0 Web Address တွေကို ခေါင်းရှုပ်ခံပြီး စာအုပ်ထဲမှာ မှတ်နေစရာမလိုတော့ပါဘူး (Online Bookmarking)

အင်တာနက် သုံးသူ တော်တော်များများမှာ တွေ့ နေရတာလေးတွေပါ ။ Website ကောင်းကောင်းလေးတွေ တွေ့ ရင် စာအုပ်ထဲမှာ မှတ်တယ် ၊ စာရွက်ထဲမှာ မှတ်တယ် ။ ပြီးတော့ အဲ့စာအုပ်တွေ စာရွက်တွေ ပျောက်တော့ တိုင်တွေ ပတ်ကုန်ကြရောပေါ့ ။ တစ်ချိူ့ ကျတော့ ကွန်ပြူတာ သမားပီပီ Notepad ထဲမှာ မှတ်တယ် ။ ပြီးတော့ အဲ့ notepad လည်း ပြန်ရှာလို့ မရတော့ တိုင်ပတ်တာပေ့ါ ။ စာအုပ်ထဲမှာ မှတ်တယ်ဆိုလည်း သွားလေရာကို စာအုပ်ကြီး သယ်သွားမှ အဆင်ပြေမှာပါ ။ Notepad ထဲမှာ မှတ်တော့လည်း အဲ့ Notepad ရှိမှ အဆင်ပြေပြန်ရော ။ အဲ့ဒါကြောင့် အဲ့ဒါတွေက ပျောက်လွယ်ပါတယ် ။ အဲ့ဒါဆို အဆင်မပြေနိုင်ပါဘူး ။

အဲ့တော့ ကျွန်တော်တို့ အဲ့ပြသနာကို ဘယ်လို ဖြေရှင်းကြမလဲ ။ လွယ်တာတော့လွယ်ပါတယ် ။ အွန်လိုင်းပေါ်မှာ ကျွန်တော်တို့ မှတ်ချင်တဲ့ Website လိပ်စာတွေကို မှတ်ပေးတဲ့ Websites တွေ အများကြီး ရှိပါတယ် ။ အဲ့လို Website လိပ်စာတွေမှတ်တာကို Bookmarking လို့ ခေါ်ပါတယ် ။ Online ပေါ်မှာပဲ မှတ်တဲ့အတွက် Online Bookmarking လို့ခေါ်ကြပါတယ်။

Browser(IE, Firefox) တွေမှာ Bookmark လုပ်ပေးနိုင်တဲ့ Function တွေပါပြီးသားပါ။ IE သုံးတာဖြစ်စေ၊ Firefox သုံးတာဖြစ်စေ Websiteကောင်းကောင်းလေးတွေ့လို့ မှတ်ချင်ရင် Keyboard ကနေ Ctrl+Dနှိပ်လိုက်ရုံပါပဲ။ အဲဒီအခါမှာ Box လေးတစ်ခု တက်လာပါတယ်။ IE မှာဆိုရင် Addကိုနှိပ်လိုက်ပါ။ Firefox ဆိုရင်တော့ OK နှိပ်လိုက်ရင် ရပါပြီ။နောက်ပိုင်းမှာ ကိုယ်မှတ်ထားတဲ့လိပ်စာတွေကို ပြန်ကြည့်ချင်ရင်တော့ Firefoxမှာဆိုရင် Menu bar က Bookmarks ကို နှိပ်လိုက်ပါ။ အဲဒီအခါကိုယ်မှတ်ထားတဲ့ Site လိပ်စာလေးတွေ တွေ့ပါလိ့မ်မယ်။ IE ဆိုရင်တော့ menubar က Favorites ထဲမှာရှိပါတယ်။

ဒါပေမဲ့ အဲဒီနည်းတွေကအင်တာနက်ကိုအိမ်မှာသုံးတဲ့သူတွေအတွက်ပဲအဆင်ပြေမှာပါ ။ Cyber တွေမှာ သုံးတဲ့သူဆိုရင်တော့ ဒီနည်းတွေက Browser ထဲမှာပဲမှတ်တာဖြစ်တဲ့အတွက် တခြားစက်တွေကိုင်ရင် ကြည့်ရမှာမဟုတ်တော့ဘူးလေ။ဒါကြောင့် အင်တာနက်ချိတ်ထားတဲ့ ဘယ်ကွန်ပျူတာကိုပဲသုံးသုံး ကိုယ့်ရဲ့
Bookmark တွေကို access လုပ်လို့ရတဲ့ Online Bookmarking Website တွေခေတ်စားလာတာပေါ့။

အဲ့လို Online Bookmarking လုပ်ပေးနိုင်တဲ့ ဆိုဒ်တွေကတော့ အများကြီးပေ့ါဗျာ ။ တစ်ချိူ့ တစ်လေက Register လုပ်ရတယ် ။ သုံးရတာ ကိုယ်နဲ့ Fair မဖြစ်ဘူး ။ အဆင်မပြေဘူးပေ့ါဗျာ ။ အဲ့ဒါကြောင့် ကိုယ်နဲ့ လည်း ရင်းနှီးတယ် ၊ အရမ်းလည်း သုံးရတာ လွယ်တဲ့ ကျွန်တော်တို့ ရဲ့  Google ကြီးကိုပဲ အားကိုးကြရအောင်ဗျာ ။

ကျွန်တော်တို့ နေ့ စဉ် မရှိမဖြစ် လို အရမ်းကို အသုံးဝင်တဲ့ Google ကြီးမှာလည်း bookmark လုပ်လို့ရပါတယ် ။ အရင်ဆုံး မိမိသုံးနေကြ gmail ကို sign in ၀င်လိုက်ပါ ။ ပြီးရင် Ctrl+T (New Tab) အသစ်တစ်ခု ခေါ်ပြီး Address bar မှာ http://ww.google.com/bookmarks လို့ သာ ရိုက်လိုက်ပါ ။ အဲ့ဒါဆိုရင်တော့ Google ရဲ့ Bookmarks Page တစ်ခု ရောက်လာမှာ ဖြစ်ပြီး My Lists , Add Bookmarks အစရှိတဲ့ နေရာတွေမှာ မိမိ မှတ်သားချင်တဲ့ Website Addresses တွေကို Subject , Title , Link နှင့်တကွ မှတ်သားနိုင်တာကြောင့် ဘယ် စာအုပ် ၊ ဘယ်စာရွက် ၊ ဘယ် Notepad တစ်ခု တစ်လေမှမလိုတော့ပဲ ရောက်လေ ရာရာ အရပ်တိုင်းမှာ Google Bookmarks ဆိုတဲ့ Bookmarks Page လေးကို ခေါ်လိုက်တာနဲ့ မိမိမှတ်သားထားတဲ့ Website တွေကို မိမိ မှတ်သားထားတဲ့ ပုံစံ အတိုင်းတွေ့ မြင်ရမှာ ဖြစ်ပါတယ် ခင်ဗျာ ။ အဆင်ပြေသလို အသုံးပြုနိုင်ကြပါစေ ခင်ဗျာ ။
Htet Zaw
htetzaw551990@gmail.com

သတင်းအကျဉ်းချုပ် ...

0 နအဖပြုလုပ်မဲ့ရွေးကောက်ပွဲဟာတရားမျှတမှုမရှိသော စစ်မှန်တဲ့ရွေးကောက်ပွဲဖြစ်လာမှာမဟုတ်ဘူးလို့ ဂျပန်နိုင်ငံခြားရေးဝန်ကြီး Okada Katsuya ကပြောဆို

လာမဲ့ (၁၁)လပိုင်းအထိ နေအိမ်အကျယ်ချုပ်ကလွတ်မြောက်နိုင်မှာမဟုတ်တဲ့ မြန်မာ့ဒီမိုကရေစီခေါင်းဆောင် အောင်ဆန်းစုကြည်ကို မပါဝင်နိုင်အောင်ပြုလုပ်ထားတဲ့ နအဖရဲ့ လာမဲ့ရွေးကောက်ပွဲဟာ တရားမျှတမှုမရှိသော စစ်မှန်တဲ့ရွေးကောက်ပွဲဖြစ်လာမှာမဟုတ်ဘူးလို့ ဂျပန်နိုင်ငံခြားရေးဝန်ကြီး Okada Katsuya ကမနေ့ကပြောဆိုလိုက်ပါတယ်။

ဂျပန်နိုင်ငံခြားရေးဝန်ကြီး Okada Katsuyaက "မြန်မာစစ်အစိုးရဟာ ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားများအားလုံးမလွှတ်ပေးဘဲမစစ်မှန်သောတရားမျှတမှုမရှိသော ရွေးကောက်ပွဲကို တဖတ်သတ်ပြုလုပ်မယ်ဆိုရင်ရွေးကောက်ပွဲရလဒ်ကိုကမ္ဘာ့နိုင်ငံအသီးသီးမှထောက်ခံလိမ့်မှာမဟုတ်ဘူးလို့လည်းပြောဆိုလိုက်ပါတယ်။ "

ဒါ့အပြင်ဂျပန်နိုင်ငံခြားရေးဝန်ကြီးဟာ နေအိမ်အကျယ်ချုပ်ကျခံနေရတဲ့ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားများအားလုံး လွှတ်မြောက်စေပြီး စစ်မှန်တဲ့ပါတီစုံရွေးကောက်ပွဲဖြစ်နိုင်ဖို့ ဂျပန်နိုင်ငံရှိ မြန်မာနအဖသံရုံးမှတဆင့် စာပို့တောင်းဆိုထားတယ်လို့ဆိုပါတယ် ။

မြန်မာပြည်တွင်းမှာရွေးကောက်ပွဲကို ၁၁လပိုင်း (၇)ရက်နေ့ပြုလုပ်မှာဖြစ်ပြီး ဒေါ်အောင်ဆန်းစုကြည်ဟာ နအဖရဲ့မတရားအမှုဆင်ထားတဲ့အတွက် အဲဒီရွေးကောက်ပွဲပြုလုပ်ပြီးတဲ့နောက် တပတ်ကျော်ကျော်လောက်မှလွတ်မြောက်မှာပါ။
သတင်း။ ။ TBS

သတင်းအကျဉ်းချုပ် ...

0 နိုင်ငံရေးအကျဉ်းသားများအား လုံလောက်သည့် ဆေးကုသခွင့်မပေးမှုအပေါ် အေအေပီပီမှ ကန့်ကွက်

သတင်းထုတ်ပြန်ကြေငြာချက်။

ရက်စွဲ။ ၂၀၁၀ ခုနှစ် သြဂုတ်လ ၂၁ ရက်

နိုင်ငံရေးအကျဉ်းသားများအား လုံလောက်သည့် ဆေးကုသခွင့်မပေးမှုအပေါ် အေအေပီပီမှ ကန့်ကွက်

မြန်မာနိုင်ငံ၊ စစ်ကိုင်းတိုင်း ခန္တီးအကျဉ်းထောင်တွင် ထောင်ဒဏ် ၅ နှစ် အကျဉ်းကျခံနေရသော ကိုမျိုးမင်းဝေသည် အတွင်း လိပ်ခေါင်းရောဂါ အပြင်းထန်ခံစားနေရသော်လည်း ဆေးကုသခွင့်မရရှိကြောင်း နိုင်ငံရေးအကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) (အေအေပီပီဘီ) မှ ကြားသိရပါသည်။

ကိုမျိုးမင်းဝေသည် မြန်မာနိုင်ငံတွင် နာဂစ်မုန်တိုင်းတိုက်ခတ်ပြီး လူမှုရေးကူညီဆောင်ရွက်မှုများပြုလုပ်နေစဉ် အဖမ်းခံခဲ့ရပြီး ထောင်ဒဏ် ၅ နှစ် အပြစ်ဒဏ်ချမှတ်ခြင်းခံခဲ့ရကာ ၂၀၀၉ ခုနှစ် မတ်လက အတွင်းလိပ်ခေါင်းရောဂါဖြစ်နေ၍ ခွဲစိတ်ရန် လိုအပ်သည့်ကြားမှ နယ်ဝေးထောင်သို့ ပြောင်းရွှေ့ခံခဲ့ရခြင်းဖြစ်သည်။ ယခုလ ၁၀ ရက်နေ့က ခန္တီးထောင်တွင် ကိုမျိုးမင်းဝေ ကို ထောင်ဝင်စာတွေ့ပြီးပြန်လာသူ ဖခင်ဖြစ်သူ ဦးတင်လှက ကိုမျိုးဝင်းဝေသည် အတွင်းလိပ်ခေါင်းရောဂါ ခံစားနေရသဖြင့် ထမင်းမစားနိုင်ဘဲ အရေးပေါ်ခွဲစိတ်ကုသရန် လိုအပ်နေကြောင်း၊ လိပ်ခေါင်းဝေဒနာကြောင့် ၅ ရက်ကျော်ကြာ အစာမစားနိုင် ၀မ်းမသွားနိုင်ဖြစ်နေပြီး ရေသာသောက်နေရကြောင်း သတင်းဌာနများသို့ပြောကြားခဲ့သည်။

ခန္တီးထောင်ဆရာဝန်က ကိုမျိုးဝင်းဝေကို အရေးပေါ်ခွဲစိတ်ရန် လိုအပ်ကြောင်း ထောင်အာဏာပိုင်များအား တင်ပြခဲ့သော်လည်း ထောင်အာဏာပိုင်များက အထက်ကိုတင်ပြထားသည်ဟုသာ တုံ့ပြန်ပြောဆိုခဲ့ကြောင်း၊ ယခုလ ၁၂ ရက်နေ့က သားဖြစ်သူအား အမြန်ဆုံး ဆေးကုသပေးရန် သက်ဆိုင်ရာ အက်စ်ဘီနှင့် စရဖအဖွဲ့ကို တိုင်ကြားခဲ့သော်လည်း အထက်ကိုတင်ပြပေးမည်ဟုသာ ဖြေကြားခဲ့သည်ဟု ဦးတင်လှမှပြောကြားခဲ့ကြောင်း သိရှိရပါသည်။ ထို့အပြင် ခန္တီးထောင်တွင် အမျိုးသားဒီမိုကရေစီအဖွဲ့ချုပ်၊ ရခိုင်ပြည်နယ်၊ ဂွမြို့နယ် ပြည်သူ့လွတ်တော် ကိုယ်စားလှယ် ဦးညီပုသည်လည်း အောက်ပိုင်းသေသည့်ဝေဒနာခံစားနေရပြီး ထိရောက်သောဆေးကုသခံယူမှုမရရှိကြောင်း၊ ခရမ်းမြို့နယ်မှ ပဲပြုတ်(ခေါ်) ကိုဝင်းမြင့်မောင် မှာလည်း ငှက်ဖျားရောဂါဖြစ်နေပြီး အိပ်ယာထဲလဲနေကြောင်း၊ ရန်ကုန်တိုင်း အင်းစိန်ထောင်တွင်လည်း ပုဒ်မ ၁၃(၁)၊ ၁၇(၁) တို့ဖြင့် ပြစ်ဒဏ် ၁၃ နှစ် ကျခံနေရသူ မဥမ္မာမြင့် သည်လည်း အစာအိမ်ရောဂါဖြင့် အင်းစိန်မြို့နယ် ပြည်သူ့ဆေးရုံသို့တင်ပို့ကုသ ခံယူရကြောင်း သိရှိရပါသည်။ မဥမ္မာမြင့်အား ဆေးရုံတင်ထားရသည်မှာ ၅ ရက်ခန့်ရှိပြီ ဖြစ်သော်လည်း ယခုအချိန်အထိ ဝေဒနာသက်သာလာခြင်း မရှိသေးကြောင်း သိရှိရပါသည်။

အေအေပီပီ အတွင်းရေးမှူးဖြစ်သူ ကိုတိတ်နိုင်မှ “နိုင်ငံရေးအကျဉ်းသားတွေ ကျန်းမာရေးဆိုးပြီဆိုရင် ထုံးစံအားဖြင့်တော့ အာဏာပိုင်တွေက လျစ်လျူရှုနေတာများပါတယ်။ ထောင်အာဏာပိုင်က လုံလောက်တဲ့ဆေးကုသမှုမပေးဘူး၊ မိသားစုတွေက သူတို့တာဝန်ယူကုပါရစေ လိုအပ်တဲ့ဆေးတွေ ၀ယ်ပေးပါရစေဆိုရင်လည်း ခွင့်မပြုဘူး၊ အပြင်ဆေးရုံထုတ်ကုဖို့လိုအပ်လာရင်လည်း ထောင်ဆရာဝန်၊ ထောင်အာဏာပိုင်တွေရဲ့ ထောက်ခံချက်ရရင်တောင်မှ ထောက်လှမ်းရေး၊ ညွှန်မှူး ညွှန်ချုပ် အဆင့်ဆင့်ရဲ့ခွင့်ပြုချက်ရမှ ပြင်ပဆေးရုံတင်လို့ရပါတယ်။ ဒီလိုခွင့်ပြုချက်ရဖို့ကိုလဲ အချိန်တော်တော်ကြာအောင်စောင့်ရတယ်။ အဲဒီလို နှောင့်နှေးမှုကြောင့် ၁၉၈၈ ကစပြီး ခုချိန်အထိ နိုင်ငံရေးအကျဉ်းသားပေါင်း ၁၄၄ ယောက် အသက်မဆုံးသင့်ပဲ ဆုံးခဲ့ကြရပြီးပြီ။ အဲဒီလို မဖြစ်သင့်တဲ့ကိစ္စတွေကို ရပ်တန်းကရပ်ပြီး လူကိုလူလိုသဘောထားပြီး လုံလောက်တဲ့ ကျန်းမာရေးစောင့်ရှောက်မှုအချိန်မီပေးဖို့ လိုအပ်နေပြီ” ဟု ပြောကြားလိုက်ပါသည်။

မြန်မာနိုင်ငံအကျဉ်းထောင်များအတွင်း ကျန်းမာရေးဆိုးဝါးနေသူ နိုင်ငံရေးအကျဉ်းသား ၁၄၀ ယောက်ရှိနေသော်လည်း သင့်တော်သည့် ဆေးဝါးကုသခွင့် မရကြသည့်အပြင် မိသားစုနှင့်ဝေးကွာလှသော ထောင်များသို့ ပို့ဆောင်ခံထားရပါသည်။ အေအေပီပီမှ ကျန်းမာရေးဆိုးဝါးသော နိုင်ငံရေးအကျဉ်းသားများအား မိသားစုနှင့်နီးသော ထောင်များသို့ပြောင်းရွှေ့ကာ သင့်တော် လုံလောက်သော ဆေးကုသမှုများ စီစဉ်ဆောင်ရွက်ပေးပါရန် နိင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီအား တိုက်တွန်းတောင်းဆို လိုက်ပါသည်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ)

အသေးစိတ်သိလိုပါက ဆက်သွယ်ရန် -

ကိုတိတ်နိုင်။ ။ အတွင်းရေးမှူး ၆၆ (၀) ၈၁ ၂၈၇ ၈၇၅၁

ကိုဘိုကြည်။ ။ တွဲဖက်အတွင်းရေးမှူး ၆၆ (၀) ၈၁ ၉၆၂ ၈၇၁၃

Thanks N Regards,

Aung Myo Thein

Assistant Association for Political Prisoners (Burma)
info@aappb.org
Ph: 055 545 495
Web: http://www.aappb.org, http://www.fbppn.net, http://www.nd-burma.org

ပေးပို့သောကိုဒီမိုဝေယံအားကျေးဇူးတင်ရှိပါသည်။

သတင်းအကျဉ်းချုပ် ...

