0 ၇ ဇူလိုင် သမိုင်းဝင်ဖြစ်ရပ်ဓာတ်ပုံများ

သတင်းအကျဉ်းချုပ် ...

0 သွေးမြေကျသည်အထိ ပေးဆပ်မှု

နာရေးကူညီမှုအသင်း(ရန်ကုန်)မှ ရေရှားပါးမှု ဒုက္ခကျရောက်သော မြို့နယ်၊ ကျေးရွာ၊ ဒေသများသို့ ရေရှည်စီမံကိန်းဖြစ်သည့် အ၀ီစိတွင်းများ၊ အုတ်ရေကန်များတွင် “အများပြည်သူအတွက် အများပြည်သူ ကောင်းမှု နာရေးကူညီမှုအသင်း(ရန်ကုန်)”ဟု ကဗျည်းရေးထိုးကာ ဒေသခံ လူမှုရေးသမားများနှင့် ပူးပေါင်း အကောင်အထည်ဖော် ဆောင်ရွက်ခဲ့ရာ ယခု ပဲခူးတိုင်းရှိ ကျေးရွာ (၅) ရွာဖြစ်သည့် ခနီးကျေးရွာ၊ ခနာကျေးရွာ၊ ညောင်ပင်ကန်ကျေးရွာ၊ လက်ပံကုန်းကျေးရွာနှင့် စက်ကုန်းကျေးရွာ တို့တွင် နာရေးကူညီမှုအသင်း(ရန်ကုန်)နှင့် ပူးပေါင်း၍ ပဲခူးမြို့ ဒေသခံ လူမှုရေးသမား ကိုသူရိန်ဝင်းနှင့် အဖွဲ့ ဦးဆောင်၍ တူးဖော် တည်ဆောက်ခြင်း လုပ်ငန်းများအား နေ့ည မနားတမ်း လုပ်ကိုင်ပေးဆပ်ခဲ့ရာ မကြာမီ အချိန်ကာလတွင် ပြီးစီးတော့မည် ဖြစ်ပါသည်။ အောင်မြင်စွာ ပြီးစီးသွားပါက အများပြည်သူ အလှူငွေဖြင့် အများပြည်သူအတွက် ပေးဆပ်မှုဖြစ်သည့် ရေအလှူဒါန ကုသိုလ်ရေးအား ရေစက်သွန်းချ အမျှပေးဝေ လှူဒါန်းသွားမည် ဖြစ်ပါသည်။

နာရေးကူညီမှုအသင်း(ရန်ကုန်)မှ တာဝန်ယူပြီး ဆက်လက်တူးဖော်နေသည့် ကျေးရွာများမှာ - ပဲခူးတိုင်းရှိ ခနီးကျေးရွာ၊ ခနာကျေးရွာ၊ ညောင်ပင်ကန်ကျေးရွာ၊ လက်ပံကုန်းကျေးရွာနှင့် စက်ကုန်းကျေးရွာ တို့ဖြစ်ကြသည်။ ထိုသို့ တူးဖော်ရာတွင် ခနီးကျေးရွာ အ၀ီစိတူးဖော်ရေး လုပ်ငန်းခွင်တွင် ချိန်းဘလောက် ပြုတ်ကျ၍ တူးဖော်ရေး လုပ်အားပေး လူမှုရေးသမား ၀န်ထမ်းတစ်ဦး ဦးခေါင်းတွင် ထိခိုက်၍ သွေးမြေကျခဲ့ရသည်။ မည်သို့ဖြစ်စေ အများပြည်သူအား ပေးဆပ်ကုသိုလ်ယူပွဲ ဖြစ်သည့်အတွက် မိမိ၏ ထိခိုက်ဒဏ်ရာကြောင့် မိမိတာဝန်ယူ ဆောင်ရွက်သည့် ခနီးကျေးရွာ၏ အ၀ီစိတွင်း တူးဖော်ခြင်း လုပ်ငန်းခွင်အား ရပ်နားခြင်းမပြုဘဲ ပြီးစီးသည်အထိ ကြိုးစားတူးဖော် ဆောင်ရွက်ပေးလျှက်ရှိသော လုပ်အားပေး လူမှုရေးသမား ညီငယ်လေးအား နာရေးကူညီမှုအသင်း (ရန်ကုန်)မှ မိမိ၏ အသက်ခန္ဓာအား မငဲ့ကွက်ဘဲ ကိုယ်ကျိုးထက် အများအကျိုးအတွက် ရဲရဲရင့်ရင့် ပေးဆပ်ကူညီမှုအတွက် အထူးမှတ်တမ်းတင် အပ်ပါသည်။

ဓာတ်ပုံနှင့် သတင်းပေးပို့သော ကိုကျော်သူအားကျေးဇူးတင်ရှိပါသည်။

သတင်းအကျဉ်းချုပ် ...

0 မြန်မာနိုင်ငံနှင့် တိုင်းရင်းသား၁၃၅မျိုး

ကျနော်ကြိုးစားပမ်းစားပြုစုကြည့်တာပါ။၁၃၅မျိုးပြောလွန်းလို့ဟုတ်မဟုတ်စမ်းကြည့်တာ။ရနိုင်သမျှစာအုပ်တွေနဲ့
ဖတ်ပြီးကြိုးစားရေးကြည့်တာပါ။ ပိုတာလိုတာထပ်ဖြည့်ကြပါ။

လေးစားစွာဖြင့်
ကိုတိုးတိုး မိုးကုတ်

သတင်းအကျဉ်းချုပ် ...

0 ချောင်းကြည့်သူရဲ့ အမှား (အမှတ်-၂၄)ကိုကြီးပေါ်

နွေဆို ရေခန်း, မိုးဆို ရေကြီးတဲ့ တိုင်းဗာရာ မြန်မာဏသီ ရွှေပြည်တော်ကြီးမှာ ဒီနှစ်မိုးရာသီကို ရခိုင် ရေဘေးလေဘေးနဲ့ စဖွင့်လိုက်ပါပြီ။ တဆက်တည်းမှာပဲ ကချင်ပြည်နယ် ဖားကန့်မှာ ရေကြီးပါတယ်။ ဒီနှစ်မှာ အယ်နီညို မိုးလေ၀သဖြစ်စဉ် ရှိတာကြောင့် မိုးနှောင်းကောင်းမယ်လို့ ဆိုပါတယ်။ “မိုးနှောင်းကောင်းမယ်” ဆိုတာက နားဝင်ချောအောင် ပြောတာ။ အဓိပ္ပာယ်က မိုးအကုန် ဆောင်းအကူးမှာ ရေကြီးမယ်လို့ ဆိုလိုတာပါ။ နွေရာသီ စာရင်းပိတ်လက်ကျန် ကတော့ အင်းလေးကန်ကြီး ရေခမ်းခြောက်သွားတာပါပဲ။

ကိုကြီးပေါ် တယောက် ရာသီဥတုကို စာရင်းလိုက်ကောက် နေရတာက အကြောင်းရှိပါတယ်။ ရွှေပြည်တော်ကြီးမှာ “စား ၀တ် နေ” ဆိုတဲ့ အရေးသုံးပါးအနက် နေရေးကိစ္စမှာ နေ့စဉ်နဲ့အမျှ ရာသီဥတုနဲ့ စီးချင်းထိုး နေရတာကြောင့်မို့ပါ။ ကိုကြီးပေါ်တို့ရဲ့ ရွှေပြည်တော်ကြီး ဆိုတာက အင်မတိအင်မတန် သဘာဝနဲ့ တသားတည်းကျအောင် နေထိုင်တဲ့ ပြည်တော်ကြီး မဟုတ်လား။ လူကဖန်တီးထားတဲ့ အရာတွေကို လုံးဝ ဆန့်ကျင်တယ်လေ။ လျှပ်စစ်မီး မသုံးဘူး။ လောင်စာစွမ်းအင် မသုံးဘူး။ သဘာဝ အလင်းရောင်နဲ့ နေတယ်။ သဘာဝကပေးတဲ့ စွမ်းအင်နဲ့ပဲ နေတယ်။ သဘာဝတရားကို အဲသလောက် ချစ်မြတ်နိုးစွာ အမြော်အမြင် ကြီးစွာ ထိမ်းသိမ်းထားတာကလား။

ဒီလို သဘာဝအတိုင်း နေထိုင်သူတွေ ဆိုတော့ သဘာဝ ရာသီဥတုနဲ့ တိုက်ရိုက် ထိတွေ့ခွင့် ရနေတာကိုက ဒုလ္လဘတရားပါပဲ။ ပူမယ်ဆို ပူလိုက်၊ အေးမယ်ဆို အေးလိုက်၊ လေတိုက်ချင် တိုက်ပစ်လိုက်၊ ရေကြီးချင် ကြီးပစ်လိုက်။ ရွှေပြည်တော်မှာ သဘာဝ ရာသီဥတုက လွတ်လပ်ခွင့် အပြည့်နဲ့ သောင်းကျန်းသမျှကို ရွှေပြည်တော်သားတွေက မေတ္တာမပျက် ခံယူလျက်ပါ။ ဒါတင်မက မိုးရွာလို့ ရေကြီးတာကို မြို့ထဲနေသူတွေ မခံစားလိုက်ရမှာ စိုးလို့ မြို့လယ်ခေါင်မှာကို ရေကြီးအောင် လုပ်ပေးထားတာ။ ရွှေပြည်တော်ကြီးရဲ့ ခေတ်ရှေ့ပြေးမှုကို ဘယ်သူတွေ လိုက်မီလိမ့်မလဲ။

အဲ… ခက်နေတာက ရွှေပြည်တော်မှာ ဖြစ်ပျက်သမျှကို လူတွေက အမီလိုက်နိုင်ပေမယ့် တိရစ္ဆာန်တွေက အမီမလိုက်နိုင်ရှာတော့ ခမျာတို့မှာ ကပ်ဘေးတွေနဲ့ ကြုံနေရရှာရဲ့…။

ကြွက်ရယ်, ဆင်ရယ်, လိုဏ်ခေါင်းရယ်


ဇွန်လကုန်ပိုင်းမှာ ထူးထူးခြားခြား ကြားလိုက်ရတဲ့ သတင်းက ကြတ်ပြေးနေပြည်တော်က ကြွက်တွေ ထောင်နဲ့ချီပြီး ရွှေ့ပြောင်းနေကြတယ် ဆိုတာပါပဲ။

