dawnmanhon

Saturday, June 5, 2010

0 The Voice journal ပြန်ထွက် Vol. 6-29

0 နောက်တစ်ခါ လာပြန်ပြီဟေ့ . . .

Shun Cai (စွင့်ချိုင်) ဆံပင်နှင့် အလှပြုပြင်ရေးမှ ကိုဂျွန်ဆင် ဦးစီးပြီး ဆံသပညာရှင် (၃၀) ဦးတို့မှ နာရေးကူညီမှုအသင်း(ရန်ကုန်) မြောက်ဒဂုံရုံးသို့ ၂၀၁၀ ခုနှစ်အတွင်း တတိယ အကြိမ်မြောက် အဖြစ် ၅.၆.၂၀၁၀ (စနေနေ့)တွင်လည်း နာရေးကူညီမှု အသင်းသူ/သားများနှင့် ဗုဒ္ဓဘာသာ ယဉ်ကျေးလိမ္မာသင်တန်း တတ်ရောက်နေကြသော မျိုးဆက်သစ် ကလေးငယ်များတို့ အပြင် နာရေးကူညီမှုအသင်းသို့ အလှူငွေများ လာရောက်လှူဒါန်းကြသော အလှူရှင်များနှင့် သုခကုသိုလ်ဖြစ်ဆေးခန်းသို့ လာရောက်ပြီးဆေးဝါး ကုသကြသော လူနာများ၊ လူနာရှင်များတို့အား မိမိတို့ တတ်ကျွမ်းသော ဆံပင်ညှပ်ခြင်း ပညာရပ်ဖြင့် ကုသိုလ်ဒါန ပြုခဲ့ကြပါသည်။

ကိုကျော်သူ

1 Aljazeera အသံလွှင့်ဌာနမှထုတ်လွှင့်သွားသော Myanmar's Military Ambitions

http://bcbg-bcbgaust.blogspot.com/မှ

0 ဦးအေးမြင့်နဲ့ လမ်းပြကြယ်အဖွဲ့ စက်ရေတွင်း၊ လက်ရေတွင်းများ တူးဖော်ပေး

ပဲခူးမြို့၊ တောင်သူစုကျေးရွာမှာတူးနေပုံပါ။
videoဖိုင်ပေးပို့သော ဦးအေးမြင့်အားကျေးဇူးတင်ရှိပါသည်။

0 Nuclear Activities in Burma

ကိုလွင်အောင်စိုး မျှဝေထားတာပါ။

0 မျိုးဆက်သစ်တို့ကွင်းဆင်းပြီ

၃ - ၆ - ၂၀၁၀

၂/၂၀၁၀ ဈာပန ပို့ဆောင်ရေးသင်တန်းအား နာရေးကူညီမှုအသင်း(ရန်ကုန်) အသင်းသူ/သား အသစ် (၃၀) ဦးတို့အား ၂၇.၅.၂၀၁၀ (ကြာသပတေး)နေ့တွင် စာတွေ့သင်တန်း သင်တန်းဆင်းပြီးနောက် ၃.၆.၂၀၁၀ (ကြာသပတေး)နေ့တွင် ဈာပနလမ်းကြောင်း သယ်ယူပို့ဆောင် ခြင်းအား ကွင်းဆင်းပြီး နာရေးကူညီမှုအသင်း(ရန်ကုန်)၏ လုပ်ငန်းဆောင်ရွက်စဉ် အရပ်ရပ်ကို လိုက်လံလေ့လာ သင်ယူစေခဲ့ပါသည်။

တောင်ဥက္ကလာပမြို့နယ်၊ ၁၄/၁ ရပ်ကွက်ရှိ နာရေးအိမ်သို့ နာရေးအလောင်းအား သွားရောက် သယ်ဆောင်ရာတွင် သေဆုံးသူ၏ ရုပ်အလောင်းအား စစ်ဆေးပုံ၊ နာရေး (ကာယကံရှင်)ကို ညင်သာရိုသေ နွေးထွေးစွာ ဆက်ဆံပြောဆိုပုံ၊ စာရွက်စာတမ်းများစုံ မစုံ စစ်ဆေးပုံ၊ နာရေးကူညီမှုအသင်း(ရန်ကုန်)မှ အခမဲ့ ကူညီဆောင်ရွက်ပေးမှု အတိုင်းအတာအား နာရေး (ကာယကံရှင်)တို့ကို သဘောပေါက် နားလည်မှုရှိသည်အထိ ရှင်းပြပုံ၊ အအေးခန်း ထားရှိပါက ရေဝေးသုဿန် အအေးခန်းတွင် ဆောင်ရွက်ရမည့် အချက်အလက်များအား အသင်းမှ တာဝန်ရှိသူတို့မှ လိုက်လံ အသေးစိတ် ရှင်းလင်းပြသခဲ့သည်။

နာရေးကူညီမှုအသင်း(ရန်ကုန်)သည် လူမှုရေးလုပ်ငန်းများ လုပ်ကိုင်ဆောင်ရွက်ရာတွင် ဦးဆောင်ဦးရွက် လုပ်ကိုင်ဆောင်ရွက်နိုင်စေရန် ရည်သန်ကာ ဆက်လက်ပြီး မျိုးဆက်သစ် လူမှုရေးသမားများကို မွေးထုတ်ပေးသွားမည် ဖြစ်ပါကြောင်း . . . ။

ကိုကျော်သူ

0 စစ်အစိုးရ၏ နျူကလီးယား စီမံကိန်း ပေါက်ကြား

ခက်ထန် (ဧရာဝတီ)
ပြည်ပသို့ တိမ်းရှောင် လာသော စစ်ဘက် အရာရှိတဦးက ရာနှင့်ချီသော ထိပ်တန်း လျှို့ဝှက်ချက် စာရွက် စာတမ်းနှင့် ဓာတ်ပုံ အထောက် အထားများကို ထုတ်ဖော် လိုက်သည့် အတွက် စစ်အစိုးရ၏ နျူကလီးယား လျှို့ဝှက် စီမံကိန်း နိုင်ငံတကာသို့ ပေါက်ကြားသွားသည်။

စက်ယန္တရား ထိန်းချုပ်ခုံတခုရှေ့တွင် တွေ့ရသော ဗိုလ်မှူး စိုင်းသိန်းဝင်း (ဓာတ်ပုံ - DVB)

စစ်အစိုးရ၏ နျူကလီးယား စီမံကိန်း အကြောင်း ပြောဆိုမှုများ ရှိနေ သော်လည်း ဗိုလ်မှူး စိုင်းသိန်းဝင်း ယူဆောင် လာသည့် အထောက် အထား များကြောင့် စစ်အစိုးရ၏ လျှို့ဝှက် အစီအစဉ်များ ပိုမိုခိုင်မာ လာပြီး နိုင်ငံတကာနှင့် ဒေသတွင်းတွင် လုံခြုံရေး ခြိမ်းခြောက်မှုများ ဖြစ်လာ နိုင်ကြောင်း လေ့လာ သူများက သုံးသပ်ကြသည်။

“သူတို့ တကယ် လိုချင်တာက အဏုမြူဗုံးပဲ။ အဲဒါ သူတို့ရဲ့ အဓိက ရည်မှန်းချက်ပဲ။ ဒုံးကျည်တွေ နျူကလီးယား ထိပ်ဖူးတွေ ပိုင်ဆိုင် ချင်တယ်” ဟု ဗိုလ်မှူး စိုင်းသိန်းဝင်းက နော်ဝေ အခြေစိုက် ဒီမိုကရက်တစ် မြန်မာ့အသံ (DVB) နှင့် အယ်လ်ဂျာ ဇီးယားတို့ ပူးပေါင်း ထုတ်လွှင့်သည့် သတင်း မှတ်တမ်းတွင် ပြောသည်။

စစ်သက် ၁၅ နှစ်ရှိ ဗိုလ်မှူး စိုင်းသိန်းဝင်းသည် ဒုံးပျံ အင်ဂျင် အထူးပြု ဘာသာရပ်နှင့် ရုရှားမှ ဘွဲ့ရခဲ့သူ ဖြစ်ပြီး မကွေးတိုင်း ပခုက္ကူခရိုင် မြိုင်မြို့နယ် အတွင်းရှိ လျှို့ဝှက် စစ်လက်နက်ပစ္စည်း ထုတ်လုပ်ရေးစက်ရုံမှ ဒုတိယ အကြီးအကဲဖြစ်ခဲ့သည်။ ထိပ်တန်း လျှို့ဝှက် စာရွက်စာတမ်းများကို ယူဆောင်၍ ၂၀၁၀ ဖေဖော်ဝါရီလတွင် ပြည်ပသို့ ထွက်ပြေး တိမ်းရှောင်လာခဲ့သည်။

ရရှိလာသော စာရွက်စာတမ်းနှင့် အထောက်အထားများကို သုံးသပ်ရေးသားထားသည့် စာမျက်နှာ ၂၀ ကျော်ရှိသော “မြန်မာနိုင်ငံ နျူကလီးယား ဆိုင်ရာ လူပ်ရှားမှုများ” စာတမ်းတွင် အထောက်အထား အချက်အလက်နှင့် ဓာတ်ပုံ၊ မြေပုံများဖြင့် ဖော်ပြထားသည်။

ဗိုလ်မှူး စိုင်းသိန်းဝင်း ယူဆောင်လာသော အချက်အလက်များကို နိုင်ငံတကာ အဏုမြူစွမ်းအင် အေဂျင်စီ (IAEA) ၏ ညွှန်ကြားရေးမှူးဟောင်း ရောဘတ် ကယ်လီက လနှင့်ချီ၍ လေ့လာဆန်းစစ်ပြီးနောက် စာရွက်စာတမ်းနှင့် ဓာတ်ပုံအထောက်အထားများတွင်ပါရှိသော စက်ယန္တရား ပစ္စည်းများသည် နျူကလီးယား ဆိုင်ရာ လက်နက်များ ထုတ်လုပ်ရန် အသုံးဝင်သည်ဟု မှတ်ချက်ချကြောင်း သိရသည်။

မြန်မာ့အရေးလေ့လာသူ ဆွီဒင်လူမျိုး သတင်းစာဆရာ ဘာတေးလ် လစ်တနာက “မြန်မာပြည်က ဒီလိုမျိုး အထောက်အထား စာရွက်စာတမ်းတွေ ထွက်လာတာ တခါမှ မတွေ့ဖူးဘူး” ဟု အယ်လ်ဂျာဇီးယားသတင်းဌာနနှင့် အင်တာဗျူးတွင် ပြောထားသည်။

ဝါရှင်တန် အခြေစိုက် လက်နက် ထိန်းချုပ်ရေးနှင့် မပြန့်ပွားရေး ဌာနမှ အမှုဆောင် ညွှန်ကြားရေးမှူး ဂျွန် အိုင်ဆက်စ် ကမူ စစ်အစိုးရ၏ နျူကလီးယား စီမံကိန်းကို သံသယ ရှိသော်လည်း အတိအကျ ကောက်ချက်ချရန် အသင့် မဖြစ်သေးကြောင်း အယ်လ်ဂျာဇီးယားနှင့် အင်တာဗျူးတွင် မှတ်ချက်ပေးသည်။

ဥမင် လိုဏ်ခေါင်းများမှာ သာမန် ရည်ရွယ်ချက် အတွက်သုံးရန် ဆိုသော်လည်း တချို့မှာ ဘောလုံးကွင်း ၂ ခုစာမျှ ကျယ်နေကြောင်း ဗိုလ်မှူး စိုင်းသိန်းဝင်းက အယ်လ်ဂျာဇီးယား သို့ ပြောသည်။

စစ်အစိုးရသည် ကားသွားလာနိုင်လောက်အောင် ကျယ်ဝန်းသည့် လိုဏ်ခေါင်းများ၊ ပြင်ပမှ ပစ်ခတ် တိုက်ခိုက်ခြင်း မရှိအောင် တည်ဆောက်ထားသည့် ဥမင်များ၊ ချိတ်ဆက်ထားသည့် ဥမင်လမ်းရှည်များ ရှိနေကြောင်း စစ်တပ်မှ ထွက်ပြေးတိမ်းရှောင်လာသည့် တခြား စစ်ဘက်အရာရှိများကို ကိုးကား၍ အယ်လ်ဂျာဇီးယားက ထုတ်လွှင့်သွားသည်။

“မြန်မာနိုင်ငံ နျူကလီးယား ဆိုင်ရာ လူပ်ရှားမှုများ” သုံးသပ်ချက် စာတမ်းအရ ဥမင်လိုဏ်ခေါင်းများကို မြောက်ကိုရီးယားအကူအညီနှင့် တည်ဆောက်ရာတွင် ခန့်မှန်းခြေ ကုန်ကျစရိတ် အမေရိကန် ဒေါ်လာ ၃ ဘီလီယံ ရှိမည်ဟု ဖော်ပြထားသည်။

အယ်လ်ဂျာဇီးယားနှင့် အင်တာဗျူးတွင် ဗိုလ်မှူး စိုင်းသိန်းဝင်းက စစ်အစိုးရသည် နျူကလီးယား စီမံကိန်းအတွက် ငွေများကို ရတနာ ကမ်းလွန် သဘာဝ ဓာတ်ငွေ့ လုပ်ငန်းမှ ရရှိသော အကျိုးအမြတ်များဖြင့် လုပ်ဆောင်နေသည်ဟု ပြောသွားသည်။ ရတနာ ကမ်းလွန် ဘသာဝ ဓာတ်ငွေ့ လုပ်ငန်းမှ အမေရိကန် ဒေါ်လာ ၇.၅ သန်း ရရှိသည်။ စစ်ရေး ငွေများ ပိုမို သုံးစွဲရန် ရွှေ ကမ်းလွန် သဘာဝ ဓာတ်ငွေ့ လုပ်ငန်းမှ ရငွေများကို တိုးချဲ့ သုံးစွဲသွားဖွယ် ရှိသည်ဟုလည်း ပြောသွားသည်။ ရွှေဂက်စ် လှုပ်ရှားမှု အဖွဲ့၏ အဆိုအရ စစ်အစိုးရသည် ယင်းလုပ်ငန်းမှ နှစ်စဉ် အမေရိကန် ဒေါ်လာ ၁.၂ သန်း ရရှိသည်ဟု သိရသည်။

စစ်အစိုးရ၏ လျှို့ဝှက် နျူကလီးယား စီမံကိန်းအကြောင်း DVB နှင့် အယ်လ်ဂျာဇီးယားတို့ ပူးပေါင်း ထုတ်လွှင့်မှုမတိုင်ခင် ဇွန်လ ၃ ရက်နေ့တွင် အမေရိကန် အထက် လွှတ်တော် အမတ် ဂျင်မ် ဝက်ဘ်က မြန်မာပြည်သို့ လာရောက်မည့် ခရီးစဉ်ကို ရုတ်တရက် ဖျက်သိမ်းလိုက်သည်။ မြောက်ကိုရီးယားနှင့် မြန်မာ၏ နျူကလီးယားဆိုင်ရာ သံသယ ဖြစ်ဖွယ် ဆက်ဆံရေးကြောင့် ဖြစ်သည်ဟု ကြေညာချက် ထုတ်ပြန်ခဲ့ပြီး အိုဘားမား အစိုးရအနေနှင့် တွေ့ဆုံဆွေးနွေးရေးအတွက် ကိုယ်စားလှယ် အမြန်ဆုံး စေလွှတ်သင့်ကြောင်း တိုက်တွန်းထားသည်။

