0 နိုင်ငံသူ-နိုင်ငံသားတိုင်း မိမိပိုင်ဆိုင်နေတဲ့ စွမ်းအားများနဲ့ တာဝန်ယူကြမယ်ဆိုရင်...

မိတ်ဆွေတို့...
ရက်ပေါင်း (၇၀)သာလိုတော့တယ်... စစ်အာဏာရှင်ဆက်လက်ရှင်သန်ခွင့် ပြုမယ် ၊ မပြုနိုင်ဘူး ဆိုတာ ပြပိုင်ခွင့် ရှိထားတဲ့ ပြည်သူလူထုအတွက် အခွင့်အလမ်းတစ်ရပ်ကို လူထုက ပိုင်ပိုင်နိုင်နိုင် အသုံးချတတ်မယ်ဆိုရင် - အသုံးပြုကြမယ်ဆိုရင် စစ်အာဏာရှင်စနစ်ပြုတ်ကျရေး လမ်းပေါက်ပွင့်သွားမှာပါ...ဒီနေရာမှာ မြန်မာနိုင်ငံသူ-နိုင်ငံသား တစ်ဦး-တစ်ယောက်တိုင်း တာဝန်ယူ ပါဝင်တတ်ဖို့ အရေးကြီးပါတယ်၊ လက်တွေ့ လုပ်ဆောင်နိုင်တဲ့ လုပ်ရပ်နဲ့စတင် တာဝန်ယူလို့ ရပါတယ်။

၂၀၀၈ခုနှစ် စစ်အာဏာရှင်အလိုကျ အခြေခံဥပဒေကို လက်မခံနိုင်တာက အကြောင်းတစ်ရပ်၊၂၀၁၀ခုနှစ် ရွေးကောက်ပွဲမှာ မိမိစိတ်ကြိုက် ရွေးချယ်စရာ လူပုဂ္ဂိုလ် ပါဝင်မှု မရှိတာကြောင့်၊စစ်အာဏာရှင်စနစ် သက်ဆိုးရှည်မှုကို မလိုလားတာကြောင့်၊မိမိပတ်ဝန်းကျင်မှာ ဖြစ်ပေါ်နေတဲ့ မတရားမှုတွေကို ထုတ်ဖော်ပြောမယ်၊ ဖိနှိပ်မှုတွေကို ဆန့်ကျင်မယ်၊ အမှန်တရားအတွက် ရဲရဲဝံ၀ံ တိုက်ပွဲဝင်မယ်ဆိုတဲ့ ဆုံးဖြတ်ချက်တွေချပြီး လက်တွေ့ကျကျ တာဝန်ယူ အကောင်အထည်ဖော်နိုင်တဲ့ နိုင်ငံသူ-နိုင်ငံသားတွေ ဖြစ်လာမယ်ဆိုရင်...၂၀၁၀ရွေးကောက်ပွဲဟာ စစ်အာဏာရှင်စနစ် အဆုံးသတ်ရေး လမ်းကြောင်းအဖြစ် တွေမြင်ကြရမှာ သေချာတယ်။

ကြောက်နေတယ်ဆိုတာကို ပြန်ပြီး လေးလေးနက်နက် တွေးကြည့်ပါ... ဒေါ်အောင်ဆန်းစုကြည်ဟာ နှစ်ရှည်လများ အိမ်တွင်းမှာ ဖမ်းဆီးချုပ်နှောင်ထားမှုကို ခံနေရတယ်၊ အသက်အရွယ်ကြီးရင့်နေတဲ့ ပုဂ္ဂိုလ်တွေ-အင်အားချီနဲ့နေတဲ့သူတွေ-အမျိုးသမီးငယ်တွေ-ရဟန်းသံဃာတွေ ကျန်းမာရေး ချို့တဲ့သူတွေ ၊ အမှန်းတရားအတွက် ယုံကြည်ချက်ကြောင့် အကျဉ်းချခံတားရသူတွေ ၂၀၀၀ကျော်၊ ဖမ်းဆီးညင်းပန်းနှိပ်စက် အကျဉ်းချမှုကို နှစ်ရှည်လများ ခံနိုင်ရည်ရှိနေ ကြတာဘဲ၊ မိမိတို့ အနေနဲ စုပေါင်းတိုက်ပွဲဝင်မယ်ဆိုရင် လက်ရှိအခြေအနေမျိုးကို ကျော်လွန်မှာ သေချာတယ်၊ အဆိုးဆုံးက အချိန်တိုသာလျှင် ဖမ်းဆီးညင်းပန်းမှု ခံရမှာဖြစ်တယ်လို့ စဉ်းစားလိုက်ကြရင် လက်ရှိကြောက်နေပါတယ်ဆိုတဲ့ အကြောင်းအရာဟာ ကြောက်စရာဖြစ်တော့မှာ မဟုတ်ပါဘူး။

