0 In to the Spring

မှုန်ရီ မောင့်ညနေခွန်းဆက်ခဲ့တယ် xxx သာယာသံသာတဲ့ မောင့်နေခြည်-- တိုင်တည်တောင်းတိုင်းဝေး xxx ဆုမြတ်ခြွေလွဲရပြီလေ--
ခိုဝင်တနေ့နေ့တော့ တွေ့ကြမယ် xxx တွေ့ရမယ်လေ---
အော်--- အဆုံးကျတော့လေ-- ဒဏ္ဏာရီလို၊ ပုံပြင်လိုလို ---- နဂိုက မင်းမရည်ရွယ်ခဲ့သူ စီစဉ်ရွေးကာ အဖြေတဲ့လား xxxxxx
နေခြည် xxxxx မိုးရဲရင်ဆောင်းရဲရမယ် x xx---


ဝိညာဉ်ပူးတယ် ဆိုတဲ့စကားကို ခင်ဗျားတို့ကြားဘူးမလားမသိဘူး။
အဲ့သလို အခါမျိုးကျရင် ထိတ်လန့်စိုးရိမ်မှုဆိုတဲ့ဝေါဟာရဆိုတာ ကျနော်တို့ကြားမှာ တခါမှမစဉ်းစားခဲ့ဘူးတဲ့အရာလိုဖြစ်ခဲ့တယ်။အဆောင်ကော်ရစ်တာမှာ ကျနော်တို့တတွေ နာနာကျင် ခါလှိုက်နေတဲ့အခါမျိုးမှာ---
“ တက္ကသိုလ်နယ်မြေကိုစစ်ခွေးတွေ ရိုင်းရိုင်းစိုင်းစိုင်းစော်ကားဖို့ ကြိုးစားတဲ့အခါတိုင်း ကျနော်တို့ရဲ့ လိပ်ပြာတွေလေ ခင်ဗျားတို့လိုပဲခံစားနေပါတယ်”တဲ့

မတ်လ (၁၃) ရက်တိုက်ပွဲဆိုတာ
၁၉၆၂၊ - ၇၄-၇၅--၇၆ ခေတ်အဆက်ဆက်တိုက်ပွဲဝင်ခဲ့တဲ့ခရီးကြမ်းတခုပေါ်က တိုက်ပွဲအချိုးအကွေ့တခုဖြစ်တယ်။ကျနော်တို့တတွေ ရထားဘူတာရုံတွေကို အကြိမ်ကြိ်မ်ဖြတ်ပြီး အိမ်ပြန်ဖို့ကြိုးစားခဲ့ကြတယ်။
အရိုးတွန်သံတွေကိုစိတ်ထဲမှာ ဂီတတခုလို တိတ်တိတ်လေးသီပြီး ခွပ်ဒေါင်းအလံတော်ကိုလွှင့်တင်ခဲ့ဘူးတယ်။
အပြင်မှာ မြူခိုးတွေဝေနေတယ်။ သံတိုင်တထပ်သော့ခပ်ထားတဲ့ အခန်းကျဉ်းလေးတွေမှာ တချို့--နံကျိူး၊ သွေးအန်၊ မိသားစုပျက်---ဒါပေမဲ့ ---ရှေ့ဆက်ခဲ့ကြတယ်။
အနက်ရောင်သင်္ကေတတွေနဲ့ ဒေါင်းအလံကိုလွှင့်တင်ပြီဆိုရင် ကျနော်တို့မာကျောမှုကို အာဏာပိုင်တွေကလည်းသဘောပေါက်ပါတယ်။လေးနက်မှုတွေ၊ အမှောင်ကိုရင်ဆိုင်ရဲတဲ့သတ္တိတွေ၊ အဆုံးစွန်ရွှက်လွှင့်ချင်တဲ့ ဆန္ဒတွေ---ထုထည်ကြီးမားတဲ့ အာခံစိန်ခေါ်မှုတွေ----အနက်ရောင်ခွပ်ဒေါင်းအလံတော်ကို ကိုင်ပြီးတရားဝင်ကြေကွဲခွင့်ဆိုတာမျိုး ကျနော်တို့ခေတ်မှာ တခါမှ မရှိခဲ့ပါဘူး။

