မြန်မာနိုင်ငံအနှံ့အပြားရှိအကျဉ်းထောင်များတွင်ကျန်ရှိနေသည့် နိုင်ငံရေး အကျဉ်းသားများ လွတ်မြောက်ရေး အတွက် ဇန်နဝါရီလ ၈ ရက်မှ စတင်ကာ အဖြူရောင် တနင်္ဂနွေလှုပ်ရှားမှုကိုစတင်လိုက်ကြောင်း ယင်းလှုပ်ရှားမှုတွင် ပါဝင်သူ ၈၈ မျိုးဆက်သစ် ကျောင်းသား ဦးကိုကိုကြီး (စမ်းချောင်း)က ရန်ကုန်တိုင်းမ် ဂျာနယ်သို့ပြောကြားသည်။
နိုင်ငံတော် သမ္မတကြီး က ထုတ်ပြန်သည့် တတိယ အကြိမ်လွတ်ငြိမ်းချမ်းသာ ခွင့်အမိန့်ဖြင့် လွတ်မြောက် လာသူ နိုင်ငံရေးအကျဉ်းသားအရေအတွက်မှာနည်းပါးသဖြင့် ယင်းလှုပ်ရှား မှုကိုစတင်ခြင်း ဖြစ်ကြောင်း သိရသည်။
တာမွေမြို့နယ် ကျောက်မြောင်းရပ်ကွက် အတွင်းရှိ နိုင်ငံရေးအကျဉ်းသားမိသားစု များကိုလမ်းလျှောက် တွေ့ဆုံနေ သည့် အဖြူရောင်တနင်္ဂနွေလှုပ်ရှားမှု အဖွဲ့ဝင်များ“ကျွန်တော်တို့ဒီအတိုင်းငြိမ် နေရင် မရတော့ဘူး။ တစ်ခုခုလုပ်မှရတော့မယ်ဆိုတဲ့ အတွေးပေါ်လာလို့ ဒီအဖြူရောင် တနင်္ဂနွေလှုပ်ရှားမှုကို နိုင်ငံရေးအင်အား စုတွေပေါင်းပြီး လုပ်ဆောင်ရတာပါ။ကျွန်တော်တို့တတွေနိုင်ငံရေးအကျဉ်းသားမိသားစုတွေ နဲ့ တွေ့ တဲ့အခါမှာ သူတို့တွေ လွတ်မြောက်ရေးကို အဆက်မပြတ် လုပ်နေတယ်ဆိုတဲ့ သတင်းစကားကို ပြောပြပါတယ်။
ထောင်ဝင်စာ သွားတွေ့တဲ့အခါ လိုအပ်တဲ့ပစ္စည်း တွေကိုထောက်ပံ့ပါတယ်။” ဟု ဦးကိုကိုကြီး(စမ်းချောင်း) က ဆိုသည်။ အဖြူရောင်တနင်္ဂနွေလှုပ်ရှားမှုအား နိုင်ငံရေး အကျဉ်းသားမိသားစု ကွန်ရက် Generation Wave ၊ နိုင်ငံရေး အကျဉ်းသား ဟောင်းများ၊ ၈၈မျိုးဆက်သစ်ကျောင်း သားများအဖွဲ့၊ ဗမာနိုင်ငံလုံးဆိုင် ရာ ကျောင်းသား များသမဂ္ဂ တို့က ပူးပေါင်း ပါဝင်သည့် အပြင်၊ မြန်မာတစ်နိုင်ငံလုံးရှိ နိုင်ငံရေးအကျဉ်းသား မိသားစုများနှင့် တွေ့ဆုံရန် ရှိကြောင်း ယင်းလှုပ်ရှားမှုတွင်ပါဝင်သူ ဗကသအဖွဲ့ဝင် မဖြိုးဖြိုးအောင်က ပြောသည်။ဇန်နဝါရီ ၈ ရက်က စတင်သည့် အဖြူရောင် တနင်္ဂနွေလှုပ်ရှားမှုအား ရန်ကုန်တိုင်းဒေသကြီး၊ တာမွေမြို့နယ်မှ စတင်ခဲ့ပြီး၊အကျဉ်းကျနေ သည့်နိုင်ငံရေး အကျဉ်းသား ၁၅ ဦး၏ မိသားစုနှင့် တွေ့ဆုံ ကာအားပေးစကားများ ပြောကြားခဲ့ကြောင်း သိရသည်။
Yangon Media Group
Photo..Burma vj media network
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်