0 ရန်ကုန်တိုင်းအတွင်းရှိဒီမိုကရေစီရေးတက်ကြွလှုပ်ရှားသောကျောင်းသား၊လူငယ်များအင်အားစုများကရွှေဝါရောင်တော်လှန်ရေးနှစ်ပတ်လည်အကြိုလှုပ်ရှားမှု

20.8.2010 ရက်နေ့ တွင်ရန်ကုန်တိုင်းအတွင်းရှိဒီ မိုကရေစီရေးတက်ကြွလှုပ်ရှားသောကျောင်းသား၊ လူငယ်များအင်အားစုများက ရွှေဝါရောင်တော်လှန်ရေးနှစ်ပတ်လည်အကြိုလှုပ်ရှားမှုအဖြစ်စစ်အစိုးရ၏ 2010 ရွေးကောက်ပွဲဆန့် ကျင်ရေး ပို့စ်ကတ်ဒ်နှင့် ဓါတ်ပုံများကိုရန်ကုန်တိုင်းအတွင်းတွင် ရှိသောဘုန်းတော်ကြီးစာသင်တိုက်များကိုအဓိကထား၍ ဖြန့် ဝေခဲ့ ကြကြောင်းသိရှိရသည်။
၎င်းလှုပ်ရှားမှုကိုအဆိုပါကျောင်းသားအင်အားစုများနှင့်ချိတ်ဆက်ဆောင်ရွက်နေသောသံဃာတော်အရှင်သူမြတ်အချို့က ကူညီဆောင်ရွက်ပေးခဲ့ကြောင်း၊ လှုပ်ရှားမှုတွင်ပါဝင်ခဲ့သောကျောင်းသားလူငယ်တစ်ဦးကပြောကြားခဲ့ သည်။"ရန်ကုန်တိုင်းအတွင်းမှာပါဝင်တဲ့ လှိုင်မြို့ နယ်၊ မင်္ဂလာတောင်ညွန့် မြို့ နယ်၊ဒေါပုံမြို့ နယ်၊သာကေတမြို့ နယ်၊သုံးခွမြို့ နယ်နှင့် သန်လျင်မြို့ နယ်တို့ မှာရှိတဲ့ စာသင်တိုက်တွေကို အဓိကထားပြီးဖြန့် ဝေခဲ့ ပါတယ်။စာသင်တိုက်တွေကိုအဓိကထားဖြန့် ဝေရတဲ့ ရည်ရွယ်ချက်ကတော့ ဒီစစ်အစိုးရရဲ့  2010 ရွေးကောက်ပွဲဟာပြည်သူတွေအတွက်၊ နိုင်ငံအတွက်ချောက်ကမ်းပါးကိုတွန်းပို့ မယ့်ကိစ္စတစ်ခုပါဆိုတဲ့  message ကိုစာသင်သား သံဃာတော်တွေကတစ်ဆင့်သူတို့ ဆွမ်းခံကြွနေတဲ့ ပြည်သူတွေဆီကိုရောက်အောင်လို့ ပြုလုပ်ရတာဖြစ်ပါတယ်။ ဖြန့် ဝေတဲ့ ပို့ စ်ကတ်ဒ်နဲ့ စတစ်ကာတွေမှာ ပြည်တွင်းစစ်ဖြစ်အောင်ပြုလုပ်မယ့် 2010ရွေးကောက်ပွဲကိုဆန့် ကျင်ကြဆိုတဲ့ စာသားတွေရယ်၊တရားဝင်စစ်ကျွန်ဖြစ်စေမယ့် 2010ရွေးကောက်ပွဲကိုဆန့် ကျင်ကြဆိုတဲ့ စာသားတွေရယ်၊ရွေးကောက်ပွဲမှာမဲမထည့် ပဲနေတာဟာလဲပြည်သူတွေရဲ့ ကိုယ်ပိုင်အခွင့် အရေးပဲဆိုတဲ့ စာသားတွေရယ်ရေးထားပါတယ်" ဟုအဆိုပါကျောင်းသားလူငယ်မှပြောကြားသွားခဲ့ သည်။

ရန်ကုန်တိုင်းအတွင်းတက်ကြွလှုပ်ရှားနေသောကျောင်းသားလူငယ်များ

သတင်းအကျဉ်းချုပ် ...

0 မော်ဒယ်ဂဲ(လ်) ရဲ့ ရန်ကုန် သမိုင်းဝင်ညတစ်ည

နိုင်ငံတစ်ခုမှာတိုးတက်ပြောင်းလဲလာခြင်းအတူ ဆုတ်ယုတ်ပျက်စီးသွားခြင်းများလည်း ပါလာတတ်တာ ဓမ္မတာပါ။အလွယ်တူ မြင်လွယ်အောင် ပြောရရင်တော့ ထိုင်းနိုင်ငံလိုပေါ့။စီးပွားရေးဖွင့်ဖြိုးတိုးတက်တယ်။ အကျင့်စာရိတ္တတွေ ပျက်စီးရသည်ပေါ့။တရားသဘောနှင့်ကြည့်ရင်တော့ တိုးတက်ခြင်း ဆုတ်ယုတ်ခြင်း တရားနှစ်မျိုးလုံးကိုလက်ခံရမှာပါ။ လှပတဲ့ နှင်းဆီကို ကြိုက်နှစ်သက်တယ်ဆိုရင်တော့ "ဆူး" စူးခြင်းကိုလည်ခံယူရမှာပါ။

မြန်မာနိုင်ငံမှာနိုင်ငံတစ်ကာနဲ့ စီးပွားရေး ကူးလူးဆက်ဆံလာတာနှင့်အမျှ နိုင်ငံတကာရဲ့ ကောင်း/မကောင်းအကျင်းစရိတ်တွေလည်းပါလာမြဲပါ။

စာရေးသူတို့ငယ်စဉ်က"နိုက်ကလပ်တို့ ၊ အနှိပ်ခမ်းတို့ မကြားဘူးပါ။ ခုတော့ ရန်ကုန်မြို့ကြီးမှာ မှိုလိုပေါက်ပါပြီးတဲ့။ ဒါတွေမရှိရဟုမဆိုလိုပါ။

ခုတင်ပြမှာကတော့ မြန်မာနိုင်ငံ သူဋ္ဌေးအမည်ခံများရဲ့အလွဲသုံးစားလုပ်မှုကို သင်ခန်းစာယူဖို့ပါ။


မဟာရန်ကုန်ရဲ့ သမိုင်းတစ်နေရာမှာ နာမည်ကြီးနိုက်ကလာပ်တစ်ခုရှိပါတယ်။ အဲမှာတော့ ငွေကို ရေလိုသုံးသူများသာ သွားတတ်ပါတယ်။

တစ်ညမှာတော့အဲဒီနိုက်ကလပ်မ်မှာ ရန်ကုန်ဘောပွဲသူဋ္ဌေးတစ်ယောက်နဲ့ ( ဘောလုံးအလောင်းအစားဖြင့် ချမ်းသာနေသူ) နယ်မှ ကျောက် သူဋ္ဌေးတစ်ယောက်တို့ ရောက်လာကြပါသည်။ ( နယ်မှကျောက်သူဋ္ဌေးတစ်ယောက်ဆိုခြင်းမှာထိုသူကို ရန်ကုန်မှာ မမြင်ဘူး၍ ဆိုပါသည်) ။

မယ်ဒယ်တစ်ယောက်လမ်းလျှောက်လာတော့ ပရိတ်သတ်ထဲမှ သူဋ္ဌေးများ မိမိသဘောကျသော မော်ဒယ် (လ်) များကို အပြိုင်အဆိုင် ပန်းကုန်းစွပ်ကြပါသည်။

ရန်ကုန်ဘောပွဲ သူဋ္ဌေများပန်းကုန်းစွပ်သော မော်ဒယ်(လ်) ကို နယ်သူဋ္ဌေးမှ အပြိုင် ပန်းကုန်းစွပ်ပါသည်။ဒီလိုနဲ့ မော်ဒယ်(လ်) တစ်ယောက် အလုအယက် ပန်းကုန်းစွပ်ရင်း နိုက်ကလပ်မှ ပန်းကုန်းများ ပန်းစည်းများဈေးအလိုလို သူဋ္ဌေးသတ်မှတ် ချင်သလောက် သတ်မှတ်နိုင်သည့်အထိး ပန်းစည်းများပန်းကုန်းမျာ ဈေးတက်သွားပါသည်။

ဘယ်လောက်ထိဈေးတတ်သွားသလဲဆိုတော ပန်းတစ်ကုံး သိန်း( ၅၀) ပန်းတစ်စီး သိန်း (၅၀) ထိကို ဈေးတတ်သွားပါသည်။ ဤဈေးများ သူဋ္ဌေးများ ပါစပ်မှာ ဈေးသတ်မှတ်ခိုင်းခြင်းပါ။ မော်ဒယ်(လ်) မှာ သူ့ကို အကြောင်းပြုပြီး ငွေးများ သိန်းပေါင်းများ စွာပုံအောလာခြင်းအတွက် ရှေ့ထွက် လမ်းမလျှောက်ရဲဘဲ ဒူးများတောင် တုန်းလာပါသည်။ ဆိုင်ရှင်မှ တိုက်တိုက်တွန်တွန်း အားပေးလို့ ရှေ့ထွက်လမ်းလျှောက်လာသည်မှာကြောက်စိတ်များဝင်ကာ မျက်ရည်ကျမတတ်ပါ။

သူဋ္ဌေး (၂)ယောက်ပြိုင်လို့ သိန်း (၂၀၀)လောက်ရောက်တော့ ဆိုင်ရှင်က ငွေးများရှင်းခိုင်ပါသည်။ သူဋ္ဌေးနှစ်ယောက် တပည့်များ အိမ်ပြန်၍ ငွေများ ဆာလာအိတ်ဖြင့် ထမ်းလာကာ သိန်း (၂၀၀) တစ်ကြိမ်ပေးချေပါသည်။

ပွဲကား မပြီးသေးပါ။

ရန်ကုန်သူဋ္ဌေးမှာစိန်ခေါ်ကာ ဆိုင်ရှိ ပန်ကုန်းများအားလုံး သိန်း ( ၃၀၀) ပေး၍ မော်ဒယ်အား ပန်းကုန်းစွပ်းပြန်သည်။ နယ်သူဋ္ဌေးမှ အားကျမခံ ဆိုင်ရှိ ပန်းကုံးများအားလုံး သိန်း ( ၄၀၀)ပေး၍ မော်ဒယ်အား ပန်းကုန်းစွပ်ပြန်ပါသည်။

နောက်တစ်ကြိပ်ရန်ကုန်ဘောသူဋ္ဌေးမှဆိုင်ရှိ ပန်းးကုံး ၊ ပန်းစည်းများအားလုံး သိန်း (၅၀၀) ပေး၍မော်ဒယ်ကို ပေးပြန်ပါသည်။

နယ်သူဋ္ဌေးမှလည်းအားကျမခံ ဆိုင်ရှိ ပန်းကုံး၊ပန်းစည်းများအားလုံး သိန်း ( ၆၀၀) ပေး၍မော်ဒယ်အား ပေးပြန်ပါသည်။

မော်ဒယ်မှာကြောက်ဒူးများတုန်းနေပါပြီး ဆိုင်ရှင်ရဲ့ တိုက်တွန်းမှုကြောင့် သာရှေ့သို့ထွက်ရာရပါသည်။ ငိုချင်သလိုလိုဖြစ်နေပါသည်။

နောက်ဆုံးမှာတော့ရန်ကုန်မှ ဘောသူဋ္ဌေး အရှုံးပေးလိုက်ရပါသည်။ နယ်သူဋ္ဌေးက စိန်ခေါ်ပြန်သည်။ ငွေးစက္ကူတွေ မရှိတော့ရင် ဒေါ်လာချင်း ချအောင်ဟု စိတ်ခေါ်သည်။ ရန်ကုန်ဘောသူဋ္ဌေးမယှဉ်ပြိုင်နိုင်တော့ပါ။

ဤဖြစ်ရပ်မှာ မရောင်ရာဆီလူးခြင်းသာဖြစ်ပါသည်။ မြန်မာနိုင်ငံမှသူဋ္ဌေးများ ပိုင်ဆိုင်မှုများကိုပြည်သူ့အကျိုးပြုမလုပ်ဘဲ၊ ဖြုန်းခြင်းသာဖြစ်ပါသည်။ သူဋ္ဌေးပေါက်စများ ငွေကိုသုံးတတ်ဖို့တင်ပြခြင်းဖြစ်ပါသည်။

တစ်လောက Elevenဂျာနယ်မှ မော်ဒယ် တစ်ယောက် ဈေးဝယ် စရိတ်ဒေါ်လာ ကိုးသောင်းမှ တစ်သိန်းထိရှိသည် ဆိုသော ဆောင်းပါးကို ဖတ်ရ၍ ဤဆောင်းပါးကိုတင်ပြပါသည်။

Ashin Ghosaka

သတင်းအကျဉ်းချုပ် ...

0 NLD ရဲ့ ရွေးကောက်ပွဲ သပိတ်မှောက် မှု ကြေညာချက် ပြည်သူများ က တစ်ခဲနက်ကြိုဆို

၁၉၉၀ရွေးကောက်ပွဲတုန်းက ပြည်သူလူထုရဲ့ရင်ထဲမှာရှိတဲ့ ဆန္ဒမဲအမှန်ကို ယခုလိုပြသခဲ့ပါတယ်။

အမျိုးသား ဒီမိုကရေစီ အဖွဲ့ ချူပ်ရဲ့  ရွေးကောက်ပွဲ သပိတ်မှောက်မှု သတင်းထုတ်ပြန်ချက် ကိုပြည်သူကတစ်ခဲနက် ကြိုဆိုသည် ဟု ရန်ကုန် နိုင်ငံရေး လှုပ်ရှားမှု အသိုင်း အ၀ိုင်းမှ သတင်းရရှိသည်။အမျိူးသား ဒီမို ကရေစီ အဖွဲ့ ချူပ်သည် စစ်အစိုးရက မကြာခင် ကျင်းပမည့် ရွေးကောက်ပွဲ အား သပိတ်မှောက် မည့် ကိစ္စအတွက် ပြည်သူကို ယခု ထက် ပို ၍ ဦးဆောင်လှုံဆော်မှု ပေးကာဆန့် ကျင်သင့် သည်ဟု သုံးသပ် သူများ လည်းရှိသည်။

စစ်အစိုးရ ၏ လက်ဝေခံ ပါတီ တစ်ခု ဖြစ်သည့် ကြံ့ဖွံ့ ပါတီ သည် နိုင်ငံတ၀ှမ်း ယနေ့ ရုံးများ ဖွင့်လှစ်သည် ဟုသတင်း ရရှိသည်။ ကြံ့ဖွံ့ ပါတီသည် မြန်မာ နိုင်ငံ နေရာ အချို့ တွင် စည်းရုံးရေး များ လုပ်ဆောင် သော်လည်းပြည်သူ ၏ ပါဝင်မှု မရရှိဟု သိရသည်။

ရန်ကုန် မြို့ မှ တပ်မတော် အရာ ရှိဟောင်း တစ်ဦးက မူ NLD ကရွေးကောက် ပွဲ သပိတ်မှောက် ထားတယ်ဆိုတော့ ပြည်သူက မဲပေးမှာ မဟုတ် တော့ ဘူး …ကျွန်တော့် အနေနဲ့ လည်း မဲပေးရ အောင်အခုအချိန် ထိ တိုင်းပြည် အပေါ် ကိုယ်ကျိုးစွန့် မယ့် ကောင် တစ်ကောင်မှ မမြင် သေးဘူး အားလုံးအချောင် သမား တွေ ဟု ပြောသည်။
စစ်အစိုးရ ၏ လမ်းပြမြေပုံ ထဲ မှ နောက် ဆုံး အချက် ကို နိုဝင်ဘာ လ ၇ ရက်နေ့ တွင် အကောင်အထည်ဖော် မည် ဖြစ်သည်။ ရွေးကောက် ပွဲ တွင် ကြံ့ဖွံ့  ပါတီ အနိုင်ရပါက ပြည်သူ လူထု ၏ အုံကြွမှု နှင့် ရင်ဆိုင်ရ နိုင်သည်ဟု ရန်ကုန် နိုင်ငံ ရေး အသိုင်းအ၀ိုင်း က သုံးသပ် သည်။
http://freedomnewsgroup.com

သတင်းအကျဉ်းချုပ် ...

0 အနာဂါတ်သစ် ဂျာနယ်

သတင်းအကျဉ်းချုပ် ...

0 အငြိမ်းစားယူပြီး ကြံ့ဖွံ့ပါတီမှ ယှဉ်ပြိုင်မည့် ဘောင်းဘီချွတ်တော့မည့် နအဖစစ်အရာရှိကြီးများ

အငြိမ်းစားယူကြမည့် စစ်ဘက် အရာရှိကြီးများ

၁။ ဒုဗိုလ်ချုပ်ကြီး အုန်းမြင့် (ကစထ ၁ မှူး၊ စစ်တက္ကသိုလ် အပတ်စဉ် ၁၇ ဆင်း)
၂။ ဒုဗိုလ်ချုပ်ကြီး မင်းအောင်လှိုင် (ကစထ ၂ မှူး၊ စစ်တက္ကသိုလ် အပတ်စဉ် ၁၉)
၃။ ဒုဗိုလ်ချုပ်ကြီး ခင်ဇော် (ကစထ ၆ မှူး၊ OTS အပတ်စဉ် ၄၉)
၎။ ဒုဗိုလ်ချုပ်ကြီး သာအေး (ကစထ ၄ မှူး၊ စစ်တက္ကသိုလ် အပတ်စဉ် ၁၆)
၅။ ဒုဗိုလ်ချုပ်ကြီး မြင့်ဆွေ (ကစထ ၅ မှူး၊ စစ်တက္ကသိုလ် အပတ်စဉ် ၁၅)
၆။ ဒုဗိုလ်ချုပ်ကြီး မြင့်လှိုင် (လေကြောင်းရန် ကာကွယ်ရေး အရာရှိချုပ်၊ စစ်တက္ကသိုလ် ၁၇)
၇။ ဒုဗိုလ်ချုပ်ကြီး တင်အေး (စစ်လက်နက် အရာရှိချုပ်၊ စစ်တက္ကသိုလ် အပတ်စဉ် ၉)
၈။ ဒုဗိုလ်ချုပ်ကြီး ဆန်းဆင့် (စစ်ရာထူးခန့်ချုပ်၊ စစ်တက္ကသိုလ် အပတ်စဉ် ၁၅)
၉။ ဒုဗိုလ်ချုပ်ကြီး စိုးမောင် (စစ်ဥပဒေချုပ်၊ စစ်တက္ကသိုလ် အပတ်စဉ် ၁၇)
၁ဝ။ ဒုဗိုလ်ချုပ်ကြီး သိန်းထိုက် (တပ်မတော် စစ်ဆေးရေး အရာရှိချုပ် စစ်တက္ကသိုလ်၊ အပတ်စဉ် ၁၆)

လက်ရှိ ရာထူးတွင် ဆက်လက် ကျန်ရှိနေခဲ့မည့် ဒုဗိုလ်ချုပ်ကြီး ၄ ဦး
စစ်ဘက်ရေး ရာလုံခြုံရေးဌာန အကြီးအကဲ ဒုဗိုလ်ချုပ်ကြီး ရဲမြင့်၊ တပ်မတော် လေ့ကျင့်ရေး အရာရှိ ချုပ် ဒုဗိုလ်ချုပ်ကြီး လှဌေးဝင်း၊ စစ်ရေးချုပ် ဒုဗိုလ်ချုပ်ကြီး သူရမြင့်အောင်၊
ကာကွယ်ရေး အထူး စစ်ဆင်ရေးဌာန (ကစထ) ၃ မှူး ဒုဗိုလ်ချုပ်ကြီး ကိုကို

သတင်းအကျဉ်းချုပ် ...

0 ရွှေခမောက်စာစောင်အမှတ်စဉ်(၁၂၁)

Shwekhamauk 121

သတင်းအကျဉ်းချုပ် ...

0 စီစစ်ရွေးချယ်

နာရေးကူညီမှုအသင်း(ရန်ကုန်)ရှိ မျိုးဆက်သစ် လူငယ်/ရွယ်များအား ဗဟုသုတ ကြွယ်ဝရေး၊ အတွေးအခေါ်မြင့်မားရေး၊ ဥာဏ်ပညာထက်မြက်ရေး၊ ဆုံးဖြတ်ချက် မှန်ကန်တိကျရေး၊ ဘာသာတရား ကိုင်းရှိုင်းရေး၊ ဗြဟ္မစိုရ်တရားလေးပါး လက်ကိုင်ပြုနိုင်ရေး၊ လူသားအချင်းချင်း ရိုင်းပင်းကူညီမှုရှိရေး၊ ကျန်းမာရေး အသိပညာတိုးတက်ရေး၊ သမိုင်းစစ် သမိုင်းမှန်များကို သိရှိနားလည် သဘောပေါက်ရေး၊ သမိုင်းဝင် ပုဂ္ဂိုလ်၊ အာဇာနည် ပုဂ္ဂိုလ်တို့၏ မှန်ကန်သော အတ္ထုပတ္တိများကို သိရှိရေး စသည့် ရည်ရွယ် ချက်များဖြင့် ဖွင့်လှစ်ထားသော “သုခအလင်း” စာကြည့်တိုက်သို့ စေတနာ သဒ္ဒါတရား ထက်သန်စွာ ဖြင့် လာရောက်လှူဒါန်းကြသော အလှူရှင်များ၏ စာအုပ်စာပေများကို ၀မ်းမြောက်စွာဖြင့် လက်ခံရယူ လျှက်ရှိပါသည်။

လာရောက်လှူဒါန်းသော စာအုပ်စာပေများသည် ဘာသာရပ်မျိုးစုံ စာပေများ၊ ဖျော်ဖြေရေး၊ ပညာပေး၊ ဘာသာရေး စသဖြင့် စုံညီလှပါသည်။ ထို့ကြောင့် မိမိတို့ “သုခအလင်း” စာကြည့်တိုက်၏ ရည်ရွယ်ချက်ဖြစ်သော ထူးချွန်ထက်မြက်သော အနာဂတ်မျိုးဆက်သစ်များ ပေါ်ထွန်းရေး ဟူသော ရည်ရွယ်ချက်အား မပျောက်ပျက်ရအောင် လူငယ်/ရွယ်များအတွက် အကျိုးရှိသော စာအုပ်စာပေများ ကို စီစစ်ရွေးချယ်ကာ စာကြည့်တိုက်တွင် ထားရှိရေးအတွက် လုပ်အားပေး အသင်းသူ/သားများက တက်ညီလက်ညီ ၀ိုင်းဝန်းရွေးချယ်ခြင်း၊ ဟောင်းနွမ်းလျှက်ရှိသော အဖိုးတန် စာအုပ်စာပေများအား သပ်ရပ်စွာဖြင့် ပြန်လည်၍ အဖုံးများ ဖုံးပေးခြင်း၊ ချုပ်ပေးခြင်းများ၊ စာကြည့်တိုက်တွင် စာရင်းသွင်း ခြင်းများ၊ စာအုပ်စင်များပေါ်တွင် ကဏ္ဍအလိုက် သတ်မှတ်ထားရှိ ပေးလျှက်ရှိပါသည်။

“သုခအလင်း” စာကြည့်တိုက် စတင်ဖွင့်လှစ်ချိန်တွင် အကျိုးပြု စာအုပ်စာပေ (၅၀၀) အုပ်ခန့် သာ ရှိခဲ့သော်လည်း ယခုအချိန်တွင် အုပ်ရေ (၃၀၀၀) ကျော်ခန့်နှင့် မျိုးဆက်သစ်တို့အား စာပေ အင်အား ဖြည့်တင်းပေးလျှက် ရှိပါသည်။

ကိုကျော်သူ

သတင်းအကျဉ်းချုပ် ...