ဒါပေမဲ့ ကျနော်တို့တတွေ ရင်ခုန်လေးမြတ်ခဲ့၊ ဂါရဝပြုခဲ့ဘူးတဲ့ ရဲဘော်တွေကိုတော့ ဘယ်သူမှသတ်လို့ရမှာမဟုတ်ပါဘူး။
နှင်းခဲပျော်ချိန်တဲ့လေ----
အိမ်ရှေ့-လမ်းကလေးဆီကိုဖြတ်လျှောက်နေတုန်း ကောင်းကင်ကိုမော့ကြည့်မိတော့ ဘဲငန်းရိုင်းတွေ ဗွီ ပုံစံ ( V Shape) အုပ်စုဖွဲ့ပြန်သန်းနေတာကိုမြင်လိုက်ရတယ်။ ကနေဒါဘက်ဆီက ဘဲငန်းရိုင်းတွေ အခုလိုပုံစံနဲ့ အမေရိကားဘက်ဆီကိုပျံသန်းလာပြီဆိုရင်တော့နွေဦးရောက်တော့မယ် ဆိုတာသေချာသွားပြီ။ သူတို့က နွေဦးတခုလုံး အမေရိကားဘက်ဆီကို ခိုလှုံနေကျ။
နှင်းကျလာတော့မယ်ဆိုရင် သူတို့က နောက်ထပ်နိုင်ငံတခုကို ပျံသန်းသွားကြအုံးမယ်။ သူတို့ပျံသန်းရာနောက်မှာ- စိတ်ကဦးတည်ချက်မဲ့လွင့်မျောနေသလိုမျိုး---------
“ကျနော်တို့ ရင်မှာ အကြိမ်ကြိမ်ပွန်းပဲ့နေခဲ့တဲ့ ဒဏ်ရာတွေကတော့ ဆောင်းဦးတွေ၊ နွေဦးတွေရယ်လို့ ရွေးချယ်ပျံသန်းပိုင်ခွင့်မရှိပါဘူးဗျာ” တဲ့6/8 စည်းချက် ရစ်သမ်တွေအတိုင်း ကျနော်ရဲ့စိတ်တွေကိုတချက်ချင်းရွေ့ကြည့်မိနေတယ်။


မှုန်ရီ မောင့်ညနေခွန်းဆက်ခဲ့တယ် xxx သာယာသံသာတဲ့ မောင့်နေခြည်-- တိုင်တည်တောင်းတိုင်းဝေး xxx ဆုမြတ်ခြွေလွဲရပြီလေ--
ခိုဝင်တနေ့နေ့တော့ တွေ့ကြမယ် xxx တွေ့ရမယ်လေ---
အော်--- အဆုံးကျတော့လေ-- ဒဏ္ဏာရီလို၊ ပုံပြင်လိုလို ---- နဂိုက မင်းမရည်ရွယ်ခဲ့သူ စီစဉ်ရွေးကာ အဖြေတဲ့လား xxxxxx
နေခြည် xxxxx မိုးရဲရင်ဆောင်းရဲရမယ် x xx---

ကျနော်တို့တတွေ စွဲစွဲလန်းလန်းတီးခပ်ခဲ့ဘူးတဲ့ “မိုးရဲရင်ဆောင်းရရမယ်” ဆိုတဲ့သီချင်းလေ----ကောင်မလေးရဲ့ ပါးပြင်ပေါ်မှာ စီးဆင်းနေတဲ့ သနပ်ခါးမြစ်တစင်းနဲ့အတူ သိမ်သိမ်မွေ့မွေ့ ကျန်ရစ်ခဲ့ဘူးတယ်။
ဆွတ်ပျံ့ကြေကွဲစိတ်တွေဆီကို နိုင်ထက်စီးနင်းစော်ကားခံရမှုတွေက အချိန်အခါမဲ့ရောက်လာတဲ့အခါမျိုးမှာ-ကျနော်တို့ရဲ့ တေးဂီတတွေ အသံပြောင်းခဲ့ရတယ်။အဆောင်ရဲ့လှေခါးထစ်တွေ ကို ဆက်တက်လို့မရတော့လောက်အောင် ယမ်းနံ့တွေက ကျွံဝင်လာတယ်။

