အံ့ဘုန်းမြတ် (ဒီဗီဘီ)
သရုပ်ဆောင် ကိုကျော်သူ ဦးဆောင်တဲ့ နာရေးကူညီမှုအသင်း (ရန်ကုန်) က နှစ်ဆန်းတရက်နေ့မှာ စာနယ်ဇင်းဆရာတွေ၊ အနုပညာရှင်တွေ နဲ့အတူ နာရေးကုသိုလ်ပြုဖို့ စီစဉ်နေပါတယ်။ နာရေးကူညီမှုအသင်းသားတွေနဲ့ စာနယ်ဇင်းဆရာတွေ၊ အနုပညာရှင်တွေ စုပေါင်းပြီး နှစ်ဆန်းတရက်နေ့မှာ ကွယ်လွန်အနိစ္စရောက်ကြတဲ့ နာရေးကိစ္စတွေ အတွက် ကုသိုလ်ပြုကြဖို့ စီစဉ်ထားတာ ဖြစ်တယ်လို့ နာရေးကူညီမှုအသင်း ဥက္ကကို ကျော်သူက ပြောပါတယ်။
“ကျနော်တို့ ၂၀၀၇ မတိုင်ခင်တုန်းကတော့ အမြဲတမ်းလုပ်နေကြ။ စာနယ်ဇင်းသမားတွေ လုပ်ပေးတယ်။ နောက် ကိုလူချောအဖွဲ့ပေါ့လေ လူကြမ်းအဖွဲ့တွေ၊ နောက် မမတို့အဖွဲ့ ဂွမ်းပုံကြီး တို့ဘာတို့အဖွဲ့ ဒီနှစ်ကတော့ စာနယ်ဇင်း လူ ငယ်တွေကို ဦးစားပေးပြီးတော့ လုပ်ပေးမယ် ဆိုပြီးတော့ သတင်းတော့ ကြေညာ ထားတာပေါ့၊ ကျနော်တို့ ဒီ နာရေး လမ်းကြောင်းတွေ လိုက်မယ်ပေါ့။”
ဒီနှစ်မှာတော့ လူငယ်စာနယ်ဇင်းသမားတွေကို အဓိကထားပြီး ကုသိုလ်ယူဖို့ ဖိတ်ကြားရတဲ့ ရည်ရွယ်ချက်က
“သူတို့ ကုသိုလ်လည်း ရစေချင်တယ်။ ပြီးတော့ ကျနော်တို့ရဲ့ လုပ်ဆောင်ချက်တွေကို သိစေချင်တာပါ။” လို့ ဆိုပါတယ်။
နာရေးကူညီမှုအသင်းအနေနဲ့ သင်္ကြန်ကာလအတွင်းမှာ ပိတ်ရက်မရှိ နာရေးကိစ္စတွေကို ကူညီဆောင်ရွက်ပေးမှာဖြစ်ပြီး အထူးသဖြင့် သင်္ကြန်အတက်နေ့ ည ၁၂ နာရီ မတိုင်ခင်အထိ နှစ်မကူးစေလိုတဲ့ နာရေးရှင်တွေအတွက်လည်း ကူညီပေးသွားမှာ ဖြစ်တယ်လို့လည်း ကိုကျော်သူက ပြောပါတယ်။ နာရေးကူညီမှုအသင်းကို ၂၀၀၁ ခုနှစ်မှာ စတင်ထူထောင်ခဲ့ပြီး ဆင်းရဲချမ်းသာမရွေးတို့ရဲ့ နာရေးကိစ္စတွေကို ကူညီဆောင်ရွက်ပေးနေတဲ့ လူမှုရေးအဖွဲ့တခု ဖြစ်သလို လက်ရှိအခြေအနေမှာ မြန်မာနိုင်ငံအနှံ့အပြားက မြို့နယ်ပေါင်း ၅၀ ကျော်မှာ နာရေးကူညီမှုအသင်းတွေကို ဖွင့်လှစ်နိုင်ခဲ့ပြီး ဖြစ်ပါတယ်။
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်