ထကြည့်သောအခါ
အရှေ့အရပ်မှ ပြေးကြ လွှားကြ
အိုးမဲ့အိမ်မဲ့များ
(ပိုင်ဆိုင်မှုကား မောဟတရား...)
ထကြည့်သောအခါ
အနောက်အရပ်မှ ဟစ်ကြွေးသံများ
စီးပွားပျက်မှု၊ ဘဝပျက်မှု
အော်ဟစ်သံများ
(ပိုင်ဆိုင်မှုကား လောဘတရား...)
ထကြည့်သောအခါ
တောင်အရပ်မှ လေသံ မိုးသံ မုန်တိုင်းသံများ
ရေမှာ ငုတ်လျှိုး ကုန်းမှာ လွင့်မျော
ဒုက္ခသည်များ
(ပိုင်ဆိုင်မှုကား အနိစ္စတရား...)
ထကြည့်သောအခါ မြောက်အရပ်မှာ မီးခိုးမှိုင်းများ
ဝေ့ဝေ့ဝိုင်းလျှက် ကျည်သံ ဗုံးသံ ထစ်ချုန်းမှုနှင့်
ပွက်ပွက်ဆူသော သွေးစိမ်းရှင်များ
(ပိုင်ဆိုင်မှုကား ဒေါသတရား...)
ထကြည့်သောအခါ
အရပ်ဆယ်မျက်နှာ ဆည်းလည်းသံနှင့် အေးချမ်းမှုများ
မြေထဲရောက်ရောက် မီးထဲပျောက်ပျောက်
ကျွန်ုပ်တို့ပိုင်ဆိုင်မှုကား ကုသိုလ်တရား။
ကျော်သူ
၁၇.၁.၂ဝဝ၉ (နံနက် ဝ၅ ဝဝ နာရီ)
သတင်းအကျဉ်းချုပ် ...
အမေရိကန် နိုင်ငံခြားရေး ၀န်ကြီးဌာနက အရာရှိကြီး တဦးဦး မြန်မာနိုင်ငံကို လာရောက်ပြီး အဲန်အယ်လ်ဒီ ခေါင်းဆောင်တွေနဲ့ တွေ့ဆုံမယ်ဆိုရင် အစိုးရ ဧည့်ဂေဟာမှာထက် အဲန်အယ်လ်ဒီ ဌာနချုပ်မှာ တွေ့ဆုံဖို့အတွက် အဲန်အယ်လ်ဒီဘက်က အမေရိကန်သံရုံးကို အဆိုပြုထားပါတယ်။ အရင်က ကုလသမဂ္ဂခေါင်းဆောင်တွေနဲ့ အဲန်အယ်လ်ဒီ ခေါင်းဆောင်တွေ တွေ့ဆုံခဲ့တဲ့အချိန် မြန်မာစစ်အစိုးရ စီစဉ်ပေးတဲ့ အစိုးရဧည့်ဂေဟာမှာပဲ တွေ့ဆုံခွင့်ရခဲ့ကြပါတယ်။
အမေရိကန်လက်ထောက် နိုင်ငံခြားရေး ၀န်ကြီး ကာ့(တ်) ကမ်ဘဲလ် ဟာ မြန်မာနိုင်ငံကို ရှေ့သီတင်းပတ် အတွင်းမှာ ရောက်လာမယ်လို့ သတင်းတွေ ထွက်ပေါ်နေပေမယ့် အခုထိတော့ အတိအကျတော့ ထုတ်ပြန်ကြေညာတာ မရှိသေးပါဘူး။
ရန်ကုန် အမေရိကန်သံရုံးဘက်က အကြောင်းကြားထားတာနဲ့ ပတ်သက်ပြီး အဲန်အယ်လ်ဒီ ပြောရေးဆိုခွင့်ရှိသူ ဦးဉာဏ်ဝင်း ကို ကိုသိန်းထိုက်ဦး ဆက်သွယ်မေးမြန်းတဲ့အခါ ဦးဉာဏ်ဝင်း က အခုလို ပြောပါတယ်။
"အကြောင်းကြားထားတာ ရှိတယ်။ အကြောင်းကြားတာက လာလို့ရှိရင် အဲန်အယ်လ်ဒီ စီအီးစီ တွေနဲ့လည်း တွေ့မယ်၊ ဒေါ်အောင်ဆန်းစုကြည်နဲ့လည်း တွေ့မယ်။ နေ့တို့ အချိန်တို့တော့ မပြောသေးဘူး။ အဲဒါတော့ အကြောင်းကြားထားပါတယ်"
ကျနော်တို့ ကြားတာက အဲန်ကယ်လ်တို့ ဘက်ကလည်း အဲန်အယ်လ်ဒီ ခေါင်းဆောင်တွေဘက်ကနေပြီးတော့ တွေ့မယ်ဆိုရင် အဲန်အယ်လ်ဒီ ဌာနချုပ်မှာ တွေ့ဖို့၊ ဖြစ်နိုင်မယ်ဆိုလို့ရှိရင် ဒေါ်အောင်ဆန်းစုကြည် အပါအ၀င် အားလုံး တွေ့ဖို့ဆိုပြီး တောင်းဆိုထားတာ ရှိတယ်လို့ ကြားပါတယ်ခင်ဗျ။ အဲဒါရော ဟုတ်ပါသလား။ -
"အဲဒီလို သီးခြား တောင်းဆိုတာတော့ မရှိဘူး။ ကျနော် ထင်ပါတယ်၊ လွန်ခဲ့တဲ့ နှစ်ပတ်သုံးပတ်လောက်တုန်းက သူတို့ သံအရာရှိတွေနဲ့ တွေ့တဲ့အခါမှာ ဒီလိုသဘောမျိုး ပြောဆိုတာရှိတယ်။ တောင်းဆိုတာ ဆိုတာထက်ကို ဒီလို ဆောင်ရွက်သင့်တာမျိုး ရှိပါတယ်။"
တွေ့မယ်ဆိုလို့ရှိရင် အဲန်အယ်လ်ဒီ ရုံးချုပ်မှာ တွေ့မယ်ဆိုတာမျိုး၊ -
"ဟုတ်ပါတယ်။"
အစိုးရဧည့်ဂေဟာမှာ မဟုတ်ဘဲနဲ့ အဲန်အယ်လ်ဒီ ရုံးချုပ်မှာတွေ့ဖို့ ဆိုတာမျိုး အဲန်ကယ်လ်တို့ဘက်က အလေးထားပြီးတော့ ပြောခဲ့တာမျိုး ရှိပါသလား။ -
"ပြောခဲ့ပါတယ်။"
ဘာကြောင့် အစိုးရ ဧည့်ဂေဟာမှာထက် အဲန်အယ်လ်ဒီ ဌာနချုပ်မှာ တွေ့ဖို့အဆိုပြုတာပါလဲ။ -
"အစိုးရ ဧည့်ဂေဟာ ဆိုတာ ဘယ်လိုအနေအထား ရှိတယ်။ ဘာတွေ ရှိတယ်ဆိုတာ ကျနော်တို့ ဘာမှမသိဘူး။ ရှိတယ်လို့လည်း မစွပ်စွဲဘူး။ သို့သော် သိကိုမသိတာ။ အဲဒီတော့ ဘာမှမရှိတဲ့ ကျနော်တို့ အဖွဲ့ချုပ်က ပိုပြီးတော့ သင့်လျော်ပါတယ်။"
အဲန်အယ်လ်ဒီ ပြောရေးဆိုခွင့်ရှိသူ ဦးဉာဏ်ဝင်း ကို ဆက်သွယ်မေးမြန်းခဲ့တာပါ။