တရုတ်စကားပန်းတွေ က ကြယ်တွေကိုဝိညာဉ်ခပ်ဖို့ အတွက် ဖွေးဖွေးလှုပ်ပွင့်ပြီး ညကိုလင်းစေခဲ့ပေမဲ့ ကျောင်းရှေ့အုတ်တံတိုင်းဆီကိုဆုတ်ခွာရင်းခုန်ကျော်လိုက်တဲ့ အရိပ်တွေ၊ စက်ဝိုင်းပုံစံရေပန်းရှေ့မှာပြိုကျသွားတယ်။
သွေးညှီနံ့တွေ၊ ဆေးရုံလူနာတင်ကားတွေ၊ မီးလန့်သံချောင်းခေါက်သံတွေ၊အမှောင်ထဲမှာ အလောင်းတွေကိုလာလုဖို့ ကြံစည်နေတဲ့ မြေခွေးတွေ--အော်---ကျမ်းစာအလိုအရတော့ -- တရားစီရင်ချက်ချမဲ့နေ့ ( The Day of Judgement ) ဆိုတာရောက်ကိုရောက်လိမ့်လာလိမ့်မယ် တဲ့အကြိမ်ကြိမ်သစ္စာဆိုခဲ့ရတာပါပဲ။ ရာဇဝတ်မှုတွေကို ပြန်လည်တုန့်ပြန်နိုင်တဲ့နေ့ကို ကျနော်တို့ထိတွေ့နိုင်ကြပါစေသား လို့။

၁၉၉၄-၉၅နွေဦးမတ်လ(၁၃)နှစ်ပတ်လည်နေ့ထဲမှာအဲ့ဒီနှစ်နွေဦးကထူးထူးခြားခြားပူလွန်းတယ်။ ပင်မကျောင်းဆောင်ရှေ့လှေခါးထစ်တွေပေါ်မှာထိုင်ရင်းတံလျှပ်ရိပ်တွေ တလက်လက်ထနေတဲ့ ကွန်ကရစ်လမ်းပေါ်မှာ တရုတ်စကားပွင့်တွေကြွေနေတာကို ကျနော်တို့တတွေငေးကြည့်နေခဲ့တယ်။ကျောင်းတွေပိတ်ထားပေမဲ့ ကျနော့စ်ိတ်ထဲမှာ သူတို့တတွေ သေချာပေါက်လာမှာပဲလို့တွေးနေခဲ့တယ်။
မြင်ကွင်းဆီကို အရိပ်တွေတခုပြီးတခုကျလာတယ်။တချို့က အကျဉ်းထောင်တွေထဲက လွတ်လာကြတယ်။တချို့က မြောက်ပိုင်း ကျောင်းသားတပ်မတော်ဆီမှာ ခါးသီးတဲ့အိပ်မက်ဆိုးတွေနဲ့ပြန်လာခဲ့ကြတယ်။
တချို့ကတော့-- ပါဂျောင်ဒေသ၊ လိုင်ဇင်စခန်းမှာ တောကောင်တွေပူးဝင်တွယ်ကပ်ပြီးရက်ရက်စက်စက်လူသတ်မှုတွေကို ကျူးလွန်ခဲ့ကြ၊နောက်တော့-- လူတွေရဲ့မျက်လုံးတွေကိုရင်မဆိုင်ရဲပဲ၊ အခန်းအောင်းနေခဲ့ကြတယ်။
ဖြစ်ချင်တော့ ကျူးလွန်ခဲ့သူတွေရော၊ အကျူးလွန်ခံခဲ့ရသူတွေရော-- ကျနော့ရဲ့သူငယ်ချင်းတွေ၊ နူးနူးညံ့ညံ့ရင်ခုန်ခဲ့ဘူးသူတွေတောနက်နက်တွေထဲမှာ---ဘာတွေဖြစ်ခဲ့ကြရတာလဲ--
သူတို့ရဲ့ဒဏ်ရာတွေကို ကြေကြေကွဲကွဲ နားထောင်ခဲ့ရပြီး ဂစ်တာကြိုးတွေကိုဆွဲဖြတ်ခဲ့ဘူးတယ်။

