0 စစ်ခေါင်းဆောင်က ရွေးကောက်ပွဲများလုပ်ပေးမည်ဟုဆိုခြင်းသည် လိမ်လည်ခြင်းသာဖြစ်

ရိုးမ(၃)မှ
စစ်အစိုးရ ခေါင်းဆောင်များအနေဖြင့် လွှတ်တော်အသီးသီးအတွက် ရွေးကောက်ပွဲများကို စနစ်တကျ ကျင်းပပေးမည်ဖြစ်ကြောင်း ပြောဆိုခြင်းသည် ပြည်သူလူထုကို လိမ်လည်လှည့်ဖြား ချွေးသိပ်ပြောဆိုခြင်းသာဖြစ်ကြောင်း အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) အတွင်းရေးမှူး ဦးမြင့်စိုးက ပြောသည်။

ယမန်နေ့က ပြုလုပ်ခဲ့သည့် မြန်မာနိုင်ငံစစ်မှုထမ်းဟောင်းများ ညီလာခံ ဒုတိယနေ့တွင် စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေက အခြေခံဥပဒေအသစ်အရ ဖြစ်ပေါ်လာမည့် ရွေးကောက်ပွဲများကို ကျင်းပပြီး ဖွဲ့စည်းပုံ အခြေခံဥပဒေကို လိုက်နာကျင့်သုံးရန်လိုကြောင်း ပြောကြားခဲ့သည့် မိန့်ခွန်းနှင့်ပတ်သက်၍ ယခုကဲ့သို့ ပြောဆိုလိုက်ခြင်းဖြစ်သည်။

“စစ်ဗိုလ်ချုပ်တွေ၊ စစ်အာဏာရှင် ခေါင်းဆောင်တွေဟာ ဘာပဲလုပ်လုပ် သူတို့အတွက် တက်လို့ ဆုတ်လို့ရမဲ့ အနေအထားကို ရအောင်ယူထားတယ်။ ရွေးကောက်ပွဲနဲ့ ပတ်သက်ပြီး ပြည်သူလူထုကိုလည်း ဘယ်မှာ ဘာလုပ်မယ်၊ ဘယ်အချိန်မှာ လုပ်မယ်ဆိုတာ ရှင်းရှင်းလင်းလင်း ထုတ်ဖော်ပြောတာလည်း မရှိဘူး။ သူတို့ ပေါ်လစီအတိုင်းပဲ လုပ်ချင်တာလုပ်တာ” ဟု ပြောသည်။

ရွေးကောက်ပွဲနှင့်ပတ်သက်၍ တရားဝင် ပြဌာန်းပေးရမည့် ဥပဒေများ အလေးနက်ထား လုပ်ဆောင်ပေးခြင်းမရှိဘဲ လုပ်ချင်သလို လုပ်နေခြင်းသည် အာဏာရှင်များ၏ ထုံးစံတခုပင်ဖြစ်ကြောင်း ၎င်းက ဆက်လက်ပြောသည်။

“နမူနာအနေနဲ့ ပြောရရင် ၁၉၉၀ ရွေးကောက်ပွဲပြီးတော့လည်း လွှတ်တော်အသစ် ဖွဲ့မလား၊ ၄၇ ဖွဲ့စည်းပုံအတိုင်း သွားမလာဆိုပြီး လွှတ်တော်ခေါ်ပြီး ပြောဆိုတာတွေ၊ ဘာတခုမှ တိတိကျကျ ပြဌာန်းလုပ်ဆောင်ပေးခဲ့တာမရှိဘူး။ လုပ်တာနဲ့ ပြောတာ ကိုက်ညီတာ ဘာမှမရှိဘူး” ဟု ဦးမြင့်စိုးက ဆက်လက်ပြောသည်။

မြန်မာစစ်အစိုးရအနေဖြင့် နိုင်ငံတကာအသိုင်းအဝိုင်းနှင့် ပြည်သူလူထုကို ဂရုစိုက်ခြင်းမရှိဘဲ လုပ်ချင်တာ လုပ်နေသည်ကို ၂၀၀၈ ခုနှစ်အတွင်းက နာဂစ်မုန်တိုင်းကြောင့် အသက်ပေါင်း သိန်းချီသေဆုံးခဲ့ခြင်းကို ကြည့်ခြင်းအားဖြင့် သိနိုင်သည်ဟု ပြောသည်။

“ထိုင်ဝမ်မှာဆိုရင် လူ ထောင်ဂဏန်းလောက် သေတာနဲ့ အစိုးရတဖွဲ့လုံး ပြုတ်သွားတယ်။ ကျနော်တို့ မြန်မာပြည်မှာ နာဂစ်မုန်တိုင်းကြောင့် လူပေါင်း သိန်းချီသေသွားတဲ့ အချိန်မှာတောင် စစ်အာဏာရှင်တွေက သူတို့ရဲ့ ၂၀၀၈ ဖွဲ့စည်းပုံကို ရအောင်လုပ်သွားတယ်ဆိုတာ တော်တော်ကို စက်ဆုတ်ရွံရှာဖွယ် ကောင်းတယ်” ဟု ဆက်လက်ပြောသည်။

သတင်းအကျဉ်းချုပ် ...

0 သမ္မတ အိုဘားမား နိုဘယ်လ်ငြိမ်းချမ်းရေးဆုရ

မနေ့ကညနေပိုင်းမှာ သတင်းလောက တခုလုံးကို တုန်လှုပ်သွားစေတဲ့ သတင်းကတော့ အမေရိကန် သမတ အိုဘာမား (Barak Obama) က ဒီနှစ် ၂၀ဝ၉ ငြိမ်းချမ်းရေး နိုဘယ်ဆုကို ဆွတ်ခူးရှရှိသွားတယ်ဆိုတဲ့ သတင်းပါ။

နိုဘယ်ငြိမ်းချမ်းရေးဆုကို သမ္မတအဖြစ်နဲ့ လုပ်ကိုင်နေရင်း အိုဘာမားအပါအဝင် ၃ ယောက်သာ ရဘူးပါတယ်။ ၁၉၀၆ ခုနှစ်က သီအိုဒို ရုစဗဲလ် (1906- Theodore Roosevelt)နဲ့ ၁၉၁၉ ဝူဒရို ဝိလ်ဆင် (1919- Thomas Woodrow Wilson) တို့ ၂ ယောက်သာ ရခဲ့ဘူးပါတယ်။ သမတ ဂျင်မီကာတာကတော့ သူအနားယူပြီးမှာ ၂၀ဝ၂ ခုနှစ်မှာ ရခဲ့တာပါ။
သမ္မတအဖြစ်နဲ့ လုပ်ကိုင်နေရင်း ငြိမ်းချမ်းရေး နိုဘယ်ဆုရရှိသွားသော(2009- Barack Obama),(1906- Theodore Roosevelt),(1919- Thomas Woodrow Wilson)

သမတ အိုဘာမားကို ဘာလို့ ငြိမ်းချမ်းရေး နိုဘယ်ဆုကို ချီးမြှင့်ရလဲ ဆိုရင် အချိန်တိုလေးအတွင်းမှာ ကမ္ဘာကြီးတခုလုံးကို လှုပ်ကိုင်သွားနိုင်အောင် လုပ်မှုနဲ့ သူနိုင်ငံသားတွေကို ကောင်းမွန်တဲ့ မျှော်လင့်ချက်တွေ ရနိုင်မဲ့ အနာဂါတ်လမ်းကို ပေးနိုင်မှု တို့ကြောင့်ပဲလို ဆိုပါတယ်။

