မိုးစက်(ဒုတပ်ကြပ်/ပင်မပစ္စည်းထိမ်းတပ်-တပ်မတော်ရေ)
မောင်ကျောင်းသား မေးမြန်းစာစီ ကူညီတင်ပြပေးပါသည် ။
(၁)
ဒီလိုဗျ..၊ ကျွန်တော်က နအဖတပ်မှာ ကလေးစစ်သားလဲဖြစ်ခဲ့ဘူးသလို ၊ ရေတပ်မှာ ( တပ်ကြပ်ရကာနီး )ဒုတပ်ကြပ်ဘ၀ထိဖြတ်သန်းလာခဲ့တဲ့ ၊ တပ်မှာနှစ်ကျော့ ပြန်စစ်သားဖြစ်ခဲ့တဲ့ တပ်မတော်သားဟောင်းတစ်ယောက်ပါ ၊ ကျွန်တော်ကြုံတွေခဲ့ရတဲ့ ဆိုးရွားတဲ့အတွေ့အကြုံတွေ ၊ နာကျည်းစရာတွေကို အများပြည်သူကို တင်ပြချင်တာကြောင့် ခုလို ရေးသားဖေါ်ပြလိုက်ရတာပါ ။
ကျွန်တော့နာမည်ရင်းက ဆန်းမင်းထွေး ပါ ၊ ဇာတိက ရန်ကုန် ၊ ဒဂုံမြို့သစ်မြောက်ပိုင်း ၊ ၁၃၃ ရပ်ကွက်ကပါ ၊ မိသားစု ဘ၀အခြေအနေကြောင့် ငါးတန်းထိပဲ ကျောင်းနေခဲ့ရပါတယ် ၊ ကိုယ့်ဘ၀ကိုယ်ကျောင်းမှ အသက်ရှင်ရပ်တည်နိုင်မှာဖြစ်တာကြောင့် ၁၂ နှစ်သားအရွယ် ကလေးဘ၀နဲ့တင် စားပွဲထိုး ၊ ရပ်ကွက်ထဲ ရေရောင်း ၊ ဓါတ်ဆီဆိုင် စာအုပ်ထပ်ပေး ၊ ဈေးရောင်း ၊ ရေခဲထုတ်ရောင်း ၊ ဖရဲသီးစိတ်ရောင်း ဘ၀စုံအလုပ်စုံမှာ ဖြတ်သန်းကျင်လည်ခဲ့ရပါတယ် ။
၁၉၉၉ ခုနှစ် (အသက်၁၄နှစ်) မှာ ၊ ရထားပေါ်ဈေးလိုက်ရောင်းရာကနေ ၊ ရွှေညောင်ဘူတာအရောက် ရထားပေါ်ကအဆင်းမှာ အမြှောက်တပ်တခုက တပ်ကြပ် တစ်ယောက်က “ ညီလေး ..မင်းဘယ်ကလဲ”လာမေးပြီး ၊ ဈေးလှည့်ရောင်းနေသူတယောက်မှန်း လဲသိရော “ခုလိုပင်ပင်ပန်းပန်းလုပ်နေမဲ့အစား တပ်ထဲဝင်လိုက် ပါလားကွ ၊ မင်းဘ၀ပြောင်းလဲသွားမယ် ” ၊ တပ်မှာ အခွင့်အရေးတွေဘယ်လိုရှိတယ်ဆိုတာမျိုး ပြောပြီးစည်းရုံးလာပါတယ်၊ မလုပ်ချင်ပါဘူးငြင်းလိုက်တော့“မင်းမှာ မှတ်ပုံတင်မပါဘူးမလား ၊ မင်းကိုခုဖမ်းလိုက်လို့ရတယ် ၊ ထောင်ထဲရောက်သွားမယ်”ဆိုတာမျိုးတစစခြိမ်းခြေက်ပါတော့တယ် ၊ အဲဒိတုံးက ကလေးဆိုတော့ ကြောက်တာပေါ့ ၊ “အဖမ်းတော့မခံပါရစေနဲ့ ၊ စစ်ထဲဝင်ဆိုဝင်ပါ့မယ်”ဆိုပြီး သူခေါ်သွားရာနောက်လိုက်သွားဖြစ်ပါတယ် ။
တောင်ကြီးမြို့ကြိုးတံတားနားက စစ်သားစုဆောင်းရေးနေရာလေးတခုမှာ ကျွန်တော့ကိုထားသွားပါတယ် ၊ ရောင်းစားခဲ့တဲ့ သဘောမျိုးပါ ၊ စစ်သားစုပေးရင် ပေးတဲ့ (အဲဒီတုံးက ငွေဘယ်လောက်ပေးမှန်း ၊ ဆန်အိတ်ပေးမှန်းမသိသေးပါဘူး) ပိုက်ဆံတွေယူပြီး သူထွက်သွားပါတယ် ၊ ထောင်ကျသွားသလို ဘယ်မှလဲ မထွက်ရပဲကျန်နေခဲ့ပြီး တပါတ်လောက်နေမှ ကျန်တဲ့ စုဆောင်းခံထားရသူတွေနဲ့အတူ (စုစုပေါင်း ၇ ယောက်)ကို တပ်ကြပ်ကြီးတယောက်ဦးစီးပြီး မန္တလေးက စစ်သားစုဆောင်းရေးကို ပို့လိုက်ပါတယ် ၊ အမှန်က စုထားတာ ၉ ယောက်ပါ ၊ ၂ ယောက်က ကြားရက်မှာထွက်ပြေးသွားခဲ့တာပါ ။ အဲ့ဒီထဲမှာ အသက်(၁၈)နှစ် မပြည့်သေးတဲ့ ကလေးအရွယ်တွေ ကျွန်တော်အပါဝင်၆ယောက်ရှိပါတယ် ၊ အသက်ပြည့်ပြီ်းတာ တစ်ယောက်ထဲပါ ပါတယ် ။
မန္တလေးစစ်သားစုဆောင်းရေးရောက်တော့ ကျွန်တော်ပိုပြီးဝမ်းနည်းသွားတယ် ၊ အရမ်းလဲလန့်သွားပါတယ်၊ အဲ့ဒိမှာစုထားတဲ့လူ အားလုံး၂၀၀၀ကျော်လောက် ရှိပါတယ် ၊ အဲ့ဒိထဲမှာအသက်မပြည့်ပဲစုဆောင်းခံရတဲ့လူက ပိုများပါတယ် ၊ ကျွန်တော်တို့ ရောက်သွားတော့ အဲ့ဒိကတာဝန်ခံအဆောင်မုးက စည်းကမ်းချက်တွေ ပြောပါတယ် ၊ အဓိက က ထွက်မပြေးဘို့ပါ ၊ ပြီးတော့ ထမင်းသွားစားခိုင်းပါတယ် ၊ ထ္မင်းစားဆောင်ရောက်တော့ အန်ချင်စိတ်ကို မနည်းမျိုသိပ် ထားရတယ် ၊ ကျွန်တော့်အတွက်တော့ အရှင်လပ်လပ် ငရဲခန်းထဲရောက်နေသလိုပါပဲ၊ ထ္မင်းက လုံးတီးဆန်၊ ၀က်စာလို နီရဲပျော့ပြဲပြီး တူးစော်ကလဲနံ ၊ မနပ်တဲ့ ဟာကမနပ်ဘူး၊ ဟင်းကျတော့လဲ မုံညင်းရွက်ရေလုံပြုပ်မှာ တီကောင်ကပါလာသေးတယ် ၊ ငါးခြောက်လေး၂ကောင်နဲ့ကျွေးတယ် ၊ အဲ့ဒိထက်ဆိုးတာက အိပ်ဆောင်ပြန်ရောက် တော့ ဂျပိုးမွေ့ရာ ခြင်ပန်ကာနဲ့အိပ်ရမယ်လိုပြောကြတယ် ၊ ဘာကိုဆိုလိုမှန်းမသိဘူး ၊ ညကျမှ အဖြေပေါ်တယ် ၊ ကြမ်းပြင်ကဂျပိုးကကိုက် အပေါ်က ခြင်ကကိုက်နဲ့ တညလုံးကောင်းကောင်း အိပ်မရပဲမိုးစင်စင်လင်းခဲ့ရတယ် ၊ ပိုဆိုးတာက အပေါ့အပါးသွားချင်ရင်တောင်နေ့ဘက်ဆို အပေါ်အကျီချွတ်ပြီး ဘောင်းဘီတိုလေးနဲ့ သွားရတယ် ၊ ညဘက်ဆိုရင် တကိုယ်လုံးချွတ်ပြီ်း သွားရတယ် ၊ ထွက်ပြေးမှာစိုးလို့ အချုပ်သားတွေလိုလုပ်ထားတာပါ ၊ အရင်ရောက်နှင့်တဲ့ အရွယ်ခပ်ကြီးကြီးတွေ ကို ၀ါးရင်းတုတ်နဲ့ကင်းစောင့်ခိုင်းထားပြီး အိမ်သာသွားရင်နောက်ကလိုက်ခိုင်း ထားသလို ရိုက်ခွင့်လဲပေးထားပါတယ် ။
စုဆောင်းရေးမှာနှစ်ရက်နေပြီးတော့ ပထမဆုံးစလုပ်ရတာက ပုဇွန်ကန်တူးရတာပါ ၊ လူတယောက်ကိုတကျင်း(ဆယ်ပေပတ်လည်တစ်ပေအနက်)တူးရပါတယ် ၊ မပြီးရင်မပြန်ရပါဘူး ၊ ပြီးမှကိုပြန်ရတာပါ ၊ ၁၃နှစ်၁၄နှစ်ကလေးတွေကို အရွယ်နဲ့မမျှတဲ့အလုပ်တွေခိုင်းတာများ ၊ ရုပ်ရှင်တွေထဲက ဖက်စစ်တွေချွေးတပ်ဆွဲခိုင်း တာကျနေတာပါပဲ ၊ အရွယ်နဲနဲကြီးတဲ့သူတွေကလုပ်နိုင်ပြီး စောစောပြန်ရကြတော့ ပြန်သွားပြီးစားသောက်ထားနှင့်တာမှာ ကျွန်တော်တို့လိုမလုပ်နိုင်မကိုင်နိုင်လို့ ညနေခြောက်နာရီကျော်မှပြီးတဲ့သူတွေ ပြန်ရောက်တော့ စားစရာဟင်းမရှိတော့ပါဘူး ၊ ထမင်းနဲ့ ငါးပိရေကြဲကိုပဲစားရပါတော့တယ် ။