ဒါပေမဲ့-- မတ်လရဲ့အော်သံတွေကို မေ့ရဲတဲ့သူ ရှိမယ်လို့မထင်ဘူး။ဘယ်လိုပဲ အိပ်မက်ဆိုးတွေကြုံခဲ့ကြုံခဲ့၊ ကိုယ့်ရဲ့အိမ်လိုဖြစ်နေတဲ့ အဆောက်အဦတခုအောက်မှာရောက်သွားပြီဆိုရင်တော့
ကျောင်းသား ဆိုတဲ့ စိတ်ဓါတ်တွေက ပြန်လည်ရှင်သန်လာခဲ့ကြတယ်။တခါတလေတော့--ဘဝဆိုတာအံ့သြဖို့တော့ အကောင်းသား။ ရက်ရက်စက်စက်ကျူးလွန်ခဲ့သူတွေနဲ့ အစော်ကားနှိပ်စက်ခံလိုက်ရသူတွေ--
အခုလို သစ်ရွက်ကြွေနွေဦးတခုမှာပြန်ဆုံကြလိမ့်မယ် လို့ ဘယ်မှာမျှော်လင့်ကြပါ့မလဲ။ဒဏ်ရာတွေ မကျက်ခင် နောက်ထပ်ဒဏ်ရာတွေမနက်အောင် ကျနော်တို့တတွေ ဘဝတွေကို ခက်ခက်ခဲခဲကျင်ယူခဲ့ရတယ်။
အရာအားလုံးကိုပြန်ဆုံဆည်းစေမဲ့ ဖြစ်ရပ်တခုက ကျနော်တို့ကြားကိုမကြာခင်ရောက်လာခဲ့တယ်။

၁၉၉၁ နိုဘယ်ငြိမ်းချမ်းရေးကျောင်းသားလှုပ်ရှားမှုအပြီး တက္ကသိုလ်တွေကို (၈) လကျော်ပိတ်ပြီးတဲ့နောက်၊ ရန်ကုန်စက်မှုတက္ကသိုလ်ကိုနှစ်ပိုင်းခွဲပစ်လိုက်တယ်။ အထက်ဗမာပြည်ကျောင်းသားတွေအတွက် မန္တလေးစက်မှုတက္ကသိုလ် ကို ရန်ကင်းတောင်ခြေအလွန်မှာဖွင့်ပေးလိုက်တယ်။အောက်ဗမာပြည်က ကျောင်းသားတွေကတော့ ရန်ကုန်စက်မှုတက္ကသိုလ် မှာဆက်လက်တက်စေခဲ့တယ်။ ဒါပေမဲ့ ၁၉၉၂ ခုနှစ်ကတည်းကဖွင့်ခဲ့တဲ့မန္တလေးစက်မှုတက္ကသိုလ် ဟာ ပဉ္စမနှစ် နဲ့နောက်ဆုံးနှစ် လျှပ်စစ် နဲ့ စက်မှုဘာသာရပ်တွေအတွက် ဆက်လက်သင်ကြားနိုင်တဲ့ဆရာတွေ၊
လိုအပ်တဲ့ပစ္စည်းတွေ မရှိခဲ့ဘူး။ ဒါကြောင့် ရန်ကုန်စက်မှုတက္ကသိုလ်ကိုပြန်ပြီးလာတက်ရတယ်။ မန္တလေးစက်မှုတက္ကသိုလ်က ကျောင်းသားတွေရန်ကုန်ကိုကျောင်းလာတက်ရပေမဲ့ အတန်းထဲမှာ စာသင်ချိန်ကောက်ခံတဲ့အခါတိုင်း Attendance Sheet နှစ်ရွက်ကိုခွဲကောက်တယ်။အတန်းထဲမှာ ကျောင်းသားတွေကိုခွဲခြားဆက်ဆံလိုက်ကတည်းက ပြဿနာတွေကစတင်လာခဲ့တယ်။ ကြို့ကုန်းဆောင် အဆောင်တွေမှာကျောင်းသားချင်းရိုက်ပွဲတွေ၊ ဆရာတွေနဲ့ ကျောင်းသားတွေကြားက ပဋိပက္ခတွေ တစထက်တစစိပ်လာတယ်။ အထူးသဖြင့် ပါမောက္ခ ဦးကြင်စိုးကို
ကျောင်းသားအများစုက “ ကြိုးစင်”လို့ခေါ်ကြတယ်။ သူ့ရဲ့စစ်တပ်ပုံစံ ကိုင်တွယ်မှုတွေကို မကျေလည်ကြဘူး။

