နာဂိုယာ၊ ဖေဖေါ်ဝါရီ (၂၀)
မွန်တိုင်းရင်းသားတို့၏ ၆၄နှစ်မြောက်နှင့် ဂျပန်နိုင်ငံတွင် ၁၉ ကြိမ်မြောက်အဖြစ် ကျင်းပသည့် မွန်အမျိုးသားနေ့အခမ်းအနားကို ယနေ့တွင် နာဂိုယာမြို့၌ ပုညကာရီမွန်အမျိုးသားအသင်း(ဂျပန်)က ဦးဆောင်၍ ကျင်းပပြုလုပ်ခဲ့ကြသည်။
ရွေးကောက်ပွဲပြီးနောက်ပိုင်း တိုင်းရင်းသားတို့၏ ကိုယ်ပိုင်လွတ်လပ်ခွင့်နှင့် ယဉ်ကျေးမှု တို့ကို ပိုမိုထိမ်းချုပ်ခံလာရချိန်တွင် လွတ်မြောက်နယ်မြေ ဂျပန်နိုင်ငံ၌ မိမိတို့ယဉ်ကျေးမှု၊ ဓလေ့စရိုက် များနှင့် မကျေနပ်ချက်များကို အမျိုးသားနေ့အခမ်းအနား၌ ထုတ်ဖော်ပြောဆို နိုင်ခြင်းအတွက် အတိုင်းမသိဝမ်းသာမိကြောင်းး ပုညကာရီမွန်အမျိုးသားအသင်း၏ ဥက္ကဋ္ဌဦးမင်းမျိုးချစ်က ပြောပြသည်။
“ဒီလောက်တောင် ဖိနှိပ်နေတဲ့ မြန်မာပြည်တွင်းက စစ်ခေါင်းဆောင်အာဏာရှင်တွေရဲ့လက် အောက်မှာ မပြောနိုင်တဲ့ အရာတွေကို ဒီနေရာမှာ လွတ်လာစွာဖွင့်ပြောနိုင်ခဲ့တယ်၊ အာဏာရှင်အဆက် ဆက် ကျနော်တို့တိုင်းရင်းသားတွေအပေါ်မှာ ဖိနှိပ်ခဲ့မှုတွေကို ထုတ်ဖော်နိုင်ခဲ့တယ်။ မွန်အမျိုးသားတွေအ ပါအ၀င် အခြားသောတိုင်းရင်းသားတွေကို ဖိနှိပ်နေမှုတဲ့ မကျေနပ်ချက်တွေကို ဖွင့်ပြောနိုင်ခဲ့တဲ့အတွက် ကျေနပ်မိတယ်”ဟု ယင်းဥက္ကဋ္ဌက ပြောပြသည်။
အခမ်းအနား ပထမပိုင်းအစီအစဉ်တွင် မွန်အမျိုးသားအလံတော်ကိုအလေပြုခြင်းအပါအ၀င် သဘာပတိများ စကားပြောခြင်းနှင့် ပြည်တွင်းအခြေစိုက်ှမွန်ပြည်သစ်ပါတီမှပေးပို့သော ၆၄ နှစ်မြောက်မွန်အမျိုးသားနေ့သ၀ဏ်လွှာ အပါအ၀င် ပလောင်ဝ်၊ ကရင်နှင့်အခြားသောတိုင်းရင်းသား ကိုယ်စားပြု ကိုယ်စားလှယ်များ၏ အမှာစကားပြောကြားခြင်းများပါဝင်ခဲ့သည်။
ပြည်တွင်း၌ လွတ်လပ်စွာကျင်းပခွင့် မရတောသည့် မွန်အမျိုးသားနေ့ အခမ်းအနားကို ယခုလို ပြည်တနေရာတွင် လွတ်လပ်ပွင့်လင်းစွာ ပြောဆို ဆွေနွေးမှုများ၊ မိမိတို့ ယဉ်ကျေးမှုကို ပကတိအတိုင်း ထုတ်ဖော် ပြသနိုင်မှုများဖြင့် ကျင်းပ နိုင်ခြင်းကြောင့် လူများစွာ မလာရောက်နိုင်လင့်ကစား အမျိုးသားရေး လက္ခဏာအမှန်များကို တွေ့မြင် သိရှိခံစားရသည့်အတွက် နိုင်ငံရေး အနှစ်သာရ ပြည့်ဝသည်ဟု ပလောင်အမျိုးသားနှင့် အမျိုးသားဒီမိုကရေစီ တပ်ပေါင်းစု ဂျပန်ကိုယ်စားလှယ် ကိုမိုင်ကျော်ဦးက ပြောပြသွားသည
သမိုင်း အစစ်အမှန်ကို ခေတ်ကာလ အလိုက် အပိုင်းအခြားဖြင့် မွန်လူမျိုးတို့၏ ဖြစ်တည်မှု အကြောင်း၊့ မွန်တိုင်းရင်းသားးများ ဆင်းသက်ဖြစ်တည်လာပုံနှင့် အမျိုးသားရေး လှုပ်ရှားမှုများကို ကိုမင်းဝင်းတေဇ မှလည်ကောင်း၊ အိုဆာကာတက္ကသိုလ်တွင် ပညာသင်ယူနေသော ဂျပန်လူငယ်တဦးဖြစ်သည့် Wada Sanမှ မွန်ဘာသာ စာပေနှင့် ယဉ်ကျေးမှုများကို ထိုင်းနှင့် မြန်မာနိုင်ငံ တို့တွင်ကိုယ်တိုင်သွားရောက် လေ့လာခဲ့သော ရှာဖွေတွေ့ရှိချက်များကို powerpoint ဖြင့် ရှင်းလင်း တင်ပြခဲ့ကြသည်။
ဂျပန်နိုင်ငံတွင် ကျင်းပလေ့ရှိသည့်တိုင်းရင်းသားများ၏ အမျိုးသားနေ့များ ထုံးစံအတိုင်း ရိုးရာ အစားအသောက်များကို ဧည့်ခံ ကျွေးမွေးခဲ့ပြီး အခမ်းအနားဒုတိယပိုင်းတွင်ဘ မွန်အမျိုးသားရေး စိတ်ဓါတ်ကို တက်ကြွစေသော မွန်အမျိုးသား သီချင်းများကို ဖျော်ဖြေတင်ဆက်သီဆိုမှုများဖြင့် ပြုလုပ်ခဲ့ကြကြောင်း သိရသည်။
သတင်းရေးသားပေးပို့သူ - သန့်မျိုးထွေး(မိုးသောက်ကြယ်)
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်