ပေးပို့သူ။။ imyour friend
2 years ago
Tuesday, February 14, 2012
0 ဟင်္သာတမြို့နယ် ဆေးရုံအုပ်ကြီး ဦးကြည်စိုး ပူးပေါင်းပါဝင်သည့် မသမာမှု အား ပြန်လည်ဖော်ထုတ်နိုင်ရန်။
0 နေပြည်တော် ၀န်ကြီးဌာနများရဲ့ အတွင်းရေး အပိုင်းအစများ....ရဲသွင်ထွဋ်(FFSS)
(၁) လက်ရှိဝန်ကြီးအများစုသည် ကြံ့ဖွံ့ ပါတီဝင်များဖြစ်သည့်အလျောက် ၄င်းတို့  မဲဆန္ဒနယ်များကို ခရီးစဉ်(အလုပ်အကြောင်းပြ)အမျိုးမျိုးပြပြီး နိုင်ငံတော်စရိတ်( ကား/ စက်သုံးဆီ/ ဧည့်ခံစရိတ်/ တည်းခိုစရိတ်/ ဒေသတို့ ထောက်ပံ့လှူဒါန်းခြင်း၊...စတာတွေ၊ အများကြီးကျန်ပါသေးသည်)ဖြင့် သွားလာနေကြပါသည်။ အမှန်တွင် ပါတီအသုံးစရိတ်မှ သုံးစွဲသင့်ပါသည်။
(၂) တာဝန်ဖြင့်ခရီးသွားခြင်းတွင် ၀န်ထမ်းမဟုတ်သော ဇနီး၊ သားသမီးများကို ခေါ်ဆောင်နေကြရာ ၀န်ထမ်းများ(အထူးသဖြင့် အမျိုးသမီးများ)သည် ခင်ပွန်းနှင့် သားသမီးများပစ်ထားပြီး ပြုစုနေကြရပါသည်၊၀န်ထမ်းများ၏ စိတ်ဓါတ် တိုးတက်မြင့်မားမည့်အစား ဖော်လံဖားစိတ်ဓါတ် ၀င်နိုင်ပါသည်။
(၃) ၄င်းတို့ အတွက် ကုန်ကျစရိတ်များသဖြင့် ၀န်ထမ်းများ လာဘ်စားခြင်း၊ ဌာနတို့ တင်ပြခြင်းဖြင့် နိုင်ငံတော်စရိတ်ကုန်ကျစေပါသည်၊ ထို့ အပြင် ၄င်းအကြီးအကဲများကို အထင်သေးစိတ်ဝင်လာပါသည်။ ရွံရှာလာပါသည်။
(၄) ပါတီစည်းရုံးရေးကို လုပ်ငန်းတာဝန်ဖြင့် ရောကာ အခြားဌာနအကြီးအကဲ(MD,DG)များနှင့် နောက်လိုက်အဖွဲ့ ( ကင်မရာ၊ လုံခြုံရေးအဖွဲ့ ၊ ယာဉ်မောင်း)တို့ အတွက် ကုန်ကျငွေများမှာ သွယ်ဝိုက်ပြီး နိုင်ငံဘဏ္ဍာဆုံးရှုံးနစ်နာပါသည်။ MD,DG များ ၄င်းတို့ ဌာန အလုပ် မလုပ်နိုင်ကြပါ။
(၅) ဆောက်လုပ်ရေးဝန်ကြီးသည် ဌာနများမှ အမျိုးသမီးဝန်ထမ်းများကို တစ်လတစ်ကြိမ် အလှည့်ကျတာဝန်ချကာ ထမင်းချက်အဖြစ်ခေါ်ခိုင်းသဖြင့် ရုံးဝန်ထမ်းများ အလုပ်ပျက်၊ စိတ်ဓါတ်ကျနေကြပါသည်၊ ကုန်ကျငွေမှာ Entertainment ဆိုသော နိုင်ငံစရိတ်ဖြစ်ပါသည်။
(၆) ဆောက်လုပ်ရေးဝန်ကြီးသည် ခရီးစဉ်များထွက်ပါက (တစ်ကြိမ်မကကြုံခဲ့ရခြင်း) ရန်ကုန်အမြန်လမ်းမတစ်လျှောက် ၀န်ထမ်းများကို တစ်ဖာလုံ နှစ်ဖာလုံခြား မတ်တပ်စောင့်ခိုင်းထားပါသည်၊ ရန်ကုန်မှ အင်ဂျင်နီယာများအားလုံးက Toll gateတွင် တန်းစီစောင့်နေရပါသည်။ Surf ကဲ့သို့ သော ကားအကောင်းများလာပါက ၄င်းတို့ ခမျာ ပညာတတ်၊ အသက်အရွယ်အရ ဖခင်မိခင်ကြီးများအရင့်အမာဖြစ်ပါလျှက် ပျာပျာယာယာဖြင့် ကြိုဆိုရန် တန်းစီကြရပါသည်။ ၀န်ကြီးကားမဟုတ်က ကြုံရာတွင် ဖင်ချထိုင်ကြရပါသည်။
(၇) သို့ ရာတွင် အလုပ်လုပ်သော ၀န်ကြီးမို့  တော်ပါသေးတယ်။
(၈) ဘဏ္ဍာအခွန်ဝန်ကြီးကျတော့ ပိုဆိုးပါတယ်။
(၉) ငွေနဲ့ ပါတ်သက်သောဌာနမို့ ထင်ပါရဲ့ ငွေအရမ်းလိုချင်သူ၊ နာမည်ကောင်းရချင်သူ၊ စပွန်ဆာဖြင့် အလှူလုပ်သူဖြစ်ပါတယ်။ စစ်ဗိုလ်ချုပ်တွေထဲမှာ တပ်မှူး၊ တိုင်းမှူးမလုပ်ခဲ့လို့  သိရပါတယ်၊ ဖော်လံဖားတော်တာတစ်ခုပဲဖြစ်ပြီး အလုပ်ကြတော့ စိတ်မပါကြောင်း၊ ဌာနအကြီးအကဲများအပေါ် သြဇာလွှမ်းမိုးပြီး နေ့ စဉ် နံနက်တိုင်းBriefingခေါ်ကာ အချိန်ဖြုန်းကြောင်း၊ Cabinet မရှိက ပိုဆိုးကြောင်း၊ နေ့ လည်အားလျှင် video TV ကြည့်ပြီး သမ္မတခေါ်မှ ကပျာကယာဖြင့် လိုအပ်သောစာရွက်စာတမ်းရှာဖွေကာ ဆူပူကြိမ်းမောင်းကြောင်း၊ ညနေတိုင်းနီးပါး ဌာနအကြီးအကဲများခေါ်ကာ ဂေါက်ရိုက်ကြောင်း သိရပါသည်။
