0 “ ပြုပြင်ပြောင်းလဲကြဘို့သင့်လေပြီ ”

မောင်ချင့်ချိန်

ကျွန်တော်တို့ ဖြတ်သန်းခဲ့ကြတယ် ။ တချို့ကနှစ်ခြောက်ဆယ်ကျော် ၊ တချို့က နှစ်လေးဆယ်ကျော် ၊ တချို့ကနှစ်,နှစ်ဆယ်ကျော်နဲ့ နိုင်ငံရေးပါတီတွေ ၊ ကျောင်းသားသမဂ္ဂတွေ ၊ တိုင်းရင်းသားအဖွဲ့ အစည်းတွေ ၊ လက်နက်ကိုင်အဖွဲ့အစည်းတွေ ၊ သတင်းမီဒီယာတွေ စတဲ့အဖွဲ့မျိုးစုံမှာ ဗမာပြည် စစ်အာဏာရှင်ဆန့်ကျင်ရေးတိုက်ပွဲသမိုင်းတလျှောက် ကိုယ်စီအတွေ့အကြုံများစွာ ရရှိဖြတ်သန်းခဲ့ ကြပါတယ် ။

အကျဉ်းထောင်တွေထဲရောက်ခဲ့တဲ့သူတွေရှိတယ် ၊ တောတောင်တွေထဲရောက်ခဲ့တဲ့သူတွေရှိတယ် ၊ ဒုက္ခသည်စခန်းရောက်သွားကြတာတွေရှိတယ် ၊ နိုင်ငံတကာမှာရောက်နေသူတွေရှိတယ် ၊ ဘ၀မျိုး စုံမှာ ကျင်လည်နေရသူတွေရှိတယ် ၊ ပြည်တွင်းမှာရပ်တည်နေရသူတွေရှိတယ် ၊ ကျဆုံးသွားသူ တွေရှိတယ် ၊ ရောဂါမျိုးစုံနဲ့သေဆုံးသွားသူတွေရှိတယ် ၊ ဘ၀ပျက်သွားသူတွေရှိတယ် ၊ သစ္စာ ဖေါက်သွားသူတွေရှိတယ် ၊ ဘေးထွက်ထိုင်သွားသူတွေရှိတယ် ၊ လူမျိုးစုံ ပုံသဏ္ဍာန်မျိုးစုံနဲ့ ။

အားလုံးဟာ အဖွဲ့အစည်းတွေဘယ်လိုကွဲပစေ ၊ ဖြတ်သန်းမှုပုံစံဘယ်လိုခြားနားပစေ ၊ တူညီခဲ့တာတွေ ရှိပါတယ် ၊ ခေတ်အဆက်ဆက် အာဏာရှင်တွေဘယ်သူပဲဘယ်လိုပုံစံနဲ့တက်လာတက်လာ ဆန့်ကျင် ခဲ့ကြတာတူတယ် ၊ ရှစ်လေးလုံးအရေးတော်ပုံနောက်ပိုင်းမှာဆိုရင် ၁၉၉၀ရွေးကောက်ပွဲအနိုင်ရ NLD ကိုဝန်းရံကြရေးဆိုတာတူတယ် ၊ အကြမ်းမဖက်ရေးလမ်းစဉ်ဆိုပြီး ကြွေးကြော်ခဲ့ကြတာတူတယ် ၊ လက်နက်ကိုင်အဖွဲ့စည်းဆိုတာတွေအားလုံးကတောင် သေနတ်တွေကိုင်ထားရက်နဲ့ အကြမ်းမဖက်ရေး လမ်းစဉ်ဆိုပြီး အားလုံးနဲ့ထပ်တူ ( ခုချိန်ထိ) ကြွေးကြော်နေတုံးပဲဖြစ်တယ် ။

