ပေဖူးလွှာမဂ္ဂဇင်းမှ ကူးယူဖော်ပြပါသည်။
အဲဒီဝိုင်းကတော့ တော်လှန်စာပေ ဆရာကြီးများ ဖြစ်တဲ့ မောင်နေ၀င်း၊ မင်းကျော်၊ နတ်နွယ်နှင့် ဆရာမြတို့ပါပဲ။
အိမ်ရှင်အခန်းကတော့ ကိုဦးပေါ့လေ။အဲဒီဝိုင်းကိုလည်းအမြဲတမ်း မရောက်ပေမယ့် တတ် နိုင် သမျှ ကြုံတိုင်း ရောက်ပါတယ်။ ဘာသာ စကားတူကြတဲ့ စကားဝိုင်း ဖြစ်လေတော့ ဘယ်လောက်ပဲ ဘယ်နှစ်ကြိမ်ပဲ ဆုံကြ၊ ဆုံကြ၊ ပြောကြ၊ ပြောကြ မပြီးနိုင် တော့ဘူးလေ။ အဲဒီဝိုင်းမှာတော့ မောင်မိုးသူက အငယ်ဆုံးလေ။ စာရေးဆရာလေး ယောက်စလုံးဟာ မောင်မိုးသူ အရွယ် ရောက်စ စာပေ နယ်ဝင်စကပဲ ပေါင်းလာ တာဖြစ်လေတော့ နှစ်ပေါင်း ၅၀ လောက် ရှိနေ ကြပြီလေ။ အခန်းရှင် ကိုဦးကလည်း ခင်မင်ပြီးသား။ အဲ ကိုဦးကလည်း အဲဒီဝိုင်း ကို အစားအသောက်၊ အကျွေးအမွေးများ တာဝန်ယူပါတယ်။
လူကလည်း ညီ၊ စားလို့ သောက်လို့ကောင်း၊ ပြောလို့ဆိုလို့လည်း ကောင်းဆိုတော့ အဆင်ပြေ လှပါတယ်။ အဲ ကိုဦးရဲ့ ကြံ ကြံဖန်ဖန် လုပ်ကျွေးတာမျိုးကိုလည်း ကြောက်ကြောက်နှင့် စားဖူးရတာ ရှိပါတယ်။ကိုဦးဟာ မင်းသား၊ မင်းသားတောင်မှ လှပေ့ ချောပေ့ ဆိုတဲ့ မင်းသား။ ဒါ ကြောင့် အနေအထိုင်၊ အစားအသောက်မှာ အင်မတန် သန့်ရှင်းလှပ ပေလိမ့်မယ်လို့ မထင်လိုက် ကြပါနဲ့။ ကိုဦးဟာ အစားအသောက်မှာ အလွန် ကံကြံဖန်ဖန်၊ ဆန်းဆန်းပြားပြားများ စားသောက်တတ်တဲ့ အပြင် အနေအထိုင် ကလည်း အလွန် ပစ္စလက်ခတ် နေတတ်သူ ဖြစ်ပါတယ်။
ကြံကြံဖန်ဖန် ဘယ်လောက်များ စားသလဲဆိုရင် တစ်ခါတော့ ငါးပူတင်းတွေ ကြော်ကျွေးပါတယ်။ ငါးပူတင်းဟာ အဆိပ် ပြင်း တယ်လို့ ကြားဖူးတယ်လေ။ မောင်မိုးသူတို့က ဘယ်စားရဲမလဲ။ ကိုဦးကတော့ ဘာအိတ်ဆိုလား မသိပါဘူး။ အဲဒါကို ထုတ် လိုက်ရင် အဆိပ် လုံးဝမရှိတော့တဲ့ အပြင် ငါးပူတင်းရဲ့ အသားဟာ တခြား ငါးအသားများနှင့် မတူဘဲ အလွန် စားကောင်းကြောင်း ပြောပြီး သူကိုယ်တိုင် အဆိတ်အိတ်ထုတ်၊ သူကိုယ်တိုင်ကျော်၊ သူကိုယ်တိုင် စားပြပြီး ကျွေးပါတယ်။ အဲဒီတော့မှ သူတောင် စားသေးတာ သူမှ ဘာမှ မဖြစ်တာ ဆိုပြီး မောင်မိုးသူတို့လည်း စားပါတယ်။ မှန်ပါတယ်။စားလို့ ကောင်းပါတယ်။ ဒါပေမယ့် အဲဒီ တစ်ကြိမ်ပဲ စားဖူးတာ ဖြစ်ပါတယ်။
တစ်ခါလည်း သင်ပေါင်းပိုးတွေကို ကျော်ကျွေးပါတယ်။ သင်ပေါင်းပိုးဆိုတာ ဖြူဖြူလုံးလုံး တွန့်တွန့် တွန့်တွန့်ကြီး အရှင်တွေ အဲဒါ ဆီပူထိုးလိုက်မှ နီရဲပြီး ကျွတ်သွားတာ။ ကြိုက်သူများ အလွန်ကြိုက် တယ်လို့ ဆိုပါတယ်။ မောင်မိုးသူလည်း ကြောက်ကြောက် ရွံ့ရွံ့နှင့် ကိုဦးကျော် ကျွေးတာ စားဖူးပါတယ်။
အဲ စကားဝိုင်းကတော့ အနုပညာ အကြောင်းအရာ အစုံပါပဲ။ စာပေ၊ ဂီတ၊ ရုပ်ရှင် စုံတကာ စေ့နေတာပါပဲ။ စကားဝိုင်းမှာ အိမ်ရှင် ကိုဦးကလည်း အတော် ပြောနိုင်တဲ့ ပုဂ္ဂိုလ်၊ ကျန်လေးယောက်မှာလည်း ကိုနတ်နွယ်က လွဲရင် ကျန်သုံးယောက်က စကား ပြောရာမှာ ချန်ပီယံတွေ ဆိုတော့ အကြောင်းအရာတိုင်းမှာ လူတိုင်း ပြောစရာတွေ ရှိပြီး ပြောကြ၊ ဆိုကြတာပေါ့။ မောင်မိုးသူလည်း အငယ်ဆုံးဖြစ်ပေမယ့် ဘာသာစကား တူလေတော့ အော်ကျယ် အော်ကျယ်နှင့် ၀င်ပြောပါတယ်။ သူတို့ကလည်း မောင်မိုးသူကို အငယ်ဆိုပြီး နှိမ်ပြောတာတွေ ရှိတာပေါ့။ အထူးသဖြင့် ကိုနေ၀င်း (စာရေးဆရာ မောင်နေ၀င်း) ဟာ မောင်မိုးသူကို ချစ်လည်း ချစ်ပြီး အမြဲ စပြီး နောက်ပြောင်လေ့ ရှိပါတယ်။ ဒီတော့ အဲဒီ စကားဝိုင်းတွေဟာ ပျော်စရာ ကောင်းပေမယ့် သိပ်ပြီး အားမရဘူး။ ဆရာမြနှင့် သီးခြား စကားစမြည် ပြောချင်တတ်ပါတယ်။
ဆရာမြနှင့် စကားစမြည် ပြောဖို့ စီစဉ် ရတာလည်း အကုန်အကျက သိပ်မသေးဘူး ခင်ဗျ။ ကိုဦးဆီမှာတော့ ကိုဦးက အားလုံး တာဝန်ယူတာလေ။ သီးခြား ဆိုင်တစ်ဆိုင်မှာ ဆုံမှတ် ဆိုတော့ အဖျော်ယမကာနှင့် အစားအသောက်ဖုံးက လွှဲသကိုး။ အစ်ကို ဖြေရှင်းရတာလည်း သိပ်မခက်ပါဘူး။ ဘ၀ တက္ကသိုလ် စာပေတိုက်က ကိုနေ၀င်းတို့ အဖော်တပ် လိုက်ရုံပါပဲ။ မောင်မိုးသူက ၀ီစကီတစ်လုံး ၀ယ်လိုက်ရုံပဲ။ ကိုနေ၀င်းက အစားအစာ တာဝန်ယူပေါ့။ အဲဒီတုန်းက ၀ီစကီတစ်လုံးက ခြောက်ထောင်၊ ခုနှစ်ထောင် ပဲ။ အစား အစာကသာ သောင်းကျော်တာ၊ ကိုနေ၀င်းက ဆရာမြနှင့် ဆုံဖို့ စကားဆိုရင် ဘယ်တော့မဆို အဆင်သင့်ပါပဲ။ လူက တော့ ဆရာ၊ ကိုနေ၀င်းနှင့် မောင်မိုးသူ သုံးယောက်ထဲ ဖြစ်တဲ့ အခါ ဖြစ်တယ်။ တစ်ခါတစ်ရံ မောင်ဝံသလည်း ပါတတ်တယ်။ များသောအားဖြင့် ကမ်းနားက နန်းသီတာ အပေါ်ထပ်ကာ မြစ်ပြင်ကို ကြည့်ပြီး စကား ပြောကြတာပါ။ ၀ီစကီ တစ်လုံးဟာ သုံး ယောက်၊ လေးယောက် ဆိုရင် အတော်ပါပဲ။ စကားပြောလို့ဆိုလို့ ကောင်းပါတယ်။
များသောအားဖြင့်တော့ စာပေ အကြောင်း၊ ကမ္ဘာ့ စာပေ၊ မြန်မာစာပေ၊ ကမ္ဘာ့စာရေးဆရာ၊ မြန်မာ စာရေးဆရာတွေ အကြောင်း တွေပါပဲ။ ဆရာမြနှင့် မောင်မိုးသူတို့ဟာ နေရာတိုင်းမှာ အယူအဆ တူသူများ မဟုတ်ပါဘူး။ အခြေခံ မူကတော့ တူတာ များပါ တယ်။ ဒါပေမယ့် သီးခြားအသေး စိတ်ကိစ္စလေးတွေမှာတော့ မတူ ကွဲပြားလေတော့ ငြင်းရ ခုန်ရတာပေါ့။ ကိုနေ၀င်းကတော့ ပြုံး ပြုံး ပြုံးပြုံးနှင့် နားထောင်သမား။ မောင်ဝံသကတော့ မနေပါဘူး။ တစ်ခါတလေ မောင်မိုးသူ ဘက်က တစ်ခါတလေ ဆရာမြ ဘက်က ၀င်ထောက်ခံပြီး ပြောလေ့ ရှိပါတယ်။