တကယ်တော့ သမတ အိုဘားမားဟာ သူ သမတ ဖြစ်လာချိန်လေးအတွင်းမှာ ကမ္ဘာကြီးကို နျူကလီယားစစ်လက်နက်တွေ မရှိတဲ့ ကမ္ဘာကြီးဖြစ်ချင်လိုတဲ့ သူ့ရဲ့အမြင် သူ့ရဲ့လုပ်ရပ်တွေ၊ ၂၁ ရာစု ရဲ့ ခေတ်သစ် နိုင်ငံတကာ ဆက်ဆံရေး နိုင်ငံရေး ဖန်တီးမှုတွေ ကလည်း တစိတ်တပိုင်းပါပဲ။

ဒါအပြင် Globle warming အတွက် နိုင်ငံတကာပါဝင်လှုပ်ရှားမှုမှာ စူပါပါဝါ နိုင်ငံတနိုင်ငံအနေနဲ့ ပြန်လည်ဝင်ရောက်လာမှု၊ အီရတ်နိုင်ငံမှ ရှိတဲ့ အမေရိကန် စစ်တပ်တွေကို ပြန်လည်ရုတ်သိမ်းမှုတို့ကလည်း တစ်ိတ်တပိုင်းပေါ့။ ဒါအပြင် နိုင်ငံရေး အနေနဲ့ အရေးပါတဲ့ အစ္စရေးနဲ့ ပါလက်စတိုင်း ခေါင်းဆောင်တွေကို အိမ်ဖြုတော်ကို ခေါ်ဆောင်ပြီး ဆွေးနွေးစေခဲ့ပါတယ်။ တကယ်တော့ အဲဒီ ဒေသတွေမှာ ငြိမ်းချမ်းရေးတော့ မရသေးပါဘူး။ အခုလို သမတ အိုဘာမားကို နိုဘယ်ဆု ချီးမြှင်လိုက်ခြင်းဟာ နောက်ပိုင်း သူ့အတွက် ငြိမ်းချမ်းရေးအတွက် ပိုမို လုပ်ဆောင်နိုင်ဖို့ အားပေးအားမြှောက် ပြုလုပ်လိုက်ခြင်းတခုပါပဲ။

တကယ်တော့ လည်း ဒီနည်းလမ်းက အမှန်ပဲလေ။ ပြိးခဲ့တဲ့ သမတ ဘုရ်ှကာလအတွင်းမှာ စစ်ပွဲတွေ ရန်ဆောင်မှုတွေ ပဋိပက္ခတွေ နဲ့ ရန်သူတွေ များနေတဲ့ အမေရိက ဟာ သမတ အိုဘားမား တက်လာလာခြင်း လုပ်ဆောင်လိုက်တာကတော့ အီရန်နဲ့ စကားပြောမယ် ဆိုတဲ့ ရဲတင်းတဲ့ လုပ်ရပ်တခုပါပဲ။ ကမ္ဘာမှာ တင်းမာပါတယ်ဆိုတဲ့ အီရန်တို့လို နိုင်ငံတွေတောင် မင်းတင်းရင် ငါလည်းတင်းမယ်ဆိုတဲ့ စိတ်မမွေးပဲ စားပွဲပေါ်ကနေ အဖြေရှာဖို့ သူကြိုးစာတာပါ။

အဲဒီအထဲက တခုတည်းသော နောက်ထပ် အောင်မြင်မှု့ မြောက်ကိုရီးယားနဲ့ သံတမန်ရေးရာတွေပါ ဆက်သွယ်တဲ့ လုပ်ငန်းတွေ၊ အကျဉ်းသားတွေ ကိုတောင် လွတ်ပေးတဲ့ အခြေအနေတွေက သမတဟောင်း ကလင်တန် လုပ်တယ်ပဲ ဆိုဆို သမတ အိုဘားမားရဲ့ လမ်းညွန်ချက်ကတော့ ရှိတာပဲပေါ့။

ဒါအပြင် အမေရိကကို အမြဲရန်ဆောင်ခဲ့တဲ့ မြန်မာနိုင်ငံကိုလည်း သံတမန်ရေးရာကိစ္စတွေပါ ဆွေးနွေးလာတဲ့ အထိ ဖြစ်လာတာလဲ သမတအိုဘားမားရဲ့ စွဲဆောင်မှု တခုပါပဲ။

ဒါပေမဲ့လည်း သမတ အိုဘားမားမှာ လုပ်ကိုင်စရာတွေ အများကြီး ကျန်ပါသေးတယ်။ သူ့အနေနဲ့ အပေါ်က ပြောတဲ့ လုပ်ငန်းတွေမှာ အောင်မြင်ပြီးလားဆိုရင် မအောင်မြင်သေးပါဘူး။ ကြိုးစားနေဆဲ့ပါပဲ။ လှမ်းနေဆဲပါပဲ။ ဒါဟာ အမေရိကန်ရဲ့ နိုင်ငံတကာဆက်ဆံရေး မူဝါဒတွေကို သိသိသာသာ ပြောင်းလဲသွားတာပါပဲ။

ဆက်လက်ပြီးတော့လည်း သမတအိုဘားမားအနေနဲ့ အာဖကန်နစ္စတန်မှာ ငြိမ်းချမ်းရေးတွေ လုပ်ဆောင်ရအုန်းမှာပါ။ အကြမ်းဖက် သောင်းကျန်မှုတွေကိုလည်း သူဖြေရှင်းရအုန်းမှာပါ။ ထို့အတူပဲ ကမ္ဘာကြီး ပူနွေးလာမှုနဲ့ပတ်သက်ပြီး အမေရိကန် အနေနဲ့ ဒီထက်ပိုပြီး ပါဝင် လုပ်ကိုင်ဆောင်ရွက်ရအုန်းမှာပါ။ နိုင်ငံတကာ ဆက်ဆံရေးတွေ မှာအောင်မြင်သလို ပြည်တွင်းမှာလည်း အဆိုးဝါးဆုံး စီးပွားရေး ချွတ်ခြုံကျမှုက လွတ်မြှောက်လာပြီဆိုပေမဲ့။ တိုးတက် အောင်မြင်တဲ့အထိ မရှိသေးပါဘူး။ ဘတ်ဂျက်လိုငွေ ပြမှုတွေ ကို နည်းနိုင်သမျှ နည်းအောင် လုပ်ကိုင်ရအုန်းမယ်။ အလုပ်လက်မဲ့ ပြသနာတွေ ကင်းအောင်လဲ လုပ်ရအုန်းမှာပါ။

ဘာတွေပဲ ပြောပြော ကမ္ဘာသမိုင်းမှာ ပထမဦးဆုံး လူမည်း သမတ အဖြစ် သမိုင်းဝင်ခဲ့တဲ့ သမတ အိုဘားမားဟာ အခုဆိုရင် တတိယမြှောက် အမေရိကန် သမတ အဖြစ် ငြိမ်းချမ်းရေး နိုဘယ်ဆုကို လက်ခံရရှိသွားပါပြီ။

"ဒီဆုဟာ ကျနော့်အစိုးရရဲ့ ကြိုးပမ်းချက် သက်သက်ကိုသာ ဆုချီးမြှင့်တာ မဟုတ်ပါဘူး။ ကမ္ဘာတလွှားက ရဲရဲရင့်ရင့် ကြိုးပမ်း ရုန်းကန်နေကြသူတွေ အတွက်လည်းဖြစ်ပါတယ်။"

