ကာကွယ်ရေးဦးစီးချုပ်မင်းအောင်လှိုင်သတင်းကို စနေနဲ့ တနင်္ဂနွေနေ့သတင်းစာကြီးတွေရဲ့ မျက်နှာဖုံးအဖြစ် တခမ်းတနားဖော်ပြနေတယ်။ အရင်က တပ်မတော်စစ်တက္ကသိုလ်ကျောင်းဆင်းပွဲတွေမှာ တပ်ချုပ်သန်းရွှေက မိန့်ခွန်းပြောခဲ့ပေမယ့်ဒီနှစ်တော့ တပ်ချုပ်သစ်မင်းအောင်လှိုင်က တက်ရောက်မိန့်ခွန်းပြောတာပါ။ မင်းအောင်လှိုင်က သူများဗိုလ်ချုပ်တွေလို စစ်အင်္ကျီလက်မောင်းမှာ စစ်တပ်အမှတ်အသားတံဆိပ်(ဘက်တံဆိပ်) မတပ်ထားတာလည်း အံ့သြဖို့ကောင်းပြန်ရော...
သန်းရွှေနဲ့ မောင်အေးကလည်းဒီလိုပဲ ပြုမူခဲ့ပါတယ်။ ဟုတ်ကဲ့ နောက်ဆုံးရရှိထားတဲ့သတင်းကတော့ ဒုတိယဗိုလ်ချုပ်ကြီးစိုးဝင်း၊ ဒုတိယဗိုလ်ချုပ်ကြီးလှဌေးဝင်း၊ ဒုတိယဗိုလ်ချုပ်ကြီးမြတ်ဟိန်း(လေ)၊ ဒုတိယဗိုလ်ချုပ်ကြီးဥာဏ်ထွန်း(ရေ) တို့ ဒုတိယဗိုလ်ချုပ်ကြီးလေးဦးကို ဗိုလ်ချုပ်ကြီးရာထူးပေး တယ်ဆိုပေမယ့် ပခုံးပေါ်ကို အပွင့်မတင်ပေးသေးပါဘူး..ထို့အတူ ဗိုလ်ချုပ်ရာထူး လက်ရှိ ရရှိထားသူအားလုံးကို ဒုတိယဗိုလ်ချုပ်ကြီးရာထူးတိုးမြှင့်ကြောင်း အမိန့်၊ ဗိုလ်မှူးချုပ်အဖြစ်နဲ့ တိုင်းမှူးရာထူးရယူထားသူ တွေကိုလည်း ဗိုလ်ချုပ်ရာထူးအထိ ဗိုလ်ချုပ်မှူးကြီးသန်းရွှေက တိုးမြှင့်ပေးတယ်ဆိုတဲ့ အမိန့်စာတွေ ထုတ်ထားပါတယ်။
ဒါပေမဲ့ သူတို့ရဲ့ ပုခုံးပေါ်ကို အခုအချိန်အထိ အပွင့်တွေ တင်မပေးသေးပါဘူး။ လစာကတော့ စားနေကြပါပြီ။ ဗိုလ်ကြီးကနေ ဗိုလ်မှူးရာထူးတိုးတဲ့အချိန် တကယ်တန်းတော့ ပခုံးပေါ်အပွင့်မတင်သေးတဲ့အချိန် အဲဒီဗိုလ်ကြီးရာထူးနဲ့ ဗိုလ်မှူးလစာစားအရာရှိတွေက ဗိုလ်ကြီး/ဗိုလ်မှူးဆိုပြီး သူတို့ရဲ့ ရာထူးကို မင်္ဂလာဖိတ်စာတွေမှာ ရိုက်နှိပ်ကြပါတယ်။ အခုလည်း ရာထူးတိုးတယ်ဆိုပေမယ့် လစာပဲစားရပြီး ဒါကလည်း ထူးခြားချက်ပါပဲ။အဲဒီတော့ အမိန့်စာပဲရပြီး ရာထူးမတိုးသေးတဲ့ အရာရှိတွေအနေနဲ့ သေသွားခဲ့သည်ရှိသော နာရေးကြော်ငြာမှာ ဗိုလ်ချုပ်ကြီး/ဒုတိယဗိုလ်ချုပ်ကြီး၊ ဒုတိယဗိုလ်ချုပ်ကြီး/ဗိုလ်ချုပ်၊ ဗိုလ်ချုပ်/ဗိုလ်မှူးချုပ်ဆိုပြီး မိမိရဲ့ ရာထူးကို ဖော်ပြရေးသားရမယ့် ပုံရှိ နေပါတယ်။ လုပ်ရက်ပါပေ့ တပ်ချုပ်ကြီးသန်းရွှေရယ်......
မြန်မာသတင်းသမားများကွန်ရက်
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်