိုအပ်လှသလို မြန်မာ တမျိုးသားလုံး အသိဥာဏ် လုံးလုံး ပျောက်ကွယ်စေရမည် ဆိုသည့် မှတ်တိုင်ကို အရောက်ချီတက်ရန် လက်ရှိ အစိုးရ အသစ်၌ တာဝန် ဖြစ်သောကြောင့် ကျွန်ူပ် အထူးတာဝန် ပေးအပ်လိုပါသည် ။



ကျန်းမာရေး ၀န်ကြီးအား အဓိကထား ပြောကြားလိုသည်များကတော့ ယနေ့ချိန်ခါတွင် ပြည်သူလူထု သည် ဆင်းရဲဒုက္ခ ကြီးစွာ ရောက်နေသောကြောင့် ပြင်ပဆေးရုံ ၊ ဆေးခန်းများတွင် ကုသမှု ခံယူနိူင်သည် အလွန်နည်းပါးလှသည့် အတွက် အစိုးရ ပိုင် ပြည်သူ့ဆေးရုံများကို ကို အားထား လာကြပေလိမ့်မည် ။ ထိုအခါ ကျန်းမာရေး ၀န်ကြီး ဦးဆောင်သည့် ကျန်းမာေ၇း ၀န်ထမ်းများ အနေဖြင့် ဆေးရုံသို့ လာသော လူနာများအား လုံလောက်သော ပြုစု စောင့်ရှောက်မှုများ မပေးအပ်ဘဲ ပစ်ထားကြရန် အရေးကြီးလှပေသည် ။ ကျန်းမာရေး ၀န်ထမ်းများအား ကိုယ်ချင်းစာ တရာ ခေါင်းပါးသည့် စိတ်ဓါတ်ပိုင်ရှင်များ ဖြစ်အောင် လုပ်ငန်းခွင် မရောက်မှီကပင် ပညာရေး ၀န်ကြီးနှင့် ပူးပေါင်း၍ အထူးမွမ်းမံ သင်တန်းများ ဖွင့်လှစ်သင့်ပေသည် ။



နောက်တချက် မှာကြားလိုတာက ပြည်သူလူထု ကြားက ပေါက်ဖွားလာသည့် စရိတ်မျှပေး ကျန်းမားရေး ဆေးခန်းများ ၊ အခမဲ့ ဆေးကုခန်းများကို လုံးဝ ဖွင့်ခွင့် မပေးဘဲ ရောဂါသည်များ ဒုက္ခကြီးစွာ ခံစားရရန် ကြိုးစားပမ်းစား ဆောင်ရွက်ရမည် ။ ကျွန်ူပ် ၏ ပြည်သူလူထု ဒုက္ခ ပိုမိုကြီးစွာရောက်ရှိရေး စီမံချက်ကြောင့် ဆေးဝါး ကုသမှု မခံယူနိူင်သည့် လူနာများကို အချို့သော ဆရာဝန်များက အခမဲ့ဆေးကုသပေးလိုသည့် ကိုယ်ချင်းစာ တရားများ သူ့တို့တွင် တွေ့ရှိနေရဆဲ ဖြစ်သောကြောင့် များစွာ စိတ်မချမ်းမသာ ဖြစ်ခဲ့ရလေသည် ။ ထို့အပြင် ပြည့်စုံမှု မရှိသည့် သင်ကြားမှုများကို ခံယူထားပါလျှက် အချို့သော ဆရာဝန်များသည် ရောဂါ ရှာဖွေ ကုသရာ၌ အမှန်တကယ် တတ်ကျွမ်းနေဆဲ ဖြစ်သော ကြောင့် ဘာမှနားလည်မှု မရှိစေရန် သင်ရိုးညွန်းတမ်း အသစ်များ ထုတ်ပြန်ဖို့ ဆက်လက် ကြိုးစားသင့်ပေသည် ။ နောက်ဆုံး အနေနဲ့ အထူးပြောကြားလိုတာက ရောဂါခံစားရသူ မှန်သမျှ အဆိုးဆုံး ဝေဒနာကို ဆက်လက် ခံစားနိူင်ရန် ကျန်းမာရေး ၀န်ထမ်းများကလည်း အားတက်သရော ပါဝင် ဆောင်ရွက် ကြရန် အရေးကြီးလှပေသည် ။

ဆောက်လုပ်ရေး ၀န်ကြီး ကို သတိပေးပြောကြားလိုသည်မှာ လက်ရှိ သုံးစွဲနေသော စနစ်များ နှင့် သုံးစွဲနေသော ပစ္စည်းများ၏ အရည်အသွေးကို ထပ်မံ နိမ့်ချနိူင်ရန် အထူးကြိုးစားသင့်ပေသည် ။ ကျွန်ူပ်သည် မြန်မာနိူင်ငံသားများ ပျက်စီးစေရေး အတွက် နှစ်ပေါင်း နှစ်ဆယ်ကျော် အထူးအားထုတ် ကြိုးစားခဲ့ပေသည် ။ အဆောက် အဦးများ ရေရှည် မခိုင်ခန့်ဘဲ မြန်မြန် ပြိုပျက်စေမည့် နည်းလမ်းများကို ထည့်သွင်းကာ တည်ဆောက်ခဲ့သည့် အဆောက်အဦး တချို့သာ ပြိုကျ၍ အချို့သော အဆောက် အဦးများ မပြိုကျသေးသည့် အတွက် ယခုသုံးစွဲနေသာ စနစ်ထက် ပိုမို အပျက်အစီးမြန်စေမည့် နည်းလမ်းများကို ကြံစည်ကြိုးကုတ် အားထုတ်သင့်လှပသည် ။ ယခုလက်ရှိ အိမ်ခြံမြေ ဈေးများသည် ပြည်သူလူထု အချို့ဝယ်ယူနိူင်ဆဲ ဖြစ်နေသောကြောင့် ထို့ထက် ပိုမိုဈေးကြီးသော နှုန်းထားဖြင့် အရေအသွေး ညံ့ဖျင်းသည့် အိမ်ယာများ ပိုမိုဆောက်လုပ်ကာ အိမ်ပြုကျ၍ သေဆုံးသူ အရေ အတွက် ၊ တံတားဆည်မြောင်းများ ကျိုးကျ ပျက်စီးစေသည့် အရေအတွက် တိုးပွားလာရန် အားထုတ် ကြိုးပမ်းကြပါ ။



သာသနာရေး ၀န်ကြီး ဌာနမှ ဦးစီး၍ ဗုဒ္ဓ၏ စစ်မှန်သော တရားတော်များ ဖြန့်ဖြူးသည့် သံဃာများကို ဖမ်းဆီး၍ တရားတော်နှင့် ဆန့်ကျင်သည့် အယူဝါဒကို ဖြန့်ဝေ သည့် ဘုန်းကြီးများအား ဘွဲ့တံဆိပ်များ ဆက်ကပ် လှူဒါန်းကာ အားပေးအားမြှောက် ပြုလုပ်ခဲ့၍ ယနေ့အခါတွင် မြန်မာနိူင်ငံတွင် စစ်မှန်သော ဗုဒ္ဓ၏ တရားတော်များ ကို ယုံကြည်သူ အတော်နည်းပါးလာ၍ များစွာ နှစ်ထောင်းအား၇ ရှိလှပါသည် ။ သို့သော် တချို့သော သံဃာတော်များ၏ စွမ်းပကားကြောင့် ဗုဒ္ဓဘာသာဝင် များ ရှိနေသေးသည် ။ ကျွန်ူပ်၏ ယုတ်မာ ကောက်ကျစ်သော စိတ်ထားကို ကမ္ဘာက သိအောင် ရွှေဝါရောင် တော်လှန်ရေး တွင် လက်တွေ့ကျကျ ပြဆိုနိူင်ခဲ့သလို သင်တို့ အစိုးရ အသစ်အနေဖြင့်လည်း ကျွန်ူပ်ကို ဥပမာထားပြီး များစွာ ကြိုးပမ်းစေလိုပါသည် ။ ဗုဒ္ဓ၏ အယူအဆ အမှန်ပါဟု ဆိုလျှင် ကျွန်ူပ်ကား မဟာအ၀ီစိ ငရဲ၌ ကမ္ဘာပေါင်းများစွာ ခံစားရမည်ဟု တရားတော်များက ပြဆိုထားသောကြောင့် ထိုတရားတော်များကို လိုက်လံ ဖြန့်ဝေကာ လူအများကျင့်ကြံရန် ကြိုးစားဟောပြောသည့် လူအများကို များစွာ မုန်းတီးလှသောကြောင့် မြန်မာ့မြေပေါ်မှာ ဗုဒ္ဓဘာသာ အလုံးစုံကွယ်ပျောက်ရေးကို သာသနာရေးဝန်ကြီး ဦးဆောင်ကာ ကြိုးစားဆောင်ရွက်ကြဖို့ အလေးအနက် တိုက်တွန်း ပြောကြားလိုပါတယ် ။

မြန်မာနိူင်ငံသားများသည် ဗုဒ္ဓဘာသာဝင် များလှသောကြောင့် ယဉ်ကျေးမှု ကို အထူးလေးစား လိုက်နာလေ့ ရှိကြသည်ကို မုန်းတီးလှ၍ ကိုယ့်ကျင့်စာရိတ္တများ ခေါင်းပါးရန် အားသွန် ခွန်စိုက် ကြိုးစားပမ်းစား ဆောင်ရွက်ခဲ့လေသည် ။ အဖော်အချွတ် ဦးစားပေးကာ ကျွန်ူပ်တို့အား ထောက်ခံသည့် အနုပညာရှင်များကို အကယ်ဒမီ နှင့် ထူးချွန်ဆု အမျိုးမျိုး အပ်နှင်းခဲ့၍ ယခုအခါ အနုပညာရှင်များကို အသုံးချကာ ယဉ်ကျေးမှု ပျက်စီးစေရန် ဆောင်ရွက်နိူင်ခဲ့လေပြီ ။ သို့ပေသော်ငြားလည်း အချို့သော အနုပညာရှင်များသည် ကျွန်ူပ်တို့ကို အာခံကာ ယဉ်ကျေးမှုကို မြင့်တင်ရန် ပြန်လည် ကြိုးစားလုပ်ဆောင် နေကြတုန်းပင် ဖြစ်သည် ။ ထို့ကြောင့် ယဉ်ကျေးမှု ၀န်ကြီး ဌာန အနေဖြင့် အဖော်အချွတ်ကို အသားပေးသည့် မော်ဒယ်ပြိုင်ပွဲများ တာဝန်ခံ ကျင်းပပေးရန်နှင့် မဖော်မချွတ်သည့် အနုပညာရှင်များ ၊ ညစ်ညမ်းစာပေ မရေးသားသည့် အနုပညာရှင်များ ၊ လူမှုရေး လုပ်ငန်းများ လုပ်ဆောင်သည့် အနုပညာရှင်များအားလုံးကို အနုပညာ လုပ်ပိုင်ခွင့်များ ပိတ်ပင်ရန် ဥပဒေ ထုတ်ပြန်သင့်ပေသည် ။