ဒီနေ့ ကျွန်တော်တို့အင်အားစုအားလုံးရဲ့အခြေအနေကိုသေချာပြန်လေ့လာကြည့်ရင် တယောက်နဲ့ တယောက် ၊ တဖွဲ့နဲ့တဖွဲ့ မခေါ်နိုင်မပြောနိုင်တွေဖြစ် ၊ အယုံကြည်လဲမရှိကြ ၊ အမျိုးသမီးရေး ၊ ကလေး သူငယ်အရေး၊ အလုပ်သမားအရေး ၊ ကျန်းမာရေး ၊ ပညာရေး ၊ လူမှုစောင့်ရှောက်ရေး စသဖြင့်ခေါင်းစဉ်တွေအမျိုးမျိုးပြ ၊ တော်လှန်ရေးကိုသွေဖီပြီး ကိုယ်ကျိုးစီးပွားရှာသူတွေဖြစ်ကုန်ကြ ၊ အရက်သမားတွေဖြစ်ကြ ၊ အကျိုးစီးပွားတူရင်ခဏတဖြုတ်ညီညွတ်လိုက်ကြနဲ့ ဘုံရန်သူစစ်အာဏာ ရှင်ကို တွန်းလှန်နိုင်စွမ်းမရှိဖယိုဖရဲဖြစ်နေတာတွေ့ရပါတယ် ။ ဒါ အရှိတရားပါ ။စစ်အာဏာရှင်တွေကတော့ တနေ့ထက်တနေ့ သူ့အာဏာကို ခိုင်ခိုင်မာမာတည်ဆောက်လာနိုင်နေ တာကို တွေ့ရပါတယ် ၊ ၂၀၀ရ စက်တင်ဘာမှာ သံဃာတော်တွေကို ရိုက်နှက်သတ်ဖြတ်တာတောင် ဘာမှမတုန့်ပြန်နိုင်အောင် ပြည်သူကိုဦးချိုးထားနိုင်တာ ၊ ကိုမင်းကိုနိုင်အပါအ၀င် နိုင်ငံရေးတက်ကြွသူ တွေကို ပုဒ်မအမျိုးမျိုးတပ်ထောင်ထဲထည့်ထားတာ ၊ ၂၀၀၈ မေမှာ ဖွဲ့စည်းပုံဆန္ဒခံယူပွဲဆိုတာကို စိတ်ကြိုက်လုပ်သွားတာ ၊ ဒေါ်အောင်ဆန်းစုကြည်ကို အမှုဆင်ထောင်ချတာ ၊ စစ်ဗိုလ်ချုပ်တွေ ယူနီဖေါင်းချွတ်ြပီး နိုင်ငံတကာကိုသံတမန်မပျက်ဆက်ဆံနေတာ ၊ ငြိမ်းချမ်းရေးအဖွဲ့တွေကို အပေါ်စီး ကနေ နယ်ခြားစောင့်တပ်ဖွဲ့ခိုင်းတာ ၊NLD ကို တဖြည်းဖြည်းမှေးမှိန်အောင်လုပ်ပြီး ၁၉၉၀ ရွေးကောက် ပွဲကို အစဖြောက် ၂၀၁၀ ရွေးကောက်ပွဲလုပ်မှာ ၊ ကြံ့ဖွတ်ကို ဗြောင်ကျကျပါတီထောင်ပြတာ တွေဟာ သူ့အာဏာကိုသူ ခိုင်ခိုင်မာမာတည်ဆောက်ထားနိုင်နေတယ်ဆိုတာ တွေ့ရမှာပါ ။

စစ်အာဏာရှင်တွေက ပြည်သူကိုမတရားအနိုင်ကျင့်ဖိနှပ်ပြီး အာဏာကိုတည်ဆောက်နေသူတွေ ဖြစ် ပါလျက် ၊ ကျွန်တော်တို့ကပြည်သူလူထုအတွက် အမှန်တရားကိုဆုတ်ကိုင်တိုက်ပွဲဝင်နေသူတွေဖြစ် ကြပါလျက် ၊ ဘာကြောင့် ကျွန်တော်တို့ကတစစယိုယွင်းနေပြီး အာဏာရှင်တွေက ခိုင်မာနေရတာလဲ။