အဲဒီလို ပုဇွန်ကန်တူး ၊ အဆောက်အဦးဆောက် ၊ ရေမြောင်းဖေါ် ၊ သစ်ပင်ခုတ် ၊ ခြုံရှင်း အလုပ်မျိုးစုံတလလောက် ပင်ပင်ပန်းပန်းလုပ်ပြီးမှ ရှမ်းပြည်မြောက်ပိုင်းက တိုင်းဗိုလ်(၈)လေ့ကျင့်ရေးတပ် ၊ နမ့်စံရေကျ ဆိုတာကို သင်တန်းတသုတ်စာလူ၂၄၀ ပို့တာမှာ ပါသွားပါတော့တယ် ၊ ရောက်တာနဲ့ စစ်တပ်လုပ်နည်းလုပ်ဟန် တွေအတိုင်း အရပ်တိုင်း ပေါင်ချိန်လုပ်ပါတယ် ၊ ထောက်၂၅ ပစ္စည်းခေါ်တဲ့ စစ်ဝတ်တန်စာထုတ်ပေးပါတယ် ၊ နောက်နေ့မှာ သင်တန်းဖွင့်ပွဲလုပ်ပြီး စစ်သင်တန်း တွေ စတက်ရပါတော့တယ် ၊ မနက်ဆိုလေးနာရီခွဲထရပြီး ငါးနာရီထိုးမှာတန်းစီရပါတယ် ၊ တန်းစီချိန်မှာ နောက်ဆုံးတန်းစီသူ ၉ ယောက်က အပြစ်တခုခုပုံမှန်ပေး ခံရပါတယ် ၊ တနေကုန်မှာ ထမင်းစားချိန်တွေမှာ တစ်နာရီလောက်ပဲနားရပြီး အချိန်ပြည့်သင်တန်းတက်နေရတာပါ ၊ သင်နေစဉ် မိနစ်၄၀ လောက်မှာတခါ ၅မိနစ် ပေးနားတာမျိုးတော့ရှိပါတယ် ၊ ညနေ ၄နာရီမှာ သင်တန်းပြီးပြီး ၅နာရီထိလုပ်အားပေးဆိုပြီး မြောင်းပေါက် ၊ ထင်းခွဲ ၊ စိုက်ခင်းရေလောင်းအလုပ်တွေ လုပ် ရပါတယ် ၊ စနေတနင်္ဂနွေသင်တန်းပိတ်ရက်တွေမှာတော့ တနေကုန်လို လုပ်အားပေးရပါတော့တယ် ၊ တောင်ပေါ်ပြောင်းခင်းတွေကနေ ပြောင်းဖူးအိတ်တွေကို ထမ်းချရပါတယ် ၊ နွားလှည်းမှာ ပြောင်းဖူးအိတ်တွေတင်ပြီး နွားမဟုတ်ပဲ သင်တန်းသားရဲဘော်တွေနဲ့ ၀ိုင်းဆွဲခိုင်းတာမျိုးတွေလဲရှိပါတယ် ၊ ညနေစာစားပြီးလို့လဲ အနားမရပါဘူး ၊ ညပိုင်း ၇ နာရီကနေ ၁၀နာရီထိုးတဲ့အထိ ပြောင်းဖူးတွေကိုအခွံခွာရပါတယ် ၊ တပ်မတော်သားလို့မဖြစ်ခင် သင်တန်းသားဘ၀မှာထဲက နိုင်ငံနဲ့ လူမျိုးအတွက်မဟုတ်ပဲ တပ်ကအရာရှိတွေရဲ့အကျိုးစီးပွားအတွက် အဲဒီလို မတရားခိုင်းစေခံရမှုတွေရှိခဲ့တာပါ ။
ကျောက်ခဲရေညှစ်ဆိုသလို အတင်းအကြပ်ခိုင်းစေမှုတွေကြောင့် ဒါဏ်မခံနိုင်သူတွေ ထွက်ပြေးကြပါတယ် ၊ ပြန်မိလာတဲ့အခါ သင်တန်းမှုးအရာရှိကနေစပြီး သင်တန်းအရာခံဗိုလ် ၊ သင်တန်းဆရာတွေအဆင့်ဆင့်က သေလောက်အောင် ပုံနေအောင်ရိုက်ပါတယ် ၊ ပြီးရင် တန်းစီကွင်းမှာ သင်တန်းသားအားလုံးကို တန်းစီ ခိုင်းပြီး ထွက်ပြေးတဲ့သူကို အားကောင်းမောင်းသန်၂ယောက်ကို လက်တွေခြေတွေကိုကိုင် မှောက်ပေးခိုင်းထားပြီး သင်တန်းသားတွေအလှည့်ကျ တယောက် တချက်စီရိုက်ရပါတယ် ၊ ရဲဘော်ချင်းမို့ညှာတာစိတ်နဲ့ အားမပါပဲရီုက်မိတဲ့သူကို ပြန်မှောက်ခိုင်းပြီး ဒီလိုနာအောင်ရိုက်ရတယ်ကွလို့ ရိုက်ပြပါတယ် ၊ ပြီးရင် ထမင်း စားဆောင်နားကမြေပြင်မှာ ထိပ်တုံးခတ်ပြီး တပါတ်ဆယ်ရက်ထားပါတယ် ၊ အရိုက်ခံရတယ်ဆိုတာမှာ ပြေးသူရဲ့တပ်စိတ်တပ်စုကရဲဘော်တွေပါ အရိုက်ခံ ကြရတာပါ ၊ အဲဒီလို ကြောက်နေအောင် ညှင်းပန်းနှိပ်စက်မှုတွေနဲ့လည်း ထွက်မပြေးရဲအောင်လုပ်ထားပါတယ် ။ အိမ်တွေကိုခိုးဆက်သွယ်လို့ မိဘတွေလိုက်လာ တဲ့အခါ ငွေတောင်းသလောက်ပေးနိုင်တဲ့သူတွေကတော့ မိဘတွေနဲ့တွေ့ခွင့်ရသလို တချို့ပြန်တောင်ပါသွားကြပါတယ် ၊ ငွေမပေးနိုင်ရင်တော့ တွေ့ခွင့်တောင် မပေးပါဘူး ။
ကျွန်တော်တို့သင်တန်းက ၄/၂၀၀၀ ပါ ၊ သင်တန်းမဆင်းခင်တလလောက်အလိုမှာ ကိုယ်ပိုင်နံပါတ်ကျပါတယ် ၊ ကျွန်တော့ကိုယ်ပိုင်နံပါတ်က တ/၁၄၇၈၃၇ ပါ ။ သင်တန်းကာလ စုစုပေါင်းလေးလခွဲအပြီးမှာတော့ သင်တန်းဆင်းရပါတယ်၊ ပြီးတော့ ခမရ (၅၀၆)သီပေါ-နမ့်မလိုင်အပိုင်ကိုပို့လိုက်ပါတယ် ၊ ရောက်ရောက်ချင်း တပ်ရင်းမှာ လုပ်အားပေးလိုက် ၊ ကင်းစောင့်လိုက်နေရပြီး နှစ်လလောက်နေတော့ ကျောက်မဲကို ဒုတပ်ကြပ်တစ်ယောက် ၊ ကျွန်တော်တို့ရဲဘော်သုံးယောက် ၊ တိုက်/စည်းသင်တန်း တစ်လသွားတက်ရပါတယ် ၊ သင်တန်းကပြန်ရောက်ပြီး တပါတ်မှာပဲရှေ့တန်းပါသွားပါတော့တယ် ။
ရှေ့တန်းပါသွားချိန်မှာ ကျွန်တော့အသက်က ၁၅ နှစ်ပဲရှိသေးပါတယ် ၊ ရွက်ဆစ်အဖွဲ့တွေနဲ့တိုက်ရပါတယ် ၊ MA1သေနတ်တစ်လက်၊ကျည်၂၄၀ ၊ ခေါက်ပေါက်တူး တစ်လက် ၊ ဓါးမတစ်ချောင်း နဲ့ ရိက္ခာတစ်ပါတ်စာကိုသယ်ပိုးရပါတယ် ၊ တစ်တောဝင်တစ်တောင်တက် မနိုင်ဝန်ထမ်းပြီးသွားနေရလို့ ပင်ပန်းလာလွန်းတော့ သတ်ချင်လဲသတ်လိုက်ပါတော့ဆိုပြီး ပစ်လှဲနေတာမှာ စစ်ကြောင်းမှုး ဗိုလ်ကြီးရဲ့ထိုးကြိတ်ကန်ကျောက်တာခံရပါတယ် ၊ တပ်စိတ်တစ်စိတ်ထဲက အကြီးတွေက ၀ိုင်းကူသယ် တွဲခေါ်လုပ်ကြပါတယ် ၊ ရှေ့တန်းမှာသုံးလလောက်နေပြီး ငှက်ဖျားဖြစ်လာတော့ တပ်ကိုပြန်ပို့လိုက်ပါတယ် ။ နောက်တန်းတပ်ရင်းပြန်ရောက်ပြီး ဆေးကုရင်း နှစ်လလောက်အကြာမှာ ပထမအကြိမ်ထွက်ပြေးခဲ့ပါတော့တယ် ။
(၂)
တပ်ကနေသီပေါ ၊ သီပေါကကနေမန္တလေး ရထားစီးပြီးထွက်ပြေးခဲ့ပါတယ် ၊ မန္တလေးဘူတာမှာ တောင်းစားနေတဲ့အဖိုးအဖွားနှစ်ယောက်က သနားလို့ကျွေးတဲ့ ထမင်းတောင်စားခဲ့ရပါသေးတယ် ၊ ပြီးတော့ ရန်ကုန်ရထားစီးပြန်ခဲ့တာမှာ တောင်ငူဘူတာနားရောက်တော့ လက်မှတ်စစ်ခံရပါတယ် ၊ လက်မှတ်မရှိတော့ ဖမ်းထားပြီး တောင်ငူဘူတာရောက်တဲ့အခါ ရုံပိုင်ကြီးရုံးခန်းကိုခေါ်သွားပါတယ် ၊ ရုံပိုင်ကြီးက ဘူတာထဲမှာသန့်ရှင်းရေးလုပ်ခိုင်းပါတယ် ၊ ပြီးတော့ ဆုံးမစကား ပြောပြီးပြန်လွှတ်လိုက်ပါတယ် ။