ဇွန်လ ၃ ရက်နေ့က ဘန်ကောက်တွင် ပြုလုပ်သည့် သတင်းစာရှင်းလင်းပွဲတွင် ဂျင်မ် ဝက်ဘ်က “ထိုအရေးကိစ္စများကို မရှင်းလင်းဘဲ ဤအချိန်တွင် မြန်မာနိုင်ငံသို့ သွားရောက်လည်ပတ်လျှင် အမြော်အမြင်ကင်းမဲ့ပြီး အကျိုးယုတ်ရာ ကျမည်ဟု ယုံကြည်သည်” ဟု ပြောသည်။

လန်ဒန် အခြေစိုက် နိုင်ငံတကာ မဟာဗျူဟာ လေ့လာရေး ဌာန၏ ရှန်ဂရီလာ ဒိုင်ယာလော့ဂ် (Shangri-La Dialogue) ဆွေးနွေးပွဲ ခေါ် ၉ ကြိမ်မြောက် အာရှ လုံခြုံရေး ထိပ်သီးဆွေးနွေးပွဲကို ယနေ့မှ စ၍ ၆ ရက်နေ့ အထိ စင်ကာပူတွင် ကျင်းပနေသည်။ အာရှနှင့် ပစိဖိတ် ဒေသတွင်း ကာကွယ်ရေးနှင့် လုံခြုံရေး မူဝါဒများ ဆွေးနွေးရေးအတွက် အရေးပါသော ပွဲဖြစ်ပြီး ယနေ့ ထွက်ပေါ်လာသော မြန်မာ နျူကလီးယား လှုပ်ရှားမှု အထောက် အထားများနှင့် ပတ်သက်၍ ဆွေးနွေးဖွယ် ရှိသည်။

ယခုနှစ် ရှန်ဂရီလာ ဒိုင်ယာလော့ဂ် သို့ နိုင်ငံပေါင်း ၂၇ နိုင်ငံမှ ကာကွယ်ရေးဝန်ကြီးများ၊ စစ်တပ် အကြီးအကဲများ၊ လုံခြုံရေးဆိုင်မရာ မူဝါဒ ချမှတ်သူများ တက်ရောက်သော်လည်း စစ်အစိုးရဘက်မှ မည်သူ တက်ရောက်ကြောင်း မသိရှိရသေးပေ။ ယမန်နှစ်က ကာကွယ်ရေး ဝန်ကြီးဌာန ဒုတိယဝန်ကြီး ဗိုလ်ချုပ် အေးမြင့် တက်ရောက်ခဲ့သည်။

ယနေ့တွင် ရှန်ဂရီလာ ဒိုင်ယာလော့ဂ်၌ မိန့်ခွန်းပြောရာတွင် တောင်ကိုရီးယား သမ္မတ လီမြောင်ဘတ်က “ကိုရီးယား ကျွန်းဆွယ်နှင့် မြောက်အာရှတွင် ငြိမ်းချမ်းရေးနှင့် တည်ငြိမ်မှုကို ပျက်ပြားစေသည့် မြောက်ကိုရီးယား၏ ခြိမ်းခြောက်မှုကို နိုင်ငံတကာက လေးလေးနက်နက် တုံ့ပြန်သင့်သည်” ဟု ပြောသွားသည်။

ဗိုလ်မှူး စိုင်းသိန်းဝင်း (ရှေ့တန်း ဝဲဘက်မှ ဒုတိယမြောက်) နှင့် အခြား အရာရှိများ (ဓာတ်ပုံ - DVB)

ပြီးခဲ့သည့် မေလ ၂၇ ရက်နေ့တွင် ကုလသမဂ္ဂ ကျွမ်းကျင် သူများထံမှ ပေါက်ကြား လာသည့် ၄၇ မျက်နှာရှိ အစီရင်ခံစာ တစောင်ကို အေပီသတင်း ဌာနက ကိုးကား ဖော်ပြရာ၌ မြောက်ကိုရီးယား နိုင်ငံသည် လက်နက်များကို မြန်မာနိုင်ငံ အပါအ၀င် အီရန်နှင့် ဆီးရီးယား နိုင်ငံများသို့ တင်ပို့လျက် ရှိပြီး ကုလ သမဂ္ဂ၏ အရေး ယူမှုများကို ရှောင်ရှားရန် အတွက် ကြားခံ ကုမ္ပဏီများ၊ တခြားသော အဆက် အသွယ်များကို အသုံးပြုလျက် ရှိသည်ဟု ဆိုထားသည်။

စစ်အစိုးရသည် အရှေ့တောင်အာရှ ဒေသတွင်း အဏုမြူလက်နက် ကင်းစင်သောဇုန်နယ်အဖြစ် သတ်မှတ်ရေး သဘောတူညီချက် (ဘန်ကောက်သဘောတူညီချက်) ကို ၁၉၉၅ ခုနှစ်တွင် လက်မှတ် ရေးထိုးခဲ့သည်။ နောက်တနှစ် အကြာတွင် ဘက်စုံ အဏုမြူစမ်းသပ်မှုများ တားမြစ်ရေး သဘောတူညီချက်ကိုလည်း လက်မှတ်ရေးထိုး ခဲ့သေးသည်။

အဏုမြူစွမ်းအင် ဦးစီးဌာနကို ၁၉၉၇ အောက်တိုဘာလတွင် အသစ် ဖွဲ့စည်းခဲ့ပြီး သိပ္ပံနှင့် နည်းပညာ ဝန်ကြီးဌာန၏ အောက်တွင် ထားရှိသည်ဟု အစိုးရ၏ ထုတ်ပြန်ချက်များအရ သိရသည်။

၂၀၀၂ ခုနှစ်၊ ဇန်န၀ါရီလတွင် မြန်မာစစ်အစိုးရက "ငြိမ်းချမ်းသော ရည်ရွယ်ချက်ဖြင့် အသုံးချရေး အတွက်" အဏုမြူ သုတေသနဓာတ်ပေါင်းဖို တခုတည် ဆောက်ရန် အစီအစဉ်ကို အတည်ပြုပြောဆိုလာခဲ့သည်။ ထိုအချိန် က နိုင်ငံခြားရေးဝန်ကြီးဌာန ဒု-၀န်ကြီး ဦးခင်မောင်ဝင်းက "မြန်မာနိုင်ငံ၏ အဏုမြူစွမ်းအင်အပေါ် ငြိမ်းချမ်းသော ရည်ရွယ်ချက်ဖြင့် စိတ်ဝင်စားမှုမှာ ကာလကြာရှည်ကတည်းက ရှိနေခဲ့သည်" ဟု ထုတ်ဖော်ပြောဆိုခဲ့သည်။

၂၀၀၃ ဇူလိုင်လတွင် မြောက်ကိုရီးယား ပညာရှင် ၁၅ ဦးမှ ၂၀ အထိ ရန်ကုန်ရှိ ရေတပ်စခန်းတခုနှင့် ကာကွယ်ရေး ဝန်ကြီးဌာန၏ ဧည့်ရိပ်သာ တခုတွင် တွေ့ရကြောင်း ဟောင်ကောင် အခြေစိုက် အရှေ့ဖျားဒေသ စီးပွားရေးရာ စာစောင် က ရေးသားဖော်ပြခဲ့သည်။

မြောက်ကိုရီးယားသည် မြန်မာပြည်ကို ဒုံးကျည်များ ရောင်းချနေသည်ဟု အမေရိကန် အစိုးရ အရာရှိတို့က ၂ဝဝ၄ ခုနှစ်ကလည်း ထုတ်ဖော် ပြောကြားခဲ့သည်။

၂၀၀၈ ခုနှစ် နိုဝင်ဘာလအတွင်း ဗိုလ်ချုပ်ကြီး သူရရွှေမန်း ခေါင်းဆောင်သော ကိုယ်စားလှယ် အဖွဲ့သည် မြောက်ကိုရီးယားသို့ လျှို့ဝှက် သွားရောက်ခဲ့သော်လည်း နောက်ပိုင်းတွင် သတင်း ပေါက်ကြားခဲ့သည်။ ထိုခရီးစဉ်တွင် မြောက်ကိုရီးယား စစ်ဦးစီး အရာရှိချုပ် ဗိုလ်ချုပ် ကင်မ်ကျုတ်ဆစ် နှင့် စစ်ရေး အရ ပူးပေါင်း ဆောင်ရွက်မှုပြုလုပ်ရန် သဘောတူ လက်မှတ် ရေးထိုးခဲ့ကြသည်။

၂၀၀၉ ခုနှစ် ဇွန်လတွင်လည်း လက်နက်များ တင်ဆောင်လာသည်ဟု ယူဆရသည့် မြောက်ကိုရီးယား သင်္ဘောတစီး မြန်မာပြည်သို့ ဦးတည် ခုတ်မောင်းသွားသည့် သတင်းက ကမ္ဘာ့မီဒီယာ၌ ထိပ်တန်းသို့ ရောက်ရှိခဲ့သည်။ တချိန်တည်းမှာပင် မြန်မာ စစ်အစိုးရ၏ နျူကလီးယား ထုတ်လုပ်မည့် အစီအစဉ်နှင့် ပတ်သက်နိုင်ဖွယ်ရှိသော မြေအောက် ဥမင်များ တည်ဆောက်နေမှု ဓာတ်ပုံနှင့် ဗီဒီယို မှတ်တမ်းများကိုလည်း သတင်းဌာနများတွင် ထုတ်လွှင့်ပြသခဲ့သည်။

၂၀၀၉ ခုနှစ်တွင် မြောက်ကိုရီးယား နျူကလီးယား အစီအစဉ်နှင့် ပတ်သက် ဆက်နွယ်မှုရှိသည်ဟု ယူဆရသော သံလိုက်ဓာတ်အား တိုင်းတာသည့် ကိရိယာ တမျိုးကို မလေးရှားမှ တဆင့် မြန်မာနိုင်ငံသို့ တင်သွင်းရန် ကြိုးပမ်းခဲ့သူ ၃ ဦးကို ဂျပန်နိုင်ငံ၌ ဖမ်းဆီးခဲ့သည်။

အမေရိကန်နိုင်ငံခြားရေးဝန်ကြီး မစ္စ ဟီလာရီ ကလင်တန်က မြောက်ကိုရီးယားသည် မြန်မာနိုင်ငံသို့ နျူကလီးယား နည်းပညာ လွှဲပြောင်းပေးအပ်ပါက အာဆီယံ ဒေသတွင်း တည်ငြိမ်မှုကို ခြိမ်းခြောက်နိုင်ကြောင်း ၂၀၀၉ ခုနှစ် ဇူလိုင်လတွင်းက ထိုင်းနိုင်ငံတောင်ပိုင်း ဖူးကက်တွင် ကျင်းပသော အာဆီယံအစည်းအဝေး လုံခြုံရေးဆိုင်ရာ ဆွေးနွေးပွဲတွင် သတိပေး ပြောကြားဖူးသည်။

စစ်အစိုးရသည် သန့်စင်ပြီးသား ယူရေနီယံများကို မြောက်ကိုရီးယားနိုင်ငံ၏ နည်းပညာ အကူအညီဖြင့် လာမည့် ၅ နှစ် အတွင်း အဏုမြူဗုံး ထုတ်လုပ်ရန် စီစဉ်နေသည်ဟု ၂၀၀၉ ခုနှစ် သြဂုတ်လထုတ် Sydney Morning Herald သတင်းစာ၏ ဆောင်း ပါးတပုဒ်တွင် ဖော်ပြထားသည်။

မြောက်ကိုရီးယားနှင့် မြန်မာနိုင်ငံ နျူကလီးယား နည်းပညာ ပူးပေါင်း ဆောင်ရွက်မှုများ အတွက် စိုးရိမ် ပူပန်မိကြောင်း အမေရိကန် နိုင်ငံခြားရေးဌာန ပြောရေးဆိုခွင့်ရှိသူ P. J Crowleyက ယခုနှစ် မတ်လ ပထမပတ်တွင် ပြောကြားခဲ့သေးသည်။

မြန်မာနှင့် မြောက်ကိုရီးယားတို့သည် ၂ နိုင်ငံ သံတမန် ပုံမှန် ဆက်ဆံရေး ရပ်ဆိုင်းခဲ့ရာမှ မကြာသေး သော နှစ်များ အတွင်း တိတ်တဆိတ် ဆက်ဆံရေးများ ပြုလုပ်လာခဲ့ကာ ပြီးခဲ့သည့် ၂၀၀၇ ခုနှစ် ဧပြီလတွင် တရားဝင် ဆက်ဆံရေး ပြန်လည် စတင်ခဲ့ခြင်း ဖြစ်သည်။

စစ်အစိုးရ၏ လျှို့ဝှက်သတင်းများ ပေါက်ကြားမှုကြောင့် ထိန်းသိမ်းထားသည့် စစ်တပ်အရာရှိဟောင်း ဗိုလ်မှူး ၀င်းနိုင်ကျော်ကို အင်းစိန်ထောင်တွင် ယခုနှစ် ဇန်နဝါရီလ ၇ ရက်က သေဒဏ်နှင့် ထောင်ဒဏ် အနှစ်၂၀ ချမှတ်ခဲ့သည်။

ဗိုလ်မှူး ဝင်းနိုင်ကျော်သည် စစ်အစိုးရ၏ လျှို့ဝှက် စီမံကိန်းများဖြစ်သည့် နျူကလီးယား ဓာတ်ပေါင်းဖိုစီမံကိန်း၊ မြေအောက် လိုဏ်ခေါင်းများ ဖောက်လုပ်ရေး စီမံကိန်း၊ လျှို့ဝှက်သွားရောက်ပြီး လက်နက်ဝယ်ယူခဲ့သည့် မြောက်ကိုရီးယားခရီးစဉ်၊ ရုရှား၊ အိန္ဒိယခေါင်းဆောင်များနှင့် လျှို့ဝှက် ဆွေးနွေးခဲ့သည့်မှတ်တမ်းများနှင့်ပတ်သက်ပြီး မီဒီယာများထံပေါက်ကြားခဲ့သည့်အတွက် ဖမ်းဆီး အပြစ်ပေး ခံခဲ့ရခြင်းဖြစ်သည်။

Friday, June 4, 2010

0 မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် NLD ပါတီ၏ပြောရေးဆိုခွင့်ရှိသူရှေ့ နေဦးဥာဏ်ဝင်းတို့ထပ်မံတွေ့ဆုံ

