0 အမျိုးသားဒီမိုကရေစီအဖွဲ့ချုပ်မှဒီကနေ့ပြုလုပ်ခဲ့တဲ့လွတ်မြောက်နိုင်ငံရေးအကျဉ်းသားများကြိုဆိုနှုတ်ဆတ်ပွဲနှင့်ရွေးကောက်ပွဲဆိုင်ရာစာတမ်းဖတ်ပွဲ

Daw Aung San Suu Kyi made a welcoming remarks for newly released prisoners at 21st anniversary of 1990 elections.





Photo/ Reuters

သတင်းအကျဉ်းချုပ် ...

0 သမီးလေး ရယ်နိုင်ပြီ

သမီးလေး ရယ်နိုင်ပြီ

နာရေးကူညီမှုအသင်း(ရန်ကုန်)ရှိ သုခကုသိုလ်ဖြစ်ဆေးခန်းတွင် လူမျိုးဘာသာ၊ ဆင်းရဲချမ်း သာမရွေးတို့၏ ရောဂါဝေဒနာများကို အခမဲ့ ကုသပေးလျှက်ရှိရာ နေ့စဉ် လူနာစုစုပေါင်း (၂၀၀) ကျော် ကို အခမဲ့ကုသပေးလျှက်ရှိသည်။ သုခကုသိုလ်ဖြစ်ဆေးခန်းသည် ဆေးခန်းသန့်ရှင်းရေး၊ ပိုးမွှားများ သန့်စင်ရေးအတွက် လကုန်ရက် (၁) ရက်တည်းသာ ပိတ်ရက်အဖြစ် သတ်မှတ်ထားပြီး စေတနာရှင် ဆရာဝန်ကြီးများ (၅၀) ဦးခန့်ဖြင့် အခမဲ့ ကုသပေးလျှက်ရှိသည်။ ထိုသို့ကုသပေးရာတွင် မျက်စိ၊ အရိုး အကြော၊ နား နှာခေါင်း လည်ချောင်း၊ မီးယပ်သားဖွား၊ အပ်စိုက်၊ အရေပြား၊ ကလေးအထူးကု၊ အထွေထွေရောဂါ၊ အသေးစားခွဲစိတ်မှုများ၊ ဓါတ်ခွဲခန်း၊ ဓါတ်မှန်ခန်း၊ E.C.G၊ U.S.Gနှင့် မကြာမီ ရက်ပိုင်းအတွင်း မျက်စိခွဲစိတ်ခန်းကိုပါ ဖွင့်လှစ်နိုင်တော့မည်ဖြစ်သည်။

သုခကုသိုလ်ဖြစ်ဆေးခန်းမှ ကိုယ်တိုင်ကိုယ်ကျ ကုသမှုမပေးနိုင်သော ဝေဒနာရှင်များအား သက်ဆိုင်ရာ ဆေးရုံများသို့ ပို့ဆောင်၍ ကုသစားရိတ်အား သတ်မှတ်ချက်ဖြင့် အကုန်အကျခံကာ ကူညီကုသပေးလျှက်ရှိရာ ၂၀၁၁ ခုနှစ်၊ မတ်လအတွင်း၌ ဧရာဝတီတိုင်းနေ မနှင်းနုဇော် အသက် (၁၄) နှစ် အရွယ်ရှိ (၇) တန်းကျောင်းသူ မိန်းကလေးငယ်သည် ငယ်စဉ်အရွယ်က နေအိမ်ရှိ မီးဖိုခန်းအတွင်း ရေနွေးအိုးပေါ်သို့ မှောက်လျက်လဲမိရာမှ မေးရိုး၊ ရင်ဘတ်နှင့် ပေါင်တံတို့တွင် ရေနွေးပူလောင်ကျွမ်း ကာ အရေပြားများ ပျက်စီးသွားခဲ့သည်။ ယင်း ဒဏ်ရာဒဏ်ချက်သည် ငယ်စဉ်အရွယ်၌ မိဘများက သတိမထားမိသော်လည်း ယခု (၇) တန်း ကျောင်းသူအရွယ်သို့ ရောက်ရှိသောအချိန်တွင် ထို မီးလောင်ဒဏ်ရာကြောင့် ဖြစ်ပေါ်လာသော အမာရွတ်ဆိုးကြီးသည် ကလေးငယ်၏ ဘ၀ရှင်သန်မှု အား အကြီးမားဆုံး အနှောင့်အယှက်ဖြစ်စေတော့သည်။ စာသင်ကျောင်းသို့ သွားရာတွင် သူငယ်ချင်း အပေါင်းအသင်းများမှ မခေါ်မပြော ပြုလုပ်ခြင်း၊ အိမ်နီးပါတ်ဝန်းကျင်တွင်လည်း ကစားဖော်မရှိခြင်း တို့ကြောင့် ကလေးငယ်မှာ စိတ်ခံစားမှုများ ဖြစ်ပေါ်လာတော့သည်။ ထို့ကြောင့် မိဘများမှ ရန်ကုန်မြို့ မင်္ဂလာဒုံမြို့နယ်နေ ဦးဋ္ဌေးလွင်မှတဆင့် သုခကုသိုလ်ဖြစ်ဆေးခန်း(ရန်ကုန်)သို့ ဆက်သွယ်ကာ ကလေးငယ်၏ မေးစေ့အသားအရေမှ ရင်ညွန့်အထိ တွဲကပ်နေသော ရေနွေးပူလောင် အရေပြားကြီး အား ကလေးငယ်၏ ဘ၀ရှေ့ရေးအတွက် လာရောက်အကူအညီတောင်းခဲ့ကြသည်။

ထို့ကြောင့် နာရေးကူညီမှုအသင်း(ရန်ကုန်)မှ သုခကုသိုလ်ဖြစ်ဆေးခန်းမှတဆင့် ရန်ကုန် ဆေးရုံကြီးသို့ ပို့ဆောင်၍ ခွဲစိတ်ခန်းခဖိုးငွေ ပေးအပ်ကာ ကလေးငယ်၏ အနာဂတ်ရေးအား ရှေးရှုကာ ကူညီဖေးမမှုကို ပြုလုပ်နိုင်ခဲ့သည်။ ခွဲစိတ်ပြီးသည့်နောက် ကလေးငယ်နှင့် အုပ်ထိန်းသူ မိဘများမှ နေရပ်ဖြစ်သော ဧရာဝတီတိုင်းသို့ မပြန်မီ သုခကုသိုလ်ဖြစ်ဆေးခန်းသို့ လာရောက်ကာ ကျေးဇူးတင် ၀မ်းသာစကားကို ပြောကြားခဲ့ကြသည်။ ယခုမူ မနှင်းနုဇော် တစ်ယောက် ရယ်နိုင်၊ ပြုံးနိုင်၊ သူငယ်ချင်း အပေါင်းအသင်းများနှင့် လက်ချင်းတွဲကာ လူ့ဘ၀ခရီးလမ်းကြောင်းပေါ်တွင် အနိုင်မခံ အရှုံးမပေး၊ မားမားမတ်မတ် လျှောက်လှမ်းနိုင်တော့မည် ဖြစ်ပါသည်။

ကိုကျော်သူ

သတင်းအကျဉ်းချုပ် ...

0 "ခရီးသွားများ"(မြန်မာပြည်မှပေးစာ)

ထရူးမဲန် ခက်ပုတ်စ်ရဲ့ မတုပနိုင်တဲ့ သူရဲကောင်းမလေး ဟော်လီဂိုလိုက်လီ(ခိုကိုးရာမဲ့ကလေးငယ်များအနက် အသိဉာဏ်ကြွယ်ဝဆုံးသူ)ဟာ သူ့ပိုင်ဆိုင်တာတွေကို ခရီးဆောင်သေတ္တာများအတွင်း သိမ်းဆည်းထားခဲ့ပါတယ်။ လိပ်စာအစား ‘ခရီးသွားခြင်း’ဆိုတဲ့ စာတန်းလေးကို

သေတ္တာများမှာ ချိတ်ဆွဲထားပါတယ်။ နေထိုင်ဘို့အတွက် ဒီ မူလကိုင်တွယ်ဖြေရှင်းရေး နည်းလမ်းရှာဘို့ရာ ပထမဆုံးတွေ့ကြုံရချိန်မှာတော့ ကျွန်မဟာ ဆယ်ကျော်သက်ရွယ် လွန်မြောက်ခါစပါ။ အံ့သြစရာနဲ့ စွန့်စားစရာလို့ထင်ခဲ့ပါတယ်။ ကိုယ်ကာယလှုပ်ရှားမှုလို့လဲ ရှင်းရှင်းသန့်သန့်ပဲ

အဓိပ္ပါယ်ဖွင့်ဆိုခဲ့ပါတယ်။

မိုက်ကယ်ရဲ့ ဟိမဝန္တာဒေသလေ့လာဆည်းပူးမှုအတွက်နှစ်မြှုပ်ထားစဉ်ကျွန်မနဲ့ လက်ထပ်ပြီး

နောက်ဒီခံယူချက်ဟာပိုမိုအားကောင်းလာကာကမ္ဘာရဲ့ဝေးသီခေါင်ဖျားတဲ့အရပ်တွေဆီမကြာခဏသွားစေခဲ့ပါတယ်။ကျွန်မတို့ကိုလဲရွေ့လျားသွားလာစေခဲ့ပါတယ်။ခရီးဝေးများမှပြန်လာတိုင်း ကျွန်မတို့ရဲ့မိတ်ဆွေများဟာလိပ်စာဟောင်းများမှာ ဆက်လက်နေထိုင်လျက်ရှိတာကို ကျွန်မ အံ့သြစွာတွေ့မြင်ရပါတယ်။

ဘဝရဲ့လှည့်လည်သွားလာခြင်းနည်းလမ်းဟာကျွန်မတို့အတွက်သာမန်အနေအထားလို့ခံစားထင်မြင်စေခဲ့ပါတယ်။သားနှစ်ယောက်ကိုမွေးလာပြီးတဲ့တိုင်ခရီးသွားလာခြင်းဟာကျွန်မတို့ဘဝရဲ့သမူဟအစိတ်အပိုင်းအဖြစ်ဆက်လက်တည်ရှိနေပါတယ်။မြန်မာနိုင်ငံမှာဒီမိုကရေစီရေးလှုပ်ရှားမှုအတွင်းပါဝင်မလာမီနောက်ဆုံး၃နှစ်မှာကျွန်မတို့ဟာအင်္ဂလဲန်၊ဂျပန်နဲ့အိန္ဒိယတို့မှာပြောင်းရွှေ့နေထိုင်ခဲ့ကြပါတယ်။ခရီးသွားလာခြင်းလို့ဖော်ပြရတဲ့ဘဝများဟာယေဘူယျအားဖြင့်စိတ်ဝင်စားဘွယ်အဖုံဖုံနဲ့ပြည့်စုံနေပါတယ်။သာမန်နေ့များကိုဖြတ်သန်းခြင်းမျှဟာ“ခရီးသွားခြင်း”ဝေါဟာရနဲ့ ထိုက်ထန်တယ်လို့ ထူးထူး ခြားခြား မမြင်မိပါ။

ထပ်ကာထပ်ကာဖြစ်ပျက်ခြင်းများဖြင့်ပြောင်ချောအသွင်မဲ့ဖြစ်သွားခ့တဲ့ဖြစ်စဉ်များဟာရေခဲမြစ်အသွင်ဝင်ရောက်သွားကာတဖြည်းဖြည်းလှုပ်ရှားမှုဟာထင်ရတဲ့ငြိမ်သက်သွားပုံအေးခဲသွားပါတယ်။ကျွန်ုပ်တို့ရဲ့ပတ်လည်ရှိစကြာဝဠာရဲ့လှိုင်းထခြင်းနဲ့စီးဆင်းမှုများကိုကျွန်ုပ်တို့အာရုံပြုခံစားဘို့ကို ဒီ တည်ငြိမ်ခြင်းကိုယ်တိုင်ကသာ နှိုးဆွပေးနေတာပါ။

အိမ်အကျယ်ချုပ်အချခံနှစ်များအတွင်း‘ခရီးသွားခြင်းဟာဘဝ’ဆိုတာထက်‘ဘဝဟာခရီးသွားခြင်း’ဖြစ်တယ်လို့စတင်သိရှိလိုက်ပါတယ်။ကျွန်မရဲ့နေ့စဉ်လုပ်နေကျဆောင်ရွက်မှုများထပ်တူဖြစ်နေခြင်းကအချိန်ရဲ့မြန်ဆန်ခြင်းနဲ့ခြေလှမ်းသွက်နေတဲ့တနေ့တာရဲ့မှန်စီကွက်ချရုပ်ပုံလွှာအဖြစ်ဖွဲ့တည်နေတဲ့မိနစ်ပေါင်းများစွာနဲ့နာရီပေါင်းများစွာတို့ရဲ့တခုချင်းစီမတူညီမှုအပေါ်ကျွန်မရဲ့တုန့်ပြန်ခံစားမှုကိုအရှိန်မြှင့်ပေးခဲ့ပါတယ်။မတည်မြဲခြင်းဟာဒဿနတွေးခေါ်ခြင်းဖြစ်ရုံမျှနဲ့ရပ်ဆိုင်းသွားပါတယ်။ဘဝရဲ့နိစ္စဓူဝကိစ္စတွေအဖြစ်ရက်သတ္တပတ်များ၊လများနဲ့နှစ်များအဖြစ်ပြောင်းလဲသွားတဲ့ အချိန်တွေ ပေါ်လာတာနဲ့ ပျောက်ကွယ်သွားတာတွေကတော့ ဖြစ်ရပ်မှန်ပါပဲ။

သံသယမပွါးစရာပါပဲ၊မှန်မှန်တရားထိုင်ခြင်းဟာအဲဒီလိုသတိတရာထားနိုင်မှုကိုပိုမိုထက်မြက်
စေခဲ့ပါတယ်။ စိတ်အနေအထားတခုကနေ နောက်တခုကို သတိထားဖြတ်ကျော်လာရတော့ ကျွန်မရဲ့အမြဲတမ်းလိပ်စာဟာ “ခရီးသွားခြင်း”ပဲအမှန်ဖြစ်ကြောင်း စတင်ခံစားလာခဲ့ရပါတယ်။ လွှင့်ပစ်သင့်တာတွေလွှင့်ပစ်နိုင်ဘို့ အချိန်တိုင်းမှာ ကျွန်မရဲ့ “ခရီးဆောင်အိတ်”ကိုစိစစ်ရန် လေ့လာခဲ့ရပါတယ်။ အစဉ် ခရီးသွားမှာဖြစ်လို့ ပေါ့ပေါ့ပါးပါးပဲ သွားလိုခဲ့ပါတယ်။