"ဒါကြောင့်လည်း တရားမျှတမှုနဲ့ လူ့ဂုဏ်သိက္ခာအတွက် ကြိုးပမ်းနေသူတွေ အားလုံးဟာလည်း ဒီဆုနဲ့ သက်ဆိုင်ပါတယ်။ ရိုက်နှက်မှုတွေ ကျည်ဆံတွေကို ရင်ဆိုင်ပြီး လူ့အခွင့်အရေးအတွက် လမ်းပေါ်မှာ ချီတက်ခဲ့တဲ့ အမျိုးသမီးငယ်တဦးလို၊ ဒီမိုကရေစီရေး အတွက် သန္နိဌာန်တွေကို စွန့်လွှတ်ဖို့ ငြင်းဆန်ရင်း ကိုယ့်အိမ်မှာ အကျဉ်းကျခံနေရတဲ့ ခေါင်းဆောင် တယောက်၊ ကမ္ဘာကြီးရဲ့ တခြားတဖက်မှာ လှည့်လည် တာဝန်ထမ်းနေရတဲ့ စစ်သည်တွေ၊ ငြိမ်းချမ်းရေးအတွက် ကိုယ့်ရဲ့ လုံခြုံမှု၊ လွတ်မြောက်မှုနဲ့ အသက်ကိုပါ စွန့်လွှတ်ခဲ့ကြသူ ကမ္ဘာတ၀န်းက အမျိုးသား အမျိုးသမီးတွေ အားလုံး အတွက်လည်း ဖြစ်ပါတယ်။"

သမ္မတ အိုဘားမား က သူ့အနေနဲ့ ဒီဆုလက်ခံရခဲ့ကြသူတွေနဲ့စာရင် ထိုက်ထိုက်တန်တန် ရခဲ့တာလို့တောင် မခံစားမိတဲ့ အကြောင်းလည်း ပြောခဲ့တာပါ။ တကယ်တော့ ဒီ နိုဘယ်လ် ငြိ်မ်းချမ်းရေးဆုဟာ ကမ္ဘာတ၀န်းက လူ့အခွင့်အရေး ဒီမိုကရေစီရေးတွေ အတွက် စွမ်းစွမ်းတမံ ဆောင်ရွက်မှုတွေကြောင့် ၁၉၉၁ ခုနှစ်က ဆုရရှိခဲ့သူ ဒေါ်အောင်ဆန်းစုကြည် လို ပုဂ္ဂိုလ်မျိုးတွေနဲ့လည်း သက်ဆိုင်ပါတယ်လို့ သမ္မတက မနေ့တုန်းကပဲ မှတ်ချက်ပေး ပြောသွားခဲ့တာ ဖြစ်ပါတယ်။

ထိုအတူပဲ မြန်မာပြည်ကြီးမှာလည်း အဆင်ပြေ ချောမွေ့တဲ့ နိုင်ငံရေး အပြောင်းအလဲတွေ ဖြစ်လာအောင် သမတ အိုဘားမား လုပ်ဆောင်နိုင်ပါစေလို့ ဆုတောင်းပါတယ်

မောင်ခြိမ့်
ကိုးကား; Yahoo News
The Sydney Morning Herald News
The Reuters News
Wikipedia

သတင်းအကျဉ်းချုပ် ...

0 ဒေါ်အောင်ဆန်းစုကြည်သတင်း ပြည်သူများ အထူးစိတ်ဝင်စား

NEJ /
နေအိမ်အကျယ်ချုပ် ကျခံနေရသည့် ဒေါ်အောင်ဆန်းစုကြည်နှင့် အနောက်တိုင်းသံတမန်များ တွေ့ဆုံခွင့်ရခြင်း၊ နအဖဆက်ဆံရေးဝန်ကြီး ဦးအောင်ကြည်က ဒေါ်အောင်ဆန်းစုကြည်အား နှစ်ကြိမ်တိုင် တွေ့ဆုံခဲ့သည့် သတင်းများကို ရန်ကုန်နှင့် မန္တလေးမြို့ခံများအပါအ၀င် ပြည်သူတို့က အလွန်စိတ်ဝင်တစားရှိနေကြပြီး ဝေဖန်သုံးသပ်ပြောဆိုနေကြသည်။

ဒေါ်အောင်ဆန်းစုကြည်သည် မြန်မာနိုင်ငံဆိုင်ရာ အမေရိကန်၊ ဗြိတိန်နှင့်သြစတြေးလျ သံရုံးတို့မှ အကြီးအကဲများနှင့် ယနေ့တွေ့ဆုံခွင့်ရပြီး အောက်တိုဘာ (၃) ရက်နှင့် (၇) ရက်တို့တွင် နအဖဆက်ဆံရေးဝန်ကြီး ဦးအောင်ကြည်နှင့် စိမ်းလဲ့ကန်သာဧည့်ရိပ်သာတွင် တွေ့ဆုံခဲ့သည်။

ယင်းသို့တွေ့ဆုံမှုများသည် မြန်မာနိုင်ငံအပေါ် အရေးယူပိတ်ဆို့တားမြစ်မှုများ ရုပ်သိမ်းပယ်ဖျက်ရေးကိစ္စနှင့်ပတ်သက်ပြီး ဒေါ်အောင်ဆန်းစုကြည်က ဗိုလ်ချုပ်မှူးကြီးသန်းရွှေထံ စက်တင်ဘာ (၂၅) ရက်တွင် စာပေးပို့ခဲ့ပြီးနောက်ပိုင်း ပေါ်ပေါက်လာခြင်းဖြစ်သည်။

အဆိုပါစာတွင် အရေးယူပိတ်ဆို့မှုများ ရုပ်သိမ်းရေး ထိရောက်စွာ ဆောင်ရွက်နိုင်ရန်အတွက် မြန်မာနိုင်ငံအပေါ် ပိတ်ဆို့မှုများ ချမှတ်နေသည့် နိုင်ငံအစိုးရများ၏ သဘောထားကို သိရှိနားလည်ရန် လိုအပ်သောကြောင့် မြန်မာနိုင်ငံဆိုင်ရာ အမေရိကန်သံမှူးကြီး၊ မြန်မာနိုင်ငံဆိုင်ရာ အီးယူ ဥရောပသမဂ္ဂအဖွဲ့ဝင်နိုင်ငံများ၏ ကိုယ်စားလှယ်သံအမတ်ကြီး၊ မြန်မာနိုင်ငံဆိုင်ရာ သြစတြေးလျ သံအမတ်ကြီးတို့နှင့် ဆွေးနွေးရန် ဒေါ်အောင်ဆန်းစုကြည်က တွေ့ဆုံခွင့်တောင်းထားသည်။

ယနေ့ ဒေါ်အောင်ဆန်းစုကြည်နှင့် အနောက်တိုင်းသံတမန်များ တွေ့ဆုံမှုနှင့်ပတ်သက်၍ ရန်ကုန်အခြေစိုက် သတင်းဂျာနယ် တခုမှ အယ်ဒီတာတဦးက “ခုလိုတွေ့ခွင့်ရတာဟာ ဒေါ်အောင်ဆန်းစုကြည် ဗိုလ်ချုပ်မှူးကြီးဆီရေးတဲ့စာကို အလေးအနက် ထားလာတယ်လို့ မြင်ပါတယ်။ ပြီးတော့ နအဖမှာလည်း အပြောင်းအလဲကို ရှာလာရပြီလို့ထင်တယ်။ အရင်ကလို တဖက်သတ်တင်းခံနေလို့ မဖြစ်နိုင်တော့ဘူး။ ၂၀၁၀ မတိုင်ခင် သူတို့အတွက် ထွက်ပေါက်လဲရှာလာတယ်လို့မြင်တယ်။ အဓိက အမေရိကန်ရဲ့လက်ကမ်းလာမှုမှာ သူတို့ဘက်ကလည်း တခုခုပြန်လုပ်ပြရတော့မယ်လေ” ဟု ပြောသည်။