ယနေ့ဇွန်လ ၃ ရက်နေ့ညနေ ၃ နာရီအချိန်ခန့်က ရန်ကုန်မြို့၊တက္ကသိုလ်ရိပ်သာလမ်း ၊အမှတ်(၅၄) ရှိ မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်၏နေအိမ်၌NLDပါတီ၏ပြောရေးဆိုခွင့်ရှိသူရှေ့နေဦးဥာဏ်ဝင်းနှင့် ဒေါ်အောင်ဆန်းစုကြည်တို့တွေ့ဆုံဆွေးနွေးခဲ့ကြပါသည်။ယင်းသို့တွေ့ဆုံဆွေးနွေးရာ၌မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်မှNLDပါတီ၏ပြောရေးဆိုခွင့်ရှိသူရှေ့နေဦးဥာဏ်ဝင်းအားအောက်ပါအတိုင်း ပြောကြားခဲ့ပါသည် ။

(၁) တရုတ်ပြည်သူ့သမ္မတနိုင်ငံ ၀န်ကြီးချုပ် ၀မ်ကြားပေါင်အားမြန်မာစစ်အစိုးရမှလက်ခံတွေ့ဆုံခြင်းသည် အိမ်နီးချင်းနိုင်ငံတစ်ခုအနေဖြင့်ချစ်ကြည်ရင်းနှီးမှုမှာအလွန်အရေးကြီးသည့်အတွက်တွေ့ဆုံခြင်းအပေါ်ဝမ်းမြောက်စွာလက်ခံပါကြောင်း

(၂)NDF ဒေါက်တာသန်းညိမ်းနှင့် ဦးခင်မောင်ဆွေတို့ ပါတီတည်ထောင်၍မှတ်ပုံတင်ခြင်းကိစ္စရပ်အပေါ်၌ ရှုတ်ချခြင်းလည်းမပြုသလို၊ထောက်ခံခြင်းလည်းမပြုကြောင်း၊ ၄င်းတို့ပါတီအနေနှင့် NLD ပါတီနှင့်မည်သို့မှ မသက်ဆိုင်ပါကြောင်း

(၃)အမေရိကန်အထက်လွှတ်တော်အမတ်(၆)ဦးမှNLDပါတီကိုလက်ရှိတရားဝင်ပါတီအဖြစ်ထောက်ခံ အားပေးနေံခြင်းကိုလည်း အထူးကျေးဇူးတင်ရှိပါကြောင်း

(၄)ဦးအောင်ဆန်းဦးမှစွဲဆိုခဲ့သောအမှုကိစ္စအပေါ်၌လည်းတရားဥပဒေနှင့်အညီ ဆက်လက်ရင်ဆိုင်သွားမည်ဖြစ်ကြောင်း

(၅)အမေရိကန်နိုင်ငံအထက်လွှတ်တော်အမတ် မစ္စတာဂျင်ဝဘ်နှင့်လည်းတွေ့ဆုံခွင့်ရပါကတွေ့ဆုံလိုပါကြောင်း

(၆)၄င်း၏ကျန်းမာရေးအခြေအနေမှာလည်းကောင်းမွန်လျှက်ရှိနေပါကြောင်း၊မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်မှNLD ပါတီ၏ပြောရေးဆိုခွင့်ရှိသူရှေ့နေဦးဥာဏ်ဝင်းသို့ပြောကြားသွားခဲ့ပါသည်။

လေးစားဦးညွှတ်လျှက်

ရဲရဲတောက် Burma Paparazi

0 လူထုခေါင်းဆောင် ဒေါ်အောင်ဆန်းစုကြည်မှ ခွဲထွက်သွားတဲ့ NDF အဖွဲ့ဟာ အမျိုးသားဒီမိုကရေစီအဖွဲ့ချုပ်နဲ့ မည်သို့မျှ မပတ်သတ်တော့ကြောင်း ပြောဆို...

လူထုခေါင်းဆောင် ဒေါ်အောင်ဆန်းစုကြည်..မှ အဖွဲ့ချုပ်မှ ခွဲထွက်သွားတဲ့ ယခင် အဖွဲ့ချုပ် စီအီးစီ အဖွဲ့ဝင်များဖြစ်တဲ့ ဦးခင်မောင်ဆွေ၊ ဒေါက်တာသန်းငြိမ်းတို့ တည်ထောင်ထားတဲ့NDF အဖွဲ့ဟာ အမျိုးသားဒီမိုကရေစီအဖွဲ့ချုပ်နဲ့ ဘာမှ မပတ်သတ်ကြောင်း.. NLD အဖွဲ့ရဲ့ ညီနောင်လည်းမဟုတ်ကြောင်း ပြောဆိုတယ်လို့ ယနေ့ ကြာသာပတေးနေ့ နေ့လည်က ဒေါ်အောင်ဆန်းစုကြည်နဲ့ တွေ့ဆုံခွင့်ရတဲ့ အဖွဲ့ချုပ် ဗဟိုကော်မတီဝင် ရှေ့နေကြီး ဦးဥာဏ်ဝင်းက ပြောဆိုပါတယ်။

" ဒီနေ့ အန်ကယ်တို့ နေလည်၁၂နာရီခွဲက ဦကြည်ဝင်းရယ်၊ အန်ကယ်ရယ်၊ ဒေါ်ခင်ဋ္ဌေးကြွယ်ရယ် သုံးယောက်ပေါ့.. ဒေါ်အောင်ဆန်းစုကြည်နဲ့ တွေ့ခွင့်ရပါတယ်။ အဓိကကတော့ ဦးအောင်ဆန်းဦးက တရားရုံးချုပ်မှာ အယူခံတင်တဲ့ ကိစ္စပေါ့ ..အိမ်ပြင်တဲ့ ကိစ္စသူလျှောက်တာကို တရားရုံးက ပယ်တဲ့ အတွက်ကြောင့် သူကအယူခံထပ်တင်တာ..... လျှောက်လဲချက်ပေးဖို့ သွားတွေ့တာပေါ့ ... ကျန်တာကတော့ ဒီပြင့် အမှုကိစ္စတွေလည်းပြောတယ်... နိုင်ငံရေးလည်း ပြောဖြစ်တာပေါ့... ပြောတဲ့ထဲမှာ အခုNDF ပေါ့.. ဒေါ်အောင်ဆန်းစုကြည် အနေနဲ့က အခုအဖွဲ့ချုပ်မှ ခွဲထွက်သွားတဲ့ ရွေးကောက်ပွဲ ဝင်မယ်ဆိုတဲ့ NDF အဖွဲ့ဟာ အမျိုးသားဒီမိုကရေစီ အဖွဲ့ချုပ်နဲ့ ဘာမှ မသက်ပတ်ဘူး. NLD ရဲ့ ညီနောင်လည်းမဟုတ်ဘူးလို့ ပြောဆိုတယ်။ နောက်ဒီအဖွဲ့ကိုလည်း အခုရွေးကောက်ပွဲ ဝင်မယ်ဆိုတဲ့ ပါတီ ၄၀ထဲက တစ်ခုအဖြစ်ပဲ မြင်တယ်။ ပါတီ ၄၀ အပေါ်မှာကတော့ အခုအချိန်မှာ သူ့အနေနဲ့ ဘာမှ ကောက်ချက် မပေးနိုင်ကြောင်း ပြောဆိုပါတယ်။

နောက်တစ်ခုက အဖွဲ့ချုပ်က အခုလို မှတ်ပုံမတင်ပဲနဲ့ နေလိုက်တဲ့အခါမှာ ဒေါ်စုက ဒီ့နောက်ပိုင်းမှာ ပြည်သူလူထုထောက်ခံမှု၊ တိုင်းရင်းသားတွေထောက်ခံမှု၊ ပါတီတွင်းထောက်ခံမှု ပိုမိုရရှိတယ်လို့ သူခံစားရတယ်။ နောက်တိုင်းရင်းသားတွေနဲ့ ပတ်သတ်ပြီး ဒေါ်စု တစ်ခုပြောတယ် ... တိုင်းရင်းသားတွေ မပါပဲနဲ့ အမျိုးသားရင်ကြားစေ့ရေး မဖြစ်နိုင်ဘူး.. အဲဒီတော့ တိုင်းရင်သား အရေးကို အလေးအနက်ထားရမယ်။ တစ်ချို့သော တိုင်းရင်းသား အဖွဲ့စည်းတွေဟာ အမျိုးသားဒီမိုကရေစီအဖွဲ့ချုပ်ကို ထောက်ခံတယ် ဆိုတဲ့ အသံတွေ ကြားရတယ်။ ဒါယာ ဝမ်းသာစရာပဲ တိုင်းရင်းသားနဲ့ ပြည်မနဲ့ဟာ ဒီလို အပြန်အလှန် နားလည်နိုင်ကြမှ အမျိုးသားရင်ကြားစေ့ရေး ဖြစ်မယ်လို့ အဲ့ဒါတွေ ပြောပါတယ်။

တစ်ခုထပ်ပြောတာက အမေရိကန် ကွန်ကရက်မှာ မြန်မာ့ဒီမိုကရေစီအရေးအတွက် ပါတီနှစ်ခုပေါင်းက ဆီးနိတ်အမတ် ၆ယောက်က Statement တစ်ခုထုတ်တယ် ကြားရတယ်။ အဲ့ဒီ Statement မှာ အမျိုးသားဒီမိုကရေစီအဖွဲ့ချုပ်ရဲ့ ဆုံးဖြတ်တာကို ထောက်ခံတယ် .... လက်ရှိ အမျိုးသားဒီမိုကရေစီအဖွဲ့ချုပ်ရဲ့ ရပ်တည်ချက်ကိုလည်း အသိအမှတ်ပြုတယ်.. အဲ့လိုပါတယ်။ ဒါကြောင့် ဒီဆီနိတ်တာ များကိုလည်း ကျေးဇူးတင်ကြောင်း ဒေါ်အောင်ဆန်းစုကြည်က ပြောပါတယ်။

ဒေါ်အောင်ဆန်းစုကြည် ကျန်းမာရေးကောင်းပါတယ်။ အန်ကယ်တို့ထွက်လာတဲ့ ညနေ ၃နာရီလောက်မှာ.. ဒေါ်အောင်ဆန်းစုကြည်ရဲ့ မိသားစု ဆရာဝန်ဒေါက်တာတင်မျိုးဝင်း တွေဖို့ စောင့်နေတာ တွေ့ပါတယ် "ဟု အဖွဲ့ချုပ် ဗဟိုကော်မတီဝင် ရှေ့နေကြီးဦးဥာဏ်ဝင်းက ပြောဆိုသွားပါတယ်။

အမျိုးသားဒီမိုကရေစီအဖွဲ့ချုပ်ဟာ ပြီးခဲ့တဲ့ ဧပြီလ ၂၉ရက်နေ့က စစ်အစိုးရရဲ့ ကျင်းပမယ့် ရွေးကောက်ပွဲ ဥပဒေဟာ တရားမျှတမှု မရှိတဲ့ အတွက် ပါတီမှတ်ပုံတင်ခြင်း မပြုရန် အများသဘောတူ ဆုံးဖြတ်ခဲ့ပါတယ်။ မေလ ၆ရက်နေ့ ပါတီမှတ်ပုံတင်ရက် ကုန်ဆုံးပြီးတဲ့ နောက်ပိုင်းမှာတော့ အဖွဲ့ချုပ် စီအီးစီ အဖွဲ့ဝင်ဦးခင်မောင်ဆွေ၊ ဒေါက်တာသန်းငြိမ်း အပါအဝင်တစ်ချို့ လူနည်းစုမှ NDF ပါတီကို တည်ထောင်ပြီး ရွေးကောက်ပွဲဝင်မယ်လို့ ကြေငြာခဲ့ပါတယ်။ ယခင်အဖွဲ့ချုပ်ဗဟို စီအီးစီ ၂၀ဦးအနက် လက်ရှိ ကြံကြံခံရပ်တည်နေသည့် ဗဟို စီအီးစီအဖွဲ့ဝင် ၁၅ဦးရှိပြီး ပြီးခဲတဲ့ လက စီအီးစီအဖွဲ့ဝင် သခင်စိုးမြင့် ကွယ်လွန်သွားခဲ့ပါတယ်။ ဒီကနေ့မှာတော့ လူထုခေါင်းဆောင် ဒေါ်အောင်ဆန်းစုကြည်..မှ ခွဲထွက် NDF အဖွဲ့ဟာ အမျိုးသားဒီမိုကရေစီအဖွဲ့ချုပ် မည်သို့မျှ မပတ်သတ်တော့ကြောင်း ပြတ်ပြတ်သားသား ပြောဆိုလိုက်ပါတယ်။

သတင်း...ဒီမိုဝေယံ

2 ပြည်သူတွေဒုက္ခရောက်နေတဲ့အချိန်မှာ ငွေကိုရေလိုသုံးပြီးမွေးနေ့ပွဲလုပ်ပျော်ပါးနေတဲ့ သန်းရွှေရဲ့မြေး နေရွှေသွေးအောင်(ခေါ်)ဖိုးလပြည့်

ပြည်သူတွေ ဒုက္ခရောက်ပြီးငတ်ပြတ်နေချိန်မှာ မျောက်လောင်းလေးကတော့ မွေးနေ့ ကျင်းပပြီးပျော်မြူးနေလျက်ပါပဲ။

ဓာတ်ပုံများအတွက် batoeအားကျေးဇူးတင်ရှိပါသည်။

Thursday, June 3, 2010

0 မြန်မာနိုင်ငံစာပေနှင့် စာနယ်ဇင်းဗဟိုအဖွဲ့က ကြေညာချက်တစ်စောင် ထပ်မံထုတ်ပြန်

အံ့ဘုန်းမြတ်(dvb)
သရုပ်ဆောင်ထက်ထက်မိုးဦးနဲ့ 7 Day Journal သတင်းထောက် မအေးသူစံတို့ရဲ့ ကိစ္စနဲ့ပတ်သက်ပြီး မြန်မာနိုင်ငံစာပေနှင့် စာနယ်ဇင်းဗဟိုအဖွဲ့က ထပ်မံပြီး ကြေညာချက်တစ်စောင်ကို မနေ့က ရက်စွဲနဲ့ ထုတ်ပြန်လိုက်ပါတယ်။ ဒီကြေညာချက်ထဲမှာတော့ သတင်းရင်းမြစ်နဲ့တွေ့ဆုံမေးမြန်းရင် ကျင့်ဝတ်နဲ့အညီမေးဖို့နဲ့ စာပေ၊ ရုပ်ရှင်၊ သဘင်ဂီတ နယ်ပယ်အချစ်ချင်းချစ်ခင်ရင်းနှီးမှုကိုပျက်ပြားစေနိုင်သည့် ပြောဆိုပြုမှုခြင်းများကိုရှောင်ရှားရန်ဆိုတဲ့နှစ်ချက်ကို စာနယ်ဇင်းအဖွဲ့ ကထုတ်ပြန်တာပါ။ ဒီလိုစာထုတ်ပြန်လိုက်တာနဲ့ပတ်သက်ပြီး “အဲဒီစာကတော့ နှစ်ဦးနှစ်ဘက်ကို မျှမျှတတဖြစ်အောင်အသင်းက စီမံတယ်၊ ဆုံးဖြတ် တယ်လို့ထင်တယ်။ စာထဲမှာ တိုက်တွန်းမေတ္တာရပ်ခံတယ်လို့ပါတယ်လေ.. ဆိုတော့မျှတာပါတယ်။ သတင်းထောက်ကို ဝေဖန်တာမျိုး.. ရှုတ်ချတာမျိုး မဟုတ်ဘူးလေ´´ လို့ သတင်းဂျာနယ် အယ်ဒီတာတစ်ဦးကပြောပါတယ်။

