0 လူထုခေါင်းဆောင်ဒေါ်အောင်ဆန်းစုကြည် ရွှေတိဂုံဘုရားလမ်းရှိ မိခင်ဖြစ်သူဒေါ်ခင်ကြည်ရဲ့ အုတ်ဂူကိုသွားရောက် ဂါရဝပြု(ဓာတ်ပုံသတင်း)

photo။ ။ Reuters၊ AP

သတင်းအကျဉ်းချုပ် ...

0 ကျနော်ပြောခြင်တဲ့ Sanction အကြောင်း ( ရေးသားသူ - ဒေါက်တာ လှိုင်မြင့် )

ကိုမောင်မောင်ဝမ်းက SANCTION အကြောင်းရေးထားရာမှာ သဘောလောက်သာရေးထားတော့ တချို့ တလေ သဘောမပေါက်နိုင်သလို..ပြည့်ပြည့်စုံစုံ ပိုမြင်လာအောင် ကျနော် ထပ်ဖြည့်စွက်ရေးသားချက် ဖြစ်ပါတယ် ။ သူ့ အပေါ်ကျော်လိုစိတ်မဟုတ်သလို..ကျနော် သိတာလဲ ပြီးးပြည့်စုံတယ်မဟုတ်ပါ...အများကြီးဖေါ်ပြစရာတွေ တပုံ့ပင်ကြိးပါ ။ ကျနော်သိသမျှ လေးသာရေးလိုက်တာပါ ။

န.အ.ဖ ဘက်ကနေ ငါးမင်းဆွေလို လူ့ စည်းကမ်းတောင် လေးစားလိုက်နာမှု မရှိ နိုက်ကလပ်တွေမှာ ကလေကချေမတွေကိုသာယာနေတဲ့ သူ ကနေတဆင့် တဘက်လှဲ့ ပြောခိုင်းတာဟာ န.အ.ဖ မှာ သတ္တိမရှိဘူးဆိုတာ ပြနေသလို ..ကိုမောင်မောင်ဝမ်း ရေးတဲ့အတိုင်း...Sanction ကို စလိုက်တာသူတို့ က စလုပ်တာပါ ။

အဲဒီ Sanction အကြောင်း ပြည့်ပြည့်စုံစုံလေး ဆွေးနွေး မယ်ဆိုရင် ...Sanction ဆိုတာ..နစ်ဥိးနစ်ဘက် မပြေလည်လို့ ..မဆက်သွယ်တော့တာပါဘဲ ။ မြန်မာနိုင်ငံမှာ...၈၈၈၈ အရေးအခင်းကြိးပေါ်လာတယ် ။ ပြည်သူလူထုက အပြောင်းအလဲလိုလားလာတယ် ။ ပြောင်းပေးဖို့ ပြောလာတာပါဘဲ ။ ပြောဖို့  အခွင့်မရတော့..အုံကြွလာရတာပါဘဲ ။ အဲဒီတော့ ဘာလို့ အုံကြွရတာပါလဲ ။ တွေ့ ဆုံဆွေးနွေးခွင့် မပေးလို့  ။ အာဏာပိုင်တွေက တွေ့ ဆုံဖို့ လမ်းပေါက်ကို ဖွင့်မထားပါဘူး ။

အာဏာကိုပြည်သူတွေက နင်းအပ်ထားတဲ့ ( ဒီမိုကရေစိ ) နိုင်ငံကြီးတွေမှာ...ပြည်သူကိုကိုယ်စားပြုထားတဲ့ ပြည်သူ့ ကိုယ်စားလှယ်တွေကနေ တဆင့်ဆွေးနွေးခွင့်ရရှိနေပါတယ် ။ အာဏာကို ( ဓါးပြတိုက် ) လုယူထားတဲ့ အာဏာရှင် လူလိမ်တွေအုပ်ချုပ်ရင်...လူလိမ်ဆိုတော့....အမှန်တရားကို ရင်မဆိုင်ရဲတော့...တွေ့ ဆုံဆွေးနွေးရေးကို...သေမတတ်ကြောက်ကြတယ် ။ ရနိုင်သမျှ လိမ်ညာ လမ်းလွှဲဖို့ ဘဲကြိုးစားတယ် ။

အရင်းခံကို စစ်မယ်ဆိုရင်...တွေ့့ဆုံဆွေးနွေးရေးဆိုတာ...အမှန်တရား..ကို ကိုင်ထားနိုင်သူတွေရဲ့  ရပ်တည်ချက်ပါ ။ အမှန်တရားကို ဆုတ်ကိုင်ထားသူဟာ သတ္တိအလိုလိုရှိပြိးသားပါ ။ ဒီအမှန်တရားကို ဆုတ်ကိုင်းထားတဲ့..နိုင်ငံရေးအရ ဖမ်းဆီးခံထားရသူတွေ ကို အမှန်အတိုင်း...ဥပဒေနဲံ့ အညီ တရားမျှတစွာ အမှုရင်ဆတိုင်ခွင့်မပေးထားတာဟာ.....တရားရင်ဆိုင်ခွင့်မပေးရဲတာ.မမှန်တဲ့သူတွေရဲ့  သူရဲဘော ကြောင်တာကိုပြနေတာဘဲ ။

တနည်းအားဖြင့် န.အ.ဖ. သန်းရွှေ ဟာ...အမှန်တရားဆိုတာသူ့ မှာပြစရာမရှိ...လိမ်ညာနေရသူဆိုတော့....တွေ့ ဆုံဖို့ ပြောလာရင်...ပွဲပျက်အောင် အမျိုးမျိုးလှဲ့ ကြံစည်နေတော့တာပါဘဲ ။

ဥပမာလေးတခုပေးပါမယ် ။ န.၀.တ. ( ယခင်က န၀တ ) တက်ခါစက...၈၉ မှာ အခု သမိ်ုင်းကိုလိမ် ဇာတ်လမ်းရိုက်ခဲ့တဲ့ ဒါရိုက်တာတင်သန်းဥိးရိုက်ကူးလိုက်တာပါဘဲ ။ ( အဖေနင့်သားများ ) ဟုထင် ဇါတ်လမ်းမှာ...အိမ်ကြိးကို...ပထမအိမ်ပိုင် အဖေဖြစ်သူ ( ဥိးနု ) က တရားယောင်ယောင် ပုတီးကြီးနဲ့ ကြောင်နေလို့  ညီအကိုတတွေ ဒီအိမ်ကြိးကို သူပိုင်ငါပိုင် အငြင်းပွားနေလို့  အကိုအကြိးဆုံးက( ထုံးစံအတိုင်း....မင်းသားကြိး ငဖါး..ညွှန့် ဝင်းပေါ့ ) မလွှဲ မရှောင်သာဘဲ..သေနတ်ကိုင်ပြိး..ဒီအိမ်ကြိးကို..ကောင်းအောင်ပြန်ပြုပြင်ရတယ်..ဘယ်လိုသာယာလာတယ်ပေါ့ ။ ( ဒီဇါတ်လမ်းမှာ...ပါဝင်သရုပ်ဆောင်ခဲ့တဲ့..၈၈၈၈ မှာပါဝင်ခဲ့ပြိး န.၀.တ . ဇါတ်ကောင်ပြန်လုပ်ခဲ့သူ ( ဆေးသမား ) ဇါတ်ကောင်ဟာ..ငယ်ငယ်ရွယ်ရွယ်နဲ့ ....မာလကီးယားသွားရပါတယ် ။)

အခု အဲဒီအိမ်ကြီးဥပမာနဲ့ဘဲ ကျနော်ပြန်ဆွေးနွေးပါမယ် ။ အခုကျနော်တို့ တိုင်းပြည်မှာဖြစ်နေတာ..ဘက်နစ်ဘက်ပါ ..မကျေလည်မှုပါ ။ တတိုင်းပြည်လုံးလဲ န.အ.ဖ ဘက်က မရှိပါဘူး ။ တတိုင်းပြည်လုံးလဲ..ဒေါ်အောင်ဆန်းစုကြည်ဘက်က မရှိပါဘူး ။ ဒါကို အရှိကိုအရှိအတိုင်း...အမှန်တရားကို လက်ခံသူတိုင်း လက်ခံပါမယ် ။ ပြည်သူလူထုကတော့ လက်ခံပါမယ် ။ လူလိမ်တွေကတော့ လက်ခံမှာမဟုတ်ပါ ။ လက်မခံသူဟာ လူလိမ်ဆိုတာ သတ်မှတ်လို့ ရသွားပါပြီ ။ ( ရှင်းတယ်လေ ။ )

တိုင်းပြည်ရဲ့ အုပ်ချုပ်ရေးအာဏာဟာ...ပြည်သူမှာတည်ပါတယ်လို့  န.အ.ဖ ကိုယ်တိုင် တရားဝင်အခြေခံဥပဒေမှာ ဆိုညွှန်းထားပြိးပါပြီ ။ ဒီတော့ ဒီအိမ်ကြိးကို ပြည်သူလူထုက ဘဲပိုင်ပါတယ် ။ ဒါကိုတော့ န.အ.ဖ က ငြင်းချင်လား .ငြင်းချင်ရင်..တင်သန်းဥိးကိုပြန်နိုးပြိး..အသစ်ပြန်ရိုက် ။ ကောင်းပြီ ။ ဒီအိမ်ကြိးကို ပြည်သူကိုယ်စား အုပ်ချုပ်ဖို့ ..ပြည်သူလူထုက သူတို့ ကိုယ်စားရွေးချယ်သူ က ဒီအိမ်ကြိးကိုအုပ်ချုပ်ရပါမယ် ။ ဒီဇါတ်လမ်းရိုက်တုံးက....စစ်တပ်က အိမ်ခန်း လေးခန်းရှိတယ်ထား ( ဥပမာပေါ့ ) ။ တခန်းကို သူပိုင်မယ်လို့  အဲဒီတုံးက...မဆိုထားသေးပါဘူး ။ မပါသေးပါဘူး ။ အခုကျမှ လေးခန်းထဲက တခန်းကို ပိုင်ရုံမကတော့ဘူး အဲဒီအခန်းပိုင်သူက...သူ့ လူတွေကို ကျန်အခန်းတွေကအစ အားလုံးသူစိတ်ကြိုက်လုပ်မဲ့သူ ပိုင်စေရမယ်လုပ်လာပြန်တယ် ။ တနည်း အခန်း စိမံရေးကို...သူ့ လူတွေကဘဲ စိမံမယ် နစ်ပြန်တက်လုပ်လာပါတယ် ။

အိမ်တခု ကို သူပိုင်ကိုယ်ပိုင် တရားတဘောင်ဖြစ်ကြရင်...တရားရုံးမှာ ရင်ဆိုင်ကြရတယ် ။ တရားရုံးမရောက်ခင်...ရပ်မိရပ်ဖ...ဆွေမျိုးလူကြိးထဲက မျှမျှတတ..တရားသဖြင့် ဆုံးဖြတ်တတ်သူ..( တနည်းလူကြိးလူကောင်းစိတ်ထားရှီသူ..အများရိုသေလေးစားသူ ) တွေက ကြားဝင်ညှိနိုင်းပေးကြတာ မြန်မာ့ထုံးတမ်းဓလေ့ပါ ။ ကနေ့  ဒေါ်အောင်ဆန်းစုကြည်ကို...နိုင်ငံခြားသားနဲ့ ယူထားလို့  ဝေဖန်နေသူတွေ မြန်မာ့ဓလေ့ ကို လက်ခံနိုင်မလား ကိုယ့်ကိုအရင်မေးပါအုံး ။

ကဲကနေ ၉၀ ခုနစ်မှာ...့ ပြည်သူလူထုကြိးက...န.၀.တ ကိုယ်နိုင်ကြိးမှုးကျင်းပပေးခဲ့တဲ့..ကမ္ဘာကပါ မျှမျှတတ ရှိတယ် လို့ လက်ခံထားတဲ့ ..ဘယ်သူကမှလဲ မဲလိမ်တယ် မဲခိုးတယ် စောဒက မတက်ခဲ့တဲ့ ရွေးကောက်ပွဲမှာပြည်သူလူထုက သူတို့ ကိုယ်စား အဖွဲ့ ချုပ်ကိုရွေးချယ်ပေးခဲ့ပါတယ် ။ န.၀.တ. အနေနဲ့ ရွေးကောက်ပွဲမတတိုင်ခင်က ...ဒေါ်အောင်ဆန်းစုကြည် ကတွေ့ ဆုံဆွေးနွေးချင်ပါတယ်တောင်းဆိုတော့...ပါတီတွေ တပုံကြိး..ပါတီထောင်တာနဲ့ ..ပြည်သူကိုကိုယ်စားပြုတာမဟုတ် လုပ်ပါတယ် ။ ရွေးကောက်ပွဲပြိးပြန်တော့...ပြည်သူ့ ကိုယ်စားပြုသူပေါ်လာတော့...စကားတမျိုးပြောင်းလိမ်ပြန်တယ် ။

ဒီတွေ့ ဆုံဆွေးနွေးရေး ဆိုတာ ပြည်သူတွေရဲ့ နိုင်ငံရေးရပိုင်ခွင့်ပါ ။ နိုင်ငံတော်အာဏာဟာ ပြည်သူလူထု မှဆင်းသက်၏ လို့ ဆိုထားတဲ့ န.အ.ဖ စာသားအတိုင်းရဲ နိင်ငံသူနိုင်ငံသားတွေရဲ့ ..နိုင်ငံရေးအရ..့ ရပိုင်ခွင့်ပါ ။ တွေ့ ဆုံခွင့်မပေးတာဟာ...ဒါ နိုင်ငံရေး Sanction ပါ ။ ငါ့မှာ သေနတ်ရှိတယ် ။ မင်းဘာလုပ်ချင်လဲ ။ ငါမှာအာဏာရှိတယ် ။ ငါညစ်ပတ်မယ် ဘာတတ်နိုင်လဲဆိုတာဟာ...ဒါအာဏာကို လိုသလိုသုံးပြိး အကြမ်းဖက်တာဘဲ ။ အကြမ်းဖက်မှုဘဲ ။ အကြမ်းမဖက်ပါဘူးဆိုရင်...ပြည်သူက သူတို့ ကိုယ်စားပြောချင်ပါတယ်...သူတို့ ကိုယ်စား...ဒေါ်စုကို ကိုယ်စားပြုပြောခိုင်းနေပါပြီ

၉၀ ခုနစ်မှာ NLD က အမတ်နေရာ...၈၂ % နဲ့ တိုင်းရင်းသားတွေက..၁၅ % စုစုပေါင်း မဟာမိတ် ဖွဲ့ ထားတာ...၉၇ % ကိုယ်စားပြုထားတဲ့အဖွဲ့ ကိုတောင်...စကားမပြောနိုင်ဘူး လုပ်ထားတဲ့ န.အ.ဖ ကို အရင်သွားပြောပါအုံး ။