ဘူတာထဲမှာ ရထားစောင့်နေတုန်း လူကြိးတယောက်ရောက်လာပြီး ကောင်လေးမင်းအလုပ်လုပ်မလားလာမေးပါတယ် ၊ ဘာအလုပ်လဲဆိုတော့ ကွမ်းသီးကောက် ရမှာ တခြင်း၂၀၀ ရမယ်တဲ့ ၊ ဆယ်ရက်လောက်လုပ်ပြီး ပိုက်ဆံစုပြီးမှပြန်ရင်ကောင်းမယ်ဆိုပြီး လိုက်သွားပါတယ် ၊ တောင်ငူမြို့တနေရာရောက်တော့ အိမ်တအိမ် မှာဝင်ပြီး ဒီမှာတယောက်ခေါ်လာပြီဆိုပြီးပြောပါတယ် ၊ အဲဒီကမိန်းမကြီးတယောက်က ကျွန်တော့ကိုကြည့်ပြီး ဖြစ်ပါ့မလားပြောပါတယ် ၊ ကျွန်တော်ကလဲ ကွမ်း သီးကောက်တာကိုပြောတာမှတ်ပြီး ကျွန်တော်လုပ်နိုင်ပါတယ်လို့ပြောလိုက်တော့ ၀ိုင်းရီကြပါတယ် ၊ အေး မင်းလုပ်နိုင်ဘို့အဓိကပဲ ၊ ခုတော့သွားနားနေလိုက်ဦး ဆိုပြီး အခန်းတခုထဲကိုခေါ်သွားပါတယ် ၊ ကျွန်တော့ကိုခေါ်လာတဲ့သူကို ငွေတချို့ပေးပြီး နောက်လဲဒီလိုအချဉ်လေးတွေများများခေါ်ခဲ့ဘို့မှာတာကြားရတော့ ကျွန်တော့စိတ်ထဲဘ၀င်မကျဖြစ်သွားပါတယ် ၊ အခန်းထဲမှာ ကျွန်တော်နဲ့ရွယ်တူလေးတွေကနေ အသက်၃၅/၄၀လောက်ထိ အရွယ်စုံ လူ၂၀လောက်ရှိနေပါတယ် ၊ အဲဒီထဲကတယောက်က ကျွန်တော့ကိုနေရာပေးပါတယ် ၊ အပေါ့ပါးသွားဘို့နေရာပြပေးပါတယ် ၊ ကျွန်တော်က သူတို့ကို အကိုတို့ကွမ်းသီးကောက်တာ တနေ့ ဘယ်လောက်ဘိုးကောက်ရလဲဗျ ၊ မေးကြည့်တော့ ငါတို့ကကွမ်းသီးကောက်ရတာမဟုတ်ဘူး၊ပေါ်တာမိထားတာတဲ့ ၊ မင်းပြီးတော့သိမှာပါတဲ့ ၊ ဟာ .. ဘယ်လို ဖြစ်တာလဲ ကျွန်တော် တော်တော်အံ့သြသွားတယ် ၊ ထမင်းစားချိန်အပြင်ထွက်လာဘို့ခေါ်တော့ ကျွန်တော်ပြောလိုက်တယ် ၊ ကျွန်တော်မလုပ်တော့ဘူး ၊ ပြန် တော့မယ်ဆိုတော့ ဗလကောင်းကောင်းအိမ်ရှင်ယောက်ကျားတယောက်က ကျွန်တော့မျက်နှာကိုလက်သီးနဲ့ထိုးပြီး အေး မင်းအခုဒါဘာလဲသိပြီမဟုတ်လား ၊ ဒီမှာ အ၀င်ပဲရှိတယ် ၊ အထွက်မရှိဘူးကွ ၊ မင်းတို့ထက်မိ်ုက်လို့ဒီအလုပ် လုပ်စားနေတာ ၊ ထွက်ပြေးရင်သေဘို့သာပြင်ထားဆိုပြီး အခန်းထဲပြန်ထည့်ပိတ်ထားပါတယ် ၊ ထမင်းလဲမကြွေးတော့ပါဘူး ၊ ကျွန်တော်လဲကြောက်တော့ ဘာမှမပြောရဲဘူး ၊ ကျန်တဲ့အကြီးတွေတောင် ငြိမ်နေကြတာကိုး ၊ ဘာလဲဗျာ .. ဗမာပြည်မှာ ဥပဒေမရှိတော့ဘူးလား ၊ အတင်းအဓမ္မစစ်သားစုဆောင်းတာလဲခံရ ၊ ပေါ်တာဆွဲတာလဲခံရနဲ့ ၊ လွတ်လပ်ရေးရပြီးတဲ့နိုင်ငံမှ ဟုတ်ရဲ့ လားဗျာ ။
အဲဒီလိုနဲ့ ညနေသုံးနာရီလောက်မှာ ကျွန်တော်တို့ကို ဟိုင်းလတ်ကားတစီးပေါ်တင်ပြီး ကရင်ပြည်နယ် ဘောကလိဆိုတဲ့နေရာကိုခေါ်သွားပါတယ် ၊ အဲဒီမှာစစ်တပ် လဲရှိနေပြီး ကျွန်တော်တို့ကို စစ်တပ်စခန်းချတဲ့စေတီကြီးတစ်ဆူဘေးက အိမ်ကြီးမှာထားပါတယ် ၊ အဲဒီမှာ ကျွန်တော်တို့အရင် အရွယ်စုံလူလေးဆယ်လောက် ရောက်နှင့်နေပါတယ် ၊ အဲဒီမှာ အိပ်ရင်လဲမြေကြီးပေါ်ကိုယ့်ပုဆိုးကိုယ်ခြုံအိပ် ၊ စားတော့လဲဖက်ပေါ်ပုံစားပါပဲ ၊ အပေါ့အလေးတောင် စဥ့်အိုးကြီးနှစ်လုံးထားပေး ထားပါတယ် ၊ အငယ်တွေထဲက အလှည့်ကျသွန်ရပါတယ် ၊ တရက်ကျတော့ တယောက်ကိုဆန်နှစ်ပြည်စီသယ်ပြီး စစ်တပ်စခန်းချတဲ့ဆီသွားရပါတယ် ၊ ကျွန်တော် တို့ကိုထား ထားတဲ့အိမ်ရှင်နဲ့ ဗိုလ်ကြီးတယောက်နဲ့ အပြန်လှန်စကားပြောကြပြီး ကျွန်တော်တို့က စစ်တပ်ထဲမှာနေခဲ့ကြရပါတော့တယ်။
ညသန်းခေါင်ကျတော့ ကျွန်တော်တို့ကိုနှစ်ယောက်စီတွဲခိုင်းပြီး လက်တဘက်စီတွဲလျက်ကြိုးတုပ်ပါတယ် ၊ ထွက်ပြေးရင်ပစ်သတ်မယ်ပြောပါတယ် ၊ ဗိုလ်ကြီးကိုယ် တိုင်က သူ့ရဲဘော်တွေကိုထွက်ပြေးတဲ့ကောင်ပစ်သတ်လို့ တခါထဲအမိန့်ပေးလိုက်တာပါ ၊ ပြီးတော့သယ်ရမဲ့ လက်နက်ကြီးကျည်တွေ ၊ ကျည်ဆံတွေ ၊ ရိက္ခာထုတ် တွေ ၊ ဝေပေးပါတယ် ၊ ပြီးတော့ စစ်ကြောင်းနဲ့အတူ ညဖက်ကြီးပဲ ခရီးထွက်ရပါတော့တယ် ။
ငှက်ဖျားပျောက်ကာစမှာတပ်ကထွက်ပြေးလာခဲ့တဲ့ကျွန်တော် တပ်သားတုန်းကထက်ပိုတဲ့ အလေးအပင်တွေထမ်းပိုးပြီး တတောင်ဆင်းတတောင်တက်မှာ သုံးရက် မြောက်လဲကျရော ခနခနလဲတော့တာပါပဲ ၊ ချော်လဲလို့မထနိုင်ရတဲ့အထဲ ငါကိုင်တုပ်ဆဲပြီး သေနတ်ဒင်နဲ့ထုတာ စစ်ဖိနပ်နဲ့ကန်တာကိုပါထပ်ခံရပါတယ် ၊ တောင်း ပန်လို့လဲမရပါဘူး ၊ ငါ-ိုးမသား တွေ , မင်းတို့ကိုခေါ်ခိုင်းထားတာ ပိုက်ဆံပေးထားရတယ်ကွ ၊ အလကားခေါ်တာမဟုတ်ဘူး ၊ မင်းတို့တန်ရာတန်ကြေးပြန်ပေး ရမယ်တဲ့ ၊ အလိုလိုနေရင်း ငွေဝယ်ကျွန်ဖြစ်ခဲ့ရတဲ့ဘ၀ ပြန်တွေးလိုက်တိုင်းစိတ်နာစရာပါဗျာ ။
ဆယ်ရက်လောက်သွားနေရပြီးမှ တောထဲမှာထိုင်ထားတဲ့ ဗျူဟာစခန်းတခုကိုရောက်ပါတယ် ၊ အဲဒီမှာတညအိပ်ရပြီး နောက်နေ့မနက်မှာ နောက်တန်းပြန်မဲ့ စစ် ကြောင်းနဲ့ ကျွန်တော်တို့ကိုပြန်ထည့်ပေးလိုက်ပါတယ် ၊ အပြန်လမ်းမှာ ကျွန်တော်ငှက်ဖျားပြန်ထလာပြီး လမ်းဆက်မလျှောက်နိုင်ဖြစ်ပါတယ် ၊ စစ်သား တယောက် က ခရီးကြာတယ် ၊ မသွားနိုင်ရင်ပစ်သတ်လိုက်လို့ပြောပါတယ် ၊ စစ်သားတယောက်ကမျက်နှာကို သေနတ်နဲ့ချိန်ပြီး အသေခံနေခဲ့မလား ၊ ဆက်လိုက်မလား မေးပါတယ် ၊ ကျွန်တော်တကယ်မလျှောက်နိုင်တာပါဆရာရယ်ပြောတာကို ရင်ဝဆောင့်ကန်လိုက်ပါတယ် ၊ အတူပါတဲ့ ဘ၀တူနှစ်ယောက်က “သူတကယ်ဖျားနေ တာပါဆရာ ၊ ကျွန်တော်တို့တွဲခေါ်ပါ့မယ် ”ဆိုမှ အေး ၊ ဒါဆိုလဲ ခရီးမဖင့်စေနဲ့ ၊ မဟုတ်ရင်ဒီကောင့်ကိုသတ်မိလိမ့်မယ် ဆိုပြီးထွက်သွားပါတယ် ။
လမ်းမှာတစ်ရက်ပြီးတစ်ရက် တောင်တစ်တောင်ပြီးတစ်တောင်ဖြတ်သန်းပြီး ကျွန်တော်လည်းသတိရတစ်ချက်မရတစ်ချက်နဲ့ စစ်တပ်စခန်းချရာ ဗောကလိကို ပြန်ရောက်ခဲ့ပါတယ် ။ ကျွန်တော်တို့အရင်နေခဲ့ရတဲ့ ဂိုထောင်လိုအိမ်ကြီးထဲမှာပဲပြန်နေရပါတယ် ၊ အဲဒီအိမ်မှာ စစ်တပ်မှာသုံးတဲ့ ပယ်ဒီဇင်းခေါ်တဲ့ ငှက်ဖျား ဆေးတွေတိုက်ပါတယ်၊သုံးရက်လောက်နေပြီး ကျွန်တော်နဲနဲသက်သာလာတော့ ဒီကောင် ဒီခန္ဓာကိုယ်ဒီကျန်းမာရေးနဲ့အလုပ်မဖြစ်ပါဘူး၊ ပြန်သာလွှတ်လိုက်ပါလို့ စစ်ဗိုလ်တယောက်ကပြောတာကြောင့် အိမ်ရှင်ကသူ့သားနှစ်ယောက်ကို တောင်ငူဘူတာလိုက်ပို့ခိုင်းပြီး ပိုက်ဆံငါးရာပေးရထားပေါ်တင်လွှတ်လိုက်ပါတယ် ၊ ကျွန်တော်လဲ ရထားပေါ်ရောက်တာနဲ့ စိတ်ဒုံးဒုံးချအိပ်လိုက်တာ ရန်ကုန်ရောက်လို့သူများနှိုးမှပဲ နိုးပါတော့တယ် ၊ ဒီလိုနဲ့ သေအံ့မူးမူးအခြေနေဆိုးတွေကနေ လွတ်မြောက် အိမ်တခေါက်ပြန်ရောက်ခဲ့ပါတော့တယ် ။