အောက်တိုဘာလ ၂၃ ရက်နေ့က ပြုလုပ်ခဲ့တဲ့ နိုင်ငံခြားရေးဝန်ကြီးဌာနရဲ့ သတင်းစာရှင်းလင်းပွဲမှာတော့ မစ္စတာ ကာ့(တ်) ကမ်ဘဲလ် မြန်မာပြည်ကို သွားရောက်မယ့် ကိစ္စနဲ့ပတ်သက်ပြီးတော့ အတိအကျ မဆုံးဖြတ်ရသေးဘူးလို့ ပြောခွင့်ရသူပုဂ္ဂိုလ် အီရန်ကယ်လီ က ပြောထားတာ ရှိပါတယ်။ အမေရိကန်ပြည်ထောင်စုက မြန်မာနိုင်ငံအပေါ် ထိတွေ့ဆက်ဆံရေးမူကို ကျင့်သုံးမယ်လို့ ကြေညာခဲ့ပြီးတဲ့နောက် အမေရိကန် လက်ထောက် နိုင်ငံခြားရေး ၀န်ကြီး ကာ့(တ်) ကမ်ဘဲလ် အခုလို မြန်မာပြည်ကို သွားမယ်ဆိုတဲ့ သတင်းတွေ ထွက်နေတာ ဖြစ်ပါတယ်။ ဒီ ခရီးစဉ်နဲ့ပတ်သက်လို့ စောင့်ကြည့်လေ့လာနေတဲ့ အကြောင်းလည်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောဆိုထားပါတယ်။ သီးခြားတွေ့ဆုံချင်တဲ့ အဲန်အယ်လ်ဒီရဲ့ ပြောဆိုချက်နဲ့ပတ်သက်ပြီးတော့ ခုချိန်ထိတော့ အမေရိကန်ဘက်က တစုံတရာ ပြောဆိုခြင်း မရှိသေးပါဘူး။
http://www.voanews.com/burmese/2009-10-30-voa4.cfm?rss=topstories
သတင်းအကျဉ်းချုပ် ...
ညွန့်သက်ထားဦး
အမေရိကန် နိုင်ငံ လက်ထောက် နိုင်ငံခြားရေး ၀န်ကြီး ကတ်ကမ်ဘဲလ် နှင့် အဖွဲ့ လာရောက် မည့် သီတင်း တစ်ပတ် အလိုက စပြီး နေပြည်တော်တွင် လုံခြုံရေးများ တိုးမြှင့် ထားသည်။ ကာကွယ်ရေး ၀န်ကြီးဌာန နှင့် စစ်ခေါင်းဆောင် ဗိုလ်ချုပ်မှူးကြီး သန်းရွှေ ၊ ဒုတိယ ဗိုလ်ချုပ်မှူးကြီး မောင်အေး နှင့် ဗိုလ်ချုပ်ကြီး သူရ ရွှေမန်း တို့၏ နေထိုင်ရာ အနီးတစ်ဝိုက်တွင် လက်မရွံ့ ကွန်မန်ဒို တပ်ဖွဲ့များ အများအပြား ချထားသည် ဟု သံချပ်ကာ ယန္တယား တပ်မှ အရာရှိ တစ်ဦးက Freedom News Group သို့ ပြောသည်။
သီတင်း နှစ်ပတ် အတွင်း သီရိလင်္ကာ နိုင်ငံသို့ ချစ်ကြည်ရေး ခရီးလည် ပတ်ရန် အစီအစဉ် ရှိသည့် မြန်မာ စစ်ခေါင်းဆောင် ဗိုလ်ချုပ်မှူးကြီး သန်းရွှေ မှာ ၎င်း၏ ကျန်းမာရေး အခြေအနေကြောင့် သွားရောက် နိုင်ခြင်း မရှိတော့ ဟုလည်း သတင်းများ ထွက်ပေါ်နေသည်။
နေပြည်တော် တွင် နိုင်ငံတကာ ရေးရာ ကိစ္စရပ်များ ၊ တိုင်းရင်းသား လက်နက်ကိုင် အဖွဲ့အစည်းများနှင့် ပတ်သက်သည့် ကိစ္စရပ် များ အတွက် သဘော ကွဲလွဲ မှုများ ဖြစ်ပေါ်နေပြီး ၀ ပြည်အား ထိုးစစ်ဆင်မည့် သဘောထား ရှိသူများ ဘက်မှ အားသာ နေကြောင်း သိရသည်။
နေပြည်တော် တွင် ဂျူနီယာ စစ်ဗိုလ်ချုပ် များအား စစ်ခေါင်းဆောင် များ၏ လုံခြုံရေး အဖွဲ့များက စောင့်ကြည့် မှုများ ရှိနေပြီး အချို့ စစ်ဗိုလ်ချုပ်များ၏ သွားလာမှု များကို ထိန်းချုပ် ကန့်သတ် ထားသည် ။
ဗိုလ်ချုပ်မှူးကြီး သန်းရွှေ သီရိလင်္ကာ နိုင်ငံသို့ သွားရောက် လည်ပတ်စဉ် ရက်များတွင် စစ်ဗိုလ်ချုပ် နှစ် ဒါဇင် ကျော်ခန့် အထူး စီမံထားသော တရား စခန်းတွင် ၀င်ရောက် နေထိုင်ရမည် ဖြစ်ပြီး ထို တရား စခန်း၏ အပြင်ဘက် တွင် ကွန်မန်ဒိုများက စောင့်ကြပ်ကာ အပြင် ထွက်ခွင့် နှင့် မိသားစု နှင့် တွေ့ဆုံခွင့်များ မရှိရဟု သိရသည်။
လာမည့်ရက် အနည်းငယ်အတွင်း အရေးပါသည့် ရာထူးနေရာ အပြောင်းအလဲများ ဖြစ်ပေါ်မည် ဟု လည်းသိရသည်။
သံချပ်ကာ ယန္တယားတပ်မှ အရာရှိ တစ်ဦးက အရေးပါသည့် စစ်လက်နက် ပစ္စည်းများအား နေရာ ရွှေ့ပြောင်း ထားရှိသည်ဟု ပြောသည်။ နေပြည်တော်ရှိ အရပ်ဘက် အစိုးရ အရာရှိ တစ်ဦးကမူ နေပြည်တော် ၏ သက်တမ်းလေး နှစ် အတွင်း ပထမဆုံး အကြိမ် မတည်မငြိမ် ဖြစ်မှုဟု ပြောကြားကာ အခြေအနေ အပြောင်းအလဲ တစ်ခု ဖြစ်ပွား နိုင်ကြောင်း သုံးသပ် ပြောကြားသည်။
source by :
FREEDOM NEWS GROUP
သတင်းအကျဉ်းချုပ် ...