လေနည်းတဲ့ ကိုနေ၀င်းကိုလည်း လျှော့မတွက်ကြပါနှင့်။ သူကလည်း ချက်ကောင်းကျရင် တချက်ကောင်း ၀င်ဝင်ပြီး ပြောလေ့ ရှိတယ်။ အဲဒီလို အဲဒီလိုနှင့် ဆရာမြ ကိုမောင်မိုးသူ၊ ကိုနေ၀င်းတို့ ကြုံရင် ကြုံသလို ဆုံကြပါတယ်။ အဲဒီ အချိန်တုန်းက ကိုနေ၀င်းရဲ့ အစ တက္ကသိုလ် စာပေတိုက်မှာ ဆရာမြရော မောင်မိုးသူပါ စာအုပ်တွေ ရေးနေကြတာ ဖြစ်ပါတယ်။ စကားစမြည်ဟာ အလွန် ကောင်းပါတယ်။ခုကျမှ စဉ်းစားမိတာက အဲဒီ စကား ၀ိုင်းတွေကို ကက်ဆက်တို့၊၊ ဘာတို့နှင့် အသံ ဖမ်းထားခဲ့ မိရင် ကောင်းမှာပဲလို့ တွေးမိပါတယ်။ စကားဝိုင်းရဲ့ သဘောကတော့ ကိုယ်တစ်ယောက်ထဲ စကားတစ်လုံး ပြောသလို မဟုတ်ဘူးလေ။ တစ်ဖက်လူရဲ့ အတွေးအမြင် အယူအဆကိုလည်း ရတာ တူတာကို သဘောတူ မတူတာကို ငြင်းရ တာကိုး။ ဒီတော့ တိုးတက်မှု ရှိလှပါတယ်။
ဆရာမြနှင့် စကားစမြည် ပြောရတာ ကောင်းလှပေမယ့် တစ်ပွဲမှာတော့ မောင်မိုးသူ ငုတ်တုတ်ခံလိုက် ရဖူးပါတယ်။ ပွဲဖိတ်သူ ခရစ်ယာန် သာသနာပိုင်ချုပ် အင်ပရေ မြဟန်ခေါ် ကဗျာဆရာ မောင်ပေါက်ခန်းပါပဲ။ မောင်ပေါက်စည်ဟာ မောင်မိုးထက် ၆ နှစ်၊ ၇နှစ်လောက် ကြီးပေမယ့် မန္တလေး တက္ကသိုလ်မှာတုန်းက အတူနေ၊ အတူတွဲ အတူ စာရေးခဲ့ကြသူများ ဖြစ်လို့ အလွန် ရင်းနှီးသူ ဖြစ်ပါတယ်။ တစ်နေ့တော့ သူ့အိမ်မှာ အကျွေးအမွေး အစားအသောက် ပါသူက တာဝန်ယူပြီး ဖိတ်ပါတယ်။ စာရေး ဆရာထဲက မြသန်းတင့်၊ နတ်နွယ်ပါတယ်။ သူငယ်ချင်း ဖြစ်တဲ့ မောင်မိုးသူလည်း ပါတယ်ပေါ့လေ။ တခြား ခရစ်ယန် အသိုင်းအ၀န်းက ပညာ ရှင်တွေလည်း ဖိတ်ကြားလေတော့ ဆယ့်လေးငါးယောက် လောက်ရှိပါတယ်။ စကားစမြည် ပြောတာနှင့် ကမ္ဘာ့ စာပေအကြောင်း ဖြစ်လေတော့ သူတစ်လှည့် ကိုယ်တစ်လှည့် ပြောကြတာပေါ့လေ။
မောင်မိုးသူလည်း ၀င်ပြောတာပေါ့။အဲဒီ အချိန်မှာ သမိုင်းဆရာကြီး ဦးထွန်းအောင်ချိန်နှင့် သမိုင်း အကြောင်း စကားစပ် ရောက် သွားပါတယ်။ဆရာကြီး ဦးထွန်းအောင်ချိန်အာ မြန်မာနိုင်ငံရဲ့ အထိကရ သမိုင်းပညာရှင် တစ်ဦး ဖြစ်ပါတယ်။ ဆရာကြီး ဦးထွန်းအောင်ချိန်နှင့် ဆရာမြတို့ဟာ ရေပက် မ၀င်သမိုင်းဆရာ အကြောင်းအရာ တွေ ပြောကြပါတယ်။ မောင်မိုးသူလည်း ပါးစပ် အဟောင်းသားနှင့် နားထောင် သမားသက်သက် လုပ်နေရတာပေါ့။ သမိုင်းနှင့် ပတ်သက်ပြီး ဆရာ ဒေါက်တာသန်းထွန်းနှင့် ရင်းနှီး ချစ်ခင်တာက လွဲလို့ ဘာမှ မယ်မယ်ရရကြီး ဖတ်ထားမှတ်ထားတာ မရှိဘဲကိုး။
ဟိုးတစ်ခါက ဆရာကြီး ရွှေ ဥဒေါင်းရဲ့ဟောက်တာ ခံရဖူးတာ ပြေးသတိ ရမိပါတယ်။ဆရာကြီး ရွှေဥဒေါင်းရယ်၊ ဆရာဇော်ဂျီရယ်၊ မောင်မိုးသူရယ် ဆုံကြတုန်းက စကားတိုင်းမှာပါ စာပေ အကြောင်း၊ နိုင်ငံရေး အကြောင်းပြောရမှ မောင်မိုးသူ အာဘောင် အာရင်း သန်သန် ပြောသမျှ ဆရာကြီးတို့က သည်းခံ နားထောင်နေရာက ဘာသာရေး အကြောင်း အရာ ရောက်သွားချိန်မှာ မောင်မိုးသူက ဘာလဲ မသိပါဘူး တစ်ခွန်း ၀င်ပြောမိတာကို ဆရာကြီး ရွှေဥဒေါင်းက ဟေ့ကောင် ဘာသာရေး အကြောင်း မင်းဝင်မပါနဲ့ နား ထောင်ရင် နားထောင်၊ နားမထောင်ချင် မစိုးတို့နှင့် ဆီသွားဆိုပြီး ဟောက်လို့ မောင်မိုးသူ နားထောင်သမား သက်သက်ပဲ လုပ်နေ ခဲ့ရ ဖူးပါတယ်။ခုလည်း သမိုင်း အကြောင်းအရာ ဖြစ်လေတော့ မောင်မိုးသူ နားထောင်သမား သက်သက်ပဲ လုပ်ခဲ့ရကြောင်းပါ။
အဲ ဆရာမြနှင့် ပတ်သက်ပြီး ကြုံဖူး တာရှိပါတယ်။ တစ်ခါ ကိုဦးရဲ့ အခန်းမှာပါပဲ။ အဲဒီ အချိန်က ကိုဦးရဲ့ စန္ဒာ မဂ္ဂဇင်းမှာ ဆရာမြက စာတွေ အများကြီး ရေးနေတဲ့ အချိန် ဖြစ်ပါတယ်။ အခန်းထဲမှာ ကိုဦးရယ်၊ ဆရာ မြရယ်၊ မောင်မိုးသူရယ်၊ သုံးယောက်ထဲ သောက် စားပြီး စကားစမြည် ပြောနေ ကြချိန်မှာပါ။ ကိုဦးဆီက ကုလားလေး စိုးနိုင်က ဆရာမြတို့ စန္ဒာထဲမှာ ပါတဲ့ စာမူခများကို ရှင်း ပေးနေပါတယ်။ မောင်မိုးသူတို့လည်း ဒီအတိုင်း ဘာသာလ၀ါ နေလိုက်တော့ ပါပဲ။ အဲဒီအချိန်မှာ စိုးနိုင်က “ဆရာမြ၊ ဆရာမြ မေမေ လှိုင် စာမူခ ကျန်သေး တယ်ခင်ဗျ” လို့ ပြောတော့တာကိုး။
အဲဒီဆရာမြက“ဒီကောင်ကွာ ဒီမောင်မိုးသူ ဆိုတဲ့ မောင်းကွဲကြီး ရှေ့မှာ အဲဒါကို လာပြောရသလားကွ။ သူက အားလုံးကို လျှောက် ပြောမှာလို့ မောင်မိုးသူကို ပုတ်ခတ်ပါတယ်။ မောင်မိုးသူကလည်း မခံပါဘူး။
“ဒီမယ် ဆရာမြ အဲဒီလို မပြောပါနဲ့ မောင်မိုးသူက အင်မတန်မှ နှုတ်လုံပါတယ်။ စိတ်ချ။ ကဲ မောင်မိုးသူ လျှောက်ပြောတဲ့ လူတွေ က နှုတ်မလုံရင်တော့ မတတ်နိုင်ဘူး”လို့ ပြောတာကိုး ဆရာမြက ရယ်မောပြီး အဲဒါကြောင့် ပြောတာ ဆိုပြီး ရှက်ပြုံး ပြုံးပါတယ်။
ဆရာမြက စန္ဒာမှာ မေမေလှိုင် ဆိုတဲ့ ကလောင် နာမည်နှင့် ဆိုဖီယာ လောရင်းရဲ့ အလှအပ ကြောင်းလား မသိပါဘူး။ ဘာသာပြန် ရေးပေးနေတာ မောင်မိုး သူရဲ့ ရှေ့မှာဆိုတော့ ရှက်သွားပြီး ပြောတာပါပဲ။ အခုတော့ ဆရာမြရဲ့ စာစုစာရင်း ဆိုတဲ့ စာအုပ်ကြီး တစ် အုပ် စာစု စာရင်းကိုက လုံးချင်း စာတစ်အုပ် ထုတ်လောက်အောင် စာထူကြီးပါ။ ရေးခဲ့တဲ့ စာတွေကလည်း များမှ များပါပဲ။ ကလောင် နာမည်တွေကလည်း အများကြီးနှင့် ရေးခဲ့ သူဖြစ်ပါတယ်။ အဲဒီ ကလောင် နာမည်တွေထဲမှာ “မေမေလှိုင်”လည်း ပါနေ ပြီဖြစ် လေတော့ စာဖတ် ပရိသတ်တွေပဲ နှုတ်လုံဖို့ ပါတော့တယ်။ မောင်မိုးသူကတော့ နှုတ်လုံပြီးသားပါ။ ဆရာမြ အကြောင်း တွေက ရေးစရာ အများကြီး။
မောင်မိုးသူ
သတင်းအကျဉ်းချုပ် ...