(၁၀) ဘဏ်၊ ဗဟိုဘဏ်ဆောက်သော ရွှေတောင်မှ ဥတရသီရိအိမ်အားဆောက်ပေးရကြောင်း၊ ဗဟိုဘဏ်မှ ၀န်ကြီးပိုင် ကျွန်း၊ သရက်စိုက်ခင်းအတွက် တစ်လကို သိန်း ၂၀၀ ခန့်  စိုက်ထုတ်ပေးရကြောင်း သိရပါတယ်။
(၁၁) စာနာစိတ်တော့ကောင်းတယ်ပြောရမလိုပဲ။ မေမြို့ က ဘဏ်ပိုင်အိမ်တစ်လုံးလိုချင်တော့ ဘဏ်ဝင်းထဲမှာ အိမ်တစ်လုံးဆောက်ပေးပြီး ပြောင်းခိုင်းတယ်၊ အခုတော့ သူသိမ်းပိုက်လိုက်ပြီလို့ သိရပါတယ်။
(၁၂) မန္တလေးမှာလဲ ဘဏ်ပိုင် သိန်း ၃၀၀၀ လောက်တန်တဲ့ အိမ်တလုံးကိုလဲ သူပဲ ယူတယ်လို့ သိရပါတယ်။
(၁၃) တောင်ကြီးမှာလဲ ဘဏ်က ချေးငွေအိမ်တစ်လုံးကို သူပဲယူတယ်လို့  ဘဏ်အငြိမ်းစားတစ်ဦးကပြောပါတယ်။
(၁၄) ခရီးသွားတိုင်း မိန်းမက လိုက်နေတော့ ဌာနအောက်ကလူတွေလဲ စိတ်ဓါတ်တွေကျနေကြပါတယ်။
(၁၅) မကြာသေးမီက ဘဏ်မှာ ရာထူးတိုးတစ်ခုမှာ အသက် ၅၇ ကျော်လို့ ဆိုပြီးချန်ခဲ့လို့  ၀န်ထမ်းတွေ နစ်နာကြရတယ်။
(၁၆) သူ့  PSO ကျတော့ ဗဟိုဘဏ်အလုပ် ဘာတစ်ခုမှ မတတ်ပဲ ရာထူးတွေပေးတယ်၊ ဦးဘရတ်ဆင်းနဲ့  ဦးထွန်သိန်း၊ ဦးမင်းထွဍ်တို့ ဆို ရာထူးတွေ မြန်မှမြန်နဲ့ ၊ စစ်သားချင်းတောင် ကကနက်မှ ပြန်ကြ့ည်တယ်ဆိုပြီး တခြားအရာရှိတွေ စိတ်နာနေကြတယ်။
0 အမျိုးသားရုပ်ရှင် ထုတ်လုပ်ရေးပိုင်ရှင် ဒေါ်အောင်ဆန်းစုကြည်
အမျိုးသားရုပ်ရှင် ထုတ်လုပ်ရေးပိုင်ရှင် ဒေါ်အောင်ဆန်းစုကြည်
၁၃.၂.၂၀၁၂ ရက်နေ့သည် ကျွန်တော်တို့ မြန်မာနိုင်ငံ၏ လွတ်လပ်ရေးဖခင်ကြီး ဗိုလ်ချုပ်အောင် ဆန်း မွေးနေ့ဖြစ်သည်နှင့်အညီ ဗိုလ်ချုပ်အောင်ဆန်း၏ မွေးနေ့အထိမ်းအမှတ် ဆွမ်းကပ်လှူဒါန်းခြင်းနှင့် ဗိုလ်ချုပ်အောင်ဆန်း ရုပ်ရှင်ဖြစ်မြောက်အရေးအဖွဲ့ ရုံးခန်းဖွင့်လှစ်ခြင်း အခမ်းအနားကို အမှတ် ၁၀၁ (ဘီ)၊ ဓမ္မစေတီလမ်း၊ ဗဟန်းမြို့နယ်၊ ရန်ကုန်မြို့တွင် နံနက် (၈း၃၀) နာရီအချိန်၌ ကျင်းပပြုလုပ်ခဲ့သည်။
ယင်းအခမ်းအနားတွင် ရုပ်ရှင်အနုပညာသမားများ၊ စာပေအနုပညာရှင်များနှင့် ၈၈ ကျောင်းသား ခေါင်းဆောင် ကိုမင်းကိုနိုင်နှင့်အဖွဲ့အပြင် အလှူရှင်များ၊ စာနယ်ဇင်းဆရာများ တက်ရောက်ခဲ့ကြသည့် အပြင် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့မှ လူကြီးများ၊ လူငယ်များတက်ရောက် အားပေးခဲ့ကြသည်။ ဦးစွာ ကျဆုံးသွားပြီဖြစ်သော အာဇာနည်သူရဲ ကောင်းများအား ရည်စူး၍ (၁) မိနစ်ခန့် ငြိမ်သက်စွာ အလေးပြုခြင်းကိုပြုလုပ်၍ ၈၈ ကျောင်းသား ခေါင်းဆောင် ကိုမင်းကိုနိုင်မှ နှုတ်ခွန်းဆက်စကား ပြောကြားရာတွင် “ဗိုလ်ချုပ်၏သမိုင်းကို ရိုက်ကူး ရာတွင် တက္ကသိုလ်ကျောင်းသားဘဝကို ပီပြင်ဖို့လိုကြောင်း၊ ကျောင်းသားသမ္မဂ္ဂ အဆောက်အဦးနှင့် လှုပ်ရှားမှုများပါဝင်ရန် အရေးကြီးကြောင်း” တိုက်တွန်းပြောဆိုခဲ့ပြီးသည့်နောက် ဒေါ်အောင်ဆန်းစုကြည်မှ အလှူရှင်များအား ဂုဏ်ပြုလက်မှတ်များကို ပေးအပ်ခဲ့ရာ ဆရာတော်အရှင်ဆန္ဒာဓိက၊ ဇာတ်မင်းသား ဖိုးချစ်၊ ဦးကျော်သူ၏ ဖခင်၏ “အမျိုးသား” ရုပ်ရှင်ထုတ်လုပ်ရေးပိုင်ရှင် ဦးစိန်တင်+ဒေါ်မြသန်းတို့အား ပေးအပ်ခဲ့သည်။ ထို့နောက် ဒေါ်အောင်ဆန်းစုကြည်မှ ကျေးဇူးတင် စကားပြောကြားကာ အခမ်းအနားအား နံနက် (၁၀း၃၀) နာရီခန့်တွင် ရှုပ်သိမ်းခဲ့သည်။ အခမ်းအနားပြီးဆုံးချိန်တွင် ဒေါ်အောင်ဆန်းစုကြည်မှ ဗိုလ်ချုပ်အောင်ဆန်းရုပ်ရှင် ဖြစ်မြောက်ရေးအဖွဲ့အား တွေ့ဆုံစကား ပြောကြားခဲ့ပါသည်။