0 ကျွတ်စေ … လွတ်စေ

နာရေးကူညီမှုအသင်း(ရန်ကုန်) ဥက္ကဌ ဦးကျော်သူ ၁၉.၈.၂၀၁၀ (ကြာသပတေး) နေ့ နံနက် (၉း၀၀) နာရီတွင် ရန်ကုန်မြို့ မြောက်ဒဂုံရုံး နာရေးကူညီမှုအသင်း (ရန်ကုန်)ဈာပနသင်တန်းတွင် လုပ်အားပေး အသင်းသူ/သားများအား ရုပ်အလောင်းများကို သွားရောက် သယ်ဆောင်ရာတွင် ကြောက်ရွံ့ခြင်း၊ ရွံရှာခြင်းတို့ မဖြစ်ပေါ်စေရန် ဈာပန ပို့ဆောင်ရေး သင်တန်း ၄/၂၀၁၀ မှ စ၍ မိမိတို့ ကူညီဖေးမခဲ့မှုများ၊ အတွေ့အကြုံများ (ရဲမှုခင်း) လမ်းကြောင်းများကို ပရိုဂျက်တာဖြင့် ပြသပို့ချကာ လူမှုရေး ရဲဆေးတင်ပေးခဲ့ပါသည်။

နာရေးကူညီမှုအသင်း(ရန်ကုန်)သည် နာရေးကိစ္စများကို ဆောင်ရွက်ရာတွင် ဘ၀တစ်ပါးသို့ နည်းအမျိုးမျိုးဖြင့် ပြောင်းလဲသွားကြသော ရုပ်ခန္ဓာများအား သယ်ဆောင်သင်္ဂြိုလ် ပေးရခြင်းများကို ဆောင်ရွက်ပေးရသည်။ ထိုသို့ ဆောင်ရွက်ရာတွင် ရေနစ်သေဆုံးသော ပုပ်ပွနေသော အလောင်းများ၊ သစ်တုံးပိခြင်း၊ ဓါတ်လှေကားညှပ်ခြင်း၊ ဆွဲကြိုးချ သေဆုံးခြင်း၊ ရထားကြိတ် သေဆုံးခြင်း စသည့် စသည့် ဦးနှောက်များထွက်နေခြင်း၊ ကိုယ်လက်ခန္ဓာ အပိုင်းပိုင်း ပြတ်တောက်နေသော ရုပ်အလောင်း ပေါင်း များစွာကို အခမဲ့ကုသိုလ်ဖြစ် ပို့ဆောင်ပေးလျှက်ရှိပါသည်။

ယင်းကဲ့သို့ ပရိုဂျက်တာဖြင့် ပြသသော သင်တန်းတွင် ဦးကျော်သူမှ အသင်းသူ/သားများအား “မိမိတို့သည် ပုံသဏ္ဍာန် အမျိုးမျိုးဖြင့် ဘ၀တစ်ပါးသို့ ပြောင်းသွားကြကုန်သော သူတို့အား သင်္ဂြိုလ်ပေးခြင်း ကိစ္စရပ် တစ်ခုတင်မက ထိုသို့ ဘ၀အသီးသီးသို့ ရောက်ရှိကြကုန်သော သူများတွင် စိတ် အစွဲများဖြင့် မကျွတ် မလွတ်ကြသူတို့များစွာ ရှိနေပါ၍ ယင်းကဲ့သို့ မကျွတ် မလွတ်သော သူတို့အား ကျွတ်တန်းဝင်စေရန် ရည်ရွယ်၍ ကောင်းမှုကုသိုလ် အသီးသီးတို့ကို အမျှပေးဝေကြဖို့ အရေးကြီးကြောင်း။ မိမိတို့ နေ့စဉ်ပေးဆပ်လျှက်ရှိသော ကောင်းမှုကုသိုလ်တို့အား သစ္စာဆို၍ အမျှပေးဝေခြင်းသည် ထိရောက်သော အမျှပေးဝေမှုဖြစ်ကြောင်း … အကျွတ် အလွတ်ပွဲများ ပြုလုပ် ပေးခြင်းသည်လည်း မိမိအတွက်တင်မက မကျွတ် မလွတ်သေးသော အများအတွက်ပါ ထိရောက် သော ပေးဆပ်မှုဖြစ်ကြောင်း” ပြောကြားသွားသည်။

ထို့ပြင် နာရေးကူညီမှုအသင်း(ရန်ကုန်)သည် ယခင်က ရေဝေးသုဿန်တွင် အကျွတ် အလွတ် ပွဲများကို အများနှင့်အတူ ပြုလုပ်ပေးခဲ့သော်လည်း ယခုအခါ ဤသို့ ပြုလုပ်ရန် အခက်အခဲများ ကြုံတွေ့ နေသည့်အတွက် မိမိတို့ တစ်ဦးချင်းအနေနှင့် တစ်နေ့တာ ပေးဆပ်မှု ကောင်းမှုများကို သစ္စာဆို အမျှ ပေးဝေခြင်းတို့အပြင် ဆရာတော်ကြီးများ ချမှတ်ပေးထားသော အဓိဌာန်ကျင့်စဉ်များကို ကျင့်ကြံ အားထုတ်ပြီး အဓိဌာန်ပြီးမြောက်သော နေ့ရက်တွင် အမျှပေးဝေခြင်းများကို ပြုလုပ်ပေးဆပ်လျှက် ရှိသည်။

သတင်းနှင့်ဓာတ်ပုံ။ ။ ကိုကျော်သူ

သတင်းအကျဉ်းချုပ် ...

0 ကမ္ဘာမြေကြီး ကျန်းမာသန်စွမ်းဖို့

နိုင်ငံတစ်နိုင်ငံ၏ ခေတ်တစ်ခေတ်ကို ထူထောင်ရာ၌ ပညာရေး၊ လူမှုရေး၊ နိုင်ငံရေး၊ စီးပွားရေး၊ ဘာသာရေး စသည်တို့သည် အရေးပါသလို သဘာဝပတ်ဝန်းကျင် ထိန်းသိမ်းမှုသည်လည်း အဓိက အခန်းကဏ္ဍတွင် ပါဝင်ပေသည်။ လူတစ်ဦးချင်း၏ ကျန်းမာရေး ကောင်းမွန်ရန် အရေးကြီး သလို မိသားစု၊ ပြည်ထောင်စုသားအားလုံး၏ ကျန်းမာရေးသည်လည်း ကောင်းမွန်ရန် အရေးကြီး သည်။ ပြည်ထောင်စုသားများ နေထိုင်သော တိုင်းပြည်တစ်ပြည်လုံး ကျန်းမာသန်စွမ်းသလို ကမ္ဘာမြေ ကြီးတစ်ခုလုံးသည်လည်း ကျန်းမာသန်စွမ်းမှု ပြည့်ဝစွာ ရှိရန်လိုအပ်သည်။ ကမ္ဘာမြေကြီး ကျန်းမာ သန်စွမ်းဖို့ သဘာဝပတ်ဝန်းကျင် ထိန်းသိမ်းရေးသည် အဓိကဖြစ်တော့သည်။

ထို့ကြောင့် ကျွန်တော်တို့၏ နာရေးကူညီမှုအသင်း(ရန်ကုန်)ရှိ သင်တန်းသူ/သားများ မျိုးဆက်သစ် လူငယ်/ရွယ်များတို့အား သဘာဝပတ်ဝန်းကျင် ထိန်းသိမ်းရေးဆိုင်ရာ အသိပညာပေး သင်တန်းအား ၁၉.၈.၂၀၁၀ (ကြာသပတေး) နေ့တွင် ဆရာမ ဒေါ်ဒေ၀ီသန့်စင်မှ သင်ကြားပို့ချရာတွင် ပထမဦးစွာ အသင်းသူ/သားများအား သဘာဝပတ်ဝန်းကျင် ထိန်းသိမ်းရေးနှင့် ပတ်သက်သော အကြောင်းအရာ အချက်အလက်များကို မိမိတို့ သိရှိသလောက် ဖွင့်ဟပြောဆို ခဲ့ကြပြီးနောက် ဆရာမ ဒေါ်ဒေ၀ီသန့်စင်မှ “ယနေ့ကမ္ဘာဟာ သဘာဝဘေးအန္တရာယ်ဆိုးပေါင်း မြောက်များစွာနဲ့ ရင်ဆိုင်နေရပါတယ်။ အဲဒါကလည်း လူတွေကြောင့်လို့ပဲ ပြောရမှာဖြစ်ပါတယ်။ လူတွေ မဆင်မခြင်လုပ်ဆောင်ရာကနေ ဖြစ်လာတာပါ။ ဒါကို အချိန်မီ ၀ိုင်းဝန်းထိန်းသိမ်းဖို့ လိုအပ်ပါတယ်။ အဲလိုထိန်းဖို့ဆိုရင် လူထု အသိပညာဗဟုသုတရှိဖို့လိုပါတယ်။” ဟု ပြောကြားပြီး သဘာဝပတ်ဝန်းကျင် ဆိုးကျိုးများ၊ သဘာဝ ပတ်ဝန်းကျင် ထိန်းသိမ်းခြင်း၊ ကာကွယ် ခြင်းဆိုင်ရာ ပညာရပ်များအား သင်ကြားပို့ချလျှက် ရှိပါသည်။

ယခုကဲ့သို့ သဘာဝပတ်ဝန်းကျင် ထိန်းသိမ်းရေးဆိုင်ရာ အသိပညာပေး သင်တန်းများ မပေးမီ အချိန်ကာလ ကတည်းက နာရေးကူညီမှုအသင်း(ရန်ကုန်)သည် သစ်တောပြုန်းတီးရေးကို ကာကွယ် စောင့်ရှောက်ရန်အတွက်၎င်း၊ ကာဗွန်ဒိုင်အောက်ဆိုဒ် လျှော့ပါးရေးအတွက်၎င်း၊ နာရေးရှင်တို့ အကျိုး မဲ့ ငွေကုန်ကြေးကျ မဖြစ်စေရန်အတွက်၎င်း၊ သေဆုံးသူတို့၏ ရုပ်အလောင်းအား မီးသင်္ဂြိုလ်မှု ပြုရာတွင် သစ်သားအပြည့်ဖြင့် ပြုလုပ်ထားသော သစ်သားခေါင်းများကို အသုံးမပြုဘဲ သစ်သားကဒ် အခင်းဖြင့်သာ ယနေ့အချိန်ထိ အသုံးပြု မီးသင်္ဂြိုလ်ခဲ့ပါသည်။

ထိုနည်းတူစွာ နာရေးကူညီမှုအသင်း(ရန်ကုန်)သည် သဘာဝပတ်ဝန်းကျင်၏ ဆိုးကျိုးကို ခံစားခဲ့ရသော အဖွဲ့အစည်းတစ်ခုလည်း ဖြစ်သည်။ အဘယ်ကြောင့်ဆို မိမိတို့ အဆောက်အဦး ဆောက်လုပ်ရန်၊ အသင်းတည်ရာ နေရာဌာနသည် ပလပ်စတစ်အမှိုက်ပုံ (ကြွပ်ကြွပ်အိတ် အမှိုက်ပုံ) ဖြစ်နေသောကြောင့်ပင် ဖြစ်တော့သည်။ ဤ မြေနေရာတွင် အဆောက်အဦး တည်ဆောက်ရာတွင် အခက်အခဲဖြစ်ခြင်း၊ အကုန်အကျများခြင်း၊ အရိပ်အာဝါသ ရှိရန် အရိပ်ရအပင်ကြီးများ စိုက်ပျိုးရန် ခက်ခဲခြင်း၊ အဆောက်အဦးတည်ဆောက်ပြီးသော အခါတွင်လည်း လူနာများ၊ ၀န်ထမ်းများ၊ အသင်းသူ/သားများ အနေနှင့် မြေကြီးအောက်မှ ထွက်သော ကျန်းမာရေးကို ထိခိုက်စေမည့် Gas ဓါတ်ငွေ့များ၊ အပူငွေ့များနှင့် နွေရာသီ အချိန်ကာလတွင် အပေါ်မှ နေရောင်ခြည်၏ ပူပြင်းသော အပူရှိန်များကို ခံစားရမည်ဖြစ်သည်။ ထို့ကြောင့် မိမိတို့ အဆောက်အဦး တည်ဆောက်ရာတွင် ကြိုတင်ကာကွယ်မှု အနေဖြင့် အဆောက်အဦးအောက်ခြေ မြေကြီးအတွင်းတွင် Gas ဓါတ်ငွေ့များ ထွက်ရန်အတွက် ပိုက်များသွယ်တန်း၍ ဆောက်လုပ်ခြင်း၊ အရိပ်ရအပင်များ စိုက်ပျိုးရန် မြေကြီး များအား ပြင်ပမှ မြေကြီးများ အစားထိုးကာ စိုက်ပျိုးခြင်းများကို ပြုလုပ်ခဲ့ရသည်။

ထို့ကြောင့် နာရေးကူညီမှုအသင်း(ရန်ကုန်)သည် လူသားတို့အတွက် ပေးဆပ်မှုများ ပြုလုပ် ဆောင်ရွက် ပေးလျှက်ရှိသလို လူသားတိုင်းနှင့် သက်ဆိုင်သော အလုပ်ဖြစ်သည့် သဘာဝ ပတ်ဝန်းကျင် ထိန်းသိမ်းကာကွယ်မှု တို့ကိုလည်း တစ်ဖက်တစ်လမ်း ထမ်းဆောင်ပြုလုပ်ပေးရန် ပြင်ဆင်လျှက် ရှိပါကြောင်း . . .
ကျော်သူ

သတင်းအကျဉ်းချုပ် ...

0 ရွေးကောက်ပွဲ သပိတ်မှာ လူထုပါဝင်စေဖို့ NLD စဉ်းစား

နိုဝင်ဘာလ ၇ ရက်နေ့မှာ ကျင်းပမယ့် အထွေထွေရွေးကောက်ပွဲကို အမျိုးသား ဒီမိုကရေစီ အဖွဲ့ချုပ်က သပိတ်မှောက်မယ်လို့ ဆုံးဖြတ်လိုက်ပါတယ်။ ဒီကနေ့ နေ့လယ်မှာ ကျင်းပတဲ့ ပါတီခေါင်းဆောင်များ အစည်းအဝေးအတွင်း အခုလို ဆုံးဖြတ်လိုက်တာ ဖြစ်ပါတယ်။ အပြည့်အစုံကို ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

အစတုန်းက ရွေးကောက်ပွဲဝင်မယ့် နိုင်ငံရေးပါတီတွေ မှတ်ပုံတင်ရမယ် ဆိုတုန်းက မှတ်ပုံမတင်ဘဲနေဖို့ ဆုံးဖြတ်ထားခဲ့ရာက အခုတော့ ဒီရွေးကောက်ပွဲကို သပိတ်မှောက်သွားမယ်ဆိုပြီး NLD အမျိုးသား ဒီမိုကရေစီ အဖွဲ့ချုပ်က အတိအကျ ဆုံးဖြတ်လိုက်တာ ဖြစ်ပါတယ်။

ဒီကနေ့ နေ့လယ် ၁ နာရီက NLD ဒု-ဥက္ကဋ္ဌ ဦးတင်ဦးအိမ်မှာ ကျင်းပခဲ့တဲ့ ပါတီခေါင်းဆောင်တွေရဲ့ စည်းဝေးပွဲအတွင်း တညီတညွတ်တည်း ဆုံးဖြတ်ချက် ချလိုက်တာဖြစ်ကြောင်း ဗဟိုအလုပ်အမှုဆောင် အဖွဲ့ဝင်လည်းဖြစ်၊ ပြောခွင့်ရ ပုဂ္ဂိုလ်လည်းဖြစ်တဲ့ ဦးအုန်းကြိုင်က ပြောပါတယ်။

“၂၀၀၈ ဖွဲ့စည်းပုံ အခြေခံဥပဒေဟာ ကျနော်တို့လည်း အစကတည်းက ဒါကို လက်မခံနိုင်ဘူး၊ ပြုပြင်ပေးပါလို့ ပြောထားတယ်။ ၂၀၀၈ ဖွဲ့စည်းပုံ အခြေခံဥပဒေနဲ့ ၂၀၁၀ ရွေးကောက်ပွဲ ကော်မရှင် ဥပဒေ၊ နည်းဥပဒေတွေဟာ အဲဒီလမ်းအတိုင်း ဆက်သွားမယ်ဆိုရင် မြန်မာနိုင်ငံ ပြည်သူလူထု ဆန္ဒအတိုင်း မျှော်မှန်းထားတဲ့ စစ်မှန်တဲ့ ဒီမိုကရေစီနဲ့ လူ့အခွင့်အရေး ရရှိစေမယ့်ဆီကို ဦးမတည်နိုင်တာကြောင့် ၂၀၁၀ ရွေးကောက်ပွဲကို အမျိုးသား ဒီမိုကရေစီ အဖွဲ့ချုပ်က သပိတ်မှောက်ဖို့ ဆုံးဖြတ်လိုက်ပါတယ်။”

ဒီလို ပါတီအနေနဲ့ သပိတ်မှောက်မယ့်အပြင် ဒီသပိတ်မှောက်တဲ့အထဲ ပြည်သူလူထု ပါဝင်လာအောင် NLD အနေနဲ့ ဦးဆောင်လုပ်မယ်၊ မလုပ်ဘူး ဆိုတာကိုတော့ ဆက်လက် ဆွေးနွေးနေကြတုန်းလို့ ဆိုပါတယ်။

ဒါပေမဲ့ ဒီကနေ့ ချမှတ်ခဲ့တဲ့ ဆုံးဖြတ်ချက်ထဲမှာတော့ ပြည်သူလူထုဟာ ရွေးကောက်ပွဲမှာ ဆန္ဒမဲမပေးဘဲ နေလိုက နေနိုင်တဲ့ အကြောင်းလည်း ဆုံးဖြတ်ခဲ့တယ်လို့ ဆိုပါတယ်။

“ကြေညာထားပြီးဖြစ်တဲ့ ၂၀၁၀ ရွေးကောက်ပွဲ ကော်မရှင် နည်းဥပဒေများမှာ ဖော်ပြထားတဲ့ ဥပဒေပါ အချက်အလက်များအတိုင်း လုပ်သားပြည်သူ မဲဆန္ဒရှင် ပြည်သူတွေအနေနဲ့ မိမိတို့ရဲ့ ပိုင်ခွင့်ကို အသုံးချပြီးတော့ ဒီရွေးကောက်ပွဲမှာ ဆန္ဒမဲမပေးဘဲ နေချင်လည်း နေလို့ရတယ်လို့ ကျနော်တို့ သုံးသပ်ကြောင်းလည်း ဆုံးဖြတ်ပါတယ်။”

NLD ပြောခွင့်ရပုဂ္ဂိုလ် ဦးအုန်းကြိုင် ပြောပြသွားတာ ဖြစ်ပါတယ်။

ဒီအတောအတွင်း NLD က လက်ရှိ လုပ်ဆောင်နေတဲ့ နိုင်ငံရေး ရည်မှန်းချက်ရှိတဲ့ လူမှုရေး လုပ်ငန်းတွေကိုတော့ ဆက်လက် လုပ်ဆောင်သွားမယ်လို့ ဦးအုန်းကြိုင်က ပြောသွားပါတယ်။

သတင်း ။။ ဗီအိုအေ

သတင်းအကျဉ်းချုပ် ...

0 Nldအဖွဲ့ချုပ်ဒုဥက္ကဋ္ဌ၊ဗိုလ်မှူးကြီးဟောင်းသီရိပျံချီ ဦးကြည်မောင်ကွယ်လွန်ခြင်း(၆)နှစ်ပြည့် အခမ်းအနားကျင်းပသော ပုံများ

အဖွဲ့ချုပ် ဒုဥက္ကဋ္ဌ၊ ဗဟန်း မြို့နယ် အမှတ် (၂) ပြည်သူ့  လွှတ်တော် ကိုယ်စားလှယ် ဗိုလ်မှူးကြီးဟောင်း သီရိပျံချီ ဦးကြည်မောင်သည်၂၀၀၄ ခုနှစ် သြဂုတ်လ ၁၉ ရက်နေ့ မွန်းလွဲ ၁၂ နာရီ ၁၅ မိနစ် ခန့်မှာ ရွှေတောင်ကြား (၁) ရပ်ကွက်၊ ကမ္ဘောဇ ရိပ်သာလမ်း နေအိမ် အမှတ် ၂၄ မှာ ကွယ်လွန် ခဲ့သည်။

ပေးပို့သော ဒီမိုဝေယံအားကျေးဇူးတင်ရှိပါသည်။

သတင်းအကျဉ်းချုပ် ...

