မြို့ကြီးသားတွေ နားဝင်ချိုအောင် ကိုရီးယားကားတွေထဲက တစ်နေ့လုံးအိမ်ပြင်ထွက်ပြီး အလုပ်သွား၊ ကျောင်းသွားလုပ်ကြတဲ့သူတွေ အိမ်ပြန်ရောက်ကြတဲ့အခါ အိမ်ထဲရောက်တာနဲ့ လူတွေ့တွေ့၊ မတွေ့ တွေ့ ‘ပြန်လာပါပြီ’ လို့ နှုတ်ဆက် လေ့ရှိကြတယ်။ အဲဒီလိုနှုတ်ဆက်ဖို့ ပါးစပ်ကရွတ်ကြည့်တယ်။ ပါးစပ်ဖျားက ၀တ္တရားအရထွက်လာတဲ့ အသံမို့ ပေါ့ရွှတ်ရွှတ်နဲ့ အားမရှိဘူး။ အဲဒါကြောင့် အညာသားပီပီ အားရှိပါးရှိ လှိုက်လှိုက်လှဲလှဲ နွေးနွေးထွေးထွေး ‘ပြန်လာပြီဗျို့’ လို့ပဲ ပွဲဦးထွက် နှုတ်ဆက်လိုက်ပါရစေ။
ကိုကိုးကျွန်းက ပြန်ရောက်စ လွန်ခဲ့တဲ့ အနှစ်သုံးဆယ်လောက်က ‘အလံမလှဲစတမ်း’ ဆိုတဲ့စာအုပ် ဒုတိယအကြိမ် ပြန်လည်ထုတ်ဝေခွင့်ရတော့ ‘၀င်းဇော် ပြန်လာပြီ။ ချောအိမာန် ပြန်လာပြီ’ လို့ သတင်းစာမှာ ကြော်ငြာခဲ့တယ်။ နှစ်ပေါင်း နှစ်ဆယ်လုံးလုံး ထုတ်ဝေခွင့်မရခဲ့တဲ့ ‘အလံမလှဲစတမ်း’ တတိယအကြိမ် ပြန်လည် ထုတ်ဝေခွင့်ရတာနဲ့ မရှေးမနှောင်း လူထုစိန်ဝင်းလည်း နာလန်ထူစပြုလာပြီမို့ တိုက်ဆိုင်စွာ ‘ပြန်လာပြီဗျို့’ လို့ နှုတ်ဆက်လိုက်ရတာ ဖြစ်ပါတယ်။
စောင့်မျှော်အားပေး မေတ္တာထားကြတဲ့ စာဖတ်သူများအပေါ် တာဝန်မကျေဖြစ်ခဲ့ရတာ ဒီတစ်ခါ အကြာဆုံးပါပဲ။ မတ်လနောက်ဆုံးပတ်က စပြီးမိုးကမရွာ၊ အပူကလွန်ကဲ၊ မီးကဖြတ်ဆိုတော့ မရှူသာမကယ်သာ အလူးအလဲခံရပြီး အိပ်ရာထဲ လဲပါတော့တယ်။ အပတ်စဉ်လာကြည့်ပေးနေကျ ဆရာဝန်လေး ဒေါက်တာတင်စံဦး နဲ့ပဲ ခါတိုင်းလိုပြန်ကောင်းသွားမယ် ထင်တာ။ ကောင်းမလာဘူး။ ဧပြီ ၁ ရက် ရွေးကောက်ပွဲ ၀န်းကျင်မှာတော့ လူကတုံးပဲ။ ဘာမှမသိဘူး။ သင်္ကြန်ကျတော့ ဆရာလေးက နှစ်စဉ်သွားနေ ကျ ရှမ်းပြည်နယ်က ကျေးရွာတွေကို အခမဲ့ဆေးကု ထွက်သွားတယ်။ ဒီမှာ ကယ်တင်ရှင်အဖြစ် ရောက်လာတာက ‘အလဲဗင်းမီဒီယာဂရုပ်’ (EMG) ရဲ့ ဒေါက်တာသိန်းမြင့်ဖြစ်တယ်။ ဆရာ က သင်္ကြန်တွင်းကြီးတောင် ရောက်အောင်လာပြီး စောင့်ရှောက်ကုသပေး ရှာတယ်။ ကျေးဇူးအင်မတန်တင်မိပါတယ်။ အဲဒီနောက် နိုင်ငံခြားရောက် သမီးသမားတော်လေးက ထုံးစံအတိုင်း ဖုန်းဆက်ပြီး ကျန်းမာရေးအကြောင်း မေးတော့ အိမ်ကသမီးက ဖြစ်ကြောင်းကုန်စင် ပြောပြလိုက်တယ်။ အဝေးက လူက မမြင်ရတော့ ပိုစိတ်ပူပြီး ရန်ကုန်ကသူ့မိတ်ဆွေ သမားတော်တစ်ယောက်ကို လွှတ်ပေးပြီး ကြည့်စေတယ်။ ဓာတ်မှန်ရိုက်တာ၊ သွေးစစ်၊ သလိပ်စစ်တာ အားလုံးကိုအီးမေးလ် နဲ့ သူ့ဆီပို့ခိုင်းတယ်။ စစ်ချက်တွေ ကိုကြည့်ပြီးတော့ ရန်ကုန်က သူ့မိတ်ဆွေဆရာဝန်နဲ့ ညှိနှိုင်းတိုင်ပင်ပြီး သောက်ဆေး၊ ထိုးဆေး၊ ရှူဆေး တွေပေးကြမယ်။ မနက်၊ ည ဆေး ထိုးဖို့လည်း ပူစရာမလိုဘူး။ ရန်ကုန် က သမားတော်ရဲ့အဆက်နဲ့ အိမ်တိုင်ရာရောက် ကျန်းမာရေးအဖွဲ့ HMS က ဆရာဝန်လေးတစ်ယောက် နဲ့ ဆရာမနှစ်ယောက်က နေ့စဉ် မပျက်မကွက် လာလုပ်ပေးကြတယ်။ ဒီကြားထဲအဖျားတက်လို့ နှလုံးခုန်နှုန်း ၁၄၀ ရောက်နေလို့ ဖုန်းဆက်ခေါ် လိုက်ရင်လည်း ဖုန်းထဲက ဘာဆေး ဘာဆေးတိုက်ထားပါလို့ ညွှန်ကြားပြီး ခဏကြာတော့ လူကိုယ်တိုင်လာရောက် ကြည့်ရှုပေးကြတယ်။ သူတို့လေးတွေလည်း ကျေးဇူးတင်ရပါတယ်။
အရင်နွေတွေလို ခဏပဲထင်ခဲ့ပေမယ့် ဒီတစ်ခေါက် တော်တော်ကြာသွားတယ်။ သုံးလလုံးလုံး ဘုန်းဘုန်း လဲနေတော့တာပဲ။ ကိုယ့်အစာတောင် ကိုယ်မစားနိုင်လို့ ခွံကျွေးရတယ်။ အစာစားရတာကလည်း ဒုက္ခတော်တော်ကြီးတယ်။ အောက်ဆီဂျင်နဲ့ နှလုံးခုန်နှုန်းပြကိရိယာကို လက်မှာစွပ်ထားပြီး အရိပ်တကြည့်ကြည့် စားရတာ အစာတစ်လုတ်ဝါးလိုက်မြိုလိုက် တာနဲ့ နှလုံးက ဒိုင်းဒိုင်းနဲ့ခုန်တက် သွားတယ်။ အစာတစ်လုတ်ကို နှလုံး က ခြောက်မှတ်၊ ခုနစ်မှတ်တက်သွားတာ။ နေကပြင်းပြင်း၊ မီးကမလာတဲ့ အချိန်မျိုးဆိုရင် စိုးရိမ်မှတ် ၁၄၀ လောက်အထိတောင် ရောက်သွား တတ်တယ်။ သိပ်သတိထားပြီး စားရသောက်ရလို့ ထမင်းဖြစ်စေ၊ ဆန်ပြုတ် ဖြစ်စေ ၁၅ ဇွန်းစားရင် အချိန် တစ်နာရီကြာတယ်။
လွန်ခဲ့တဲ့သုံး၊ လေးနှစ်က အထူးကုဆေးရုံကြီးတစ်ခုမှာ ဆေးစစ်ဖို့လုပ်နေတုန်း ရုတ်တရက်အဆုတ်ထဲက လေအိတ်ပေါက်သွားလို့ အသက်ရှူမရတော့ဘဲ သေမလိုဖြစ်ခဲ့ဖူးတယ်။ ဆေးရုံမှာဖြစ်တာမို့ မသေတာ။ ဆရာဝန်တွေက ချက်ချင်းခွဲပြီး အဆုတ်ထဲ က လေတွေကို ထုတ်ပစ်လိုက်တယ်။ နောက်တော့ အဆုတ်ထဲထိ ပိုက်ထိုး ထည့်ပြီး အထဲက အရိအရွဲတွေကုန်အောင် ထုတ်ပစ်ဖို့ ပုလင်းတန်းလန်း နဲ့ နှစ်ပတ်လောက် ဆေးရုံမှာနေခဲ့ရတယ်။ ဒါတောင် စာရေးပျက်တာ တစ်လလောက်ပဲ။ ဒီတစ်ကြိမ်တော့ ရာသီပြောင်း ဖြစ်နေကျ အာဂန္တုဖျားပဲ၊ ခဏနေကောင်းသွားမှာပဲ ထင်ခဲ့ပေမယ့် သုံးလလောက်ကြာသွား တယ်။ တော်တော်လည်း ခံလိုက်ရတယ်။
ဒီကာလတစ်လျှောက်လုံး မေတ္တာ စေတနာထားကြတဲ့ စာဖတ်ပရိသတ်များက တစ်နေ့တစ်နေ့ ဆယ့်လေး၊ ငါးဦးထက်မနည်း ဖုန်းဆက်မေးကြ မေတ္တာပို့ကြတယ်။ နှစ်ရက်ခြားတစ်ခါ မှန်မှန်ဆက်ပြီး အကြိမ်ပေါင်း နှစ်ဆယ်၊ အစိတ် မေးသူလည်း ရှိတယ်။ ဒီလိုမေတ္တာတွေကြောင့် အားတင်းပြီး နာလန်မြန်မြန်ထအောင် ကြိုးစားရတယ်။ လုပ်စရာတွေက အများကြီးရှိသေးတယ်။ စာဖတ်ပရိသတ်အပေါ် တာဝန်မကျေသေးဘူး။ သူတို့ရင်ထဲ က အသံတွေကို နားထောင်ပြီး သူတို့ ပြောချင်တာတွေကို တိုင်းသိပြည်သိ ပြောပေးရဦးမယ်။
အဲဒီလိုဆိုတော့ ‘ကမ္ဘာတုန်အောင် ကုန်းအော်ရလွန်းလို့ အမောဆို့ပြီးဖျားတာ’ လို့ ကရုဏာဒေါသော နဲ့ မှတ်ချက်ချခဲ့တဲ့ မန္တလေးကတူမ ချောက ဘာပြောဦးမလဲ မသိဘူး။
မှတ်ချက် - ဤဆောင်းပါးအား အဆုံးသတ်အထိ ရေးသွားနိုင်ခြင်း မရှိခဲ့ပါ။
Eleven media group
ရခိုင်ပြည်နယ်တွင် ဖြစ်ပွားခဲ့သော ပဋိပက္ခနှင့် ပတ်သက်သည့် သတင်းဖော်ပြချက်ကြောင့် ပြန်ကြားရေး ဝန်ကြီးဌာန စည်းမျဉ်း အရ ဂျာနယ်ထုတ်ဝေခွင့် ယာယီရပ်နားခံထားရသော လျှပ်တစ်ပြက် သတင်းဂျာနယ် ၏ အယ်ဒီတာချုပ် ဦးမြတ်ခိုင်ကို ပုဒ်မ ၅၀၅ (ခ) ၊ (ဂ) တို့ဖြင့် တရားစွဲဆိုသည့် သမ္မန်စာ လက်ခံရရှိ ထားကြောင်း ဦးမြတ်ခိုင်က အတည်ပြု ပြောကြားသည်။
အထက်ပါကိစ္စနှင့်ပတ်သက်၍The Voice Weekly က လျှပ်တစ်ပြက် ဂျာနယ် အယ်ဒီတာချုပ် ဦးမြတ်ခိုင်ထံ အတည်ပြု ဆက်သွယ်မေးမြန်းခဲ့ရာ ပုဇွန်တောင်မြို့နယ်တရားရုံးက ဇွန်လ ၁၉ ရက်နေ့ ရက်စွဲဖြင့် သမ္မန်စာပေးပို့ထားပြီး ဇွန်လ ၂၅ ရက်နေ့တွင် တရားရုံးသို့ လူကိုယ်တိုင်လာရောက်ရန် ယင်းသမ္မန်စာတွင် ပါဝင်ကြောင်း ပြန်လည်ဖြေကြားသည်။
''စွဲထားတဲ့ပုဒ်မက ၅၀၅ (ခ) နဲ့(ဂ) ပါ။ အမှုအမှတ်စဉ်က ၁၈၈ ပါ''ဟု လျှပ်တစ်ပြက်ဂျာနယ် အယ်ဒီတာချုပ် က ပြောကြားသည်။
ယခုတရားစွဲဆိုမှုကို မည်သည့်အဖွဲ့အစည်း၊ ပုဂ္ဂိုလ်ကတရားစွဲဆိုသည်ကိုမူ မသိရသေးကြောင်း ဦးမြတ်ခိုင်က ဆိုသည်။
အဆိုပါကိစ္စကို ရန်ကုန်တိုင်းဒေသကြီး အစိုးရအဖွဲ့သို့ ဇွန်လ ၂၂ ရက်နေ့နေ့လယ်ပိုင်းက ဖုန်းဖြင့် ဆက်သွယ်မေးမြန်းသော်လည်း ဖြေကြားမည့်သူ မရှိကြောင်း ပြန်လည်ပြောကြားသည်။
''ငြိမ်ဝပ်ပိပြားရေးကို ထိခိုက်လာစေရန် တစ်စုံ တစ်ယောက်က ပြုလုပ်လာတယ်၊ လှုံ့ဆော်လာတယ်ဆိုရင် လူတစ်စုက ထိတ်လန့်စရာ တုန်လှုပ်စရာ အကြောင်းခြင်းရာတွေ ပေါ်ပေါက် ပြီးတော့ ဖြစ်လာ နိုင်တဲ့ အကြောင်းအရာတွေဆိုရင် ၅၀၅(ခ)နဲ့ စွဲဆိုနိုင်ပါတယ်။ နောက်တစ်ခုကျတော့ ၅၀၅ (ဂ) လူအမျိုးအစား အချင်းချင်းဖြစ်စေ၊ တစ်ဖက်နဲ့တစ်ဖက်ပြစ်မှု ကျူးလွန်ချင်လာအောင် လှုံ့ဆော်တဲ့အကြံရှိလို့ ရှိရင် ဒါမှမဟုတ် လှုံ့ဆော်ခြင်းကို ဖြစ်စေတန်တဲ့အကြောင်းရှိရင်အဲဒီလူကို ၅၀၅ (ဂ) နဲ့ အရေးယူလို့ ရတယ်။ လူမျိုးတစ်မျိုးနဲ့တစ်မျိုး ပဋိပက္ခဖြစ်လာဖို့ အသွင်ဆောင်မှုဆိုတော့ အဲဒီအကြံရှိ မရှိ အရေးကြီးတဲ့အချက်ပဲ။
နိုင်ငံတော်လုံခြုံရေးကို ထိခိုက်အောင်၊လူတစ်စုချင်းစီတိုက်ခိုက်ကြအောင် လုပ်ချင်တဲ့အကြံရှိမှ ၅၀၅ (ခ) နဲ့ တရားစွဲလို့ရတယ်'' ဟု ဥပဒေအတိုင်ပင်ခံရှေ့နေဦးအောင်သိန်းက ရှင်းပြသည်။
အဆိုပါအမှုမှာအများဆုံး ထောင်ဒဏ် ၂ နှစ်ထိချမှတ်နိုင်ပြီး ငွေဒဏ်လည်း ချမှတ်နိုင်ကြောင်း၊ ငွေဒဏ်ထောင်ဒဏ် ပေါင်းပြီးလည်း ချမှတ်နိုင်ကြောင်း ၎င်းကရှင်းပြသည်။
''အဓိကကတော့ ကင်းလွတ်ချက်ပေးထားတာရှိတယ်။ အဲဒါက လူတစ်ဦးတစ်ယောက်နဲ့ပတ်သက်ပြီးတော့ ဖော်ပြချက်ကိုပဲဖြစ်စေ ကောလာဟလဖြစ်စေသော သတင်းကိုပဲဖြစ်စေ အဲဒီလိုလုပ်တဲ့အခါ ဒါမှမဟုတ် ထုတ်ပြန်ကြေညာတဲ့အခါမှာ သို့မဟုတ် ဖြန့်ချိတဲ့အခါမှာ စောစော ကပြောသလို ကောလာဟလ သို့မဟုတ် သတင်းသည် မှန်ကန်တယ်လို့ သူ့ဘက်က ခိုင်လုံတဲ့အကြောင်းယုံကြည်တယ်ဆိုရင် နောက်တစ်ခုက နိုင်ငံတော်လုံခြုံရေးထိခိုက်အောင်နဲ့ လူမျိုးအချင်းချင်း သတ်ဖြတ်တာ မျိုးဖြစ်အောင် အကြံမရှိဘူးဆိုရင် သတင်းထုတ်ချက်၊ ဖြန့်ချိချက်ဟာ ဒီဥပဒေ ပုဒ်မမမြောက်ပါဘူး ဆိုတာ ဖော်ပြထားတယ်။ အဲဒီကင်းလွတ်ချက်ကို အဓိကစစ်ချက်ယူသင့်ပါတယ်။ အဲဒါကို ဝင်အောင်တော့ စစ်ကြဆေးကြတာကြီး ပဲ''ဟု ၎င်းကဆက်လက်ရှင်းပြသည်။
၅၀၅ (ခ) နှင့် တရားစွဲပါက အာမခံပေးလေ့ ပေးထမရှိကြောင်း အာမခံလျှောက်ရာတွင် မိန်းမများ၊ သက်ကြီး ရွယ်အိုကြီးများ၊ ကျန်းမာရေးချို့တဲ့သူများဖြစ်မည်ဆိုပါက ဆေးစာနှင့် အာမခံ တင်ပါကတရားရုံး ကပေးလျှင်ပေး၍ ရကြောင်းဟု၎င်းကဆိုသည်။
''သမားရိုးကျအနေနဲ့ အာမခံလျှောက်ရင်ပေးလေ့ပေးထမရှိဘူး။ အထူးတလည်ကိစ္စပေါ်မှသာလျှင် ပေးလေ့ပေးထရှိပါတယ်'' ဟု ၎င်းကဆက်လက်ရှင်းပြသည်။
''ဒီမိုကရေစီအသွင်ကူးပြောင်းရေးကာလမှာ စတုတ္ထမဏ္ဍိုင် မီဒီယာ သမားတွေကို အစိုးရ အုပ်ချုပ်ရေး အဖွဲ့တွေကတရားစွဲတဲ့ဖြစ်ရပ်မျိုးကို မဖြစ်စေချင်ဘူး၊ စည်းရုံးရေးနည်းနဲ့ပဲ ဖြေရှင်းစေချင်ပါတယ်။
သတင်းမီဒီယာသမားတွေရဲ့ အချိန်တွေကို လုပ်ငန်းခွင်မှာ မသုံးရဘဲ တရားရုံးက ဝက်ခြံလေးထဲမှာ ရောက် နေတာ ကိုလည်း မလိုလားပါဘူး။စာနယ်ဇင်းကောင်စီနဲ့ မီဒီယာဥပဒေတွေပေါ်ထွက်လာဖို့လိုပါတယ်။
သတင်းမီဒီယာတွေ ရေးသားဖော်ပြချက်မှားရင်မီဒီယာလမ်းကြောင်းကနေပဲ မှန်ကန်မှုမရှိကြောင်း ဖြေရှင်း ပေးဖို့လိုပါတယ်။ကျင့်ဝတ်နဲ့မညီတဲ့ ရေးသားဖော်ပြချက်တွေကိုလည်း မီဒီယာတွေက အပြန်အလှန် ထိန်း ကျောင်း ပေးဖို့လိုပါတယ်''ဟု သင်္ကန်းကျွန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွန့်က ပြောကြားသည်။
လတ်တလောကာလတွင် ပုဂ္ဂလိကဂျာနယ်အချို့ အပေါ် တရားစွဲဆိုမည်ဟုခြိမ်းခြောက်ခြင်း တို့ပြုလုပ်နေ သည်ကို မကြာခဏကြားနေ၊ မြင်နေရကြောင်း၊စာပေစိစစ်ရေးထိန်းချုပ်ထားရာမှ ဖြေလျှော့မှုပေးလာသည့် အကူးအပြောင်းကာလတွင် တရားစွဲဆိုသည့် ကိစ္စများဖြစ်ပေါ်နေသည်ကို သတိထားမိကြောင်း၊ အကူးအပြောင်း ကာလတွင်စာနယ်ဇင်းသမားများ အန္တရာယ် နည်းပါးစေရေး အုပ်ချုပ်ရေးပိုင်းက သတိပြုရေးဆောင်ရွက်သင့်သကဲ့သို့ စာနယ်ဇင်းသမားများဘက်ကလည်း ဖြစ်ပေါ်လာသည့်ပြဿနာများကို စုပေါင်းတိုင်ပင်လုပ်ဆောင်သင့်ကြောင်း ပြည်သူ့ခေတ်ဂျာနယ်မှ အယ်ဒီတာချုပ် ဆရာဖေမြင့်က ပြောကြားသည်။
စာနယ်ဇင်းများတွင် လက်တလောဖော်ပြနေသည့်သတင်းများ၌ လယ်ယာမြေကိစ္စ၊ စက်ရုံအလုပ်သမားကိစ္စ စသဖြင့်အန္တရာယ် ရှိသည့်၊ ပြဿနာဖြစ်နိုင်သည့်သတင်းများဖြစ်သော်လည်း မရေးဘဲနေ၍မရကြောင်း၊ တစ်ဖက်က ဓနအား၊အာဏာအားဖြင့် တရားစွဲဆိုသည်များပြုလုပ်လာနိုင်ကြောင်း၊ စာနယ်ဇင်းများဘက်က ကျင့်ဝတ်နှင့်အညီ ထိန်းသိမ်းရေးသားသင့်သကဲ့သို့ စာနယ်ဇင်းများကို အလွယ်တကူတရားမစွဲနိုင်စေရန် အကာအကွယ်များလည်းလိုအပ်ကြောင်း ၎င်းကဆိုသည်။