ထို့ကြောင့် ယနေ့ဗိုလ်ချုပ်အောင်ဆန်းမွေးနေ့ (၁၃.၂.၂၀၁၂) မှစ၍ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် “အမျိုးသား” ရုပ်ရှင်ထုတ်လုပ်ရေးပိုင်ရှင်တစ်ဦး ဖြစ်သွားပြီ ဖြစ်တော့ သည်။
ကိုကျော်သူ
Monday, February 13, 2012
0 ဒေါ်အောင်ဆန်းစုကြည်နေအိမ်ခြံဝန်းအတွင်းတွင်ကျင်းပသောပြည်ထောင်စုနေ့ညပိုင်းအခမ်းအနားဓာတ်ပုံများ
ုPhoto.kyaw soe moe Facebook
Sunday, February 12, 2012
1 နိုင်ငံကျော်လူရွှင်တော် ဇာဂနာရဲ့ အမေရိကန် နယူးယောက်မှာပြုလုပ်တဲ့ စကားပြောပွဲ(ရုပ်/သံ)
Photo..maung thu ya facebook
0 "ယုံကြည်သောမနက်ဖြန် "(ကိုမင်းကိုနိုင် ၏ လက်ရေးမူရင်းသီချင်းစာသား)
မင်းကိုနိုင် ၏ လက်ရေးမူရင်းသီချင်းစာသား...{ငါတို့ တတွေမောင်နှစ်မရင်း စစ်တလင်းဖြစ်အောင်တိုက်ဦးမလား...အလှပန်းခင်းဖြစ်အောင် တွဲစိုက်ကြစို့ လား}
Nyi Han
2 ထူးဆန်းအံဖွယ်ကောင်းလှစွာသော အကယ်ဒမီ [သွန်းနေစိုး]
အကယ်ဒမီကို နတ်ကြီးသည်ဟု ပြောကြပါသည်။
ဘာကို ဆိုလိုချင်သည်မသိ။
ထူးဆန်းအံ့ဖွယ်ရာဖြစ်တတ်သည်ကတော့ အမှန်ပဲဖြစ်လေသည်။
အမြဲလိုလို ပရိသတ်မှန်းသည့်အတိုင် တသွေမတိမ်း ဘယ်တော့မှမဖြစ်။
ဘယ်လိုမှ မထင်သည်များအား ဘယ်လိုမှ မသက်ဆိုင်သော နည်းလမ်းဖြင့် ရောက်ရှိလာတတ်စမြဲဖြစ်လေသည်။ပြီးတော့ မထော်မနှမ်းကိစ္စတွေကလည်း အတော့်ကို များ၏။
ဟိုနှစ်ကဆိုလျှင်ပင် အကယ်ဒမီဗန်းကိုင်လေးများ၏ ဆင်မယဉ်သာ ခြေလှမ်းများမှာအတော်မျက်စိစပါး မွှေးစူးစရာဖြစ်ခဲ့ရသည်။
အကယ်ဒမီပေးမည့်လူရော အကယ်ဒမီရွှေစင်ရုပ်တု လက်ခံမည့် အနုပညာရှင်ရော နေရာမှာ ရောက်နေပေပြီ။သို့သော် အကယ်ဒမီရုပ်တု ဆောင်ယူလာသည့် ဗန်းကိုင်တွေက မရောက်သေး။
ဆင်မ ခြေထောက်နာနေသလို ခြေလှမ်းမျိုးဖြင့် တစ်လှမ်းချင်း အားမနာလျှာမကျိုး လာနေသည်မှာ သြချရသည်အထိ။
ဒီနှစ်ကျတော့ရော ...ပြောစရာတွေက တော်တော့်ကို များပါသည်။
ကမ္ဘာ့အဆင့်မီအောင်ပေါ့။ ဒစ်ဂျစ်တယ် မီးရှုးမီးပန်းကြီးတွေ လွှတ်၏။ ကောင်းပါသည်။
ပြီးတော့ရော အကယ်ဒမီကို ယခင်နှစ်များကလို တစ်ယောက်ချင်း ကြေငြာ စင်ပေါ်တင်တာမျိုး မဟုတ်ပဲအားလုံး ဆက်တိုက်ကြေငြာ၏။
ကောင်းပြန်ပါသည်။
ပြီးတော့ မကောင်းသည်ကား တံခါးပိတ်လိုက်ခြင်းပင်။ အကယ်ဒမီတွေ ဘယ်သူရပြီလဲ ဆိုတာ အားလုံးသိကုန်ပြီ။ စင်ပေါ်တက်သွားသူတွေလည်း တက်သွားပြီဆိုသည့်နောက်မှာ ဆက်မနေလိုသူတွေက ပြန်ကုန်ကြ၏။
ထိုအချိန်တွင် အင်မတန်ဆန်းကြယ်သည်ကား ၀င်းတံခါးမကြီးများကို ပိတ်လိုက်ခြင်း။ ဘာလို့ ပိတ်လိုက်တာလဲဆိုတော့။ အမိန့်အရတဲ့။
ပြန်ချင်သူတွေ ပြန်ချင်တဲ့အချိန်ပြန်လို့ မရဘူးလား။
