0 ထိုင်းနိုင်ငံ၏ မူးယစ်ဆေးဝါး စစ်မျက်နှာအသစ်

ရေးသားသူ -၀ါတနာချိုင်း

ထိုင်းနိုင်ငံသည် အိမ်နီးချင်းမြန်မာနိုင်ငံနယ်စပ်မှ ထွက်ရှိနေသည့် မူးယစ်ဆေးဝါးများကို ဥရောပနှင့် အမေရိကားသို့ တင်ပို့ရာ အဓိကဝင်ပေါက်ဖြစ်ကြောင်း အမေရိကန်မူးယစ်ဆေးဝါးတိုက်ဖျက်ရေး အာဏာပိုင်များက ပြောကြားခဲ့ပါသည်။ မြန်မာနိုင်ငံမြောက်ပိုင်းရှိ စစ်အစိုးရနှင့် အပစ်အခတ်ရပ်စဲထားသော တိုင်းရင်းသား လက်နက်ကိုင်အဖွဲ့အစည်းများမှ ထုတ်လုပ်သောမူးယစ်ဆေးဝါး ၉ဝ ရာခိုင်နှုန်းခန့်သည် ထိုင်းနိုင်ငံသို့ ရောက်ရှိခဲ့ကြောင်း၊ ထိုင်းနိုင်ငံ၏ စီးပွားရေးဖွံ့ဖြိုးမှုနှင့်အတူ ထိုင်းလူငယ်ထုအတွင်း မူးယစ်ဆေးဝါးသုံးစွဲမှု ပိုမိုများပြားလာကြောင်း၊ ထိုင်းနိုင်ငံ၏မူးယစ်ဆေးဝါး ပြဿနာဖြေရှင်းရန် မြန်မာနိုင်ငံမှ ဘိန်းစိုက်ပျိုးထုတ်လုပ်သူနှင့် စိတ်ကြွဆေးပြား ထုတ်လုပ်သူများအပြင် ထိုင်းနိုင်ငံအတွင်းရှိ မူးယစ်ဆေးဝါးမှောင်ခိုလုပ်နေသူများကိုလည်း ထိထိရောက်ရောက် နှိမ်နှင်းရမည်ဖြစ်ကြောင်း ထိုင်းနိုင်ငံ မူးယစ်ဆေးဝါးတိုက်ဖျက်ရေးဌာနမှ ၂ဝဝ၉ ခုနှစ် နှစ်ချုပ်အစီရင်ခံစာတစ်စောင်တွင် ဖော်ပြခဲ့ပါသည်။

မူးယစ်ဆေးဝါးကုန်သွယ်မှုလုပ်ငန်းသည် တရုတ်-မြန်မာနယ်စပ်တွင် ကြီးမားသောစီးပွားရေး လုပ်ငန်းများ ဖြစ်နေပါသည်။ မြန်မာပြည်မြောက်ပိုင်း ကချင်ပြည်နယ်မှထွက်ရှိသော ဘိန်းဖြူများသည် ကန်ပိုက်တီးနှင့် လိုင်ဇာတို့မှတစ်ဆင့် တရုတ်ပြည်သို့လည်းကောင်း၊ ရှမ်းပြည်နယ်မှထွက်သော ဘိန်းနှင့် စိတ်ကြွဆေးပြား (မက်သာဖက်တမင်း) များသည် တန့်ယန်း၊ မိုင်းမော၊ နမ်တစ်၊ ကွန်ဟိန်းမြို့များရှိ အပစ်ရပ်အဖွဲ့နှင့် ရှမ်းပြည်တပ်မတော် (SSA) မှ ထုတ်လုပ်ပြီး တာချီလိတ်မှတစ်ဆင့် ထိုင်းနိုင်ငံသို့ လည်းကောင်း ဘိန်းတန်ချိန်များစွာနှင့် စိတ်ကြွဆေးပြားသန်းရာနှင့်ချီပြီး နှစ်စဉ်များပြားစွာ ဝင်ရောက်လျက် ရှိပါသည်။