ဒါကိုငြင်းချင်သေးလား ။ န.အ.ဖ ဟာ အကြမ်းဖက်သူ မဟုတ်ပါဘူး ငြင်းချင်သေးလား ။ ရပါတယ် ။ ငြင်းချင်ရင်..ပထမဆုံး အကြမ်းဖက်မှုမြန်သမျှကို..ရှုံ့ ချပြရပါမယ် ။ ဒုတိယအဆင့် ပြည်တွင်းမှာ ဖြစ်ခဲ့တဲ့အကြမ်းဖက်မှု မှန်သမျှကို..အဖြစ်မှန်ဖေါ်ထုတ်ပေးရပါမယ် ။ စုံစမ်းစစ်ဆေးရေးကော်မတီ ဖွဲ့ ပြိး..ထွက်ဆိုလိုသူတွေကို ဖိတ်ခေါ်ရပါမယ် ။ အဲဒါမလုပ်ဘဲ တဘက်လူကို အကြမ်းဖက်မှုဘဲပြောနေတာကတော့...ပြည်သူလူထုကို နစ်ပြန်ဆော်ကားနေတာပါဘဲ ။

အခုပြောနေတဲ့...SANCTION ဆိုတာ အဲဒီကစလိုက်တာပါဘဲ ။ ဘာပြောချင်ပါသလဲ...မောင်သန်းရွှေ ။ ငါးမင်းဆွေ တော့ သန လို့ ..မမေးတော့ပါဘူး ။

ကိုင်းအခု ကြည့်ရအောင်....ကျောင်းသားခေါင်းဆောင်တွေကို မတရားအမှုတွေဆင်ဖမ်းတယ် ။ ဘယ်မလဲ တရားရုံးမှာ နစ်ဖက်ရှေ့ နေတွေ ငှားရမ်းခွင့်ရှိရဲ့ လား ။ နစ်ဖက်ထုချေခွင့် ရှိရဲ့ လား ။ ဒါလဲ ဥပဒေကြောင်းအရ...Sanction လုပ်ထားတာပါဘဲ ။ ပြိးထောင်ချတယ် ။ နယ်ဝေးထောင်တွေကို ပို့ တာက မိသားစုတွေ မလာနိုင်အောင် ..တနည်းမထောက်ပ့နိုင်တော့ အထဲမှာငတ်ပြတ်ချို့ တဲ့နေအောင်...ဒါလဲ sanction မခေါ်ရင် ဘယ်လိုခေါ်မလဲ ။ ဖြေပါအုံး သန်းရွှေ ။

ဒီထက်ပို ရိုင်းတာက...ပတ်စပို့ ( passport ) လျှောက်ရင်..နိုင်ငံရေးကင်းရှင်းကြောင်း...အလုပ်လျှောက်ရင်..နိုင်ငံရေးကင်းရှင်းကြောင်း ..အစိုးရအလုပ်တင်မဟုတ်...NGO အလုပ် ပုဂလိက အလုပ်တွေမှာကို..လိုက်ကျပ်နေပါတယ် ။ နောက်ဆုံး အရိုင်းဆုံးကတော့...သန်းရွှေ ကိုယ်တိုင် အခုကြံ့ ဖွတ်ပါတီ ကြိးမှာ တရားဝင် နာယက အနေနဲ့  လုပ်နေပြိး သူက ပြည်သူလူထုကိုကျတော့..နိုင်ငံရေးကင်းရှင်းကြောင်း ၀န်ခံချက်ထိုးခိုင်းတာကတော့....

ဒီလိုထိုးခိုင်းတာဟာ သူတို့ ကိုယ်တိုင် sanction ကျင့်သုံးနေတာပါ ။ အခုအင်တာနက် ..ဖုံ့းလျှောက်ရင်လဲ နိုင်ငံရေးကင်းရှင်းမှဆိုတာ..လုပ်ထားပါတယ် ။

ဒီနိုင်ငံရေးကင်းရှင်းကြောင်း ထိုးခိုင်းတာက ဘာလို့ လဲမေးရပါမယ် ။ နိုင်ငံရေးလုပ်သူဟာ...တိုင်းပြည်အတွက် အန္တရာယ်ဖြစ်သူလို့ သတ်မှတ်ရင်...ဘာလို့ နိုင်ငံတော်က...တရားဝင်ပါတီ မှတ်ပုံတင်ထုတ်ပေးရတာလဲ ။ ဖုံးလျှောက်တာ နိုင်ငံရေးကင်းရပါမယ်ဆိုထားရင်...န.၀.တ. တက်ခါစ..၉၀.ခုနစ်ရွေးကောက်ပွဲ မှာ မှတ်ပုံတင်ရင်....ဖုံး တလုံးချပေးပြိး မက်လုံးပေး...ပါတီတွေများရင် မဲကွဲမယ်ဆိုတဲ့..ယူဆချက်နဲ့  ..ဖုံ့းတွေ ချပေးပါတယ် ။ နိုင်ငံရေးပါတီတွေအတွက် သိးသန့် ဖုံးတွေ ။ အခုနိုင်ရေးသမားအိမ်ဆို ဖုံ့းတပ်ဆင်ခွင့်ပိတ်ထားတာဟာ....sanction မခေါ်ရင် ဘာလဲ ။

နောက်ဆုံ့း...ဒေါ်အောင်ဆန်းစုကြည် ကို အနောက်နိုင်ငံတွေ ကနေ စိ့းပွားရေးပိတ်ဆို့ ထားတာတွေ ရုတ်သိမ်းပေးဖို့ ..တဖက်လှဲ့ နဲ့ တွန်းလာပါတယ် ။ တောင်းဆိုလာပါတယ် ။ ဒေါ်အောင်ဆန်းစုကြည့်အနေနဲ့ ...ဒါကို တောင်းဆိုပေးပိုင်ခွင့်မရှိပါဘူး ။ ဘာလို့ လဲဆိုတော့...အခု..န.အ.ဖ ကျင့်သုံးနေတဲ့..ကျနော်အထက်က ထောက်ပြခဲ့တဲ့ န.အ.ဖ က ကိုယ်တိုင်ကျင့်သုံးနေတဲ့..ညစ်ပတ်ပိတ်ဆို့ မှုတွေကို...ဘယ်သူကှိုမလုပ်တော့ပါဘူး တာဝန်ခံမှာလဲ ။ အခုပိတ်ဆို့ တာ ရုတ်သိမ်းဖို့ တောင်းဆိုရတာက..ဒီပိတ်ဆို့ မှုတွေကြောင့် ပြည်သူလူထု စိးပွားရေးကျပ်တည်းရပါတယ်လို့ ဆိုထားတာ ။ ဟုတ်ပါတယ် ။

ဒါပေမဲ့ န.အ.ဖ ကိုယ်တိုင်က ဒေါ်အောင်ဆန်းစုကြည်ဟာ ပြည်သူကိုကိုယ်စားမပြုပါဘူး..အကြိမ်ကြိမ်ပြောနေတယ် ။ ပြောခဲ့တယ် ။ အခုပြည်သူက ရွေးကောက်ထားတာ..ကိုယ်စားပြုပေးထားတာ...သူတို့ ကြံ့ ဖွတ်အမတ်တွေပါလို့ မကြာခင်ပြောလာပါမယ် ။ အဲဒီကျရင်ဘယ်လိုရှင်းကြမလဲ ။

ဒီထက်ပိုအရေးကြိးတာက..အခုသန်းရွှေက တရားဥပဒေအရ....နောက် နစ်လနေရင် လွှတ်တော်ပေါ်လာရင်...အာဏာမရှိတော့ဘူး ။ အာဏာဟာလွှတ်တော်မှာတည်တော့မယ် ။ အဲဒီပေါ်လာတဲ့အစိုးရက...ဒေါ်အောင်ဆန်းစုကြည် အပေါ်ဘယ်လို သဘောထားမလဲ ။ ပိတ်ဆို့ တာတွေ ရုတ်သိမ်းပေးပါပြော...ပြိး ပြန်ဖမ်းလုပ်နေအုံးမှာလား ။

စောင့်ကြည့်ပါအုံးဘဲပြောရပါမယ် ။ ပိတ်ဆို့ လာတာ ကြာပြီ ။ အခုအရေးတကြိးဖုတ်ပူမိးတိုက် ရုတ်သိမ်းဖို့ မလိုသေးပါဘူး ။

နောက် ဒါထက်အရေးကြိးတာက...နိုင်ငံခြားတိုက်ရိုက်ရင်းနှိးမြုပ်နံမှုတွေ ( FDI...Foreign Direct Investment ) တွေ ၀င်လာပါမှ တိုင်းသူပြည်သူလူထု အလုပ်အကိုင်းရ၀င်ငွေတွေ တိုးလာပါမယ် ။ အဲဒီလို နိုင်ငံခြားတိုက်ရိုက်ရင်းနှိးမြုပ်နှံမှုတွေ ၀င်လာဖို့ က.. ( တစ် ).စိုက်ပျိုးရေး စကားနဲ့ ပြောရရင်..ရာသီဥတုမှန်ရပါမယ် ။ ရာသီဥတု တည်ငြိမ်ရပါမယ် ။ မှန်ကန်ရပါမယ် ။ တနည်း နိုင်ငံရေးတည်ငြိမ်ရပါမယ် ။ ( နစ် )ကတာ့...ရေခံ မြေခံ ကောင်းရပါမယ် ။ တနည်း FDI တွေ ၀င်လာနိုင်အောင်...လိုအပ်တဲ့....အခြေအနေတွေ ရှိနေရပါမယ် ။

တစ် ဖြစ်တဲ့နိုင်ငံရေးတည်ငြိမ်အောင်က အခြေခံဥပဒေမှာကိုက...လိုအပ်ရင် စစ်တပ်က အာဏာပြန်သိမ်းခွင့်ရှိစေရမယ်ဆိုထားတာကိုက..နိုင်ငံရေးမှာ စစ်တပ်က ထင်သလို လုပ်ခွင့်ပေးထားတာ....ဆိုတော့ တည်ငြိမ်မှု က အခြေခံဥပဒေမှာကို....စဉ်းစားသာကြည့်တော့မောင်....နောက် ပြည်သူနဲ့ နစ်ဘက် မပြေလည်နေတာ..အနောက်နိုင်ငံက အရင်းအနီးအကြိးကြိးလုပ်နေသူတွေက လူအ လူန တွေ မှတ်နေလို့လား...ရင်းနှီးတဲ့နုင်ငံရဲ့ နိုင်ငံရေးကို တဖက်သတ်ပြောတာနဲ့ လက်ခံ မဲ့လူအတွေ ထင်နေလို့ လား ။

နိုင်ငံရေးတည်ငြိမ်ဖို့  ပြာသူလူထု ကိုယ်စားလှယ် နဲ့တွေ့ ဆုံရမယ်လေ ။ ဗမာပြည်သူတွေကို သေနတ်မိုးပြိး ရွှီးပါ..ရပါတယ် ။ နိုင်ငံခြားသားတွေကို သွားရွှီးတာကတော့....ကိုယ်လူ ကိုယ်ဥိးဏှောဏ်ကို လဲကိုယ်စစ်ကြည့်အုံး ။ ၉၃ ခုနစ်က..လတ်စားမှုနဲ့ အရေးယူခံလိုက်ရတဲ့ ( သူခိုးအကြိးစားကြိး ဗိုလ်ချုပ်ထွန်းကြည် ( ကုန်သွယ်ရေးဝန်ကြိးက အင်ဒိုနီးရှား ခရိးစဉ်မှာ..တဖက်ဝန်ကြိးက ဒေါ်အောင်ဆန်းစုကြည်လို့  မေးလာပါတယ် ။ ကိုယ်တော်က ဘယ်သူ့ ကိုမေးနေတာလဲပေါ့ ။ အတည်ပေါက်နဲ့ ..ဟိုက ထက်ရှင်းပြတော့မှ အော်..ဟိုအမျိုးသမိးကိုမေးနေတာကိုး...အေးဗျာ မြန်မာနိုင်ငံမှာ ခင်ဗျားပြောနေတဲ့အမျိုးသမိးကို လူတွေက..ရှိတယ်လို့ ကို သတိမထားကြတော့ဘူး ။ တံမျက်စီးလှဲလိုက်လို့ မြောင်းထဲ ပုရွက်ဆိပ်တကောင် ရောက်သွားသလိုပေါ့..သတိကိုမရကြတော့ဘူး ။.. ဗိုလ်ချုပ်ထွန်းကြည်ဆိုတာ..အခုနိုင်ငံရေးစိတ်ဝင်စားနေသူ လူငယ်တွေက ဘယ်သူလဲ မေးလာကြပါမယ် ။ ဒေါ်စု က မြောင်းထဲမှာလား...ထွန်းကြည်က မြောင်းထဲမှာလား ။ သမိုင်းကို လိမ်လို့ မရပါဘူး ။

နစ် အဲဒီအခြေအနေတွေကတော့...ထိပ်ဆုံးက...တည်ငြိမ်ပြိး...တာရှည်စိတ်ချရတဲ့ လုံလောက်တဲ့ စွမ်းအင်ရရှိဖို့ လိုပါတယ် ။ စွမ်းအင်အတွက်က...မြန်မာနိုင်ငံက စွမ်းအင်ထုတ်ရောင်းရအောင်လုံလောက်ပါတယ် ။ ဒါပေမဲ့ န.အ.ဖ ကိုယ်တိုင်က ပြည်တွင်းသုံး အတွက် နဲနဲလေးမှမပေးဘဲ...တဖက်နိုင်ငံတွေမှာ ပိုပြိး FDI တွေ သူတို့ ဆီဝင်အောင်....ရေလာမြောင်းပေးလုပ်ပေးပြိးမှ....ဒေါ်စုအပေါ်ပုံချနေတာကတော့....သူခိုးဓါးရိုးကမ်းပြိး ကယ်ကြပါအော်နေတာဘဲ ။ နိုင်ငံတော်က ထွက်တဲ့ စွမ်းအင်ကို ပြည်တွင်းသုံး မချန်ဘဲ တဖက်နိုင်ငံထုတ်ရောင်းတာ....မရိုးသားဘူးဆိုတာ ရှင်းနေတာဘဲ ။ သန်းရွှေ က ကုန်စည်ပြပွဲတွေမှာ...ကျုပ်က နိုင်ငံသားတွေ ပိုင်တဲ့လုပ်ငန်းရှင်ကြိးတွေ ပေါ်လာအောင် နိုင်ငံခြားစိးပွားရေးတွေကို ဖွင့်မပေးသေးဘူး ကြိုးစားကြ ပြောတာလဲ..ဒီပါးစပ်ဘဲ ။ နိုင်ငံသားတွေ လုပ်ငန်းရှင်ဖြစ်အောင်ပြောပြိး စွမ်းအင်အားလုံး သူခိုးဓါးရိုးကမ်းတာလဲ ဒီပါးစပ်ပါဘဲ ။