အချိန်နဲ့သံသရာတွင်းမှာကြာမြင့်တဲ့လမ်းလွဲခြင်း၌စိတ်ကူးယဉ်ပုံပြင်ထဲကဇာတ်ကောင်တယောက်လိုပဲကျွန်မရောက်ရှိနေတယ်ဆိုတဲ့အသိတရားဟာဂိတ်အမြင့်များ၊သံဆူးကြိုးအကာအရံများနဲ့မဆုံးနိုင်တဲ့မိုင်ရှည်များရှိလင့်ကစားခရီးသွားဖော်များဆီရောက်နိုင်လိမ့်မယ်လို့ကျွန်မမှာစိတ်ခံစားမှုဖြစ်ပေါ်စေခဲ့ပါတယ်။သေချာပါတယ်။ဘယ်ကိုရှေ့ရှုပြီးဘယ်မှာဆုံးမယ်ဆိုတာမသိလင့်ကစားခရီးလမ်းပေါ်ရောက်နေကြတဲ့သူတွေဟာဘာသာစကားနဲ့ယဉ်ကျေးမှုများနည်းတူအချိန်နဲ့နေရာများကိုကျော်လွန်ပြီးနားလည်မှုရှိခြင်းဆိုတာနဲ့တဦးနဲ့တဦးဆက်သွယ်နေကြတယ်ဆိုတာကို သတိထားမိကြပါတယ်။
အညွှန်းမဲ့နယ်မြေကိုခရီးနှင်သူများဟာသစ္စာတရားနဲ့ရဲရင့်ခြင်းကိုသာဒိုင်းနဲ့လက်နက်သဖွယ်သုံးကာအမျိုးအမည်မသိစွန့်စားမှုအန္တရာယ်များရဲ့ဘုံအတွေ့အကြုံအပေါ်အခြေခံတဲ့အပြန်အလန်မျှဝေခံစားမှုများတည်ဆောက်ထားကြပါတယ်။ကျွန်မရဲ့လုပ်ဖော်ကိုင်ဘက်များနဲ့ကျွန်မဟာလွန်ခဲ့တဲ့အနှစ်၂၀ကျော်မှာကြမ်းတမ်းတဲ့ခရီးလမ်းကိုလျှောက်လှမ်းခဲ့ကြပါတယ်။တကမ္ဘာလုံးသိနေတဲ့စိန်အခေါ်ဆုံးတခုဖြစ်တဲ့ပြန်လည်နေရာချထားခြင်းနဲ့ပြန်လည်တည်ဆောက်ခြင်းများရဲ့တောင်အတက်လမ်းပေါ်မှာဂျပန်လူမျိုးများစတင်တက်နေကြတာကျွန်မတို့မြင်တွေ့ကြရတဲ့အခါကျွန်ုပ်တို့ဟာနက်နက်ရှိုင်းရှိုင်းအကြင်နာသက်ရရုံမျှသာမကအောင်မြင်မှုအပေါင်းရရှိစေကြောင်း စိတ်အားထက်သန်စွာဆန္ဒပြု ဆုမွန်ချွေသလိုက်ရပါတယ်။

ကျွန်ုပ်တို့ရဲ့ကိုယ်ပိုင်ဒုက္ခဆင်းရဲများနဲ့အခက်အခဲများကိုကျော်လွန်အောင်မြင်လာဘို့ဆန္ဒပြုဆုတောင်းသကဲ့သို့ဂျပန်လူမျိုးများလဲသူတို့ရဲ့ဒုက္ခဆင်းရဲများနဲ့အခက်အခဲများကိုကျော်လွှားအောင်ပွဲခံနိုင်ကြပါစေရန်ကျွန်ုပ်တို့လိုလားလျက်ပါ။အမျိုးသားဒီမိုကရေစီအဖွဲ့ချုပ်ဟာဖိနှိပ်ချုပ်ခြယ်ခြင်းလှိုင်းတံပိုးများကိုစီးနေကြရပါတယ်။အဆိုးဆုံးကာလများမှာတော့ညကဘယ်သူများအဆွဲခံလိုက်ရပြီလဲဆိုတဲ့ စုံစမ်းမှုနဲ့ နေ့စဉ်စတင်ခဲ့ကြရပါတယ်။ တနင်္လာနေ့များဟာ အထူးသဖြင့် ဆိုးရွားလှပါတယ်။ ကျွန်ုပ်တို့အဖွဲ့ဝင်များတဦးနဲ့တဦးဆက်သွယ်မှုခက်ခဲမဲ့စနေ၊တနင်္ဂနွေများမှာ လုံခြုံရေးတပ်များဟာ အန္တရာယ်ပေးမဲ့သူတို့ရဲ့လုပ်ငန်းများကိုလုပ်ကိုင်တတ်လို့ပါ။ကျွန်ုပ်တို့ရုံးနဲ့အိမ်ကဖုံးများနှစ်ပေါင်းများစွာ အဖြတ်ခံထားရပါတယ်။ကျွန်ုပ်တို့ရဲ့အတက်ကြွဆုံးရဲဘော်ရဲဘက်များရဲ့ ဖုံးများလဲအချိန်တိုင်း အဖြတ်ခံနေကြရပါတယ်။ဒါတွေကတော့လက်ကိုင်ဖုံးပေါ်ထွန်းမှုမတိုင်မီနေ့များဖြစ်ပါတယ်။ အချိန်များစွာ ဆုတောင်းနေခဲ့ရတာပါ။

သူတို့ရဲ့ကိုယ်ပိုင်အိပ်ရာတွေပေါ်မှာငြိမ်းချမ်းစွာအိပ်စက်နေနိုင်ဘို့တရားဥပဒေနဲ့လူမှုကျင့်ဝတ်များရဲ့သတ်မှတ်ချက်များမှသွေဖီကာအဆွဲခံရသူများရဲ့ သတင်းအချက်အလက်များကိုရနိုင်ရန် ကျွန်ုပ်တို့ရဲ့လူငယ်များကို ပြေးလွှားစုဆောင်းစေခဲ့ရပါတယ်။ ဒီလိုရက်စက်တဲ့စီရင်မှုများရှိနေတဲ့ရက်များအတွင်းကျွန်ုပ်တို့ရဲ့ ဆင်ခြင်တုံတရားနဲ့ရွှင်ပျဉာဏ်ခံစားမှုတွေ မူလအခြေမပျက်ထိဆက်မှုရှိအောင် အဘယ်အရာက စွမ်းဆောင်ပေးနိုင်ပါ့မလဲ။

ဒါဟာကျွန်ုပ်တို့ရဲ့ပြင်းထန်တဲ့စည်းလုံးညီညွတ်ခြင်းရဲ့ခံစားမှုဖြစ်ခဲ့ပါတယ်။ဘယ်လောက်ကြီးမားတဲ့ဖိနှိပ်မှုကိုမဆိုကျော်လွှားသွားဘို့ဒီခံစားမှုကကျွန်ုပ်တို့နောက်ကျောများကိုဖြောင့်မတ်ပေးခဲ့ပါတယ်။
ကျွန်ုပ်တို့ရဲ့စည်းလုံးညီညွတ်မှုကိုကပ်ဘေးသင့်ဂျပန်ဒေသတွင်းမှပြည်သူများကိုကျွန်ုပ်တို့ပေးပါတယ်။ပြန်လည်နလန်ထူရေးနဲ့ပြန်လည်အသစ်ဖြစ်ရေးခရီးကိုသွားနေတဲ့သင်တို့နဲ့အတူကျွန်ုပ်တို့အတူရှိနေပါတယ်။ဒီလအတွက်ပေးစာရဲ့အကြောင်းအရာကိုဆုံးဖြတ်ဘို့ကြိုးစားနေစဉ်မှာ ကျွန်မကိုယ်ကိုကျွန်မမေးခွန်းထုတ်ခဲ့ပါတယ်။ဒီလိုအချိန်မျိုးမှာယနေ့ဂျပန်ရဲ့အဓိကနေရာယူနေတဲ့အကြောင်းခြင်းရာနဲ့မဆီလျော်မဲ့ရေးသားမှုမျိုးဟာအံဝင်ပါ့မလားလို့။ဆူနာမီနဲ့သူရဲ့အကျိုးဆက်တို့နဲ့မသက်ဆိုင်တဲ့အကြောင်းအရာဟာ ဒုက္ခခံစားနေကြရတဲ့ ပြည်သူများအတွက် ကြိုဆိုစရာအပြောင်းအလဲဖြစ်စေပါ့မလားလို့။ပြီးခဲ့တဲ့လက‘တိရစ္ဆာန်များအကြောင်းစကားလက်ဆုံ၂’ကိုရွှေ့ဆိုင်းဘို့ဆုံးဖြတ်ခဲ့ပါတယ်။အခုလိုအရေးအခင်းဖြစ်ချိန်မှာတိရစ္ဆာန်အကြောင်းစမြှုံ့ပြန်ခြင်းဟာသင့်လျော်မယ်လို့မထင်လို့ပါ။နောက်လလို့စဉ်းစားခဲ့ပါတယ်။အဲဒီနောက်လဆိုတာ အခုအချိန်ပေါ့။ ကျွန်မလက်တွန့်နေပါသေးတယ်။ သင့်တော်ပါ့မလားလို့။

အခုလိုအချိန်မျိုးမှာဂျပန်ပြည်သူတွေဖတ်ချင်မဲ့အတွေးအမြင်မျိုးကိုကွန်မမှာရှိနိုင်ရင်ကောင်းမယ်လို့သိမြင်ခဲ့ရပါတယ်။ကျွန်မရဲ့စာဖတ်ပရိသတ်များကကျွန်မရဲ့စာများဟာသူတို့ကိုဘယ်လိုအကောင်းဆုံးကူညီနိုင်မလဲဆိုတာ ကျွန်မကိုအသိပေးနိုင်ကြပါ့မလားရှင်။

ဒေါ်အောင်ဆန်းစုကြည်

၂၀၀၁၁ မေလ ၂၃
မိုင်အိနိချိ သတင်း
(ဂျပန်နိုင်ငံ ၂၀၀၁၁ မေလ ၂၃ ထုတ် မိုင်အိနိချိသတင်းစာပါ ဒေါ်အောင်ဆန်းစုကြည်ရဲ့
“TRAVELLERS”ဆောင်းပါးကို ဘာသာပြန်ပါသည်။)
မောင်မောင်လှကြိုင်
၂၀၀၁၁ မေလ ၂၅

သတင်းအကျဉ်းချုပ် ...

0 NLD မှ ခရီးသွားလုပ်ငန်းနှင့်ပတ်သတ်၍ ထုတ်ပြန်ကြေငြာချက်

nld

သတင်းအကျဉ်းချုပ် ...

0 အစာငတ်ခံ ဆန္ဒပြနေသော နိုင်ငံရေးအကျဉ်းသား (၇) ဦး တိုက်ပိတ်ခံရ

၂၀၁၀ ခုနှစ် မေလ ၂၂ နေ့တွင် တောင်းဆိုချက် အကျဉ်းသား ရပိုင်ခွင့်များဖြစ်သော တောင်းဆိုချက် (၆) ချက်တောင်း၍ အစာငတ်ခံဆန္ဒပြနေသော အကျဉ်းသားများအနက် (၇) ဦးကို အင်းစိန်ထောင်ရှိ အပြင်းထန်ဆုံး ညဉ်းပန်းနှိပ်စက်ရာ စစ်ခွေးတိုက်သို့ယမန်နေ့မှစ၍ ပြောင်းရွှေ့ ပြစ်ဒဏ် ချမှတ်လိုက်ကြောင်း မိမိတို့ အေအေပီပီ မှ သိရှိရပါသည်။

၎င်းတို့မှာ
အောင်ကျော်စိုး(ခ)ဖိုးခွား ဦးရွှေစိုး ၂၅ နှစ်
ညီညီထွန်း ဦးသန်းစိုး ၁၃ နှစ်။
ဥာဏ်ထွန်းလင်း(ခ)ဥာဏ်ကြီး ဦးမြသိန်း ၂၂ နှစ်
စိုးမိုးထွန်း ဦးတင်ထွန်း ၈ နှစ်
ဇော်နိုင်ထွန်း ဦးဖေ၀င်း ၃ နှစ်
ဝသုဒ္ဓ(ခ)၀ဏ္ဏဌေး ဦးဝင်းဦး ၅ နှစ်
ရေ၀တ(ခ)ရဲမင်းချောင် ဦးစံထွန်း ၉ နှစ်
တို့ဖြစ်သည်။

ကျန်နိုင်ငံရေးအကျဉ်းသားများကို ထောင်ပြောင်းရွှေ့မည်ဟု သိရှိရပါသည်။

No. Name Father's Name Section of Law Sentenced Organization Prison Address Arrested Date
1 Aung Kyaw Soe U Shwe Soe 505/b, 420, 112, 468 25 years Former AASYC Ann Police Station Arakan 24-Apr-09
2 Nyi Nyi Tun @ Mee Dote U Than Soe 17/1, 13/1, 6/1, 505/b 3+5+3+2= 13 Yrs Editor, Poet Insein S/Dagon, Rangoon 14-Oct-09
3 Soe Moe @ Soe Moe Tun U Tin Tun 13/1, 17/1 5+3= 8 yrs Activist Insein Bahan, Rangoon 14-Oct-09
4 Nyan Lin Tun U Mya Than N/A 28 yrs Student Insein Irrawaddy 11-Sep-07
5 Zaw Tun Naing U Phay Win 7 3 yrs AASYC Insein Sittwe, Arakan 4-Sep-09
6 U Vithoddi @ Wunna Htay U Win Oo 6, 505/b 5 yrs Monk Insein Zawtikayone, Pakokku, Magwe 28-Aug-09
7 U Yayvata @ Ye Min Naung U San Tun 6, 13/1 9 yrs Monk Insein Ahnout Ngwetaung, Chauk, Magwe 17-Aug-09


နိုင်ငံရေးအကျဉ်းသားများကူညီစောင့်ရှောက်ရေးအသင်း (မြန်မာနိုင်ငံ)

ဆက်သွယ်ရန်…

ကိုတိတ်နိုင်(အတွင်းရေးမှုး) +၆၆(၀) ၈၁ ၂၈၇ ၈၇၅၁
ကိုဘိုကြည်(တွဲဖက်အတွင်းရေးမှုး) +၆၆(၀) ၈၁ ၉၆၂ ၈၇၁၃


Thanks N Regards,

Assistant Association for Political Prisoners (Burma)
Office Ph: 66-55-545495
Web: http://www.aappb.org/, http://www.fbppn.net/

သတင်းအကျဉ်းချုပ် ...