ရေတိုမိမိခံစားရမှာကို တွေးကြောက်ပြီး ရှောင်လွဲနေခဲ့ကြရင်... မိမိအပါအ၀င် အနာဂတ်မျိုးဆက်နဲ နိုင်ငံတော်ကြီးဟာ မိမိ မတွေ့ကြုံစေချင်တဲ့ အဖြစ်အပျက်ဆိုးနဲဘဲ ဆက်လက်ရင်ဆိုင် နေရမှာဖြစ်တာကြောင့် ဒီအချိန်ကာလမှာ ဘယ်သူ တာဝန်ယူသည် ဖြစ်စေ - မဖြစ်စေ၊ မိမိတစ်ဦးတစ်ယောက် အနေနဲ ရဲရဲဝံ၀ံတာဝန်ယူမယ်လို့ စိတ်ဓါတ်ပိုင်းဖြတ်ထားနိုင်မယ်ဆိုရင်... အောင်မြင်မှုမှတ်တိုင် တစ်ခုတိတိကျကျ စိုက်ထူလိုရမှာ သေချာတယ်။

ရေရှည် တွေးကြည့်မယ်ဆိုရင် တိုင်းပြည်မှာ ပျက်သုန်းနေတဲ့ စိတ်ဓါတ် - ယိုယွင်းပျက်ဆီးနေတဲ့ လုပ်ရပ်တွေနဲ ဒီအတိုင်း ရေငုံနူတ်ပိတ် လက်ပိုက်ကြည့် နေကြမယ်ဆိုရင်... မြန်မာနိုင်ငံတော်နဲ လူမျိုးတွေဟာ ဆယ်စုနှစ်များအတွင်းမှာ လုံးဝပျောက်ကွယ် သွားနိုင်သလို... ကမ္ဘာသူ-ကမ္ဘာသားအပေါင်း ပိုင်ဆိုင်နေတဲ့ ငြိမ်းချမ်းမှုတွေကို ခြိမ်းချောက်တဲ့ နေရာဌာနအသစ် ဖြစ်လာနိုင်တယ်၊... မြန်မာနိုင်ငံနဲလူမျိုးကို နိုင်ငံတစ်ကာအသိုင်းအ၀န်းက တန်ဖိုးထား အလေးပေး ဆက်ဆံမယ့် အနေအထားများ ဆုံးရှုံးသွား နိုင်ပါတယ်။

ကိုယ့်တိုင်းပြည်-ကိုယ့်လူမျိုး ဂုဏ်သိက္ခာရှိရှိ အသက်ရှင်ရပ်တည်နိုင်ဖို့ ကျနော်တို့အားလုံး ယခုအချိန်အခါမှာ ပြတ်ပြတ်သားသား အားစိုက်လုပ်ဆောင် နိုင်ကြဖို့ လိုနေပါပြီ၊ မကောင်းမှု-ဒုက္ခ-ပြဿနာတွေကို နောင်လာနောင်သား မျိုးဆက်သစ်တွေဆီ လက်ဆင့် မကမ်းမိစေဖို့... ကျနော်တို့ အားလုံးမှာ တာဝန်ရှိသလို၊ လက်ရှိနေထိုင်ကျင်လည်နေတဲ့ မိမိတို့ လုပ်ရပ်နဲစိတ်ဓါတ်တွေကို ပြန်လည်ဆန်းစစ်ဖို့ အချိန်ရောက်နေပြီ၊ မြန်မာနိုင်ငံသူ-နိုင်ငံသားတွေ ပေါ့ပေါ့နေ ပေါ့ပေါ့စား ဘ၀နဲ ရှင်သန်နေကြမယ်၊ ရှောင်လွဲနေကြမယ်၊ တာဝန်မဲ့နေကြမယ်၊ ဆင်ချေပေးရင်း ပုန်းခိုနေကြမယ်၊ အပစ်ပြောရင်း စိတ်ဓါတ်အင်အား ကုန်ခမ်း နေကြမယ်၊ သတင်း-အတင်း ပြောရင်း အချိန်ကုန်နေကြမယ်၊ ...ဆိုရင်တော့ မြန်မာနိုင်ငံတော် ဘာလဲ-ဘယ်လဲဆိုတဲ့အဖြေ မေးနေစရာလိုမယ် မထင်တော့ပါဘူး။

