တတိယအကြိမ်မြောက် ရန်ကုန်ဘားကမ့်ဖွင့်ပွဲ အခမ်းအနားမှာ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် တက်ရောက် အမှာစကား ပြောကြားသွားတယ်လို့ သိရပါတယ်။ အဲဒီ အခမ်းအနားကို ဒီကနေ့ ဖေဖော်ဝါရီလ ၁၁ ရက် မနက် ၈ နာရီခန့်က ရန်ကုန်မြို့၊ မြန်မာအင်ဖိုတက်၊ လှိုင်တက္ကသိုလ်နယ်မြေမှာ စတင်ကျင်းပတာ ဖြစ်ပါတ...ယ်။ ဒေါ်အောင်ဆန်းစုကြည်က “အခုလူငယ်တွေဟာ မျိုးဆက် တစ်ဆက်ပြီးတစ်ဆက် ရေစီးကြောင်းကြီးမှာ တစ်နေရာက ပါဝင်တာပါ။ ကျွန်မတို့ဟာ ဆက်ဆက်ပြီးတော့ လူသားတွေရဲ့ ကောင်းကျိုးအတွက် ချီတက်နေတဲ့ ရေစီးကြောင်း လိုပါပဲ။ ကိုယ်ဟာ နောင် အနာဂတ်တင် မဟုတ်ဘူး။ အတိတ်နဲ့ ပစ္စုပ္ပန်နဲ့ အနာဂတ်ကို ဆက်သွယ်ပေးမယ့် မျိုးဆက်တစ်ဆက် ဖြစ်တယ်။ ဒါကြောင့်မို့လို့ ကိုယ့်နေရာမှာကိုယ် တန်ဖိုးရှိအောင်လို့ နေရမယ်ဆိုတာကို ကျွန်မကတော့ စိတ်ထဲမှာ ထားစေချင်ပါတယ်။ လူတိုင်းလူတိုင်းဟာ နောင်လာမယ့် ခေတ်အတွက် စဉ်းစားရမယ်။ နောင်လာမယ့် ခေတ်အတွက် စဉ်းစားဖို့ဆိုတာ အတိတ်အကြောင်းလည်း သိဖို့လိုတယ်။ ဒါကြောင့်မို့လို့ ကျွန်မတို့ ရှေ့အနာဂတ် ရှေ့ပြေးဖြစ်နေတဲ့ ဒီပညာကို သင်နေတဲ့လူတွေဟာ အတိတ်ကိုလည်း မမေ့ပါနဲ့ ကျွန်မပြောချင်တာက သမိုင်းကိုလည်း သိဖို့လိုပါတယ်။ သမိုင်းနောက်ခံရှိမှ နောင်အနာဂတ် အတွက် မှန်ကန်တဲ့အလုပ်တွေ လုပ်နိုင်မှာပါ” လို့ ပြောကြား သွားပါတယ်။ ဒီကနေ့ ပြုလုပ်တဲ့ အဲဒီဖွင့်ပွဲ အခမ်းအနားကို လူငယ်၊ လူရွယ် အယောက် ၄၀၀ ခန့် တက်ရောက်ခဲ့တာဖြစ်ပြီး မနက်ဖန် ဖေဖော်ဝါရီ ၁၂ ရက် ပြည်ထောင်စုနေ့ အထိ နှစ်ရက်တိုင်တိုင် ကျင်းပသွားမယ်လို့ သိရပါတယ်။
ရတနာပုံသတင်း
ဒေါ်အောင်ဆန်းစုကြည်သည် ဘားကမ့် ရန်ကုန်ဖွင့်ပွဲအား တက်ရောက်ပြီး ကော့မှူးမြို့နယ်သို့ ဆက်လက်ထွက်ခွာသွားသည်။
Photo. Messenger journal.Twitter
1 year ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်