မောင်သြ
(ခေတ်ပြိုင်အင်တာနက်စာမျက်နှာမှ ...)
ယနေ့အချိန်ဟာ မြန်မာနိုင်ငံအတွက် အနာဂတ်ပြုပြင်ပြောင်းလဲတိုးတက်မှုမှာ နအဖစစ်အာဏာရှင်အစိုးရကော အန်အယ်လ်ဒီပါ တချက်အမှားမခံရအောင် အရေးကြီးတဲ့ လမ်းဆုံလမ်းခွကို ရောက်နေပြီလို့ ဆိုချင်ပါတယ်။
ဘာကြောင့်လဲဆိုရင် နအဖကလည်း သူ့ Road Map လမ်းပြမြေပုံအရ ၂၀၀၈ ခုနှစ် အခြေခံဥပဒေမူကြမ်းကြီးကို ဆုပ်ကိုင်ပြီး ၂၀၁၀ ရွေးကောက်ပွဲကို ကျင်းပသွားဖို့အတွက် ၂၀၀၉ ခုနှစ် မတ်လ (၂၇) ရက် တော်လှန်ရေးနေ့မှာကော၊ အောက်တိုဘာလမှာ ကျင်းပခဲ့တဲ့ စစ်ပြန်စစ်မှုထမ်းဟောင်းညီလာခံမှာပါ စစ်ဗိုလ်ချုပ်မှူးကြီးသန်းရွှေက အခိုင်အမာ ပြောကြားခဲ့ပြီးဖြစ်ပါတယ်။ ဒါကိုကြည့်ရင် နအဖအစိုးရက သူ့လမ်းကြောင်းကို သူ ဖြောင့်ဖြောင့်တန်းတန်း ခေါင်းမာမာနဲ့ သွားမယ်ဆိုတာ ထင်ရှားနေပါတယ်။
နောက်တဘက်က အန်အယ်လ်ဒီကတော့ ဘယ်လိုရှိပါသလဲ။ ၂၀၀၉ ခုနှစ် ဧပြီလ (၂၉) ရက်နေ့က ထုတ်ပြန်ထားတဲ့ ရွှေဂုံတိုင်ကြေညာစာတမ်းကို စွဲစွဲမြဲမြဲ ဆုပ်ကိုင်ထားမှာလား၊ ဟုတ်ကဲ့ … မိမိကိုယ်တိုင် လက်နဲ့ရေးထားတဲ့ စာတမ်းကို ခြေနဲ့ဖျက်မှာမဟုတ်ဘူးဆိုတာ အားလုံးက ယုံကြည်ပြီးသားပါ။
ရွှေဂုံတိုင်ကြေညာစာတမ်းဟာ အန်အယ်လ်ဒီရဲ့ ဂုဏ်သိက္ခာဖြစ်သလို အသက်သွေးကြောလည်း ဖြစ်တယ်ဆိုတာ ယုံမှားသံသယရှိစရာမလိုပါဘူး။ ဘာကြောင့်လဲဆိုတော့ အဲဒီကြေညာစာတမ်းကို နိုင်ငံအ၀ှမ်းမှာရှိတဲ့ ရဟန်းရှင်လူ၊ ကျောင်းသားပြည်သူတွေနဲ့ တိုင်းရင်းသားအဖွဲ့အစည်းတွေကလည်း အလေးအနက် ထောက်ခံထားကြလို့ပါပဲ။
ဒါ့အပြင် အနောက်နိုင်ငံ၊ အီးယူ၊ အာဆီယံနဲ့ ကုလသမဂ္ဂက ခေါင်းဆောင်တွေကလည်း အန်အယ်လ်ဒီရဲ့ ရွှေဂုံတိုင်ကြေညာစာတမ်းကို အလေးထားရှုမြင်သုံးသပ်နေကြောင်း ကြားသိရလို့ပါပဲ။
နအဖကလည်း ၂၀၁၀ ရွေးကောက်ပွဲကို ကျင်းပသွားဖို့ ကျားဖမ်းမယ်၊ ဆင်ဖမ်းမယ် တကြိမ်းကြိမ်းနဲ့ ဟန်ရေးပြနေသော်လည်းပဲ ယခုထက်ထိ ရွေးကောက်ပွဲဆိုင်ရာ နည်းဥပဒေတွေ၊ ပါတီဖွဲ့စည်းရေးဆိုင်ရာ ညွှန်ကြားချက်တွေနဲ့ ရွေးကောက်ပွဲကော်မရှင်တွေ ဖွဲ့စည်းဖို့ ဘာကြေညာချက်မှ ထုတ်ပြန်တာ မတွေ့ရသေးပါဘူး။
ရဲဘော် ဖိုးသံချောင်းရဲ့ စကားနဲ့ဆိုရင်တော့ “သူတို့ (နအဖ) အတွင်းမှာလည်း ပြဿနာရှိတယ်၊ သူတို့မပြတ်လို့ သူတို့အပြင်ကို မထုတ်နိုင်တာပါ။ အာဏာရထားတဲ့သူ၊ သေနတ်ကိုင်ထားတဲ့သူဆိုတာ အဓိကကတော့ သူတို့ထဲမှာ အာဏာနဲ့ ပတ်သက်တဲ့ ပြဿနာတော့ရှိမှာပါ” ဆိုတာလို စဉ်းစားစရာတွေ ရှိနိုင်တာပေါ့ဗျာ။
အဲသလိုပဲ အန်အယ်လ်ဒီကလည်း ရွေးကောက်ပွဲဝင်ရေး၊ မ၀င်ရေးထက် မိမိတို့ကိုယ်တိုင် ရေးဆွဲထုတ်ပြန်ထားတဲ့ ရွှေဂုံတိုင်ကြေညာစာတမ်းကို သစ္စာရှိရှိ၊ သံမဏိစိတ်ဓာတ်နဲ့ ဆုပ်ကိုင်ထားဖို့၊ ခိုင်ခိုင်မာမာ ရပ်တည်နိုင်ဖို့ စည်းလုံးညီညွတ်မှုအား မွေးနေရပါမယ်။ အဲဒီလိုမှ မထိန်းသိမ်းနိုင်ရင် အန်အယ်လ်ဒီကို ၀ိုင်းရံထောက်ခံနေတဲ့ ပြည်သူတွေကတော့ သစ္စာဖောက်တွေလို့ နာမည်ပေးကင်ပွန်းတပ်မှာ သေချာပါတယ်။