အဲဒီတော့ ဒီစွမ်းအင်တွေကို စိမံခန့် ခွဲနေသူက..သန်းရွှေ...FDI တွေ လာဖို့  ဒီလိုစွမ်းအင် ကိစ္စတွေကို ဒေါ်စုက သန်းရွှေ ရဲ့ သဘောထားမသိနိုင်ဘဲ..ဘယ်လိုအာမခ့နိုင်မလဲ ။ ဒေါ်စုက လာပါ...လာပါခေါ်တယ် ။ ကောင်းပြီ ဟိုက ဒေါ်စုကို ယုံရမှာလား သန်းရေအကို ယုံရမှာလား ။ နောက် စာချုပ်ကြပြီတဲ့...စာချုပ်ပါသဘောတူညီချက်တွေဘယ်လို ရေးကြမလဲ ။ ဒေါ်စုနဲ့ချုပ်ရမှာလား သန်းရွှေနဲ့ ချုပ်ရမှာလား ။

နောက် သဘောတူစာချုပ်တော့ချုပ်ကြပြီတဲ့.. အလုပ်မှာအဆင်မပြေတာလေးတွေဖြစ်ရင် ဒေါ်စုက ခေါင်းခံရမှာလား ။ အများကြိးပါ ။ တခါအရေးကြိးဆုံးက ကဲကောင်းပြိ..ကုမ္မဏိကြိးတွေ ၀င်လာပါပြီတဲ့ ။ အဲဒီမှာအလုပ်သမားခန့် ကြပါပြီတဲ့ ။ ဒေါ်စုလူတွေက နိုင်ငံရေးသမားတွေ..သူတို့  နဲ့ သူတို့ မိသားစုတွေ မခန့် ရ လုပ်လာပြန်အုံးမယ် ။sanction တွေ ။ အလုပ်သမား ခန့် ထားရေးမှာ လူသားအရင်းအမြစ်မှာ...ကုမ္မဏိတွေကို သူတို့ စိတ်ကြိုက်ခန့် ထားခွင့်ပေးရပါမယ် ။ ထောက်လှန်းရေး ကစီစစ်တာတွေ...ထောက်လှန်းရေးပတ် pass ရသူတွေဘဲ ခန့် ထားရေး...ဘယ်သူ့ တူ ဘယ်သူ့ သမိး ဆိုပြိး ဖိအားပေးခန့် တာတွေလုပ် ။ အဲဒီလူတွေကအလုပ်ထဲမှာ ထော်လော်ကန့် လန့် လုပ် လူစွာလုပ်တာတွေ ခံကြရတဲ့ ကုမ္မဏီတွေ တပုံကြိး ။ အဲဒီသူတွေကိုထုတ်ပစ်ရင် လုပ်ငန်းလိုင်စင်ဖျက်သိမ်းခံရ အဆင်မသင့်ရင်လူပါထောင်ချခံကြဂသူတွေ တပုံ့တပင်ကြိးပါ ။

ဒီလိုပြသနာတွေကို ဒေါ်စုက မဖြစ်စေရပါဘူး အာမခံနိုင်ဖို့  အခြေအနေရှိမှ...ဒေါ်စုက ပြည်သူတွေကိုယ်စားပြုထားပါတယ်ဆိုတာကို န.အ.ဖ မှ လက်ခံလာမှ ဒေါ်စုက ပါဝင်လျှင် အားလုံး အာမခံပြိးပြောနိုင်ဆိုနိုင် သဘာဝလဲကျပါမယ် ။ အဲဒီလို စိမံမှု ပါဝါ ဒေါ်စုကိုမပေးအပ်ဘဲ....ရီရတယ် ။

နောက် ဒါထက်ပိုအရေးကြိးတာက...စိးပွားရေးပိတ်ဆို့ ထားတာ ရုတ်သိမ်းစေချင်တဲ့ အဓိက ရည်ရွယ်ချက်က ပြည်သူလူထု စားဝတ်နေရေးချောင်လည်ဖို့  ။ နိုင်ငံတော်ကြိးအတွက် ..နံပတ်တစ်မဟုတ် ပြည်သူလူထုအတွက် နံပတ်တစ် ။ ရှင်းတယ်နော် ။ ကောင်းပြိး ပြည်သူလူထု အလုပ်တော့လူတွေတော်တော်များများ အလုပ်ရကြပါပြီတဲ့ .အခုရနေသလို...တနေ့ မှ တစ်ဒေါ်လာခွဲ ( တလ -မှ ဒေါ်လာ ၂၅ )ေ လာက်ဘဲရနေကြမယ်ဆိုရင်...ဒါပြည်သူလူထု စားဝတ်နေရေးချောင်လည်ဖို့ မဟုတ်ဘဲ ..ပြည်သူလူထုက ကျွန်လုပ်ခနဲ့မသေရုံတမယ် ဘ၀ ဆက်ခဲ့ရတာ..မ.ဆ.လ ခေတ်ကနေဆို..နစ်ပေါင်း..၅၀ ပြည့်တော့မယ် ။

လုပ်အားခ ကို နိုင်ငံတကာကို မှီချင်ရင် နိုင်ငံတကာစံတွေဖြစ်တဲ့ အနိမ့်ဆုံး လုပ်ခ သတ်မှတ်ထားပေးရပါမယ် ။ ဒီလိုသတ်မှတ်ရင် ခေတ်မှီဖွံ့ ဖြိုးတိုးတက်ပါတယ် ပြောချင်ရင်..ထိုင်းနိုင်ငံ က အနိမ့်ဆုံး လုပ်ခ နဲ့  နိုင်းယှဉ်ပြီး သတ်မှတ်သင့်ပါတယ် ။

နောက်ဆုံးဗျာ....နိုင်ငံခြားအရင်းအနှီးဘဲ မျှော်နေကြရအောင်...ကျနော်တို့ နိုင်ငံမှာ အားလုံးမွဲနေကြလို့လား ။ အရင်းအနှိးတောင် ကိုယ်တိုင်မထုတ်နိုင်ကြတော့ဘူးလား ။ ပြန်ဆန်းစစ်တော့.ပြည်သူလူထု လက်ထဲက ငွေကို..န.အ.ဖ က....ကားပါမစ်..ဖုံးပါမစ်..လုပ်ငန်းပါမစ် ဆိုတဲ့ ပါမစ်တွေ နဲ့ ကျစ်ယူတယ် ။ ပြည်သူလူထု ပိုင်သမျှ အခုတော့ ကြိုင်ကြိုင် တို့ ..မောင်အေးတို့ လက်ထဲ တစတစ ရောက်ကုန်တယ် ။

ထားပါ။ သန်းရွှေမြေး..နေရွှေသွေးအောင်ဆိုရင်..ကမ္ဘာ့  မှာ တဦးထည်းသော...TEENAGE BILLIONAIRE ဖြစ်နေပါတယ် ။ အသက်နစ်ဆယ်အောက် ကမ္ဘာ့တဦးထည်းသော ဘီလျှံနာ ဖြစ်နေပါတယ် ။ နိုင်ငံခြားကလူတွေကိုတော့ လာပါ ဗမာပြည်မှာ ရင်းနှီးရင် ဘယ်လို အကျိုးအမြတ်ရပါမယ်လက်ယတ်ခေါ်နေပြိး..ကိုယ်တိုင်ကြတော့ ဘာလို့  နိုင်ငံခြားမှာ ၀ှက်ထားကြရတာပါလဲ ။

အဖြေက ရှင်းနေပါတယ် ။ မြန်မာနိုင်ငံမှာ နိုင်ငံရေး မတည်ငြိမ်ကြောင်း သန်းရွှေမိသားစုက လက်တွေ့  ( လျှို့ဝှက် ) လက်တွေ့ ပြနေတာပါဘဲ ။

သတင်းအကျဉ်းချုပ် ...

8 လိုနေတာက အကြီးစား ပြည်တွင်းစစ်

(တပ်တွင်းက လေ့လာသူတဦး)

ဒေါက်တာလွဏ်းဆွေ ဘလော့(ဂ်)ပေါ်က ရန်မင်းအောင်ရဲ့ ‘လက်ရှိ မြန်မာ့နိုင်ငံရေးမှာ ရှော့ခ် ရိုက်ဖို့် လိုနေတယ်’ ဆောင်းပါး (http://drlunswe.blogspot.com/2010/12/blog-post_24.html)ကို ဖတ်ပြီးတော့ ပြည်တွင်း စစ်နဲ့မှပဲ နအဖက တွေ့ဆုံဆွေးနွေးရေးစားပွဲကို ရောက်လာမှာ ဆိုတဲ့ အမြင်ပေါ်မှာ အခြေခံပြီး ဒီဆောင်းပါးကို ရေးပါ တယ်။

ပြည်တွင်းစစ်ဖြစ်ဘို့က စစ်တပ်ကွဲပြီး အချင်းချင်း ချအောင် အရင်လုပ်ပေးရမယ်။ အချင်းချင်း နဲနဲပါးပါးချလာကြရင်၊ ၀တွေ ကရင်တွေလို အားရှိ တဲ့တပ်တွေကလည်း ၀င်တိုက်ကြရမယ်။ တဖြည်းဖြည်းနဲ့ ပြည်တွင်းစစ်ကိုကြီးလာအောင် ချဲ့ပေးကြရပါမယ်။

ပြည်တွင်းစစ်ကြောင့် လူတွေသေမှာ ထည့်မတွက်နဲ့။ အခုလည်း စစ်တပ်အုပ်ချုပ်လို့ လူတွေ သက်တမ်းမစေ့ပဲ ရော ဂါမျိုးစုံနဲ့ သေနေကြရတာ နှစ်ပေါင်း(၅၀)ရှိနေပြီ။ သူများတိုင်းပြည်တွေ မှာ အစိုးရတွေက စောင့်ရှာက်ကာကွယ်လို့ သူတို့ ပြည်သူတွေဟာ လူတွေအမြောက်အမြား သေကြေစေနိုင်တဲ့ တီဘီ ငှက်ဖျား AIDS ဆိုတဲ့ ရောဂါဘယ အကြီးစား တော်တော်များများ ကနေ ရှောင်ရှားနိုင်လို့်လူ့သက်တမ်းရှည်စွာနဲ့ အသက်ရှင် နေထိုင်နေကြတယ်။ မြန်မာပြည်မှာ သူများတိုင်းပြည်တွေမှာ လွယ်လွယ်ကူကူကာကွယ်လို့ ရနေတဲ့ ရောဂါတွေနဲ့ တပ်မတော်သားတွေ အပါအ၀င် ပြည်သူတွေ စက္ကန့်တိုင်းမှာ သေနေကြရတာ နှစ်(၅၀)ရှိလာပြီ။ ပြည်တွင်း စစ်ဖြစ်လာရင် သွေးချောင်းစီး ကုန်ကြတော့မှာပဲ လူတွေသေကုန်ကြတော့မှာပဲလို့ ပြောနေသူတွေဟာ အခုလို အချိန်မတန်ပဲ သေနေကြတာတွေ ဟာပြည်တွင်းစစ်နှစ်ငါးဆယ်မှာ (စစ် ကြောင့်) သေကြရသူတွေထက် အဆမတန်များတယ်ဆိုတာကို သတိမထား မိကြဘူး။ ပြည် တွင်းစစ်ကြောင့် သေကြမှာကို ကြောက်နေရင် ဘယ်တော့မှ မလွတ်မြောက်ဘူး။ ဒါကြောင့် မတရား တာတွေကို မြင်နေလို့ တပ်ထဲကနေ တော်လှန်ပုန်ကန်ချင်နေတဲ့ တပ်မတော်သားတွေ အနေနဲ့ ‘မင်းတို့ကြောင့် ပြည်တွင်းစစ်ဖြစ်ပြီး လူတွေ သေကုန်ကြလိမ့်မယ်’လို့ တချို့အထက် အရာရှိတွေပြောပြောနေတာတွေကို ပြန်ပြီးသုံးသပ်ကြည့်ရမှာကတော့၊ ပြည်တွင်းစစ်ကပဲ လွတ်မြောက်မှုကို ပေးလိမ့်မယ် ဆိုတာပါပဲ။ တော်လှန်ပုန်ကန် ရဲတဲ့ တပ်မတော်သားတွေဟာ အောင်ပွဲခံတဲ့အချိန်မှာ သူရဲကောင်းတွေ ဖြစ်လာမှာပဲ။ တော်လှန်ပုန်ကန်တဲ့ တပ်မ တော်သား တွေက အမှန်တရားဘက်က ရပ်တည်တာကြောင့် အောင်ပွဲခံမှာပဲ။ ဘယ်အရာမှာမဆို နောက်ဆုံးမှာ အမှန်တရားဘက်ကပဲ အောင်ပွဲခံတယ်။

ပြည်တွင်းစစ် သေးသေးကွေးကွေးနဲ့တော့ မရဘူး။ မြန်မာပြည်မှာ ပြည်တွင်းစစ်ကို ပြောရင် လူတွေက ၁၉၄၈-၅၂ လောက်က အစိုးရတပ်တွေနဲ့ သူပုန်ပေါင်းစုံတပ်တွေ အင်အားချင်း သိပ်မကွာပဲ တိုက်ကြခိုက်ကြလို့၊ အရပ်သား တွေပါ သေကြေခဲ့ကြရတဲ့ အချိန်ကာလကို ပြည်တွင်းစစ်ကာလအဖြစ် ပြောပြောနေကြတယ်။ အဲဒီ ပြည်တွင်းစစ်က ဟာသပါ။ အခု လိုနေတာက အကြီးစားပြည်တွင်းစစ်ကြီးပါ။
ဟိုနိုင်ငံဒီနိုင်ငံတွေကပါ ပါဝင်လာကြရတဲ့ ကွန်ဂိုတို့ ဘော့စနီးယားတို့လို အကြီးစားပြည်တွင်းစစ်ကြီး မြန်မာနိုင်ငံမှာ လိုအပ်နေပါတယ်။

အများက မျှော်လင့်နေတဲ့ ကုလသမဂ္ဂတို့ အမေရိကန်တို့ မြန်မာ့နိုင်ငံရေးမှာ တကယ်တမ်း လက်တွေ့ကျကျ ၀င် ရောက်ကူညီ ဖြေရှင်းပေးဘို့ဆိုတာ စိတ်ကူးတွေယဉ်ပြီး၊ အခုလို တွေ့ဆုံဆွေးနွေးရေးဖြစ်လာနိုးနဲ့ အိညက်အိညက်နဲ့ တောင်းဆိုနေကြတဲ့ အခြေအနေမျိုး မပြောနဲ့ ပြည်တွင်းစစ်အသေးစားနဲ့တောင် လာကြမှာ မဟုတ်ဘူး။ ဒီနေရာမှာ ကုလသမဂ္ဂတို့ အမေရိကန်တို့ကို
မျှော်တဲ့လူတွေသိထားကြရမှာက ပြည်တွင်းစစ်ကြီး မီးဟုန်းဟုန်း တောက်အောင် လုပ်နိုင်မှ၊ သူတို့ ရောက်လာကြမှာ ဆိုတာပဲ။