စစ်အာဏာရှင်တွေက သူတို့အာဏာတည်မြဲရေးအတွက် ( ပြည်သူကြားမှာမှန်မှန်မမှန်မှန် ) သူတို့ အတွက်သူတို့မှန်တယ်ထင်တာ အကုန်လုပ်တယ် ၊ သူတို့သံသယရှိသူတယောက်ကိုဖမ်းနိုင်ဘို့ လူရာထောင်ချီဖမ်းရမလားဖမ်းတယ် ၊ မိန်းမ ၊ ကလေး ၊ ကျောင်းသား ၊ ရောဂါသည် ၊ ရဟန်းသံဃာ မရွေး ဖမ်းစရာရှိဖမ်း ၊ သတ်စရာရှိသတ် အကုန်လုပ်တယ် ၊ ဘယ်သူမှအာမခံရဲအောင် ရက်ရက် စက်စက် နှိပ်ကွတ်ဦးချိုးတယ် ၊ ဘ၀တွေဖျက်ပြစ်တယ် ၊ ရှေ့တန်းဧရိယာမှာ ရွာရှိရင် သူပုန်အတွက်ရိက္ခာရှိမယ်ဆိုပြီး ရွာလုံးကြွတ်သတ်တယ် ၊ မီးရှို့တယ် ၊ ရွာပြန်မတည်နိုင်အောင် စိုက်ခင်းကအစ ဖျက်ဆီးတယ် ၊ သူ့အုပ်စုကလွဲရင် ရန်သူဖြစ်နိုင်တယ်ဆိုတဲ့ သံသယအကြည့်နဲ့ပဲ ကြည့်တယ် ၊ အရာရာကို စစ်ရေးအမြင်နဲ့ပဲဆုံးဖြတ်တယ် ၊ လမ်းတွေဖေါက် တံတားတွေဆောက် ၊ လစာတွေတိုးပေးပြီး မြှူဆွယ်တာမျိုးလဲလုပ်သလို ၊ စီးပွားရေးလုပ်ပိုင်ခွင့်တွေချပေးပြီး မက်လုံးပေး စည်းရုံးတာမျိုးလဲလုပ်တယ် ၊ လုပ်အားပေးခိုင်းတာမျိုး ၊ ပေါ်တာဆွဲတာမျိုးနဲ့ မတရားခိုင်း တာမျိုးတွေလဲလုပ်တယ် ၊ လိမ်စရာရှိရင် ဘယ်သူယုံယုံမယုံယုံ ဗြောင်လိမ်တယ် ၊ သူတို့အနိုင်ရဘို့နဲ့ အနိုင်ကိုထိမ်းထားနိုင်ဘို့ ဘာမဆို ဘယ်လိုမဆို ပြတ်ပြတ်သားသား အကုန်လုပ်တယ် ။