0 စစ်အစိုးရ၏ရွေးကောက်ပွဲအခြေအနေ ကနေဒါစိုးရိမ်

မြန်မာ စစ်အစိုးရရဲ့ ၂၀၁၀ ရွေးကောက်ပွဲဟာ ဖိနှိပ်ထားတဲ့ အခြေအနေအောက်မှာ ကျင်းပပြုလုပ်မဲ့ ရွေးကောက်ပွဲ ဖြစ်သွားမှာကို အထူးစိုးရိမ်မိကြောင်း ကနေဒါ နိုင်ငံခြားရေးဝန်ကြီး မစ္စတာ လောရင့်စ် ကဲင်နွန်က ပြောကြားလိုက်ပါတယ်။ မြန်မာစစ်အစိုးရဟာ ကတိပြုထားတဲ့အတိုင်း ရွေးကောက်ပွဲ ကျင်းပဖို့ စီစဉ်နေတာကို ကြိုဆိုပေမဲ့ နိုင်ငံတကာ စံနှုန်းတွေအတိုင်း မဟုတ်ပဲ ဖိနှိပ်ခြိမ်းခြောက်မှုတွေအောက်မှာ ကျင်းပသွားမှာကို အထူးစိုးရိမ်ကြောင်း၊ မြန်မာပြည်သူတွေဟာ အကြမ်းဖက် ခြိမ်းခြောက်မှုတွေကို ကြောက်လန့်မနေရပဲ သူတို့ရဲ့ ကိုယ်ပိုင် ဆန္ဒကို ထုတ်ဖော်ခွင့် ရထိုက်ကြောင်း၊ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားတွေကို ခြွင်းချက်မရှိ လွှတ်ပေးပြီးတော့ တိုင်းရင်းသားလူမျိုးစုတွေ အပါအဝင် ဒီမိုကရေစီအင်အားစုတွေနဲ့ စစ်မှန်တဲ့ တွေ့ဆုံ ဆွေးနွေးမှုကို ဖော်ဆောင်ဖို့၊ လွတ်လပ်မျှတတဲ့ ရွေးကောက်ပွဲကို ကတိပြုထားတဲ့အတိုင်း ကျင်းပဖို့ စစ်အစိုးရကို တိုက်တွန်းကြောင်း ကနေဒါ နိုင်ငံခြားရေးဝန်ကြီးက ပြောကြားသွားပါတယ်။
http://www.rfa.org/burmese/news/canada_concerns_over_junta_election-08172010102425.html

သတင်းအကျဉ်းချုပ် ...

0 အတုအယောင်ရွေးကောက်ပွဲမှ အခွင့်အလမ်းများ

ရဲဘော်ကျော်သန်း

ဖောက်ပြန်သူ အချောင်သမားအပေါင်းတို့ ဆင့်ဟိုဒင်းခွေးမျှော်သလို မျှော်နေကြတဲ့ ရွေးကောက်ပွဲ ကလိန်ခြုံ ဇာတ်ထုပ်ကြီးကို နိုင်ဝင်ဘာ (၇) ရက်မှာ လုပ်မည့်အကြောင်း ဗိုလ်သန်းရွှေက သတ်မှတ်ကြေငြာလိုက်ပါပြီ။ သင်းကွပ်နဲ့ အမြုံညားလို့ ဘာမှ မွေးဖွားလာမှာ မဟုတ်တာကို သိထားတဲ့ ထောင်ထဲက လူထုခေါင်းဆောင်တွေ၊ ကျောင်းသားခေါင်းဆောင်တွေ၊ တိုင်းရင်းသားခေါင်းဆောင်တွေနဲ့ တော်ကြိုအုံကြားမကျန် လူထုကြီးတရပ်လုံးကတော့ စိတ်မဝင်စားလှပါဘူး။

သို့သော်ငြားလည်း ပြည်ပက အင်န်ဂျင်အို နောက်လိုက်ခွေး အချောင်သမားများနဲ့ သူတို့နဲ့ ဆက်စပ်နေတဲ့ ပြည်တွင်းဖောက်ပြန်ရေးသမားတစုကတော့ မီးလောင်တုန်း ကူညီသလိုနဲ့ အလစ်သုတ်ဖို့ အထုပ်တပြင်ပြင် ဖြစ်နေကြပြီ။ သူတို့ခင်ဗျာလည်း ဇာတ်လိုက် မင်းသမီး၊ မင်းသားမပါတဲ့ အချောက်တိုက် လုပ်ဇာတ်ကြီးမှာ ဝင်ကကြရပေမဲ့ အကယ်ဒမီတောင် မမှန်းနိုင်တဲ့ အဖြည့်ခံသက်သက်ပါ။ ကရမည့်အခန်းကလည်း လူကြမ်းအသားပေး ဇာတ်မှာ သိန်းစိန်အမှုးရှိတဲ့ ကြံ့ဖွတ်လူကြမ်း ပါးရိုက်တာ ခံလိုက်၊ အရက်ခွက်ကလေး ငှဲ့ပေးလိုက်နဲ့ လူကြမ်းတပည့် နောက်လိုက်အခန်းကပဲဖြစ်တယ်။

နိုင်ငံတကာကို ဝင်ဆံ့နိုင်ဖို့ဆိုတဲ့ ရည်ရွယ်ချက်တခုတည်းနဲ့ လုပ်တဲ့ ဒီရွေးကောက်ပွဲဟာ ဒီမိုကရေစီစံနဲ့ ကြည့်ရင် (၉၀) ခု ရွေးကောက်ပွဲလောက်တောင် အဆင့်အတန်းမရှိတာ တွေ့နိုင်ပါတယ်။ လူထုကဏ္ဍ ပြိုင်ဘက်ပါတီတွေရဲ့ ကဏ္ဍဆိုတာ မရှိသလောက်ပါပဲ။ (၉၀) ခုရွေးကောက်ပွဲကတော့ ရှစ်လေးလုံးအရေးတော်ပုံကြီးပြီးစကာလမှာ လုပ်ခဲ့ရတာဆိုတော့ လူထုကို ချွေးသိပ်ရတာနဲ့ လူထုရဲ့ အခန်းကဏ္ဍ၊ ပြိုင်ဘက်ပါတီတွေရဲ့ အခန်းကဏ္ဍက အထိုက်အလျှောက်ရှိသေးတယ်။ ရွေးကောက်ပြီးကာလ မျှော်မှန်းချက်ကလည်း အလွန်ကွာတယ်။ အဲဒီချိန်က ဗိုလ်စောမောင်က ရွေးကောက်ပြီးရင် စစ်တပ်က စစ်တန်းလျားပြန်မယ်လို့ ကတိပေးထားတယ်။ ဒီရွေးကောက်ပွဲမှာတော့ ပွဲပြီးရင် စစ်တပ်က သမတရာထူးအပါအဝင် လွှတ်တော်နဲ့ အရပ်ဖက်နေရာတွေကို ဗြောင် တရားဝင်သိမ်းပိုက်နေရာယူမှာဖြစ်တယ်။ အသေအချာလေ့လာ သုံးသပ်ကြည့်ရင် ဒီရွေးကောက်ပွဲဆိုတာဟာ အတုအယောင်တခုအဖြစ်သာမက မိစ္ဆာသန်းရွှေ စစ်အုပ်စုရဲ့ သူရဲဘောကြောင်မှုကိုလည်း ပြနေပြန်တယ်။ (၉၀) ခုရွေးကောက်ပွဲမှာ ခံလိုက်ရတဲ့ လူထုဆုံးမမှုကို စစ်ဗိုလ်ချုပ်တွေ အခုထိသွေးလန့်နေတုန်းဆိုတာ ထင်ရှားတယ်။ အဲဒီအချိန်က စစ်အုပ်စုဟာ ဒီမိုကရေစီပါတီတွေ ရာနဲ့ချီ ကွဲနေတာကြောင့် သူတို့ရုပ်သေးပါတီ တစည နိုင်လိမ့်မယ်လို့ သေချာပေါက် တွက်ခဲ့ကြတယ်။ ဒါပေမဲ့ လူထုက ဒါမျိုးတွေ နောကြေနေပြီ။ အတ္တကလွဲလို့ ဘာမှမရှိတဲ့ နအဖ နလပိန်းတုံးတွေထက် အကင်းပါးတယ်။ ကြုံရာပါတီမှာ ဝင်လုပ်တယ်။ ရောကြနှောကြ စည်းဝေးကြတယ်။ မဲပေးတော့ ဒေါ်စုတပါတီတည်း စုပြုံဖြစ်ကုန်ရော။ စစ်အုပ်စုလည်း မျက်ဖြူဆိုက် ပက်လက်လန်ပြီး ဗြောင်လိမ်ဗြောင်စားနဲ့ ရွေးကောက်ပွဲရလာဒ်ကို အကောင်အထည်မဖော်ရဲပဲ ရူးချင်ယောင်ဆောင်လိုက်ရတယ်။ အခုတော့ သူတို့ကိုယ်တိုင်လုပ်ပေးခဲ့တဲ့ အဲဒီရွေးကောက်ပွဲ ရလာဒ်ကို ခြေဖျက်ဖို့ ရွေးကောက်ပွဲအသစ်ဆိုတဲ့ လုပ်ဇာတ်ကို ထုတ်လာရပြန်တယ်။

အနှစ် (၂၀) ကျော်ကြာမှ ပြန်လုပ်တဲ့ ရွေးကောက်ပွဲဟာ တကယ်တမ်းတော့ အရင်ဟာထက်ပိုပြီး တိုးတက်အဆင့်အတန်းမြင့်သင့်တယ်။ သူတို့ကိုယ်တိုင်ကလည်း တိုင်းပြည်ကြီး ဘယ်ခေတ်နဲ့မှမတူပဲ အေးချမ်းသာယာနေတယ်လို့ ပြောနေတာပဲ။ ဒီအနှစ် (၂၀)ကျော် ကာလအတွင်းမှာ စစ်အုပ်စုက အတိုက်အခံမှန်သမျှ တောတွင်းလက်နက်ကိုင်ကအစ မြို့ပေါ်ရဟန်းသံဃာမကျန် ပိုက်စိပ်တိုက်ပြီး အနုနည်းအကြမ်းနည်းမျိုးစုံနဲ့ ချေမှုန်းခဲ့တယ်။ တောတွင်းလက်နက်ကိုင်တွေကို သပ်လျှိုဖြိုခွဲနည်း လက်နက်ကိုင် စေ့စပ်နည်းတွေနဲ့ ထိန်းချုပ်သလို ပြည်တွင်းပြည်ပက အချောင်သမားတွေကိုလည်း အခွင့်အရေးပေး စည်းရုံးနည်းတွေနဲ့ တပည့်လုပ်ထားနိုင်ခဲ့တယ်။ အဲဒီလို စည်းရုံးမရတဲ့ သူတွေကိုတော့ သတ်တာ၊ ဖြတ်တာ၊ ဖမ်းဆီးထောင်ချတာ၊ တောတွင်းပြည်ပ မောင်းထုတ်တာ၊ ဆွေးမျိုးမိသားစုတွေရဲ့ စီးပွားရေးတွေကို ဖျက်ဆီးတာစတဲ့ အကြမ်းနည်းမျိုးစုံနဲ့ ချေမှုန်းထားတယ်။ အဓိက ပါတီ အင်န်အယ်လ်ဒီဆိုတာ ထုခြေထားလိုက်တာ မွမွကိုကြေလို့။

ပြည်တွင်းပြည်ပက ဗောင်းတော်ညိမ့် စိတ်တော်သိ အချောင်သမားလုပ်စားတွေနဲ့ မီဒီယာတွေကလည်း တတ်သမျှ မှတ်သမျှနဲ့ ရွေးကောက်ပွဲအတွက် အပေးအယူမျှမျှနဲ့ တောခြောက်ညာသံ ပေးနေကြတယ်။ တမျိုးသားလုံးကို ကျွန်ဇာတ်သွင်းထားတဲ့ စစ်ကျွန်ဖွဲ့စည်းပုံကို မတို့ရဲ မထိရဲကြရှာဘူး။ စစ်ကျွန်ဖွဲ့စည်းပုံအောက်က ရွေးကောက်ပွဲကိုပဲ ဟိုဟာတရားတယ်၊ ဒီဟာမတရားဘူးလို့ ယောင်ပြဝေဘန်ရေးပဲ လုပ်ကြတော့တယ်။ တချို့ဖောက်ပြန်ရေးသမားတွေကတော့ သူများထက်ထူးကဲပြီး ဒီရွေးကောက်ပွဲဟာ ပကတိအရှိတရား အမှန်တရားဖြစ်တယ်။ အခွင့်အရေးဖြစ်တယ်လို့ ပြောင်ပြောင် ဖားယား လိမ်လည်ကြတယ်။

တရားဝင်စစ်အာရှင်စနစ် ထူထောင်ဖို့ (ဝါ) ရွေးကောက်ပွဲအတွက် မျက်နှာသာပေးတဲ့ အခြေအနေ အခွင့်အလမ်းတွေက ပြည်တွင်းပြည်ပမှာ ပြည့်နေတာပဲ။ မိစ္ဆာသန်းရွှေအနေနဲ့ ဗိုလ်စောမောင်တဝက် သတ္တိရှိရင်တောင် ဒီအခွင့်အလမ်းတွေကို ယူပြီး အမျိုးသားခေါင်းဆောင် ရာထူမှန်းနိုင်သေးတယ်။ ဘုန်းတော်ဘွဲ့ချီးမြောက်ကြမည့် ပြည်တွင်းပြည်ပက ဘွဲ့ဒီဂရီ တသီတတန်းနဲ့ လူတတ်တွေကလည်း မနဲမနော။ ဒါပေမဲ့ ဗိုလ်သန်းရွှေကတော့ ကလိမ်ကကျစ်ဉာဏ်များသလောက် ကြောက်တတ်လိုက်တာကလည်း ချီးကိုချမ်းလို့။ ကိုယ့်ကိုယ်ကိုယ် အာဏာကုလားထိုင်နဲ့ သံမှိုစွဲထားတဲ့ စစ်ကျွန်ဖွဲ့စည်းပုံနဲ့တင် မလုံလောက်လို့ ရွေးကောက်ပွဲ နည်းဥပဒေဆိုတာတွေနဲ့ အတိုက်အခံတွေကို နည်းမျိုးစုံနဲ့ ချုပ်နှောင်ကန့်သတ်ထားလိုက်သေးတယ်။

ပါတီစည်းရုံးရေးအတွက် လွတ်လွတ်လပ်လပ် တရားမဟောရ၊ စီတန်းလမ်းမလျှောက်ရ၊ စာအုပ်စာတမ်းမထုတ်ရ ပြီးတော့ ဟိုလူဒီလူမပါရ အကန့်အသတ်တွေ များမှများ။ နင်မဟုတ်ရင် နင့်အဖေ နင့်အဖိုးဆိုတဲ့ ဝံပုလွေအပြစ်ရှာတဲ့ နည်းဥဒေတွေကလည်း ပြည့်လို့။ ဒီကြားကပဲ တခြားပါတီတွေ မတတ်နိုင်တဲ့ ကိုယ်စားလှယ်အလောင်းတွေအတွက် ရွေးကောက်ပွဲ အပေါင်ကြေး ( Deposit ) ကို တယောက်ငါးသိန်း သတ်မှတ်ထားပြန်သေးတယ်။ ရှုံးရှုံးနိုင်နိုင် ပြန်မအမ်းဘူးတဲ့။ အရပ်ရပ်နေပြည်တော် ကြားလို့မှ မတော်တဲ့ ဘယ်နိုင်ငံ ဘယ်ရွေးကောက်ပွဲမှာမှ မရှိဖူးတဲ့ နည်းဥဒေဆိုတာတွေကလည်း အများကြီး။ ဒီလောက်များတဲ့ငွေကို တိုင်းပြည်ဘဏ္ဍာကို စိတ်တိုင်းကျ ခိုးဆိုးလုယက်ထားတဲ့ ကြံ့ဖွတ်ပါတီနဲ့ ဟန်ညောင်ရွှေတို့ နေဝင်းမောင်တို့လို အင်န်ဂျီအို နောက်လိုက်ခွေးတွေရဲ့ အထောက်အပံ့ရှိတဲ့သူမှသာ တတ်နိုင်တယ်။ ရွေးကောက်ဖို့ အမတ် (၃၃၀) ရှိတဲ့ လွှတ်တော်နေရာတွေအတွက် ကြံ့ဖွတ်ပါတီကလွဲရင် နေရာငါးဆယ်အထိ ဝင်ပြိုင်နိုင်တဲ့ ပါတီတောင်မရှိဘူး။ ဘာပဲပြောပြော အမတ်ဆိုတဲ့ တံဆိပ်နဲ့ လွှတ်တော်မှာ ပေးတာယူ ကြွေးတာစားပြီး လက်ညှိုးထောင် ခေါင်းညိတ်နဲ့ ပြာတာသာသာ ရာထူးကို ဒီလောက်ဈေးကြီးပေးပြီး ဝယ်ချင်ကြ ကံစမ်းချင်ကြတဲ့ သူတွေကလည်း အံ့သြစရာ ရှိနေသေးတာပဲ။

ဒီရွေးကောက်ပွဲနဲ့ပတ်သက်ပြီး မသင်္ကာစရာကောင်းလောက်အောင် တိတ်ဆိတ်နေတာ ကတော့ တပ်ပေါင်းစုကြီးတွေနဲ့ (၉၀) ခု ရွေးကောက်ပွဲ ရလာဒ်ကို အခြေခံပါတယ်ဆိုတဲ့ အင်န်စီဂျီယူဘီနဲ့ အင်န်ပီယူတို့ပါပဲ။ သူတို့လည်း အင်န်ဂျီအို နောက်လိုက်ခွေးတွေလို အနှစ် (၂၀) ခိုးဆိုးလုယက်ထားတဲ့ အထုပ်ကလေးတွေပြင် အထဲဝင်ဘို့ ပြင်နေကြသလား စဉ်းစားစရာပါ။ အင်န်စီဂျီယူဘီရဲ့ ကုလသမဂ္ဂ စင်္ကြံလျှောက်ကြီးတို့လည်း အသံကိုတိတ်လို့။ အနှစ် (၂၀) လုံး အစိုးရ အစိုးရလို့ အော်နေသူတွေ အခုတော့ အင်န်ဂျီအိုတွေ အလိုကျ အစိုးမရတဲ့ အခွင့်အရေးတွေနောက် ငွေထုပ်တွေနောက် လိုက်ကြဘို့ ပြင်နေတာနဲ့ မအားမလပ် ဖြစ်နေကြရှာတယ်ထင်တယ်။

တကယ်တော့ စစ်အုပ်စုရဲ့ လမ်းပြမြေပုံ နောက်ဆုံးအဆင့် ဒီရွေးကောက်ပွဲဆိုတာဟာ စစ်အုပ်စုအတွက် ပွဲသိမ်းမဟုတ်သလို ပြည်သူ့ဒီမိုကရေစီအရေးတော်ပုံရဲ့ လမ်းဆုံးလည်းမဟုတ်ပါဘူး။ စစ်အုပ်စုမှာ မဖြေရှင်းနိုင်သေးတဲ့ ပြဿနာပေါင်းများစွာနဲ့ ဒီရွေးကောက်ပွဲကို လုပ်ပေးရတာဖြစ်ပါတယ်။ ဒေါ်အောင်ဆန်းစုကြည်နဲ့ နိုင်ငံရေးသမား ကျောင်းသား ထောင်ပေါင်းများစွာကို အကျဉ်ချထားရတယ်။ လက်နက်ကိုင် ငြိမ်းအဖွဲ့တွေနဲ့လည်း တပိုင်းတန်းလန်း မဖြေရှင်းနိုင်တဲ့ ပြဿနာတွေကလည်း အများကြီး။ ပြည်တွင်းစီးပွားရေး ချွတ်ခြုံကျမှု ပြဿနာနဲ့ ဒီစီးပွားရေး အကြပ်အတည်းကြောင့် အိမ်နီချင်းနဲ့ နိုင်ငံတကာရောက်နေတဲ့ သန်းပေါင်းများစွာသော ပြည်သူတွေကို ပြန်လည် နေရာချထားရေး အလုပ်အကိုင် ဖန်တီးပေးရေး ပြဿနာတွေ တသီတတန်းကြီးရှိနေတုန်းပဲ။