(၃)
အိမ်ပြန်ရောက်သွားတော့ ကျွန်တော့အိမ်မှာ ကျွန်တော့မိသားစုမဟုတ်သူတွေနေ နေကြတယ် ၊ ကျွန်တော့မိသားစုက ပြောင်းသွားပြီလေ ၊ ဘယ်ပြောင်းသွားလဲ မသိကြဘူးတဲ့ ၊ ကျွန်တော်လဲ အဖေဖွင့်ထားတဲ့ တောင်ဥက္ကလာက လမ်းဘေးကွမ်းယာဆိုင်လေးကို သွားလိုက်တယ် ၊ အဖေ့ဆိုင်ရောက်တော့ ကျွန်တော့ကိုကြည့် ပြိး အဖေမမှတ်မိဘူး ၊ အိမ်နဲ့ဝေးကွာသွားခဲ့ရတဲ့ တနှစ်ဆိုတဲ့ကာလမှာ ကျွန်တော့ရုပ်တော်တော်ပြောင်းသွားခဲ့တာကိုး ၊ “အဖေ” လို့ ကျွန်တော်ခေါ်လိုက်မှ သေချာစူးစိုက်ကြည့်ပြီးမှတ်မိသွားတယ်ထင်တယ် ၊ ဆိုင်ပြင်ထွက်လာပြိး “ ဟာ..သားကြီး ၊ မင်းဘယ်လိုဖြစ်လာတာလဲ ၊ အဖေတို့စိတ်ပူနေတာကွ ၊ မင်းဈေးရောင်းသွားပြီးပြန်မလာတာ ၊ သတင်းလဲမကြား ဘယ်စုံစမ်းရမှန်းလဲမသိနဲ့ မင်းအမေဆို နေ့ရှိသရွေ့မင်းအတွက်မျက်ရည်ကျနေတာ ၊ ညညလဲမအိပ်ဘူး၊ မင်းပုံစံကလူနဲ့တောင်မတူဘူး ၊ မင်းဘယ်တွေသွားပြီးဘာတွေဖြစ်လာတာလဲ၊အဖေ့ကိုပြောစမ်း” ဆိ်ုတော့ ကျွန်တော်လဲဖြစ်ခဲ့တာအလုံးစုံ အဖေ့ကိုပြောပြပါတယ်။
အဖေက တောက်ခေါက်ပြီး “လူမဆန်လိုက်တာကွာ ၊ အေးလေ ..ပြီးခဲ့တာပြီးပြီပေါ့ ၊ သူတို့အုပ်ချုပ်နေတာပဲ ၊ ဥပဒေရှိတာမှမဟုတ်တာ ၊ ဘယ်မှလဲတိုင်ရတာမှ မဟုတ်ပဲ ၊ ငါ့သားနေပြန်ကောင်းလာအောင်သာကြိုးစား ၊ မင်းပုံကအားမရှိဘူး ၊ အစားတခုခုစားလိုက်ဦး”ဆိုပြီး လ္ဘက်ရည်နဲ့မုန့်မှာကျွေးပါတယ် ၊ ဒါပေမဲ့ ကျွန်တော့ဝမ်းက အစာလက်မခံပါဘူး ၊ စားတာတွေအကုန်ပြန်အံပါတယ် ၊ အဖေက သားဘယ်လိုဖြစ်တာလဲ ၊ ဖြည်းဖြည်းချင်းကုန်အောင်စားလိုက်လေတဲ့ ၊့  သားဘယ်လိုမှမစားနိုင်ပါဘူးအဖေရယ်ဆိုတော့ မဖြစ်သေးပါဘူး ၊ ဆေးခန်းပြမှပါဆိုပြိး ဆိုင်ပိတ် ဆိုက္ကားငှားပြီးကျွန်တော့ကို အိမ်ခေါ်သွားပါတယ် ၊ အဖေက အိမ်ရှေ့ကနေ အမေ့ကို ဟေ့ဒီမှာ ဘယ်သူပြန်ပါလာလဲလာကြည့်ပါဦးကွ ၊ ဒီမှာလာကြိုပါဦးဆိုတော့ အမေပြေးထွက်လာပြီး အကြာကြီးကြောင်ကြည့်နေပါတယ် ၊ ပြီးတော့ကျွန်တော့ကိုဖက်ပြိး ချုန်းပွဲချငိုတော့တာပါပဲ ၊ အဖေက ကဲပါကွာ..မင်းသားပြန်ရောက်လာပြီပဲ ၊ငိုမနေပါနဲ့တော့ ၊ ကလေးလဲဖျားလာတာ နားပါစေဦး ၊ ငါအပြင်သွားလိုက်ဦးမယ် တဲ့ ၊ အမေက အရိုးပေါ်အရေတင်ဖြစ်နေတဲ့ကျွန်တော့ကိုယ်ကို ရေအေးနဲ့ရေနွေးစပ်ပြီး ရေပါတ်တိုက်ပေးအ၀တ်လဲပေးလုပ်ပေးပြီး နားနေခိုင်းပါတယ် ၊ ညနေအဖေပြန်လာတော့ ပိုက်ဆံနဲနဲပါလာပြီး အမေ့ကို ရော့ ကလေးကိုဆေးခန်းသွားပြပေးလိုက်တဲ့ ၊ ငါဆိုင်ပြန်ထွက်မှပါဆိုပြိး ပြန်ထွက်သွားပါတယ် ။
အမေကဆိုက္ကားတစ်စီးငှားပြီး ကျွန်တော့ကိုဆေးခန်းလိုက်ပို့ပေးပါတယ် ၊ ဆရာဝန်ကိုဖြစ်ကြောင်းရယ်ကုန်စင်ပြောပြပြီးတဲ့အခါ ၊ ဆရာဝန်ကလဲစမ်းသပ်ပြီးတဲ့အခါ အမေ့မှာပါတဲ့ပိုက်ဆံလေးနဲ့မလောက်အောင် ကုန်ကျမှာဖြစ်နေပါတယ် ၊ သနားတတ်တဲ့ဆရာဝန်မို့ ပါသလောက်ပဲယူပြီး ဆေးထိုးပေး သောက်ဆေးတွေပေး လုပ်ပါတယ် ၊ ဒီလိုနဲ့ ဆေးခန်းတွေပြောင်း ဆရာဝန်အများကြီးကိုအသနားခံလုပ်ပြီး သုံးလေးလနေတော့မှ ပြန်ကျန်းမာပါတယ် ၊ နဲနဲလေးပြန်ကောင်းလာတာနဲ့ ဆေးကုဘို့တင်ခဲ့တဲ့ကြွေးတွေအတွက် ၊ မိသားစုအတွက် အလုပ်ပြန်လုပ်ရပါတော့တယ် ။
ပထမတော့ ရပ်ကွက်ထဲကမုန့်လုပ်တဲ့အိမ်မှာ လခစားဝင်လုပ်ရင်း ညဘက်ကိုဆိုက္ကားနင်းပါတယ် ၊ နောက်ပိုင်းတော့ဆိုက္ကားပဲတနေကုန်နင်းပါတော့တယ် ၊ ကိုယ်ဘာသာ ဆိုက္ကားလေးရိုးသားစွာနင်းစားနေတော့လဲ သူတို့နဲ့မလွတ်ပါဘူး ၊ ရဲက သတင်းပေးလုပ်ပေးရမယ် လုပ်လာပါတယ် ၊ ဆိုက္ကားနင်းရင်း ပြေးလေးပြေး သတင်း ၊ မူးယစ်ဆေးဝါးသတင်း ၊ နိုင်ငံရေးလုပ်သူများသတင်း ၊ နှလုံးထီဒိုင် ၊ ဘောလုံးပွဲလောင်းကစားဒိုင်သတင်း ၊ ဘာပဲဖြစ်ဖြစ် ဆိုက္ကားနင်းရင်း ရတဲ့သတင်းစု ပေးဘို့ခိုင်းတာပါပဲ ၊ တနေ့ ရ၀တဥက္ကဌကလှမ်းခေါ်ပြီး ရပ်ကွက်အရံမီးသတ်လုပ်ဘို့ပြောပါတယ် ၊ “မလုပ်ချင်ပါဘူးဥက္ကဌရယ်” ပြောတာမရပါဘူး ၊ “မင်းအတွက် လဲအဆင်ပြေစေရမှာပါကွ”ဆိုပြီးအတင်းပြောနေတာနဲ့ မလုပ်လဲရမှာမဟုတ်တာကြောင့် ရပ်ကွက်အရံမီးသတ်ဖြစ်ခဲ့ရပြန်ပါတယ် ။
အဲဒီမှာ ဒုက္ခရောက်ရပြန်တာပါပဲ ၊ ကိုယ့်မိသားစုအလုပ်ကိုယ်မလုပ်ရတော့ပဲ မီးစစ် ၊ ဧည့်စာရင်းစစ် ၊ ဘာလုံခြုံရေးတာဝန်မှန်းမသိတာတွေလုပ် ၊ ရဲတွေနဲ့ လှည့်ကင်းလိုက် ၊ သန့်ရှင်းရေး ၊ လုပ်အားပေးဆိုတာတွေလဲပါသေး ၊ နေ့တိုင်း ရဲကင်းမှုးတပ်ကြပ်ကြီးခိုင်းတဲ့ အရက်ဆိုင် ၊ ဓါတ်ဆီမှောင်ခိုဆိုင် ၊ နှလုံးထီဒိုင် ၊ ဘောလုံးပွဲလောင်းတဲ့ဒိုင် ၊ တည်းခိုခန်းတွေဆီက ဆက်ကြေး(လိုင်းကြေး)လဲ သွားတောင်းပေးရဆိုတော့ ကိုယ့်အတွက် ဘယ်အချိန်သွားလုပ်တော့မလဲ ၊ တနေ့ တနေ့ ခွဲတမ်းလိုလို မုန့်ဖိုးလိုလိုရတဲ့ လေးငါးရာနဲ့ ဘာမှလုပ်မရဘူး ၊ သူတို့ကျတော့ ရသမျှအကုန် မယားကြီးမယားငယ်ခွဲပေးနေတာ ၊ရဲမြို့နယ်မှုးကို တစ်သိန်းခွဲ ၊ စခန်းမှုးကိုတစ်သိန်း ၊ အပိုင်ဒုရဲအုပ်နယ်ထိန်းကို တစ်သိန်း ၊ ရဲကင်းမှုးနေရာချထားပေးတဲ့အတွက် တပ်ကြပ်ကြီးက လစဉ်ပေးနေရပါတယ်တဲ့ ၊ ရ၀တ ဥက္ကဌတွေကိုလဲ ခွဲတမ်းပေး ဘီယာတိုက်ရသေးသလို အောက်ကရဲ ၊ မီးသတ်တွေကိုလဲ မျှကျွေးနေရတာမို့ နားလည်ပေးကြပါဆိုပြီး တနေ့ဝင်ငွေ လေးငါးသောင်း ထဲက လေးငါးရာလေးပဲပေးပြီး ခိုင်းပဲခိုင်းတတ်ကြတာပါ ။
