0 ပြည်သူလူထု၏ သဘောထား အမြင်ကို တောင်းခံခြင်း

အမေစုလွတ်လာပြီ ဆိုတဲ့ သတင်းကိုကြားတော့ ပျော်လိုက်တာဗျာ အရမ်းဘဲ ။ အမေ့ကို လူထုကြီးက သွားရောက် ကြိုဆို ကြတဲ့ မြင်ကွင်းက တကယ့်ကို မျက်ရည်ဝဲစရာပါ ။ အမေစု ၀မ်းနဲ့ လွယ်မမွေးခဲ့ပေမယ့် မြန်မာနိူင်ငံ ပြည်ထောင်စုက မွေးဖွားလာတဲ့ နိူင်ငံသားတိုင်းကို သူ့ရင်သွေးများလို မေတ္တာထားတဲ့ အတွက် ပြည်သူလူထုက တုန့်ပြန်မေတ္တာ ထားပြီး ပျော်ရွှင်ကြည်နူးနေကြတာကို မြင်တော့ ဒို့ တိုင်းပြည်တော့ မျှော်လင့်ချက် ရောင်ခြည် ပြန်သမ်းလာပြီ လို့ ၀မ်းသာအားတက် ဖြစ်ခဲ့မိပါတယ် ။ အမေစုက ပြည်သူလူထု အသံကို ကြားချင်ပါတယ်လို့ ထုတ်ပြောလိုက်တဲ့ စကားလေး တစ်ခွန်းကို ကြားတော့ ပိုပြီးတောင် ကြည်ညိုလေးစား လာသလို ခံစားရပါတယ် ။ တိုင်းပြည်တပြည်ရဲ့ ခေါင်းဆောင် ဆိုတာ အဲဒီ တိုင်းပြည်က ပြည်သူလူထု ကိစ္စအ၀၀ကို ဆောင်ရွက်ဖို့ ပြည်သူလူထုက ရွေးချယ်တင်မြှောက်ထားတာပါ ။ နိူင်ငံခေါင်းဆောင် ပီသချင်ရင် ကိုယ်ကျိုးအတ္တထက် ပြည်သူလူထု ဆန္ဒကို အရေးပေး ဆောင်ရွက်ရမယ်ဆိုတဲ့ ဥပဒေဿကို အမေက လက်တွေ့ပြလိုက်တာပါ ။ အမေက ခေါင်းဆောင်ကောင်း ပီသစွာ လမ်းဖွင့်ပေးထားတော့ ကျနော်လည်း အမေ့ကို ကျနော်တို့ လိုလား တောင့်တချက်တွေကို တင်ပြချင်လာတယ် ။ ကျနော်တို့က ပြည်ထောင်စု မိခင်ရဲ့ ဥာဏ်ရည်တွေက လျှံကျလို့ နှုတ်ဖျားက ကျဆင်းလာတဲ့ စကားမှန်သမျှ အနှစ်သာရ အဓိပ္ပါယ်နဲ့ ပြည့်ဝနေတယ်ဆိုတာကို ဘယ်သူမှ မငြင်းနိူင်ကြပါဘူး ။