ကြွက်ဆိုတာ မြေအောင်းသတ္တ၀ါ။ နေရာ အနှံ့အပြားမှာ ရှိနေတတ်ပါတယ်။ ဒါပေမယ့် အကောင်ရေ ထောင်သောင်းချီပြီး သွားလာနေတယ် ဆိုရင်တော့ ဒါ ပုံမှန် မဟုတ်တော့ဘူးပေါ့။ သဘာဝကို မှီခိုနေရတဲ့ တိရစ္ဆာန်တွေမှာ သူတို့ရဲ့ နေထိုင်မှုဟာ ဗီဇတုံ့ပြန်မှုကြောင့် အဓိက ဖြစ်လာရပါသတဲ့။ သဘာဝက တခုခု အပြောင်းအလဲ ဖြစ်လာရင် သူတို့လည်း အပြောင်းအလဲ ဖြစ်လာတယ် ဆိုတဲ့ သဘောပေါ့။ တချို့ ကိစ္စတွေမှာ သဘာဝက ပြောင်းလဲလာတော့မယ့် အခြေအနေနဲ့ လိုက်လျောအောင် တိရစ္ဆာန်တွေကလည်း ကြိုတင်ပြီး ပြောင်းလဲလာတတ်တယ်တဲ့။ ဒါကို တိရစ္ဆာန်တွေက ကြိုသိနေတယ်လို့ အလွယ် ပြောကြတာပေါ့။

ဆူနာမီတုန်းက အာချေးက တံငါရွာတရွာဟာ ရေလှိုင်းဒဏ်က လွတ်ခဲ့သတဲ့။ ဘာကြောင့်လဲ ဆိုတော့ ပုရွတ်ဆိတ်တွေ ကုန်းပေါ် ရွှေ့ပြောင်းတက်လာတာကို တွေ့တော့ သူတို့ ဘိုးဘွားတွေ အစဉ်အလာ မှတ်သားခဲ့တဲ့ စကားကို အမှတ်ရပြီး ရေလှိုင်းကြီးတွေ လာတော့မယ် ဆိုတာကို ကြိုသိနေသတဲ့။ ဒါကြောင့် ကုန်းပေါ်ကို အချိန်မီ ရွှေ့နေခဲ့နိုင်လို့ တရွာလုံး ဆူနာမီဒဏ်က လွတ်ခဲ့ပါသတဲ့။

ကဲ… ကြွက်တွေကတော့ ရွှေ့ကုန်ပြီ။ လူတွေက ဘယ်လို အဓိပ္ပာယ် ကောက်ကြမလဲ။ ကိုကြီးပေါ်တော့ ဒီကိစ္စမျိုး သိပ်မသိလို့ သိပ်မပြောတတ်ပါဘူး။ ဟို မြန်မာ့အရေး ကျွမ်းကျင်သူ ဆိုတဲ့ ပုဂ္ဂိုလ်ကြီးငယ်တွေကို မေးကြည့်ရင် ကောင်းမယ် ထင်တာပဲ။ အတိုက်အခံ တွေကတော့ ကြွက်ပြေးတာ နအဖကြောင့်လို့ပဲ ကောက်ချက်ချမယ် ထင်ပ။ အဝေးရောက် ၀န်ကြီးတွေကတော့ ဒီကိစ္စကို နိုင်ငံတကာမိသားစုက ကြည့်မနေဖို့ တိုက်တွန်း သွားပါ့မယ်လို့ အင်တာဗျူးလုပ်ရင် ဖြေကြမယ် ထင်ပါရဲ့။ အချို့ကတော့ ကြွက်ကယ်ဆယ်ရေး ရန်ပုံငွေတွေ ဘာတွေများ ထူထောင်မယ်လား မသိ။

ဘိုးတော်တွေ ဗေဒင်ဆရာတွေကိုတော့ မမေးရဲဘူး ခင်ဗျ။ သူတို့ရဲ့ အတိတ်နိမိတ် ကောက်ယူပုံတွေကို ကိုကြီးပေါ် လုံးဝ နားမလည်လို့ပါ။ ဘိုးတော်နဲ့ ဗေဒင်ဆရာတွေ တော်ချက်က ဖြစ်ပြီးတာတွေ အကုန်မှန်ပြီး မဖြစ်သေးတာတွေ အကုန်မှားတာပါပဲ။ “ဒီမိုကရေစီရေးဆိုင်ရာ ဟောချက် အလွဲများ” ဆိုပြီး စာအုပ်ထုတ်ရင်တော့ တော်တော်ထူမယ့် သဘောရှိတယ်။ တမြန်နှစ်က ဒေါ်အောင်ဆန်းစုကြည် သီတင်းကျွတ်ရင် လွတ်ကိုလွတ်ရမယ်၊ မှားရင် အသေခံမယ်ဆိုပြီး “ပညာကျော်” ဆိုတဲ့ အမည်ဝှက်နဲ့ ခေတ်ပြိုင်မှာ ဟောတဲ့ ဗေဒင်ဆရာလည်း ဘယ်ဘုံဘယ်ဘ၀ ရောက်လေပြီ မသိ။ ကိုကြီးပေါ်ဖြင့် အမျှကလေးတောင် မဝေလိုက်ရပါဘူး။ ကျွတ်..ကျွတ်..။

ကိုကြီးပေါ် ထင်တာ ပြောရရင်တော့ ငတ်လို့ ပြေးတယ် ထင်တာပါပဲ။ ငတ်တယ်ဆိုတာက မူလနေရာမှာ စားစရာ ရှားလာလို့ရယ်၊ အခြားနေရာမှာ စားစရာ ပေါတာကြောင့်ရယ် နေရာသစ်ကို ရွှေ့တဲ့သဘောပေါ့။

ဝါးပွင့်ရင် ကြွက်အုပ်ကျတတ်တယ်လို့ ဆိုစမှတ် ရှိတယ်။ ၀ါးဆိုတာ ပွင့်ခဲတယ်။ ၀ါးပွင့်ကို ကြွက်က အလွန်ကြိုက်တယ်။ ဒါကြောင့် ၀ါပွင့်ရာကို ကြွက်တွေအုပ်လိုက် ရောက်လာ, ၀ါးပွင့် သာမက အခြား သီးနှံတွေကိုပါ စားသောက်ပစ်တော့ အဲဒီ အရပ်မှာ စားစရာ ရှားပါး ငတ်ပြတ် ဖြစ်ရတယ်လို့ မှတ်သားရပါတယ်။ မနှစ်ကတုန်းက ချင်းပြည်နယ်မှာ ၀ါးတွေပွင့် ကြွက်အုပ်တွေ ကျလို့ စိုက်ခင်းတွေ ပျက်စီးပြီး အစားအစာ ရှားပါးခဲ့တာ ပူပူနွေးနွေးပဲ ရှိပါသေးတယ်။

စာတွေပေတွေထဲမှာလည်း ကြွက်အုပ်တွေကျလို့ မြို့ရွာတွေ ပျက်စီးရတယ် ဆိုတာမျိုး ဖတ်မှတ်ရဖူးပါတယ်။ ဒီတော့ ကြွက်အုပ်ကျရင် သေချာတာက အဲသည် ကြွက်တွေက ငတ်နေတဲ့ ကောင်တွေ ဖြစ်မယ်။ တွေ့ကရာ အကုန်စားမယ်။ သူတို့နဲ့အတူ ရောဂါပိုးမွှားတွေ ပါလာမယ်။ လူတွေရဲ့ စားသောက်နေထိုင်မှုဟာ အချိန်တိုအတွင်း ကမောက်ကမ ဖြစ်ပြီး ပျက်စီးမယ်။ ဒီလို ယူဆနိုင်မယ် ထင်ပါတယ်။

ဟိုးတချိန်တုန်းက အလယ်ရိုးမဆိုတာ ၀ါး အင်မတန်ပေါတဲ့ တောကြီးပေါ့။ ကြွက်တွေရဲ့ တာဝတိံသာလို့ ဆိုရမှာပေါ့။ ပျဉ်းမနား ကြွက်ကြော်ဆိုတာလည်း နာမည်ကြီးရဲ့။ ဒီ အလယ်ပိုင်းဒေသမှာ ပလိပ်ရောဂါ ဖြစ်လို့ သေကြေခဲ့ရတာတွေလည်း ရှိပ။ တခါတရံ ကြွက်အုပ်တွေ ကျတတ်တယ်ဆိုတာလည်း ကြားနာခဲ့ရဖူးပါတယ်။ ဒါကြောင့် ပျဉ်းမနား, ကြတ်ပြေး နဲ့ ကြွက်ဆိုတာ သိပ်တော့ ခွဲခြားထားလို့ မရကောင်းတဲ့ အရာပါ။

ခုတော့ ကြတ်ပြေးက “ကြွက်ပြေး” ဖြစ်သွားပါပြီ။ ဒီအရပ် ဒီဒေသမှာ ကြွက်တွေ မှီခိုနေထိုင်နိုင်တဲ့ အခြေအနေ မရှိတော့ဘူး။ ငတ်ပြီ။ အစာရှိရာ အခြားအရပ်ကို ပြောင်းကြပြီ။ ပြဿနာက ကြွက်တွေ စွန့်ခဲ့တဲ့ ဒေသ မဟုတ်ဘူး။ ကြွက်တွေ ရောက်လာမယ့် ဒေသ ဖြစ်ပါတယ်။ ဒါကိုတွေးပြီး ကြတ်ပြေးမင်းကြီးကတော့ ကြိတ်ပြုံးနေမယ် ထင်ပ။ သူပြုံးနေချိန်မှာ အနီးအနား ဒေသရပ်ရွာတွေကတော့ “သရောကြီးခိုင်း”ရင် ဘယ်လို ပြေးရမလဲလို့ ရင်တမမ နေရတော့မယ့် အဖြစ်ပါပဲ။


တိုက်တိုက်ဆိုင်ဆိုင်ပါပဲ။ ကြွက်ပြေးချိန်မှာ ဆင်ဖြူ ဆိုတာက ပေါ်လာသဗျ။ အင်တာနက်ကို တင်းတင်းကျပ်ကျပ် ဖိနှိပ်ထိန်းချုပ်ထားတဲ့ ဗိုလ်ချုပ်မင်းကြီးများဟာ ဆင်ဖြူ ဆိုတာကိုတော့ အင်မတန် မက်မောတယ် ခင်ဗျ။ ဆင်ဖြူ မရှိသေးတော့ လေယာဉ်ပျံ ပိစိကွေးကို ဆေးအဖြူသုတ်ပြီး “ဆင်ဖြူတော်” လို့ အမည်ပေး စီးသတဲ့။ ကိုကြီးပေါ် သိတာကတော့ ဆင်ဖြူတော် ဆိုတာ မြေဖြူပါပဲ။

