အင်းစိန်အကျဉ်းထောင်ရှိ “လျှော့ရက်ခံစားခွင့်မရှိသော သီးသန့်၊ သာမန်သီးသန့်အကျဉ်းသားများအား လျှော့ ရက်ခံစားခွင့်ပေးရေး” အတွက် (၂၆-၁၀-၂၀၁၁) နေ့လည် ၁၂:၀၀ နာရီမှစ၍ နိုင်ငံရေးအကျဉ်းသားတို့ ဆန္ဒပြ ခဲ့ကြပါသည်။ ဆန္ဒပြနိုင်ငံရေးအကျဉ်းသားများအား ဆန္ဒပြနေစဉ်ကာလအတွင်း စစ်ခွေးတိုက်တွင် တိုက်ပိတ် ထားခဲ့ပါသည်။
ကိုညီညီထွန်း၊ ကိုစိုးမိုးထွန်း၊ ကိုဝဏ္ဏဌေးတို့ ၂၆-၁၀-၂၀၁၁ မှ ၂-၁၁-၂၀၁၁ နေ့အထိ ၇ ရက်ကြာ အစာငတ် ခံဆန္ဒပြပြီးနောက် ကိုညီညီထွန်း၊ ကိုဝဏ္ဏဌေးတို့သည် အင်းစိန်တွဲဖက်အကျဉ်းထောင်သို့ ရွှေ့ပြောင်းခြင်းခံခဲ့ရ ပါသည်။ ကိုကောင်းမြတ်လှိုင်၊ ကိုသော်ဇင်တို့မှာ ၂၆-၁၀-၂၀၁၁ မှ ၃-၁၁-၂၀၁၂ အထိ ၈ ရက်ကြာ အစာ ငတ်ခံဆန္ဒပြပြီးနောက် ၎င်းတို့အား ၄ ဆောင်သို့လည်းကောင်း ရွှေ့ပြောင်းထားခြင်းခံခဲ့ရပါသည်။ ကိုကောင်း မြတ်လှိုင်မှာ ခြေထောက်များ ဖောရောင်ကာ အစာအိမ်ရောဂါပါ ခံစားနေရသဖြင့် သတိလစ်လုလုထိအောင် ဖြစ်ခဲ့သောကြောင့် အစာငတ်ခံဆန္ဒပြမှုကို ရပ်ဆိုင်းပြီး အစာအိမ်ရောဂါကို ကုသနေရပါသည်။ ကိုအောင်နိုင်၊ ကိုသန်းနိုင်ဦးတို့သည် ၂၆-၁၀-၂၀၁၁ မှ ၃၁-၁၀-၂၀၁၁ နေအထိ ၅ ရက်ကြာ အစာငတ်ခံဆန္ဒပြခဲ့ကြပြီး နောက် ကိုအောင်နိုင်ကို မူလနေရာဖြစ်သော ၅ တိုက်သို့ ပြန်ပို့ထားသော်လည်း ကိုသန်းနိုင်ဦးအား ၅ တိုက်မှ ၅ ဆောင်သို့ ရွှေ့ပြောင်းထားခဲ့ပါသည်။ ကိုဉာဏ်ထွန်းလင်းမှာ ၂၆-၁၀-၂၀၁၁ မှ ၉-၁၁-၂၀၁၂ အထိ ၁၄ ရက်ကြာ အစာငတ်ခံဆန္ဒပြပြီးနောက် အစာအိမ်ရောဂါအခြေအနေ ဆိုးရွားလာသဖြင့် ဆေးရုံတက်ရောက်ကု သမှုခံယူပြီးနောက် မူလနေရာဖြစ်သော ၅ ဆောင်တိုက်သို့ ပြန်ပို့ထားပါသည်။
ဆန္ဒပြသော နိုင်ငံရေးအကျဉ်းသားများထဲမှ ၂ ဦးအား မူလနေရာသို့ ပြန်ပို့ထားခဲ့သော်လည်း ၂ ဦးကို တွဲဖက် အကျဉ်းထောင်သို့လည်းကောင်း ရွှေ့ပြောင်းထားကာ ကျန်လူများအားလုံးကို အဆောင်အသီးသီးသို့ ရွှေ့ ပြောင်းထားခဲ့ပါသည်။ အဆောင်သို့ရောက်ရှိသွားသော နိုင်ငံရေးအကျဉ်းသားများမှာ ကျန်းမာရေးမကောင်း သော၊ ရောဂါဘယထူပြောပြီး သန့်ရှင်းမှုမရှိသော အဆောင်အခန်းများတွင် အခြားအကျဉ်းသားများနှင့် စိတ် ဆင်းရဲ အနေဆင်းရဲစွာ အတူတူနေနေကြရပါသည်။ ၎င်းတို့အားလုံးအား ထောင်ဝင်စာ တလ (အစာငတ်ခံ ဆန္ဒပြမှုအား စတင်ရပ်ဆိုင်းရက်မှ တလကြာကာလ) ပိတ်ထားခံရပါသည်။