ယခင် သိပ္ပံနှင့် နည်းပညာ ၀န်ကြီးနှင့် ဌင်း၏ လက်အောက်မှ ၀န်ထမ်းများသည် များစွား ချီးမွမ်းထိုက်ပေသည် ။ သူတို့ တာဝန် ဆောင်ရွက်နေသည့် ကာလ တလျှောက်လုံး ဘာပစ္စည်းများ မတီထွင် မဖန်တီးကာ ထုတ်လုပ်မှု ရလဒ် သုည ရာခိုင်နှုန်း ဖြင့် အတော်ဆုံး ၀န်ကြီး ဌာန ဖြစ်ခဲ့သည့် အတွက် ထိုစံချိန်ကို ယခု အစိုးရသစ်မှ ၀န်ကြီးများနှင့် နောက်လိုက်များ အားလုံး အတုယူသင့်လှပသေည် ။ တိုင်းတပါးသားတို့ စကြာဝဋာကို လေ့လာ နေသည်ကို ကျွန်ူပ်တို့ တိုင်းပြည်မှ ၀န်ကြီးနှင့် အပေါင်းအပါများသည် အားမကျဘဲ မျိုးချစ်စိတ်ကို အရင်းခံကာ ကြက်ဆူပင်က ဆီထုတ်နိူင်ဖို့ လမ်းစနှင့် နွားနှင့်လှည့်ကာ လျှပ်စစ်ထုတ်ရန် ကြိုးစားနေသည့် မြင်ကွင်းများသည် ကျွန်ူပ် အတွက် လွန်စွာမှပင် နှစ်ထောင်းအားရ ရှိလှပေသည် ။

ဆက်သွယ်ရေး ၀န်ကြီး ဌာနသည်လည်း ပြည်သူလူထုဆီသို့ ရောက်ရှိနေသော ငွေများအား ကျွန်ူပ်တို့ဘက်သို့ တရားဝင် ကြည်ဖြူစွာ လွှဲအပ်ရန် ကြိုးစားသည့် နေရာ၌ အတော်ဆုံးပင် ဖြစ်သည် ။ ဖုန်းလိုင်း နှင့် အင်တာနက် လိုင်း အများအပြားကို နံမည် အမျိုးမျိုးဖြင့် ပညာပြကာ ရောင်းချမှုကြောင့် ကျွန်ူပ်တို့ စစ်အာဏာရှင်များ အတွက် များစွာ စီးပွားဖြစ်ထွန်းခဲ့ပေသည် ။ ကမ္ဘာပေါ်တွင် တယ်လီဖုန်းလိုင်း ဈေးအကြီးဆုံး အဖြစ် ရပ်တည်နိူင်ခဲ့သလို လိုင်းအမျိုးအစား အများဆုံး နိူင်ငံ အဖြစ် ရပ်တည်နိူင်အောင် ကြိုးစားခဲ့၍ အင်တာနက်လိုင်းများတွင်လည်း ထို့အတူပါဘဲ ၊ သုံးစွဲသည့် စနစ်သာ ကွဲပြားသွားတယ် အားလုံး ပုံမှန်ဖြစ်အောင် ဖန်တီးခဲ့၍ အထူးဂုဏ်ပြုလိုပါသည် ။ သို့သော် ထိုအင်တာနက် ဆိုသည့်ဆက်သွယ်မှုကြီးက ကျွန်ူပ်တို့၏ မဟုတ်မမှန်သော လုပ်ရပ်များကို ဖော်ထုတ်လွန်းလှသောကြောင့် ဆက်သွယ်ရာ၌ မြန်နှုန်းကို ထပ်မံနိမ့်ချဖို့ အထူးလိုအပ်လှသလို ၊ ဖုန်းလိုင်းများတွင်လည်း တဖက်က ခေါ်လျှင် တဖက်က မကြားအောင် လုပ်ဆောင်နိူင်မှ ၀င်ငွေ တိုးမြှင့်မည် ဖြစ်သော ကြောင့် ခေါ်ရလွယ်ကူပြီး အသံမကြားရသည့် စနစ်များကို ထပ်မံ တိုးချဲ့ဆောင်ရွက် သင့်လှပေသည် ။

သဘာဝ သယံဇာတ အရင်းအမြစ်များ ပေါများလှသည့် နိူင်ငံကြီးကို အမြဲ စွမ်းအင်ပြတ်လပ်အေင် နေ့မအား ညမအား ဆောင်ရွက်လျှက် ရှိသည့် အပြင့် ကိုယ့်တိုင်းပြည်က စွမ်းအင် မှန်သမျှကို တိုင်းတပါးသို့ ရောင်းချနိူင်အောင် ကြိုးစားလုပ်ဆောင်ပြ၍ လျှပ်စစ်စွမ်းအား ၀န်ကြီးသည် တာဝန် ကျေပြွန်လွန်းလှ၍ နောင်တွင်လည်း ယခုထက် နှစ်ဆတိုးကာ စွမ်းအင်းမှန်သမျှ တိုင်းတပါးကို ရောင်းချနိူင်အောင် ကြိုးစား ဆောင်ရွက်သင့်ကြောင်း ပြောကြားလိုပါတယ် ။

ယနေ့ တနေ့တခြား တိုးတက်လာသော ကုန်ဈေးနှုန်းများကို ကြည့်ခြင်းအားဖြင့် စီးပွားရေး နှင့် ကူးသန်းရောင်းဝယ်ရေး ၀န်ကြီးသည် ကျွန်ူပ်တို့ ချမှတ်ထားသော မူဝါဒကို အကောင်းဆုံး ဖြစ်အောင် အကောင်အထည် ဖော်ဆောင်ရွက်ပေးခဲ့သည် ကို နည်းနာယူကာ အစိုးရ အသစ် အနေဖြင့်လည်း ဆက်လက် လက်စွမ်းပြကာ ကုန်ဈေးနှုန်းများ ပိုမို တိုးတက်လာစေရေးကို အားသွန် ခွန်စိုက် ကြိုးစား ဆောင်ရွက်စေလိုပါတယ် ။ ကျွန်ူပ်တို့ လမ်းညွှန်ချက်များ အတိုင်း ကိုယ့်နိူင်ငံက သယံဇာတကို ဈေးပေါပေါဖြင့် ရောင်းချကာ တိုင်းတပါးမှ ပစ္စည်းများကို ဈေးကြီးကြီးဖြင့် တင်သွင်းကြရင် မကြာခင် အချိန်ကာလမှာ မြန်မာနိူင်ငံက ကုန်ဈေးနှုန်းက ကမ္ဘာမှာ အကြီးမားဆုံး ဖြစ်လာအောင် ကြိုးစား ဆောင်ရွက်နိူင်မှ ကျွန်ူပ်တို့ ရည်ရွယ်ချက် ပန်းတိုင်ကို လှမ်းကိုင်နိူင်မှာ ဖြစ်ပါတယ် ။

ကျွန်ူပ်၏ လမ်းညွှန်ချက်များကို သေချာစွာ အကောင်အထည်ဖော် ဆောင်ရွက်ပေးခဲ့သည့်နေရာ၌ ပြည်ထဲရေး ၀န်ကြီး ၊ ရဲချုပ် ၊ တရားသူကြီးချုပ်တို့၏ အစွမ်းအစကိုလည်း များစွာ ချီးမွမ်း စကားပြောကြားလိုပါသည် ။ ကမ္ဘာပေါ်တွင် မတရားသည့် ဥပဒေအများဆုံး ရေးဆွဲနိူင်အောင် နှင့် ဥပဒေ အသစ်တခုကို အမြန်ဆုံး ပြဌာန်းနိူင်အောင် ကြိုးစားပမ်းစားလုပ်ဆောင်ခဲ့၍ ကမ္ဘာအလယ်တွင် မြန်မာနိူင်ငံသည် စံချိန်တင်နိူင်ခဲ့ပါသည် ။ ဥပေဒ ချိုးဖောက်သူများကို မဖမ်းဆီးဘဲ တွေ့တဲ့လူကို အမြန်ဆုံး ဖမ်းဆီး အပြစ်ပေးခဲ့သည့် အတွက် ရဲချုပ် ကြီးသည် နံမည် တက်ခဲ့ပါသည် ။ ထို့အပြင် ဘယ်နိူင်ငံမှာမှ မရှိသေးသည့် ထောင်ဒဏ်များကို အပြစ်မရှိသည့် လူအများကို အပြစ်ပေးသည့် နေရ၌ တရားသူကြီးချုပ်သည် အတော်ဆုံးဟု ပင် ထင်မြင်မိပါသည် ။ သူတပါး လဘ်မစားရအောင် ကိုယ်တိုင် ကြိုးစားပမ်းစား လဘ်စားမှုများကို ပြည်ထဲရေး ၀န်ကြီးမှ စံနမူနာ ပြလုပ်ဆောင်ခဲ့၍ ယခုအခါတွင် လဘ်စားခြင်း သည် မြန်မာနိူင်ငံသားတို့ အတွက်ယဉ်ကျေးမှု သဖွယ် အမြစ်တွယ် သွားသည်ကို တွေ့ရှိရ၍ လွန်စွာမှပင် နှစ်ခြိုက်မိလှပါသည် ။

မဟုတ်မမှန် လုပ်ကြံသတင်းများ အစဉ် တစိုက် ဖြန့်ဝေပေးခဲ့သည့် ပြန်ကြားရေး ၀န်းကြီး ဌာသည်လည်း လိမ်ညာသည့် နေရာ၌ နံပါတ်ဝမ်း အဖြစ် နေရာယူနိူင်ခဲ့ပါသည် ။ နံမည်ကြီး အနုပညာရှင်များ ၊ စာရေးဆရာများ ၏ ၀ိုင်းဝန်းကြိုးစားကာ အားထုတ် ကြိုးပမ်းမှု များကြောင့် ပြန်ကြားရေး ဌာန သည် ပိုမို နံမည်ကြီးလာသည်ကို တွေ့ရှိရ၍ ဆက်လက် အားထုတ် ကြိုးပမ်းစေလိုပါသည် ။ နာဂစ်တွင် လူသန်းပေါင်းများစွာ ဒုက္ခရောက်နေသည်ကို နိူင်ငံတကာက သိနေသော်ငြားလည်း အစိုးရပိုင် သတင်းစာ ၊ ရုပ်မြင်သံကြားတို့တွင် ထောင်ဂဏ္ဍန်းမျှသာ ဖော်ပြနိူင်သည် အထိ ကြိုးစားလုပ်ဆောင်ခဲ့သည့် ပြန်ကြားရေး ၀န်ကြီး အား အထူးချီးမွမ်းလိုပါသည် ။

ဘဏ္ဍာရေး နှင့် အခွန်ဝန်ကြီးဌာန အနေဖြင့် ပြည်သူလူထု ပိုမို ဒုက္ခရောက်စေရန် စတင်အားထုတ် လုပ်ဆောင်သည့် အနေဖြင့် ၀င်ငွေခွန်များကို ပိုမို တိုးမြှင့်ကောက်ခံသင့်လှပေသည် ။ တဖက်က ပြည်သူလူထု ၀င်ငွေလျော့နည်းအောင် ကြိုးစား အားထုတ်ရမည် ဖြစ်သလို အခြားတဖက်ကလည်း ၀င်ငွေခွန်များ တိုးမြှင့်ကောက်ခံလိုက်လျှင် မကြာမှီ အချိန်ကာလမှာ ကျွန်ူပ်တို့ ရည်မှန်ထားသည့် ပြည်သူလူထု ငတ်ပြတ်စေရေး ဆိုသည့် ဆောင်ပုဒ်ကို အကောင်အထည်ဖော်ဆောက်ရွက် နိူင်မည်မှာ အသေအချာပင် ဖြစ်သည် ။ ထို့အပြင် ပြည်ပထွက်ခွာ အလုပ်လုပ်နေသော သူများကိုလည်း ယခုကောက်ခံနေသော အခွန် ၁၀% ထက် ငါးဆ တိုးကာ ၅၀% ကောက်ခံပါမှ ပြည်တွင်းမှာ ထိုသူတို့၏ ဆွေမျိုးသားချင်းများလည်း ဆင်းရဲ ဒုက္ခရောက်ကြမည် ဖြစ်လေသောကြောင့် အမြန်ဆုံး ဆောင်ရွက်နိူင်အောင် အားထုတ် ကြိုးစားစေလိုပါသည် ။