ဒီကြေညာချက်ကို အတွင်းရေးမှူး ဦးကိုကို (စက်မှုတက္ကသိုလ်) က ဥက္ကဌကိုယ်စား လက်မှတ်ရေးထိုး ထုတ်ပြန်ခဲ့တာဖြစ်ပြီး အသစ်ပြန်လည်ဖွဲ့စည်းထားတဲ့ မြန်မာနိုင်ငံစာပေနှင့်စာနယ်ဇင်း ဗဟိုရဲ့ ဒုတိယအကြိမ်မြောက် ထုတ်ပြန်ကြေညာချက်လည်း ဖြစ်ပါတယ်။

0 အိုင်အယ်လ်အိုမှ မြန်မာနိုင်ငံ အတွင်း အဓမ္မ ခိုင်းစေမှု ဆိုင်ရာ လက်ကမ်း စာစောင် ဖြန့်ဝေမည်

ရန်ကုန်မြို့၊ အပြည်ပြည် ဆိုင်ရာ အလုပ်သမား ရေးရာ အဖွဲ့ရုံး (အိုင်အယ်လ်အို) က အဓမ္မ ခိုင်းစေမှု ဆိုင်ရာ လက်ကမ်း စာစောင်ကို အစိုးရ၊ ကုလသမဂ္ဂ၊ ပြည်တွင်း ပြည်ပ လူမှုရေး အဖွဲ့ အစည်းများ၊ ရပ်ရွာ လူမှု အသိုင်း အ၀ိုင်း များမှ တဆင့် ဇွန်လ လယ်ပိုင်း မှစပြီး ဖြန့်ဝေ သွားမည် ဖြစ်ကြောင်း ယင်းရုံးမှ ဆက်သွယ် ညှိနှိုင်းရေးမှူး စတိဖ် မာရှယ်လ်က ပြောကြား ပါသည်။ ယင်း လက်ကမ်း စာစောင်တွင် အဓမ္မ စေခိုင်းမှု ဆိုသည်မှာ အဘယ်နည်း၊ မည်သို့ တိုင်ကြား နိုင်သနည်း၊ တိုင်ကြား မှုသည် လျှို့ဝှက် လုံခြုံမှု ရှိပါသလား၊ တိုင်ကြားပုံ နည်းစနစ် အရ မည်သို့ ဆောင်ရွက် သနည်း၊ တိုင်ကြားခြင်းဖြင့် မည်သို့ ရလာဒ်များ ပေါ်ပေါက်လာ နိုင်ပါသလဲ၊ တိုင်ကြားမှု ပြုလုပ်ရန် မည်သူ့ကို ဆက်သွယ် ရမည်နည်း စသည်ဖြင့် ခေါင်းစဉ်များ ခွဲလျက် မြန်မာ ဘာသာဖြင့် လွယ်ကူ ရှင်းလင်းစွာ နားလည် နိုင်အောင် ရေးသား ထားကြောင်း သိရှိရ ပါသည်။

မြန်မာနိုင်ငံဆိုင်ရာ ဆက်သွယ်ရေးအရာရှိ စတိဗ် မာရှယ်လ် (Steve Marshall) နဲ့ ပဲခူးမြို့က လမ်းပြကြယ်အဖွဲ့မှရှေ့နေကြီးဦးအေးမြင့်တို့တွေ့ဆုံစဉ်

အဆိုပါ လက်ကမ်း စာစောင်ကို ဖြန့်ဝေ ရန်အတွက် အလုပ် သမား ရေးရာ ၀န်ကြီးဌာန၊ ၀န်ကြီး ဦးအောင်ကြည် နှင့် အပြည်ပြည်ဆိုင်ရာ အလုပ်သမား အဖွဲ့ရုံး၊ (အိုင်အယ်လ်အို)၊ အမှုဆောင် ညွန်ကြားရေးမှူး မစ္စတာ ကာရီတာ ပရီအိုလာ နှင့် အဖွဲ့နှင့် ယခုနှစ် ဇန်န၀ါရီလ ၁၈ ရက်နေ့တွင် တွေ့ဆုံစဉ် သဘော တူညီချက် ရရှိခဲ့ခြင်း ဖြစ်ကြောင်း သိရှိရသည်။ အိုင်အယ်လ်အိုက ပထမ ပုံနှိပ်မှု အနေဖြင့် စောင်ရေ တစ်သိန်း ရိုက်နှိပ်ထားပြီး လိုအပ် သလောက် ဆက်လက် ဖြန့်ဝေသွားမည်ဟု ဆိုပါသည်။ လက်ကမ်း စာစောင်တွင် အဓမ္မ ခိုင်းစေမှု ဆိုသည်မှာ လူတစ်ဦး တစ်ယောက်အား အလုပ် တစ်ခုကို ထိုသူ မပြုလုပ်ပါက (သို့မဟုတ်) မလိုက်နာပါက တစ်စုံ တစ်ရာ အပြစ်ပေး ခံရမည် ဟူသော ခြိမ်းခြောက် မှုကြောင့် ထိုသူ၏ ဆန္ဒမပါဘဲ ဥပဒေနှင့် ဆန့်ကျင်၍ ခိုင်းစေသော အလုပ်မျိုးကို ခေါ်ပါသည် ဟုဖော်ပြ ထားပါသည်။ ထို့အပြင် တိုင်ကြားချက်ကို ပေးပို့ရန် အိုင်အယ်လ်အို အဖွဲ့ရုံး၏ တည်ရှိရာ (ကုန်သည်ကြီးများ ဟော်တယ်၊ ဆူးလေ ဘုရားလမ်း) လိပ်စာ အသေးစိတ်၊ ဆက်သွယ်ရန် ဖုန်းနံပါတ်များနှင့် အီးမေးလ် များကို ဖော်ပြ ထားသည်ဟု သိရှိရ ပါသည်။
(ဟံသာဝတီ)

0 မလေးရှား အန်အယ်ဒီအဖွဲ့ဝင် ထောင်ဒဏ် ၅ နှစ် ချမှတ်

နယူးဒေလီ (မဇ္ဈိမ) ။ ။ အမျိုးသား ဒီမိုကရေစီ အဖွဲ့ချုပ် (မလေးရှားဌာနခွဲ) တွင် အဖွဲ့ဝင်ဖြစ်ဖူးသူ ကိုသန်းမြင့်အောင်ကို သင်္ကန်းကျွန်းမြို့နယ် တရားရုံးက တရားမဝင် နယ်စပ် ဖြတ်ကျော်မှုနှင့် တရားမဝင် အဖွဲ့အစည်းနှင့် ဆက်သွယ်မှုတို့ဖြင့် ထောင်ဒဏ် ၅ နှစ် ယနေ့ ချမှတ်လိုက်သည်။

မြန်မာနိုင်ငံတွင်းသို့ နယ်စပ်မှ ဖြတ်ကျော်မှု လူဝင်မှု ကြီးကြပ်ရေး အက်ဥပဒေ ပုဒ်မ ၁၃/၁ ဖြင့် ထောင်ဒဏ် ၂ နှစ်နှင့် တရားမဝင်အဖွဲ့အစည်းနှင့် ဆက်သွယ်မှု (၁၇/၁) ထောင်ဒဏ် ၃ နှစ် သီးခြားစီကျခံရန် တရားသူကြီး ဒေါ်ညွှန့်ညွှန့်ဝင်းက ချမှတ်လိုက်ခြင်းဖြစ်သည်။

“သူ့အီမေးလ် ဖွင့်ကြည့်ပြီးတော့ အဲဒီထဲက အထောက်အထားတွေအရ မလေးရှား NLD L/A မှာ ဝင်ရောက် လှုပ်ရှားခဲ့တဲ့ သက်သေခံတွေ၊ အချက်အလက် အထောက်အထားတွေက ခိုင်လုံနေတယ်” ဟု မိသားစုနှင့် နီးစပ်သူတဦးက ပြောသည်။

အသက် ၃၁ နှစ်အရွယ် ကိုသန်းမြင့်အောင်သည် စစ်အစိုးရက အတိုက်အခံများကို ထောင်သွင်း အကျဉ်းချရာတွင် တွင်ကျယ်စွာ သုံးနေသော နိုင်ငံတော် အကြည်ညို ပျက်စေသော သတင်းအချက်အလက်များ အင်တာနက်မှတဆင့် ဖြန့်ဝေမှု အီလက်ထရောနစ် အက်ဥပဒေ ၃၃ (က) ဖြင့်လည်း စွဲဆိုခံထားရပြီး ဇွန် ၄ ရက်နေ့တွင် တာမွေမြို့နယ်ရှိ အရှေ့ပိုင်း ခရိုင်ထပ်မံ အမှုရင်ဆိုင်ရမှာဖြစ်သည်။

ကိုသန်းမြင့်အောင်မှာ မလေးရှားနိုင်ငံသို့ ပြန်လည်သွားရောက် အလုပ်လုပ်ရန် နိုင်ငံကူး လက်မှတ်လျှောက်ထားစဉ် မတ်လ ၄ ရက်နေ့က တာမွေမြို့နယ် ဘတ်စ်ကား မှတ်တိုင်တခုတွင် ရဲများက ဖမ်းဆီးခဲ့သည်။

ရဲက ဗုံးဖောက်ခွဲမှု တခုတွင်ပါ ပတ်သက်သည်ဟု သံသယရှိကာ သူကို ဖမ်းဆီးခဲ့ခြင်း ဖြစ်သည်။

စမ်းချောင်းမြို့ ပဒုမ္ပာပန်းခြံအတွင်း လူအသေအပျောက် မရှိသည့် ဗုံးပေါက်ကွဲမှု မတ်လ ၃ ရက် နေ့က ဖြစ်ပွားရာ ကိုသန်းမြင့်အောင် လက်ချက်ဟု ရဲက စွပ်စွဲခဲ့ရာက အထောက်အထား မပြနိုင်သဖြင့် စွဲချက် ပျက်ပြယ်သွားသည်။

ကိုသန်းမြင့်အောင်သည် မလေးရှားနိုင်ငံတွင် ၂၀၀၂ ခုနှစ်မှသည် ၂၀၀၈ ခုနှစ် နှောင်းပိုင်းအထိ သွားရောက် အလုပ်လုပ်ကိုင်ခဲ့ပြီး အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ - မလေးရှားဌာနခွဲ) တွင် အဖွဲ့ဝင် ဖြစ်ခဲ့ဖူးသည်ဟု စုံစမ်း သိရှိရသည်။

0 နာရေးကူညီမှုအသင်း(ရန်ကုန်)၏ သောက်သုံးရေရရှိရန်အတွက်ပေးဆပ်မှုများ

ရေရပြီ သို့သော် . . .

နာရေးကူညီမှုအသင်း(ရန်ကုန်)သည် ပြည်တွင်း ပြည်ပမှ သဒ္ဓါတရား ထက်သန်စွာဖြင့် ရေအလှူရှင်တို့၏ ပံ့ပိုးမှုတို့ကြောင့် ရေတိုလုပ်ငန်းဖြစ်သော သောက်သုံးရေ လှူဒါန်းမှုအပြင် ရေရှည်လုပ်ငန်းဖြစ်သော အ၀ီစိတူးဖော်ခြင်း၊ အုတ်ကန်များ တည်ဆောက်ခြင်းတို့ကိုလည်း ပဲခူးတိုင်း၊ က၀မြို့နယ်၊ ခနီးကျေးရွာတွင် တူးဖော်ပေးခဲ့ရာ ထွက်ရှိလာသော ရေချိုကို ရန်ကုန်သို့ သယ်ယူပြီး စံချိန် စံညွှန်းပြည့်မီမှု စမ်းသပ်စစ်ဆေးလျှက် ရှိနေပါကြောင်း . . .

ဗညားဒလလည်း ရေထွက်ပြီ

အများပြည်သူ လှူဒါန်းငွေတို့ဖြင့် အများပြည်သူအတွက် သောက်သုံးရေ ရရှိရေးအတွက် နာရေးကူညီမှုအသင်း(ရန်ကုန်)မှ ကုသိုလ်ဖြစ် ရေတူးဖော်ရေးလုပ်ငန်းကို ဒေသခံ လူမှုရေးသမား များနှင့် ပူးပေါင်း အကောင်အထည်ဖော် ပေးဆပ်လျှက်ရှိရာ ယခု ဒလမြို့နယ်၊ ဗညားဒလရပ်ကွက်ရှိ မစိုးရိမ်ကျောင်းဝင်း အတွင်းတွင် အ၀ီစိရေ တူးဖော်ခဲ့ရာ ၁.၆.၂၀၁၀ (အင်္ဂါ)နေ့တွင် ရေချိုများ ထွက်ရှိ ပြီ ဖြစ်ပါသည်။

ယင်း ဗညားဒလရပ်ကွက်တွင် ယခင်က သောက်သုံးရေ တူးဖော် မရခဲ့ပါ။ ယခု ပြည်တွင်း ပြည်ပ ရေအလှူရှင်များနှင့် နာရေးကူညီမှုအသင်း(ရန်ကုန်)၏ မှန်ကန်သော ပေးဆပ်မှုတို့ကြောင့် ဗညားဒလရပ်ကွက်တွင် သောက်သုံးရေ ထွက်ပေါ်လာခြင်းပင် ဖြစ်သည်ဟု ယူဆနိုင်ပါသည်။

ယခု ထွက်ပေါ်လာသော အ၀ီစိရေသည် ဓာတုဓါတ်ပစ္စည်းများ ပါဝင်မှု ရှိ/မရှိ၊ လူတို့ သောက်သုံးရန် သင့်/မသင့် တို့ကို စစ်ဆေးရန်အတွက် သက်ဆိုင်ရာ ဓါတ်ခွဲခန်းများသို့ ပို့ဆောင်ထား ပြီးဖြစ်ပါသည်။

ကိုကျော်သူ

0 BURMA VJဇာတ်ကား ဂျပန်တွင်ရုံတင်ပြသ

မြန်မာနိုင်ငံတွင် ၂ဝဝ၇ ခုနှစ် အတွင်းက ဖြစ်ပွားခဲ့သော အဖြစ်အပျက်များကို မှတ်တမ်းတင်ရိုက်ကူးထားသည့် ဘားမားဗီဂျေ(BURMA VJ)ဖြစ်ရပ်မှန် မှတ်တမ်းရုပ်ရှင်ဇာတ်ကားကို ဂျပန်နိုင်ငံတွင်လည်း ရုံတင်ပြနေပြီဖြစ်သည်။ တိုကျိုမြို့၊ ရှီဘူယရပ်ကွက်၊ ကုလသမဂ္ဂအဆောက်အဦရုံးရှေ့တွင်တည်ရှိသည့် Aoyama Theatreတွင် မေလ ၁၅ ရက်နေ့မှစတင်၍ ရုံတင်ထား လျက်ရှိပြီး တနေ့(၅)ကြိမ်ပြသလျက်ရှိသည်။