ဒါကြောင့် ပြည်တွင်းစစ်ကြီး ဖြစ်အောင် ၀ိုင်းလုပ်ကြ။ နအဖကလည်း သီရိလင်္ကာမှာလို အစိုးရဘက်ကနေ ရက်ရက် စက်စက်နဲ့ သတ်ဖြတ်ချေမှုန်း အနိုင်တိုက်နိုင်ခဲ့တဲ့ ပြည်တွင်းစစ်ကို အားကျနေတယ်။ သီရိလင်္ကာကို အတုယူပြီး တိုင်းရင်းသားလက်နက်ကိုင်တွေကို နအဖက တစ်ပွဲတစ်လမ်း စမ်းပြီး၊ အပြတ်ချေမှူန်းလို့ ရမလား လုပ်ကြည့်ချင်နေ တယ်။

သီရိလင်္ကာမှာထက် အဆ(၁၀၀၀)ကြီးတဲ့ ပြည်တွင်းစစ်ကြီး ဖြစ်ပေါ်လာအောင် ဘက်ပေါင်းစုံက ၀ိုင်းလုပ်ကြဘို့ လို တယ်။ နအဖကို သိပ်အထင်မကြီးနေနဲ့ ။ နအဖထဲမှာ အောက်ခြေတပ်သားလေးကနေ ဟိုးထိပ်အထိ အက်သံပါနေ ပြီ။ ဟန်ပဲ ရှိတယ်။ အဆံ မရှိတော့ဘူး။ ဟန် နဲ့ လူထုကို ခြိမ်းခြောက်ထားတာ။

ပြည်တွင်းစစ်မီးဟုန်းဟုန်းတောက်မှ နိုင်ငံခြားက မှန်တဲ့ဘက်က၀င်ပါလာတာ။ ဒီအတိုင်းက မပါကြပါဘူး။ ဒီအတိုင်း ကတော့ နအဖကို ကန့်ကွက်ကြောင်း အတိုက်အခံတွေကို ထောက်ခံကြောင်းဆိုတာမျိုးလောက်နဲ့ပဲ ပါးစပ်စိုက်တဲ့ အလုပ်၊ ကြေညာချက်ထုတ်တဲ့ အလုပ်တွေပဲ နိုင်ငံခြားက လုပ်ပေးလိမ့်မယ်။ နိုင်ငံခြားက ၀င်ပါပေးဘို့ဆိုတာ သူတို့အပေါ် မှီခိုဘို့ မဟုတ်ဘူး။ အဲ့ဒီကျမှနိုင်ငံရေးအရ သံတမန်ရေးအရ၊ ကိုယ့်ဘက်က အကုန်ပါလာတာ။ အခုလို ဟို ဘက်လိုလို ဒီဘက်လိုလို နိုင်ငံတွေ၊ အဲဒီကျ မှားတဲ့ဘက် မရပ်နိုင်တော့ဘူး။

ဟန်ပဲ ရှိတယ်ဆိုပေမဲ့ နအဖက ဗြိတိသျှတွေလို ဂျပန်တွေလို ပြန်ပြေးစရာ ကိုယ့်တိုင်းပြည်ဆိုတာမျိုး သူတို့မှာ မရှိ ဘူး။ ဒါကြောင့် လက်နက်တော့မချဘူး နောက်ဆုံးကျည်ဆံတစ်တောင့် အထိ ခံတိုက်မယ်ဆိုတဲ့ စစ်စိတ်စစ်မာန်ရှိ နေကြတဲ့သူတွေဆိုတော့ လူထုအားနဲ့ အပြုတ်ဖြုတ်ချလို့ မရဘူး။ ၈၈၈၈ တို့ ၉၀ ရွေးကောက်ပွဲတို့လောက် ကြီးတဲ့ လူထုအားမျိုးလဲ သူတို့ကို ဖြုတ်ချလို့
မရခဲ့ဘူး။ ၂၀၀၇ ရွှေဝါရောင်တော်လှန်ရေးနဲ့လည်း မရခဲ့ဘူး။ သူတို့ကို အပြုတ်ဖြုတ်ဘို့ ကြိုးစားတိုင်း အုတ်နံရံကို ခေါင်းနဲ့ ပြေးပြေးဆောင့်သလို လူထုဘက်က နာတာချည့်ပဲ။ လူထုတိုက် ပွဲဆိုတာ မြန်မာပြည်မှာ မရဘူး။ ပြည်တွင်းစစ်နဲ့မှပဲ ရမယ်။ ပြည်တွင်းစစ်ဖြစ်လို့ ဘေးက တရုတ်တပ်ကုလားတပ်ဝင် ပြီး ဖဲ့သွားမှာလဲ မပူနဲ့။ အဲဒီလို မြန်မာ့အရေးဟာ ကမ္ဘာ့အရေး ဖြစ်လာမှအားလုံး စောက်ရမ်းမျှော်လင့်နေတဲ့ ကုလ သမဂ္ဂတို့ အမေရိကန်တို့ဝင်လာမှာ။ တကယ့် ပြည်တွင်းစစ်ဖြစ်မှ နအဖဟာ ဘာပဲပြောပြော ခုထက် အင်အားချည့်နဲ့သွားမယ်။ အင်အား ချည့်နဲ့သွားမှ အားလုံးမျှော်နေတဲ့ ကုလသမဂ္ဂတို့ အမေရိကန်တို့ ၀င်လာပြီး၊ နအဖကို တွေ့ဆုံ ဆွေးနွေးရေးစားပွဲကို ခေါ်လာလို့ ရမယ်။ အဲ့ဒီကျမှ အားလုံးပါဝင်ပြီး ကုလသမဂ္ဂကြီးကြပ်မှုနဲ့ အခြေခံဥပဒေအသစ်ရွေးကောက်ပွဲအသစ်နဲ့ သွားလို့ရမယ်။ အရှေ့တီမော၊ ကမ္ဘောဒီဒီးယား၊ ဘော့စနီးယား တို့မှာလဲ ဖိနှိပ်သူအစိုးရတွေ ပြည်တွင်းစစ်နဲ့မှ ဆင်းသွားကြတာ။ ပြည်တွင်းစစ်ကြောင့် အင်အားချည့်နဲ့နေတဲ့ နအဖလဲ နိုင်ငံတကာကြီးကြပ်မှုနဲ့ လုပ်ပေးတဲ့ အခြေခံဥပဒေတို့ ရွေးကောက်ပွဲတို့ကို အဲ့ဒီ့ကျမှ လက်ခံပြီး အရှေ့တီမောတို့၊ ဘော့စနီးယားတို့လိုမျိုး ဒီမို ကရေစီစစ်စစ် အသေးစားအောက်ဆုံးအဆင့်လောက်ကို စရမှာ။

အခုဟာက ဂျပန်တော်လှန်ရေးမျိုး မဟုတ်ဘူး။ အားလုံးညီညွတ်ပြီး ဂျပန်ကို တိုက်ထုတ်တာမျိုး မဟုတ်ဘူး။ ဒါမျိုးနဲ့ မရဘူး။ ကွဲပြဲနေကြလေ ပိုကောင်းလေပဲ။ ဒါမှ ထချကြတဲ့အခါ ရှုပ်ရှက်ခတ်ပြီး အဖွဲ့(၁၀၀)လောက်ကွဲပြီး ပြည်တွင်း စစ်ကြီးကို ပတ်လည်တိုက်နေတဲ့ ဆိုမားလီးယားလိုမျိုး ဖြစ်မှ။ (၂၀)ရာစုအစက မော်စီတုံးမပေါ်ခင် တရုတ်ပြည်မှာ စစ်ဘုရင်တွေ အများကြီးနဲ့
သွေးချောင်းစီးအောင် တိုက်နေကြတာမျိုးတွေ ဖြစ်နေမှ။ မြန်မာတပြည်လုံး တရုတ် အိန္ဒိယ ဘင်္ဂလားဒေ့(ရှ်) ထိုင်းတပ်တွေ ၀င်တိုက်ကြ ၀င်ဖဲ့ကြမယ်။ အဲဒီလိုမျိုး ဖြစ်လာအောင် ၀ိုင်းပြီး ဖန်တီးပေးကြ ရမယ်။ နအဖမှာ စစ်ရေးအရ အရူးမီးဝိုင်းနေအောင် လုပ်ပေးရမယ်။ ဒါမှ ကုလသမဂ္ဂတို့ အမေရိကန်တို့ တရုတ်တို့ ကုလားတို့ အာဆီယံတို့ ၀င်ထိန်းမှာ။ ဒီအတိုင်းက ဘယ်သူမှ
ဝင်လုပ်မပေးဘူး။ မြန်မာပြည်မှာ နအဖက အင်အား အကောင်းဆုံးနဲ့ အားလုံးကို ဗိုလ်ကျနေတယ်။ ဆိုမားလီးယားဆိုတာက အနားမှာ တရုတ် အမေရိကန် ရုရှ ဘယ်သူ မှ မရှိဘူး။ သူတို့အားလုံးက ဆိုမားလီးယားပြည်တွင်းစစ်ကို အလေးအနက်မထားပဲ ဒီအတိုင်း လွှတ်ထားတယ်။

မြန်မာပြည်က ပြည်တွင်းစစ်ဖြစ်ရင် လွှတ်ထားလို့ မရဘူး။ တရုတ် ကုလားနဲ့ အာဆီယံက နေ လို့ မရဘူး။ မြန်မာ ပြည်နဲ့တင် ပြီးမှာ မဟုတ်ဘူး။ မီးပွားတွေရှိနေတဲ့ ထိုင်းနဲ့ အိန္ဒိယအရှေ့ခြမ်းပါ အကုန် မီးက ကူးမှာ။ အမေရိကန်နဲ့ အီးယူ နေလို့ မရဘူး။ အာဆီယံဒေသထဲမှာ သူတို့ အကျိုးစီးပွားတွေရှိတယ်။ မြန်မာပြည်တွင်းစစ် ထိုင်းနဲ့ အိန္ဒိယ အရှေ့ခြမ်းကို ကူးစက်လို့မရအောင်၊ အကုန်ဝင်ပါလာကြမှာ။ ရုရှပဲ သူနဲ့ဝေးလို့ မပါမှာ။ ရုရှအကျိုးစီးပွား အာဆီယံ ဒေသမှာလဲ မရှိဘူး။ ဒီမိုကရေစီစစ်စစ်ရဲ့ အနိမ့်ဆုံးအဆင့် မြန်မာပြည်မှာ ရအောင်က၊ ပြည်တွင်းစစ်နဲ့မှ ရမယ်။ ပြည်တွင်းစစ်နဲ့မှ နအဖက အင်အားချိနဲ့လာမှာမို့ဘဲ။

တခုသတိထားဘို့ကလည်း ပြည်တွင်းစစ်နဲ့ကလည်း နအဖကို ချက်ချင်းအနိုင်တိုက်လို့ မရဘူး။ အနိုင်တိုက်လို့ မရ နိုင်လို့၊ အနိုင်တိုက်ဘို့လုပ်ရင် ကိုယ်ပဲ လုံးပါးပါးလိမ့်မယ်။ အကန့်အသတ်နဲ့ တိုက်ရမှာ၊ နအဖ ဆွေးနွေးပွဲစားပွဲဝိုင်း
ကို ရောက်လာနိုင်တဲ့အထိပဲ၊ သူ့ကို ချည့်နဲ့လာအောင် တိုက်ရေးကိုပဲ ရည်မှန်းချက်ထားရမယ်။ ဒါဆို ကိုယ့်ဘက်က လည်း အရင်းအနှီးအများကြီး မစိုက်ရဘူး။ ကိုယ့်အင်အားကို ထိန်းနိုင်သိမ်းနိုင်ရှိမယ်။ နအဖလဲ ဆွေးနွေးပွဲစားပွဲဝိုင်းကို လာချင်အောင် သူ့ကို အပြုတ်တိုက်တဲ့နည်းကို မသုံးဘူး။ အပြုတ်လဲ တိုက်လို့ မရတာကြောင့်၊ ရေရှည်ပျောက် ကျားစစ်နဲ့ တိုက်ရမယ်။ ရေရှည်စစ် ဖြစ်လာတော့မှ၊ နအဖဟာ ဆွေးနွေးပွဲစားပွဲဝိုင်းကို လာလိမ့်မယ်။ ရေရှည်စစ်မှာ နှစ်ဘက်လုံး မနိုင်ကြပေမဲ့၊ အာဏာလက်ရှိလူက အကျိုးစီးပွားတွေ ပိုပြီးနာတယ်။ အာဏာမဲ့ တဲ့ဘက်က နဂိုထဲက အကျိုးစီးပွားတွေ နာနေပြီးသားဆိုတော့၊
ဘာမှ ပိုထူးပြီး မနစ်နာဘူး။ ကုလသမဂ္ဂတို့ အမေရိကန်တို့ တရုတ်တို့လည်း ရေရှည်ပျောက်ကျားစစ်ဆိုရင်၊ ကြာတော့မယ်ဆိုတာသိလို့၊ တည်ငြိမ်နေတဲ့ ဒေသတွင်းကိုပါ ပြဿနာတွေ တက်လာမှာကြောင့်၊ ၀င်လာကြလိမ့်မယ်။ အဲဒီကျမှ ဒီမိုကရေစီစစ်စစ်ရဲ့ အနံ့လေးလောက် မြန်မာပြည်မှာ ရလာကြ မယ်။

လူ့အသက်တွေနဲ့ ထောင်သောင်းချီ ပေးဆပ်ရင်းနှီးနိုင်ပါမှ နိုင်ငံတနိုင်ငံရဲ့ နောင်မျိုးဆက်အတွက် လှပတဲ့အနာဂတ် ကို ဖြစ်လာစေတာ၊ သမိုင်းမှာ တွေ့ကြရမှာပါ။ ဒီကနေ့ အမေရိကန်ပြည်ထောင်စုကြီး ဖြစ်လာဘို့ (၁၈) ရာစု နဲ့ (၁၉) ရာစုတွေမှာ အမေရိကန်တွေရဲ့ အသက်တွေ အများကြီး ရင်းခဲ့ကြ ရတယ်။ ဒီကနေ့ တရုတ်ပြည်ကြီး ချမ်းသာကြွယ်ဝလာဘို့ ယဉ်ကျေး မှုတော်လှန်ရေးကာလမှာ
တရုတ်ပြည်သူတွေ သန်းနဲ့ချီပြီး သေခဲ့ကြရတယ်။ ဒီကနေ့ အာရှ ကျားဗီယက်နမ်နိုင်ငံဖြစ်လာဘို့ ဗီယက်နမ်စစ်ပွဲမှာ ဗီယက်နမ်ပြည်သူတွေ သိန်းနဲ့ချီပြီး အသက်တွေပေးခဲ့ကြရတယ်။ နမူနာတွေ အများကြီး ပါ။