၃-၁၂-၂၀၁၁ စနေနေ့က အင်းစိန်အကျဉ်းထောင်အတွင်း အစာငတ်ခံဆန္ဒပြခဲ့ကြသော နိုင်ငံရေးအကျဉ်းသား များ ဖြစ်ကြသည့် ကိုညီညီထွန်း၊ ကိုစိုးမိုးထွန်း၊ ကိုကောင်းမြတ်လှိုင်၊ ကိုသော်ဇင်၊ ကိုဉာဏ်လင်းထွန်းတို့၏ မိ သားစုဝင်များသည် ထောင်ဝင်စာတွေ့ရန် အင်းစိန်အကျဉ်းထောင်သို့သွားရောက်ခဲ့ပါသည်။ ကိုဉာဏ်ထွန်း လင်းမှာ ၉-၁၁-၂၀၁၁ နေ့မှ စတင်ရေတွက်ပါက တလမပြည့်သေးသခြင့် မိသားစုမှာ ထောင်ဝင်စာတွေ့ခွင့်မ ရခဲ့ပါ။ ထောင်ဝင်စာတွေ့ခွင့်ရသော မိသားစုများအား ထောင်ဝင်စာတွေ့နေချိန်တွင် အာဏာပိုင်တို့၏ အထူး စောင့်ကြည့်မှု၊ သတင်းရေးသားမှတ်တမ်းတင်နေခြင်း စသောလုပ်ဆောင်ချက်များမှာ လွတ်လပ်စွာတွေ့ဆုံစ ကားပြောခွင့်ကို အနှောင့်အယှက်ဖြစ်စေခဲ့ပါသည်။
အစာငတ်ခံဆန္ဒပြမှု ပြုလုပ်နေစဉ်အတွင်း ၎င်းတို့၏ တောင်းဆိုမှုအား ထောင်အာဏာပိုင်တို့က လာရောက် တွေ့ဆုံခြင်း အပြုသဘောဆောင် ဖြေရှင်းပေးခြင်းမလုပ်ဘဲ ထားရှိခြင်းနှင့် အကျဉ်းဦးစီးဌာနမှ ဒုတိယညွှန် ကြားရေးမှူး ဦးကျော်ခင်က ထိုကိစ္စများသည် အကျဉ်းဦးစီးနှင့်မဆိုင်ကြောင်း၊ ပြည်ထဲရေးဝန်ကြီးဌာန အ ထက်အစိုးရပိုင်းနှင့်သာဆိုင်ကြောင်း၊ ငါတို့တွေကို ဆန္ဒပြနေလို့ ဘာမှဖြစ်လာမှာမဟုတ်ကြောင်း ဆန္ဒပြနိုင်ငံ ရေးအကျဉ်းသားများအား ပြောကြား၍ ဆန္ဒပြနေစဉ်ကာလတလျှောက်လုံး အသက်သေဆုံးနိုင်သည်အထိ လျစ်လျူရှုထားခဲ့ပါသည်။ ၁၉၉၇ ခုနှစ်က သာယာဝတီအကျဉ်းထောင်တွင် အစာငတ်ခံဆန္ဒပြရင်း ကျဆုံးခဲ့ သော ကိုအောင်ကျော်မိုးအား ရန်ကုန်ထောင်အုပ်စုမှူး ဦးရွှေကျော်မှလည်း ယခုကဲ့သို့ ပြောကြားခဲ့ဖူးပါသည်။ ထောင်ဝင်စာတလပိတ်ထားခြင်း၊ မူလနေရာသို့ မပို့ဘဲ ရွှေ့ပြောင်းထားခြင်း တောင်းဆိုချက်များကို ဖြေရှင်း ဆောင်ရွက်ပေးခြင်းမရှိဘဲ အရေးယူဆောင်ရွက်မှုတို့သာ ပြုလုပ်နေခြင်းကြောင့် ငြိမ်းချမ်းစွာဖြင့် အစာငတ်ခံ ဆန္ဒပြကြသော နိုင်ငံရေးအကျဉ်းသားတို့၏ မိသားစုဝင်များကလည်း စိတ်မသက်မသာခံစားနေကြရသည်။
ယနေ့ကဲ့သို့ ဒီမိုကရေစီကို ဖော်ဆောင်နေပါသည်ဟု ပြောကြားနေသော အစိုးရတရပ်အနေဖြင့် အပြုသဘော ဆောင်ဖြေရှင်းပေးမှုမရှိခြင်း၊ ပြစ်ဒဏ်ပေးအရေးယူ ဆောင်ရွက်ချက်များ ရှိနေသေးခြင်းတို့အပေါ် ဒီမိုကရေစီ လိုလားသော နိုင်ငံရေးအင်အားစုများနှင့် ပြည်သူလူထုကြီးမှ လက်ရှိအစိုးရသစ်အပေါ် ယုံကြည်မှုကျဆင်း လာစေမည်ဖြစ်ပါသည်။
၁၉၉၆ ခုနှစ်မှစ၍ နိုင်ငံရေးအကျဉ်းသားတို့အား လျှော့ရက်ခံစားခွင့်ပိတ်ပင်ဖြတ်တောက်ခဲ့သော န၀တ၊ နအဖ စစ်အာဏာရှင်ဟောင်းတို့၏ သဘောထားမူဝါဒများအား ယနေ့ ဦးသိန်းစိန်အစိုးရအနေဖြင့် ဆက်လက်၍ လက်ခံကျင့်သုံးနေခြင်းသည် အမျှော်အမြင်ကင်းမဲ့သော စစ်တပိုင်းအစိုးရအဖြစ် ရပ်တည်နေမှုပင်ဖြစ်ပါသည်။
ဒီမိုကရေစီနှင့် လူ့အခွင့်အရေးဆုံးရှုံးနေမှုများအား ပြည်သူလူထုကြီးနှင့်တကွ ကမ္ဘာ့ဒီမိုကရေစီအင်အားစုများ သိကြပါစေ ...။
နိုင်ငံရေးအကျဉ်းသားမိသားစုများအကျိုးဆောင်ကွန်ရက်
သတင်းနှင့်ပြန်ကြားရေးဆပ်ကော်မတီ
(၄-၁၂-၂၀၁၁)
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်