အလုပ်သမားနှင့် လူမှုဝန်ထမ်း ၀န်ကြီး ဌာကို အသိပေးပြောကြားချင်တာက အလုပ်သမားတွေ ၀င်ငွေ မြင့်လားခဲ့ရင် သူတို့မိသားစုတွေ စားဝတ်နေရေးတွေ အဆင်ပြေချောမွေ့မှာ ဖြစ်လို့ အလုပ်သမားများရဲ့ ၀င်ငွေကို လျော့နိူင်သမျှ လျော့ချကြဖို့ အထူးအရေးပါလှပါတယ် ။ လူမှုဝန်ထမ်း လုပ်ငန်းများ အတွက်ကတော့ နာဂစ် ၊ ဂီရိ တို့မှာ လုပ်ဆောင်ချက်များ အတိုင်း ပြည်သူလူထု ဒုက္ခရောက်ရင် ကူညီဖို့ မကြိုးစားကြတဲ့ အပြင် ကူညီလာသူများကို ထိထိရောက်ရောက် ဟန့်တားနှောက်ယှက် ကြဖို့ အရေးပါလှပါတယ် ။ နာဂစ်တွင် မျှော်မှန်းထားသည်ထက် ပိုမို အသေအပျောက်များ သည့် သတင်းကို ကြားရသည့် အခါ လွန်စွာမှပင်ဝမ်းသာလွန်း လှပါသည် ။

နိူင်ငံခြားရေး ၀န်ကြီး အနေဖြင့် ကျွန်ူပ်တို့ ယုတ်မာပက်စက်မှုများကို ထောက်ခံအားပေးနေသည့် နိူင်ငံများနှင့် ပိုမိုရင်းနှီးစွာ လက်တွဲ ပူးပေါင်း ဆောင်ရွက်နိူင်ရန် ကြိုးစားသင့်လှပေသည် ။ ယခင် ၀န်ကြီးတုန်းက ကမ္ဘာခေါင်းဆောင်များ အလယ်မှာ မြန်မာလို ၀င့်ထည်စွာ ပြောဆိုခဲ့တာကို နမူနားထား စေလိုပါတယ် ။ အထူးသဖြင့် တရုတ်နှင့် ရုရှား တို့ ထောက်ခံနေသမျှ ကုလသမဂ္ဂ ဆိုတာကြီးက ငုတ်တုတ် ထိုင်ကြည့်နေရမှာ အသေအချာဖြစ်လို့ တိုင်းပြည်က သယံဇာတများကို တစိုးလက်ဆောင် အဖြစ်ပေးအပ်ကာ အဆိုပါ နိူင်ငံများနှင့် ချစ်ကြည်ရင်းနှီးမှုကို ပိုမို ခိုင်မြဲအောင် ကြိုးစား အားထုတ် လုပ်ဆောင်သွားဖို့ တိုက်တွန်း ပြောကြားလိုပါတယ် ။

တနိူင်ငံလုံးကို တရားဝင် ဖျက်စီးခွင့်ရရှိဖို့ နိူင်ငံတကာက လက်ခံနိူင်တဲ့ အရေခွံလဲ အစိုးရ ဖြစ်မြောက်ရေး အတွက် အားသွန်ခွန်စိုက် ၀ိုင်ဝန်းကြိုးစားပေးခဲ့ကြတဲ့ ပါတီများနှင့် ကမ္ဘာပေါ်တွင် အယုတ်မာဆုံး အစိုးရ ပေါ်ထွန်းလာအောင် I Vote လုပ်ပေးခဲ့သည့် ပြည်သူလူထု အားကျေးဇူး အထူးတင်ပါသောကြောင့် ထိုသူများအား မှတ်တမ်း တင်ထား ပါတယ် ။ ယခု အစိုးရ ထက် ထပ်မံ ဆိုးရွားတဲ့ အစိုးရ အသစ်ကို နောက်ထပ် ဖွဲ့စည်းသည့် နေရာတွင်လည်း ဆက်လက် ကူညီပေးကြဖို့ အခုကတည်းက ကြိုတင် အစီရင်ခံ တင်ပြလိုက်ပါတယ် ။

ကုလသမဂ္ဂနှင့် နိူင်ငံတကာ အဖွဲ့အစည်းများသည် ပြစ်တင် ရှုံ့ချခြင်း ၊ သတိပေးခြင်းမှ ၊ပါးစပ်ဖြင့် အရေးယူမည်ဟု ခြိမ်းခြောက် ပြောဆိုခြင်းများမှ လွဲ၍ မြန်မာနိူင်ငံရေး တွင် ပြည်သူလူထုဘက်မှ ရပ်တည်ကာ ဘယ်သော အခါမှ ကာကွယ်ပေးမည် မဟုတ်၍ ပြည်သူလူထုအား အစွမ်းကုန် ဒုက္ခပေးကြရန် အစိုးရ အသစ်အား အသိပေး ပြောကြားလိုပါတယ် ။ ယနေ့မြန်မာနိူင်ငံသား အများစုဟာ အကြောက်တရားများ လွှမ်းခြုံထားသည့် စိတ်ဓါတ်ပိုင်ရှင်များ ဖြစ်တာကြောင့် မိမိတို့ လုပ်ဆောင်လိုသည့် အရာများအတွက် မတရားမှုကို အခြေခံသည့် ဥပဒေများ အမြန်ဆုံး ပြဌာန်းကာ ကမ္ဘာမြေပုံပေါ်မှ မြန်မာနိူင်ငံ ပျောက်ဆုံး၍ မြန်မာလူမျိုးများ လုံးဝ ဥသုံ ကွယ်ပျောက်စေရေး အတွက် ယခုထက် ပိုမို ယုတ်မာ ရိုင်းပြသည့် စိတ်ထားများကို မွေးမြူကာ လိုက်နာ ကျင့်ကြံကြဖို့ အထူးတိုက်တွန်းပြောကြားရင်း နိဂုံးချုပ်လိုက်ပါတယ် ။

တပ်ချုပ်ကြီးရဲ့ အမှာစကားကို ကြားနာပြီးတဲ့နောက်မှာ ဦးသိန်းစိန် ဦးဆောင်တဲ့ အစိုးရ အသစ်ဟာ လွန်စွာမှပင် ပျော်ရွှင်ဝမ်းမြောက်လွန်းလှ၍ တပ်ချုပ်ကြီး စိတ်တိုင်းကျ ဖျက်စီးခဲ့သည့် တိုင်းပြည်ကြီးနှင့် ပြည်သူလူထုအား ဆက်လက် ဒုက္ခပေးပါမည်ဟု ဂတိပြုဝန်ခံကာ ကျမ်းသစ္စာ ကျိန်ဆိုပြီးသည့်နောက်တွင် သမ္မတ ဦးသိန်းစိန်မှ သူတို့ အာဏာ တည်မြဲရေး အတွက် တပ်မတော်ကို တိုးချဲ့ဖွဲ့စည်းရန် မိန့်ခွန်းခြွေကာ မကြာခင် အချိန်ကာတွင် ပြည်သူများ ပိုမို ဒုက္ခရောက်စေရန် စတင် လုပ်ဆောင်ပါမည် ဖြစ်ကြောင်း သွယ်ဝှိက်သော နည်းဖြင့် အသိပေးပြောကြားသွားပါသည် ။ အခမ်းအနား ပြီးဆုံးကြောင်း ကြေငြာသည့် အခါ ယုတ်မာမှု အပေါင်း သရဖုဆောင်းချင်ကြသည့် လွှတ်တော်အမတ်များ စုပေါင်းထားသည့် လွှတ်တော်ကြီး အတွင်းတွင် လက်ခုပ်သြဘာသံများ ဆူညံသွားကာ တိုင်းပြည် ဖျက်စီးရေး ဒို့အရေး ဆိုသည့် အသံများကို ညီညွာစွာ သံပြိုင် ဟစ်အော်၍ အခမ်းအနားမှ ပျော်ရွှင်စွာ ပြန်လည် ထွက်ခွာ သွားကြပါသည့်နောက်..............။

မြန်မာနိူင်ငံနှင့် ပြည်သူလူထု တို့ အနာဂတ် ကား ........??

တပ်ချုပ်ကြီးရဲ့ ရင်တွင်းဖြစ် အမှာစကားများက ကျနော်ကဘဲ သူရဲ့ ကိုယ်စား အများသိအောင် တင်ပြလိုက်ပါတယ် ။ ထိုစကားများ မှန်မမှန် ဆိုတာ လက်ရှိ မြန်မာနိူင်ငံ အနေအထားက သက်သေခံထားလို့ မှားတဲ့ အချက်လေးများ ရှိခဲ့ရင် မိတ်ဆွေတို့က ဆက်လက် ရင်ဖွင့်ပြောကြားပေးဖို့ မေတ္တာရပ်ခံပါတယ် ခင်ဗျာ ။

http://www.facebook.com/login/setashome.php?ref=home#!/note.php?note_id=205447669472888

ခင်မင်လေးစားလျှက်

ဗမာ့သွေး

သတင်းအကျဉ်းချုပ် ...

0 ဂျပန်နိုင်ငံဖုကုရှီးမားအနုမြူဓါတ်အားပေးစက်ရုံဝင်းအတွင်းပလူတိုနီယမ်များပြန့်နှံ့

အနည်းငယ်သောအဆိပ်ပြင်း ပလူတိုနီယမ်များဖုကုရှီးမားအနုမြူဓါတ်အားပေးစက်ရုံဝင်းအတွင်းနေရာများ
စွာစိမ့်ဝင်ပြန့်နှံနေကြောင်းတွေ့ရအနုမြူလုံခြုံရေးအရာရှိများကပြောဆိုရာတွင်လူသားများအတွက်အန္တ
ရာယ်မဖြစ်နိုင်သော်လည်း လောင်စာချောင်းများပျော်ဆင်းရာမှရေဒီယိုဓါတ်သင့်ပစ္စည်းယိုစိမ့်မှုမှစက်ရုံကို
ထိန်းချုပ်နိုင်မည်လားဆိုသောစိုးရိမ်မှုကိုဖြစ်ပေါ်စေသည်။

အခြေအနေမှာအလွန်စိုးရိမ်စရာကောင်းကြောင်း ကက်ဗိနက်အတွင်းဝန် Edano မှပြော၊ ပျက်စီးမှုများကို
အတတ်နိုင်ဆုံးကြိုးစားပြင်ဆင်နေကြောင်းပြော၊ဓါတ်ပေါင်းဖို ၆ လုံးအနက်၃လုံးမှာ တစိတ်တပိုင်း ပျော်ဆင်းသည်ဟုယုံကြည်ကြောင်း၊ စက်ရုံမှရေဒီယိုဓါတ်ကြွပစ္စည်းများစိမ့်ထွက်မှုများကနို့၊ ဟင်းသီးဟင်းရွက်များနှင့်နောက်ဆုံး သောက်သုံးရေများအထိဝင်ရောက်လာကြောင်း၊ အစိုးရမှ စက်ရုံနှင့် ၁၂မိုင်ပတ်လည်မှလူများ ကို နေအီမ်များမှ စွန့်ခွါရန်နှင့် မစွန့်ခွါနိုင်ပါကလည်း တံခါးပိတ်ပြီးနေကြရန် တိုက်တွန်းထား၊

