dawnmanhon

Saturday, April 3, 2010

0 ဘာလဲဘယ်လဲမြန်မာပြည်ကရွေးကောက်ပွဲ

0 နအဖခေါင်းဆောင်အမည်နဲ့ “ဘ၀နတ်ထံပျံ”စကားလုံးတွဲသည့် သတင်းစာခေါင်းစဉ်ကြောင့် ပြဿနာဖြစ်

မိုးမခအင်တာနက်စာမျက်နှာမှ ကူးယူဖော်ပြပါသည်။
ဧပြီလ တရက်နေ့ထုတ် အစိုးရသတင်းစာ ခေါင်းစဉ်တွင် ဗိုလ်ချုပ်မှူးကြီး သန်းရွှေ၏ အမည်နှင့် ဘ၀နတ်ထံ ပျံလွန်တော်မူသွားသော ဆိုသည့် နာမ၀ိသေသနကို ကပ်လျက်ထားဖေါ်ပြခဲ့ခြင်းကြောင့် သတင်းစာတိုက်မှ ၀န်ထမ်းများ ပြဿနာဖြစ်နေကြောင်း ကြားသိရသည်

ပြီးခဲ့သည့် ရက်ပိုင်းက ပျံလွန်တော်မူ ခဲ့သည့် နိုင်ငံတော်ဗဟို သံဃာ့ဝန်ဆောင် အဖွဲ့ဥက္ကဌ မကွေးဆရာတော်၏ ရုပ်ကလပ်ကို နအဖ ခေါင်းဆောင် ဗိုလ်ချုပ်မှူးကြီး သန်းရွှေက ဖူးမြော်ကန်တော့ ဆိုသည့် သတင်းကို ရေးသားရာတွင် သတင်းခေါင်းစဉ်နေရာတွင် ဗိုလ်ချုပ်မှူးကြီး အမည်ကို ရှေ့ဆုံးမှ တင်ရိုးထုံးစံရှိသည့် အတိုင်းရေးသားပြီးမှ `ဘ၀နတ်ထံ ပျံလွန်တော်မူသွားသော ဆိုသည့် နာမ၀ိသေသနကို ကပ်လျက်ဖေါ်ပြခဲ့ရာ နအဖ ခေါင်းဆောင်အတွက် မကောင်းသည့် နိမိတ်အဖြစ် ယူဆက သတင်းစာတိုက်မှ ၀န်ထမ်းများ ပြစ်တင်ပြောဆိုခံရခြင်း ဖြစ်သည်။

နအဖ ခေါင်းဆောင်များနှင့် ပတ်သက်သည့် သတင်းများရေးသားရာတွင် သတင်းစာပညာရပ်၏ ထုံးထမ်းနည်းနာများကို ဆန့်ကျင်ပြီး အစဉ်အမြဲ ရှေ့ဆုံးသို့မဟုတ် ထိပ်ဆုံးမှ ဖေါ်ပြရေးသား ခံလိုခြင်း၊ ဘွဲ့နှင့် ရာထူးအပြည့်အစုံကို မည်သည့် သတင်းတွင်မဆို ရေးသားရမည့် ထုံးစံရှိခြင်းတို့ကြောင့် အစိုးရပိုင် သတင်းစာ အနေဖြင့် သတင်းစာပညာ သင်ကြားချက်များကို လျစ်လျူရှုကာ အာဏာရှင်များအကြိုက် ရေးသားဖေါ်ပြ နေကြရသည်။

ထိုသို့ အရှေ့ဆုံးမှ ဖေါ်ပြရမည်ဟူသည့် ညွှန်ကြားချက် အတိုင်းရေးသားခဲ့ရာမှ ယခုလို ရုတ်တရက် နားလည်မှုလွဲစေနိုင်သည့် သတင်းခေါင်းစဉ်မျိုး ပေါ်ထွက်လာခြင်းဖြစ်သည်ဟု ပြည်တွင်းမှ ၀ါရင့် သတင်းထောက် တဦးက ပြောသည်။

အဆိုပါ သတင်းထောက်က

“အစိုးရသတင်းစာ မှာ နအဖခေါင်းဆောင် တွေအကြောင်းရေးသား ဖေါ်ပြတယ်ဆိုရင် အဲဒီသတင်းတွေဟာ သတင်းစာပညာအရာ အညံ့ဆုံး နမူနာတွေ ဖြစ်နေတတ်တယ်။ ဘာကြောင့်လဲဆို တိုအောင် ရှင်းအောင် စာဖတ်သူနားလည်လွယ်အောင် ရေးခွင့်မရှိပဲ သူတို့ရဲ့ ဘွဲ့ထူးဂုဏ်ပုဒ်တွေကို တန်းစီပြီး ရေးလိုက်တာ စာကြောင်းသုံးကြောင်း လောက်ရောက်တာတောင် ဘယ်သူဆိုတာ မသိနိုင်သေးတဲ့အဖြစ်မျိုး၊

နောက်တခါ ဘာသတင်းလဲ ဆိုတာထက် လာကြည့်တဲ့သူ၊ လာစစ်ဆေးတဲ့သူကို ဦးစားပေးဖေါ်ပြတဲ့ အတွက်မူရင်းရေးချင်တဲ့ အကြောင်းက နောက်မှာ မှိန်မှိန်ပဲ ကျန်တော့တဲ့ ဟာမျိုး၊

နောက် နိုင်ငံခြားခေါင်းဆောင်တွေ လာတွေ့တယ်ဆို ဘာတွေဆွေးနွေးတယ် ဆိုတာတလုံးတပါဒမှ မပါဘဲ ၊ ဘယ်သူတွေရှိနေကြတယ်ဆိုတာပဲ ပါတာမျိုးပေါ့ ဒါကြောင့် သတင်းစာပညာ သင်တန်းတွေမှာ အညံ့ဆုံး ဥပမာပေးရင် အစိုးရသတင်းစာက သတင်းတွေကို ဥပမာပေးလေ့ရှိတာ”

ဟု ဆိုသည်။

ယခုအဖြစ်အပျက်ကြောင့် အစိုးရသတင်းစာတိုက်မှ တာဝန်ရှိ ၀န်ထမ်းများအား ဖမ်းဆီးခြင်းသို့မဟုတ် ရာထူးမှ ထုတ်ပယ်ခြင်းမျိုး မကြားသိရသေးသော်လည်း ဖြေရှင်းတောင်းပန်ရသည်ဆိုသည့် အနေအထားတွင် ရှိသည်ဟု အစိုးရ သတင်းစာတိုက်ဝန်ထမ်း တဦးကပြောသည်။

လွန်ခဲ့သည့် ဆယ်စုနှစ် တစ်ခုအတွင်းတွင် ဗိုလ်ချုပ်ခင်ညွှန့်သတင်းနှင့် ကမ္ဘာ့လူလိမ်ကြီးများဟူသည့် သတင်းတို့ကို ဟိုဘက်ဒီဘက် ဖေါ်ပြမိသည့် အတွက်သတင်းစာတိုက်ဝန်ထမ်းများ အဖမ်းခံရခြင်း၊ ဆူပူမှုဖြင့် ဒီမိုကရေစီမရနိုင် ဆိုသည့် စကားရပ်ကို `မ´ဖြုတ်လိုက်ပြီး ဒီမိုကရေစီရနိုင် ဟုဖေါ်ပြမိသဖြင့် ၀န်ထမ်းများ စစ်ဆေးခံရပြီး အလုပ်မှထုတ်ပယ်ခဲ့ခြင်း တို့မကြာခဏဖြစ်ပွားခဲ့သည်။

0 နအဖ၏၂၀၁၀ခုနှစ်ရွေးကောက်ပွဲကိုဝင်မယ့် အမျိုးသားသစ္စာဖောက် နိုင်ငံရေးပါတီများ၏ သတင်း

0 ဥာဏ်မရှိ ကြံလိုက်တိုင်း မွဲ

ကိုဂျူး

ပြီးခဲ့တဲ့ မတ်လ ၂၉ ရက်နေ့တုန်းက အမျိုးသား ဒီမိုကရေစီ အဖွဲ့ချုပ်က ၂၀၁၀ ရွေးကောက်ပွဲ ဥပဒေများဟာ တရားမျှတမှု မရှိတဲ့အတွက် ပြန်လည် မှတ်ပုံတင်မှာ မဟုတ်တဲ့ အကြောင်း နဲ့ ၂၀၁၀ ရွေးကောက်ပွဲကို အသိအမှတ်ပြု ၀င်ရောက် ယှဉ်ပြိုင်မှာ မဟုတ်တဲ့ အကြောင်း ကြေညာ လိုက်ပါတယ်။ ပြည်သူတွေ ကတော့ နှစ်ထောင်း အားရ ကြိုဆိုကြပါတယ်။

မြန်မာတပ်မတော် စစ်ဗိုလ်ကြီးများ လိုချင်တဲ့ လမ်းကြောင်းက အမျိုးသား ဒီမိုကရေစီ အဖွဲ့ချုပ်ဟာ ၂၀၀၈ အခြေခံ ဥပဒေကို လက်ခံပြီး ၂၀၁၀ ရွေးကောက်ပွဲကို ၀င်ပြိုင်ရမယ်။ ဒီချုပ် ၀င်ပြိုင်ရင် ရွေးကောက်ပွဲ တရားဝင် ဖြစ်မှုရပြီလို့ နိုင်ငံတကာ အလယ် ပြောအား ရှိသွားလို့ သူတို့အတွက် အတော် မက်လောက်ပါတယ်။ ပြိုင်လဲ ပြိုင်လိမ့်မယ်လို့ ထင်ထားတယ်။ နိုင်တော့ မနိုင်စေရဘူး၊ အစွမ်းကုန် ချမယ်၊ မနိုင်အောင် ညစ်မယ်။ ပြင်ဆင်ပြီးသား။ ၀င်ပြိုင်စေချင်လို့ “၀င်မပြိုင်ရင် ပါတီဖျက်မယ်´´ ဆိုတဲ့ အချက် ထည့်ထား တာပေါ့။ ရွေးကောက်ပွဲ ၀င်ဖို့ ဇောင်းပေး ရေးနေတဲ့ ဆောင်းပါးတွေကို ကြည့်ရင်လဲ သိသာပါတယ်၊ “စဉ်းစဉ်း စားစား ချင့်ချင့် ချိန်ချိန်” “အတွေးမမှား အရွေးမမှားဘို့” “လမ်းမှား မလိုက်ကြစေဘို့” “ဒီချုပ် ရေတိမ် မနစ်စေချင်ပါ” “နောင်သမိုင်းကြောင်း မှောင်မိုက်မသွားအောင် (၁) (၂)” စသဖြင့် . . .

အမျိုးသား ဒီမိုကရေစီ အဖွဲ့ချုပ်က ပါတီအဖျက်ခံပြီး ရွေးကောက်ပွဲကို အခုလို “ကလန့်” ထွက်သွား ရဲလိမ့်မယ်လို့ မထင်ထားပါဘူး။ အမှန်အတိုင်း ပြောရရင် ကျွန်တော်တောင် မထင်ဘူး။ သူတို့ အပြောအရ “ဘာတွေ ပြောနေနေ ရွေးကောက်ပွဲကြရင် ဒီချုပ်က ကောင်တွေ အမြှီးနှံ့ဝင်ကြမှာပါ၊ ရွေးကောက်ပွဲ ၀င်ချင်ရင် ဒေါ်စုနဲ့ ပါတီ ရပ်တည်ရေးကို လဲရမှာဘဲ” လို့ လျော့တွက် ထားခဲ့ကြတယ်။ ပြိုင်ဘက်ကို ဦးချိုး ကြိုးတုတ်ပြီး ထားခဲ့နိုင်မယ် ထင်ခဲ့ကြတယ်။ အခုတော့ ရွေးကောက်ပွဲ မ၀င်ဘို့ ဒီချုပ်က ဆုံးဖြတ်လိုက်တယ်။ ကမ္ဘာ့အလယ်မှာ တစ်ယောက်ထဲ ပြိုင်တဲ့ ပွဲကြီး ဖြစ်သွားအောင် လုပ်လိုက်တယ်။ ဒီချုပ် ဆုံးဖြတ်ချက်ကို ကုလသမဂ္ဂနဲ့ အမေရိကန် ပြည်ထောင်စုကပါ ခြေမြန် လက်မြန်နဲ့ ထောက်ခံလိုက်တော့ နအဖ နင်သွားပါတယ်။ တချို့ကတော့ ဒေါ်စုက side kick ပေးလိုက်တယ် ပြောပါတယ်။ ကျွန်တော် ကတော့ နအဖ တကွက် နောက်ကျ သွားပြီလို့ မြင်ပါတယ်။

၂၀၁၀ ရွေးကောက်ပွဲ ၀င်မယ်ဆိုတဲ့ နအဖ လက်ခုတ်ထဲက ပါတီတွေ ပြန်ကြည့်တော့လဲ တစ်ယောက်မှ လောက်လောက် လားလား မရှိပါဘူး။

လူအင်အားရော ပါတီရံပုံငွေကော အားလုံး “ဟန်” ဘဲရှိပါတယ်။ တစညတောင် မဲဆန္ဒနယ် ရာဂဏန်း ၀င်ပြိုင်နိုင်ရင် ကံကောင်းပါမယ်။ ကျန်တာတွေက တစ်ပါတီ အလွန်ဆုံး အစိပ်သုံးဆယ် လောက်ဘဲ ၀င်နိုင်မဲ့ သဘော ရှိတယ်။ ဦးသုဝေနဲ့ ဦးရွှေအုံး နှစ်ယောက်က လွဲလို့ လက်တည့် စမ်းချင်တဲ့ ပုဂ္ဂိုလ်တွေ ချည်းပါဘဲ။ ဂျာနယ် တစ်စောင်မှာ တွေ့လိုက်ရတဲ့ ပါတီ ခေါင်းဆောင် ပေါက်စ တစ်ယောက် ဆိုရင် နိုင်ငံရေး လုပ်ကြည့်မယ်၊ မအောင်မြင်ရင် စာရေးမယ်တဲ့ဗျာ။

NLD မှတ်ပုံ မတင်တော့ နိုင်ငံရေး ပါတီတစ်ခုရဲ့ အခွင့်အရေးတွေ ဆုံးရှုံးမယ် ဆိုကြတယ်။ အခုကော နိုင်ငံရေး ပါတီ အခွင့်အရေး ဘာများ ရနေလို့လဲ။ ၁၉၉၀ ရွေးကောက်ပွဲ ကထဲက ရလဒ်ကို အသိအမှတ်မပြုဘူး၊ တွေ့ဆုံ ဆွေးနွေးရေးကို ဆိုက်စီ (sexy) မဖြစ်လို့ ဆိုပြီး ငြင်းပယ်တယ်။ ပါတီ ခေါင်းဆောင်တွေကို စစ်တပ်သုံးပြီး ၀ိုင်းရိုက်တယ်၊ ဘာအမှုမှ မရှိဘဲ အကျယ်ချုပ် ချထားတယ်။ ပါတီရုံးတွေ ပိတ်ခံ ထားရတယ်။ လက်နက်ကိုင် အစောင့်ချထားတဲ့ ခြံထဲ သူခိုးဝင်တာကိုလဲ သတင်းပို့ရဲ့သားနဲ့ အပြစ် ရှိတယ်ဆိုပြီး ထောင်ထပ်ချတယ်။ ကုလ အထွေထွေ အတွင်းရေးမှုးချုပ်က လာပြီး လွှတ်ပေးဘို့ တောင်းပန်တာ၊ တွေ့ခွင့် တောင်းတာလဲ ခွင့်မပြုဘူး ဆိုတော့ သူပြောတဲ့ တရားဝင် နိုင်ငံရေး ပါတီ အခွင့်အရေးတွေက ဘာတွေလဲ မေးရမယ်။ NLD က မမက်တော့ဘူး။