ဆင်ဖြူဆိုတဲ့ အကြောင်းအရာက ရှေးဟောင်းစာပေတွေမှာ ပါခဲ့လေတော့ အာရှယဉ်ကျေးမှုမှာ အတော် စိမ့်ဝင်နေတဲ့ ကိစ္စပါ။ ဆင်ဟာ လူကို အကျိုးပြုတဲ့ တိရစ္ဆာန်ဆိုတာ မှန်ပါတယ်။ ရှေးက ခရီးသွားဖို့, ကုန်ဆွဲဖို့, စစ်တိုက်ဖို့ ကိစ္စတွေမှာ ဆင်, မြင်း, နွား, ကျွဲ ဆိုတာတွေဟာ မရှိ မဖြစ်ပေါ့။ ဆင်က အင်အား အကြီးဆုံး ဆိုတော့ ပိုအသုံးဝင်တာပေါ့။ ဆင်များများ ရှိလေ အင်အား ပိုရှိလေပေါ့။ ဒီတော့ ဆင်မွေးမြူရေးဟာ အရေးကြီးလာတယ်။ ဆင်ဟာ တိုင်းပြည်ရဲ့ အင်အားတရပ် ဖြစ်လာတာကြောင့် ရှင်ဘုရင်ရဲ့ ရတနာစာရင်းမှာ ဆင်ကို ထည့်သွင်း ထားရတာ ဖြစ်ပါတယ်။

သာမန်အားဖြင့် ဆင်ဟာ မည်းပေမယ့် မျိုးဗီဇ ဖောက်ပြန်ပြောင်းလဲမှုကြောင့် တချို့ဆင်ဟာ အရေပြားအရောင် ဖြူနေတတ်ပါသတဲ့။ အခြားသတ္တ၀ါတွေမှာလည်း ဒီသဘောအတိုင်း ရှိပါသတဲ့။ ရှေးကတော့ တွေ့ရခဲတဲ့ ဆင်ဖြူဆိုတာ ထူးခြားတယ်လို့ ထင်ခဲ့ကြတာပေါ့။ လူတွေဟာ ရှားပါးတာကို တန်ဖိုးထားတတ်ကြတယ် မဟုတ်လား။ ဒီတော့ ရှားပါးတဲ့ ဆင်ဖြူကိုလည်း နှစ်သက်မြတ်နိုးစရာ တခုလို သဘောထားခဲ့ကြတာပါပဲ။ ပတ္တမြား နီလာ စတဲ့ ကျောက်မျက်ရတနာတွေ လိုပဲ ဆင်ကိုလည်း သက်ရှိရတနာ တခုအဖြစ် သတ်မှတ်ခဲ့ကြတာပါ။ အိမ်မွေးတိရစ္ဆာန် အကြီးစား ဆိုပါတော့။

ဒီမှာတင် ဆင်ဖြူကို ဋီကာချဲ့ပြီး ထမင်းအိုးချဲ့တဲ့ လူတွေ ပေါ်လာတော့တာပါပဲ။ ဆင် ဘာကြောင့် ဖြူတယ် ဆိုတာ သိပေမယ့် ကိုယ့်ရဲ့ ထမင်းအိုး ပျက်မသွားအောင် ဟိတ်လုံးမြှောက်လုံးတွေနဲ့ တန်ဆာဆင်ခဲ့ကြတာပါပဲ။ “ဆင်ဖြူတော်မှီပြီး ကြံစုတ်” ဆိုတဲ့ စကား အရှိသား မဟုတ်လား။ ဆင်ဖြူထိန်းတဲ့ လူတွေက ရှင်ဘုရင်ကို ဆင်ဖြူပြပြီး ဗုံမြောက်ပေးကြတော့ ရှင်ဘုရင်တွေလည်း ဆင်ဖြူရှင် ဆိုရင် ဂုဏ်ရှိတယ်လို့ ထင်လာကြတော့တာပါပဲ။ အခြား ဘုရင်တွေတော့ ဘယ်လို ရှိတယ် မသိပေမယ့် ဗမာရှင်ဘုရင်တွေကတော့ ဆင်ဖြူ အတော် ရူးကြပါတယ်။ ဆင်ဖြူမ အသေကောင်ကို ၀ါးနဲ့ထောက် အဲဒီပေါ် တက်စီးပြီး ဆင်ဖြူရှင် အမည်ခံတဲ့ ပင်းယခေတ်က “တစီးရှင် သီဟသူ” ဆိုတာ ရှိခဲ့လေသပ။ ဆင်ဖြူ တကောင်မှ မရှိလည်းဘဲ စာရေးတော့ “ဆင်ဖြူများရှင် ဆဒ္ဒန်ဆင်မင်းသခင်” လို့ ရေးခဲ့ကြတာပါပဲ။

ဆင်အုပ်ထဲမှာ ဆင်ဖြူပါရင် အဲဒီ အဖြူကောင်ကို ကျန်တဲ့ အမည်းတွေက ၀ိုင်းဝန်း စောင့်ရှောက်ကြပါတယ်။ ဒါကို ဆင်ဋီကာချဲ့သူတွေက ဆင်မည်းထက် ဆင်ဖြူက သာလွန်တယ်လို့ ဆိုပဲ။ တကယ်က ဗီဇဖောက်ပြန်မှုအရ ဆင်ဖြူဟာ ခန္ဓာကိုယ် ကြံ့ခိုင်မှု အားနည်းပါတယ်။ ဆင်တွေဟာ သူတို့အချင်းချင်း အားနည်းသူကို စောင့်ရှောက်တတ်တဲ့ သဘာဝ ရှိသူတွေပါ။ အမျိုးသမီးများနဲ့ ကလေးများကို ဦးစားပေးပါ ဆိုတာ လူထက် ဆင်က စောပါတယ်။ သူတို့သဘာဝအရ အားနည်းတဲ့ ဆင်ဖြူကို ကျန် ဆင်မည်းတွေက စောင့်ရှောက်ပေး တာပါ။ ဆင်ဖြူဟာ ဆင်မည်းထက် အသက် တိုလေ့ရှိပါတယ်။

ဆင်ဖြူကို လူကမွေးတော့လည်း အလုပ်မခိုင်းဘဲ တယုတယ ထားပါတယ်။ အမှန်က ဆင်ဖြူဆိုတာ အလုပ်ကြမ်း မလုပ်နိုင်ပါဘူး။ ဒါကြောင့် အင်္ဂလိပ်လူမျိုးတွေက ဟန်သာရှိပြီး လက်တွေ့ အလုပ်မဖြစ်တဲ့လူကို white elephant လို့ တင်စားသုံးနှုန်းခဲ့ကြတာပါ။ အနောက်တိုင်း ယဉ်ကျေးမှုမှာ ဆင်ဖြူဆိုတာ “အလကားကောင်” ဖြစ်နေပေမယ့် အရှေ့တိုင်း ယဉ်ကျေးမှုမှာတော့ ဆင်ဖြူဆိုတာ “အာဏာဝိသေသ” ဖြစ်နေရတာကိုက လောကရဲ့ သရော်ချက် တခုပါပဲ။

သုံးစားလို့မရတဲ့ ဆင်ဖြူကို ရေချိုးပေးတဲ့ ဗိုလ်ခင်ညွန့်တယောက် ဘုန်းတန်းခိုး တက်ဖို့ နေနေသာသာ ရာထူးပြုတ်ပြီး မြောင်းထဲရောက်သွားတာမှ မကြာသေးဘူး၊ ဗိုလ်သန်းရွှေက ဆင်ဖြူ ရောဂါထပြီး ရခိုင်မှာ ဆင်ဖမ်းပါသတဲ့။ အခု ခြောက်လ တနှစ် ကြာတော့ တွေ့ပါပြီ။ အသက် ၃၈ နှစ်လောက် ရှိတဲ့ ဆင်မတဲ့။ ဓာတ်ပုံထဲ မြင်ရတာတော့ ဦးခေါင်းရိုး ငေါင်းစင်းစင်းနဲ့။ ဆင်အုပ်ကလည်း လေးငါးကောင်ပဲ ရှိတယ် ဆိုတော့ ဆင်တွေလည်း အငတ်ဘေးကို အတော်ခံစားနေရပုံ ရပါတယ်။

ရွှေပြည်တော်မှာ လူတွေက သဘာဝ ရာသီဥတုကို ဒုံရင်းအတိုင်း ရင်ဆိုင် နေထိုင်ကြရချိန်မှာ ကြွက်တွေ ဆင်တွေကတော့ သူတို့ သဘာဝ နေထိုင်မှုကို စွန့်ပြီး မြို့ရွာတွေထဲ နန်းတော်ထဲ ၀င်လာနေကြလေရဲ့။

ကိုကြီးပေါ်ကတော့ ဒီအဖြစ်သနစ်တွေကို ကြည့်ပြီး အမှားတွေ ပွားနေမိရဲ့။

ရွှေပြည်တော်မှာ ဗိုလ်ချုပ်မင်းကြီးက “ရေမြေအလုံးကို အစိုးရတော်မူသော” ဆိုတဲ့ ဂုဏ်ပုဒ်နဲ့ ညီအောင် မြေတွင်း လှိုဏ်ခေါင်းတွေ နက်နက် တူးနေတာ အံ့မခန်းဆိုရဲ့။ ရလဒ်ကတော့ မြေတွင်းက ကြွက်တွေခမျာ နေစရာ မရှိ စားစရာ မရှိတော့လို့ ထွက်ပြေးနေရလေရဲ့။ အဲဒီ လှိုဏ်ခေါင်းတွေထဲမှာ လျှို့ဝှက် ထုတ်လုပ်နေတဲ့ ညူကလီးယား ဆိုတာကြီးက ဗုံးဖြစ်ဖို့ နေနေသာသာ လောက်စာလုံးတောင် မဖြစ်သေးဘူးလို့ ပညာသည်တွေက ပြောလိုက်တော့ ဗိုလ်ချုပ်မင်းကြီးခမျာ ရင်ကွဲပက်လက် ဖြစ်ရပြန်ရဲ့။ သြော်.. “ဆင်ဖြူတော်မှီပြီး ကြံစုပ်” ဖို့ ကြိုးစားနေတဲ့ ဗိုလ်ချုပ်မင်းကြီးရဲ့ ညူကလီးယားဆိုတာ “ဆင်ခေါင်း ခွေးချီ” ကြီးပါလား ဟရို့။


အခုချိန်မှာ အဖြစ်သင့်ဆုံးကတော့ မြေတွင်းအောင်းနေတဲ့ ဗိုလ်ချုပ်မင်းကြီးဟာ “ဆင်ဖြူရှင်” ဘွဲ့ကို အမြန်ဆုံး ခံလိုက်ဖို့ပါပဲ။ ဘာကြောင့်လဲ ဆိုတော့ ဆင်ဖြူဆိုတာ ဟန်သာရှိပြီး အဆန်မရှိတဲ့ အလကားကောင် မဟုတ်လား။ နအဖရဲ့ လုပ်ရပ် အရည်အချင်း အားလုံးကို ခြုံငုံနိုင်တဲ့ သင်္ကေတ ဖြစ်သွားတာပေါ့။

ဒါမှမဟုတ် သွားလေသူ ဗိုလ်ခင်ညွန့်ကို နမူနာယူ ပြောရရင် ဆင်ရေချိုးတဲ့လူ မြန်မြန် ဂျောင်းရလေသတဲ့။

ကိုကြီးပေါ်

သတင်းအကျဉ်းချုပ် ...