ရပ်ကွက်ထဲကလူတွေက မျက်စေ့နောက်လာပြီး မခေါ်ချင်မပြောချင်ဖြစ်လာတာကလွဲရင် ကျွန်တော့အတွက် ဘာမှအကျိုးမရှိတာကြောင့် မီးသတ်ထဲကပြန်ထွက် ဘို့စိတ်ကူးပြီး ဥက္ကဌကိုပြောလိုက်ပါတယ် ၊ ဥက္ကဌက “ မင်းက ရပ်ကွက်အတွက် ဒီလောက်လေးမှမလုပ်ချင်ဘူးလား ၊ ဒီလောက်မှမလုပ်ချင်ရင် ဒီရပ်ကွက်ထဲ မနေနဲ့ ၊ မင်းကိုလဲ ပေးကျွေးနေတာပဲတဲ့” တဲ့ ၊ “ဘာမှပေးကျွေးနေတာမဟုတ်ဘူး ၊ ဘာရပ်ကွက်အတွက်မှလဲမဟုတ်ဘူး ၊ ဘာခံစားခွင့်မှမရှိပဲ ကျွန်တော်တို့ပဲ ငတ်နေတာ” ပြောတော့ စကားတွေများကြရော ၊ မင်းငါ့အကြောင်းသိမယ်တဲ့ ၊ ကျွန်တော်လဲ ထပြန်လာတာပေါ့ ၊ ည(၇)နာရီလောက်ကျတော့ ရ၀တရုံးက တယောက်ရောက်လာပြီး ရုံးကို ခုလိုက်ခဲ့ပါတဲ့ ၊ ဘာကိစ္စလဲဆိုတော့ ရုံးရောက်ရင်သိမှာပေါ့တဲ့ ၊ ရုံးလဲရောက်ရော ရဲနှစ်ယောက်က ကျွန်တော့ကို လက်ထိပ်ခတ် တာခံလိုက်ရရော ၊ ဘာဖြစ်လို့ခတ်တာလဲဆိုတော့ “မင်းက စစ်ပြေးဆိုတာ ငါတို့သိတယ် ၊ ငါတို့အတွက်မလုပ်ပေးချင်မှတော့ မင်းထောင်ထဲမှာသာနေပေါ့ကွာ”တဲ့၊ ဘယ်လိုမှတောင်းပန်လို့မရပဲ ကျွန်တော့ကိုအချုပ်ထဲ ထည့်လိုက်ပါတယ် ။
နောက်နေ့ကျတော့ လသာအချုပ်ကိုပို့ပါတယ် ၊ လသာအချုပ်မှာ တစ်ပါတ်နေပြီးတော့ လေတပ်ကတပ်ထိမ်းကားတစ်စီးနဲ့ ကျွန်တော့ကိုလာခေါ်ပါတယ် ၊ ကား ပေါ်မှာ ကျွန်တော်လိုစစ်ပြေး ၃ယောက်ပါ ပါသေးတယ် ၊ ပြီးတော့ ရဲစခန်းတွေဝင်ပြီးခေါ်တာ စစ်ပြေး ၉ယောက် ဖြစ်သွားပါတယ် ၊ ပြီးတော့ သမိုင်းက အမှတ်-၃ တပ်မတော်တပ်ထိမ်းကိုပို့လိုက်ပါတယ် ၊ အဲဒိမှာ ကျွန်တော်တို့ကို နာမည်မေး ၊ ကိုယ်ပိုင်နံပါတ်မေး ၊ တပ်ရင်းမေးပြီး မှောက်ခိုင်းပြီးဆယ်ချက်စီရိုက်ပါတယ် ၊ အ၀င် ဆယ်ချက်အထွက်ဆယ်ချက် ထုံးစံလုပ်ထားပါသတဲ့ ၊ အဲဒီမှာ အချုပ်ခန်း၇ှစ်ခန်းရှိပြီး အခန်းတိုင်းမှာ အမှုမျိုးစုံနဲ့ရဲဘော်တွေ ရှစ်ယောက်ကိုးယောက်စီ ရှိနေ ပါတယ် ၊ အဲဒီအချုပ်မှာ နေ့တိုင်းမနက်၇နာရီကနေ ညနေ၅နာရီထိ ထမင်းစားချိန်ကလွဲရင်မနားတမ်းအလုပ် လုပ်ရပါတယ် ၊ ကျွန်တော်က စိုက်ခင်းတွေ ရေ လောင်းရပါတယ် ၊ တစ်လထားပြီးတော့မှ အမှတ်(၁)စစ်ကြောရေးတပ်ကိုပို့လိုက်ပါတယ် ၊ ပြန်ထွက်တော့လဲ မှောက်ပြီးဆယ်ချက်ရိုက်ခံပြီးမှ ကားပေါ်တက် ရပါတယ် ။
အမှတ်(၁)စစ်ကြောရေးရောက်တော့လဲ ဒီလိုပဲ အရိုက်ခံရပြန်တာပါပဲ ၊ အလုပ်တွေလုပ်ရပြန်တာပါပဲ ၊ အဲမှာက ညဘက်ပါ အလှည့်ကျကင်းစောင့်ရပါသေးတယ်၊ ပုံစံပေးထားတာတဲ့ ၊ ကင်းအမှတ်စဉ်အော်လို့ တိုးရင်လဲအရိုက်ခံရပါတယ် ၊ စကားသံကျယ်တယ်ဆိုပြီးလဲ အရိုက်ခံရပါတယ် ၊ ရှိသမျှ အမေနှမအမတွေ ကိုင်တုတ် ပြီးလဲ အဆဲခံရပါတယ် ၊ ဆိုးတဲ့ကင်းမှုးက တမျိုးမဟုတ်တမျိုးအပြစ်ရှာပြီးရိုက်သလို မူးတဲ့ကင်းမှုးကလဲ တမျိုးမဟုတ်တမျိုးရစ်ပါတယ် ၊ တစ်လခွဲလောက် အချုပ် ခံထားရပြီးမှ ကျွန်တော့ကိုအမှုစစစ်ပါတယ် ၊ အဲဒီမှာ ကျွန်တော်အရမ်းအံ့သြသွားရပါတယ် ၊ အမှုစစ်တဲ့တပ်ရင်းမှုး (ဒုဗိုလ်မှုးကြီး)ပြောတာကြည့်လေ ၊ မင်းက ခွင့်မဲ့ဖြစ်တာမကြာသေးဘူးဆိုတော့ ပြန်လုပ်လိုက် ၊ ဒါဆိုတပ်အချုပ်လောက်ပဲကျမယ် ၊ ပြန်လုပ်မလားတဲ့ ၊ ဟာမဟုတ်ဘူးအဘ ၊ ကျွန်တော် ခုအချုပ်ထဲ ရောက်တာတောင် သုံးလရှိတော့မယ် ၊ ပြေးခဲ့တာလဲ တနှစ်လောက်ရှိပါပြီခင်ဗျာလို့ပြောလိုက်တော့ အဲဒါတွေပြောမနေနဲ့ ၊ ဒီမှာ မင်းမှတ်တမ်းမှာ ခွင့်မဲ့ပျက် ကြေငြာထားတာ တစ်လကျော်လောက်ပဲရှိသေးတယ် ၊ အရေးကြီးတာက မင်းပြန်လုပ်မလုပ်စဉ်းစားဘို့ပဲ ၊ မင်းအရင်တပ်မှာမလုပ်ချင်ရင် ငါတပ်ပြောင်းပေးမယ် ၊ ခုတပ်မတော်မှာ လစာတွေလဲတိုးနေပါပြီကွ ၊ မင်းပြန်လုပ်သင့်တယ် ၊ စဉ်းစားထားကွာ ဆိုပြီးနောက်တပါတ်မှ အမှုပြန်စစ်ဘို့ ပြန်ချိန်းလိုက်ပါတယ် ။
အချုပ်ထဲပြန်ရောက်တော့ အတူနေသူတွေက အခြေအနေ၀ိုင်းမေးကြပါတယ် ၊ ကျွန်တော်ပြန်ပြောပြတော့ အားလုံးက “အဲဒါပေါ့ကွ ၊ နိုင်ငံတော်ကို ချစ်ချင်ယောင် ဆောင်ပြီးခိုးနေကြတယ်ဆိုတာ ၊ ငါတို့တပ်ကထွက်ပြေးတယ် ၊ ပြဿနာတက်မှာစိုးတော့ ဘယ်သူမှပြေးပြီစာရင်းမပြပဲ ငါတို့လစာတွေ ၊ ရိက္ခာတွေ ၊ ခံစားခွင့်တွေ ကို နှစ်နဲ့ချီထုတ်စားနေတာ ၊ ခုမိလာပြီ ပြဿနာပေါ်ပြီဆိုမှ တစ်လဘက်ဒိတ်လေးပြပြီး ခွင့်မဲ့ပျက်ကွက်လုပ်တာ ၊ ဒါ အရာရှိတွေတတ်တဲ့ ငါတို့ကိုနင်းပြီးခိုးစားတဲ့ နည်းတွေအများကြီးထဲက တနည်းပဲရှိသေးတယ် ၊ ရှေ့တန်းမှာ သေစရာရှိငါတို့ပဲသေတာ ၊ ချမ်းသာတော့ သူတို့အရာရှိတွေပဲချမ်းသာနေတာ ၊ ဘယ်ရဲဘော်မှ ပြောင်ပြောင်ယောင်ယောင်မရှိဘူး ၊ အရာရှိတွေချမ်းသာဘို့ ငါတို့ကလှေကားထစ်လုပ်ပေးမနေတော့ဘူးကွာ” ပြောကြပါတယ် ၊ ထောင်ကျမှာစိုးလို့ ချီတုံချတုံ ဖြစ်နေတဲ့ကျွန်တော် ရဲဘော်ကြီးတွေပြောတာစဉ်းစားပြီး ပြတ်ပြတ်သားသားပဲဆုံးဖြတ်လိုက်ပါတယ် ၊ “ထောင်ပဲအကျခံတော့မယ် ၊ အသေမခံတော့ဘူး” ။
ဒီလိုနဲ့ နောက်တပါတ်ပြန်စစ်တဲ့အခါ ကျွန်တော်က ပြန်မလုပ်တော့ဘူးဆိုတာပြောပါတယ် ၊ ဗိုလ်မှုးကလဲ ပြန်စဉ်းစားပါဦး အကြိမ်ကြိမ်ပြောပါတယ် ၊ နောက်ဆုံး ဘယ်လိုမှပြန်စည်းရုံးလို့မရတော့ဘူးဆိုတဲ့အချိန်မှာ အသက်(၁၆)နှစ်ဝန်းကျင်သာရှိတဲ့ကျွန်တော့ကို ထောင်(၁)နှစ်ချလိုက်ပါတော့တယ် ၊ ငယ်ငယ်ရွယ်ရွယ်နဲ့ ဘ၀ဒါဏ်ရာတွေအများကြီးရခဲ့ရတဲ့ ကျွန်တော့အသိမှာ စစ်တပ်ဆိုတာ ဥပဒေကို လိုတမျိုးမလိုတမျိုးလုပ်တတ်တယ်ဆိုတာ စွဲစွဲမြဲမြဲမှတ်သားမိလိုက်ပါတယ် ။