ဟုတ်ကဲ့ ကျနော်တို့လဲ အထက်က ပိတ်ခိုင်းထားလို့ပါဆိုတော့ ဘယ်လိုလုပ်ရပါတော့မည်နည်း။ အနုပညာရှင်တွေမှာ ပြန်လိုလျက်က ပြန်၍ မရ။
နောက်ဆုံး (ယောက်ျားလေးအနုပညာရှင်များ) ၀င်းနံရံကျော်တက်တာတွေ ဖြစ်ကုန်၏။
မျိုသိပ်ထားရတာတွေ ပေါက်ကွဲပြီး ၀င်းနံရံခွကာ ဆဲဆိုနေတာတွေ ဘာတွေဖြစ်ကုန်သည်။
အဲဒီအခါကျတော့မှ ၀င်းနံရံကို ခဏပြန်ဖွင့်ပေးသည်။အမြန်ပြေးထွက်ကြရ၏။
ကျောင်းလစ်ရသော ကျောင်းသားတွေနှင့် တူလှသည်။သြော် ရုပ်ရှင်ကျောင်းတော်သားကြီးများပေတကား။
ထုံးစံအတိုင်း အကယ်ဒမီဂယက်အဖြစ် ဒီနှစ်ဘယ်သူ့ကိုပေးလိုက်သည်။
ဘယ်သူကရသင့်သည် စသည့်အသံတွေ ညံလာ၏။
ဘာမှ မပြောလိုပါ။ သို့သော် ...
အကောင်းဆုံးဇာတ်ကားဆုကို အချစ်ကားက ရသွားတော့ တော်တော်ဆန်းသွား၏။
သြော် အကယ်ဒမီ အကဲဖြတ်လူကြီးမင်းများ အချစ်ကားကြိုက်လို့ ထင်ပါရဲ့ဟု နားလည်မိသည်။
ပြီးတော့ ထိုကားနှင့်ပတ်သက်၍ ကျေးဇူးစကားကိုကြားရသည်။
ဒီကားကြီးဖြစ်ဖို့အတွက် ပြန်ကြားရေးဝန်ကြီးဌာနက အစစအရာရာ ကူညီလုပ်ဆောင်ပေးခဲ့တာကျေးဇူးတင်ပါတယ် ... တဲ့။
ဒါရိုက်တာဝိုင်းပြောသည်။ အဲဒီလိုဆိုတော့ ဒါရိုက်တာဝိုင်းက ဘာမှ မလုပ်ပေးခဲ့သလိုဖြစ်နေတယ် တဲ့
ဒီကားရဲ့ အောင်မြင်မှုတစ်ခုဟာ ရုပ်ရှင်လုပ်ငန်းက တာဝန်ရှိသူတွေနဲ့ သက်ဆိုင်သလား ၀ိုင်းရဲ့ လုပ်ရပ်တွေနဲ့ သက်ဆိုင်သလား... တဲ့။ဟုတ်ကဲ့။ ကျနော်တို့ ဘေးလူတွေလည်း နားကို မလည်နိုင်တော့ပါ။
ပြီးတော့ ရုပ်ရှင်လောကသားများ၏ တူညီသော အသံတစ်ခုကို ကြားမိ၏။
မကြာခင်မှာ မြန်မာရုပ်ရှင်လောက ပျက်ပါတော့မည်။
ဝိုင်းကတော့ အကယ်ဒမီပွဲကို ...
``ဘယ်မျက်နှာနဲ့သွားတက်မလဲ
ဘောလုံးသမားတစ်ယောက်က ဘောလုံးကွင်းမရှိရင် ဘောလုံးကန်လို့ မရဘူး။
ရုပ်ရှင်သမားတစ်ယောက်က ရုပ်ရှင်မားကတ်ပျက်ရင် ရုပ်ရှင် ရိုက်လို့ မရတော့ဘူး။
မကြာခင်မှာ ရုပ်ရှင်လောကပျက်ပါတော့မယ်လို့ ပါးစပ်ကတင်မဟုတ်ဘူး အပြင်မှာ မီဒီယာတွေက တစ်ဆင့်ပြောတယ်။
ဒါပေမဲ့ အရေးလည်း မစိုက်ဘူး။ အဖက်လည်း မလုပ်ဘူး။ ကိုယ့်ထမင်းအိုးကိုယ် ကာကွယ်နေတဲ့ လူတွေကြားထဲမှာ ဘယ်လို အလုပ်လုပ်မလဲ။ ကိုယ်တို့ချစ်တဲ့လောကကြီး ပျက်စီးမှာမြင်နေလျက်နဲ့ဒီအရုပ်တရုပ်အတွက် မတက်တော့ဘူး။´´
ဟု ဆို၏။
ပြီးတော့ ဘာကြောင့်မှန်းမသိပဲ အကယ်ဒမီပွဲစချင်း ညနေ၅နာရီမှာ ဒါရိုက်တာဝိုင်းရဲ့ ဖုန်း အပိတ်ခံလိုက်ရသည်တဲ့။
ဘီလ်လဲ ဆောင်လျက်သားနှင့် ထူးဆန်းစွာ အပိတ်ခံလိုက်ရခြင်းဖြစ်သည်တဲ့။
အင်မတိအင်မတန် ထူးဆန်းအံ့ဖွယ် ရှိချေသည် တကား။
ကိုယ်တိုင်ကင်မရာထမ်း ရိုက်ရပါလျက် အကယ်ဒမီနှင့် နီးစပ်ခွင့်မရရှာသူကင်မရာဆရာတစ်ယောက် အကြောင်း ကြားရသည်ကလည်း စိတ်မကောင်းစရာ ကောင်းလှပါသည်။
လင်းဇာနည်ဇော် အကယ်ဒမီမရ။ ထို့အတွက် ဘာမှ မပြောလိုပါ။
သို့သော် အကယ်ဒမီဆိုတာ အလှည့်ကျ ပေးရသော အရာလား။
ပရိသတ်အနည်းအများကိုလိုက်ပြီး ပေးတာလား။
ဒါကိုတော့ ဝေခွဲမရပါ။
လင်းဇာနည်ဇော် ကိုယ်တိုင်ကိုက ပြောပါသည်။သူ မရဘူးဆိုတာ အစောကြီးကတည်းက ကြိုသိပါသည် ... တဲ့။ဘယ်အချက်တွေကြောင့်များလဲ စဉ်းစားစရာရှိပါသည်။
အကယ်ဒမီဆိုတာ ဒီလို အချက်အလက်တွေနဲ့ ဆုံးဖြတ်ကြတာမျိုးလား?