''အကာအကွယ်ဆိုရာမှာ အခြောက်တိုက်ကာကွယ်ပေးဖို့ မဟုတ်ဘူ။ စာနယ်ဇင်းဆိုင်ရာ စည်းမျဉ်း စည်းကမ်း တွေ၊ ဥပဒေတွေမရှိသေးခင်မှာ တစ်ဖက်က လွတ်လွတ်ကျွတ်ကျွတ် လုပ်နိုင်တယ်။အလွယ်တကူ တရားစွဲနိုင်တယ်။ ကျွန်တော်တို့ဘက်က အကာအကွယ် နည်းသလိုဖြစ်နေ တယ်။ နောက်အခုရေးဆွဲနေတဲ့ စာနယ်ဇင်းဥပဒေမှာလည်း စာနယ်ဇင်းတွေကိုအရေးယူရာမှာ ဘယ်လိုအရေးယူမလဲဆိုတာ တိတိကျကျ ဖော်ပြထားဖို့လိုတယ်'' ဟု ၎င်းကသုံးသပ်ပြသည်။
အုပ်ချုပ်ရေးအာဏာပိုင် အစိုးရအဖွဲ့ဝင်နှင့် သတင်းမီဒီယာကြားတွင်ဖြစ်စေ၊ သတင်းမီဒီယာအချင်းချင်းဖြစ်စေ၊ ပုဂ္ဂလိကတစ်ဦးချင်းနှင့် မီဒီယာကြားတွင်ဖြစ်စေ၊ ပြဿနာတစ်စုံတစ်ရာ ဖြစ်ပွားပါက ကြားဝင်ဝင်ရောက်ဖြေရှင်းပေးနိုင်သော Press Council အားမဖြစ်မနေဖွဲ့စည်းထားရန် လိုအပ်လာပြီဖြစ်ကြောင်း ပြည်သူ့ လွှတ်တော်အားကစားယဉ်ကျေးမှုနှင့် ပြည်သူ့ဆက်ဆံရေးဖွံဖြိုးမှု
ကော်မတီဝင် ဦးရဲထွန်းကပြောကြားသည်။
''ထစ်ခနဲရှိတိုင်း တရားစွဲတာမျိုးမဖြစ်ဖို့လိုပါတယ်။ Press Council ရဲ့ဆုံးဖြတ်ချက်ကို မကျေနပ်ဘူး ဆိုရင်တရားစွဲလို့ရပါတယ်''ဟု ၎င်းကဆိုသည်။
Press Council အား ဖွဲ့စည်းရာတွင်လည်း အစိုးရအဖွဲ့နှင့် သတင်းမီဒီယာသမားများ နှစ်ဖက်စလုံးမှ ယုံကြည်ရသော ပုဂ္ဂိုလ်များဖြင့်သာ ဦးစားပေးဖွဲ့စည်းရန်လိုအပ်ကြောင်း သီပေါမြို့နယ်ပြည်သူ့လွှတ်တော် ကိုယ်စားလှယ်ကပြောကြားသည်။
လျှပ်တစ်ပြက်သတင်းဂျာနယ်တွင်ဖော်ပြခဲ့သော ရခိုင်ပြည်နယ်နှင့် သက်ဆိုင်သော သတင်းများမှာ မသီတာထွေးဓာတ်ပုံကလွဲ၍ သတင်းစဉ်ကဖော်ပြခဲ့သော သတင်းများသာဖြစ်ပြီး မျက်နှာဖုံး စာမျက်နှာ တွင်ပါဝင်သော သတင်းမှာလည်း သတင်းစာ၏ မှားယွင်းမှုကိုထောက်ပြဝေဖန်ထားခြင်းသာ ဖြစ်ကြောင်း Weekly Eleven ဂျာနယ်အယ်ဒီတာချုပ်ဦးဝေဖြိုးက The Voice Weekly သို့ပြောကြားသည်။
''ကျွန်တော်တို့နိုင်ငံအတွက်အပြောင်းအလဲကာလမျိုးမှာ ဘယ်ကိစ္စမျိုးမဆို ထိန်းထိန်းသိမ်းသိမ်းလုပ်ဖို့ သင့်ပါတယ်။ ပုဒ်မ ၅၀၅(ခ)နဲ့ (ဂ)ဆိုတာအရမ်းပြင်းထန်တဲ့ပုဒ်မတွေပါ။ အာမခံလည်းမရပါဘူး။ ကျွန်တော်တို့အနေနဲ့အခုလိုအရေးယူတာကို ကန့်ကွက်ပါတယ်''ဟု ဦးဝေဖြိုးကဆိုသည်။
''ကျွန်တော်တို့ရဲ့ တရားစီရင်ရေးက အခုအချိန်ထိ လွတ်လပ်တဲ့ တရားစီရင်ရေးမဖြစ်သေးဘူးဗျ။ အဲဒါကတော့ကျွန်တော် ပွင့်ပွင့်လင်းလင်းပြောတယ်။အုပ်ချုပ်ရေးအာဏာက လွှမ်းမိုးမှုရှိနေသေးတယ်'' ဟု ရှေ့နေဦးအောင်သိန်းက သုံးသပ်သည်။
''ကျွန်တော်တို့မှာ အားနည်းချက်တွေရှိပါတယ်။ အားနည်းချက်တွေကိုစနစ်တကျ ထိန်းကျောင်းရင်းနဲ့ သွားစေချင်တယ်။ အေးအေးဆေးဆေးနဲ့သွားလို့ရတဲ့အချိန်မှာ တုတ်နဲ့နာနာရိုက်သလိုဖြစ်နေတယ်။ အခုက မီဒီယာတွေနဲ့ အာဏာပိုင်တွေကြားထဲမှာ ယုံကြည်မှုတည်ဆောက်နေတဲ့ ကာလဖြစ်နေတယ်။ တစ်ဦးနဲ့တစ်ဦး တည်ဆောက်ထားတဲ့ ယုံကြည်မှု(Trust)တွေ ပျောက်သွားမှာ၊ ရန်သူလိုဆက်ဆံကြမှာ ကိုတော့ ကျွန်တော်စိုးရိမ်တယ်''ဟု ရန်ကုန်မီဒီယာဂရု၏ အမှုဆောင်အရာရှိချုပ် ဦးကိုကိုက သုံးသပ်သည်။
''ကျွန်တော်တို့ စာနယ်ဇင်းတွေတာလုံဖို့ (ကျင့်ဝတ်နဲ့ညီဖို့) လိုတယ်၊ညီညွတ်ဖို့လိုတယ်'' ဟု ၎င်း၏အယူအဆကိုပြောကြားသည်။
MJA (Myanmar Journalist Association) အနေနှင့်ဆိုပါက အားလုံးနှင့်တိုင်ပင်ပြီးမှသာ မည်သို့ လုပ်ဆောင်မည်ကို ပြောကြား နိုင်မည်ဖြစ်ကြောင်း ယင်းအဖွဲ့၏ အတွင်းရေးမှူးလည်းဖြစ်သူ ဦးကိုကိုကဆိုသည်။
အရပ်သားအစိုးရအဖွဲ့တာဝန်ယူသည့် ၁၅ လတာကာလအတွင်း 'လမ်းကလေးတော့ ကောင်းစေချင်' သတင်းဆောင်းပါး ဖော်ပြ မှုဖြင့် ဆောက်လုပ်ရေး ဝန်ကြီး ဌာနက မော်ဒန်ဂျာနယ်ကို တရား စွဲဆိုခဲ့ပြီး၊ 'ဝန်ကြီးဌာန အချို့ကျပ် သိန်းထောင်ချီအလွဲသုံးစားမှု စစ်ဆေးတွေ့ရှိ' သတင်းဖော်ပြခဲ့မှုဖြင့် သတ္တုတွင်းဝန်ကြီးဌာနက The Voice Weeklyကို အသေရေဖျက်မှုဖြင့် တရားစွဲဆိုထားသည်။
The Voice Weekly
၁၉၄၇ ခုနှစ် ၊ အောင်ဆန်းအက်တလီ စာချုပ်အတွက် ဗြိတိန် နိုင်ငံ ၊ အမှတ်.၁၀ ၊ ဒေါင်းနင်းလမ်း ကို ဗိုလ်ချုပ်အောင်ဆန်း ရောက်ခဲ့စဉ်က ဗိုလ်ချုပ်ရဲ့ သမီးဖြစ်သူ ဒေါ်အောင်ဆန်းစုကြည် တစ်နေ့မှာ ဗိုလ်ချုပ် ရပ်ခဲ့တဲ့ နေရာ.. လျှောက်ခဲ့တဲ့ ဒီပလက်ဖောင်းမှာ ထပ်တူနီးပါး လျှောက်လှမ်းပြီး.. ဂုဏ်ပြုခံ ပုဂွိုလ်တစ်ဦးအနေနဲ့.. နိုင်ငံတကာ အသိမှတ်ပြု လေးစားရသူတစ်ဦး အနေနဲ့ အထူးတလည် ကြိုဆိုခံရလိမ့်မယ် လို့ ကျွန်တော်တို့ လွတ်လပ်ရေးဖခင်ကြီး.. ဗိုလ်ချုပ်အောင်ဆန်း.. တွေးမိခဲ့ဖူးပါ့မလားနော်....။
ကျမ အခုဘဲ ဒေါင်းနင်းလမ်းက လာခဲ့တာပါ။ ကျမအတွက် တစိမ်းနေရာတော့ မဟုတ်ပါဘူး။ တီဗွီမှာတင် မကဘဲ ကျမ ဖခင် ဦးအောင်ဆန်း ၁၉၄၇ ခုနှစ်မှာ လုပ်ကြံသတ်ဖြတ် မခံရခင် ၀န်ကြီးချုပ် အက်တလီနဲ့ အတူ လွတ်လပ်ရေး ကိစ္စဆွေးနွေးအပြီး ဒေါင်းနင်း လမ်းရှေ့မှာ ရိုက်ကူ...းထားခဲ့တဲ့ ဓာတ်ပုံဟာ ထင်ရှားပါတယ်။ ဓာတ်ပုံထဲမှာ သူဟာ ဗြိတိသျှစစ်သုံး ကုတ်အကျီ င်္ရှည်ကို ၀တ်ထားပါတယ်။ သူ မကြုံဖူးတဲ့ အအေးဒဏ်ကို ခံနိုင်အောင် ဗြိတိန် အလာလမ်းမှာ အိန္ဒိယ ခေါင်းဆောင် ဂျဟာဝါလာနေရူးက ပေးလိုက်တာပါ။ ကျမလည်း အပူပိုင်း နိုင်ငံမှာ ၂၄ နှစ်လုံးလုံး နေခဲ့ပြီးတဲ့နောက် ဒီဘက်ကို အလာမှာ အဲလို ကုတ်အကျီ င်္ကိုများ လိုမလားလို့တောင် တွေးခဲ့တာမျိုး ရှိခဲ့ပါတယ်။ ပြီးခဲ့တဲ့ နာရီပိုင်းကတော့ ကျမ အဖေ ဓာတ်ပုံ ရိုက်သွားတဲ့ နေရာမှာဘဲ အခု ၀န်ကြီးချုပ် ဒေးဗစ်ကင်မရွန်းနဲ့ ဓာတ်ပုံရိုက်နေချိန်မှာတော့ မိုးတွေက ရွာနေပါတယ်။ ဒါ ဗြိတိန် ရာသီဥတုပါဘဲ။
Photo..Flickr
၂ဝ၁၂ ခုနှစ်၊ မေလ (၁) ရက်နေ့မှ ယနေ့ ဇွန်လ (၁၉) ရက်နေ့အထိ ကျွန်တော်ကျော်သူနှင့် ဇနီးဖြစ်သူ
ရွှေဇီးကွက်တို့ သည် အမေရိကန်နိုင်ငံရောက် မြန်မာ့ဂုဏ်သိက္ခာကို မြှင့်တင်ပေးသော၊ မြန်မာ့လူမှုရေး သမားများကို ဂုဏ်မြှင့်ပေးသော၊ မြန်မာကို ကမ္ဘာကသိရှိအောင် ကြိုးစားမြှင့်တင်ပေးနေသော မြန်မာပြည်သူ လူထုတို့နှင့် ဖွဲ့စည်းထားသော “ပြည်သူ့ဂုဏ်ရည်” အဖွဲ့၏ ဖိတ်ကြားချက်အရ ရောက်ရှိနေဆဲဖြစ်သည်။
၂ဝ၁၂ ခုနှစ်၊ မေလ (၁) ရက်နေ့မှ အမေရိကန်နိုင်ငံရှိ Los Angeles သို့ ရောက်ရှိခဲ့ကာ ပြည်သူ့ဂုဏ်ရည် အဖွဲ့ ၏ အတွင်းရေးမှူးဖြစ်သူ ကိုကျော်ဝဏ္ဏနှင့် ဇနီးဖြစ်သူ မမိုးချိုသင်း (ကဗျာဆရာကြီး တင်မိုး၏သမီး)တို့ ၏ နေအိမ်မှ အစပြုကာ San Francisco, Seattle, New York, Washington D.C, Albany, Utica, Buffalo, Florida , Phoenix အစရှိသည့် မြို့များသို့ လေယာဉ်ဖြင့်တစ်မျိုး၊ ကားနှင့်တစ်ဖုံ အဆက်မပြတ် သွားလာခဲ့ပြီး ပြည်သူ့ဂုဏ်ရည်အဖွဲ့ မြန်မာပြည်သူလူထုတို့နှင့် လက်ပွန်း တစ်သီးတွေ့ဆုံ၍ မြန်မာပြည်တွင်းရှိ နာရေးကူညီမှုအသင်း(ရန်ကုန်)၏ လူမှုရေးလုပ်ဆောင်ချက်များ ဖြစ်သော နာရေးကူညီမှု လုပ်ငန်းများ၊ သုခကုသိုလ်ဖြစ်ဆေးခန်း၏ အများပြည်သူတို့ကို (အခမဲ့) ဆေးဝါး ကုသပေးမှုများ၊ သုခအလင်း ပညာဒါနလုပ်ဆောင်မှုများ၊ ရေဘေး၊ မီးဘေး၊ သဘာဝဘေးအန္တရာယ်တို့ကို ကူညီထောက်ပံ့ ပေးမှုများ၊ စစ်ဘေးဒုက္ခသည်များအား ကူညီဖေးမပံ့ပိုးမှုများ၊ အလုပ်အကိုင်ရှာဖွေနိုင်ရန် အတွက် ပညာဒါန ပြုလုပ်ပေးမှုများ၊ အရေးပေါ်ကယ်ဆယ်မှုလုပ်ငန်းများ စသည်တို့ကို ရှင်းလင်းဟောပြော ပေးခြင်း၊ ရင်းနှီးစွာ ပြည်ပရှိ မြန်မာပြည်သူတို့နှင့် အမေးအဖြေကဏ္ဍများ လုပ်ဆောင်ပေးခြင်း၊ နာရေးကူညီ မှုအသင်း(ရန်ကုန်) ၏ ပေးဆပ်မှုပုံရိပ်များကို Photo Slideshow ပြုလုပ်၍ ပြသရှင်းလင်းခြင်းများအပြင် ဇနီးဖြစ်သူ ရွှေဇီးကွက် ၏ လူမှုရေးသမားများ၏စိတ်ဓါတ်၊ ခံယူချက်တို့ကို “ဗုဒ္ဓဓမ္မနှင့် ပရဟိတ” ခေါင်းစဉ် ဖြင့် အတွေ့အကြုံ များကို ရှင်းလင်းပြောကြားမှုများတို့ကို ပြုလုပ်ပေးခဲ့သည်။
ပြည်ပ အမေရိကန်နိုင်ငံရှိ မြန်မာပြည်သူလူထုတို့သည် ကျေနပ်အားရစွာဖြင့် သဒ္ဓါတရားထက်သန် စွာ လှူဒါန်းမှုများကို တက်ကြွစွာ ဖြင့်မိမိတို့၏ ချွေးနည်းစာထဲမှ လှူဒါန်းခြင်းကို တွေ့မြင် ခံစားခဲ့ရ၍ သာဓု … သာဓု … သာဓု ဟူ၍ ခေါ်ဆိုမိပါသည်။
အမှန်စင်စစ်မူ … ပြည်တွင်းတွင် ဆင်းရဲဒုက္ခရောက်ရှိနေကြသော မြန်မာပြည်သူတို့အား ကူညီပံ့ပိုး မှုများ ပြုလုပ်ပေးရန် လှူဒါန်းကြသော ပြည်ပရှိ မြန်မာပြည်သူလူထုတို့သည်လည်း ချမ်းသာကြွယ်ဝကြ သော မီလျှံနာ သူဋ္ဌေးကြီးများ မဟုတ်ပါ။ သူတို့သည်လည်း မိကွဲ၊ ဖကွဲ၊ သားသမီးတစ်ကွဲနှင့် ပြည်ပ နိုင်ငံသို့ ပင်ပန်းဆင်းရဲဒုက္ခခံကာ စွန့်လွှတ်စွန့်စားမှုပေါင်းမျိုးစုံနှင့် အကြောင်းအမျိုးမျိုးနှင့် ရောက်ရှိလာကြ သော လူသားများပင်ဖြစ်သည်။ ပြည်တွင်းတွင်ဘဲနေနေ၊ ပြည်ပတွင်ဘဲနေနေ .. အားလုံး အားလုံးတို့သည် လူသားများပင်ဖြစ်တော့သည်။ ထို့ကြောင့် လူသားပီသစွာ လူသားချင်းစာနာစိတ်ဖြင့် မေတ္တာ၊ ဂရုဏာ၊ မုဒိတာ၊ ဥပေက္ခာ ဟူသော ဗြဟ္မစိုရ်တရားလေးပါး လက်ကိုင်ပြုကြကာ မိမိထက် နိမ့်ကျနေကြသော သူများအား တတ်နိုင်သလောက်၊ တတ်စွမ်းသလောက် လှူဒါန်းကူညီထောက်ပံ့ကြသော ကုသိုလ်ရှင်များ ပင်ဖြစ်သည်။
ဤတွင် မြန်မာပြည်သူလူထုတို့သည် ဗုဒ္ဓ၏ ဆုံးမသြဝါဒအတိုင်း ကုသိုလ်ရှင်၊ ပါရမီရှင်၊ ဒါနရှင်များ ဖြစ်ကြရန် ကြိုးကုပ်အားထုတ်မှုများသည် အတိုင်းထက်လွန်နေသည်ကို ကျွန်တော်မြင်တွေ့မိတော့သည်။
အကြောင်းမှာ . . . ပြည်တွင်းရှိ မြန်မာပြည်သူလူထုများ၊ အမေရိကန်ပြည်ထောင်စုရှိ မြန်မာပြည်သူလူထုများ၊ အခြား ပြည်ပ နိုင်ငံများရှိ မြန်မာပြည်သူများ၊ အများစုတို့သည် မည်သည့်လုပ်ငန်း ကိုဘဲလုပ်လုပ် အပြိုင်အဆိုင် အနိုင်မခံ အရှုံးမပေး လုပ်ဆောင်ကြသည်ကို တွေ့မြင်ရသည်။ အများ ကောင်းကျိုး လူမှုရေးလုပ်ငန်းအတွက် လုပ်ဆောင်ကြရာတွင် သူ့ထက်ငါပေးဆပ်မှုများကို လုပ်ဆောင်ခြင်း ကိုကား မဆိုချင်ပါ။ အများကောင်းကျိုးအတွက် လူမှုရေးလုပ်ငန်းများ အပြိုင်အဆိုင်ပေးဆပ်နိုင်လျှင် အများအကျိုးခံစားရမည် မဟုတ်ပါလား။ သို့ရာတွင် ထိုသို့ပြိုင်ကြ၊ ဆိုင်ကြရာတွင် တစ်ဖွဲ့ နှင့်တစ်ဖွဲ့ ၊ တစ်သင်းနှင့်တစ်သင်း၊ တစ်ကျောင်းနှင့်တစ်ကျောင်း၊ တစ်အုပ်စုနှင့်တစ်အုပ်စု ပုဂ္ဂိုလ်ရေး ပုတ်ခတ်မှုများ၊ ဂုဏ်သိက္ခာချမှုများနှင့် မပြိုင်စေလိုပေ။ မိမိတို့၏ဖြူစင်သော ပေးဆပ်မှုလုပ်အား၊ မိမိတို့၏ဖြူစင်သော စေတနာတို့နှင့်သာ မှတ်တိုင်ထူကြဖို့ အရေးကြီးလှသည်။ မှတ်တိုင်ထူရာတွင် ကောင်းသောမှတ်တိုင်ဖြစ်ဖို့ အဓိကပင် ဖြစ်သည်။
ကောင်းသောမှတ်တိုင်ဟု ဆိုရာတွင်လည်း ဘုရားကြိုက်သော ဓမ္မမှတ်ိုင်ဖြစ်ဖို့လိုသည်။
ကျွန်တော်တို့၏ အမေရိကန်လူမှုရေးခရီးစဉ်တွင် လူမျိုးပေါင်းစုံတို့နှင့် တွေ့ဆုံခဲ့ရသည်။ အားလုံး တို့သည် စေတနာထက်သန်မှု၊ ဒါနထက်သန်မှု စသည့်မြန်မာပီသမှုများကို တွေ့မြင်ခဲ့ရသည်။ သို့သော် . . . ကျွန်တော် အထက်တွင် ဖော်ပြရေးသားခဲ့သော သူ့ထက်ငါ အလုအယက် ပေးဆပ်လိုမှုများကို မြင်တွေ့ မိရသည့်အခါများကို ကြုံတွေ့ရခဲ့သည်များလည်းရှိသည်။ သူ့အဖွဲ့၊ ငါ့အဖွဲ့၊ သူ့အုပ်စု၊ ငါ့အုပ်စု၊ သူ့ကျောင်း ငါ့ကျောင်းစသည့် “ငါ” မပြုတ်မှုများကို မြင်တွေ့ရသော် များစွာစိုးရိမ်မိခဲ့ရသည်များလည်း ရှိခဲ့ရသည်။ စစ်မှန်သောချမ်းသာမှု၊ ငြိမ်းချမ်းမှုကို လိုချင်ပါက “ငါ” ဟူသော “အတ္တ” ကို ဖြုတ်ရမည် မဟုတ်ပါလား။