0 မြန်မာ့အလင်း သတင်းစာအရမင်းတြားကြီး အနားမယူသေး

ယနေ့ထုတ် မြန်မာ့အလင်း သတင်းစာအရမူ မင်းတြားကြီး အနားမယူသေးသည်ကို ဓာတ်ပုံများနှင့်တကွ တွေ့မြင်ရသည်။ သို့သော် ကိုယ်ပျောက် မင်းတြားကြီး အသွင်ဆောင်ထားသဖြင့် ဓာတ်ပုံထဲတွင် မင်းတြားကြီးကို တွေ့မြင်ရခြင်း မရှိပေ။

ဘုရင် မင်းတြား၏ ရာဇပလ္လင်ကြီး အစိုးရထုတ် သတင်းစာများတွင် ပေါ်ထွက်လာခြင်း၊ သမ္မတ ဦးသိန်းစိန်၏ နောက်တည့်တည့်မှနေ၍ တန်ခိုး ဣဒ္ဓိပါဒ်ဖြင့် ကိုယ်ယောင်ဖျောက်ကာ "ကိုယ်ပျောက် မင်းတြားကြီး" အဖြစ် ရာဇပလ္လင်ပေါ်တွင် မိန့်မိန့်ကြီး ဆောင့်ကြောင့် ထိုင်နေသည်ကို ဓာတ်ပုံများတွင် တွေ့ရခြင်း တို့ကြောင့် မင်းတြားကြီး အနားမယူသေးသည်မှာ အမှန်ပင် သေချာကြောင်း၊ မြန်မာ့အရေး အကဲခတ်များက သုံးသပ်ကြသည်။

ဒီမိုဖက်တီး(Facebook)

သတင်းအကျဉ်းချုပ် ...

0 အားလုံးစုစည်းနေရင်ဘာမှမဖြစ် (အနဂ္ဂ၊ ဟိန်းဇော်၊ ရန်ရန်ချမ်း၊ ဇေယျာသော်)

အားလုံးစုစည်းနေရင် ဘာမှမဖြစ်....

ငါတို့ လက်တွဲလျှောက်လာခဲ့တာက သုံးယောက်

နောက်တစ်ယောက်ထပ်ရောက်လာတော့ အားလုံးပေါင်း လေးယောက်

ငါတို့ တွေ့ ခဲ့ကြတာ ၀ါသနာတူတွေမို့ 

ညီအစ်ကိုအရင်းတွေအတိုင်းဘဲချစ်ခင်ကြတယ် ငါတို့ 

ဘာလာရှုပ်ညာတာမဟုတ်

ဘာမှမလုပ်နဲ့ ညှာမှာမဟုတ်ဘူး

မြေမှာဒူးထောက်ကာ အထူးတောင်းပန်လည်း ငါမကျေပါဘူး

မပြောနဲ့ မဆိုနဲ့  မကြိုက်ဘူး

လေနဲ့ ထိတောင်မခံဘူး

ငါနေတော့ရူး မနေတော့ဘူး ငါမင်းတို့ ကြားမှာမနေတော့ဘူး

တစ်နေ့ တစ်နေ့ အတင်းချကြ လေကုန်တော့အိပ်မောကျ

ဒါတွေအားလုံးဂရုမစိုက်ဘဲနဲ့  ရှေ့ ဆက်ကြမယ်ငါတို့ 

ဘာ့ကြောင့်လာကာရှုပ် ကိုယ်နဲ့ မဆိုင်ဘဲဘာလာလုပ်

မမြှောက်ပါနဲ့  ငါမမြောက်ပါဘူး

ခြောက်လှည့်လည်း ငါမကြောက်ပါဘူး

အသေအချာအထူး မဖြေမရှာဘူး

မင်းတို့ တွေက မရေရာဘူး လေမှာမြူး

စိတ်ကူးတဲ့အလုပ်တွေ ငါတို့ မလုပ်ဘူး

အကုန်လုံး ထ ကကြ စိတ်ဓာတ်တက်ကြွဖို့ 

အခန်း (၇)သင်ခန်းစာ နားထောင်လိုက်ကြပါစို့ ....(ရန်ရန်ချမ်းတစ်ခုခုသာဖြစ် ငါတို့ ရမှာကအပြစ်

အားလုံးစုစည်းနေရင်ဘာမှမဖြစ်)

အတင်းအဖျင်းပြောတဲ့လူတွေ စကားတွေ ဘေးဖယ်ပြီး ရှေ့ ဆက်

ခေါင်းထဲကနေ အခုထွက်

နားထဲမှာလေကန့် လန့်  ဖွင့်ဟ၀န်ခံမပြောရဲ

နောက်ကွယ်ကနေကြိုးဆွဲ

ယှဉ်ပြိုင်ရင်ဆိုင်နိုင်ဖို့ အတွက်တော့ မင်းတို့ မကြိုးစားနဲ့ 

ရင်ဆိုင်ပြီးတိုက်ခိုက် ယှဉ်ပြိုင်ပြီးလိုက်လိုက်

တစ်သွေးတစ်သားတည်းကဲ့သို့  ညီညွတ်နေတော့ဂရုစိုက်

ငါတို့ အားလုံးညီအစ်ကိုရင်းလို ကြင်နာစိတ်တွေအမြဲရှိ

သွေးသောက်ရဲဘော်စိတ်တွေရှိကာ မင်းတို့ မယုံရင်ကြည့်

တစ်ယောက်တစ်ပေါက်ခွဲထွက်ပြီးတော့ လုပ်ချင်ရာကို ဘယ်တော့မှမလုပ်

အားလုံးစုစည်းပြီးတော့မှသာ လုပ်သင့်တာကိုလုပ်

လေနဲ့ ထိတောင်မခံနဲ့ ဦး ပြောခဲ့ဖူးတာအသေချာဆုံး

ငါထပ်ပြောမယ်နားထောင်ဦး သတ္တိရှိရင်စိန်ခေါ်ဦး

လူမိုက်အဖြစ်နဲ့ အမြဲတမ်း

ရပ်တည်နေတဲ့ဘုဂလန့် များတော့မဟုတ်

သွေးစည်းညီညွတ်ခြင်းကိုသာ ပြသချင်တဲ့ငါတို့ အလုပ်

ညီအစ်ကိုအရင်း ခင်မင်ခြင်း

ရိုင်းပင်းကူညီခြင်းတွေပြည့်နှက်နေတယ် အမြဲမပျက်

အခက်အခဲအားလုံးစုရှင်းလျက်....


(ဟိန်းဇော်တစ်ခုခုသာဖြစ် ငါတို့ ရမှာကအပြစ်

အားလုံးစုစည်းနေရင်ဘာမှမဖြစ်)

အားလုံးပေါင်းစပ်ပြီးတော့မှ ငါတို့ တွေက

အက်စစ်တွေဆိုပြီးတော့ဖြစ်ပေါ်လာရ

သိလား

အခုငါတို့ စုစည်းခဲ့အင်အားဘဲ

ငါပြောမယ်ဘယ်သူလဲ ဒီအဖွဲ့ ကိုလာယှဉ်မလဲ

တစ်ယောက်ရဲ့ လုပ်ကိုင်မှုက မှားနေခြင်း

နောက်တစ်ယောက်က ပြင်ဆင်ပြီးတော့ဖြေရှင်း

ပြောလိုက်

ငါတို့ စုစည်းနေတော့အပြစ်မမြင်

နောက်ပြီး ရည်းစားတွေထက်လည်း ငါတို့ ပိုချစ်ခင်

သိပ်ခက်တဲ့အလုပ်တွေနဲ့  ဖြစ်ပျက်မှုတွေလည်း

အားလုံးစုစည်းပြီးတော့ဘဲ ငါတို့ တွေဖြေရှင်းခဲ့

အာရုံထဲကထုတ်ပစ် မင်းတို့ ရဲ့ အတွေးတွေလည်း

ဘယ်တော့မှမပျက်နိုင်တဲ့ ငါတို့ ရဲ့ ခင်မင်မှုဘဲ

ပိတ်ထား

မင်းတို့ ပါးစပ်လည်း ဘယ်သူမှလည်းခွဲလို့ မရဘဲ

ငါတို့ ထဲက တစ်ယောက်ယောက်ကို လာထိရင်

အက်စစ်နဲ့ လောင်မြိုက်ခံရမယ်ဆိုတာ မင်းတို့ သိစေချင်....


(ဇေယျာသော်တစ်ခုခုသာဖြစ် ငါတို့ ရမှာကအပြစ်

အားလုံးစုစည်းနေရင်ဘာမှမဖြစ်)

ဟေ့ကောင် ဟေ့ကောင် မလုပ်နဲ့  ရန်ရန်ချမ်းဆိုတာငါတို့ လူဘဲ

အရိုးသားဆုံးဟာသူဘဲ

လမ်းဘေးစရိုက်ကို သူ မကြိုက်

ညီအစ်ကိုချင်း ရိုင်းစိုင်းသည့်စိတ်မရှိ

စိတ်ပုတ်တာအလွန်ကင်း လိမ်ညာတာရှင်း ဒါက ဂုဏ်ယူစရာသတင်း

ငါတစ်ခုတွေးကြည့်

ဆန်းပြားသည့်အသံ မင်းပါးစပ်က အခုထွက်ပေါ်လာပြန်

ဟိုအရင်တုန်းကလူတွေ မလုပ်တဲ့အသံကို အခုသူလုပ်ပစ်

ငါ့မှာဝမ်းသာမိတာ စိတ်အတွင်းငါဖြစ်မိ

ကဲ အခု ငါတို့ ရန်တွေ ထ ဖြစ်

ရန်ရန်ချမ်းကိုထိလို့  ငါတို့ ပြန်လုပ်ကြ ငါတို့ ထူးခြားတာတွေရှိ

အဲဒါက ညီအစ်ကိုချင်းတွေအခက်အခဲရှိရင် ဘယ်အချိန်မဆိုရိုင်းပင်းရမယ်

ငါ့ဆိုရင်သူကူညီပြီး

ဇေယျာသော်နဲ့ ဟိန်းဇော် ငါ့မှာအလိုရှိ

အမြဲလိုလိုအခုငါ့မှာ ကျေးဇူးတင်နေမိ

ဒီတော့ ငါတို့ အားလုံးစုစည်းနေရင်ကောင်းမှာပေါ့

အခန်း (၇)သင်ခန်းစာ ငါပြောမယ်မင်းတို့ နားထောင်တော့....


(အနဂ္ဂတစ်ခုခုသာဖြစ် ငါတို့ ရမှာကအပြစ်

အားလုံးစုစည်းနေရင်ဘာမှမဖြစ်)


အက်စစ်တစ်ခုခုသာဖြစ် ငါတို့ ရမှာကအပြစ်

အားလုံးစုစည်းနေရင်ဘာမှမဖြစ်

အက်စစ်တစ်ခုခုသာဖြစ် ငါတို့ ရမှာကအပြစ်

အားလုံးစုစည်းနေရင်ဘာမှမဖြစ်....


စာသား။ အနဂ္ဂ၊ ဟိန်းဇော်၊ ရန်ရန်ချမ်း၊ ဇေယျာသော်


ACID အခွေမှ ကူးယူဖော်ပြပါသည်။


၂၁ ရက်၊ မေလ၊ ၂၀၁၁ ထုတ်၊ နံနက်ခင်းသတင်းဂျာနယ်၊ ဇေယျာသော်နှင့် အင်တာဗျူးမှ

ဓာတ်ပုံဖြစ်ပါသည်။


ဟိန်းဇော်မှာ ကွယ်လွန်သွားပြီဖြစ်ပါသည်။

aung myo tun

သတင်းအကျဉ်းချုပ် ...

0 မြန်မာနိုင်ငံဘယ်ကိုသွားမလဲ

၁၆- ၅- ၂၀၁၁ ရက်နေ့ ညပိုင်းက မြန်မာ့အသံ၊ ရေဒီယိုနဲ့ ရုပ်မြင်သံကြားသတင်းက ထုတ်လွှင့်သွားတဲ့
သမ္မတသစ်ဦးသိန်းစိန်ရဲ့ လွတ်ငြိမ်းချမ်းသာခွင့်ကြေငြာချက်ကတော့ သာမန်မြန်မာပြည်သူများနဲ့ မြန်မာ
နိုင်ငံရဲ့ နိုင်ငံရေးအဖွဲ့ အစည်းများ၊ ကုလသမဂ္ဂအပါအ၀င် မြန်မာ့ဒီမိုကရေစီဖြစ်ထွန်းရေးကို လိုလားကြတဲ့
ကမ္ဘာ့ နိုင်ငံများအတွက်တော့ စိတ်ပျက်စရာဖြစ်ခဲ့ရတဲ့သတင်းဘဲဖြစ်ပါတယ်။

အစိုးရသစ်စတင်ဖွဲ့ စည်းတဲ့နေ့ က ပြောကြားခဲ့တဲ့ သမ္မတရဲ့ ပထမဆုံးမိန့် ခွန်းပါ အချက်အလက်များအပေါ်ထားတဲ့ မျှော်လင့်ချက်များကိုလည်း မှေးမှိန်သွားစေသလိုပါဘဲ။

ကုလသမဂ္ဂ၊ ဥရောပသမဂ္ဂနဲ့ အာဆီယံအဖွဲ့ ဝင်နိုင်ငံများ၊ မြန်မာ့နိုင်ငံရေးပါတီများက ဦးစားပေး တိုက်တွန်း ပြောဆိုနေတဲ့ အဓိကအချက်က ထောင်ကျခံနေရတဲ့ နိုင်ငံရေးအကျဉ်းသားနှစ်ထောင်ကျော် လွှတ်ပေးရေးဆိုတဲ့ ကိစ္စဘဲဖြစ်ပါတယ်။
နိုင်ငံရေးအကျဉ်းသားများလွှတ်ပေးခြင်းဟာ မြန်မာနိုင်ငံဒီမိုကရေစီလမ်းကြောင်းကို စတင်ဖော်ဆောင်ခြင်း
ပြယုဂ်အဖြစ်လည်းကောင်း၊ ကုလသမဂ္ဂအပါအ၀င် နိုင်ငံတကာနဲ့ အဆင်ပြေနိုင်တဲ့လမ်းစကို စတင်နိုင်ခြင်း
အဖြစ်လည်းကောင်း၊ မြန်မာနိုင်ငံအပေါ်အရေးယူထားတဲ့ စီးပွားရေးပိတ်ဆို့ မှုများကို ရုတ်သိမ်းရေးအတွက်
လည်းကောင်း ဆက်စပ်ပက်သက်နေလို့ မြန်မာနိုင်ငံနဲ့ မြန်မာပြည်သူများအတွက် အရေးကြီးလှပါတယ်။