လန်ဒန် ဟိုက်ပတ် ပန်းခြံထဲမှာ သစ်သားပုံးတစ်ပုံးချ ပုံးပေါ်တက် တရားဟောကျင့် တရားဟောကောင်းလာရင် လူတွေဝိုင်းလာ လူကြိုက်များလာ လူသိများလာတော့ ပါတီထောင် ရွေးကောက်ပွဲဝင် ရွေးကောက်ပွဲမှာနိုင်တော့ အမတ်ဖြစ် အမတ်ကနေ ၀န်ကလေးဝန်ကြီး ၀န်ကြီးချုပ်အထိ ဖြစ်လာ။ အဲ့ဒီနည်းမျိုးနဲ့ မြန်မာပြည် ဒီမိုကရေစီ ရ အောင် အပြောင်းအလဲ ဖြစ်လာအောင် လုပ်လို့ မရပါ။

အဲဒီလို လုပ်လာနိုင်အောင်၊ အဲဒီလိုလုပ်လို့ရတဲ့ တိုင်းပြည်ဖြစ်လာအောင်၊ အများကြီး လူ့ အသက်တွေ ရင်းရပါဦး မယ်။ အဲ့ဒီနိုင်ငံတွေ အဲဒီအဆင့်ရောက်လာအောင် (၁၀)နှစ် နှစ်(၂၀)လောက် လူထုတိုက်ပွဲဆိုတဲ့ လမ်းပေါ်တက် ဆန္ဒပြတာတွေ ကြေညာချက်ထုတ်တာတွေ ပေါချောင်ကောင်းနဲ့ လုပ်ပြီး ရလာတာပါ မဟုတ်ပါ။ နောက်မျိုးဆက် တွေ သေတ္တာပုံးပေါ်တရားတက်ဟောရာက စပြီး ပါလီမန်မှာဝန်ကြီးချုပ် တက်လုပ်နိုင်ကြတဲ့နိုင်ငံမျိုး ဖြစ်လာအောင်၊ ရှေးက သူတို့ခေါင်းဆောင်တွေ သူတို့ ပြည်သူတွေ ဆယ်စုနှစ်တွေနဲ့ ချီပြီး လူ့အသက်တွေ သောင်းသိန်းချီ ရင်းပြီး စစ်ပွဲတွေနဲ့ လုပ်ခဲ့ကြတာပါ။

အခု ဖြစ်နေတာက၊ ဒီအဆင့်မျိုးကို ခုချက်ချင်းပဲ ဈေးပေါပေါနဲ့ ရောက်အောင်လုပ်နိုင်တယ်လို့ စိတ်ကူးယဉ်ပြီး လုပ် နေကြသလိုပါပဲ။ ရှင်းရှင်းလေးပါ။ ရန်သူက ဒါးကိုင်ပြီး အပေါ်စည်းက စကားပြော နေတာကို၊ သူ့လက်ထဲက ဒါးကို လွတ်ကျသွားအောင် သူ့ကို ချည့်နဲ့သွားအောင် လုပ်ဖို့ပါ။ အခုက ဒါးကိုင်ထားတဲ့ ရန်သူကို ပါးစပ်နဲ့ ဟိုဟာပေးပါ ဒီဟာပေးပါနဲ့ သူတောင်းစားတောင်းတောင်းနေကြတယ့် အဖြစ်ပါ။

အရှေ့တီမောလို ဒီမိုကရေစီစစ်စစ် အသေးစားလေးလောက်က စပြီး ရဘို့တောင်၊ အရင်းအနှီး အများကြီး လိုတယ် ဆိုတာ သဘောပေါက်ကြဘို့ လိုနေပါပြီ။ အဲဒီ ဒီမိုကရေစီစစ်စစ်ရဲ့ အနံ့ လေးလောက်က စပြီး ရဘို့၊ မြန်မာနိုင်ငံမှာ ပြည်တွင်းစစ်အကြီးစားကြီး လိုနေပါတယ်။ အခုလို အမေရိကန် အင်္ဂလန် အိန္ဒိယတို့က ဒီမိုကရေစီစစ်စစ် အကြီးစား ကြီးလိုဟာမျိုးကို လူထုတိုက်ပွဲတို့
ရွေးကောက်ပွဲတို့ ဆိုတာတွေနဲ့ ပေါချောင်ကောင်း ရလေမလားလို့ မျှော်လင့်ပြီး လုပ်မနေကြပါနဲ့တော့။ ဆင့်ဖင်ခွေးမျှော်အလုပ်တွေနဲ့ လုပ်လို့မရနိုင်ဘူးဆိုတာ နှစ်(၂၀)ရှိနေမှတော့ သိဘို့ ကောင်း ကြပါပြီ။ အခုချိန်ထိ နှစ်(၂၀)အတွင်း တနိုင်ငံလုံးမှာ ပေးဆပ်ခဲ့ကြပေးဆပ်နေကြတယ်ဆိုတာ ဘာမှ မဟုတ်သေး ဘူး၊ နှမ်းစေ့လောက်ပဲ ရှိသေးတယ်ဆိုတာ မြင်ကြဘို့ကောင်း ပါပြီ။
ဒီထက်မက ထပ်ပြီး ပေးဆပ်ရမှာက သောင်းနဲ့သိန်းချီတဲ့ လူ့အသက်တွေပါ။ အဲဒီ လောက်တွေ ရင်းပြီးမှ အရှေ့တီမောလောက် အဆင့်က စပြီး ဖြစ်လာမှာဆိုတာ မမေ့ကြနဲ့။

ပြည်တွင်းစစ် အကြီးစားကြီး မီးဟုန်းဟုန်း တောက်အောင် ၀ိုင်းပြီး လုပ်ဆောင်ကြပါစို့။

သတင်းအကျဉ်းချုပ် ...

0 ABSDFကိုအကြမ်းဖက်အဖွဲ့အဖြစ် သတ်မှတ်ခဲ့ရာကနေ ယခုအခါ ပယ်ဖျက်လိုက်ကြောင်း ဥက္ကဌဟောင်း ဦးထွန်းအောင်ကျော်မှပြောဆို

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (မကဒတ) လို့ ခေါ်တဲ့ ABSDF အဖွဲ့ကို အမေရိကန် ပြည်ထောင်စု US Homeland Security Department ကနေ စက်တင်ဘာ ၁၁ ရက် တိုက်ခိုက်မှု နောက်ပိုင်း အကြမ်းဖက် အဖွဲ့အစည်းအဖြစ် သတ်မှတ်ခဲ့ရာ ကနေ အခုအခါ ပယ်ဖျက် လိုက်ပေးတယ်လို့ သိရပါတယ်။ရှစ်လေးလုံး ဆန္ဒပြပွဲကြီးမှာ ဆန္ဒပြသူတွေကို လက်နက်နဲ့သတ်ဖြတ်ခဲ့တဲ့ စစ်အစိုးရကို ငြိမ်းချမ်းစွာ တောင်းဆိုလို့ မရတော့ဘူးလို့ သိလာတာကြောင့် စစ်အစိုးရကို လက်နက်ကိုင် တိုက်ဖို့ ဆုံးဖြတ်ပြီး ABSDF အဖွဲ့ကို ဖွဲ့စည်းခဲ့တာ ဖြစ်တယ်လို့ဥက္ကဌဟောင်း ဦးထွန်းအောင်ကျော်က ပြောပါတယ်။ကျောင်းသား တပ်မတော်ဟာ ဒီမိုကရေစီနဲ့ လူ့အခွင့်အရေး အပြည့်အဝ ရရှိရေးအတွက် တိုက်ပွဲဝင်နေတာ ဖြစ်ပြီး အမေရိကန်က သတ်မှတ်ထားတဲ့ အစွန်းရောက် အဖွဲ့အစည်းတွေနဲ့မတူညီကြောင်း ဒါကြောင့် အကြမ်းဖက်အဖွဲ့လို့သတ်မှတ်တာဟာ လူ့အခွင့်အရေး ချိုးဖောက်တာ ဖြစ်တယ်ဆိုပြီး ကန့်ကွက်ခဲ့တယ်လို့ ဆိုပါတယ်။ဒါ့အပြင် အမေရိကန်မှာ ရှိတဲ့ တခြား ဘာသာရေး အဖွဲ့အစည်းတွေ အပါအဝင် ကျန်တဲ့ လူ့အခွင့်အရေး အဖွဲ့တွေကလည်း ပါဝင် တောင်းဆို ပေးခဲ့ကြလို့ US Homeland Security Department ကနေ အကြမ်းဖက် အဖွဲ့အစည်းအဖြစ် သတ်မှတ်ခဲ့ရာ ကနေ ပယ်ဖျက် လိုက်ပေးတယ်လို့ထင်ကြောင်း ဦးထွန်းအောင်ကျော်က ဆိုပါတယ်။
(Bbc)

သတင်းအကျဉ်းချုပ် ...

0 မြန်မာစစ်အစိုးရ၏ နျူးကလီးယားစီမံကိန်း နှင့် ဗိုလ်မှူးဟောင်း စိုင်းသိန်းဝင်း - အပိုင်း (၃)

တပ်မှူးတပ်သား ပြောစကား (၀၄၀)

မြန်မာစစ်အစိုးရမှာ ‘အဏုမြူလက်နက်တွေထုတ်လုပ်မယ့် နျူးကလီးယားစီမံကိန်း’ ရှိနေတယ်ဆိုတဲ့ အထောက်အထားတချို့ကိုယူဆောင်ပြီး၊ ပြည်ပကိုထွက်ခွါလာခဲ့သူကတော့ ရုရှနိုင်ငံမှာ ဒုံးကျည်ဆိုင်ရာစက်မှုဘာသာရပ်နဲ့ မဟာသိပ္ပံဘွဲ့ရယူခဲ့သူ စစ်အင်ဂျင်နီယာအရာရှိ ဗိုလ်မှူး ဟောင်း စိုင်းသိန်းဝင်းပါ။ ကာကွယ်ရေးပစ္စည်းစက်ရုံမှာ တာဝန်ထမ်းဆောင်စဉ်က ဗိုလ်မှူးဟောင်းစိုင်းသိန်းဝင်းရဲ့အတွေ့အကြုံတွေကို ဒီသီတင်း ပတ်ရဲ့ “တပ်မှူးတပ်သား ပြောစကား” အပတ်စဉ်ကဏ္ဍမှာ ဦးရော်နီညိမ်းက စီစဉ်တင်ဆက်ထားပါတယ်။

ဦးရော်နီညိမ်း။ ။ ဗိုလ်မှူး အနေနဲ့ ဒီ “ကပစ” စက်ရုံတွေ မှာ ဘာတွေ တွေ့ကြုံရသလဲ ခင်ဗျ။

ဗိုလ်မှူးစိုင်းသိန်းဝင်း။ ။ ကျနော်တို့ကတော့ အရာရှိဖြစ်ပြီးတဲ့အခါမှ ကာကွယ်ရေးပစ္စည်းထုတ်လုပ်ရေးမှာ ကျနော့်ရဲ့ mother unit (မိခင်တပ်ရင်း) က အမှတ်(၃)ကာကွယ်ရေးပစ္စည်းစက်ရုံ (ဆင်တဲ) ပါ။ ကျနော်တို့ ammunition (ခဲယမ်း) တွေကို အဓိက ထုတ်လုပ်တာက တော့ ကပစ (၃) ၊ ကပစ (၁၂) ပေါ့၊ အဲဒီအချိန်တုန်းက။ ကပစ (၃) က ခဲယမ်းတွေကိုထုတ်လုပ်ရာမှာ အဓိက အခုလက်ရှိတပ်မတော်မှာ အသုံး များနေတဲ့ (၈၁) မမ စိန်ပြောင်းဗုံးသီးရယ်၊ (၁၂၀) မမ စိန်ပြောင်းဗုံးသီးတွေကို ထုတ်လုပ်တာပါ။ ဒီ့အပြင် ပိုပြီးတော့ ကျနော်တို့ထုတ်လုပ်ခဲ့ရတာ ကတော့ (၈၂) မမ နောက်ပွင့်ရိုင်ဖယ် ဒုံးကျည်တွေ ထုတ်ခဲ့ရတာရှိတယ်။ ကျနော်ကိုင်ခဲ့တဲ့ အလုပ်ရုံကတော့ RPG (Rocket Propelling Grenade) (ဒုံးကျည်သုံးဗုံးသီး) ဖြစ်ပါတယ်။ အဲဒီစက်ရုံကတော့ ကျနော် အလုပ်ရုံမှူးအနေနဲ့ ကိုင်တွယ်ခဲ့ရတဲ့ အလုပ်ရုံ ဖြစ်ပါတယ်။ စိန်ပြောင်း ဗုံးသီးတွေက စက်ထဲကို သံတုံးအနေနဲ့ ဖြတ်ပြီးတော့ ထည့်လိုက်တယ်။ ဒါပေမယ့် ထွက်လာတဲ့အချိန်မှာ ဗုံးသီးတွေက တစ်ခြမ်းစောင်းနေတာ မျိုးတို့ ဗုံးသီးရဲ့အခေါင်းက တစ်ခြမ်းပါးပြီးတော့တစ်ခြမ်းထူ နေတာမျိုးတို့ အဲဒီလိုမျိုး ပြဿနာလေးတွေ တွေ့တယ်။

ဦးရော်နီညိမ်း။ ။ ဗိုလ်မှူးတို့ ဗုံးခွံလုပ်နေတုန်းမှာ ယမ်းတောင် မထည့်ရသေးတဲ့ အခြေအနေပေါ့။ အဲဒီလိုမျိုး ဗုံးခွံတွေက စောင်းပြီးထွက် လာရတဲ့အကြောင်းက ဘာကြောင့်ပါလဲ ခင်ဗျ။

