ကျွန်မအားပေးစကားပြောစရာမလိုပါဘူး။ ဘာဖြစ်လို့လဲဆိုတော့ ဒီမိသားစုတွေက အားရှိပြီးသားဖြစ်လို့ပါ။
ဒီမိသားစုတွေက ကျွန်မကိုပြန်ပြီးအားပေးရမှာပါ။ အင်အားပြည့်ပြီးသားလူတွေကို အားပေးစကားပြောစရာမလို ဘူးလေ။
ကျွန်မတို့ ပထမအစီအစဉ်ကတော့ သိပ်ပြီးတော့ ရှည်ရှည်ကြီးလုပ်မှာ မဟုတ်ပါဘူး။
အဓိကကတော့ ကျွန်မတို့ နိုင်ငံရေးသမားအကျဉ်းသမားတွေရဲ့ မိသားစုများရဲ့ ရှိနေတဲ့အခက်အခဲတွေကို နားထောင်ဖို့ပါပဲ။ နားထောင်ဖို့အတွက် နားထောင်ရုံတင်မဟုတ်ဘူး။ ဒီအခက်အခဲတွေကို ဘယ်လိုကျော်လွှားရမလဲဆိုတဲ့ နည်းကို ကျမတို့ရှာဖို့ပါပဲ။ ကျမတို့ ပဏ္ဍိတာရာမမှာ ကိုဌေးကြွယ်ရဲ့-------------ကျင်းပတော့ တွေ့တဲ့အခါက တချို့အခက်အခဲတွေကို ပြောခဲ့ပါတယ်။ အဲဒါတွေလည်း ကျမစပြီးတော့ လုပ်နေပြီဆိုတာ ပြောပါရစေ။ ဒီအခါမှာလည်း ပြည့်ပြည့်စုံစုံပေါ့နော်။ ပိုပြီးတော့ဘာတွေဖြစ်စေချင်သလဲ။ ဘယ်လိုအခက်အခဲတွေရှိသလဲ။ တချို့ဟာတွေကတော့ ဥပဒေအရဆိုရင် သူတို့မှာ ရပိုင်ခွင့်တွေရှိတယ်။ ဒါကြောင့်မို့လို့ ဦးဥာဏ်ဝင်းက ဒီကိစ္စနဲ့ပတ်သက်လို့ပြောမှာပါ။ နိုင်ငံရေးအကျဉ်းကျခံနေရတဲ့ ကျမတို့ရဲ့ ရဲဖော်ရဲဖက်တွေရော အကျဉ်းကျမိသားစုတွေရော ဥပဒေအရ ဘာတွေအခွင့်အရေးတွေရှိတယ် ဆိုတာကို မသိကြဘူး။
မသိတဲ့အခါကြတော့ လုပ်သမျှကို ခံနေရတဲ့သဘောပေါ့နော်။ အဲတော့ ကျမကတော့ ဥပဒေဘောင်အတွင်းကနေပြီးတော့ ကိုယ်လုပ်နိုင်တာကိုလုပ်ရမယ်။ လုပ်သမျှခံနေလို့ မဖြစ်ဘူး။ ကျမတို့က ဥပဒေစိုးမိုးရေးကို ယုံကြည်တယ်ဆိုရင် ကိုယ့်ရဲ့ ဥပဒေဘောင်အတွင်းက ရပိုင်ခွင့်တွေအတွက်တော့ ဆောင်ရွက်ရဲရမယ်။ တောင်းဆိုရဲ ရမယ်။ တောင်းဆိုရဲရမယ်ဆိုတာ ပါးစပ်တင်မဟုတ်ဘူး။ ဥပဒေလမ်းကြောင်းအရ ဘယ်လိုလုပ်ရမလဲဆိုတာ အဲဒီ့ဟာတွေသိဖို့လိုပါတယ်။
အဲဒါကြောင့်မို့ ကျမတို့ ရှေ့နေအကျိုးဆောင်ကြီးဖြစ်တဲ့ ဦးဥာဏ်ဝင်းကနေပြီးတော့ ရှင်းပြမှာပါ။
ဦးသန်းလင်း ကတော့ ကျမတို့တွေရဲ့ နိုင်ငံရေးအကျဥ်းသားများအတွက် လူမှုအထောက်အကူအဖွဲ့ဆိုတာ ဖွဲ့ထားပါတယ်။ ဘာဖြစ်လို့လူမှုအထောက်အကူအဖွဲ့လို့ မှဲ့ထားရလဲဆိုတော့ နိုင်ငံရေးအကျဉ်းသူတွေပါ မကဘူး အကျဉ်းကျမိသားစုတွေကိုပါ ကျမတို့ကနေပြီးတော့ ကူညီနိုင်လို့ ဒါကြောင့်မို့ လူမှုအထောက်အကူအဖွဲ့လို့ နာမည်ပေးထားတာဖြစ်ပါတယ်။