နောက်ပြဿနာက သူတို့စစ်အုပ်စုထဲက အတွင်းပြဿနာဖြစ်တယ်။ ဖွဲ့စည်းပုံအရ သမတက နိုင်ငံအကြီးအကဲဆိုပေမဲ့ အာဏာမှာတော့ တပ်ကိုကိုင်တဲ့ စစ်ဦးစီးချုပ်က အခရာဖြစ်တယ်။ ဒီတော့ ဗိုလ်သန်းရွှေ ဘာဆက်လုပ်မလဲ။ တပ်ကိုဆက်ကိုင်မလား၊ သမတသွားလုပ်မလား။ သမတသွားလုပ်ရင် တပ်ကို ဘယ်သူ့လက်ထဲ စိတ်ချလက်ချ အပ်ရမလဲ။ တပ်ကိုဆက်ကိုင်ရင် ဘယ်သူ့ကို သမတခန့်ရမလဲ။ ဖြစ်လာမည့် သမတနဲ့ စစ်ဦးစီးချုပ်တို့ မပြေလည်ရင် ညှိုနှိုင်းမရရင် ဘာတွေဖြစ်လာမလဲ ဆိုတဲ့ “ သို့လော သို့လော” ပြဿနာတွေက အများကြီးပါ။ ဒီတော့ ဒီရွေးကောက်ပွဲဆိုတာဟာ စစ်အုပ်စုအတွက် ပွဲသိမ်းမဟုတ်တာ အသေအချာဖြစ်တယ်။ သူတို့အတွက် ပိုဆိုးနိုင်တာက ကိုယ်ဖော်တဲ့ဆေးနဲ့ ကိုယ်ဒုက္ခရောက်တဲ့ကိန်းပါပဲ။ သူတို့အာဏာ ဆက်လက်ဆုပ်ကိုင်ထားနိုင်တဲ့ အဓိကအကြောင်းဖြစ်တဲ့ စစ်တပ်ခေါင်းဆောင်တွေအကြား နိုင်ငံရေးအရ မကွဲခဲ့တဲ့ စည်းရုံးမှုကို အထက်မှာ ပြောခဲ့သလို ဒီဖွဲ့စည်းပုံက ကွဲစေနိုင်တဲ့ အချက်ပါပဲ။

ပြီးတော့ ပြည်သူ့ ဒီမိုကရေစီအရေးတော်ပုံအတွက်လည်း လမ်းဆုံးမဟုတ်ပါဘူး။ ဗိုလ်သန်းရွှေထက် နိုင်ငံရေးအရ ဆုပ်ဆုပ်ကိုင်ကိုင်ရှိတဲ့ ဗိုလ်နေဝင်းတောင် ဒီ့ထက်ကောင်းတဲ့ အခွင့်အခါတွေကို မှီပြီး (၇၄) ဖွဲ့စည်းပုံကို ခိုင်မာအောင် မတည်ဆောက်နိုင်ခဲ့ဘူး။ (၇၄) ဖွဲ့စည်းပုံ အတည်ပြုပြီး လပိုင်းအတွင်းမှာပဲ အလုပ်သမား အရေးတော်ပုံတွေ၊ ကျောင်းသားအရေးတော်ပုံတွေ၊ ဦးသန့်အရေးတော်ပုံတွေ ဆက်တိုက်ပေါ်လာခဲ့တယ်။ နောက်ဆုံး ရှစ်လေးလုံးအရေးတော်ပုံနဲ့ တပါတီအာဏာရှင်စနစ်ကို ချုပ်ငြိမ်းစေခဲ့တယ်။ စည်းကမ်းပြည့်ဝတဲ့ ဒီမိုကရေစီဆိုပြီး တံဆိပ်ကပ်ထားတဲ့ အခုစစ်အာဏာရှင်စနစ်ဟာလည်း မလွဲမသွေ ပျက်သုဉ်းရမှာဖြစ်တယ်။ အထက်မှာ တင်ပြခဲ့သလို စစ်အာဏာရှင်စနစ်ချုပ်ငြိမ်းစေမဲ့ အချက်အလက်အခြေအနေတွေက ရှိနေပြီးဖြစ်တယ်။ နိုင်ငံတကာ အခြေအနေကလည်း (၆၂- ၇၄) တုန်းကလို စစ်အာဏာရှင်တွေ အနေချောင်နိုင်တဲ့ အခြေအနေမဟုတ်သလို ဗမာလူထုရဲ့ နိုင်ငံရေး နိုးကြားမှု၊ သို့မဟုတ် စစ်အာဏာရှင် ဆန့်ကျင်ရေး စိတ်ဓာတ်ကလည်း ပိုပြီး မြင့်မားနေတယ်။ စစ်အာဏာရှင် တည်မြဲဖို့အတွက် ဘယ်လိုအချက်အလက် အင်အားစုကမှ လက်မခံနိုင်ဘူး။ ဒီမိုကရေစီခေါင်းဆောင် တဖြစ်လဲ စစ်အာဏာရှင် အလိုတော်ရိတွေကလဲ ကျားနိုင်မပေးနိုင်ဘူး။

ပြီးခဲ့တဲ့ အနှစ် (၂၀) ကျော်ကာလ ရေစုန်မျှောခဲ့ရတာဟာ အဲဒီလို ခြံစည်းရိုး ခွထိုင်နေတဲ့ ရေပေါ်ဆီ အချောင်သမားတွေနဲ့ သူ့လူ ကိုယ့်ဘက်သားတွေက လူထုအရေးတော်ပုံရဲ့ ဦးဆောင်မှုကို အုပ်စီးထားတာကြောင့်ဖြစ်တယ်။ ဒီအင်အားစုတွေဟာ စစ်အုပ်စုဘက် ပြန်ရောက်သွားရင်လဲ ရေသာခို ကိုယ်ကျိုးရှာကြရင်းနဲ့ စစ်အုပ်စုအတွက် ဝန်ထုပ်ဝန်ပိုးအဖြစ် ဆက်လက်ရှိနေပြီး အရေးတော်ပုံကို တန်ပြန်အကျိုးပြုနေဦးမှာဖြစ်တယ်။

ဒါကြောင့် ရွေးကောက်ပွဲဆိုတဲ့ ဒီအလှည့်အပြောင်းဟာ ပြည်သူ့အရေးတော်ပုံအတွက် ကောင်းတဲ့ အလားလာတွေ ဖြစ်ပေါ်စေမည့် လမ်းခွဲမှုတွေ ဖြစ်ပေါ်လာစေမှာဖြစ်တယ်။ တော်လှန်ပြတ်သားတဲ့ ခေါင်းဆောင်မှုအသစ်ကို တည်ဆောက်ဖို့ အခွင့်အလမ်းလည်းဖြစ်တယ်။ ကိုယ်တွက်ချန် တွေဝေတဲ့ခေါင်းဆောင်မှုက လူထုလှုပ်ရှားမှုတွေကို မြုံသွားစေတတ်တယ်။ တရုတ်ပြည်တော်လှန်ရေးမှာ ရဲဘော်မော်စီတုံးတို့က အတွေးအခေါ် လက်ဝေခံ ဝမ်ချိန်ဝေးတို့ လီလီစန်းတို့လို တွေဝေတဲ့ ခေါင်းဆောင်းမှုကို ဖယ်ရှားပစ်ပြီးမှသာ အောင်ပွဲကို တက်လှန်းနိုင်ခဲ့တယ်။ ဒီနေ့ ဗမာလူထု တိုက်ပွဲရဲ့ လိုအပ်ချက်ဟာ တိကျပြတ်သားတဲ့ ခေါင်းဆောင်မှု တော်လှန်ရဲရင့်တဲ့ ခေါင်းဆောင်မှုပဲဖြစ်ပါတယ်။

ဒါကြောင့် ဒီအလှည့်အပြောင်းဟာ ရန်သူစစ်အုပ်စုအတွက် ပွဲသိမ်းမဟုတ်သလို ဒီမိုကရေစီအတွက်လည်း လမ်းဆုံးမဟုတ်ပါဘူး။ လမ်းခွဲမှုတွေဟာလည်း ဝမ်းနည်းစရာမဟုတ်ပါဘူး။ ဒေါ်စုမပါတဲ့ ရွေးကောက်ပွဲကို ဆန့်ကျင် သပိတ်မှောက်တာတွေ ဆောင်ရွက်ရင်း ရွေးကောက်ပွဲလွန်ကာလ အခြေအနေသစ်နဲ့ လျှော်ညီမယ့် တိုက်ပွဲပုံစံသစ်တွေကို ဖော်ထုတ်ကြရမှာ ဖြစ်ပါတယ်။ စုဖွဲ့မှု ပုံစံအသစ်တွေကို ဆောင်ရွက်ကြရမှာ ဖြစ်ပါတယ်။ လူထုဘဝတွေ မပြည့်စုံသရွေ့ လူထုဆန္ဒ ဒီမိုကရေစီမရသရွေ့ လူထုတိုက်ပွဲတွေ ဆက်လက် ရှိနေဦးမှာ ဖြစ်ပါတယ်။ ဒါကြောင့် ပြည်သူလူထုနဲ့ တိုင်းပြည်ရဲ့ ကျေးဇူးသစ္စာကို စောင့်သိသူများအတွက်တော့ ဒီရွေးကောက်ပွဲဆိုတဲ့ အလှည့်အပြောင်းဟာ တော်လှန်ပြတ်သားတဲ့ ခေါင်းဆောင်မှုသစ်ကို တည်ဆောက်ပြီး လူထုအောင်ပွဲကို ရယူရန် အခွင့်အလမ်းသာဖြစ်ပါတယ်။



“ပြည်သူသာအမိ ပြည်သူသာအဖ။”



ရဲဘော်ကျော်သန်း

16. 8. 2010

သတင်းအကျဉ်းချုပ် ...

0 တဒင်္ဂလေးမှ အစဉ်ထာဝရသို့

နေ့စဉ် နေ့တဓူဝ နာရေးကိစ္စများ၊ ဆေးဝါးကုသပေးခြင်း ကိစ္စများ၊ လူမှုရေးကိစ္စရပ်များ၊ အသင်းသူ/သား၊ ၀န်ထမ်းများရဲ့ လူမှုရေးပြဿနာများ၊ နာရေးကူညီမှုအသင်း(ရန်ကုန်)၏ ရှေ့ဆက်ပြီး ပေးဆပ်မှုလုပ်ငန်းစဉ်များ စသည်တို့နှင့် မွန်းကြပ်နေမှုတို့သည် ကြာမြင့်လှပြီ ဖြစ်သည်။ စိတ်ပြေလက်ပျောက် စိတ်ကိုအနားပေးရန် ဘာသာရေးကျင့်စဉ်တို့နှင့် ကျင့်ကြံရန် ရည်ရွယ်၍ ကျွန်တော် သွားလာခွင့်ရှိသော မြန်မာပြည်တွင်း ရက်အနည်းငယ်မျှ ခရီးထွက်ခဲ့သော်လည်း ကိုယ်စိတ် နှလုံး အနားရသည်မရှိ။ ခရီးထွက်စဉ် ကာလအတွင်း တွေ့ကြုံခဲ့ရသော လူမှုရေးလုပ်ငန်းများထဲ၌သာ အကျွမ်းတ၀င် နွံနစ်ခဲ့ရသည်။

တစ်နေ့ကဖြစ်သည်။ စိတ်ဖိစီးမှု၊ ညစ်ညူးမှုများ ဖြစ်ပေါ်နေ၍ စိတ်ကို အနားပေးရန် ထွက်ပေါက်ရှာသည့်အနေနှင့် နာရေးကူညီမှုအသင်း(ရန်ကုန်) အဆောက်အဦးရှိ ဘုရားခန်းတွင်းသို့ ခေတ္တနားနေရန် ၀င်ရောက်ခဲ့သည်။ ဘုရားခန်း အ၀င်ဝတွင် အထဲမှ ဆူညံသံ၊ အော်ဟစ်သံတို့သည် ကျွန်တော့်အား ကြိုဆိုနေတော့သည်။ ကျွန်တော့်စိတ်ကို ပို၍ ညစ်ညူးစေတော့သည်။ သို့သော် လှမ်းပြီးသား ခြေလှမ်းတို့ကို နောက်မဆုတ်ပဲ ဆက်လက်ချီတက် သွားခဲ့ရာ … ဘုရားခန်းအတွင်းတွင် မျိုးဆက်သစ်ကလေးငယ်များနှင့် သူတို့၏ အင်္ဂလိပ်စာ ဆရာမ ဒေါ်ဧရာမောင်မောင်နှင့် သင်တန်းနည်း ပြအကူ ဒေါ်စိုးစန္ဒာ တို့ကို တွေ့မြင်ရတော့သည်။

မျိုးဆက်သစ် ကလေးများ … ပျော်နေကြသည်။

မျိုးဆက်သစ် ကလေးများ … ရယ်မောနေကြသည်။

မျိုးဆက်သစ် ကလေးများ … စကားပြောနေကြသည်။

သူတို့တွင် အချုပ်အနှောင်မရှိ။ ပိတ်ပင်မှုမရှိ။ တားဆီးမှုမရှိ။ ဟန့်တားမှုမရှိ။ အားကျလှပါဘိ။

ဆရာမ ဒေါ်ဧရာမောင်မောင်မှ ကျွန်တော့်အား ရှင်းပြသည်။ “ကလေးငယ်များ တစ်နေကုန် စာသင်ပေးနေပါက သူတို့၏ စိတ် ညစ်ညူးမှု၊ ဦးနှောက်ထိုင်းမှိုင်းမှု၊ ဥာဏ်မရွှင်မှုများ ဖြစ်ပေါ်တတ်၍ သူတို့လေးတွေကို အခုလို အချိန်ပိုင်း ဗုဒ္ဓဘာသာ ယဉ်ကျေးလိမ္မာသင်တန်းမှ သင်ကြားထားသော ပုံပြင်ငယ်လေးများကို တစ်ဦးချင်း ပြန်လည်ပြောဆိုခြင်း၊ အင်္ဂလိပ်စာ ကြွယ်ဝ၍ ဥာဏ်ပညာ ထက်မြက်၊ ကိုယ်ခန္ဓာ သန်စွမ်းသွက်လက်စေရန် ရည်ရွယ်ပြီး အင်္ဂလိပ် စကားလုံးများ ပြောဆို၍ Game ကစားစေခြင်းတို့ကို လုပ်ပေးရခြင်း ဖြစ်သည်။” … ဟူ၍ ဖြစ်သည်။

ဤတွင် ကျွန်တော့်အတွေးထဲ ဖျတ်ခနဲပေါ်လာသည်။ ကျွန်တော်၏ ကင်မရာအား အပြေး အလွှားယူ၍ သူတို့ကလေးတွေ၏ လှုပ်ရှားမှုများကို မှတ်တမ်းတင်လိုက်မိသည်။ သူတို့ကလေးတွေ၏ လှုပ်ရှားမှုကို မှတ်တမ်းတင်ရာတွင် ကျွန်တော့်၏ စိတ်နှလုံး လှုပ်ရှားမှုများက ပြင်းထန်လွန်းနေ၍ အချို့ သော ပုံရိပ်လွှာများသည် အနည်းငယ် Focusing (၀ါး) နေမှုကို နားလည်ခွင့်လွှတ် ပေးကြပါ။

ကျွန်တော့်၏ အတွေးပုံရိပ်တို့သည် … မျိုးဆက်သစ် ကလေးငယ်များ၏ တဒင်္ဂ ကြည်နူး ပျော်ရွှင်မှုတို့သည် အစဉ်ထာဝရ ဖြစ်စေချင်တော့သည်။ ထိုနည်းတူစွာ ကျွန်တော်တို့၏ လူမျိုး၊ ကျွန်တော်တို့၏ နိုင်ငံ၊ ကျွန်တော်တို့၏ ကမ္ဘာမြေကြီးသည်လည်း အစဉ်ထာဝရ ကြည်နူး ပျော်ရွှင်မှုတို့ ဖြင့် လွှမ်းခြုံပါစေသား . . . . ။

ကျော်သူ

သတင်းအကျဉ်းချုပ် ...

0 ၁၅ ရက်နေ.မနက်ပိုင်း ဘဘဦးအောင်ရွှေအိမ်နဲ့ဘဘဦးလွန်းတင်တို့အိမ်သို.NLD လူငယ်များ သွားရောက်ကန်တော့

ဓာတ်ပုံ။ ။ ရွှေနန္ဒ

သတင်းအကျဉ်းချုပ် ...

0 ကြံ့ခိုင်ဖွံ့ဖြိုးရေးပါတီ မဲရရှိရေးအတွက် မသမာတဲ့နည်းတွေနဲ့ စည်းရုံး

လမ်းပြကြယ်ဦးအေးမြင့်၏ပြည်သူလူထုထံအမှာစကား

ကြံ့ခိုင်ဖွံ့ဖြိုးရေးပါတီအသင်းဝင်ရရှိရေး မဲရရှိရေးအတွက်ကျေးရွာ ရယကအောက်ခြေအာဏာပိုင်အဖွဲ့အစည်းတွေက စွမ်းစွမ်းတမံဆောင်ရွတ်နေတာကိုကြားနေရတယ်။ အခုတော့လက်တွေ့ကျကျမိပြီ။ ဥပဒေကိုဖောက်ဖျက်တာဘယ်သူလဲဆိုတာကိုလည်းပြည်သူလူထုသိစေချင်တယ်။ နအဖလူကြီးတွေလည်းသိစေချင်တယ်။ လွတ်လပ်ပြီးတရားမျှတပါတယ်ဆိုတဲ့ရွေးကောက်ပွဲဖြစ်ပါ့မလားဆိုတာ လူထုသံသဃဖြစ်နေတာကနေ အခုပိုပြီး သံသဃဖြစ်ဖို့များတယ်။ ပြည်သူလူထုကို လမ်းပြကြယ်ကမှာကြားချင်တာကတော့ မိဘပြည်သူများကိုမှာချင်တယ်။ မဲမပေးချင်လည်းဘယ်သူမှမပေးလည်းနေလို့ရတယ်။ ပြည်သူလူထုအတွက်အားမကိုးရတဲ့ ကိုယ်စားလှယ်ကိုတော့ မဲမပေးကြပါနဲ့။ မဲမပေးဘဲနဲ့လည်းနေလို့ရပါတယ်ဆိုတာသိစေချင်တယ်။  

video.. နေ့သစ်မီဒီယာ

သတင်းအကျဉ်းချုပ် ...

0 မျက်ရည်သုတ်မည့်လက်များ

အနိစ္စ ဒုက္ခ အနတ္တ တရားများကို သိရှိ နားလည်လာသည်နှင့်အမျှ နာရေးကူညီမှုအသင်း (ရန်ကုန်)၏ အခမဲ့ နာရေးကူညီမှု၊ အခမဲ့ ဆေးဝါးကုသပေးမှု၊ အခမဲ့ ပညာဒါန ဖွင့်လှစ်သင်ကြားပေးမှု တို့အပြင် ရန်သူမျိုး (၅) ပါးကြောင့် ဖြစ်ပေါ်လာသော အရေးပေါ်ကယ်ဆယ်ရေး လုပ်ငန်းများကို အများပြည်သူအတွက် ဖေးမကူညီ ပံ့ပိုးပေးမှုများ မြင့်မားလာတော့သည်။ ထိုသို့ အများပြည်သူ အတွက် အခမဲ့ ဖေးမကူညီ ပံ့ပိုးပေးမှုများ လုပ်ဆောင်ပေးဆပ်ရာတွင် အယူသည်းမှုများ၊ အဓမ္မ၀ါဒီ လက်ကိုင်ကျင့်သုံးသူများ၊ မစ္ဆရိယစိတ် ရှိသူများ၊ အတ္တသမားများကို အမြင်မှန် အသိတရား ရရှိအောင် မိမိတို့ ကူညီပံ့ပိုးပေးသော နာရေးလမ်းကြောင်းများတွင် နာရေးရှင်တို့အား ရှင်းလင်းပြောကြား ပေးခြင်းဖြင့်၎င်း၊ အလှူရှင်တို့အား ပြန်လည်ချီးမြှင့်သည့် မိမိတို့အသင်း၏ ပေးဆပ်မှုများကို ရိုက်ကူး မှတ်တမ်းတင်ထားသော DVD (ဒီဗီဒီ) အချပ်များတွင်၎င်း၊ နာရေးကူညီမှုအသင်းများ ဖွင့်လှစ်သည့် မြို့၊ ရွာ၊ နယ်များတွင် အယူသည်းမှုပပျောက်ရေး ဟောပြောပွဲများ ကျင်းပပေးခြင်းတို့ဖြင့် အယူသည်း မှုများကို သွယ်ဝိုက်၍၄င်း၊ တိုက်ရိုက်ဖြင့်၎င်း စည်းရုံးပြုပြင် ပြောင်းလဲပေးခဲ့သည်။

စည်းရုံးမှုပြုလုပ်ရာတွင် အနုပညာသမားများ ပါဝင်မှုသည် အထိရောက်ဆုံးဖြစ်သည်။

အနုပညာသမားများသည် စည်းရုံးမှုပြုရာတွင် အဓိကကျသော အခန်းကဏ္ဍတွင် ပါဝင်သည်။

အနုပညာသမားများသည် တိုင်းပြည်၏ မျက်နှာဖုံးပင်ဖြစ်တော့သည်။ ထို့ကြောင့် ပြည်သူလူထု အတွက် အကျိုးရှိမည့် လုပ်ဆောင်ချက်များ၊ ပေးဆပ်မှုများ လုပ်ကိုင်ရာတွင် အနုပညာသမားများ၏ အင်အားသည် အဓိကနေရာ တစ်နေရာတွင် ပါဝင်သည်။