ဗိုလ်မှူးစိုင်းသိန်းဝင်း။ ။ အဲဒါက ပုံစံသွင်းတဲ့နေရာမှာ သံကိုသံချင်း ကြိတ်စားရတာဖြစ်ပါတယ်။ အဲဒါကြောင့်မို့ ကြိတ်စားခံရမယ့်သံထည် ကို ကျနော်တို့က အရင်ဆုံး ပျော့အောင်လုပ်ရတယ် ခင်ဗျ။ အဲဒီလို ပျော့အောင်လုပ်တဲ့ နေရာမှာ မီးဖုတ်ရပါတယ်။ မီးဖုတ်တဲ့အခါမှာ ကျနော်တို့ စက်ရုံမှာရှိတဲ့ မီးဖိုကြီးက ဒီဇယ်သုံးတဲ့မီးဖိုကြီး ဖြစ်နေတဲ့အခါကျတော့ ဌာနမှူးတို့ စက်ရုံမှူးတို့အကြိုက် ဖြစ်သွားတာပေါ့ဗျာ။ ဘာဖြစ်လို့လဲဆို တော့ ဒီသံတုံးကို သတ်မှတ်တဲ့အချိန် သတ်မှတ်တဲ့အပူရှိန် မဖြစ်လည်း မီးတောက်က ထွက်နေတာပဲ။ ဒီတော့ ဂါလံ(၄၀၀) ထည့်ရမယ့်နေရာမှာ ဂါလံ(၂၀၀) ထည့်လိုက်လည်း ဒီမီးတောက်က ထွက်နေတာပဲ။ အဲဒီတော့ ဒီသံတုံးတွေက လိုအပ်တဲ့ မီးအပူရှိန်ကို မရဘူး။ လိုအပ်တဲ့ မီးအပူရှိန် မရတော့ မပျော့ဘူးပေါ့ဗျာ။ မပျော့တဲ့အခါကျတော့ အဲဒီမှာ ရှိသမျှစက်တွေအားလုံးဟာ သံတုံးအမာကြီးတွေကိုပဲ ကြိတ်စားရတဲ့ အခါကျတော့ တစ်ခုချင်းစီ တစ်ခုချင်းစီ ထွက်လာတဲ့ အစိပ်အပိုင်းတွေ အားလုံးကလည်း ရွဲ့စောင်းပြီးတော့ထွက်လာတယ်။ ဥပမာ ဒုံးကျည်တွေဆိုလို့ရှိရင် ပြောင်းထဲမ၀င်တာမျိုးတို့ နောက်ပြီး အဆိုးဆုံးကတော့ ဒုံးကျည်တွေ ဗုံးသီးတွေရဲ့အတွင်းနံရံတွေဟာ တစ်ဖက်ထူတစ်ဖက်ပါး အဲဒီလိုမျိုး မညီ တာမျိုးလေးတွေ ဖြစ်လာတာ တွေ့ရတယ်။

ဦးရော်နီညိမ်း။ ။ ဟုတ်ကဲ့ အဲဒါတွေက စက်ရုံတာဝန်ရှိလူကြီးပိုင်းအရာရှိတွေက စက်ရုံမှာလည်ပတ်သုံးစွဲရမယ့် ဒီဇယ်ဆီတွေကို အပြင် ကို အကြံအဖန်ထုတ်ပြီး ရောင်းချကြလို့ ဖြစ်ရတဲ့အဖြစ်လို့ ကျနော် အခု နားလည်လိုက်ပါတယ်။

ဗိုလ်မှူးစိုင်းသိန်းဝင်း။ ။ အဲဒီတပ်မှာ အဲဒီလိုမှ မလုပ်လို့ရှိရင်လည်း ဘယ်လိုမှ စားမလောက်တဲ့ အနေအထားပါ။ ကျနော်က ဒီပြဿနာ ကို ‘စက်ရုံမှူးမှာလည်း တာဝန်မရှိဘူး။ အောက်ကလုပ်နေတဲ့ ရဲဘော်တွေမှာလည်း တာဝန်မရှိဘူး’ လို့ မြင်ပါတယ်။ ကျနော်ကတော့ ဒီပြဿနာ တွေ အားလုံးကို ခေါင်မိုးက မိုးမလုံလို့ မိုးယိုတဲ့ကိစ္စလို့ပဲ သုံးသပ်ခဲ့ပါတယ်။

ဦးရော်နီညိမ်း။ ။ အဲဒီလိုမျိုး ရွဲ့စောင်းပြီးထွက်လာတဲ့ သံကိုယ်ထည်တွေနဲ့ ဗုံးသီးတွေ ဒုံးကျည် rocket တွေ၊ အဲဒါတွေက ယမ်းမထည့် ရသေးခင်တောင် အဲ့ဒီလောက်ဖြစ်နေတော့ ယမ်းထည့်ပြီးတော့မှ စက်ရုံထွက်လက်နက်ခဲယမ်း တွေဆိုပြီးတော့ ရှေ့တန်းကိုပို့တဲ့အခါမှာ၊ ဒါတွေ ကိုအသုံးပြုမယ့် တပ်တွေကို ပို့တဲ့အခါမှာ ဘာတွေ ဆက်ဖြစ်လဲခင်ဗျ။

ဗိုလ်မှူးစိုင်းသိန်းဝင်း။ ။ ဒီသံထည်ပိုင်းမှာ တစ်ခြမ်းစောင်းပြီးတော့ ဗုံးသီး အထူအပါးမညီတဲ့ပြဿနာက ဘာဖြစ်နိုင်သလဲဆိုတော့ ပြောင်း ထဲမှာပေါက်တာ ဖြစ်နိုင်တယ်။ လမ်းတစ်ဝက်မှာပြုတ်ကျတာ ဖြစ်နိုင်တယ်။ ဒါမှမဟုတ် ရန်သူ့နယ်မြေထဲကိုကျသွားပြီးတော့မှ အပြည့်အ၀ မပေါက်ကွဲဘဲနဲ့ ထက်ခြမ်းပေါက်သွားတာမျိုး ဖြစ်နိုင်တယ်။ ထက်ခြမ်းပေါက်သွားတယ်ဆိုတာ အထူအပါးမညီတဲ့နေရာကနေပြီးတော့ ဗုံးသီးဟာ အစိပ်စိပ်အမွှာမွှာကွဲထွက်သွားရမယ့်အစား သူက နှစ်ပိုင်းပဲ ကွဲထွက်သွားတာပေါ့။ ဒါကတော့ ထိရောက်မှုအပိုင်းကို သွားပြီးတော့ effect (အကျိုးသက်ရောက်မှု) ဖြစ်ပါတယ်။ နောက်တစ်ခုက ယမ်းပိုင်းကိုပြောမယ်ဆိုရင် ယမ်းပိုင်းမှာ ထုတ်လုပ်ကတည်းက အရည်အသွေး မပြည့်မှီ တာရှိတယ်။ နောက်ပြီးတော့ ထိန်းသိမ်းထားသိုတဲ့နေရာမှာလည်း ပြဿနာရှိတယ်။ ထုတ်လုပ်တာကတော့ ထုတ်လုပ်လိုက်ပြီ၊ ဗုံးသီးတွေကို ယမ်းလည်းဖြည့်ပြီးသွားပြီ။ အကုန်လုံးကို COD (Central Ordnance Depot) (ပင်မလက်နက် ခဲယမ်းသိုလှောင်ရေးတပ်)ကို သွားပို့လိုက်ပြီ၊ အဲဒီစစ်လက်နက်ပစ္စည်းသိုလှောင်ထိန်းသိမ်းရေးတပ်က ဒီလက်နက်တွေကို အသေအချာမထိန်းသိမ်းဘဲနဲ့ ပစ္စလက္ခထားလိုက်မယ်ဆိုရင် ဗုံးသီး တွေဟာ အချိန်မတိုင်ဘဲနဲ့ ယိုယွင်းပျက်စီးသွားတာမျိုးတွေ ဖြစ်နိုင်ပါတယ်။ ဒါကတော့ တစ်ကဏ္ဍပေါ့။

ဦးရော်နီညိမ်း။ ။ အဲဒီတော့ အဲလိုမျိုးကြာရှည်ကြာများ လက်နက်ခဲယမ်းတွေကို သိုလှောင်ထားရှိမယ့်ကိစ္စမှာ စနစ်တကျသတ်မှတ်ထား တဲ့လုပ်ငန်းစဉ် အဆင့်ဆင့်တို့ ဥပမာ ကျည်ဆံတို့ သေနတ်တို့လို လက်နက်ငယ် အသေးလေးတွေတောင်မှ ဘယ်လို ထားရမယ်၊ ဆီသုတ်ပြီးမှ ထားရမယ်၊ ဘာကို အခြောက်ခံပြီးမှ ထားရမယ်၊ ကျနော်တို့ ကြားဖူးတာတွေ ရှိတာပေါ့နော်၊ အဲဒီတော့ ခုနကိစ္စမှာကော အဲဒါမျိုးတွေ သတ်မှတ် ပြီးတော့ လုပ်ဆောင်နေကြတာ မရှိဘူးလား ခင်ဗျ။

ဗိုလ်မှူးစိုင်းသိန်းဝင်း။ ။ လက်နက်ပစ္စည်းသိုလှောင်ထိန်းသိမ်းရေးတပ်တွေမှာလည်း ပြဿနာရှိတယ်။ ဒါကတော့ ဒီတပ်မှာတင် မဟုတ် ပါဘူး။ တပ်တိုင်း တပ်တိုင်းမှာ ဖြစ်နေတာပါ။ ဘာလဲဆိုတော့ ရဲဘော် အလုံအလောက် မရှိတာပါ။ ရဲဘော်တွေက နည်းပြီးတော့ အရာရှိက များ နေတဲ့အခါကျတော့ ကျနော်တို့ ‘ကပစ’ကနေ သေနတ်တွေ ထုတ်လိုက်ပြီ၊ ပြီးတော့ COD ကိုသွားပို့လိုက်တယ်။ အဲဒီ COD က ရဲဘော်လေး တစ်ယောက်နှစ်ယောက်က ဘယ်လိုလုပ် သွားပြီး ဆီသုတ်ချိန် ရမှာလဲ၊ အဲဒီတော့ လာပို့တဲ့သေနတ်တွေကို ထင်းချောင်းတွေလိုပဲ စင်တွေပေါ် ကို ၀ုန်းဝုန်းဆိုပစ်တင်ပြီးတော့ ပြီးသွားတာပဲ။ အဲဒီတော့ဒီသေနတ်တွေက ဘယ်လိုမှသုံးလို့မရ အလိုလိုနေရင်းနဲ့ကို ပျက်စီးနေတာပေါ့ ခင်ဗျာ။

ဦးရော်နီညိမ်း။ ။ အဲဒီတော့ ဗိုလ်မှူးတို့ ကပစစက်ရုံတွေကနေပြီးတော့ အဲဒီလိုမျိုးဖြစ်ပျက်ပြီးတော့မှ ထွက်ရှိလာတဲ့လက်နက်ခဲယမ်းတွေ နဲ့ ရှေ့တန်းမှာတိုက်ပွဲဝင်တဲ့အခါမှာ ရှေ့တန်းမှာတိုက်နေရတဲ့တပ်တွေက နောက်ကနေရောက်လာတဲ့ခဲယမ်းတွေ ဒီလိုတွေဖြစ်ပျက်ပြီးမှ ရောက် လာတယ်ဆိုတာ သူတို့က မသိကြဘူး။ အဲဒီတော့ မသိဘဲနဲ့ အဲဒါတွေနဲ့ တိုက်ပွဲဝင်နေတဲ့အခါမှာ ဘာတွေ ဖြစ်သံပျက်သံတွေ ကြားဖူးပါသလဲ ခင်ဗျ။ ကျနော်တို့ ကြားဖူးတာ တစ်ခုရှိပါတယ်။ မနှစ်ကတုန်းက ၂၀၀၉ ခုနှစ် ဖုန်ကြားရှင်၊ ဖုန်ကြားဖူးကို လောက်ကိုင်မှာ ပြန်တိုက်တုန်းက တပ်မ (၃၃) ကိုယ့်ဘက်က တပ်တွေအပေါ်ကို နောက်ကနေပြီး ပစ်ကူပေးတဲ့ လက်နက်ကြီးကျည်တွေ အမြောက်ကျည်တွေကျလို့ တော်တော် များများ သေဆုံးသွားတယ်။ ဒါပေမယ့်လည်း အရေးယူခံရတဲ့အခါကျတော့ လောက်ကိုင်ဒကစမှူး (ဒေသကွပ်ကဲမှုစစ်ဆင်ရေးဌာနချုပ် (လောက် ကိုင်)၊ အရှေ့မြောက်တိုင်းစစ်ဌာနချုပ်လက်အောက်ခံ ဒကစ) ဗိုလ်မှူးချုပ်ဝင်းမောင်က အရေးယူခံရတယ်။ ထောင်အချခံရတယ် ဆိုတာမျိုး ကျနော်တို့ ကြားဖူးပါတယ်။ အဲဒီတော့ ဒါတွေက ခုနကလိုအဖြစ်အပျက်မျိုးတွေနဲ့ ဆက်စပ်မှုရှိပါသလား ခင်ဗျ။ နည်းနည်း ရှင်းပြပေးပါလား။

ဗိုလ်မှူးစိုင်းသိန်းဝင်း။ ။ ဟုတ်ကဲ့ ခင်ဗျ၊ အဲဒီကိစ္စတွေက အများကြီးဆက်စပ်မှု ရှိပါတယ်။ ဘာလို့လဲဆိုတော့ စနစ်ကြီးတစ်ခုလုံးက ပျက် စီးနေတာကိုး။ စက်ရုံကထုတ်ကတည်းကိုက ဒီလက်နက်ပစ္စည်းတွေက အရည်အသွေး မပြည့်မှီဘူး။ နောက်ပြီးတော့ သိုလှောင်ထိန်းသိမ်းရေး တပ်တွေမှာလည်း စနစ်တကျသိုလှောင်ထိန်းသိမ်းထားခြင်း မရှိဘူး။ သယ်ယူပို့ဆောင်တဲ့နေရာမှာကော စနစ်တကျရှိသလားဆိုတော့ စနစ်တ ကျ မရှိဘူး။ ဘာလို့လဲဆိုတော့ အားလုံးက စေတနာမရှိဘူးလို ဖြစ်နေပါတယ်။ အဲဒီအခါကျတော့ ရှေ့တန်းကိုရောက်သွားတဲ့အခါမှာ ပစ်လိုက် တဲ့ ကိုယ့်ရဲ့ဗုံးသီးဟာ ကိုက်(၂၀၀၀)ကိုချိန်ပြီး ပစ်တဲ့အချိန်မှာ ကိုက်(၂၀၀၀)မရောက်ဘဲ ကိုက်(၁၂၀၀)လောက်နဲ့ လမ်းတစ်ဝက်မှာတင် ပြုတ်ကျ တာမျိုးတွေ ဖြစ်နိုင်ပါတယ်။ အဲဒီလို ကိုက်(၁၂၀၀)လောက်နဲ့ ပြုတ်ကျတာမျိုးတွေ ဖြစ်မယ်ဆိုရင် စစ်နည်းဗျူဟာအရဆိုရင် အမြောက်ကြီးနဲ့ ရန် သူကို ပစ်အားနဲ့ဖိထားတဲ့အချိန်မှာ ခြေလျင်တပ်တွေက ၀င်ပြီးလုံးရတဲ့ဟာ မျိုးကိုး။ အမြောက်ကြီး ပစ်နေတဲ့အချိန်မှာ ကိုယ့်ရဲ့ခြေလျင်တပ်က ရန်သူရဲ့ခြံစည်းရိုးနားကို ရောက်နေရမယ်။ အဲဒီမှာ ကျနော်တို့ရဲ့ ဗုံးသီးက အဲဒီလိုမျိုး မသေချာတဲ့အပြင် ရောက်မယ့်လမ်းကြောင်းကလည်း မသေချာတဲ့အခါကျတော့ ကိုယ့်တပ်ဖွဲ့ခေါင်းပေါ် ပြန်ရောက်နိုင်တဲ့ပြဿနာတွေ ရှိပါတယ်။