ဒီဇင်ဘာ ၁ဝ ရက်နေ့က ကျရောက်သည့် နိုင်ငံတကာ လူ့အခွင့်အရေးနေ့၌ ဂျပန်နိုင်ငံ တိုကျိုမြို့တွင် ဆန္ဒပြနေသော မြန်မာ့ဒီမိုကရေစီအရေး လှုပ်ရှားသူများ။ ထိုနေ့တွင် နိုင်ငံတကာမှ လွှတ်တော်ကိုယ်စားလှယ်ပေါင်း ၄၄၂ ဦးကလည်း ကုလသမဂ္ဂ လုံခြုံရေးကောင်စီသို့ စာတစောင် ပေးပို့ပြီး မြန်မာပြည်မှ လူ့အခွင့်အရေး ချိုးဖောက်မှုများနှင့် ပတ်သက်ပြီး စုံစမ်းရေးကော်မရှင် ဖွဲ့စည်းရန် တောင်းဆိုလိုက်ကြသည်။ (ဓာတ်ပုံ - AP)ဒေါ်အောင်ဆန်းစုကြည်တို့လို ပြုပြင်ရေးသမားတွေရဲ့ အေးဆေးတည်ငြိမ်သော ဂုဏ်သိက္ခာတွေကို အမေရိကန် ပြည်ထောင်စု အနေနဲ့ တလေးတစားနဲ့ စောင့်ကြည့်သွားရမှာ ဖြစ်တယ်လို့ အမေရိကန် သမ္မတ ဘရက်ခ် အိုဘားမား (Barack Obama) က ဒီကနေ့ ပြောကြားတဲ့ နိုဘဲလ် ငြိမ်းချမ်းရေးဆု လက်ခံတဲ့မိန့်ခွန်းမှာ ထည့်သွင်း ပြောကြားသွားပါတယ်။ အမေရိကန် သမ္မတဟာ နိုဘဲလ် ငြိမ်းချမ်းရေးဆုကို နော်ဝေးနိုင်ငံ အော်စလိုမြို့တော်မှာ တရားဝင် လက်ခံခဲ့တာပါ။
သမ္မတ အိုဘားမားဟာ ကမ္ဘာ့နိုင်ငံတွေ စစ်ဖြစ်ပွားရတဲ့ အခြေအနေ၊ ငြိမ်းချမ်းရေး အမြန်ဖော်ဆောင်ဖို့ လိုအပ်တယ်ဆိုတဲ့ အခြေအနေတွေ အကြောင်း အကျယ်တ၀ံ့ ပြောကြားခဲ့တာကို ဗွီအိုအေရဲ့ အိမ်ဖြူတော် သတင်းထောက် ပေါ်လာ ၀ုဖ်ဆွန်က (Paula Wolfson) သတင်းပေးပို့ထားပါတယ်။ အပြည့်အစုံကို ကိုကျော်အောင်လွင်က တင်ပြပေးထားပါတယ်။
သမ္မတအိုဘားမားဟာ ဒီငြိမ်းချမ်းရေးဆုကို ကျိုးနွံစွာ လက်ခံရတာ ဖြစ်တဲ့ အကြောင်း၊ နိုဘဲလ် ကော်မတီက ဒီဆုကို ချီးမြှင့်ဖို့ ရွေးချယ်ခဲ့တာနဲ့ ပတ်သက်လို့ အငြင်းပွားမှုတွေ ရှိနေတယ်ဆိုတာ သိရှိတဲ့အကြောင်း စတင်ပြောကြားခဲ့ပါတယ်။
“တစိတ်တဒေသအားဖြင့်တော့ ကမ္ဘာ့ဇာတ်ခုံပေါ်မှာ ကျနော့်လုပ်ရပ်တွေရဲ့ အစပိုင်းသာ ရှိသေးပြီး ဆုံးခန်း မတိုင်သေးတဲ့ အတွက်ကြောင့် ဖြစ်ပါတယ်။ ကမ္ဘာ့သမိုင်းမှာ အရင်က ဒီဆုကို လက်ခံရရှိခဲ့ကြတဲ့ Schweitzer တို့၊ King တို့၊ Marshalတို့၊ Mandela တို့ရဲ့ စွမ်းဆောင်မှုတွေနဲ့ စာရင် ကျနော့်ရဲ့ စွမ်းဆောင်မှုတွေက မပြောပလောက်ပါဘူး။”
ဒါ့အပြင် ပိုပြီး အရေးကြီးတဲ့ ကိစ္စတခုက သူဟာ စစ်ပွဲနှစ်ခုအကြား ပိတ်မိနေတယ်ဆိုတဲ့ အချက်ပါပဲလို့လည်း ဆက်ပြီး ပြောကြားပါတယ်။
“ကျနော်တို့ဟာ စစ်ပွဲနဲ့ ရင်ဆိုင်နေရပါတယ်။ အမေရိကန်လူငယ် ထောင်ပေါင်းများစွာကို အလှမ်းကွာဝေးတဲ့ စစ်မြေပြင်တွေဆီ ပို့ပေးရတဲ့အတွက် ကျနော့်မှာ တာဝန်ရှိပါတယ်။ သူတို့အထဲက တချို့ဟာ လူသတ်ရပါလိမ့်မယ်။ တချို့ဟာ အသတ်ခံရပါလိမ့်မယ်။ စစ်နဲ့ ငြိမ်းချမ်းရေး ဆက်နွယ်မှု၊ စစ်ပွဲကို ငြိမ်းချမ်းရေးနဲ့ ဘယ်လို အစားထိုးကြမယ်ဆိုတဲ့ ခက်ခဲတဲ့ ပြဿနာတွေ ရှိနေတယ်ဆိုတာကို နားလည် သဘောပေါက်ထားပါတယ်။”
သမ္မတအိုဘားမားက ဆက်လက်ပြီး ကိုယ့်လူမျိုး အချင်းချင်း လူ့အခွင့်အရေး ချိုးဖောက် ကျူးလွန်နေကြတာကိုလည်း ပြောပါတယ်။ စစ်ရေးပဋိပက္ခ မရှိဘူး ဆိုတာထက် ငြိမ်းချမ်းရေးဆိုတာ တည်ရှိနေဖို့က ပိုအရေးကြီးတယ်လို့ ဆိုပါတယ်။
“ကျနော်တို့ဟာ ကမ္ဘာပေါ်က နိုင်ငံတွေအကြား ထူးခြားတဲ့ ယဉ်ကျေးမှုတွေ၊ ထုံးတမ်း အစဉ်အလာတွေ ရှိနေတယ်။ တနိုင်ငံနဲ့ တနိုင်ငံ မတူညီဘူး ဆိုတာကို ကျနော်တို့ နားလည် သဘောပေါက်ပေမဲ့ အမေရိကန် ပြည်ထောင်စုဟာ လူသားတရပ်လုံးရဲ့ ရည်မှန်းချက်တွေကိုတော့ ဖော်ထုတ် ပြောကြားသွားမှာ ဖြစ်ပါတယ်။ ဒေါ်အောင်ဆန်းစုကြည်တို့လို ပြုပြင်ရေးသမားတွေရဲ့ အေးဆေးတည်ငြိမ်တဲ့ ဂုဏ်သိက္ခာကို ကျနော်တို့က အလေးထားပြီး ဖော်ထုတ်သွားမှာပါ။ ရိုက်နှက်ခံရမယ့် အန္တရာယ်ကြားက မဲပေးရဲကြတဲ့ ဇင်ဘာဘွေ ပြည်သူတွေရဲ့ သတ္တိ၊ ငြိမ်သက်စွာ လမ်းတွေပေါ်ထွက်ပြီး ဆန္ဒပြရဲကြတဲ့ သိန်းပေါင်းများစွာသော အီရန်ပြည်သူတွေကိုလည်း အလားတူ လေးစားစွာ ဖော်ထုတ်ရမှာပါ။”
၂၀၀၉ ခုနှစ် ငြိမ်းချမ်းရေး နိုဘဲလ်ဆု ရွေးချယ်ခဲ့တာနဲ့ ပတ်သက်ပြီး နိုဘဲလ်ကော်မတီက သမ္မတ အိုဘားမားရဲ့ နိုင်ငံတကာ သံတမန် ဆက်ဆံရေးနဲ့ ပူးပေါင်းဆောင်ရွက်မှုကို ပိုပြီး ခိုင်မာအောင် အားပေးရတာဖြစ်ကြောင်း၊ သမ္မတ အိုဘားမားဟာ ကမ္ဘာ့ပြည်သူတွေအတွက် မျှော်လင့်ချက်ရောင်ခြည် ပါးလိုက်တာပဲ ဖြစ်တယ်လို့ ဆိုပါတယ်။(voa)
သတင်းအကျဉ်းချုပ် ...