အမေရိကန်အစိုးရက မြန်မာစစ်အစိုးရနှင့် တိုက်ရိုက်ဆက်ဆံပြောဆိုမှုများ ပြုလုပ်သွားမည်ဖြစ်ပြီး တဖက်၌လည်း ပိတ်ဆို့တားမြစ်မှုကို ဆက်လက်ထားရှိမည့် ပေါ်လစီသစ်တရပ်ကို စက်တင်ဘာ (၂၈) တွင် တရားဝင်ကြေညာခဲ့သည်။

“အဓိကလုပ်ပြလို့ကောင်းတာကတော့ ဒေါ်စုနဲ့မိမိတို့ ဆွေးနွေးပါတယ်ဆိုတာမျိုးက သံတမန်ရေးအရဆို အကောင်းဆုံး ပြကွက်ပဲလေ။ အဓိက ဒေါ်စုတင်ပြထားတာတွေပဲ လုပ်ပေးဖို့များမှာပါ။ နောက်ပြီး ဒေါ်စုနဲ့ ပါတီစီအီးစီတွေ တွေ့ဆုံခွင့်ရပြီး
အဖွဲ့ချုပ်ရဲ့ရှေ့မူဝါဒတွေ ဆွေးနွေးနိုင်မယ်ထင်ပါတယ်။ ရွေးကောက်ပွဲဝင်ရေး မ၀င်ရေး၊ အခြေခံဥပဒေကို မပြင်စေဘဲနဲ့ ၀င်ကြမလားပေါ့” ဟု အဆိုပါအယ်ဒီတာက ပြောသည်။

နအဖ၀န်ကြီး ဦးအောင်ကြည်နှင့် ဒေါ်အောင်ဆန်းစုကြည် တွေ့ဆုံခဲ့မှုနှင့် ပတ်သက်၍လည်း ပြည်သူများက ပြည်ပရေဒီယို အသံလွှင့်ဌာနများမှ တဆင့်ကြားသိရသဖြင့် မည်သို့ဖြစ်လာနိုင်မည်ကို စိတ်ကူးတွေးတော ပြောဆိုနေကြကြောင်း ကျောက်တံတားမြို့နယ်မှ အငြိမ်းစားရဲအရာရှိတဦးက ပြောသည်။

၎င်းက “ကျနော်တို့ ပြည်တွင်းဂျာနယ်တွေကိုလည်း ဖတ်တယ်လေ။ ပြီးခဲ့တဲ့ ဆဲဗင်းဒေးသတင်းဂျာနယ်မှာ ဦးအောင်ကြည်နဲ့ ဒေါ်အောင်ဆန်းစုကြည်ကိုတွေ့တယ်။ ကျနော်တို့က ဒေါ်စုလွတ်မြောက်ပြီး တိုင်းပြည်တခုခုပြောင်းလဲသွားမယ့် အခြေအနေကိုပဲ လိုလားနေတော့ သူ့ကို ဂျာနယ်မှာတွေ့လိုက်ရင်ပဲ အခုလိုတွေ့ဆုံမှုတွေကနေ တခုခု ထူးခြားလာမလားလို့ စိတ်ဝင်စားနေမိတယ်” ဟု ပြောသည်။

မန္တလေးမှ အိမ်မြေပွဲစားတဦးက “ကျနော်တို့ကတော့ စီးပွားရေးသမားဆိုတော့ စီးပွားရေးကိစ္စတွေ တိုးတက်လာမယ့် အရိပ်အယောင်တွေ တွေ့ချင်တယ်ဗျ။ တနိုင်ငံလုံးရဲ့ အမျိုးသားရေးကိစ္စပဲ၊ ကျနော်တို့ကတော့ အပြောင်းအလဲတခုကို အရမ်းကို မျှော်လင့်တယ်” ဟု ပြောသည်။

ရခိုင်ပြည်နယ် အမ်းမြို့မှ ကြံ့ဖွံ့အဖွဲ့ဝင်တဦးကလည်း ၎င်းတို့မြို့တွင် အစိုးရအသံလွှင့်ဌာနများထက် ပြည်ပအသံလွှင့်ဌာနများကို အားထားနေရပြီး ထိုအသံလွှင့်ဌာနများကြောင့် မြန်မာနိုင်ငံတွင် ဖြစ်ပျက်နေသည်များကို မြန်မြန်ဆန်ဆန်သိရကြောင်း ပြောသည်။

“ကျနော်က ကြံ့ဖွံ့အဖွဲ့ဝင်ဖြစ်ပေမယ့် အခြေအနေတခုကြောင့်ပါ။ ကျနော်သိချင်တာက ဒေါ်အောင်ဆန်းစုကြည်နဲ့ ဦးအောင်ကြည်နဲ့ တွေ့သလို ဗိုလ်ချုပ်မှူးကြီးသန်းရွှေနဲ့ရော တွေ့ဖို့ရှိသလား၊ တွေ့ရင်ကော ဘာတွေဖြစ်လာမလဲ။ ပြောင်းလဲမှုမရှိတဲ့ တွေ့ဆုံမှုတွေနဲ့တော့ ပြည်သူတွေရဲ့ မျှော်လင့်ချက်ကို ရိုက်မချိုးဖို့လိုပါတယ်” ဟု ပြောသည်။

သတင်းအကျဉ်းချုပ် ...

0 Generation Wave (မျိုးဆက်သစ်လူငယ်များအစည်းအရုံး) မှသီချင်း ၇ ပုဒ်ဖြန့်ချီ

ကျနော်တို့ Generation Wave (မျိုးဆက်သစ်လူငယ်များအစည်းအရုံး) မှသီချင်း ၇ ပုဒ်ပါခွေတစ်ခွေကိုရေးစပ်သီဆိုပြီးဖြန့်ချီမျှဝေလိုက်ပါသည်။
အချို့သောအခက်အခဲများကြောင့်နောက်ကျပြီးမှဖြန့်ဝေနိုင်ခြင်းကိုခွင့်လွှတ်နားလည်ပေးပါရန်လည်း မေတ္တာရပ်ခံအပ်ပါသည်။
သီချင်းများကိုနားဆင်ရန်အတွက်အောက်ပါလင့်များ၌ download လုပ်၍နားဆင်နိုင်ပါသည်။

Our Generation Wave released one album including 7 songs. We do apologize for the delay caused in distributing. All the songs can be download at from the following links;

1.) http://www.mediafire.com/?4odmz3ttuaa (နိုးထကြလော့)
2.) http://www.mediafire.com/?gzonjmynweo (တစ်ဆယ်)
3.) http://www.mediafire.com/?dnyyywvnjfd (အမေ ၆၄)
4.) http://www.mediafire.com/?nnmyxz3yei1 (အခြေအနေများ)
5.) http://www.mediafire.com/?4ggimrnkzim (မာရ်နတ်အိမ်)
6.) http://www.mediafire.com/?gjwthkjgmjm (တိုက်)
7.) http://www.mediafire.com/?kzndm3j2niu (ခွင့်ပြုတော့မေမေ)

Best Regards,

Generation Wave
www.generation-wave.blogspot.com

သတင်းအကျဉ်းချုပ် ...

0 ကလေးလူကြီးမကျန် စစ်တပ်က အဓမ္မအလုပ်ခိုင်းစေမှု ဗီဒီယိုသတင်း

source ။ ။ rfa

သတင်းအကျဉ်းချုပ် ...