နအဖ (န၀တ) စစ်အစိုးရကို ၉၀ ပြည့်နှစ် ရွေးကောက်ပွဲကာလက သူတို့ပေးထားတဲ့ ကတိစကားတွေနဲ့ ချမှတ်ထားတဲ့ ၁/၉၀ တွေကို မလိုက်နာရကောင်းလားလို့ အန်အယ်လ်ဒီက ပြစ်တင်ဝေဖန် တောင်းဆိုတာရှိခဲ့သလို အန်အယ်လ်ဒီအနေနဲ့လည်း မိမိတို့ထုတ်ပြန်ထားတဲ့ ၂၂.၉.၀၈ နေ့ထုတ် အထူးကြေညာချက်အမှတ် ၁၈/၀၉/၀၈ နဲ့ ၂၉.၄.၀၉ နေ့မှာ ထုတ်ပြန်တဲ့ ရွှေဂုံတိုင်ကြေညာစာတမ်းတွေကို တသေဝေမတိမ်း ထိန်းသိမ်းလိုက်နာဖို့ တာဝန်ရှိပါတယ်။
နအဖအနေနဲ့ အန်အယ်လ်ဒီရဲ့ ရွှေဂုံတိုင်ကြေညာစာတမ်းကို မသိကျိုးကျွံပစ်ပယ်ပြီး ၂၀၁၀ ရွေးကောက်ပွဲကို တဖက်သတ်လုပ်ဆောင်သွားမယ်ဆိုရင် ကုလသမဂ္ဂအထွေထွေညီလာခံမှ ဆုံးဖြတ်ချက်တွေ၊ အီးယူဥရောပသမဂ္ဂ နိုင်ငံအဖွဲ့အစည်းကြီးတွေရဲ့ ဆုံးဖြတ်ချက်တွေကို ဆန့်ကျင်သွေဖည်ရာရောက်တဲ့အတွက် မွေးဖွားပေါ်ထွက်လာမယ့် ရွေးကောက်ပွဲရလဒ်သားကောင်ဟာလည်း အပြစ်အနာအဆာတွေနဲ့ ဆွံ့အကျိုးကန်း မသန်မစွမ်းကလေးဖြစ်လာမှာ သေချာပါတယ်။
ရွေးကောက်ပွဲဝင်ကြတဲ့ ပါတီအဖွဲ့အစည်းတွေကလည်း နအဖက အမဲသားတုံးပြတာနဲ့ ပြေးဟပ်ချင်ကြတာကိုး။ အမဲသားတုံးမှာ အဆိပ်ပါလား၊ မပါလား မစဉ်းစားကြတော့ဘူး။ လွှတ်တော်ထဲရောက်ရင် ပြောခွင့်ဆိုခွင့်ရမယ်လို့ အခွင့်အရေးမျှော်ကိုးတဲ့သူတွေကိုတော့ လွှတ်တော်ထဲရောက်ဖို့ နေနေသာသာ လွှတ်တော်လှေကားထစ်ရောက်ရင်တောင် ကံကောင်းတယ်မှတ်ပါ။ လှေကားထစ်မှာတင် အမဲသားတုံးကျွေးပြီး ပါးစပ်ပိတ်ခံနေရမှာ မြင်ယောင်နေပါသေးတယ်လို့ ပြောလိုက်ချင်ပါတယ်။
နအဖနဲ့ အန်အယ်လ်ဒီအဖွဲ့ချုပ်တို့ဟာ ယနေ့ နိုင်ငံရေးမျက်နှာစာ စစ်ပွဲမှာ နအဖက အာဏာနဲ့ လက်နက်ကို ကိုင်ဆောင်ထားတယ်။ အန်အယ်လ်ဒီကတော့ ပြည်သူလူထုရဲ့ မန်းဒိတ်၊ တရားဥပဒေနဲ့ မေတ္တာလက်နက်ကို ကိုင်ဆောင်ထားတယ်။ ရှေ့မတိုးသာ နောက်မဆုတ်သာနဲ့ အရေးပါတဲ့ လမ်းဆုံလမ်းခွ ရောက်နေကြပြီ။
ဒီအချိန်မှာ အမေရိကန်အစိုးရက နအဖစစ်အာဏာရှင်အစိုးရအပေါ် sanction ကို တဘက်က ပိတ်ဆို့မြဲပိတ်ထားပြီး တဘက်က တိုက်ရိုက်ထိတွေ့ဆက်ဆံတာမျိုး ဆောင်ရွက်ဖို့ စီစဉ်နေပြီ။ အဲ … နအဖဘက်က ထင်သာမြင်သာရှိတဲ့ ဒီမိုကရေစီရေးနဲ့ လူ့အခွင့်အရေး တိုးတက်ပြောင်းလဲလာမှုတွေ ရှိခဲ့ရင်တော့ ပိတ်ဆို့တားဆီးမှုတွေဟာ ရုပ်သိမ်းသွားနိုင်စရာ ရှိလာပါလိမ့်မယ်။
ဒါကလည်း အန်အယ်လ်ဒီခေါင်းဆောင် ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားအားလုံး အမြန်ဆုံးလွှတ်ပေးရေးနဲ့ အမျိုးသားပြန်လည်သင့်မြတ်ရေး ဆောင်ရွက်နိုင်ခြင်းအပေါ်မှာ အခြေခံတာဖြစ်ရပါမယ်။
