၂၀၁၀ ခုနှစ် ဇွန်လ (၁၉) ရက်နေ့မှာဖြင့် ကျွန်ုပ် အလွန်လေးစားချစ်ခင်ရပါသော မြန်မာပြည်သူပြည်သားအပေါင်းတို့၏ နိုင်ငံရေး၊ လူမှုရေး၊ ပညာရေး၊ ကျန်းမာရေးအလုံးစုံသော လူ့အခွင့်အရေးများစွာအတွက် စကြာဝဠာတံတိုင်းကြီးသဖွယ် မားမားမတ်မတ်ရင်ဆိုင်ကာကွယ် ဖြေရှင်းရပ်တည်ပေးလျှက်ရှိသော၊ လွတ်လပ်ရေး ပိသုကာ၊ မျိုးချစ်ဗမာလူမျိုးတို့၏ ဖခင်ကြီး ဗိုလ်ချုပ်အောင်ဆန်း၏ အာဇာနည်သွေးအနှစ် သမီးအစစ်ဖြစ်သော၊ သူရိန်နေမင်းသဖွယ် အလင်းပေးစွမ်းနေသော အမေဒေါ်အောင်ဆန်းစုကြည် ကမ္ဘာမြေလူ့လောကသို့ရောက်ရှိခဲ့သည်မှာ(၆၅)နှစ်တိတိ ပြည့်မြောက်တော့မည် ဖြစ်ပါသည်။ ၄င်း ဇွန်လ (၁၉) ရက်နေ့သည် အင်မတန်မှ ကျက်သရေမင်္ဂလာအပေါင်းတို့နှင့် ပြည့်စုံသော အမေဒေါ်အောင်ဆန်းစုကြည်၏ မွေးနေ့ရက်မြတ်မင်္ဂလာပင် ဖြစ်ပါသည်။
အမေဒေါ်အောင်ဆန်းစုကြည်၏ (၆၅) နှစ် မြောက်မွေးနေ့မှသည် နောက်နောင်နှစ်ပေါင်းများစွာတိုင် အမေ လူ့လောကတွင် သက်ရှိထင်ရှားရှိနေသ၍ မြန်မာပြည်သူပြည်သားများ မတရားညှဉ်းပန်းနှိပ်စက်ခံရမှု၊ လူ့အခွင့်အရေးချိုးဖောက်ခံရမှု အစရှိသည်တို့အား ဆက်လက်ကာကွယ်ရပ်တည်ပေးစွမ်းနိုင်ပါစေ အမေ။ ခုအချိန်မှာ သားတို့အနေနှင့် အမေ့အား ပြန်လည်ကာကွယ်ပေးနိုင်စွမ်း မရှိသည့်အတွက် လွန်စွာမှ စိတ်မကောင်း ၀မ်းနည်းရသော်လည်း၊ အမေ၏ ဦးဆောင်လမ်းပြသည့် လမ်းမပေါ်သို့ မလွဲမသွေ ဆက်လက်လျှောက်လှမ်းပြီး၊ စည်းကမ်းကျနသာယာသော ဒီမိုကရေစီ နိုင်ငံတော်သစ်ဆီကို ရောက်အောင်သွားပါ့မယ် အမေ။ အမေရဲ့မွေးနေ့ရက်မြတ်မှသည် နောင်နှစ်ပေါင်း၊သမိုင်းပေါင်းများစွာတိုင် အမေ စိတ်၏ ချမ်းသာခြင်း၊ ကိုယ်၏ ကျန်းမာခြင်းတို့နှင့် ပြည့်စုံပြီး တရားမျှတမှုမရှိသော ၊ လူသားမဆန်သော ၊ နအဖစစ်အစိုးရ၏ ဖိနှိပ်ချုပ်ချယ် ညှဉ်ပန်းနှိပ်စက်မှုအောက်မှ မြန်မာပြည်သူပြည်သားအပေါင်းတို့နှင့်အတူ အမြန်ဆုံးကျွတ်ထွက်လွတ်မြောက်နိုင်ရမည်ဟု သတင်းကမ္ဘာ ဤနေရာမှ သားတို့ ယုံကြည်စွာနှင့် တောင်းဆုပြုလိုက်ပါ တယ်အမေ။
အမေ့ထံသို့ သားတို့ ပို့သလိုက်သော ဆုတောင်းမေတ္တာသည် မည့်သည့်အတားအဆီးအနှောင့်အယှက်မှ မရှိဘဲ ဖြောင့်ဖြူးသာယာစွာဖြင့် အမေ့ထံသို့ ရောက်ရှိပါစေသားဟု လူတွေကြား၍ နတ်တွေသိရန် တိုင်တည်သစ္စာပြုလိုက်ပါတယ် အမေ။
အမေ့အား အစဉ်အမြဲ လေးစားဦးညွှတ်လျှက် -
သားမောင် ရဲရဲတောက် BurmaPaparazi
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်