0 ရဲချုပ်ခင်ရီ ဓာတ်ပုံဟောင်းများ သတင်းစာတွင် ဖော်ပြ

စက်တင်ဘာ ၂၉ ရက်နေ့က မြန်မာနိုင်ငံ ရဲချုပ် ဗိုလ်မှူးချုပ်ခင်ရီ သန်လျင်မြို့နယ် ရဲစခန်းတွင် ရိုက်ကူးထားသောပုံကို ယနေ့ထုတ် သတင်းစာများတွင် ဖော်ပြလိုက်သည်။ အောက်တိုဘာ ၁ တွင် ရိုက်ကူးထားသော ပုံကိုလည်း အောက်တိုဘာ ၆ တွင် ဖော်ပြထားသည်။ ဗိုလ်မှူးချုပ်ခင်ရီသည် ရန်ကုန်တိုင်း ရဲတပ်ဖွဲ့ခေါင်းဆောင် အပြောင်းအလဲကာလတွင် စစ်ဆေးမေးမြန်းခြင်း ခံရသည်၊ ရာထူးမှ အနားပေးခံရသည်ဟူသော သတင်းများလည်း ထွက်ပေါ်ခဲ့သည်။ ထိုသတင်းများနောက်ပိုင်းတွင် သူ၏ ဓာတ်ပုံဟောင်းများကို သတင်းစာတွင် ဖော်ပြနေခြင်း ဖြစ်သည်။ (ဓာတ်ပုံ - ကြေးမုံသတင်းစာ)
မူရင်း။ ။ မိုးမခ

သတင်းအကျဉ်းချုပ် ...

0 တရားလက်မဲ့ဖမ်းဆီးနှိပ်စက်နေမှုအားကန့်ကွက်ထားတဲ့ မြန်မာနိုင်ငံရှေ့နေများကောင်စီရဲ့ ထုတ်ပြန်ကြေငြာချက်

သတင်းအကျဉ်းချုပ် ...

0 ကွန်ပျူတာသုံးဘာသာပြန်စနစ် ဗားရှင်းအဆင့်မြှင့်

အင်္ဂလိပ်စာဝါကျအသုံးများကို မြန်မာဘာသာသို့ပြန်ဆိုပေးနိုင်သော ဆော့ဖ်ဝဲတစ်ခုဖြစ်သည့် Windows Myanmar Translate ကို အီလက်ထရောနစ် အမျိုးသားအဆင့်လုပ်ငန်းအဖွဲ့အောက်ရှိ ကွန်ပျူတာသုံးမြန်မာဘာသာပြန်စနစ် အကောင်အထည်ဖော်ရေးအဖွဲ့မှ ထပ်မံဖြန့်ဝေမည်ဖြစ်ကြောင်းသိရ သည်။ ဆော့ဖ်ဝဲကို free ပေးသွား မည်ဖြစ်ပြီး ယခင်က beta version ကိုပြန်လည်မွမ်းမံပြီး version 1.0 ကိုထုတ်လုပ်ဖြန့်ချိခြင်းဖြစ်သည်။ ယခင် beta version တွင်ဘာသာ ပြန်စနစ်၏ အချို့သော ချို့ယွင်းချက်များကို ပြန်လည်ပြင်ဆင်ပြီး အကောင်းဆုံး အသုံးပြုနိုင်ရန် ထုတ်လုပ်ပေးလိုက် ခြင်းဖြစ်သည်။ Windows Myanmar Translate 1.0 ကို internet website ပေါ်မှတဆင့် အခမဲ့ဒေါင်းလုပ် လုပ်ရယူသွားနိုင်မည်ဖြစ်ကြောင်းသိရသည်။ ဆော့ဖ် ၀ဲလ်ကိုစက်တင်ဘာလ ၂၈ရက်နေ့ သို့မဟုတ် ၂၉ရက်နေ့များတွင်စတင် ဖြန့်ချိနိုင်မည်ဖြစ်ကြောင်းသိရသည်။

Windows Myanmar Translate 1.0 သည် Windows Version များဖြစ်သည့် XP, Vista တို့တွင်အသုံးပြုနိုင်ပြီး အနိမ့်ဆုံး .net 2.0 ကိုအထောက်အပံ့ပေးနိုင်သော Windows OS များ၌အသုံးပြုနိုင်မည်ဖြစ်သည်။ ကွန်ပျူတာအ တွင်းတွင် fort စနစ်လိုအပ်ချက်များအပြင် unicode 5.1, myanmar 3, my myanmar ကဲ့သို့သော unicode အဆင့်ရှိသည့် မြန်မာဖောင့်များကို ရွေးချယ်ပြောင်းလဲအသုံးပြုနိုင်မည်ဖြစ်သည်။ ဆော့ဖ်ဝဲလ်၏ database အတွင်းတွင် စာလုံးအရေပေါင်း တစ်သိန်းနီးပါးထည့်သွင်းပေးထားပြီး စာကြောင်းတစ်ခုကိုဘာသာပြန်ခိုင်းပါက ဘာသာပြန်ချိန်မှာလည်း လျှင်မြန်စေနိုင်မည်ဖြစ်သည်။ ဆော့ဖ်ဝဲလ်အတွင်းတွင် အဘိဓါန်အဖြစ်အသုံးပြုနိုင်သောစနစ်များ၊ စာလုံးပေါင်းစစ်ပေးနိုင်သော spelling check စနစ်ကိုလည်း ထည့်သွင်းပေးထားသည်။ ယခင်ကဘာသာပြန်ရာတွင် အစီအစဉ်မကျဖြစ်ခဲ့သည်ကိုလည်းအကောင်း ဆုံးဖြစ်အောင်ပြန်လည်ပြုပြင်ပေး ထားခဲ့သည်။ မြန်မာစာပြန်ဆိုမှုစနစ် ကိုသတ်မှတ်ရာတွင်ပညာရှင်များ နှင့်ဆွေးနွေးပြီးအကောင်းဆုံးအဖြစ် နိုင်ဆုံးစာလုံးများကိုရွေးချယ်အသုံး ပြုရခြင်းဖြစ်ကြောင်းသိရသည်။ Windows Myanmar Translate 1.0 ကို download လုပ်၍ ထည့်သွင်းလိုပါက http://www.myanmarnlp.org.mm/တွင် အလွယ်တကူဝင်ရောက်ရယူ နိုင်ကြောင်းသိရသည်။

မူရင်းသတင်း - http://www.worldwidemyanmar.com/

သတင်းအကျဉ်းချုပ် ...

0 မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ဓာတ်ပုံအား Paris city hallမှာ ချိတ်ဆွဲဂုဏ်ပြု

အဖမ်းဆီးခံနေရသော မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ဓာတ်ပုံအားဒီကနေ့ ပြင်သစ်နိုင်ငံရှိ နံမည်ကျော်Paris city hallမှာ ချိတ်ဆွဲဂုဏ်ပြုထားပြီး ဒေါ်အောင်ဆန်းစုကြည်လွတ်မြောက်ရေး အတွက် တိတ်ဆိတ်သောတောင်းဆိုဆန္ဒပြမှုကို ပြုလုပ်ခဲ့ကြောင်းသိရှိရပါသည်။

“မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ လူ့အခွင့်အရေး ချိုးဖောက်မှု ဒဏ်တွေကို နှစ်ရှည်လများ ခါးဆီးခံခဲ့ရသူ တယောက်ပါ။ စစ်အစိုးရရဲ့ တဖက်သတ် ဥပဒေမဲ့ ဖမ်းဆီးမှုကို ခံနေရသူ ဖြစ်ပါတယ်။ ဒေါ်အောင်ဆန်းစုကြည်ရဲ့ နေအိမ်အကျယ်ချုပ် အယူခံကို ပယ်ချလိုက်တာဟာ ၂၀၁၀ ခုနှစ် ကျင်းပမယ့် ရွေးကောက်ပွဲကို လူအများ လက်ခံယုံကြည်အောင် ကျင်းပလိုတဲ့ဆန္ဒ မရှိဘူးဆိုတာ စစ်အစိုးရဘက်က ပြသလိုက်တာပါ။ “

သတင်းအကျဉ်းချုပ် ...