ကျွန်တော်တို့၏ အများပြည်သူတို့၏ နာရေးကူညီမှုအသင်း(ရန်ကုန်) နှင့်အတူ ဗြဟ္မစိုရ်တရား လက်ကိုင်ပြု၍ အယူသည်းမှုတိုက်ဖျက်ရေးတွင် စိတ်တူကိုယ်တူဖြင့် အတူလက်တွဲ၍ ပါဝင်ခဲ့သော အနုပညာသမားများတွင် ဂီတပညာရှင်တို့သည် အများဆုံးဖြစ်သည်။ ဂီတပညာသည် တိုင်းပြည် တစ်ပြည်၏ အနာဂတ်ကို ဖန်တီးပေးသော အစွမ်းထက်သော လက်နက်ဖြစ်သည်။ မိမိတို့နှင့်အတူ အယူသည်းမှုတိုက်ဖျက်ရေး၊ ကိုယ်ကျင့်တရား ကောင်းမွန်ရေး၊ လူသားချင်း စာနာမှုရှိရေး၊ လူအချင်း ချင်း ဖေးမကူညီပေးရေး … စသည့် ပြုပြင်မှုတိုက်ပွဲ ဆင်နွှဲခဲ့ကြသည့် ဂီတပညာရှင်များမှာ - စိုးသိင်္ခ (ရေး/ဆို)၊ မေခလာ၊ နှင်းဧကရီ၊ ကိုစိုးပိုင်၊ မမေရွက်ဝါ၊ အနဂ္ဃ၊ ဂျေမီ၊ ချစ်စိုး၊ ချမ်းအေးဝင်း၊ ချိုချို၊ RT (အာတီ)၊ ဘိုလေးနှင့် ပြည်သာ၊ ဂျီတုန်း၊ သုတ (Cyclone) တို့ဖြစ်ကြသည်။ သူတို့သည် လူမှုရေး သမားများ (သို့) အယူသည်းမှုတိုက်ဖျက်ရေး သူရဲကောင်းများပင် ဖြစ်သည်။ သူတို့ … သူတို့သည် မိမိ တို့တတ်စွမ်းသော ဂီတ အနုပညာဖြင့် နာရေးကူညီမှုအသင်း(ရန်ကုန်)မှ အလှူရှင်တို့အား ဝေငှသည့် DVD (ဒီဗီဒီ)အချပ် အတွက် သီချင်းများကို အခမဲ့ လှူဒါန်းကူညီခဲ့သည်။

ယခုဆိုလျှင် အများပြည်သူအတွက် မိမိတို့ တတ်စွမ်းကျင်လည် ကျွမ်းကျင်မှုရှိသော ဂီတ အနုပညာရပ်ဖြင့် ပေးဆပ်မှုများကို ပြုလုပ်ကြသော ဂီတပညာရှင် လူမှုရေးသူရဲကောင်းများ ထပ်မံ၍ ပေါ်ထွန်းလာပြီ ဖြစ်သည်။ ယင်း ဂီတပညာရှင် လူမှုရေးသူရဲကောင်းများမှာ ကိုရဲလွင် (မဇ္ဈိမလှိုင်း)၊ ဆောင်းဦးလှိုင်၊ သားထွေး၊ ကောင်းပြည့်၊ ကျားပေါက် (Big Bag)၊ အလင်္ကာ (Metal Zone)၊ နိုင်ဇော် (Lazy Club)၊ BK+2 (Hip Hop)၊ ရိန်မိုး၊ ရည်မွန်လမင်း နှင့်အဖွဲ့အပြင် တီးဝိုင်းသမားများ၊ အသံဖမ်း အင်ဂျင်နီယာများ၊ အသံဖမ်းစတူဒီယိုများနှင့် တေးရေးဆရာများဖြစ်တော့သည်။ ထပ်မံ၍ ကျွန်တော် တို့ နာရေးကူညီမှုအသင်း(ရန်ကုန်)နှင့် အတူလက်တွဲ၍ အများပြည်သူတို့အား ပေးဆပ်မည့် ဂီတ ပညာရှင်များစွာလည်း ရှိသေးသည်။ ထို လူမှုရေး ဂီတသူရဲကောင်းများ၏ တစ်ဦးချင်း ပေးဆပ်မှုများကို ကျွန်တော်တို့ နာရေးကူညီမှုအသင်း(ရန်ကုန်)၏ ပေးဆပ်မှုသတင်းလွှာများတွင် ဆက်လက်ဖော်ပြ ပေးမည်ဖြစ်ပါသည်။ ယခု ဖော်ပြပါ ပေးဆပ်မှုသတင်းလွှာသည် လူမှုရေးဂီတ သူရဲကောင်းဖြစ်သူ ဆောင်းဦးလှိုင်၊ ကိုရဲလွင် (မဇ္ဈိမလှိုင်း)၊ သားထွေး၊ ကောင်းပြည့် တို့၏ ပေးဆပ်မှု ပုံရိပ်လွှာများပင် ဖြစ်တော့သည်။

အများပြည်သူတို့၏ ဒုက္ခမျက်ရည်စများကို နာရေးကူညီမှုအသင်း(ရန်ကုန်)မှ မျက်ရည်သုတ် ပေးသောလက်များနှင့် အတူလက်တွဲ ပျံသန်းကြမည့် ဂီတပညာရှင်များ၏ သမိုင်းမှတ်တိုင်သည်ကား မည်သို့မှ ဖျောက်ဖျက်၍ မရနိုင်တော့ချေ။

သတင်းနှင့်ဓာတ်ပုံ။ ။ ကိုကျော်သူ

သတင်းအကျဉ်းချုပ် ...

0 The Spirit Changed the Trends - ရေးသူ-အောင်မိုးဝင်း

အရင်တုန်းက၊ မန္တလေးမြို့ (၁၉) လမ်းရဲ့အနောက်ထိပ်ကိုသွားမယ်ဆိုရင် “ ကျောက်သပိတ်” ဆိုတဲ့ ရပ်ကွက်ရှိတယ်။
ကျောက်သပိတ်ဆိုတာ ခန္ဓာကိုယ်နဲ့ရင်းပြီး လုပ်စားရတဲ့ မိန်းကလေးတွေ စုဝေးရာနေရာဖြစ်သလို၊ ဖဲဝိုင်း၊ ဂျင်ဝိုင်းတွေကလည်း စုံမှစုံ၊လမ်းဘေးလက်ဘက်ရည်ဆိုင်တွေမှာ ဖောက်သည်ရှာနေတဲ့ ကောင်မလေးတွေကို ရဲက ငွေညှစ်နေတာကိုတွေ့ရသလို၊တခါတလေ ဖောက်သည်နဲ့ နှစ်ပါးသွားနေတဲ့အချိ်န်မှာ ရဲက ဝင်ဖမ်းတဲ့အခါ၊ အဲ့ဒီကောင်မလေးတွေက ပြတင်းပေါက်ကနေ မြစ်ထဲကို ဒိုက်ထိုးခုန်ချကြတယ်။
( သူတို့ အိမ်တွေက ဧရာဝတီမြစ်ဘေး တာရိုးတလျှောက်မှာ ဆောက်ထားတာမို့လား)
လာတဲ့ ဧည့်သည်ကလည်း အဖမ်းခံရမှာ ကြောက်တော့ ကောင်မလေးတွေလိုပဲ မြစ်ထဲကို ခုန်ဆင်းပြေးရတယ်။
တချို့က ရေမကူးတတ်ဘူး။ ရေနစ်နေတဲ့ ဖောက်သည် ကို ကောင်မလေးတွေက ပြန်ကယ်ရတယ်။
ရေမွန်းနေလို့ သတိမရတော့တဲ့အခါ ဆေးရုံကို အရေးပေါ်တင်ပို့ရတယ်။
“အောင်မလေး ငါတို့ဆီလာတဲ့ ဧည့်သည်တွေကို နောက်တခါ လာရင် “ရေကူးတတ်လား” အရင်မေးရမလို ဖြစ်နေပြီ” တဲ့။စိတ်ညစ်စရာ၊ ရယ်မောစရာဇာတ်လမ်းတွေကလည်းအများကြီးပဲ။

၁၉၉၂ ခုနှစ်လောက်ရောက်တဲ့ အခါ၊ အဲ့ဒီ ရပ်ကွက်မှာ ခန္ဓာကိုယ်ရင်းစားရတဲ့ ကောင်မလေးတွေ ဒုက္ခရောက်တော့တယ်။
စစ်အစိုးရက အဲ့ဒီ ရပ်ကွက်တွေကို ရှင်းပစ်လိုက်ပြီး မြရည်နန္ဒာ ကွက်သစ်ကို ကျော်- ဟိုး ဝေးလံတဲ့ မြို့သစ်တွေမှာ ရွှေ့ပြောင်းနေရာချလိုက်တယ်။
တကယ့်ကို ပူပြင်းခြောက်သွေ့တဲ့ လွင်တီးခေါင်မှာ ရပ်ကွက်တွေ ဆောက်ပစ်လိုက်တယ်။ မိုးရာသီ ဆို ရပ်ကွက်ကို သွားဖို့ ရွံ့တော ကို အရင်ဖြတ်ရတယ်။
စက်ဘီးကို ပုခုံးပေါ်တင်ပြီး ရုန်းရတယ်။ ရပ်ကွက်ကို ဝင်မဲ့ နေရာကလည်း တပေါက်တည်း။ရပ်ကွက်ထဲက လူတွေ ဘာလုပ်စားစား အဝင်ထိပ်က စောင့်ကြည့်နေရင်သိနိုင်တယ်။အဲ့ဒီ လွင်တီးခေါင်မှာ ပေါ်လာတဲ့ ရပ်ကွက်သစ် (ဘ-၃) ဆိုတာ ယ္ခင် ကျောက်သပိတ်မှာ လုပ်စားခဲ့တဲ့ ကောင်မလေးတွေ ပြန်လည်စုဝေးတဲ့နေရာ၊ဖြစ်ချင်တော့ အဲ့ဒီနှစ်မှာ ကျနော်ရဲ့သူငယ်ချင်းတချို့ “သံလွင်” လို့ခေါ်တဲ့ လက်ဘက်ရည်ဆိုင်လေးကို (၆၂) လမ်းပေါ်မှာဖွင့်ခဲ့ကြတယ်။၆၂ လမ်းနဲ့ အနောက်ဖက်ကပ်လျှက်ရပ်ကွက်တွေက အင်္ဂလန်ရဲ့နွေဦးနန်းတော်တွေကိုကြည့်ရသလိုပဲ။

သာသနာရေးဝန်ကြီး ဗိုလ်ချုပ်အောင်ရဲကျော်ရဲ့ ခမ်းနားတဲ့တိုက်တွေ၊ သိပ္ပံလမ်း နဲ့ ၆၂ လမ်းထောင့်မှာ ဗိုလ်ချုပ်ထွန်းကြည်ရဲ့ သိန်းထောင်ချီတန်တဲ့တိုက်တွေက မပြေလည်တဲ့ ဘဝတွေကို ပြောင်လှောင်နေသလိုပဲ။ ၆၂ လမ်းအရှေ့ဘက်ခြမ်းကတော့ ဆင်းရဲသားတွေနေတဲ့ရပ်ကွက်တွေမှာအိမ်တွေပြွတ်သိတ်နေတယ်။ မနက်လင်းရင်၊ ညနေစောင်းရင် မန္တလေးမြို့ကြီး ဆီကို အလုပ်သွားအလုပ်ပြန်ကြတဲ့ လူတန်းကြီး ကို
တမျှော်တခေါ် တွေ့ရတယ်။ ညနေစောင်းရင် ကျနော်တို့ လက်ဘက်ရည်ဆိုင်လေးဆီကို လူတွေ အစုံပဲရောက်လာတယ်။

သာမန်ပြည်သူတွေတင်သာ မကဘူး။ညအမှောင်လာတော့မယ်ဆိုရင် ဧည့်သည်ကို စောင့်နေတဲ့ ကောင်မလေးတွေ၊ဒီ ကောင်မလေးတွေအပေါ် ငွေညှစ်စားနေတဲ့ စစ်ထောက်လှမ်းရေး (၁၆) က လူယုတ်မာတွေ၊ အနယ်နယ်အရပ်ရပ်က ထောင်ဝင်စာတွေ့ဖို့ ခေတ္တလာနားခိုတဲ့သူငယ်ချင်းတွေ လက်ဘက်ရည်ဆိုင်လေးမှာ ခိုနားကြတယ်။ ဒီအထဲမှာ ထူးထူးဆန်းဆန်းစကားတွေပြောတတ်တဲ့ ကောင်မလေးတယောက်ရှိတယ်။
သူမက အသားဖြူဖြူလေး၊ သနပ်ခါးလေးကိုမှုန်နေအောင်လူးထားတယ်။ တခါတလေ စစ်ထောက်လှမ်းရေးတွေကကဒ်ပြပြီး အလကားခေါ်သွားတဲ့ ညဆို၊ “ အကိုရေ- ကုသိုလ် လုပ်တယ်ဆိုတာ ဘုရားသွားဖို့မလိုဘူး။ ဒီလိုလူတွေလာခေါ်ရင်လည်း ကုသိုလ်လုပ်ရတာပဲ။သွားလိုက်အုံးမယ်” တဲ့။ စစ်ထောက်လှမ်းရေးတွေ အောက်တန်းကျ ယုတ်မာတယ်ဆိုတာ စစ်ကြောရေးစခန်းမှာတင်မကပါဘူး။
ဒီလို ခန္ဓာကိုယ်ရင်းစား ရှင်သန်နေရတဲ့ ကောင်မလေးတွေ အပေါ်မှာလည်း ညှာတာမှုကင်းမဲ့၊ အရှက်ကင်းမဲ့စွာလုပ်တတ်တယ်။
တခါတလေ လူရှင်းနေရင် ကျနော် က လည်း မနေနိုင်မထိုင်နိုင် သူတို့ဆီသွားပြီး အင်တာဗျုးတယ်။

“ နင်တို့ အလုပ်အကိုင်တွေအဆင်ပြေကြလား၊ ” လို့ ဆိုတော့ ထူးထူးဆန်းဆန်းစကားတွေပြောတတ်တဲ့ ကောင်မလေး က ချက်ခြင်းပဲ ပြန်ပြောတယ်။
“ အောင်မယ်လေး အကိုရယ်၊ ရေထဲနေတဲ့ ငါး၊ ကုန်းပေါ်ကို ပစ်တင်ခံရလို့ ဖလတ်ဖလတ် ဖြစ် ဖြတ်ဖြတ်လူး၊ အသက်ရှုကြပ်နေသလိုပါပဲ။
ဒုက္ခရောက်လိုက်တာ” တဲ့။ သူပြောချင်တာကို ကျနော်နားလည်နေတယ်။ မြစ်ဘေးမှာ နေထိုင်လာခဲ့တဲ့ လူတွေ၊ တကယ့်လွင်တီးခေါင် ကိုရွှေ့ပြောင်းခံလိုက်ရတော့ အဆင်မပြေဖြစ်သွားတာကို ပြောချင်တာ။ ရဲလာရင်လည်း မြစ်ထဲ ဒိုက်ထိုး ကိုယ်ရောင်ဖျောက်လို့မရ၊အိမ်မှာလည်း ဧည့်သည်ခေါ်လို့မရ၊ လက်ဘက်ရည်ဆိုင်ထွက်ထိုင်ပြီး ဖောက်သည်ရှာတော့လည်းစစ်ထောက်လှမ်းရေးနဲ့တိုးလို့တိုး၊ရဲက ငွေညှစ်လို့ညှစ်။ ဘာမှ ကို အဆင်မပြေတော့တာ။

ရွေးကောက်ပွဲကို နိုဝင်ဘာ (၇) ရက်နေ့မှာ ကျင်းပမယ် လို့ စစ်အစိုးရကကြေငြာလိုက်တဲ့အခါ၊ ရွေးကောက်ပွဲ ဝင်မဲ့သူတချို့ကစစ်အစိုးရအပေါ် ငြီးငြူဝေဖန်အပြစ်တင်သံတွေထွက်လာတယ်။ ဘာရယ်လို့မဟုတ်ဘူး။
ဘ(၃) ရပ်ကွက်ထဲက ကောင်မလေးတယောက်ပြောခဲ့တဲ့ “ ရေထဲက ငါး ကုန်းပေါ်ပစ်တင်ခံလိုက်ရသလို၊
ဖလတ်ဖလတ် နဲ့ ဖြတ်ဖြတ်လူး အသက်ရှုကြပ်နေသလိုပါပဲ” ဆိုတဲ့ စကား ကို သွားသတိယ မိတယ်။
အော်---“ ၂၀၁၀ ရွေးကောက်ပွဲဝင်မည့်သူများ၊ ဘ(၃) ရပ်ကွက်ထဲက ကောင်မလေး နဲ့ ဧရာဝတီမြစ် ထဲ ခုန်ချသူများ” တဲ့လေ
---------------------------------
အသွင်ကူးပြောင်းမှုကာလများ၊ စိတ်ကူးယဉ်မှုများ နှင့် ကစားဝိုင်း ကို ပြောင်းလဲစေသောဝိညာဉ်များ
စစ်အာဏာရှင်စံနစ်အောက်မှာ ဇွတ်အတင်းလုပ်တဲ့ ရွေးကောက်ပွဲတွေ၊ လူထုဆန္ဒခံယူပွဲတွေ ဆိုတာ မဆန်းကြယ်လှတဲ့ ဖြစ်ရပ်တွေပါ။
ဒီလိုဖြစ်ရပ်တွေထဲက တခုဖြစ်တဲ့ တောင်ကိုရီးယားနိုင်ငံအကြောင်းကို ဆွေးနွေးချင်ပါတယ်။

တောင်ကိုရီးယားနိုင်ငံဟာ ဒီမိုကရက်တစ်နိုင်ငံတော်ကို လွယ်လွယ်ကူကူတက်လှမ်းခဲ့ပါရဲ့လား။
ရွေးကောက်ပွဲ ဘယ်နှစ်ခုဖြစ်ခဲ့သလဲ၊ စစ်အာဏာသိမ်းမှုဘယ်နှစ်ခုဖြစ်ခဲ့သလဲ။ စစ်အာဏာရှင်တွေကို တောင်ကိုရီးယားပြည်သူတွေ ဘယ်လိုရင်ဆိုင်ခဲ့ကြသလဲ။ သေချာတာတခုက- ပါလီမန်ထဲမှာ ဝင်ပြီးပြောင်းဖို့ဆိုတာ လူထုမပါပဲနဲ့ လုပ်လို့မရသလို၊ လူထုကိုပြတ်ပြတ်သားသား
ဦးမဆောင်ရဲတဲ့ သူတွေဟာ ပါလီမန်မှာ အသံမရှိနိုင်ပါဘူး။

တောင်ကိုရီးယားနိုင်ငံရဲ့ပြောင်းလဲမှုအဆင့်ဆင့်တွေကို လေ့လာကြည့်ရအောင်ပါ။
ပထမ သမ္မတနိုင်ငံတော် ရဲ့ နိဂုံးတောင်ကိုရီးယားနိုင်ငံရဲ့ ပထမဆုံးသမ္မတဖြစ်သူ Syngman Rhee ဆိုသူဟာ နာမည်ဆိုးနဲ့ကျော်ကြားခဲ့သူဖြစ်တယ်။
အင်အားကြီးနိုင်ငံတွေရဲ့ကြားဝင်စေ့စပ်မှုကြောင့်၊ ကိုရီးယားစစ်ပွဲရပ်စဲဖို့ သဘောတူခဲ့ကြပေမဲ့ သူက လက်မှတ်မထိုးခဲ့ဘူး။ မြောက်ကိုရီးယားနိုင်ငံအပေါ်အနုမြူဗုံးကြဲမချခဲ့တဲ့ အမေရိကန်ပြည်ထောင်စု ကို ပြစ်တင်ဝေဖန်ခဲ့တယ်။
ကိုရီးယားစစ်ပွဲကာလတုန်းက Syngman Rhee ဟာ သူ့ရဲ့ပြည်သူတွေကို မြောက်ကိုရီးယားကွန်မြူနစ်တွေကို အသေခံပြီး ခုခံတိုက်ပွဲဝင်ရမယ် လို့အသံကောင်းလွှင့်ခဲ့တယ်။ ပြည်သူတွေထွက်မပြေးအောင် တံတားတွေကို ချိုးချခဲ့တယ်။သူကတော့ ဘေးအန္တရယ်ကင်းတဲ့နေရာကိုထွက်ပြေးသွားပြီး ပုန်းအောင်းနေခဲ့တယ်။ ဒီမိုကရက်တစ်နိုင်ငံကိုတည်ဆောက်မယ် ဆိုပေမဲ့အတိုက်အခံနိုင်ငံရေးသမားတွေကို နည်းပေါင်းစုံဖမ်းဆီးသတ်ဖြတ်ခဲ့တယ်။ ချေမှုန်းခဲ့တယ်။ အာဏာကို (၁၂) နှစ်ကြာချုပ်ကိုင်ထားခဲ့တယ်။
၁၉၆၀ မှာတော့ တက္ကသိုလ်ကျောင်းသားတွေ၊ ပါမောက္ခတွေ က သူ့ကို ဖြုတ်ချဖို့ ဦးဆောင်လှုံ့ဆော်ကြတယ်။
ဧပြီ (၁၉) ကျောင်းသားလှုပ်ရှားမှုအဖြစ် လူသိများခဲ့တယ်။ဆန္ဒပြကျောင်းသား (၁၂၅) ယောက်ကျော် သေဆုံးခဲ့ပေမဲ့ ကျောင်းသားတွေက သေနတ်ပစ်နေတဲ့ နေရာဆီကို ဇွတ်အတင်းတိုး ချီတက်သွားခဲ့ကြတယ်။
ပစ်ခပ်ဖြိုခွဲမှုတွေကြားကရှေ့ကိုချီတက်လာတဲ့ကျောင်းသားအုပ်ကိုစစ်သားတွေဆက်မပစ်ရဲတော့ဘူး။လူထုနဲ့ပူးပေါင်းလိုက်တယ်။ Syngman Rhee ရဲ့ ပထမပြည်သူ့သမ္မတနိုင်ငံတော် ပြီးဆုံးခဲ့တယ်။