တပြိုင်နက်တည်းမှာပဲ အန်အယ်လ်ဒီခေါင်းဆောင် ဒေါ်အောင်ဆန်းစုကြည်နဲ့ နအဖဆက်သွယ်ရေးဝန်ကြီး ဦးအောင်ကြည်တို့ အောက်တိုဘာလဆန်းပိုင်းမှာ (၂) ကြိမ် တွေ့ဆုံတဲ့ အခြေအနေ၊ ဒေါ်အောင်ဆန်းစုကြည်နဲ့ အမေရိကန်၊ ဗြိတိန်၊ သြစတြေးလျ သံအရာရှိ (၃) ဦး တွေ့ဆုံဆွေးနွေးတဲ့ အခြေအနေ၊ ၉.၁၀.၀၉ နေ့မှာ ၎င်းသံအရာရှိ (၃) ဦးနဲ့ အန်အယ်လ်ဒီ ဗဟိုအလုပ်အမှုဆောင်တွေ အန်အယ်လ်ဒီရုံးချုပ်မှာ တွေ့ဆုံဆွေးနွေးတဲ့ အခြေအနေ (ဥက္ကဋ္ဌ ဦးအောင်ရွှေနဲ့ စီအီးစီ ဦးဝင်းတင်တို့မပါ) … စသည့်အခြေအနေတွေဟာ နအဖအစိုးရက ပကတိရိုးသားဖြူစင် မွန်မြတ်တဲ့ စိတ်ရင်း၊ စေတနာရင်းတို့နဲ့ တွေ့ဆုံခွင့်လိုက်လျောခြင်း၊ တိုင်းပြည်နဲ့ လူမျိုးအကျိုး တိုးတက်ဖွံ့ဖြိုးဖို့အတွက် ရည်ရွယ်ခြင်းအပေါ် အဓိကထားတယ်ဆိုရင် အကောင်းမြင်သဘောနဲ့ ကြိုဆိုပါတယ်။ သာဓု … သာဓု (၂) ကြိမ်လောက်တော့ ကြိုခေါ်ထားပါမယ် (နအဖရဲ့ စိတ်ရင်းအမှန်ကို စိတ်မချ မယုံကြည်ရသေးလို့ပါ)။
တကယ်လို့ နအဖက ၎င်းတို့အပေါ် ပိတ်ဆို့ထားတဲ့ Sanction လျော့ကျရေးအတွက်သာ ဟန်ပြအယောင်အဆောင်သဘော အနေအထားဖြစ်နေရင်တော့ နအဖနဲ့ တိုင်းပြည်ရဲ့ကံကြမ္မာဟာ မတွေးဝံ့စရာ အနာဂတ်ဆိုးတွေနဲ့ သံသရာလည်နေဦးမှာပဲဆိုတာ ပြောချင်ပါတယ်။
မည်သို့ဆိုစေကာမူ အန်အယ်လ်ဒီကတော့ ရွေးကောက်ပွဲဝင်ခြင်း၊ မ၀င်ခြင်းအပေါ် ဘာလုပ်မယ်ဆိုတာ အနာဂတ်အတွက် ကြိုတင်ပြင်ဆင်ထားရပါတော့မယ်။ ကြိုတင်ပြင်ဆင်မှုဟာ အကောင်းဆုံးလက်နက်ပဲဆိုတာ လက်ခံရပါမယ်။ ဒီအတွက် အဖွဲ့ချုပ်ရုံးခွဲတွေရှိတဲ့ မြို့နယ်တွေက ခေါင်းဆောင်တွေ၊ လွှတ်တော်ကိုယ်စားလှယ်တွေနဲ့ ဗဟိုအလုပ်အမှုဆောင်တွေ ပါဝင်တဲ့ နိုင်ငံလုံးဆိုင်ရာ အမျိုးသားညီလာခံတရပ် အမြန်ဆုံးခေါ်ယူဖို့ လိုအပ်နေပါပြီ။ ဒီအချိန်ဟာ အန်အယ်လ်ဒီအတွက် အရေးကြီးတဲ့ End Point ရောက်နေပါပြီလို့ ပြောချင်ပါတယ်။
အဲဒါကြောင့် နအဖရဲ့ ၂၀၁၀ ရွေးကောက်ပွဲမှာ အန်အယ်လ်ဒီမပါဘဲ (All inclusive မဖြစ်ဘဲ) အတင်းတဖက်သတ် ဆောင်ရွက်မယ်ဆိုရင် နအဖရဲ့ ၂၀၁၀ ရွေးကောက်ပွဲကို စိမ်ခေါ်တိုက်ပွဲဝင်ဖို့အတွက် အကောင်းဆုံးလက်နက်ကို ရှာရပါမယ်။ အဲဒီလက်နက်ကတော့ နိုင်ငံလုံးဆိုင်ရာညီလာခံမှ တညီတညွတ်တည်း တသံတည်းထွက်ပေါ်လာမယ့် ဆုံးဖြတ်ချက်တွေကို ပြည်သူလူထုထံ ပြတ်ပြတ်သားသား ထုတ်ပြန်ကြေညာရန်မှတပါး အခြားမရှိပါကြောင်း တင်ပြလိုက်ပါတယ်။
သတင်းအကျဉ်းချုပ် ...
Joint Action Committee of Burmese Community in Japan
在日ビルマー人共同行動実行委員会 (JAC) 参加団体
၂ဝဝ၉-အောက်တိုဘာ-၂၉ ရက်
သို့ 
မြန်မာ့ဒီမိုကရေစီ အင်အားစုများ
ဂျပန်နိုင်ငံ
၂ဝဝ၉ ခုနှစ် နိုဝင်ဘာလ ၆-၇ နေ့ရက်များတွင် ဂျပန်နိုင်ငံသို့ နအဖ ဝန်ကြီးချုပ် သိန်းစိန် ရောက်ရှိလာမည် ဖြစ်၍ ဒီမိုကရေစီ လိုလားသော မြန်မာပြည်သူတို့၏ ဆန္ဒသဘောထားကို ထင်ဟပ်စေမည့် ဆန့်ကျင် ဆန္ဒပြပွဲအား ဂျပန်နိုင်ငံရောက် မြန်မာ့ဒီမိုကရေစီ အင်အားစုများမှ တခဲနက် ပူးပေါင်း ကျင်းပနိုင်ရေး အတွက် အောက်ပါအစီအစဉ်အတိုင်း ဆွေးနွေးလိုပါသဖြင့် တက်ရောက်ပါရန် လေးစားစွာ ဖိတ်ကြားအပ် ပါသည်။
နေ့ ရက် - ၁-၁၁-၂ဝဝ၉
အချိန် - နံနက်-၁ဝ နာရီမှ ၁၂ နာရီအထိ
နေရာ - တာကာဒါနိုဘာဘာ ဘူတာအနီးရှိ WENDY HUMBERGER SHOP.