ဒီမိုကရေစီ အုပ်ချုပ်ရေး ကို အရိုးရှင်းဆုံး အဓိပ္ပာယ် ဖွင့်ဆိုရရင် ပြည်သူလူထု က အုပ်ချုပ်ရေး အာဏာကို အမှန်တကယ် တိုင်းပြည် အကျိုးသယ်ပိုးဆောင်ရွက်မည့် လူများကို အုပ်ချုပ်ရေး အာဏာအပ်နှင်းတဲ့ စနစ်တစ်ခုပါ ။ ပြည်သူလူထု လိုလားတောင့်တချက် မှန်သမျှကိုအုပ်ချုပ်ရေးပိုင်းကို တာဝန် ပေးအပ်ခြင်းခံထားရတဲ့ လူတွေက အကောင်အထည် ဖော်ပေးရတာ ဒီမိုကရေစီ ပါ ။ ပြည်သူလူထု ကို ကိုယ်စားပြုပြီး သက်ဆိုင်ရာ ကျွမ်းကျင်ပညာရှင် များက တိုင်းပြည်ဘက်စုံ ဖွံ့ဖြိုးတိုးတက်ရေး အတွက် အခြခံ ရေးဆွဲထားတဲ့ တရားမျှတတဲ့ ဥပဒေကို တိုင်းသူပြည်သားတိုင်း စောင့်ထိန်းလိုက်ကြရမယ် ။ အကယ်၍ သတ်မှတ်ထားတဲ့ ဥပဒေကို ဖောက်ဖျက် ကျူးလွန်ခဲ့ရင် မည်သူ့ကို မဆို အပြစ်ပေး အရေးယူလို့ရတဲ့ အုပ်ချုပ်ရေး စနစ်တခုပါ ။ ဥပဒေ ရဲ့ အထက်မှာ ဘယ်သူမှ ရှိမနေတာ ဒီမိုကရေစီ ။ ပြည်သူလူထု အားလုံး တညီတညွတ်တည်း တန်းတူညီမျှ အခွင့်အရေး ကို ပိုင်ဆိုင်ခွင့်ရနိူင်တာ ဒီမိုကရေစီ စနစ်မှာဘဲ ရှိပါတယ် ။ ဒီမိုကရစီ စနစ် ကို ဦးတည်ချီတက်မယ်လို့ ဆုံးဖြတ်ထားရင် ပြည်သူလူထုရဲ့သဘောထား အမြင်ကို တောင်းခံကြပြီး ဆောင်ရွက်ကြတာမှ အမှန်ပါဆိုတာကို အမေစုက သက်သေပြထားချင်လို့ ပြည်သူလူထုကြီးရဲ့ စိတ်ဆန္ဒသဘောထားကို တောင်းခံတာပါ ။
ဒီနေ့ မြန်မာနိူင်ငံရေး လုပ်ရှားသူတွေကို ကကြီးခခွေး နိူင်ငံရေး သမားလေး တစ်ယောက် ဖြစ်တဲ့ ကျနော်က အကြံပြုတင်ပြချင်ပါတယ် ။ မြန်မာနိူင်ငံရေး လုပ်ရှားမှုရဲ့ ပန်းတိုင်က လွတ်လပ်၍ တရားမျှတကာ ခေတ်မှီဖွံ့ဖြိုး တိုးတက်သော ဒီမိုကရေစီ နိူင်ငံတော် အဖြစ်ကို ရောက် အောင် တည်ဆောက်စေလိုတဲ့ ဆန္ဒဘဲ မဟုတ်ဘူးလား ။ ရွှေတိဂုံဘုရားကို သွားဖူးဖို့ ရန်ကုန်ကို မရောက်ဘူးတဲ့ လူတွေကို ရောက်ဘူးသူ တစ်ယောက် က သွားရမယ့် လမ်းကို ပြပေးလိုက်တယ် ။ သွားတဲ့လူတွေကလည်း ရွှေတိဂုံဘုရားကို ဖူးဖို့ ဆိုပြီး သွားကြတာပါဘဲ ။ ဘုရားခြေရင်းရောက်မှ ဘယ်မုဒ်က တက်တက် ဘုရားပေါ်ကို ရောက်တယ်ဆိုပြီး အငြင်းပွားကြတယ် ။ အရှေ့ဘက်မုဒ်က ရောက်နေပြီးမှ အနောက်ဘက်မုဒ်ကတက်လည်း ရောက်တယ်လို့ အတ္တကို အခြေခံပြီး စဉ်းစားလာကြတယ် ။ လမ်းညွှန်ချက်အတိုင်း တည့်တည့်မတ်မတ် လျှောက်လှမ်းနေတဲ့လူကို ပါးစပ်က ထောက်ခံပြီး လက်က ဆွဲချနေကြတယ် ။ ။ အဲဒီလို အတွေးအခေါ်တွေေ၀၀ါးပြီး အချို့က ဘယ်မုဒ်က စတက်ရမလည်း ဆိုတာကို ရွေးနေကြတာ အခုချိန်ထိ စဉ်းစားလို့ မရကြသေးဘူး။ အချို့ စိတ်ပျက်လို့ လှည့်ပြန်သွားကြပြီ ။ အချိုက ကြပြန်တော့ အရှေ့ဘက်မုဒ်ရောက်မှ အနောက်ဘက်မုဒ်က စတက်တာ ကောင်းမယ်လို့ ထင်မြင်ယူဆသူတွေ စကားကို လက်ခံပြီး အရှေ့ကို လျှောက်ပါလို့ အနောက်ကိုလည်း မျှော်ခဲ့ပြီးပြီ ။ တောင်ဘက်ကို လှမ်းပြီး မြောက်ဘက်ကို မှန်းဆခဲ့တယ် ။ အချိန်ကုန်လူပန်းပြီး ဘုရားလည်း မဖူးခဲ့ကြရပါဘူး ။ ယနေ့မြန်မာနိူင်ငံအရေး လုပ်ရှားသူတွေ ကလည်း ဒီလိုပါဘဲ ။ အဲဒီ အကျိုးဆက်တွေကြောင့် မြန်မာနိူင်ငံ ဒီမိုကရေစီ အရေးဟာ များစွာ နှောင့်နှေးခဲ့ရပါတယ် ဒီမိုကရစီ ကို တကယ်လိုချင်ရင် ဒီမိုကရေစီ ရနိူင်မယ့် နည်းလမ်းကို အသုံးပြုပြီး ချည်းကပ်နိူင်မှာ ဒီမိုကရေစီ ရမှာပါ ။ လမ်းမှားတွေကို သတ္တိရှိစွာ နဲ့ စွန့်ခွာခဲ့ကြပြီး လမ်းမှန်နောက်ကို အမြန်ဆုံး လိုက်ကြပါလို့ လေးစားစွာ အကြံပြု တင်ပြချင်ပါတယ်။