မြန်မာနိုင်ငံဟာ LDC လို့ ခေါ်တဲ့ ဖွံ့ ဖြိုးမှုနိမ့်ကျတဲ့ ၄၈နိုင်ငံများထဲမှာ ပါဝင်နေပေမယ့် မြန်မာနိုင်ငံရဲ့ 
လူ့ အခွင့်အရေးအခြေအနေဖိနှိပ်မှုများနဲ့ မြန်မာနိုင်ငံအစိုးရများရဲ့ ဆောင်ရွက်မှုများကို နိုင်ငံတကာအဖွဲ့ အစည်းအသိုင်းအ၀ိုင်းက မနှစ်သက်ကြလို့  LDC နိုင်ငံများရရှိတဲ့ ကူညီထောက်ပံ့မှုများကို န.အ.ဖ. သက်တမ်းတလျှောက် နှစ်၂၀ ခန့် နဲ့ ယနေ့ ထက်ထိ မရရှိသေးပါဘူး။ ဒီတစ်နှစ်စာအတွက် ရရှိမယ့် အကူအညီဟာလက်ရှိမြန်မာနိုင်ငံရဲ့ သဘာဝဓာတ်ငွေ့ တစ်နှစ်ရောင်းချရငွေပမာဏလောက်ရှိပါတယ်။ အိမ်နီးချင်းလာအိုနိုင်ငံနဲ့ ကမ္ဘောဒီးယားနိုင်ငံတို့ မှာ တစ်နှစ်အတွက် လူတစ်ဦးစီကို အမေရိကန် ၄၅ ဒေါ်လာမှ ၅၅ ဒေါ်လာကြား နိုင်ငံ့လူဦးရေအားလုံးအတွက် ထောက်ပံ့ကူညီမှုရရှိပါတယ်။

ဒီ ထောက်ပံ့ငွေပမာဏဟာ မြန်မာနိုင်ငံရဲ့ နိမ့်ကျနေတဲ့ လူမှုရေး၊ ကျန်းမာရေး၊ ပညာရေး အသုံးစရိတ် တွေအတွက် သုံးစွဲနိုင်ရင် ပြည်သူများအတွက် အထိုက်အလျှောက် အဆင်ပြေနိုင်တဲ့ပမာဏဘဲ ဖြစ်ပါတယ်။
ယခုရက်ပိုင်းအတွင်းမှာဆွေးနွေးနေတဲ့ ကျေးလက်ဒေသဖွံ့ ဖြိုးရေးနဲ့ ဆင်းရဲနိမ့်ကျမှုလျော့ပါးရေးလုပ်ငန်းများ
အတွက် အမှန်တကယ်လက်တွေ့ ကျတဲ့ဆောင်ရွက်မှုတွေကို ထိရောက်စွာ လုပ်ဆောင်နိုင်မှာ ဖြစ်ပါတယ်။

ဥရောပသမဂ္ဂနိုင်ငံများထဲက ဂျာမဏီနဲ့ ပြင်သစ်တို့ အပါအ၀င် နိုင်ငံတချို့ ဟာလည်း မြန်မာနိုင်ငံကို ထိတွေ့ ဆက်သွယ်ကုန်သွယ်မှုမလုပ်နိုင်ရင် မြန်မာနိုင်ငံဟာ တရုတ်နိုင်ငံရဲ့ လက်ဝါးကြီးအုပ်ကြီးစိုးမှုအောက် ရောက်ရှိမှာကို တွေ့ မြင်နေလို့  ထိတွေ့ ဆက်ဆံကုန်သွယ်လိုပေမယ့် သူတို့ လုံးဝလက်မခံနိုင်တဲ့ အဓိကအချက်ဟာနိုင်ငံရေးအကျဉ်းသားနှစ်ထောင်ကျော်ကို ဖမ်းဆီးထားတဲ့ကိစ္စပါဘဲ။
အရင်က တရုတ်တစ်နိုင်ငံထဲကိုသာ မှီခိုအားထားခဲ့တဲ့ ဗီယက်နမ်နိုင်ငံဟာ အခုတော့ သူတို့ နည်းသူတို့ ဟန်နဲ့ တရုတ်သြဇာခံအဖြစ်မှ ခွာထွက်လာနေပါပြီ။ ဗီယက်နမ်ဟာ သူ့ ရဲ့ နိုင်ငံတကာနဲ့ ဆက်ဆံရေးကို ကောင်းမွန်အောင်မြှင့်တင်ပြီး အမေရိကန်အပါအ၀င် ဥရောပသမဂ္ဂ၊ အာဆီယံတို့ နဲ့ ပူးပေါင်းပြီး ရင်းနှီးမြုပ်နှံမှုနဲ့ ကုန်သွယ်စီးပွားရေးကို တိုးတက်ကောင်းမွန်အောင်လုပ်ဆောင်ပြီး တရုတ်တစ်နိုင်ငံထဲရဲ့  သြဇာခံဘ၀ကနေ ရုန်းထွက်နေပါပြီ။
မြန်မာနိုင်ငံမှာတော့ အရင် န.အ.ဖ. ခေါင်းဆောင်များဟာ သူတို့ အစိုးရရပ်တည်နိုင်ရေးအတွက် တရုတ်နိုင်ငံကိုသာ အဓိကအားကိုးလာရာက တဖြည်းဖြည်းနဲ့ အခုအခါမှာဆိုရင် တရုတ်ရဲ့ သြဇာကို မဖယ်ရှား မလွန်ဆန်နိုင်တဲ့အခြေအနေဖြစ်လာနေတာ၊ “၀” ဒေသမှာဆိုရင် သိသိသာသာဖြစ်လာနေပါပြီ။ လက်နက်ကိုင်တပ်စွဲထားတဲ့ “၀”နယ်မြေကို မြန်မာစစ်တပ် မ၀င်ရောက်နိုင်တာ၊ မထိတို့ နိုင်တာက တရုတ်တို့ တားမြစ်ထားတဲ့အတွက်ဘဲ ဖြစ်ပါတယ်။
အခု န.အ.ဖ. အဖွဲ့ ကနေ အရပ်ဝတ်ပြောင်းလာတဲ့ စစ်ဘက်ခေါင်းဆောင်အများစုပါဝင်တဲ့ ကြံ့ဖွံ့ အစိုးရလက်ထက်မှာလည်း ဒီအကြပ်အတည်းဟာ နယ်မြေဒေသကို ဆုံးရှုံးခံနေရတဲ့ အခြေအနေမျိုး ဖြစ်နေပါတယ်။ တရုတ်ဟာမြန်မာစစ်တပ်ကိုလည်း စစ်ရေးပူးပေါင်းဆောင်ရွက်မှုဆိုတဲ့ခေါင်းစဉ်တပ်ပြီး ချဉ်းကပ်လာနိုင်မယ့်အရိပ်အယောင်တွေတွေ့ လာနေရပါတယ်။ “၀” ဒေသမှာလည်း သတ္တု သယံဇာတတွေ ကို တရုတ်ကုန်သည်တွေက ဈေးပေါပေါနဲ့ ဝယ်ယူမှုတွေလုပ်လာနေပါပြီ။

ယခုလာမယ့် ရက်အနည်းငယ်အတွင်းမှာလည်း အစိုးရသစ်အဖွဲ့ ရဲ့ သမ္မတဦးသိန်းစိန်ဟာ တရုတ်နိုင်ငံကို
သွားရောက်မှာဖြစ်ပြီး စီးပွားရေးနဲ့ နှစ်နိုင်ငံဆက်ဆံရေးဆိုတဲ့ခေါင်းစဉ်တွေကို တရားဝင် ဖော်ပြဆွေးနွေးမှာ ဖြစ်ပေမယ့်တရုတ်နယ်စပ်နဲ့ ထိစပ်နေတဲ့နယ်မြေတွေမှာ ကချင်လွတ်မြောက်ရေးအဖွဲ့ ကို တိုက်ခိုက်ဖို့ တရုတ်ရဲ့ ခွင့်ပြုချက်ယူရမယ့်ကိစ္စလည်း ပါဝင်လာနိုင်ဖွယ်ရှိပါတယ်။

ဒါကြောင့်မို့ မြန်မာနိုင်ငံကို တဖြည်းဖြည်းနဲ့ ချုပ်ကိုင်လာနေတဲ့ တရုတ်တစ်နိုင်တည်းကိုဘဲ အဓိကမှီခိုပြီး သြဇာခံနေရမယ့်လမ်းကြောင်းမှ စွန့် ခွာလို့ နိုင်ငံတကာနဲ့ ရင်းနှီးအဆင်ပြေနိုင်မယ့် လမ်းကြောင်းကိုပြောင်းလဲနိုင်အောင်ပထမခြေလှမ်းဖြစ်တဲ့ နိုင်ငံရေးအကျဉ်းသားများကို တစ်ဆင့်စီ အမြန်ဆုံး လုံးဝလွှတ်ပေးပြီး မြန်မာနိုင်ငံအတွက်ရေရှည်အကျိုးစီးပွားဖြစ်ထွန်းနိုင်မယ့် ကုလသမဂ္ဂအပါအ၀င် နိုင်ငံတကာနဲ့ ရင်းရင်းနှီးနှီးဆက်ဆံနိုင်ဖို့ မူဝါဒနဲ့ အခြေအနေကို ဖန်တီးသင့်ပြီဖြစ်ပါတယ်။

မြန်မာနိုင်ငံကို လုံခြုံမှုနဲ့ တကွ ဖွံ့ ဖြိုးတိုးတက်အာင် အဓိကဖော်ဆောင်နိုင်မှာကတော့ စစ်အင်အား၊ လက်နက်အင်အားဖြင့်သာမဟုတ်ဘဲ ပြည်တွင်းစည်းလုံးညီညွတ်မှု၊ ကုလသမဂ္ဂအပါအ၀င် နိုင်ငံတကာနဲ့ ပြေပြစ်ချောမွေ့ တဲ့ဆက်ဆံမှု၊ ကုန်သွယ်ရင်းနှီးမြုပ်နှံမှုတို့ နဲ့ သာ ဖြစ်နိုင်ပါလိမ့်မယ်ခင်ဗျား...။

S ခင်ဇိုင်

သတင်းအကျဉ်းချုပ် ...

0 အမျိုးသားဒီမိုကရေစီအဖွဲ့ချုပ် သတင်းနှင့်ပြန်ကြားရေးဌာန နဲ့ ပြင်ပဓါတ်ပုံအနုပညာရှင်များ ပူပေါင်းပြုလုပ်တဲ့ ”အလင်းနှင့်ရေးတဲ့ပန်းချီ ” ဓာတ်ပုံပြပွဲ

ယနေ့  မနက် (၁၀) နာရီက ရွှေဂုံတိုင်ရှိ အဖွဲ့ချုပ်ရုံး၌ ပြင်ပဓါတ်ပုံပညာရှင်များနဲ့ အဖွဲ့ချုပ်မှ ဓါတ်ပုံဝါသနာရှင်များ ပူးပေါင်းပြီး ဓါတ်ပုံပြပွဲ ခင်းကျင်းပြသခဲ့ပါတယ်။ ပြပွဲကို အမျိုးသားဒီမိုကရေစီအဖွဲ့ချုပ် (အထွေထွေအတွင်းရေးမှုး) ဒေါ်အောင်ဆန်းစုကြည်မှ ဖဲကြိုးဖြတ် ဖွင့်လှစ်ပေးခဲ့ပါတယ်။

ဓါတ်ပုံပြပွဲကဒ်တလောက်များကို ဒေါ်အောင်ဆန်းစုကြည်မှ အမှတ်တရလက်မှတ် ရေးထိုးပေးခဲ့ပါတယ်။ ဓါတ်ပုံများကို အမှတ်တရအဖြစ် ၀ယ်ယူသိမ်းဆည်းလိုသူများအတွက် ဓါတ်ပုံတပုံလျှင် (ကျပ်၅သောင်း) နှုန်းဖြင့် ရောင်းချပေးပါတယ်။ ရောင်းရသောငွေကြေးများကို ဓါတ်ပုံပညာရှင်များမှ အဖွဲ့ချုပ်သို့ အထွေထွေရန်ပုံငွေအဖြစ် လှုဒါန်းပေးအပ်သွားမှာ ဖြစ်ကြောင်း သိရပါတယ်။

သတင်းယူနေစဉ် အချိန်အတွင်းမှာပင် ဓါတ်ပုံမြတ်နိုးသူများမှ ဓါတ်ပုံ (၇) ပုံ ၀ယ်ယူအားပေးသွားကြောင်း သိရှိရပါတယ်။ ကြွရောက်လာကြသော ဓါတ်ပုံပညာရှင်များ၊ ဧည့်သည့်တော်များနှင့် နိုင်ငံခြားဧည့်သည်များအား ကော်ဖီဖြင့် တည်ခင်း ဧည့်ခံခဲ့ပါတယ်။

ပြပွဲကို မေလ (၂၃) ရက်မှ (၂၅) ရက်နေ့အထိ နံနက် (၁၀) နာရီမှ ညနေ (၅) နာရီအထိ ခင်းကျင်းပြသသွားမည် ဖြစ်ကြောင်းသိရပါတယ်။

မှတ်ချက် ။ ။ ဒေါ်အောင်ဆန်းစုကြည်ပုံကို ကြည့်နေသော ဆံပင်ရှည်နှင့် သူမှာ မစ္ဈိမလှိုင်းတေးဂီတအဖွဲ့မှ ကိုရဲလွင် ဖြစ်ပါတယ်။ NLD လူငယ်များနှင့် တွဲရိုက်ထားသောပုံ၏ အလည်မှ အင်္ကျီအဖြူနှင့် လူငယ်မှာ မတရား အသင်း ဆက်သွယ်မှု ထောင် (၄) နှစ်ကျခံခဲ့ရသော HIP HOP အဆိုတော် ဇေယျာသော် ဖြစ်ပါတယ်။

(မျှဝေပေးပို့လာသော ဒီမိုဝေယံအား အထူးကျေးဇူးတင်ရှိပါသည်)။

သတင်းအကျဉ်းချုပ် ...

