မိတ္ထီလာမြို့ အင်ပင်ဝကျေးရွာ (ရွာသစ်)အတွင်း တွင်နေထိုင်ကြသောရွာသူရွာသားများအား စစ်တပ်မှ အမြှောက်စက်ပစ်ကွင်းမလွတ်ဟုဆိုကာ(၅.၃.၂၀၁၂)နေ့(၁၂)နာရီနောက်ဆုံးထားရွှေ့ပြောင်းပေးရန်အတွက်
သတိပေးထုတ်ပြန်ထားကြောင်းသိရှိရပါသည်။စစ်တပ်အနေဖြင့် ၁၉၉၇ ခုနှစ်ဧပရယ်လောက်မှစတင်ကာ အင်ပင်ဝကျေးရွာ (ရွာဟောင်း)အတွင်းရှိရွာသူရွာသားများအားစက်ပစ်ကွင်းနှင့် မလွတ်ဟု ဆိုကာ ရွှေ့ပြောင်းခိုင်းထားပြီးကျေးရွာသူရွာသားများအနေဖြင့် ပြောင်းရွှေ့နေရာချထားပေးသောရွာသစ်တွင်
တောင်ကျချောင်းရေကြောင်း လူ ၊ နွား များချောင်းရေထဲမျောပါခြင်း လူနှင့်တိရိစ္ဆာန်များအတွက် သောက်သုံးရေ မရှိခြင်းမိမိတို့တောင်ယာလုပ်ကိုင်သောနေရာနှင့် ၁၆ မိုင်ခန့်ကွာဝေးခြင်းသွားလာရ ခက်ခဲခြင်း သီးနှံစိုက်ပျိုး၍မရခြင်းတို့ကြောင့်မူလဆင်းရဲသထက်ဆင်းရဲကာ ဆိတ် နွား ရွှေငွေအရင်းအနှီးများ
ရောင်းချလိုက်ရသဖြင့်ခက်ခဲပေါင်းများစွာဖြင့် ကြုံတွေ့ခဲ့ရသောကြောင့် မူလနေထိုင်သောအင်ပင်ဝကျေးရွာ အနီးသို့ပြန်လည် နေထိုင်ခြင်းပြုခဲ့ကြပြီးထိုကျးရွာကိုလည်း အင်ပင်ဝကျေးရွာ (ရွာသစ်)ဟုခေါ်တွင်ခဲ့ပါသည် ။
ထိုကျေးရွာသို့ စက်ပစ်ကွင်းနှင့်မလွတ်ဟုဆိုကာယခုတစ်ဖန် ထပ်မံ၍ပြောင်းရွှေ့ခိုင်းပြန်ပါသည်။
တစ်ကယ်တမ်းတွင် ကျေးရွာအတွင်းသို့ ကျည်ဆံတစ်ချက်မှကျရောက်ခြင်း မရှိသလို မည်သူ တစ်ဦး တစ်ယောက် ကျွဲနွားတစ်ကောင်မှလည်း ယနေ့အချိန်ထိထိခိုက်ခြင်းမရှိပဲ အတင်းအဓမ္မ ရွှေ့ပြောင်းခိုင်းခြင်း အတွက်ရွာသားများအနေဖြင့် အဆင့်ဆင့်တင်ပြသော်လည်း ယနေ့အချိန်ထိဖြေရှင်းမပေးပဲရှိ နေပါသည်။
ထိုကျေးရွာတွင် အိမ်ခြေ ၂၅၀ ခန့်ရှိကာလူဦးရေပေါင်း ၁၅၀၀ ကျော်ခန့်ရှိပါသည် လယ်မြေဧက ရှစ်သောင်းကျော်ရှိပါသည်။
လက်ရှိအချိန်တွင် အရပ်သားအစိုးရတစ်ရပ်အနေဖြင့် ပြောင်းလဲအုပ်ချုပ်နေပြီး
ခေတ်ပြောင်းသွားပြီ စနစ်ပြောင်းသွားပြီအုပ်ချုပ်မှုပုံစံတွေပြောင်းသွားပြီဟုပြောဆိုနေကြသော
လွှတ်တော်တွင်းအသံနှင့် ယခုဖြစ်ရပ်သည် လုံးဝဆန့်ကျင်လျှက်ရှိပါသည်။
လက်ရှိအချိန် မြန်မာနိုင်ငံ၏ အနေအထားသည် နိုင်ငံတကာမှစောင့်ကြည့်နေသောအခြေအနေ ဖြစ်သလို တိုင်းပြည်အတွက်လမ်းဆုံလမ်းခွရောက်နေသော ကာလလည်း ဖြစ်ပါသည်။
ဌင်းကာလတွင်ယခုဖြစ်ရပ်သည်များစွာရုပ်ဆိုးအကျဉ်းတန်လွန်းလှပါသည်။ယခုအစိုးရသည် အရပ်သားအစိုးရ ဖြစ်သလို စစ်အာဏာရှင်အုပ်ချုပ်မှုမဟုတ်သောဒီမိုကရေစီစနစ်ကို လျှောက်လှမ်းနေသော အချိန်အခါလည်း ဖြစ်ပါသည်။ထို့ကြောင့်ဌင်းကိစ္စရပ်အား အမြန်ဆုံးဆောင်ရွက်ပေးရန် မီဒီယာမှတဆင့်အသိပေး အကြောင်းကြားလိုက်ပါသည် ရွာသူရွာသားများအနေဖြင့်လည်းထိုနေရာမှ ရွှေ့ပြောင်းခိုင်းမည့်အစား သတ်ပစ်လိုက်ပါဟုစာအဆင့်ဆင့်တင်ထားသော်လည်းအထက်လူကြီးများ အနေဖြင့် မသိကျိုးကျွန်ပြုကာ ဥပက္ခာပြုလျှက်ရှိနေပါသည်။
ထိုကျေးရွာတွင်နေထိုင်သောလူထုတစ်ဝက်ကျော်အားအိမ်ထောင်စုစာရင်းနှင့်မှတ်ပုံတင် ထုတ်မပေးဟု လည်းကြားသိရပါသည်။ကျေးရွာလူထု၏အခက်ခဲများကိုစာနာထောက်ထားသောအားဖြင့် မူလနေထိုင်သော နေရာ အင်ပင်ဝကျေးရွာ(ရွာသစ်) အား ဆက်လက်နေထိုင်ခွင့်ပြုရန်တင်ပြလိုက်ပါသည်။
abfsu-fac-japan
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်