မနေ့ကမြန်မာ့အလင်းသတင်းစာခေါင်းကြီးပိုင်းမှာ တလောကရခိုင်ပြည်နယ်က ဖမ်းဆီးရမိခဲ့တဲ့ မျိုးဗီဇ ဖောက်ပြန်ပြောင်းလဲမှုကြောင့်အရေပြားရောဂါစွဲကပ်နေတယ်လို့လူပြောများနေတဲ့ ပန်းနုရောင်ဆင်အား ဆင်ဖြူတော်လို့ခေါ်ဝေါ်သမုတ်ပြီး နေပြည်တော်ကို အခြံအရံတွေနဲ့ တခမ်းတနားခေါ်လာတယ်လို့ရေးထားပါတယ်.. သတင်းစာဖတ်သူလူအများကိုလှည့်စားလိုသောဖြင့် အဖြူအမဲဓာတ်ပုံဖြင့် ၎င်းဆင်အားထုံးအဖြူသုတ်၍သတင်းစာထဲမှာဖြတ်ညုပ်ကပ်ဖော်ပြထားပါတယ်.. ဒါဟာဘာကိုပြတာလဲဆိုရင် တပ်ချုပ်ကြီးဟာ တိုင်းပြည် တိုးတက်ဖို့ထက် ဘုရင်ရူး ရူးတာ ဘယ်လောက် လွန်ကဲတယ် ဆိုတာ ဒီအချက်ကို ကြည့်ပြီး သိနိုင်တယ်။ စစ်ဗိုလ်ချုပ်ကြီးတွေ ခောတ်နောက်ပြန်ဆွဲနေပြီး တိရိစ္ဆာန်ကိုးကွယ်တာကိုလည်း ဖော်ပြနေတာဘဲဖြစ်ပါတယ်။
ဗိုလ်ချုပ်မှူးကြီးသန်းရွှေ၊ ဒုတိယဗိုလ်ချုပ်မှူးကြီးမောင်အေး၊ ဗိုလ်ချုပ်ကြီးသူရရွှေမန်း၊ ၀န်ကြီးချုပ် ဗိုလ်ချုပ်ကြီးသိန်းစိန်နှင့် အတွင်းရေးမှူး ၁ ဗိုလ်ချုပ်ကြီး သီဟသူရတင်အောင်မြင့်ဦးတို့ ၅ ဦးသာ စီးနင်းခွင့်ရသော ATR 72-500 အမျိုးအစား လေယာဉ်အား ဆင်ဖြူတော်လို့နံမည်သုံးရန် ဗိုလ်ချုပ်မှူးကြီးကမှာကြားတယ်လို့လည်းဆိုပါတယ်။
၂၀၀၉ ခုနှစ်အတွင်း စစ်အစိုးရက ငါးထောင်တန်ငွေစက္ကူအသစ် ထုတ်ဝေခဲ့ပြီး “ဆင်ဖြူ တော်” တံဆိပ်ကို ငွေစက္ကူသစ်၏ အမှတ်အသား အဖြစ်သုံးစွဲခဲ့ခြင်း၊ စစ်အစိုးရ အုပ်ချုပ်ရေးယန္တရားကို ပျဉ်းမနား၊ ကြပ်ပြေးသို့ ပြောင်းရွှေ့ အခြေစိုက်ခဲ့ရာ၌ မြို့တော်သစ်ကို နေပြည်တော် ဟု တရားဝင် သတ်မှတ် သုံးစွဲစေခဲ့ခြင်းများတွင် ဗေဒင်နက္ခတ် သဘောတရားများ အဓိက ပါဝင်နေသည်ကို တွေ့မြင်နိုင်ကြောင်း ရန်ကုန် ဗေဒင်ဆရာ အသိုင်းအဝန်းက သုံးသပ်သည်။
“ရှေးမြန်မာ ဘုရင်မင်းတွေ ဘုန်းတန်ခိုးကြီးလာရင် ဆင်ဖြူတော် အလိုလိုပေါ်ရတယ်။ ဒါမှမဟုတ် အိမ်နီးချင်းတိုင်းပြည်တွေက ဆင်ဖြူတော် ဆက်သရတယ်။ ဆင်ဖြူတော် စီးရတဲ့ ဘုရင်တွေက ရန်စွယ်အပေါင်းကို အောင်နိုင်တယ် ဆိုတဲ့ သက်သေ သာဓကတွေ မြန်မာရာဇ၀င် သမိုင်းတွေမှာ အထင်အရှားရှိတယ်။ ဒါကြောင့် ဒီနာမည်ကို ဗေဒင်သဘောနဲ့ ပေးထားတာ” ဟု ၎င်းက ပြောသည်။
သမိုင်းပညာရှင် ဆရာကြီး ဒေါက်တာသန်းထွန်းမကွယ်လွန်ခင်က ဗိုလ်ချုပ်ခင်ညွန့်ရဲ့ လက်ထက် မြန်မာပြည်မှာ ဆင်ဖြူတော် ပေါ်တယ်ဆိုပြီး သတင်းတွေမှာ တခမ်းတနားဖော်ပြကြ ကန်တော့တဲ့သူတွေက ကန်တော့ကြတော့လည်း “တိရစ္ဆာန်က တိရစ္ဆာန်ပဲ။ လူက တိရစ္ဆာန်ကို ရှိခိုးတာ တိရစ္ဆာန်ထက် နိမ့်လို့” ရှိခိုးတာလို့ ခပ်ရှင်းရှင်း ပြောဆိုခဲ့ပါတယ်။ ဒီလိုမှန်ကန်တဲ့ပြောဆို ရပ်တည်မှုတွေကြောင့် ဆရာ့ရဲ့ ကလောင်ကို ပိတ်ပင်တာတွေလည်း ကြုံခဲ့ရပါတယ်။
သုံးစားလို့မရတဲ့ ဆင်ဖြူကို ရေချိုးပေးတဲ့ ဗိုလ်ခင်ညွန့်တယောက် ဘုန်းတန်းခိုး တက်ဖို့ နေနေသာသာ ရာထူးပြုတ်ပြီး မြောင်းထဲရောက်သွားတာ တပ်ချုပ်ကြီး သိနည်းလည်ဖို့ကောင်းပါတယ်။ “ဆင်ဖြူတော်မှီပြီး ကြံစုတ်” ဆိုတဲ့ စကား အတိုင်း စစ်ဗိုလ်ချုပ်တွေဟာ မိမိတို့ရာထူးအာဏာနေရာရရှိရေး။ မိမိတို့ကောင်းစားရေးအတွက် မြန်မာပြည်ကြီး နေ့ချင်းညချင်း ကြွယ်ဝချမ်းသာပြီး ဖွံ့ဖြိုးတိုးတက်တော့မယ်ဆိုပြီး ဘုရင်ရူးရူးနေတဲ့ သန်းရွှေအကြိုက် သတင်းစာထဲမှာပါတဲ့အတိုင်း ဗုံမြှောက်ပေးနေကြပါတယ်။
သတင်းစာထဲကထုံးအဖြူသုတ်ထားတဲ့ ဆင်နဲ့ ဖမ်းမိတဲ့ဆင်ရဲ့အရောင်ကို နိူင်းယှဉ်ကြည့်နိုင်ရန် ပုံကို mouse ထောက်ကြည့်ပါ။
ဒေါင်းမာန်ဟုန်
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်