(rfa)
ဒီကနေ့ ဒီဇင်ဘာလ ၉ ရက် ဗုဒ္ဓဟူးနေ့ထုတ် စစ်အစိုးရသတင်းစာတွေမှာ ဖော်ပြခဲ့တဲ့ ဆောင်းပါးတစောင်နဲ့ပတ်သက်ပြီး စိတ်ပျက်မိကြောင်း အမျိုးသား ဒီမိုကရေစီအဖွဲ့ချုပ် အလုပ်အမှုဆောင် ဦးဝင်းတင်က ပြောပါတယ်။
ဒီကနေ့ထုတ် စစ်အစိုးရသတင်းစာတွေထဲမှာ ဆောင်းပါးရှင် ချမ်းမြအေး ရဲ့ 'စိတ်ရင်း စေတနာ မှန်ကန်ပြီး ရိုးသားမယ်ဆိုရင်' ဆိုတဲ့ဆောင်းပါးမှာ ဗိုလ်ချုပ်မှူးကြီး သန်းရွှေ ဆီကို ဒေါ်အောင်ဆန်းစုကြည် ပေးပိုခဲ့တဲ့ ပေးစာနှစ်စောင်နဲ့ ပတ်သက်ပြီး ဒေါ်အောင်ဆန်းစုကြည်နဲ့ NLD တို့ဟာ မရှိုးသားတဲ့ သဘောထားနဲ့ မီဒီယာကို အသုံးချပြီး ရည်ရွယ်ချက်ရှိရှိ ကြိုတင်အကွက်ချ စီစဉ်ခဲ့တာ ဖြစ်ကြောင်း၊ ကိုယ့်ဖက်ကို အကောင်းဖြစ်အောင်သာ ပြချင်တဲ့သဘောနဲ့ တမင် မရိုးမသား ပြုခဲ့တာ ဖြစ်ကြောင်း ရေးသားထားပါတယ်။ဒီဆောင်းပါးနဲ့ပတ်သက်ပြီး အမျိုးသား ဒီမိုကရေစီအဖွဲ့ချုပ် အလုပ်အမှုဆောင်အဖွဲ့ဝင် သတင်းစာဆရာကြီး ဦးဝင်းတင်က ခုလို ပြောပါတယ်။
ဦးဝင်းတင်။ ။ “ဘာပဲပြောပြော၊ ကျွန်တော်တို့ဖက်ကနေပြီးတော့ အပြုသဘောနဲ့ ကမ်းလှမ်းတဲ့အတွက် အပြုသဘောဆောင်တဲ့ ပြန်ကြားချက်မျိုး ကျွန်တော်တို့ မျှော်လင့်တယ်။ ဒါအမှန်ပဲ။
ဒေါ်အောင်ဆန်းစုကြည် ပြောသလို တိုင်းပြည် အကျိုးရှိရာ ရှိကြောင်းအတွက် ပူးပေါင်း ဆောင်ရွက်ချင်ပါတယ်လို့ ပြောသလိုပဲ ဗိုလ်ချုပ်မှူးကြီး သန်းရွှေကလည်း တိုင်းပြည် အကျိုးရှိရာ ရှိကြောင်းအတွက် တုံ့ပြန်ဆောင်ရွက်ချင်ပါတယ် ဆိုတဲ့ စေတနာရင်းကိုပဲ ကျွန်တော်တို့ မျှော်လင့်ပါတယ်ဆိုတောင် ကျွန်တော် ပြောခဲ့ဖူးပါတယ်။ အဲဒီ စိတ်ကောင်းစေတနာကောင်းကို ကျွန်တော်တို့ မျှော်လင့်နေတဲ့အချိန်မှာ အခုလို အစိုးရသတင်းစာကနေပြီးတော့ ချမ်းမြအေး စာမျိုး ထွက်လာတဲ့အခါကျတော့ ကျွန်တော်တို့ အမှန်အတိုင်း ပြောရရင် အလွန်ကို စိတ်ပျက်ပါတယ်။ သို့သော် ကျွန်တော်တို့ စိတ်ပျက်တယ် ဆိုပေမယ်လို့ အားမလျှော့သေးဘူး၊ ဒါအတွက် ကျွန်တော် အလားအလာကောင်းတွေ ကျွန်တော်တို့ မျှော်လင့်နေသေးတယ်ဆိုတာကို ကျွန်တော်တို့ ပြောချင်ပါသေးတယ်။”အလားတူ မနေ့က ဒီဇင်ဘာလ ၈ရက် အင်္ဂါနေ့ထုတ် Bangkok Post သတင်းစာ မှာလည်း ဦးပရော်ဖက်ဆာ (U Professor) ကလောင်အမည် နဲ့ ရန်ကုန်မြို့နေ သတင်းစာဆရာနဲ့ သုတေသီတဦး ရေးသားတယ်ဆိုတဲ့ ဆောင်းပါးတစောင် ပါရှိခဲ့ပါတယ်။ အဲဒီဆောင်းပါးမှာ ဒေါ်အောင်ဆန်းစုကြည်နဲ့ NLD ဟာ ဗိုလ်ချုပ်မှူးကြီး သန်းရွှေ ဘာလိုချင်တယ်ဆိုတာ သိဖို့လိုကြောင်း၊ တကယ်တော့ ဗိုလ်ချုပ်မှူးကြီး သန်းရွှေ လိုချင်တာဟာ စီးပွားရေး ပိတ်ဆို့ထားတာကို ပြန်လည် ရုပ်သိမ်းတာလည်းမဟုတ်၊ ရွေးကောက်ပွဲလည်း မဟုတ်ကြောင်း၊ သူတကယ်လိုချင်တာဟာ သူ့ရဲ့လုံခြုံရေး စိတ်ချရဖို့သာ ဖြစ်ကြောင်း၊ ဒါပေမဲ့ ဒါကို တရားဝင် ထုတ်ဖော်ပြောဆိုမှာတော့ မဟုတ်ကြောင်း၊ ဒေါ်အောင်ဆန်းစုကြည်နဲ့ NLD အနေနဲ့ တွေ့ဆုံဆွေးနွေးရေး ဖြစ်လာလိမ့်မယ်လို့ မျှော်လင့်မနေသင့်ကြောင်း ရေးသားထားပါတယ်။ဒီသတင်းစာဆောင်းပါးတွေနဲ့ပတ်သက်ပြီး အမျိုးသား ဒီမိုကရေစီအဖွဲ့ချုပ် အလုပ်အမှုဆောင် အဖွဲ့ဝင် သတင်းစာဆရာကြီး ဦးဝင်းတင်ရဲ့ သဘောထားအမြင်တွေကို တင်ပြထားပါတယ်။
သတင်းအကျဉ်းချုပ် ...
ယိုးဒယားနိုင်ငံသည် ကမ္ဘာပေါ်၌ မူးယစ်ဆေးဝါးအများဆုံးထွက်သော ရွှေတြိဂံနယ်မြေနှင့် နယ်နိမိတ်ချင်းထိစပ်နေသော နိုင်ငံတစ်နိုင်ငံဖြစ်ပါသည်။ အဆိုပါ ဒေသမှနေ၍ ဘိန်းမဲ၊ ဘိန်းဖြူ၊ စိတ်ကြွဆေးအပါအဝင် မူးယစ်ဆေးဝါး အမျိုးပေါင်းများစွာသည် ယိုးဒယားနိုင်ငံအတွင်းသို့ နေ့စဉ်အမျှ ဝင်ရောက်လျက်ရှိပါသည်။ ယိုးဒယားနိုင်ငံ၌ စိတ်ကြွဆေးပြားသုံးစွဲမှု များပြားလာနေသဖြင့် ၄င်းပြဿနာမှာ ယိုးဒယားနိုင်ငံအတွက် ကြီးမားသောပြဿနာဖြစ်ပါသည်။ ယခင်က မူးယစ်ဆေးဝါးကို ထုတ်လုပ်နေသောအဖွဲ့မှာ ''ဝ'' အဖွဲ့ဖြစ်သလို အဆိုပါအဖွဲ့သည် မြန်မာနိုင်ငံ၊ ရှမ်းပြည်နယ်တွင် အခြေချထားပြီး ယိုးဒယားနိုင်ငံမြောက်ပိုင်းနှင့် နယ်နိမိတ်ချင်း ထိစပ်နေပါသည်။ အမေရိကန်အပါအဝင် အနောက်အုပ်စုတို့မှ မူးယစ်ဆေးဝါးထုတ်လုပ်နေသောအဖွဲ့ကို နှိမ်နင်းပေးရန် မြန်မာအစိုးရအပေါ် ဖိအားပေးနေမှုကြောင့် မြန်မာအစိုးရအနေဖြင့် အကြပ်အတည်းနှင့် ကြုံတွေ့နေရပါသည်။