စိတ်ကြွဆေးပြားသုံးစွဲသူ အဓိကဈေးကွက်အဖြစ် ထိုင်းနိုင်ငံကို ''ဝ''နှင့် ကိုးကန့်လူမျိုးများက သတ်မှတ်ထားပြီး ၂ဝဝ၉ ခုနှစ် စက်တင်ဘာလအတွင်းက ပန်ဆန်းမှ ထုတ်လုပ်သည့် W.Y စာလုံးပါ လိမ္မော်ရောင် ရာဘာ့ (Ya Ba) ဆေးပြား သန်းပေါင်း ၃ဝ ကို ထိုင်းနယ်စပ်အနီး ဘန်ဟုန်းမှတစ်ဆင့် ချင်းမိုင်၊ ချင်းရိုင်များသို့ တင်ပို့မည့်သတင်းကို ထိုင်းထောက်လှမ်းရေးဌာနက ရရှိခဲ့ပါသည်။ ၄င်းရရှိသည့်သတင်းကို ပိတ်ဆို့မှုများ ပြုလုပ်ခဲ့သဖြင့် မူးယစ်ဆေးဝါးသယ်ဆောင်သူ ''ဝ'' တပ်ဖွဲ့ဝင်အချို့ကို အသေဖမ်းဆီးရမိ သော်လည်း ရာဘာ့ဆေးပြား အများအပြားသည် တရုတ်-မြန်မာနယ်စပ်မှ ထိုင်း-မြန်မာနယ်စပ်သို့ တောလမ်း များအတိုင်း ပြန့်နှံ့သွားခဲ့ပါသည်။ ဆေးပြားသယ်ဆောင်သူများသည် ခြေလျင်ခရီး အသုံးပြု၍ ထိုင်း-မြန်မာ နယ်စပ်ရှိ ကျေးရွာများ၊ ဒုက္ခသည် စခန်းများကို ခရီးတစ်ထောက်နားခိုပြီး ထိုင်းနိုင်ငံထဲသို့ ဝင်ရောက်လာခဲ့ ကြပါသည်။

ထိုင်း-မြန်မာနယ်စပ်ရှိ မူးယစ်ဆေးဝါးတားဆီးစောင့်ကြည့်ရေးအဖွဲ့မှ မြန်မာနိုင်ငံ၏ ၂ဝဝ၉ ခုနှစ်အတွင်း မူးယစ်ဆေးဝါးထုတ်လုပ်သယ်ဆောင်မှု အခြေအနေသုံးသပ်ချက်တွင် မြန်မာအစိုးရသည် ''ဝ'' တပ်ဖွဲ့၊ KIA ၊ မိုင်းလားအဖွဲ့နှင့် ကိုးကန့်တပ်ဖွဲ့များအား နယ်ခြားစောင့်တပ်ဖွဲ့စည်းရေးကို လိုက်လုပ်စေရန် မူးယစ်ဆေးဝါး အကြောင်းပြချက်ဖြင့် တရုတ်နိုင်ငံမှတစ်ဆင့် ဖိအားပေးလျက်ရှိကြောင်း၊ တရုတ်နိုင်ငံသည် ကိုးကန့်တိုက်ပွဲများအပြီး ''ဝ''နှင့် KIA အဖွဲ့များအား ထုတ်လုပ်ပြီးမူးယစ်ဆေးဝါးများကို တရုတ်နိုင်ငံမှလွဲပြီး အခြားတစ်နေရာသို့ပို့ရန် တင်းမာသော သတိပေးချက်များ ထုတ်ပြန်ထားကြောင်း၊ သို့ဖြစ်၍ တရုတ်-မြန်မာနယ်စပ်ရှိ ရာဘာ့ဆေး ထုတ်လုပ်သူများသည် ဆေးပြားသယ်ယူရာလမ်းကြောင်းကို မြောက်ပိုင်းမှတောင်ပိုင်း ကရင်/ကယား ပြည်နယ်များသို့ ပြောင်းရွှေ့လျက်ရှိကြောင်း ဖော်ပြထားပါသည်။

