ပြီးခဲ့တဲ့ ၂၄ ရက်နေ့ မနက် ၅ နာရီလောက်က အိမ်ခြံမြေကိစ္စတွေနဲ့ပတ်သက်ပြီး ၃ ရက်တိုင် နေရောညပါ စစ်ဆေးခံရအပြီး ...စသုံးလုံးရုံး ၅ ထပ် တိုက်ကနေ ပြုကျသေဆုံးနေတာတွေ့ရတဲ့ အသက် ၁၉ နှစ်အရွယ် ရှမ်းအမျိုးသမီး မနန်းဝိုးဖန်သေဆုံးမှုနဲ့ ပတ်သက်ပြီး အမှုဖွင့်တိုင်ကြားလို့ မရဖြစ်နေတာပါ။ ဧပြီလ ၆ ရက်နေ့က ကျောက်တံတားမြို့နယ်ရဲစခန်းမှာ မနန်းဝိုးဖန်းရဲ့ ဖခင် ဦးအိုက်ခမ်းက တရားလိုအဖြစ် မတရားချုပ်နှောင်မှု ပုဒ်မ ၃၄၁ နောက်တခါ လူသတ်မှု ပုဒ်မ ၃၀၂ စတဲ့ ပုဒ်မတွေနဲ့ အထူးစုံစမ်းစစ်ဆေးရေးက တာဝန်ရှိသူတွေကို အရေးယူဆောင်ရွက်ပေးဖို့ အမှုဖွင့် တိုင်ကြားခဲ့တာလို့ အမှုမှာ လိုက်ပါဆောင်ရွက်ပေးနေတဲ့ တရားလွှတ်တော်ရှေ့နေ ဒေါ်နန်းထွေးမှုံက ပြောပါတယ်။
ဒီလိုတိုင်ကြားခဲ့ပေမယ့် ကျောက်တံတားမြို့နယ်ရဲစခန်းက သေမှုသေခင်းအနေနဲ့ အမှုဖွင့်ထားပြီးဖြစ်သလို ဌာနတွင်း ခုံရုံးဖွဲ့စစ်ဆေးမှု ပြုလုပ်နေပြီဖြစ်တာကြောင့် အမှုကို လက်မခံခဲ့တာလဲဖြစ်ပါတယ်။ ဒါကြောင့် တရားလိုဘက်က အမှုမှန်ပေါ်ပေါက်ရေးဆက်လက်တင်ပြပေးဖို့ တောင်းဆိုတာကြောင့် တိုင်းရဲမင်းကြီးထံ မြို့နယ်ရဲခန်းက တင်ပြခဲ့ပါတယ်လို့လည်း တရားလွှတ်တော်ရှေ့နေ ဒေါ်နန်းထွေးမှုံက ပြောပါတယ်။ ဒီလိုတင်ပြခဲ့ပေမယ့် တရားဥပဒေစိုးမိုးရေအရ သက်ဆိုင်ရာက လူတစ်ယောက်ကို ဖမ်းဆီစစ်ဆေးခွင့်ရှိတယ်ဆိုတဲ့ ဥပဒေပါပြဌာန်းချက်အရ ပြစ်မှုမမြောက်တာကြောင့် အမှုကို လက်မခံနိုင်ကြောင်း တိုင်းရဲမင်းကြီးက မှတ်ချက်ပေးပြောဆိုခဲ့တာတာတွေကိုလည်း တရားလွှတ်တော်ရှေ့နေ ဒေါ်နန်းထွေးမှုံက ရှင်းပြပါတယ်။
ဒီလို အမှုကို တရားဥပဒေစိုးရေးမှာ အဓိက တာဝန်ရှိတဲ့ အုပ်ချုပ်ရေးပိုင်းက တာဝန်ရှိပုဂ္ဂိုလ်တွေက အမှုမှန်ပေါ်ပေါက်အောင် မလုပ်ဆောင်ပေးတာကြောင့် တရားလိုတွေဘက်ကတော့ နိုင်ငံတော် သမ္မတအပါအ၀င် ဒုသမ္မတဒေါက်တာစိုင်းမောက်ခမ်းတို့ဆီကိုပါ စာရေးတိုင်ကြားထားတယ်လို့လည်း မနန်းဝိုးဖန်ရဲ့ ဖခင် ဦးအိုက်ခမ်းက ပြောပါတယ်။
ကျပ်ငွေ သိန်းပေါင်း ၅ ထောင်မကတဲ့ တန်ဘိုးရှိတဲ့ အိမ်ခြံမြေကိစ္စတွေနဲ့ပတ်သက်ပြီး အသက် ၁၉ နှစ်အရွယ် ရှမ်းအမျိုးသမီး မနန်းဝိုးဖန်းကို စသုံးလုံးရုံးမှာ မတ်လ ၂၁ ရက်နေ့စတင်ပြီး နေရောညပါစစ်ဆေးခံပြီး မတ်လ ၂၄ ရက်နေ့ မနက် ၅ နာရီလောက်မှာ စသုံးလုံးရုံး ၅ ထပ် တိုက်ကနေ ပြုတ်ကျသေဆုံးခဲ့တာဖြစ်ပါတယ်။ ဒီသေဆုံးမှုနဲ့ပတ်သက်ပြီး ပြည်တွင်းထုတ်သတင်းဂျာနယ်အချို့က ရေးသားဖော်ပြဖို့ ကြိုးစားခဲ့ပေမယ့်လည်း စသုံးလုံးအာဏာပိုင်တွေဘက်က သတင်းထောက်တွေကို ခြိမ်းခြောက်ဖိအားပေးတာတွေလည်း ရှိခဲ့ဖူးပါတယ်ခင်ဗျာ။
အံ့ဘုန်းမြတ် (dvb)
1 year ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်