0 နအဖခေါင်းဆောင်ကြီး သန်းရွှေနှင့် မိသားစုအား ဗုဒ္ဓဘာသာအဖြစ်မှ ထုတ်ပယ်ကာ သာသနာဖျက် မိစ္ဆာဒိဋ္ဌိအဖြစ် သတ်မှတ်လိုက်ခြင်း။

ပြည်တွင်းပြည်ပ သိမ်အသီးသီးတွင် ပတ္တနိက္ကုဇ္ဇနကမ္မ၀ါရွတ်ဆို၍ အောင်မြင်စွာ သပိတ်မှောက် နိုင်ခြင်းနှင့် န.အ.ဖ စစ်အုပ်စုတွင် တာဝန်အရှိဆုံး ဦးသန်းရွှေအား ဗုဒ္ဓဘာသာအဖြစ်မှ ထုတ်ပယ်ကာ သာသနာဖျက် မိစ္ဆာဒိဋ္ဌိအဖြစ် သတ်မှတ်သည်။

သံဃာတော်အရှင်သူမြတ်များဘုရား -

န.အ.ဖ စစ်အုပ်စုသည် ၁၉၉၀ ပြည့် ပထမအကြိမ် ပတ္တနိက္ကုဇ္ဇနကမ္မ၀ါစာရွတ်ဆို၍ သတိပေး တားမြစ်ပါသော်လည်း ၀န်ချတောင်းပန်ခြင်း မရှိသည့်အပြင် ထေရ်ကြီးဝါကြီး ဆရာတော်ကြီးများ၊ တိပိဋကဓရ ဆရာတော်ကြီးများကိုပင် ထောင်ချနှိပ်စက်သတ်ဖြတ်ခဲ့ပါသည်။

၂၀၀၇ ခုနှစ် စက်တင်ဘာလတွင် ဒုတိယအကြိမ် ပတ္တနိက္ကုဇ္ဇနကမ္မ၀ါစာရွတ်ဆို၍ သတိပေး တားမြစ်ပါသော်လည်း ၀န်ချတောင်းပန်ခြင်း မရှိသည့်အပြင် ကျောင်းတိုက်ပေါင်း ၆၀ ကျော်ကို သူပုန်စခန်းစီးသလို ၀င်စီးကာ သေနတ်နှင့်ပစ်သတ်၊ ၀ါးရင်းဒုတ်နှင့် ရိုက်သတ် အတင်းအဓမ္မဖမ်းဆီး ခေါ်ဆောင်သွားကာ ထောင်ချနှိပ်စက်နေသည့်အတွက် ၂၀၀၉ ခု အောက်တိုဘာလ ၃ရက် သီတင်းကျွတ်လပြည့် ပ၀ါရဏာနေ့တွင် ပြည်တွင်း၊ ပြည်ပသိမ်အသီးသီး၌ တတိယအကြိမ် ပတ္တနိက္ကုဇ္ဇန ကမ္မ၀ါစာရွတ်ဆိုကာ အောင်မြင်စွာ သပိတ်မှောက် နိုင်ခဲ့ပါသည်။

န.အ.ဖ စစ်အုပ်စုတွင် တာဝန်အရှိဆုံးဖြစ်သော ဦးသန်းရွှေသည် ဗုဒ္ဓဘာသာဝင်မှန်ပါက သံဃာတော်များ တောင်းဆိုထားသော အချက်ကို လိုက်နာရမည် ဖြစ်ပါသည်။ ယခုအခါ မလိုက်နာသည့်အပြင် ဆက်လက်၍ ဖမ်းဆီး၊ ထောင်ချ၊ နှိပ်စက်၊ ညှင်းပမ်း၊ သတ်ဖြတ်နေသည့်အတွက် ဦးသန်းရွှေ+ဒေါ်ကြိုင်ကြိုင်နှင့် သူ၏မိသားစုတစ်ခုလုံးအား ဗုဒ္ဓဘာသာအဖြစ်မှ ထုတ်ပယ်လိုက်သည်။ ဦးသန်းရွှေအား သာသနာကို ဖျက်ဆီးနေသော မိစ္ဆာဒိဋ္ဌိ အဖြစ် သတ်မှတ်လိုက်သည်။

နိုင်ငံတော်ကို အသက်ပေးကာကွယ်စောင့်ရှောက်ရန် တပ်မတော်သို့ ၀င်ရောက်လာကြသော တပ်မတော်သားများအား အထူးမေတ္တာရပ်ပါသည်။

ဦးသန်းရွှေသည် နိုင်ငံတော်ကို အသက်ပေးကာကွယ်ရမည့် ဗိုလ်ချုပ်အောင်ဆန်း တည်ထောင်ထားခဲ့သော တပ်မတော်ကို မိမိအာဏာအတွက် အသုံးချကာ သာသနာတော်ကို ဖျက်ဆီးနေသော၊ နိုင်ငံတော်ကို ဖျက်ဆီးနေသော၊ ပြည်သူရွံမုန်းသော တပ်မတော်ကြီးဖြစ်အောင် ဖန်တီးနေပါသည်။ သို့ပါ၍ သာသနာကိုဖျက်၊ နိုင်ငံတော်ကို ဖျက်ဆီးနေသော မိစ္ဆာဒိဋ္ဌိ ဦးသန်းရွှေအား တပ်မတော်မှ ဖယ်ရှားပေးပါရန် တိုက်တွန်းနှိုးဆော်ပါသည်။

ပြည်သူပြည်သားများအား အထူးမေတ္တာရပ်ပါသည်။

မြတ်စွာဘုရားရှင်၏ ၀ိနည်းဥပဒေနှင့်အညီ ပတ္တနိက္ကုဇ္ဇနကမ္မ၀ါရွတ်ကာ သပိတ်မှောက်ထားပါ၍ ၀ိနည်းကံကို လေးစားလိုက်နာခြင်းမရှိသော သံဃာတော်များကို ပစ္စည်းလေးပါး လှူဒါန်းခြင်း မပြုကြပါရန်နှင့် အလှူခံ၍ ၀ိနည်းဥပဒေချိုးဖေါက်ကာ န အ ဖ စစ်အုပ်စုခိုင်းတာ မှန်သမျှလိုက်လုပ်နေသော သံဃာတော်များ၏ ဘွဲ့အမည်၊ မိဘအမည်၊ ကျောင်းအမည်၊ နေရပ်လိပ်စာ အပြည့်အစုံ ရေး၍ ပို့ပေးကြပါရန် တိုက်တွန်းနှိုးဆော်ပါသည်။ န အ ဖ ခိုင်းတာမှန်သမျှ အကုန်လိုက်လုပ်နေသော အလိုတော်ရိ စစ်ဗိုလ်၊ မ ယ က၊ ရ ယ က၊ ကြံ့ဖွတ်၊ စွမ်းအားရှင် စသည့် ပုဂ္ဂိုလ်များ၏ အမည်၊ နေရပ်လိပ်စာအပြည့်အစုံကို အောက်ပါ အီးမေးလ်သို့ ပို့ပေးကြပါရန် တိုက်တွန်းနှိုးဆော်ပါသည်။ ( evillists@gmail.com ) ။