ကျွန်တော်တို့တွေက မပြတ်သားကြဘူး ၊ အတွေးအခေါ်အရမပြတ်သားကြသလို လုပ်ရပ်တွေလဲ မပြတ်သားကြဘူး ၊ ပြီးတော့ တရားသေဆုတ်ကိုင်ကြတယ် ၊ အချိန်ကာလနဲ့အခြေအနေအရ ပြောင်းလဲဘို့လိုမလားလို့ ဖေါက်စဉ်းစားတာမျိုး မလုပ်ခဲ့ကြဘူး ၊ ခုဏပြောခဲ့သလို လက်နက်တွေကိုင် ထားတဲ့အဖွဲ့စည်းတွေကအစ အကြမ်းမဖက်ရေးဆိုတာမျိုးပဲစဉ်းစားတယ် ၊ တကယ်တမ်းက ဝေါဟာရ တွေသာပါ ၊ လက်နက်ကိုင်လမ်းစဉ်နဲ့ အကြမ်းဖက်လုပ်ငန်းကခွဲမရဘူးဆိုတာ စစ်ကိုနားလည်တဲ့ သူတိုင်းသိပါတယ် ၊ စစ်ကိုစစ်နဲ့တူအောင်မတိုက်ပဲ သဘောတရားတွေနဲ့ပဲဖက်တွယ်နေသူတွေ (တနည်းအားဖြင့် ကိုယ်တိုင်စစ်တိုက်ဘို့တွန့်ဆုတ်နေသူတွေ) ရဲ့ဆင်ခြေတွေမှာ လက်နက်ကိုင်တော် လှန်ရေးနဲ့ အကြမ်းဖက်မှုကွဲလွဲချက်ဆိုပြီး စည်းပါးပါးလေးချပြတာတွေ့ရတယ် ၊ အဲဒီမှာ ကျွန်တော်တို့ ဘက်ရဲ့မဟာအမှားကြီးစခဲ့တာပဲ ၊ ရှစ်လေးလုံးအရေးတော်ပုံကြီးနောက်ပိုင်းမှာ ပြည်သူအများစု လက်နက်ကိုင်လမ်းစဉ်အပေါ်အမြင် အားကောင်းလာခဲ့ပြီး ၊ လက်နက်ကိုင်တော်လှန်ရေးဒီရေ မြင့် တက်ခဲ့တာ အားလုံးအသိပါ ၊ ခုလောက်တောင်နိုင်ငံတကာရောက်နေတဲ့ ရဲဘော်တွေမရှိသလို ခုလောက်လဲ နိုင်ငံတကာအထောက်ပံ့မရခဲ့ပါဘူး ၊ တိုင်းရင်းသားတွေကြား ရောက်ရာကျရာမှာ ဖြစ်သလိုရှာဖွေရပ်တည်ရင်း မော်ဖိုးကေ ၊ မဲသဝေါ ၊ ၀မ်ခ ၊ မာနယ်ပလော စစ်ပွဲကြီးတွေ ဆင်နွှဲနိုင်ခဲ့တာပါ ။ အခု ဘာကြောင့်လက်နက်ကိုင်တော်လှန်ရေး အရောင်ပြန်မှိန်နေရတာလဲ ၊ ပြောပြီးခဲ့သလို စစ်ကို စစ်နဲ့တူအောင်မတိုက်ခဲ့ကြလို့ပါ ၊ တချို့အဖွဲ့စည်းတွေမှာ ခေါင်းဆောင်ပိုင်း နေရာယူထားသူတွေက ကိုယ်တိုင်လဲစစ်မတိုက် ၊ ရဲဘော်တွေကိုလဲ စစ်စွမ်းရည်မြှင့်သင်တန်းတွေ မပေးပဲ လက်နက်ကိုင်လမ်းစဉ်ကိုသွေဖီတဲ့ နိုင်ငံရေးသဘောတရားရေးရာသင်တန်းတွေ ၊ မီဒီယာ သင်တန်းတွေ ဘက်ကို ဦးလှည့်ခဲ့ပါတယ် ။ မူလထဲက လက်နက်ကိုင်လမ်းစဉ်မှာ အသားကျနေပြီးတဲ့ တိုင်းရင်းသားအဖွဲ့စည်းတွေကလွဲရင် ရှစ်လေးလုံးနောက်ပိုင်းမှပေါ်လာခဲ့တဲ့ လက်နက်ကိုင်အဖွဲ့စည်း တွေဟာ (ဘာအဖွဲ့ပါဆိုတဲ့နာမည်ကလွဲရင်) တဖွဲ့မှ မကျန်တော့သလောက်ကို ပျက်စီးခဲ့တော့တာပါပဲ။

လက်နက်ကိုင်အင်အားစုက စစ်ရေးအရ ရန်သူနဲ့တန်းတူမရပ်တည်နိုင်ရင် နိုင်ငံရေးမှာပါအလိုလို အားနည်းလာတာပါပဲ ၊ ဒီနေ့ စစ်အာဏာရှင်ကထင်တိုင်းကြဲနေနိုင်တာ အဲဒီအခြေခံအချက်ကြောင့်ပဲ။