0 အစိုးရလွှတ်ပေးမဲ့ ဆုဘဲရစေချင်တယ်

ယူကေနိုင်ငံက ဖျော်ဖြေရေး အနုပညာရှင် စုစုပေါင်း အဖွဲ့ဝင် ၃၆၀ဝ၀ ကျော် ရှိတဲ့ သက်တမ်းရင့် Equity အဖွဲ့က မြန်မာနိုင်ငံမှာ ထောင်ကျနေတဲ့ နိုင်ငံကျော် လူရွှင်တော်နဲ့လူမှု အကျိုးဆောင် ကိုဇာဂနာကို ဂုဏ်ထူးဆောင် ရာသက်ပန် အဖွဲ့ဝင် အဖြစ် မနေ့က အသိအမှတ် ပြုလိုက်ပါတယ်။

ဒီလိုဂုဏ်ပြုမှုဟာ Equity အနေနဲ့ အလွန် ရှားပါးတဲ့ လုပ်ဆောင်မှု ဖြစ်ပါတယ်၊ ဘာဖြစ်လို့လဲ ဆိုတော့ ပုံမှန်ဆိုရင် သူ့တို့ယူနီယံရဲ့ သက်တမ်းရင့် အဖွဲ့ဝင်တွေ ကိုသာ ဒီလို အသိအမှတ် ပြုခဲ့တာဖြစ်ပါတယ်။အခုလို ယူကေနိုင်ငံက မဟုတ်တဲ့ ကိုဇာဂနာကို သူတို့ရဲ့ နှစ်ပတ်လည် ညီလာခံမှာ အသိအမှတ် ပြုခဲ့တာ ဖြစ်ပြီး ဒီဂုဏ်ပြုပွဲကို ကိုဇာဂနာ ကိုယ်စား တက်ရောက်ခဲ့တဲ့ ပန်းချီထိန်လင်း ကတော့ ကိုယ်စားဆုတွေ ယူနေရတာထက် နောက်တကြိမ်များ ရခဲ့ရင် ကိုဇာဂနာ ကိုယ်တိုင်ကိုသာ ယူစေချင်တယ်လို့ဘီဘီစီကို ပြောပါတယ်။

သမ္မတ ဦးသိန်းစိန် အစိုးရသစ် အနေနဲ့လည်း ကိုဇာဂနာကို လွှတ်ပေးလိုက် စေချင်တယ်၊ နိုင်ငံတကာက ဆုတွေ အများကြီး ရနေပေမယ့် အစိုးရက လွှတ်ပေးလိုက်တဲ့ လွတ်မြောက်တဲ့ ဆုပဲ ရဖို့ ကျန်တော့တယ်၊ ကိုဇာဂနာ အဲဒီဆုရဖို့ အမြန်ဆုံး မြင်ချင်တယ်လို့ပန်းချီထိန်လင်း က ပြောပါတယ်။ဒီ Equity အဖွဲ့ကြီးဟာ ကိုဇာဂနာ လွတ်မြောက်ရေး လှုပ်ရှားမှုတွေကို စောစောပိုင်းကလည်း လုပ်ဆောင်ခဲ့ဖူးပြီး အခုလို ကိုဇာဂနာက သူတို့ရဲ့ အသင်းဝင် ဖြစ်သွားပြီ ဆိုတော့ ကိုဇာဂနာ လွတ်မြောက်ရေး အတွက် လှုပ်ရှားမှုတွေ ဆက်လုပ် သွားမယ်လို့ Equity ရဲ့ တာဝန်ရှိသူ တဦးဖြစ်တဲ့ Ms. Louise McMullen က ဘီဘီစီကို ပြောပါတယ်။

မကြာခင်မှာ သူတို့အနေနဲ့ယူကေ နိုင်ငံခြားရေးဝန်ကြီးဌာနကိုရော၊ မြန်မာ အစိုးရဆီကိုပါ စာရေးသားပြီး ကိုဇာဂနာဟာ Equity ရဲ့ အဖွဲ့ဝင် တယောက် ဖြစ်တာမို့လွှတ်ပေးဖို့တောင်းဆိုမယ်လို့ သူက ဆိုပါတယ်။အဖွဲ့ဝင်ချင်း လက်ချင်းတွဲပြီး ကိုဇာဂနာ လွတ်မြောက်ရေး တောင်းဆို တိုက်ပွဲဝင်မယ်၊ တလက်စတည်း မြန်မာနိုင်ငံက တခြားနိုင်ငံရေး အကျဉ်းသားတွေ လွတ်မြောက်ဖို့ ကိုပါ တောင်းဆိုကြမယ်၊အခုလို ကိုဇာဂနာကို ဂုဏ်ထူးဆောင် ရာသက်ပန် အသင်းဝင်အဖြစ် ဂုဏ်ပြု ချီးမြှင့်ပြီး နောက်မှာ ယူကေ မီဒီယာတွေရော၊ နိုင်ငံတကာ မီဒီယာတွေ ကနေပါ ကိုဇာဂနာ လွတ်မြောက် ရေးကို ဆက်လုပ် သွားမယ်လို့ Equity ရဲ့ တာဝန်ရှိသူ တဦးဖြစ်တဲ့ Ms. Louise McMullen က ပြောဆိုပါတယ်။
(ဘီဘီစီ)

သတင်းအကျဉ်းချုပ် ...

0 ဂီတအနုပညာသည်မှ နိုင်ငံရေး တက်ကြွလှုပ်ရှားသူ အဖြစ်သို့

ရန်ကုန်၊ မေ ၂၁၊ ၂၀၁၁ (YPI) -

လွန်ခဲ့တဲ့ ၃နှစ်ကျော်က တရားမ၀င်အသင်းအဖွဲ့ ဖွဲ့စည်းမှု နဲ့ဖမ်းဆီးထိမ်းသိန်းခံခဲ့ရတဲ့ လူငယ် ဟစ်ဟော့ အဆိုတော် ဇေယျာသော်ဟာ လွန်ခဲ့တဲ့ အင်္ဂါနေ့မှာ သမ္မတသစ် ဦးသိန်းစိန်ရဲ့ ပြစ်ဒဏ် ၁နှစ် လျော့ပေါ့ခွင့်နဲ့အကျုံးဝင်ပြီး လွတ်မြောက်လာပါတယ်။ သူဟာ လူငယ်ဟစ်ဟော့ အဆိုတော်ဖြစ်သော်ငြားလည်း မိမိတိုင်းပြည်အတွက် အပြောင်းအလဲတခု ဖြစ်ဖို့ လူထုရဲ့ပခုံးပေါ် သက်ရောက်နေတဲ့ နိုင်ငံရေး တာဝန်တရပ်ကို အန္တရာယ်များမှန်းသိလျက်နဲ့ ၀င်ပြီးထမ်းရွက်ခဲ့သူလည်း ဖြစ်ပါတယ်။

သူ့နဲ့ အမြင်တူသူ လူငယ်တစု ဖွဲ့စည်းခဲ့တဲ့ Generation Wave မျိုးဆက်သစ် လူငယ်များအစည်းအရုံး ဖွဲ့စည်းလုပ်ဆောင်မှုကြောင့် ၂၀၀၈ ခုနှစ် မတ်လမှာဖမ်းဆီးထိန်းသိမ်းခံရပြီး ထောင်ဒဏ် အပြစ်ပေးခြင်း ခံခဲ့ရပါတယ်။ ချမှတ်ထားတဲ့ ထောင်ဒဏ် ၄ နှစ်ကို ကော့သောင်းအကျဉ်းထောင်မှာ ကျခံနေရစဉ် ယခု မေ ၁၇ ရက်နေ့ သမ္မတဦးသိန်းစိန် လက်မှတ်ရေးထိုး ထုတ်ပြန်တဲ့လွတ်ငြိမ်းချမ်းသာခွင့်မှာ ၁ နှစ်ပြစ်ဒဏ်လျော့ပေါ့မှုနဲ့ အကျုံးဝင်လွတ်မြောက်လာ ခဲပါတယ်။ ဟစ်ဟော့ ဂီတ အနုပညာသည် အဖြစ်လူငယ် အများက သိရှိထားတဲ့ ကိုဇေယျာသော် တယောက် ဘယ်လို နိုင်ငံရေးနယ်ပယ်ထဲ ရောက်ရှိသွားသလဲ။ ဘယ်လိုခံယူချက်ကြောင့် နိုင်ငံရေး တက်ကြွလှုပ်ရှားသူ တယောက် ဖြစ်ခဲ့သလဲဆိုတာကို ယခုအင်တာဗျူးမှာ ဖေါ်ပြထားပါတယ်။

YPI။ ။ နိုင်ငံရေး ကိုဘယ်လို စိတ်ဝင်စားလာခဲ့သလဲ။ ဘယ်တုန်းက စပြီးစိတ်ဝင်စားခဲ့တာလဲ။

ZYT။ ။ ပြောရမယ်ဆိုရင် ကျွန်တော့်အနေနဲ့ စာတွေကို ကလေးထည်းက စဖတ်ဖြစ်တယ်။ ၆တန်း ၇ တန်းလောက်ကစပြီး နန္ဒာသိန်းဇံတို့ ဆရာ ဆန်းလွင်ရဲ့ ဖီလော်ဆော်ဖီကကြီးခခွေးတို့လို၊ နောက် ဆရာမောင်ကြည်သစ် စတဲ့ ဒဿနနဲ့ ဆိုင်တာတွေကိုဖတ်ဖြစ်တယ်။ အဲဒီကမှ တဆင့် အသက်အရွယ်အရတော့ မပြောတတ်ဘူး။ အတန်းအားဖြင့်ဆိုရင် ၆ တန်း၊ ၇ တန်းလောက်မှာ ကျွန်တော့်အရွယ် တခြားကလေးတွေဖတ်တာမျိုးထက် နည်းနည်းပိုမြင့်တယ်ဆိုလို့ရတဲ့ စာအုပ်တွေလှမ်းကိုင်နေပြီပေါ့။ ဒါပေမယ့် တဖက်မှာ ဖတ်တာကတော့ဖတ်တယ်။ တချို့စာအုပ်တွေကိုနားလည်လို့လည်း မဟုတ်ဘူး။ လက်ဖက်ရည်ဆိုင်တွေမှာ သူငယ်ချင်းအချင်းချင်းငြင်းကြခုန်ကြတဲ့ အခါ အဲဒီစာအုပ်ထဲက စကားလုံးကြီးကြီးနဲ့ကိုင်ပေါက်ချင်လို့၊ အဲဒီစကားလုံးရဲ့ မူရင်းအဓိပ္ပါယ်တွေကိုတော့နားလည်ချင်မှ နားလည်မှာပါ။ ဒါကတော့ ကျွန်တော် စာဖတ်ဖြစ်ခဲ့တဲ့အကြောင်းပါ။

အဲလိုမျိုးစာဖတ်ရင်း ဖတ်ရင်းနဲ့ မှ အဲဒီစကားလုံးတွေရဲ့ အနှစ်သာရ၊ဆိုလိုရင်းတွေကို ခံစားမိလာတယ်။ အဲလိုနဲ့ ပိုပြီးဖတ်ဖြစ်လာတယ်။ စာပေဖတ်တာနည်းနည်းများလာတဲ့ အခါမှာ အသိဥာဏ်ကြွယ်ဝလာပြီလို့ ကျွန်တော်မဆိုချင်ပေမယ့် အကြောင်းအရာ တော်တော်များများကို ယေဘုယျ အကြမ်းဖျဉ်းသဘောပေါက်လာတယ်။ အဲဒီလိုအချိန်မှာလည်း ကျွန်တော့်အနေနဲ့ နိုင်ငံရေးအသိုင်းအ၀ိုင်း ၊ နိုင်ငံရေး တက်ကြွလှုပ်ရှားသူ တို့တွေနဲ့ တွဲမိလာတယ်။

သူတို့တွေနဲ့ တွဲမိပေမယ့်လည်း ပွင့်ပွင့်လင်းလင်းပြောရရင်ကျွန်တော့်အနေနဲ့ နိုင်ငံရေး မလုပ်ရဲသေးဘူး။ ဘာဖြစ်လို့လဲ ဆိုတော့ကျွန်တော်ထောင်ကျမှာလည်း ကြောက်တယ်။ စစ်ကြောရေး စခန်းမှာ နှိပ်စက်ညှင်းပန်းမှာလည်း ကြောက်တယ်။ နောက်ပြီးတော့က ကိုယ့်ရဲ့ဘ၀ကိုယ့်ရဲ့နေထိုင်တဲ့ ပုံသဏ္ဍန် ဆုံးရှုံးသွားမှာလည်းကြောက်တယ်။

ဒီလိုကြောက်တယ် ဆိုပေမယ့် နိုင်ငံရေးလုပ်နေသူတွေကိုတော့ ကျွန်တော်လေးလည်း လေးစားတယ်။ အားလည်းအားကျတယ်။ ဒါပေမယ့် ကျွန်တော်နိုင်ငံရေးထဲကိုထဲထဲဝင်ဝင်မပါဝင်ခဲ့သေးဘူး။ အဲလိုနေရင်းနေရင်းက တဆင့် မသိမသာ နဲ့သူတို့တွေရဲ့ အလုပ်လေးတွေကို ကိုယ်တတ်နိုင်တဲ့ ဘက်ကပါဝင်ကူညီခဲ့ဖူးတယ်။

ဥပမာဗျာ တစ်ကနေ တစ်ရာထိရှိတယ် ဆိုရင် ကျွန်တော်က ငါးပြားဖိုးလောက် ဆယ်ပြားဖိုးလောက်လည်း ဖြစ်ရင်ဖြစ်မယ် ကျွန်တော် ကူညီခဲ့ဖူးတယ်။ အဲဒီအချိန်ထိနိုင်ငံရေး လုပ်မယ်လို့ ယတိပြတ်ဆုံးဖြတ်ထားတာ မရှိသေးဘူး။ အဲဒီကနေမှတဆင့် ပြီးခဲ့တဲ့ ၂၀၀၇ သြဂုတ်လမှ စက်သုံးဆီဈေးကို မြှင့်တင်လိုက်တယ်။

ပြည်သူတွေတော်တော် ကြပ်တည်းသွားတယ်။ အဲဒီဟာကိုမြင်တွေ့လိုက်ရတဲ့အချိန်မှာ ကျွန်တော်မခံနိုင်တော့ဘူးဗျ။ ကျွန်တော်စိတ်ထဲမှာမခံနိုင်တော့ဘူးဗျ။ ကျွန်တော် အပြောင်းအလဲတခုခု လိုချင်ခဲ့တယ်။

ကျွန်တော်တို့ နိုင်ငံဒီအတိုင်း ဆက်သွားလို့ မဖြစ်တော့ဘူး။အပြောင်းအလဲဆိုတဲ့ဟာ မဖြစ်လာဘူးဆိုရင် ကျွန်တော်အပါအ၀င်ပြည်သူပြည်သားတွေရဲ့ ဘ၀ စုန်းစုန်းမြုပ်တော့မယ်။ ကျွန်တော်အဲလိုခံစားလာရတယ်။

အဲဒါကြောင့်မို့လို့ ကျွန်တော့်ရဲ့ လိုအင်ဆန္ဒ၊ ကျွန်တော့်ရဲ့ စိတ်ကူး၊ကျွန်တော်ဖြစ်ချင်တဲ့ နိုင်ငံတော်ပုံစံ ဖြစ်လာရအောင် ကျွန်တော့်ရဲ့ ဆန္ဒကိုကျွန်တော်ထုတ်ဖေါ်ခဲ့တယ်။ အဲလိုဆန္ဒတွေကို ထုတ်ဖေါ်တာက တဆင့် ၀ါသနာတူတဲ့ကျွန်တော်တို့ သူငယ်ချင်း တစု စုပြီး Generation Wave မျိုးဆက်သစ်လူငယ်များ အစည်းအရုံးကို ကျွန်တော်တို့ စတင်ဖွဲ့ဖြစ်ပါတယ်။ ဒါနဲ့တပြိုင်နက်ထဲ ၂၀၀၇ စက်တင်ဘာလမှာ ရွှေဝါရောင် သံဃာ့အရေးအခင်း ပေါ်လာခဲ့တယ်။