နိုင်ငံသူ-နိုင်ငံသားတိုင်းမှာ အရည်အချင်းတွေ-စွမ်းအားတွေ-လုပ်ပိုင်ခွင့်တွေ ပိုင်ဆိုင်ထားကြပြီး ဖြစ်တယ်၊ ဒါကို အသုံးမပြုဘဲ ထားကြမှာလား၊ အတွေးချော်ပြီး တစ်ဦးတစ်ယောက်တည်း လုပ်နေလို့ ဘာမှ ဖြစ်မလာ နိုင်ဘူးဆိုပြီး စိတ်ဓါတ်ကျ နေမှာလား၊ တွေးခေါ်စဉ်းစားချက်တွေ ပြောင်းလဲပြီး ဖောက်ထွက် ဖန်တီးကြမှာလား၊ အနာဂတ် (...)နှစ်အတွင်းမှာ မြန်မာနိုင်ငံတော်နဲ လူမျိုးတွေကို လွတ်လပ်-ငြိမ်းချမ်း-တိုးတက်စွာ မြင့်တွေ့ရမယ်လို့ ယုံကြည်ချက် တည်ဆောက်ပြီး တိုက်ပွဲဝင်မှာလား၊ မိမိလုပ်နိုင်တဲ့ စွမ်းရည်မြှင့်တင်ပြီး တိုင်းပြည်နဲလူမျိုးအတွက် တာဝန်ယူမှာလား၊ မိမိနဲမိသားစုအတွက်ဘဲ လုပ်ဆောင်ရင်း ပြဿနာဒုက္ခ အရပ်ရပ်ကို မိမိထံ ဖိတ်ခေါ် နေမှာလား၊ မိမိ့ရဲမျိုးဆက်တွေဆီမှာ ထားခဲကြမှာလား၊ တစ်ဦးချင်း ဆုံးဖြတ် တာဝန်ယူမှုက တိုင်းပြည် အနာဂတ် အတွက် အဖြေ ဖြစ်မယ်။

ဒါကြောင့် ပြတ်ပြတ်သားသား ဆုံးဖြတ်ချက်ချပြီး မိမိလုပ်နိုင်ရာ တာဝန်ကို စူးစိုက်ထမ်းဆောင်ရင်း စစ်အာဏာရှင်စနစ်ကို အမြစ်ဖြတ်ကြဖို့ ထပ်မံတိုက်တွန်း ဖိတ်ခေါ်ရင်း...

ကျနော်တင်ပြ တိုက်တွန်းချက်များအပေါ် ဆွေးနွေး-ပူးပေါင်း-ပါဝင် လိုပါက အောက်ပါလိပ်စာ-ဖုန်းနံပါတ်-အီးမေးဖြင့် ဆက်သွယ်နိုင်ပါတယ်။

အခုလို ဖတ်ရှူခြင်း-အလေးထားစဉ်းစားခြင်း-ဆုံးဖြတ်အကောင်အထည်ဖော်ခြင်းများအတွက် တင်ကြို၍ အထူးကျေးဇူးတင်ကြောင်း တင်ပြလိုပါတယ်။

လေးစားစွာဖြင့်

ညီညီအောင်
Email: freeburma18@gmail.com
Phone: (301) 519-1907
Cell: (703) 731-1167
18118 Royal Bonnet Circle
Montgomery Village, MD - 20886