ဘားမားဗီဂျေမှတ်တမ်းတင်ရုပ်ရှင်ဇာတ်ကားကို သွားကြည့်ရှုခဲ့သူတဦးဖြစ်သည့် အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ-ဂျပန်ဌာနခွဲ)မှ အလုပ်သမားရေးရာတာဝန်ခံ ကိုဝင်းအောင်(၂)မှ ''ဒီကားဟာ မြန်မာနိုင်ငံအတွင်းမှာ တကယ်ဖြစ်ပျက်ခဲ့တဲ့ကိစ္စတွေကို ပြသထားတာလေ။ ဇာတ်လမ်းကျောရိုးဖန်တီးပြီး ရိုက်ထားတာမဟုတ်ဘူးပဲ Documentaryသဘောမျိုး ဖြစ်ရပ်မှန်သတင်းတွေကို စုစည်းပြီးတင်ပြထားတဲ့ဇာတ်ကားပါ။ အင်တာနက်မှာ တင်ထားတာရှိပေမယ့် အခုလို ရုံမှာကြည့်ရတာက ပိုရှင်းလင်းတယ်။ ကြည်လည်ပြတ်သားမှုလည်းရှိတယ်။ နောက်တချက်က ကိုယ့်ပြည်တွင်းထဲမှာ တကယ့်ကို ဆိုးဆိုးရွားရွားဖြစ်ခဲ့တဲ့အကြောင်းတွေကို ဂျပန်မိတ်ဆွေတွေသိအောင်၊ ကြည့်ဖြစ်အောင် တိုက်တွန်းသင့်တယ်။ သူတို့လည်းကြည့်ပြီး မြန်မာပြည်အကြောင်း အထူးသဖြင့် နအဖစစ်အာဏာရှင်တွေရဲ့ လူမဆန်စွာရက်စက်မှုတွေကို ကောင်းကောင်းနားလည်သဘောပေါက်သွားကြပါလိမ့်မယ်လို့ ကျနော်ထင်ပါတယ်။ နောက်ပြီး ဗိုလ်ချုပ်မှူးကြီးသန်းရွှေဦးဆောင်တဲ့ နအဖစစ်အုပ်စုဟာ တိုင်းပြည်အပေါ်ထားတဲ့ သူတို့ရဲ့သဘောထား၊ ပြည်သူလူထုအပေါ်ထားတဲ့ စိတ်ပိုင်းဆိုင်ရာတွေကို ကွက်ကွက်ကွင်းကွင်းကွင်းမြင်ရပါလိမ့်မယ်။ သူတို့(နအဖ)ဟာ မတရားသိမ်းပိုက်ထားတဲ့ သူတို့ရဲ့အာဏာနဲ့ပတ်သက်လာရင် တောင်းဆိုမှုတွေပြုလုပ်လာမယ်ဆိုရင် ပြည်သူမပြောနဲ့ ဘုရားသားတော်တွေဖြစ်တဲ့ ရဟန်းသံဃာတော်တွေကိုတောင် လိုက်လျောမှာမဟုတ်ဘူး။ အရာရာကို လက်နက်အားကိုးနဲ့ ဖြေရှင်းမယ်ဆိုတဲ့ အကြမ်းဖက်ချင်တဲ့စိတ်ပဲရှိတယ်တာကို မြင်တွေ့ရမှာဖြစ်တယ်။ ဒါကြောင့် သူတို့ပြောပြောနေတဲ့ စစ်မှန်တဲ့ဒီမိုကရေစီစနစ်ဖော်ဆောင်နေတယ်ဆိုတာ နိုင်ငံတကာကို လိမ်လည်နေတာပဲဖြစ်တယ်...''ဟု ယခုလိုရှင်းပြသည်။

ဘားမားဗီဂျေဇာတ်ကားသည် ၂ဝဝ၇ ခုနှစ် ရွှေဝါရောင်တော်လှန်ရေးကာလတွင် နအဖစစ်အုပ်စုမှ ရဟန်းသံဃာတော်များနှင့် ကျောင်းသားပြည်သူတို့၏ ငြိမ်းချမ်းစွာတောင်းဆိုဆန္ဒပြခဲ့မှုများကို ရက်ရက်စက်စက်နှိပ်ကွပ်ခဲ့သည့် တကယ့်အဖြစ်အပျက်များကိုဇတ်ကားဖြစ်ပြီး ပြည်တွင်းရှိ ဗီဒီယိုဂျာနယ်လစ်တို့က သက်စွန့်ဆံဖျားမှတ်တမ်းတင်ကာ ပြည်ပသတင်းဌာနသို့ အခက်အခဲများကြားမှ ပေးပို့ခဲ့ပုံကို တင်ပြထားသည့် မှတ်တမ်းရုပ်ရှင်ဇာတ်ကား ဖြစ်သည်။ ထို့အတွက် ၂ဝဝ၉ ခုနှစ်အတွက် ရွေးချယ်ခဲ့သည့် (၈၂)ကြိမ်မြောက် အော်စကာဆုပေးပွဲတွင် နောက်ဆုံးဇကာတင်ဇာတ်ကား(၅)ကားတွင် တကားအဖြစ် စာရင်းတင်သွင်းခြင်းခံခဲ့သည်။ အော်စကာဆုမရရှိပေမယ့်လည်း လူ့အခွင့်အရေးမှတ်တမ်း ရုပ်ရှင်ဆု (ဘာလင်)၊ ကမ္ဘာ့မှတ်တမ်း ရုပ်ရှင်တည်းဖြတ်ဆု အပါအဝင် နိုင်ငံတကာရုပ်ရှင်ဆုပေါင်း (၄၁) ဆု ဆွတ်ခူးခဲ့သည်။ အဆိုပါဇာတ်ကားကို နော်ဝေနိုင်ငံအခြေစိုက် ဒီမိုကရက်တစ်မြန်မာ့အသံ(DVB)က စီစဉ်ခဲ့ဖြစ်ပြီး ဒိန်းမတ်လူမျိုးဒါရိုက်တာ Anders Ostergaard ကပြန်လည်တည်းဖြတ်ပေးခဲ့ကာ ထုတ်လုပ်သူမှာ Lise Lense-Mollerတို့ဖြစ်ကြောင်း သိရသည်။

BURMA VJဇာတ်ကားကို Aoyama Theatreရုံတွင် ဇွန်လ ၁၈ ရက်(သောကြာနေ့)အထိ ပြသမှာဖြစ်ပြီး ယန်း ၁,၅ဝဝ ဖြစ်သည်။ ပြသချိန်များမှာ နံနက် ၁၁းဝဝ နာရီ၊ နေ့လယ် ၁းဝဝ နာရီ၊ နေလယ် ၃းဝဝ နာရီ၊ ညနေ ၅းဝဝ နာရီနှင့် ည ၇းဝဝ နာရီတို့ဖြစ်သည်။ သွားရောက်ကြည့်ရှုလိုသူများအနေဖြင့် မြို့ပတ်ရထား Yamanote လိုင်းစီး၍ Shibuyaဘူတာတွင်ဆင်းရမည်ဖြစ်သည်။
မောင်ရှင်(ဘားမားမီဒီယာသတင်းထောက်)

BURMA VJရုပ်ရှင်ဇာတ်ကားပြသနေသည့် Aoyama Theatreတည်ရှိရာမြေပုံ

Wednesday, June 2, 2010

0 စစ်သားတယောက်မျက်ရည်ကျခဲ့ရတဲ့ သားချော့တေးကဗျာ

0 ၈၈၈၈ ပြည်သူ့သတင်းစဉ် (အတွဲ ၅ - အမှတ် ၇၊ ဇွန်လ )

Tuesday, June 1, 2010

0 အမေရိကန်အရှေ့ဖက်ခြမ်းပြည်နယ်များကမြန်မာတို့ ဒေါ်စု၏ ၆၅နှစ် မွေးနေ့ စုစည်းကျင်းပမည်

(မိုးမခ)
လာမယ့် ဇွန်လ ၁၉၊ စနေနေ့မှာ ၀ါရှင်တန်ဒီစီ မှာ ပြည်နယ် မြို့နယ် ၇ ခုက မြန်မာမိသားစုတွေ စုဝေးပြီးတော့ မြန်မာပြည် ဒီမိုကရေစီခေါင်းဆောင် ဒေါ်အောင်ဆန်းစုကြည် ၆၅ နှစ်ပြည့် မွေးနေ့ အခမ်းအနားကျင်းပမည့်အကြောင်း အားလုံးကို နွေးထွေးလှိုက်လှဲစွာ ဖိတ်ကြားထားပါတယ်။
ပထမအစီအစဉ်အနေနဲ့ သမ္မတအိုဘားမားရဲ့ အိမ်ဖြူတော်ရှေ့မှာ နေ့ခင်း ၁ နာရီက ၃ နာရီအထိ စုဝေးကြပြီးတော့ ဒေါ်အောင်ဆန်းစုကြည်အရေး ဦးစားပေးဖြေရှင်းပေးဖို့ ဆန္ဒပြတောင်းဆိုတဲ့ ပွဲ ကျင်းပမှာ ဖြစ်ပါတယ်။ ပြီးနောက် ညနေ ၄ နာရီက ၇ နာရီ ကယ်ဗာရီ ဘက်ပစ် ချပ်မှာ မွေးနေ့အခမ်းအနားကို ယဉ်ကျေးမှုကပွဲ၊ ဗမာ့အငြိမ့်၊ ဓာတ်ပုံပြပွဲ စသည်တို့နဲ့ စီစဉ်ထားတယ်လို့ ဆိုပါတယ်။ မြန်မာပြည်တွင်း ရေရရှိရေး ၀ိုင်းဝန်းကူညီကြဖို့ နှိုးဆော်ရေး အစီအစဉ်များလည်း ပါဝင်တယ်လို့ ဆိုပါတယ်။ ၀င်ကြေးနဲ့ အစားအသောက်များကို အခမဲ့ လှူတယ်လို့ သိရပါတယ်။
မြန်မာပြည်ရဲ့ တခုတည်းသော အတိုက်အခံပါတီကြီး -အင်န်အယ်ဒီပါတီနဲ့ ဒေါ်အောင်ဆန်းစုကြည် ဦးဆောင်မှုကို ထောက်ခံသူများ သွားဖြစ်အောင် သွားပြီး စုဝေး အင်အားပြသင့်တဲ့ ပွဲ တခု ဖြစ်ပါတယ်။

0 ဒီတပ်မတော်အစိုးရဆိုတာကြီးပေါ်လာကတည်းက ဘာတွေကောင်းတာလုပ်ခဲ့သလဲ?

ကိုနစ်နေမန်း

Monday, May 31, 2010

0 မေ၃၀ ဒီပဲယင်း နိုင်ငံတော်လုပ်ကြံမှုကြီး(ရ)နှစ်ပြည့် ၀မ်းနည်းခြင်းအထိမ်းအမှတ် အခမ်းအနားနှင့် ဘာသာပေါင်းစုံဆုတောင်းပွဲအခမ်းအနား

video။ ။ maungwto

0 ဒီပဲယင်းနိုင်ငံတော်လုပ်ကြံမှုကြီး(၇)နှစ်ပြည့်ဝမ်းနည်းခြင်း အထိမ်းအမှတ်အခမ်းအနားဂျပန်နိုင်ငံတွင်ကျင်းပ

မေ(၃၀)ရက်နေ့တွင် ကျရောက်သည့် ဒီပဲယင်း(၇)နှစ်ပြည့် နိုင်ငံတော်လုပ်ကြံမှု အထိမ်းအမှတ်အခမ်းအနားကို တိုကျိုမြို့ ရှီနာဂါဝရပ်ကွက်ရှိ နအဖအခွန်ရုံးရှေ့တွင် အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ-ဂျပန်)NLD-LA-JB၏ ဦးဆောင်မှုဖြင့် မွန်းလွှဲပိုင်း(၃)နာရီမှ (၅)နာရီ အထိ ကျင်းပခဲ့ရာ ဂျပန်ရောက် မြန်မာ့ဒီမိုအရေးလှုပ်ရှားနေသော အဖွဲ့အစည်းပေါင်းစုံ မှ တက်ရောက်ခဲ့ကြပါသည်။
အခမ်းအနားမှူးအဖြစ်ဆောင်ရွက်ခဲ့သော ၂၀၀၃ ခုနှစ်၊ မေ ၃၀ တွင် အထက်ဗမာပြည်စည်းရုံးရေးခရီးစဉ်အသွား စစ်ကိုင်းတိုင်း၊ ဒီပဲယင်းမြို့နယ် ကျည်ရွာအနီးတွင် လူထုခေါင်းဆောင်ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ဝင်များ၊ ရဟန်းသံဃာတော်များနှင့် ကျောင်းသားပြည်သူများကို နအဖ ၏ လက်ကိုင်တုတ်များ ဖြစ်သော ကြံဖွတ်နှင့် စွမ်းအားရှင်တို့မှ ၀ါးရင်းတုတ်များ၊ ၀ါးချွန်များကိုင်ဆောင်ပြီး အကြမ်းဖက်လုပ်ကြံမှုကြောင့် ဒီပဲယင်း နိုင်ငံတော်လုပ်ကြံမှုကြီး ဖြစ်ပေါ်လာရအကြောင်းကို အကျယ်တ၀င့် ရှင်းလင်းပြောကြားခဲ့ပါသည်။ ထို့ပြင် ယနေ့အခမ်းအနား၌ ဒီပဲယင်းတွင်ကျဆုံးသွားသော အပြစ်မဲ့ပြည်သူများအတွက် ဝမ်းနည်းခြင်းအထိမ်းအမှတ် နှင့် ပြုလုပ်ရခြင်းဖြစ်ကြောင်း၊ လူထုခေါင်းဆောင်ဒေါ်အောင်ဆန်းစုကြည်လွတ်မြောက်ရန်နှင့် ဒီပဲယင်းတွင် ကျုးလွန်ခဲ့သည့် လူသတ်တရားခံများကိုလည်း ဖော်ထုတ်ပေးရန်အတွက် ပြုလုပ်ရခြင်းဖြစ်ကြောင်း အခမ်းအနားမှုးကပြောကြားခဲ့ပါသည်။

အခမ်းအနားတွင်တာဝန်ရှိသူများကဒီပဲယင်း(၇)နှစ်ပြည့်အထိမ်းအမှတ်နှင့်ပတ်သက်ရှင်းလင်းပြောကြားခဲ့ပါသည်။

ဘာသာပေါင်းစုံမှဆရာတော်များ ဆုတောင်းမေတ္တာပို့သပေးပြီး အဖွဲ့အစည်းအသီးသီးမှ ဝမ်းနည်းခြင်းအထိမ်းအမှတ်ဖြင့် ပန်းခြင်းများချကာ အခမ်းအနားကိုရုပ်သိမ်းခဲ့ပါသည်။
ဒီပဲယင်း၇နှစ်ပြည့်ဝမ်းနည်းခြင်းအထိမ်းအမှတ်အခမ်းအနားသို့ဂျပန်ရောက် မြန်မာ့ ဒီမိုကရေစီအရေး လှုပ်ရှားသူများ (၅၀၀) ခန့်တက်ရောက်ခဲ့ကြကြောင်းပါသည်။