အထူးသဖြင့် မိမိကိုယ်ကို လူမှုရေးသမားဟု အမည်ခံထားသော လူမှုရေးအသင်းအဖွဲ့ လုပ်ကိုင် နေကြသော လူမှုရေးသမားတစ်ယောက်အနေဖြင့် … နာမည်ကြီးအောင် လုပ်ယူလို့မရ၊ စီးပွားဖြစ်အောင် လုပ်လို့မရ၊ ဂုဏ်သိက္ခာတတ်အောင် လုပ်ယူ၍မရ၊ လူမှုရေးကို ခုတုံးလုပ်ကာ ကိုယ်ကျိုးရှာ၍ မရကြောင်း သိရှိထားဖို့လိုသည်။ မိမိ၏ ဖြူစင်သော စေတနာ၊ မေတ္တာ၊ မုဒိတာ၊ ကိုယ်ကျင့်သိက္ခာ စသည်တို့နှင့်သာ သက်ဆိုင်သည်။ လူမှုရေးဟုဆိုရာ၌ တစ်နိုင်တစ်ပိုင် မိမိနိုင်သလောက်ဝန်၊ မိမိထမ်းနိုင်သော အင်အား တို့နှင့် စုစည်းပေးဆပ်ကြဖို့သာ လိုအပ်သည်။ လူတစ်ဦးချင်းမှ အစုအဖွဲ့လေးများ၊ အစုအဖွဲ့လေးများမှ အုပ်စုကြီးများ ဝိုင်းဝန်းကူညီပေးဆပ်ကြပါမှ လူ့လောကကြီး သာယာစိုပြေ ငြိမ်းချမ်းစေမည်ဖြစ်သည်။ ဝိုင်းဝန်းကူညီတွန်းအားပေးကြသော်ငြားမိမိတို့ ရဲ့ ဦးတည်ချက်၊ရည်ရွယ်ချက်များတူညီမှုများ ကိုက်ညီမှု၊ ထပ်တူကြဖို့ လိုအပ်သည်.။
ဝိုင်းဝန်းကူညီတွန်းအားပေးကြသောမိမိတို့ ရဲ့ ဦးတည်ချက်၊ရည်ရွယ်ချက်မျာ;့ သည်လည်း တူညီမှုများ ကိုက်ညီမှု များမရှိပါကမိမိတို့ ဧ။်မှတ်တိုင်၊ပန်းတိုင်သို့ ရောက်မည်မဟုတ်ပေ။
တစ်ခါတစ်ရံ … မည်သည့် ပညာရှိကြီးကဘဲဖြစ်ဖြစ်၊ မည်သည့် တရားဟောဆရာကဘဲဖြစ်ဖြစ်၊ မည်သည့် ဂုဏ်သိက္ခာမြင့်မားသော ပုဂ္ဂိုလ်ကြီးကဘဲဖြစ်ဖြစ် ဆိုဆုံးမ၍မရသော ကိစ္စရပ်များကို မထင်မှတ်သော ကလေးငယ်လေး၏ လုပ်ဆောင်မှုလေးတစ်ခုဖြင့် အားလုံးသော “ငါ” မဖြုတ်နိုင်ကြသေးသော၊ ကိုယ်ကျိုး ဖက်နေကြသော လူ့ဗာလများအတွက် “ငါ” ပြုတ်သွားကြကာအများအကျိုးဆောင်ရွက်လိုစိတ် မွေးဖွားစေ ခဲ့သော လူ့ပဏ္ဏိတဖြစ်သွားကြသော ဖြစ်ရပ်များလည်း ကြုံတွေ့စေခဲ့ရသည်။
ဤဖြစ်ရပ်သည်ကား အမေရိကန်နိုင်ငံ Albany မြို့ ပြည်သူ့ဂုဏ်ရည်အဖွဲ့နှင့် ပြည်ပရှိ မြန်မာ ပြည်သူလူထု တို့ အား ကျွန်တော်နှင့် ကျွန်တော့်ဇနီးတို့ တွေ့ဆုံခဲ့သည့် ပွဲတွင်ဖြစ်တော့သည်။
၂ဝ၁၂ ခုနှစ် မတိုင်မှီကတည်းက ပြည်ပနိုင်ငံတစ်ချို့တွင် မြန်မာပြည်သူလူထုတို့၏ စေတနာ အရင်းခံ၍ ဖြစ်တည်လိုမှုများကြောင့် မြန်မာအသင်းအဖွဲ့များ၊ မြန်မာပြည်သူတို့၏ လွန်ကဲသော ယှဉ်ပြိုင်လိုမှုများဖြင့် ဖက်ပေါင်းစုံမှ စွဲခွာ၊ လှုပ်ယမ်း၊ လွန်ဆွဲမှုတွန်းအားများကြောင့် ပြိုလဲရတော့မည့် ဘာသာရေးအခြေခံသော လူမှုရေးတည်းဟူသော ကျောက်တိုင်ကြီး ပြိုလဲရတော့မလို ဖြစ်နေချိန်တွင် ၂၆.၆.၂ဝ၁၂ ရက်နေ့ အမေရိကန်နိုင်ငံရှိ Albany မြို့ တွင် ပြည်သူ့ဂုဏ်ရည်အဖွဲ့၏ မြန်မာပြည်သူတို့နှင့်ရင်းနှီးစွာ တွေ့ဆုံစည်းလုံးစေမည့် အခမ်းအနားကို ကျင်းပခဲ့သည်။ ထိုအချိန်ပြည်ပတွင် “ငါ” ဟူသော အတ္တကို လက်ကိုင်ပြု၍ ဟိုလူလာရင် ငါမလာဘူး။ ဟိုအဖွဲ့လာရင် ဒီအဖွဲ့မလာဘူး စသည့် စကားသံများနှင့် ရင်ဆိုင်ကြုံတွေ့နေရချိန်လည်းဖြစ်သည်။ ပွဲစလျှင်စချင်း ပြည်သူ့ဂုဏ်ရည်အဖွဲ့မှတာဝန်ခံမှ အဖွဲ့ ၏ ရည်ရွယ် ချက်၊ လုပ်ငန်းစဉ်များကို ရှင်းလင်းပြောကြားပြီးနောက်၊ ရွှေဇီးကွက်၏ ဗုဒ္ဓဓမ္မနှင့် ပရဟိတ ခေါင်းစဉ်ဖြင့် ပရဟိတလုပ်ငန်းများ၊ ကျွန်တော်၏ နာရေးကူညီမှုအသင်း(ရန်ကုန်)၏ ပေးဆပ်မှုများ ရှင်းလင်းချက်များ စသည်တို့ကို နာရီအားဖြင့် (၃း၃ဝ) ခန့် ပြောကြားပြသခဲ့ပြီးအချိန်တွင် Albany မြို့ရှိ မြန်မာပြည်သူ၊ မိဘ ပြည်သူအပေါင်းမှ သဒ္ဓါတရားထက်သန်စွာ လှူဒါန်းမှုများပြုလုပ်နေစဉ် အသက်အားဖြင့် (၁၃)နှစ်ခန့်ရှိသော ကလေး သူငယ်တစ်ယောက်သည် ကျွန်တော်တို့ထံ ရောက်ရှိလာကာ “သားလည်းလှူချင်တယ်” ဟုဆိုကာ ကလေးငယ်က သူ၏လည်ပင်းတွင် ချိတ်ဆွဲထားသော ရွှေဆွဲကြိုးအားဖြုတ်ပြီး လှူဒါန်းမှုကို ပြုလုပ်ခဲ့ရာ ပွဲခင်းတစ်ခုလုံးမှ လူကြီးများနှင့် ကျွန်တော်တို့ဇနီးမောင်နှံပါ အံ့သြဝမ်းသာ ကြက်သီးမွှေးများ ထလောက် အောင် ပီတိများ လွှမ်းခြုံကာ သာဓု အကြိမ်ကြိမ် ခေါ်ဆိုလိုက်မိတော့သည်။
ထိုဖြစ်ရပ်သည် အချို့ သောလူကြီးများတွင်အရိုးစွဲနေသော“ငါ” ဟူသော “အတ္တ” လက်ကိုင်တုတ်ကို ရိုက်ချိုးခဲ့ခြင်းဖြစ်တော့သည်။ ထိုကလေးငယ်သည် အကြောင်းအမျိုးမျိုးနှင့် ဒုက္ခပင်လယ်ကြီးထဲမှ ပြည်ပနိုင်ငံသို့ ရောက်ရှိလာခဲ့သော မြန်မာပြည်ဖွား ကရင်လူမျိုးတစ်ဦးပင် ဖြစ်တော့သည်။ ငယ်စဉ်ကတည်းက မိဘဘွားဘွားတို့၏ ချွေးနည်း စာဖြင့် ရှာဖွေစုဆောင်းဝယ်ယူထားသော ရွှေဆွဲကြိုးလေးအား မိမိတို့၏ ရင်သွေးငယ်ကို မြတ်မြတ်နိုးနိုး မှတ်မှတ်ရရ တန်ဖိုးထားကာ ဆွဲချိတ်ပေးထားခြင်းပင်ဖြစ်သည်။ ထိုသို့လှူဒါန်းမှုပြုရန် ကလေးငယ်သည် ဝမ်းနည်းခြင်းမရှိ၊ နုမြောတသခြင်းမရှိ၊ ကြည်နူးပြုံးရွှင်စွာဖြင့် ကြေကြေနပ်နပ်ကြီး လှူဒါန်းခြင်းပင်ဖြစ်သည်။ သူ၏အနီးတွင် ရှိသော ကလေးငယ်၏ မိခင်ဖြစ်သူ မျက်နှာသည်လည်း ကြည်နူးမှုပီတိများ လွှမ်းခြုံနေသည်ကို သတိထား မိတော့သည်။ထိုဖြစ်ရပ်ကား ကြည်လင်အေးမြသော “သာဓု” သံတို့ လွှမ်းခြုံသွားသည့် ပြည်သူ့ဂုဏ်ရည်အဖွဲ့၏ တွေ့ဆုံပွဲ တစ်ခုပင်ဖြစ်တော့သည်။
ထို့ကြောင့် “ဘယ်ဖက်လက်က လှူတာကို ညာဖက်လက် မသိစေနဲ့” ဟူသော စကားအတိုင်း ကျွန်တော်တို့ မြန်မာပြည်သူတို့၏ အရိုးစွဲနေသော ကဗ္ဗည်းထိုးလိုသည့် အယူစွဲများ၊ အများအကျိုး ထမ်းရွက်ကြရာတွင် “ငါ” မဖြုတ်နိုင်သည့် လူ့အတ္တများ၊ လူ့ဗာလများ၊ ငါ့ကျောင်း၊ ငါ့အဖွဲ့များကို “ငါ” အမြန် ဆုံးဖြုတ်နိုင်ကြပြီး နောက်လူသားချင်းစာနာစိတ် မွေးဖွားကြကာ သာယာချမ်းမြေ့သော ငြိမ်းချမ်းသော ဓမ္မမှတ်တိုင်များ ထူနိုင် ကြပါစေဟု တိုက်တွန်းလိုက်ရပါတော့သည်။
ဤအကြောင်းအရာအား ၁၉.၆.၂ဝ၁၂ ရက်နေ့တွင် ကျွန်တော်တို့၏ ပြည်ပ အမေရိကန် လူမှုရေး ခရီးစဉ်ရပ်နားခဲ့ပြီးနောက် မြန်မာပြည်သို့ပြန်ရန် Los Angeles မြို့ ကိုကျော်ဝဏ္ဏ၊ မမိုးချိုသင်းတို့ နေအိမ် တွင် နားနေချိန်၌ ကျွန်တော်၏ နှလုံးသားထဲတွင် ပေါ်ပေါက်လာမှုတို့အား ရင်ဖွင့်ရေးသားခဲ့ခြင်း ဖြစ်ပေသည်။
မည်သူတစ်ဦးတစ်ယောက်၊ မည်သည့်အသင်းအဖွဲ့၊ မည်သည့်ကျောင်းကိုမျှ မရည်ရွယ်ပါကြောင်း နှင့် လူဟူသော လူသားတို့တွင် ဖြစ်ပေါ်တတ်သော ဓမ္မနှင့်အဓမ္မ လွန်ဆွဲမှုများအား ရုန်းကန်လွတ်မြောက် စေလိုသော၊ ဖြူစင်သောစိတ်ဆန္ဒဖြင့် အဖြူထည်သက်သက် အတွေးဖြင့်ရေးသားခြင်းသာ ဖြစ်ပါကြောင်းနှင့် တေးရေး/ဆို ကိုရဲလွင်၏ “အတ္တဖြုတ်ကြ” သီချင်းခေါင်းစဉ်အား ခွင့်မတောင်းဘဲ သုံးခဲ့ခြင်းကို ဝန်ခံရပါ တော့သည်။
(ကျော်သူ)
လွှတ်တော်ဥက္ကဌ၊ ၀န်ကြီးချုပ်၊ အထက်လွှတ်တော်နဲ့ အောက်လွှတ်တော် အမတ်များရှင့် -
ခမ်းနားတင့်တယ်တဲ့ ဒီခန်းမကြီးမှာ စကားပြောဖို့ ဖိတ်ခေါ်ခဲ့တဲ့ အတွက် ကျေးဇူးတင်ပါတယ်။ ဒီဂုဏ်ပြုမှုရဲ့ ထူးခြားတဲ့ သဘောသဘာဝကိုလည်း ကျမ သတိပြုမိပါတယ်။ ဒီနေရာမှာ စကားပြောဖို့ ခွင့်ပြုသင့်သလား ဒါမှမဟုတ် ဒီအဆောက်အအုံထဲက တခြားတနေရာမှာဘဲ ပြောခွင့်ပေးမလား ဆိုတာတောင် အစောပိုင်းက အငြင်းအခုံဖြစ်ခဲ့တာကိုလည်း သိရှိခဲ့ပါတယ်။ ဒီလိုအခြေအတင် ဆွေးနွေးတာတွေဟာ ကောင်းပါတယ်။ ဒါဟာ ပါလီမန် လွှတ်တော်ရဲ့ အလုပ်ပါဘဲ။
ကျမ အခုဘဲ ဒေါင်းနင်းလမ်းက လာခဲ့တာပါ။ ကျမအတွက် တစိမ်းနေရာတော့ မဟုတ်ပါဘူး။ တီဗွီမှာတင် မကဘဲ ကျမ ဖခင် ဦးအောင်ဆန်း ၁၉၄၇ ခုနှစ်မှာ လုပ်ကြံသတ်ဖြတ် မခံရခင် ၀န်ကြီးချုပ် အက်တလီနဲ့ အတူ လွတ်လပ်ရေး ကိစ္စဆွေးနွေးအပြီး ဒေါင်းနင်း လမ်းရှေ့မှာ ရိုက်ကူးထားခဲ့တဲ့ ဓာတ်ပုံဟာ ထင်ရှားပါတယ်။ ဓာတ်ပုံထဲမှာ သူဟာ ဗြိတိသျှစစ်သုံး ကုတ်အကျီ င်္ရှည်ကို ၀တ်ထားပါတယ်။ သူ မကြုံဖူးတဲ့ အအေးဒဏ်ကို ခံနိုင်အောင် ဗြိတိန် အလာလမ်းမှာ အိန္ဒိယ ခေါင်းဆောင် ဂျဟာဝါလာနေရူးက ပေးလိုက်တာပါ။ ကျမလည်း အပူပိုင်း နိုင်ငံမှာ ၂၄ နှစ်လုံးလုံး နေခဲ့ပြီးတဲ့နောက် ဒီဘက်ကို အလာမှာ အဲလို ကုတ်အကျီ င်္ကိုများ လိုမလားလို့တောင် တွေးခဲ့တာမျိုး ရှိခဲ့ပါတယ်။ ပြီးခဲ့တဲ့ နာရီပိုင်းကတော့ ကျမ အဖေ ဓာတ်ပုံ ရိုက်သွားတဲ့ နေရာမှာဘဲ အခု ၀န်ကြီးချုပ် ဒေးဗစ်ကင်မရွန်းနဲ့ ဓာတ်ပုံရိုက်နေချိန်မှာတော့ မိုးတွေက ရွာနေပါတယ်။ ဒါ ဗြိတိန် ရာသီဥတုပါဘဲ။
ဒုတိယ ကမ္ဘာစစ် အတွင်းက ကျမ ဖခင်ဟာ ဗမာ့လွတ်လပ်ရေး တပ်မတော်ကို တည်ထောင်ခဲ့တာပါ။ လွတ်လပ်တဲ့ မြန်မာနိုင်ငံမှာ ဒီမိုကရေစီ တည်ထောင်ချင်လို့ ဒီတာဝန်ကို သူယူခဲ့တာပါ။ လွတ်လပ်တဲ့ နိုင်ငံတခုနဲ့ ထိုက်တန်တဲ့ နိုင်ငံရေး စနစ်ဟာ ဒီမိုကရေစီ စနစ်သာ ဖြစ်တယ်လို့ သူယုံကြည်ခဲ့ပါတယ်။ ကျမလည်း ဒါကို ယုံကြည်လက်ခံပါတယ်။ ဗြိတိသျှ မဟာမိတ်တပ်ဖွဲ့တွေရဲ့ ဗိုလ်ချုပ်ကြီး ဆလင်းက သူ့ရဲ့ ကိုယ်ရေးမှတ်တမ်းမှာ ကျမဖခင်နဲ့ ပထမဆုံး တွေ့ဆုံပုံ အကြောင်း ရေးထားတာ ရှိပါတယ်။ ဒုတိယ ကမ္ဘာစစ် ပြီးခါနီး ဗမာ့လွတ်လပ်ရေး တပ်မတော်က မဟာမိတ်တွေနဲ့ လက်တွဲဖို့ ဆုံးဖြတ်ပြီး ဗိုလ်ချုပ်အောင်ဆန်းက ဗိုလ်ချုပ်ကြီး ဆလင်းနဲ့ သွားတွေ့တဲ့ အခါမှာ ဗိုလ်ချုပ်ကြီးဆလင်းက ငါတို့ စစ်နိုင်နေလို့ လာပေါင်းတာ မဟုတ်လားလို့ ပြောတဲ့အခါ ကျမ အဖေက ခင်ဗျားတို့ စစ်မနိုင်ရင် လာပေါင်းလို့ ဘာအကျိုးရှိမှာလဲလို့ ပြန်ပြောခဲ့တယ်လို့ သူက ရေးထားပါတယ်။
ကျမ အဖေကို လက်တွေ့သမားလို့ ဗိုလ်ချုပ်ကြီး ဆလင်းက ယုံကြည်ပြီး လက်တွဲလုပ်နိုင်မယ့်သူလို့ မှတ်တမ်းတင်ထားပါတယ်။ အခု အနှစ် ၆၀ ကျော်လာတဲ့ အခါမှာ ကျမလည်း ဖခင်ကြီးလို လက်တွေ့ကျကျ လုပ်နိုင်အောင် ကြိုးစားနေပါတယ်။ ဒါကြောင့်လည်း အခုလို လာရောက်ပြီး လက်တွေ့အကူအညီပေးဖို့ မိတ်ဆွေအနေနဲ့ ဒိုးတူပေါင်ဖက် လာရောက် ပြောကြားနေတာပါ။ အခွင့်အရေးတွေ နှစ်ပေါင်းများစွာ ဆုံးရှုံးနေတဲ့ မြန်မာပြည်သားတွေရဲ့ ဘ၀နဲ့ အခွင့်အလမ်းတွေ အတွက် ပြုပြင်ရေး လုပ်ငန်းတွေကို ကူညီထောက်ခံကြဖို့ ကျမပြောလိုပါတယ်။
ကောင်းမွန်တဲ့ အနာဂတ်ကို လျှောက်လှမ်းနိုင်ဖို့ ကျမတို့ တိုင်းပြည်ဟာ အခုမှ တာစူနေတုန်းပါ။ ကျော်ဖြတ်ရမယ့် တောင်ကုန်းတွေ ချောက်ကမ်းပါးတွေ အခက်အခဲတွေ အများကြီးရှိနေပါသေးတယ်။ ကျမတို့ ကြိုးစားလို့ အခုအခြေအနေထိ ရောက်လာတာပါ။ ဗြိတိန်နဲ့ ကမ္ဘာတ၀ှမ်းက ပြည်သူတွေ ၀ိုင်းကူရင် ဒီထက်ပိုပြီး ခရီးတွင်ပါလိမ့်မယ်။ ပြုပြင်ပြောင်းလဲရေး အကြောင်းဆိုတာဟာ အခု ဒီ ၀က်စ်မင်နင်စတာခန်းမကြီးမှာ ပြောရတာ အသင့်တော်ဆုံးပါဘဲ။ ကျမတို့ တိုင်းပြည်မှာ ပါလီမန် စနစ် ခိုင်မာရေးဟာ အဓိက အကျဆုံး ဖြစ်ပါတယ်။ ဗြိတိသျှ ပါလီမန်ဟာ ကမ္ဘာ့ အဖိနှိပ်ခံတွေရဲ့ လွတ်လပ်စွာ ပြောဆိုခွင့်နဲ့ ပတ်သက်ပြီး စံ ထားရမယ့် အကောင်းဆုံး သင်္ကေတပါဘဲ။ ဒီနိုင်ငံမှာ ဒီလွတ်လပ်ခွင့်တွေဟာ အလိုအလျောက်ရှိနေပြီးသားမို့ အမှုမဲ့ ဖြစ်နေတတ်ကြပါလိမ့်မယ်။ ကျမတို့ မြန်မာနိုင်ငံမှာတော့ ဒီလွတ်လပ်မှုတွေကို နှစ်ပေါင်းများစွာ အနစ်နာခံပြီး တိုက်ပွဲဝင်နေရတာပါ။ လူတွေ အများအပြား စွန့်လွှတ် ဆုံးရှုံးခဲ့ရတာတွေ ရှိပါတယ်။ အခုမှ ဒီစွန့်လွှတ်မှုတွေရဲ့ ရလဒ် အသီးအပွင့်ကို စပြီး မြင်တွေ့စ ရနေတာပါ။
ဥပဒေပြုတဲ့ ဖြစ်စဉ်မှာ ပြည့်သူ့ဆန္ဒကို အကောင်အထည်ဖော်ပေးရမှာ Wesrminster ဟာ ပြောင်မြောက်တဲ့ ဥပမာ ဖြစ်နေတာကြာပါပြီ။ မြန်မာ့ ပါလီမန်ကတော့ အခုမှ အစပဲ ရှိပါသေးတယ်။ ၂၀၁၁ မတ်လမှာ အသက်ဝင်တဲ့ ပါလီမန်ဖြစ်ပြီး ၄၉ နှစ်ကြာခဲ့တဲ့ စစ်အုပ်ချုပ်ရေး ဓလေ့ကို ကျော်လွှားနေရတဲ့ အတွက် မိမိဘာသာရပ်တည်ပြီး ပြောနိုင်ဆိုနိုင်ဖို့ အချိန်ယူရဦးမှာ ဖြစ်ပေမယ့် အရင်ရှိခဲ့တာထက် စာရင် ပိုပြီး ခိုင်မာတယ်လို့ပြောနိုင်ပါတယ်။ ဒါပေမယ့် သိသာမြင်သာမူ ရှိသင့်သလောက် မရှိသေးပါဘူး။
အခြေခိုင်ပြီးသား ပါလီမန် ဒီမိုကရေစီနိုင်ငံတွေကို လေ့လာလိုပါတယ်။ ဒါမှ အချိန်ရလာတဲ့ အခါ ကျမတို့ရဲ့ ဒီမိုကရေစီ ဓလေ့ဟာလည်း နက်ရှိုင်းလာမှာဖြစ်ပါတယ်။ ပါလီမန်စနစ်ကို ယုံကြည်မူ တည်ဆောက်တဲ့ ဖြစ်စဉ်ဟာ ပါလီမန်မကျင်းပမီ လွတ်လပ်ပြီး တရားမျှတတဲ့ ရွေးကောက်ပွဲမှာ ပြည်သူလူထု ပါဝင်လာဖို့ ဖြစ်ပါတယ်။ ဒီနှစ်အစောပိုင်းက ရွေးကောက်ပွဲမှာ ပထမဆုံးအကြိမ် ကျမ၀င်ရောက်ယှဉ်ပြိုင်ခဲ့ပါတယ်။