သံဃာတော်များသည် မိမိသာသနာအတွက် နိုင်ငံအတွက် အသက်တွေ ဘ၀တွေ စတေးကာ ထောင်ကျနှိပ်စက်ခံနေကြရပါသည်။ သာသနာ့အာဇာနည်သံဃာတော်များ လွတ်မြောက်ရေးသည် သံဃာတော်များအားလုံးနှင့် ပြည်သူလူထုတစ်ရပ်လုံးတွင် တာဝန်ရှိပါသည်။

သို့ပါ၍မိမိမြို့၊ ရွာရှိ ထင်ရှားသော ဘုရားစေတီပုထိုးများသို့ စုပေါင်းညီညာသွားရောက်ကာ သံဃာတော်များ လွတ်မြောက်ရေးအတွက် သရဏဂုံသုံးပါး ရွတ်ဆိုခြင်း၊ ငါးပါးသီလဆောက်တည်ခြင်း၊ မေတ္တာသုတ်များ ရွတ်ဆိုခြင်း၊ တရားထိုင်ခြင်း နှင့် မိမိပြုသောကုသိုလ်များကို သစ္စာအဓိဋ္ဌာန်ပြုကာ ဆုတောင်းအမျှဝေခြင်းများ ပြုလုပ်ပေးကြပါရန် တိုက်တွန်းနှိုးဆော်ပါသည်။

မြန်မာနိုင်ငံလုံးဆိုင်ရာ ရဟန်းပျိုသမဂ္ဂနှင့် သံဃာသာမဂ္ဂီအဖွဲ့ ။

သတင်းအကျဉ်းချုပ် ...

1 နိုင်ငံရေးအကျဉ်းသားအားလုံး လွှတ်ပေးဖို့ ဂျပန်နိုင်ငံတိုက်တွန်း

ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသား အားလုံးကို ၂၀၁၀ ခုနှစ် ရွေးကောက်ပွဲမတိုင်ခင် ပြန်လွှတ်ပေးဖို့ ဂျပန် နိုင်ငံခြားရေးဝန်ကြီး မစ္စတာအိုကားဒါးက မြန်မာစစ်အစိုးရကို မနေ့က တိုက်တွန်းလိုက်ပါတယ်။

မဲခေါင်ဒေသ နိုင်ငံခြားရေးဝန်ကြီးများ အစည်းအဝေးကို တက်ရောက်ခဲ့တဲ့ ဂျပန်နိုင်ငံခြားရေးဝန်ကြီးက မြန်မာစစ်အစိုးရ နိုင်ငံခြားရေးဝန်ကြီး ဦးဥာဏ်ဝင်းနဲ့ သီးခြား တွေ့ဆုံစဉ်မှာ အခုလို ပြောခဲ့တာဖြစ်ပါတယ်။ ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားတွေကို ရွေးကောက်ပွဲမှာ ပါဝင်ခွင့်ပေးသင့်ကြောင်း ဂျပန်နိုင်ငံခြားရေးဝန်ကြီးက ပြောတဲ့အခါမှာ မြန်မာစစ်အစိုးရ နိုင်ငံခြားရေးဝန်ကြီး ဦးဥာဏ်ဝင်းက ရွေးကောက်ပွဲမှာ ဘယ်သူမဆို ပါဝင်နိုင်တယ်လို့သာ ပြန်လည်ဖြေကြားပါတယ်။

ဆက်လက်ပြီး ဂျပန်နိုင်ငံခြားရေးဝန်ကြီးက အမေရိကန်အစိုးရအနေနဲ့  မြန်မာစစ်အစိုးရနဲ့ တွေ့ဆုံဆွေးနွေး ညှိနှိုင်းဖို့ နည်းလမ်းရှာဖွေနေတာကို မြန်မာစစ်အစိုးရဘက်ကလည်း ပြန်လည်သင့်မြတ်ရေး လမ်းဖွင့်ပေးဖို့ တိုက်တွန်းပြောကြားပါတယ်။ ဒါ့အပြင် မြောက်ကိုးရီးယားနိုင်ငံကနေ ညူကလီးယား နည်းပညာကို မြန်မာစစ်အစိုးရ လွှဲပြောင်းယူဖို့ ဖြစ်နိုင်ခြေရှိတာနဲ့ ပတ်သက်ပြီး ဂျပန်နိုင်ငံခြားရေးဝန်ကြီးက စိုးရိမ်ကြောင်း ပြောကြားချက်ကို ဦးဥာဏ်ဝင်းက မြန်မာစစ်အစိုးရဟာ ညူကလီးယား နည်းပညာတွေကို ငြိမ်းချမ်းစွာ အသုံးချရေးအတွက် ရုရှားနိုင်ငံရဲ့ အကူအညီကို ရယူနေကြောင်းနဲ့ မြန်မာစစ်အစိုးရအနေနဲ့ ညူကလီယားလက်နက် ထုတ်လုပ်ဖို့ မရည်ရွယ်ပါဘူးလို့ ဖြေကြားခဲ့ပါတယ်။

ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ထိန်းသိမ်းထားပေမယ့်လည်း ကြေညာထားတဲ့အတိုင်း လွတ်လပ်ပြီး တရားမျှတတဲ့ ရွေးကောက်ပွဲကို ရှေ့နှစ်မှာ ပြုလုပ်မယ်လို့ စစ်အစိုးရ နိုင်ငံခြားရေးဝန်ကြီး ဦးဥာဏ်ဝင်းက ကတိပေးလိုက်ပါတယ်။

ကမ္ဘောဒီးယားနိုင်ငံ အနောက်မြောက်ပိုင်း ဆီရမ်ရီရပ်မြို့မှာ မဲခေါင်ဒေသ ဖွံ့ဖြိုးရေး အစည်းအဝေး တက်ရောက်နေတဲ့ နိုင်ငံခြားရေးဝန်ကြီး ဦးဥာဏ်ဝင်းက ဂျပန်၊ ကမ္ဘောဒီးယား၊ ထိုင်း၊ လာအိုနဲ့ ဗီယက်နမ် နိုင်ငံခြားရေးဝန်ကြီးတွေနဲ့ သီးခြားတွေ့ဆုံအပြီးမှာ သတင်းထောက်တွေကို ပြောခဲ့တာပါ။ ရွေးကောက်ပွဲဟာ လွတ်လပ်ပြီး တရားမျှတမှု ရှိ၊မရှိဆိုတာ ရွေးကောက်ပွဲပြီးမှ သိနိုင်မှာဖြစ်ပြီး အခုချိန်မှာ ဘယ်သူမှ အကဲဖြတ်လို့ မရနိုင်ဘူးလို့လည်း ဆိုပါတယ်။

စစ်အစိုးရ နိုင်ငံခြားရေးဝန်ကြီးက ဒီမိုကရေစီကို ပြည်ပကနေပြီး သတ်မှတ်လို့ မရနိုင်ဘူးလို့ ပြောခဲ့ကြောင်းလည်း ဂျပန်နိုင်ငံခြားရေးဝန်ကြီးဌာန အရာရှိတွေက ပြောပါတယ်။*RFA

သတင်းအကျဉ်းချုပ် ...