ရေးသားသူ-နန်းအိမွန်ချစ်(Moethaukkye)
မှတ်တမ်းဓါတ်ပုံ-မင်းညိုဝမ်း(Moethaukkye)

Sunday, May 30, 2010

0 နာရေးကူညီမှုအသင်း(ရန်ကုန်)၏ ပြည်မြို့ အလှူဒါနနှင့် ၀န်ထမ်းသားသမီးများအား ပညာဒါန ထောက်ပံ့ခြင်း

ပြည်မြို့ အလှူဒါန (၂၅.၅.၂၀၁၀)

နာရေးကူညီမှုအသင်း(ရန်ကုန်)သည် ပြည်တွင်း ပြည်ပမှ ရေအလှူရှင်တို့ ပံ့ပိုးမှုတို့ကြောင့် ၂၅.၅.၂၀၁၀ (ဗုဒ္ဓဟူး)နေ့တွင် ပြည်မြို့၊ ပေါက်ခေါင်းမြို့နယ်အတွင်းရှိ ရေဘေးဒုက္ခရောက်နေသော ရွာများသို့ သွားရောက်ပြီး အ၀ီစိတွင်းများ တူးဖော်ပေးရန်အတွက် နယ်ခံ ပြည်သူလူထုနှင့် ရွာခံ ဆရာတော်၊ သံဃာတော်များနှင့် သွားရောက်တွေ့ဆုံ ညှိနှိုင်းမှုများ ပြုလုပ်ခဲ့ပါသည်။

ထိုသို့ ပြုလုပ်ရာတွင် ပေါက်ခေါင်းမြို့နယ်အတွင်းရှိ ပတောင်းမြို့နယ် (တဖက်ကမ်း)၊ ပုတီးကုန်းအနီး ကျူတောရွာ၊ မန်ကျည်းပင်စုရွာများနှင့် ပြည်မြို့၊ ရွှေပေါက်ပင်ကျောင်းဝင်းအတွင်း ရေလုံလောက်မှု မရှိသည့်အတွက် အ၀ီစိတွင်း တူးဖော်ရန်အတွက် ပြောဆိုခဲ့ပါသည်။ ထို့အပြင် ကျောက်ပန်းတောင်းမြို့နယ်အတွင်းရှိ ကျောက်ပန်းတောင်း မိတ္ထီလာမြို့ အသွားလမ်းပေါ်ရှိ ရေဒုက္ခသည် ရွာသို့ ရေသွယ်တန်းရန် ရေပိုက် ပေအရှည် (၂၄၀၀) အတွက် အလှူငွေ (၇၂၀၀၀၀/-) သိန်းအား လှူဒါန်းခဲ့ပါသည်။

ပေါက်ခေါင်းမြို့နယ်အတွင်းရှိ ရွှေပေါက်ပင်ဆရာတော်မှ ဦးစီးကာ အများပြည်သူ ကိုးကွယ်ပူဇော်ရန် တည်ထားမည့် စေတီတော်တွင် ဌပနာထားရှိရန် ဗုဒ္ဓရုပ်ပွားတော် (၃) ဆူအား နာရေးကူညီမှုအသင်း(ရန်ကုန်) ဥက္ကဌ ဦးကျော်သူနှင့် ဦးသန်းစိန်တို့မှ မိမိတို့ နေအိမ်တွင် ကိုးကွယ် ပူဇော်ထားသော ဗုဒ္ဓရုပ်ပွားတော်များအား ပင့်ဆောင်ကာ လှူဒါန်းဒါန ပြုခဲ့ကြပါသည်။

ပညာဒါန ထောက်ပံ့ခြင်း

နာရေးကူညီမှုအသင်း(ရန်ကုန်)မှ ၀န်ထမ်းများ၏ သား၊ သမီးများ ယခုနှစ် ၂၀၁၀ - ၂၀၁၁ ခုနှစ် ပညာသင်စရိတ် ထောက်ပံ့လှူဒါန်းခြင်း (၅) ကြိမ်မြောက် အခမ်းအနားကို ၂၂.၅.၂၀၁၀ (စနေ)နေ့တွင် နာရေးကူညီမှုအသင်း(ရန်ကုန်) တည်ရှိရာ မြောက်ဒဂုံမြို့နယ်တွင် ကျင်းပခဲ့ပါသည်။

ယင်းအခမ်းအနားတွင် မူလတန်းကျောင်းသား/သူ (၁၂) ဦးအတွက် ပညာသင်စရိတ် (၅၀၀၀/-) ကျပ်စီ လှူဒါန်းခဲ့ပြီး အလယ်တန်းနှင့် အထက်တန်း ကျောင်းသူ/သား (၂၃) ဦးအတွက် (၈၀၀၀/-) ကျပ် စုစုပေါင်း (၂၄၄၀၀၀/-) ကျပ်ကို ထောက်ပံ့လှူဒါန်းခဲ့ပါသည်။

ထိုနည်းတူစွာ (သာသန-ပရ ထိုနှစ်ဝကို မျှတစွမ်းဆောင် တို့မယ်-မောင်) ဆောင်ပုဒ်ကို လက်ကိုင်ပြုထားသော မေတ္တာတံခွန်အသင်းမှလည်း ပညာဒါန ထောက်ပံ့ခြင်း အခမ်းအနားကို ၃၀.၅.၂၀၁၀ (တနင်္ဂနွေ)နေ့တွင် တောင်ဥက္ကလာပမြို့နယ်၊ (၂) ၀ိုင်း၊ အောင်စန္ဒာသိဒ္ဓိကျောင်းတိုက် တွင် ကျင်းပခဲ့ပါသည်။

ထိုအခမ်းအနားတွင် နာရေးကူညီမှုအသင်း(ရန်ကုန်)မှ ၀န်ထမ်းများ၏ သား/သမီး (၃၅) ဦး၊ ရက်ကွက်တွင်းရှိ ပညာသင်ကြားနေသော ကျောင်းသား/သူ (၃၅) ဦး၊ အနာကြီးရောဂါသည် မိသားစုဝင် ကျောင်းသူ/သားများ (၃၁) ဦးတို့ကိုလည်း ပညာသင်စရိတ်များ လှူဒါန်းခဲ့ပါသည်။ ယင်းသို့ လှူဒါန်းရာတွင် နာရေးကူညီမှုအသင်း(ရန်ကုန်) ၀န်ထမ်း သား၊သမီး ကျောင်းသား/သူများ အတွက် တစ်ဦးလျှင် (၅၀၀၀/-) ကျပ်ဖြင့် စုစုပေါင်း (၁၇၅၀၀၀/-) ကျပ်ကို မေတ္တာတံခွန်အသင်းမှ လှူဒါန်းခဲ့ပါကြောင်း သာဓု အနုမောဒနာ ခေါ်ဆိုနိုင်ရန် တင်ပြအပ်ပါသည်။

ကိုကျော်သူ

0 အသက်(၁၆)နှစ်သာရှိသောမောင်တင်မင်းနိုင်အား နအဖစစ်တပ်ထဲမ၀င်လို့ဆိုပြီး ရက်စက်စွာသတ်ဖြတ်ခြင်းခံရ

မနေ့ကညောင်လေးပင်မြို့နယ်-၀ါးရုံကုန်းကျေး၇ွာအုပ်စု-စံဖဲ၇ွာမှ အသက်၁၆နှစ်သာရှိသေးသူ
မောင်တင်မင်းနိုင်(ဘ)ဦးဌေးဝင်း-သည်-နအဖ၏ တပ်ထဲမ၀င်ပဲငြင်းဆန်ထွက်ပြေးလို့ဆိုပြီး သေနတ်နှင့်၂ချက်ပစ်သတ်ခံရပြီး--မသေသေးသဖြင့်ငါးထိုးသည့်မှိန်းနှင့်ရက်စက်စွာထိုးသတ်မြုပ်ခံခဲ့ရသည်။

အခင်းဖြစ်ပွားနေစဉ် နအဖစစ်သား(၅)ဦးအနက် တဦးမှာအရက်အလွန်အကျူးသောက်ထားပြီး မသေဘဲရှိနေသေးသည့် မောင်တင်မင်းနိုင်အား ငါးထိုးသည့်မှိန်းနှင့်ရက်စက်စွာထိုးသတ်ခဲ့ပြီးအမှုဖြစ်ပွားစဉ် မျက်မြင်ကိုယ်တွေ့တွေ့ခဲ့ရသူမှတဆင့် ပြည်တွင်းသတင်းထောက်တဦးမှသတင်းပေးလာပါသည်။

တပ်သား မိုးဝင်း၊ ကိုယ်ပိုင်အမှတ် (တ-၄၁၈၄၂ ) ဆိုသူက သေနတ်နဲ့ ပစ်ခတ်ခဲ့ကြောင်း၊
နောက် စစ်သား ၂ ဦးနံမည်ကတော့ တပ်သား စန်းကိုကိုနဲ့ ဒု-တပ်ကြပ် ကျော်မိုးခိုင်တို့ ဖြစ်ပြီး၊ ပြွန်တန်ဆာဘူတာမှာ အခြေစိုက်တဲ့ ခမရ (၅၈၆) စစ်ကြောင်း ၂ က ဖြစ်တယ်လို့ မြို့ ခံတဦးက ပြောပါတယ်။

ထပ်မံကြားသိရတဲ့သတင်းအရ မောင်တင်မင်းနိုင်အား ၎င်းစစ်သားမှ အနောက်ကနေ သေနတ်နဲ့ပစ်တာထိမှန်ပြီး နောက်တချက်ထပ်ပစ်တာလည်းထိပါတယ်။ အဲဒီမှာ မသေဘဲဖြစ်နေသေးတဲ့ မောင်တင်မင်းနိုင်ရဲ့ လက်ထဲမှာရှိတဲ့ မှိန်းနဲ့ထိုးသတ်မြုတ်ခဲ့တယ်လို့ သတင်းရရှိပါတယ်။

(ကဲ နအဖရေ ကလေးစစ်သားမသုံးပါဘူးလို့ ဗြောင်လိမ်နေလို့မရပါဘူး။ ဒီကျူးလွန်ခဲ့တဲ့ပြစ်မှုဟာ ကလေးစစ်သားတွေ စုဆောင်းနေပါတယ်ဆိုတဲ့ ငြင်းလို့မရတဲံ့အချက်တွေပါ။)

မှတ်ချက်။ ။ မျက်မြင်ကိုယ်တွေ့တွေ့ခဲ့ရသူအား နောင်တချိန်တွင် သတင်းအနေနှင့်ဖော်ပြပေးပါမည်။

အခင်းဖြစ်ပွားခဲ့တဲ့နေရာကို ပြည်တွင်းသတင်းထောက်က အခုလိုဓာတ်ပုံတွေပို့ထားပါတယ်။

0 အမှန်တရားကို ရှာဖွေတွေ့ရှိခြင်း

ပန်းချီပညာရပ်သည် မျိုးဆက်သစ်ကလေးငယ်များအတွက် အရေးပါသော ကဏ္ဍတစ်ခု ဖြစ်ပေသည်။ ပန်းချီပညာရပ်သည် လူတစ်ဦး၏ စိတ်နေစိတ်ထားကို ယဉ်ကျေးသိမ်မွေ့စေတယ်။ ပန်းချီပညာရပ်သည် အခြားသော ဆေးပညာ၊ စက်မှုပညာ … စသဖြင့် ပညာရပ်များစွာ တို့တွင်လည်း အခြေခံ အုတ်မြစ်ဖြစ်သည်။ တစ်နည်းအားဖြင့် အနာဂတ် တိုင်းပြည်တပြည်တွင် ဦးဆောင်ကြမည့် အနာဂတ် မျိုးဆက်သစ်များအတွက် အခြေခံအုတ်မြစ် တစ်ခုပင်ဖြစ်တော့သည်။

ထိုကြောင့် နာရေးကူညီမှုအသင်း(ရန်ကုန်)သည် နာရေးကိစ္စ၊ ဆေးဝါးကုသမှုကိစ္စ၊ ဒုက္ခသည် (နာဂစ်၊ မီးဘေး၊ ရေဘေး)များအား ဖေးမကူညီ ပံ့ပိုးပေးခြင်းကိစ္စ၊ မျိုးဆက်သစ် လူငယ်လေးများအား အင်္ဂလိပ်စာ တက်ကျွမ်းမှု၊ ကျွမ်းကျင်မှုအတွက် အင်္ဂလိပ်စာ အခြေခံသင်တန်းနှင့် နိုင်ငံရေး၊ ပညာရေး၊ ကျန်းမာရေး၊ ဘာသာရေး စသဖြင့် ဗဟုသုတ ကြွယ်ဝစေရန် ရည်ရွယ်ပြီး သုခအလင်း စာကြည့်တိုက်ကို ဖွင့်လှစ်ပေးထားသည့်အပြင် မျိုးဆက်သစ် လူငယ်/လူရွယ်လေးများ အတွက် ဗုဒ္ဓဘာသာ ယဉ်ကျေးလိမ္မာသင်တန်းကိုလည်း ဖွင့်လှစ်ထားပါသည်။ ယခုဆိုလျှင် တိုင်းပြည်တပြည် ဦးဆောင်ကြမည့် အနာဂတ် မျိုးဆက်သစ်များအတွက် အခြေခံအုတ်မြစ်ဖြစ်သော အခြေခံ ပန်းချီသင်တန်းကို ဖွင့်လှစ်လိုက်ပြီ ဖြစ်ပါသည်။

၂၆.၅.၂၀၁၀ (ဗုဒ္ဓဟူး)နေ့တွင် စတင်ပြီး ပန်းချီဆရာ ဦးဝင်းကြည် (ကွယ်လွန်သူ ပန်းချီ သန်းမြင့်အောင်၏ ဆရာတစ်ဦး)မှ နာရေးကူညီမှုအသင်း(ရန်ကုန်)၏ မျိုးဆက်သစ် ကလေး၊ လူငယ်/ လူရွယ်လေးတို့အား ပန်းချီရေးဆွဲခြင်း ပညာရပ်ကို အခြေခံမှ အဆင့်ဆင့် ရေဆေးပန်းချီ၊ Outdoor ထွက်မြောက် ရေးဆွဲနိုင်သည်အထိ မျိုးဆက်သစ်ကလေးများ သင်ယူ/ရေးဆွဲနိုင်စွမ်း အတိုင်းအတာ အထိ တတ်မြောက်အောင် နာရေးကူညီမှုအသင်း(ရန်ကုန်) ဥက္ကဌ ဦးကျော်သူ၊ စာရေးဆရာမ ဒေါ်သန်းမြင့်အောင်၊ ဘဏ္ဍာရေးမှူး ဒေါ်မြင့်မြင့်ခင်ဖေ (ခ) ရွှေဇီးကွက်၊ ဦးဝင်းမိုးသန့်၊ ဒေါ်ဧရာ မောင်မောင်နှင့် လုပ်အားပေး အသင်းသူ/သားများမှ ၀ိုင်းဝန်း ပံ့ပိုးကူညီ ဖွင့်လှစ်သင်ကြား ခဲ့ပါသည်။