0 ငါ့ကောင်တွေရဲ့ နိုင်ငံရေးရေချိန်

ပြည်တွေတွေရဲ့ နိုင်ငံရေးရေချိန်ကို မြှင့်ပေးရမယ်၊ ပြည်သူတွေနိုင်ငံရေးရေချိန်မြင့်မှတိုင်းပြည်ရေချိန်မြင့်မယ် ဆိုသည့် စီညံစီညံလေသံတချို့ ကြားကြားနေရပါသည်။

နိုင်ငံရေးရှေ့ ဆောင်များအပါအ၀င် ဂုရုကြီးတချို့ ၏ မန်းမှုတ်သံတွေကို ကြားရဖန်များလာသော ပြည်သူတို့ စိတ်ဆင်းရဲကြီးစွာဖြစ်ကြရသည်။ ခွက်ခွက်လှန်အောင် ရယ်မောဟားတိုက်ကြသည်။ ရင်းနှီးလှသော မိတ်ဆွေတစ်ဦးကိုယ်တိုင် သံယောင်လိုက်ပြီး ငါတို့ ပြည်သူတွေ နိုင်ငံရေးရေချိန် သိပ်နိမ့်တယ် ဟု ယိုးစွပ်ပြန်သည်။

သူတို့ ပြောသော ပြည်သူတွေဆိုတာ ဘယ်သူတွေပါလဲ။ဆိုက်ကားဆရာများ၊ ဘတ်စ်ကားယာဉ်နောက်လိုက်နှင့် ယာဉ်မောင်းများ၊ ကွမ်းယာယာသူများ၊ ပလက်ဖောင်းပေါ် ဈေးရောင်းသူများ စသည်တို့ ကို ဆိုလိုချင်သည်လား.. ဒါမှမဟုတ် ဟစ်ဟော့ဂီတ တိမ်းမူးလူငယ်များ၊ နားဖောက်နားကပ်ပန် ဆံပင်ဆေးဆိုးလူငယ်များ၊ ဘောင်းဘီပွပွအကျီ င်္ချောင်ချောင် ရက်ပါလူငယ်များ စသည်တို့ ကို ဆိုလိုချင်တာလား။

ဒါမှမဟုတ် ပညာရည်ဆိုးရွားနိမ့်ပါးပြီး ကိုယ်ကာယအရင်းပြုလို့  နေ့ စဉ်ဘ၀အတွက်ရုန်းကန်နေရသော နင်းပြားဆင်းရဲသားများကို ဆိုလိုချင်တာလား။လက်ပေါ်နဖူးတင် စဉ်းစားကြစေချင်ပါသည်။ မြန်မာ့ဒီမိုကရေစီရေးနည်းပြဆိုသူများ ဦးနှောက် ပွက်ကြစေချင်သည်။

နှစ် ၂၀ ကျော်ကြာခဲ့ပြီဖြစ်သော ၈၈ လူထုဒီမိုကရေစီအုံကြွမှုကြီးကို ကျွန်တော်ကျွန်မတို့ လုံးဝမသိပါ၊ မသိသဖြင့် ဘယ်လိုမှမခံစားရပါ ဟု ယနေ့ ဆယ်ကျော်သက်လူငယ်လူရွယ်များ ပြောလာလျှင် ပြသ၁နာမရှိပါ။ အမှန်တရားသာ ဖြစ်သဖြင့် လက်ခံပေးရန်အသင့်ရှိပါ၏။

သို့ သော် မဝေးလှသေးသော ၂၀၀၇ ရွှေဝါရောင်လှုပ်ရှားမှုကြီးကို ထိုဆယ်ကျော်သက်လေးများ ကောင်းကောင်းသိပါသည်။ ထို လုံငယ်လုံမငယ်လေးများကိုယ်တိုင် ရှေ့ တန်းတစ်နေရာမှ ထဲထဲဝင်ဝင်ပါဝင်လှုပ်ရှားခဲ့ကြပါသည်။ရွှေဝါရောင်အရေးသည် နှစ်ဆယ်တန်းအရွယ်ခေတ်လူငယ်များ၏ သူတို့ တိုးမိတိုက်မိသော နိုင်ငံရေးဖြစ်သည်။ သူတို့ ရင်ဘတ်နှင့်ရင်းပြီး ခံစားရသောနိုင်ငံရေးဖြစ်သည်။ မှတ်ဥာဏ်ထဲစွဲသွားသော သူတို့ နိုင်ငံရေးဘ၀ဖြစ်သည်။

ထိုမျှနှင့်ပင် လုံလောက်ပါသည်။ အေးဆေးပါသည်။

တီရှပ်စွပ်၊ ဂျင်းရှည်ထိုး၊ စကဒ်တိုတိုစည်း၊ ကွာတားဘောင်းဘီဝတ် လုံငယ်လုံမငယ်များနှင့်အတူ နင်းပြားဆင်းရဲသားများ၊ လမ်းဘေးဈေးသည်လက်လုပ်လက်စား အခြေခံလူတန်းစားများ လက်ချင်းချိတ်ဆက်ပြီး သံဃာတော်များကို ၀ိုင်းရံပံ့ပိုးပေးခဲ့သည့် ကြက်သီးတဖြန်းဖြန်းထလောက်ဖွယ် မြင်ကွင်းများကို ငါတို့ နှင့်မဆိုင်ဟု လက်လွှတ်စပယ်ပြောလို့ မရပါ။

သူတို့ သေပြေးရှင်ပြေး ပြေးခဲ့ရသည်။ တချို့ နယ်စပ်များသို့ ရောက်သွားသည်။ တချို့ ထောင်ထဲရောက်သွားသည်။
နိုင်ငံရေးရေချိန် နိမ့်ပါသေးသည်ဟု ထိုမော်ဒန်လူငယ်များနှင့် အခြေခံလူတန်းစားများကိုနှိမ့်ချအပြစ်ပြောလိုသော နိုင်ငံရေးသမားတော်ဆိုသူများရှိလာခဲ့လျှင် ဆရာသမားများ ကျန်းမာချမ်းသာကြပါစေဟု ဆုတောင်းပေးရုံမှတပါး အခြားမရှိတော့ပါ။

ခေတ်လူငယ်တွေ နိုင်ငံရေးကို ကြောက်နေတယ်၊ နိုင်ငံရေးက ထွက်ပြေးကြတယ် ဟုယနေ့ ရွေးကောက်ပွဲနိုင်ငံရေးသမားများနှင့် ရွေးကောက်ပွဲအလိုတော်ရိများ၏ ခေတ်လူငယ်တို့ အပေါ် အောက်တန်းကျသိမ်ဖျင်းသော ပုတ်ခတ်မှုများကို လုံးဝဆန့် ကျင်ရပါမည်။ ဗြောင်လိမ်ဗြောင်စားစွပ်စွဲချက်များဖြစ်သည်။

သူတို့၏ မကြောက်စိတ်နှင့်စွန့်လွှတ်စိတ်ထားများကို ၂၀၀၇ ဖြစ်ရပ်များက ကွင်းကွင်းကွက်ကွက် မီးမောင်းထိုးပြသွားခဲ့ပြီဖြစ်သည်။ တခြားတပါးတိုင်းပြည်များနှင့် အာဏာပိုင်တို့ ၏အကျဉ်းထောင်ထဲ အဖေကွဲအမေကွဲ၊ သားကွဲသမီးကွဲ၊ မိသားစုများနှင့်ကွဲကွာလျက် သူတို့ ၏စံ ကို သူတို့ ပြသခဲ့ကြပြီးဖြစ်သည်။ မှတ်ကျောက်တင်ခဲ့ပြီးဖြစ်သည်။

သူတို့ သည်သူကောင်းပြုမှု၊ ချီးမြှောက်မှု တို့ အတွက် စိတ်ဝင်တစားမရှိကြပါ။ သူရဲကောင်းများဟု မခေါ်လိုပါကလည်း တစုံတရာရှော့ခ်မရှိပါ။ သူတို့ သည် စေတနာဖြူစင်စွာဖြင့်ခေတ်တာဝန်ကို ထမ်းရွက်နိုင်သလောက် သယ်ပိုးထမ်းရွက်သွားကြသော ဒီမိုကရေစီဘက်တော်သားများသာဖြစ်ပါသည်။ ခေတ်အဆက်ဆက်ရှိခဲ့ကြပါသည်။

အမြဲတမ်းအမှတ်တရနှင့် အမြဲတမ်းသတိရဖွယ်ကောင်းလွန်းလှသည်။

ပြည်သူလူထုသည်သူတို့ အရသာမတွေ့ သောနိုင်ငံရေး၊ သူတို့ အာရုံမရသောနိုင်ငံရေး၊သူတို့ ဖီလင်မလာသော နိုင်ငံရေးအလုပ်များအတွက် အချိန်ကုန်လေကုန်မခံနိုင်ပါ။ သုံးလတန်သည်၊ ခြောက်လတန်သည် လုံ့ လမစိုက်ထုတ်နိုင်ပါ။ ခေတ်စကားနှင့်ပြောရလျှင် ပျင်းစရာသိပ်ကောင်းပါသည်။

ဘယ်သင်းက နိုင်ငံရေးအတု၊ ဘယ်သင်းက နိုင်ငံရေးအစစ်ဖြစ်ကြောင်း သူတို့ ကောင်းကောင်းသိသည်။ စိစိညက်ညက်အမှုန့် ဖြစ်လောက်အောင်ကို သူတို့ သိပါသည်။

မည်သည့်အရာကိုမျှ လှုံ့ ဆော်စရာမလိုအပ်သလို ရပ်တန့် ခိုင်းဖို့ လည်းမဖြစ်နိုင်ပါ။

သမိုင်းဘီးကို ပြည်သူလူထု လှိမ့်ပါလိမ့်မည်။

ပေးပို့သူ. ... aungmyinttun

သတင်းအကျဉ်းချုပ် ...

0 အာဏာရှင်တွေကိုတော်လှန်တဲ့ကျောင်းသားလှုပ်ရှားမှု “ဇူလိုင် ၇ အရေးတော်ပုံကြီး” ကိုမမေ့ကြနဲ့

သတင်းအကျဉ်းချုပ် ...

0 အမှန်တရားပန်းပွင့်တွေ ရဲ့ ရာဇ၀င်

အမှန်တရားကို လေးစားဖို့အတွက်

ကိုယ့်ကိုယ် ကိုအရင် လေးစားရမယ် ......