ထိုင်းနိုင်ငံအတွင်းရှိ မူးယစ်ဆေးဝါးကုန်သည်ကြီးများကလည်း တရုတ်-မြန်မာနယ်စပ်တွင် ရာဘာ့ဆေးပြား ထုတ်လုပ်မှုလျော့နည်းလာပါက ၄င်းတို့၏မူးယစ်ဆေးဝါးဈေးကွက် မထိခိုက်စေရန် မြန်မာနိုင်ငံအတွင်း ဆေးပြားထုတ်လုပ်နိုင်သည့်နယ်မြေအသစ်ကို ရှာဖွေလျက်ရှိသည်။ တရုတ်နိုင်ငံ၏ ဖိအားကြောင့် မြန်မာဘက်မှ အဓိကမူးယစ်ဆေးဝါးထုတ်လုပ်သည့်အဖွဲ့အစည်းများသည် မြန်မာနိုင်ငံမြောက်ပိုင်းမှ တောင်ပိုင်းသို့ ရွှေ့ပြောင်းလာနေပြီး တောင်ပိုင်းရှိ လက်နက်ကိုင်အဖွဲ့အစည်းများနှင့် ပူးပေါင်းရန် အဆက်အသွယ်များ ပြုလုပ်လျက်ရှိပါသည်။

နယ်စပ်သတင်းများအရ မြန်မာအစိုးရမှ မူးယစ်တရားခံပြေးသတ်မှတ်ထားသော ဖုန်ကြားရှင်အဖွဲ့မှ စီးပွားရေးတာဝန်ခံ ဖုန်စုလျှောင်နှင့်အဖွဲ့သည် ၂ဝဝ၉ ခုနှစ် နိုဝင်ဘာလအတွင်းက KNU တပ်မဟာ(၇)နယ်မြေ သို့ ရောက်ရှိလာခဲ့ကြောင်း၊ ၄င်းအဖွဲ့နှင့်အတူ ဖုန်ကြားရှင်အဖွဲ့မှ တရုတ်နိုင်ငံအတွင်း သိမ်းဆည်းရန် အခက်အခဲ ဖြစ်နေသော လက်နက်ခဲယမ်းများကို KNU အဖွဲ့သို့ လက်ဆောင်ပေးခဲ့ကြောင်း သိရှိရပါတယ်။ ဖုန်စုလျှောင်သည် ကိုးကန့်ဒေသတွင် မူးယစ်ဆေးဝါးထုတ်လုပ်သူအဖြစ် သတ်မှတ်ခံထားရသူဖြစ်ကြောင်း၊ ၄င်းတို့အဖွဲ့သည် ရာဘာ့ဆေးပြားများ ထုတ်လုပ်သည့်စက်ပစ္စည်းနှင့် ဓာတုဆေးဝါးများကိုလည်း သယ်ဆောင်လာခဲ့ကြောင်းနှင့် ရာဘာ့ဆေးပြား ထုတ်လုပ်ရောင်းချရေးအတွက် KNU ခေါင်းဆောင်ပိုင်းတွင် သဘောထားကွဲလွဲလျက်ရှိကြောင်း ထိုင်းနယ်ခြားစောင့်တပ်ဖွဲ့မှ အမည်မဖော်လိုသူ အရာရှိကြီးတစ်ဦးက ထုတ်ဖော်ပြောကြားခဲ့ပါသည်။