ဦးသန်းရွှေပြောတဲ့ တရားမျှတတဲ့ ရွေးကောက်ပွဲ ကတော့ ဘယ်လိုမှ မဖြစ်နိုင်ဘူး။ အခုတောင် ရန်ကုန် မြို့တော်ဝန် စစ်ဗိုလ်ကြီးက စည်ပင် သာယာမှာ မောင်နှမသားချင်း မကြားဝံ့ မနာသာ မဲဆွယ်သွားတယ်။ ဘယ်သူမှ ဘာမှမ ပြောရဲကြဘူး။ ကြံ့ခိုင်ဖွံ့ဖြိုးရေးကလဲ အစကထဲက နိုင်ငံတော် အထောက်ပံ့ ခံပြီး ပြည်သူ့ ဘဏ္ဍာတွေနဲ့ ထောင်ထားတဲ့ လူမှုရေး အသင်းကနေ ခပ်တည်တည်နဲ့ နိုင်ငံရေး ပါတီ ပြောင်းလိုက်ပြီ။ ဘယ်မှာလဲ သူတို့ကိုယ်ပိုင် ပိုက်ဆံ။ တပြားမှမပါဘူး။ ဒီလုပ်ရပ်က ဘယ်မှာလဲ တရားမျှတမှု။ ရွေးကောက်ပွဲ ၀င်မယ် ဆိုသူတွေ ငုံ့ခံနေကြတယ်။ ငွေစာရင်းစစ်ဘို့၊ ကန့်ကွက် တောင်းဆို သင့်ပါတယ်။ ဒီလို မတရားတဲ့ ရွေးကောက်ပွဲကြီးကို နာမည်ပျက်ခံ ၀င်ပြိုင် နေဦးမလား၊ မတရား ညစ်နေတာ မျက်မြင်ဘဲ။ ၀င်ပြိုင်ရင်လဲ ရှုံးမှာဘဲ။

ကျွန်တော့် အမြင်ကတော့ မထူးတော့ဘူး NLD လုပ်သလို တစည အပါအ၀င် ဒီမိုကရေစီ လိုလားသူ ဆိုသူတွေ ညီညီ ညာညာနဲ့ ၂၀၁၀ ကို အားလုံး ကန့်ကွက်ပြီး ၀င်မပြိုင်ဘဲ နေလိုက်တာ အကောင်းဆုံးဘဲလို့ ထင်တယ်။ တော်ကြာ ပလုံစွပ်ဖြစ်သွားမှ ပိုက်ဆံ ငါးသိန်းလဲဆုံး၊ နာမည်လဲ အဖတ်ဆည်မရ ဖြစ်နေရဦးမယ်။

စေတနာဖြင့်၊

ကိုဂျူး

(ပိတောက် မြေ အင်တာနက် စာမျက်နှာမှ)

0 ကြံ့ဖွံ့အဖွဲ့ မဲရရန် လမ်းခင်းပေးလျှက်ရှိ

လွန်းဒင် ရိုးမ(၃)

ရန်ကုန်တိုင်း၊ သန်လျင်မြို့နယ်မှ ကြံ့ဖွံ့ (ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်း)များ ရွေးကောက်ပွဲအတွက် မဲရရှိရန် စည်းရုံးသည့်အနေဖြင့် ရပ်ကွက်လမ်းများကို ပြင်ပေးနေကြောင်း မြို့ခံတဦးက ပြောသည်။
၎င်းအဖွဲ့သည် လူထုအကျိုးအတွက် လမ်းပြင်ပေးခြင်းမဟုတ်ပဲ ရွေးကောက်ပွဲတွင် အသင်းဝင် အင်အားတိုးလာရန် လူထုအပေါ် အကြပ်ကိုင်သည့် စည်းကမ်းများထုတ်၍ လုပ်ဆောင်နေခြင်းဖြစ်ကြောင်း ၎င်းက ပြောသည်။

“သူတို့အသင်းက ပြင်ပေးမယ့်လမ်းဘေး ဝဲယာမှာ နေကြတဲ့ အိမ်ထောင်စုတွေထဲက အနည်းဆုံး တအိမ်ထောင်ကို တယောက် ကြံ့ဖွံ့အသင်းကို မဝင်မနေရ ဝင်ခိုင်းတယ်၊ အဲဒီလမ်းထဲကလူတွေက အသင်းဝင်ဖို့ ငြင်းဆန်ခဲ့ရင် အခြားလမ်းတလမ်းကိုပဲ သွားပြင်ပေးမယ်လို့ သန်လျင်မြို့နယ် ကြံ့ဖွံ့အမှုဆောင်တွေက ရပ်ကွက် (ရယက) ရုံးမှာ အစည်းအဝေးခေါ်ပြီး ပြောတယ်” ဟု ပြောသည်။

လမ်းကို မြေညှိ၊ ကျောက်ခင်းသည့် အချိန်ကစ၍ ကတ္တရာခင်းပြီးအထိ ပြည်သူများက တအိမ်ထောင်လျှင် တယောက် ကိုယ့်အားကိုယ်ကိုး ပါဝင်လုပ်အားပေးရမည်ဆိုသည့် စည်းကမ်းချက်ခုလည်း ပါဝင်ကြောင်း ၎င်းက ဆက်ပြောသည်။

အဆိုပါ စည်းကမ်းချက်များသည် မြန်မာနိုင်ငံက ပါဝင်လက်မှတ်ရေးထိုးထားသည့် နိုင်ငံတကာအလုပ်သမားအဖွဲ့ချုပ် (ILO) ဥပဒေများနှင့် ညှိစွန်းကြောင်း ၎င်းမြို့ခံက ဆက်ပြောသည်။

“ရပ်ကွက်ပြည်သူတွေကတော့ ကြံ့ဖွံ့အသင်းမတရားလုပ်တာ သိနေပေမယ့်လည်း ကိုယ့်အိမ်ရှေ့လမ်း ကတ္တရာ မခင်းပေးမှာစိုးတဲ့အတွက်ကြောင့် ပြန်မပြောရဲပဲ ငြိမ်ခံနေကြတာ၊ ကိုယ့်အိမ်ရှေ့ကိုယ် အနက် (၂) ပေ၊ အကျယ် (၁) ပေရှိတဲ့ ရေမြောင်းတခုကိုပါ တူးပေးရမယ်လို့ ရပ်ကွက် ရယကနဲ့ကြံ့ဖွံ့တွေက လိုက်ပြောနေကြတယ်” ဟု ပြောသည်။

အသင်းက ခင်းပေးသည့်လမ်းများမှာ ထန်းပင်ကုန်း(၁)လမ်း (ထန်းပင်ကုန်းရပ်ကွက်)၊ နှင်းဆီလမ်း (မြို့မတောင်ရပ်ကွက်)၊ ရွာသစ်လမ်း (ဗိုလ်ချုပ်ကျေးရွာ)၊ ဗိုလ်ချုပ်ကျေးရွာတောင်ပိုင်းလမ်းနဲ့ သောက်တော်တွင်းရပ်ကွက်လမ်းတို့ဖြစ်သည်။

ရွေးကောက်ပွဲနီးလာသည့်နှင့်အမျှ စစ်အစိုးရလက်အောက်ခံ လူမှုရေးအဖွဲ့များနှင့် ၎င်းတို့ ကျောထောက်နောက်ခံ ပြုထားသည့်အဖွဲ့များအနေဖြင့် လူထုစည်းရုံးရေးလုပ်ငန်းများကို လုပ်ကိုင်နေလျှက်ရှိသည်။

0 "၈၈မျိုးဆက်ကျောင်းသား ကိုမြအေးရဲ့ သမီးလေးဝေနှင်းပွင့်သုန်၏ ခံစားချက်......"

Friday, April 2, 2010

0 မန္တလေး အထွက် စက်မှုဇုန် ၊ စွယ်တော်စေတီနား မှလမ်းပြင်ငနွားနှင့် ရပ်ကွက်ကောင်စီ ကိုကြောင်ဖား

လမ်းခရီးမှာ ကြုံခဲ့ ရ တာပါ ၊ ရန်ကုန် မန္တလေး လမ်းမကြီး အပေါ် မှာကြာသာပတေးနေ့ ၊ ၁၁-၃-၁၀ ပေါ့ဗျာ
မန္တလေး အထွက် စက်မှုဇုန် ၊ စွယ်တော်စေတီနား မှာ တွေ့ ခဲ့တာပါ။စည်ပင်သာယာ အဖွဲ့ က လမ်းပြင် မလို့ နဲ့ တူပါ တယ်။

ကျောက်ခဲ သေး သေး လေး တွေ ကို အပုံ လိုက် ၊ လမ်း အလည် ခေါင်မှာ အ ပုံ ကြီး ၊ အပုံ ငယ် ပုံ ထား ကြ ပ ဗျာ ။ ဒါ လေး တွေ ကလမ်း အလည် ခေါင် ပုံ ထား တော့ ၊ ဖြတ် သွား ကြ တဲ့ ကား တွေ ကတက် နင်း ကုန် တော့ ၊ ကျောက် ခဲ အသေး လေး တွေ ၊ တ လမ်း လုံး ပြန့် ကုန် ကြ ပ ဗျာ။

အချိန် က ည ၁၀ နာရီ နီး ပါ ဘီ ၊ ကျွန်တော် တို့ ကား က သိပ် မကောင်း တော့ခပ် ဖြေး ဖြေး ဘဲ မောင်း ခဲ့ ပါ တယ်။ ရှေ့ မှာ ၊ ခု န ပြော တဲ့ နေ ရာ ရောက် တော့ဆိုင် ကယ် ၅ စီး လောက် ၊ ဆပ် ကပ် ပြ တာ ထင် ရ ပ ဗျာ။
ခု န ပြော တဲ့ ကျောက် ခဲ သေး သေး လေး တွေ ကြောင့်ရှေ့ ဆင့် နောက် ဆင့် အကုန် ၊ မှောက် ကုန် ကြ တယ် ဗျ။

တော် တော် ချောက် ခြား စရာ ပါ ။ ဒီ လို ဆိုင်ကယ် တွေ အစု လိုက် အပြုံ လိုက်အက် စီး ဒင့် ဖြစ်တာ ၊ တခါ မှ ၊ မမြင် ဘူး ခဲ့ ရ လို့ ပါ။ဒါ နဲ့ ဆင်း ကြည့် တော့ ကံ အကောင်း ဆုံး လူ က ပေါင် ကျိုး သွား ပါ တယ် တဲ့ ဗျ
ကျန် တဲ့ လူ တွေ က တော့ မျက် နှာ တွေ ၊ ခေါင်း တွေ ထိ ထား တော့သွေး သံ တရဲ ရဲ နဲ့ ပေါ့ ဗျာ။

ဒါ နဲ့ ဘေး က လူ တွေ ကို စပ် စု ကြည့် တော့ ၊ ဟာ အဲ ဒါ က ဘာ ဟုတ်သေး လဲ တဲ့ ၊ ဒီ နေ့ တနေ့ ထဲ တင် ၊ ဒီ နေ ရာ မှာ ဆိုင် ကယ် မှောက် တာအစီး ပေါင်း ၄၀ ကျော် ပြီ တဲ့ ဗျ။ မနက် က တဲ က ၊ တ စီး ပြီး တစီး
ဒီ ကျောက်ခဲ အသေး လေး တွေ ကို တက် နင်း မိ ပြီး ၊ မှောက် နေ ကြ တာတဲ့ ဗျ ၊ ဖြစ် သင့် ပါ သ လား ဗျာ ၊
ခေါင်း ထဲ မှာ ဒိန်း က နဲ ၊ သွေး က နထင် ကို ရောက် သွား ပါ တယ်။ဒေါ သ ဖြစ် လိုက် တာ ဗျာ ၊

ဘယ် လို များ ဖြစ် ရ တာ လဲ ဗျာ ၊ စည် ပင် သာ ယာ က လမ်း ပြင် တာ ရောဟုတ် ရဲ့ လား ဗျာ ၊ သူ ၊ လမ်း ပြင် တာ နဲ့ ၊ လူ တွေ မှာ လမ်း သွား လို့ မရ ဖြစ် သွား တာ ရောသိ ကြ ရဲ့ လား ဗျာ ၊ အလွန်ဆုံး အခန့် မသင့် ဖြစ် ခဲ့ ရင် ၊ တစီး ၊ တ ယောက် လောက် ဘဲဆိုင် ကယ် မှောက် သင့် ပေါ့ ဗျာ ဒီ ကျောက် ခဲ တွေ ကြောင့် တနေ ကုန် ၊ဆိုင်ကယ် အစီး ၄၀ ကျော် လောက် မှောက် နေ ရ တာ ဖြစ် သင့် ပါ သ လား ဗျာ ။
ဘေး က ထိုင် ကြည့် နေ တဲ့ သူ တွေ က ရောပြည် သူ့ နီ တိ ဆို တာ ကို ၊ သိ ကြ ရဲ့ လား ဗျာ။

တရားခံ အစစ် က က စည် ပင် သာ ယာ က လမ်း ပြင် တယ် ဆို တဲ့တာဝန်ခံ ကိုငနွား ဘဲ ဖြစ်ပါတယ် ၊ ဒီ လူ က ဦး ဏှောက် ရှိ ဘို့ ကောင်း ပါ တယ်။ဒုတိယ တရား ခံ က ၊ အဲ ဒီ နား က ရပ်ကွက် ကောင်စီ ကိုကြောင်ဖား ပေါ့ ဗျာ
သူ့ နေရာ မှာ အန္တရာယ်ဖြစ်လာပြီ ဆိုရင် ၊ ပြည်သူလူထု ကို သတိပေးတာ တို့ဒီ ကျောက်ခဲ တွေ နေရာ မှာ သတိပေး ဆိုင်းဘုတ် တပ်တာ တို့ လုပ် ရ မှာပါ။အခု တော့ ၊ အဲ ဒီ နေရာ မှာ ၊ မီး ကင်း ကြေး ကောက် ဘို့ ၊ ပိုက် ဆံ မ ရ တော့ဒီ နေရာ က ၊ သူနဲ့ မဆိုင် သလို ပါ လား ဗျာ။

တည်း အိမ် ရောက် တော့ ၊ တည်းမဲ့ အိမ် က အိမ်ရှင် တွေ ကို မတွေ့ ပါဘူးဘေး အိမ် ကို မေးကြည့် တော့ ၊ သားတော်မောင် ၊ ဆိုင် ကယ် မှောက်လို့ ဆေးရုံ လိုက် သွား ကြ ရ တယ် တဲ့ ဗျ ၊ ဘယ် နား မှာ မှောက် သလဲ မေး ကြည့် တော့ခု န ပြော တဲ့ စွယ်တော် စေတီ နား မှာ ဘဲ တဲ့ ဗျာ ၊ ကောင်း ရော ၊ ကောင်း ရော ၊

စည်ပင်သာယာ က လမ်းပြင် တယ် ဆို တဲ့ ကိုငနွား နဲ့ ရပ်ကွက် ကောင်စီကိုကြောင်ဖား တို့ ရေ ၊ နောင် ဆို ၊ ဘာ အလုပ် မှ ဝင် မလုပ် ပါ နဲ့ တော့စဉ်း စား ညဏ် ၊ ဦးဏှောက် မရှိ ရင် ၊ လမ်း လမ်း ဘေး မှာ သာ
အေး အေး လူ လူ ထိုင် နေ ကြ ပါ ဗျား ။

mmcpမှ azawgyi အားကျေးဇူးတင်ရှိပါသည်။

0 နအဖ စစ်အစိုးရ အတွက် သင်္ကြန်စာ

၁၃၇၂ ပြည့်နှစ်၊ နှောင်းတန်ခူးလပြည့်ကျော် ၅ - ရက်၊ ခရစ်နှစ်၊ ၂၀၁၀ခု၊
ဧပြီလ ၁၄ ရက်၊ဗုဒ္ဓဟူး နေ့၊ မြန်မာစံတော်ချိန် နံနက်၊ စက် ၃ နာရီ ၁၅ မိနစ် ၃၆စက္ကန့် …..။