ရှမ်းပြည်နယ်၌ ရှမ်း၊ ''ဝ''၊ ကိုးကန့်ဟူသော အင်အားစုများရှိသည့်အနက် ''ဝ'' အဖွဲ့နှင့်ကိုးကန့် အဖွဲ့တို့သည် မူးယစ်ဆေးဝါးအမျိုးမျိုးကို ထုတ်လုပ်နေသောအဖွဲ့ဖြစ်ပါသည်။ ''ဝ'' လူမျိုးများသည် ရှမ်းပြည်နယ် မြောက်ပိုင်း တောင်ပေါ်ဒေသများ၌ လွန်ခဲ့သောနှစ်ပေါင်းထောင်ချီကတည်းက လာရောက်နေထိုင်သော လူမျိုးစု တစ်စုဖြစ်ပါသည်။ ကိုးကန့်လူမျိုးများမှာ တရုတ်မျိုးနွယ်စုတစ်မျိုးဖြစ်ပြီး လွန်ခဲ့သော နှစ်ပေါင်းရာချီကတည်းက တရုတ်-မြန်မာနယ်စပ်ဒေသ၌ အခြေချလာခဲ့သော လူမျိုးစုတစ်ချို့ဖြစ်ပါသည်။ ''ဝ'' အဖွဲ့ကို ပေါက်ယူချမ်းမှ ဦးဆောင်ပြီး ကိုးကန့်အဖွဲ့ကို ဦးဖုံကြာရှင်မှ ဦးဆောင်ကြောင်း သိရှိရပါသည်။ ၄င်းတို့နှစ်ဖွဲ့မှာ လွန်ခဲ့သော ၁၉၈၉ ခုနှစ်ကတည်းက မြန်မာ့တပ်မတော်အစိုးရနှင့် ငြိမ်းချမ်းရေးရယူ၍ ¤င်းတို့ဒေသတွင် အခြေချနေထိုင်ပြီး လက်နက်ဆက်ကိုင်ခွင့်ပေးထားကာ ကိုယ်ပိုင်အုပ်ချုပ်ရေးဒေသအဖြစ် သတ်မှတ်ပေးထားခဲ့ပါသည်။ ယခုအခါ အဆိုပါဒေသများကို မြန်မာအစိုးရမှ လာမည့် ၂ဝ၁ဝ ရွေးကောက်ပွဲအတွက် ကြိုတင်ပြင်ဆင်ရန်ဟု အကြောင်းပြပြီး လက်နက်ကိုင်အဖွဲ့အစည်းအားလုံး အစိုးရ၏ နယ်ခြားစောင့်တပ်အဖြစ် ဖွဲ့စည်းရန်အတွက် အမိန့်ထုတ်ခဲ့ပါသည်။ အဆိုပါအဖွဲ့နှစ်ဖွဲ့မှာ အစိုးရ၏ နယ်ခြားစောင့်တပ်မူဝါဒကို လုံးဝလက်မခံလိုသော အဖွဲ့အစည်းများ ဖြစ်နေပါသည်။ လွန်ခဲ့သော သြဂုတ်လကုန်ပိုင်းမှစပြီး မြန်မာအစိုးရမှ အင်အား ၃ဝဝဝ ခန့်ရှိသော ကိုးကန့်အဖွဲ့ကို ဝင်ရောက်တိုက်ခိုက်ခဲ့ရာ နှစ်ဖက်စလုံး ထိခိုက်မှုများပြားလှပြီး ပြည်သူတို့၏ အိုးအိမ်ပစ္စည်း အမြောက်အများ ပျက်စီးဆုံးရှုံးမှု ဖြစ်ပေါ်ခဲ့ပါသည်။ နောက်ဆုံး၌ မြန်မာ့တပ်မတော်မှ ကိုးကန့်၏ မြို့တော် လောက်ကိုင်မြို့ကို ဝင်ရောက်သိမ်းပိုက်နိုင်ခဲ့သဖြင့် ဒေသခံအမြောက်အများ တရုတ်နိုင်ငံဘက်သို့ ဒုက္ခသည်များအဖြစ် ထွက်ပြေးသိမ်းရှောင်ခဲ့ကြရာ တရုတ်နိုင်ငံဘက်မှ လူမှုရေးအကူအညီများပေးခဲ့ပြီး အခြေအနေတည်ငြိမ်သည်နှင့် တရုတ်နိုင်ငံမှ ဒုက္ခသည်များကို မြန်မာနိုင်ငံဘက်သို့ ပို့ဆောင်ပေးကာ တရုတ်အစိုးရမှ ဒုက္ခသည်များ လုံခြုံမှုရှိအောင် လုပ်ပေးရန်အတွက် မြန်မာအစိုးရကို ဖိအားပေးထားကြောင်း သိရှိရပါသည်။ ကိုးကန့်ခေါင်းဆောင် ဖုံကြာရှင်မှာ တရုတ်နိုင်ငံ၌ ခိုလှုံနေသည်ဟူသောသတင်းနှင့် ''ဝ''အဖွဲ့ထံ၌ ဝင်ရောက်ခိုလှုံနေသည်ဟူသော သတင်းနှစ်မျိုးထွက်နေပါသည်။
မြန်မာတပ်မတော်အစိုးရမှ ကိုးကန့်အဖွဲ့ကို ဝင်ရောက်သိမ်းပိုက်ပြီးနောက် ''ဝ''တပ်ဖွဲ့မှလည်း စက်တင်ဘာလမှစတင်၍ ၄င်းတို့၏နယ်မြေလုံခြုံရေးအတွက် အကာအကွယ်ပေးရန် တပ်အင်အား ပြင်ဆင်ခဲ့ပါသည်။ မြန်မာအစိုးရမှ ''ဝ'' တပ်ဖွဲ့ကို ဝင်ရောက်တိုက်ခိုက်ရန် အစီအစဉ်မရှိဟု ပြောကြားခဲ့ပါသည်။ ''ဝ''ခေါင်းဆောင်များအနေဖြင့် မြန်မာခေါင်းဆောင်များ၏ ကြေငြာချက်ကို မယုံကြည်ကြပါ။ မြန်မာတပ်မတော်မှ ''ဝ''အဖွဲ့၏ အင်အား ၂၀၀၀၀ သည်နယ်ခြားစောင့်တပ်အဖြစ် အသွင်ပြောင်းရန်အတွက် အဆက်မပြတ် တောင်းဆိုမှုများ ပြုလုပ်နေပါသည်။ လက်နက်အင်အားအပြည့်အဝရှိသော ''ဝ'' တပ်အင်အား ၂၀၀၀၀ အနေဖြင့် မြန်မာအစိုးရ၏တောင်းဆိုမှုအပေါ် လက်ခံသောအုပ်စုလက်မခံသောအုပ်စုဟူ၍ နှစ်ဖွဲ့ ကွဲနေပါသည်။
ဗမာပြည်ကွန်မြူနစ်ပါတီလက်အောက်၌ နေလာခဲ့သော ''ဝ''ခေါင်းဆောင်များအနေဖြင့် မြန်မာ့ တပ်မတော်၏ တောင်းဆိုမှုကို လက်မခံလိုကြပါ။ နောက်ထပ်အုပ်စုတစ်စုအနေဖြင့် ဒေသအတွင်း စစ်ပွဲမဖြစ်လိုသော အုပ်စုတစ်စုရှိပြီး မြန်မာအစိုးရမှ ကိုးကန့်ကို ဝင်ရောက်တိုက်ခိုက်သိမ်းပိုက်သော်လည်း တရုတ်အစိုးရသည် မြန်မာအစိုးရဘက်မှ ရပ်တည်ပေးခဲ့မှုကိုကြည့်ပြီး အကယ်၍''ဝ''နှင့်ဖြစ်လျင် ထိုကဲ့သို့ ဖြစ်လာမည်ကို စိုးရိမ်နေသော အုပ်စုလဲရှိပါသည်။ မြန်မာအစိုးရကို လက်မခံလိုသောအုပ်စုမှာ ငွေကြေးချမ်းသာသော ခေါင်းဆောင်ပိုင်းအုပ်စုဖြစ်ပြီး ''ဝ''အောက်ခြေအဖွဲ့အတွင်း အမြင်ကွဲပြားမှု ရှိနေကြသော်လည်း ''ဝ'' တပ်ဖွဲ့မှာ အထက်ခေါင်းဆောင်များ၏ ပေးသောအမိန့်ကိုသာ နားထောင်ကြမည် ဖြစ်ပါသည်။ ''ဝ''ခေါင်းဆောင်များမှာ တရုတ်လူမျိုးများဖြစ်ကြပြီး အတွေးအခေါ်မှာလည်း တရုတ် အတွေးအခေါ်များ ဖြစ်ကြပါသည်။ မြန်မာနိုင်ငံ၌ လက်ရှိဖြစ်ပေါ်နေသော ပြဿနာအစစ်အမှန်ကို ၄င်းတို့ နားမလည်နိုင်ကြပါ။ ''ဝ''ခေါင်းဆောင်များအနေဖြင့် မြန်မာတပ်မတော်အစိုးရကို မယုံကြည်ခြင်းမှာ မြန်မာအစိုးရမှ ''ဝ''ခေါင်းဆောင်တွေဟာ မူးယစ်ဆေးဝါးကုန်သည်များဖြစ်ကြသည်ဟု ခံယူထားသောအချက်ပင် ဖြစ်ပါသည်။ ၄င်းတို့အနေဖြင့် မြန်မာတပ်မတော်အစိုးရလက်အောက် ရောက်သွားပါက မူးယစ်ဆေးဝါးအမှုဖြင့် ဖမ်းဆီး အရေးယူခြင်း ခံရမည့်အရေးကို ကြိုတွေးပြီး စိုးရိမ်နေကြသူများလည်းရှိနေကြပါသည်။ ယခုအခါ ''ဝ'' အဖွဲ့မှာ မြန်မာအစိုးရမှ မလုပ်ရန်တားဆီးနေသည့်ကြားမှ မူးယစ်ဆေးဝါးမှောင်ခိုနှင့် လက်နက်မှောင်ခို လုပ်ငန်းများ တွင်တွင်ကျယ်ကျယ် လုပ်ဆောင်လျက်ရှိနေဆဲဖြစ်ကြောင်း တွေ့ရှိရပါသည်။