ထိုင်း-မြန်မာနယ်စပ်တစ်လျှောက်တွင် လုံခြုံရေးတာဝန်ယူထားသည့် အမှတ်(၃)ယန္တယားတပ်ဖွဲ့၏ အထူးထောက်လှမ်းရေးသတင်းများအရ မြန်မာဘက်တွင် ရာဘာ့ဆေးပြားထုတ်လုပ်သည့် စက်ရုံ ၈ နေရာခန့် ရှိနေပြီး ၄င်းနေရာများကို ''ဝ'' အုပ်စု၊ SSA အုပ်စုနှင့် မိုင်းလားအုပ်စုတို့မှ လုပ်နေကြောင်း၊ ယခုအခါ ရွှေ့ပြောင်းနိုင်သော မူးယစ်ဆေးဝါးထုတ်သည့်စက်ငယ်များ KNU နယ်မြေအတွင်း ရောက်ရှိလာနေကြောင်း၊ တာချီလိတ်လမ်းကြောင်းတွင် အဖမ်းအဆီးများနေသဖြင့် မဲဟောင်ဆောင်နှင့် တာ့ခ်ခရိုင်များမှတစ်ဆင့် ထိုင်းလူမျိုးများက ဆေးပြားများကို မှာယူတင်သွင်းနေကြောင်း သိရှိရပါသည်။

သိသာထင်ရှားသည့်သက်သေအနေဖြင့် ဒီဇင်ဘာလ ၂၃ ရက်နေ့ ညပိုင်းတွင် တာ့ခ်ခရိုင် အမှတ်(၁ဝ၄) အာရှလမ်းမကြီးပေါ်ရှိ ဝမ်ဂျောင်အဖွဲ့စုံပူးပေါင်းစစ်ဆေးရေးဂိတ်တွင် ထိုင်းလူမျိုး ၂ ဦး မောင်းနှင်လာသည့် လိုင်စင်မဲ့ ဗွီဂိုအမျိုးအစား ၂ ခန်းတွဲယာဉ်အား သတင်းအရရှာဖွေစစ်ဆေးခဲ့ရာ စိတ်ကြွဆေးပြား ၁ သိန်း ဖမ်းဆီးရမိခဲ့ပါသည်။ ဖမ်းဆီးရမိသည့်စိတ်ကြွဆေးပြားများကို ထိုင်းမူးယစ်နှိမ်နှင်းရေးဌာနမှ စစ်ဆေးခဲ့ရာ မြန်မာနိုင်ငံမြောက်ပိုင်းမှ ထုတ်လုပ်သည့်ဆေးပြားတံဆိပ်နှင့် မတူသည့်ဆေးပြားအမျိုးအစားသစ်ဖြစ်ကြောင်း၊ ၄င်းစိတ်ကြွဆေးပြားများကို ဖုတ်ဖမြို့နယ်၊ ဝေါလေခွီးရွာ အနီးရှိ KNU အဖွဲ့ထံမှ ဝယ်ယူရရှိခဲ့ကြောင်း သိရှိရပါသည်။

သတင်းဆက်အရ ဖုတ်ဖမြို့နယ် ရဲမှူးကြီးနှင့်ရဲတပ်ဖွဲ့ဝင်များက ဝေါလေခွီးရွာအတွင်းရှိ KNU နှင့် ပတ်သက်နေသည့်အိမ်များအား ရုတ်တရက်ဝင်ရောက်ရှာဖွေမှုများ ပြုလုပ်ပြီး မသင်္ကာဖွယ်ရာ ထိုင်းလူမျိုး ၂ ဦး နှင့်ကရင်လူမျိုး ၁ ဦးတို့ကို ဖမ်းဆီးစစ်ဆေးခဲ့ကြောင်း၊ စစ်ဆေးချက်များအရ စိတ်ကြွဆေးပြား ထုတ်လုပ်မှု တွင် KNU အဖွဲ့မှ အမည်စိစစ်ဆဲ ထိပ်ပိုင်းခေါင်းဆောင်များ ပါဝင်ပတ်သက်လျက်ရှိကြောင်း၊ တာ့ခ်ခရိုင်အတွင်းသို့ ဝင်ရောက်လာသော ရာဘာ့ဆေးပြားအများစုသည် အုန်းဖန်ဒုက္ခသည်စခန်းမှတစ်ဆင့် ရောက်နေကြောင်း၊ ထိုင်း-မြန်မာနယ်စပ်တွင် KNU လက်နက်ကိုင်အဖွဲ့အစည်းမှ စိတ်ကြွဆေးပြား ထုတ်လုပ်ရောင်းချပြီး စစ်လက်နက် ပစ္စည်းများဝယ်ယူရန် ငွေရှာခြင်းဖြစ်ကြောင်း သိရှိရပါသည်။