အဲဒီတော့ ကျွန်တော့်ရဲ့ နိုင်ငံရေး လှုပ်ရှားမှု အစကိုပြောရမယ် ဆိုရင်တော့ရွှေဝါရောင် တော်လှန်ရေးကနေ စတယ်လို့ ပြောလို့ရတယ်။

YPI။ ။ကိုယ့်ရဲ့ သူငယ်ချင်း အသိုင်းအ၀ိုင်းမှာရော နိုင်ငံရေး လုပ်ကိုင်တာကိုဆန့်ကျင်တာ၊ သဘောထားမတူတာတွေ ရင်ဆိုင်ခဲ့ရလား။

ZYT။ ။ ပထမဦးဆုံး အနေနဲ့ ကျွန်တော့်ပတ်ဝန်းကျင် အသိုင်းအ၀ိုင်းက ကျွန်တော်နိုင်ငံရေး တက်ကြွလှုပ်ရှားသူ အနေနဲ့ လုပ်နေတယ်ဆိုတာကို မသိသေးပါဘူး။

ဒါပေမယ့် တဖြည်းဖြည်းနဲ့ ရိပ်မိသိရှိလာကြတယ်။ ဥပမာ မိဘတွေဆိုရင်အထိန်းသိမ်းခံဖြစ်သွားမှာစိုးလို့ တားတာတွေတော့ရှိပါတယ်။သူငယ်ချင်းမိတ်ဆွေတွေထဲ ကပြောရင်တော့ ရန်ရန်ချန်းဟာ ကျွန်တော်ရဲ့ငယ်သူငယ်ချင်းလည်း ဖြစ်သလို ရဲဘော်ရဲဘက်လည်း ဖြစ်ပါတယ်။ သူ့အနေနဲ့နိုင်ငံရေးကို သူကိုယ်တိုင်မပါဝင်ပေမယ့် ကန့်ကွက်ခြင်းလည်း မရှိပါဘူး။

YPI။ ။အခုဖြစ်ပျက်တဲ့ အဖြစ်ကို နည်းနည်းပြောပြပေးပါလား။

ZYT။ ။ ၂၀၀၈ ခုမတ်လထဲမှာ ကျွန်တော်တို့ သူငယ်ချင်း ၆ ယောက် စုဖွဲ့ပြီး ဆိုင်တဆိုင်မှာ စကားပြောနေတဲ့ အချိန် စရဖ(စစ်ဖက်ရေးရာလုံခြုံရေးအဖွဲ့) ကလာပြီးဖမ်းသွားတာပါ။သူတို့လာဖမ်းသွားပြီး ဗဟန်းစခန်းမှာထားတယ်။ အဲဒီမှာ ထားပြီးညည့်နက်လာတဲ့အချိန်မှာ မျက်နှာအ၀တ်စည်းပြီး စစ်ကြောရေး စခန်းထဲကိုခေါ်သွားလိုက်တာပေါ့။နောက် အဲဒီစစ်ကြောရေး စခန်းမှာ စစ်ဆေးပြီး ရက်အပိုင်းအခြားတခုကြာသွားပြီးတော့ အင်းစိန်ထောင်ပို့ အဲဒီနောက်မှ အပြင်တရားရုံးထုတ်တာ။

YPI။ ။အဲဒီလိုဖြစ်တဲ့အချိန်မှာ ဘယ်လိုခံစားရသလဲ။ ကိုယ်လျှောက်ချင်တဲ့ လမ်း၊သွားချင်တဲ့လမ်းကို အများကြီး မသွားရသေးခင် ဖြစ်သွားတယ်လို့ ခံစားရသလား။

ZYT။ ။ ကျွန်တော် အကြောင်းအရာတခုကို ပြန်ကောက်ပါရစေ။ စောစောပိုင်းကကျွန်တော်ပြောဖူးပါတယ်။ စစ်ကြောရေး စခန်းမှာ နှိပ်စက်ညှင်းပန်းမှုတွေအဖြစ်ခံရမှာ ကြောက်တယ်ဆိုတာကိုရော ၊ ထောင်ကျမှာ ကြောက်တယ်ဆိုတာကိုရောလက်ရှိဘ၀ အခြေပျက်မှာ ကိုကြောက်တယ်ဆိုတာကိုရော ပြောဖူးတယ်။ အဲဒီကမှတဆင့်နိုင်ငံရေးတက်ကြွလှုပ်ရှားသူ အနေနဲ့ ထဲထဲဝင်ဝင် လုပ်ဆောင်လာတဲ့အခါမှာဘယ်အရာကနေပြီး လှုံ့ဆော်လိုက်မှန်း ကျွန်တော်ကိုယ်တိုင်တောင် မသိဘူး။

ဒါပေမယ့် အဲဒီအကြောက်တရား ဆိုတဲ့ လစ်မစ်လေးတခုကိုကျွန်တော်ကျော်သွားတယ်ဗျ၊ အဲဒီအကြောက်တရားလစ်မစ်ကိုကျော်သွားတဲ့ အချိန်မှာ ဖမ်းဆီးခံရမယ်၊ ထိန်းသိမ်းခံရမယ်ဆိုတဲ့အရာတွေ ကျွန်တော့်ခေါင်းထဲမှာ မရှိတော့ဘူးဗျ။ သူကလည်းသူ့အလုပ်သူလုပ်မယ်။ မိမိက မိမိလုပ်စရာရှိတာကို လုပ်နေတဲ့အချိန်မှာသူတို့ဟာ သူတို့လုပ်စရာရှိတာကို လုပ်နေမယ်။ ဒါဟာ ကြုံတွေ့ရမယ့်အရာတခုလို့ပဲ သတ်မှတ်ထားလိုက်တော့တယ်။ ကျွန်တော့်ကို စရဖကစပြီးထိန်းသိမ်းတဲ့ အချိန်မှာ ပထမဦးဆုံး ကျွန်တော်တွေးမိတာကကျွန်တော့်ကိုယ်စွမ်း ဥာဏ်စွမ်းရှိသရွေ့ မလုပ်ဖြစ်ရသေးပဲနဲ့ထိန်းသိမ်းခံရတာကိုတော့ ကျွန်တော် နည်းနည်း နှမြောမိတယ်။

နောက်တခု ပြောချင်တာက စစ်ကြောရေး စခန်းထဲမှာတော့ သွေးထွက်သံယိုဖြစ်တဲ့အထိ စစ်ဆေးခံခဲ့ရပါတယ်။ ဒါပေမယ့် ကျွန်တော်ဒီလို စကားပြောတယ်ဆိုတာလူတဦးတယောက်ကို အာဃာတတရားနဲ့ ပြောတာမဟုတ်ပါဘူး။

အခုလိုမျိုးနှိပ်စက်ညှင်းပန်းခံခဲ့ရပေမယ့် ပုဂ္ဂိုလ်တဦးချင်းစီပေါ် အာဃာတ မထားပါဘူး။သို့သော် ကျွန်တော် မုန်းတာတခုရှိပါတယ်။ မှားယွင်းနေတဲ့ စနစ်ဆိုးကြီးပါ။ဒီစနစ်ဆိုးကြီးရှိနေတဲ့ အတွက်သာ သူ့ဘက်ကိုယ့်ဘက် ဆိုပြီး ဘက်တွေကွဲသွားတာ။ ကျွန်တော်ဆိုလိုချင်တာက ဒီစနစ်ဆိုးကြီးကို တော်လှန်မယ် ၊ပုန်ကန်မယ်၊ ပြောင်းလဲမယ်ဆိုတဲ့ ဘက်မှာ ကျွန်တော်တို့က ရှိနေသလိုဒီစနစ်ဆိုးကြီးကို ကာကွယ်မယ်၊ ရပ်တည်ပေးရမယ်ဆိုတဲ့ဘက်မှာအခြားသူတွေရှိနေကြတာ။ အကယ်၍သာ ဒီစနစ်ဆိုးကြီးမရှိဘူးဆိုရင်ဘက်ဆိုတာလည်း မရှိတော့ပါဘူး။ ဘက်ဆိုတာလည်း မရှိတော့ပါဘူး။

ဘက်ဆိုတာမရှိတော့ရင် အာဃာတလည်း မရှိတော့ပါဘူး။ ကျွန်တော့်အနေနဲ့လူပုဂ္ဂိုလ် တဦးတယောက်ကို အာဃာတမထားပဲ ဒီစနစ်ဆိုးကြီးကိုသာတိုက်ဖျက်ချင်ပါတယ်။

YPI။ ။ ရုံးထွက်တဲ့ ကိစ္စတွေနဲ့ ပတ်သက်ပြီး အတွေ့အကြုံနဲ့ပတ်သက်လို့ ပြောပြပေးပါဦး။

ZYT။ ။ ကျွန်တော်ရုံးချိန်းထွက်တဲ့ အချိန်မှာ ပြောစရာတွေထဲက တခုကိုပြောပြရရင် ကျွန်တော် ရုံးချိန်းထွက်စဉ်က အချုပ်သားတရားခံတွေဖိနပ်စီးခွင့်မရဘူးဗျ၊ ဒါဟာ ဘာကြောင့်လည်းဆိုတာ အဖြေကို ရေရေရာရာ မပေးဘူး။

ကျွန်တော်က ပြောရာမှာ အချုပ်သားတရားခံဆိုတာ တရားခံအစစ်မဟုတ်သေးပါဘူး။တရားလို တဦးဦးက ပြစ်မှု တစုံတရာ ကျူးလွန်တယ်လို့ ထင်မြင်ယူဆတဲ့အတွက်တရားရုံးမှာ စွဲတင်ပြီး တရားစွဲဆိုနေတာပါ။ အဲဒီအရာကို မိမိကျူးလွန်သည်၊ မကျူးလွန်သည် ဆိုတဲ့အချက်ကို တရားပြိုင်အဖြစ် ငြင်းဆိုနေတုန်းပဲရှိပါသေးတယ်။ အဲဒီတော့ အချုပ်တရားခံတဦးဆိုတာ လွတ်လပ်တဲ့လူသားတဦးပဲရှိပါတယ်။ ဒါကြောင့်မို့လို့ အချုပ်တရားခံတဦးကို သူ့ဂုဏ်သိက္ခာ ညှိုးနွမ်းစေမယ့် အပြုအမူ မပြုသင့်ဘူးလို့ ထင်ပါတယ်။

အဲဒါနဲ့ ကျွန်တော်တင်ပြတယ်။ ကျွန်တော်ဖိနပ်စီးမယ်။ ဘာကြောင့်ဆို စောစောကပြောတဲ့အချက်တွေကြောင့် ၊ အဲဒီမှာ ဖိနပ်စီးခွင့် မပြုဘူး ပြုမယ်ဆိုတာနဲ့နောက်ဆုံးကျတော့ ကျွန်တော်ဖိနပ်စီးခွင့်မရရင် ရုံးမထွက်နိုင်ဘူးလို့ပြောလိုက်တယ်။ ကျွန်တော်ရုံးချိန်း ၂ ပတ်လောက်မထွက်လိုက်ရဘူး။နောက်အပတ်တွေကျတော့ ဖိနပ်စီးခွင့်ပေးလိုက်တယ်။

YPI။ ။ ဖိနပ်စီးခွင့် မပေးတာ ဘယ်နေရာကနေ ဘယ်နေရာထိလဲ။

ZYT။ ။ အင်းစိန်ထောင်ကနေ ထွက်ကတည်းက ပြန်လာတဲ့အထိပါ။ သူတို့အကြောင်းပြတာကဖိနပ်ထဲမှာ သံဖြတ်လွှပါလာမလားဆိုတဲ့ အကြောင်းပြတာပေါ့။ အဲဒီကိစ္စမှာကျွန်တော်၊ ကိုဥာဏ်လင်းအောင်၊ ကိုကျော်သူထိုက်တို့ တိုက်ကြတာပါ။

အခြားအခြားသောနေရာမှာလည်း တိုက်တဲ့သူတွေ ရှိရင်ရှိနိုင်ပါတယ်။

YPI။ ။ အကျဉ်းထောင်နဲ့ ပတ်သက်လို့ ဘယ်လို ခံစားရပါသလဲ။

ZYT။ ။ အကျဉ်းထောင်က လူတွေကို အကြောင်းအရာအမျိုးမျိုးပြောင်းလဲစေပါတယ်။ ကောင်းတာတွေ ပြောင်းလဲစေတာ ရှိသလို မကောင်းတာတွေလည်းပြောင်းလဲစေနိုင်ပါတယ်။ ဒါပေမယ့် အကောင်းပြောင်းလဲမှုကို လက်ခံပြီးအဆိုးပြောင်းလဲမှုကို ပြစ်ပယ်လိုက်ရမှာပဲ။ ကျွန်တော့်အနေနဲ့ ဆိုရင်တော့ပထမဦးဆုံး နိုင်ငံရေး တက်ကြွလှုပ်ရှားသူဖြစ်လာတာဟာ အမှန်တရားကိုမြတ်နိုးတဲ့ စိတ်၊ မဟုတ်မမှန်တာကို ခေါင်းငုံ့မခံချင်တဲ့စိတ်အဲဒီစိတ်မျိုးနဲ့ ဖြစ်လာတာ၊ ကျွန်တော်ကို နှစ်အပိုင်းအခြား တခုထောင်ဒဏ်ချမှတ်လိုက်တဲ့ အချိန်မှာ ကျွန်တော်လုပ်ခဲ့တဲ့အလုပ်၊ ကျွန်တော်ရဲ့လုပ်ရပ်တွေအားလုံးကို အပြန်ပြန် အလှန်လှန်သုံးသပ်ဖို့ အချိန်ရသွားပါတယ်။အပြန်ပြန်အလှန်လှန် သုံးသပ်နိုင်တဲ့ အခါကျတော့မှ ကျွန်တော်တို့ နိုင်ငံအတွက်လိုအပ်နေတဲ့ လိုအပ်ချက်တွေ၊ ကျွန်တော်တို့နိုင်ငံအတွက်ပြုပြင်ပြောင်းလဲသင့်တဲ့ အရာတွေ ကျွန်တော်တို့နိုင်ငံမှာရှိသင့်ရှိထိုက်တဲ့ လူ့အခွင့်အရေးတွေ အဲဒါတွေကို ခြေခြေမြစ်ဖြစ် သဘောပေါက်လာတော့ နိုင်ငံရေး တက်ကြွလှုပ်ရှားသူ အဖြစ်ကနေ နိုင်ငံရေးကိုဇောက်ချလုပ်မယ့်သူ တယောက်ဖြစ်လာတာပေါ့ဗျာ။ ကျွန်တော့်အတွက်အပြောင်းအလဲဆိုရင် အဲဒီအချက်အလက်ပါပဲ။