တစ်ဦးတစ်ယောက်တည်း ဒီမိုကရေစီ စနစ်ကို ဖော်ဆောင်လို့ မရပါဘူး ။ တစ်ယောက်တည်းက လုပ်ဆောင်နေတာ ကို လက်ခံကြမယ်ဆိုရင် ဒေါ်အောင်ဆန်းစုကြည်ဆိုတဲ့ အာဏာရှင် စနစ်ကို လက်ခံလိုက်တာနဲ့ တူတူပါဘဲလို့ အမေစု ပြောကြားလိုက်တယ် ။ အမေ့က အရမ်းပညာရှိတာ။ ကိုယ်ကျင့်တရားနဲ့ သိက္ခာ သမာဓိကလည်း ကောင်းတော့ ပြောသမျှ စကားတိုင်းက ထိရောက်နေတာပါ ။ ကျနော်တို့တိုင်းပြည်အရေးဟာ ကျနော်တို့ အရေးပါဘဲ ။ ဒါကြောင့် ကျနော်တို့ ၀ိုင်းဝန်းပြီးတော့ အဖြေရှာကြည့်နိူင်ရင် ကောင်းမယ်လို့ ယူဆမိပါတယ်။ တကယ်တော့ ပြည်သူလူထုကို စာရေးပြီး ဆက်သွယ်ကာ လိုလားတောင့်တချက်မှန်သမျှကို ရေးသားပြီး ဆက်သွယ်ကြပါတယ်လို့ ပြောကြားလိုက်ပေမယ့် အမေစုရဲ့သားသမီးတစ်ယောက်အနေနဲ့ စဉ်းစားကြည့်ကြမယ်ဆိုရင် လူအများကသာ စာရေးဆက်သွယ်ရင်တန်ဖိုးရှိလှတဲ့ အမေ့ရဲ့ အချိန်တွေကို ကျနော်တို့ ဖြုန်းတီး သလို ဖြစ်ကုန်မှာ အသေအချာပါ ။ ဒါကြောင့် နည်းပညာကို အသုံးချပြီး လူထု ဆန္ဒကို ဖော်ထုတ်ဖို့ ကျနော် အကြံရတယ်ဆိုရင် ဘဲ facebook ကို ပြေးပြီး မြင်ယောင်မိလိုက်ပါတယ် ။အမေ့ကို ကျနော်တို့ ပြည်သူလူထုရဲ့ လိုလားတောင့်တချက်ကို အကြံပြုတင်ပြနိူင်ဖို့ နည်းပညာကို အားကိုးပြီး ဆောင်ရွက်မယ်ဆိုရင် အချိန်တိုအတွင်း ထိရောက် နိူင်တယ်လို့ ကျနော် လက်ခံ ယုံကြည်ထားလို့ ဒီစာလေးကို ရေးသားလိုက်ရခြင်းပါ ။