ဒါပေမယ့် ဒီကနေ့အထိ ဘယ်ရွေးကောက်ပွဲမှာမှ ကျမ လွတ်လွတ်လပ်လပ် မဲဆန္ဒ မပေးဖူးပါဘူး။ ၁၉၉၀ ရွေးကောက်ပွဲမှာ နေအိမ်အကျယ်ချုပ် ကနေ ကြိုတင်မဲပေးပါတယ်။ ၀င်ရောက် ယှဉ်ပြိုင်ခွင့်တော့ မရပါဘူး။ နိုင်ငံခြား အကူအညီယူတယ်။ ဘီဘီစီက ကျမဘက်က ပါတယ်လို့ အကြောင်းပြပြီး ရွေးကောက်ပွဲ ၀င်ခွင့်မပေးတာပါဘဲ။
လွန်ခဲ့တဲ့ ရွေးကောက်ပွဲ မတိုင်မီမှာ အသိသာဆုံး ကတော့ နိုင်ငံရေး ဖြစ်စဉ်မှာ ဘယ်လို ပါဝင်ရမယ် ဆိုတာကို မဲဆန္ဒနယ်မြေက ပြည်သူက သိရှိနေတာပဲဖြစ်ပါတယ်။ မဲပေးခွင့် ဆိုတာ လူတိုင်းကို ပေးတာမဟုတ်လို့ အခွင့်သာတုန်း ရယူရမယ်။ ဒီအခွင့်အရေး ဆုံးရူံးရင် ဘာဖြစ်မယ် ဆိုတာကို ပြည်သူတွေ သဘောပေါက် သွားကြတာဖြစ်ပါတယ်။
ကျမ ဗြိတိန်နိုင်ငံမှာ နေစဉ်ကလည်း မဲဆန္ဒပေးခွင့် တစ်ခါမှ မရှိခဲ့ပါဘူး။ တက္ကသိုလ် ကျောင်းသူဘ၀မှာတော့ မဲပေးခွင့် မရှိပေမယ့် မိတ်ဆွေသူငယ်ချင်းတွေကို မဲဆန္ဒ ပေးဖြစ်အောင် ပေးကြဖို့ ဆော်သြပါတယ်။ ကျမ တိုက်တွန်းသလို လုပ်မလုပ်တော့ ကျမ မသိပါဘူး။ ကိုယ်ရထားတဲ့ အခွင့်အရေးကို ကိုယ်က မလေးစားရင် ပျောက်ကွယ် သွားနိုင်ဖွယ်ရှိပါတယ်။ မိမိကိုယ်မိမိ နိုင်ငံရေးထက်မြင့်တယ်လို့ ထင်သူတွေကို ပြောချင်ပါတယ်။ နိုင်ငံရေးကို ကျမတို့ အပေါ်မှာရှိတယ် သို့မဟုတ် အောက်မှာ ရှိတယ်လို့ မမြင်သင့်ပါဘူး။ နိုင်ငံရေးဆိုတာ ကျမတို့ နေ့စဉ်ဘ၀ရဲ့ အစိတ်အပိုင်း တစ်ခုသာ ဖြစ်တယ်။ ကျမ အိမ်ထောင်သည် ဘ၀မှာလည်း လင်ယောင်္ကျားကို နိုင်ငံရေးမှာ ပါဝင်ဖို့ ပြောလေ့ရှိပါတယ်။ ကျမကောင်းကောင်း မှတ်မိနေတဲ့ ဖြစ်ရပ် တစ်ခုရှိပါတယ်။ ကျမတို့ Oxford အိမ်ကို မဲဆွယ်သူတွေလာ တံခါးခေါက်တော့ မိုက်ကယ်က တံခါးဖွင့်ပေးပြီး ငါ့ကို စည်းရုံးနေလို့ အပိုပဲ ငါဘယ်သူ့ကို မဲပေးရမယ်ဆိုတာ ငါ့မိန်းမက ဆုံးဖြတ်တာ သူအပြင်သွားနေတယ်။ နောက်မှ ပြန်လာပါလားလို့ ပြောလိုက်တယ်။ လင်ယောက်ျား မဲပေးဖို့ ဆုံးဖြတ်တဲ့ ဇနီးကို ကြည့်ချင်လို့ ထင်ပါရဲ့ မဲဆွယ်သူဟာ နောက်တစ်ခေါက် ပြန်လာပါသေးတယ်။
မြန်မာတပြည်လုံးမှာ ရွေးကောက်ပွဲ စည်းရုံးရေး ဆင်းခဲ့တာ အခုဆိုရင် ရက် ၁၀၀ တောင် မရှိသေးပါဘူး။ ဧပြီလ ၁ရက်နေ့မှာ ရွေးကောက်ပွဲ ကျင်းပတာမို့ April Fool ဆိုတာကို သတိထားမိပါတယ်။ ဒါပေမယ့် April of New Hope ဖြစ်နေပြီး မဲဆန္ဒပေးပွဲဟာ လွတ်လပ်ပြီး တရားမျှတတာ တွေ့ရပါတယ်။
သမ္မတ ဦးသိန်းစိန်ကို ချီးကျူးဂုဏ်ပြု လိုပါတယ်။ ကျမ အရင်တုန်းက ပြောခဲ့တဲ့အတိုင်း နိုင်ငံရေး ကွဲပြားခြားနားမူတွေကို တွေ့ဆုံဆွေးနွေးပြီး ပူးပေါင်း လုပ်ကိုင်ရင် ဖြေရှင်းနိုင်မှာ ဖြစ်ပါတယ်။ ဒီလိုဖြစ်နိုင်အောင် အခိုင်အမာတာဝန်ယူ လုပ်ဆောင်မှာ ဖြစ်ပါတယ်။
မြန်မာပြည်က ရွေးကောက်ပွဲဟာ ဗြိတိန်လို အခြေခိုင်ပြီးသား ဒီမိုကရေစီ နိုင်ငံတွေနဲ့ မတူပါဘူး။ မြန်မာပြည်မှာ လူငယ်တွေ ရွေးကောက်ပွဲတွေကို စိတ်ဝင်စားမူ နည်းပါးတဲ့ ပြသနာ မရှိပါဘူး။ လူငယ်တွေ အများအပြား ပါဝင်လာတာဟာ အားရကျေနပ်စရာ အကောင်းဆုံး ဖြစ်ပါတယ်။ ကလေးငယ်တွေ တက္ကသိုလ် ကျောင်းသားတွေနဲ့ မြို့လုံး လမ်းတလျှောက် ကြိုဆိုကြတဲ့ လူအုပ်ကြီးကို ထိန်းသိမ်းရတာဟာ တကယ့် စိန်ခေါ်မူကြီး ဖြစ်နေပါတယ်။ ရွေးကောက်ပွဲမတိုင်မီမှာ တောင်ကုန်းလေး တစ်ခုပေါ်မှာ အသက် ၁၀နှစ် ၁၁ နှစ် အရွယ် ကလေးတစ်စုနဲ့ သူတို့ခေါင်းဆောင်က NLD အလံထောင်ပြီး ကြိုဆိုနေတာတောင် တွေ့ခဲ့ရဖူးပါတယ်။ ကာလကြာရှည် ငြင်းပယ်ခံခဲ့ရတဲ့ အခွင့်အရေးတွေကို မဲဆန္ဒရှင်တွေက လိုချင်စိတ် ပြင်းထန်နေတာပဲ ဖြစ်ပါတယ်။
၁၉၄၈မှာ မြန်မာပြည် လွတ်လပ်ရေးရတော့ ဗြိတိန်မှာ ကျင့်သုံးတဲ့ စနစ်ကို အခြေခံတဲ့ ပါလီမန် စနစ်ကို ကျင့်သုံးတဲ့အတွက် မြန်မာလို ပါလီမန်ခေတ်လို့ ခေါ်ပါတယ်။ ကျမတို့ ပါလီမန်စနစ်ဟာ ၁၉၆၂ အထိ ခံခဲ့ပါတယ်။ အပြစ်ကင်းစင်တဲ့ စနစ်မဟုတ်ပေမယ့် တိုတောင်းလှတဲ့ လွတ်လပ်ရေးခေတ်မှာ အတိုးတက်ဆုံးနဲ့ အလားအလာ အရှိဆုံး ဖြစ်ပါတယ်။ အဲဒါကြောင့် မြန်မာကို အရှေ့တောင်အာရှမှာ အောင်မြင်မယ့် အလားအလာ အရှိဆုံး တိုင်းပြည်အဖြစ် သတ်မှတ်ခဲ့ကြပါတယ်။
ဒါပေမယ့် မျှော်မှန်းထားတိုင်း ဖြစ်မလာတတ်တာတွေဟာ မြန်မာနိုင်ငံတင် မက နေရာတိုင်းမှာ ရှိခဲ့ပါတယ်။ အခုတခါ စစ်မှန်တဲ့ ဒီမိုကရေစီ မြန်မာပြည်မှာ ပြန်လည် တည်ဆောက်နိုင်မယ့် အခွင့်အလမ်း ပေါ်လာပါပြီ။ ဒီအခွင့်အလမ်းကို အသုံးမပြုနိုင်ရင် ဒီလို အခွင့်အလမ်းမျိုး ပေါ်လာအောင် ဆယ်စုနှစ်နဲ့ချီပြီး စောင့်ရနိုင်ပါတယ်။
ဒါကြောင့်မို့ ကမ္ဘာ့ဝါအရင့်ဆုံး ပါလီမန်ဒီမိုကရေစီ ဖြစ်တဲ့ ဗြိတိန်နိုင်ငံ အနေနဲ့ ကျမတို့ နိုင်ငံရဲ့ ပါလီမန် ဒီမိုကရေစီထူထောင်ရေးမှာ စစ်မှန်တဲ့ လုပ်ငန်းဌာနတွေ ပေါ်လာရေး ကူညီပေးဖို့ အပြင် သမ္မတ ဦးသိန်းစိန် ဦးဆောင်လုပ်ကိုင်နေတဲ့ ပြုပြင်ရေးလုပ်ငန်းစဉ်တွေကို ကြိုဆိုဖို့ ပြောလိုပါတယ်။ ဒါပေမယ့် ပြုပြင်ရေးဟာ ပုဂ္ဂိုလ်မှာ အခြေခံတဲ့ ဖြစ်စဉ်မဟုတ်ပါဘူး။ ခိုင်မာတဲ့ လုပ်ငန်းအဖွဲ့အစည်းတွေ မရှိရင် ရေရှည်ခံမှာ မဟုတ်ပါဘူး။
ကျမတို့ လွှတ်တော်ဟာ ဒီမိုကရေစီ လုပ်ငန်းစဉ်နဲ့ ပတ်သတ်ပြီး အတော်လေ့လာဖို့ လိုပါသေးတယ်။ ဒီနေရာမှာ ဗြိတိန်က အကူအညီ ပေးနိုင်လိမ့်မယ်လို့ မျှော်လင့်ပါတယ်။ လွန်ခဲ့တဲ့လက မြန်မာ့လွှတ်တော်မှာ မိနစ်ပိုင်းလောက်နေပြီး ကျမ်းကျိမ်ဆိုပွဲမှာ ပါဝင်ခဲ့ပါတယ်။ ကျမ အမြင်တော့ သိပ်ပြီး အခမ်းအနား ဆန်လွန်းနေတယ် ထင်ပါတယ်။ သမားရိုးကျအတိုင်း လွှတ်တော်ကိုယ်စားလှယ် အမျိုးသားတွေဟာ ခေါင်းပေါင်းတွေ ပေါင်းကြရပါတယ်။ Westminster မှာလို ခွန်းကြီးခွန်းငယ်နဲ့ အဖြေရခက်တဲ့ အပြန်အလှန် မကြားရသေးပါဘူး။ နောက်ပိုင်းမှာတော့ ကျမတို့ လွှတ်တော်မှာလည်း ဗြိတိသျှ ပါလီမန်လို ၀န်ကြီးချုပ်နဲ့ တိုက်ရိုက် မေးမြန်းခန်း ဆိုတဲ့ အစီအစဉ်မျိုးတွေ ပေါ်လာမယ် ဆိုရင်တော့ ဒါဟာ ကျမတို့ရဲ့ ပါလီမန် ဒီမိုကရေစီ စနစ် အသက်ဝင်လာပြီလို့ ပြောရပါလိမ့်မယ်။
နိုင်ငံရဲ့ ဘဏ္ဍာရေး ဘတ်ဂျက်ကို ပါလီမန် လွှတ်တော်က ထိန်းချုပ်ရမယ်ဆိုတဲ့ အရေးအကြီးဆုံး လိုအပ်ချက်ကိုလည်း ကျမ ထောက်ပြလိုပါတယ်။ ဒါဟာ ဘာကို ညွှန်ပြသလဲ ဆိုတော့ ပြည်သူလူထုရဲ့ လုပ်ပိုင်ခွင့် ဆိုတဲ့ ဒီမိုကရေစီရဲ့ အဓိက အကျဆုံး အချက်ကို ဖော်ညွှန်းနေခြင်းပါဘဲ။ အခြေခံ ဥပဒေ တရပ်ဆိုတာ ထိထိရောက်ရောက် ရှိဖို့အတွက် အလုံးစုံ တသမတ်တည်း ရေးချထားဖို့ မလိုဘူး ဆိုတာကို ဗြိတိသျှ ပါလီမန် စနစ်က လက်တွေ့ သက်သေပြနေပါတယ်။ အခြေခံ ဥပဒေ ဆိုတာကို လူထုက လက်ခံဖို့ဘဲ လိုအပ်ပါတယ်။ သူတို့နဲ့ မဆိုင်ဘဲ သီးသန့် တည်ရှိနေတဲ့ ဥပဒေ စာရွက်စာတမ်းတွေ အဖြစ်မဟုတ်ဘဲ သူတို့ ကိုယ်တိုင် ပိုင်ဆိုင်တဲ့ အခြေခံ ဥပဒေ တခု အဖြစ် လက်ခံ ထားဖို့ ဆိုတာလည်း အရေးကြီးပါတယ်။ ကျမတို့ရဲ့ အမျိုးသား ဒီမိုကရေစီ အဖွဲ့ချုပ် အနေနဲ့ အခြေခံ ဥပဒေ ပြုပြင်ပြောင်းလဲရေးကို လိုလားကြောင်း အတိအကျ ဖော်ပြထားပြီးပါပြီ။ မြန်မာနိုင်ငံရဲ့ အရင်က ရှိခဲ့တဲ့ အခြေခံဥပဒေဟာ ကျမ အဖေ ဗိုလ်ချုပ်အောင်ဆန်းနဲ့ ဗြိတိသျှ ၀န်ကြီးချုပ် အက်တလီတို့ ၁၉၄၇ ခုနှစ် လန်ဒန်မှာ တွေ့ခဲ့အပြီး သိပ်မကြာခင်မှာဘဲ ရေးဆွဲခဲ့တာပါ။ အဲဒီ အခြေခံ ဥပဒေဟာ လုံးဝ ပြည့်စုံကောင်းမွန်တယ်လို့ မဆိုနိုင်ပေမယ့် လူထုရဲ့ လိုလားချက်တွေနဲ့ ဆန္ဒတွေကို လေးစားနားလည်မှုတွေ ပါရှိခဲ့ပါတယ်။ အခုလက်ရှိ မြန်မာနိုင်ငံရဲ့ အခြေခံ ဥပဒေကတော့ ၂၀၀၈ ခုနှစ်မှာ စစ်အစိုးရက ရေးဆွဲခဲ့တာပါ။ ဒီအခြေခံ ဥပဒေကို မြန်မာတိုင်းရင်းသား လူမျိုးစုတွေ အားလုံးရဲ့ အခြေခံ အခွင့်အရေးနဲ့ လိုလားချက်တွေ နဲ့ အညီ ထင်ဟပ်နိုင်ဖို့ ပြင်ဆင်ပြောင်းလဲဖို့ လိုအပ်ပါတယ်။
လွတ်လပ်ရေး ရပြီး နှစ်ပေါင်း ၆၀ အတွင်း မြန်မာနိုင်ငံမှာ တနိုင်ငံလုံး ငြိမ်းချမ်းနေတယ်ဆိုတဲ့ အချိန် မရှိခဲ့ပါဘူး။ အခုဆိုရင်ဘဲ နိုင်ငံမြောက်ပိုင်းမှာ ကချင်တပ်ဖွဲ့တွေနဲ့ တပ်မတော် အကြား တိုက်ပွဲတွေ ဆက်ဖြစ်နေပါတယ်။ နိုင်ငံ အနောက်ပိုင်းမှာ ဆိုရင်လည်း လူထုအတွင်း အဓိကရုဏ်တွေကြောင့် အပြစ်မဲ့ ပြည်သူတွေ သေကြေခဲ့ရတဲ့ အပြင် ထောင်သောင်းချီပြီး ရပ်ရွာစွန့် ထွက်ပြေးနေရတာတွေလည်း ရှိခဲ့ပါတယ်။ ဒီမိန့်ခွန်းကို ရေးနေတဲ့ အချိန်မှာဘဲ နိုင်ငံ အရှေ့ပိုင်းမှာ ရှမ်းတပ်ဖွဲ့ဝင်တွေနဲ့ မြန်မာ အစိုးရတပ်တွေ တိုက်ပွဲပြန်ဖြစ်နေပြန်ပြီ ဆိုတဲ့ သတင်းလည်း ကြားရပါတယ်။ ကျမတို့ အနေနဲ့ ဒီပြသနာတွေရဲ့ အရင်းအမြစ်ကို ရှာပြီး ဖြေရှင်းကြရမှာပါ။ နှစ်ဘက် ညှိနှိုင်းပြီး နိုင်ငံရေး အရ အဖြေရှာတဲ့ ဓလေ့ကို ထွန်းကားအောင် လုပ်ရပါလိမ့်မယ်။ မြန်မာပြည်မှာ နေထိုင်တဲ့သူတွေ အားလုံး လွတ်လပ်လုံခြုံစွာ နေခွင့်ရစေမယ့် ဥပဒေရဲ့ စိုးမိုးမှုဆိုတာကိုလည်း မြှင့်တင်ပေးကြရပါလိမ့်မယ်။
လတ်တလော အားဖြင့်တော့ ကျမတို့ အနေနဲ့ နိုင်ငံ မြောက်ပိုင်းနဲ့ အနောက်ပိုင်းက လူထု အတွက် လူသားချင်းစာနာတဲ့ ကူညီမှုတွေ လိုအပ်နေပါတယ်။ အဲဒီမှာ အမျိုးသမီးတွေ ကလေးငယ်တွေ အပါအ၀င် အိုးအိမ်စွန့်ခွာ ထွက်ပြေးနေရတာပါ။ မြန်မာနိုင်ငံရဲ့ အမျိုးသား ပြန်လည်သင့်မြတ်ရေး အတွက် နိုင်ငံရေးနည်းလမ်းကျ ဖြေရှင်းဖို့ အဓိက ဖြစ်တယ်ဆိုတာ နိုင်ငံတကာ အသိုင်းအ၀ိုင်း အနေနဲ့ သဘောပေါက်ပြီး ဒီလို နိုင်ငံရေးအရ ဖြေရှင်းမှုတွေ ဖြစ်လာဖို့ကို ရေတိုစီးပွားရေး လုပ်ငန်းတွေထက် ပိုပြီး ဦးစားပေး လာလိမ့်မယ်လို့လည်း မျှော်လင့်ပါတယ်။ ကွဲလွဲမှုတွေကို မစေ့စပ်ပေးနိုင်ရင် လိုလားမှုတွေကို မဖြည့်ဆည်းပေးနိုင်ရင် ရေရှည်တည်တံ့မယ့် ဖွံ့ဖြိုးမှု အတွက် အခြေခံ ကောင်းတွေ ဖြစ်မလာနိုင်ပါဘူး။ ဒါဟာ နိုင်ငံရေး၊ လူမှုရေး၊ စီးပွားရေး အားလုံးနဲ့ သက်ဆိုင်ပါတယ်။ ဗြိတိန်နိုင်ငံဟာ အခုလက်ရှိ ကွန်ဆာဗေးတစ်၊ လစ်ဘရယ်ဒီမိုကရက်၊ ညွှန့်ပေါင်းအစိုးရ အပါအ၀င် စဉ်ဆက် တလျှောက်လုံး မြန်မာနိုင်ငံကို အကူအညီတွေ ပေးလာခဲ့တာပါ။
ကျမတို့ နိုင်ငံအပေါ် လိုအပ်တဲ့ နေရာတွေကို အဓိက ပစ်မှတ်ထားပြီး အားလုံးနဲ့ ညှိနှိုင်းဆောင်ရွက်မယ့် ဖွံ့ဖြိုးရေး အကူအညီတွေ ဆက်ပေးသွားနိုင်လိမ့်မယ်လို့ မျှော်လင့်ပါတယ်။ လက်ရှိ အချိန်အထိ ဗြိတိန်နိုင်ငံဟာ မြန်မာနိုင်ငံကို အများဆုံး အကူအညီပေးနေခဲ့တာပါ။ အထူးသဖြင့် ပညာရေးပိုင်းမှာ ဗြိတိန်နိုင်ငံက အဓိက ကူညီပေးနိုင်လိမ့်မယ်လို့ မျှော်လင့်ပါတယ်။ မြန်မာပြည်သူတွေ အနေနဲ့ ဒီမိုကရေစီ ပြုပြင်ပြောင်းလဲရေးတွေဟာ သူတို့ရဲ့ ဘ၀မှာ ကောင်းကျိုးရလဒ် လက်ငင်းရနိုင်ပါတယ်ဆိုတဲ့ အမြင်မျိုး ရသွားဖို့ လိုပါတယ်။ လုပ်ငန်းခွင် သင်တန်းတွေ အပြင် မြန်မာလူငယ်တွေကြားထဲမှာ ရေရှည်ခံစားနေကြရတဲ့ အလုပ်လက်မဲ့ ပြသနာကို ဖြေရှင်းနိုင်ဖို့ အလုပ်ခွင်တွေ ဖန်တီးပေးနိုင်ဖို့လည်း အင်မတန် အရေးပါပါတယ်။ ရေရှည်အားဖြင့်ဆိုရင်တော့ မြန်မာ့ ပညာရေး စနစ်ဟာ အင်မတန် နိမ့်ကျနေတာမို့ ပြုပြင်ပြောင်းလဲရေးတွေ လိုအပ်နေပါတယ်။ ကျောင်းတွေ၊ သင်ရိုးညွှန်းတမ်းတွေ ပြုပြင်ရေး ဆရာဆရာမတွေ လေ့ကျင့်သင်ကြားရေး အပြင် လတ်တလောအားဖြင့် ပညာရေး စနစ်အပေါ် ထားရှိတဲ့ ကျဉ်းမြောင်းတဲ့ အယူအဆတွေကိုလည်း ပြုပြင်ရပါလိမ့်မယ်။
ဗြိတိန်နိုင်ငံရဲ့ စီးပွားရေးလုပ်ငန်းတွေကလည်း မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲရေးမှာ ကျမ အရင်က ပြောခဲ့ဖူးတဲ့ ဒီမိုကရေစီ နည်းလမ်းကျ ရင်းနှီးမြှုပ်နှံမှု ဆိုတာနဲ့ အညီ တတပ်တအား ကူညီပေးနိုင်လိမ့်မယ်လို့ မျှော်လင့်ပါတယ်။ ဒါဟာ ပွင့်လင်းမြင်သာမှု တာဝန်ခံမှု အလုပ်သမားအခွင့်အရေးနဲ့ သဘာဝပတ်ဝန်းကျင် ထိမ်းသိန်းရေးတွေကို ဦးစားပေးမှု စတာတွေနဲ့ ညီတဲ့ ရင်းနှီးမြှုပ်နှံမှုတွေကို ဆိုလိုတာပါ။ လုပ်အားကို အခြေခံတဲ့ ကဏ္ဍတွေမှာ တာဝန်သိသိနဲ့ ၀င်ပြီးရင်းနှီးမြှုပ်နှံခဲ့ရင် ကျမတို့ ပြည်သူ အားလုံးအတွက် တကယ့် အကျိုးအမြတ်တွေကို ဖော်ဆောင်နိုင်ပါလိမ့်မယ်။