ဒါကို အနုပညာရှင်တွေက ငုံ့ခံနေကြရတာမျိုးလား?
ဝါရင့် ဒါရိုက်တာကြီးတစ်ဦးကတော့ အကယ်ဒမီကို ဤသိုဝေဖန်ပါသည်။
``... မလုပ်တတ်တဲ့အကြောင်း ဖော်ပြတဲ့ပွဲ ... တဲ့
အကဲဖြတ်တွေကို By Name နှင့် ဆွဲခန့်သည့်အခါ အနုပညာကို နားမလည်တဲ့သူက ၈၀ရာခိုင်နှုန်းလောက်ပါနေတယ် ...´´ဟု ဆိုပါသည်။
သြော် နတ်ကြီးလှစွာသော အကယ်ဒမီပေတကား။
(ဖော်ပြပါ အချက်များ၏ အတွင်းကျကျ အင်တာဗျူးများကို ဖတ်ရှုလိုပါလျှင် မကြာမီထုတ်ဝေဖြန့်ချိမည့် OASIS အနုပညာဂျာနယ်တွင် ဖတ်ရှုနိုင်ပါလိမ့်မည်။)
သွန်းနေစိုး Thorn Nay Soe
0 အမိုးစကား ( ၆၅ နှစ်ပြည့် ပြည်ထောင်စုနေ့ အမှတ်တရ ကဗျာ )
ပျိုကညာရွယ်လွန်ပြီး ဆံဖြူသွားကျိုး
တို့- ပြည်ထောင်စုရဲ့သက်တမ်းတောင် ၆၅ နှစ်ထဲရောက်
တဝုန်းဝုန်း တဒိုင်းဒိုင်းနဲ့ ပြည်တွင်းစစ်ကြီးက
ကညာပျိုရွယ်လို အားကောင်းလို့မောင်းသန်နေဆဲ...ဖိုးခွါးရေ။ (လူလေးရေ)
စိတ်မချရတဲ့အနာဂတ်မှာ အမိုးတို့ဘဝ
အိပ့်မရတာလည်း ကြာခဲ့ပြီပေါ့။
အမိုးအကာအစုတ်နဲ့ စစ်ပုန်း စစ်ရှောင်
အမိုးတို့ရဲ့ဒုက္ခ စဉ်းစားသာတွေးကြည့်ပေတော့....ဖိုးခွါးရေ။ (လူလေးရေ)
အမိုးမလိမ်ဘူး ကျိန်ဆိုရင် ကျိန်ပြပါ့မယ်
ငါးပိတစ်အိုးနဲ့ စစ်မဲ့ဇုန်မှာနေရရင်
အမိုး သေပျော်ပါပြီး....ဖိုးခွါးရေ။ (လူလေးရေ)
အမိုးရဲ့မြေး အမိုးရဲ့ခွေး
စစ်မီးဟုန်းဟုန်း တောက်လောင်နေဆဲမှာ
ငတ်တလှည့် ပြတ်တလှည့်နဲ့ ပြေးရင်းလွှားရင်း
ထမင်းငတ်ခဲ့တဲ့ ရက်တွေလည်းတွေလည်း ကြုံခဲ့တယ်...ဖိုးခွါးရေ။ (လူလေးရေ)
ဖိုခွါးရေ (လူလေးရေ) သတင်းမကြားရရင်နေပါစေ
အစာအိမ်ရောဂါရှိတဲ့ အမိုး
ထမင်းမစားရတာ ရက်ရှည်ကြာတော့
ပြဿနာတော့ရှိလာတယ်...ဖိုးခွါး။ (လူလေး)
ကျိန်စာသင့်ထားသလို ပြည်တွင်းစစ်ရဲ့မီး
နှစ်ပေါင်းရှည်ကြာ အလျှံညီးညီးတောက်လောင်နေတော့
အမိုးတို့ရွာအကြောင်း တွေးမိလေတိုင်း မျက်ရည်ဝိုင်းခဲ့ရတယ်...ဖိုးခွါးရေ။ (လူလေးရေ)
အမိုးရဲ့ နောက်ဆုံးစကား ဖိုးခွါးတို့ကို (လူလေးတို့ကို) ပြောခဲ့ပါရစေ...