အမေကို ပြည်သူလူထု တစ်ယောက်အနေနဲ့ ဘာကို ပြောချင်လည်း ဆိုတာထက် ပြည်သူလူထု တရပ်လုံးက ဘာတွေကို လိုအပ်နေတယ် ဆိုတာကို အမေ့ကို အသိပေးနိူင်ရင် ပိုအကျိုးရှိမယ်လို့ထင်ပါတယ် ။သုတေသန ပြုကြတဲ့ သဘောတရား အရ ပြောရရင် ဒီနေရာလေးမှာ ကျောင်းသား အဆင့်ကနေ ပါမောက္ခ အဆင့်လောက်ထိ ပါဝင်ဆွေးနွေး တင်ပြကြမှာ ဖြစ်တဲ့ အတွက် ကျပန်းစနစ်နဲ့ လူထုသဘောထားကို ခံယူထားသလို ဖြစ်သွားလိမ့်မယ်လို့ ယုံကြည်ထားပါတယ် ။ အဲဒီလို ထွက်ပေါ်လာတဲ့ အမြင်တွေကို ပေါင်းစုပြီးမှ အမေ့ကို ပို့ပေးမယ်ဆိုရင် အမေလည်း အချိန်ကုန်သက်သာသလို အမြန်ဆုံးလည်း ထိရောက်နိူင်ပါတယ် ။နောက်တချက်က အချို့ကတော့ အကြံပေးချင်စိတ် ရှိကြပေမယ့် အမေ့လက်ထဲ သူတို့အကြံပေးချင်တဲ့ စာရောက်ဖို့လည်း တော်တော်လေးကိုဝီရိယ စိုက်ထုတ် အချိန်ပေးနိူင်မှ ဖြစ်မယ်လို့ ကျနော် ယုံကြည်ထားပါတယ် ။ ဒါကြောင့်အားလုံးဘဲ ဒီနေရာလေးမှာ မိမိတို့ရဲ့ သဘောထား အမြင်များကိုဝင်ရောက်တင်ပြပေးဖို့ လေးစားစွာ ဖိတ်ခေါ်ပါတယ် ။

သုတေသန ရဲ့သဘောထား အရဆိုရင် စစ်တမ်းတစ်ခု ကောက်ယူမယ်ဆိုရင် အဲဒီစစ်တမ်းမှာ လူဘယ်နှစ်ယောက် ပါဝင် ဆွေးနွေးကြလည်း ၊ လူဘယ်နှစ်ယောက်က အသိအမှတ်ပြုလက်ခံကြလည်း ဆိုတဲ့ အချက်လေးကတော့ နည်းနည်း အရေးကြီးပါတယ် ။ အဲဒီတော့ ၀င်ရောက် ဆွေးနွေးတင်ပြမယ့် လူအရေအတွက် အလွယ်တကူသိရှိနိူင်မယ့် နည်းလမ်းကတော့ Facebook ရဲ့အားသာချက် တစ်ခု ကို ကျနော်တို့ ဆွဲယူ အသုံးချလို့ရပါတယ် ။ အဲဒီ လို လူဘယ်နှစ်ယောက်ပါဝင် ဆွေးနွေးကြတယ်ဆိုတာကို Like ဆိုတာလေးကို ၀င်ရောက်ဖတ်ရှုလို့ သဘောတူညီသူတိုင်းနှိပ်ပေးပါ လို့ အကြံပေးချင်ပါတယ် ။ ဒါဆိုရင် ဒီဆွေးနွေးချက်ကို လူဘယ်နှစ်ယောက် ကို ကိုယ်စားပြုတင်ပြထားတာပါ ဆိုတဲ့ စစ်တမ်းတခုကို အတိအကျ ထုတ်ပြနိူင်မှာ အသေအချာပါဘဲ ။