ဦးရော်နီညိမ်း။ ။ ဖြစ်ခဲ့ဖူးတဲ့ နမူနာလေး တစ်ခု နှစ်ခု လောက်ပြောပြပါလား ခင်ဗျာ။

ဗိုလ်မှူးစိုင်းသိန်းဝင်း။ ။ စက်ရုံမှာတော့ ဘယ်လိုကြုံရသလဲဆိုတော့ အရည်အသွေးစစ်ဆေးရေးဌာနကဗိုလ်မှူးတစ်ယောက်ကတော့ 82 mm RPL ဆိုတဲ့ (၈၂)မမ နောက်ပွင့်ရိုင်ဖယ်ကို ပစ်စမ်းကြည့်တာ။ ပထမ တစ်လုံးပစ် မထွက်၊ နှစ်လုံးပစ် မထွက်၊ သုံးလုံးပစ် မထွက်တဲ့အခါ နောက် လေးလုံးမြောက်မှာ သူက ကြိုးနဲ့ trigger (မောင်းခလုတ်) ကိုဆွဲပြီးတော့ ပစ်စမ်းမယ်ဆိုပြီး စမ်းကြည့်ပါတယ်။ လူကိုယ်တိုင်ကတော့ ကတုတ်ကျင်းထဲဝင်ပြီး သေနတ်ကို ကြိုးနဲ့ဆွဲ ပစ်တာပေါ့။ ဒါပေမယ့် ဒုံးကျည်က ပြောင်းထဲမှာတင် ကွဲထွက်သွားတာပေါ့။ ဆိုလိုတာက ကျနော် တို့ ထုတ်တဲ့ပစ္စည်းတွေဟာ စက်ရုံပြင်ပတောင် မထွက်သေးဘူး။ အဲဒီမှာ အန္တရာယ်က ပေးနေပြီ။ ထိုနည်းတူပဲ ခြေလျင်တပ်တွေကနေ ကပစ ကို ပြန်ပြီးတော့feedbackတွေ ပြန်လာတာပေါ့။ သတင်းပြန်လာတာတွေ ရှိတယ်။ ပြန် ကြားရတာတွေ ရှိတယ်။ လွယ်တိုက်လျှံ SSA (ရှမ်းပြည် တပ်မတော်) တောင်ပိုင်းကို တိုက်တုန်းက၊ “၀” တပ်ကို ရှေ့က တက်ခိုင်းပြီးတော့ စစ်တပ်က နောက်ကနေ စိန်ပြောင်းနဲ့ ပစ်ကူပေးတော့ “၀” တပ်တွေပေါ်ကိုပဲ ကျနော်တို့ရဲ့ စိန်ပြောင်းဗုံးသီးတွေက ကျတာ ရှိတယ်ဗျ။

ဦးရော်နီညိမ်း။ ။ အဲဒါ ဘယ်နှစ်ခုနှစ်ကလဲ ခင်ဗျ။ အဲဒါ အခုလိုမျိုး UWSA (United Wa Solidarity Army ၀ပြည်သွေးစည်းညီညွတ် ရေးတပ်မတော်) နဲ့ စစ်အစိုးရ၊ နယ်ခြားစောင့်တပ်ကိစ္စနဲ့ ပတ်သက်ပြီး ပြဿနာ မတက်ခင်ပေါ့နော်။

ဗိုလ်မှူးစိုင်းသိန်းဝင်း။ ။ အဲဒါ ၂၀၀၂ ခုနှစ်လောက်ကဆိုတော့ တော်တော်ကြာသွားပါပြီ။ နောက်ပိုင်း သတင်းတွေကနေပဲ ပြန်ဖတ်ရတာ ပါ။ UWSA က (၄၀၀) လောက်ကျတယ်။ အဲဒီ (၄၀၀)လောက်ကျတယ် ဆိုတာကလည်း နောက်က ပစ်ကူပေးတဲ့ တပ်မတော်ကဗုံးသီးကြောင့်ပဲ သေတာ။ ထို့နည်းတူပါပဲ ပန်မိုင်စွန်တိုက်ပွဲတို့လို ဖြစ်စဉ်တွေ အားလုံးကို တပ်ခွဲမှူးသင်တန်းတို့ တပ်စုမှူးသင်တန်းတို့မှာ ပြန်သင်တာရှိတယ်။ အဲဒီလို review(ပြန်လည်သုံးသပ်မှု)ပြန်လုပ်တဲ့အခါကျတော့ ပြန်ကြားရတာလေးတွေ ရှိပါတယ်။ များသောအားဖြင့် တပ်မတော်သားတွေ အကျ အဆုံးများတာဟာ ကိုယ့်ကျည်နဲ့ကိုယ် သေတာ များပါတယ်။

ဦးရော်နီညိမ်း။ ။ အဲဒီတော့ အဲဒါတွေ အပေါ်ပြန်သုံးသပ်ပြီး ကောင်းအောင် ဘယ်လိုလုပ်မယ်ဆိုတာမျိုး လုပ်လေ့လုပ်ထလည်း မရှိဘူး။ မကောင်းတဲ့သတင်းဆို ဟိုးအထက်ကိုမရောက်အောင် အကုန်လုံး အဆင့်ဆင့် အုပ်ထားကြမယ်ဆိုတဲ့ဟာနဲ့ သွားနေတာ ဆိုတော့၊ ဗိုလ်မှူးတို့ ဘယ်လောက်ထိ အဲဒါတွေရဲ့ ဒီ ဖြစ်ပျက်မှုတွေကို တိတိကျကျ သိရှိခဲ့ရပါသလဲ။ အထူးသဖြင့် ကိုယ်ကတာဝန်ရှိနေတဲ့လူ၊ ဒီပစ္စည်းတွေကို ထုတ် လုပ်နေတဲ့လူတွေ အနေနဲ့ပေါ့။

ဗိုလ်မှူးစိုင်းသိန်းဝင်း။ ။ ဒီ ကာကွယ်ရေးပစ္စည်းစက်ရုံတွေကိုတော့ ဖြစ်စဉ်အားလုံးက အမှန်အတိုင်းပဲ လာပါ တယ်။ ကျန်တဲ့ တပ်ခွဲမှူး သင်တန်း တပ်စုမှူးသင်တန်းတွေမှာကတော့ သူတို့ ဒီတိုက်ပွဲကို ကိုယ်တိုင်ကိုယ်ကျ ပါလာခဲ့တဲ့ အရာရှိတွေကနေ စင်ပေါ်တက်ပြီး ကျနော်တို့ ကို ပြန်ရှင်းပြတာမျိုးတွေ ရှိတယ်။ ဒါပေမယ့် သူတို့ စင်အောက်မှာ ပြောတော့တစ်မျိုး၊ စင်ပေါ်ရောက်သွားတော့ ပြောတာတစ်မျိုး ဖြစ်သွားတာ လေးတွေတော့ ရှိတာပေါ့။ ဒီ ကာကွယ်ရေးပစ္စည်းစက်ရုံတွေက အရာရှိတွေအနေနဲ့ကတော့ ဒီဖြစ်စဉ်အမှန်ကို၊ ကျနော်တို့က မဖြစ်ခင်ကတည်း ကလည်း ကြိုသိပြီးသား။ ဖြစ်လာတော့လည်း ဘာမှ မထူးဆန်းဘူး။ ဒါ ဖြစ်မှာပဲဆိုတာ သိနေတဲ့ သဘောပါပဲ။ ကျနော်တို့ အတွက်ကတော့။

ဦးရော်နီညိမ်း။ ။ ဒီလို အမှားကြီးနဲ့ သွားနေတာတွေကို၊ အကုန်လုံးက ဒီအမှားလောကကြီးထဲမှာ ဒါက ရိုးနေတဲ့ အတွက်ကြောင့်မို့လို့၊ အမှားအတိုင်း သွားနေတာက ဘာမှပြဿနာ မရှိဘဲနဲ့ ထမင်းစားရေသောက် ကိစ္စမျိုးပဲ သွားနေကြတယ် ဆိုတဲ့ ပုံစံမျိုးလား ခင်ဗျ။ ဒီလောက် အရေးကြီးတဲ့ စစ်လက်နက်ပစ္စည်းထုတ်လုပ်ရေး လောကမှာ။

ဗိုလ်မှူးစိုင်းသိန်းဝင်း။ ။ ဖြစ်နေတာကတော့ အမှားက အမှန် ဖြစ်နေပြီဗျ။ အများ မိုးခါးရေသောက် ငါလည်း သောက်ရမယ် ဆိုတဲ့လူတွေ က သူတို့အတွက် မိုးခါးရေဆိုတာ မိုးခါးရေမဟုတ်တော့ဘဲနဲ့၊ မိုးချိုရေ ဖြစ်နေတယ်ဗျ။ အမှားတွေက အမှန်ဖြစ်နေပြီးတော့၊ အမှန်တွေက အမှား ဖြစ်နေတာကတော့ လက်ရှိ ကျနော်တို့ရဲ့ တပ်မတော် ပါပဲ။

ဦးရော်နီညိမ်း။ ။ မြန်မာ့တပ်မတော်မှာ စစ်အင်ဂျင်နီယာအရာရှိအဖြစ်တာဝန်ထမ်းဆောင်ခဲ့တဲ့ ဗိုလ်မှူးဟောင်းစိုင်းသိန်းဝင်းရဲ့ပြောစကား နောက်ဆုံးအပိုင်းကိုတော့ ရှေ့သီတင်းပတ် “တပ်မှူးတပ်သား ပြောစကား” အပတ်စဉ်ကဏ္ဍမှာ တင်ဆက်သွားမှာ ဖြစ်ပါတယ်ခင်ဗျာ။ စောင့်မျှော် နားဆင်ကြပါ။ ကျနော် ရော်နီညိမ်းပါ။
(VOA)

သတင်းအကျဉ်းချုပ် ...

0 Chatting ဘ၀အစ..... ရုပ်/သံ

Chat ရင် စာလုံးပေါင်း အသံထွက်ပြီး ချက်တတ်တဲ့ သူတွေအတွက်တော့ ပိုပြီးသဘောကျမယ်လို့ထင်ပါတယ်..

သတင်းအကျဉ်းချုပ် ...

0 Merry Christmas and Happy Newyear ရေးထားသောစာသားဖြင့် ကရင်ပြည်နယ်ရှေ့တန်းတနေရာမှမြင်ကွင်းပုံ

ပြီးခဲ့တဲ့ ဆေးတက္ကသိုလ် ဗိုလ်လောင်းသင်တန်းဆင်းပွဲ မိန့်ခွန်းမှာ ဗိုလ်ချုပ်မှူးကြီး သန်းရွှေက တိုင်းရင်းသား စည်းလုံးညီညွတ်ရေး တိုးတက်ကောင်းမွန်နေလို့ပြောသွားပါတယ်....
photo။ ။ danielpedersen

သတင်းအကျဉ်းချုပ် ...

0 ပိုက်ဆံကိုစတာပလာနဲ့တွဲ တိတ်တွေနဲ့ ကပ်တဲ့ခေတ်မှီဖွံ့ဖြိုးတိုးတက်တဲ့နိုင်ငံတော်ကြီးကိုနအဖကတော့တည်ထောင်နေပြီ

ပိုက်ဆံကိုစတာပလာနဲ့တွဲတဲ့tape တွေနဲ့ ကပ်တဲ့ခေတ်သစ်ကိုနအဖကတော့တည်ထောင်နေပြီ

ခေတ်မှီဖွံ့ဖြိုးတိုးတက်တဲ့နိုင်ငံတော်ကြီးတည်ဆောက်နေတယ်တဲ့...ပီားပီား....ယုံဘူးဒီပုံကိုကြည့်

အတူတူဘဲနော် မြန်မာပြည်ဘဏ်တွေကမလည်းပေးလို့ဒီတိုင်းသုံးနေကြတာပါ

သူတို့တွေကျတော့ဒေါ်လာတွေကိုင်ကြတယ်ပြည်သူကိုတော့င်္ခြသေ့အစုတ်ကိုင်ခိုင်းတယ်နော်
ဓာတ်ပုံ. Min Thuya(ပြည်တွင်း)။
“ပိုက်ဆံအားလုံးက ဒီအတိုင်းချည်းပဲ။ လဲခိုင်းလည်း အသစ်ရမှာ မဟုတ်ဘူး” လို့ပြောပါတယ်။ ဈေးသည်တွေ ကားသမားတွေဆီက ပြန်အမ်းတဲ့ ပိုက်ဆံကို သတိထားကြည့်မိတယ်။ ဟုတ်ပါတယ် ၊ တော်တော်များများ ပိုက်ဆံတွေက ဟောင်းနွမ်း စုတ်ပြဲနေပြီး တချို့ဆို ပြဲနေတာကို tape တွေစတာပလာတွေနဲ့ ကပ်ပြီး ချုပ်ပြီး ပြန်သုံးနေကြတယ်။ ၅၀ တန်၊ ၂၀ တန်၊ ၁၀ တန်၊ ၅ ကျပ်တန်တွေဆို မတွေ့မိသလောက်ပဲ။ အစုတ်ပေးရင် အရင်လို ဘာမှ ပြန်မပြောတော့ပဲ ဒီအတိုင်းပဲ ယူလိုက်ကြတယ်။ ပိုက်ဆံကြီး စုတ်နေတယ် ပြန်လဲပေးပါ ဘာညာဆိုပြီး ပြောသံဆိုသံ မကြားရတော့ဘူး။ ကားသမားတစ်ယောက်ကတော့ “အစုတ်ပေးတာ မထူးဆန်းတော့ဘူး၊ အသစ်ပေးရင်တောင် အတုလားဆိုပြီး သံသယ ၀င်နေဦးမယ်” ဆိုပြီး ပြောလို့ ရီရသေးတယ်။ လို့ ရန်ကုန်မြို့ခံလူငယ်တဦးကပြောဆိုပါတယ်။

သတင်းအကျဉ်းချုပ် ...

0 “ငါးဆယ့်နှစ်”

“ငါးဆယ့်နှစ်”

• ၅၂ နှစ်တဲ့ဗျာ . . .

အရေးအကြောင်းတွေကစလာခဲ့ပြီဘဲ၊

သူမရဲ့ အတွေးအခေါ်တွေက နုပျိုလာဆဲ။

• ၅၂ နှစ်တဲ့ဗျာ . . .

ခြေလှမ်းတွေက နှေးကွေးလာမြဲ၊

သူမရဲ့လှမ်းချက်တွေကတက်ကြွနေဆဲ။

• ၅၂ နှစ်တဲ့ဗျာ . . .