အင်းစိန်ထောင်ရောက်တော့ ပထမတော့ (၄)ဆောင်ပုံစံခန်းမှာနေရပါတယ် ၊ တပါတ်လောက်နေပြီးတော့ ထောင်ဆေးရုံမှာဆေးစစ်ပြီးတော့ အသက်မပြည့်ဘူး ၊ ကလေးဆိုပြီး (၃)ဆောင်ခလေးခန်းကို ပို့လိုက်ပါတယ် ၊ ကလေးတွေထဲမှာ ကျွန်တော်က လူကောင်ကြီးအသက်ကြိးဖြစ်တာကြောင့်ရော စစ်သားဖြစ်တာကြောင့် ရော ဗာရာ(တန်းစီး ၊ ပုံစံပြ၊ တောင်ယာ ၊ မလ္လာ ၊ ရေကန် ၊ ဖိုကြိး ဘုတ်ကိုင်စတဲ့ ထောင်ဝါဒါကို အုပ်ချုပ်မှုပိုင်းကူရတဲ့ အကျဉ်းသားတွေထဲက အငယ်ဆုံးရာထူး) လုပ်ရပါတယ် ၊ ကျွန်တော်က ညစောင့်ဗာရာပါ ၊ အင်းစိန်ထောင်မှာ ခွန်နှစ်လနေပြီးတော့ မိတ္ထီလာထောင်ကို တခြားအကျဉ်းသား၂၀၀လောက်နဲ့အတူ ပြောင်းရပါ တယ် ၊ မတ္ထီလာထောင်မှာ သုံးလလောက်နေပြီး ထောင်လျှော့ရက်၂လလောက်ရတာကြောင့် ကျွန်တော်ပြန်လွတ်ခဲ့ပါတယ် ။ ထောင်ကပြန်လွတ်လွတ်ချင်း တောင် မိတ္ထီလာမှာ စစ်သားတယောက်က ညီလေးစစ်ထဲဝင်မလား လာလုပ်နေပါသေးတယ် ၊ ထောင်လွှတ်လက်မှတ်ပြပြီး ခုပဲစစ်ပြေးမှုနဲ့ထောင်ကထွက် လာတာဆိုမှ ပြန်လှည့်ထွက်သွားပါတယ် ၊ ဘာကြောင့်များ ဒီလောက် အဓမ္မစစ်သားစုချင်နေရတာလဲဗျာ…။
အိမ်ပြန်ရောက်တော့ အမေက ကျွန်တော့စိတ်နဲ့ အိပ်ယာထဲလဲနေပါတယ် ၊ ကျွန်တော့ကိုတွေ့တော့အမေ ထုံးစံအတိုင်းငိုပါတယ် ၊ ကျွန်တော်က အမေမငိုနဲ့ ၊ ကျွန်တော်ယောက်ကျားပဲ ၊ ဘာမှမဖြစ်ဘူးအမေ့ကိုပြောတော့ အမေက ငါ့သားလေးငယ်ငယ်လေးနဲ့ကံဆိုးရှာလိုက်တာနော်တဲ့ ၊ အဲဒီတုံးက အမေ့ကို ဘာမှပြန်မ ပြောဖြစ်ခဲ့ပေမဲ့ ခုနေအသိမျိုးသာရှိခဲ့ရင် ပြန်ပြောမိခဲ့မှာ “အမေရယ် ..ကျွန်တော် ကံဆိုးတာမဟုတ်ပါဘူး ၊ စနစ်ဆိုးထဲက သားကောင်တယောက်ဖြစ်ရတာပါ ၊ ဘာရာဇ၀တ်မှုမှလဲမကျူးလွန် ဘယ်သူ့အပေါ်မှလဲမကောင်းမလုပ်ရပဲ ကျွန်တော့ဘ၀ဒီလိုတွေတွေ့ကြုံခဲ့ရတာ ၀ဋ်မဟုတ်ဘူးအမေ ၊ စစ်ဗိုလ်ချုပ်တွေကိုယ်ကျိုး ရှာဘို့ ချနင်းခံရတဲ့ အပြစ်မဲ့ပြည်သူမြောက်များစွာထဲ ကျွန်တော်လဲအပါဝင်ဖြစ်ခဲ့တာပါအမေရယ် ”…လို့ ။
ကျွန်တော်ပြန်ရောက်တဲ့နေ့ကစပြီး အမေထူထူထောင်ထောင်ပြန်ဖြစ်လာပါတယ် ၊ ကျွန်တော်လဲဘ၀ရပ်တည်ရေးအတွက် ဆိုက္ကားနင်းရပြန်ပါတယ် ၊ လူတွေ ကလဲ စစ်ထွက် ထောင်ထွက်ဆိုပြီးမခေါ်ချင်မပြောချင်ကြဘူး ၊ ဘ၀ကြီးစိတ်ပျက်စရာပါဗျာ ၊ ကိုယ်ကျူးလွန်ရတာလဲမဟုတ်ပဲ စစ်ထဲထောင်ထဲတွေရောက်ခဲ့ရတာ၊ လူတွေက နားလည်မပေးနိုင်ကြပါဘူး၊ အဖြစ်မှန်သေချာသိကြရရင်တော့ ဘယ်လိုနေမလဲပဲ ။
ကံဆိုးမသွားရာမိုးလိုက်လို့ရွာတဲ့ ၊ ကျွန်တော့ဘ၀ကလဲ ပြဿနာနဲ့ကင်းကင်းကိုမနေရပါဘူး ၊ တနေ့ဆိုက္ကားနင်းနေရင်းလှည့်ကင်းပတ်လာတဲ့ ရဲစက်ဘီးနဲ့ ကျွန်တော့်ဆိုက္ကားမတော်တဆငြိရော ၊ ကျွန်တော်ဆင်းတောင်းပန်တာကိုမရပဲ ဆဲဆိုပြီးလှိမ့်ထိုးလာရော ၊ အသားနာလာတော့ကျွန်တော်လဲ ဘယ်လိုမှသီးမခံနိုင် တော့ပဲ ဆိုက္ကားမှာညရေးညတာဆောင်ထားတဲ့တုတ်နဲ့ရိုက်ပလိုက်ရော ၊ ပြီးတာနဲ့ အုံနာအိမ်နင်းပြေးဆိုက္ကားအပ်ပြီး ညတွင်းချင်းပြေးတာပဲ။ ဗိုလ်တထောင်ဘုရား မှာ ညအိပ်ပြီးမနက်ကျ ဘုရားရှေ့ကထွက်လာတော့ ရေတပ်ကအသိတယောက်နဲ့တွေ့လို့ အကျိုးအကြောင်းပြောပြတော့ သူက “ဒီလိုဆိုညီလေး တပ်ထဲသာ ပြန်ဝင်လိုက်တော့ ၊ မဟုတ်ရင်မင်းကွိုင်တက်မယ် ၊ ဒို့တပ်မှာတော့လူသတ်ပြီးပြေးလာတဲ့သူတောင်အေးဆေးပဲ ၊ မင်းစစ်တပ်ယူနီဖေါင်းသာဝတ်ထား ၊ ရဲလောက် ကိုပါးခေါ်ရိုက်လို့ရတယ်”တဲ့ ၊ကျွန်တော်လဲ ဖြစ်ချင်ရာဖြစ်လတ်တလောဘေးကင်းပြီးရောဆိုပြီး “အဖမ်းမခံရရင်ဝင်မယ်ဗျာ”ဆိုတော့ ငါနဲ့လိုက်ခဲ့ဆိုပြီးခေါ်သွားတာ သံလျှက်စွန်းရေတပ်ဝန်းအပြင်ကလဘက်ရည်ဆိုင်တစ်ဆိုင်ကိုရောက်သွားပါရော ၊ အဲဒီမှာ သူကကျွန်တော့ကိုအသက်တွေ ၊ အတန်းတွေ မေးပါတယ် ၊ စာတရွက် နဲ့လိုက်မှတ်ပါတယ် ၊ အဲဒီအချိန် ကျွန်တော့အသက်က ၁၈နှစ်ပြည့်ဘို့လိုနေပါသေးတယ် ၊ သူကအသက်ကို ၁၈ ပြည့်ပြီးပြီပြော ၊ ပညာအရည်အချင်းကို ခုနှစ်တန်း လို့ပြောသင်ပေးပါတယ်၊ ပြီးတော့သူရေးထားတဲ့စာရွက်ပေါ်လက်မှတ်ထိုးခိုင်းပြီး ရေတပ်စုဆောင်းရေးကအရာရှိတယောက်(ဗိုလ်ကြီးထင်ကျော်)နဲ့ ၀င်တွေ့ပါတယ်၊
အဲဒီဗိုလ်ကြီးဆီက လက်မှတ်တစောင်သူ့ဘာသာလုပ်လာပြီး ရေတပ်ဆေးရုံမှာ ကျွန်တော့ကိုဆေးသွားစစ်ပါတယ် ၊ ပေါင်မပြည့်ဘူး ၊ ပြီးတော့ဆေးကျပါတယ် ၊ သူကဘာမှမပူနဲ့ပြောပြီး ပိုက်ဆံဝင်ပေးတော့ ဆေးအောင်သွားပါတယ် ၊ ပြီးတော့တပ်တွင်းသက်သာဆိုင်ကိုခေါ်သွားပြိး ကျွန်တော့ကိုဆံပင်ညှပ်ခိုင်းထားပါတယ် ၊ ပြီးရင်လဘက်ရည်ဆိုင်ကိုလိုက်လာခဲ့ပြောပြီးထွက်သွားပါတယ် ။
အမှန်က ကျွန်တော်နောက်တစ်ကြိမ်ထပ်ရောင်းစားခံရတာပါ ၊ သူကကျွန်တော့အရင်သွားပြီး ဈေးသွားဖွင့်နေတာပါ ၊ ဆေးအောင်ပြီးသား ၊ အသက်လဲ ပြည့်တယ်၊ခုနှစ်တန်းတတ်တယ် ၊ စီဂရုထားလို့ရတယ်ဆိုပြီးဈေးဖွင့်နေတာပါ ၊ ကျွန်တော့ကိုတပ်ထဲသွင်းဘို့ သူကလေးသောင်းခွဲတောင်းတာ လေးသောင်းနဲ့ဈေး တည့်သွားပါတယ် ၊ လဘက်ရည်ဆိုင်မှာ သူနဲ့စကားပြောတဲ့သူတွေ(ရေတပ်စုဆောင်းရေးတာဝန်ယူထားသူတွေပဲ)နဲ့ ပြိးရင်လိုက်သွားလိုက်တော့ဆိုပြီး သူထွက် သွားပါတယ် ၊ လဘက်ရည်ဆိုင်မှာထိုင်နေတုန်းပဲ တပ်ကြပ်ကြီးတယောက်ထပ်ဝင်လာပါတယ် ၊ ကျွန်တော်နဲ့အတူရှိနေသူတွေက “ဆရာကြီး ၊ ဒီမှာတယောက်ရှိ တယ် ၊ ယူမလား ”မေးလိုက်ပါတယ် ၊ ကျွန်တော့အချက်အလက်တွေကိုကြည့်ပြီး တပ်ကြပ်ကြီးက “မင်းတို့ဘယ်လောက်နဲ့ယူလိုက်တာလဲ”မေးပါတယ် ၊ “ကျွန်တော်တို့လေးခွဲနဲ့ခေါ်ထားတာ ၊ ဆရာကြီးယူမယ်ဆို ငါးသောင်းတော့ပေး”ဆိုပြီးပြန်ပြောရာက တည့်သွားတော့ အဲဒီဆရာကြီးနဲ့လိုက်သွားလိုက်တော့ဆိုပြီး လွှဲလိုက်ပါတယ် ၊ သေချာစဉ်းစားကြည့်ရင် ပြည့်တန်ဆာမကို ခေါင်းတွေ အငှားထည့်ချိန်ဈေးစကားပြောနေသလိုပါပဲ၊မတတ်နိူင်ဘူလေ ၊ ကိုယ့်အကြောင်းနဲ့ကိုယ် ဆိုတော့လဲ ငြိမ်နေပြီး ခေါ်ရာလိုက်ခဲ့ရတာပါပဲ ။