YPI။ ။ အတွင်းမှာ စာတွေတော်တော်များများ ဖတ်ဖြစ်လား။

ZYT။ ။ အရင်တုန်းကတော့ စာတွေ အတော်များများ ဖတ်ဖြစ်ခဲ့ပါတယ်။ ဒါပေမယ့်တဖက်မှာ အနုပညာ လည်းလုပ်နေတော့ သီချင်းနားထောင် ရေး၊တီးခတ်ဖို့လုပ်နေရတော့ အပြင်တုန်းက စာဖတ်ဖို့ အချိန်နည်းခဲ့ပါတယ်။

အကျဉ်းထောင်ထဲမှာတော့ အပြင်တုန်းက ဖတ်မယ်ဆိုပြီးဝယ်ထားပေမယ့်အပြီးမသတ်သေးတဲ့ စာအုပ်တွေ ဖတ်နိုင်ခဲ့ပါတယ်။

YPI။ ။ နိုင်ငံရေး ဇောက်ချလုပ်မယ့်သူ တယောက်ဖြစ်လာတော့ အနုပညာကိုရော ဘယ်လို သဘောထားပါသလဲ။

ZYT။ ။ အနုပညာအနေနဲ့ကတော့ ကျွန်တော်ရင်ထဲ ထိခိုက်မှု ၊ ခံစားမှုဒီအရာတွေအကုန်လုံးကို ဂီတနဲ့ဖြစ်စေ၊ ကဗျာနဲ့ဖြစ်စေ၊ ဆောင်းပါးတပုဒ်နဲ့ဖြစ်စေ ဖေါ်ထုတ်နိုင်သရွေ့ကတော့ ဖေါ်ထုတ်နေမှာပဲ။ ဒါကိုပရိတ်သတ်ရှေ့ချပြခွင့် ရမရကတော့ ကွာခြားသွားမှာပါ။

ကျွန်တော်တို့ အရင်တုန်းက သီချင်းဆိုခဲ့တာမှာ ဟစ်ဟော့ဂီတကိုမြန်မာနိုင်ငံမှာ ချပြချင်တဲ့စိတ်က အရင်းခံတာပါ။ အဲဒီကနေမှ တဆင့်ကျွန်တော်အဆိုတော်ဖြစ်လာတာ။ အဲဒီတော့ ဂီတနဲ့ နိုင်ငံရေး၊ အနုပညာနဲ့နိုင်ငံရေး ဒီနှစ်ခုယှဉ်မယ်ဆိုရင်တော့ ပထမအဆင့် ဒုတိယအဆင့်ရယ်လို့မဟုတ်ပဲ နှစ်ခုစလုံးက ပြိုင်ပြီးသွားနေမယ်လို့ ထင်ပါတယ်။

YPI။ ။ အနုပညာသည်ဘ၀နဲ့ နိုင်ငံရေး ကိုဘယ်လိုစည်းခြားထားလဲ။ အဲဒီနယ်ပယ် ၂ခုကိုဘယ်လိုကိုင်တွယ် ဖြေရှင်းလဲ။

ZYT။ ။ အနုပညာအသိုင်းအ၀ိုင်းကလူတွေကတော့ အနုပညာကို ပြန်လုပ်စေချင်ကြတယ်။ နိုင်ငံရေး အသိုင်းအ၀ိုင်း ကတော့ အနုပညာနဲ့ နိုင်ငံရေးကိုတွဲပြီးပြန်လုပ်စေချင်ကြတယ်။ ဘာဖြစ်လို့လဲဆိုတော့ နိုင်ငံရေးလုပ်ဖို့အတွက်က ဘယ်သူမှ အတင်းအကြပ်စေခိုင်းလို့ မရပါဘူး။ မိမိရဲ့စိတ်ဆန္ဒအရသာ လုပ်ကြတာကိုး ဒါပေမယ့် ကျွန်တော်တို့ နိုင်ငံမှာ ဒီနိုင်ငံတိုးတက်ဖို့ ဒီနိုင်ငံအကျိုးရှိအောင် လုပ်မယ့်သူတွေ အင်မတန်နည်းနေပါသေးတယ်။ ဒါကြောင့်မို့လို့ နိုင်ငံရေးတက်ကြွလှုပ်ရှားသူတွေက ကျွန်တော့်ကို နိုင်ငံရေး လုပ်စေချင်တာပါ။

ဒီနှစ်ခုကြားထဲမှာ ဘယ်လို ညီမျှအောင် လုပ်သလဲဆိုရင် နိုင်ငံရေး ဟာအနုပညာနဲ့ မသက်ဆိုင်ဘူးဆိုပေမယ့် အနုပညာနဲ့ နှီးနွယ်နေတဲ့အလုပ်ဖြစ်ပါတယ်။ ဥပမာပြောရမယ်ဆိုရင် စာပေအနုပညာရှင်တွေက များသောအားဖြင့်နိုင်ငံရေး သမားဟောင်းတွေများပါတယ်။ အနုပညာရှင်တွေထဲကလည်း နိုင်ငံရေးသမားတွေထွက်ပေါ်လာတတ်ပါတယ်။ အဲဒီတော့ ဂီတအနုပညာကိုလုပ်ရင်းနဲလည်းနိုင်ငံရေးကိုလုပ်လို့ ရတယ်လို့ကျွန်တော်ထင်ပါတယ်။ ဒါပေမယ့် မိမိရဲ့ဆုံးဖြတ်ချက်နဲ့ မိမိရဲ့ စိတ်ဓါတ်ကိုတော့ ပိုင်ပိုင်နိုင်နိုင်ထိမ်းသိန်းကိုင်တွယ်သွားဖို့တော့လိုတယ်လို့ ကျွန်တော်ထင်တယ်ဗျ။

YPI။ ။ လက်ရှိ ကျန်းမာရေးနဲ့ ပတ်သက်လို့ ဘယ်လို အခြေအနေရှိလဲ။

ZYT။ ။ ကျွန်တော့်မှာ အစာအိမ် အနာရှိတယ်ဗျ၊ ကျွန်တော်အထိန်းသိမ်းမခံရခင်ကတည်းက အစားအသောက်နဲ့ ပတ်သက်လာလို့ရှိရင်နည်းနည်းဆင်ခြင်ရပါတယ်။ အဲလို လူမျိုးက အကျဉ်းထောင်ထဲရောက်သွားတော့အစားအသောက်ကို တော်တော်လေး ဂရုစိုက်ရတယ်ဗျ၊ အထိန်းသိမ်းခံနေရစဉ်မှာအသဲအသန် မဟုတ်ပေမယ့်လည်း အပြင်းအထန် ဆိုတာမျိုး ၂ ခေါက်လောက်ဖြစ်ခဲ့ဖူးပါတယ်။ အခုတော့ ကျန်းမာရေး စစ်ဆေးနေတုန်းပါပဲ။ ယေဘုယျပြောရရင်ကျန်းမာရေး အသင့်အတင့်ရှိတယ်လို့ပဲ ပြောရမှာပါ။

YPI။ ။ မိသားစုနဲ့ ပတ်သက်တဲ့ ခံစားမှု ပြောပြပေးပါလား။

ZYT။ ။ ကျွန်တော့်အနေနဲ့ကတော့ မြန်မာနိုင်ငံမှာ နိုင်ငံရေး လုပ်မယ်ဆိုရင်ရာခိုင်နှုန်းအတော်များများက တော့ ထောင်ထဲရောက်နိုင်တယ်။အကျဉ်းကျနိုင်တယ်ဆိုတာ နားလည်ပီးသားပါ။ နားလည်ပြီး စိတ်ပိုင်းဖြတ်ပြီးအကျဉ်းကျခံနေရတာ အထူးအထွေစဉ်းစားနေစရာ အကြောင်းမရှိပါဘူး။ ဒါပေမယ့် နယ်ဝေးထောင်တွေကို ပို့တယ်။ မိမိတင်မကပဲ မိမိရဲ့ မိသားစုတွေကိုပါအခက်အခဲအမျိုးမျိုးတွေ့အောင် လုပ်လိုက်တာမျိုးကိုတော့ ကျွန်တော်သဘောလည်းမကျဘူး။ ဒီလိုပုံစံမျိုးဟာ မဖြစ်သင့်ပါဘူး။ အခုဆိုလို့ရှိရင်အချို့အချို့သော မိသားစုဝင်တွေမှဆိုလို့ရှိရင် ယုံကြည်ချက်ကြောင့်အကျဉ်းကျခံနေရသူက တအိမ်ထဲမှာ တယောက်မကတဲ့ မိသားစုတွေရှိပါတယ်။

ဥပမာ-

မိမိရဲ့ ယောင်္ကျားက တနေရာကိုရောက်နေပြီး သားက တနေရာကိုရောက်နေတာဆိုလို့ရှိရင် ဘယ်လို ခံစားရမလဲ ဆိုတာပါ။ အဲဒီလိုပဲ ကျွန်တော့်အနေနဲ့လည်းကိုယ်တိုင် ခံစားရနိုင်ပေမယ့်လည်း အသက်အရွယ်ကြီးပြီဖြစ်တဲ့ ကျွန်တော့်အမေကျွန်တော့်ဆီကို ရောက်အောင် လာဖို့ကြိုးစားရတဲ့ဟာတွေ မြင်ရတဲ့အခါဝမ်းသာရမယ့်အစား ရင်နာမိတာများတယ်ဗျ။

YPI။ ။ အပြင်လောကနဲ့ ကင်းကွာနေတဲ့ ၃ နှစ်လောက်ကာလမှာဘာတွေပြောင်းလဲသွားတယ်လို့မြင်လဲ။ ဘာတွေကို သတိထားမိပါသလဲ

ZYT။ ။ အပြင်ပုံသဏ္ဍန်အားဖြင့်ပြောင်းလဲနေတာ တော်တော်များများ တွေ့တယ်ဗျာ၊ဥပမာအားဖြင့် စောစောက ပြောတဲ့ မိုဘိုင်းဖုန်းကိစ္စလည်းပါတယ်ဗျာ။

ငါးသိန်းဖုန်းဆိုတဲ့ဟာတွေကို တော်တော်များများရဲ့ လက်ထဲမှာတွေ့လိုက်ရတယ်။ ဖုန်းတလုံး ငါးသိန်းဆိုတာတောင် တော်တော်များနေသေးတယ်။ဒါတောင် ဒိလောက်လူ အရေအတွက် များများကိုင်လာနိုင်တယ်ဆိုရင် ဒိထက်များထပ်လျော့ပေါ့နိုင်မယ်ဆိုရင် လူတွေပိုပြီး ကိုင်လာကြမှပဲ။ ဒါကတော့ပထမမြင်ရတဲ့ အခြေအနေပါ။ ဒုတိယမြင်ရတာကတော့ ၀တ်ပုံစားပုံပြောင်းလဲလာတာပြောပုံဆိုပုံ ပြောင်းလဲလာတာတွေ တွေ့ရတယ်။ အတွင်းအနှစ်သာရအပိုင်းပြောင်းလဲသလားဆိုတာ ကတော့ နည်းနည်း အချိန်ကြာပြီးမှ ပြောနိုင်မယ် ထင်တယ်။

YPI။ ။တခြား အပြောင်းအလဲတွေ အနေနဲ့ရော။

ZYT။ ။ ပထမဆုံး အနုပညာအနေနဲ့ ပြောရရင် အထိန်းသိမ်းမခံရစဉ်က အခြေအနေနဲ့အခုအခြေအနေကို ယှဉ်ကြည့်ရင် ဂျာနယ်တွေထဲမှာ ဆိုရင် အရင်တုန်းကခွင့်ပြုမယ် မထင်တဲ့ဟာမျိုးလေးတွေ တွေ့လာရတယ်။ နောက်ပြီးစာအုပ်စာတမ်းထဲကဆိုရင် အရင် ကျဖို့တော်တော်ကြာခဲ့တဲ့ စာအုပ်တွေ ၊အရင်တုန်းက ပြန်လည် ရိုက်ခွင့်ပြုမယ် မထင်တဲ့စာအုပ်တွေ တွေ့ရတယ်။

နောက်စာနယ်ဇင်းထဲမှာ အကောင်းဘက်ပြောင်းလဲမှုပေါ့။ အဆိုးဘက်ပြောင်းလဲမှုလို့ဆိုရင်တော့ စာနယ်ဇင်းထဲမှာ တိကျမှု လျော့လျဲတဲ့ ၊ တာဝန်ခံမှု လျော့နည်းတဲ့စာနယ်ဇင်း ဂျာနယ်မျိုးတွေ ထွက်လာတာလည်းတွေ့ရတယ်ဗျ၊ နောက်ပြီးပေါ့ပေါ့ပါးပါး ရောင်းကုန်ဖြစ်အောင် ထုတ်ဝေခဲ့တဲ့ စာအုပ်တွေလည်းတွေ့ရတယ်ဗျ၊ ဒါကလည်း ကာလတခုကြာလာတဲ့ အခါ ပရိသတ်က စိစစ်သွားမယ်ထင်ပါတယ်။

ဂီတအနေနဲ့ လွန်ခဲ့တဲ့ ၃ နှစ်တာကာလအတွင်း ကျွန်တော်တို့က တိုက်ခန်းနဲ့နေရတာဖြစ်လို့ တီဗီတွေ သီချင်းတွေ နားမထောင်ရလို့ (အကျဉ်းထောင်အတွင်းတိုက်ပိတ် ခံရသည့်အဖြစ်ကိုဆိုလိုခြင်း ဖြစ်သည်) မပြောတတ်ပါဘူး။

အခြားသူတွေ ပြောစကားအရရော ကျွန်တော်ပြန်ထွက်လာတဲ့ အခါမှာနည်းနည်းကြားမိသလောက် ပြောရရင် ဂီတကတော့ အခြေအနေသိပ်မကောင်းဘူး။အလွယ်တွေကို ပိုပြီးဖန်တီးနေတယ်။ အနှစ်သာရ ပျောက်နေ တယ်လို့ ထင်ပါတယ်။