ဒါ- တို့ပြည် ဒါ- တို့မြေ တို့တတွေပိုင်တဲ့မြေထဲ
လူမဆန်တဲ့ အာဏာရှင်အမျိုးယုတ်တွေကို
ကျူပင်ခုတ် ကျူငုတ်မကျန် အမြစ်ပါဖြိုလှဲ
ပြည်ထောင်စုကို အသက်ပေးလို့
တို့တတွေရဲ့ ညီညွှတ်အားနဲ့ စုပေါင်းကာကွယ်ကြပါ....စို့။
(KOBALOI)
0 ၀ါးသင်္ခရွာက ဘောလုံးကွင်းမှာ လူထုကို ပြောကြားသော ဒေါ်အောင်ဆန်းစုကြည်၏ မိန့်ခွန်း
ဒေါ်စုရဲ့ ကော့မှူးခရီးစဉ် လမ်းမှာ ထွက်ကြိုနေသူ ကြံ့/ဖွံ့တစ်ဦး(သူတို့ ဘာတွေပဲ လာပေးထား လာပေးထားဒို့ကတော့ အမေစုပဲ အားပေးတယ်လို့ပဲ ဆိုနေလေသလား)
ကျမဟာ ဒီရွာကို ပထမဦးဆုံးအကြိမ်လာတာဆိုပေမဲ့ နောင်လဲ မကြာခဏ လာနိုင်လိမ့်မယ်လို့ ကျမမျှော်လင့်ပါတယ်။ အခု ကျမတို့ အမျိုးသားဒီမိုကရေစီအဖွဲ့ချုပ်ဟာ ပြန်လည်မှတ်ပုံတင်ပြီးတော့ နိုင်ငံရေးပါတီတစ်ခုအနေနဲ့ လှုပ်ရှားလာတာဟာ အဓိက ပြည်သူတွေရဲ့တာဝန်တွေကို ထမ်းဆောင်ပေး ချင်လို့ဖြစ်ပါတယ်။ ကျမတို့ ဒီရပ်ရွာ၊ ဒီဒေသမှာ ဘယ်လိုပိုပြီးတော့ ဖွံ့ဖြိုးတိုးတက်အောင် လုပ်နိုင်မလဲ ဆိုတာကို လေ့လာပြီးတော့ ကျမတို့နဲ့ ပြည်သူတွေနဲ့အတူ ကျမတို့ဖြစ်စေချင်တဲ့ အခြေအနေမျိုးဖြစ်အောင် ကြိုးစားရမှာပါ။ ကျမတို့အဖွဲ့ချုပ်အနေနဲ့ ကျမတို့ဟာ နတ်၊ သိကြားလည်း မဟုတ်ဘူး။ ၀ိဇာဇော်ဂျီလည်းမဟုတ်တော့ ‘ဖြစ်စေ’ ဆိုပြီးတော့ ဖြစ်အောင်လုပ်လို့မရပါဘူး။ ကျမတို့ ကြိုးစားပြီး တော့ အလုပ်လုပ်မှဖြစ်မှာပါ။ ဒါပေမဲ့ စုပေါင်းအင်အားနဲ့ ကျမတို့ဟာ ခိုင်ခိုင်မာမာနဲ့ အခက်အခဲတွေကို ကျော်လွှားရဲတဲ့ သတ္တိ၊ ကျော်လွှားနိုင်တဲ့အရည်အချင်းတွေနဲ့ ကိုယ်လိုချင်တဲ့ ပန်းတိုင်ကို ရောက်မှာ ဖြစ်ပါတယ်။
….အားလုံးလာကြိုဆိုတဲ့ ရွာသူရွာသားတွေကို ကျမတို့ ကျေးဇူးတင်တယ်။ ကျမတို့က ဒီရွာတစ်ရွာတည်းလုပ်လို့လည်းမဖြစ်ဘူး။ ရွာတွေအားလုံးစုရုံနဲ့လည်း မလုံလောက်ဘူး။ မြို့နယ်တွေအားလုံးစု၊ ပြည်နယ်တွေ အားလုံးစုပြီးတော့ တစ်တိုင်းပြည်လုံးရဲ့ စုပေါင်းအင်အားနဲ့ လုပ်မှ ကျမတို့နိုင်ငံဟာ တကယ့်ကို အေးချမ်းတည်ငြိမ်ပြီးတော့ တိုးတက်တဲ့ နိုင်ငံဖြစ်နိုင်မှာပါ။ ကျမ ကော့မှူးမြို့နယ်မှာ ၀ါးသင်္ခရွာကို ပထမဦးဆုံးလာရတဲ့ အကြောင်းကတော့ ဒီမှာ ကရင်တိုင်းရင်းသူ၊ တိုင်းရင်းသားတွေ များလို့ဖြစ်ပါတယ်။ တကယ်ဆို တချို့ဥပမာဆိုရင် ကျိုက်ထော်လည်း ကရင်များပါပဲလို့ ပြောကြာပါလိမ့်မယ်။ ဒါပေမယ့် ကျိုက်ထော်ခရီးက နည်းနည်းခက်လို့ပါ။ ဒါကြောင့်မို့လို့ ကျိုက်ထော်ကို အရင်မလာတာကို ကျမတို့ကို ခွင့်လွှတ်ပါလို့လည်း တောင်းပန်ချင်ပါတယ်။ ဒါပေနဲ့ ဒီရွာမှာ ကရင်တိုင်းရင်းသူ၊ တိုင်းရင်းသားတွေ အများစုဖြစ်တဲ့အခါကျတော့ ကျမတို့ရဲ့ ပြည်ထောင်စုရဲ့ သင်္ကေတတစ်ခုလိုဖြစ်နေပါတယ်။ ဒါကြောင့် ကျမတို့ ဒီရွာကို လာရတာပါ။ အင်မတန်မှလည်း အားတက်တယ်။ လမ်းခရီးတစ်လျှောက်လုံး ပြည်သူလူထုရဲ့ ကြိုဆိုမှုကြောင့်လည်း ကျမတို့ဟာ ပိုပြီးတော့ ကျမတို့ရဲ့ တာာဝန်တွေကို ထမ်းဆောင်နိုင်မယ့် အင်အားတွေပြည့်လာတယ်လို့ ကျမပြောချင်ပါတယ်။