“ဗမာပြည်” အမည်ရှိသော ဗြဟ္မာမင်းဦးခေါင်းကို ကိုင်ထားသည့် သောကြာသားသည်အစိမ်းရောင် အဝတ်ကို ဝတ်ဆင်လျှက် အင်္ဂါသမီး ထံ လွှဲအပ်ရမည့်အစား “ပေးဘူး၊ပေးဘူး” ဟု အတင်း ကာရော ငြင်းဆန်ကာ ဆက်လက် ကိုင်ဆောင် ထားဦးမည်ဖြစ်သောကြောင့် မိုးတွင်းတွင် မိုးရွာလတ္တံ့၊ မိုးတဖြိုက်နှစ်ဖြိုက်ရွာရုံမျှဖြင့် ရန်ကုန်တွင် ရေကြီးအံ့၊ ထီပေါက်သူများ ပိုက်ဆံဝင်လတ္တံ့၊ လျှပ်စစ် မီးကြောင့်ဖြစ်သော ဓာတ်လိုက်ခြင်း အန္တရာယ်ကင်းဝေးလတ္တံ့၊ ကိုရီးယားကား လူကြိုက်များလတ္တံ့၊ အင်တာနက် ဆက်သွယ် ရေးနှေးအံ့၊ တိုင်းသူပြည်သားများမှာ ဆန်အစား ဆန်ကွဲကို စားရသောကြောင့်အစာကြေလွယ်အံ့၊ ညဘက်မီးမှန်မှန် ပျက်သောကြောင့် စောစော အိပ်ရာဝင်ရ လတ္တံ့၊ခြင်အစရှိသော အတောင်ပါသော သတ္တဝါများ ပေါများသောကြောင့်ခြင်ထောင်မရှိသူများ ဂေါ်ဇီလာဖြင့် အိပ်ရအံ့။ သင်္ကြန်အခါရှောင်ကျဉ်ရန်အမှုများကား နိုင်ငံရေးတံဆိပ်များပါသည့်တီရှပ်ဝတ်ဆင်ခြင်းဖြစ်ပေသည်။ ဤကား စစ်အစိုးရအလိုတည်း။

သင်္ကြန်အကျအလိုမူကား ကြောင်းလျားစုံစေ့သင်္ကြန်နေ့၌အင်းလျားလမ်းတွင်မဏ္ဍပ်ဝင်က၊ကညာနှမမြင်သမျှမှာ လှချင်တိုင်းလှ၊ ဗိုက်ပေါ်ခါးပေါ်ပေါ်ချင်သလို ပေါ်၍ တွေ့မရှောင်ငမ်း ကြမ်းရမ်းဂီတ ဖွင့်ကုန်ကြရင်းမျောက်လိုကကာ သောက်ထုတ်သေရက် ဤတချက်ကိုလူ့ပြည်လူ့ခွင်လူကိုစင်ထားမြင့်မိုရ် ဖျားဝယ် သိကြားသော်မှ ခွက်ပုန်းချရ၏ သို့သော်မြန်ပြေ (ပြည်)ဆန်းသည့်မြေ၌ အရက်စတုဒီသာပေးနေ ပါ၍ သိကြားထက် ထူးသည့် ကုသိုလ်တည်း။စတုဒီသာ ကုန်သွားပါက စပွန်ဆာရှာ၍သောက်ပါလေ။

တနင်္ဂနွေသားသမီး (အေး) သည် - အနေအထိုင်မတတ်ပါက ရာထူးကျကိန်းရှိပြီးကံဆိုးပါက ရာထူးမှ ဖယ်ရှားခံရကိန်းရှိသည်။ ယတြာအနေဖြင့် သောကြာသား၏အနားမှ တဖဝါးမှမခွာဘဲ ဝတ်ကြီးဝတ်ငယ် ပြုစုကာ ..ကြာသပတေးနာမ်နှင့်ဆိုင်သော ကိစ္စများ ဆောင်ရွက်ပါလေ (ဥပမာ - ဖားခြင်း၊ပေါင်းခြင်း၊ ပေါတောတော နေကာ ရူးချင်ယောင်ဆောင်ခြင်း)

တနင်္လာ သားသမီး (ကြိုင်) သည် - သောကြာသားသမီးကို ညွှန်ကြားနိုင်သောအရည်အချင်း ရှိပေသည်။ သူများ မသထာ ရေစာများ စားနေသောကြောင့်ထမင်းစားလျှင် မကြာခဏ နင်ကိန်းရှိသည်။ ယတြာမှာ အုန်းသီးတလုံးကိုအခွံမနွှာဘဲ အာမထိလျှာမထိမြိုပါ။ အညံ့များ အားလုံး ကင်းစင်မည်။

အင်္ဂါ သားသမီး (စု) သည် - အရူးတသိုက်၏ ချုပ်နှောင်ထားခြင်းခံရကိန်းရှိသည်။ ရူးနေသူများ ဖြစ်သောကြောင့် လွှတ်ပေးပြီးလျှင် လည်းပြန်ဖမ်းကောင်း ဖမ်းနိုင်သည်။ ကြာသပတေးနာမ်ဖြင့် စသော နိုင်ငံရပ်ခြားမှအကူအညီ ရချင်ရနိုင်သော်လည်း သောကြားသား အဖျက်ရှိသည်။ ယတြာမှာ“လုပ်ချင်တာသာ လုပ်ကြတော့ဟေ့” ဟု သုံးကြိမ်အော်၍ ဘာမှမလုပ်ဘဲငုတ်တုတ်ထိုင်စောင့်ပါလေ။

ဗုဒ္ဓဟူးသားသမီး (ရွှေ) သည် - စိတ်မမှန်သော အထက်လူကြီးက မကြာခဏဟိန်းဟောက်ကာ မကြာခဏ ဆုလာဘ် ချပေးသောကြောင့် မကြာခဏ ကြောင်တောင်တောင်ဖြစ်တတ်သည်။ သားဖြစ်သူ တနင်္ဂနွေ သား၏ စီးပွားရေးလုပ်ငန်းမှာ အထက်လူကြီး၏မိုးလေဝသ အခြေအနေ ပေါ်တွင်သော် လည်းကောင်း အင်္ဂါနာမ် တခု ပေါ်တွင်လည်းကောင်း မူတည်နေသည်။ ယတြာမှာ ကုန်း၍ “ဆန်ရှင်မြန်မြန် ရုပ်မှပါပဲ” ဟုလိပ်ခေါင်း မထွက်မချင်း အော်ပါ။

ကြာသပတေး သားသမီး (မင်း) သည် - အရူးများ၏ နှိပ်စက်ခြင်းမှမကင်းလွတ်နိုင်သေးပေ။ အညံ့ကာလ ဖြစ်နေသည်။ ယတြာမှာ အနောက်အရပ်ကိုမျှော်ရင်း “သောကြာသား နင်သေမှ အေးမဟဲ့” ဟု သုံးကြိမ် အော်ပါ။

သောကြာသားသမီး (သန်း၊ သိန်း) သည် - ဘုရင်ရူးရူးနေသောကြောင့် ပလ္လင်ပေါ်မှဒလိန့်ကောက်ကွေး ကျကိန်း ရှိသည်။ ပေါင်းလျှင် ၃ ရသောနှစ်၌ ထူးထူးခြားခြားမဟုတ်တရုတ်လုပ်လိမ့်မည်။ လူအများ ပို့သသော မေတ္တာကြောင့် ကျန်းမာရေးအထူးကောင်းနေသေး သော်လည်း မကြာခင် ငေါက်ခနဲ သေကိန်းရှိသည်။ ယတြာမှာတနင်္လာသမီး၏ ထဘီစကိုဆွဲ၍ ဆူးကြီးကြီး ဒူးရင်းသီတလုံးကို ပုံစံမပျက်မြိုပါ။

စနေသားသမီး (တေ) သည် - ပွဲလန့်တုန်းဖျာခင်းတတ်သော အရည်အချင်းကြောင့်ကြီးပွားကိန်းရှိသည်။ ကြာသပတေးနာမ်နှင့်ဆိုင်သော အလုပ်များ (ဥပမာ -ဖားခြင်း) အထူးကျွမ်းကျင်ပြီးအင်္ဂါနာမ် (ဆန်ရှင်)ကြောင့် လတ်တလောဘာလုပ်ရမှန်းမသိဖြစ်နေသည်။ ဗုဒ္ဓဟူးနာမ် အကြိုးပေးမည် (ဥပမာ -ပိုင်ဆိုင်သော လေယာဉ်တစီးစီး ရပ်နေရင်း ခါးမှထက်ပိုင်းပြတ်ကြိုးသွားခြင်း) ယတြာမှာ “အနောက်က ဆန်ရှင်ရင်အောက်ကသစ်ခိုး ထုတ်မယ်” ဟူ၍ သက်တမ်းရင့် ကျွန်းပင်ကြီး တပင်ကိုဖက်ရင်းလည်ချောင်းကွဲသည်ထိ အော်ပါ။

သင်္ကြန်အတာ တက်အံ့သောအခါကား .. အမူးလွန်၍ အန်ဖတ်ဆို့သေကြသူများ၊ ရေနစ်၊ရန်ဖြစ် ယာဉ်မတော် တဆဖြစ်၍ မာလက ဈာန်ကြွကြသူများ၊ ဆေးရုံရောက်သူများ၊အကဲ လွန်သောကြောင့် ဗိုက်ထွက် ကြသူများ စာရင်း ထွက်ပေါ်ချိန်တည်း။

အတာဆန်းထူး နှစ်ဟောင်းကျူး၍ တန်ခူးလည်သည် နှစ်အမည်ကား ဇေယျနှစ်တည်း ..နှစ်ကို ၁ နှင့် ၃ ရှိထားပြီးဖြစ်သော ဖဲသမား စောင့်၏၊ လ ကို မီးပျက်သည့်ညတိုင်းစောင့်၏၊ ရက်ကို နှလုံးထီသမား စောင့်၏၊ မြေကိုမြေပိုင်ရှင်စောင့်၏၊ ရေကို ရေစည်လှည်းတွန်းသူ စောင့်၏၊ မိုးကို တနွေလုံးရေမချိုးရ သူများစောင့်၏၊ လူတို့၏အဓိပတိကား အရူး၊ ငှက်တို့၏ အဓိပတိကားလင်းတ၊ ငါးတို့၏ အဓိပတိကား ငါးရွှေ၊ အပင်တို့၏ အဓိပတိကား ကြက်ဆူပင်။

နက္ခတ် ၃ လုံး ငုတ်၏၊ ၄ လုံးပေါ်၏ ၃ နှင့် ၄ ကို တနှစ်လုံးမွေးထိုးကမနှေးအမြန် မွဲကိန်းမြင်၏။ မိုးရွာလျှင် ရေရအံ့၊ ခြင်ပေါအံ့၊ မြောင်းပုပ်နံ့ နံအံ့၊ ဝဲပေါက်အံ့၊ လူတို့ အနာအဖျား များသည့်အခါအစိုးရမင်းများ၏ စေတနာကြောင့် ကိုယ့်ပိုက်ဆံနှင့်ကိုယ် ဆေးကုရအံ့၊ မကုနိုင်သူများ သေအံ့၊ ပြည်ရွာ မီးလောင်လျှင် မီးသတ်တွင်ရေမရှိသောကြောင့်ပြာဖြစ်အံ့၊ မြန်မာ့ လောင်းကစား ကမ္ဘာကိုလွှမ်းအံ့၊ ဂျီအက်စ်အမ်ဖုန်းများဆက်သွယ်ရေးခက်ခဲအံ့၊ ထိုနှစ်ဖွားသော သားကား ကံဆိုးသောကြောင့်မြန်မာပြည်တွင်လူဖြစ်အံ့။

Thursday, April 1, 2010

0 “လူထုတိုက်ပွဲ ဦးဆောင်ပါတီ NLD”

ရဲဘော်ဗိုလ်သူ

စစ်အုပ်စု နိုင့်ထက်စီနင်း ထုတ်ပြန်လာတဲ့ နိုင်ငံရေးပါတီများ မှတ်ပုံတင်ခြင်းဥပဒေ၊ ရွေးကောက်ပွဲကော်မရှင် ဥပဒေတွေက NLD ဘာလုပ်မလဲလို့ စိန်ခေါ်ခဲ့ပါတယ်။ စစ်အုပ်စုရဲ့ ထိုးနှက်မှုကြောင့် NLD ပါတီတွင်း ရှေ့ ဘယ်လိုရပ်တည်မလဲ၊ သဘောထားကွဲလွဲမှုတွေ ထုံးစံအတိုင်းရှိခဲ့ပေမယ့် “ မတရားတဲ့ အမိန့်အာဏာဟူသမျှ တာဝန်အရ ဖီဆန်ကြ” ဆိုတဲ့ လူထုခေါင်းဆောင် ဒေါ်အောင်ဆန်းစုကြည်ရဲ့ အဆိုအမိန့်နဲ့ ရွှေဂုံတိုင်ကြေညာ စာတမ်းကို အခိုင်အမာ ဆုပ်ကိုင်ရင်း အညံ့မခံ အရှုံးမပေးတဲ့ ဆုံးဖြတ်ချက်ကို အမျိုးသားဒီမိုကရေစီအဖွဲ့ချုပ် (NLD) က ချမှတ်လိုက်ပါပြီ။

ဒါဟာ စစ်အုပ်စုရဲ့ စိန်ခေါ်မှုကို “မှတ်ပုံမတင်ဘူး၊ ဘာလုပ်မလဲ” ဆိုတဲ့ စိန်ခေါ်မှုနဲ့ တုန့်ပြန်လိုက်တာပဲဖြစ်ပါ တယ်။ ခုလောက်ညီညွတ်ကြမှာမဟုတ်ဘူးလို့ တွေးထင်ပြီး ရည်ရွယ်ချက်ရှိရှိ NLD ပြိုကွဲအောင်လုပ်ခဲ့ပေမယ့် ဒီလို မပြိုမကွဲ တညီတညွတ်ထဲ ဆုံးဖြတ်လိုက်တော့ စစ်အုပ်စု နည်းနည်းတော့ ပြာယာခတ်သွားမှာပါ။ ဒါပေ မယ့် ဒီလိုဖြစ်လာရင် ဘာလုပ်မလဲဆိုတဲ့ ကြိုပြင်ထားတာမျိုးလည်း ရှိချင်ရှိမှာပါ။ သူတို့ရဲ့ထုံးစံအတိုင်း တက် ကြွသူတွေကို ဖမ်းမယ်၊ မတရားအသင်း ကြေညာမယ်၊ ပါတီဆိုင်းဘုတ်တွေ ဖြုတ်ချခိုင်းမယ်၊ အနိုင်ကျင့်မှုမျိုးစုံ ကို ကောက်ကျစ်တဲ့ နည်းလမ်းစုံသုံးပြီး လုပ်လာမယ်။ ကြံ့ဖွတ်တွေ၊ ရာဇ၀တ်သားတွေကို သုံးပြီး NLD အဖွဲ့ဝင် တွေကို ၀ိုင်းရိုက်တာမျိုးတွေ လုပ်လာမယ်။ ပြီးတော့ NLD ထဲက မှတ်ပုံတင်ချင်တဲ့ လူကြောက်တွေ၊ ရွေး ကောက်ပွဲဝင်ချင်တဲ့ အခွင့်ရေးသမားတွေကို မြှောက်ပေးပြီး အနိမ့်ဆုံးအဆင့် NLD က နှုတ်ထွက်ပါသည် ဆို တာမျိုး လုပ်ခိုင်းနိုင်ပါတယ်။
“စစ်အုပ်စုက ဖိနှိပ်မှုမျိုးစုံ လုပ်လာခဲ့ရင် နယ်စပ်ကို ထွက်လာတာမျိုးမဖြစ်ဖို့တော့ သတိထားရပါမယ်။ ကိုယ်က နယ်စပ်မှာနေပြီး ဒီလိုပြောရတာ NLD ကို အားနာမှုများစွာနဲ့ တောင်းပန်ပါတယ်။ စစ်အုပ်စုက နယ်စပ်က တော်လှန်ရေးအင်အားစုတွေကို လက်ရှိအခြေအနေမှာ ဂရုကိုမစိုက်ပါဘူး။ ပြည်သူလူထုအုံကြွမှာနဲ့ ငြိမ်းချမ်းရေးရထားတဲ့ တိုင်းရင်းသားအဖွဲ့တွေက ပြန်တိုက်မှာပဲ ဂရုစိုက်တာပါ။ လူတွေ နယ်စပ်ကိုထွက်တာ တခြားနိုင်ငံတွေကို ခိုလှုံတာ စစ်အုပ်စုအကြိုက်ပါ။ နယ်စပ်ရောက်သွားပြီးရင် တော်လှန်ရေးအလုပ်ထက် ဘ၀ရပ်တည်ရေးအလုပ်တွေပဲ လုပ်ဖြစ်သွားကြတာ များပါတယ်”