ဆက်တိုက်မတော်တဆဖြစ်မှုများနှင့် မသေချာမှုများက အစိုးရနှင့် တိုကျိုလျှပ်စစ်အကြားမေးစရာမေးခွန်း
များဖြစ်လာပြီး စိတ်အနှောက်အယှက်များကိုဖြစ်စေသည်။စက်ရုံကိုအမြန်ဆုံးတည်ငြိမ်ထိန်းသိမ်း
ရေးသည်စိုးရိမ်မှုများနှင့် နောက်ပြန်ဆွဲလျှက်ရှိသည်။

ပြီးခဲ့သည်အပတ်ကအလုပ်သမားများသည်လျှပ်စစ်ဓါတ်အားဆက်သွယ်ပြီး အစိတ်အပိုင်းတချို့ကိုပြန် လည်တပ်ဆင်နိုင်ခဲ့သော်လည်း ဓါတ်ပေါင်းဖိုကိုအအေးပေးရန် ရေ စုပ်စက်များကိုစတင်သောအခါအ ဆောက်အဦအောက်ခြေနှင့် ဓါတ်အားလိုင်းနှင့်ပိုက်များသွားရာမြောင်းများတွင်နေရာတော်တော်များ၌
ရေဒီယမ်ဓါတ်သင့်နေသော ရေများဝပ်နေသည်ကိုတွေ့ရသည်။
ရေဒီယမ်ဓါတ်သင့်နေသောရေများသည် လေထုအတွင်းရေဒီယိုဓါတ်ကြွမှုများကိုဖြစ်စေပြီး၊ အလုပ်သမား
များအလုပ်ခွင်အတွက်သတ်မှတ်ထားသောအတိုင်းအတာထက် ၄ဆမျှမြင့်မားသည်နေသည်ကိုတွေ့ရ
ပြီး ရေများကိုစုပ်ထုတ်နိုင်မှသာ ရေအေးလည်ပတ်မှုစနစ်ကိုစတင်နိုင်မည်ဖြစ်သည်။

ယင်းအချက်များကတာဝန်ရှိသူများကိုအချက်၂ချက်အပေါ်အသည်းအသန်စဉ်းစားစေရန်ဖြစ် လာပါသည်။ ရေများကို ဓါတ်ပေါင်းဖိုအတွင်းထပ်ထည့်သွင်းပြီးလောင်စာချောင်းများအပူလွန်ကဲမှုကိုထိန်းမည်လား နှင့် ရှိပြီးသားမသန့်သောရေများကိုစုပ်ထုပ်ပြီး ရေသန့်များဖြင့်အစားထိုးမည်လားဆိုသော မဝေခွဲနိုင်သောအချက်များကိုဖြစ်စေသည်။

ဓါတ်အားသင့်နေသောရေများကိုဖယ်ရှားရန်မှာယခုအရေးပေါ်ဆောင်ရွက်ရမည်ဖြစ်ကြောင်း နှင့် ရေအေးစီဆင်းမှုကိုလည်းချိန်ဆနိုင်ရမည်ဖြစ်ကြောင်းနူကလီးယားလုံခြုံရေးအရာရှိ Hidehiko Nishiyama ပြောဆိုသည်။

လောင်စာချောင်းများမှအလွန်မြင့်မားသောအပူချိန်လွင့်ထုတ်နိုင်သောပလူတိုနီယမ်ကိုရှာဖွေ တွေ့ရှိခြင်းက ဆိုးဝါးသောပျက်စီးဆုံးရှုံးမှုများကိုဖြစ်စေသည်ဟု Nishiyama ကဆက်လက် ပြောဆိုသည်။

ပလူတိုနီယမ်သည်အဆိပ်အပြင်းဆုံးသောဓါတ်ပစ္စည်းတမျိုးဖြစ်ပြီး လွင့်ပြယ်မှုနှေးကွေးကာအန္တရယ်ရှိသောရေဒီယိုဓါတ်ကြွမှုကိုနှစ်ပေါင်းများစွာတိုင်တည်စေနိုင်သည်။

ယင်းဓါတ်ငွေ့ကိုရှူရှိုက်မိပါက ရာသက်ပန်မိမိကိုယ်ထဲတွင်ရှိနေမည်ဟု Alan Lockwood, a professor of Neurology and Nuclear Medicine at the University at Buffalo and a member of the board of directors of Physicians for Social Responsibility, an advocacy group ကပြောဆိုသည်။

နူကလီးယားအကျပ်အတည်းကိုထိန်းချုပ်မှုအပေါ်အမြင့်ဆုံးတပ်လှန့်မှုနှင့်ဂျပန်ကြုံတွေ့ခဲ့ရသည်အပေါ် ဂျပန်ဝန်ကြီးချုပ်က ယနေ့ ပါလီမန်တွင်ကာကွယ်ပြောကြားခဲ့သော်လည်း ရေဒီယို ဓါတ်ပြန့်နှံမှုက ကျွမ်းကျင်သူများ၏ထိန်းချုပ်နိုင်မှုစွမ်းရည်ကိုမေးစရာဖြစ်နေသည်။

ဂျပန်ဝန်ကြီးချုပ်က ပါလီမန်တွင်ပြောကြားရာတွင် ဂျပန်နိုင်ငံသည် ဒုတိယကမ္ဘာစစ်နောက်ပိုင်းအဆိုး
ဆုံးသောအကျပ်အတည်းနှင့်နပန်းလုံးနေရကြောင်းပြောဆိုလိုက်သည်။

ဇော်မင်းခိုင်
၂၉-၃-၂၀၁၁(၂၁း၃၀နာရီ)

သတင်းအကျဉ်းချုပ် ...

0 နတ်မောက်ကို ကျေးဇူးဆပ်ခြင်း

နတ်မောက်ကို ကျေးဇူးဆပ်ခြင်း

      ၂၀၁၀ ခုနှစ် ဧပြီလတွင်း ပူပြင်းလှသော ရာသီဥတုဒဏ်ကြောင့် သောက်သုံးရေ ရှားပါး မှုများ မြန်မာပြည်အနှံ အများပြည်သူတို့ ခံစားခဲ့ကြရ၍ ပြည်တွင်း/ပမှ ပြည်သူလူထုတို့သည် လူသားချင်း စာနာစိတ်မွေးဖွား ပေါ်ပေါက်လာကာ ဒုက္ခသည်များ နေထိုင်ရာအရပ်ဒေသများသို့ နာရေးကူညီမှုအသင်း(ရန်ကုန်)မှ တဆင့်ရေတွင်း၊ ရေကန်၊ အ၀ီစိတွင်းများ တူးဖော်နိုင်ရန်အတွက် အလှူငွေများ လှူဒါန်းခဲ့ကြသည်။ ထိုသို့ ရေဒုက္ခသည် အရပ်ဒေသများသို့ ရေတူးဖော်မှု၊ အုတ်ကန် တည်ဆောက်ပေးမှု၊ ရေစုပ်စက်များ လှူဒါန်းမှုတို့ကို ယခု ၂၀၁၁ ခုနှစ် ဧပြီလအထိ လုပ်ဆောင် လှူဒါန်းပေးနေရဆဲ ဖြစ်သည်။

      ၁၄.၁၂.၂၀၁၀ ရက်နေ့တွင် မြန်မာပြည်၏ လွတ်လပ်ရေးဖခင်ကြီး ဗိုလ်ချုပ်အောင်ဆန်း၏ မွေးဖွားရာ ဇာတိဖြစ်သော မကွေးတိုင်း၊ နတ်မောက်မြို့နယ်တွင် ရေတူးဖော်မှု၊ အုတ်ရေကန် တည်ဆောက်ပေးမှုများကို စတင်အကောင်အထည်ဖော် လုပ်ဆောင်ပေးခဲ့သည်။ နတ်မောက် ဒေသတွင် အများပြည်သူတို့သည် ယခင်က ရေသုံးစွဲမှုအတွက် လက်ယက်တွင်းများနှင့် ပူပြင်း လှသော သဲချောင်းအတွင်းမှ ခတ်ယူသုံးစွဲ ခဲ့ကြရသည်။ နတ်မောက်မြို့နယ် ဇာတိဖြစ်သော ဦးနိုင်ဝင်း၊ ဦးစိုးလှိုင်တို့၏ ကမ်းလှမ်းချက်ကြောင့် နာရေးကူညီမှုအသင်း(ရန်ကုန်)သည် ပြည်မြို့ရှိ မိုးမေတ္တာ ပရဟိတလူငယ်အဖွဲ့မှ ကိုညီညီအောင်ဦးစီး၍ သွားရောက်လေ့လာကာ တူးဖော်မှု လုပ်ငန်းများကို လုပ်ကိုင်စေခဲ့သည်။ မိုးမေတ္တာ ပရဟိတလူငယ်အဖွဲ့သည် ပြည်မြို့၊ ရွှေတောင် မြို့နယ်၊ ပေါက်ခေါင်းမြို့တို့တွင် ရေတူးဖော်မှုလုပ်ငန်းများအား နာရေးကူညီမှု အသင်း(ရန်ကုန်)နှင့် ပူးပေါင်း၍ ကူညီမှုများပေးဆပ်ခဲ့သော လူငယ်လူမှုရေးသမားနှင့် ဖွဲ့စည်းထားသော အဖွဲ့ဖြစ်သည်။ နတ်မောက်မြို့နယ်တွင် လင်းကတိုးရွာ အိမ်ခြေ (၃၈၀)၊ ဂွေးချိုရွာ အိမ်ခြေ (၃၀၀) ကျော်၊ ထနောင်းလှရွာ အိမ်ခြေ (၂၀၀) ကျော်၊ ကျောက်ပုံရွာ အိမ်ခြေ (၂၆၀) ကျော်တို့ သောက်သုံးရေ ရရှိရန်အတွက် အ၀ီစိတွင်းများ၊ အုတ်ရေကန်များ၊ ရေစုပ်စက်များအား လှူဒါန်း အကောင်အထည် ဖော်ပေးပြီးဖြစ်ပါသည်။ ယင်းလှူဒါန်းပွဲအား ၂၀.၃.၂၀၁၁ တွင် မြို့နယ်သံဃာတော်/ ဆရာတော်များနှင့် ဒေသခံရွာသူ/သားများရှေ့တွင် ရေစက်သွန်းချ လှူဒါန်းအပ်နှံပွဲ ကျင်းပ ခဲ့ပါသည်။ ကုန်ကျငွေစုစုပေါင်း (၁၁၃) သိန်းကျပ်အား “အများပြည်သူအတွက် အများပြည်သူ ကောင်းမှု့ နာရေးကူညီမှုအသင်း(ရန်ကုန်)” ဟူ၍ ကဗ္ဗည်းတင်ထားရှိခဲ့သည်။ ထို့ပြင် နတ်မောက် မြို့နယ် ဂွေးချိုကျေးရွာ(ပင်း)ရှိ အများပြည်သူ မျိုးဆက်သစ် လူငယ်တို့အတွက် ဖွင့်လှစ်ထားသော “တက်နေ၀န်း” စာကြည့်တိုက်အတွက် နာရေးကူညီမှုအသင်း(ရန်ကုန်)ရှိ “သုခအလင်း” စာကြည့်တိုက်မှ စာအုပ်စာပေ၊ စာစောင်များကိုလည်း လှူဒါန်းပေးခဲ့ပြီး ဖြစ်သည်။ ဆက်လက်၍ နတ်မောက်မြို့နယ်အတွင်းရှိ တောင်ဦးကျေးရွာ အိမ်ခြေ (၄၀၀) ကျော်၊ ကျောင်းကုန်းကျေးရွာ အိမ်ခြေ (၁၂၀) ကျော်တို့တွင် ရေတူးဖော်မှုအလှူဒါနအား ဆောင်ရွက် လျှက်ရှိသည်။

      ထိုကဲ့သို့ ရေလှူဒါန်းမှုများ ပြုလုပ်ခြင်းသည် မြန်မာပြည်သူလူထုတို့အတွက် လွတ်လပ်ရေး ကို စွမ်းဆောင်ပေးခဲ့သော မြန်မာပြည်သူလူထုတို့၏ ကျေးဇူးရှင် ဗိုလ်ချုပ် အောင်ဆန်း၏ ကျေးဇူးတရားများအား မိမိတို့ တတ်နိုင်သည့်ဘက်မှ မိမိတို့ စွမ်းဆောင်နိုင် သလောက် ပြန်လည်၍ ကျေးဇူးဆပ်ခြင်းပင်ဖြစ်သည်။ တနည်းအားဖြင့် ဗိုလ်ချုပ်၏ကျေးဇူးအား အများပြည်သူ (ပြည်တွင်း/ ပ)မှ ကောင်းမှု(သို့)ကျေးဇူးဆပ်ခြင်း၊ ပေးဆပ်ခြင်းပင် ဖြစ်တော့သည်။

နာရေးကူညီမှုအသင်း(ရန်ကုန်)

သတင်းအကျဉ်းချုပ် ...

