ဒေါ်မြမြခိုင် (ခ) Violet ဖေ (ဘဘ - ဦးတင်ဦး၏ ညီမ) အသက် (၇၀) နှစ်သည် ၂၈.၆.၂၀၁၀ (တနင်္လာ) နေ့တွင် ကွယ်လွန်အနိစ္စ ရောက်ခဲ့ရာ ကြွင်းကျန်ရစ်သော ရုပ်ကလပ်ကို ၃၀.၆.၂၀၁၀ (ဗုဒ္ဓဟူး)နေ့ နံနက် (၁၀း၀၀) နာရီတွင် ရေဝေးသုဿန်တွင် မီးသဂြိုင်္လ်ခြင်း အခမ်းအနားကို ပြုလုပ်ခဲ့ပါသည်။ ယင်း အခမ်းအနားတွင် နာရေးကူညီမှုအသင်း(ရန်ကုန်)မှ အသင်းသားများက မိသားစုနှင့် အတူ လိုက်လံပို့ဆောင် မီးသဂြိုင်္လ် ပေးခဲ့ကြပါသည်။
ယင်း နေ့တွင် နာရေးကူညီမှုအသင်း(ရန်ကုန်) ဥက္ကဌ ဦးကျော်သူသည် ရေအလှူကိစ္စ များဆောင်ရွက်ရန် ပြည်မြို့သို့ ရောက်ရှိနေ၍ ဈာပန အခမ်းအနားအတွက် နာရေးကူညီအမှုအသင်း (ရန်ကုန်)မှ အသင်းသူ/သားများအား ဈာပန အခမ်းအနားတွင် စည်းကမ်းရှိစွာ ဆောင်ရွက်ပေးရန် အတွက် တယ်လီဖုန်းဖြင့် ပြည်မြို့မှ စီစဉ် ဆောင်ရွက်ပေးခဲ့သည်။
နာရေးကူညီမှုအသင်း(ရန်ကုန်)၏ လုပ်ဆောင်ချက်များကို ကျေးဇူးတင်သည့် အနေဖြင့် အလှူငွေ လှူဒါန်းခဲ့ရာ ဂုဏ်ပြုကဒ်ပြားအား ရေဝေးသုဿန် ဈာပနအခမ်းအနားတွင် ဘဘ - ဦးတင်ဦး လက်ထဲသို့ နာရေးကူညီမှုအသင်း(ရန်ကုန်)မှ ပြန်လည်ပေးအပ် ခဲ့ပါသည်။
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်