ရန်ကုန်စက်မှုတက္ကသိုလ်မှာ ကျောင်းသားချင်းရိုက်ပွဲဖြစ်တယ် ဆိုတာ ကျနော်တို့ကျောင်းတက်ခဲ့ဘူးတဲ့အစဉ်အလာအရ၊ တခါမှမကြားဘူးဘူး။ကျနော်တို့နဲ့ပြဿနာတက်တာဆိုလို့ မဆလ အစိုးရပဲရှိခဲ့တယ်။ ဘယ်လိုဖြစ်ကုန်တာလဲ။ ကျောင်းနာမည်တွေကလည်းပြောင်းခဲ့တယ်။စစ်အစိုးရဟာ ကျောင်းသားတွေရဲ့စိတ်ဓါတ်တွေကိုလည်း ပြောင်းဖို့ကြိုးစားနေခဲ့တယ်။ မတ်လတိုက်ပွဲမှာ
ပါဝင်ခဲ့တဲ့သူတွေစုပေါင်းပြီးတိုင်ပင်ကြတယ်။ တခုခုလုပ်မှ ဖြစ်မယ်လို့ ဆုံးဖြတ်ခဲ့ကြတယ်။၁၉၉၅ ခုနှစ်ကျောင်းပြန်ဖွင့်တဲ့အခါ၊ ရန်ကုန်စက်မှုတက္ကသိုလ်မှာ “ တက္ကသိုလ်များ၊ရန်ကုန်၊ချင်းတွင်းမိသားစု” တက္ကသိုလ်များ၊ရန်ကုန်၊မန္တလေးမိသားစု နဲ့ ဖြူးမိသားစု --စတဲ့လူမှုရေးအသင်းတွေ စတင်ဖွဲ့စည်းလိုက်တယ်။ တကယ်တော့ အဲ့ဒီကာလတုန်းက တက္ကသိုလ်တွေမှာဘာအဖွဲ့အစည်းမှဖွဲ့စည်းခွင့်မရှိပါဘူး။ စစ်ထောက်လှမ်းရေးအကြီးအကဲ ဗိုလ်ချုပ်ခင်ညွှန့်ဟာ အဆောင်အသီးသီးကိုလာပြီး၊မျိုးဆက်ဟောင်းမျိုးဆက်သစ် မိတ်ဆုံစားပွဲတွေပြုလုပ်နေတဲ့အချိန်၊
( သူက စစ်ကိုင်းဆောင်ကျောင်းသားဟောင်းလို့ဆိုတယ်၊ ဟုတ်မလားတော့ မသိပါဘူး)။