NLD အနေနဲ့လည်း ရှေ့လုပ်ငန်းစဉ်တွေ ပြင်ရပါတော့မယ်။ စစ်အုပ်စုရဲ့ မတရားတဲ့ ဥပဒေတွေအောက်မှာ ပါ တီမှတ်ပုံမတင်ဘူး၊ တင်စရာမလိုတော့ဘူးဆိုတဲ့ ဆုံးဖြတ်ချက်ဟာ စောင့်ကြည့်နေတဲ့ ကမ္ဘာ့နိုင်ငံတွေကြားမှာ ဗမာပြည် ပြည်သူလူထုကြားမှာ ဒီမိုကရေစီအင်အားစုတွေကြားမှာ ဂုဏ်သိက္ခာရှိတဲ့ ရပ်တည်ချက်သာဖြစ်ပါ တယ်။ အဲဒီရပ်တည်ချက် ခိုင်မာကြောင်းပြဖို့၊ ရန်ပြုလာမယ့် စစ်အုပ်စုကိုကာကွယ်ဖို့ လုပ်ငန်းစဉ်တွေ ချမှတ်ရ ပါမယ်။

ရွှေဂုံတိုင်ကြေညာစာတမ်းပါ အချက်တွေကို ကြွေးကြော်သံအဖြစ်ကိုင်ဆွဲရင်း လူထုကို ဦးဆောင်ရပါမယ်။ NLD ဟာ လူထုဦးဆောင်ပါတီ၊ လူထုရှေ့က တပ်ဦးပါတီ ဖြစ်နေရပါမယ်။ စစ်အုပ်စုက ဖိနှိပ်မှုမျိုးစုံ လုပ်လာခဲ့ရင် နယ်စပ်ကို ထွက်လာတာမျိုးမဖြစ်ဖို့တော့ သတိထားရပါမယ်။ ကိုယ်က နယ်စပ်မှာနေပြီး ဒီလိုပြောရတာ NLD ကို အားနာမှုများစွာနဲ့ တောင်းပန်ပါတယ်။ စစ်အုပ်စုက နယ်စပ်က တော်လှန်ရေးအင်အားစုတွေကို လက် ရှိ အခြေအနေမှာ ဂရုကိုမစိုက်ပါဘူး။ ပြည်သူလူထုအုံကြွမှာနဲ့ ငြိမ်းချမ်းရေးရထားတဲ့ တိုင်းရင်းသားအဖွဲ့တွေက ပြန်တိုက်မှာပဲ ဂရုစိုက်တာပါ။ လူတွေ နယ်စပ်ကိုထွက်တာ တခြားနိုင်ငံတွေကို ခိုလှုံတာ စစ်အုပ်စုအကြိုက်ပါ။ နယ်စပ်ရောက်သွားပြီးရင် တော်လှန်ရေးအလုပ်ထက် ဘ၀ရပ်တည်ရေးအလုပ်တွေပဲ လုပ်ဖြစ်သွားကြတာများ ပါတယ်။

လက်ရှိ နယ်စပ်တွေမှာ ရှိနေကြတဲ့ နိုင်ငံရေးသမားဆိုသူ အများစုဟာ အလုပ်သမားရေး၊ ကျန်းမာရေး၊ ပညာ ရေး၊ကလေးအခွင့်အရေး၊ အမျိုးသမီးအရေး ... စသဖြင့် ခေါင်းစဉ်တွေပြ၊ NGO တွေနဲ့ပေါင်းပြီး ကိုယ့်ရပ်တည် ရေးအတွက် ကိုယ်လုပ်နေကြတာများပါတယ်။ လင်မယားနှစ်ယောက်ရှိရင် လင်က တဖွဲ့၊ မယားက တဖွဲ့၊ လင် မယားနှစ်ယောက်ပေါင်းပြီး တပ်ပေါင်းစုရယ်လို့ တဖွဲ့၊ နှစ်ယောက်ရှိရင် သုံးဖွဲ့ ဖွဲ့ပြီး လစာထုတ်စားနေကြတဲ့ လ ခစား နိုင်ငံရေးသမားတွေ များပါတယ် (မှန်မှန်ကန်ကန် တိုက်ပွဲဝင်နေသူတွေကို မပြောပါ)။

ဒါကြောင့် စစ်အုပ်စုက နယ်စပ်က လူတွေကို မကြောက်ပါဘူး။ ပြည်တွင်းထဲက NLD အဖွဲ့ဝင်တွေကိုတော့ လူ ငယ်လေးတွေကအစ သူတို့ ကြောက်ပါတယ်။ ပြည်သူတွေနဲ့ ထိတွေ့နေပြီး ပြည်သူ့အုံကြွမှုကို ဦးဆောင်နိုင် မယ့်သူတွေ ဖြစ်သွားမှာ စိုးရိမ်လို့ပါ။ ဗမာပြည် အကျဉ်းထောင်အသီးသီးက နိုင်ငံရေးအကျဉ်းသား (၂၁၀၀) ကျော်မှာ NLD အဖွဲ့ဝင် (၅၀၀) နီးပါးရှိနေတာ လူထုက ၁၉၉၀ ရွေးကောက်ပွဲမှာ ရွေးချယ်ခဲ့တဲ့ NLD ကို စစ် အုပ်စု တလျှောက်လုံး ကြောက်နေခဲ့လို့ပါ။ အဲဒီတော့ အဖမ်းခံစရာရှိ ရဲရဲအဖမ်းခံ၊ သေစရာရှိ ရဲရဲသေပြီး ပြည် တွင်းမှာပဲ ပြည်သူတွေနဲ့အတူ တိုက်ပွဲဝင်ရင်း ဖြတ်သန်းဖို့၊ ပြည်သူကို ဦးဆောင်မှုပေးဖို့ အားနာနာနဲ့ပဲ တောင်း ဆိုပါရစေ။

“ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများလွှတ်ပေးရန် တောင်းဆိုသည်” လို့ တဆက်တည်း ဆုံး ဖြတ်ခဲ့တာ ဒီကနေ့အဖြေအနေနဲ့ အကိုက်ညီဆုံး တောင်းဆိုမှုပါ။ အရေးကြီးတာက တောင်းဆိုမှုက အချိန်အ ကန့်အသတ် လိုနေပါတယ်။ ပြီးရင် အဲဒီအချိန်အတွင်း တောင်းဆိုမှုကို မလိုက်လျောရင် ဘာလုပ်မလဲဆိုတာ ပါ။ ကြိုတင်ပြင်ထားဖို့လိုပါတယ်။ တောင်းဆိုနေရုံသက်သက်ဆိုရင်တော့ စစ်အုပ်စုက မလိုက်လျောတတ်ဖူး ဆိုတာ (၂၁) နှစ်စာ အတွေ့အကြုံတွေကနေ သိသင့်ပါပြီ။ တိုက်ပွဲနဲ့ တောင်းဆိုမှရမှာပါ။

ကျနော်တို့ ဒီမိုကရေစီဘက်တော်သားအားလုံးကလည်း NLD ကို တပ်ဦးတင် လိုက်ပါဖို့ လိုပါတယ်။ စစ်အုပ်စု က NLD ကို (၂၁) နှစ်တာကာလ တလျှောက်လုံး နှိပ်ကွပ်ခဲ့သလို ခုလည်း အရင်ထက်ဆိုးတဲ့ နှိပ်ကွပ်မှုတွေနဲ့ တုန့်ပြန်လာတော့မှာပါ။ ခုချိန်မှာ NLD အရေးဟာ ပြည်သူ့အရေးပါ။ NLD ဖြိုခွဲခံရရင် ကျနော်တို့တော်လှန်ရေး ကြာသထက်ကြာနေဦးမှာပါ။ “စစ်အုပ်စုရဲ့ ရွေးကောက်ပွဲကျင်းပရေးကော်မရှင်မှာ ပါတီမှတ်ပုံတင်ဖို့မလိုပါ” ဆို တဲ့ NLD ရဲ့ ဆုံးဖြတ်ချက်ကို ထောက်ခံပါသည်ဆိုတာမျိုး၊ ကြေညာချက်တွေ ထုတ်နေရုံသာမဟုတ်ပဲ NLD နှင့်ထပ်တူ ထိထိရောက်ရောက် တိုက်ပွဲဝင်မှုမျိုး လုပ်ကြရပါတော့မယ်။ ၂၀၁၀ လူထုတိုက်ပွဲကြီး လူထုအရေး တော်ပုံကြီးဆင်နွှဲဖို့ အချိန်ကျပါပြီ။ ဦးဆောင်ရမှာက NLD ပါ။

စစ်အာဏာရှင်စနစ် မုချကျဆုံးရမည်။
ပြည်သူ့ဒီမိုကရေစီအရေးတော်ပုံ အောင်ရမည်။

ယုံကြည်ချက်ဖြင့် ...
ရဲဘော်ဗိုလ်သူ

Wednesday, March 31, 2010

0 မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီး ၈၈ မျိုးဆက်ကျောင်းသားများ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် စာအမှတ် ။ ၅/၂၀၁၀

0 စစ်အစိုးရ၏မတရားတဲ့ရွေးကောက်ပွဲအတွက် ဗဟိုဦးစီးအဖွဲ့ အထူးအစည်းအဝေးသို့ ဒေါ်အောင်ဆန်းစုကြည် မှာကြားသော အချက် (၆) ချက်

မှတ်ပုံတင် ထပ်မံလုပ်ဖို့ မလို၊ ယခင် မှတ်ပုံတင်ထားသည့် ဥပဒေအရသာ ဆောင်ရွက်သင့်သည်။

၁။ ၂၀၀၈ ဖွဲ့စည်းပုံအခြေခံဥပဒေကို လုံးဝ လက်မခံနိုင်၊ အဖွဲ့ ချူပ်၏ ရွှေဂုံတိုင်ကြေညာချက်ကို ကိုင်စွဲထားရမည်။
1။ She would never accept the 2008 State Constitution of the military junta and would stick to Shwegonedine Declaration, which was issued by the NLD on April 29 last year.

၂။ တရားမျှတမှု မရှိ၊ တစ်ဘက်သတ် ရေးဆွဲထားသည့် ဥပဒေအရ မှတ်ပုံတင်ခြင်းကို လုံးဝလက်မခံနိုင်ပါ။ ဥပဒေပါ စည်းကမ်းချက်များမှာ ဒီမိုကရေစီနည်းလမ်း မကျ။
2။ She would never accept political party registration law and elections promulgated by the military junta as these laws are unjust and unfair.

၃။ အဖွဲ့ ချူပ်သည် ကျမ၏ ကိုယ်ပိုင်ပစ္စည်း မဟုတ်၊ မည်သူတစ်ဦးတစ်ယောက်၏ ကိုယ်ပိုင်ပစ္စည်းလည်း မဟုတ်။
3။ The NLD is not her own property. Neither is it the property of anyone.

၎။ အဖွဲ့ ချူပ်အတွင်း လူမွေးသည့်အလုပ်၊ လူမွေးသည်ဟု ယူဆနိုင်သည့်အလုပ်များ လုံးဝ မကြိုက်၊ လက်မခံ။
4။ She is not in favour of hatching personal followers within the NLD.

၅။ ပြည်သူလူထုကို ပြောကြားလိုတာက မိမိတတ်နိုင်သလောက် ဒီမိုကရေစီရရှိရေး ကြိုးပမ်းမှုကို ဆက်လက်ဆောင်ရွက်သွားပါ။
5။ She would like to say the people of Burma that she would continue to strive for democracy in Burma.

၆။ အဖွဲ့ ချူပ် ဖျက်သိမ်းခံရလျှင် အဖွဲ့ ချူပ် ပျက်စီးသည်ဟု မယူဆ၊ ပျက်စီးခြင်း မဟုတ်။
6။ Even if the NLD is abolished, she does not consider it as the end of the NLD.

0 ဖြိုခွင်းမှုအသစ်များ လုပ်လာနိုင်ကြောင်း ဦးဝင်းတင် သတိပေး

ချင်းမိုင် (မဇ္ဈိမ) ။ ။ ရွေးကောက်ပွဲအတွက် မှတ်ပုံမတင်ရန် ဆုံးဖြတ်လိုက်သည့် အမျိုးသား ဒီမိုကရေစီ အဖွဲ့ချုပ်အပေါ် စစ်အစိုးရက ဖြိုခွင်းမှုအသစ်များ ပြုလုပ်လာနိုင်ကြောင်း ပါတီဗဟိုအလုပ်အမှုဆောင် အဖွဲ့ဝင် ဦးဝင်းတင်က သတိပေးလိုက်သည်။

“ကျနော်တို့မှာ ပါတီမရှိဘူးဆိုရင် ကျနော်တို့ရဲ့ လှုပ်ရှားမှုတွေဟာ အများကြီး Limited ကန့်သတ်ထားပြီးသား ဖြစ်သွားပါလိမ့်မယ်။ ကျနော်တို့က ဒီထက်ပိုပြီးတော့ လှုပ်လှုပ်ရှားရှား ရှိလာမယ်ဆိုရင်၊ ရပ်တည်လာမယ်ဆိုရင် ကျနော်တို့ကို မတရားအသင်းအဖြစ် ကြေညာလာနိုင်တယ်ဗျ” ဟု ဦးဝင်းတင်က ပြောသည်။

အဓိက အတိုက်အခံပါတီကြီး၏ ဗဟိုအလုပ်မှုဆောင်များနှင့် ပြည်နယ်နှင့်တိုင်း ဗဟိုဦးစီးအဖွဲ့ဝင်များက စစ်အစိုးရ၏ ရွေးကောက်ပွဲဥပဒေက တရားမျှတမှု မရှိဟုဆိုကာ ပါတီမှတ်ပုံပြန်မတင်ရန် ယမန်နေ့က တညီတညွတ်တည်း ဆုံးဖြတ်လိုက်ကြသည်။

ဥပဒေအရ ရွေးကောက်ပွဲဝင်မည့် နိုင်ငံရေးပါတီများသည် ရက်ပေါင်း ၆ဝ အတွင်း ပြန်လည်၍ မှတ်ပုံတင်ရမည်ဖြစ်ရာ မေလ ၆ ရက်နေ့တွင် ပြည့်မည်ဖြစ်သည်။

နိုင်ငံရေးယုံကြည်ချက်ကြောင့် ၁၉ နှစ်ခန့် ထောင်ကျခဲ့ပြီး ညှဉ်းပန်းနှိပ်စက်ခံခဲ့ရသူ ဦးဝင်းတင်သည်လည်း ပါတီမှတ်ပုံမတင်ရေးကို အစောပိုင်းကပင် အခိုင်အမာ ပြောကြားခဲ့သည်။

”သူများထက် ခြေတလှမ်းစောတဲ့သူ၊ သူများထက် လုပ်နိုင်ကိုင်နိုင်တဲ့ သူတွေဆိုရင် ထောင်ထဲ ဆွဲထည့်မှာပဲဗျ။ ဒါတွေကတော့ ကျနော်တို့ ကြုံရမှာပဲ” ဟု အသက် ၈ဝ နှစ်အရွယ်ရှိ ဦးဝင်းတင်က ပြောသည်။

”ကျနော်တို့က မြန်မာနိုင်ငံမှာ ရွေးကောက်ပွဲနိုင်ရေး၊ အာဏာရရေးလောက်ပဲ လုပ်နေတာ မဟုတ်ဘူး။ ဒီစစ်အာဏာရှင်စနစ် တခုလုံးကို ဖြိုချဖို့ လုပ်နေတာဆိုတော့ သူတို့ဘက်က ပြင်းပြင်းထန်ထန် တုံ့ပြန်မှုတွေ ရှိမှာပဲ” ဟု သူက ပြောသည်။

အလားတူပင် ပါတီဖျက်သိမ်းခြင်း မခံရစေရေးအတွက် ရွေးကောက်ပွဲဝင်သင့်သည်ဟု အစောပိုင်းက သဘောထား ဖော်ထုတ်ခဲ့သော ဧရာဝတီတိုင်း ဘိုကလေးမြို့ အမျိုးသား ဒီမိုကရေစီအဖွဲ့ချုပ် NLD မှ ဦးချစ်ဝမ်းကလည်း “ရက်ပေါင်း ၆ဝ အတွင်းမှာ ပါတီအဖြစ် မှတ်ပုံမတင်ရင် တရားမဝင် အဖွဲ့အစည်းအဖြစ် ကြေညာမယ်၊ ပြီးတော့မှ လူစုတာတို့၊ လှုပ်ရှားတာတို့ လုပ်မယ်ဆိုရင် သူတို့က ကျိန်းသေဖြိုခွဲမှာပဲလေ။ ဒါကတော့ သူတို့ပြောပြီးသား” ဟု ဆိုသည်။