ကျမတို့ အဓိကကတော့ ကျမ်းမာရေးပေါ့နော်။ ကျမ်းမာရေး၊ ဥပဒေဆိုင်ရာကူညီရေး နောက်ပြီးတော့ နိုင်ငံရေးအကျဉ်းသားမိသားစုများရဲ့ သားသမီးများပေါ့။ ကလေးများရဲ့ ပညာရေး အဲဒီ့သုံးခုကို ကျမတို့တတ်နိုင်သမျှ လုပ်ပေးပါတယ်။ အဲဒီ့ဟာမှာ ကျမတို့ မူတစ်ခုရှိပါတယ်။
ကိုယ့်ယုံကြည်ချက် အတွက်ကြောင့်မို့ အကျဥ်းချခံထားရတဲ့သူများထဲက ငွေရေးကြေးရေးမတတ်နိုင်လို့ ကျမ်းမာရေးကို မတတ်နိုင်ဘူးဆိုတာ မရှိစေရပါဘူး။ အဲဒါကြောင့် ကျမတို့ ကျမ်းမာရေးကို အဓိကထားပါတယ်။ နောက်ပြီးတော့ ဥပဒေဆိုင်ရာ အထောက်အကူပေါ့။ ကျမတို့နိုင်ငံရေးအကျဉ်းကျများပဲဖြစ်ဖြစ်။ အကျဉ်းကျမိသားစုများဘဲဖြစ်ဖြစ်ပေါ့နော် ဥပဒေလမ်းကြောင်းအရ ရသင့်ရထိုက်တဲ့ အခွင့်အရေးတွေကို ပိုက်ဆံငွေရေးကြေးရေး မလုံလောက်လို့ မရနိုင်ဘူးဆိုတာ မဖြစ်စေရဘူး။ ကျမတို့ အဲဒီ့မူအတိုင်းသွားပါတယ်။ ဒါကြောင့်မို့လို့ ကျမတို့ရဲ့ ရှေ့နေအကျိုးဆောင်များက ဘာမှအကျိုးဆောင်ခမယူဘဲနဲ့ လုပ်ပေးပါတယ်။ ကျမတို့ကလည်း ကုန်ကျမယ့်ကိစ္စတွေအားလုံး ပံ့ပိုးပေးပါတယ်။ နောက်တစ်ခုကတော့ ပညာရေးပေါ့နော်။
ကိုယ့်ရဲ့မိဘတွေ၊ ကိုယ့်ရဲ့သားသမီးတွေ သားသမီးတွေဆိုတာ ဆိုတော့ ပညာရေးပေါ့နော်။ မထိခိုက်အောင်လို့ မိဘတွေက ထောင်ကျသွားခဲ့ရင် သားသမီးတွေရဲ့ ပညာရေးမထိခိုက်နိုင်ဖို့ ကျမတို့ ဘယ်လိုကူနိုင်မလဲဆိုတာ အဲဒီ့ဟာကိုလည်း ကျမတို့ ဦးတည်ပြီးတော့လုပ်ပါတယ်။ အထူးသဖြင့်ပေါ့ ကလေးတွေ။ မူလတန်း၊ အလယ်တန်း အထိပေါ့ မိဘတွေက ထောင်ကျနေတယ်။ အကျဉ်းကျနေလို့ ငွေရေးကြေးရေး အလုံးလောက်လို့ ကျောင်းမနေရဘူးဆိုတဲ့ ကျမတို့ အဲဒီ့မူနဲ့ သွားပါတယ်။ တက္ကသိုလ်ပညာရေးအဆင့်ကျတော့ ကျမတို့ အမြဲတမ်း မကူညီနိုင်ပါဘူး။ ဒါပေမယ့် တော်တော်များများတော့ ကျမတို့ကူညီနိုင်ခဲ့ပါတယ်။