ဒါကကျွန်တော့် တဦးချင်းရဲ့ အမြင်ပါ။ ကျွန်တော် အထိန်းသိမ်းမခံရခင်ကတည်းကကျွန်တော် အခြေခံဥပဒေကို လေ့လာခဲ့ဖူးပါတယ်။ မူကြမ်းက ၂၀၀၇စက်တင်ဘာလောက်မှာ အဆုံးသတ်တာပါ။ အဲဒီတုန်းက မူကြမ်းကိုကြေကြေညက်ညက်မဟုတ်တောင်မှ ထောင့်စေ့အောင်တော့ လေ့လာခဲ့ဖူးပါတယ်။ အဲဒီတော့ဘာသွားတွေ့သလဲ ဆိုရင် ဒီအခြေခံဥပဒေ အရသာ အစိုးရတရပ်ဖွဲ့စည်းပြီဆိုရင်ဖြစ်ပေါ်လာတဲ့ အစိုးရဟာ အာဏာရှင် တဦးတယောက် ၊ အဖွဲ့တဖွဲ့ရဲ့ကြိုးဆွဲရာကမယ့် အစိုးရ ဖြစ်လိမ့်မယ်လို့ ထင်ပါတယ်။ လက်ရှိအချိန်ထိတော့အဲဒီတုန်းက ထင်မှတ်ခဲ့တဲ့ အထင်ဟာ အပြောင်းအလဲမရှိသေးပါဘူး။

YPI။ ။ရှေ့ဆက်ဘာလုပ်ဖို့ စိတ်ကူးထားပါသလဲ။

ZYT။ ။ အနုပညာပိုင်းအရ ပြောရမယ်ဆိုရင်တော့ ဂီတ အနုပညာကိုကျွန်တော်ဆက်လက်ဖန်တီး ဖြစ်နေမှာပါ။ နိုင်ငံရေး အရပြောရရင်တော့ ကိုယ့်ရဲ့ယုံကြည်ချက်ကြောင့်၊ ခံယူချက်ကြောင့် အကျဉ်းကျခံနေရတဲ့ အကျဉ်းသားတွေအမြန်ဆုံး လွတ်မြောက်လာဖို့ အတွက် ကျွန်တော်ကြိုးစားပြီးဆောင်ရွက်ချင်တဲ့ ဆန္ဒရှိပါတယ်။

YPI။ ။ အလေးစားဆုံး နိုင်ငံရေး ခေါင်းဆောင် ဘယ်သူလဲသိပါရစေ။

ZYT။ ။ ပြည်တွင်းမှာဆိုရင်တော့ ကျဆုံးသွားပြီးဖြစ်တဲ့ အမျိုးသားခေါင်းဆောင်ဗိုလ်ချုပ်အောင်ဆန်းပါ။ ဒုတိယ အလေးစားဆုံး ခေါင်းဆောင်ကတော့ ခုထိသက်ရှိထင်ရှားနဲ့ နိုင်ငံရေး လုပ်နေတဲ့ ဗိုလ်ချုပ်ရဲ့ သမီးဖြစ်တဲ့ဒေါ်အောင်ဆန်းစုကြည် ကိုအလေးစားဆုံး ဖြစ်ပါတယ်။ ပြည်ပမှာတော့တဦးတယောက်ကို ရွေးထုတ်ဖို့ခက်ပါတယ်။ တဦးတယောက်စီက ကောင်းတဲ့အချက်တွေရွေးထုတ်ပြီး သဘောကျတယ် ။

YPI။ ။လူငယ်တွေကို ဘာများပြောချင်ပါသလဲ။

ZYT။ ။ လူငယ်ဆိုတာ အမှန်တရားကို မြတ်နိုးပါတယ်။ မဟုတ်တာ မမှန်တာတွေ့ရင်လည်းမထောက်ခံပါဘူး။ မတရားတာတွေ့ရင်လည်း ငုံ့မခံပါဘူး။ ဒါဟာဘယ်လိုခေတ်ပဲဖြစ်ဖြစ် ဘယ်စနစ်ပဲဖြစ်ဖြစ် ဘယ်အစိုးရပဲ အုပ်ချုပ်သည်ဖြစ်စေမပြောင်းလဲတဲ့စိတ်ဓါတ်ပါ။ ဒီတန်ဖိုးရှိလှတဲ့ ရဲရင့်တဲ့ လူငယ်တွေရဲ့စိတ်ဓါတ် ကိုလူငယ်တိုင်း လူငယ်တိုင်း ရင်ထဲမှာ မွေးထုတ်ကြဖို့မွေးယူကြဖို့ ကျွန်တော် တိုက်တွန်းပါတယ်။

Yangon PressInternational

သတင်းအကျဉ်းချုပ် ...

0 အင်းစိန်ထောင်တွင် နိုင်ငံရေးအကျဉ်းသားများ ဆန္ဒပြနေ

သတင်းထုတ်ပြန်ချက်
ရက်စွဲ။ ။ ၂၁ မေလ၊ ၂၀၁၁ ခုနှစ်

...အင်းစိန်ထောင်တွင် နိုင်ငံရေးအကျဉ်းသား၂၂ ဦးသည် အကျဉ်းသားများရပိုင်ခွင့်များ ရရှိရေးအတွက် ယနေ့ မေလ ၂၁ ရက်နေ့မှစ၍ ဆန္ဒပြနေကြောင်းသိရှိရသည်။

ပထမအဆင့် အနေဖြင့် မေလ ၂၁ ရက်နေ့ မနက်မှ စ၍ အခန်းထဲမှ အခန်းပြင်မထွက်ပဲ ဆန္ဒပြ
မည်ဖြစ်ပြီး မေလ ၂၂ ရက်နေ့ နေ့လည်မှစ၍ အစာငတ်ခံ ဆန္ဒပြသွားမည် ဟု သိရှိရသည်။

ထိုသို့ဆန္ဒပြရသည့်အကြောင်းအရင်းများမှာ အောက်ပါအခြေအနေများကြောင့် ဆန္ဒပြရခြင်း ဖြစ် ကြောင်းသိရှိရသည်။

- ထောင်မှကျွေးမွေးသော ဟင်းများသည် အရသာကင်းမဲ့စွာ အရွက်များကို ရေလုံပြုတ် ထာသော (တာလဘော) ဟင်းဖြစ်သည်။ ငပိရည်ချိုမှာ အနံ့ဆိုးပြီး အညံ့ဆုံးငပိကို ရွေးချယ်အသုံးပြုပြီး ရေများများနှင့် ကျဲတောက်စွာ ချက်ထားပါသည်။ ထို့ကြောင့် ယား နာများ။ သွေးတိုးရောဂါများ၊ ဖြစ်ပွားလျက်ရှိပါသည်။ အကျဉ်းသားတဦးကို တပါတ် လျှင် (၂) ကြိမ် ကျွေးမွေးသော အသားဟင်းလျာများမှာ အလေးချိန် မပြည့်ခြင်း။ အရသာ ကင်းမဲ့ခြင်း။ မနူးခြင်းများဖြင့် စားသုံးရပါသည်။ ၂၀၀၇ ခုနှစ် စက်တင်ဘာ ထုတ် Living Colour မဂ္ဂဇင်းတွင် အကျဉ်းဦးစီးဌာန ဒုတိယ ညွှန်ကြားရေးမှုး ဦးလှ ကြည်မှ အကျဉ်းသားများအား အပတ်စဉ် အသီးအရွက်ကြော်ကျွေးသည်ဟု ပြောကြားခဲ့ပါသည်။ အမှန်တကယ်တွင် ယနေ့အချိန်ထိ တခါမျှ အသီးအရွက်ကြော် မကျွေးခဲ့ပါ။ ၂၀၀၇ ခုနှစ် အထိ တပါတ်လျှင် သုံးကြိမ် နံနက်စာ ထမင်းကြော် ကျွေးခဲ့သော်လည်း နောက်ပိုင်း၌ မကျွေးတော့ပါ။
- အကျဉ်းသားများအား ထုတ်ပေးသော ပုံစံဝတ်စုံမှာ ပါးလွှာခြင်း၊ အနံ့ဆိုးခြင်း၊ ကွင်းကျဉ်းခြင်း တို့ကြောင့် မိမိတို့ အရှက်ကို လုံခြုံမှုမရှိပဲ လူ့ဂုဏ်သိက္ခာကို ညှိုးနွမ်းစေပါသည်။
- ကြမ်းပိုးကိုက်ခြင်း၊ အိပ်ချိန်လုံလောက်စွာမရခြင်း။ ၀ဲ၊ ယားနာ စသောကူးစက်ရောဂါများ ဖြစ်ပွားလျက်ရှိပါသည်။ ကြွက်၊ ခြင်၊ ယင်ကြောင့် ၀မ်းပျက်ရောဂါများ ဖြစ်ပွားလျက်ရှိပါသည်။ ခြင်အန္တရာယ်ကြောင့် ငှက်ဖျား၊ သွေးလွန်တုတ်ကွေးရောဂါများ ဖြစ်ပွားလျှက်ရှိပါသည်။ အကျဉ်းသားများကို ဆေးထိုးအပ် ကိုင်ခိုင်းထားပါသည်။
- အကျဉ်းကျခံနေရစဉ် စာပေလေ့လာခြင်း၊ ဘာသာစကားလေ့လာခြင်း တို့ကို အထောက် အကူပြုစေရန် စာရေးကိရိယာများနှင့် ခွင့်ပြု စာအုပ်များကို လွတ်လပ်စွာဖတ်ရှုခွင့်မရပါ။
- နအဖ အစိုးရဟောင်းမှ အကျဉ်းသားများအား အဆင့်အတန်း ခွဲခြားထားပါသည်။ ခံစားခွင့်နှင့် ရပိုင်ခွင့်များ ခွဲခြားသတ်မှတ်ထားပါသည်။ သီးသန့်၊ သာမန်အကျဉ်းသားများသည် လျော့ရက်ခံစားခွင့် မရရှိခဲ့ပေ။
- နိုင်ငံခြားသားများ ထောင်ဝင်စာတွေ့ဆုံရာတွင် မည်သည့် အကာအရံ အတားအဆီးမျှ မရှိပဲ မိသားစုနှင့်အတူ လွတ်လပ်စွာ တွေ့ဆုံစကားပြောခွင့် ပေးထားပါသည်။ သီးသန့်၊ သာမန်သီးသန့် အကျဉ်းသားများ ထောင်ဝင်စာတွေ့ဆုံရာတွင် မှန်၊ သံဇကာများ ကာရံထားပါသည်။ CCTV နှင့် ၀န်ထမ်းများ လိုက်လံရေးသား မှတ်တမ်းတင်ခြင်းကြောင့် မိမိတို့၏ ကိုယ်ရေးကိုယ်တာ ကိစ္စများ မိသားစု အရေးများ လွတ်လပ်စွာ ပြောဆိုလို့ မရပါ။

အထက်ပါအခြေအနေများကြောင့် အောက်ပါတောင်းဆိုချက်များ တောင်းဆို ဆန္ဒပြ နေကြောင်း သိရှိရပါသည်။

ထိုတောင်းဆိုချက်များမှာ..
၁။ ထောင်မှနေ့စဉ်ကျွေးမွေးသော အစားအစာများကို အကျဉ်းဦးစီးဌာနမှ သတ်မှတ်ထားသော စံနှုန်းများနှင့်အညီ ပြည့်ပြည့်၀၀ ကောင်းမွန်စွာ ချက်ပြုတ် ကျွေးမွေးရန် နှင့် အသီးအရွက်ကြော် အပတ်စဉ်ကျွေးမွေးရန်။
၂။ လူ့ဂုဏ်သိက္ခာနှင့် လျှော်ညီစွာ စီမံချုပ်လုပ်ထားသော ထောင်တွင်းသတ်မှတ်ပုံစံ ၀တ်စုံအား ၆ လ တစ်ကြိမ် အကျဉ်းသားများအားထုတ်ပေးရန်။
၃။ ပျမ်းမျှအကျဉ်းသားဦးရေ ၁၁၀ ခန့်ထားရှိသော အခန်း ၃၀ ပေ x ၅၅ ပေ အတွင်း ကြွက်၊ ခြင်၊ ကြမ်းပိုး အန္တရာယ်ကင်းဝေးစေရန်အတွက် ကောင်းမွန်သော အခင်းထားရှိရန်။ ခြင်အန္တရာယ်ကင်းဝေးစေရန် ပန်ကာ သို့မဟုတ် ခြင်ထောင်ထားရှိပေးရန်။
၎။ တရားဝင် ဗလာစာအုပ်၊ ခဲတံ ကိုင်ဆောင်ထားရှိခွင့်နှင့် ရေးသားခွင့်ပေးရန်။
၅။ လျှော့ရက်ခံစားခွင့်မရရှိသော သီးသန့်/ သာမန်သီးသန့် အကျဉ်းသားများအား သီးခြားထားပေးရန်။
၆။ လျှော့ရက်ခံစားခွင့်မရရှိသော သီးသန့်/ သာမန်သီးသန့်အကျဉ်းသားများအား ထောင်ဝင်စာတွေ့ဆုံရာတွင် နိုင်ငံခြားသားအကျဉ်းသားများနည်းတူ လွတ်လပ်စွာ တွေ့ဆုံ ခွင့်ပေးရန် စသည်တို့ဖြစ်သည်။
အထက်ပါတောင်းဆိုချက်များမှာ အကျဉ်းဦးစီးဌာန၏ လုပ်ပိုင်ခွင့်ဘောင်အတွင်း တောင်းဆိုခြင်းဖြစ်ပြီး ပြည်ထဲရေးဝန်ကြီးဌာနသို့ တရားဝင် အကြောင်းကြားပြီး တောင်းဆိုသွားမည်ဟု သိရှိရသည်။
ထို့အပြင် မေလ ၁၆ ရက်နေ့တွင် ကြံ့ဖွံ့အစိုးရမှ ကြေညာသော လွတ်ငြိမ်းချမ်းသာခွင့်အမိန့်ကို မကျေနပ်သဖြင့် အင်းစိန်ထောင် အမှတ် (၇) ဆောင်ရှိ အမျိုးသမီး နိုင်ငံရေးအကျဉ်းသားများမှ လည်း မေလ ၁၇ ရက်ကတည်းက ယနေ့တိုင် အစာမစားဘဲ ဆန္ဒပြနေကြောင်း သိရှိရသည်။


နိုင်ငံရေးအကျဉ်းသားများကူညီစောင့်ရှောက်ရေးအသင်း (မြန်မာနိုင်ငံ)

ဆက်သွယ်ရန်…

ကိုတိတ်နိုင်(အတွင်းရေးမှုး) +၆၆(၀) ၈၁ ၂၈၇ ၈၇၅၁
ကိုဘိုကြည်(တွဲဖက်အတွင်းရေးမှုး) +၆၆(၀) ၈၁ ၉၆၂ ၈၇၁၃


Thanks N Regards,

Assistant Association for Political Prisoners (Burma)
Office Ph: 66-55-545495
Web: http://www.aappb.org/, http://www.fbppn.net/

သတင်းအကျဉ်းချုပ် ...