0 တော်လှန်ရေးနေ့မှာ ဒေါ်အောင်ဆန်းစုကြည် ပြောတဲ့ တော်လှန်ရေးအကြောင်း(ရုပ်/သံ)

သတင်းအကျဉ်းချုပ် ...

1 လူမှု့ဖူလုံရေးပေါ်လစီနောက်ကွယ်မှငြီးတွားသံများ

လူမှု့ဖူလုံရေးပေါ်လစီနောက်ကွယ်မှငြီးတွားသံများ
( မောင်မောင်ဝမ်း )

အမေရိကံပြည်ထောင်စုမှာ နှစ်ကုန်ပြီးလို့ ဇန်န၀ါရီလလောက်ကနေ မတ်လကုန်လောက်ထိ ကာလဟာ လူတော်တော်များများအတွက် ရင်ခုန်နေရတဲ့အချိန်တွေဆို မမှားလောက်ပါဘူး၊ ဘာလို့လည်းဆိုတော့ ဒီအချိန်မှာ အလုပ်လုပ်နေတဲ့ လူတိုင်း အခွန်ငွေအတွက် တွက်ချက်ရပါတယ်၊ အစိုးရက တရားဝင်လိုင်စင်ချပေးထားတဲ့ အခွန်တွက်ချက်ရာ ပုဂ္ဂိုလိက ဌာနတွေမှာ သွားရောက်တွက်ချက်ရပါတယ်၊ မသွားလို့မရပါဘူး ၊ အမေရိကားမှာ အခွန်ရှောင်ခြင်း ဟာကြီးစွာသော ဥပဒေပါ၊ ( နိုင်ငံကိုက အခွန်အကောက်ပေါ်မှာ လုံးလုံးရပ်တည်နေရတဲ့ နိုင်ငံဆိုတော့ အခွန်ဟာ သိပ်ကိုအရေးကြီးတဲ့ကိစ္စပါ )။

အဲဒီလိုသွားရောက်တွက်ချက်ရာမှာ မိမိ တနှစ်တာအလုပ်လုပ်ခဲ့လို့ရတဲ့ဝင်ငွေ၊ မိမိမိသားစုရပ်တည်မူ့ (မိသားစုဝင်ဘယ်နှစ်ဦးရှိလည်း၊ဘယ်နှစ်ယောက်အလုပ်လုပ်နိုင်သလည်း၊ကလေးငယ်ဘယ်နှစ်ယောက်ရှိလည်း၊မှီခိုဘယ် နှစ်ယောက်ရှိလည်း ) စတာတွေအပါဝင် သတင်းအချက်လက်အခိုင်မာတွေကိုစုစည်းပြီး အထက်ဖော်ပြပါ ဌာနတွေက တွက်ချက်ပေးပါတယ်။ ၀င်ငွေနည်းပြီး မိသားစုဝင်များပြားတဲ့ ( အထူးသဖြင့် ကလေးငယ် တွေများတဲ့ မိသားစု ) များအတွက်ကတော့ အခွန်ပြန်အမ်းငွေ ( tax refund ) ပြန်ရကြပါတယ်။ ကျနော်သိရသလောက် တနှစ်ကို ၀င်ငွေ ဒေါ်လာ သုံးသောင်းလောက် ၀င်ပြီး ကလေးငယ်ကလည်း နှစ်ယောက်ထက် အထက်မှာရှိတဲ့ မိသားစုများဆို အခွန်ပြန်အမ်းငွေ တစ်သောင်းနဲ့အထက်ရကြပါတယ်။ ဒါပေမဲ့ ပြည်နယ်တခုနဲ့တခုတော့မတူဘူးပေါ့လေ၊ တယောက်ထဲ သမား လူလွတ်တွေနဲ့ ကလေးငယ်မရှိတဲ့ မိသားစုဝင်များအတွက်ကတော့ ရခဲ့လျှင်လည်း နည်းနည်းလေးပဲရပြီး တချို့ဆိုသတ်မှတ်ဝင်ငွေကျော်သွားလို့ အခွန်ထပ်ပေးရတာရှိပါတယ်။

အခွန်တွက်ချက်ချိန်ရာသီရောက်ပြီဆိုပျော်တဲ့သူတွေပျော်ကြ၊ မိူင်တဲ့သူတွေမိူင်ကြ၊စိတ်ပျက်သူတွေစိတ်ပျက်ကြနဲ့ အမျိုးမျိုးပါပဲ၊ တချို့အခွန်ပြန်အမ်းငွေ သောင်းနဲ့ချီရကြသူတွေက ဒီအချိန်မှာ ကားတွေဝယ်ကြ ၊ အိမ်တွေဝယ်ကြနဲ့ ပျော်နေကြချိန်မှာ ၊ အလုပ်ကို အသေအကြေလုပ်ပြီး အခွန်ပြန်အမ်းငွေမရတဲ့အပြင် ကိုယ့်အိတ်ထဲကပါ ထပ်ပေးရတဲ့သူတွေအတွက်ကတော့ စိတ်ပျက်စရာမျိုးစုံနဲ့ကြုံနေရဆဲပါ၊ အမေရိကားမှာ ဘာပဲလုပ်လုပ် ဘာပဲဝယ်ဝယ် အခွန်ကအမြဲပေးနေရတာပါ - ဥပမာ ဈေးသွားဝယ်မယ်ဆိုရင်တောင် မိမိဝယ်တဲ့ကုန်ကျစရိတ်အပေါ်တည်မှီပြီး အခွန်ပေးရပါတယ်၊ ဈေးဝယ်တိုင်းပေးရပါတယ်။ အလုပ်လုပ်ရင်လည်း မိမိဝင်ငွေ အပေါ်တည်မှီပြီး အခွန်အမြဲဖြတ်ပါတယ်။တချို့အခွန်ပြန်အမ်းငွေပြန်မရပဲ ပေးလိုက်ရတဲ့ သူတွေဘက်က ကြည့်မယ်ဆိုရင် အလုပ်လုပ်နေတဲ့ အချိန်မှာလည်း အခွန်ဖြတ် နှစ်ကုန်လို့ အခွန်တွက်ချက်တဲ့အခါမှာလည်း အခွန်ဖြတ် ၊ ဈေးဝယ်တိုင်း ဘာပဲလုပ်လုပ် အခွန်ဖြတ် နဲ့ဆိုတော့ တော်တော်များများက ငြီးလာကြပါတယ်။ အစိုးရအနေနဲ့ကလည်း ဒီအခွန်တွေနဲ့ တိုင်းပြည်လုပ်ငန်းစဉ်တွေကို လုပ်ကိုင်နေရတာဆိုတော့ ဥပဒေတွေနဲ့ ချုပ်နှောင်ပြီး လုပ်နေမှာပါပဲ၊

ဒီဖြစ်စဉ်တွေအပေါ်တည်မှီပြီး ကျနော်ကြုံတွေ့ခဲ့ရတဲ့ အတွေ့အကြုံတချို့ကိုတင်ပြပေးချင်ပါတယ်။ ကျနော်နဲ့ အလုပ်လုပ်နေတဲ့ အမေရိကံနိုင်ငံသား တယောက်ရှိတယ် ၊ သူ့မှာ ခလေး နှစ်ယောက်ရှိတယ်၊ အလုပ်ကိုလည်း အရမ်းကိုကြိုးစားလုပ်တယ်၊ သူ့မိန်းမကလည်း အချိန်ပိုင်းအလုပ် လုပ်တယ်၊ နှစ်ကုန်လို့ အခွန်တွက်ချက်တဲ့အခါမှာ သူ့အတွက် အခွန်ပြန်အမ်းငွေ မရတဲ့အပြင် နည်းနည်းတောင်ပြန်ပေးရပါတယ်။ နောက်တယောက်ကကြတော့ သူ့လို မိသားစုပဲ ဒါပေမဲ့ မိန်းမက ဘာအလုပ်မှမလုပ်ဘူး မှီခိုသက်သက်ပဲ ၊ အခွန်ငွေတွက်ချက်တဲ့အခါမှာတော့ သူက သောင်းဂဏန်းနီးပါးလောက် အခွန်ပြန်အမ်းငွေပြန်ရတယ်၊ သူစုစုပေါင်းရတဲ့ ( အလုပ်လုပ်လို့ရတဲ့ဝင်ငွေရော အခွန်ပြန်အမ်းငွေရောအပါဝင် ) ၀င်ငွေကို တွက်ကြည့်လိုက်တော့ အစောက အခွန်ပြန်အမ်းငွေပြန်မရရှာတဲ့ တယောက်ရဲ့ မိသားစုဝင်ငွေနဲ့အတူတူဖြစ်နေတာကိုတွေ့ရတယ်၊အခွန်ပြန်အမ်းငွေမရတဲ့တယောက်ရဲ့အမြင်မှာဘယ် လိုဖြစ်သွားသလည်းဆိုတော့ သူရော သူ့မိန်းမရောအလုပ်လုပ်လည်း အချိန်တန်တော့ တယောက်ထဲ အလုပ်လုပ်တဲ့သူ ၀င်ငွေနဲ့ အတူတူပဲဆိုတော့ သူ့မိန်းမကို အလုပ်မလုပ်ခိုင်းတော့ဘူး နားခိုင်းလိုက်တယ်။ နောက်နှစ်ကုန်လို့ အခွန်တွက်ချက်တဲ့အခါသူထင်ထားတဲ့အတိုင်းမှန်သွားတယ်၊သူ့မိန်းမအလုပ်လုပ်မလုပ်လည်း(အလုပ်လုပ်တုန်းကလောက်ဝင်ငွေနဲ့ သိပ်မကွာဘူးဖြစ်တယ်။ ဒီလိုဖြစ်ရပ်မျိုးတွေဟာ အမေရိကံလုပ်သားသန်းနဲ့ချီရှိနေတဲ့ နိုင်ငံမှာ သန်းနဲ့ချီဖြစ်ပျက်နေတာပါ၊ ဒီတော့ဘာဖြစ်လာသလည်းဆိုတော့ လူတွေရဲ့လုပ်အားတွေကို လျှော့ချလာကြတယ်။ အလုပ်လုပ်တိုင်း အကျိုးဖြစ်ထွန်းတာမဟုတ်ဘူးဆိုတာ သိလာကြတယ်။ တွက်ချက်လာကြတယ်။ နိုင်ငံရဲ့လုပ်အားဆုံးရှုံးမူ့တွေ တနှစ်နဲ့တနှစ်များပြားလာတယ်။စွမ်းအားရှိသလောက် သိပ်အလုပ်မလုပ်ကြတော့ဘူး၊