ကျမတို့ဆိုရင် ဆေးတက္ကသိုလ်ကို သွားနိုင်လောက်အောင်အထိ ကူညီနိုင်တဲ့အခွင့်အရေးတွေလည်း ကျမတို့မှာရရှိတယ်။ အဲဒါကြောင့် နိုင်ငံရေးအကျဥ်းကျ မိသားစုတွေအနေနဲ့ အားငယ်စရာလည်းမလိုပါဘူး။ အားလည်းမငယ်ပါဘူးဆိုတာ ကျမတို့သိပါတယ်။ အင်အားအပြည့်နဲ့ နှစ်နဲ့ချီပြီးတော့ ခံခဲ့ရတဲ့မိသားစုတွေက အများကြီးပဲ အဲဒီ့မိသားစုတွေက ကျမတို့ကို ပြန်ပြီးတော့ သင်ပေးစရာရှိရင်လည်းသင်ပေးပါ။ အကြံဥာဏ်ပေးစရာရှိရင်လည်း အကြံဥာဏ်ပေးပါ။ အားမငယ်သူကို လက်တွဲပြီးတော့ လုပ်မှကျမတို့က တောင့်တောင့်တင်းတင်းနဲ့ ခံနိုင်ရည်တင်မကဘူး။ ခံနေဖို့ပဲမဟုတ်ဘူးနော်။ တိုးတက်အောင်လည်းလုပ်ရမယ်။ ရှေ့ကိုလည်း ဆက်သွားရမယ်။ ခံချည်းခံနေတာကြီးတော့ ကျမကသိပ်ပြီးတော့ ၀ါဒနာမပါဘူး။ အဲတော့ ကျမတို့နိုင်ငံရေးအကျဥ်းကနေသူတွေကလည်း ထိုင်ပြီးတော့ ခံနေလို့တော့ ဘာမှမဖြစ်လာဘူးဆိုတာကို ယုံကြည်လို့ပဲ မြန်မာကိုချစ်တဲ့အတွက် အထဲရောက်နေတာပေါ့လေ။ အဲတော့ ကျမတို့အားလုံးဟာလက်တွဲပြီးတော့ တယောက်နဲ့ တယောက် ဘယ်လိုအားဖြည့်ပေးမလဲ။ ဘယ်လိုပံ့ပိုးပေးမလဲ။ လက်တွေ့ကျကျ ပြဿနာတွေကို ဘယ်လိုဖြေရှင်းပေးမလဲဆိုတာ အဲဒါတွေကို ဆွေးနွေးဖို့ ဒီနေ့အခမ်းအနားလေးကို ခေါ်တာပါ။ တိုက်တိုက်ဆိုင်ဆိုင်ပဲ ကမ္ဘာ့လူ့အခွင့်အရေးနေ့ဖြစ်နေတော့ အင်မတန်မှ သင့်တော်တယ်လို့ ကျမတို့ထင်ပါတယ်။ ဒီမြန်မာနိုင်ငံက နိုင်ငံရေးအကျဉ်းသားတွေအများစုဟာ အားလုံးလိုလိုပါပဲ။ လူ့အခွင့်အရေးနဲ့ပတ်သက်တဲ့ အဖြေတွေပါ။အခြေခံအားဖြင့်တော့ လူ့အခွင့်အရေးပေါ့။ နိုင်ငံရေးလို့ဆိုရင်လည်း နိုင်ငံရေးဆိုတာကို နိုင်ငံရေးလုပ်ပိုင်ခွင့်ဆိုတာကိုက လူ့အခွင့်အရေးတစ်ရပ်ပဲ။ အဲဒါကြောင့်မို့ ကျမတို့အခု လူ့အခွင့်အရေးနေ့မှာ လူ့အခွင့်အရေးအတွက် အကျဉ်းကျခံနေရတဲ့ လူပုဂ္ဂိုလ်များရဲ့ မိသားစုတွေကို ဘယ်လိုကျမတို့ ဆထက်တပိုးတိုးပြီးတော့ ကူညီပံ့ပိုးနိုင်မလဲဆိုတာကို အဖြေရှာဖို့ကျမတို့ ကျင်းပတာပါ။ အဲဒါလေးကို အားလုံးဝိုင်းပြီးတော့ ကူညီလိမ့်မယ်လို့ကျမတို့ယုံကြည် ပါတယ်။ ကျေးဇူးတင်ပါတယ်။
မျှဝေသော(မြစ်မခ) အားကျေးဇူးတင်ရှိပါသည်.
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်