ကိုယ့်ယုံကြည်ချက် အပေါ်ကို ဘယ်တော့ မှ သစ္စာ မဖေါက် နဲ့ .....

ကြုံတွေ့ နေသမျှ အဖြစ်အပျက်တိုင်း ဟာ ငါတို့ အတွက် သင်ခန်းစာတွေဘဲ ......

စိန်ခေါ်မှုတွေ ကတော့ ငါတို့အတွက် အင်အားတွေ ပေါ့ ...

သတ်ကွင်းတွေ ဟာ ငါတို့ စိတ်ဓါတ် တွေကို မီး ပေါင် တင်ပေးနေတယ်


ငါတို့ ရဲ့ သဘောထား တွေကို အသားမာတက်စေမယ့် အရာတွေမှန်သမျှကို ငါတို့ မမေ့ ပစ်နဲ့ ..

ကိုယ်စီ ရင်ဖွင့်သံတွေကို အလေးအနက် နားစိုက်ထောင်မယ် ......ဘယ်တော့မှ လျှော်ထုတ်မပစ်ဘူး ....

ဆက်ဆံရေးတွေ အတွက် အပေးအယူ များများလုပ်ရမယ် ...

ငါတို့ စိတ်ဓါတ် တွေကို တတ်နိုင်သမျှ ဖွင့် ထား ကြမယ်
ခု ၂၀၁၀ ခုနှစ်၊ နောက်ထပ် ၂၀၁၁ ...၂၀၂၀ သက္ကရာဇ် တွေ က ငါတို့ ကို တဖြည်းဖြည်း တိုက်
စားသွားကြမယ်......

ကျည်ဆံမတိုးတဲ့ အမှန်တရား လမ်းစဟာ ငါတို့အတွက်ပိုပြီး ပီပြင်လာ မှာ သေချာတယ်

ငါတို့ သေနိုင်တယ် အချိန်မရွေး ....

သေမလောက် အောင် ညှင်းပန်းနှိပ်စက်တာကိုလဲ ခံရနိုင်တယ်

နေ့တိုင်းနေ့တိုင်း ကိုယ့်ဘ၀ကို သရဏဂုံ တင်ထား ကြရ

ဒါဟာ ငါတို့ သွားနေတဲ့ လမ်း မှာ အဆိုးဆုံးကို ရင် ဆိုင်ဖို့ ခွန်အား ....

အရာရာတိုင်း ကို ကျေးဇူး တင်တယ် ငါတို့ ရင့် ကျက်မှုကို အရောင်တင်ပေးနေကြလို့ 

ငါတို့ မှာ ဖိစီးမှုတွေရှိလိမ့် မယ်

စိတ်ကျ ရောဂါတွေလဲ ၀င်လိမ့် မယ်

နောက် ဆုံး ငါတို့ အရူုးလို့ သတ်မှတ်ခံ ရနိုင်တယ်

အဲဒါတွေအတွက် တော့ ဘယ်တော့မှ စိုးရိမ် ထိတ်လန့် နေမှာ မဟုတ်ကြဘူး .....

ငါတို့ သေသွားမယ်

ငါတို့ ဝိညာဉ်တွေ ဘယ်တော့ မှ မသေဘူး
ငါတို့ ကိုယ် ငါတို့  အစွဲလန်း ကင်းစွာ နဲ့ အမှန်တရားကို ချဉ်းကပ်တယ်

.....................................................................လေးစားမြတ်နိုးတယ်

ငါတို့ လွတ်မြောက်ရေး ကို ငါတို့ ကာကွယ် ဖို့ လဲ လိုအပ်တယ်

ငါတို့ ဇာတိ

ငါတို့ သွေးချင်း

ငါတို့ ပြည်သူ တွေကို တော့ စွဲလမ်းစွာ ချစ် ခင်တယ်

သေချာတယ် ငါတို့ ဟာ ပုထုဇဉ် တွေ

ဒီလို ပြောလို့ ငါတို့ ကို အတ္တကြီး သူတွေလို့ စွပ်စွဲနိုင်တယ် ........

အလင်းရောင် ကို မြင်ဖို့ ငါတို့ ဟာ အမှောင်ထု ကို ရဲရဲကြီး ရင် ဆိုင်ကျော်ဖြတ်နိုင်တယ်

ခုချိန်မှာ အခွင့်အရေး တန်းတူ ညီမျှရေး အတွက် တိုက်ကွင်းထဲ မှာ

အာဏာ ရ လူတစ်စု သတ်လို့ သေခဲ့ ရင်တောင် ကိုယ့်ဝိညာဉ် ကို ကိုယ်ဂုဏ် ယူမယ်

ဘာ လို့ ဆိုအဲဒီ လူတွေဟာ သူတို့ လိပ်ပြာသူတို့ ပြန်ကြောက်နေရသူတွေဖြစ်လို့ ဘဲ

နောက်ပြီး သူတို့ အသက်ဟာ လူသတ်လက်နက်ဘဲ

သူတို့ ကို သူတို့  ဘယ်လိုမှ လေးစားလို့ မရဘူး ဆိုတာ ငါတို့ သိလို့

ငါတို့ဟာ သူတို့ ကို ဘယ်တော့ မှ မမုန်းခဲ့ကြဘူး

သူတို့ ဟာ ငါတို့ ပြည်သူထဲ က ငါတို့ လူမျိုး ထဲ က နောက် ပြီး သူတို့ ဟာ ငါတို့ သွေးချင်းတွေဖြစ်လို့

ငါတို့ မုန်းတာ သံချေးတက်နေတဲ့ သူတို့ အတွေးအခေါ် ရယ် သူတို့ လမ်းရယ် သူတို့  စနစ် ရယ် ဘဲ

လောကထဲ ကို ငါတို ရောက်လာတယ်

ငါတို့ မှားကြမယ်

ငါတို့ ကျောပေါ်မှာ အမှိုက် ဒိုက်တွေပါလာမယ်

ဟောဒီလော ကထဲ မှာ ငါတို့ ပြန်ထွက်သွားရမယ်

တစ်ခါဘဲ သေကြမယ်

အဲဒီ တစ်ခါ ကလဲ " ပရ " အကျိုးအတွက် သေရတာ ဖြစ်လို့ 

မြင့်မြတ်တယ်လို့ ငါတို့ တွေ ခံယူတယ် ......


ဒီအတွက်တော့ နောင်တဆိုတာ ငါတို့ တွေဘ၀မှာ ဘယ်တော့ မှ လဲ ရှိကြမှာ မဟုတ်ဘူး......

ဘာလို့ဆို ငါတို့ ဟာ အမှန်တရား ကို ကိုးကွယ်ကြသူတွေ ဖြစ်လို့ ...။

ထပ်ပြောမယ် ....ငါတို့ ဟာ နေထွက်ချိန်ကို မြင်ဖိ်ု့ နေ၀င်တဲ့

လမ်းနောက် တကောက်ကောက်လိုက်နေသူတွေ

မဟုတ်ကြဘူး ......

ထပ်ပြောမယ် ငါတို့ ဟာ ယခု ၂၀၁၀ ထိ အသက်ရှင်ဖို့ အတွက်

ထမင်းစားနေကြသူတွေ ဖြစ်တယ် .......

တရားမျှတမှုအတွက် ကိုယ့်ကိုယ်ကို အသေကောင်လို့ သတ်မှတ် ထားသူတွေ ဖြစ်တယ်

ငါတို့ တွေဟာ တိုင်းပြည်နဲ့ လူမျိုးကို ချစ်တယ်

ငါတို့ တွေဟာ တိုင်းပြည်နဲ့ လူမျိုး အပေါ်သစ္စ္စာ မဖေါက်ဘူး .......

ငါတို့ တွေဟာ လတ်ဆတ်သန့်စင်ပြီး အမှန်တရားပါတဲ့ လေထု ကိုရှုရှိုက် ချင်တဲ့ သူတွေ ဖြစ် တယ်

အဲဒီ အတွက် ငါတို့ သေသွားပေမယ့် ငါတို့ သမိုင်း ဘယ်တော့ မှ မသေဘူး......

ငါတို့ ယုံကြည်ချက် ဘယ်တော့မှ မသေဘူး .....

စကြာဝဌာ အနန္တ နက်နက်ရှိုင်းရှုင်း ငါတို့ ဝိညာဉ် အတွက်

ဗိမာန် တွေ ရှိတယ်

ငါတို့ ယုံကြည် တယ်

အမှန်တရား ဟာ ဓါးလှံ နဲ့ ထိုး လို့ မထိုး ဘူး ဆိုတာ ကို

ငါတို့ ယုံကြည်တယ်

အမှန်တရား ဟာ ကျည်ဆံ မတိုး ဘူး ဆိုတာကို

အမှန်တရား ဆိုတာ

ငါတို့ အတွက် တော့

နံနက် သစ်မှာ ပွင့်တဲ့ အမြဲ လန်းဆန်းနေတဲ့ ပန်းပွင့်တွေဘဲ ......။

ရေးသားပေးပို့သော KHIT NAY အားကျေးဇူးတင်ရှိပါသည်။

သတင်းအကျဉ်းချုပ် ...

0 မကြေပွဲနွှဲသည့် ဇနီးမောင်နှံ

နာရေးကူညီမှုအသင်း(ရန်ကုန်)၏ အသင်းသားဖြစ်သော မောင်ကိုကိုဦး (လူခစတိုး၊ Morekha Art Gallery) နှင့် မထက်ထက်စိုး (လူခစတိုး၊ Morekha Art Galleryနှင့် OTL Lighting)တို့သည် ၁၈.၄.၂၀၁၀ နေ့တွင် စေ့စပ်မင်္ဂလာပွဲကို ကျင်းပခဲ့သည်။ စေ့စပ်မင်္ဂလာပွဲ ပြီးစီးသည့်နှင့် နာရေးကူညီမှုအသင်း(ရန်ကုန်)၏ ပေးဆပ်မှုဖြစ်သော နာရေးလမ်းကြောင်းများကို လူမှုရေး ဇနီးမောင်နှံမှ လိုက်လံ သယ်ယူ ပို့ဆောင်ပေးခဲ့ပါသည်။

ယနေ့ ၄.၇.၂၀၁၀ ရက်နေ့တွင် ပုလဲကွန်ဒို၊ ကမ္ဘာအေးဘုရားလမ်း နေအိမ်တွင် နံနက် (၁၀း၀၀) နာရီမှ (၁း၀၀) နာရီအထိ မင်္ဂလာဧည့်ခံပွဲကို ကျင်းပခဲ့ပါသည်။ မင်္ဂလာဧည့်ခံပွဲ ပြီးဆုံးသည်နှင့် တပြိုင်နက်ထဲ မင်္ဂလာပွဲအခမ်းအနား ၀တ်စုံဖြင့် နာရေးကူညီမှုအသင်း(ရန်ကုန်) ဥက္ကဌ ဦးကျော်သူထံ ခွင့်တောင်း၍ မင်္ဂလာပေါ် မင်္ဂလာထပ်သည့်အနေဖြင့် ကုသိုလ်ဖြစ် နာရေး ကူညီမှု လမ်းကြောင်းများကို လိုက်လံ ပို့ဆောင် ပေးဆပ်ခဲ့ပါသည်။

သတင်းအကျဉ်းချုပ် ...