အရွယ်နှောင်းလို့ ဖေးမကူကာတွဲ၊

သူမရဲ့ ဖေးမပေးဆပ်မှုကလူသားမျိုးစုံဘဲ။

• ၅၂ နှစ်တဲ့ဗျာ . . .

ဖြတ်သန်းမှုတွေက ဘ၀မျိုးစုံထဲ၊

သူမရဲ့ဖြတ်သန်းမှုဘ၀ကတော့ သီလလုံဆဲ။

• ၅၂ နှစ်တဲ့ဗျာ . . .

ဇရာဖက်ကို ခြေလှမ်းခဲ့ပြီဘဲ၊

ကျွန်တော့်အဖို့ကတော့ လှပနေဆဲ။

• ၅၂ နှစ်တဲ့ဗျာ . . .

သူမနဲ့ ကျွန်တော်က မတိမ်းမယိမ်းရှိနေဆဲ၊

ကျွန်တော်နဲ့ သူမတို့ရဲ့ ဦးတည်အရပ်ကား အစဉ်ထာဝရ ငြိမ်းချမ်းမှုဒေသဘဲ။

(မောင်တစ်ထမ်းမယ်တစ်ရွက် ရုန်းကန်၊ တိုက်ခိုက်၊ ဖေးမ၊ ကူညီ၊ ပံ့ပိုးပေးခဲ့သော ကျွန်တော့်မဟေသီ ဒေါ်မြင့်မြင့်ခင်ဖေ (ခ) ရွှေဇီးကွက်၏ ၂၀၁၁ ခုနှစ် ဇန်န၀ါရီလ (၁) ရက်နေ့ မွေးနေ့အတွက် နှစ်သစ်ကြိုဂုဏ်ပြု မွေးနေ့စာသား)

ကျော်သူ

သတင်းအကျဉ်းချုပ် ...

0 ခရစ်စမတ် Flash သီချင်းလေးလက်ဆောင်ပါ

သီချင်းနားထောင်ရန်အပေါ်ကလူထုခေါင်းဆောင်ဒေါ်အောင်ဆန်းစုကြည်နဲ့ဆန်ဒါကလော့ပုံလေးကိုနှိပ်ပြီးနားဆင်နိုင်ပါတယ်။ Taylor Swiftရဲ့ Last Christmassသီချင်းလေးပါ။

photo created by dawnmanhon

သတင်းအကျဉ်းချုပ် ...

0 ပြည်တွင်းကပေးပို့လာသောစာ

ကရင်ပယက ဥက္ကဌ ဗိုလ်မှူးချုပ် ဇော်မင်းသည် သူ့လက်အောက်ရှိ ဌာနဆိုင်ရာ ပြည်နယ်အဆင့်များကို ဆဲဆိုကြိမ်းမောင်း ထိုးကြိတ်ခဲ့မှုသည် (၁) နှစ်လျှင် အနည်းဆုံး( ၁၀ ) ကြိမ်ထက်မနည်းရှိခဲ့သည့်အတွက် ဌာနဆိုင်ရာပြည်နယ်အဆင့်ရှိ ၀န်ထမ်းများမှာ ကြောက်ရွံ့  နေရပါသည်။ ၄င်းဝန်ထမ်းများသည် ကရင်ပြည်နယမှ ပြောင်းရွေ့ ခွင့် ရအောင် ကြိုးစားနေရကြောင်းကို စုံစမ်းလျှင်သိရှိနိုင်ပါသည်။

ကရင်ပြည်သူအတွက် မည်သည့်တိုးတက်မှုများကိုမှ တာဝန်ထမ်းဆောင်စဉ် ကာလထဲမှ ယနေ့တိုင်မ လုပ်ပေးဘဲနှိပ်ကွပ်လျက်ရှိပြီး ပြည်နယ်မှ ကရင်လူမျိုးများ အချင်ချင်း မသင့်မြတ်အောင် လုပ်ဆောင်နေခြင်း၊ ငြိမ်းချမ်းရေး အဖွဲ့ဝင်များကို အစိုးရနှင့် မသင့်မြတ်အောင် လုပ်ဆောင်ဖန်တီးခြင်း၊ လာဘ် အကြီးအကျယ်စားပြီး မန္တလေးမြို့တွင် မူးယစ်ဆေး အရောင်းအ၀ယ်ပြုလုပ်သည့် လူနှစ်ဦးထံမှ လာဘ်ငွေ ကျပ်သိန်း ( ၅၀၀၀) ခန့်ကို ယူပြီး မြ၀တီရှိ ကျောက်ခွဲစက်နျင့် ပဲတီစိမ်းစိုက်ရန် အတွက် ချပေးထားသော မြေဧက ( ၅၂) ဧကကို အ်ိမ်ယာစီမံကိန်းအဖြစ် ဆောက်လုပ်ရန် (၀) အဖွဲ့အစည်းမှ လောစန်း၏ ကိုယ်စားလှယ်ခင်စန်းရီ ( ပင်းပဒုမ္မာ ) ကုမ္ပဏီ အမည်ဖျောက်ပြီး သူ၏ညီဖြစ်သူကို ကုမ္ပဏီ ထဲတွင်အလုပ်လုပ်ခိုင်ပြီး ရှယ်ယာဝင်ယူခဲ့ပါသည်။

၎င်းမြေ၏ အမည်ပေါက် ( ၃) ဦးရှိပါသည်။ နှစ်ဦးမှာ မူးယစ်ဆေးရောင်း ၀ယ်မှုဖြင့် သေဒါဏ် ကျခံနေရသော ဦးရန်လောက်ဟိုငင်း ၁၃ ၊ တလန (နိုင်) ၀၂၂၆၄၅ ကိုင်ဆောင်သူဖြစ်ပြီး ကျန်တစ်ဦးမှာ မူးယစ်အမှုဖြင့် ထွက်ပြေးတိမ်းရှောင်နေရသော ဦးမယူတဲ့ ၁၃။ တစန(နိုင်) ၀၃၃၆၈၁ ကိုင်ဆောင်သူ ဖြစ်ပါသည်။ ၄င်းတို့ ကျူးလွန်ခဲ့သော မူးယစ်ဆေးများမှာ မင်းပဒုမ္မာ ကုမ္ပဏီမှ ခင်စန်းရီ. နောက်ကွယ်မှ ၀အဖွဲ့အစည်း၏ အဖွဲ့မှ လောစန်းဖြစ်ပါသည်။ မူးယစ်ဆေးတန်ဘိုးများမရရှိသည့်အတွက် မြ၀တီမြို့ ရှိ ကျောက်ခွဲစက်နှင့် ပဲတီစိမ်းစိုက်ခင်းကို သိမ်းယူပြီး ပယက ဥက္ကဌ ဗိုလ်မှူး ချုပ်ဇော်မင်းကို ငွေပေး ပြီး မန္တလေးမြို့  တွင် တိုက်ဆောက်ပေးပြီး ဥက္ကဌ ညီကို ကုမ္ပဏီတွင် ပါဝင်ခိုင်ပြီး ရှယ်ယာဝင်ယူပြီး မူးယစ်ဆေးရောင်း ချသူ ထုပ်လုပ်သူ (၀) လူမျိုး လောက်စန်းတို့အား ကူညီပါဝင်ပတ်သက်နေသည့်ကို စုံစမ်းလျှင်သိရှိနိုင်ပြီး လာရောက်မစုံစမ်း မစစ်ဆေးဘဲနေသည်ကို ကရင်ပြည်သူလူထုနှင့် မြ၀တီမြို့ မှ တာဝန်ကျဝန်ထမ်းများမှာ သိလျက်နှင့် ပယက ဥက္ကဌ ကို ကြောက်နေရပါဝသည်။ ၀န်ထမ်းများမှာလည်း ၄င်းတို့ ကြံရာပါ အဖြစ် သတ်မှတ်ခံရမှာကို နေ့စဉ် စိုးရိမ်နေကြပါသည်။

ပယက ဥက္ကဌ အနေဖြင့် မူးယစ်မှုနှင့် ပတ်သက်သည့် မြေ အဆောက်အဦးတို့ကို နိုင်ငံပိုင် အဖြစ်ပြန်လည်သိမ်းယူရမည်ကို သိလျက်နှင့် (၀)လူမျိုး လောစန်း. အဆမတန် ပေးထားသော လာဘ်ငွေကြောင့် ယခုကဲ့သို့ အိမ်ယာစီမံကိန်ကို မင်းပဒုမ္မာကုမ္ပဏီသို့ လွှဲပြောင်းပေးခဲ့ခြင်းဖြစ်ပြီး နိုင်ငံတော်မှ စည်းကမ်းကို ဖောက်ဖျက်ကျူးလွန်ခဲ့ခြင်းဖြစ်ပါသည်။

မြို့ တော်ဝန်( မန္တလေး) ဗိုလ်မှူးချုပ် ( အငြိမ်းစား) ဖုန်းဇော်ဟန်ဟာ တပ်မမှူးဖြစ်စဉ်က မိမိတပ်မ၏လက်နက်တိုက်ကို မီးလောင်မှုဖြစ်အောင်လုပ်ဆောင်ပြီး သူ၏ဆရာသမားများ၏ အစီအစဉ်ဖြင့် မန္တလေး စည်ပင်သာယာသို့ အရည်အချင်းမရှိပဲ ရောက်ရှိလာပြီး လုပ်ငန်းရှင်၊ စီးပွားရေးသမားတွေနျင့် ပေါင်းသင်ပြီး နည်းမျိုးစုံလာဘ်စားခြင်း ကိုယ့်ထက်စီနီယာများကို နှိပ်ကွပ်ခြင်း၊ မြို့ တါင်းရေမြောင်းများကို မြေဖိှု့ အိမ်မြေကွက်များရောင်းစားခြင်း၊ ၄င်းဇနီးအမျိုးများ၏ကုမ္ပဏီ များ မိတ်ဆွေးများနှင့် ပူးပေါင်းကာ လာဘ်လာဘ မျိုးစုံယူ၍ တိုက် ခြံမြေ ဈေးဆိုင်ခန်းမြောက်များစွာကို ပိုင်ဆိုင်ပြီး အများပြည်သူ၏ဘဏ္ဍာငွေများကို လစဉ်အထက်လူကြီးဧည့်ခံစရိတ်ဟု ပြပြိး ကျပ်သိန်း (၈၀၀ ) မှ သိန်း (၁၀၀၀) ကြား လာဘ်ပေးပြီး ပြည်သူကို နှိပ်စက်ဒုက္ခပေးနေသည်။ ၄င်းထံမှ လာဘ်ရထားသော ဆရာသမားများကလည်း လာဘ်ငွေရရဗိနေသောကြောင့် သိလျက်နှင့် ငြိမ်နေပြီး ယခုအခါ ဦးနုသမီးဒေါ်သန်းသန်းနုနှင့် ယှဉ်ပြိုင်အမတ်ရွေးရန်လုပ်နေပြီး ပြည်သူလူထုကို ထပ်မံဒုက္ခပေး ဖို့ ကြံရွယ်နေသောသူ့ ကို မဲထည့်မည်စိုးရိမ်မိသဖြင့် DVB ၊ VOA တို့ကို သတင်းပေးခြင်းဖြစ်ပါသည်။ (စုံးစမ်းလျှင်သိနိုင်ပါသည်။)

မီးမလောင်ခင် ရတနာပုံဈေးကြီးကိုလည်း လမ်းများပိတ်၍ ဆိုင်ခန်းအသစ်ဆောက်ခြင်း၊ မီးသတ်လမ်းများကို ပိတ်၍ ဆိုင်ခန်းဆောက်ခြင်း၊ ရတနာပုံဈေး၏ မူလကန်ထရိုက်အင်ဂျင်နီယာမှ ယခုကဲ့သို့လုပ်လျှင် ပြိုကျမည်ဖြစ်ကြောင်း၊ မီးလောင်မှုဖြစ်လျှင် မီးသတ်ရန် ခက်ခဲမည်ဖြစ်ကြောင်းကို စာနှင့်တကွ အကြိမ်ကြိမ် ထိုသို့ မလုပ်ရန် တင်ပြသော်လည်း မြို့ တော်ဝန် ဖုန်းဇော်ဟန်မှာ လိုက်နာမှုမရှိဆက်လက် လုပ်ကိုင်ပြီး ဈေးအဟောင်း၏ ရေစင်များ အရေးပေါ်ထွက်ပေါက်များကို ပိတ်၍ ဆိုင်ခန်းများ ထပ်မံဆောက်ပြီး ဆိုင်ခန်းတစ်ခန်းလျှင် ကျပ်သိန်း(၁၀၀၀) မှ (၁၅၀၀) ဖြင့် ရောင်းချပါသည်။ ပြီးသည့်အခါ ဈေးလုံခြုံရေးကို လျှပ်စစ်ဝါယာ လျှော့(စ်) ဖြစ်အောင် ဖန်တီးခိုင်ပြိး ရတနာပုံဈေးကြီးကို မီးရှို့ ခိုင်းခဲ့ပါသည်။ ရတနာပုံဈေးကြီးမီးလောင်းသွားသည့်အခါ သူ့၏သမက်ဖြစ်သူနှင့် M.G.W ကုမ္ပဏီ ကို ဆောက်လုပ်ရေး တင်ဒါ မခေါ်ပဲ လက်သိပ်ထိုးဆောက်ခွင့်ပြု ပြီး သူ၏ ဆရာသမားများ မိန်းမ၏ မိတ်ဆွေများ အမည်ခံများအတွက် ဆိုင်ခန်းပေါင်း (၁၅၀) ကျော်ကို ချပေးပြီး တစ်ဘက်လှည့် နှင့် လာဘ်ငွေ ယူနေသည်ကို စုံစမ်း လျှင်သိနိုင်ပါသည်။ မန္တလေး စည်ပင်သာယာအတွက် လိုအပ်သော သံချောင်း၊ ဘိလပ်မြေ၊ ကတ္တရာ များကို ပေါက်ဈေးထက် ကျပ်(၁)သိန်းကျော်ပိုပေး၍ ယောက်ဖများ၊ ဆွေမျိုးများကို ကြိုတင်၍ ၀ယ်ခိုင်းပြီး တစ်ဘက်လှည့်နှင့် ငွေများလာဘ်စားနေကြောင်းကို စည်ပင်သာယာဝန်ထမ်းများမှ ပြောကြားနေပြီး မည်သူမှ လာရောက်မစစ်ဆေးသည့် အတွက် ပြောရန်ခက်ခဲနေကြပြီး တိုင်းကြားရန် ခက်နေပါသည်။ သက်ဆိုင်ရာမှ လာရောက်စစ်ဆေးလျှင် ပြောဆိုရန် အသင့်ရှိနေပါသည်။

ပေးပို့သော komyothantအားကျေးဇူးတင်ရှိပါသည်

သတင်းအကျဉ်းချုပ် ...