တဘက်ကိုကြည့်မယ်ဆိုရင်လည်းအစိုးရကအခုလိုရတဲ့အခွန်တွေနဲ့ ( တခြားကိစ္စတွေ ခနထား )လူမူ့ဖူလုံရေးတွေ ဆောင်ရွက်တယ်၊ကလေးငယ်တွေ၊သက်ကြီးရွယ်အိုတွေ ၊မစွမ်းမသန်တွေဆိုတာ အစိုးရတရပ်အနေနဲ့ မဖြစ်မနေလုပ်ကိုလုပ်ပေးရမဲ့ အတန်းအစားတွေပါ၊ သို့သော် အလုပ်လုပ်နိုင်ပေမဲ့ လုံးဝကို မလုပ်ပဲ လူမူ့ဖူလုံရေးး အကူညီတွေနဲ့ထိုင်စားနေပြီး မူးယစ်ဆေးဝါးသုံး ဆိုးသွမ်းနေတဲ့ သူတွေဟာ တိုင်းပြည်မှာ သန်းပေါင်းများစွာပေါ်ထွက်လာချိန်မှာတော့ အလုပ်လုပ်ပြီး အခွန်တွေပေးနေရတဲ့ သူတွေက ငြိုငြင်လာကြတော့တယ်။စိတ်ပျက်လာကြတယ်။ နောက်တခါ အလုပ်မလုပ်ပဲ ခလေးတွေတယောက်ပြီး တယောက်မွေး လူမူ့ဖူလုံရေးအကူညီတွေနဲ့ထိုင်စားကြတယ်၊အမေရိကားမှာခေတ်စားတဲ့ အဖြစ်တခုက single mother ဆိုတာ ဗမာလို ရိုင်းရိုင်းပြောရရင် ( လင်ကောင်မပေါ်ပဲမွေးတဲ့ခလေး အမေ )တွေကို ဦးစားပေးတယ်၊ သူတို့ကို အစစအရာရာ စောင့်ရှောက်တယ် ၊ ဒီတော့ သူတို့တတွေက အလုပ်လုပ်စရာမလိုတော့ဘူး တရားဝင်လင်ယောကျာင်္းပြစရာမလိုပဲ ခလေးတွေ တယောက်ပြီးတယောက်မွေး လူမူ့ဖူလုံရေးအကူညီတွေနဲ့ထိုင်စားနေတော့တာပဲ။ ဒါတွေကလည်း နိုင်ငံနဲ့ချီရင် သန်းပေါင်းများစွာ၊ ကျနော်နဲ့ သိတဲ့ single mother တယောက်ဆို ကလေး သုံးယောက် ရှိတယ်၊ သူကို နေဘို့အိမ်ဌားခ အစိုးရကပေးတယ်၊ စားဘို့ ( Food Stamp ) အတွက် တလ ဒေါ်လာ ၈၀၀ လောက်ရတယ်၊ ထောက်ပံကြေးငွေသား ၇၀၀ လောက်ရတယ်၊ အဲဒီတော့ သူက အလုပ်လုပ်စရာမလိုတော့ဘူး အလုပ်လုပ်တဲ့သူ လောက်ဝင်ငွေရှိနေတယ်၊နောက်ပြီး သူတို့မှာ အခမဲ့ဆေးကုသခွင့် ( Medicaid ) အပြည့်ရတယ် တပြားတချပ်မှကုန်စရာမလိုဘူး၊ နောက်တခါ အလုပ်မလုပ်ပဲ မူးယစ်ဆေးဝါးသုံးစွဲခိုးဆိုးလုယက်နေပြီးလူမူ့ဖူလုံရေးအကူညီတွေနဲ့နေတဲ့သူတွေမှာလည်းသူတို့မှာတရားဝင်ပြဌာန်းပေး ထားတဲ့ဝင်ငွေမရှိတော့ အခမဲ့ဆေးကိုသခွင့်အပြည့်ရတယ်၊ ကုန်ကုန်ပြောရရင် လိုအပ်ရင်ဆက်သွယ်ဘို့ဆိုပြီး လက်ကိုင်ဖုန်းများတောင် အလကားရကြတယ်၊ နေ့တဓူဝ ပင်ပင်ပမ်းပမ်းလုပ်နေရတဲ့သူတွေမှာတော့ ၀င်ငွေရှိလို့ဆို အစိုးရက ချပေးတဲ့ Medicaid ဆိုတာမရဘူး သက်ဆိုင်ရာ အလုပ်တွေက စီစဉ်ပေးတဲ့ ကျန်းမာရေးအာမခံကုမဏ္ဍီတွေက အာမခံတွေကိုငွေပေးပြီးဝယ်ထားရတယ်(ဒါတောင်တကယ်ဖြစ်လို့ဆေးကုရင်ကိုယ်ကပိုက်ဆံထပ်ဆောင်းပေးရသေးတယ်)



အဲဒီတော့ ဘာတွေဖြစ်နေသလည်း--------------------------------------

အလုပ်မလုပ်ချင်တဲ့ လူပျင်းတွေ အများကြီးဖြစ်လာတယ်၊ လုပ်ငန်းခွင်ထဲဝင်ရရင်တောင် အစဉ်မပြေကြဘူး အလုပ်နဲ့သူတို့နဲ့က သဟဇာတမဖြစ်တော့ဘူး အလုပ်ကို လက်ကြောတင်းအောင်မလုပ်ကြဘူး လုပ်အားခကို အလကားနီးပါးလောက်လိုချင်လာသူတွေများလာတယ်၊တဘက်မှာကလည်းအစိုးရကအလုပ်သမားအခွင့်ရေးကာကွယ်ခွင့်ဥပဒေတွေနဲ့ ကာကွယ်ထားလေတော့ ရောင့်တက်ကြတယ်။ ဒီတော့ နိုင်ငံနဲ့ချီနေတဲ့ အလုပ်ရှင်တွေက မကြိုက်ကြတော့ဘူးသူတို့ရဲ့ထုတ်လုပ်မူ့တွေထိခိုက်လာတယ်၊လုပ်ငန်းရှင်တွေကတခြားနိုင်ငံသားတွေအပေါ်မှီခိုအားထားလာတယ် အထူးသဖြင့် နိုင်ငံတကာက ဒုက္ခသည်တွေကို အမေရိကားကိုခေါ်ဘို့ အစိုးရကိုတွန်းအားပေးလာကြတယ်။ ဒီ့အတွက် အစိုးရက ဒေါ်လာ သန်းပေါင်းများစွာ ဘတ်ဂျက်တွေထဲက ထုတ်နှုတ်သုံးစွဲရတော့တယ်၊

အမေရိကားမှာ ၀င်ငွေများလေ အခွန်ပေးရတာများလေပဲ - ဥပမာ တက္ကသိုလ် တခုက ပါမောက္ခ တယောက်ဆိုဘယ်လိုငြီးခဲ့ဘူးသလည်းဆိုတော့ သူ့ရဲ့တနှစ်ဝင်ငွေက သိန်းနဲ့ချီရှိတယ် ဒါပေမဲ့ အခွန်ပေးရတာနဲ့ သူ ဒေါက်တာဘွဲ့ရဘို့ကုန်ကျစရိတ်တွေ အကြွေးပြန်ပေးရတာတွေကိုနှုတ်လိုက်ရင် ငါးသောင်းတောင်မကျန်တော့ဘူး - ဒါပေမဲ့ သူက အခွန်ပေးရတာကို မကြောက်ဘူး အကျိုးမဲ့ဖြစ်နေတာတွေကိုစိတ်ကုန်တာ….ဒီလိုလူမျိုးတွေလည်း အများကြီးပါ၊ ကျနော့်သူငယ်ချင်းမိသားစုဆို ဘယ်လိုစဉ်းစားသလည်းဆိုတော့ အစောက ကျနော်ပြောခဲ့တဲ့မိသားစုလိုပဲ - သူ့မှာခလေးတယောက်ရှိတယ်သူကသူ့မိန်းမကိုအလုပ်မလုပ်ခိုင်းဘူးသူကိုယ်တိုင်ကလည်း တွန်းတွန်းတိုက်တိုက်မလုပ်ဘူး သက်သက်သာသာနဲ့ဝင်ငွေနည်းနည်းအလုပ်ကိုပဲရွေးလုပ်တယ်၊သူတွက်ပြတာလည်းမှန်တယ်အလုပ်ကိုအရမ်းကြိုးစားလုပ်လည်း အလကားပဲတဲ့ ၀င်ငွေများသွားရင် ( အမေရိကားမှာ အလုပ်သမားတယောက်အတွက် ၀င်ငွေများတယ် ဆိုတာ အရမ်းကြီးကွာဟတာမဟုတ်ပါဘူးသာမန်အလုပ်သမားဘ၀မှာတယောက်နဲ့တယောက်ကွာလှတနှစ်ကိုတသောင်းကျော် ပေါ့ ပျမ်းမျှ ဒီလောက်ပါပဲ ) ဒီတော့ သူဝင်ငွေက သတ်မှတ်တာထက်ကျော်သွားရင် အစားအသောက် ( Food Stamp ) အဖြတ်ခံရမယ်၊ သူ့မိသားစုက Food Stamp တလကို ၅၅၀ လောက်ရတယ် - တနှစ်ကို ၆၀၀၀ ကျော်လောက်ရတယ် -အခွန်ပြန်အမ်းငွေက ၆၀၀၀ လောက်ပြန်ရတယ်- ပေါင်းလိုက်ရင် သူရော သူ့မိန်းမရော အလုပ်ကိုတွန်းတွန်းတိုက်တိုက် လုပ်တာနဲ့အတူတူပဲ နောက်တခါ အခမဲ့ဆေးကုသခွင့် ( Medicaid ) လည်း အခုဆို အဖြတ်မခံရဘူး ဒါက သိပ်အရေးကြီးတယ်၊သူတွက်ပြတာ မှန်နေတာကိုတွေ့ရတယ်၊

လုပ်အားတွေဟာ နိုင်ငံနဲ့ချီရင် ဘယ်လောက်တောင်ဆုံးရှုံးနေပြီလည်း ?

အနှစ်ချုပ်ကိုပြောရရင်- သင်သာ အလုပ်လုပ်ကို တွန်းတွန်းတိုက်တိုက်ကြိုးစားလုပ်နေရသူတယောက်ဆို သင်ဘယ်လို ခံစားရမလည်း--လူသားဆန်ဆန် ခံစားကြည့်လိုက်စမ်းပါ-----

လူပျင်းတွေဆိုးသွမ်းမိုက်မဲနေသူတွေအကျင့်စရိုက်ပျက်များအတွက်သင်ရဲ့ဝင်ငွေတွေထဲကသင်ပင်ပင်ပမ်းပမ်းလုပ်နေရတဲ့ချွှေးတွေထဲကပေးဆပ်နေရတာကိုကြည်ဖြူနိုင်မလားရိုးရိုးသားသားဖြေကြည့်စမ်းပါ၊ကျနော်တို့နိုင်ငံပြန်လည်ထူထောင်ရေးမှာ အထူးစဉ်းစားသင့်တဲ့ အချက်တွေထင်လို့တင်ပြလိုက်ရတာပါ၊

သူများတကာတွေက ပင်ပင်ပမ်းပမ်းလုပ်လို့ရတဲ့ဝင်ငွေတွေကို သင်က အလုပ်လုပ်မလုပ်ပဲ မိန့်မိန့်ကြီးထိုင်စားနေရတဲ့အချိန်မှာ ပျော်ရွှင်နေမယ်ဆို-- တကယ်အလုပ်လုပ်နေရတဲ့သူတွေက သင်တို့လို ဘက်ပြောင်းလာမယ်ခဲ့ရင်ရော တိုင်းပြည်ဘာတွေဆက်ဖြစ်လာမလည်း လူတန်းစားညီမျှရေးဆိုတဲ့ အိပ်မက်တွေဟာ လက်တွေ့မှာတကယ် အောင်မြင်ပါ့မလား



အားလုံးကိုလေးစားစွာဖြင့်

( မောင်မောင်ဝမ်း )

သတင်းအကျဉ်းချုပ် ...