ဆရာကြီးနဲ့လိုက်သွားပြိး သံလျှက်စွန်းရေတပ်စစ်သားစုဆောင်းရေးမှာ တစ်လလောက်နေရပါတယ် ၊အဲဒီမှာ စုဆောင်းခံထားရသူ ၁၁ယောက်ရှိပါတယ် ၊ အသက်
မပြည့်သေးတဲ့သူ ၃ယောက်ရှိပါတယ် ၊ ကျွန်တော်နဲ့ ၁၂ ယောက် အဲဒီမှာရှိတဲ့တပ်ရံပုံငွေဆိုတဲ့ခေါင်းစဉ်နဲ့လုပ်နေတဲ့ အုန်းဆီစက်မှာအလုပ်လုပ်ရပါတယ် ၊ ၀င်းသူဇာဆိုင်တွေကိုလိုက်ဖြန့်တဲ့ အုန်းဆိဗူးတွေကို ပါကင်လုပ်ပေးရပါတယ် ၊ စုဆောင်းရေးမှာရှိနေထဲက ကိုယ်ပိုင်နံပါတ်ကျပြီး ယာယီရေးတစ်ရာကဒ် (အဖြူ) ထုတ်ပေးထားပါတယ် ၊ ကိုယ်ပိုင်အမှတ် ရေ/၃၅၈၈၁(ပည၉၄)ပါ ၊ ပြီးတော့ ဟိုကဒီကစုလာတဲ့ရဲဘော်သစ် ၂၄၀ နဲ့ အမှတ် ၁ လေ့ကျင့်ရေးသင်တန်းကျောင်း (ဖေါင်ကြီး) ကိုပို့လိုက်ပါတယ် ၊ အဲဒီမှာရောက်ရောက်ချင်းတန်းစီိတော့ ရဲပြေးစစ်ပြေးပါရင်လက်ထောင် ၊ ဘာမှမလုပ်ဘူး ၊ တာဝန်ပေးဘို့သက်သက်ပဲ ၊ ခုမပြောပဲ နောက်မှ သိရင်တော့အရေးယူခံရမယ်ပြောပါတယ် ၊ လူ၃၀လောက်လက်ထောင်ကြပါတယ် ၊ ကျွန်တော်ကမထောင်ပဲ ငြိမ်နေလိုက်ပါတယ် ၊ လက်ထောင်တဲ့ စစ်ပြေးတွေရဲပြေးတွေကို တကယ်လဲအရေးမယူပါဘူး ၊ စစ်သင်တန်းတောင်မတက်ခိုင်းတော့ပဲ စားဖိုဆောင်ပို့တာ ၀ါးခုတ်ခိုင်းတာလုပ်ပါတယ်(ရတဲ့ဝါးကို သင်တန်းဆရာတွေနဲ့သင်တန်းမှုးရောင်းစားတာပါ) ၊ ကျွန်တော်တို့သင်တန်းက အပါတ်စဉ် ၅/၂၀၀၄ ပါ ၊ ကျွန်တော်က ခွဲ၂ ၊ တပ်စု၃ ၊ ဒုတပ်စုမှုးပါ ၊ ပထမသင်တန်းကျောင်းကလိုပါပဲ ၊ အလုပ်လုပ်လိုက် ၊ စစ်ပညာသင်လိုက် ၊ ပြေးတဲ့ကောင်ကိုရိုက်လိုက်ပါပဲ ၊ အရင် တိုင်းဗိုလ် ၈ ထက်တောင်ရက်စက်တယ်ထင် ရပါသေးတယ် ။ လေးလခွဲသင်တန်းပြီးတော့ ပညလာခွဲပြီး အေဂရုဘီဂရုစီဂရု လာခွဲပါတယ် ၊ ပည ကအဲဒီတော့မှရတာပါ ၊ ကျွန်တော်က ပည၉၄ ယာဉ်မောင်း သင်တန်းရတာပါ ၊ အဲဒီကနေ သီလ၀ါဆိပ်ကြီးက ရေတပ်သင်တန်းကျောင်းမှာ ရေကျွမ်းသင်တန်းတစ်လတက်ရပါတယ် ၊ ပြိးတော့ အဲဒိကနေ ရွှေဘို တထပ(၂) ကို အယောက် ၃၀ ယာဉ်မောင်းသင်တန်း သုံးလခွဲသွားတက်ရပါတယ် ။ သင်တန်းဆင်းတော့ ဧရာဝတီရေတပ်စခန်းဌာနချုပ် ၊ ရေတပ်ပင်မပစ္စည်းထိမ်းတပ် (ရပပ)ကိုပြန်ရောက်လာပါတယ် ။
သင်တန်းမတက်ခင်က သင်တန်းဆင်းရင် ခွင့်တစ်လဆီရမယ်ပြောပေမဲ့ တကယ်တန်းကျတော့ တနသာင်္ရီရေတပ်စခန်းဌာနချုပ်(တရခ)ကို တိုင်းပြောင်းပါတယ် ဆိုပြီး ခွင့်တပါတ်ပဲပေးလိုက်ပါတယ် ၊ ခွင့်ကနေပြန်ရောက်တော့ လမ်းတင် FiveStar ဂိတ်ကိုခေါ်သွားပြီး လကုန်ရက်ထုတ်ရမဲ့လစာကိုထုတ်မပေးပဲ ပို့ပေးလိုက် မယ်ပဲပြောပါတယ် ၊ လမ်းမှာတာဝန်ခံခေါ်သွားတဲ့တပ်ကြပ်ကြီးက မင်းတို့မှာလစာတွေပါတာပဲဆိုပြီး လမ်းစရိတ်အတွက်ပေးလိုက်တဲ့ငွေကိုလဲထုတ်မပေးပဲဝိုက် ထားလိုက်တော့ လစာထုတ်ခဲ့တဲ့သူတွေက၀ယ်စားရပေမဲ့ ကျွန်တော်နဲ့နောက်တယောက်(လှမင်းစိန်)ကတော့ ၂ရက်နဲ့တနပ်ထမင်းငတ်ခဲ့ပါတယ် ။ တပ်သားဘ၀ ကတော့ နေရာတိုင်းအနိုင်ကျင့်ခံဘ၀တွေပါပဲ ။
တနသာင်္ရီရေတပ်စခန်းဌာနချုပ်ရောက်တော့ လေ့ကျင့်ရေးမှာစုငွေဆိုပြီးတစ်လနှစ်ထောင်ဖြတ်ထားတဲ့ငွေရော ၊ မထုတ်ခဲ့ရတဲ့လစာရော ပန်ကြားလွှာရေးပြီး တောင်းပါတယ် ၊ လှမင်းစိန်က လစာပါလာပေမဲ့စုငွေမပါလာပါဘူး ၊ ကျွန်တော်ကဘာမှမပါလာပါဘူး ၊ ထပ်ပြီးပန်ကြားလွှာတင်တော့ ဘယ်လိုလွဲလဲမသိဘူးဆိုတဲ့ မရေမရာအဖြေပဲရပြီး နှစ်လနေတော့ အမှတ်(၅၉)ရေတပ်ရှေ့တန်းစခန်း ၊ ပြင်စဘုကျွန်း ကိုရောက်သွားပါတော့တယ် ။ အဲဒီမှာ ပည(၁၄)လုံခြုံရေးတာဝန်ယူ ထားသူတွေက နောက်မှရောက်လာသူတွေကို ပညခွဲခြားပြီးနှိမ်ပါတယ် ။ အဲဒီအချိန်ကျွန်းစခန်းမှုးက ဗိုလ်မှုးစိုးလင်းအေးပါ ၊ ဗိုလ်ကြီးက နောက်ပိုင်းမန္တလေးစည် ပင်ပြောင်းသွားတဲ့ အောင်ဆန်းထွန်းပါ ၊ စခန်းတာဝန်ခံကဒုအရာခံဗိုလ် ဆရာကြီးခင်မောင်မြင့်(လက်ရှိမောရ၀တိရေတပ်စခန်းဌာနချုပ်/မော်လမြိုင်မှာ)၊ ဖြစ်ပါတယ် ၊ အဲဒီမှာ တပ်စုလေးစုခွဲထားပါတယ် ၊ ရန်နိုင်(ပင်လယ်ပြင်ထွက်တဲ့စစ်သဘောင်္) ၊ တပ်ရင်ကင်း ၊ဖက်ထိပ် ၊ ရေတပ်အခေါ်ဝပ်ကင်းဗာရီ ၊ အလှည့်ကျ လုပ်ရပါတယ် ။
ရေတပ်မှာနေတာကတော့ စားသာပါတယ် ၊ ကျွန်းတွေမှာသစ်ခိုးထုတ်တဲ့ သစ်စင်တွေလိုက်ဖမ်းပြီး ရတဲ့သစ်တွေေ၇ာင်းစားပါတယ် ၊ ခိုးလှေတွေဖမ်းတယ် ၊ ပိုက်ဆံကောက်တာလဲရှိတယ် ၊ မရရင်ပြေးရင်ပစ်မြှုတ်တယ် ၊ လှေဖမ်းမိရင် ရေတပ်စခန်းဌာနချုပ်ကိုမအပ်ပဲ စခန်းကလူတင်ဖြောင်လိုက်တာလဲရှိတယ် ၊ နိုင်ငံ တော်ကိုအအပ်ပြရင်လဲ အကုန်ဖြုတ်ယူထားပြီး အပ်တယ်အမည်ခံယုံအခွံပဲအပ်ပါတယ် ၊ ဘယ်လိုရှာရှာဝင်ငွေချည်းပါပဲ ၊ အရာရှိအဆင့်က တစ်လကို သိန်း၃၀ ကျော်ဝင်ငွေရှိပြီး ရဲဘော်တွေကတော့ ငါးသောင်းကနေ တစ်သိန်းနိးပါးလောက် အလျင်းသင့်သလိုအပိုငွေ ရပါတယ် ။ ၀င်ငွေရှိတဲ့နေရာမို့ ရဲဘော်တွေကရေရှည် နေချင်ရင် ဌာနချုပ်(ရေးရုံး)ကို ပိုက်ဆံပေးရပါတယ် ။