လေးစားစွာဖြင့်
ဂျေအေစီ
JAC- Information
ဆက်သွယ်ရန် -
Ko Than Swe – ၀၉၀-၄၉၆၄၉၇၁၈
Ko Mai Kyaw Oo –၀၉၀-၉၈၃၁၇၁၉၂
Ko Hla Aye Maung –၀၉၀-၂၅၂၅၁၉၆၆
Ko Ko Aung –၀၉၀-၁၅၀၆၂၈၉၃
Ko Lwin Aung Soe – ၀၉၀-၆၅၀၅၆၈၅၈
သတင်းအကျဉ်းချုပ် ...
စင်္ကာပူ ရှိ သင်္ဘောကျင်းလုပ်ငန်းတစ်ခုတွင် လုပ်ကိုင်နေသည့် မြန်မာ အလုပ်သမားများ
Freedom News Group
ပြည်ပ နိုင်ငံများသို့ ရောက်ရှိနေသည့် မြန်မာ နိုင်ငံသားများအနေ ဖြင့် မြန်မာနိုင်ငံရှိ မိသားစု ထဲသို့ ပြန်လည်ပို့ ပေးသည့် ဟွန်ဒီ ဟု ခေါ်သည့် တရားမ၀င်ငွေလွှဲလုပ်ငန်းများအား စတင်စစ်ဆေးမှု ပြုနေပြီဖြစ်ကြောင်း သတင်းရရှိသည်။
ယခုနှစ် စက်တင်ဘာလဆန်းမှ စတင်ခဲ့သည့် ပြည်ပတွင် အလုပ်လုပ်ကိုင်မှု ကြီးကြပ်ရေးကော်မတီ နှင့် အထူးစုံစမ်းစစ်ဆေးရေး ဦးစီးဌာန ပူးပေါင်းအဖွဲ့ များက လွန်ခဲ့သည့် သီတင်းပတ်မှ စတင်ကာ တရားမ၀င် ငွေလွှဲလုပ်ငန်း လုပ်ကိုင်နေ သူများအားစတင် ၍ ခေါ်ယူစစ်ဆေးမှု ပြုနေပြီ ဖြစ်ကြောင်း ရန်ကုန် မြို့ ရှိ ငွေလွှဲလုပ်ငန်း လုပ်နေသူ တစ်ဦးက Freedom News Group သို့ ပြောသည်။
မြန်မာ နိုင်ငံတွင်း အလုပ်အကိုင် ရှားပါးမှု နှင့် လုပ်ခလစာ ခေါင်းပုံဖြတ်ခြင်းများရှိနေခြင်း တို့ ကြောင့် နိုင်ငံရပ်ခြားသို့ သွားရောက် အလုပ်လုပ်ကိုင်ရသည့် မြန်မာအလုပ်သမားများ
သည် ဟွန်ဒီ ဟု ခေါ်သည့် ငွေကြေးလွှဲပြောင်းမှု စနစ်တစ်မျိုးဖြင့် မြန်မာ နိုင်ငံတွင်းရှိ မိသား စုများသို့ မိမိ တို့ ရှာဖွေ စုဆောင်းထားသည့် ငွေကြေးများ အား ပြန်လည် ပို့ ဆောင်ကြသည်။
အသစ်ဖွဲ့ စည်းလိုက်သည့် ပြည်ပတွင် အလုပ်လုပ်ကိုင်မှု ကြီးကြပ်ရေးကော်မတီက အမေရိကန် ဒေါ်လာ ၄၀၀ အထက်လုပ်ခ လစာရသူများအနေဖြင့် ပြည်တွင်းမိသားစုသို့ ဝင်ငွေ၏ ငါးဆယ်ရာ ခိုင်နှုန်း ကို နိုင်ငံတွင်းရှိ မိသားစုများသို့  ပြည်လည် ပေးပို့ ရမည်ဟု ညွှန်ကြားထားသည်။
ပုဇွန်တောင် မြို့ နယ်တွင်းရှိ ဟွန်ဒီ ငွေလွှဲလုပ်ငန်း လုပ်ကိုင် သူ သုံးဦး နှင့် ပန်းဘဲတန်း
နှင့် လမ်းမတော် မြို့ နယ်များမှာ ဟွန်ဒီ လုပ်ကိုင်နေသူ လေးဦးခန့် ကို စသုံးလုံး က စစ်ဆေးမေးမြန်းရန် ခေါ်ဆောင်ထားသည် ။
မြန်မာ နိုင်ငံတွင်းရှိ ဟွန်ဒီ ငွေလွှဲ လုပ်ငန်း လုပ်ကိုင်နေသူများမှာ အမေရိကန် ဒေါ်လာငွေမှောင်ခို ရောင်းဝယ်ခြင်းလုပ်ငန်း နှင့် လည်း တစ်နည်း တစ်ဖုံပတ်သက် သောကြောင့် ခေါ်ယူစစ်ဆေးခြင်း ဖြစ်နိုင်ကြောင်း စီးပွားရေးလုပ်ငန်းရှင် တစ်ဦးက မှတ်ချက်ပေးသည်။
ဟွန်ဒီ ငွေလွှဲလုပ်ငန်းလုပ်ကိုင် နေသူများ အား စီစစ်အရေး ယူမည့် ကိစ္စ နှင့် ပတ်သက်၍စင်္ကာပူရှိ အိုင်တီ ကုမ္မဏီ တစ်ခု တွင် အလုပ်ကိုင်နေသော ကိုစည်သူက “သံရုံးမှာလည်းဝင်ငွေ ခွန်ဆောင်ရတယ် ၊မိသားစု ဆီ တရားဝင်ပြန် ပို့ ရင်လည်း အဲဒီထဲက ဖြတ်အုံးမှာ ဆိုတော့ နှစ်ခါ ဖြတ်ဖြစ်နေတယ် ဟွန်ဒီ နဲ့ ကျတော့ ပို့ ခပဲကုန်တာလေ ”ဟု ပြောသည်။
၁၉၈၈ ခုနှစ် စစ်အစိုးရ အာဏာသိမ်းပိုက် ပြီးချိန်မှ စ၍ နိုင်ငံခြားငွေလွှဲ လုပ်ငန်း တစ်မျိုးဖြစ်သည့် ဟွန်ဒီလုပ်ငန်း တစ်ရပ် ပေါ်ပေါက်လာပြီး ထိုငွေလွှဲလုပ်ငန်း လုပ်ကိုင်နေသူများမှာ ထောက်လှမ်းရေး (သို့ မဟုတ်) စသုံးလုံးစသည့် အဖွဲ့ အစည်းများအား ဘော်ဒါကြေးသိန်းချီပေး ပြီးမှ လုပ်ငန်းလုပ်ကိုင်၍ ရကြောင်းသိရသည်။
နိုင်ငံရပ်ခြားရောက် မြန်မာ များ၏ နိုင်ငံတွင်းသို့  ငွေကြေးလွှဲပြောင်းပေးပို့ ငွေမှာ တစ်နှစ်လျှင် အမေရိကန် ဒေါ်လာ သိန်းခြောက်ထောင် နီးပါးရှိမည် ဖြစ်ကြောင်းသိရသည်။
ဟွန်ဒီလုပ်ငန်းရှင်များအား ဖမ်းဆီးစစ်ဆေးနေသေကြောင့် ပြည်ပမှ ပြည်တွင်းငွေပို့ သူများမှာ အနည်းငယ် ကြန့် ကြာလျှက်ရှိကြောင်းသိရသည်။
သတင်းအကျဉ်းချုပ် ...