ပါတီအနေဖြင့် ရပ်တည်ခွင့် မရနိုင်တော့မည့် NLD အနေဖြင့် မြေအောက်အဖွဲ့အစည်းအဖြစ် ပြောင်းလဲရန် မလိုအပ်ဟု ရွေးကောက်ပွဲကို ဆန့်ကျင်သူတဦးဖြစ်သော ဇိုမီးအမျိုးသားကွန်ကရက် ZNC ဥက္ကဋ္ဌ ပူးကျင့်ရှင်းထန်က ပြောသည်။

“နိုင်ငံရေးဆိုတာကတော့ ဆိုင်းဘုတ်မရှိလည်း စိတ်ထဲမှာရှိရင် လုပ်လို့ရပါတယ်။ ကျနော်တို့ရဲ့ ZNC ဆိုတာက ၉၃ ခုနှစ်ကတည်းက ဖျက်သိမ်းတာ။ ကျနော်တို့ ဆိုင်းဘုတ်မထောင်နိုင်ဘူး၊ စာတွေ မဝေနိုင်ဘူး။ ဒါပေမဲ့ ကျနော်တို့ လုပ်တာပဲ” ဟု သူက ပြောသည်။

NLD ၏ ဆုံးဖြတ်ချက်ကို ဝမ်းသာအားရကြိုဆိုကြောင်း ကဗျာဆရာ ကိုလေး (အင်းဝဂုဏ်ရည်) က မဇ္ဈိမကို တယ်လီဖုန်းမှတဆင့် ပြောကြားသည်။

“ဒီနေရာမှာတော့ NLD ကို ကျနော် တော်တော်အားရတယ်။ ကျနော်က ဘယ်ပါတီဝင်မှတော့ မဟုတ်ဘူး။ လွတ်လပ်တဲ့ ကလောင်တချောင်းကို ကိုင်ပြီးတော့ တိုက်ပွဲဝင်နေတယ်။ သို့သော် NLD ကို ကျနော်တို့ ထောက်ခံတယ်၊ ဝန်းရံမယ်” ဟု သူက ဆက်ပြောသည်။

ယခု ဆုံးဖြတ်ချက်ကြောင့် နအဖအစိုးရသည် နောက်ထပ် အခက်အခဲတမျိုးနှင့် ရင်ဆိုင်လိုက်ရသည်ဟု သူက ဆိုသည်။

သူက “Border Guard ကိစ္စတွေ၊ NLD ကိစ္စတွေ၊ နောက်တခါ သူတို့ ခွဲတမ်းချရမယ့် ကိစ္စတွေ၊ ဆိုတော့ ကျနော်တို့ပဲ ခက်တာမဟုတ်ဘူး၊ သူတို့တွေက ကျနော်တို့ထက်တောင် ပိုခက်သေးတယ်။ ကျနော်ကတော့ ဟောဒီ ရွေးကောက်ပွဲ မဖြစ်ဘူးလို့တောင် ထင်တယ်” ဟု ပြောသည်။

ပြည်ပအခြေစိုက် အတိုက်အခံအဖွဲ့ Forum for Democracy in Burma မှ အထွေထွေအတွင်းရေးမှူး ဒေါက်တာနိုင်အောင်ကလည်း NLD သည် ပြည်သူများ မျှော်လင့်နေသော တာဝန်အား ကျေပွန်စွာ ဦးဆောင်မှုကို ဆက်လက်ပြသသွားခြင်း ဖြစ်သည်ဟု သူ့အမြင်ကို ပြောသွားသည်။

သို့သော်လည်း ရွေးကောက်ပွဲအတွက် မှတ်ပုံတင်သင့်သည်ဟု ယူဆထားသော ပါတီဝင်များ ကစဥ့်ကလျားဖြစ်မည်နှင့် ပါတီဝင်များ၏ ရှေ့ရေးကို စိုးရိမ်ကြောင်း NLD ဗဟိုအလုပ်အမှုဆောင် ဒေါက်တာ သန်းငြိမ်းက ပြောသည်။

နေအိမ်အကျယ်ချုပ်ကျခံနေရသော ဝန်ကြီးချုပ်ဟောင်း ဗိုလ်ချုပ်ကြီးခင်ညွန့်၏ ယောက်ဖတော်သူ ဒေါက်တာသန်းငြိမ်းမှာလည်း ပါတီတွင်းလှုပ်ရှားမှုကြောင့် ထောင် ၈ နှစ် ကျခံခဲ့ရသူဖြစ်သည်။

NLD ရွေးကောက်ပွဲမဝင်ရန် ဆုံးဖြတ်ချက်ကို လေးစားကြောင်း အမေရိကန် ပြည်ထောင်စုက ကြေညာသည်။

“မြန်မာပြည် နိုင်ငံရေးဖြစ်စဉ်မှာ လိုအပ်တယ်လို့ ကျနော်တို့ ယူဆထားတဲ့ ဒေါ်အောင်ဆန်းစုကြည်လို ပုဂ္ဂိုလ်မျိုးတွေ၊ တခြားအဖွဲ့တွေ၊ တိုင်းရင်းသားအဖွဲ့တွေနဲ့ အလေးအနက်ထားပြီး ဆွေးနွေးဖို့ မြန်မာအစိုးရက ဆန္ဒမရှိတဲ့ အတွက်ကြောင့် NLD က ဒီလို ဆုံးဖြတ်လိုက်တာပဲလို့ ကျနော်တို့ နားလည်မိပါတယ်” ဟု အမေရိကန် နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ပီဂျေခရော်လေက ပြောသည်။

မြန်မာစစ်အစိုးရအပေါ် ပိတ်ဆို့အရေးယူမှုနှင့် ထိတွေ့ဆက်ဆံရေး တပြိုင်တည်း ကျင့်သုံးနေသော အမေရိကန်အစိုးရ၏ မူဝါဒအောက်တွင် တွေ့ဆုံဆွေးနွေးမှုကို ဆက်လက်လုပ်ဆောင်သွားမည်ဟုလည်း ပြောသည်။

ဂျပန်နိုင်ငံခြားရေးဝန်ကြီး ကတ်ဆုယာ အိုကာဒါကမူ ဒေါ်အောင်ဆန်းစုကြည်နှင့် အခြားသော ရွေးကောက်ပွဲတွင် ပါဝင်သင့်သူများ မပါလျှင် မြန်မာနိုင်ငံကို နောက်ထပ် အကူအညီငွေများ ထပ်မပေးတော့ဟု မကြာသေးခင်ကပင် ပြောထားသည်။

ကုလသမဂ္ဂကလည်း ဒေါ်အောင်ဆန်းစုကြည်နှင့် NLD ၏ ဆုံးဖြတ်ချက်ကို နိုင်ငံတကာ အသိုင်းအဝိုင်းက လေးစားရန် လိုအပ်သည်ဟု ပြောသည်။

0 အမျိုးသားဒီမိုကရေစီအဖွဲ့ ချူပ်၏ မှတ်ပုံမတင်ကြောင်း အထူးကြေညာချက်အမှတ် (၄/၃/၁၀) မတ်လ ၃၀ ရက်၊ ၂၀၁၀ ခုနှစ်။

Tuesday, March 30, 2010

0 နအဖ၏ ၂၀၁၀ ရွေးကောက်ပွဲအတွက် မှတ်ပုံမတင်ရေး ဆုံးဖြတ်ခဲ့သည့် အမျိုးသားဒီမိုကရေစီအဖွဲ့ ချူပ်၏ သမိုင်းဝင် အစည်းအဝေး ဓါတ်ပုံမှတ်တမ်းများ

0 သူသေကိုယ်ရှင် တိုက်ပွဲဝင်သံချပ်များ

0 အမျိုးသားဒီမိုကရေစီ အဖွဲ့ချုပ် ပါတီ မှတ်ပုံမတင်ရေး ကန့်ကွက်မဲမရှိ ဆုံးဖြတ်

NLD အမျိုးသားဒီမိုကရေစီ အဖွဲ့ချုပ် အနေနဲ့ စစ်အစိုးရရဲ့ ရွေးကောက်ပွဲ ဥပဒေတွေအောက်မှာ နိုင်ငံရေးပါတီအဖြစ် ထပ်မံ မှတ်ပုံတင်မှာ မဟုတ်တဲ့အကြောင်း ဒီကနေ့ ကျင်းပတဲ့ NLD ဗဟိုဦးစီးအဖွဲ့ အစည်းအဝေးက ဆုံးဖြတ်လိုက်ပါတယ်။ NLD ပါတီ ပျက်ပြယ်သွားပြီလား၊ ရှေ့ဆက် ဘယ်လို ရပ်တည်မလဲဆိုတဲ့ မေးခွန်းတွေကို ဒီကနေ့ NLD ဗဟိုဌာနချုပ်မှာ ကျင်းပတဲ့ သတင်းစာ ရှင်းလင်းပွဲမှာ NLD ခေါင်းဆောင်တွေက ပြန်လည်ဖြေကြားခဲ့ပါတယ်။ အပြည့်အစုံကို ကိုသိန်းထိုက်ဦးက တင်ပြပေးထားပါတယ်။

ပါတီ မှတ်ပုံတင်ရေး မတင်ရေး ယနေ့ အစည်းအဝေးမကျင်းပမီ NLD ရုံးချုပ်ရှေ့၌ တွေ့ရသော အဖွဲ့ဝင်လူငယ် တချို့ (ဓာတ်ပုံ - AP)

အမျိုးသားဒီမိုကရေစီ အဖွဲ့ချုပ် အနေနဲ့ ပါတီရပ်တည်ရေးထက် ပါတီရဲ့ နိုင်ငံရေး ရှင်သန်ရေးကို ဦးစားပေးပြီး ဒီနေ့ ဆုံးဖြတ်ချက်ကို ချမှတ်လိုက်တာလို့ NLD ပြောရေးဆိုခွင့်ရှိသူ ဦးဉာဏ်ဝင်းက သတင်းစာ ရှင်းလင်းပွဲမှာ ကြေညာပါတယ်။

“ထုတ်ပြန်သည့် ရွေးကောက်ပွဲဆိုင်ရာ ဥပဒေများသည် တရားမျှတမှု မရှိသဖြင့် အမျိုးသားဒီမိုကရေစီ အဖွဲ့ချုပ်သည် နိုင်ငံရေးပါတီအဖြစ် ထပ်မံ မှတ်ပုံတင်မည် မဟုတ်ကြောင်း အများသဘောတူ ကန့်ကွက်သူမရှိ ဆုံးဖြတ်သည်။”

NLD ပါတီဟာ တရားဝင် နိုင်ငံရေးပါတီအဖြစ် မှတ်ပုံတင်ပြီးသား ပါတီတခု ဖြစ်တယ်ဆိုတာကို ဦးဉာဏ်ဝင်းက အလေးအနက် ထည့်သွင်းပြောဆိုပြီး ထပ်မံ မှတ်ပုံတင်မှာ မဟုတ်ဘူးလို့ ပြောပါတယ်။

ဒါပေမဲ့လည်း လက်ရှိ မြန်မာစစ်အစိုးရ ချမှတ်ထားတဲ့ ဥပဒေတွေအရ ထပ်ပြီး မှတ်ပုံမတင်ဘူးဆိုရင် NLD ဟာ နိုင်ငံရေးပါတီ အဖြစ်က ပျက်ပြယ်သွားပြီလား၊ ရှေ့ဆက်ရပ်တည်ရေးမှာ ဘယ်လိုပုံစံမျိုးနဲ့ ရပ်တည်မလဲ၊ သတင်းထောက်တွေက မေးခဲ့ကြပါတယ်။ NLD ဒု-ဥက္ကဋ္ဌ ဦးတင်ဦးကတော့ ပါတီ ပျက်ပြယ်တယ်လို့ မမှတ်ယူတဲ့အကြောင်း အခုလို ပြောပါတယ်။

“ပါတီက ရွေးကောက်ပွဲ ၀င်သည်ဖြစ်စေ၊ မ၀င်သည်ဖြစ်စေ၊ မ၀င်တော့ဘူးဆိုတဲ့ ဆုံးဖြတ်ချက်၊ သို့မဟုတ် မှတ်ပုံတင်ခြင်း မပြုတော့ဘူးဆိုတဲ့ ဆုံးဖြတ်ချက်၊ ပါတီဝင်တွေကို ဒါဟာ အမိန့်ကြော်ငြာစာနဲ့ ပဲ့တင်ခြင်းပြုသည် ဆိုတာမျိုးဟာ ဒီမိုကရေစီနိုင်ငံမျိုးမှာ မရှိနိုင်တဲ့သဘော ဖြစ်တဲ့အတွက်၊ ကျနော်တို့ အမျိုးသားဒီမိုကရေစီ အဖွဲ့ချုပ် ကိုယ်တိုင်သည်ပင်လျှင် ပျက်ပြယ်သွားပြီလို့ မမှတ်ယူပါဘူး။”

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း ဥပဒေအရ ပါတီ ဖျက်သိမ်းခံရတယ်ဆိုရင် ပါတီ ပျက်စီးခြင်းလို့ မယူဆတဲ့အကြောင်း ဦးဉာဏ်ဝင်းက ပြောပါတယ်။ ဦးတင်ဦးနဲ့ ဦးဉာဏ်ဝင်းက ပါတီဖျက်သိမ်းခံရနိုင်တဲ့ ဖြစ်နိုင်ခြေနဲ့ ပတ်သက်လို့ မေးခွန်းတွေကို ပြန်လည်ဖြေကြားခဲ့ပါတယ်။

“ကိုယ့်ပါတီထောင်ထားတာ ကိုယ် ဘယ်တော့မှ မဖျက်ဘူး။ အဲဒါကို သူတို့က သူတို့ဘာသာသူတို့ စွမ်းပကားရှိလို့ လာပြီးတော့ ဖျက်တယ် ပြုတယ် ဆိုရင်လည်းပဲ သူတို့သဘောပဲပေ့ါ။”

“ဒေါ်အောင်ဆန်းစုကြည် စကားလေးကို ကျနော် ဖြည့်ပြောမယ်။ ဒေါ်အောင်ဆန်းစုကြည်က ပြောပါတယ်၊ ဥပဒေအရ ပါတီ ဖျက်သိမ်းခံရရင် ပါတီ ပျက်စီးခြင်း မဟုတ်ပါဘူးတဲ့၊ ပျက်စီးခြင်းလို့လည်း မယူဆပါဘူး။”

“အေးအေးချမ်းချမ်းနဲ့ လှုပ်ရှားနိုင်တဲ့ နည်းလမ်းတွေ အများကြီး ရှိတာပါပဲ။”

ဒီမိုကရေစီ လုပ်ထုံးလုပ်နည်းအရ နိုင်ငံရေးပါတီ တရပ်အနေနဲ့ ဆက်လက် ရပ်တည်ပြီး နိုင်ငံရေးတာဝန်တွေ ဆက်ပြီး ထမ်းဆောင်နိုင်ခွင့်ဟာ အခြေခံ အခွင့်အရေး ဖြစ်တယ်လို့ NLD ဘက်က ပြောပါတယ်။ ဒါပေမဲ့လည်း NLD ပါတီအနေနဲ့ နိုင်ငံရေးပါတီ တရပ်ရဲ့ အခွင့်အရေးတွေကို အရင်တုန်းကရော အပြည့်အ၀ ရခဲ့ပါရဲ့လား၊ ရွေးကောက်ပွဲ ဥပဒေတွေကို သပိတ်မှောက်ထားတဲ့ နိုင်ငံရေးပါတီ တခုကို မြန်မာစစ်အစိုးရဘက်က အင်အားသုံး ဖျက်သိမ်းတာမျိုး၊ ဖမ်းဆီးတာမျိုးတွေနဲ့ ထိပ်တိုက် ရင်ဆိုင်မှုတွေကို မကြုံရနိုင်ဘူးလား၊ ဒီလို မေးခွန်းထုတ်တာတွေနဲ့ ပတ်သက်လို့လည်း NLD ဒု-ဥက္ကဋ္ဌ ဦးတင်ဦးက အခုလို ပြန်လည် ဖြေကြားပါတယ်။