''ဝ''တပ်ဖွဲ့အတွင်း၌ ကိုးကန့်မြို့တော်ကို ဝင်ရောက်သိမ်းပိုက်မှုမလုပ်ခင်ကတည်းက တစ်ဖက်နှင့် တစ်ဖက်အဖွဲ့အတွင်း အားပြိုင်မှုများရှိနေပါသည်။ ယခုအခါ ''ဝ''တပ်ဖွဲ့၌ အင်အား၂၀၀၀၀ ကျော်ရှိနေပြီး လက်နက်ကောင်းများ ကိုင်ဆောင်ထားကြသော်လည်း ''ဝ'' တပ်ဖွဲ့အတွင်း ရေရှည်တိုက်ပွဲဝင်ရန်အတွက် မဖြစ်နိုင်ပါ။ အဘယ်ကြောင့်ဆိုသော် အင်အားရှိသော်လည်း အသေအချာ လေ့ကျင့်ထားခြင်းမရှိပါ။ စည်းစနစ်ကျမှု၊ အမိန့်နာခံတတ်မှု မရှိလှပါ။ စစ်ပွဲဖြစ်လျင်လည်း ရေရှည်မှာ အရှုံးနှင့်ရင်ဆိုင်ရမည်သာ ဖြစ်ပါသည်။ ''ဝ'' ခေါင်းဆောင် ဦးပေါက်ယူချမ်းသည် စစ်ပွဲကို မလိုလားဘဲ ဒေသအတွင်း တည်ငြိမ်အေးချမ်းမှုကို လိုသော ခေါင်းဆောင်တစ်ဦးအဖြစ် ရပ်တည်လာခဲ့ရာမှ ယခုအခါ စိတ်ပြောင်းသွားပြီး မြန်မာ့ တပ်မတော်အစိုးရ၏ နယ်ခြားစောင့်တပ်အဖြစ် လက်မခံနိုင်သူအဖြစ်သို့ ပြောင်းလဲသွားခဲ့ပါသည်။ သို့သော် ထိပ်တိုက်ရင်ဆိုင်မှုမဖြစ်အောင် အချိန်ဆွဲပြီး ကစားနေပုံရပြီး မည်သို့ပင်ဖြစ်စေ မြန်မာ့တပ်မတော်မှ ''ဝ'' အဖွဲ့ကို အစစအရာရာ အကာအကွယ်ပေးခဲ့သော ကျေးဇူးအမြောက်အများ ရှိခဲ့ပါသည်။ မြန်မာအစိုးရ၏ တောင်းဆိုမှုအတိုင်း အလျော့ပေးလိုသော အုပ်စုများလည်း ရှိနေပါသည်။
ယိုးဒယားစစ်ထောက်လှမ်းရေးမှရရှိသောသတင်းအရ ''ဝ''အဖွဲ့အတွင်း၌ ဝေရှောက်ကန်းသည် ယိုးဒယား-မြန်မာနယ်စပ်တွင် အခြေချထားပြီး ၄င်းအနေဖြင့် အဖွဲ့ခေါင်းဆောင် ပေါက်ယူချမ်း၏အမိန့်ကို နာခံမှုမရှိတော့ပါဟု ပြောဆိုထားပါသည်။ ဝေရှောက်ကန်းသည် မူးယစ်ဆေးဝါးဘုရင်တစ်ပါးဖြစ်ပြီး အမေရိကန်နိုင်ငံမှ အထူးလိုချင်နေသော ပုဂ္ဂိုလ်တစ်ဦးဖြစ်နေပါသည်။ မြန်မာ့တပ်မတော်နှင့် ''ဝ'' အကြား စစ်ပွဲဖြစ်ပွားသောအခါ အဆိုပါအထူးမူးယစ်ဆေးဝါးဘုရင်များ အဖမ်းခံကြရတော့မည် ဖြစ်ပါသည်။ ၄င်းနောက် အမေရိကန်နိုင်ငံကို ပို့ကြတော့မည်ဖြစ်၍ ထိုအဖြစ်မျိုးအား တရုတ်နိုင်ငံမှ လိုလားပုံမရပါ။ တရုတ်မှ တစ်ဖက်နှင့် တစ်ဖက်ကောင်းသည့် အနေအထားတစ်ခု၌ သဘောတူချက်တစ်ခုရရန်အတွက် ညှိနှိုင်းပေးနေကြောင်း တွေ့ရှိရပါသည်။ အကယ်၍''ဝ'' နှင့် မြန်မာ့တပ်မတော်တိုက်ပွဲဖြစ်ခဲ့မည်ဆိုပါက အကျိုးအမြတ်အများဆုံး ရရှိမည့်နိုင်ငံမှာ ယိုးဒယားနိုင်ငံပင် ဖြစ်ပါသည်။ ထိုကဲ့သို့ဖြစ်မှသာလျင် ယိုးဒယားနိုင်ငံ၌ မူးယစ်ဆေးဝါး ပြဿနာ ကုန်ခမ်းသွားတော့မည် ဖြစ်ပါသည်။ ''ဝ'' နှင့် မြန်မာ့တပ်မတော် စစ်ပွဲဖြစ်လျင် မူးယစ်ဆေးဝါး ထုတ်လုပ်နေမှု ရပ်တန့်သွားပြီး နိုင်ငံတကာတပ်ဖွဲ့ဝင်များ ဝင်လာနိုင်သလို ၄င်းတပ်ဖွဲ့ဝင်များမှလည်း မြန်မာအစိုးရဘက်မှ ရပ်တည်ပေးမည်မှာ အသေအချာဖြစ်ပါသည်။ မြန်မာအစိုးရကို အကူအညီပေးမှာသာ နိုင်ငံတကာမှ လိုလားသော မူးယစ်ဆေးဝါးမှောင်ခိုမှုများ ဖမ်းဆီးနိုင်လိမ့်မည် ဖြစ်ပါသည်။ ထို့ကြောင့် ''ဝ'' ခေါင်းဆောင် ပေါက်ယူချမ်းအနေဖြင့် စဉ်းစားရန် နှစ်မျိုးမှာ မြန်မာ့တပ်မတော်နှင့် တိုက်ပွဲဖြစ်လျင်တစ်ဖွဲ့သည် တရုတ်နိုင်ငံ ထဲသို့ တိမ်းရှောင်ရန်နှင့် ကျန်သောတစ်ဖွဲ့သည် ယိုးဒယားနိုင်ငံအတွင်းသို့ တိမ်းရှောင်ရန်တို့ ဖြစ်ပါသည်။ မိမိတို့ ယိုးဒယားနိုင်ငံအနေဖြင့် ''ဝ''အဖွဲ့ကို လုံးဝလက်မခံနိုင်ပါ။ ယိုးဒယားတပ်မတော်မှ နယ်စပ်မဖြတ်ကျော် နိုင်အောင် ကြိုကာထားမည်ဖြစ်ပါသည်။ ဘယ်လိုပင်ဖြစ်စေ ယိုးဒယားနိုင်ငံအနေဖြင့် ''ဝ'' အဖွဲ့ကို ရန်သူလို သဘောထားရမည်ဖြစ်ပါသည်။ ပေါက်ယူချမ်းအနေဖြင့် ခေါင်းကိုက်စရာတွေနှင့်ကြုံတွေ့နေရပြီ ဖြစ်ပါသည်။ မြန်မာအစိုးရနှင့်တိုက်လျင် သူတို့အနေဖြင့် ဘယ်လိုပဲတွက်တွက် အကြပ်အတည်းနှင့် ရင်ဆိုင်နေရသော အခြေအနေ၌ ရှိနေပါသည်။ အဆိုပါအခြေအနေများကြောင့် ''ဝ''၏ အိမ်နီးချင်းအပါအဝင် အောက်လက် ငယ်သားများမှလည်း မြန်မာ့တပ်မတော်နှင့် စစ်ဖြစ်ပွားမှုကို မလိုလားကြသောကြောင့် ယခုလို အချိန်ဆွဲနေရခြင်း ဖြစ်နိုင်ပါသည်။ ပေါက်ယူချမ်းသည် ခေါင်းမာသည့်ပုဂ္ဂိုလ်ဖြစ်ပြီး မြန်မာအစိုးရမှ ဖိအားပေးတာများလာပါက ၄င်းအနေဖြင့် လုပ်နိုင်သည့်အချက်မှာ တရုတ်အစိုးရထံသွားပြီး တပည့်ခံမလား၊ သို့သော် အဖွဲ့ဝင်အများစုမှာ တရုတ်နိုင်ငံသို့ မပြန်ချင်ကြတော့ပါ။ အဖွဲ့ဝင်များက ငြိမ်းချမ်းစွာနေထိုင်လိုသည်ဟု ပေါက်ယူချမ်းကို တောင်းဆိုထားကြောင်း သိရှိရပါသည်။ အဖွဲ့ဝင်အများစုက မြန်မာအစိုးရ၏ နယ်ခြားစောင့်တပ် အစီအစဉ်ကို လက်ခံရန် တိုက်တွန်းနေကြပြီး မြန်မာအစိုးရ၏ ပေးသောအချိန်ကာလမှာလည်း သိပ်မကျန်တော့ဘူးဟု သိရှိရပါသည်။
''ဝ'' ခေါင်းဆောင် ပေါက်ယူချမ်းအနေဖြင့် ရွေးချယ်ရန်နည်းလမ်း လေးခုရှိပါသည်-
(က) မြန်မာအစိုးရ၏ တောင်းဆိုမှုကို လိုက်လျောပြီး နယ်ခြားစောင့်တပ်ဖွဲ့စည်းဖို့ လက်ခံမှာလား။
(ခ) တိုင်းရင်းသားလူမျိုးစု လက်နက်ကိုင်အင်အားစုများနှင့် ပူးပေါင်းပြီး မြန်မာအစိုးရကို ဆက်လက်တိုက်ပွဲဝင်သွားမှာလား။
(ဂ) ဘိန်းဘုရင် ခွန်ဆာလိုပဲ လက်နက်ချပြီး ရန်ကုန်မြို့မှာ အေးအေးဆေးဆေး တစ်သက်လုံး နေတော့မှာလား။
(ဃ) ကိုးကန့်ခေါင်းဆောင်လိုပဲ မြန်မာနိုင်ငံကို စွန့်ခွာပြီး တရုတ်နိုင်ငံထဲ ခိုလှုံမှုရရှိမည်လား ဆိုတာ မေးစရာရှိပါသည်။
ဘယ်လိုပဲဖြစ်ဖြစ် ''ဝ'' ပြည်သူတစ်ရပ်လုံးနှင့် ''ဝ''တပ်ဖွဲ့၏ အနာဂတ်ကံကြမ္မာဟာ ''ဝ'' ခေါင်းဆောင် ပေါက်ယူချမ်း၏ ဆုံးဖြတ်မှုအပေါ်၌ လုံးဝထောက်မှီနေကြောင်း သိရှိရပါသည်။
ထိုင်းနိုင်ငံ ၊ ချင်းမိုင်မြို့ထုတ် “အမိမြေ” သတင်းစာပါ ဆောင်းပါးအား ဘာသာပြန်ဆိုပါသည်။
ဝေရှောက်ရီ
သတင်းအကျဉ်းချုပ် ...