ဝမ်ဂျောင်ဂိတ်တွင် ဖမ်းမိသောစိတ်ကြွဆေးပြားများသည် ထိုင်းဈေးကွက်သို့ နောက်ဆုံးဝင်လာသည့် အမျိုးအစားသစ်ဖြစ်ပြီး မြန်မာနိုင်ငံတောင်ပိုင်း ကရင်လက်နက်ကိုင်အဖွဲ့မှ ထုတ်လုပ်ခြင်းဖြစ်သဖြင့် ထိုင်းမူးယစ်ဆေးဝါး နှိမ်နှင်းရေးအဖွဲ့များ အတွက် စစ်မျက်နှာသစ်တစ်ခု တိုးလာနေပြီ ဖြစ်ပါသည်။ ထိုင်းစစ်တပ်မှ KNU အဖွဲ့ပေါ် တင်းကြပ်သော စည်းကမ်းများ ထုတ်ပြန်ခြင်း၊ ဒုက္ခသည်စခန်းတွင် ထောက်ပံ့ကြေးနှင့်ရိက္ခာများ ဖြတ်တောက်မှု ခံနေရခြင်း၊ KNU အဖွဲ့၏ အဓိကမှောင်ခိုစီးပွားရေးလမ်းကြောင်း များကို DKBA အဖွဲ့မှ ထိန်းချုပ်ထား နိုင်ခြင်းတို့ကြောင့် ငွေကြေးအကြပ်အတည်းတွေ့ကြုံလာရသော KNU အဖွဲ့သည် မြန်မာနိုင်ငံမြောက်ပိုင်းရှိ အဖွဲ့အစည်းများကဲ့သို့ မူးယစ်ဆေးဝါးနှင့် ဝင်ငွေရှာလာခြင်းဖြစ်ကြောင်း စစ်ရေးအကဲခတ်များက ပြောကြားခဲ့ပါသည်။

ထိုင်းနိုင်ငံ၏ မူးယစ်ဆေးဝါးစစ်ပွဲသည် ခက်ခဲသောတိုက်ပွဲဖြစ်နေပြီး မြန်မာနိုင်ငံမြောက်ပိုင်းဘက်မှ ဝင်ရောက်လာနေသော မူးယစ်ဆေးဝါးများကို အထူးစောင့်ကြည့်ဖမ်းဆီးနေစဉ်မှာ တောင်ပိုင်းကရင်ပြည်နယ် ဘက်မှ ထုတ်လုပ်သူအသစ်၏ ရာဘာ့ဆေးပြားများသည် လမ်းကြောင်းအသစ်၊ တံဆိပ်အသစ်ဖြင့် ထိုင်းဈေးကွက်သို့ လှိမ့်ဝင်လာနေပြီ ဖြစ်ပါသည်။ သို့ဖြစ်၍ ထိုင်းနိုင်ငံအနေဖြင့် မူးယစ်ဆေးဝါး စစ်မျက်နှာအသစ်ကို မည်ကဲ့သို့ ရင်ဆိုင်မည်ကို စောင့်ကြည့်ရတော့မည် ဖြစ်ပါသည်။

ပေးပို့သူ ၀ါတနာချိုင်းအား ကျေးဇူးတင်ရှိပါသည်။