လူ့သဘာဝ အရ အမြင်တူညီမှု ရှိတဲ့လူတွေ များစွာ ရှိမှာပါ ။ ကိုယ့်ရင်ထဲ အမေစုကို ပြောချင်တဲ့ ဆန္ဒကို တစ်ဦးတစ်ယောက် တင်ပြပြီးသွားပြီဆိုရင် အဲဒီအမြင်ကို ထပ်မံ ရေးကြမယ့် အစား သူရေးတာလေးကို like နှိပ်လိုက်ပါ ။ ဒါဆိုရင် comment တွေ အများကြီး ဖြစ်စေမယ့် နည်းလမ်းကို ရှောင်ကြဉ်နိူင်မှာ ဖြစ်ပါတယ် ။ တကယ်တော့ ဒီလို ကိစ္စလေးက သာမာန်မျက်စိနဲ့ ကြည့်လိုက်၇င် ဘာမှ မဟုတ်ဘူးလို့ ယူဆမယ့် လူတွေလည်းရှိမှာပါ ။တကယ်တော့ ဒါဟာ ဒီမိုကရေစီ စနစ်ကို အခြေခံပြီး အကောင်အထည်ဖော် ဆောင်ရွက်တာပါ ။ သူ့အမြင် ကိုယ့်အမြင်တွေ ကို အပြန်အလှန် ဆွေးနွေးဖလှယ်ပြီးမှ အကောင်းဆုံးသော အမြင်တစ်ခုကို စစ်ထုတ်လိုက်တာဟာ ဒီမိုကရေစီ စနစ်ရဲ့ အခြေခံပါဘဲ ။ အဲဒီတော့ ကိုယ့်အမြင်ကို တင်ပြတဲ့နေရာမှာလည်း ပြီးစလွယ် တင်ပြကြမယ့်အစား လက်ရှိမြန်မာနိူင်ငံရဲ့ ပကတိ အနေအထားကို ကိုယ်မြင်တဲ့ ရှုထောင့်ကနေ အကောင်းဆုံးဖြစ်အောင် တင်ပြပေးစေချင်ပါတယ် ခင်ဗျာ ။ မိတ်ဆွေတို့ရဲ့ အကြံပြု ဆွေးနွေးတင်ပြချက် တွေကို ကျနော် အမေစု လက်ထဲကို ရောက်အေင် ပို့ဆောင်ပေးပါ့မယ် လို့ ဂတိပြုပါတယ် ။ မြန်မာနိူင်ငံ အာဏာရှင် စနစ်ဆိုးလက်အောက်က လွတ်မြောက်ပြီး လွတ်လပ်၍ တရားမျှတကာခေတ်မှီဖွံ့ဖြိုးတိုးတက်သော နိူင်ငံတော်ကြီး ဆီသို့ အမြန်ဆုံး ချီတက်နိူင်အောင် ကျရာ အခန်းဂဏ္ဍက နေ နိူင်ရာတာဝန် စတင်ထမ်းဆောင်ကြပါစို့...။

ခင်မင်လေးစားလျှက်

ဗမာ့သွေး

( Faceboook မှာ Comment ရေးရမှာကို မကြောက်ကြပါနဲ့ ။ အကယ်၍ မရေးရဲဘူး ဆိုလျှင်တောင် ပါဝင်ဆွေးနွေးတင်ပြတာကို လက်ခံတဲ့ လူအရေအတွက် အတိအကျ သိနိူင်ဖို့ ကူညီတဲ့ အနေနဲ့ Like နှိပ်ဖို့ မေတ္တာရပ်ခံချင်ပါတယ် ။ မိတ်ဆွေတို့ရဲ့ သဘောထား အမြင်ကို ကျနော်ဆီကို ( burmathwe@gmail.com ) မေးပို့ပေးလို့လည်း ရပါတယ် ။ ကျနော်က ဘဲ မရေးရဲတဲ့ လူတွေ ကိုယ်စား ပြန်လည် တင်ပြပေးပါ့မယ် ဒါပေမယ့် ရေးဖြစ်အေင် ရေးစေချင်ပါတယ် ။ ဖြောင့်မတ်တဲ့ စိတ်ကို မွေးမြူထားလိုက်ရင် ကြောက်လန့်တဲ့ စိတ်ကို ဖယ်ရှားပေးပါလိမ့်မယ် ။ )