ဝီရ (nej)
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်ရေးအတွက် ထောက်ခံအားပေးသည့်အနေဖြင့် Facebook အဖွဲ့ဝင်တို့၏ ကိုယ်ရေးဓာတ်ပုံအစား ဒေါ်အောင်ဆန်းစုကြည်ဓာတ်ပုံဖြင့် ဒီဇင်ဘာ (၁၀) ရက်နေ့ မနက်ဖြန်တွင် အလိုအလျောက် အစားထိုးပေးမည်ဖြစ်၍ ပါဝင်ဆင်နွှဲကြရန် အမေရိကန်ကားကုမ္ပဏီ chrysler က ၎င်းတို့၏ ဝက်ဘ်ဆိုက် စာမျက်နှာများတွင် ကြော်ငြာထားသည်။
“လွတ်လပ်ခြင်းအတွက် Facebook စာမျက်နှာတွင် သင့်မျက်နှာဖြင့် တဖက်တလမ်းမှ ပါဝင်ဆင်နွှဲကြရန်” တိုက်တွန်းထားပြီး ပါဝင်လိုသူတိုင်း၏ ကိုယ်ရေးဓာတ်ပုံအား ဒေါ်အောင်ဆန်းစုကြည်အတွက် အရင် လှူဒါန်းရမည်ဖြစ်ပြီး ယနေ့အထိ ပါဝင်ဆင်နွှဲသူပေါင်း (၁,၁၀၀) ကျော်ရှိပြီဖြစ်သည်။
ဆင်နွှဲလိုသူများအနေဖြင့် http://www.yourfaceforfreedom.org/ (သို့မဟုတ်) http://www.chrysler.com/en/ စာမျက်နှာမှတဆင့် ဝင်ရောက်နိုင်ပြီး ပါဝင်လှူဒါန်းသူတို့၏ ဓာတ်ပုံကိုလည်း အဖြူအမဲပုံအဖြစ် အရောင်ပြောင်းလဲ ပေးမည်ဖြစ်ပြီး မိမိအမည်နှင့်တကွ ထိုဝက်ဘ်ဆိုက်တွင် ဖော်ပြပေးမည်ဖြစ်သည်။
အမေရိကန် Chryler ကားကုမ္ပဏီသည် ဒေါ်အောင်ဆန်းစုကြည်အား ဂုဏ်ပြုထားသည့် ၎င်းတို့၏ ကားကြော်ငြာကို ပြီးခဲ့သည့် ကြာသပတေးနေ့က စတင်ပြသခဲ့ပြီး youtube စာမျက်နှာများတွင် ပြသထားသည့် အဆိုပါကြော်ငြာအား တပတ်အတွင်း လာရောက်ကြည့်ရှုသူပေါင်း (၁၃,၀၀၀) ကျော် ရှိခဲ့သည်။
ဒေါ်အောင်ဆန်းစုကြည် လွတ်မြောက်ရေးအတွက် ရည်စူး၍ ပြသထားသည့် Chrysler 300 Sedan ကားကြော်ငြာသည် လွန်ခဲ့သည့် နိုဝင်ဘာ (၁၀-၁၁) ရက်များက ဘာလင်တွင် ကျင်းပပြီးစီးသွားသည့် (၁၀) ကြိမ်မြောက် နိုဘယ်လ် ငြိမ်းချမ်းရေးဆုရှင်များ ဆွေးနွေးပွဲသို့ တက်ရောက်လာသည့် နိုဘယ်လ်ဆုရှင်များကို အခြေခံထားပြီး မိမိတိုင်းပြည်တွင် အကျဉ်းကျနေသည့် နိုဘယ်လ်ဆုရှင် ဒေါ်အောင်ဆန်းစုကြည် တက်ရောက်လာနိုင်ခြင်း မရှိကြောင်းကို သရုပ်ပြထားသည်။
အဆိုပါကြော်ငြာတွင် နိုဘယ်လ်ဆုရှင်များဖြစ်သည့် တောင်အာဖရိက သမ္မတဟောင်း နယ်လ်ဆင် မင်ဒဲလား၊ ပိုလန် သမ္မတဟောင်း Lech Walesa ၊ ဆိုဗီယက်ခေါင်းဆောင်ဟောင်း မီခေးလ် ဂေါ်ဘာချော့နှင့် ဘင်္ဂလားဒေ့ရ်ှနိုင်ငံမှ မိုဟာမက် ယူနွတ်တို့က ဆွေးနွေးပွဲသို့ Chrysler ကားနက်များဖြင့် တယောက်ပြီးတယောက် ရောက်ရှိလာပြီးနောက် Chrysler ကားအဖြူရောင်တစီးက ဘာလင်တံတိုင်းကို ဖောက်ကာ အုတ်နံရံများက ဂျိုးဖြူအဖြစ် ပြောင်းလဲသွားကြပြီး ခန်းမရှေ့သို့ ရပ်နားကာ တံခါးဖွင့်လိုက်ချိန်တွင် နောက်ခန်း၌ စီးသူမဲ့နေသည်ကို ပြသထားပြီး “ရွေးချယ်ခြင်းခံထားရသော မြန်မာနိုင်ငံ ၀န်ကြီးချုပ် ဒေါ်အောင်ဆန်းစုကြည်အတွက် ရည်ရွယ်သည်” ဟူသော နောက်ခံအသံပါ စာတမ်းဖြင့် အဆုံးသတ်ထားသည်။
သတင်းအကျဉ်းချုပ် ...
Joint Action Committee of Burmese Community in Japan
在日ビルマー人共同行動実行委員会 (JAC) 参加団体
သို့
ဂျပန်နိုင်ငံရောက် မြန်မာ့ဒီမိုကရေစီအရေး ကြိုးပမ်းလှုပ်ရှားနေသူများ
ကုလသမဂ္ဂမှ အပြည်ပြည်ဆိုင်ရာ လူ့အခွင့်အရေး ကြေညာစာတမ်းကြီးကို အဖွဲ့ဝင်နိုင်ငံများအားလုံးက သဘောတူ လိုက်နာရန် စတင်ကျင့်သုံးသော ၁၉၄၈ ခုနှစ် ဒီဇင်ဘာလ ၁ဝ ရက်ကို အမှတ်တရ ဖြစ်စိမ့်သောငှာ နှစ်စဉ် ထိုနေ့ ရောက်တိုင်း နိုင်ငံတကာ အသိုင်းအဝိုင်း တခုလုံးက လူ့အခွင့်အရေးများနေ့ အခမ်းအနားကို ကျင်းပကြပါသည်။
အဆင့်အတန်းခွဲခြား နှိမ့်ချဆက်ဆံမှု မရှိခြင်းသည် လူ့အသိုင်းအဝိုင်း တိုးတက်ဖွံ့ဖြိုးရေးအတွက် အခြေခံကျကျ လိုအပ်ချက်တခု ဖြစ်ပါသည်။ ထိုလိုအပ်ချက်၏ အရေးပါမှုကို အဓိက ဦးတည်လျက် ယခုနှစ် ၂ဝဝ၉ လူ့အခွင့်အရေးများနေ့ အခမ်းအနားကို “မတူ ကွဲပြားခြားနားခြင်းကို ဝမ်းပမ်းတသာ လက်ခံပါ။ အဆင့်အတန်းခွဲခြား နှိမ့်ချဆက်ဆံမှုကို အဆုံးသတ်ပါ” ဆိုသည့် ဆောင်ပုဒ်တွင် တိကျစွာ ဖော်ပြထားသည့်အတိုင်း ကမ္ဘာနှင့်အဝှမ်း တရက်တည်းတပြိုင်တည်း ကျင်းပကြမည် ဖြစ်ပါသည်။
ကျွန်ုပ်တို့ ဂျပန်နိုင်ငံရောက် မြန်မာ့ဒီမိုကရေစီအရေး လှုပ်ရှားသူတို့ကလည်း မြန်မာနိုင်ငံတွင် စစ်အစိုးရက ပြည်သူများ အပေါ် လူ့အခွင့်အရေးများ အကြီးအကျယ် ချိုးဖောက်နေခြင်းကို ဆန့်ကျင် ကန့်ကွက်သည့်အနေဖြင့်၎င်း၊ ထိုလုပ်ရပ်များကို နိုင်ငံတကာပြည်သူများအား အသိပေးရန်အတွက်၎င်း၊ ထိုလုပ်ရပ်များကို တတ်နိုင်သမျှ လျော့နည်းပပျောက်သွားစေရန် နိုင်ငံတကာမိသားစုများနှင့် ပေါင်းစည်း လှုပ်ရှားနိုင်ရေးအတွက်၎င်း၊ ဆောင်ပုဒ်တွင် ပါရှိသည့် မတူ ကွဲပြားခြားနားခြင်းကို ဝမ်းပန်းတသာ လက်ခံရေး၊ အဆင့်အတန်းခွဲခြား နှိမ့်ချဆက်ဆံမှုကို အဆုံးသတ်ရေးအတွက်၎င်း ယခုနှစ် ဒီဇင်ဘာ ၁ဝ ရက်တွင် လူ့အခွင့်အရေးများနေ့ အခမ်းအနားကို အောက်ပါအစီအစဉ်အတိုင်း ကျင်းပမည် ဖြစ်ပါ၍ မပျက်မကွက် တခဲနက် တက်ရောက် ဆင်နွှဲကြပါရန် လေးစားစွာ တိုက်တွန်းနှိုးဆော်အပ်ပါသည်။
နေရာ - ကုလသမဂ္ဂ တက္ကသိုလ်ရှေ့ကွက်လပ်၊ Shibuya-ku, Jingumae 5–53–70, Tokyo
နေ့ရက် - ၁ဝ ရက် ဒီဇင်ဘာလ ၂ဝဝ၉ ခုနှစ် (ကြာသာပတေးနေ့)
အချိန် - ညနေ ၃ နာရီမှ ၅ နာရီထိ
မှတ်ချက် - မိမိတို့ အသင်းအဖွဲ့များအလိုက် လူ့အခွင့်အရေးများဆိုင်ရာ လက်ကိုင်ဆိုင်းဘုတ်များကို အသုံးပြုနိုင်ပါသည်။
JAC – Information
Contact – 090-4964-9718, 090-9831-7192, 090-1506-2893, 090-5318-5054, 090-6505-6858
သတင်းအကျဉ်းချုပ် ...