( နောက်ဆုံးစာမျက်နှာမှာ Syngman Rhee ကို ပြုတ်ကျစေတဲ့ ကျောင်းသားလှုပ်ရှားမှုအကြောင်း တင်ပြထားပါတယ်)

ပတ်ချုံဟီး ( ၁၉၆၁-၁၉၇၉)
တတိယ နဲ့ စတုတ္တ ကိုရီးယားပြည်သူ့သမ္မနိုင်ငံတော် ကာလကို ပတ်ချုံဟီးရဲ့ကာလ လို့ ဆိုရမယ်။
ပထမဦးဆုံးသမ္မတကိုဖြုတ်ချနိုင်ခဲ့ပေမဲ့၊ကိုရီးယားနိုင်ငံရဲ့ဒုတိယပြည်သူ့သမ္မတနိုင်ငံကိုတည်ဆောက်ဖို့ကြိုးစားတဲ့ အစိုးရသစ်ဟာ စီးပွားရေး၊
နိုင်ငံရေးတည်ငြိမ်မှုတွေကိုမဖေါ်ဆောင်နိုင်ခဲ့ဘူး။ ဒါ့ကြောင့် ဖိလစ်ပိုင် က ဖာဒီနန်မားကို့စ်ကိုအားကျတဲ့၊ ဗိုလ်ချုပ် ပတ်ချုံဟီး ဟာ ၁၉၆၁ မှာအာဏာသိမ်းတယ်။ သူ့လက်ထက်မှာ စီးပွားရေးဦးမော့လာခဲ့ပေမဲ့ နိုင်ငံရေးဖိနှိပ်မှုတွေကလည်း ပြင်းထန်လာခဲ့တယ်။ ဒီမိုကရက်တစ်ပါတီလို့ဆိုပေမဲ့သူ့လက်အောက်မှာ ကိုရီးယား ဗဟိုထောက်လှမ်းရေးအေဂျင်စီ ကိုဖွဲ့စည်းလိုက်ပြီး စီးပွားရေး၊ နိုင်ငံရေး၊ လူမှုရေး၊ အရာအားလုံးကိုချုပ်ကိုင်လိုက်တယ်။အတိုက်အခံတွေကို မျက်စိဒေါက်ထောက် စောင့်ကြည့် ပြီး ဖမ်းဆီးနှိပ်စက်ခဲ့တယ်။ နှောက်ရှက် လုပ်ကြံသတ်ဖြတ်တယ်။ဒါ့ကြောင့်လည်း ဒုတိယအကြိမ်ရွေးကောက်ပွဲမှာ သူပဲအနိုင်ရခဲ့တယ်။

အမေရိကန်ပြည်ထောင်စု ကို မဟာမိတ်လုပ်ထားပြီး ဗီယက်နမ်စစ်ပွဲဆီကို တောင်ကိုရီးယားစစ်သား (၃) သိန်းကျော်အကူအညီပေးခဲ့တယ်။
“ယူဆင်” ဖွဲ့စည်းပုံအခြေခံဥပဒေသစ်၁၉၇၁ မှာ ရာထူးကထွက်ခွာပေးရမယ်ဆိုတာ သိနေပေမဲ့၊ ကိုရီးယား ဗဟိုထောက်လှမ်းရေး ကို ကျောထောက်နောက်ခံဖွဲ့စည်းထားတဲ့ ပတ်ချုံဟီးဟာသမ္မတသက်တမ်း (၂) နှစ်သာ လုပ်ပိုင်ခွင့်ရှိတယ် ဆိုတဲ့ အခြေခံဥပဒေကို ဖျက်ဆီးဖို့ ကြိုးစားလိုက်တယ်။သမ္မတ ရာထူး ကို တတိယအကြိမ်အဖြစ် ရယူလိုက်ပြန်တယ်။ တတိယအကြိမ် သမ္မတသက်တမ်း စပြီး မကြာခင်မှာ၊ နိုင်ငံတကာရဲ့အန္တရာယ်များလှတဲ့ အနေအထားတွေကြောင့်ဆိုပြီး အရေးပေါ်စစ်အုပ်ချုပ်ရေးကိုကြေငြာခဲ့တယ်။ ပါလီမန်ကိုဖျက်သိမ်းပစ်လိုက်တယ်။
အခြေခံဥပဒေ ကို ရပ်ဆိုင်းပစ်လိုက်တယ်။ ၁၉၇၂ မှာ ယူဆင် ( Yusin Constitution) အခြေခံဥပဒေ ကို ပြင်ဆင်ရေးဆွဲလိုက်တယ်။
“ယူဆင်” ဆိုတာ ပြန်လည်ထိန်းသိမ်းခြင်းလို့ အမည်ရတယ်။ အဲ့ဒီ ဥပဒေအရ၊ သမ္မတရာထူးအတွက် သက်တမ်းအကန့်အသတ်မထားတော့ဘူး လို့ ဆိုတယ်။ အာဏာရှင်စံနစ် ကို အသက်သွင်းဖို့ ကြိုးစားခဲ့တာကြောင့် ကျောင်းသားဆန္ဒပြပွဲတွေပေါ်ပေါက်လာခဲ့တယ်။

“ပူးမ” လူထုအုံကြွမှုပတ်ချုံဟီး ရဲ့ အာဏာကိုဆွဲကိုင်လှုပ်ရမ်းပစ်လိုက်တဲ့ ကျောင်းသားလှုပ်ရှားမှုဖြစ်တယ်။ ၁၉၇၉ အောက်တိုဘာလမှာ ဘူဆန် အမျိုးသားတက္ကသိုလ်ကကျောင်းသားတွေ ဦးဆောင်ပြီး ပတ်ချုံဟီး ရဲ့ အာဏာရှင်ဆန်မှုကို ဆန့်ကျင်ကြဖို့ ပြည်သူတွေကို လှုံ့ဆော်လိုက်ကြပြီး၊ လမ်းမတွေဆီကို ထွက်လာခဲ့ကြတယ်။
ပြည်သူ (၅) သောင်းကျော်ဟာ မြို့တော်ခမ်းမရှေ့မှာစုစည်းကြတယ်။ အစိုးရအဆောက်အဦတွေကို တိုက်ခိုက်မီးရှို့ကြတယ်။
ဆန္ဒပြခေါင်းဆောင် (၄၀၀) ကျော်အဖမ်းခံခဲ့ရပေမဲ့၊ ပတ်ချုံဟီး ကို အန်တုတဲ့ လှုပ်ရှားမှုတွေဟာ မြို့ပေါင်းများစွာဆီပြန့်နှံ့သွားတယ်။
အလုပ်သမားတွေ ပူးပေါင်းပါဝင်လာခဲ့ကြတယ်။ ပတ်ချုံဟီး အစိုးရက အရေးပေါ်စစ်အုပ်ချုပ်ရေးဥပဒေကို ကြေငြာလိုက်တယ်။
အောက်တိုဘာလမှာ ကိုရီးယား ဗဟိုထောက်လှမ်းရေး ( KCIA) ဒါရိုက်တာ ကင်ဂျေကြူ ( Kim Jae Kyu) က စစ်ထောက်လှမ်းရေးအဆောက်အဦး တခုဆီမှာ သမ္မတ ပတ်ချုံဟီး ကို ညနေစာထမင်းစားဖိတ်တယ်။ ထမင်းဝိုင်းမှာ “ကင်ဂျေကြူ” ကိုယ်တိုင် ပတ်ချုံဟီး ကိုပစ်သတ်ပစ်လိုက်တယ်။ ပတ်ချုံဟီးရဲ့ သမ္မတနိုင်ငံတော် သက်တမ်းပြီးဆုံးသွားခဲ့တယ်။
( တကယ်တော့ ပတ်ချုံဟီးကို ၁၉၆၈ မှာ တကြိမ်၊ ၁၉၇၄ မှာ တကြိမ် လုပ်ကြံဖို့ ကြိုးစားခဲ့ကြတယ်။
ဒါပေမဲ့ အဲ့ဒီတုန်းက လုပ်ကြံဖို့ကြိုးစားသူတွေက ကင်အီဆွန်းရဲ့မြောက်ကိုရီးယားကွန်မန်ဒိုတွေဖြစ်တယ်။ ပတ်ချုံးဟီး ကလည်း ကင်အီဆွန်း ကိုပြန်လည်လုပ်ကြံတဲ့ စစ်ဆင်ရေးတွေလုပ်ခဲ့တယ်။ ယူနစ် ၆၈၄ ဆိုတာ ကင်အီဆွန်း ကို လုပ်ကြံသတ်ဖြတ်မဲ့ စစ်ဆင်ရေးတခုဖြစ်တယ်။
Unit- 684 ဆိုတဲ့ စာအုပ်လေးကို အချိန်ရရင် ဖတ်ကြည့်ပါ။ ဆွေးနွေးပွဲမှာ ပြောတဲ့စကားတွေက စိတ်ဝင်စားစရာအပြည့်ပါပဲ)

ချန်ဒူးဝမ် ( သို့မဟုတ်) ပဉ္စမမြောက် ကိုရီးယားပြည်သူ့သမ္မတနိုင်ငံတော် ကို အသက်သွင်းသူ
ပတ်ချုံဟီး လုပ်ကြံခံရပြီးတဲ့နောက် တောင်ကိုရီးယားနိုင်ငံရဲ့အစိုးရသစ်ဟာ နိုင်ငံရေးတည်ငြိမ်မှုကို မဖန်တီးနိုင်ခဲ့ဘူး။
၁၉၇၉ ဒီဇင်ဘာ (၁၂) ရက်နေ့မှာ ဗိုလ်ချုပ် ချန်ဒူးဝမ် ရဲ့ စစ်အုပ်စု က အာဏာတက်သိမ်းတယ်။ ပတ်ချုံဟီး လက်ထက်တုန်းမှာ ကျောင်းထုတ်ခံခဲ့ရတဲ့တက္ကသိုလ်ပါမောက္ခတွေ၊ ပညာတတ်တွေ၊ ကျောင်းသားတွေဟာ သက်ဆိုင်ရာ တက္ကသိုလ်ကျောင်းအသီးသီးဆီကို ပြန်လာခဲ့ကြတယ်။ ကျောင်းသားသမဂ္ဂတွေဖွဲ့စည်းတည်ထောင်ကြတယ်။ နိုင်ငံရေးနိုးကြားမှု မြင့်မားလာခဲ့တယ်။ ပညာတတ်တွေက ဦးဆောင်ပြီး စစ်အုပ်ချုပ်ရေးကို ရုတ်သိမ်းပေးရမယ်။စာပေလွတ်လပ်ခွင့်ပေးရမယ်။ အလုပ်သမားတွေအတွက် အနိမ့်ဆုံးလစာသတ်မှတ်ပေးရမယ်။ဒီမိုကရေစီစံနစ်ကိုသွားရမဲ့ နိုင်ငံရေးပြုပြင်ပြောင်းလဲမှုတွေလုပ်ဖို့ တောင်းဆိုကြတယ်။

ဆိုလ်းဘူတာရုံမှာ အင်အား တစ်သိန်းကျော် တဲ့ ဒီမိုကရေစီလိုလားသူတွေဟာ စစ်အုပ်ချုပ်ရေးကို ဆန့်ကျင်ခဲ့ကြတယ်။
ချန်ဒူးဝမ် အစိုးရ က တောင်ကိုရီးယားနိုင်ငံတခုလုံးအပေါ် အရေးပေါ်စစ်အုပ်ချုပ်ရေးဥပဒေ သက်တမ်းတိုးမြှင့်ဖို့ အမိန့်ပေးလိုက်ပြီးအဖြေပေးတုန့်ပြန်လိုက်တယ်။ စစ်တပ်တွေကို နိုင်ငံအနှံ့ဖြန့်ကျက်စေလွှတ်ခဲ့တယ်။ တချိန်တည်းမှာပဲ၊ တက္ကသိုလ်ကျောင်း (၅၅) ကျောင်းကကျောင်းသားခေါင်းဆောင်တွေ တက်ရောက်နေတဲ့ ကျောင်းသားညီလာခံကို ဝင်ရောက်စီးနင်းလိုက်တယ်။
ကင်ဒေကျုံး အပါအဝင် နိုင်ငံရေးသမား (၂၆) ယောက်ကို ဆန္ဒပြဆူပူလှုံ့ဆော်မှုကို ဦးဆောင်ခဲ့သူတွေ ဖြစ်တယ်လို့ စွပ်စွဲ ဖမ်းဆီးလိုက်တယ်။
ဂွမ်ဂျူး ဒီမိုကရေစီလှုပ်ရှားမှု (သို့မဟုတ်) ၅၁၈ လှုပ်ရှားမှုမေလ (၁၈) ရက်နေ့မှာ စတင်ခဲ့တဲ့အတွက် ဂွမ်ဂျူးလူထုအုံကြွမှု ကို ၅၁၈ လှုပ်ရှားမှု လို့လည်းခေါ်တယ်။

ချန်ဒူးဝမ် ရဲ့ စစ်တပ်တွေက တိုင်းပြည်အနှံ့မှာ ဖြန့်ကျက်နေရာယူတပ်စွဲမှုကို ဒေသအသီးသီးက အာခံငြင်းဆန်ခဲ့ကြတယ်။
တက္ကသိုလ်ကျောင်းတွေကိုပိတ်လိုက်တဲ့အတွက် ချွန်နန်အမျိုးသားတက္ကသိုလ်ကျောင်းသား (၂၀၀) ကျော်ဟာ သူတို့ကျောင်းရှေ့မှာ စုဝေးကြပြီးလုံခြုံရေးရဲအရာရှိတွေကို ထိပ်တိုက်ရင်ဆိုင်၊ ဆန္ဒပြပွဲကျင်းပခဲ့ကြတယ်။ ဖမ်းဆီးခံရတဲ့ ကျောင်းသားတယောက်ကို သေသည်အထိ နှိပ်စက်ညှင်းပမ်းလိုက်တဲ့ သတင်းကိုကြားတဲ့အခါမှာတော့၊ ပြည်သူအင်အား တစ်သိန်းကျော် ဆန္ဒပြပွဲကို ပူးပေါင်းဆင်နွဲကြတော့တယ်။ တက္ကစီ၊ ဘတ်စ်ကားမောင်နှင်သူတွေရဲ့ ရာချီနေတဲ့ကားတန်းကြီးကလည်း ဆန္ဒပြပွဲဆီကို မောင်းနင်လာခဲ့ကြတယ်။ ချန်ဒူဝမ် ကလည်း ဆန္ဒပြတောင်းဆိုသူတွေကို ညှိနှိုင်းခြင်းမရှိပါဘူး။ ပစ်ခပ်နှိမ်နှင်းဖို့ အမိန့်ပေးလိုက်တယ်။ မြို့ကို ပိတ်ဆို့ပြီး ဆန္ဒပြသူတွေကို ရက်ရက်စက်စက်ချေမှုန်းခဲ့တယ်။

နိုင်ငံခြားသတင်းထောက်တွေရဲ့အဆိုအရ၊ လူပေါင်း တစ်ထောင်နဲ့ နှစ်ထောင်ကြားမှာ သေဆုံးခဲ့တယ် လို့ဆိုတယ်။ ဂွမ်ဂျူး လူသတ်ပွဲအဖြစ်နာမည်ဆိုးနဲ့ကျော်ဇောခဲ့တယ်။ ဆန္ဒပြသူ ထောင်ချီပြီးအဖမ်းခံခဲ့ရတယ်။ ဆန္ဒပြပွဲ ကို ဦးဆောင်ခဲ့သူ (၇) ယောက်သေဒဏ်အပြစ်ပေးခံရပြီး
(၁၂) ယောက် တသက်တကျွန်းကျခဲ့တယ်။ ( ဂွမ်ဂျူးလူသတ်ပွဲကို ကျူးလွန်ခဲ့တဲ့ ချန်ဒူးဝမ် နဲ့ နိုတေဝူး ဟာ သူတို့ရဲ့အနာဂတ်လမ်းကြောင်းမှာဆိုးဆိုးဝါးဝါးကြုံတွေ့ရနိုင်တယ် ဆိုတဲ့အချက်ကို အဲ့ဒီတုန်းက မတွေးဆခဲ့ကြဘူး)
အမေရိကန်ဆန့်ကျင်ရေး စိတ်ဓါတ်များ
၁၉၈၀ ဂွမ်ဂျူးလူသတ်ပွဲကြောင့် ကိုရီးယားပြည်သူတွေဆီမှာ အမေရိကန်ဆန့်ကျင်ရေးစိတ်ဓါတ်တွေအမြစ်တွယ်လာခဲ့တယ်။
အမေရိကန်ပြည်ထောင်စု ရဲ့ထောက်ပံ့အားပေးမှုကြောင့် ကိုရီးယားစစ်အာဏာရှင်တွေ အာဏာတည်မြဲခဲ့တယ် လို့ ယုံကြည်ခဲ့ကြတယ်။
ဂွမ်ဂျူးပြည်နယ်မှာ ရှိတဲ့ “အမေရိကန်ယဉ်ကျေးမှုဗဟို” ဟာ ကြိမ်ဖန်များစွာမီးတင်ရှို့ခံရတယ်။ တောင်ကိုရီးယားကျောင်းသားတွေဟာအမေရိကန်သမ္မတ ရော်နယ်ရေဂင် ကို ဆန့်ကျင်ရှုတ်ချတဲ့အနေနဲ့ ကိုယ့်ကိုယ်ကို သတ်သေ ဆန္ဒပြခဲ့ကြတယ်။

ဂျွန်(၁၀) ရက် လူထုလှုပ်ရှားမှု
တရားမျှတရေးအတွက် ခရစ်ယာန်တရားဟောဆရာများအဖွဲ့ ကလည်း ချန်ဒူးဝမ်ရဲ့ဖိနှိပ်မှုတွေကို ထုတ်ဖေါ်ပြောဆိုလာကြတယ်။
ချန်ဒူးဝမ် ဟာ ၁၉၈၇ မှာ ရွေးကောက်ပွဲပွဲ ကျင်းပမယ် လို့ ကြေငြာလိုက်ပြီး သူ့ရဲ့ သြဇာခံ “နိုတေဝူး” ကို “ဒီမိုကရက်တစ်တရားမျှတရေးပါတီ”( Democratic Justice Party) ရဲ့ ကိုယ်စားလှယ်အဖြစ်ကြေငြာခဲ့တယ်။ ပတ်ချုံဟီး လက်ထက် ကတည်းက ကျင့်သုံးလာတဲ့“သမ္မတ ကို သွယ်ဝိုက်ရွေးချယ်မှု” စံနစ်ကို ကိုင်စွဲထားဆဲဖြစ်တယ်။ ဆိုးလ်အမျိုးသားတက္ကသိုလ် က ကျောင်းသားတယောက်၊ စစ်ကြောရေးစခန်းမှာ
နှိပ်စက်ညှင်းပမ်းခံရမှုကြောင့်သေဆုံးခဲ့ရတယ် ဆိုတဲ့သတင်းတွေက လူထုကိုဒေါသထွက်စေခဲ့တယ်။

ငြိမ်းချမ်းရေးအတွက် ချီတက်ပွဲ လူထုဆန္ဒပြပွဲတွေ ဆိုးလ်မြို့ရဲ့မြို့လည်ခေါင်ဆီမှာ ပြည့်လျှံနေခဲ့တယ်။
လူ တသန်းခွဲကျော် တက်ရောက်ပြီး၊ အစိုးရရဲ့ဖိနှိပ်မှု ကို ဆန့်ကျင်ဝေဖန်ခဲ့ကြတယ်။
ချန်ဒူးဝမ် နဲ့ နိုတေးဝူး ဟာ ဂျွန် (၂၉) ကြေငြာချက် ကို ထုတ်ပြန်ကြေငြာလိုက်ပြီး သမ္မတ ကို တိုက်ရိုက်ရွေးချယ်တဲ့စံနစ် နဲ့သွားမယ်လို့ဆိုတယ်။
လူထုအုံကြွမှုတွေရဲ့နောက်ဆက်တွဲ အဖြစ်၊ ချန်ဒူးဝမ် နဲ့ နိုတေဝူး တို့ဟာ အတိုက်အခံခေါင်းဆောင် ကင်မ်ဒေးဂျုံ ကို ဖမ်းဆီးထားရာမှလွှတ်ပေးခဲ့ရတော့တယ်။