ပြည်သူ့ဘ၀တွေက စုတ်ပြတ်သတ်နေပြီ ၊ ကျွန်တော်တို့ ဇတ်မျောမှာ ဒီတိုင်းဆက်သွားနေဘို့ မသင့် တော့ဘူး ၊ ကျွန်တော်တို့ အားလုံးပြုပြင်ပြောင်းလဲကြဘို့သင့်နေပါပြီ ။

(၁)ငါ့ဘို့ ၊ ငါ့မိသားစုဘို့ ၊ ငါ့အုပ်စုဘို့ ဆိုတာမျိုး ကိုယ်ကျိုးတပ်မက်စိတ်တွေ ပြန်ဖျောက်နိုင်အောင် ကြိုးစားကြပြီး တော်လှန်ရေးအတွက် ဘာမဆိုစွန့်လွှတ်တိုက်ပွဲဝင်ဘို့ စိတ်ဓါတ်တွေပြောင်းလဲရပါမယ်။ (၂)တစ်ယောက်ကိုတစ်ယောက် ၊ တစ်ဖွဲ့ကိုတစ်ဖွဲ့ မယုံမကြည်ဖြစ်နေပြီး စစ်မှန်တဲ့တပ်ပေါင်းစု မဖွဲ့နိုင်ခဲ့တဲ့ အခြေအနေတွေကိုပြန်ပြင်ရပါမယ် ၊ နီးစပ်ရာလူနဲ့ ဖွဲ့ချင်သလိုဖွဲ့ထားတဲ့ တပ်ပေါင်းစုများစွာ ကို (လုံးဝ) ပြန်ဖျက်ပြစ်ပြီး တစ်ခုတည်းသော တပ်ပေါင်းစုကိုဖွဲ့ရပါမယ် ၊ မည်သူကမနှစ်သက် သည် ဖြစ်စေ အများသဘောတူ ဒီမိုကရေစီနည်းကျ ခေါင်းဆောင်များ ရွေးချယ်ရပါမယ် ။ (မင်းသားကြီး မလုပ်ရ၍ ပတ်မထိုးဖေါက်လိုသူများ ၊ အဖွဲ့များရှိပါက တခါတည်း ပြတ်ပြတ်သားသားရှင်းရမည် )။

(၃)လူထုအုံကြွမှုများဖေါ်ဆောင်ရေး နိုင်ငံရေးလမ်းစဉ်နှင့် စစ်ကိုစစ်နှင့်တူအောင်တိုက်ရေး လက်နက် ကိုင်လမ်းစဉ်များကို ပြတ်ပြတ်သားသားချမှတ် လက်တွေ့ဖေါ်ဆောင်ကြရပါမယ် ၊ စစ်အာဏာရှင်နဲ့ ရင်ဆိုင်ရမှုအခြေနေပေါ်ကနေ လိုအပ်သလို ကြမ်းတာ နုတာတွေလုပ်ရပါမယ် ။