ဗြိတိန်နိုင်ငံဟာ ဒီလုပ်ငန်းကဏ္ဍတွေမှာ ပွင့်လင်းမြင်သာမှုတွေကို ဆန်းစစ်လေ့လာရေး အဖွဲ့တခု မြန်မာနိုင်ငံကို ရှေ့လအတွင်း စေလွှတ်ဖို့ အဓိက လုပ်ဆောင်ပေးနေတာ တွေ့ရတယ်။ ဒါဟာ ရှေ့လာမယ့် ကာလတွေ အတွင်း ကောင်းသော ခြေလှမ်းတွေရဲ့ အစလို့ ကျမ မြင်ပါတယ်။
အောက်စဖို့ဒ်မှာ ပညာသင်ခဲ့စဉ်က ဗြိတိန်နိုင်ငံရေးသမာကြီး နှစ်ဦးရဲ့ အတွေးအခေါ်တွေက တဆင့် ပါလီမန်ဒီမိုကရေစီ ဆိုတဲ့ အကြောင်း ကျမ ပထမဆုံး နားလည်ခဲ့ရပါတယ်။ မဲဆန္ဒရှင်တွေရဲ့ ဆုံးဖြတ်ချက် အရ အုပ်ချုပ်သူတွေဟာ အာဏာကို ရယူရမယ်၊ စွန့်လွှတ်ရမယ်ဆိုတဲ့ အခြေခံအချက် ဖြစ်ပါတယ်။ ဒီစနစ်အတိုင်း ရှေ့ဆက်သွားနေမယ်ဆိုရင် အချိန်နဲ့အမျှ အားလုံး အတွက် အခွင့်အရေးတွေ မလွဲမသွေ ရကြရမှာပါ။ ဒီအခွင့်အလမ်းတွေကို ဗြိတိန်မှာတော့ အားလုံးရပြီးသားပါ။ မြန်မာနိုင်ငံမှာတော့ လွန်ခဲ့တဲ့ ၁၉၉၀ တုန်းက ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ်ဟာ အနိုင်ရရှိခဲ့ပေမယ့် လွှတ်တော်ခေါ်ခွင့်တောင် မရခဲ့ပါဘူး။ ကျမ အနေနဲ့ ဒီလို ဖြစ်ရပ်ဆိုးတွေကို အတိတ်မှာဘဲ ချန်ထားခဲ့ချင်ပါတယ်။ ရှေ့ အနာဂတ်မှာတော့ မြန်မာနိုင်ငံရဲ့ ပြောင်းလဲနေတဲ့ နိုင်ငံရေး လုပ်ငန်းစဉ်မှာ လူထုရဲ့ ဆန္ဒတွေကိုဘဲ သစ္စာရှိစွာ ဖြည့်ဆည်း ထင်ဟပ်လာပါလိမ့်မယ်လို့ မျှော်လင့်ပါတယ်။
အခု ကျမ ဗမာပြည်က ထွက်လာတဲ့ ခရီးစဉ်မှာ အတိတ်က အရိပ်တွေကို လွမ်းလွတ်ဆွတ်ဆွတ် ပြန်ပြောင်းကြည့်ဖို့ မဟုတ်ပါဘူး။ မြန်မာပြည်သူတွေရဲ့ လက်မှာ ဘယ်လို အခွင့်အလမ်းတွေ ရောက်လာနိုင်မလဲ ဆိုတာကို ရှာဖွေပေးဖို့ ခရီးစဉ်ဘဲ ဖြစ်ပါတယ်။ ဒီခရီးစဉ် တလျှောက်မှာ ကမ္ဘာ့ပြည်သူတွေက ကျမတို့ အပေါ် ဘယ်လောက်များ ထူးထူးခြားခြား နွေးနွေးထွေးထွေး ရင်ဖွင့်ကြိုဆိုခဲ့ကြတယ်ဆိုတာ မြင်ခဲ့ရပြီးပါပြီ။ ကမ္ဘာကြီးနဲ့ ဝေးနေခဲ့ရပြီး နောက်ပိုင်း အခုလို ကြုံရတဲ့ အတွက် သိပ်လဲ စိတ်လှုပ်ရှားဝမ်းသာခဲ့ရပါတယ်။
ကမ္ဘာ့နိုင်ငံတွေဟာ မြန်မာနိုင်ငံနဲ့ ဝေးနေတာတောင်မှဘဲ တကယ့်အရေးကိစ္စတွေမှာ နီးစပ်ပါတယ်ဆိုတဲ့ အချက်ကိုတွေ့ရပါတယ်။ မြန်မာပြည်သူတွေရဲ့ လိုလားချက်တွေကို သူတို့ နီးနီးစပ်စပ် သိကြပါတယ်။ ပထ၀ီဝင် အနေအထားအရ ကွာခြားမှု လူသားတွေ လုပ်ထားတဲ့ အကာအရံ အတားအဆီး ဘယ်အရာကမှ ကျမတို့ ကြားထဲမှာ တူညီတဲ့ တန်ဖိုးထားမှုတွေ အတွက် စည်းတားမထားနိုင်ပါဘူး။
ကျမ နေအိမ်အကျယ်ချုပ်ကျနေစဉ် ကာလတွေ အတွင်းမှာလည်း ဘီဘီစီတင်မက ကမ္ဘာ့အသံလွှင့်ဌာနတွေဟာ ကျမကို ကမ္ဘာကြီးနဲ့ အဆက်အသွယ်မပြတ် ရှိစေခဲ့ပါတယ်။ မိုးဇက်နဲ့ ရာဘီရှန်ဂါရဲ့ ဂီတ၊ လူမျိုးဘာသာ ပေါင်းစုံက အမျိုးသမီး အမျိုးသားတွေရဲ့ ကိုယ်ရေးရာဇ၀င် စတာတွေကို ကြားနေခဲ့ရတာ ကျမ အတွက် ဒီ ဒီမိုကရေစီရေး ကြိုးပမ်းမှုမှာ အထီကျန် တယောက်တည်း မဟုတ်ဘူးဆိုတာ ဖြေသိမ့်စေခဲ့ရပါတယ်။
နိုင်ငံတကာဆုတွေ ဂုဏ်ပြုမှုတွေ လက်ခံရရှိတယ်ဆိုတာကလည်း ကျမတယောက်တည်း အတွက် မဟုတ်ပါဘူး။ ဒါတွေဟာ အထီးကျန် ပိတ်ဆို့ခံထားရတဲ့ သူတယောက်အတွက် ကျန်တဲ့ ကမ္ဘာကြီးနဲ့ ကူးလူးဆက်ဆံပေးနေတယ်ဆိုတဲ့ အခြေခံ လူသားခြင်းစာနာတဲ့ အသိအမှတ်ပြုမှုတွေပါဘဲ။ အခက်အခဲတွေ အများကြီးကြုံနေခဲ့ရတဲ့ ၁၉၉၀ နှစ်တွေတုန်းက ကျမကို မိတ်ဆွေတယောက်က ကဗျာဆရာ အာသာဟူဂ်ျတပ်ခ်ျရဲ့ ကဗျာတပုဒ် ပို့ပေးခဲ့ဖူးပါတယ်။ ကြိုးပမ်းမှုနဲ့ လိုအပ်ချက်တွေ အကြောင်း ရေးထားတဲ့ ဒီကဗျာရဲ့ အစပိုဒ်လေးကို ဗြိတိန်နိုင်ငံရေး သမားကြီး ၀င်စတန်ချာချီ ကိုယ်တိုင်က နာဇီဂျာမဏီတို့ရဲ့ ရန်ကနေ ကူညီတွန်းလှန်ပေးဖို့ အမေရိကန် ပြည်ထောင်စုကို မေတ္တာရပ်ခံခဲ့စဉ်မှာ သုံးခဲ့ဖူးတယ်ဆိုတာ အားလုံးသိပါလိမ့်မယ်။ ဒီနေ့မှာတော့ ကျမ အနေနဲ့ ဒီကဗျာထဲက တခြား အပိုဒ်ကလေး တခုကိုဘဲ သုံးပြီးတော့ အားလုံးအတူတကွ ပူးပေါင်းဆောင်ရွက်နိုင်ဖို့ အရှေ့နဲ့ အနောက်ရဲ့ နိုင်ငံရေး အမြော်အမြင်တွေကို ပေါင်းစပ်ပြီး မြန်မာနိုင်ငံ အပါအ၀င် ကမ္ဘာ့ပြည်သူတွေ အားလုံး ဒီမိုကရေစီ အကျိုးအမြတ်တွေကို ခံစားနိုင်ဖို့ မေတ္တာရပ်ခံလိုပါတယ်။
နိဂုံးချုပ် အနေနဲ့ ပြောရရင်တော့ အခုအချိန်ဟာ မြန်မာနိုင်ငံအတွက် အရေးအကြီးဆုံး အချိန်ဖြစ်ပါတယ်။ လိုအပ်ချက်တွေ အများဆုံး ရှိနေတဲ့ အချိ်န်လည်း ဖြစ်ပါတယ်။ ဒါကြောင့် ဗြိတိန်နိုင်ငံနဲ့ မိတ်ဆွေများကို မြန်မာနိုင်ငံရဲ့ စစ်မှန်တဲ့ ဒီမိုကရေစီနဲ့ မျှတတဲ့ လူ့ဘောင်ပေါ်ထွန်းရေး လုပ်ငန်းစဉ်မှာ ၀ိုင်းဝန်းပါဝင် ကူညီပေးကြပါလို့ ပန်ကြားလိုပါတယ်။ အခုလို ကမ္ဘာ့သက်တမ်းအရင့်ဆုံး ဒီမိုကရေစီ ခန်းမကြီးတခုမှာ လွှတ်တော်အဖွဲ့ဝင်တွေကို မိန့်ခွန်းပြောကြားခွင့် ရရှိတဲ့ အတွက် ကျေးဇူးတင်ပါတယ်။ ကျမတို့ နိုင်ငံဟာ လက်ရှိမှာတော့ စစ်မှန်တဲ့ ဒီမိုကရေစီ လူ့ဘောင်ဆီကို မရောက်ရှိသေးပါဘူး။ ဒါပေမယ့်လည်း မကြာခင်မှာဘဲ အားလုံးရဲ့ အကူအညီနဲ့ ရောက်နိုင်ပါတော့မယ်လို့ အပြည့်အ၀ ယုံကြည်ပါတယ်။ ကျေးဇူးတင်ပါတယ်ရှင်။
(မိန့်ခွန်းမူရင်း ဗီဒီယိုကိုကြည့်ရှု၍ ဆီလျှော်အောင် ဘာသာပြန်ထားခြင်းဖြစ်ပါသည်။)(VOA)
(19 June 2012 ရက်စွဲပါ New York Times တွင် Dan Morrism ရေးသားသော Bangladdesh's right to refusal ကိုဘာသာပြန်သည်။)
(ရိုဟင်ဂျာကိစ္စနှင့်ပတ်သက်၍ နိုင်ငံတကာမီဒီယာများ၏ ရပ်တည်ချက်ကို သိစေလို၍ ဘာသာပြန်ဆိုသည်။)
မြန်မာနိုင်ငံမှ ရိုဟင်ဂျာများသည် အရိုင်းစိုင်းဆုံးလူများ ဖြစ်ပုံရသည်။ ၎င်းတို့သည် သေရမည်ကို ငြင်းဆန်လျက် ရှိသည်။
ရိုဟင်ဂျာများသည် မြန်မာဗုဒ္ဓဘာသာများ၊ ဘင်္ဂါလီလူမျိုးများနှင့် အာရပ်သင်္ဘောသားများမှ ဆင်းသက်လာသော မွတ်ဆလင်များဖြစ်ပြီး ၎င်းတို့၏ ဇာတိမြေတွင် ဥပဒေမလိုက်နာခြင်းများ၊ အများ၏ မနှစ်သက်မှုများ ရှိသည်။ ဒုက္ခသည်များအဖြစ်လည်း မည်သူမျှလက်မခံလိုကြပေ။
ပြီးခဲ့သည့်အပတ်ကတည်းက ဘင်္ဂလားဒေ့ရှ် အာဏာပိုင်များသည် မြန်မာနိုင်ငံရခိုင်ပြည်နယ်မှ ဗုဒ္ဓဘာသာဝင်များ၏ တိုက်ခိုက်မှုကြောင့် လှေများ ဖြင့် ထွက်ပြေးလာကြသော ရိုဟင်ဂျာ(၈၀၀)ခန့်အား ပြန်လည်နှင်ထုတ်ခဲ့သည်။ ဘင်္ဂလားဒေ့ရ်ှသည် ရိုဟင်ဂျာသုံးသိန်းခန့်ကို လက်သင့်မခံလိုပေ။ ယခု ထပ်မံရောက်လာသူများအား ခွင့်ပြုရန် ဝါရှင်တန်နှင့် အခြားအစိုးရများ၏ မေတ္တာရပ်ခံမှုကို လက်မခံခဲ့ပေ။
ဘင်္ဂလားဒေ့ရ်ှက အဆိုပါ မျှော်လင့်ချက်ကင်းမဲ့နေသော မိသားစုများကို အကူအညီပေးရန် ငြင်းဆန်ခဲ့မှုသည် နိုင်ငံတကာ ကတိကဝတ်များကို ချိုးဖောက်သည့်သဘောရှိသည်။ ဘင်္ဂလားဒေ့ရ်ှကမူ ထိုသို့မဟုတ်ကြောင်း ငြင်းဆန်သည်။
ယနေ့အထိမူ ဘင်္ဂလားဒေ့ရ်ှသည် ဒုက္ခသည်များအား ငြင်းဆိုမှုနှင့်ပတ်သက်၍ ဥပဒေနှင့်ကိုင်၍ အေးဆေးပြောဆိုလျက်ရှိသည်။ "ဘင်္ဂလားဒေ့ရ်ှဟာ ဒုက္ခသည်များနေရာပေးရေးနှင့် ပတ်သက်ပြီး နိုင်ငံတကာ ဥပဒေ၊ ကွန်ဗင့်ရှင်း စသည်များကို လက်မှတ်ရေးထိုးထားခြင်း မရှိပါဘူး။ ဒါကြောင့် ရိုဟင်ဂျာတွေကို ခိုလှုံစရာပေးဖို့ တာဝန်မရှိပါဘူး"ဟု နိုင်ငံခြားရေးဝန်ကြီး Dipu Moni က ပြီးခဲ့သည့်အပတ်က ပြောသည်။
ယခုကိစ္စနှင့် ပတ်သက်၍ ဘင်္ဂလားဒေ့ရ်ှတာဝန်ရှိသူများ အကောင်းဆုံးလုပ်ကိုင်မှုမှာ ရက်စက်သောဖြစ်ရပ်များကို ကန့်ကွက်ဆန့်ကျင်ကြောင်း ပြောဆိုမှုပင်ဖြစ်မည်။ ဘင်္ဂလားဒေ့ရ်ှနိုင်ငံသည် ကမ္ဘာပေါ်တွင် အဆင်းရဲဆုံးနှင့် လူဦးရေအထူထပ်ဆုံးနိုင်ငံဖြစ်ကြောင်း၊ မြန်မာနိုင်ငံတွင် ၁၉၇၈ နှင့် ၁၉၉၁ ခုနှစ်တို့တွင် ရိုဟင်ဂျာများ ရှင်းထုတ်မှုကြောင့် ဘင်္ဂလားဒေ့ရ်ှက နေရာပေးထားခဲ့ဘူးကြောင်း၊ ၎င်းတို့၏ သန်း(၁၆၀)သောလူဦးရေတို့၏ လိုလားချက်များ ပြည့်မီရေးကိုပင် ရုန်းကန်နေရလျက်ရှိပြီး၊ နောက်ထပ်ရောက်လာမည့် ဒုက္ခသည်များ၏ အရေးကိုထည့်သွင်းမစဉ်းစားနိုင်ကြောင်း ဘင်္ဂလားဒေ့ရှ် တာဝန်ရှိသူများက ပြောသည်။
Moni ၏ကြေညာချက်သည် ကမ္ဘာတစ်လွှားတွင် ရိုဟင်ဂျာများ ဒုက္ခခံစားနေရသည့် ပုံရိပ်များ ပလူပျံနေချိန်တွင် သူတစ်ပါး၏ ဒုက္ခနှင့် ခံစားမှုများကို ဂရုမပြုပဲ ထွက်ပေါ်လာခြင်းဖြစ်သည်။
ရိုဟင်ဂျာများသည် မြန်မာနိုင်ငံတွင်းတွင် အများ၏အမုန်းတရားကို များစွာကြုံတွေ့နေရသည်။ အခြားတိုင်းရင်းသားအုပ်စုများကို နိုင်ငံသား တစ်ပိုင်းပုံစံ ခွင့်ပြုသော်လည်း၊ လူဦးရေ(၈)သိန်းမျှရှိသော ရိုဟင်ဂျာများမှာ နိုင်ငံသားဖြစ်ခွင့်မရပဲ တရားဝင်နိုင်ငံမဲ့များ ဖြစ်လျက်ရှိသည်။
ဘင်္ဂလားဒေ့ရ်ှနိုင်ငံ စစ်တကောင်းနယ်တွင် ရိုဟင်ဂျာသုံးသိန်းခန့် နေထိုင်လျက်ရှိရာ အနိမ့်ဆုံးအဆင့်ဖြင့်သာ ဆက်ဆံပြီး အခြေအနေမှာ အနည်းငယ်သာရုံသာရှိသည်။ လူသားချင်းစာနာသော အကူအညီများမရအောင် တားဆီးထားသည်။ အချို့မှာ အလွန်တရာပင်ပန်းပြီး လုပ်ခအနည်းငယ် သာရသော အလုပ်များရကြပြီး၊ ၎င်းတို့၏ မိန်းမများ၊ သမီးများမှာ သားကောင်များဖြစ်ကြရသည်။ မကြာသေးမီက စာရေးသူ၏မိတ်ဆွေ ဘင်္ဂလားဒေ့ရှ် သတင်းဆရာတစ်ဦးသည် ရိုဟင်ဂျာအမျိုးသမီးများကို အရေးယူခံရခြင်းမရှိပဲ အဓမ္မပြုကျင့်ကြောင်း စွပ်စွဲခံရသူ ဒေသခံကောင်စီလူကြီးတစ်ဦးနှင့် တွေ့ဆုံခဲ့သည်။ "သူက ငြင်းပါတယ်၊ ဒါပေမယ့် နောက်တော့ပြောတာက ဘယ်ဘင်္ဂလားဒေ့ရ်ှလူမျိုးမဆို ရိုဟင်ဂျာအမျိုးသမီးတွေကို အဓမ္မပြုကျင့်ရင် ဘာမှဖြစ်စရာ အကြောင်းမရှိဘူး"ဟု ၎င်းက ပြောသည်ဟု ဆိုသည်။
စစ်အာဏာရှင်စနစ် အောက်တွင် ကာလကြာရှည်ဖိနှိပ်ခံခဲ့ရသော မြန်မာလူမျိုးများအနေဖြင့် ယခုကဲ့သို့သော လူမျိုးရေးခွဲခြားဆက်ဆံရေးမျိုးကို အချိန်အကြာကြီး မွေးမြူထားခြင်းမှာ စဉ်းစားလျှင်ပင် ရှက်ဖို့ကောင်းလှသည်။ အတိုက်အခံခေါင်းဆောင်နှင့် နိုဘယ်ဆုရှင် ဒေါ်အောင်ဆန်းစုကြည်သည် ပင်လျှင် ရိုဟင်ဂျာများကို ထောက်ခံရန် ရှောင်ရှားလျက်ရှိသည်။
၁၉၇၁ ခုနှစ်ကမှ လွတ်လပ်ရေးရပြီး ဒုက္ခသည်ပြဿနာများ ကြီးစွာခံစားရသော ဘင်္ဂလားဒေ့ရ်ှသည် ကူညီရန် စိတ်အားထက်သန်မှုမရှိခြင်းမှာ ဖြစ်သင့်ပြီး သနားဖွယ်ကောင်းသည်။
သို့ဆိုလျှင် မည်သို့လုပ်ကြမည်နည်း။
ဘင်္ဂလားဒေ့ရ်ှအနေဖြင့် အခြေအနေများ ငြိမ်သက်သွားပါက ပြန်ပို့မည်ဟူသော ခိုင်မာသော နားလည်မှုယူ၍ ဒုက္ခသည်အသစ်များကို လက်ခံ သင့်သည်။ အကယ်၍ မြန်မာနိုင်ငံသည် ၎င်း၏လူများကို ပြန်လည် လက်မခံခဲ့ပါက ချမ်းသာသော တတိယနိုင်ငံတစ်ခုက ၎င်းတို့ကိုလက်သင့်ခံသင့်သည်။
ဘင်္ဂလားဒေ့ရ်ှသည် ၎င်း၏ ကိုယ်ပိုင်ပြဿနာများနှင့် ပြည့်နှက်နေပြီးဖြစ်သည်။ အခြားတိုင်းပြည်တစ်ခု၏ အမုန်းတရားများကြောင့် ဖြစ်လာသော အကျိုးဆက်များအတွက် ဝန်ထုပ်ဝန်ပိုးမဖြစ်စေသင့်ပေ။
transparencymyanmar
ဒေါ်အောင်ဆန်းစုကြည်ဟာ ဗြိတိသျှပါလီမန်မှာ
ဒုတိယကမ္ဘာစစ်အပြီး ငါးဦးမြောက် ပြောခွင့်ရသူ ဂုဏ်သရေရှိဧည့်သည်တော်
(၁) ပြင်သစ်သမ္မတ ချား ဒီဂေါ (7 April 1960)
(၂) တောင်အာဖရိကသမ္မတ နယ်ဆင်မန်ဒဲလား၊( 11 July 1996 )
(၃) ပုပ်ရဟန်းမင်းကြီး XVI Pope (17 September 2010 )
(၄) အမေရိကန်သမ္မတ ဘာရက် အိုဘားမား (25 May 2011)
(၅) ဗြိတိသျှပါလီမန်မှာ နိုင်ငံခေါင်းဆောင်မဟုတ်ဘဲ
ပထမဆုံးမိန့်ခွန်းပြောခွင့်
ပထမဆုံးမိန့်ခွန်းပြောခွင့်
ပထမဆုံးမိန့်ခွန်းပြောခွင့်
ငါတို့နေတဲ့ မြန်မာနိုင်ငံက
ဒေါ်အောင်ဆန်းစုကြည် (21 June 2012) (Photo..