“ဖမ်းချင်လည်းဖမ်း၊ ဆီးချင်လည်းဆီး၊ ရိုက်ချင်လည်းရိုက်၊ နှက်ချင်လည်းနှက်၊ လုပ်ချင်တာ လုပ်ပါ။ ဒါပေမဲ့ ကျနော်တို့ ရပ်တည်ထားတဲ့ ဒီမိုကရေစီနဲ့ လူ့အခွင့်အရေး၊ ဒီမိုကရေစီနဲ့ လွတ်လပ်မှု ဆိုတာကတော့ အေးအေးချမ်းချမ်း၊ ငြိမ်းငြိမ်းချမ်းချမ်း ဆောင်ရွက်သွားတဲ့နည်းကို ကျနော်တို့ ဆောင်ရွက်သွားမှာ ဖြစ်ပါတယ်။ ဒီလို ဆောင်ရွက်သွားခြင်းသည် ကျနော်တို့ တိုင်းပြည်မှာရှိတဲ့ ပြည်သူလူထု တရပ်လုံး၊ တိုင်းရင်းသား လူမျိုးစု အဖွဲ့အစည်းနဲ့ တကွ နိုင်ငံတကာ ဒီမိုကရေစီ ချစ်မြတ်နိုးသူ အားလုံးက စာနာခြင်း၊ ထောက်ထားခြင်း၊ သနားခြင်း၊ ကူညီခြင်း စတဲ့ဟာတွေ ရရှိမှာ ဖြစ်ပါတယ်။

“သူတို့ ကူညီတာ၊ ထောက်ပံ့တာ၊ အားပေးတာကိုတော့ ကျနော်တို့က အားတခုအနေနဲ့ လုပ်ကြပြီး တညီတညွတ်တည်း ရှိနေတဲ့ ကျနော်တို့ အဓိက ဒီမိုကရေစီ အင်အားစုတွေသာလျှင် ပြည်သူလူထုနဲ့တကွ တိုင်းရင်းသား တရပ်လုံးရဲ့ အားသာလျှင် ကျနော်တို့ရဲ့အား ဖြစ်တယ်ဆိုတာကို ယုံကြည်စွာဖြင့် မမှိတ်မသုန် ချီတက်သွားကြမှာ ဖြစ်တယ်လို့ ပြောချင်ပါတယ်။”

ရွေးကောက်ပွဲ ဥပဒေပါ နိုင်ငံရေး ပါတီများ မှတ်ပုံတင်ခြင်းဆိုင်ရာ ဥပဒေပါ မတရားတဲ့ အချက်အလက်တွေကို မြန်မာစစ်အစိုးရဘက်က ပြင်ဆင်ညှိနှိုင်းလာတာကို စောင့်စားဖို့နဲ့ ကြေလည်အောင် ဆွေးနွေးသွားမယ် ဆိုတဲ့ သဘောထားကတော့ ဆက်ပြီး ရှိနေတဲ့အကြောင်း ဦးတင်ဦးက ပြောသွားပါတယ်။
voa

Sunday, March 28, 2010

0 (ABSDF) All Burma Student's Democratic Front ON KBS TV (Korea)အစအဆုံး

0 လူထုလှုပ်ရှားမှုဖော်ဆောင်ရေးနှင့်စစ်အာဏာရှင်စနစ်တိုက်ဖျက်ရေးအင်အားစု (လဖစတ)၏ တော်လှန်ရေးနေ့ည- ဆေးနီမှုတ်(စပရေး)လှုပ်ရှားမှု

ကျွန်တော်တို့ လဖစတ (AAMD) - Burma အင်အားစုမှ (စပရေး)မှုတ်ဆေးအနီတွေနဲ့မန္တလေးမြို့ပေါ်အနှံ့ နံရံတွေပေါ် FREE, FREE Su Kyi, FREE Daw Su, FREE2010, FREE Aung San Su Kyi, ရွေးကြက်ခြေခတ်(ရွေးကောက်ပွဲအလိုမရှိ)အစသဖြင့်လိုက်လံရေးသားကာဒေါ်အောင်ဆန်းစုကြည်နှင့်အဖမ်းဆီးခံနိုင်ငံရေးတော်လှန်ရေးအကျဉ်းသားများလွတ်မြောက်ရေး၊၂၀၀၈နာဂစ်အခြေခံဥပဒေနှင့်၂၀၁၀ရွေးကောက်ပွဲဆန့်ကျင်ရေး၊စစ်အာဏာရှင်စနစ်တိုက်ဖျက်ရေးရည်ရွယ်ချက်များအတွက် ဆန္ဒဖော်ထုတ်ခဲ့ပါတယ်။

မှုတ်ဆေးတော်လှန်ရေးဆင်နွှဲခဲ့တဲ့ မန္တလေးမြို့ပေါ် နေရာတွေကတော့မန္တလေးတိုင်းတရားရုံးချုပ်နံရံတွေ၊ TTC (ပညာရေးကောလိပ်), နန်းရှေ့၊ရွှေကျောင်းကြီး၊ မန္တလေးတက္ကသိုလ်အရှေ့ဘက် ၆၉ လမ်း၊ ဗောဓိကုန်း၊ ၆၂ လမ်း၊၆၄၊ ၆၅ လမ်း သိပ္ပံလမ်း၊ မြို့သစ်၊ လမ်း ၈၀၊ ၈၁၊ ၈၂၊ ၈၃၊ ၈၆၊ ၈၇ လမ်းတွေနဲ့ မဟာမြတ်မုနိဘုရားကြီးပတ်ဝန်းကျင်၊ ရွှေကျီးမြင်ဘုရားပတ်ဝန်းကျင်အစသဖြင့် ၀င်းနံရံ၊ တံခါးဝ၊ အုတ်ခုံ၊ ရေကန်၊ဓမ္မာရုံနံရံအစသဖြင့်တွေပေါ်မှာ ဆေးနီစပရေးဘူးနဲ့ လိုက်မှုတ်ရေးခဲ့ကြပါတယ်။

အလားတူဆန့်ကျင်ဆန္ဒဖော်ထုတ်မှုမျိုးတွေကို အခြားနယ်၊မြို့များမှာလည်းမပြတ်တမ်းဆက်လက် ဆင်နွှဲကြဖို့ အလေးအနက်ထားတိုက်တွန်းလိုက်ပါတယ်ခင်ဗျား။

လူထုလှုပ်ရှားမှုဖော်ဆောင်ရေးနှင့် စစ်အာဏာရှင်စနစ်တိုက်ဖျက်ရေးအင်အားစု (လဖစတ)
Activists for Abolishing the Military Dictatorship (AAMD) – Burma

0 လူထုလှုပ်ရှားမှုဖော်ဆောင်ရေးနှင့် စစ်အာဏာရှင်စနစ်တိုက်ဖျက်ရေးအင်အားစု (လဖစတ)မှဗမာပြည်သူလူထုနှင့် NLD သို့ ပေးစာ

လူထုလှုပ်ရှားမှုဖော်ဆောင်ရေးနှင့် စစ်အာဏာရှင်စနစ်တိုက်ဖျက်ရေးအင်အားစု (လဖစတ)

Activists for Abolishing the Military Dictatorship (AAMD) – Burma

ဗမာပြည်သူလူထုနှင့် NLD သို့ ပေးစာ

(၁/၂၀၁၀)

၂၈၊ မတ်လ၊ ၂၀၁၀

ကျွန်တော်တို့အင်အားစုသည် ၂၀၀၇ စက်တင်ဘာရွှေဝါရောင်တော်လှန်ရေးအပြီး ပေါက်ဖွားလာသည်။ ခေတ်ပညာတတ်လူငယ်များ၊ ကျောင်းသားများ၊ တော်လှန်ရေး အတွေ့အကြုံရင့်လူကြီးများ၊ ရဟန်းသံဃာများနှင့် ချိတ်ဆက်စုပေါင်းထားသော အင်အားစုဖြစ်သည်။ ဗမာပြည်တွင်း အခြေစိုက်ထားသော ကျွန်တော်တို့အင်အားစုသည် ပြည်တွင်းတွင် လူထုလှုပ်ရှားမှုဖော်ဆောင်ရေးနှင့် စစ်အာဏာရှင်စနစ် တိုက်ဖျက်ဆန့်ကျင်ရေးလှုပ်ရှားမှုများကို အခါအားလျော်စွာဆင်နွှဲလေ့ရှိသည်။

ယနေ့ချိန်ခါသည် စစ်အာဏာရှင်စနစ်၊ စစ်အာဏာရှင်တစ်စုနှင့် ၄င်းတို့၏ အပေါင်းအပါ တွဲဘက် လူလွန်မသားများ၏ ခြစားလိမ်ညာရက်စက်ယုတ်မာမှုများအား ဗမာပြည်သူလူထုများခင်မျာ အပြင်းထန်ဆုံးရင်ဆိုင်ခါးစည်းခံစားနေရသော ကာလဖြစ်သည်။

၂၀၀၈ နာဂစ် မတရားအခြေခံဥပဒေ အခြေပြုကာ ကျင်းပမည်ဆိုသည့် ၂၀၁၀ ရွေးကောက်ပွဲကို ကျွန်တော်တို့အင်အားစုက အယုံအကြည်မရှိပါ။ လက်မခံပါ။ ထိုမှတစ်ဖန် ၁၉၉၀ ရွေးကောက်ပွဲအနိုင်ရ NLD ပါတီအား ချောင်ပိတ်ရိုက်သလို ပြုမူထားပြန်သည့် ၂၀၁၀ ပါတီနှင့် ရွေးကောက်ပွဲဆိုင်ရာ ဥပဒေများကိုလည်း ကျွန်တော်တို့အင်အားစုမှ ပျက်ရယ်ပြုရှုံ့  ချလိုက်ပါသည်။

NLD ပါတီအနေဖြင့် ၂၀၀၉ ခုနှစ်၊ ဧပြီလ (၂၉)ရက်နေ့က ၄င်းတို့ကိုယ်တိုင် ထုတ်ပြန်ကြေညာထားသည့် ရွှေဂုံတိုင်ကြေညာစာတမ်းပါ ရပ်တည်ချက်များကို မိမိတို့အရှက်၊ မိမိတို့ငဲ့ကွက်၍ ဆက်လက်လေးစားကိုင်စွဲကာ ၂၀၁၀ ခုနှစ်၊ မတ်လ (၂၉)ရက်နေ့တွင် ဆုံးဖြတ်ရာ၌ "မတရားရွေးကောက်ပွဲအား ငါတို့မ၀င်" ဟု ပြတ်ပြတ်သားသားဆုံးဖြတ်ရန် လိုအပ်သည်။

ရွေးကောက်ပွဲဝင်ရေးအသံပေးနေသည့် NLD ပါတီဝင်များနှင့် တတိယအုပ်စုဝင်ဆိုသူများသည် ပါတီရပ်တည်ရေး၊ ရသလောက်ယူ-ပူးသတ်တိုက်ယူရေးကို အကြောင်းပြကာ အသံကောင်းဟစ်နေကြသော်လည်း အမှန်တကယ်မှာ ထိုသူများအနေဖြင့် စစ်အာဏာရှင်များအား ဒူးထောက်အညံ့ခံ ကြောက်ရွံ့အရှုံးပေး၊ ဘက်ပြောင်းဘက်လိုက်၊ ခြံခုန်လာဘ်မျှော်နေခြင်းမျှသာ ဖြစ်ပါသည်။

ယနေ့ချိန်ခါသည် ဗမာတစ်တိုင်းတစ်ပြည်လုံးရှိ အလွှာမျိုးစုံမှ ပြည်သူများပါဝင်သော နိုင်ငံရေး၊ တော်လှန်ရေးတိုက်ပွဲများ ပြင်းထန်စွာ ဆင်နွှဲရမည့် အချိန်အခါကျရောက်ပြီဖြစ်ပါသဖြင့် ထိုကဲ့သို့ ၂၀၁၀ ခုနှစ်၊ စစ်အာဏာရှင်စနစ် တိုက်ဖျက်ဆန့်ကျင်တော်လှန်ရေးကြီးအား ဆင်နွှဲရာတွင် NLD ပါတီနှင့် NLD ပါတီဝင်များကလည်း ဗမာပြည်သူလူထုနှင့်အတူ ပူးပေါင်းပါဝင် ဦးဆောင်ဆင်နွှဲပါရန် လေးစားစွာ တိုက်တွန်းအပ်သည်။ ။

Activists for Abolishing the Military Dictatorship (AAMD) – Burma

0 ကျွန်မတို့ ဘာလုပ်ကြမည်နည်း

၂၉-၃-၂ဝ၁ဝ ဗဟိုဦးစီး အစည်းအဝေးသို့မိတ္ထီလာ-မြင့်မြင့်အေး၏ တင်ပြချက် - စာတမ်း

ကျွန်မတို့ ရှင်းရှင်းနားလည်ထားကြရမှာက ၂ဝဝ၈ အခြေခံဥပဒေဆိုတာ နိုင်ငံတော်မှာ စစ်အာဏာရှင်စနစ်ထူထောင်ရေး၊ စစ်အစိုးရက ဖွဲ့စည်းပုံနဲ့ အုပ်ချုပ်နိုင်ရေးတို့အတွက် ရေးဆွဲထားတဲ့ ဖွဲ့စည်းပုံဥပဒေဖြစ်ပါတယ်။

စစ်အစိုးရက ၂ဝဝ၈ ဖွဲ့စည်းပုံစည်းများအရ ၂ဝ၁ဝ ရွေးကောက်ပွဲကို ကျင်းပရန်အတွက် ရွေးကောက်ပွဲဥပဒေ၊
နိုင်ငံရေးပါတီများ မှတ်ပုံတင်ခြင်းဥပဒေတို့ကို ထုတ်ပြန်လိုက်ပါပြီ။ ဒီဥပဒေများဟာ အဖွဲ့ချုပ် NLD ပါတီအား
တရားဝင် ရပ်စဲရေး၊ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်နဲ့ အဖွဲ့ချုပ် NLD ပါတီတို့အား ခွဲခြားပစ်ရေး၊
ဒီမိုကရေစီဖော်ဆောင်ရေး တပ်ဦးးပါတီဖြစ်တဲ့ အမျိုးသားဒီမိုကရေစီအဖွဲ့ချုပ် NLD အား စစ်အာဏာရှင်အစိုးရရဲ့
နောက်လိုက်တပည့်အဖြစ် ပြောင်းလဲပစ်ရေးတို့အတွက် ရည်မှန်းချက်ရှိရှိနဲ့ လုပ်ဆောင်လိုက်တာပါ။

ဒီဥပဒေများကို ပြဌာန်းပြီး စစ်အစိုးရဟာ အမျိုးသားဒီမ်ိုကရေစီအဖွဲ့ချုပ်အား အပြီးသတ်ချေမှုန်းရေးအတွက်
ထိုးနှက်တိုက်ခိုက်လိုက်တာလည်း ဖြစ်ပါတယ်။
ဒီစိန်ခေါ်မှုကို ကျော်လွှားနိုင်ဖို့ရန်အတွက် ဗဟိုခေါင်းဆောင်များ ခက်ခဲစွာရင်ဆိုင်နေကြရတယ် ဆိုတာကို
ကျွန်မတို့ နားလည်ပါတယ်။ ဒီအခက်အခဲများကို ကျော်လွှားနိုင်ဖို့ တိုးချဲ့ဖွဲ့စည်းပြီး၊ ပထမဆုံးအကြိမ် ကျင်းပမယ့်
ဗဟိုဦးစီးအစည်းအဝေးကို ၂၉-၃-၂ဝ၁ဝ နေ့မှာ ခေါ်ယူထားပြီးဖြစ်ပါတယ်။ ဒီအစည်းအဝေးမှာ မှန်ကန်တဲ့
ဆုံးဖြတ်ချက်ကျရေးဟာ ကျွန်မတို့ NLD ပါတီအတွက် အရေးတကာ့အရေးအကြီးဆုံး ကိစ္စရပ်ဖြစ်နေပါပြီ။
ဒါ့ကြောင့် ကျင်းပတော့မယ့် ဗဟိုဦးးစီးအစည်းအဝေးမှာ ထည့်သွင်းစဉ်းစားရန်နဲ့ အဖွဲ့ချုပ်အဖွဲ့ဝင်များ
စဉ်းစားနိုင်ရန်တို့အတွက် ကျွန်မ မိတ္ထီလာ-မြင့်မြင့်အေးရဲ့အမြင်ကို တင်ပြလိုက်ပါတယ်။