ကျွန်တော်ကသီိးသန့်လာဒ်မထိုးတော့ အဲဒီစခန်းမှာ ၁ နှစ်လောက်နေတော့ ဌာနချုပ်မှုးအဲဒီအချိန်ဗိုလ်မှုးချုပ် (အခု ဧရာဝတိရေတပ်စခန်းဌာနချုပ်မှုး ဗိုလ်ချုပ် ) ၀င်းရှိန် လာစစ်တော့ ၊ ယာဉ်မောင်းတွေများနေတယ်ဆိုပြီး ဌာနချုပ်မော်တော်ယာဉ်ကို အပြောင်းပါသွားပါတယ် ၊ အဲဒိမှာ ယာဉ်စက်ပြင်အကူလုပ်ရပြီး ဒုဗိုလ်မှုးကြိးတင်ဦး (AQ1)ကားကို တွဲဘက်မောင်းပေးရပါတယ် ၊ တစ်လကို စာရင်းမှာ ဆီကိုယ်တာ ၆ ဂါလံရပေမဲ့ တကယ်တမ်း ၂ ဂါလံပဲရပြီး G2က ဖြတ်အုပ် တာခံရပါတယ်၊ ကျွန်တော်တို့ကားသမားတွေကလဲ ကုန်းတက်ကနိုင်ငံတော်အတွက် ကုန်းဆင်းကကိုယ့်အတွက်ဆိုပြီး Free ပဲလှိမ့်ရိုက်ပြီး ရသလောက်ခိုးတာပါပဲ၊
အဲဒီမှာလဲ ၁ နှစ်နေရပြိး မိခင်တပ်ဖြစ်တဲ့ အမှတ် (၅၂)ရေတပ်ပစ္စည်းထိမ်းတပ် ပြန်ရောက်သွားပါတယ် ၊ အဲဒီမှာ ယာဉ်နောက်လိုက်နဲ့ပဲနေရပါတယ် ၊ တပ်မှုးကပဲ ဖြတ်အုပ်ထားတော့ အဲမှာတော့ ဘာခွဲတမ်းမှမရပါဘူး၊ အဲဒီကနေ ၁ နှစ်လောက်နေပြန်တော့ မလိကျွန်းကိုအပြောင်းပါသွားပြန်ပါတယ် ၊ ပထမတော့ ကျွန်းပါတ် လမ်းဖေါက်နေတဲ့လုပ်ငန်းခွင်အတွက် ကွန်ဒေါင်းလေးမောင်းရပါတယ် ၊ အဲမှာလဲ ရွာသားတွေကိုအတင်းအဓမ္မလုပ်အားပေးခေါ်ခိုင်းတာပါပဲ ၊ ရောက်ပြီး ၃ လ လောက်မှာ ကျွန်တော် ဒုတပ်ကြပ်ဖြစ်ပါတယ် ။
အဲဒိကနေ ၆၃ ကြိမ်မြောက် တပ်မတော်နေ့စစ်ရေးပြအခန်းအနားအတွက်ဆိုပြီး တော်လှန်ရေးပလိပ်လျှောက်ဘို့ တနသာင်္ရီရေတပ်စခန်းဌာနချုပ်ကနေတဆင့် ရန်ကုန်ကိုပို့လိုက်ပါတယ် ၊ ရန်ကုန်ရောက်တော့ ရေတပ်သဘောင်္ကျင်းကအဆောင်မှာနေပြီးလေ့ကျင့်ရပါတယ် ၊ ဒါပေမဲ့လူများနေလို့ဆိုပြိးအင်အားလျှော့တဲ့အထဲ မှာကျွန်တော်ပါသွားပြီး ဌာနချုပ်ကိုပြန်ရပါတယ် ၊ အဲဒီကနေ မလိကျွန်းပြန်ရောက်တော့ ရန်ကုန်ကိုအပြောင်းထွက်ထားတယ်လုပ်ပြန်ပါတယ် ၊ မင်းလိုက်လာတဲ့ သဘောင်္နဲ့ပြန်လိုက်သွားဆိုပြီးပြန်ထည့်ပါတယ် ၊ အဲဒီအချိ်န်လကုန်ဘို့၂ ရက်အလိုဆိုတော့ လစာထုတ်သွားမယ်ပြောတာမပေးလိုက်ပါဘူး ၊ ရန်ကုန်ရောက်တော့ တက္ကစီငှားပြီးအိမ်အရင်ပြန်သွားပြိး အဖေ့ဆိကပိုက်ဆံတောင်ပေးရပါတယ် ၊ နောက်နေ့မှ တပ်သွားသတင်းပို့ပါတယ် ။
ပင်မရေတပ်ပစ္စည်းထိန်းတပ်(ရပပ)မှာ .ယဉ်နောက်လိုက်လုပ်ရပါတယ် ၊ ခံပြင်းတာက ကိုယ့်ထက်အများကြီး Junior ကျတဲ့ ၄၀(ကိုယ်ပိုင်နံပါတ်အစ)က ကားတက်မောင်းနေရပြီး ကိုယ်ကနောက်လိုက်ပဲလုပ်နေရတာပါ ။ ဒါတောင် တပ်ကြပ်အတွက် စာရင်းပါနေပြီလို့ဖြစ်နေပြိးသားပါ ၊ တရားဝင်ကြေးနန်း မ၀င်သေး တာပဲရှိပါတယ် ၊ နာဂစ်မုန်တိုင်းဖြစ်တော့ အရာရှိနဲ့အရာခံတွေကိုကျတော့ ကိုယ့်အိမ်ပြင်ဘို့အိမ်ပြန်ခွင့်ပေးပြီး ကျွန်တော်တို့ကိုကျတော့ တပ်ပြန်လည်တည် ဆောက်ရေးလုပ်ရမယ်ဆိုပြိး အိမ်ပြန်ခွင့်မပေးပါဘူး ၊ ကျွန်တော့မှာ မိသားစုအခြေအနေလေးသိချင်တာတောင် သိခွင့်မရပါဘူး ၊ ဒိကြားထဲ မေလ(၆)ရက်နေ့မှာ တပ်တွင်းမိသားစုအကုန်လုံးခန်းမ၀င်ရမယ်ဆိုပြီး အဲဒီမှာလူကြီးတွေကောင်းမယ်စီစဉ်ထားတဲ့ ဖွဲ့စည်းပုံဥပဒေကိုထောက်ခံရမယ် ၊ ထောက်ခံမဲမပေးမနေရပဲလို့ တပ်မှုးကပြောပါတယ် ၊ (၇)ရက်နေ့ကျတော့ ကျွန်တော်တို့(၅) ယောက်ကို ဆရာကြီးတစ်ယောက်အင်ချပ်ထားပြီး အလုပ် လုပ်ဖို့လွတ်လိုက်ပါတယ် ၊ ကျွန်တော် တို့ (၅)ယောက်ထဲက(၂)ယောက်ကနေခဲ့တယ် ၊ ကျွန်တော့တို့(၃)ယောက်က ပူပန်စိတ်တွေနဲ့ကိုယ့်အိမ်ကိုယ်ခိုးပြန်ကြတယ် ၊ ကျွန်တော့အိမ်ရောက်သွားတော့ အိမ်က အနောက်ဖက်တစ်ခြမ်းကပြိုကျနေတယ် ၊ ကျွန်တော့်လည်းအိမ်မှာဝိုင်းကူရင်းနဲ့တပ်ကိုမပြန်ဖြစ်ဘူး ၊ ၁၁ရက်နေ့ကျမှတပ်ကိုပြန်ဖြစ်တယ် ၊ ကျွန်တော် တပ်ကိုပြန်ရောက်တော့ တပ်ရေးဗိုလ်ကြီးက ရုံးခန်းထဲခေါ်ဆူပါတယ် ၊ ကျွန်တော်တို့လည်း သတိဆွဲပြီးငြိမ်နေပါတယ် ၊ နောက်တော့ ကျွန်တော့တို့ကို တာဝန် ခံတဲ့ဆရာကြီးကို ဒီကောင်တွေပြန်သွားတာခင်ဗျားကြီးမသိဘူးလား ၊ ခင်ဗျားတော်တော်စောက်သုံးမကျတဲ့လူပဲ ၊ တပ်ကလစာလိမ်ယူပြီး တပ်မှာဘာလုပ်ဖို့နေ နေလည်းလို့ပြောတော့ ကျွန်တော်တို့လည်းသီးမခံနိူင်ဖြစ်လာတာနဲ့ “ ဗိုလ်ကြီးအပြစ်ရှိတာကျွန်တော်တို့ပါ ၊ ပြောချင်ရင်ကျွန်တော်တို့ကိုပဲပြောပါ ၊ ဆရာကြီး ကိုတော့အဲဒီလိုမပြောပါနဲ့”လို့ပြောတော့ “မင်းတို့ကဘာကောင်တွေလဲ ၊ မနေ့ကမဲပေးရမယ်ဆိုတာမင်းတို့မသိဘူးလား၊ ဒါစစ်စည်းကမ်းဖောက်ဖျက်တာပဲ၊ မင်းတို့က အာဏာဖီဆန်တာလား ၊ စစ်တပ်မှာအမိန့်ပဲရှိတယ် မင်းတို့နားမလည်ဘူးလား” ဆိုပြီး စ ထိုးပါတယ် ၊ ကျွန်တော်တို့လည်းအပြစ်လုပ်မိထားတော့ ငြိမ်ခံနေပါသေးတယ် ၊ နောက်တော့ တရားလွန်လာတော့ သီးမခံနိူင်ဖြစ်ပြီး ကျွန်တော်တို့သုံးယောက်လဲ ပြန်ပြီးဝိုင်းထိုးလိုက်တယ် ၊ အရင်က မကျေနပ်တာတွေ ပါပေါင်းပြီး ၀ိုင်းရိုက်ကြတာဘာဖြစ်ပြီးကျန်ခဲ့လည်းတော့မသိဘူး ၊ ကျွန်တော်တို့သုံးယောက်လည်း ရိုက်ပြီးတစ်ယောက်တနေရာဆီထွက်ပြေးခဲ့ပါတယ် ။ ဒီလိုနဲ့ ကလေးစစ်သားနှစ်ကျော့ပြန်ဖြစ်ခဲ့ရတဲ့ ကျွန်တော့ရဲ့နအဖတပ်သားဘ၀ ပြီးဆုံးခဲ့ပါတယ် ။
ကျွန်တော်ကြုံတွေ့ခဲ့ရတဲ့အဖြစ်အပျက်တွေနဲ့ စစ်ဗိုလ်တွေရဲ့ကိုယ်ကျိုးရှာမှုတွေကြောင့် စစ်သားဆိုတဲ့ခေါင်းစဉ်ဆိုးကြီးနဲ့ ကျွန်တော့လို မိတကွဲဖတကွဲဘ၀ပျက်ခဲ့ ရသူတွေ အများကြီးရှိနေတယ်ဆိုတာ ပြည်သူလူထုကြီးသိအောင် ဆရာမောင်ကျောင်းသားကနေတဆင့် ပြောပြတင်ပြလိုက်ရပါတယ် ။
မိုးစက်
(ဒုတပ်ကြပ်/ပင်မပစ္စည်းထိမ်းတပ်-တပ်မတော်ရေ)
မျှဝေသော ကိုဒီမိုဝေယံအားကျေးဇူးတင်ရှိပါသည်။
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်