ဒေါ်အောင်ဆန်းစုကြည် ဗြိတိန်ပါလီမန်မိန့် ခွန်း
အင်္ဂလိပ်ဘာသာအပြည့်အစုံကို ဒီနေရာမှာ ဖတ်နိုင်ပါတယ်...
ဒီနေ့ကတော့ကျမရဲ့ ဘ၀အစိတ်အပိုင်းများစွာ ပြန်ပေါင်းစပ်တဲ့နေ့ပါဘဲ............ ။ Oxford တက္ကသိုလ်ကြီးထဲက St.Hugh ကောလိပ်ကျောင်းသူဘ၀နှစ်တွေ....၊ Oxford မြို့လေးက Park Town ရပ်ကွက်မှာ မိခင်တစ်ယောက်၊ ဇနီးတစ်ယောက်အနေနဲ့ နေခဲ့ရတဲ့ နှစ်တွေ .......၊ Oxford တက္ကသိုလ်ကြီးက ကျမဘက်က မဆိုင်းမတွန့် ရပ်တည်ပေးခဲ့တဲ့အကျယ်ချုပ်ကျနှစ်တွေ အားလုံးပါဘဲ ။ အဆိုးဝါး အခက်ခဲဆုံး အချိန်တွေမှာ Oxford ရဲ့ အမှတ်ရစရာလေးတွေနဲ့ ကျမ အားတင်းခဲ့တယ် ။
ဒီအမှတ်တရတွေဟာ စိန်ခေါ်မှုတွေကို ရင်ဆိုင်ကျော်လွှားရာမှာ လိုအပ်တဲ့ အရေးပါလှတဲ့ စိတ်ဓါတ်ခွန်အားတွေပါဘဲ ........တကယ်တော့ ဒီအမှတ်တရတွေဟာ ရိုးရိုးစင်းစင်းလေးတွေပါဘဲ ။ သူငယ်ချင်းတွေနဲ့ ချာဝယ် Cherwell မြစ်ထဲ့ လှေစီးခဲ့ရတာတွေ ၊ စိန့်ဟူးကောလိပ်မြက်ခင်းပေါ်မှာ ထိုင်ပြီး စာဖတ်ခဲ့ရတာလေးတွေ ၊ ဒါမှမဟုတ်ရင်လည်း တက္ကသိုလ်စာကြည့်တိုက်မှာထိုင်ပြီး စာအုပ်ကို မကြည့်မိဘဲ ပြတင်းပေါက်က ငေးကြည့်မိတတ်တာတွေ .........။ ဒါတွေဟာ ရိုးစင်းပေမယ့် အရမ်းကိုလည်း တန်ဖိုးထားရတဲ့ အမှတ်တရတွေပါဘဲ ။ ဘာကြောင့်လဲဆိုတော့ ကျမပျော်ခဲ့ရတယ်လေ ။ ဒီလို ပျော်ပျော်ရွှင်ရွှင်နေခဲ့ရတဲ့ ဘ၀လေးကဘဲ မြန်မာပြည်က ပျော်ပျော်ရွှင်ရွှင်နေချင်ပေမယ့် ပျော်ရွှင်ခွင့်မရရှာတဲ့ လူငယ်တွေရဲ့ ဘ၀ကို နားလည်စေခဲ့တယ်။
အခုပြန်ပြီး Oxford တက္ကသိုလ်နဲ့ Oxford ကျောင်းသူကျောင်းသားတွေကို မြင်ရတော့ ကျမရဲ့ အပူအပင်ကင်းတဲ့ ပျော်စရာ ကျောင်းသူဘ၀ကို ပြန်မြင်နေရသလိုပါဘဲ ။ မနေ့ကဘဲ စိန့်ဟူးကောလိပ်ကို ရောက်ခဲ့လို့ကျောင်းသူကျောင်းသားတွေကို မြင်ခဲ့ရသေးတယ်။ ကျောင်းသားဘ၀မှာ ကျမတို့တွေဟာ ပျော်ရွှင်စိတ်ချမ်းသာခဲ့ရပါတယ် ။ အခုကျောင်းသူကျောင်းသားတွေလည်း ပျော်ရွှင်ကြတာပါဘဲလေ ။ သူတို့တွေမှာ ပျော်ရွှင်ဖို့၊ စိတ်ချမ်းသာရဖို့ အခွင့်အရေးရှိတာကိုး.......။
ပျော်ရွှင်စိတ်ချမ်းမြေ့တယ်ဆိုတာ ရိုးစင်းတဲ့ စကားပေမယ့် အရေးကြီးလှပါတယ်။ ဒီက ကျောင်းသူကျောင်းသားတွေရဲ့ မျက်နှာလေးတွေဟာ များသောအားဖြင့် ကြည်ကြည်လင်လင် ရှင်းရှင်းလင်းလင်းရှိကြတယ် ။ ( hidden agenda ဆိုတဲ့ လျှို့လျှို့ဝှက်ဝှက် စဉ်းစားနေရခြင်းတွေ မပွင့်လင်းတဲ့ အကြံအစည်တွေ ၊ ကြောက်ကြောက်လန့်လန့် တွေးနေမိတာတွေ မရှိဘူး ) ။ မနေ့က မြင်ခဲ့ရတဲ့ ကျောင်းသူကျောင်းသားတွေဟာလည်း ပွင့်ပွင့်လင်းလင်းပုံစံလေးတွေပါဘဲ ။ ကျမတို့ကျောင်းသူဘ၀တုန်းက လွတ်လပ် ပွင့်လင်းကြသလိုပေါ့ ။ ဒီလိုနေနိုင်ဖို့ ကျမတို့မှာ အခွင့်အရေးလည်း ရခဲ့တာကိုး ....။ ဘာကိုမှ မကြောက်ခဲ့ရဘူး ။ ဘယ်သူ့ကိုမှလည်း မကြောက်ခဲ့ရဘူး ။ ဒီတော့ ကျမတို့မှာ ကမ္ဘာကြီးကို ရှင်းရှင်း လင်းလင်း မြင်ဖို့ အခွင့်အရေး ရခဲ့တာ မဆန်းပါဘူး ...........။
* သေးသေးမွှားမွှားအဖြစ်အပျက်ကလေးတွေကို ကျမ မှတ်မိနေပါသေးတယ်။ မကြာခဏ သတိရမိတတ်တာက ကျမသူငယ်ချင်း Ann Pasternak-Slate နဲ့ Banbury လမ်းပေါ်မှာ ကားအတူစီးခဲ့တာတွေကိုပါ ။
( Ann Pasternak-Slate မှာ ကိုယ်တိုင်လည်း နာမည်ကြီးစာပေပညာရှင်နှင့်ဘာသာပြန်သူဖြစ်ပြီး အင်္ဂလိပ်လူမျိုးကဗျာဆရာ Craig Raine ရဲ့ ဇနီးလည်း ဖြစ်သည် ) ။
ကားပေါ်အတူထိုင်ရင်း Ann က ကျမတို့ ၂ ယောက်ရဲ့ ဂျင်းဘာင်းဘီဝတ် ဒူးဂေါင်းတွေကို ကြည့်ရင်း '' ဟင်း...ဒါမတရားဘူးနော်...ဒူးဂေါင်းချင်းတောင် မတူကြဘူး '' လို့ ပြောတတ်တယ် ။ ပြောလည်း ပြောချင်စရာဘဲ ။ ဘယ်လို မတူတာလည်း သေချာမသိပေမယ့် ဒူးတစ်စုံက ချွန်နေပြီး နောက်တစ်စုံက လုံးနေတာတော့ တွေ့တယ် ....( ရယ်သံများ ) ။ ဒါလေးတွေဟာ ကျောင်းသားဘ၀မှာ စိတ်ဝင်တစား သတိပြုမိစရာလေးတွေ၊ ရေးကြီးခွင်ကျယ်လုပ်ပြီး ပြောစရာလေးတွေ ဖြစ်နေတတ်တယ်။ ဟုတ်ပါ့နော် ။ ကျမတို့တွေ ဒူဂေါင်းတောင် မတူရဘူးရယ်လို့ ။
ဒီလိုဘဲ ကမ္ဘာလောကကြီးကလည်း အသွင်မတူတာတွေနဲ့ ဖွဲ့စည်းထားတယ်။ ဒါပေမယ့် ကျမတို့ မကြောက်ခဲ့ပါဘူး ။ ကွဲပြားမှုတွေရှိတယ်ဆိုတာ ကျမတို့တွေ ရင့်ကျက်ခိုင်မာတယ် ဆိုတဲ့သဘော မဟုတ်လား ။ ဒီလိုနဲ့ဘဲ ဘ၀မှာ ဖြစ်လာမယ့် မတူညီတဲ့ပြသာနာတွေကို ရင်ဆိုင်ဖြေရှင်းတတ်ဖို့ ကျမတို့ သင်ယူလေ့လာခဲ့ကြတယ်။
ကျမလိုဘဲ ဒီနှစ်မှာ ဒေါက်တာဘွဲ့ရတဲ့ လူတစ်ယောက်ကတော့ စာရေးဆရာ John le Carré ပါဘဲ ။ သူ့ရဲ့ စာအုပ်တွေကလည်း အကျယ်ချုပ်ကျစဉ်ကာလအတွင်းမှာ ကျမကို အတော်အထောက်အပံ့ ဖြစ်ခဲ့ပါတယ် ။ စာအုပ်တွေဟာ ထွက်ပေါက်တစ်ခုဘဲ မဟုတ်လား ။ ကျမကတော့ ထွက်ပေါက်ဆိုတာ ထက် ကျမကမ္ဘာလေးထက် ပိုကျယ်ဝန်းတဲ့ ကမ္ဘာကြီးထဲကို သွားဖို့ ခရီးရှည်ကြီးလို့သာ ဆိုချင်ပါ တော့တယ်။ တိုင်းပြည် နိုင်ငံတွေအကြောင်းရေးထားလို့ချည်း ကျယ်ဝန်းတာမဟုတ်ဘဲ အတွေးအခေါ်တွေ စိတ်ကူးစိတ်သန်းတွေပေါ်လည်း အခြေခံထားတယ်လေ ။ ဒီခရီးတွေဟာ ကျမကို '' သြော် ငါဟာ လူ့လောကကြီးနဲ့ လုံးလုံးကြီး အဆက်ပြတ်နေတာ မဟုတ်သေးပါလား '' ဆိုတဲ့ ခံစားမှုကို ပေးခဲ့တယ် ။ ကျမဘယ်တော့မှ အထီးမကျန်ခဲ့ပါဘူး ။ ကျမနေတဲ့ နေရာလေးကနေ ဝေးလံခေါင်သီတဲ့ နေရာတွေကို သွားဖို့ နည်းတွေအများကြီး ရှိနေခဲ့ပါတယ်။
ဒါတွေ ဒါတွေ အားလုံးဟာ Oxford မှာ နေခဲ့ရတဲ့ ကာလတွေကြောင့် ၊ Oxford မှာ ခင်မင်ခဲ့ရတဲ့ သူငယ်ချင်းတွေကြောင့် အဓိကပါဘဲ ။
Oxford ကနေ သင်ပေးလိုက်တာတွေထဲမှာ ကျမအတွက် အရေးအပါဆုံးကတော့ စာအုပ် အထူကြီးတွေဖတ်ပြီး လေ့လာလို့ ရခဲ့ရတာတွေမဟုတ်ဘဲ '' ယဉ်ကျေးတဲ့ လူ့အဖွဲ့အစည်းကြီးအတွက် အကောင်းဆုံးစံ အရည်အသွေး တွေကို လေးစားလာတတ်ခြင်း '' ဆိုတာပါဘဲ ........... ။
ယဉ်ကျေးတဲ့ လူ့ဘောင်အတွက် အကောင်းဆုံးဆိုတာတွေဟာ Oxford တစ်ခုထဲမှာဘဲ ရှိနေတာ မဟုတ်ပါဘူး ။ အလားတူဘဲ မြန်မာပြည်မှာချည်းဘဲလည်း မရှိပါဘူး။ ယဉ်ကျေးတဲ့ လူဘောင်ရဲ့ အကောင်းဆုံးအရည်သွေးတွေဟာ ကမ္ဘာအရပ်ရပ် နေရာအနှံ့ကလာတာပါ၊ ဒါပေမယ့် ကျမအတွက်တော့ အဲဒီ အကောင်းဆုံးအရည်အသွေးတွေကို Oxford ဆိုတဲ့ နေရာတစ်ခုမှာ လေ့လာခွင့်ရခဲ့ပါတယ် ။ ဒီသင်ယူလေ့လာခဲ့တာကဘဲ လူ့အဖွဲ့အစည်းရဲ့ သိပ်မကောင်းတဲ့ အခြေအနေတွေကို ရင်ဆိုင်ဖြေရှင်းဖို့ရာမှာ အထောက်အကူပေးခဲ့တယ်လေ ။
အကောင်းဆုံးမဟုတ်ဘူး ဆိုတာတွေဟာ တစ်နေ့တော့ အကောင်းဆုံးဆိုတဲ့ အဆင့်ကို ရောက်လာနိုင်သေးတာဘဲ ။ ပြုပြင်တိုးတက်လို့ ရနိုင်တာဘဲ မဟုတ်လား ။ ဒီအချက်ကဘဲ ကျမကို ''လူသားမျိုးနွယ်ရဲ့ မွေးရာပါ ဥာဏ်ပညာ '' အပေါ်မှာ ယုံကြည်မှုကို ပေးစွမ်းခဲ့တယ်။ ဒီဥာဏ်ပညာဟာ လူတိုင်းမှာတော့ မပါဘူးပေါ့လေ ။ ဒါပေမယ့် တကမ္ဘာလုံးနဲ့ ခွဲဝေသုံးနိုင်လောက်အောင် ၊ တခြားလူများအတွက်ပါ မျှဝေသုံးလို့ရအောင်တော့ လူတော်တော်များများမှာ ပါ ပါတယ်။
မြန်မာပြည်နဲ့ ပတ်သက်ပြီး မကြာခဏ တွေးမိတဲ့ စိတ်မကောင်းစရာအကောင်းဆုံးတစ်ခုကတော့ တက္ကသိုလ်ကျောင်းသူ ကျောင်းသားတွေမှာ တက္ကသိုလ်ကျောင်းဝင်းထဲက Campus Life ကို မရတာ ဆယ်စုနှစ်တွေကျော်ခဲ့ပြီဆိုတာပါဘဲ ။ တက္ကသိုလ်ရဲ့ Campus Life ဆိုတာ ကိုယ့်ဘ၀ကိုကိုယ် စိတ်ကြိုက် တည်ဆောက်နိုင်တဲ့ ဘ၀ ၊ ဒါမှ မဟုတ်ရင်လည်း ကမ္ဘာကြီးကို ခါးစောင်းတင်နိုင်တဲ့ဘ၀ကို ဆိုလိုတာပါ ။ ကျောင်းသူကျောင်းသားဘ၀ဆိုတာ ဒီလို လုပ်ဖို့ လွတ်လပ်မှု Freedom ဆိုတာလည်း ရှိတယ် ၊ လုပ်နိုင်တဲ့အခွင့်အရေးပေးတဲ့ Facilities ဆိုတာတွေလည်း ရှိတယ် မဟုတ်လား ။
မြန်မာပြည်က လူငယ်တွေကတော့ ဒီလိုလုပ်ဖို့ လွတ်လပ်ခြင်းမရှိတာ ဆယ်စုနှစ်တွေတောင် သုံးလေးခုနီးပါးလောက်ရှိပြီ ။ ကျောင်းသားတွေကို မျက်စိဒေါက်ထောက်ကြည့်ထားဖို့ လိုတယ်ဆိုတာ ကြီးကြောင့် တက္ကသိုလ်ကျောင်းသူကျောင်းသားဘ၀ဆိုတာ တစစီ ပျက်စီးကြေမွခဲ့ရတယ် ။
* တကယ်တော့ ဒါမျိုးလုပ်တာက မဖြစ်နိုင် မထိရောက်ပါဘူး ...ကျောင်းသားတွေကို ထိန်းထားဖို့ဆိုတာ မဖြစ်နိုင်တဲ့ ကိစ္စကြီးမှန်း လူတိုင်းသိနေတာဘဲလေ ။ ဒါကြောင့် ဒီသဲထဲရေသွန်ဖြစ်မယ့်၊ မလိုလားအပ်တဲ့ လုပ်ရပ်ကြီးအတွက် ကျမတို့တွေ အချိန်တွေ မကုန်သင့်တော့ပါဘူး ။ ကျမအနေနဲ့ မြန်မာပြည်က တက္ကသိုလ်ကျောင်းသူကျောင်းသားဘ၀ အဆင့်မှီမှီ ပီပီပြင်ပြင် ပြန်လည်ထွန်းကားလာတာကို မြင်ချင်ပါတယ်။ ကျမရဲ့ Oxford ကျောင်းတော်ကြီးက ဒီလို ပြန်ဖြစ်လာအောင် ကူညီပေးမယ်ဆိုရင် ကျမအရမ်းကို ကျေးဇူးတင်မိမှာပါ ။
'' ငါဟာ ကမ္ဘာလောကကြီးအတွက် အကောင်းဆုံး အတတ်နိုင်ဆုံး လုပ်ပေးနိုင်တယ် '' ဆိုတဲ့ မိမိကိုယ်ကို ယုံကြည်မှု ၊ '' လောကကြီးကလည်း မိမိဆီက အကောင်းဆုံးကို မျှော်လင့်တယ် '' ဆိုတဲ့ ယုံကြည်မှု အပြည့်အ၀နဲ့လူငယ်ဘ၀ကို အစပြုနိုင်ဖို့ရာ '' ကမ္ဘာကြီးဟာ ကိုယ်နဲ့ အပြန်အလှန် ဆိုင်တယ် '' ဆိုတဲ့ ခံစားချက်ကလေးကို မြန်မာနိုင်ငံက လူငယ်တွေကိုလည်း ခံစားစေချင်ပါတယ် ။
လူသားမျိုးနွယ်ကြီးကို တန်ဖိုးထားတတ်အောင် Oxford က ကျမကို သင်ပေးခဲ့ပါတယ်။ Oxford မှာတက်စဉ် ပထမ ( ၂ ) နှစ်လောက်အတွင်း ကျမက တစ်ဦးတည်းသော မြန်မာကျောင်းသူလေ ။ ကျမသူငယ်ချင်းတွေဟားလုံးက အင်္ဂလိပ်တွေ ချည်းမဟုတ်ဘဲ ဂါနာ၊ အိန္ဒိယ ၊ ထိုင်း ၊ သီရိလင်္ကာ နဲ့ တခြားနိုင်ငံတွေကလည်း ပါကြတယ်။
သူတို့နဲ့ ကွဲပြားတယ်လို့ဘဲ တခါမှ မခံစားမိခဲ့ပါဘူး ။ အားလုံးအတူတူဘဲ ..အားလုံး တက္ကသိုလ်တစ်ခုတည်းက ကျောင်းသူ၊ ကျောင်းသားတွေဘဲ ။ ဒီအချက်ကြောင့်ဘဲ ဘယ်အရာကမှ ကျမတို့ကို ခွဲခြားလို့မရသလို ခံစားရစေတယ်။ ဘာသာ၊ လူမျိုး ၊ နိုင်ငံသား ၊ ကုန်ကုန်ပြောရရင် ကျောင်းပညာဘယ်လောက်တော်သလဲ ဆိုတာကတောင် ကျမတို့ကို ကွဲပြားတယ်လို့ မခံစားရစေဘူး။
Oxford ဟာ တကယ့်ကို စိတ်ဓါတ်ပွင့်လင်းမှုရှိတဲ့ နေရာတစ်ခုပါဘဲ ။ ဘယ်သူကဘယ်သူ့ကိုမှ နင်နဲ့ ငါက မတူဘူး ဆိုပြီး ခွဲခြားဆက်ဆံတယ်ရယ်လို့ မရှိဘူး ။ သူများလောက်မတော်လို့ ခွဲခြားဆက်ဆံခံရတယ်လို့လည်း မရှိဘူး ။ လူတိုင်းလူတိုင်းမှာ သူ့ရဲ့ တန်ဖိုးနဲ့ သိက္ခာ ရှိတယ်လို့ သတ်မှတ်ထားတဲ့နေရာ တစ်ခုပါ ။
ဒါကြောင့်ဘဲ မြန်မာပြည်မှာ လူအခွင့်အရေးအတွက် တိုက်ပွဲဝင်နေစဉ်အတွင်းမှာ '' သြော်..ငါ့တက္ကသိုလ်ကြီးက သဘောကျမယ့်ဟာတစ်ခုကို ငါလုပ်နေတာပါလား'' ရယ်လို့ ကျေနပ်ခံစားမိတယ်။ ကျမနောက်မှာ နှစ်ခြိုက်အားပေးမှု တစ်ခုရှိနေတယ်ဆိုတာ သိရတာ အင်မတန် အားတက်ရပါတယ်။
မြန်မာပြည်ဟာ အခုမှ ခရီးလမ်းတစ်ခုကို စတင်လျောက်လှမ်းရမှာပါ ။ အဲဒီလမ်းက အင်္ဂလန်က လမ်းတွေလိုတော့ ဘယ်ဟုတ်ပါ့မလဲ ။ မချောမွေ့ဘူး ။ ကောင်းကောင်းပြုပြင်ထိန်းသိမ်းထားတဲ့ လမ်းမျိုးမဟုတ်ဘူး။ အဲဒီလောက်ကောင်းတဲ့ လမ်းအဆင့်မျိုး မရောက်သေးပါဘူး ။ အခုမှ ကျမတို့ဖာသာ ကျမတို့ စဖောက်ရမယ့်လမ်း၊ ရှေ့ကို ဆက်သွားရင်းနဲ့ နည်းနည်းချင်း ဖောက်သွားရမယ့် လမ်းမျိုး ဆိုပါတော့ ။