သတင်းနှင့် မီဒီယာကွန်ယက်။ နွယ်လေး ။
အောက်တိုဘာလ ၂၇ ရက် ၊၂၀၀၉ ခုနှစ်။
မြန်မာနိုင်ငံနှင့် တရုတ်ပြည်သို့ သွယ်တန်းဖောက်လုပ်မည့် ရေနံနှင့် သဘာဝဓါတ်ငွေ့ပိုက်လိုင်း စီမံကိန်းများ ရပ် တန့်ရန် ထိုင်းနိုင်ငံ မြောက်ပိုင်း ချင်းမိုင်မြို့ရှိ တရုတ် ကောင်စစ်ဝင်ရုံးရှေ့တွင် ရွှေဂက်စ်လှုပ်ရှားမှုအဖွဲ့က ယနေ့ ဆန္ဒပြ တောင်းဆိုသည်။
ရွှေဂတ်စ် လှုပ်ရှားမှုအဖွဲ့၏ ပြောရေးဆိုခွင့်ရှိသူ ကိုဝင်းအောင်က “စီမံကိန်းကြောင့် ဖြစ်လာမယ့် ဆိုးကျိုး တွေက ဒေသခံ ပြည်သူလူထုနဲ့ နိုင်ငံခြားကုမ္ပဏီတွေကြား ဆက်ဆံရေးတွေမှာ မလိုလားတဲ့ ပြဿနာ တွေ ဖြစ်မလာဖို့၊ တိုင်းရေးပြည်ရေး ပိုပြီးတည်ငြိမ်အေးချမ်းဖို့ ဒီ(တရုတ်) အစိုးရကနေ ရပ်တန့်ပေး ဖို့ တောင်းဆိုတာ ”ဟုပြောသည်။
မြန်မာစစ်အစိုးရ၏ ဖွံ့ဖြိုးတိုးတက်ရေး စီမံကိန်းအောက်ရှိ လုပ်ငန်းများသည် လူအခွင့်အရေး ချိုးဖောက်မှုနှင့် သ ဘာဝပတ်ဝန်းကျင်ထိန်းသိမ်းမှုကို ထိခိုက်သည့်အပြင် ဒေသခံများသည် တစ်စုံတစ်ရာ အကျိုခံစားခွင့် မရရှိသဖြင့် ယခုကဲ့သို့ တောင်းဆိုရခြင်းဖြစ်သည်ဟု ၄င်းက ဆက်ပြောသည်။
နိုင်ငံပေါင်း(၂၀) မှ လူထုအခြေပြု အဖွဲ့အစည်းများနှင့် နိုင်ငံရေးပါတီ (၁၁၅)ခုတို့ ထောက်ခံ လက်မှတ်ရေးထိုး ထားသည့် ယခုစီမံကိန်းများ ရပ်တန့်ရန် တောင်းဆိုထားသည့် အိတ်ဖွင့်ပေးစာ တစ်စောင်ကို တရုတ်ကောင်စစ် ၀န်ရုံးမှတဆင့် တရုတ်သမ္မတထံ ယနေ့ပေးပို့ခဲ့ သည်။
“အဲဒါကြောင့် ယူအဲန်နဲ့ အာစီယံတို့ တွန်းအားပေးနေတဲ့ သုံးပွင့်ဆိုင်ဆွေးနွေးရေး ဒီမိုကရေစီ လမ်း စဉ်ကို နိုင်ငံရေး ဖိအားပေးမှုအနေနဲ့ သူတို့လုပ်ဆောင်နိုင်တဲ့အပြင် ဒီမိုကရေစီ ပေါ်ထွန်း မှပဲ နှစ်နိုင် ငံ နှစ်ဦးနှစ်ဖက် အကျိုးရှိမယ့် ဒေသတွင်းမှာ အချင်းချင်း ညီတူမျှ မျှဝေခံစားရမယ့် စီးပွားရေးမျိုးကို လုပ်သင့်တာပေါ့လို့ ကျနော်တို့ အဲဒီစာထဲမှာ တိုက်တွန်းထားတာ ရှိတာပေါ့နော်။” ဟု ကိုဝင်းအောင် က ပြောသည်။
လူ့အခွင့်အရေး ချိုးဖောက်မှု ကြောင့်တိုင်းပြည် မငြိမ်သက်ဖြစ်ခြင်း၊ ကုမ္ပဏီများ အနေနှင့် ကုမ္ပဏီ ပြဌာန်းချက် နှင့်အညီ ပြုလုပ်သင့်ပြီး ရပ်တန့်ရန် ဖြေရှင်းစဉ်းစားနိုင်သည့် အနေအထားတခုကို တောင်းဆိုထားခြင်း ဖြစ်သည် ဟု ကိုဝင်းအောင်က ယခု လိုဆက်ပြော သည်။
“နအဖအစိုးရ ကမ္ဘာမှာခြအစားဆုံး အစိုးရဖြစ်တဲ့တွက် ပိုက်ဆံ ပါဝင်ထည့်တဲ့ အစုရှယ်ယာ ကိုလည်း စဉ်းစားဖို့လိုတယ်။ အစုရှယ်ယာတွေလဲ စည်းမျဉ်းစည်းကမ်းချက်ကိုမလိုက်နာရင် အစုရှယ်ယာ အချိန် မရွေးထုတ်သွားနိုင်တော့ သူတို့ အလေးအနက်ထားစဉ်းစားသင့်တယ်”