0 ယနေ့ (၆၆) နှစ်မြောက် တော်လှန်ရေးနေ့  အထိမ်းအမှတ်အဖြစ် ထုတ်ပြန်သော အမျိုးသားဒီမိုကရေစီအဖွဲ့ချုပ်၏ ထုတ်ပြန်ကြေညာချက်၊သဘာပတိမိန့်ခွန်းနှင့် အခမ်းအနားဓာတ်ပုံများ

အာရပ်ကမ္ဘာတ၀န်းမှာ ကြုံနေရတဲ့ နိုင်ငံရေး ပြဿနာတွေ၊ လူထုအုံကြွမှုတွေကို မြန်မာစစ်အစိုးရ အနေနဲ့ သင်ခန်းစာယူဖို့ မြန်မာနိုင်ငံက အဓိက အတိုက်အခံ နိုင်ငံရေး အင်အားစုတခုဖြစ်တဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီက သတိပေးလိုက်ပါတယ်။ တပ်မတော်အနေနဲ့ လူထုဆန္ဒကို မျက်ကွယ်မပြုဖို့လည်း ဒီကနေ့ ကျရောက်တဲ့ ၆၆ နှစ်မြောက် ဖက်ဆစ်တော်လှန်ရေးနေ့ အထိမ်းအမှတ်အဖြစ် ရန်ကုန်မြို့မှာ ကျင်းပတဲ့ အခမ်းအနားအတွင်း ဗိုလ်ချုပ်ကြီးဟောင်း သူရ ဦးတင်ဦး၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်တို့က ထည့်သွင်း ပြောဆိုသွားကြတာပါ။ အပြည့်အစုံကို ဆက်သွယ်စုံစမ်းထားတဲ့ မသင်းသီရိက တင်ပြပေးထားပါတယ်။

အာရပ်ကမ္ဘာမှာ နှစ်ပေါင်းကြာမြင့်စွာ ကတည်းက ထူထောင်ထားတဲ့ အာဏာရှင် နိုင်ငံတွေတောင်မှ ပြည်သူလူထုရဲ့ စစ်မှန်တဲ့ ဆန္ဒတွေကို ဒီကနေ့ ဘယ်လို ရင်ဆိုင်နေရသလဲဆိုတဲ့ အခြေအနေတွေကို ကြည့်ပြီး တပ်မတော်သားတွေ သင်ခန်းစာ ယူသင့်တယ်လို့ NLD ပါတီရဲ့ ဒုတိယ ဥက္ကဋ္ဌ ဗိုလ်ချုပ်ကြီးဟောင်း သူရ ဦးတင်ဦးက ပြောပါတယ်။

လက်နက်ကိုင် လုံခြုံရေး တပ်ဖွဲ့တွေကို ကျောထောက်နောက်ခံပြုပြီး အာဏာ ဆက်လက်တည်မြဲဖို့အတွက် ကြိုးပမ်းနေတဲ့ အရှေ့အလယ်ပိုင်းနဲ့ မြောက်အာဖရိက နိုင်ငံတွေက အခြေအနေတွေကို ရည်ညွှန်းပြီးတော့ ဗဟန်းမြို့နယ် ရွှေဂုံတိုင်မှာရှိတဲ့ NLD ရုံးချုပ်မှာ ကျင်းပခဲ့တဲ့ ၆၆ နှစ်မြောက် ဖက်ဆစ်တော်လှန်ရေးနေ့ အခမ်းအနားတွင်း အခုလို သတိပေး ပြောဆိုလိုက်တာ ဖြစ်တယ်လို့ NLD ပါတီရဲ့ ပြောခွင့်ရသူ ဦးအုန်းကြိုင်က ပြောပါတယ်။

“ဒီကနေ့ တပ်မတော်သားတွေအပေါ် မေတ္တာရပ်ခံချင်ပါတယ်တဲ့။ အရှေ့အလယ်ပိုင်းမှာဖြစ်တဲ့ ကိစ္စတွေကို ကြည့်ပါတဲ့။ အင်မတန် နှစ်ရှည်လများ ထူထောင်လာတယ်ဆိုတဲ့ တကယ့် အာဏာရှင် နိုင်ငံတွေတောင် ပြည်သူရဲ့ စစ်မှန်တဲ့ ဆန္ဒနဲ့ ဘာတွေဖြစ်ကုန်ကြသလဲတဲ့။ အဲဒါတွေကို သင်ခန်းစာ ကောင်းကောင်းယူပြီး ရင်ကြားစေ့ရေးဆိုတဲ့ အပေါ်မှာ တကယ် ကျနော်တို့အားလုံး ညီညီညွတ်ညွတ် တပေါင်းတည်း၊ တိုင်းရင်းသား ပြည်သူ အားလုံး စိတ်ချမ်းသာ ကိုယ်ချမ်းသာဖြစ်အောင် လုပ်ကြပါစို့လို့ ပြောကြားသွားပါတယ်။”

ပြည်သူလုထုရဲ့ ဆန္ဒနဲ့ မကိုက်ညီတဲ့ ဘယ်လုပ်ရပ်မဆို မှားနေတယ်ဆိုတာ သတိပြုဖို့ လိုတယ်ဆိုတဲ့ ဗိုလ်ချုပ်အောင်ဆန်းရဲ့ စကားနဲ့အတူ ပြည်သူလူထုရဲ့သြဇာ တပ်မတော်မှာ လွှမ်းနေသည်ဆိုတဲ့ စကားနဲ့လည်း လက်ရှိအခြေအနေ လွဲနေပြီလို့ ဗိုလ်ချုပ်ကြီးဟောင်း သူရ ဦးတင်ဦးက ထောက်ပြခဲ့တယ်လုိ့ ဆိုပါတယ်။

“ပြည်သူလူထုအပေါ်မှာ လုပ်တာကိုင်တာ မှန်သမျှကို ပြည်သူလူထုရဲ့ဆန္ဒ အစစ်အမှန်နဲ့ မကိုက်ညီသမျှ မှားတယ်လို့ ဗိုလ်ချုပ်က ပြောခဲ့တယ်။ နောက်တချက် ဗိုလ်ချုပ်ပြောခဲ့တဲ့ အထဲက သိပ်အရေးကြီးတဲ့ စကားလုံးတလုံး ရှိသေးတယ်တဲ့။ စစ်သည်တော်တွေကို ပြည်သူလူထုက မပြောတာဟာ မမဲ့ရဲလို့လို့ မှတ်ပါတဲ့။ ပြည်သူလူထုက ပြောဖို့ နေနေသာသာ မဲ့ပြချင်တယ်၊ ရွဲ့ပြချင်တယ်၊ ဒါပေမဲ့ ကြောက်တယ်။ မမဲ့ရဲဘူး။ အဲဒါကို ဆိုလိုတာ ဖြစ်တယ်တဲ့။

“ဗိုလ်ချုပ်အောင်ဆန်း ရှိစဉ်က တပ်မတော်သားတွေကို မိန့်ခွန်းတွေ ပြောခဲ့တဲ့ အခါတိုင်း ပါလီမန် ဒီမိုကရေစီစနစ်မှာ တုန်းကတော့ ပြည်သူလူထုရဲ့ သြဇာဟာ တပ်မတော်အပေါ်မှာ လွှမ်းမိုးသည်ဆိုတာ ဖြစ်အောင်လို့ စစ်သည်တော်ကျင့်ဝတ် ဆိုတာကို ချမှတ်ခဲ့ဖူးတယ်တဲ့။ ဒါဟာ အချက် ၆၀ တောင် ပါတယ်တဲ့။ ဒီကနေ့ ဒီစာအုပ် ပျောက်သွားပြီတဲ့။ ဆိုရှယ်လစ်နိုင်ငံတော် ထူထောင်မယ် ဆိုကတည်းက အဲဒါတွေဟာ ပြည်သူ့ရေးရာ ဆိုတဲ့အထဲမှာ ပါသွားပြီးတော့ တပါတီ ထူထောင်ဖို့ ဖြစ်နေတဲ့ အခါကြတော့ အဲဒါ ပျောက်သွားပြီတဲ့။”

ဖက်ဆစ်ဂျပန်ရဲ့ ကျူးကျော်မှုကို တွန်းလှန်ခဲ့ကြတဲ့ သမိုင်းဝင်နေ့ကို တော်လှန်ရေးနေ့ရယ်လို့ မတ်လ ၂၇ ရက်နေ့တိုင်း ကျင်းပလာခဲ့ပေမဲ့ နောက်ပိုင်းမှာတော့ တပ်မတော်နေ့လို့ တိုင်းပြည်အုပ်ချုပ်သူတွေက ပြောင်းလဲ သတ်မှတ်လိုက်ပါတယ်။ ကျူးကျော်သူ ဖက်ဆစ်တွေကို အောင်နိုင်ခြင်းဟာ စိတ်ဓာတ်နဲ့ ညီညွတ်မှုကို အခြေခံခဲ့တာမို့ တော်လှန်ရေးနဲ့ ညီညွတ်မှု ဆက်နွယ်နေတယ်လို့လည်း NLD ပါတီခေါင်းဆောင် ဒေါ်အောင်ဆန်းစုကြည်က ဒီအခမ်းအနားအတွင်း ပြောဆိုခဲ့တဲ့အကြောင်း ဦးအုန်းကြိုင်က ပြောပြပါတယ်။

“၁၉၄၅ ခုနှစ်မှာ တော်လှန်ရေးကို အောင်အောင်မြင်မြင်နဲ့ လုပ်နိုင်ခဲ့တဲ့ အကြောင်းရင်းကတော့ ကျမတို့ နိုင်ငံသူ နိုင်ငံသားအားလုံး ညီညီညွတ်ညွတ်နဲ့ လုပ်နိုင်ခဲ့လို့ပဲ ဖြစ်တယ်တဲ့။ တော်လှန်ရေးဆိုတဲ့ အဓိပ္ပာယ်ကတော့ ရိုးရိုးအဓိပ္ပာယ် ဖွင့်ရမယ်ဆိုရင် သိသိသာသာ ပြောင်းလဲမှု ဖြစ်စဉ်ကြီးပဲပေါ့တဲ့။ သိသိသာသာ ပြောင်းလဲမှုတခု ဖြစ်နိုင်ဖို့ဆိုရင် အားလုံးကနေ ညီညီညွတ်ညွတ်နဲ့ လူထု အများစုကြီးက ညီညီညွတ်ညွတ်နဲ့ အပြောင်းအလဲကြီးကို လိုလားပြီးတော့၊ လိုလားရုံတင်မက အပြောင်းအလဲအတွက် လုပ်ဖို့ကိုင်ဖို့ အဆင်သင့် ဖြစ်မှသာလျှင် အောင်အောင်မြင်မြင် ဖြစ်နိုင်မှာ ဖြစ်တယ်တဲ့။ ဒီကနေ့ဆိုရင် နိုင်ငံရေးအရ၊ လူမှုရေးအရ အပြောင်းအလဲကြီးတွေ လိုချင်လို့ ဆောင်ရွက်နေကြတယ်။ အဲဒါဆိုရင်လည်း ညီညွတ်ဖို့ လိုတယ်ဆိုတာ အဓိက ပြောချင်တယ်တဲ့။”