0 တတိယအကြိမ် ပတ္တနိက္ကုဇ္ဇန ကံဆောင် သပိတ်အား ပြည်တွင်းတွင် သံဃာအဖွဲ့ချုပ် - မြန်မာနိုင်ငံမှ အောင်မြင်စွာ ကံဆောင်ဖြစ်။

(ဓာတ်ပုံ - အောက်တိုဘာ ၃ ရက် ညနေ၊ ကမ္ဘာအေးဘုရားဝင်း၊ သိမ်တော်ကြီးအတွင်းမှာ သံဃာတော်များ စုဝေးနေတာကို တွေ့ရစဉ် - ဓာတ်ပုံ မိုးမခ)

မြန်မာပြည်တွင်းရှိ မြို့ကြီး ၉ မြို့ရှိ သိမ်များတွင် သံဃာအဖွဲ့ချုပ်- မြန်မာနိုင်ငံ အဖွဲ့ဝင် သံဃာ ၉၉ ပါးမှ ယနေ့ မွန်းလွဲ (၃) နာရီတွင် ပတ္တနိက္ကုဇ္ဇန ကမ္မ၀ါစာရွတ်ဖတ်ကာ သပိတ်မှောက်ကံဆောင် လိုက်ကြကြောင်း သတင်း ရရှိသည်။

ထို ပတ္တနိက္ကုဇ္ဇနကံဆောင်သပိတ် နှင့် ပတ်သက်ပြီး သံဃာအဖွဲ့ချုပ် - မြန်မာနိုင်ငံ ၏ နိုင်ငံခြား ရေးရာ တာဝန်ခံ အရှင် ပါရမီခန္တီက ယနေလုပ်ဆောင်ခဲ့ တာကို ယခုလို ပြောပြပါတယ်။ ယနေ့ မွန်းလွဲ (၃) နာရီတိတိမှာ ဦးဇင်းတို့ သံဃာအဖွဲ့ချုပ် - မြန်မာနိုင်ငံ အဖွဲ့ဝင်တွေဟာ မန္တလေး ၊ ပြင်ဦးလွင် ၊ တောင်ကြီး ၊ပုဂံ ၊လားရှိုး ၊ကျောက်ဆည်၊စဉ်ကိုင်၊စစ်ကိုင်းနှင့်မုံရွာ မြို့တွေမှာ ရှိတဲ့ သိမ်တွေမှာ သံဃာ (၁၁) ပါးစီနဲ့ ပတ္တနိက္ကုဇ္ဇန ကမ္မ၀ါစာရွတ်ဖတ်ကာ ကံဆောင် လိုက်ပါတယ်။ထိုသပိတ်မှောက် ကံဆောင်တာကို ပြင်ပမှာ ရှိတဲ့ ၊ သိမ်ထဲကို မလာနိုင်တဲ့ သံဃာတွေကလည်း စုစုစည်းစည်း၊ ညီညီညွတ်ညွတ်နဲ့ လက်ခံလိုက်တဲ့ အတွက် ကံမြောက်သွားပြီ ဖြစ်ကြောင်း မိန့်ကြားပါသည်။

ထိုပတ္တနိက္ကုဇ္ဇနကံဆောင်သပိတ်ပြုလုပ်ဖို့ သံဃာအဖွဲ့ချုပ် - မြန်မာနိုင်ငံ အဖွဲ့ဝင်တွေဟာ အာဏာပိုင်များ စောင့်ကြည့်နေတဲ့ ကြားထဲက လုပ်ဆောင်ခဲ့တာ ဖြစ်ကြောင်း ၊ ယနေ့လှုပ်ရှားမှုတွင် သံဃာ တစ်ပါးမှ အဖမ်းအဆီး မခံရကြောင်း နှင့် နောက်ရက်တွေ ကစလို့ စစ်အစိုးရက သံဃာတော်တွေကို ၀န်ချတောင်းပန်သည်အထိ နောက်ဆုံး အမျိုးသားလွတ်မြောက်ရေး လှုပ်ရှားမှုကြီး ဖြစ်လာရေးအထိ ဦးဇင်းတို့ လုပ်ဆောင်သွားကြမှာ ဖြစ်သည့် အတွက် လူတိုင်းလူတိုင်း အမှန်တရားဘက်က ရပ်တည်ပြီး ၀န်းရံပေးကြရန်” ဆက်လက်မိန့်ဆိုပါသည်။

၁၉၈၈ ခုနှစ် ဒီမိုကရေစီ လူထုအုံကြွမှု အရေးတော်ပုံ၌ ကျဆုံးသွားသော အာဇာနည်များကို ရည်စူး၍ ၁၉၉၀ ခုနှစ်တွင် မန္တလေးမြို့၌ လှူဒါန်းသော သံဃာ့ဒါန ဆွမ်းလောင်းပွဲကို စစ်အစိုးရ တပ်ဖွဲ့များက ပစ်ခတ်ဖြိုခွင်းရာတွင် သံဃာတော်များ ပျံလွန်တော်မူခဲ့သဖြင့် ပထမအကြိမ် သပိတ်ဆင်နွှဲ ခဲ့သည်။

၂၀၀၇ ခုနှစ် စက်တင်ဘာ (၅) ရက်နေ့တွင် ပခုက္ကူမှ သံဃာ (၅၀၀) ကျော်က ကုန်ဈေးနှုန်း ကျဆင်းရေး၊ တိုင်းပြည်အေးချမ်းရေး တို့အတွက် မေတ္တာပို့လမ်းလျှောက်ဆန္ဒပြခဲ့ရာ နအဖစစ်အစိုးရက အကြမ်းဖက်ဖြိုခွဲခဲ့ပြီး သံဃာ (၃) ပါးကို ဓာတ်တိုင်တွင် တုပ်နှောင်ကာ ရိုက်နှက်ခဲ့သောကြောင့် သံဃာတော်များက စစ်အစိုးရကို ဒုတိယအကြိမ် ပတ္တနိက္ကုဇ္ဇနကံဆောင်ခဲ့ကြသည်။

ယခုတတိယအကြိမ် ကံဆောင် သပိတ်သည် အကျဉ်းထောင်များတွင် ဖမ်းဆီးခံထားရသော သံဃာတော်များကို အမြန်လွှတ်ပေးရန်၊ ၂၀၀၇ ခုနှစ် စက်တင်ဘာ မေတ္တာပို့ ဆုတောင်းပွဲ၌ သံဃာတော်များ အား ဖမ်းဆီးသတ်ဖြတ်ထားမှုအတွက် ယခုလ ၂ ရက်နေ့ နောက်ဆုံးထား တောင်းပန်ရန် နအဖ စစ်အစိုးရအား သတိပေးထားသော်လည်း စစ်အစိုးရမှ ၀န်ချတောင်းပန်ခြင်းမရှိသည့် အတွက် တတိယ အကြိမ် ပတ္တနိက္ကုဇ္ဇန ကံဆောင် ကြခြင်း ဖြစ်သည်။

ထို တတိယ အကြိမ် ပတ္တနိက္ကုဇ္ဇန ကံဆောင်သပိတ်ကို မြန်မာပြည်တွင်းတွင် တပြည်လုံး အတိုင်းအတာ နှင့် စစ်အစိုးရမှ သံဃာတော်တွေကို ၀န်ချတောင်းပန်သည်အထိ နောက်ဆုံး အမျိုးသား လွတ်မြောက်ရေး လှုပ်ရှားမှုကြီး ဖြစ်လာရေး အထိ လုပ်ဆောင်သွားမည် ဖြစ်ကြောင်း သိရှိရပါသည်။

(http://www.hanthawaddy.org/2009/10/blog-post_1639.html)

သတင်းအကျဉ်းချုပ် ...