ပန်းချီဟာ လူသားတွေရဲ့ စိတ်ကို နူးညံ့သိမ်မွေ့စေသည်။

ပန်းချီပညာရှင်ဟာ ဘယ်တော့မှ အလှအပကို မဖျက်ဆီးပါ။

ပန်းချီပညာရှင်ဟာ လောကရဲ့အလှကို ရှာဖွေ တည်ဆောက်ပေးတတ်သည်။

ပန်းချီပညာဟာ အမှန်တရားကို မြတ်နိုးတတ်သည်။

0 နာရေးကူညီမှုအသင်း(ရန်ကုန်) ၏ ရေအလှူဒါန၊ ရေတွင်းတူးလှူဒါန်းမှုများ

ဒလမြို့နယ်တွင် အ၀ီစိတွင်းတူးပြီ

နာရေးကူညီမှုအသင်း(ရန်ကုန်)သည် ရေတိုလုပ်ငန်းဖြစ်သော ရေပေးဝေမှုများကို လှူဒါန်းခဲ့ကြ သလို ရေရှည်လုပ်ငန်းဖြစ်သော အ၀ီစိရေတွင်း တူးဖော်ခြင်း၊ အုတ်ရေကန် တည်ဆောက်ပေးခြင်း တို့ကို ၂၄.၅.၂၀၁၀ (တနင်္လာနေ့)တွင် ဒလမြို့နယ်ရှိ ဗညားဒလရပ်ကွက်၊ မစိုးရိမ်ဘုန်းတော်ကြီး ကျောင်းဝင်းအတွင်း စတင်ကာ တူးဖော်လျှက်ရှိပါသည်။

ပဲခူးတိုင်း၊ ဝေါမြို့နယ်၊ ရှမ်းကန်ကျေးရွာ ရေဒါန

နာရေးကူညီမှုအသင်း(ရန်ကုန်)သည် ၂၂.၅.၂၀၁၀ (စနေနေ့)တွင်လည်း ပဲခူးတိုင်း၊ ဝေါမြို့နယ်အတွင်းရှိ ရှမ်းကန်ကျေးရွာသို့ ပဲခူးမြို့ မြို့ခံလူမှုရေးသမားများနှင့် ပူးပေါင်းကာ ရေလှူဒါန်းမှုများကို စဉ်ဆက်မပြတ် လှူဒါန်းမှု ရှိပါကြောင်း . . . . ။

1 ထောင်ချသူတခါစားမြတ်ခိုင်နှင့် ထောင်ကျသူ ကဗျာဆရာစောဝေ

ထောင်ချသူနှင့်ထောင်ကျသူတို့ပြန်လည်တွေ့ဆုံကြသောအခါ

ကဗျာဆရာစောဝေသည် “ဖေဖေါ်ဝါရီ (၁၄)” ခေါင်းစဉ်အမည်ဖြင့် အချစ်ကဗျာတစ်ပုဒ်ကို ရိုးသားစွာ ရေးသားခဲ့သော်လည်း နအဖ၏ အောက်ဆွဲ တစ်ခါစား မြတ်ခိုင်က ဗိုလ်ချုပ်မှုးကြီးသန်းရွှေအား အာဏာရူးကြီး မှုးကြီးသန်းရွှေ ဟု အဓိပ္ပါယ်သက်ရောက်အောင် လှောင်ပြောင် ရေးသားသည်ဆိုကာ မြန်မာနိုင်ငံစာပေနှင့်စိစစ်ရေးမှ စာပေကင်ပေတိုင်မှုး ဗိုလ်မှုးတင့်ဆွေ (ခ) ရဲရင့်တင့်ဆွေအား တိုင်ကြားခဲ့သဖြင့် ကဗျာဆရာစောဝေတစ်ယောက် ထောင် (၂) နှစ်ကျခံ ခဲ့ရသည်။

ယင်းအမှုတွင် ကဗျာဆရာ စောဝေ၏ ကိုယ်စားလျှောက်လှဲသူအဖြစ် စာရေးဆရာမ အယ်ဒီတာချုပ် ခင်ပန်နှင်းမှ လိုက်ပါလျှောက်လှဲ ဆောင်ရွက်ပေးခဲ့သည်။ ကဗျာဆရာစောဝေအား ပြစ်မှုထင်ရှားသည်ဆိုကာ တရားရုံးမှ ထောင်ဒဏ် (၂) နှစ်ကျခံစေရန် အမိန့်ချမှတ်ခဲ့သည်။ ထောင်ဒဏ်အပြစ်မှာ (၂) နှစ်သာဖြစ်သော်လည်း တကယ်တမ်းတွင် ရမည်းသင်းအကျဉ်းထောင်၌ (၂) နှစ်၊ (၄) လနှင့် (၅) ရက်တိတိ အကျဉ်းချခံခဲ့ရပါသည်။ ၂၆.၅.၂၀၁၀ နေ့တွင် ကဗျာဆရာ စောဝေအား ရမည်းသင်းအကျဉ်းထောင်မှ ပြန်လည်လွှတ်ပေးခဲ့ပါသည်။

၎င်း ဖေဖေါ်ဝါရီ(၁၄) အမည်ရကဗျာကို ရေးသားစဉ်က ကဗျာဆရာစောဝေရေးသားသည်ကို ပြည်သူ့ချဉ်ဖတ် တစ်ခါစားမြတ်ခိုင်မှ သိရှိထောက်ခံခဲ့ပြီး မြန်မာနိုင်ငံစာပေနှင့်စိစစ်ရေးမှ စာပေကင်ပေတိုင် ဗိုလ်မှုးတင့်ဆွေ (ခ) ရဲရင့်တင့်ဆွေအား သွားရောက်တိုင်ကြားပြီး၊ ကဗျာဆရာစောဝေအား ဗိုလ်မှုးတင့်ဆွေမှ တွေ့လိုကြောင်းပြောပြီး စာပေစိစစ်ရေးရုံးသို့ အယုံသွင်း ခေါ်ဆောင်သွားခဲ့ပါသည်။

ရုံးသို့ရောက်သည်နှင့် တစ်ခါစားမြတ်ခိုင်နှင့် စာပေကင်ပေတိုင် ဗိုလ်မှုးတင့်ဆွေတို့မှ စအဖ စစ်ထောက်လှမ်းရေးများလက်သို့ ကဗျာဆရာစောဝေကို ၀ကွက်အပ်နှံလိုက်ကြပါတော့သည်။ တစ်ခါစားမြတ်ခိုင်သည် ထိုအချိန်က အချစ်ဂျာနယ်တွင် အယ်ဒီတာချုပ်အဖြစ် ရပ်တည်ပြီး စာပေကို လုပ်ကြံနေပါသည်။

မဂ္ဂဇင်း၊ဂျာနယ်စာစောင်များတွင် ရေးသားသော ဆောင်းပါး၊ ကဗျာ၊ ၀တ္ထုတို/၀တ္ထုရှည်၊ သရော်စာများကို ရေးသားသူ၏ အမည်ရင်းကို တစ်စုံတစ်ဦး သိရှိစေရန် မဖော်ထုတ်၊ မပြောဆိုရေးမှာ အယ်ဒီတာ၏ တာဝန်ပင်ဖြစ်သည်။ နယ်ချဲ့  ကိုလိုနီအစိုးရကို တော်လှန်နေသည့်အချိန်က ရန်ကုန်တက္ကသိုလ်မှ ထုတ်ဝေသော အိုးဝေမဂ္ဂဇင်းတွင် (ငရဲခွေးကြီးလွတ်နေသည်) ဟူသောဆောင်းပါးကြောင့် အိုးဝေမဂ္ဂဇင်းအယ်ဒီတာ သခင်အောင်ဆန်း ကျောင်းမှ အထုတ်ခံခဲ့ရပါသည်။ ၄င်းဆောင်းပါးကို ရေးသားသူမှာ အိုးဝေညိုမြ ဖြစ်ပါသည်။ သခင်အောင်ဆန်းသည် အယ်ဒီတာကောင်းတို့၏ စည်းကမ်း တာဝန်နှင့်အညီ ဆောင်းပါးရေးသားသူကို ထုတ်ဖော်မပြောဘဲ သူသာ အနစ်နာခံခဲ့ပါသည်။

ယခုလို ရေးသားတင်ပြရခြင်းမှာ ဗိုလ်ချုပ်အောင်ဆန်းကဲ့သို့လူတော်လူကောင်းတစ်ဦးနှင့် လူ့ငရဲသား တစ်ခါစားမြတ်ခိုင်အား နှိုင်းယှဉ်ပြနေခြင်း မဟုတ်ပါ။ အယ်ဒီတာကောင်းတို့၏ ဂုဏ်သိက္ခာအရည်အချင်းကို တင်ပြခြင်းသာ ဖြစ်ပါသည်။

တစ်ခါစားမြတ်ခိုင်သည် စာပေလောကတွင် အယ်ဒီတာကောင်းတစ်ဦးလည်း မဟုတ်သလို၊ စာပေအနုပညာရှင်ကောင်းတစ်ယောက်လဲ မဟုတ်ပါ။ မြတ်ခိုင်သည် နအဖ၏ ဖော်လံဖားအောက်ဆွဲသာ ဖြစ်ပြီး၊ ပြည်သူများ၊ အနုပညာရှင်များအား ထောင်ထဲသို့ အရောက်ပို့ပေးနေသော နအဖ၏ စွမ်းအားရှင် သတင်းပေးတစ်ဦးသာ ဖြစ်ပါသည်။

တစ်ခါစား မြတ်ခိုင်ရိုက်ကူးခဲ့သော ဓါတ်ပုံများကြောင့် ၂၀၀၇ စက်တင်ဘာ (ရွှေဝါရောင်တော်လှန်ရေး) ၌ နအဖ၏ ဖမ်းဆီးထောင်ချခြင်းကို ခံခဲ့ရသူ အများအပြား ရှိခဲ့ပါသည်။

၂၀၁၀ မေ ၂၉ ရက်နေ့တွင် ကုန်သည်ကြီးများဟိုတယ် (Traders Hotel) ၌ ရွှေအမြုတေမဂ္ဂဇင်းတိုက်မှ ကျင်းပပြုလုပ်သော ပဉ္စမအကြိမ်စာပေဆုပေးပွဲတွင် ကဗျာဆရာစောဝေအား ထောင်ကျအောင် ချောက်ချခဲ့သော တစ်ခါစားမြတ်ခိုင်နှင့် ချောက်ထဲရောက်ပြီး ထောင်ကျခဲ့သော ကဗျာဆရာစောဝေတို့ အမှတ်မထင် ပြန်လည်တွေ့ခဲ့ကြပါသည်။

ကဗျာဆရာစောဝေမှ တစ်ခါစားမြတ်ခိုင်ကြီးအား သွားရောက်နှုတ်ဆက် လက်ကမ်းပေးရာ မြတ်ခိုင်ကြီးမှ လက်ကို ပြန်လည်မကမ်းပေးဘဲ နောက်ဘက်သို့ ပစ်ထားပြီး (မင်းထောင် ၂ နှစ်ထဲကျတာ နည်းလိုက်တာကွာ) ဟူသော အကြည့်မျိုးဖြင့် ကဗျာဆရာစောဝေအား ရွှန်းရွှန်းစားစား ကြီးကြည့်နေခဲ့ပါသည်။

တစ်ခါစားမြတ်ခိုင်သည် မီဒီယာလောက၊ နိုင်ငံရေးလောကတွင်ပါ ကြောက်စရာအကောင်း
ဆုံး မီဒီယာငရဲသားကြီးပင် ဖြစ်ပါတော့သည်။

မာဃ၀ိဇ္ဇာ

0 မေလ(၃၀)ရက်၊ဒီပဲယင်းအရေးအခင်း(၇)နှစ်ပြည့်နှစ်ပတ်လည်နေ့ တွင်ရန်ကုန်မြို့အတွင်းနေရာအနှံ့အပြား၌လုံခြုံရေးတင်းကျပ်

လွန်ခဲ့သော (၇)နှစ်ခန့်က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့်၎င်းဦးဆောင်သော အမျိုးသားဒီမိုကရေစီအဖွဲ့ချုပ်မှအဖွဲ့ဝင်များကိုလုပ်ကြံသတ်ဖြတ်ရန်အတွက်နအဖစစ်အစိုးရ၏လက်ကိုင်တုတ်တစ်ချောင်းဖြစ်သော ဗိုလ်ချုပ်စိုးဝင်းမှချေမှုန်းသုတ်သင်စစ်ဆင်ရေးတစ်ရပ်ကို ရေးဆွဲကာ မုံရွာမြို့  ပုလဲအကျဉ်းထောင်ရဲဘက်စခန်းမှ ရဲဘက်အကျဉ်းသားများနှင့် စွမ်းအားရှင်များ ကိုစေလွှတ်ပြီးလုပ်ကြံ သတ်ဖြတ်စေခိုင်းခဲ့သည်။ ၄င်းဒီပဲယင်းအရေးအခင်းတွင် နအဖစစ်အစိုးရ၏ လက်အောက်ခံစွမ်းအားရှင် များ၊အကျဉ်းထောင်မှလူမိုက်များ၊ ရဲများနှင့်စစ်သားများ၏လက်ချက်ဖြင့်ရဟန်းရှင်လူပြည်သူအယောက်(၈၀)ကျော်ကျဆုံးခဲ့ရပါသည်။ဒီပဲယင်းအရေးအခင်းအား ဦးစီးဆောင်ရွက်လုပ်ကြံခဲ့သော နအဖစစ်အစိုးရ ၏လက်ကိုင်တုတ်လူ့ငရဲသားဗိုလ်ချုပ်စိုးဝင်းသည်လည်း ၄င်းပြုခဲ့သော အကုသိုလ်အကျိုးတရားများကို ယခုငရဲကြီးရှစ်ထပ် အ၀ီစိတွင်ချိုးကပ်လျှက် သွေးကြွေးများ ပြန်လည်ပေးဆပ်နေရပါသည်။ ၂၀၀၇ စက်တင်ဘာ၊(ရွှေဝါရောင်တော်လှန်ရေး)တွင်လည်း ရဟန်းရှင်လူပြည်သူအများကို ထပ်မံလုပ်ကြံ သတ်ဖြတ်ခဲ့သော နအဖစစ်အစိုးရခေါင်းဆောင် ဗိုလ်ချုပ်မှုးကြီးသန်းရွှေ နှင့်အပေါင်းအပါတစုတို့သည် လည်းမကြာတော့သော အချိန်ကာလတွင် ငရဲကြီးရှစ်ထပ်အ၀ီစိသို့ချိုးကပ်ရန်အတွက်ထွက်ခွာသွားကြပါတော့မည်ဖြစ်ကြောင်းအသိပေးတင်ပြလိုက်ရပါသည်။

လေးစားဦးညွှတ်လျှက်
ရဲရဲတောက် Burma Paparazi

0 ငြိမ်းချမ်းရေးလိုလားသူများစုပေါင်း၍မေတ္တာပို့ ဆုတောင်းပွဲနှင့် လမ်းလျှောက်ချီတက်ပွဲ ထိုင်းနိုင်ငံမဲဆောက်မြို့၌ပြုလုပ်