နိုင်ငံရေးလုပ်တယ်ဆိုတာဟာာ ရေရှည်လုပ်ငန်းပါ… နိုင်ငံ့ရဲ့ အရေးဆိုတာ ဘယ်တော့မှ အဆုံးမရှိ ပါဘူး။....အဲဒီတော့ ချက်ချင်းလက်ငင်း ကျမတို့ပြည်သူတွေအတွက် ဘာတွေ အရေးကြီးသလဲဆိုတာဟာ ပြည်သူတွေနဲ့ တိုင်ပင်ပြီးတော့ ကျမတို့က ဆုံးဖြတ်ရမှာဖြစ်ပါတယ်။ ကျမတို့ နားလည်သလောက်ကတော့ ကော့မှူးမြို့နယ်မှာဆိုရင် အရေးကြီးဆုံးကိစကတော့ အလုပ်အကိုင်မရှိခြင်းပါပဲ။ အလုပ်အကိုင်ကို ပြည်သူတွေအတွက် လုံလုံလောက်လောက်ရှိအောင်လို့ လုပ်ပေးရမှာဟာ ပထမဦးဆုံးတာဝန်ဖြစ်တယ်ဆိုတာ ကျမတို့နားလည်ပါတယ်။ ဘယ်လိုအလုပ်အကိုင်မျိုးလဲဆိုတာတော့ … ကျမတို့လေ့လာကြည့်တဲ့အခါမှာ ကော့မှူးမြို့နယ်မှာဆိုလို့ရှိရင် ဘွဲ့ရပြီးသားလူငယ်များဟာ အများစုဟာ အခုထက်ထိ အလုပ်အကိုင်မရှိသေးဘူးဆိုတာ ကျမတို့ သိရပါတယ်။ (လက်ခုတ်သံများ)
ဒီတော့ ဘွဲ့ရလူငယ်တွေကော၊ ဘွဲ့မရသေးတဲ့ လူငယ်တွေကော၊ လူလတ်တွေကော၊ လူကြီးတွေကော အလုပ်လုပ်ချင်တဲ့ လူတွေ၊ အလုပ်လုပ်ဖို့ လိုတဲ့သူတွေ အလုပ်လုပ်နိုင်ဖို့ဟာ ပထမဦးစားပေးပြီးတော့ ကျမတို့ အမျိုးသားဒီမိုကရေစီအဖွဲ့ချုပ်က လုပ်သင့်တယ်လို့ ဒီလိုပဲ ကျမတို့ ခံယူတယ်။ အဲလိုအခြေအနေမျိုးဖြစ်လာဖို့လည်း ကျမတို့ ကြိုးစားမှာပါ။ အဲလို ကျမတို့ကြိုးစားတဲ့အခါမှာ ပြည်သူဟာလည်း ကျမတို့ကို ထောက်ခံခြင်းအားဖြင့် ပါဝင်ပြီးတော့ ကြိုးစားပေးပါလို့ ကျမတို့က မေတ္တာရပ်ခံချင်ပါတယ်။ (လက်ခုတ်သံများ)
ကျမ အမြဲတန်း ကျမတို့ရဲ့ အဖွဲ့ချုပ်ဝင်တွေကို မှာပါတယ်။ ပြည်သူတွေကို ကတိတွေ လွယ်လွယ်မပြောပါနဲ့။ ဟိုဟာလုပ်ပေးမယ်၊ ဒီဟာလုပ်ပေးမယ်ဆိုပြီးတော့ ပြည်သူတွေရဲ့ ထောက်ခံမှုကို မတောင်းဆိုပါနဲ့။ မှန်မှန်ကန်ကန်၊ ဖြောင့်ဖြောင့်မတ်မတ် ပြည်သူတွေအပေါ်မှာ ဆက်ဆံပါ။ လေးစားပါ။ ပြည်သူတွေကို မှန်မှန်ကန်ကန် မပြောဘူးဆိုတာဟာ ပြည်သူကို မလေးစားရာ ရောက်ပါတယ်။ ဒါကြောင့်မို့လို့ ကျမတို့ဟာ မှန်မှန်ကန်ကန်ပဲ ပြောချင်ပါတယ်။ ကျမတို့ ရှေ့မှာ ရင်ဆိုင်ရမယ့် အခက်အခဲတွေကတော့ မနည်းပါဘူး။ ဒီအခက်အခဲတွေရှိတယ်ဆိုတာကို ကျမတို့က အသိအမှတ်ပြုတာဟာ စိတ်ပျက်လို့မဟုတ်ဘူး။ အားတွေ ပိုပြီးတော့ ဖြည့်ဖို့လိုတာဆိုတာ အများသိစေချင်လို့ ကျမတို့ ပြောတာဖြစ်ပါတယ်။ ဒါကြောင့် ရှေ့က အခက်အခဲတွေအားလုံး ကျမတို့အတူကျော်လွှားဖို့ ကြိုးစားကြပါ။ အားတွေဖြည့်ကြပါ။ ကျမတို့က ပြည်သူတွေကို လေးစားသလို၊ တန်ဖိုးထားသလို ပြည်သူတွေကလည်း ကျမတို့အပေါ်မှာ ယုံကြည်မှုပေးပါလို့ ကျမတောင်းခံချင်ပါတယ်။ (ပြည်သူများဆီမှ လက်ခုတ်သံများ)။
ပြည်သူတွေရဲ့ ယုံကြည်မှု၊ ပြည်သူတွေရဲ့ထောက်ခံမှုမရှိဘဲနဲ့တော့ ဘယ်အဖွဲ့အစည်း၊ ဘယ်ပုဂ္ဂိုလ်ကမှ နိုင်ငံ့ကောင်းကျိုးအတွက် လုပ်နိုင်မှာ မဟုတ်ပါဘူး။ ပြည်သူပါမှ ဘာမဆို အောင်မြင်မှာဖြစ်ပါတယ်။ ဒါကြောင့် မို့လို့ ကျမကို လမ်းမှာ အောင်မြင်ပါစေလို့ ဆုတောင်းပေးတဲ့ ပြည်သူတွေက တကယ်တမ်း အောင်မြင်စေချင်ရင် ကိုယ်တိုင်ပါဝင်ပြီးတော့ ကျမတို့ကို အားတွေဖြည့်ပေးကြပါလို့ ကျမ မေတ္တာရပ်ခံချင်ပါတယ်။ (ပြည်သူများဆီမှ လက်ခုတ်သံများ)
ကော့မှူးသွားရာလမ်း ကျေးရွာမှ ထွက်ကြိုနေကြသူများမှာ ဒေါ်အောင်ဆန်းစုကြည်နှင့် ဗိုလ်ချုပ်အောင်ဆန်း ရုပ်ပုံများအား ချိတ်ဆွဲကာ ချစ်ခင်လေးစားမှု ကိုပြသကြသည်။