0 ခမောက်ကိစ္စ ရွေးကောက်ပွဲ ကော်မရှင်ထံ NLD တိုင်ကြား

ဓာတ်ပုံ'ဒီဇိုင်း။ ။ burmapaparazi

ရွေးကောက်ပွဲဝင်ဖို့ ပြင်ဆင်နေတဲ့ အမျိုးသားဒီမိုကရေစီ အင်အားစု (NDF) ပါတီက ခမောက်ပုံတံဆိပ်ကို ပါတီ အမှတ်တံဆိပ်အဖြစ် အသုံးပြုခွင့် ရွေးကောက်ပွဲ ကော်မရှင်ထံမှာ တင်ပြထားတာကို NLD အမျိုးသားဒီမိုကရေစီ အဖွဲ့ချုပ်က တရားဝင် ကန့်ကွက်လိုက်ပါတယ်။ NLD နဲ့ ခမောက်ကို နှစ်ပေါင်းများစွာ တွဲပြီး သိလာကြတာဖြစ်လို့ ပြည်သူတွေ ထင်ယောင်ထင်မှား ဖြစ်နိုင်တဲ့အတွက် ကန့်ကွက်ကြောင်း ရွေးကောက်ပွဲ ကော်မရှင်မှာ တရားဝင် စာတင်လိုက်တာ ဖြစ်ပါတယ်။ NDF ပါတီကတော့ ခမောက်တံဆိပ်ဟာ ပြည်သူအများကို ကိုယ်စားပြုတဲ့အတွက် ခမောက်တံဆိပ်ကို အသုံးပြုတာလို့ ပြောပါတယ်။ အခုလို ခမောက်ပုံတံဆိပ်နဲ့ ပတ်သက်ပြီး အငြင်းပွားနေတဲ့ နောက်ဆုံး အခြေအနေကို မသင်းသီရိက တင်ပြပေးထားပါတယ်။

NLD အမျိုးသားဒီမိုကရေစီ အဖွဲ့ချုပ်က ဦးဆောင်အဖွဲ့ဝင်တွေ ဖြစ်ကြတဲ့ ဒေါ်မေ၀င်းမြင့်နဲ့ ဒေါ်ခင်ဌေးကြွယ်တို့ နှစ်ယောက်ဟာ NLD ပါတီရဲ့ကိုယ်စား ကန့်ကွက်စာကို ဒီနေ့ နေပြည်တော်က ရွေးကောက်ပွဲ ကော်မရှင်ရုံးမှာ တင်သွင်းခဲ့တယ်လို့ NLD ပါတီရဲ့ ပြောရေးဆိုခွင့်ရှိသူ ဦးဉာဏ်ဝင်းက ပြောပါတယ်။

“ဒီနေ့မနက် သူတို့ဆီက ဖုန်းရတာကတော့ ဒီနေ့မနက်ပိုင်းမှာ ဦးစီးအရာရှိက ကန့်ကွက်ချက် တင်တာကို လက်ခံ ရယူထားပါတယ်။ ကျနော်တို့ အခု ကန့်ကွက်ချက် တင်တဲ့နေရာမှာ ဒီခမောက်က NLD ရဲ့ မူပိုင်လို့ ကျနော်တို့ မပြောပါဘူး။ ကျနော်တို့ ပြောတာက NLD နဲ့ ခမောက်ဟာ ခွဲခြားလို့ မရလောက်အောင်ကို ရှိခဲ့တယ်။ ဒီလို အထောက်အထားတွေကို ကျနော်တို့ တင်ပါတယ်။

“နောက် ဒီခမောက်နဲ့ NLD ရဲ့ခမောက်နဲ့ ဆင်တူယိုးမှားလုပ်တာဟာ ဥပဒေအရ အတုပြုလုပ်မှု ဖြစ်ပါတယ်။ ဒါကြောင့် ကန့်ကွက်တာလို့ ကျနော်တို့ အဲဒီလို ဖော်ပြထားပါတယ်။ ကျနော်တို့ ပြောချင်တာကတော့ အဖွဲ့ချုပ်နဲ့ ဆင်တူရိုးမှား၊ အဖွဲ့ချုပ်ယောင်ယောင် သဘောမျိုးတွေတော့ မလုပ်သင့်ဘူးလို့လည်း ထင်ပါတယ်။ ဒီလို ပြည်သူလူထုကို ထင်ယောင်ထင်မှား ဖြစ်စေမယ့် ဟာမျိုးကို ရှောင်ကျဉ်သင့်တယ်လို့လည်း ထင်ပါတယ်။”

အခု NLD ပါတီက ကန့်ကွက်သလိုမျိုး တခြား မြို့နယ် အဖွဲ့ဝင်တွေကလည်း သူတို့သဘောနဲ့ သူတို့ လက်မှတ်ရေးထိုး ကောက်ခံပြီး ကန့်ကွက်လွှာပို့ဖို့ စီစဉ်နေကြတာ ရှိတယ်လို့လည်း ဦးဉာဏ်ဝင်းက ပြောပါတယ်။ ဒီနေ့ဆိုရင် မကွေးတိုင်း အတွင်းက စုပေါင်း လက်မှတ်ရေးထိုးထားတဲ့ ကန့်ကွက်လွှာကို ကော်မရှင်ရုံးမှာ တင်သွင်းခဲ့တာ ရှိတယ်လို့လည်း ပြောပါတယ်။

“မကွေးတိုင်းက ကိုနေမျိုးကျော်ကလည်း မကွေးတိုင်းထဲက လက်မှတ်တွေ ရယူပြီးတော့ ကန့်ကွက်စာကို သူကိုယ်တိုင် လာတင်ပါတယ်လို့ အဲဒီလို သိရပါတယ်။”

NLD ပါတီ ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်း ပြောပြခဲ့တာ ဖြစ်ပါတယ်။

အခုလို NLD ပါတီက ကန့်ကွက်ပေမဲ့ အမျိုးသားဒီမိုကရေစီ အင်အားစု (NDF) ပါတီကတော့ NLD ပါတီနဲ့ ထင်ယောင်ထင်မှား ဖြစ်စေတယ်၊ တုပမှုတွေ ဖြစ်နေတယ်ဆိုတဲ့ ပြောဆိုချက်တွေ အပေါ်မှာ ငြင်းဆိုပါတယ်။ ၂၀၁၀ ရွေးကောက်ပွဲ ၀င်ကြမယ့် နိုင်ငံရေးပါတီတွေရဲ့ အမှတ်တံဆိပ်တွေ ကြားမှာ ခမောက်ပုံတံဆိပ် မပါသေးသလို ခမောက်တံဆိပ်ဟာ တခြားတံဆိပ်တွေထက်စာရင် ထင်သာမြင်သာ ရှိတာမို့ အခုလို ရွေးချယ်တာ ဖြစ်တယ်လို့ NDF ပါတီရဲ့ တာဝန်ရှိသူ ဦးခင်မောင်ဆွေက ပြောပါတယ်။

“NLD ပိုင်တဲ့ ခမောက်ဆိုရင် အန်ကယ်တို့ကိုယ်တိုင် NLD အဟောင်းတွေပဲလေ။ အန်ကယ်တို့မှာရော သုံးခွင့် မရှိဘူးလား။ အန်ကယ်တို့ကတော့ ခမောက်ဆိုတာဟာ တခြား တင်ပြီးသား ပါတီတွေရဲ့ မှတ်ပုံတင် တံဆိပ်တွေနဲ့ လုံးဝ ကွဲပြားတဲ့အတွက်ကြောင့် ခမောက်ဟာ ထင်သာမြင်သာရှိတယ်၊ ရွေးကောက်ပွဲ ကာလကြရင် ပြည်သူတွေဟာ ခမောက်နဲ့ အခြားအခြားသော တံဆိပ်တွေနဲ့ ယှဉ်ရင် ခမောက်က တသီးတသန့် ဖြစ်နေတဲ့ အတွက်ကြောင့် ပြည်သူတွေ ရှင်းရှင်းလင်းလင်း သိနိုင်အောင်၊ ပြီးတော့ မြန်မာနိုင်ငံ လူများစုကြီးကို ကိုယ်စားပြုတဲ့ ခမောက်မို့လို့ အန်ကယ်တို့ ခမောက်ကို ရွေးခြင်းဖြစ်ပါတယ်။ NLD ကို တုပခြင်း မဟုတ်သလို NLD ကို အရိပ်ခိုခြင်းလည်း မဟုတ်ပါဘူး။ NLD အရှိန်အ၀ါကို ဆွဲငင် သုံးစွဲခြင်းလည်း မဟုတ်ဘူးဆိုတာ NDF အဖွဲ့ဝင်တွေ အားလုံးက သဘောပေါက်ပါတယ်။”

NDF ပါတီ တာဝန်ရှိသူ ဦးခင်မောင်ဆွေ ပြောပြခဲ့တာ ဖြစ်ပါတယ်။

ရွေးကောက်ပွဲ ကော်မရှင်က ထုတ်ပြန်ထားတဲ့ ဥပဒေအရ ကန့်ကွက်လွှာကို ၇ ရက်အတွင်း တင်သွင်းရမှာမို့ ရန်ကုန်တိုင်း အပါအ၀င် ပဲခူးတိုင်း အနောက်ဘက်ခြမ်းက မြို့နယ် တော်တော်များများကလည်း အချိန်မီ ကန့်ကွက်စာ တင်သွင်းဖို့ စီစဉ်နေတယ်လို့ ဇီးကုန်းမြို့က NLD အဖွဲ့ဝင် ဒေါ်ခင်ဝိုင်းက ပြောပါတယ်။

“သာယာဝတီ၊ လက်ပံတန်း၊ ကြို့ပင်ကောက်၊ ဇီးကုန်း၊ နတ်တလင်း၊ ပြည်ဘက်ခြမ်းကလည်း ပါမှာပါ၊ ဒါ ပဲခူးတိုင်း အနောက်ခြမ်းကပေါ့၊ ၂ ခရိုင်က သာယာဝတီခရိုင်ကပေါ့။ မဲပေးထားတဲ့ ပြည်သူလူထုကလည်း ဒါကို လက်မခံကြဘူး။ ပြည်သူတွေကြားမှာ ပြောနေကြတာပေါ့။ ဒါကြောင့် အချိန်က မရလို့ အန်တီတို့က အမြန်ဆုံး ပို့ချင်တာပါ။”