စွမ်းအင်လုံခြုံမှုသည် တိုင်းပြည်တိုင်းအတွက် အရေးကြီးသော်လည်း မြန်မာနှင့် တရုတ် နှစ်နိုင်ငံ အရေးကြီးသည့် စီးပွားရေး ဆောင်ရွက်မှုတွင် အထောက်အကူပြုပြီး ဒေသခံ အပြင် ပြည်သူလူထုများအတွက်ပါ အရေးကြီးသဖြင့် နောင်ပေါ်ပေါက်လာမည့် ဒီမိုကရေစီစနစ် အစိုးရလက်ထက်မှသာ အကောင်အထည်ဖော်ရန် ကြိုးစားသင့်သည် ဟု ၎င်းက ဆက်ပြောသည်။
“အိမ်နီးချင်း ပတ်ဝန်းကျင်နိုင်ငံတွေကို စွမ်းအင်လုံခြုံရေးထုတ်ပေးနေတာမြန်မာနိုင်ငံ လူထုက အရင်း အမြစ်အပေါ် အကျိုးအမြတ် ခံစားခွင့် မရတာ ရင်နာစရာကောင်းတယ်”
တရုတ်အစိုးရပိုင် ရေနံကုမ္ပဏီ (CNPC) သည် အရှေ့အလယ်ပိုင်းနှင့် အာဖရိကမှ ရေနံနှင့် မြန်မာနိုင်ငံ အနောက် ပိုင်း ရွှေသဘာဝဓာတ်ငွေ့ စီမံကိန်းမှရရှိမည့် သဘာဝဓာတ်ငွေ့များကို တရုတ်နိုင်ငံယူနန်ဒေသသို့ ပို့ဆောင်ရန် ရေနံနှင့် သဘာဝဓာတ်ငွေ့ပိုက်လိုင်းများကို တည်ဆောက်ရာနှိုက် အဓိက ရင်းနှီးမြှပ်နှံဖြစ်မည့် မြန်မာစစ်အစိုးရ သည် ဤစီမံကိန်းမှ နှစ်ပေါင်း သုံးဆယ်အတွင်း အနည်းဆုံး အမေရိကန် ဒေါ်လာ ၂၉ ဘီလီယံရရှိမည်ဖြစ်သည် ဟု ကြေညာချက်တွင် ဖော်ပြထားသည်။
ယနေ့လှုပ်ရှားမှုသည့် ထိုင်းနိုင်ငံရှိ တရုတ်ကောင်စစ်ဝန်ရုံးအတွင် အိန္ဒိယ၊ ဂျပန်၊ တောင်ကိုးရီးယား၊ ဖိလစ်ပိုင်၊ မ လေးရှား၊ သြစတေးလျ၊ ဆွီဒင်၊ နော်ဝေး၊ နယ်သာလန် နှင့် ယူကေရှိ တရုတ်သံရုံးရှေ့တွင် တောင်းဆိုဆန္ဒပြ ခဲ့ကြသည်။
ရွှေဂက်စ်လှုပ်ရှားမှုသည် ထိုင်း၊ အိန္ဒိယ၊ ဘင်္ဂလားဒေ့ရ်ှရှိ မြန်မာနိုင်ငံအခြေစိုက် မြန်မာ့အဖွဲ့အစည်းများနှင့် ဖွဲ့ စည်းထားသည့် ညွှန့်ပေါင်းအဖွဲ့ဖြစ်သည်။
သတင်းအကျဉ်းချုပ် ...
ဗမာပြည်လွတ်လပ်ရေးဗိသုကာကြီး ဗိုလ်ချုပ်အောင်ဆန်း၏ သမီး ဒေါ်အောင်ဆန်းစုကြည်နှင့် ဗမာပြည်၏ ထင်ရှားသော လက်နက်ကိုင်တော်လှန်ရေးခေါင်းဆောင်၊ တောင်သူလယ်သမားအရေးတော်ပုံမှ ခေါင်းဆောင်ကြီး ဂဠုန်ဆရာစံ၏ သမီး ဒေါ်စိန်တို့ တွေ့ဆုံကြစဉ်ဖြစ်သည်။
၁၉၇၁ ခုနှစ်၊ ဖေဖော်ဝါရီလ၊ တောင်သူလယ်သမားနေ့ ချီတက်ပွဲသို့ ဆရာစံ၏ သမီး- ဒေါ်စိန်နှင့် ဆရာစံ၏ သား- ဦးအေး၊ မြေး- ကိုအောင်မောင်းတို့ လာရောက်စဉ်က ဗိုလ်ချုပ်ကတော် ဒေါ်ခင်ကြည်အိမ်တွင် ဧည့်ခံစဉ် ကြုံတောင့်ကြုံခဲ ဆုံတွေ့ကြပုံ။
(၁၅၊ ၃၊ ၁၉၇၁) ထုတ် အိုးဝေဂျာနယ်၊ အိုးဝေမှတ်တမ်းတင် ဓာတ်ပုံသတင်းမှ ရယူမျှဝေသည်။
သတင်းအကျဉ်းချုပ် ...
မနေ့က(October 27, 2009 ) သြစတေးလျ နိုင်ငံ sydney မြို့တွင် သြစတေးလျဝန်ကြီးချုပ် Kevin Rudd၏ ဇနီးဖြစ်သူ Therese Rein ၊ အတိုက်အခံခေါင်းဆောင်၏ဇနီး Lucy Turnbullတို့အပါအ၀င် သြစတေးလျ အခြေစိုက် မြန်မာလူမျိုးများမှ ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားများလွတ်မြောက်ရေးအတွက် Sydney Opera House ရှေ့မှာ လှုပ်ရှားမှု အခမ်းအနားပြုလုပ်ခဲ့ကြောင်းသိရှိရပါသည်။
သတင်းအကျဉ်းချုပ် ...