စစ်အစိုးရက NLD ပါတီအား အပြီးသတ်ချေမှုန်းရေး တိုက်ခိုက်လာတာဟာ ကျွန်မတို့အတွက် အံ့သြစရာမဟုတ်၊
ကြိုတင်မျှော်လင့်ပြီးသားလို့ ပြောလိုပါတယ်။ ဒီအန္တရာယ်ကို ဗဟို CEC နဲ့ အောက်ခြေပါတီဝင်များ
ပူးပေါင်းကာကွယ်နိုင်ရန်အတွက် ကြိုတင်ပြင်ဆင်ကြဖို့ နိုင်ငံလုံးဆိုင်ရာညီလာခံ ခေါ်ပေးပါ။ CEC, C.C. တိုးချဲ့
ပြင်ဆင်ဖွဲ့စည်းပေးပါဟု တောင်းဆိုခဲ့ပါသည်။ ဒီတောင်းဆိုချက်များကို ဗဟိုက ငြင်းဆန်ပြီး တောင်းဆိုသူတို့ကို
အရေးယူတာရှိခဲ့ပါသည်။ ဗဟိုက ဘာမှကြိုတင်ပြင်ဆင်မှုမလုပ်ခဲ့လို့ ဒီကနေ့ နဖူးတွေ့၊ ဒူးတွေ့ ဖြစ်လာမှ
လှုပ်လှုပ်ရှားရှား ဖုတ်ပူမီးတိုက် အခက်အခဲများနဲ့ ရင်ဆိုင်ကြရတာပါ။
ကျွန်မတို့အဖွဲ့ချုပ် NLD ဟာ ဒီစိန်ခေါ်မှုကို ရင်ဆိုင်နိုင်ဖို့ဆိုရင် ပထမဦးးစွာ အတွေးရှင်း၊ အမြင်ရှင်းပါမှ မှန်ကန်တဲ့ဆုံးဖြတ်ချက်ကိုချနိုင်ပါလိမ့်မယ်။အတွေးရှင်း၊အမြင်ရှင်းဖို့ဆိုတာကျွန်မတို့မြန်မာနိုင်ငံအတွင်းဖြစ်နေတဲ့
ပဋိပက္ခဟာ စစ်အာဏာရှင်စနစ်နဲ့ ဒီမ်ိုကရေစီစနစ်ဖြစ်ပါတယ်။ ဒီစနစ် (၂) ခုဟာ စေ့စပ်လို့ မရနိုင်ပါဘူး။
စစ်အာဏာရှင်စနစ်ကို ပြုပြင်ပြီး ဒီမိုကရေစီကို ဖော်ဆောင်လို့မရနိုင်ပါဘူး။ စစ်အာဏာရှင်စနစ်နဲ့ ဒီမိုကရေစီစနစ်
ပူးပေါင်းပြီးတော့ ဒီမိုကရေစီစနစ်ကို ဖော်ဆောင်လို့လည်း မရနိုင်ပါဘူး။ ဒီလို အမြင်ရှင်းနေရပါလိမ့်မယ်။
ပြည်သူလူထုက ဒီမိုကရေစီအစိုးရကို လိုချင်ပါတယ်။ စစ်အရာရှိကြီးများက စစ်အာဏာရှင်အစိုးရကို
လိုချင်တာပါ။ ဒါဟာ ပြည်သူလူထုနဲ့ စစ်အရာရှိကြီးများရဲ့ ဆက်ဆံရေးမြင်ကွင်းပါဘဲ။

အမျိုးသားဒီမိုကရေစီအဖွဲ့ချုပ်က ပြည်သူလူထုကြီးရှေ့က ခေါင်းဆောင်နေပါတယ်။ စစ်အာဏာရှင်စနစ်
ဖယ်ရှားရေး။ ဒီမိုကရေစီစနစ်ဖော်ဆောင်ရေး တိုက်ပွဲကို ဝင်နေကြရတာပါ။ ဒါ့ကြောင့် စစ်အစိုးရက NLD ကို
ရန်သူလို့သတ်မှတ်ပြီး မလှုပ်နိုင်အောင် အကျပ်ကိုင်ထားတယ်။ အမှဲ့ခြွေ ခြွေတယ်။ အခု အပြီးသတ်
ချေမှုန်းနိုင်ပြီလို့ ယူဆလို့ အပြီးသတ်ချေမှုန်းရေး တိုက်ပွဲဆင်လိုက်တာပါပဲ။
ကျွန်မတို့ ရှင်းရှင်းနားလည်ထားကြရမှာက ၂ဝဝ၈ အခြေခံဥပဒေဆိုတာ နိုင်ငံတော်မှာ စစ်အာဏာရှင်စနစ်
ထူထောင်ရေး၊ စစ်အစိုးရက ဖွဲ့စည်းပုံနဲ့ အုပ်ချုပ်နိုင်ရေးတို့အတွက် ရေးဆွဲထားတဲ့ ဖွဲ့စည်းပုံဥပဒေဖြစ်ပါတယ်။

နိုင်ငံရေးပါတီများ မှတ်ပုံတင်ခြင်းဥပဒေဆိုတာ စစ်အာဏာရှင်စနစ်ကို ဆန့်ကျင်နေတဲ့
ဒီမိုကရေစီအင်အားစုပါတီများကို အပြီးသတ်ချေမှုန်းဖို့ ထုတ်ပြန်ထားတဲ့ ဥပဒေဆိုတာပါဘဲ။
ပါတီတည်မြဲရေးအတွက် ပါတီမှတ်ပုံတင်ရမယ်။ ရွေးကောက်ပွဲဝင်ရမယ် ဆိုတဲ့ အဆိုပြုချက်ကို
အတည်ပြုလိုက်ရင် - - -
- ဒီမိုကရေစီခေါင်းဆောင် ဒေါ်အောင်ဆန်းစုကြည်ကို NLD ပါတီကနေထုတ်ပြစ်ရပါမယ်။
- ၂ဝဝ၈ ဖွဲ့စည်းပုံကို ထိန်းသိမ်းစောင့်ရှောက်ပါမယ်လို့ သစ္စာဆို ဝန်ခံကတိပြုလက်မှတ်ရေးထိုး
ရပါမယ်။ လက်နက်ချရပါမယ်။
- ပါတီမှတ်ပုံတင်မယ်၊ ရွေးကောက်ပွဲဝင်မယ်၊ ဒီအလုပ်တွေကို လုပ်လိုက်တာနဲ့ NLD ပါတီဟာ
ပျက်သွားပါပြီ။ မြန်မာနိုင်ငံမှာ NLD ပါတီဆိုတာ မရှိတော့ပါဘူး။ ပါတီတည်မြဲရေးဆိုတာ အဓိပ္ပါယ်မဲ့တဲ့
အဆိုပြုချက်ဘဲ ဖြစ်ပါတယ်။ ဒီအဆိုကို တင်သွင်းခဲ့တဲ့ အဆိုရှင်နဲ့ အဆိုထောက်ခံသူများဟာအမျိုးသားသစ္စာဖောက်၊ ဒီမိုကရေစီရေး သစ္စာဖောက်၊ စစ်အာဏာရှင်အစိုးရထံ လက်နက်ချတဲ့ လူတစ်စု၊
စစ်အုပ်စုနောက်လိုက် ဂိုဏ်းတစ်ဂိုဏ်းသာ ဖြစ်သွားပါတော့တယ်။ ၎င်းအဆိုရှင်နဲ့ နောက်လိုက်နောက်ပါတို့ဟာ
၂၁ နှစ်ကြာ ကိုယ်ကျိုးစွန့်အနစ်နာခံ တိုက်ခိုက်ကြရာက ကိုယ်ကျိုးအရိုးအရင်းကလေးတောင်မှ မကိုက်လိုက်ရဘဲ
နိုင်ငံရေး “ကျားသေ” များဖြစ်ကြရမှာ သေချာပါတယ်။ စစ်အာဏာရှင် ဆန့်ကျင်ရေးတိုက်ပွဲမှာ “ဝိဓူရ” ဘွဲ့ရခဲ့ပြီး၊
စစ်အာဏာရှင်နဲ့ ဆက်ဆံရေး အမှားတစ်ချက်ကြောင့် “ဝိဓူရ” ဘွဲ့နဲ့ “ခွေးကတက်” ဘွဲ့ အလဲခံရပြီး နိုင်ငံရေး
“ကျားသေ” ဘဝနဲ့ ဇာတ်သိမ်းခဲ့ရတဲ့ အတိုက်အခံနိုင်ငံရေးသမိုင်းကို သတိရကြပါလို့ ၊ အချိန်မှီပြင်ဆင်နိုင်ရန်
ရဲဘော်ရဲဘက်စိတ်ထားနဲ့ သတိပေးလိုက်ရပါတယ်ရှင့်။
အဖွဲ့ချုပ်ခေါင်းဆောင်ကြီးများရှင့် - - -

၁။ ၂၉-၃-၂ဝ၁ဝ ဗဟိုဦးးစီးအဖွဲ့အစည်းအဝေးမှာ “ပါတီ တည်မြဲရေး” အတွက်၊ မှတ်ပုံတင်-ပြန်တင်ရမယ်၊
ရွေးကောက်ပွဲဝင်ရမယ် ဆိုတဲ့အဆိုကို ဗဟိုဦးးစီးအဖွဲ့ဝင်များက တညီတညွတ်တည်း ပယ်ချလိုက်ကြပါလို့
အလေးအနက် တိုက်တွန်းတောင်းဆိုအပ်ပါတယ်။
၂။ အဆိုရှင်နဲ့ နောက်လိုက်နောက်ပါများကိုလည်း ယင်းတို့၏ အဆိုများးကို အချိန်မီ ပြန်လည်ရုပ်သိမ်းရန်နှင့်
လမ်းမှားမလိုက်မိကြပါစေနဲ့လို့ အနူးအညွတ် မေတ္တာရပ်ခံ ပန်ကြားအပ်ပါတယ်။
၃။ အကယ်၍ ဒီအဆိုကို မဲခွဲဆုံးဖြတ်ရမည်ဆိုပါရင် အဆိုရှင်နှင့် ထောက်ခံသူများ၊ ကန့်ကွက်သူများသည်
နိုင်ငံရေးခေါင်းဆောင်များပီပီ လျှို့ဝှက်မဲပေးစနစ်ကို မကျင့်သုံးကြရန်နှင့် မိမိတို့၏ ရပ်တည်ချက်ကို ရဲရဲတင်းတင်း
ပွင့်ပွင့်လင်းလင်း ဗြောင်(ပြောင်) မဲပေးစနစ်နဲ့ ပြသကြပါလို့ တောင်းဆိုပါတယ်ရှင့်။
၎။ ကျွန်မတို့ မိတ္ထီလာမြို့နယ်ကတော့ “ဒေါ်အောင်ဆန်းစုကြည်နဲ့ အတူရပ်တည်မယ်” လို့
ကြေညာလိုက်ပါတယ်။

အမျိုးသားဒီမိုကရေစီအဖွဲ့ချုပ် ရပ်တည်ရေးNLD အဖွဲ့ချုပ် ရပ်တည်ရေးကို ဆက်လက်တင်ပြပါမယ်။ အမျိုးသားဒီမိုကရေစီအဖွဲ့ချုပ်ဘယ်လိုရပ်တည်နိုင်တယ်။ မြဲနိုင်တယ်ဆိုတာကို “လုပ်ဖော်ကိုင်ဖက်များနှင့် အဖွဲ့ချုပ်ခေါင်းဆောင်ကြီးများသို့”ဆိုတဲ့ ကျွန်မရဲ့ ပန်ကြားချက်စာတမ်းမှာ အပြည့်အစုံ တင်ပြထားပါတယ်။ ဒီပန်ကြားချက်စာတမ်းထဲကလိုအပ်သလို ကောက်နှုတ်ဖော်ပြပါမယ်။

ကျွန်မတို့ အမျိုးသားဒီမိုကရေစီအဖွဲ့ချုပ် NLD မှာ ..
- မှန်ကန်တဲ့ “တရား” ၊ မှန်ကန်တဲ့ “နိုင်ငံရေးလမ်းစဉ်” ရှိပါတယ်။
- မြန်မာ့နိုင်ငံရေး၊ ကမ္ဘာ့နိုင်ငံရေးမှာ ဖယ်ထားလို့မရတဲ့ နိုင်ငံရေးခေါင်းဆောင်ဒေါ်အောင်ဆန်းစုကြည် ရှိပါတယ်။
- ပြည်တွင်းမှာ လူမျိုးစု၊ လူမျိုးစုံနဲ့ ပြည်သူလူထုကြီးရဲ့ ထောက်ခံမှုကို အပြည့်အဝရရှိထားပြီး
ဖြစ်ပါတယ်။
- ကုလသမဂ္ဂနဲ့ ကမ္ဘာ့နိုင်ငံတကာ ဒီမိုကရေစီအင်အားစုကြီးများ၊ ကမ္ဘာ့နိုင်ငံကြီး၊ နိုင်ငံငယ်ပေါင်းစုံက
ကျွန်မတို့ NLD ဘက်မှာ ရပ်တည်နေပါတယ်။
- ကျွန်မတို့ NLD ပါတီမှာ ဒီမိုကရေစီယုံကြည်ချက်အပြည့်နဲ့ ၂၁-နှစ်တိုင်တိုင် ကြံ့ကြံ့ခံရပ်တည်ခဲ့တဲ့
သံမဏိစိတ်ဓါတ်နဲ့ ပါတီဝင်များလည်း ရှိနေကြပါတယ်။
ဒါ့ကြောင့် ဘယ်အာဏာရှင်ရဲ့ ဘယ်အမိန့်အာဏာနဲ့မှ ကျွန်မတို့ NLD ပါတီကို ချေမှုန်းလို့မရနိုင်ပါဘူး။ ကျွန်မတို့
ဒီကနေ့ ထိပ်တန်းတင်ရမှာက “ပါတီတည်မြဲရေး” ဖြစ်ပါတယ်။ ပါတီတည်မြဲရေးအတွက်
လက်နက်ချရမှာမဟုတ်ဘူး။ စစ်အာဏာရှင်ပြုသမျှ ငုံ့ခံရမှာမဟုတ်ဘူး။ ဒေါ်အောင်ဆန်းစုကြည်ကို
ထုတ်ပစ်ရမှာမဟုတ်ဘူး။ ပါတီတည်မြဲရေးအတွက် တိုက်ပွဲဝင်ရမယ်။ ခုခံတိုက်ကြရမယ်။
ဒေါ်အောင်ဆန်းစုကြည်ရဲ့ “မတရားတဲ့အမိန့်အာဏာဟူသမျှ တာဝန်အရဖီဆန်ကြ” - လမ်းညွှန်မှုကို
လိုက်ကြရမှာဖြစ်ပါတယ်။