နောက်တစ်ခုက ကျမက တောင်းပန်ရမှာက ကျမ ဗမာစကားပဲတတ်တယ်။ အဲဒါ ဒီမှာ ကရင်တိုင်းရင်းသူ၊ တိုင်းရင်းသားတွေ အများစုရှိတဲ့ရွာကို လာပြီးတော့ ဗမာလိုပဲ ပြောတာကိုလည်း ကျမတောင်းပန်ပါတယ်။ ကရင်စကားလည်း ကြိုးစားပြီး သင်ယူပါမယ်။ ဒါပေမဲ့ ရအောင်သင်နိုင်မယ်လို့တော့ ကျမ ကတိမပြုဘူးနော်။ တော်ကြာ မတတ်လို့ရှိရင် ကတိပျက်နေမှာစိုးလို့။ တစ်လုံးစ၊ နှစ်လုံးစတော့ သင်လိုက်ပါမယ်။ နောက်တစ်ခါလာလို့ရှိရင် ကျေးဇူးတင်ပါတယ်လောက်တော့ ပြောတတ်အောင်လို့ပေါ့လေ။ ကျမတို့နဲ့ အတူဆက်ပြီးတော့ သွားရမယ့်ခရီးဟာ ကြမ်းတယ်။ ဒါပေမဲ့ ကျမတို့ ဦးတည်နေတဲ့ ပန်းတိုင်ဟာ အင်မတန်မှ အေးမြပါတယ်။ ပြည်တွင်းငြိမ်းချမ်းရေး၊ ပြည်သူတွေ ဖွံ့ဖြိုးရေး၊ တိုင်းပြည်တည်ငြိမ်ရေး၊ ဒါတွေဟာ အင်မတန်မှ ချမ်းမြေ့ဖွယ်ကောင်းတဲ့၊ နှစ်မြို့ဖွယ်ကောင်းတဲ့ ကိစတွေ ဖြစ်ပါတယ်။ ဒီတော့ ကြမ်းတမ်းတဲ့ ခရီးကို ကျမတို့ အတူတူသွားနိုင်မယ့် အင်အားတွေ ရှိတယ်လို့လည်း ကျမ ယုံကြည်ပါတယ်။ ဒီလောက်တောင် နေပူကြဲတဲကြီးထဲမှာ စောင့်နိုင်တဲ့လူတွေဟာ ဒီလောက်တော့ အားရှိမယ် မဟုတ်ဘူးလား။ (လက်ခုတ်တီးသံများ)
ကျမတို့ အင်အားတွေကို ဖြည့်ပေးပါ။ ကျမတို့ကလည်း ပြည်သူတွေရဲ့ အင်အားကို ဖြည့်ပေးပါမယ်။ အခု ကျမတို့ အမျိုးသားဒီမိုကရေစီအဖွဲ့ချုပ်ဟာ ကော့မှူးမြို့နယ်မှာ ရုံးတွေဖွင့်ပြီးဆိုတော့ ပြည်သူတွေရဲ့ လိုအပ်ချက်တွေကို နားထောင်နိုင်ဖို့ အခြေအနေက ပေးလာပြီဖြစ်ပါတယ်။ ဒီတော့ လိုအပ်တာလေးရှိရင် ပြည်သူတွေရဲ့ စိုးရိမ်ကြောင့်ကြစရာမှုတွေရှိတယ်ဆိုရင်၊ မျှော်လင့်ချက်တွေကို ကျမတို့ကို သိစေချင်တယ်ဆိုရင် ကျမတို့ရဲ့ အမျိုးသားဒီမိုကရေစီရုံးတွေကတစ်ဆင့် ကျမတို့ကို အသိပေးပါ။ ဘယ်သူဆီက ဘယ်လိုပဲပြောပြော၊ ကျမတို့ဟာ တစ်ဦးချင်း၊ တစ်ဦးချင်း အကြောင်းမပြန်နိုင်ပေမယ့် ဒီကိစတွေကို အလေးထားပြီးတော့ တတ်နိုင်သမျှ ကျမတို့ ကိုင်တွယ်ပေးပါ့မယ်လို့ ကျမပြောချင်ပါတယ်။ ပြီးတော့ ပြည်သူလူထုကလည်း ထပ်ပြီးတော့ ကြိုးစားပါ။ ကျမတို့ကလည်း ဆထက်တပိုး ပိုပြီးတော့ ကြိုးစားပါ့မယ်။ နောင်လည်း အခေါက်ခေါက်အခါခါ ဒီရွာကို လာဖို့ မျှော်လင့်တာကြောင့်မို့လို့ ဒီတစ်ခါတော့ သိပ်အရှည်ကြီးစကားမပြောပါဘူး။ တော်ကြာ နောက်တစ်ခါ ပြောစရာမကျန်မှာစိုးလို့။ အားလုံး
ကျန်းမာချမ်းသာကြပါစေ…ဘေးရန်ကင်းဝေးကြပါစေ။ … လိုရာဆန္ဒအ၀၀ပြည့်ဝကြပါစေ။ ကျေးဇူးတင်ပါတယ်။
(လက်ခုတ်သံများ)
Yangon Press International
0 လူထုခေါင်းဆောင်ဒေါ်အောင်ဆန်းစုကြည်၏ ကော့မှုးခရီးစဉ် ရွာလုံးကျွတ်ကြိုဆို(ဓာတ်ပုံ/ရုပ်သံ)
တင်းပြည့်ပါတီဝင်အဖြစ် သရုပ်ဖော်ထားပုံ
ကျမတို့ရှေ့မှာ ရင်ဆိုင်ရမယ့် အခက်အခဲတွေက မနည်းပါဘူး။ ဒါကြောင့်မိုလို့ ရင်ဆိုင်ရမယ့် ရှေ့က အခက်အခဲတွေ အားလုံးကို ကျမတို့ အတူ ကျော်လွှားဖို့ ကြိုးစားကြပါ။ အားအင်ဖြည့်ကြပါ။ ကျမတို့က ပြည်သူတွေကို လေးစားသလို တန်ဖိုးထားသလို ပြည်သူတွေကလည်း ကျမတို့အပေါ်မှာ ယုံကြည်မှု ပေးပါလို့ ကျမက တောင်းခံချင်ပါတယ်။”
Photo..gettyimages,reuters,Messenger journal
Subscribe to:
Posts (Atom)