(၄)စံထားရလောက်တဲ့ တပ်ပေါင်းစုမရှိခဲ့တာကြောင့်နဲ့ ၊ ၁၉၉၀ ရွေးကောက်ပွဲရဲ့ ပြည်သူ့ဆန္ဒရှင် ဆိုတာကြောင့် NLD ကိုတပ်ဦးထားခဲ့ကြတာဖြစ်တယ် ၊ ဒေါ်စု နဲ့ NLD ရဲ့ နိုင်ငံရေးဖြစ်တည်မှုကို စောင့်ရင်း တိုက်ပွဲအဟုန်လျော့စေခဲ့တာ ၊ တကယ်လုပ်ရမှာတွေ မလုပ်ဖြစ်ခဲ့တာတွေ ပြင်ရပါမယ် ၊ NLDဟာ မှတ်ပုံမတင်ဘူးဆိုတဲ့ (မတ်လ ၂၉ ရက်နေ့က)ဆုံးဖြတ် ချက်မှန်ခဲ့ပေမဲ့ ၊ လူမှုရေးလုပ်ငန်း တွေဆက်လုပ်မယ်ဆိုတဲ့ လမ်းအမှားဘက်ကို ဦးတည်နေပြန်ပြီဖြစ်ပါတယ် ၊ ကျွန်တော်တို့အားလုံးရဲ့ တော်လှန်ရေး အနိမ့်ဖြစ်ခဲ့ရတဲ့အခြေအနေဟာ အဲဒီလို လူမှုရေးလုပ်ငန်းတွေ ၊ သာရေးနာရေးတွေ ဘက်ကို ဦးလှည့်ခဲ့ကြပြီး အချင်းချင်းစမန်ခုတ်မှုတွေ ဖြစ်လာစေခဲ့တာကြောင့် ဖြစ်တယ် ၊ ပြတ်သားတဲ့ နိုင်ငံရေးလမ်းကြောင်းမရှိရင် NLD ကိုဝန်းရံဘို့ဆိုတာ အလကားဖြစ်သွားပါမယ် ၊ NLD ကို တိုက်ပွဲ လမ်းကြောင်းပေါ် ကိုယ်တိုင်တိုက်ပွဲဝင်ပြတဲ့နည်းနဲ့ တွန်းတင်တည့်မတ်ပေးရပါမယ် ။

(၅)အဓိက ကတော့ ပြည်သူတွေကကျွန်တော်တို့ ဒီမိုကရေစီအင်အားစုတွေကိုမယုံတာ၊ မလေးစား အထင်မကြီးတာမျိုးဖြစ်နေတာတွေကို ပြင်ရပါမယ် ၊ ပြည်သူတွေက စစ်အစိုးရဒါဏ်ကို အလူးအလဲ ခံနေရလျက်သားနဲ့ အုံကြွတိုက်ပွဲဝင်ဘို့မ၀ံ့သေးတာဟာ ယုံကြည်အားကိုးရလောက်တဲ့ ဦးဆောင်အဖွဲ့ မရှိသေးလို့ဖြစ်ပါတယ် ၊ ရှစ်လေးလုံးမှာ ပြည်သူတွေ တတိုင်းတပြည်လုံးပါဝင်ခဲ့တာဟာ ကျောင်းသား တွေ အသေခံဦးဆောင်ခဲ့ကြလို့ပါ ၊ ပြည်သူတွေအထင်သေးစေမဲ့ အနေထိုင်အပြုမူတွေကိုပြင်ပြီး ထိထိ ရောက်ရောက်တိုက်ပွဲကို ဦးဆောင်ပြကြရပါမယ် ။

စစ်အာဏာရှင်တွေကတော့ ဘက်စုံပြုပြင်ပြောင်းလဲတယ် ၊ အချင်းချင်းညီညီညွတ်ညွတ်နဲ့ အရပ်ဝတ် လဲသူလဲတယ် ၊ စိတ်ထဲမပါသည့်တိုင်တောင် ဟန်ဆောင်ညီညွတ်ပြကြတယ် ၊ ကြံ့ဖွတ်ကိုပါတီအဖြစ် ပြောင်ပြောင်တင်းတင်းပြောင်းတယ် ၊ ရွေးကောက်ပွဲကို ဘယ်သူဘယ်နိုင်ငံကမှ လေ့လာစောင့်ကြည့် စရာမလိုဘူးလို့ ခပ်တင်းတင်းပြောတယ် ၊ ကိုယ်ကျင့်သိက္ခာမဲ့သူတွေတောင် သူတို့အောင်မြင်မှု အတွက် သူတို့ညီညွတ်ရေးကိုတည်ဆောက်လို့ရရင် ကျွန်တော်တို့က မပြုပြင်နိုင်ကြဘူးလား ၊ ဒီအ ချက်လေးလောက်တောင်သူတို့ကိုမယှဉ်နိုင်ရင်တော့ နောင်နှစ်ပေါင်းများစွာစစ်ကျွန်ခံရပေလိမ့်မယ် ။