တက္ကသိုလ်နယ်မြေအတွင်းကိုထိန်းသိမ်းထားနိုင်ပြီ လို့ ယုံကြည်ထားခဲ့တဲ့အချိန်၊ ရန်ကုန်စက်မှုတက္ကသိုလ်ထဲမှာဆိုရင် နံပါတ်ဖိုးရောင်းတဲ့အခန်းတွေကို ကျောင်းအာဏာပိုင်တွေက တမင်လွှတ်ပေးထားတယ်။ ကျနော်တို့တတွေလည်း ပေါ့ပေါ့ပါးပါးခရီးတွေနဲ့သီချင်းတွေသီခဲ့ကြတယ်။ဒါပေမဲ့ ငပလီ၊ ကျိုက်ထီးရိုး၊ ပုဂံ၊ လက်ခုပ်ကုန်း၊ ချောင်းသာ--စတဲ့ကမ်းခြေတွေ၊ စေတီပုထိုးတွေဆီကို အပျော်ခရီးထွက်နေကြတဲ့
ကျောင်းသားထုဟာမကြာခင်မှာအုပ်စုဖွဲ့ပြီးစစ်အာဏာရှင်တွေကိုပြန်လည်အန်တုကြလိမ့်မယ် ဆိုတာ အာဏာပိုင်တွေမျှော်လင့်မထားခဲ့ဘူး။အဲ့ဒါကတော့ ၁၉၉၆ မတ်လ (၁၃) ရက်မှာ ကိုဘုန်းမော် အထိန်းအမှတ်နေ့ကို အကြီးမားဆုံးကျင်းပပြီးကျောင်းသားထုကိုဆွဲကိုင်လှုံ့ဆော်လိုက်တဲ့အနက်ရောင်လှုပ်ရှားမှုပါ။ ကျောင်းသူတွေက ဂျီဟောဆောင်၊ သဇင်ဆောင်တွေမှာ နှင်းဆီပန်းစီးတွေကိုင်ပြီး ဆုတောင်းမေတ္တာပို့ခဲ့ကြသလို၊
ကျောင်းသားတွေကလည်း ပုဂံလမ်း၊ အဓိပတိလမ်း၊ လှည်းတမ်းလမ်းဆုံ နဲ့ တက္ကသိုလ်အသီးသီးမှာ နှင်းဆီပန်းတွေကိုလိုက်လံဝေငှကြတယ်။အနက်ရောင်ဖလင်ပျက်တွေပေါ်မှာ “ ကိုဘုန်းမော်ကိုသတိယပါ” ဆိုတဲ့စာသားတွေကို အပ်ဆူးတွေနဲ့ ထိုးခြစ်ပြီးရေးသားထားခဲ့တာတွေကိုဝေငှခဲ့ကြတယ်။ ရန်ကုန်စက်မှုတက္ကသိုလ်၊ကွန်ပြူတာတက္ကသိုလ်နဲ့ ရန်ကုန်တက္ကသိုလ်ထဲက စားသောက်ဆိုင်တွေမှာ ကျောင်းသားတွေက
အစိုးရသတင်းစာတွေကို ဆွဲဖြဲမီးရှို့ပစ်လိုက်ကြတယ်။ ဆရာတွေကလည်း ကျောင်းသားကျောင်းသူတွေကိုလိုက်ဖမ်းပြီး အင်္ကျီလဲဝတ်ပေးဖို့ပြောရတာ တနေကုန်နီးပါးလောက်ဖြစ်နေတယ်၊ မနိုင်တော့ဘူးလို့ ဝန်ခံကြရှာတယ်။
ဒီအရိပ်တွေဟာ ၁၉၉၆ ဒီဇင်ဘာ ကျောင်းသားလှုပ်ရှားမှု ကို အဓိက လောင်စာအဖြစ် မီးရှို့ကူးစက်စေခဲ့တယ်။

နိဂုံး
၁၉၉၅ ခုနှစ် မတ်လ(၁၃) ရက်နေ့ ကြို့ကုန်းဆောင်မှာ စုစည်းခဲတဲ့ကျောင်းသားတွေအကြောင်းကို ပြန်ပြောပြချင်တဲ့ရည်ရွယ်ချက်က တခုတည်းပါ။

ဘယ်လိုနေရာတွေမှာ ဘယ်လိုအခက်အခဲတွေ၊ အိပ်မက်ဆိုးတွေကြုံခဲ့ကြုံခဲ့၊ ကျောင်းအရိပ်အောက်ကိုပြန်ရောက်ကြပြီဆိုရင်--ကျနော်တို့တတွေ ကျောချင်းပြန်ကပ်ခဲ့ကြတယ်။ ကြုံခဲ့သမျှအရာအားလုံးကို နာနာကျင်ကျင်ဂီတအဖြစ်သိမ်းဆည်း ဖန်တီးခဲ့ကြတယ်။ပြောမဲ့သာပြောရတာပါ-- ကျောင်းအရိပ်အောက်မှာ မှ မဟုတ်ပါဘူး။ဘယ်နေရာကိုပဲရောက်ရောက်၊ တယောက်သမိုင်းကိုတယောက်ကလေးလေးစားစားနားထောင်ပြီးအရေးတော်ပုံစိတ်ဓါတ်ဆိုတာ ရဲဘော်ရဲဘက်ပီသမှုဖြစ်တယ် ဆိုတာကိုနားလည်ကြမယ်ဆိုရင်--
ကျနော်တို့တတွေ ကံ့ကော်အိပ်မက်ရှည်တခုမှာ ပြန်ဆုံကြမှာပါ။

မတ်လရဲ့တိုက်ပွဲခေါ်သံတွေ၊ရဲဘော်တို့ရဲ့ နှလုံးသွေးဆီကို မီးခပ်လောင်မြှိုက်ကူးစက်နေဆဲဆိုတာ--ယုံကြည်နေပါတယ်။
အောင်မိုးဝင်း