ခုချိန်မှာ များစွာသောလူတွေက မြန်မာပြည်ကို အဆမတန် မျှော်လင့်နေကြတယ် ။ သူတို့တွေထင်တာက မြန်မာပြည်က ကျမတို့ရဲ့ လမ်းဟာ ကျမသွားခဲ့ဖူးတဲ့ London နဲ့ Oxford ဆက်ထားတဲ့ ဟိုင်းဝေးလမ်းမကြီးတစ်ခုလောက် ချောမွေ့နေတယ်လို့ ထင်နေပုံပါဘဲ ။ ကျမဖြင့် ချောလွန်း ဖြောင့်လွန်းလို့ အဲဒီ ဟိုင်းဝေးလမ်းတွေမှာ ကားတောင် မူးမိပါရဲ့ ။ ဒီလောက် ချောမွေ့ဖြောင့်တန်းလွန်း တာကို ကျမမှ ကျင့်သားမရတာကိုး ....။( ရယ်သံများ )
မြန်မာပြည်က ကျမတို့ရဲ့လမ်းကတော့ ခုမှ ကိုယ့်ဟာကို ဖောက်ရမှာပါ ။ ခက်ခက်ခဲခဲ ဖြည်းဖြည်းချင်းပေါ့ ။ ကျမတို့တွေက ဒီလို လမ်းဖောက်နေတုန်း လူကြီးမင်းတို့ကလည်း ကျမတို့နဲ့ အတူ အားပေးရပ်တည်ပေးလိမ့်မယ်လို့ ကျမမျှော်လင့်ပါတယ် ။ အပြင်မှာ လက်တွေ့မရှိသေးပေမယ့် ကျမတို့ နှလုံးသားနဲ့ စိတ်ထဲမှာ ဒီလမ်းဟာ ရှိပြီးသားဆိုတာ နားလည်ပေးလိမ့်မယ်လို့ မျှော်လင့်ပါတယ် ။ သွားချင်တဲ့ နေရာကို ရောက်ဖို့ လူကြီးမင်းတို့ အကူအညီလည်း လိုဦးမှာပါ ။
* ဒါဖြင့် ကျမအနေနဲ့ မြန်မာပြည်ကို ဘယ်လမ်းမျိုး သွားစေချင်သလဲ ဆိုတာ မေးစရာရှိလာပါတယ် ။ ၂၄ နှစ်အတွင်း ကျမရဲ့ ပထမဆုံး နိုင်ငံခြားခရီးစဉ်က ဒီဥရောပခရီးမဟုတ်ဘဲ ထိုင်းကို သွားခဲ့တာပါ ။ ထိုင်းမှာ ရှန်ဂရီလာဆိုတဲ့ ဟိုတယ်မှာ တည်းခဲ့တော့ '' ပျောက်ဆုံးသွားတဲ့ မိုးကုတ်စက်ဝိုင်း '' ဆိုတဲ့ စာအုပ်ကို သတိရမိပါရဲ့ ။ အဲဒီထဲမှာ ရှန်ဂရီလာကို Oxford သေးသေးလေးနဲ့ တူတယ်လို့ ခိုင်းနှိုင်းထားတာ သိကြမှာပါ ။ ( ရယ်သံများ ) ကျမလည်း မြန်မာပြည်ကို အောက်စဖို့ ရှန်ဂရီလာလေးတစ်ခုလို ဖြစ်စေချင်မိပါတယ်...........။
( ပျောက်ဆုံးသွားတဲ့ မိုးကုတ်စက်ဝိုင်း Lost Horizon ဆိုတဲ့ ၀တ္တုမှာ.......... စစ်တွေဖြစ်လွန်းလို့ ဒုက္ခတွေ ဝေနေတဲ့ ကမ္ဘာကြီးကို စိတ်ကုန်နေတဲ့ ဇာတ်လိုက်ဟာ တကယ့်မေတ္တာစစ်၊ မေတ္တာမှန်နဲ့ စိတ်၏ချမ်းသာခြင်းကို ရှန်ဂရီလာ ဆိုတဲ့ အရပ်မှာ ရှာတွေ့သွားပါသတဲ့ ။ အဲဒီအရပ်ဟာ ဒုက္ခမရှိ၊ လူမသေတဲ့ စိတ်ချမ်းသာဖွယ် ခိုလှုံရာအရပ် တစ်ခု ( တနည်းအားဖြင့် လောကနိဗာန်တစ်ခု ) ဖြစ်ပါသတဲ့ ။ အဲဒီ လောကနိဗာန်ဟာ တရုပ်ပြည် တိဘက်ဒေသမှ Kunlun တောင်တန်းများကြားမှာ ရှိတယ်လို့ ယူဆကြပြီး တိဘက်လို Shangri-La လို့ ခေါ်တယ်လို့ သိရပါတယ် ။ ၀တ္တုထဲမှာ စာရေးဆရာက ရှန်ဂရီလာကို Oxford မြို့သေးသေးလေးနဲ့ တူတယ်လို့ ခိုင်းနှိုင်းထားတယ်လို့ ဆိုပါတယ် ။ အင်္ဂလိပ်စာရေးဆရာ James Hilton ရဲ့ စိတ်ကူးယဉ်ဇာတ်လမ်း ၀တ္တု ပါ ..
ကျမလုပ်ချင်တာကတော့ ကြိုးစားမှု ၊ ဗဟုသုတနဲ့ ခေတ်မှီသုတေသနတွေကို အခြေခံပြီး လက်တွေ့ကျတာမျိုး လုပ်ချင်ပါတယ် ။ ဒီလို လုပ်ဖို့ရာမှာ မ,တည်ဖို့ ငွေ ဆိုတာကိုလည်း မေ့ထားလို့ မရပါဘူး ။ ဒီခေတ်မှာ အောင်မြင်တဲ့ အဖွဲ့အစည်းတစ်ခုကို တည်ဆောက်ဖို့ဆိုရင် ငွေဆိုတာ လိုစမြဲမဟုတ်လား ။ ဒီလိုပြောရတာကတော့ မြန်မာပြည်မှာ လာပြီး ရင်းနှီးမြှုပ်နှံစေချင်လို့ပါ ။ ဒီလို ရင်းနှီးမြုပ်နှံတဲ့နေရာမှာလည်း မှန်မှန်ကန်ကန် တာဝန်ယူရဲတဲ့စိတ်နဲ့ လုပ်ဖို့လိုပါတယ် ။ လာပြီး ရင်းနှီးမြုပ်နှံသူတွေသာမက မြန်မာပြည်သူတွေပါ ဒီရင်းနှီးမြုပ်နှံမှုတွေကနေ အကျိုးရှိရမယ်ဆိုတာ မမေ့သင့်ပါဘူး ။
စီးပွားရေးလုပ်ငန်းတွေ ၊ လူသားအကျိုးပြု လုပ်ငန်းတွေအားလုံးဟာ ရင်းနှီးမြုပ်နှံမှုတွေတွေပါဘဲ ။ ဒီလိုရင်းနှီးမြုပ်နှံရာမှာ ဒီမိုကရေစီနဲ့ လူအခွင့်အရေးကို ဦးစားပေးတဲ့ မြုပ်နှံမှုမျိုး ( democracy-friendly , human-rights-friendly ) ဖြစ်အောင် ကူညီပေးကြပါ ။ လူကြီးမင်းတို့တန်ဖိုးထားရပ်တည်ရတဲ့ စံတွေ တန်ဖိုးတွေ၊ လူကြီးမင်းတို့က ကျမကို Oxford မှာ သင်ပေးလိုက်တဲ့ စံတွေ တန်ဖိုးတွေ မြန်မာပြည်မှာ ရှိလာအောင် ဒီရင်းနှီးမြုပ်နှံမှုတွေက အကူအညီပေးမှာပါ ။
ဒီနေ့ကတော့ ကျမအတွက် အရမ်းကို စိတ်လှုပ်ရှားကြည်နူးရတဲ့နေ့ပါဘဲ ။ ဘာကြောင့်လည်း ဆိုတော့ အမြဲတမ်း ရှိနေတဲ့ ၊ ဘယ်တော့မှ ပျောက်မသွားတဲ့ အတိတ်ကို ပြန်တွေ့ခဲ့ရတယ် ။ အနာဂတ်ကို သွားဖို့ အဲဒီ ပျောက်မသွားတဲ့ အတိတ်ကနေ အကောင်းဆုံးစံ၊ အရည်အသွေးတွေကို ရွေးချယ်အသုံးချလို့ ရပါတယ် ။ စိန်ဟူးကောလိပ်မှာ နေတုန်းက ကာလတွေအားလုံးကို တခုမကျန် သတိရမိတယ် ။ အဆောက်အဦးသစ်တွေ ပေါ်လာပေမယ့် အသစ်တွေဟာ အဟောင်းတွေနဲ့ သဟဇာတဖြစ်ဖြစ် ရောယှက်ပေါင်းစပ်နေတယ်ဆိုတာလည်း တွေ့ရတယ်။ ဒီလို အဆင်ပြေပြေ သဟဇာတဖြစ်ဖြစ် ရပ်တည်နေနိုင်မှုဟာ အနာဂတ်အတွက် အင်မတန်ကောင်းတဲ့ မြင်ကွင်းပါဘဲ ။
ကျမတက်ခဲ့တဲ့ ကောလိပ်ကို ပြန်လာရတာ သိပ်ဂုဏ်ယူမိပါတယ် ။ ကျမတို့ အဖွဲ့ကို ကျောင်းအုပ်ဆရာကြီး၊ သူ့မိသားစုနဲ့ ကျောင်းသူကျောင်းသားတွေက နွေးနွေးထွေးထွေး ကြိုဆိုလို့လည်း ပီတီဖြစ်မိပါတယ် ။ ကျောင်းသူကျောင်းသားတွေရဲ့ နွေးထွေးမှုဟာ တကယ်ဘဲ ၀မ်းသာကြည်နူးစရာပါ ။
ကျမ ဟိုးအရင်ကျောင်းသူဘ၀ကို ပြန်ရောက်သွားတယ်လို့ ခံစားရတယ် ။ သူတို့နဲ့ ကွဲပြားတယ်လိုကို တစက်မှ မခံစားရပါဘူး ။ တနည်းအားဖြင့် အခု ကျမဟာ ဟိုးအရင်က Oxford ကျောင်းသူ အောင်ဆန်းစုကြည်ပါဘဲ ။ ဒါပေမယ့် ကျမရင်ဆိုင်ခဲ့ရတဲ့ ဘ၀အတွေ့အကြုံအမျိုးမျိုးကြောင့် တနည်းအားဖြင့်လည်း အရင်က ကျမနဲ့ အခုကျမဟာ ကွဲပြားနေပြန်ပါတယ်..........။
ဒီအတွေ့အကြုံဟောင်းတွေကို အောက်စဖို့ဒ် မှာ အခု ကျမပြန်လည် ခံစားမိပါတယ်။ အတွေ့အကြုံသစ်တွေကို ပေးစွမ်းဖို့၊ သိုမှီးဖို့ ရာလည်း အောက်စဖို့ဒ်ဟာ ကျယ်ပြန့်ကြီးးမားပါပေတယ် ။
ပြောခဲ့သလိုဘဲ ကျမတို့လျှောက်လှမ်းရမယ့် ခရီးလမ်းဟာ လွယ်ကူမှာတော့ မဟုတ်ပါဘူး ။ ဒါပေမယ့်အောက်စဖို့ဒ်က အတတ်နိုင်ဆုံး ကူညီပေးလိမ့်မယ်ဆိုတာ ကျမသိပါတယ်။ ကျမကို ရင်နှစ်သည်းချာတယောက်လို သဘောထားခဲ့တဲ့ Oxford ရဲ့ ကျေးဇူးကြောင့် ရှေ့မှာ ရင်ဆိုင်ရမယ့် အခက်အခဲတွေကို အစွမ်းကုန်ဖြေရှင်းဖို့ အားအင်တွေ ရခဲ့ပါတယ် ဆိုတာ ပြောရင်း နိဂုံးချုပ်ပါတယ် .........။
ဘာသာပြန်ပေးသော Spring Flowers အားကျေးဇူးတင်ရှိပါသည်..
တစ်သောင်းတန်နဲ့ ဗိုလ်ချုပ်ပုံ
ကျပ်တစ်သောင်းတန် ငွေစက္ကူထုတ်တဲ့သတင်းကြေညာပြီလို့ ကြားကြားချင်း မေးမိတာက ငွေစက္ကူ ဒီဇိုင်း မှာ ဘယ်လို ရုပ်ပုံပါသလဲဆိုတာပဲဗျ။ ကျွန်တော်က ပြီးခဲ့တဲ့ ဖေဖော်ဝါရီလမှာပဲ ငွေစက္ကူ အပေါ် က ရုပ်ပုံတွေအကြောင်းဆောင်းပါး ရေးခဲ့သေးတာကိုး။ သည်တော့ အခု တန်ဖိုးအကြီးဆုံး (လို့ယူဆရတဲ့) တစ်သောင်းတန် ငွေစက္ကူ ထုတ်မယ်ဆိုတော့ အများမျှော်လင့်နေသလို အမျိုးသား ခေါင်းဆောင်ကြီး၊ လွတ်လပ်ရေးဗိသုကာကြီး ဗိုလ်ချုပ်အောင်ဆန်းပုံ နဲ့ ထုတ်လိုက်လေမလားလို့ ထင်မိခဲ့ တာ ဗျ။ ခုတော့ ဆင်ဖြူတော်နှစ်ကောင်ပုံနဲ့ ထုတ်လိုက်တာဆိုတော့ ငွေစက္ကူတွေပေါ်မှာ တိရစ္ဆာန် တစ်မျိုး ထပ်မံတိုးပွား လာတာပဲပေါ့ဗျာ။
ဒေါက်တာသန်းထွန်းစကား
ဆင်ဖြူဆိုလိ်ု့ ဆရာကြီးဒေါက်တာသန်းထွန်းကိုပြေးသတိရလိုက်သဗျ။ဆင်ဖြူတော်တွေကိုတစ်ခမ်းတနား ဗိမာန်တွေနဲ့ထားပြီး အမွှန်းတင်ခဲ့တဲ့ တစ်ချိန်တစ်ခါတုန်းကပေါ့ဗျာ။ အချို့အချို့သော လူတွေက ဆင်ဖြူတော်တွေကို အထူးအဆန်းအဖြစ်လာကြည့်ရုံမက ထိုင်ပြီး ရှိခိုးတာတွေ ရှိခဲ့သတဲ့။ အဲဒီတော့ ဆရာသန်းထွန်း က တိရစ္ဆာန်ကို ရှိခိုးတယ်ဆိုတော့ ရှိခိုးတဲ့လူဟာ တိရစ္ဆာန်အောက် နိမ့်တဲ့လူပဲပေါ့လို့ မှတ်ချက် ချပါသတဲ့။ ကျွန်တော် အဲဒီစကားကြားတော့ မှတ်ပလားဟေ့လို့ ပြောမိပါတယ်ဗျ။
လက်အုပ်ချီနှုတ်ဆက်တဲ့အကျင့်
ကျွန်တော်ကလည်း အသက်လေးနည်းနည်းရလာတော့ သတိထားတဲ့ ကြားက စကားတွေ ဟိုရောက် ဒီရောက် ဖြစ်တတ်တယ်ဗျာ။ ခုလည်း ကြည့်လေ၊ ဆင်ဖြူကို ရှိခိုးတဲ့အကြောင်း ပြောရင်း ဟိုတစ်ချိန် တစ်ခါက လူလူချင်း လက်အုပ်တချီချီနဲ့ ကြိုဆိုကြရတဲ့ မြင်ကွင်းကို သတိရပြီး ပြောချင်လာပြန်ပါ ရောလား။
ကျွန်တော်က ပဲခူးမြို့မှာ ကြီးပြင်းလာသူဖြစ်ပြီး ကျွန်တော့်မိခင်ကြီးနဲ့ တစ်မျိုးလုံးတစ်ဆွေလုံးဟာ ကြခတ်ဝိုင်းကျောင်းတိုက်ကြီးရဲ့ ဒါယကာရင်းတွေ ဖြစ်ခဲ့တယ်။ ကျွန်တော့် ယောက္ခမကြီး ဦးကျော်လှိုင်က ကြခတ်ဝိုင်း ဂေါပကဥက္ကဋ္ဌကြီးအဖြစ် နှစ်ပေါင်းများစွာ တာဝန်ယူခဲ့တယ်။ သည်တော့ ကြခတ်ဝိုင်းသာသနာ ပြု အသင်းကြီးရဲ့ ဂါရ၀ြ့ပုကြိုဆိုနှုတ်ဆက်တဲ့ ထုံးဓလေ့အရ တစ်ယောက်နဲ့ တစ်ယောက် ဆုံမိတာနဲ့ အပြန်အလှန် လက်အုပ်ချီ နှုတ်ဆက်တာ အကျင့်ဖြစ်နေတယ်ဗျာ။ သို့ပေမယ့် ပဒေသရာဇ် စိတ်ပေါက်နေသူတချို့က သူတို့ကို ပြည်သူတွေနဲ့ ကျောင်းသားကျောင်းသူလေး တွေက တန်းစီ လက်အုပ်ချီကြိုဆိုတာကို မောက်မာ ယစ်မူးစွာ ခံယူနေကြချိန်ကျတော့ ကျွန်တော့်ရဲ့ ရိုးကျိုးနှိမ့်ချစွာ တစ်ဖက်လူကို လက်အုပ်ချီကြိုဆိုနှုတ်ဆက်တဲ့ အကျင့်ကို တမင် ဖျောက်ဖျက်ပစ်လိုက် ရတယ်ဗျ။
မင်ဒဲလားပုံနဲ့ ငွေစက္ကူတွေ
ကိုင်း အခု ငွေစက္ကူပေါ်က ရုပ်ပုံအကြောင်း ပြန်ကောက်ကြဦးစို့ဗျာ။
တောင်အာဖရိကနိုင်ငံမှာ နိုင်ငံရဲ့ ပထမဆုံး လူမည်းသမ္မတ နယ်လ်ဆင် မင်ဒဲလားရဲ့ ရုပ်ပုံ ရိုက်နှိပ်ထားတဲ့ ယူနစ်အသေးဆုံးကနေ အကြီးဆုံးအထိ ငွေစက္ကူများကို ထုတ်ဝေဖြန့်ချိသုံးစွဲသွားဖို့ စီစဉ်နေတယ်ဆိုတဲ့ ဘီဘီစီသတင်းတစ်ပုဒ်ကို ဖတ်လိုက်ရတဲ့ ဖေဖော်ဝါရီလတုန်းက ကျွန်တော်တို့နိုင်ငံမှာ လည်း ဗိုလ်ချုပ်အောင်ဆန်းပုံနဲ့ ငွေစက္ကူတွေ ပြန်လည် ထုတ်ဝေရင် ဘယ်လောက် ၀မ်းမြောက် ကြည်နူးဖွယ်ဖြစ်လိမ့်မလဲလို့ ရေးခဲ့တယ်ဗျ။
လွတ်မြောက်ခြင်း ၂၂နှစ်ပြည့်ချိန်
တောင်အာဖရိကနိုင်ငံမှာ ရာစုနှစ်နဲ့ချီပြီး ကြီးစိုးလွှမ်းမိုးတွင်ကျယ်ခဲ့တဲ့ "အပါသိုက်"ခေါ် အသားအရောင်ခွဲခြားမှုစနစ်ဆိုးကို ဒူးမထောက် လက်မမြှောက် အလျော့မပေးဘဲ မစေ့စပ်စတမ်း ရွပ်ရွပ်ချွံချွံ ဆန့်ကျင်တိုက်ပွဲဝင်ခဲ့မှုကြောင့် ထောင်ထဲမှာ ၂၇ နှစ်နေခဲ့ရတဲ့ မင်ဒဲလားဟာ ၁၉၉၀ ပြည့်နှစ် ဖေဖော်ဝါရီလ ၁၁ ရက်နေ့မှာ ပြန်လည်လွတ်မြောက်လာခဲ့တယ်။ သူ ပြန်လည် လွတ်မြောက်လာခဲ့ခြင်း ၂၂ နှစ်တင်းတင်းပြည့် မြောက်တဲ့နေ့မှာ အဲဒီ ငွေစက္ကူတွေ ထုတ်ဝေဖြန့်ချိမယ့် အစီအစဉ်ကို လက်ရှိသမ္မတ ဂျက်ကော့ ဇူးမားက ထုတ်ဖော် ကြေညာခဲ့တာ ဖြစ်တယ်။
ငြိမ်းချမ်းရေးနိုဘယ်ဆုရရှိ
တောင်အာဖရိကနိုင်ငံက ဒေသခံတိုင်းရင်းသား လူမည်းများအတွက် သာမက ကမ္ဘာတစ်လွှားက လူမည်းများအတွက်ရော ခွဲခြားဖိနှိပ် ဆက်ခံခြင်း ခံနေကြရတဲ့ လူနည်းစု လူမျိုးစုဝင်များအားလုံး လူ့အခွင့်အရေးချိုးဖောက်ခြင်း ခံနေကြရသူ လူသားအားလုံးအတွက်ပါ မီးရှူးတန်ဆောင်တစ်ခုဖြစ်တဲ့ မင်ဒဲလားဟာ ကမ္ဘာ့အကြီးဆုံး အံချော်လွဲမှားမှုတွေထဲက တစ်ခုဖြစ်တဲ့ အသား အရောင် ခွဲခြားမှုစနစ်ဆိုးကို တစ်ဘ၀လုံး ပေးဆပ်စတေးပြီး ဆန့်ကျင်တိုက်ခိုက် ခဲ့တဲ့ သူ့ရဲ့လှုပ်ရှားမှုများအတွက် ၁၉၉၃ မှာ ငြိမ်းချမ်းရေး နိုဘယ်ဆုကို ဆွတ်ခူးနိုင်ခဲ့တယ်ဗျာ။