NLD ရုံးချုပ်မှာ ကျင်းပခဲ့တဲ့ ၆၆ နှစ်မြောက် ဖက်ဆစ်တော်လှန်ရေးနေ့ အခမ်းအနားတွင်းက ဒေါ်အောင်ဆန်းစုကြည်ရဲ့ ပြောဆိုချက် တချို့ကို NLD ပါတီ ပြောခွင့်ရသူ ဦးအုန်းကြိုင် ပြန်ပြောပြခဲ့တာ ဖြစ်ပါတယ်။

ပြည်ထောင်စု ပြိုကွဲမယ့် အခြေအနေရောက်တိုင်း တပ်မတော်က ကာကွယ်စောင့်ရှောက်ပေးခဲ့တာ ဖြစ်သလို အခုဆိုရင် လွှတ်တော်ကျင်းပပြီး ပြည်သူလူထုရဲ့ လိုလားတောင့်တချက်တွေကို နိုင်ငံတော်သစ်အတွက် ပုံဖော် တည်ဆောက်နေပြီလို့ စစ်အစိုးရထုတ် သတင်းစာရဲ့ အယ်ဒီတာ့အာဘော်မှာ ဖော်ပြ ရေးသားထားပါတယ်။

အစိုးရသစ်နဲ့ ပတ်သက်လို့ ကောင်းတယ်၊ ဆိုးတယ် မမြင်ထားဘဲ ဖြစ်စဉ်ကို ဓမ္မဓိဋ္ဌာန်ကျကျ ရှုမြင်သုံးသပ်တယ်လို့ အစိုးရသစ်နဲ့ ပတ်သက်တဲ့ သဘောထားအပေါ် မေးတဲ့ သတင်းထောက်တဦးရဲ့ အမေးကို ဒေါ်အောင်ဆန်းစုကြည်က ပြန်ဖြေခဲ့ပါတယ်။ တိုင်းပြည်အတွက် အစိုးရသစ်နဲ့လည်း ကောင်းတဲ့ ဆက်ဆံရေး မျှော်မှန်းပေမဲ့ ဘယ်လိုလုပ်မလဲ၊ ဘယ်လို ဆက်ဆံလာမလဲဆိုတာ ကာယကံရှင်တွေ ကိုယ်တိုင် သိမှာဖြစ်ပြီး NLD ပါတီကတော့ အကောင်းဆုံးဖြစ်အောင် ကြိုးစားမယ်လို့လည်း ဒေါ်အောင်ဆန်းစုကြည်က ပြောခဲ့ပါတယ်။(VOA)
ဓာတ်ပုံများပေးပို့သော ကိုဒီမိုဝေယံအားကျေးဇူးတင်ရှိပါသည်..

သတင်းအကျဉ်းချုပ် ...

1 တာလေမြို့ငလျင်အပြီးအခြေအနေဓာတ်ပုံများ

မနက် ၇ နာရီက လှုပ်သွားတဲ့ ငလျင်လိုမျိုး ထပ်လာမှာဆိုးလို့ တာချီလိတ်တစ်မြို့လုံး နဲ့ မယ်ဆိုင်တစ်မြို့လုံးက လူတွေက လန့်နေကြပါတယ်..ကျနော်လည်းပါပါတယ် မိုးရွာနေလို့ ဘယ်ကိုမှ ရှောင်မနေတော့ပါဘူး.. တာလေကို သွားကြည့်တဲ့ လူတွေလည်း အတော်များပါတယ်.. သွားလာတဲ့လူတွေပြောတာတော့ တစ်ချို့ အလောင်းတွေ ခုထိ ထုတ်မရသေးပါဘူး.. စစ်သား ၇ယောက် ကြွေသွားပါတယ်..မနက်ကလှုပ်တဲ့ ငလျင်က မိုင်းလင်း မှာ အတော်ဆိုးတယ်လို့ သတင်းရပါတယ်..သေချာတော့မသိပါဘူး..သေချာတာကတော့ တာချီလိတ်က မြို့ပျက်နဲ့တူနေပါတယ် အကောင်ကြီးကြီးကားတွေလည်း ချစ်ကြည်ရေးတံတားပေါ်မှာရှုတ်နေတာပါပဲ.. ကြက်ခြေနီကားကလည်း တဝေါဝေါအော်ပြီးသွားနေတယ် အဲ့အသံကြားမှ လူတွေ့က ပိုလန့်နေသလားပဲဗျာ..ကျနော်တာချီလိတ်မှာနေပါတယ်..တစ်ချို့သတင်းဆိုဒ်များမှ သတင်းများ အားလုံး မမှန်ပါ ကြည့်ကျက်ယုံကြပါကုန်.. ဘယ်ယိုးဒယားမှ လူကိုယ်တိုင် လာမကူသေးပါ မြန်မာများလည်း မည်သူမျှ ဟိုဖက်ကမ်းမပြေးကြသေးပါ..မည်သူ့ကိုမျှ ပုတ်ခတ်ချင်းလည်းမရှိပါ.အားလုံးကိုကျေးဇူးတင်ပါ၏..

nomoregirl@MMCP အားကျေးဇူးတင်ရှိပါသည်

သတင်းအကျဉ်းချုပ် ...

0 Burma Soldier ဘ၀မှတ်တမ်းရုပ်ရှင် ဇာတ်ကားတွင် ကိုယ်တိုင်ပါဝင် သရုပ်ဆောင်ခဲ့သော မြန်မာ့တပ်မတော်မှ ရဲဘော်ဟောင်း ကိုမျိုးမြင့်နှင့် တွေ.ဆုံဆွေးနွေးသည့် စကားဝိုင်း

သတင်းအကျဉ်းချုပ် ...

0 ဂျပန်နိုင်ငံရှိဖူကူရှီးမားလျှပ်စစ်ဓာတ်အားပေးဓာတ်ပေါင်းဖိုရှိရာ ပင်လယ်ပြင်တ၀ိုက်မှာ ရေဒီယိုဓာတ်သတ္တိ ကြွတဲ့ဒြပ်တွေ ပျံ့နှံ့မှုမြင့်မား

ညူကလီယားအကျပ်အတည်းတွေ့နေတဲ့ ဖူကူရှီးမားလျှပ်စစ်ဓာတ်အားပေးစက်ရုံမှာ ရေဒီယိုဓာတ်သတ္တိ ကြွတဲ့ဒြပ်တွေပျံ့နှံ့နေတဲ့အခြေအနေတွေကို ထိန်းချုပ်နိုင်ဖို့ သက်ဆိုင်ရာက မတ်လ ၂၆ ရက်မှာ ကြိုးစား လုပ်ဆောင်နေပေမဲ့လည်း ဓာတ်ပေါင်းဖိုရှိရာ ပင်လယ်ပြင်တ၀ိုက်မှာ ရေဒီယိုဓာတ်သတ္တိ ကြွတဲ့ဒြပ်တွေ ပျံ့နှံ့မှုမြင့်မားနေတယ်လို့ သိရပါတယ်။ အဲဒါကြောင့် ငါးလုပ်ငန်းတွေအတွက် စိုးရိမ်စရာအဆင့်ကို ရောက်နေပါတယ်။ အစိုးရတော့ စိုးရိမ်ဖွယ်ရာမရှိလို့ဆိုပေမဲ့ ယုံကြည်လက်ခံတဲ့သူနည်းပါတယ်။

ဒီအတောအတွင်း TEPCO က ဓာတ်ပေါင်းဖိုနံပတ် ၂ ရှိတဲ့အဆောက်အအုံရဲ့ထိန်းချုပ်ခန်းမှာ လျှပ်စစ်မီး ပြန်လာအောင်လုပ်နိုင်ခဲ့ပြီလို့ဆိုပါတယ်။

TEPCO က နံပတ် ၁ ဓာတ်ပေါင်းဖိုမှာ ရေဒီယိုဓာတ်သတ္တိကြွမှုပမာဏမြင့်တက်လာနေတဲ့အတွက် အလုပ် သမားတွေကို ဆက်ပြီးမလုပ်ကြဖို့ တားခဲ့ရတယ်လို့ဆိုပါသေးတယ်။ ဒါပေမဲ့လည်း နောက်ပိုင်းမှာ ဖူကူရှီးမားရုံးက ပမာဏမြင့်တက်တာမဟုတ်ပါဘူးလို့ပြန်လည်ပြင်ဆင်ကြေညာခဲ့ပါတယ်။ ဒီလိုမျိုး အင်မတန်အရေးကြီးတဲ့အချိန်မှာ အမှားအယွင်းဖြစ်တာ။ ရှေ့နောက်မညီဖြစ်တာတွေဟာ အယုံအကြည် ကင်းမဲ့မှုကိုဖြစ်စေတယ်လို့ ဆိုပါတယ်။ TEPCO က သတင်းအချက်အလက်တွေကို ထိန်ချန်တယ်၊ ပြင်ဆင်ပြောင်းလဲမှုတွေလုပ်တယ်ဆိုတာမျိုးတွေ အရင်ကတည်းရှိတယ်ဆိုတဲ့ နာမည်ဆိုးတွေထွက်ခဲ့ဘူးပါ တယ်။

မတ်လ ၂၆ ရက်နေ့လယ်ပိုင်း သတင်းစာရှင်းလင်းပွဲတခုမှာ အစိုးရအဖွဲ့အတွင်းဝန်ချုပ် ယုကိအိုအဲဒါ့နို က အခြေအနေတွေပိုဆိုးမလာအောင်လုပ်ဆောင်နေပေမဲ့ လုပ်စရာအလုပ်တွေအများကြီးရှိတဲ့အတွက် ဒီအကျပ်အတည်းဘယ်တော့ပြီးဆုံးမလဲဆိုတာ မပြောနိုင်ဘူးလို့ ဆိုပါတယ်။

အခုလောလောဆယ်အထိ ငလျင်နဲ့ဆူနားမိကြောင့်သေဆုံးရတဲ့သူ တသောင်းကျော်သွားပြီဖြစ်ပေမဲ့လည်း ညူကလီယားကြောင့် သေဆုံးသူ တဦးမှမရှိသေးပါဘူး။ ဒါပေမဲ့ ညူကလီယားအရေးကို လူတိုင်းမျက်ခြည် မပြတ်စောင့်ကြည့်နေတာက အင်မတန်အန္တရာယ်ကြီးလို့ဖြစ်ပါတယ်။ အစိုးရပြောရေးဆိုခွင့်ရှိသူက TEPCO အနေနဲ့သတင်းအချက်အလက်တွေကို မှန်မှန်ကန်ကန်ပေးဖို့လိုတယ်။ ဒါမှ အစိုးရအနေနဲ့ ကယ်ဆယ်ရေးအတွက် ဆုံးဖြတ်ချက်တွေကို ထိထိရောက်ရောက်လုပ်နိုင်မယ်လို့ ပြောပါတယ်။

ကျော်ကျော်စိုး

၂း၃၄ နာရီ

မတ်လ ၂၇။ ၂၀၁၁ ခုနှစ်

သတင်းအကျဉ်းချုပ် ...