ဒါ့အပြင် NLD ပါတီဝင် မဟုတ်ပေမဲ့ ခမောက်နဲ့စု အမှတ်တံဆိပ်က ခွဲမရအောင် အများရင်ထဲ စွဲပြီးသားမို့ ကြို့ပင်ကောက်မြို့က တောင်သူဦးကြီးတွေကလည်း ဒီကန့်ကွက်လွှာကို ပေးဖို့ စီစဉ်နေပါတယ်လို့ ကြို့ပင်ကောက်မြို့ခံ ဦးမိုးဆေးက ပြောပါတယ်။

“ဦးတို့ တောသူတောင်သား တောင်သူလယ်သမားတွေကြတော့ ဒီမိုကရေစီတို့ NLD တို့ကို သိပ်နားမလည်ဘူး။ ခမောက်ဆိုရင် သူက ပြီးရောလေ။ ခမောက်ဆိုတာ ဒေါ်အောင်ဆန်းစုကြည်ရဲ့ ပြည်သူထဲမှာထားတဲ့ ရင်ထဲက အသည်းနှလုံးပဲလေ။ တောင်သူလယ်သမားနဲ့ ရပ်သူရွာသားတွေနဲ့ ရဟန်းသံဃာတွေနဲ့ ပေါင်းပြီးတော့ တင်ဖို့ စီစဉ်နေပါတယ်။”

ကြို့ပင်ကောက်မြို့ခံ ပြောပြခဲ့တာ ဖြစ်ပါတယ်။

အခု ပါတီအမှတ်တံဆိပ် ရွေးချယ် အသုံးပြုမှုနဲ့ ပတ်သက်ပြီး အငြင်းပွားတာကတော့ ပထမဦးဆုံးအကြိမ် မဟုတ်ပါဘူး။ ၈၈ မျိုးဆက် ကျောင်းသားလူငယ်များ (ပြည်ထောင်စုမြန်မာနိုင်ငံ) က ခွပ်ဒေါင်းကို သူတို့ရဲ့ ပါတီအလံမှာ အသုံးပြုဖို့ တောင်းခံတဲ့ အပေါ်မှာ ၀ိုင်းဝန်း ကန့်ကွက်ခဲ့တာမျိုးလည်း ဖြစ်ခဲ့ဖူးပါတယ်။ အဲဒီတုန်းကတော့ ရွေးကောက်ပွဲ ကော်မရှင်က ပြန်ပြောင်းဖို့ ပြောလာတဲ့အတွက် သက်ဆိုင်ရာ ပါတီက သူတို့ရဲ့အလံကို ပြောင်းလဲပေးခဲ့ရတာမျိုးလည်း ရှိပါတယ်။
(voa)
ဓာတ်ပုံ . . burma paparazi

သတင်းအကျဉ်းချုပ် ...

0 နိဗ္ဗာန်သို့သွားရာ ဗီဇာကဒ်ပြားမဟုတ် … ကုသိုလ်ရေးကဒ်ပြား

နာရေးကူညီမှုအသင်း(ရန်ကုန်) ရုံးချုပ်တွင် ၄.၇.၂၀၁၀ (တနင်္ဂနွေ) နေ့တွင် ၇/၂၀၁၀ လပါတ် အစည်းအဝေး ကျင်းပခဲ့ပါသည်။ အလုပ်အမှုဆောင် အစည်းအဝေးကို သီးခြားအခန်းငယ်ထဲတွင် ကျင်းပခဲ့ပြီး အလုပ်အမှုဆောင်များ အသင်းသူ/သားများ ပါဝင်သော လပါတ် အစည်းအဝေးကို နမောတသ သုံးကြိမ် ရွတ်ဆို၍ ဘုရားခန်းမဆောင်ထဲတွင် စည်းကားစွာ ကျင်းပခဲ့ပါသည်။

(၇)ရက်သားသမီး ပြည်သူလူထုတို့အပေါ် အခမဲ့ ကူညီပံ့ပိုးမှုတို့ကို အရှိန်အဟုန်မြင့်မားစွာ ပေးဆပ်နိုင်ရေးအတွက် နာရေးကူညီမှုအသင်း(ရန်ကုန်) ဥက္ကဌ ဦးကျော်သူ၊ အတွင်းရေးမှူး ဒေါ်သန်းမြင့်အောင်၊ ဘဏ္ဍာရေးမှူး ဒေါ်မြင့်မြင့်ခင်ဖေ (ခ) ရွှေဇီးကွက်တို့မှ ဆွေးနွေး ညှိနှိုင်း အကြံဥာဏ်များ ပြုခဲ့ပါသည်။

ထို့ပြင် အသင်းသားကဒ်ပြားများကို အသင်းသို့ လာရောက်လုပ်အားပေးချိန် မှန်ကန်တိကျသူ၊ အစည်းအဝေးများကို မပျက်မကွက် တက်ရောက်သူ (၁၈) ဦးတို့အား အသင်းသားအဖြစ် သတ်မှတ်၍ အသင်းသားကဒ်ပြားများ ထုတ်ပေးခဲ့ပါသည်။

ထိုသို့ အသင်းသားကဒ်ပြားများ ပေးရသည်နှင့် ပတ်သက်၍ နာရေးကူညီမှုအသင်း(ရန်ကုန်) ဥက္ကဌ ဦးကျော်သူမှ - “ ဒီ အသင်းသားကဒ်ဟာ နိဗ္ဗာန်ရောက်ကြောင်း ဗီဇာကဒ်ပြား မဟုတ်ပါဘူး။ မိမိကိုယ်တိုင် သီလလုံခြုံစွာ ကုသိုလ်ရေးကိုလုပ်မှ ကုသိုလ်ရရှိမှာ ဖြစ်ကြောင်း။ ကဒ်ပြားရသူ များကလည်း ဘ၀င်မမြင့်ကြဖို့။ ပိုမို၍လည်း မိမိကိုယ်ကို မိမိနာရေးရှင်များနှင့် ဆက်ဆံရာတွင် နှိမ့်ချ ဆက်ဆံကြဖို့ နွေးထွေးစွာ ဖေးမကူညီဖို့။ ယင်း ကဒ်ပြား မိမိတို့တွင် အစဉ်အမြဲ ရှိနေသည့်အတွက် အပြောအဆို အမူအရာ အသွားအလာ အနေအထိုင်မှ အစ ယခင်ကထက် ပိုမို၍ ထိန်းသိမ်းဖို့ လိုအပ်ကြောင်းနှင့် ကဒ်ပြားမရတဲ့ သူတွေကလည်း စိတ်ဓါတ်ကျစရာ မလိုပါဘူး။ ကိုယ်ပြုသောကံ ပဲ့တင်သံ ကိုယ့်ထံပြန်လာမည် ” ဟု စသဖြင့် ပြောကြားခဲ့ပါသည်။

ရှေ့ဆက်၍ နာရေးကူညီမှုအသင်း(ရန်ကုန်)သည် အများပြည်သူတို့အတွက် ဆထက်တန်ဖိုး ပေးဆပ်မှုများကို ပြုလုပ် ဆောင်ရွက်ပေး နိုင်တော့မည်ဟု . . . .

ကျော်သူ

သတင်းအကျဉ်းချုပ် ...

0 လောင်းကြမလား.. ကမ္ဘာ့ဖလား

အင်း ၊ ကမ္ဘာ့ဖလား ဘောလုံးပွဲကြီး က တော့ ပြီး လု ၊ ပြီး ခင် ပေါ့ ဗျာ။တကမ္ဘာလုံး ၊ အုံအုံးကြွက်ကြွက် နဲ့ ကိုယ်အား သန် တဲ့ အသင်း ကိုယ် အားပေးကြတာနေ့စဉ် နဲ့ အမျှ သတင်း တွေ က အမျိုးမျိုး ဖတ် နေရ ပေါ့ ဗျာ။

ဘောပွဲကြည့် ရင်း မီးလျက် သွား လို့ သီးမခံ နိုင် ဘဲ လျှပ်စစ် ရုံး ကို သွား ဝိုင်း ရိုက်ကြတဲ့ ဘင်းင်္ဂလားဒေ့ရှ် ပရိတ်သတ် တွေ ၊ အင်္ဂလန် အသင်း ရှုံးသွားလို့ ထိန်း မနိုင်သိမ်း မရ ဖြစ်သွားတဲ့ ပရိတ် သတ် တွေ ၊ အာဖရိက အသင်းတွေ ပွဲတွေ က ထွက် လိုက်
ရလို့ အဲဒီ က လမ်းလေး ဈေးသည်တွေ ဈေးရောင်း မကောင်းတာတွေ၊ စုံ လို့ ပါ ဗျာ ။

ဘောပွဲ ကြည့် ရင်း စိတ် မထိမ်း နိုင် လို့ စိတ် ညိမ်ဆေး တွေ သောက်ကြည့် ရ တာအသောက်များ သွားလို့ ဆေးရုံ ရောက် ကြ ရ တဲ့ သူ တွေ ၊အာဂျင်တီးနား အသင်းနိုင် လို့ က တော့ ဖြင့် ၊လူ မြင် မကောင်း အောင် စတန့်ထွင်လမ်း သလား ပြမဲ့ နည်းပြ ဆရာ ၊ (ကိုပြချင်) တို့ ၊ ပါရာဂွေး အသင်း အနိုင် အတွက်ကြည့်ချင်ပွဲ ဖရီးပြ မဲ့ ၊ (မမော်ဒယ်ဂဲလ်) တို့ ၊ တကမ္ဘာလုံး က ပရိတ်သတ် အားပေးချက်တွေ က ၊ တနေ့ တမျိုး မရိုး ရ အောင် အား ပေး ကြ ပေါ့ ဗျာ။

ကျွန်တော်တို့ မြန်မာ နိုင်ငံ မှာ လဲ ၊ တချို့ သော ရက်တွေ က လွဲရင် ၊ပွဲတွေ အတော်များများ တီဗွီတွေ က ပြ ပေးနေလို့ တောရော မြို့ ပါ ဘောပွဲကြည့်ရပါတယ်။လူတွေ တော်တော် များ များ မှာ ဒီ ဘောပွဲ နဲ့ ဘဲ အလုပ်ပျက် အကိုင် ပျက်ပါည ဘက် ဘောပွဲ ကြည့် ပြီး ရင် ၊ နောက် နေ့ တနေ့ လုံး ဒီ ပြီးခဲ့ တဲ့ ဘောပွဲတွေ ကိုလဘက်ရေ ဆိုင်တွေ မှာ ၊ လေနဲ့ဆက်ကန် နေကြတဲ့ သူတွေ အများကြီးပါ ဗျာ။