ပထမဆုံး နိုင်ငံရေးပါတီများ ရက်ပေါင်း (၆ဝ) အတွင်းမှတ်ပုံတင်ရမယ်ဆိုတဲ့ ဥပဒေကို ရှေ့တန်းတင်
တိုက်ရပါမယ်။ ပါတီရဲ့ တခြားပေါ်လစီတွေကို ယာယီလျှိုထားရပါမယ်။ အခွင့်သာမှ ရှေ့ထုတ်သင့်တဲ့အခါမှ
ထုတ်ရပါမယ်။
(၁) နိုင်ငံရေးပါတီများ မှတ်ပုံတင်ရေးကို ကန့်ကွက်ရပါမယ်။ ဖျက်သိမ်းပေးဖို့ တောင်းဆိုရပါမယ်။
နိုင်ငံရေးပါတီများမှတ်ပုံတင်ရေးဆိုတာ မြန်မာနိုင်ငံမှာ မရှိခဲ့ဘူးပါ။ ဗိုလ်ချုပ်မှူးကြီးစောမောင် မာရှယ်လော
အုပ်ချုပ်ရေးခေတ်မှာမှ စပေါ်လာတာပါ။ “မာရှယ်လောအုပ်ချုပ်ရေး” ဆိုတာ စစ်ဗိုလ်ချုပ်ကြီးရဲ့
စိတ်သဘောဆန္ဒအလျောက်၊ အလိုဆန္ဒအတိုင်း အုပ်ချုပ်တာဖြစ်တယ်လို့ ဗိုလ်ချုပ်မှူးကြီးစောမောင်က
ရှင်းပြပါတယ်။ လက်ရှိအုပ်ချုပ်ရေးက စစ်အစိုးရဆိုပေမယ့် နိုင်ငံတော်အေးချမ်းသာယာရေးနဲ့
ဖွံ့ဖြိုးရေးကောင်စီပါ၊ ကောင်စီအဆင့်ဆင့်နဲ့ အုပ်ချုပ်တာပါ။ “မာရှယ်လောအုပ်ချုပ်ရေး” မဟုတ်တော့ပါဘူး။
ရွေးကောက်ပွဲနဲ့၊ လွှတ်တော်နဲ့၊ သမတနဲ့၊ ဖွဲ့စည်းအုပ်ချုပ်ပုံစည်းမျဉ်းးစည်းကမ်းဥပဒေနဲ့ပါ။ ဒါ့ကြောင့်
ဒီအုပ်ချုပ်ရေးစနစ် အောက်မှာ မာရှယ်လောစစ်အုပ်ချုပ်ရေးစနစ်လက်အောက်က လုပ်ခဲ့တဲ့ “နိုင်ငံရေးပါတီများ
မှတ်ပုံတင်ရေး” ကို လက်မခံနိုင်ကြောင်း၊ ကန့်ကွက်ကြောင်းနဲ့ ဖျက်ပေးဖို့ တောင်းဆိုကြောင်းကို အဖွဲ့ချုပ်က
ပြုလုပ်ရပါမယ်။(နိုင်ငံရေးပါတီများကို လွတ်လပ်စွာ ဖွဲ့စည်းခွင့် ပေးရပါမယ်။ နိုင်ငံတော်ကို ဖျက်ဆီးတဲ့
ပါတီပေါ်လာမှ မတရားသင်းဥပဒေနဲ့ အရေးယူဖျက်သိမ်းရမှာဖြစ်တယ်ဆိုတဲ့ ဥပဒေကရှိပြီးသားဖြစ်ပါတယ်။
နိုင်ငံရေးပါတီများဟာ တည်ဆဲဥပဒေဘောင်အတွင်း ရပ်တည်နေသမျှ တရားဝင်တည်ရှိခွင့်ပေးရပါမယ်
ပါတီမှတ်ပုံတင်တင်၊ မတင်တင် ဖျက်သိမ်းခွင့်မရှိပါ။)
(၂) နိုင်ငံရေးပါတီများဟာ ၂ဝဝ၈ ဖွဲ့စည်းအုပ်ချုပ်ပုံအခြေခံဥပဒေကို ထိန်းသိမ်းစောင့်ရှောက်ပါမယ်လို့
ဝန်ခံကတိပြု လက်မှတ်ထိုးရမယ်။ ဒါမှ ပါတီမှတ်ပုံတင်ခွင့်ပေးမယ်။ ရွေးကောက်ပွဲဝင်ခွင့်ပေးမယ် ဆိုတဲ့
စည်းမျဉ်းကို ကန့်ကွက်ရပါမယ်။ ဖျက်သိမ်းပေးဖို့တောင်းဆိုရပါမယ်။ ဒီ နအဖရဲ့ စည်းမျဉ်းကန့်သတ်ချက်ဟာ
“ပါတီစုံစနစ်”မဟုတ်ဘူး။ တစ်ပါတီစနစ်ရဲ့ အမိန့်အာဏာဖြစ်နေပါတယ်။ “ပါတီစုံစနစ်” ဆိုတာဘာလဲ၊ ဝါဒစုံ၊
လမ်းစဉ်စုံ၊ ကိုင်စွဲထားတဲ့ပါတီပေါင်းစုံကို လွတ်လပ်စွာ ပါတီထူထောင်ခွင့်၊တည်ရှိခွင့်ပေးထားတဲ့စနစ်ဖြစ်ပါတယ်။ ဦးနေဝင်းရဲ့ မဆလအစိုးရလက်ထက်မှာ တခြားပါတီတွေကို ဥပဒေပြဌာန်းပြီး ဖျက်သိမ်းခဲ့ပါတယ်။ အဲဒါကိုမဆလ တစ်ပါတီအာဏာရှင်အစိုးရလို့ခေါ်ပါတယ်။ တရုပ်ပြည်ဟာ ကွန်မြူနစ်ပါတီ တစ်ပါတီထဲဘဲရှိလို့အဲဒါတစ်ပါတီအာဏာရှင်စနစ်ဘဲ ဖြစ်ပါတယ်။
လက်ရှိ ၂ဝဝဂ ဖွဲ့စည်းပုံကို စစ်အာဏာရှင်စနစ်ထူထောင်တဲ့ ဖွဲ့စည်းပုံစည်းမျဉ်ဥပဒေလို့ NLD နဲ့
ဒီမိုကရေစီအင်အားစုများက ကန့်ကွက်နေကြတာဖြစ်ပါတယ်။ ဒီမိုကရေစီဝါဒ လက်ခံထားတဲ့ ပါတီတွေကို၊
စစ်အာဏာရှင်စနစ်တည်ဆောက်ရန် ရေးဆွဲပြဌာန်းထားတဲ့ ၂ဝဝ၈ အခြေခံဥပဒေကို
ထိန်းသိမ်းစောင့်ရှောက်ပါမယ်လို့ ထောက်ခံပါမှ ပါတီတွေ ဖွဲ့ခွင့်ပေးမယ်ဆိုတာဟာ ပါတီစုံစနစ်နဲ့
ဆန့်ကျင်နေပါတယ်။ ဘာပါတီ၊ ညာပါတီနဲ့ ပါတီအမည်တွေ ကွဲနေသော်လည်းဘဲ စစ်အာဏာရှင်စနစ်တစ်ခု
တည်းက လက်ခံထူထောင်ခွင့်ရထားတဲ့ ပါတီတွေဖြစ်နေလို့မို့ တစ်ပါတီစနစ်ဘဲဖြစ်ပါတယ်။ မဆလ
ပါတီတစ်ခုထဲ ကျင့်သုံးခဲ့တဲ့ မြန်မာပြည်နဲ့၊ ကွန်မြူနစ် တစ်ပါတီထဲကျင့်သုံးနေတဲ့ တရုပ်ပြည်မှာ တစ်ပါတီ
အာဏာရှင်စနစ်ဆိုပေမဲ့ မဆလကို ထောက်ခံတဲ့၊ တရုပ်ကွန်မြူနစ်ပါတီကို ထောက်ခံတဲ့ အလုပ်သမားသမဂ္ဂ၊
လယ်သမားသမဂ္ဂ၊ တေဇလူငယ်၊ လမ်းစU်လူငယ်၊ ကွန်မြူနစ်လူငယ်၊ ဘာအဖွဲ့ ညာအဖွဲ့ ဆိုတဲ့
ပါတီအဖွဲ့အစည်းများ တစ်ပါတီထက်ပိုပြီး တစ်ဖွဲ့ထက်ပိုပြီး ရှိကြပေမဲ့ ဆိုလိုတာက ဒါဟာ ပါတီစုံမဟုတ်ဘူး။ “ဒီ
၂ဝဝ၈ အခြေခံဥပဒေကို ထိန်းသိမ်းစောင့်ရှောက်ပါ့မယ်လို့ ဝန်ခံကတိပြု လက်မှတ်ရေးထိုးထောက်ခံပြီးမှ
ပါတီထူထောင်ရတာဟာ ပါတီစုံစနစ်နဲ့ မကိုက်ညီဘူး။ တစ်ပါတီစနစ်ဘဲဖြစ်လို့ အဖွဲ့ချုပ်ဗဟိုက
ကန့်ကွက်ရပါမယ်။ ဖျက်သိမ်းပေးရန် တောင်းဆိုရပါမယ်။”
(၃) နိုင်ငံရေးပါတီများ ရွေးကောက်ပွဲဝင်ရမယ်၊ မဝင်ရင် ပါတီမှတ်ပုံတင်ရုတ်သိမ်းမယ်ဆိုတဲ့ အမိန့်အာဏာကို
ကန့်ကွက်ရပါမယ်။ ဖျက်သိမ်းပြစ်ဖို့တောင်းဆိုရပါမယ်။ ဘာ့ကြောင့်လဲဆိုတော့ နိုင်ငံရေးပါတီဖွဲ့တယ်ဆိုတာဟာ
နိုင်ငံအတွင်းမှာရှိတဲ့ လူအပေါင်းတို့ရဲ့အရေးကိုလုပ်ဖို့ဖြစ်ပါတယ်။ နိုင်ငံရေးလုပ်ရာမှာ နိုင်ငံတော်အာဏာကို
ရယူပြီး နိုင်ငံရေးလုပ်မဲ့ပါတီက ရွေးကောက်ပွဲကိုဝင်ပြီး အာဏာယူရပါမယ် နိုင်ငံရေးအာဏာမယူဘဲ
နိုင်ငံရေးလုပ်မဲ့ပါတီအဖွဲ့အစည်းက ရွေးကောက်ပွဲကိုမဝင်ဘူး။ ဝင်စရာမလိုဘူး ဥပမာ-လယ်သမားပါတီ၊
လယ်သမားအဖွဲ့က လယ်သမားအရေးဘဲလုပ်မယ်။ အလုပ်သမားပါတီ၊ အလုပ်သမားအဖွဲ့က အလုပ်သမားအရေး
လုပ်မယ်။ သူတို့က အာဏာယူလုပ်မှဖြစ်မယ်ဆိုရင် ရွေးကောက်ပွဲဝင်မှာပေါ့။ အာဏာမယူဘဲ လုပ်လို့ရတဲ့
နိုင်ငံရေးဆိုရင် ရွေးကောက်ပွဲမဝင်ဘဲ အလုပ်လုပ်လို့ရပါတယ်။ ရွေးကောက်ပွဲဝင်မှ နိုင်ငံရေးပါတီဖွဲ့ရမယ်ဆိုတဲ့
အမိန့်အာဏာဟာ အဓိပ္ပါယ်မရှိပါဘူး။ ဒီအမိန့်အာဏာဟာ နိုင်ငံရေးနားမလည်လို့ထုတ်တဲ့ အမိန့်အာဏာ
ဖြစ်ပါတယ်။ ၎င်းအမိန့်အာဏာကို ကန့်ကွက်ကြောင်းနဲ့ ဖျက်သိမ်းရန်တောင်းဆိုကြောင်း အဖွဲ့ချုပ်က
လုပ်ရပါမယ်။
(၄) ရွေးကောက်ပွဲကော်မရှင်ဟာ ယ္ခုကျင်းပမဲ့ရွေးကောက်ပွဲအား တရားမျှတတဲ့ ရွေးကောက်ပွဲဖြစ်ရေးအတွက်
စီမံခန့်ခွဲရန် ဖွဲ့စည်းရခြင်းဖြစ်ပါတယ်။ ရွေးကောက်ပွဲမှာ ပြဿနာပေါ်လာရင် တရားမျှတစွာ ရှင်းပေးရပါမယ်။
ရွေးကောက်ပွဲအောင်မြင်စွာပြီးဆုံးတာနဲ့ ရွေးကောက်ပွဲကော်မရှင်က အစိုးရထံ အစီရင်ခံစာတင်ပြီးတာနဲ့
ရွေးကောက်ပွဲကော်မရှင်ရဲ့တာဝန် ကုန်ဆုံးတာဖြစ်ပါတယ်။ ရွေးကောက်ပွဲကော်မရှင်ဟာ
အုပ်ချုပ်မှုအခွင့်အာဏာ တရားစီရင်မှုအခွင့်အာဏာ မရှိပါ။ ဒီအခွင့် အာဏာများဟာ လက်ရှိအုပ်ချုပ်နေတဲ့
အစိုးရမှာသာ ရှိပါတယ်။ ရွေးကောက်ပွဲကော်မရှင်ကို စတင်ဖွဲ့စည်းသည်မှ နောက်ရွေးကောက်ပွဲဖြစ်သည်အထိ
နိုင်ငံအတွင်းရှိ ပါတီအဖွဲ့အစည်းများအား ဖွဲ့စည်းခွင့်ပေးခြင်း၊ စီမံအုပ်ချုပ်ခြင်း၊ အရေးယူအပြစ်ပေးခြင်း၊
ဖျက်သိမ်းခွင့်ရှိခြင်း စသည့် အခွင့်အာဏာများကို နအဖက လွှဲအပ်ထားခြင်းဟာ နိုင်ငံအတွင်းမှာ နအဖက
အစိုးရတစ်ဖွဲ့ ထပ်ဖွဲ့စည်းပေးခြင်းဖြစ်ပါတယ်။ ရွေးကောက်ပွဲကတက်လာတဲ့ အစိုးရကိုပါ
အစိုးရသက်တမ်းတစ်ရပ်အတွင်း အုပ်ချုပ်ခြင်း၊ တရားစီရင်ခြင်း ပြုလုပ်နိုင်တဲ့ ရွေးကောက်ပွဲကောက်မရှင်
အစိုးရကို နအဖက ဖွဲ့စည်းပေးထားခြင်းဖြစ်ပါတယ်။ ဒီရွေးကောက်ပွဲကော်မရှင်ကို ဖွဲ့စည်းပြီး
အာဏာအပ်နှင်းခြင်းနှင့် ဥပဒေပြဌာန်းခြင်းဟာ မြန်မာနိုင်ငံအတွင်းမှာ အစိုးရတစ်ရပ်
ထူထောင်ပေးထားတာဖြစ်ပါတယ်။ ဒါ့ကြောင့် နအဖစစ်အစိုးရရဲ့ ဥပဒေမဲ့ ဒီလုပ်ဆောင်ချက်ကို
လက်ခံကြရမည်မဟုတ်ပါ။ ကန့်ကွက်ရပါမယ်။ ဖျက်သိမ်းဖို့တောင်းဆိုရပါမယ်။ ဖျက်သိမ်းပေးတဲ့အထိ
တိုက်ပွဲဝင်ရပါမယ်။
ကျွန်မတို့ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်ကလည်း ပါတီဝင်ထုနဲ့ ပြည်သူလူထုကို
မှာကြားချက်များမှာ တရားမျှတမှုမရှိတဲ့ ဒီလိုဥပဒေမျိုးကို တညီတညွတ်တည်း တုန့်ပြန်ကြဖို့လိုကြောင်း၊
လက်ရှိနိုင်ငံရေးအကျပ်အတည်းတွေ များလာတာဟာ လုပ်သင့်လုပ်ထိုက်တဲ့ အလုပ်တွေကို
ပိုပြီးထိထိရောက်ရောက် ဆောင်ရွက်နိုင်ဖို့အတွက် ခွန်အားဖြစ်စေတဲ့အကြောင်း ဒီဥပဒေတွေကြောင့်
ပါတီဝင်ရပ်တည်ခွင့် ၊ ပါတီရပ်တည်ခွင့်တွေနဲ့ ပတ်သက်ပြီးစိုးရိမ်ဖို့ မလိုကြောင်း မှာကြားချက်နဲ့အညီ ကျွန်မတို့
အဖွဲ့ချုပ်အဖွဲ့ဝင်ပါတီဝင်ထုတစ်ရပ်လုံးက ပါတီရပ်တည်နိုင်ရေးအတွက် ဥပဒေဘောင်အတွင်းမှ
နိုင်ငံရေးလမ်းကြောင်းအရ ညီညီညွတ်ညွတ် ရင်ဆိုင်ရပ်တည်ကြပါစို့ဟု တိုက်တွန်းလိုက်ရပါသည်။
မိတ္တူကို- ဒေါ်မြင့်မြင့်အေး
- CEC အဖွဲ့ဝင်များ အတွင်းရေးမှူး
- C.C. အဖွဲ့ဝင်များ မြို့နယ်စည်းရုံးရေးအဖွဲ့
- မြို့နယ်အဖွဲ့ချုပ်အဖွဲ့ဝင်များ အမျိုးသားဒီမိုကရေစီအဖွဲ့
မိတ္ထီလာမြို့နယ်။
သို့/ ၂၆ - ၃ - ၂ဝ၁ဝ
………………………………………………………..
…………………………………………………………