ဒီမိုကရေစီ စံနစ် ဆီ သို့
၁၉၈၇ ရွေးကောက်ပွဲမှာ အတိုက်အခံနိုင်ငံရေးခေါင်းဆောင်နှစ်ဦးဖြစ်တဲ့ “ကင်မ်ဒေးဂျုံ” နဲ့ “ကင်ယွန်ဆန်”တို့နှစ်ဦးကြားမှာ မဲတွေပြန့်ကွဲထွက်သွားတာကြောင့် “နိုတေဝူး” တယောက် အချောင်အနိုင်ရသွားခဲ့တယ်။ ဒါပေမဲ့လူထုရဲ့နိုင်ငံရေးနိုးကြားမှု၊ ဖိနှိပ်မှုတွေကို ညီညီညွတ်ညွတ်တွန်းလှန်
အာခံရဲတဲ့ စိတ်ဓါတ်တွေကြောင့်၊ စစ်အာဏာရှင်တွေဟာ ဒီမိုကရေစီရေးလမ်းကြောင်းဆီကို တဖြည်းဖြည်းဖွင့်ပေးလာရတော့တယ်။
၁၉၉၆ မှာတော့ ဂွမ်ဂျူးလူသတ်ပွဲ ကို ကျူးလွန်ခဲ့သူ စစ်အာဏာရှင်ဟောင်း၊ “ချန်ဒူးဝမ်” ကို ဖမ်းဆီးသေဒဏ်ပေးခံခဲ့ရတယ်။ နိုတေဝူး ကို တော့
ထောင်ဒဏ် (၂၂) နှစ်ခွဲ ချမှတ်ခဲ့တယ်။ ( သမ္မတ ကင်ယွန်ဆမ် လက်ထက်မှာ သူတို့နှစ်ဦးကို လွတ်ငြိမ်းချမ်းသာခွင့်ပေးခဲ့ပါတယ်)
နိဂုံး
ပါလီမန်ထဲမှာ အခန့်သားနေရာယူမဲ့ အာဏာရှင်တွေ၊ သူတို့ရဲ့လက်ဝေခံတွေက တိုင်းပြည်ရဲ့ အသွင်ကူးပြောင်းမှုဖြစ်စဉ်တွေကို လွယ်လွယ်ကူကူလုပ်ခဲ့ပါသလား။ ဖဲလိမ်ရိုက်နေတာကို သိမြင်နေပေမဲ့ ငွေမျှော၊ ငွေလိုက် ဆိုတဲ့စိတ်ကူးတွေ နဲ့ လောင်းကစားဝိုင်းကို ဆက်ကစားနေတဲ့
သူတွေလောက် မိုက်မဲသူမရှိ တဲ့။ အနိမ့်ဆုံး ဘုံလုပ်ငန်းစဉ်အဖြစ် ၂၀၁၀ ရွေးကောက်ပွဲ ကစားဝိုင်း ကို ကျောခိုင်းပစ်လိုက်ပြီး၊ ဂုဏ်သိက္ခာရှိမဲ့နောက်ထပ်ကစားပွဲအသစ်တွေအကြောင်း ညှိနှိုင်းကြည့်ကြရအောင်ပါ။


လွတ်လပ်တဲ့ အာရှအသံမှာ လွှင့်ခဲ့ဘူးတဲ့ ၁၉၆၀ ဧပြီ (၁၉) ရက်နေ့ “ကိုရီးယားကျောင်းသားလှုပ်ရှားမှု” အကြောင်း ဖေါ်ပြပေးလိုက်ပါတယ်။

သေနတ်သံတွေကြားမှာ ဆက်လက်ချီတက်သွားကြတဲ့ ကိုရီးယားကျောင်းသားတွေရဲ့သတ္တိ ကို ဖတ်ကြည့်စေချင်ပါတယ်။
သောတရှင်များခင်ဗျား
၁၉၅၀-၅၃ မှာဖြစ်ပွားခဲ့တဲ့ ခုနှစ်ကိုရီးယားစစ်ပွဲဟာ စုစုပေါင်း လူနှစ်သန်းခွဲကျော်သေဆုံးခဲ့ပြီး သေကြေပျက်စီးမှုများလွန်းခဲ့တာကြောင့် အင်အားကြီးနိုင်ငံတွေဟာ စစ်ပြေငြိမ်းဖို့အတွက် သဘောတူစာချုပ် ချုပ်ဆိုခဲ့ပါတယ်။ ဒါပေမဲ့ တောင်ကိုရီးယားနိုင်ငံရဲ့သမ္မတဖြစ်သူ “Syngman Rhee” က
လက်မှတ်မထိုးခဲ့ပါဘူး။ ကိုရီးယားစစ်ပွဲအတွင်း၊ မြောက်ကိုရီးယား ကွန်မြူနစ်တွေနဲ့ တရုတ်တပ်နီတော်ကို အနုမြူကြဲချမှုကိုလိုချင်ခဲ့ပါတယ်။
အမေရိကန်ပြည်ထောင်စုကဗုံးမကြဲခဲ့တဲ့အတွက်ဝေဖန်ရှုတ်ချခဲ့ပါတယ်။ ဒါကြောင့်လည်း ကိုရီးယားစစ်ပွဲပြီးကာလမှာSyngman Rhee ဟာ အမေရိကန်ပြည်ထောင်စုအပါအဝင်အနောက်အုပ်စုနဲ့ ဆက်ဆံရေးမပြေမလည်ဖြစ်နေခဲ့ရပါတယ်။
တကယ်တော့ Syngman Rhee ရဲ့ ဂုဏ်သိက္ခာဟာ ကိုရီးယားစစ်ပွဲမတိုင်ခင်ကတည်းကအမဲစက်တွေ ထင်စွန်းခဲ့ပါတယ်။
အစုလိုက်အပြုံလိုက်သတ်ဖြတ်မှုတွေကို ကြိမ်ဖန်များစွာကျူးလွန်ခဲ့ပါတယ်။
လူသုံးသောင်းကျော်သေဆုံးခဲ့တဲ့ ဂျီဂျူးကျွန်းကလူသတ်ပွဲအပါအဝင်၊ Syngman Rhee သတ်ဖြတ်ခဲ့တဲ့ တောင်ကိုရီးယားပြည်သူပေါင်းနှစ်သိန်းကျော် တယ် လို့ ယုံကြည်ခဲ့ကြပါတယ်။ ကိုရီးယားစစ်ပွဲကာလမှာတော့ တောင်ကိုရီးယားသမ္မတ Syngman Rhee ရဲ့ လူထုအပေါ်ထားတဲ့ရက်စက်မှုကိုမြင်လိုက်ရပါတော့တယ်။

မြောက်ကိုရီးယားကွန်မြူနစ်တွေ၊ဆိုးလ်မြို့ကို ဝင်ရောက်တိုက်ခိုက်တဲ့အခါ၊ ပြည်သူတွေကို ထွက်မပြေးနဲ့
ပြန်လည်ခုခံကြဖို့ဆော်သြခဲ့ပေမဲ့၊ သူကိုယ်တိုင်ကတော့ တောင်ပိုင်းကိုထွက်ပြေးသွားခဲ့တာတွေ၊ ဒုက္ခသည်တွေဆုတ်ခွာထွက်ပြေးမလာအောင်တံတားတွေကိုဖျက်ဆီးမီးရှို့ ပစ်ခဲ့တာတွေကြောင့် တောင်ကိုရီးယားပြည်သူတွေဟာ Syngman Rhee ကို မုန်းတီးခဲ့ကြပါတယ်။
သူ့ရဲ့ဒုတိယသက်တမ်းမှာအတိုက်အခံပါတီကိုယ်စားလှယ်အများအပြားကိုပြည်သူလူထုကရွေးချယ်တင်မြှောက်ခံခဲ့ရပြီး ပါလီမန်စံနစ်ကိုအသက်သွင်းဖို့ပြည်သူ့လွှတ်တော်ကိုယ်စားလှယ်တွေက ဆုံးဖြတ်ခဲ့ကြပါတယ်။ ဒါပေမဲ့ Syngman Rhee က လွှတ်တော်ကိုယ်စားလှယ်အများစုကိုဖမ်းဆီးထောင်ချခဲ့ပြီး၊ သမ္မရာထူးကို သက်တမ်းနှစ်ခုသာ တာဝန်ယူရမယ်ဆိုတဲ့ အခြေံဥပဒေကို ပြုပြင်ရေးဆွဲခဲ့ပါတယ်။

သူ့ရဲ့အာဏာသက်တမ်းကိုဆွဲဆန့်လိုက်ပါတယ်။
“ Syngman Rhee အုပ်ချုပ်ခဲ့တာ (၁၂)နှစ်ရှိသွားပြီဗျ။ ၁၉၆၀ ခုနှစ်မှာရွေးကောက်ပွဲကျင်းပမယ်လို့ဆိုခဲ့ပေမဲ့ ရွေးကောက်ပွဲမတိုင်ခင်ကတည်းကတိုးတက်ရေးပါတီရဲ့ခေါင်းဆောင် ချိုပွန်အန်း ကို ကိုဖမ်းဆီးထောင်ချပြီး သတ်ဖြတ်ပစ်ခဲ့သလို၊ ဒီမိုကရက်တစ်ပါတီရဲ့ခေါင်းဆောင် ချိုပွန်အော့က် ကလည်းအမေရိကန်ပြည်ထောင်စုကို ထွက်ခွာသွားရပြီး နှလုံးရောဂါနဲ့သေဆုံးသွားခဲ့တယ်။ ဂွမ်ဂျူးပြည်နယ်က အတိုက်အခံခေါင်းဆောင်ဟာ
ဓါးနဲ့ထိုးအသတ်ခံရသလို၊ ယိုဆူမြို့မှာဆိုရင်လည်း Syngman Rhee ရဲ့ လက်ကိုင်ဒုတ်တွေက ဒီမိုကရက်တစ်ပါတီရဲ့ဘဏ္ဍာရေးမှူးကိုသေမတတ်ရိုက်နှက်ခဲ့ကြတယ်။ အတိုက်အခံတွေဟာ ရွေးကောက်ပွဲအတွက် မဲဆွယ်ဖို့ကြိုးစားတဲ့အခါတိုင်းဘတ်စ်ကား၊ အားကစားရုံ၊ အဆောက်အဦ ခမ်းမတွေဟာ ငှားရမ်းလို့မရနိုင်အောင် အစိုးရက ကြံစည်ခဲ့တယ်လေ။
အတိုက်အခံတွေကို မဲပေးမယ်လို့ ယုံကြည်တဲ့သူတွေကို ရဲတွေက ခြိမ်းခြောက်ရိုက်နှက်ကြတယ်။”

၁၉၆၀ ရွေးကောက်ပွဲကို ဆန်မင်ယွီး က အပြတ်အသတ်အနိုင်ရကြောင်းကြေငြာလိုက်တဲ့အခါမှာတော့ ထောင်ချီနေတဲ့လူထုဟာမဆန်မြို့က ဒီမိုကရက်တစ်ပါတီရဲ့ဋ္ဌာနချုပ်ရှေ့မှာစုဝေးရောက်ရှိလာကြတယ်။ ရာချီနေတဲ့လူအုပ်တချို့ကတော့ ရဲစခန်းကိုဝိုင်းရံလိုက်ကြပြီးမီးရှို့ဖို့ကြိုးစားကြပါတယ်။ တချို့ကတော့ မြို့တော်ခမ်းမအဆောက်အဦဆီကိုဦးတည်တိုက်ခိုက်လိုက်ကြတော့တယ်။
လုံခြုံရေးတပ်ဖွဲ့တွေကလည်း ပစ်ခပ်ဖြိုခွဲခဲ့ပြီး ဆန္ဒပြသူရာပေါင်းများစွာကိုဖမ်းဆီးလိုက်ပါတယ်။
အထက်တန်းကျောင်းသားအများအပြားဒဏ်ရာရခဲ့ကြပါတယ်။ ဆယ်ယောက်ကျော်သေဆုံးခဲ့ပါတယ်။
“ မတ်လရွေးကောက်ပွဲလိမ်လည်မှုကိုဆန္ဒပြခဲ့ကြတဲ့ ကျောင်းသားတချို့ဟာပျောက်ဆုံးသွားခဲ့တယ်ဗျ။
အစိုးရကိုမကျေနပ်စိတ်နဲ့နေထိုင်နေတုန်း ပျောက်ဆုံးသွားတဲ့ အထက်တန်းကျောင်းသားလေး ကင်မ်ဂျူယူရ် ရဲ့အလောင်းကို ပင်လယ်ကမ်းခြေမှာမျောနေတာကိုတွေ့လိုက်ကြရတယ်။သူ့ခေါင်းက ဒဏ်ရာကိုကြည့်လိုက်မယ်ဆိုရင် မျက်ရည်ယိုဗုံးကျည်ဆံထိမှန်ထားတာဆိုတာ ထင်ရှားတယ်။
ရေနစ်သေဆုံးသလိုလိုနဲ့ အစိုးရဟာလိမ်လည်ခဲ့တယ်။ တကယ်တော့ အလောင်းဖျောက်ဖို့ကြိုးစားခဲ့တာဗျ။”
အထက်တန်းကျောင်းသားလေးရဲ့အလောင်းကိုတွေ့မြင်လိုက်ရတဲ့ ကျောင်းသားတွေဟာကင်မ်ဂျူယူရ် အလောင်း ထားရှိရာအဆောက်အဦဆီကိုသွားရောက်ကြပါတယ်။ သူ့ရဲ့အလောင်းကိုဆိုးလ်မြို့ကပြည်သူ့လွှတ်တော်အဆောက်အဦဆီကို သယ်ဆောင်ကြဖို့ ဆုံးဖြတ်လိုက်ကြပါတယ်။ဒါပေမဲ့ အာဏာပိုင်တွေက ခွင့်မပြုခဲ့ပါဘူး။ ဒါကြောင့်လည်း အလောင်းလုမဲ့လူအုပ်ဟာ အဆောက်အဦ ကို ရိုက်ချိုးဝင်ရောက်လိုက်ကြပါတယ်။

“ ဆိုးလ်မြို့ကပြည်သူ့လွှတ်တော်ထဲမှာတော့ အိုးအိမ်ဝန်ကြီးက ရဲတွေအနေနဲ့သေဆုံးသွားသူတွေရဲ့ အလောင်းတွေကိုဖျောက်မပစ်ဖို့ဂတိပေးပါတယ်လို့ဆိုတယ်။

ဒါပေမဲ့သမ္မတSyngmanRheeကမဆန်မြို့ကဆန္ဒပြသူတွေဟာကွန်မြူနစ်ထောက်လှမ်းရေးတွေရဲ့ပယောဂပူးကပ်နေသူတွေ
ဆိုပြီး ရက်ရက်စက်စက်ဖမ်းဆီးခဲ့တယ်ဗျာ။ အကျဉ်းထောင်တွေမှာ ထားစရာနေရာမရှိတော့ဘူး။
လမ်းပေါ်ကအချုပ်ကားတွေပေါ်မှာလည်းအများကြီးလေ”
ဆိုးလ်မြို့မှာတော့ ဆိုလ်းတက္ကသိုလ်ကျောင်းသားတွေဟာ သမ္မတနေထိုင်ရာ အပြာရောင်အိမ်တော်ကြီးဆီကို ချီတက်လိုက်ကြပါတယ်။
သမ္မတနုတ်ထွက်ပေးဖို့တောင်းဆိုကြပါတယ်။ ဒါပေမဲ့ ငြိမ်းချမ်းစွာဆန္ဒပြ ခဲ့တဲ့ကျောင်းသားအုပ်စုကို Syngman Rheeရဲ့လူငယ်အဖွဲ့ချုပ်ကသံမဏိချောင်းတွေ၊ချွန်မြတဲ့စူးတံတွေနဲ့ဝင်ရောက်တိုက်ခိုက်ရိုက်နှက်ကြပြန်ပါတယ်။ကျောင်းသားတွေသွေးမြေကျနေမှုတွေကို မြင်တွေ့လိုက်ရတဲ့ပြည်သူတွေ၊ ပါမောက္ခတွေ ဟာ ဒဏ်ရာရတဲ့ကျောင်းသားတွေကိုဆေးရုံပို့ကူညီပေးခဲ့ပါတယ်။ ဆန္ဒပြပွဲကို ပူးပေါင်းပါဝင်လိုက်ပါတယ်။
လူထုဆန္ဒပြပွဲတွေကိုကြောက်ရွံ့လာတဲ့ ဆန်မင်ယွီးဟာ နေ့ခင်းတနာရီကျော်ရင် အပြင်မထွက်ရ အပါအဝင်အရေးပေါ်စစ်အုပ်ချုပ်ရေးဥပဒေကိုပြဋ္ဌာန်း လိုက်ပါတယ်။

“အရေးပေါ်စစ်အုပ်ချုပ်ရေးဥပဒေကို ကြေငြာခဲ့ပေမဲ့ အလုပ်မဖြစ်ပါဘူး။ကျောင်းသူကျောင်းသားတွေက တပ်မတခုလိုလမ်းမတွေမှာချီတက်လာတဲ့အခါလူထုကဘေးကနေသီချင်းတွေသီဆိုအားပေးကြတယ်။စစ်အုပ်ချုပ်ရေးကိုအန်တုခဲ့တာကြောင့် အစိုးရကလည်းပစ်ခပ် ခြေမှုန်းခဲ့တယ်လေ။

ဒါပေမဲ့ ပစ်ခပ်နေတဲ့သေနတ်ကျည်ဆံတွေကြားမှာ ကျောင်းသားတွေက တဟုန်ထိုးချီတက်သွားကြတယ်။ ကျောင်းသား (၁၂၅) ယောက်သေဆုံးခဲ့ရတယ်”ကျည်ဆံကိုမကြောက်တဲ့ ကျောင်းသားတွေရဲ့နှလုံးသားတွေကို လုံခြုံရေးတပ်ဖွဲ့တွေအံ့အားသင့်ခဲ့ရပါတယ်။
နောက်ပြန်ဆုတ်သွားကြပါတော့တယ်။ ဆိုးလ်မြို့ရဲ့ရဲစခန်းတွေ၊ အစိုးရအဆောက်အဦတွေ ကို ပြည်သူတွေက မီးတင်ရှို့လိုက်ကြပါတယ်။

သောတရှင်များခင်ဗျား
ပြည်သူတွေရဲ့ဆန္ဒပြတောင်းဆိုမှုကို သမ္မတ Syngman Rhee က ပစ်ခပ်ဖြိုခွဲဖို့ထပ်မံအမိန့်ပေးခဲ့ပေမဲ့ တပ်မတော်က အမိန့်ကိုမနာခံတော့ပါဘူး။ဆန္ဒပြသူတွေဘက်ကရပ်တည်လိုက်ပါတယ်။ သန်းချီနေတဲ့ပြည်သူလူထုဟာအစိုးရအဆောက်အဦတွေကိုဝိုင်းရံလိုက်ကြတဲ့အတွက်
Syngman Rhee နှုတ်ထွက်လိုက်ရပါတော့တယ်။

အောင်မိုးဝင်း

သတင်းအကျဉ်းချုပ် ...

0 ရွေးကောက်ပွဲ သပိတ်မှောက်ဖို့ ပါတီများကို ၈၈ မျိုးဆက်ကျောင်းသားတွေ တိုက်တွန်း

၈၈မျိုးဆက် ကျောင်းသားခေါင်းဆောင် ကိုစိုးထွန်းနှင့်ဆက်သွယ်မေးမြန်းချက်(RFA)

သတင်းအကျဉ်းချုပ် ...

0 တပ်မတော်သာ အမိ / အဖ = NO

ကျနော်များ လူထုတရပ်လုံးအတွက် စတေးခံ အကောင်းဆုံးမြေသြဇာ အဖွဲ့မှ တပ်မတော်သာ အမိ ၊ တပ်မတော်သာ အဖ = NO ၊ပြည်သူသာ အမိ ပြည်သူသာ အဖ = YES ဆိုတဲ့ ခေါင်းစဉ်ပါ စာရွက်ရေ ၉ ရွက် အား စာအိတ်များတွင်ထည့်ကာ ကမာရွတ်မြို့နယ် လှည်းတန်း စာတိုက်နှင့် ကြည့်မြင့်တိုင် ဗားကရာလမ်း စာတိုက်၊ လမ်းမတော် မြို့နယ် လမ်းမတော်လမ်း စာတိုက် တို့မှ တဆင့် ရေတပ်ဌာနချုပ်(သန်လျှင်) အပါအဝင် တပ်ရင်း/တပ်ဖွဲ့များသို့ လိပ်စာ(၃၅) ခု သို့ ပေးပို့ခဲ့ပြီး လှည်းတန်း လမ်း ၊ လှည်းတန်းဈေးနှင့် ကြည့်မြင့်တိုင် ညဈေးတို့တွင် လက်ကမ်းစာစောင်များ လိုက်လံဝေငှခဲ့ပြီး တက္ကသိုလ်၇ိပ်သာ လမ်း အတွင်း လမ်းဘေး သစ်ပင်များတွင် လိုက်လံ ကပ်ခဲ့ကြပါတယ်။စာအိတ်ရေ ( ၃၅ ) အိတ် နှင့် စာရွက်ရေ ၁၀၀ ခန့်အား လိုက်လံ ကပ်ခဲ့ကြပါတယ်။

လူထုတရပ်လုံးအတွက် စတေးခံ
အကောင်းဆုံး မြေသြဇာ အဖွဲ့
www.thebestmanure.org/

သတင်းအကျဉ်းချုပ် ...