ဟိန်းမင်းလတ်၊ မင်းသီဟဇော်
အင်တာနက် ၀က်ဘ်ဆိုက်များ ပေါ်ရှိ ညစ်ညမ်း ဓာတ်ပုံများသည် ပုံပေါ်ပါ မိန်းကလေးများအား အကျပ်ကိုင်နိုင်သည့် အသုံးချခံ ပစ္စည်းသဖွယ် ဖြစ်လာနိုင်၍ ဆယ်ကျော်သက် လူငယ်များ ပိုမိုသတိပြုစရာ ဖြစ်လာကြောင်း အင်တာနက် ၀က်ဘ်ဆိုက် အသုံးပြုသူ အချို့က သတိပေး ပြောကြားခဲ့ကြသည်။
အင်တာနက် ၀က်ဘ်ဆိုက်များပေါ်ရှိ ညစ်ညမ်း ဓာတ်ပုံများထဲတွင် ဆယ်ကျော်သက် မိန်းကလေး သူငယ်ချင်း အချင်းချင်း အ၀တ်လဲခန်း အတွင်း၌ အ၀တ်လဲနေသည်ကို အပျော် ရိုက်ကူးထားသည့် ပုံများပါဝင်သကဲ့သို့ ဆယ်ကျော်သက် လူငယ်အချို့ လူငယ်သဘာဝ ချစ်ကြိုက်ရာမှ အချစ်နယ်ကျွံ၍ အတူနေထိုင်မိသည့် ညစ်ညမ်းဗီဒီယိုများ၊ ဓာတ်ပုံများလည်း ပါဝင်နေသည်ဟု အင်တာနက် ၀က်ဘ်ဆိုက် နေ့စဉ် အသုံးပြုသူ လူငယ်များထံမှ သိရသည်။
ထို့ပြင် မော်ဒယ်နှင့် သရုပ်ဆောင်အချို့၏ ညစ်ညမ်းဓာတ်ပုံနှင့် ညစ်ညမ်း ဗီဒီယိုဟု ဆိုကာ ၀က်ဘ်ဆိုက်ပေါ် တင်ထားသည့် ဓာတ်ပုံနှင့် ဗီဒီယိုအချို့လည်း ရှိနေ ကြောင်းနှင့် အချို့မိန်းကလေးများ သည် ၄င်းတို့၏ သာမန်အလှ ဓာတ်ပုံများအား ၀က်ဘ်ဆိုက်ပေါ် တင်မိရာမှ အခြားသော နိုင်ငံတကာမှ ညစ်ညမ်းဓာတ်ပုံ ကိုယ်ထည်များနှင့် ဖြတ်ဆက်ကပ်ညှပ် လုပ်ကာ ညစ်ညမ်းဓာတ်ပုံများ အဖြစ် ဖန်တီးခံ ရသည့် ဖြစ်စဉ်များလည်း ရှိခဲ့ကြောင်း သိရသည်။
'' လူငယ်တွေကတော့ ဘာရယ် မဟုတ်ဘူး၊ အပျော်သဘောမျိုး လုပ်ပြီး ၀က်ဘ်ဆိုက်ပေါ် တင်ထားတာလဲ ဖြစ်နိုင်တယ်၊ကိုယ်မသိဘဲ အတင်ခံရတာလဲ ဖြစ်နိုင်တယ်၊ ဘာပဲဖြစ် ဖြစ် သတိထားသင့်တယ်၊ ဖြစ်နိုင်ရင် အလှပုံကိုတောင် ၀က်ဘ်ဆိုက်ပေါ် မတင်တာ အကောင်းဆုံးပဲ၊ မိန်းကလေးတွေဆို ပိုသတိထားသင့်တယ်၊ အလှပုံက ကိုယ့်မျက်နှာကို ယူပြီး အခြားညစ်ညမ်းပုံက ကိုယ်ထည်နဲ့ ဖြတ်ဆက်လိုက်ရင် ကိုယ့်ပုံ လိုလိုဖြစ်သွားရော၊ အဲဒီညစ်ညမ်းပုံ တွေက ကိုယ့်ဘ၀ တစ်လျောက်လုံး အမည်းစက်ကြီး ဖြစ်သွားနိုင်တယ်၊ အဆုံးစွန်ထိတွေးရင် အဲဒီဝက်ဘ်ဆိုက်ပေါ်က ညစ်ညမ်းပုံတွေ၊ ဗီဒီယိုတွေကိုပြပြီး ကိုယ့်ကိုလာ အကျပ် ကိုင်တာတောင် ခံရနိုင်တယ်'' ဟု အင်တာနက် ၀က်ဘ်ဆိုက် နေ့စဉ် အသုံးပြုသူတစ်ဦး သတိပေး ပြောကြားခဲ့သည်။
''တချို့လူငယ်တွေက သမီးရည်းစားဘ၀မှာ နှစ်ဦးသဘောတူ လင်မယားလို အတူနေတယ်၊ ပြီးရင် အပျော်တမ်း ဓာတ်ပုံတို့၊ ဗီဒီယိုတို့ ရိုက်ကြတယ်၊ သဘောထားချင်း မတိုက်ဆိုင်လို့ လမ်းခွဲတဲ့အခါ ယောက်ျားလေးက မကျေနပ်လို့ သူတို့ အတူတူနေတဲ့ ညစ်ညမ်း ဗီဒီယိုကိုဖြစ်စေ၊ ဓာတ်ပုံကိုဖြစ်စေ ၀က်ဘ်ဆိုက်ပေါ် တင်လိုက်ရော၊အဲဒီ မှာ ခွေထဲမှာပါတဲ့ မိန်းကလေးက သူ့အသိုင်းအ၀ိုင်းမှာ အရှက်ရစရာ အဖြစ်နဲ့ ကြုံရတယ်၊ တချို့ မိန်းကလေးဆို အိမ်ထောင်ပြုကာနီးမှ ၀က်ဘ်ဆိုက်ပေါ်က ဓာတ်ပုံကြောင့် ပြဿနာတက်တာ ရှိတယ်လို့တောင် ကြားနေရတယ်'' ဟုဖြစ်စဉ်များနှင့် နီးစပ်ရာ အသိုင်းအ၀ိုင်းမှ လေ့လာသူတစ်ဦးက ဆိုပါသည်။
ဝက်ဘ်ဆိုက်နှင့် ဟန်းဖုန်းများမှ တစ်ဆင့် မော်ဒယ်တစ်ဦး၏ ညစ်ညမ်း ဗီဒီယို လျင်မြန်စွာပျံ့နှံ့ပြီး အဆိုပါဗီဒီယိုအား ဖြန့်ဝေသူ အမျိုးသားမှာလည်း အဆိုပါမော်ဒယ်နှင့် ငြိစွန်းခဲ့ဖူးကြောင်း၊ ငြိစွန်းပြီးနောက် မော်ဒယ်ဖြစ်သူက ၄င်းအားထားခဲ့သောကြောင့် ယခုကဲ့သို့ အရှက်ကွဲစေရန် ကြံစည်ခဲ့ခြင်း ဖြစ်ကြောင်း ယင်းဗီဒီယိုနှင့် ပတ်သက်၍ ထွက်ပေါ်ခဲ့သော ပြင်ပသတင်း များအရ သိရသည်။
အဆိုပါ မော်ဒယ်၏ ညစ်ညမ်းဗီဒီယို ပျံ့နှံ့ပြီးနောက်ပိုင်းတွင် အခြားသောမော်ဒယ်၊ သရုပ်ဆောင် အဆိုတော်များ၏ ညစ်ညမ်းခွေဟု ဆိုကာ ၀က်ဘ်ဆိုက်ပေါ်မှ တစ်ဆင့် ပျံ့နှံ့ခဲ့သည့် ဖြစ်ရပ်များလည်း ရှိခဲ့ကြောင်း၊ ယင်းဖြစ်ရပ်များနှင့် ပတ်သက်၍ ညစ်ညမ်းဗီဒီယို၌ ပါဝင်သူများမှာ အမှန်တကယ် ဟုတ်မဟုတ်ကိုမူ ယနေ့အချိန်ထိ အငြင်းပွားနေကြဆဲ ဖြစ်ကြောင်း နေ့စဉ် အင်တာနက် ၀က်ဘ်ဆိုက် အသုံးပြုသူများထံမှ သိရသည်။
'' မြန်မာ့ယဉ်ကျေးမှုအရဆိုရင် ညစ်ညမ်းတဲ့ဓာတ်ပုံ၊ ဗီဒီယိုတွေကို ကိုယ်တိုင် အပျော်ရိုက်ပြီး ၀က်ဆိုက်ပေါ်တင်ဖို့ မပြောနဲ့ တရားဝင် ထိမ်းမြားလက်ထပ်ခြင်း မပြုခင်မှာတောင် သမီးရည်းစားတွေ အနေနဲ့ လင်မယား အဆင့် မရောက်ရပါဘူး၊ ဒါဟာ ယဉ်ကျေးမှုအရ မသင့်တော်သလို မိန်းကလေးတွေရဲ့ဂုဏ်သိက္ခာနဲ့ အကျင့်စာရိတ္တ ကိုလည်း တစ်သက်လုံး သူများကဲ့ရဲ့ ခံရမယ့် အဖြစ်မျိုးပါ၊ အဲဒီလို လူမျိုးတွေကိုလည်း ယဉ်ကျေးမှုကို တန်ဖိုးထား တဲ့ လူ့ဘောင်လူ့အဖွဲ့အစည်းက ဘယ်သူမဆို ရှုတ်ချကြမှာပဲ။ လုပ်တုန်းကတော့ အပျော်ဆိုပြီး လုပ်ကြ၊ ပြီးမှ အဲဒီနောက်ဆက်တွဲ အနေနဲ့ မသမာတဲ့ သူတွေ လက်ထဲ ကိုယ့်ဓာတ်ပုံတွေ ရောက်သွားရင် ဘယ်လောက် ရင်လေးစရာ ကောင်းလိုက် မလဲ၊ အဲဒီဓာတ်ပုံနဲ့ ပုံပေါ်ပါ မိန်းကလေးတွေကို အကျပ်ကိုင်တာ၊ ခြိမ်းခြောက်တာတွေပါ လုပ်လာနိုင်တယ်၊ ဒါကြောင့် ဆယ်ကျော်သက် လူငယ်တွေ သတိထားသင့်တယ်၊ ဆယ်ကျော်သက်တွေကို ပိုပြီး သတိ ပေးရတာက စဉ်းစားချင့်ချိန် ဉာဏ်ပိုနည်းနိုင်လို့ပါ'' ဟုအငြိမ်းစား ကျောင်းဆရာမကြီး တစ်ဦးက သုံးသပ် ပြောကြားခဲ့သည်။
ယခုကဲ့သို့ ညစ်ညမ်းဓာတ်ပုံများ ဗီဒီယိုများ ၀က်ဘ်ဆိုက်ပေါ်သို့ တင်၍ ပျံ့နှံ့စေရန် ဆောင်ရွက်နေမှု များသည် ပြစ်မှုဆိုင်ရာ ဥပဒေအရ ပြစ်မှုထင်ရှားပါက ထောင်ဒဏ်ရော ငွေဒဏ်ပါ ချမှတ်ခံရနိုင်ပြီး ညစ်ညမ်းဓာတ်ပုံ၊ ဗီဒီယိုတွင် အရွယ်မရောက်သေးသူ မိန်းကလေးများအား အသုံးချမိပါက ကလေး သူငယ် ဥပဒေအရပါ အရေးယူခံရ နိုင်ကြောင်း LL.B,LL.M,M.Res ဘွဲ့ရ အထက်တန်း ရှေ့နေတစ်ဦးက ဆိုပါသည်။
Weekly Eleven ဂျာနယ်မှ ဖော်ပြပါသည်။
သတင်းအကျဉ်းချုပ် ...