ဓာတ်ပုံများပေးပို့သော အရှင်နေမိန္ဒအားကျေးဇူးတင်ရှိပါသည်။

နိုင်ငံတကာမှ ဗုဒ္ဓဘာသာဝင် သံဃာတော်များနှင့် ငြိမ်းချမ်းရေးလိုလားသူများ စုပေါင်း၍ မြန်မာနိုင်ငံ၊ ထိုင်းနိုင်ငံနှင့် တကမ္ဘာလုံး ငြိမ်းချမ်းရေးအတွက် မေတ္တာပို့ဆုတောင်းပွဲနှင့် လမ်းလျှောက် ချီတက်ပွဲ တခုကို ထိုင်းနိုင်ငံမဲဆောက်မြို့ရှိ UNHCR ရုံးရှေ့တွင် ယနေ့နံနက် ၉နာရီကကျင်းပပြုလုပ်ခဲ့ပါသည်။
ထိုမေတ္တာပို့ဆုတောင်းပွဲနှင့် လမ်းလျှောက် ချီတက်ပွဲကို မြန်မာ၊ ထိုင်း၊ကမ္ဘောဒီယား၊ သြစတေလျ ၊ ဂျပန်၊မလေးရှား၊ဗီယက်နမ်၊ သိရိလင်္ကာ ၊ လာအို၊ မွန်ဂိုလီးယား၊ တိဘက်၊ ရုရှား၊ ကမီကီယာ (kalmykia) ၊ ထိုင်ဝမ်၊တရုတ်၊ ဘင်္ဂလားဒေ့ခ်ျ၊တောင်ကိုးရီယား၊ အိန္ဒိယတို့မှ သံဃာတော်များ၊ မြန်မာရွေ့ပြောင်း အလုပ်သမားများ၊ ထိုင်းနိုင်ငံသားများ၊ စိတ်ပါဝင်စားသူနိုင်ငံခြားသားများ စသည်ဖြင့် လူုတရာခန့်ပါဝင် ဆင်နွဲခဲ့ကြပါသည်။

ထိ်ုင်းနိုင်ငံမဲဆောက်မြို့ရှိ UNHCR ရုံးရှေ့တွင် နံနက် ၉နာရီ တွင် စတင်စုဝေးစီတန်းပြီးနောက် နိုင်ငံအလိုက်သံဃာတော်များက ဆုတောင်း မေတ္တာပို့ကြရာတွင် တရုတ်နိုင်ငံနှင့် ထိုင်ဝမ်နိုင်ငံ၊ သိရီလင်္ကာ ၊ ထိုင်းနိုင်ငံ ၊ ဘင်္ဂလားဒေ့ခ်ျနှင့် အီန္ဒိယ စသည်ဖြင့် မိမိတို့နိုင်ငံ ဓလေ့ထုံးစံအရ မေတ္တာပို့ကြပြီး၊ မြန်မာနိုင်ငံမှ သံဃာတော်များ ရွေ့ပြောင်းအလုပ်သမားများက နမောတဿ သုံးကြိမ်ရွတ်ဆိုခြင်း ၊ မေတ္တာသုတ်တော်ကို ရွတ်ဖတ်ခြင်းတို့ ပြုလုပ်ပြီးနောက် “လူအခြင်းခြင်း နှိပ်စက်ခြင်း ကင်းရှင်းကြပါစေ၊ တို့မေတ္တာစွမ်း ကမ္ဘာလွှမ်း အေးချမ်းကြပါစေ ” ဟု သုံးကြိမ်ရွတ်ဆိုကာ အခမ်းအနားကို ဆုတောင်းပွဲကို ရုတ်သိမ်းခဲ့ပြီးနောက် UNHCR ရုံးရှေ့မှ စတင် ချီတက်လမ်းလျှောက်ခဲ့ကြပါသည်။
လမ်းဘေးယဲယာတွင် ကြည့်ရှုအားပေးသူများဖြင့် စည်ကားစွာ ချီတက်ဆုတောင်း မေတ္တာပို့သည့် ခရီးစဉ်သည် မဲဆောက်မြို့ အထွက်နားရှိ ပန်းခြံတွင် ဆုတောင်းပွဲထပ်မံ ပြုလုပ်ပြီး အခမ်းအနား အစီအစဉ်များ ပြီးဆုံးမည် ဖြစ်ပါသည်။
ထိုကဲ့သို့ ဆုတောင်းပွဲတခုကို မနှစ်ကလည်း ထိုပန်းခြံတွင် ပြုလုပ်ခဲ့ပြီး ပန်းခြံမှ ချစ်ကြည်ရေး တံတားထိပ်အထိ လမ်းလျှောက်ခဲ့ကြပါသည်။
သတင်း။ ။ေ၇ွှဝါရောင်သတင်းလွှာ

0 ကမ်ပိန်းလှုပ်ရှားမှုအကြောင်းသိကောင်းစရာ (Global Campaign)

ကမ်ပိန်းပန်းတိုင်

အဓိကကျသော နိုင်ငံတကာအစိုးရများနှင့် အစိုးရများအကြားရှိ အဖွဲ့အစည်းများသည် နအဖမှ ၄င်းတို့၏ လုပ်နည်းလုပ်ဟန်များကို မပြောင်းဘဲ အမျိုးသားပြန်လည်သင့်မြတ်ရေးအတွက် အခြေခံလိုအပ်ချက်များအား အကောင်အထည်ဖော် ဆောင်ရွက်ခြင်းမရှိခဲ့လျှင် ၄င်း၏ရွေးကောက်ပွဲအား လုံးဝရှုံ့ချရန် နှင့် ရွေးကောက်ပွဲရလဒ်အား အသိအမှတ်မပြုရန်

အခြေခံလိုအပ်ချက်များမှာ-

၁) ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားများ အားလုံးကို ခြွင်းချက်မရှိပြန်လွှတ်ပေးရန်။

၂) တိုင်းရင်းသားလူမျိုးစုများနှင့် ဒီမိုကရေစီရေး လှုပ်ရှားနေသူများအပေါ် အကြမ်းဖက်တိုက်ခိုက်မှုများ ရပ်တန့်ရန်။

၃) ဒီမိုကရေစီနှင့် တိုင်းရင်းသားအင်အားစုများမှ သက်ဆိုင်သူ အားလုံးပါဝင်သော တွေဆုံဆွေးနွေးပွဲ ပြုလုပ်ပေးရန် (၂၀၀၈ ဖွဲ့စည်းပုံအခြေခံဥပဒေ ပြန်လည်သုံးသပ်ရေး အပါအဝင်။)

အဓိကသတင်းစကားများ

၂၀၁၀ နအဖ ရွေးကောက်ပွဲသည် ၄င်းတို့၏ စစ်အုပ်ချုပ်ရေးအား တရားဝင် ရေရှည်ခိုင်မြဲရေး အတွက်သာ ရည်ရွယ်နေသောကြောင့် – နိုင်ငံတကာ အသိုင်းအဝိုင်းအနေဖြင့် မြန်မာပြည်သူများဘက်မှ ရပ်တည်ပြီး၂၀၁၀ ရွေးကောက်ပွဲကို ရှုံ့ချရန်နှင့် ရွေးကောက်ပွဲ၏ ရလဒ်အား အသိအမှတ်မပြုရန်။

မိမိတို့၏တောင်းဆိုချက်များ

* နအဖမှ ၄င်း၏လုပ်နည်း လုပ်ဟန်များကို မပြာင်းပဲ အမျိူးသားပြန်လည် သင့်မြတ်ရေးအတွက် အခြေခံ လိုအပ်ချက်များအား အကောင်အထည်ဖော် ဆောင်ရွက်ခြင်းမရှိခဲ့လျှင် ၄င်းတို့၏ ရွေးကောက်ပွဲအား လုံးဝရှုံ့ချရန်နှင့် ရွေးကောက်ပွဲရလဒ်များအား အသိအမှတ်မပြုရန်။
* ၂၀၁၀ ရွေးကောက်ပွဲသည် ၂၀၀၈ ဖွဲ့စည်းပုံအခြေံခံဥပဒေကို အခြေခံထားသည့်အတွက် ရွေးကောက်ပွဲ အပြီးကာလတွင် နအဖ၏ လူ့အခွင့်အရေး ချိုးဖောက်မှုများ၊ အကြမ်းဖက်မှုများ ဆက်လက်ဖြစ်ပေါ်နိုင် သည့်အပြင် အရာရာ၏အခြေအနေသည် ပိုမိုဆိုးရွားလာမည်သာဖြစ်ပါသည်။ ထို့ကြောင့် ကမ္ဘာကုလသမဂ္ဂမှ စုံစမ်းစစ်ဆေးရေး ကော်မရှင်တစ်ခုဖွဲ့ကာ နအဖ၏ လူသားခြင်းစာနာမှု ကင်းမဲ့သည့် လုပ်ရပ်များနှင့် စစ်ရာဇဝတ်မှု ကျူးလွန်မှုများကို စုံစမ်းစစ်ဆေးဖော်ထုပ်ပေးရန်။

ကမ္ဘာလုံးဆိုင်ရာ ကမ်ပိန်း ပြုလုပ်ရခြင်းအကြောင်အရင်း

ငြိမ်းချမ်းပြီး ဒီမိုကရေစီနည်းလမ်းကျသော ပြောင်းလဲမှုသည် ပြည်တွင်းမှသာ ဖြစ်ပေါ်ပြောင်းလဲနိုင်မည်ကို မိမိတို့မှ သိရှိပြီးဖြစ်ပါသည်။ ဒီမိုကရေစီနည်းလမ်းကျ ရွေးကောက်ပွဲသည် မြန်မာပြည်သူတို့၏ သဘောဆန္ဒ ဖြစ်သည်။ သို့သော် ၂၀၁၀ ရွေးကောက်ပွဲသည် မြန်မာပြည်သူများ၏ လိုအပ်ချက်များကို ဖြည့်ဆည်းပေးခြင်းမရှိ သလို မြန်မာနိုင်ငံ၏ ပြဿနာအရင်းအမြစ်များကိုလည်း ဖြေရှင်းပေးမည် မဟုတ်ပဲ နအဖမှ နိုင်ငံတကာမျက်နှာစာတွင် မျက်နှာကောင်း ရလာအောင် ရည်ရွယ်လုပ်ဆောင်နေသည်မှာ သိသာထင်ရှားလှပါသည်။ နအဖ၏ ရွေးကောက်ပွဲဖြစ်မြောက်ရေး မအောင်မြင်ရေးသည် အိမ်နီးခြင်းနိုင်ငံများနှင့် နိုင်ငံတကာမိတ်ဆွေနိုင်ငံများ၏ ပူးပေါင်းပါဝင်မှုအပေါ်တွင်မူတည်နေပါသည်။ ထို့ကြောင့် မြန်မာနိုင်ငံတွင် စစ်မှန်သော ဒီမိုကရေစီပြောင်းလဲမှု ပေါ်ပေါက်ရေးအတွက် နိုင်ငံတကာအသိုင်းအဝိုင်းအနေဖြင့် နအဖစစ်အစိုးရကို ထိရောက်စွာဖိအားပေး လှုံ့ဆော်စေရန်ဖြစ်သည်။

နောက်ခံသမိုင်း၊ ကြိုတင်ညှိနှိုင်းဆွေနွေးခြင်းနှင့် ပူးပေါင်းပါဝင်ခြင်း

ဤကမ်ပိန်းကို ဒီမိုကရေစီအရေးနှင့် တိုင်းရင်းသားအခွင့်အရေးများအတွက် လှုပ်ရှားနေသော တပ်ပေါင်းစု(၁၀)ဖွဲ့မှ စတင်ဦးဆောင်ရန် နိုဝင်ဘာလ ၂၀၀၉ ခုနှစ်တွင် ကျင်းပပြုလုပ်သော (၁၄) ကြိမ်မြောက် မဟာဗျူဟာ ညှိနှိုင်းဆွေးနွေးပွဲ အစည်းအဝေးတွင် သဘောတူညီမှု ရရှိခဲ့ပါသည်။ ထို့နောက် အာရှနှင့် ပစိဖိတ်ဒေသတွင်းရှိသော မြန်မာ့အဖွဲ့အစည်းများကိုလည်း အဆင့်ဆင့် ညှိနှိုင်းဆွေးနွေးပွဲများ ပြုလုပ်ပြီး အကြံဥာဏ်များနှင့် သဘောတူညီချက်များ ရယူခဲ့ပါသည်။ သို့သော် အချိန်၊ လူ နှင့် အခက်ခဲအမျိုးမျိုးကြောင့် အချို့နိုင်ငံများရှိ အဖွဲ့များနှင့် ညှိနှိုင်းနိုင်ခဲ့ခြင်းမရှိပေ။

တပ်ပေါင်းစု (၁၀)ဖွဲ့၏ နိုင်ငံခြားရေးရာ ပူးပေါင်းဆောင်ရွက်ရေးအဖွဲ့ (Foreign Affairs Coordinating Team (FACT)) မှ Burma Partnership ကိုကမ်ပိန်းအတွင်းရေးမူးအဖွဲ့အဖြစ် ဆောင်ရွက်ပေးရန် တာဝန်ပေးအပ်ခဲ့ပြီး Burma Partnership အနေဖြင့်လည်း ဆောင်ရွက်ပေးရန် သဘောတူညီခဲ့သည်။ ဤမှတဆင့် ကမ်ပိန်းအတွင်းရေးမူးဖြစ်သော Burma Partnership သည် ဒေသဆိုင်ရာနှင့် နိုင်ငံတကာရှိအဖွဲ့ အစည်းများမှ ဤကမ်ပိန်းကို လက်မှတ်ရးထိုး ထောက်ခံလာစေရန် လုပ်ဆောင်ခဲ့သည်။ တပ်ပေါင်းစု (၁၀) ဖွဲ့မှ ဦးဆောင်သော ဤကမ်ပိန်းကို မြန်မာအဖွဲ့အစည်းများ နှင့် မြန်မာမဟုတ်သော အဖွဲ့အစည်းများ စုစုပေါင်း (၁၅၀) ကျော်မှ လက်မှတ်ရေးထိုးထားသည်။

ကမ်ပိန်းဖွင့်ပွဲ

နအဖစစ်အစိုးရမှ ဒီမိုကရေစီနည်းလမ်းမကျသော ရွေးကေက်ပွဲ ဥပဒေများကို ထုပ်ပြန်လိုက်ပြီး တစ်ပတ်ခန့်အကြာ မတ်လ ၁၉ ရက်နေ့ ၂၀၁၀ ခုနှစ်တွင် နယ်စပ်ဒေသနှင့် နိုင်ငံတကာရှိ အဖွဲ့အစည်းပေါင်း (၁၅၀) ၏ ထောက်ခံမှုဖြင့် ထိုင်းနိုင်ငံ ဘန်ကောက်မြို့၌ သတင်းစာရှင်းလင်းပွဲပြုလုပ်၍ ဤကမ်ပိန်းကို ဖွင့်လှစ်ခဲ့ပါသည်။
http://burmapartnership.org/