အမျိုးသားညီညွတ်ရေးအစိုးရ ဖွဲ့ခဲ့ပုံ
နောက်တစ်နှစ် ၁၉၉၄ မှာ ကျင်းပတဲ့နိုင်ငံရဲ့ ပထမဆုံး ဒီမိုကရေစီ ရွေးကောက်ပွဲမှာ ဗင်ဒဲလား ဦးဆောင်တဲ့ အာဖရိက အမျိုးသား ကွန်ဂရက် (ဗဃြ) က အဓိကပြိုင်ဘက်လူဖြူတွေရဲ့ ပါတီအပေါ် မဲအပြတ်အသတ်နဲ့ အနိုင်ရရှိခဲ့တယ်ဗျ။ အခြေခံဥပဒေသစ်အရ သူ့ပါတီက တစ်ပါတီတည်း အစိုးရဖွဲ့နိုင်တဲ့အနေအထားမှာ ရှိခဲ့ပေမယ့် အင်မတန်မှ အမြော်အမြင်ကြီးမားတဲ့ မင်ဒဲလားက လူဖြူတွေပါ ပါဝင်တဲ့ အမျိုးသား ညီညွတ်ရေး အစိုးရဖွဲ့စည်းခဲ့တာကြောင့် သူ့ရဲ့လုပ်ရပ်ကို ကမ္ဘာက အံ့သြလေးစား ချီးကျူးခဲ့ကြတယ်ဗျ။ ဒါအပြင် မင်ဒဲလားဟာ သူ့ရဲ့ သမ္မတရာထူး ပထမသက်တမ်းကုန်ဆုံးချိန်မှာ ပြည်သူတွေရဲ့ တစ်ခဲနက်ထောက်ခံမှုကို ဆက်လက် ရရှိနေဆဲဖြစ်ပေမယ့် ဒုတိယရာထူး သက်တမ်းအတွက် ၀င်ရောက်ယှဉ်ပြိုင်အရွေးခံခြင်း မပြုတော့ဘူးဗျ။ အာဏာကို နည်းလမ်းမျိုးစုံသုံးပြီး ဆက်လက်ဆုပ်ကိုင်ထားနိုင်ဖို့ ကြိုးစားမှုတွေသာ တွင်ကျယ်လွှမ်းမိုးနေတဲ့ တိုက်ကြီးတစ်တိုက်အတွက် အင်မတန်မှ မြင့်မြတ်အဖိုးတန်တဲ့ အစဉ်အလာကောင်းတစ်ခုကို ချထားခဲ့တာပဲ ဖြစ်တယ်ဗျ။
အနားယူနေပါပြီ
အခုအချိန်မှာ အသက် ၉၄ နှစ်ရှိနေပြီဖြစ်တဲ့ မင်ဒဲလားဟာ ကျန်းမာရေးလည်း ချို့တဲ့နေပြီဖြစ်တဲ့ အတွက် အများပြည်သူ မြင်ကွင်းက နောက်ဆုတ်ပြီး သူ့ရဲ့ဇာတိရွာကလေးမှာ အေးအေးချမ်းချမ်း အနားယူနေပြီဖြစ်တယ်ဗျာ။
မှတ်လောက်သားလောက်စကား
မြို့တော် ပရီတိုးရီးယားက ဗဟိုဘဏ်အဆောက်အဦမှာ ပြုလုပ်တဲ့ မင်ဒဲလားရုပ်ပုံပါတဲ့ ငွေစက္ကူတွေ ရိုက်နှိပ်ထုတ်ဝေမယ့်အကြောင်း ထုတ်ပြန်ကြေညာတဲ့ အခမ်းအနားမှာ တောင်အာဖရိက နိုင်ငံရေးလက်ရှိသမ္မတ ဂျက်ကော့ဇူးမား ပြောသွားတဲ့စကားတစ်ခွန်းဟာ တကယ့်ကို မှတ်သား လောက်တယ်ဗျ။ မင်ဒဲလားအကျဉ်းထောင်က လွတ်မြောက်လာမှုကို ]မျှော်လင့်ခြင်း ခေတ်သစ်တစ်ခုရဲ့ နိဒါန်း} အဖြစ် တင်စားခဲ့တဲ့ ဇူးမားက မင်ဒဲလားရုပ်ပုံပါ ငွေစက္ကူတွေ ထုတ်ဝေမယ့်သူ့အစိုးရရဲ့အစီအစဉ်နဲ့ ပတ်သက်ပြီး ]]ယခုလို မကြီးကျယ် မခမ်းနားတဲ့ သာမည လုပ်ရပ်ကလေးနဲ့အတူ ကျွန်တော်တို့ တောင်အာဖရိကပြည်သူတွေက ဟောဒီနိုင်ငံပြည်သူတွေနဲ့ ကမ္ဘာ့လူသားထု တစ်ရပ်လုံးရဲ့ အကျိုးအတွက် စတေးပေးဆပ်ခဲ့တဲ့ ဘ၀တစ်ခုအပေါ် ကျွန်တော်တို့ရဲ့ လေးနက်တဲ့ကျေးဇူးတင်မှုကို ဖော်ပြကြမှာဖြစ်ပါတယ်}}လို့ ပြောဆိုခဲ့တာ ဖြစ်တယ်ဗျ။
ဆိုလိုတာကတော့ မင်ဒဲလားရုပ်ပုံပါတဲ့ ငွေစက္ကူထုတ်ဝေတဲ့ လုပ်ရပ်ဟာ မင်ဒဲလားက တောင်အာဖရိက နိုင်ငံအပေါ် ပြုခဲ့ဖူးတဲ့ ကျေးဇူးနဲ့ နှိုင်းစာလိုက်ရင် ဘာမှမပြောပလောက်အောင် သေးမွှားသိမ်နုတ်လွန်းလှပါ တယ်လို့ ၀န်ခံ ပြောဆိုလိုက်တာဖြစ်တယ်ဗျ။ နိုင်ငံ့ ဖခင်ကြီးတစ်ဦးအပေါ် နောက်မျိုးဆက် ခေါင်းဆောင် တစ်ဦး က ကျေးဇူးသိစိတ်အပြည့်နဲ့ ပြောဆိုလိုက်တဲ့ စကားမှန်း ပေါ်လွင်ထင်ရှားနေတယ်ဗျာ။
ဗိုလ်ချုပ်အောင်ဆန်းရုပ်ပုံ
မင်ဒဲလားနဲ့ ငွေစက္ကသစ်သတင်းကို ဖတ်လိုက်ရချိန်နဲ့ မရှေးမနှောင်းမှာ လွတ်လပ်ရေးဗိသုကာ အမျိုးသား ခေါင်းဆောင် ကြီး ဗိုလ်ချုပ်အောင်ဆန်းရုပ်ပုံ ရိုက်နှိပ်ထားတဲ့ ငွေစက္ကူတွေ ထုတ်ဝေဖြန့်ချိသွားဖို့ အစီအစဉ်ရှိမရှိ လွှတ်တော်ကိုယ်စားလှယ်တစ်ဦးက မေးမြန်းပြီး သက်ဆိုင်ရာ ပြည်ထောင်စု အစိုးရအဖွဲ့ ၀န်ကြီးက အဲသလို အစီအစဉ်မရှိပါဘူးလို့ ပြန်လည်ဖြေကြား သွားတဲ့အကြောင်း သတင်းစာမှာ ဖတ်လိုက်ရတယ်ဗျာ။
အားလုံးသိကြတဲ့အတိုင်း ဗိုလ်ချုပ်အောင်ဆန်းဟာ တပ်မတော်ရဲ့ ဖခင်လည်းဖြစ်၊ နိုင်ငံ့လွတ်လပ်ရေး အတွက် စွမ်းစွမ်းတမံ ကြိုးပမ်း ဆောင်ရွက်ရင်း တိုင်းပြည်အတွက် အသက်ကို စတေးပေးဆပ်သွားခဲ့သူ လည်း ဖြစ်တယ်ဆိုတဲ့ အပေါ်မှာ မြန်မာနိုင်ငံသားအားလုံးဟာ တစ်သဘောတည်း ရှိကြပေမယ့် ၁၉၆၂ နောက်ပိုင်းကာလတစ်ခုအတွင်း မြန်မာပြည်သူလူထု အများစုကြီးရဲ့ ရင်ထဲမှာ ကသိကအောင့် မကျေမချမ်းဖြစ်စရာလေးတွေ ရှိခဲ့တယ်ဗျ။ ပြည်သူတွေရဲ့ ရင်ထဲက အသံအစစ်အမှန်ကို နားစွင့်နေရတဲ့ မီဒီယာလောကသားတစ်ဦးအနေနဲ့ ပွင့်ပွင့်လင်းလင်း ပြောရရင် မြန်မာပြည်သူတွေက သူတို့မိဘဘိုးဘွားဘီဘင် အရင်းအချာတွေထက်တောင် ပိုပြီး လေးစားမြတ်နိုးတန်ဖိုးထားတဲ့ ဗိုလ်ချုပ်အောင်ဆန်းဟာ အဲဒီနှစ်ငါးဆယ်ကာလ အထူးသဖြင့် ဒီဘက် ၂၄ နှစ်ကာလအတွင်း တမင် ရည်ရွယ်ချက်ရှိရှိ မှေးမှိန်ဖျော့တော့အောင်လုပ်ထားခြင်း ခံနေခဲ့ရတယ်လို့ ခံစားနေခဲ့ကြတာ ဖြစ်တယ်ဗျ။
ဒီလို ခံစားခဲ့ရတာကလည်း အကြောင်းမဲ့မဟုတ်ဘူး။ အကြောင်းရင်း အလုံအလောက် ရှိတယ်ဗျ။ အထူးသဖြင့် ပါလီမန်ဒိမိုကရေစီခေတ် ၁၉၄၈-၆၂ ကို သိမီလိုက်တဲ့လူကြီးတွေမှာရှိတဲ့ အကြောင်းရင်းက ပိုလို့တောင် လုံလောက်တယ်ဗျ။ ၁၉၆၂ နောက်ပိုင်း ဗိုလ်ချုပ်ရဲ့ အခန်းကဏ္ဍကို တဖြည်းဖြည်းချင်း ဘယ်လိုလျှော့ချလာခဲ့ကြသလဲဆိုတဲ့အကြောင်း သူတို့က ကောင်းကောင်းရှင်းပြနိုင်ကြတယ်ဗျာ။
ဧည့်ခန်းထဲ မချိတ်ရဲအောင်
နိုင်ငံတော်က ဦးစီးကျင်းပတဲ့ အာဇာနည်နေ့အခမ်းအနားတွေကို တစ်ချိန်က နိုင်ငံအကြီးအကဲကိုယ်တိုင် တက်ရောက်ရာကနေ နောက်ပိုင်းမှာ ၀န်ကြီးအဆင့်လောက်သာ တက်ရောက်စေခဲ့တာ အစ၊ အစိုးရရုံးဌာန ကျောင်း တွေမှာ စတိတလောက်သာ ကျင်းပလာခဲ့တာ အလယ်၊ ငွေစက္ကူပေါ်မှာ ဗိုလ်ချုပ်ပုံအစား အခြားပုံတွေ ၀င်လာတာ အဆုံး ဗိုလ်ချုပ်ရဲ့အရေးပါမှု ဖျော့မှိန်လာမှုအပေါ် ထုတ်မပြောရဲပေမယ့် ပြည်သူတွေ ရင်ထဲ မသက်မသာ ခံစားလာခဲ့ကြရတာ အဲဒီကာလတွေဖြစ်တယ်ဗျ။ အခြေအနေ တရွေ့ရွေ့ ပိုဆိုးလာချိန်မှာ ဗိုလ်ချုပ်ပုံကိုတောင် ဧည့်ခန်းမှာ မချိတ်ဝံ့လောက်တဲ့အထိ ဖြစ်လာပြီး ထောင်ထဲ ဗိုလ်ချုပ်ပုံ သွင်းလာတာကိုတောင် တရားမ၀င်ပစ္စည်း ခိုးသွင်းမှုနဲ့ စွဲချက်အတင်ခံရတဲ့အထိ ဖြစ်လာခဲ့တာ အားလုံး အသိဖြစ်တယ်ဗျ။
အလွဲတစ်ခု ပြန်တည့်သွားပြီ
ဒါပေမယ့် ဗိုလ်ချုပ်အောင်ဆန်းပုံရှေ့မှာ ဗိုလ်ချုပ်သမီးနဲ့ သမ္မတကြီးတို့ ကြည်လင်သော အပြုံးကိုယ်စီနဲ့ ရပ်နေကြတဲ့ပုံ သတင်းစာထဲပါလာပြီးတဲ့ နောက်မှာတော့ ကျွန်တော်တို့နိုင်ငံမှာ ရာစုတစ်ဝက်လောက် တည်ရှိနေခဲ့တဲ့ "အလွဲ"တစ်ခု ပြန်တည့်သွားခဲ့ပြီလို့ ယူဆဖွယ်ရာ ဖြစ်ခဲ့တယ်ဗျာ။ ပွင့်ပွင့်လင်းလင်း ပြောရရင် ပြည်သူတွေဟာ သူတို့နှစ်ပေါင်းများစွာ လိုလားတောင့်တနေခဲ့ကြတဲ့ သမ္မတကြီးဦးသိန်းစိန်နဲ့ ဒေါ်အောင်ဆန်းစုကြည်တို့ တွေ့ဆုံဆွေးနွေး ခဲ့ကြတယ်ဆိုတဲ့ သတင်းထက် အဲဒီဓာတ်ပုံကြောင့် ပိုပြီး "ဟတ်ထိ"သွားခဲ့ကြတာ ဖြစ်တယ်ဗျာ။ စစ်အစိုးရအဆက်ဆက်နဲ့ ပတ်သက်ပြီး သူတို့ရင်ထဲက မကျေလည်မှု တွေဟာ အဲဒီဓာတ်ပုံကြောင့် အတော်များတဲ့အတိုင်းအတာအထိ ပြေလျော့သွားခဲ့တာ ဖြစ်တယ်ဗျာ။
ဒါကြောင့် ဒီအချက်ကို အလေးအနက်ပြုပြီး နိုင်ငံတော်အစိုးရအနေနဲ့ ဗိုလ်ချုပ်ပုံပါတဲ့ ငွေစက္ကူအသစ် တွေ ထုတ်ဝေခဲ့မယ်ဆိုရင် အစိုးရဟာ ပြည်သူတွေရဲ့ ချစ်ခင်နှစ်သက်မှုကို ထပ်မံရရှိမှာဖြစ်တဲ့အပြင် နိုင်ငံတော် အခုလျှောက်လှမ်းနေတဲ့ လမ်းကြောင်းနဲ့လည်း အံဝင် ခွင်ကျကွက်တိပဲလို့ ကျွန်တော်ကတော့ ယုံကြည်နေမိတယ်ဗျ။
maungwuntha@gmail.com
၁၄၊ ၀၆၊ ၂၀၁၂
photo..AP
သမိုင်းဝင်ဗိုလ်ချုပ်ရဲ့ရှားပါးပုံလေးက ဗိုလ်ချုပ်အောင်ဆန်း ၁၉၄၇ခုနှစ်က Londonကိုရောက်တုန်းကရိုက်ထားတဲ့ပုံပါ .. ရှာဖွေဖော်ပြလိုက်ပါတယ်
ဒေါ်အောင်ဆန်းစုကြည်ကို LSE(London School of Economic) ကနေ မွေးနေ့လက်ဆောင် (၅) ခုပေးခဲ့ပါတယ်။
ပထမ တခုက ပန်းလေး၊ နောက်တခုက စာအုပ်လေး၊ နောက်တခုက LSE ဦးထုပ်လေး။ အမေက ဦးထုပ်လေး ဆောင်းပြပြီး လက်ဆောင်ပေးတာ ပြီးသွားပြီ ထင်လို့ ပြန်ထိုင်လိုက်တဲ့ အချိန်မှာ တယောက်က နောက်တခု ကျန်သေးတယ်တဲ့ မင်းအဖေ ဗိုလ်ချုပ်အောင်ဆန်း LSE ကိုလာတုန်းက ရိုက်ခဲ့တဲ့ ဓါတ်ပုံလေး... ဆိုပြီး ဗိုလ်ချုပ်ပုံလေးကို မှန်ဘောင်သွင်းထားတဲ့ လက်ဆောင်လေး အမေ့ရဲ့ အံ့သြ၀မ်းသာ သွားတဲ့ မျက်ဝန်းလေးနဲ့ အားလုံးကို ပုံလေး ထောင်ပြလိုက်တာ မြင်ရတဲ့သူတွေ ၀မ်းနည်းဝမ်းသာ ဖြစ်စေတယ်။ နောက်ဆုံး လက်ဆောင် တခုကတော့ အမေ့အတွက် မွေးနေ့ သီချင်းလေးပါ ....... (ခင်ကလျာစိုး)
(67)နှစ်ပြည့် မွေးနေ့ကိတ်လက်ခံရယူနေစဉ်
Amnesty International's Ambassador of Conscience award ဆုပေးပွဲသို့တက်ရောက်လာသော ဂျိမ်းစ်ဘွန်း 007 မင်းသားကြီး Roger Moore နဲ့ဇနီး
Ireland's သမ္မတ Michael D. Higgins က အစိုးရအဆောက်အဦးတွင်ဖိတ်ခေါ်ပြသ
မြန်မာ့ဒီမိုကရေစီခေါင်းဆောင်Amnesty International အဖွဲ့က ချီးမြှင့်တဲ့ Ambassador of Conscience “ယုံကြည်ချက် ခိုင်မာပြတ်သားမှု သံတမန်” ဆုလက်ခံရရှိသော အခမ်းအနားမြင်ကွင်းများ
Photo.AP, Reuters
ိုအ်ိုင်ယာလန်နိုင်ငံ ဒပ်ဗလင်မြို့လေဆိပ်ရောက် မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်(twitter)
ဒေါ်အောင်ဆန်းစုကြည်အားနိုင်ငံတကာလူအခွင့်အရေးဆုပေးအပ်ပွဲနှင့်U2အဖွဲ့အပါအဝင်ကမ္ဘာကျော်အဆိုတော်များ၊သရုပ်ဆောင်များမှ ဂုဏ်ပြုတင်ဆက်မည့် Electric Burmaအမည်ရှိ ဂီတပွဲတော်သို့ ဒေါ်အောင်ဆန်းစုကြည် တက်ရောက်မည်ဖြစ်သည်။ ဂီတပွဲတော်အပြီး ဒပ်ဗလင်ရှိ ဂုဏ်ပြုရင်ပြင်တွင် အိုင်ယာလန်ပြည်သူများကို အမှတ်တရစကားပြောကြားမည်ဖြစ်သည်။ ယနေ့မနက်နော်ဝေနိုင်ငံတွင် နှစ်စဉ်ကျင်းပသော Oslo Forumတွင်အိုင်းရစ်အဆိုတော်ဘိုနိုတက်ရောက်ခဲ့ပြီး ဒေါ်အောင်ဆန်းစုကြည်အားဒပ်ဗလင်မြို့သို့သွားရောက်ရန်အတွက်သူ၏ကိုယ်ပိုင်ဂျက်လေယာဉ်ဖြင့်ခေါ်ဆောင်သွားခဲ့ကြောင်း နော်ဝေနိုင်ငံရေးဝန်ကြီးဌာနကသတင်းတရားဝင်ထုတ်ပြန်ခဲ့သည်။
o
သတင်းစာဆရာ၊ စာရေးဆရာလူထုစိန်ဝင်းသည် ဇွန်လ ၁၇ ရက်နေ့ ည ၁၁ နာရီခွဲတွင် ရန်ကုန်မြို့၊ ssc အထူးကုဆေးခန်းတွင် ရင်ကြပ်ရောဂါဖြင့် ကွယ်လွန်သွားကြောင်း သိရသဖြင့် မိသားစုနှင့် ထပ်တူဝမ်းနည်းကြေကွဲရပါသည်။
ဝါရင့်သတင်းစာဆရာကြီး လူထုစိန်ဝင်းနှင့် ဒေါ်အောင်ဆန်းစုကြည်တို့ ၂၀၁၁ ဇွန်လ ၁၇ ရက်နေ့က တွေ့ဆုံ စကားပြောဆိုခဲ့ကြကြောင်း သိရသည်။ ရန်ကုန်မြို့၊ ကုန်သည်လမ်းနှင့် ၃၉ လမ်းထောင့်ရှိ ဆရာလူထုစိန်ဝင်း၏ နေအိမ်သို့ ဒေါ်အောင်ဆန်းစုကြည်က သွားရောက် တွေ့ဆုံခဲ့ခြင်း ဖြစ်သည်။ ယခုတွေ့ဆုံမှုသည် နှစ်ဦးစလုံး အတွက် ပထမဆုံးအကြိမ် တွေ့ဆုံမှု ဖြစ်ပြီး ၁၉၈၈ ခုနှစ်၊ ဒီဇင်ဘာလအတွင်း ဒေါ်ခင်ကြည် ဈာပန၌ တွေ့ဆုံခဲ့ဖူးသော်လည်း စကားပြောဆိုခဲ့ဖူးခြင်း မရှိကြောင်းသိရသည်။
Copyright © 2009 ဒေါင်းမာန်ဟုန်. All rights reserved.