ဒီ နှစ် ဘောပွဲ တွေ မှာ ဘောပွဲ လောင်း တာ အတော်များ ပါတယ်။တောရော မြို့ ပါ ၊ ခလေး လူကြီး ယောက်ကျား မိန်းမ သူ့ အထွာ နဲ့ သူဘောပွဲ တွေ လောင်းကြပါတယ်။ ဘာ နိုင်ငံ ဘာ အသင်း ၊ ဘယ် ကလပ် အသင်း ကဘယ် သူ ဘယ် ဝါ ၊ ဘာ မှ မသိ တဲ့ ၊ ခေါင်းရွက် ဗျတ်ထိုး ဈေးသည် အဖွားကြီးတွေ တောင်ညနေ ကျ ၊ လဘက်ရေ ဆိုင် အရှေ့ လာပြီး ၊ဟဲ့ ဟို အကောင်ရေ ၊ ဒီ ည ပွဲ ၊ငါ့ ဘို့ နှစ်ရာ ဘိုး ၊ အောက် က ထိုင် ပေးစမ်း ပါ ဆိုပြီးဘောပွဲ လာ လာ လောင်း ကြ ပါ တယ် ။

ဘယ် နည်းပြဆရာ ၊ ဘယ်သူ က ဘယ် နေရာ ကန် မယ် ဆိုတာ သိဘို့ မလို ၊ဘာ အသင်းဖြစ်ဖြစ် ၊ အောက် ဘက် က သာ မှန် မှန် လေး နေ ပေး ရင်လူ သက် သာ တယ် ဆိုတဲ့ ၊ ဘယ်သူ ထွင် လိုက် မှန်း မသိတဲ့ ၊ဘောပွဲ လောင်း နည်း ဥပဒေသ နဲ့ ၊ ဈေးသည်မကြီး တွေ ဝင် လောင်းကြ တာပါ။ဆိုး တော့ မဆိုး ပါ ဘူး ၊ အထိုက် အလျောက် လောင်း ကြေး မြတ် ကြတော့
တတ် နိုင် သလောက် လောင်း ကြတာပါ။လောင်းကြေး တွေ က လဲ ၊ အသင်း နိုင် တာ တမျိုး ထဲ နဲ့ မဆိုင်ဘူး ဗျ။
သရေ အရှုံး ၊ တလုံး သွင်း ပြား ၇၀ အနိုင် ၊ တလုံး ကြော ပြား သုံးဆယ် အရှံး၊ရှေ့ပိုင်း ၄၅ မိနစ် ၁ လုံးကြော သရေ ၊ စုံလွန်း လှ သဗျာ ၊

တနေ့ တနေ့ ၊ ထွက် သမျှ စာစောင်တွေ အကုန် ဝယ် ၊ ရေး ထား သမျှ ခန့် မှန်း ဆောင်းပါးတွေ အကုန် ဖတ် ၊ ဘယ် သူ က ဘယ်သူ က ဘယ် နှစ် ဝါ၊ ဘယ် ကစား သမား ကဒူးနာနေတယ် ၊ ဘယ် သူ က လိုင်း အပ်စ် ထဲ မပါဘူး ၊ တွက်ရေး ကို တနေ ကုန်စဉ်းစားပြီး မှ ၊ ညနေ ကျ မှသူ သူ ငါ ငါ ၊ ဘော လောင်း ကြ တာ ပါ။

ဘောပွဲစကာ နီး ဆိုရင် ၊ ဖုန်းဆက်ပြီး လောင်းကြေး တင် ကြ တာ ၊ ဂျီအက်အမ် လိုင်းတွေ လိုင်းကြပ် ပြီး ၊တော် ယုံ နဲ့ ခေါ် မရ တော့ ပါဘူး ၊ ဟေ့ ဟေ့ သူငယ်ချင်းဘယ် အသင်း ဘက် က ငါ့ အတွက် ______ ဆိုပြီးပုံးတွေ ၊ ပလူပျံ ၊ ပုလင်း ၊ တွေ ပလူ ပျံ ၊ သောသော ညံ ကြပ ဗျာ။ ပုလင်း ဆိုတာ သောင်း ဂဏန်း ၊ ပုံး ဆိုတာ က သိန်း ဂဏန်း လောင်းကြတာပါ။

အခု ဆို ရန်ကုန် ထဲ ဘောပွဲ အချိန် ဆို ၊ ဆိုင် တွေ မှာ လူ မရှိ ဘဲ ခြောက် ကပ် နေ ပ ဗျာ..ရွှေ ပွဲစား ၊ ကားပွဲစား ၊ အိမ် ပွဲစား ၊ မြေ ပွဲစား အား လုံး ၊ အလုပ် နား ကြ တဲ့ ပုံ ပါ။သူ တို့ လူ စု ပြီး ပြော နေ ကြ တာ က ဘောပွဲ အကြောင်း သက်သက် ပါ။

ဒီ လူ တွေ က ရက် စက် တယ် ဗျာ။ ဒီ ရက်ပိုင်း အနိုင် အရှုံး တ အား ကြမ်း ပါ တယ်။အုပ်စု ပွဲ တွေ တုံး က ၊ ခပ်ကြမ်းကြမ်း ကွဲ ခဲ့ ၊ ရှံး ခဲ့ တဲ့ လူ တွေ ၊ အခု ကွာတားပွဲလေးပွဲ မှာ သဌေးဖြစ် ၊ ခွေးဖြစ် ၊ ဝုံး လိုက် ကြတာ ၊ အကုန် ထပ် ကွဲ ကြ တယ် ဗျာ ၊သူ တို့ အဆို အရ ( မီး ပေါင် တက်သွား တယ် ) ဆိုလား ဘဲ ၊

ဆိုလိုတာ က အုပ်စု ပွဲ တွေ ထဲ ရှုံးခဲ့ သမျှ ၊ ဒီ ကွာတား ပွဲ တွေ မှာ ဆ တိုး တွေ နဲ့ဖိ လောင်း ပစ် တာပါ။ တ ပွဲ ရှုံး ရင် နောက် ပွဲ ကို ၊ ဆ တိုး ပို လောင်း ပစ် တာပါ။အခု တော့ လည်း ၊ ကွဲ ပြီး ရင်း ထပ် ကွဲ တဲ့ သူ တွေ ၊ များ လှ ပေါ့ ဗျာ။

ဂါ နာ ကို တောင်အာဖရိက ပိတ် တတ် ကြီး အား ကိုး နဲ့၊ ဖိ လောင်း မိ တာ ၊ ကံ ဆိုး ပ ဗျာ..ဒါဖြင့် ဘရာဇီး အား ကိုး နဲ့ ရှံး သမျှ ပြန် ယူ မယ် ကြံမိပြန်တော့တွေ့ တဲ့ အတိုင်း ပါ ဘဲ ၊ စည်းစိမ် ပြုတ် ရ ပါ တယ်။ ကိုင်း ၊ ကိုင်း ၊ ရှိစေ တော့ ၊ ရှိစေ တော့၊
ဒီ တခါ အာ ဂျင် တီနား တန် ခိုး နဲ့ အ ကုန် ပုံ ထိုး လိုက် တော့ လဲပက် လက် ကို လန် ၊ ဟက် တက် ကို ၊ အကြီး အကြယ် ကွဲ ကြ ပါ တယ်။

ကိုင်း ကိုင်း ၊ ငွေ မျော ငွေ နဲ့ လိုက် ၊ ဘောလုံး မျော ၊ ဘော လုံး နဲ့ လိုက်စပိန် ပွဲ ကို အ ပီ အပြင် ရှိ သမျှ ပုံ လိုက် တာ ပါ ဘဲ ၊ အား ပေး လိုက် ရ တာအ သံ ပါ ဝင် သွား ပါ တယ် ၊ ဘော လုံး တော့ နိုင် တယ် ၊ လောင်း ကြေး ကထပ် ရှုံး ပါ တယ် ၊ တလုံး သွင်း တောင် ပြား သုံး ဆယ် အရှံး ၊ ကြေး ပေါက် တာ ကိုး ဗျ။ဒါတောင် ပွဲပြီး ကာ နီး မှ ကို စပိန် တို့ က တလုံး သွင်း ပေးလို့
ပြား ခုနှစ်ဆယ် ဘဲ ရှုံး ရ တာ ပါ ခင် ဗျာ။

ကား ပွဲစား တွေ မှာ ၊ ကား သော့ တခု ဘဲ လက် ထဲ ကျန် ပါ တော့ တယ်။ကား အုံ နာ ဘုတ် တွေ က တော့ ၊ လက် ထဲ မရှိ ကြ တော့ ဘူး ဗျအိမ် မှာ က မိန်း မ ကို ဘယ် လို ရှင်းပြ ရ မလဲ မသိ ကြ တော့ဘူး ခင် ဗျ။ဒီ တခါ ပွဲ က မိန်းမတွေ ပါ အလောင်းကြမ်း ပါ တယ် ၊ လင် စုံ မယားဘက်တယေက် မသိ အောင်၊ တယောက် လောင်း ထားကြ တဲ့ လင် မယား တွေ ဆို
ကိုယ့် အကြောင်း နဲ့ ကိုယ် ၊ တယောက် နဲ့ တယောက် မျက် နှာ ချင်း မဆိုင် ကြ တော့ ပါဘူး

ဖိုင်နယ် ပွဲ ကြီး ပြီး သွား လို့ စာရင်း အပြတ် ရှင်း ကြ ရင်ပြသနာပေါ် မဲ့ လင် မယား တွေ အများကြီး ပါ ဗျာ။
အဓိကပြော ချင် တာက ကျန်တဲ့ ဆီမီးပွဲ တွေ နဲ့ ဖိုင်နယ် ပွဲ တွေ ကို ချင့် ချင့် ချိန်ချိန်လေး လောင်း ကြ ပါ ခင် ဗျာ။ မီး ပေါင် ထပ် မတင် ကြ ပါ နဲ့ တော့။ မိသားစု အရေး တွေ ကို ပြန်ကြည့် ပေးကြ ပါဦးဗျာ။

ဘယ် လောင်း က စား နည်း မှ အကျိုး မပေး ပါ ဘူး ခင်ဗျာ။တော် သေး တာ ပ ၊ လေး နှစ် မှ တကြိမ် သာ ၊ ကမ္ဘာ့ ဘော ပွဲ ရှိပေ မို့ ဘဲ။ မြန်မာပြည်သူ ပြည်သား များ အားလုံး ၊ အမှား ၊ အမှန် ၊ အနိုင် ၊ အရှုံး ၊အ မှန် ဆုံး ၊ ဆုံး ဖြတ် နိုင် ကြ ပါစေ ဗျား ။

azawgyi အားကျေးဇူးတင်ရှိပါသည်။

သတင်းအကျဉ်းချုပ် ...