0 နာရေးကူညီမှုအသင်း(ရန်ကုန်)၏ ကုသိုလ်ဒါနပေးဆပ်မှုများ

နာရေးကူညီမှုအသင်း(ရန်ကုန်)ရှိ မျိုးဆက်သစ် ကလေးငယ်များအား ပန်းချီသင်တန်းကို ပန်းချီ ဆရာကြီး
ဦးဝင်းကြည်မှ သင်ကြားပို့ချခဲ့ရာ ယခုဆိုရင် (၂) လတာ ကာလအတွင်းသို့ ရောက်ရှိ ခဲ့ပြီ ဖြစ်ပါသည်။
သင်တန်းကာလအတွင်း ခဲပန်းချီ ရေးဆွဲနည်း၊ အလင်းအမှောင်၊ လိုင်း၊ မျဉ်းကွေး မျဉ်းကောက် စသည့် အခြေခံ
ပန်းချီပညာရပ်ကို သင်ကြားပို့ချခဲ့ခြင်း၊ Morekha ပန်းချီပြခန်းသို့ သွားရောက် လေ့လာခြင်းတို့ ပြုလုပ်ခဲ့ပါသည်။ ယနေ့ ၃.၇.၂၀၁၀ (စနေ) နေ့တွင် ရေဆေး ပန်းချီ ပညာရပ်ကို တစ်ဆင့်တက်၍ သင်ကြားလျှက် ရှိပါသည်။

မျိုးဆက်သစ် ကလေးငယ်များသည် ပညာရေးကိုလည်း လစ်ဟင်းမှုမရှိစေဘဲ မိမိတို့ ၀ါသနာ ပါရာ
ပန်းချီပညာရပ်ကိုပါ လေ့လာလိုက်စား ၀ါသနာပါခြင်းကို ပံ့ပိုး ဖေးမ ကူညီပေးရမည်မှာ ကျွန်တော်တို့
နာရေးကူညီမှုအသင်း(ရန်ကုန်)၏ ပေးဆပ်မှု တစ်ခုပင် ဖြစ်တော့သည်။

ထို့ကြောင့် နာရေးကူညီမှုအသင်း(ရန်ကုန်)သည် အနာဂတ်အတွက် အဖိုးမဖြတ်နိုင်သော လူငယ် မျိုးဆက်သစ် ကလေးများ မွေးဖွားပေးရာ နေရာတစ်ခု ဖြစ်တော့သည်။


အနာဂတ်အတွက် Beginner သင်တန်း



စနေ၊ တနင်္ဂနွေနေ့ကျောင်းပိတ်ရက်များတွင်နာရေးကူညီမှုအသင်း(ရန်ကုန်)ရှိမျိုးဆက်သစ်ကလေးငယ်များအား သင်ကြားပို့ချလျှက်ရှိသော ယဉ်ကျေးလိမ္မာသင်တန်း၊ ပန်းချီသင်တန်း၊ အင်္ဂလိပ်စာအခြေခံသင်တန်းများတွင် ကလေးငယ်များ၏ ဆန္ဒအတိုင်း ပန်းချီသင်တန်း တက်လိုသူ တို့သည် ပန်းချီသင်တန်း တက်ခြင်း၊ အင်္ဂလိပ်စာ အားနည်းသော ကလေးငယ်များက အချိန်ပို အင်္ဂလိပ်စာ Beginner သင်တန်း တက်ရောက်ခြင်းတို့ကို မိမိတို့၏ စိတ်ဆန္ဒအတိုင်း မိမိတို့ အားနည်းသော ပညာရပ် ဘာသာရပ် အသီးသီးကို အထူးကြိုးစား သင်ယူလျှက်ရှိရာ နာရေးကူညီမှု အသင်း(ရန်ကုန်)မှ တတ်သိပညာရှင် အသီးသီးတို့မှ နွေးထွေးစွာ သင်ကြားပေးလျှက် ရှိပါသည်။

မိမိတို့၏ အားနည်းချက်၊ အားသာချက်တို့ကို မိမိတို့၏ ကိုယ်ပိုင် ဦးနှောက်နှင့် ခွဲခြမ်း သုံးသပ်
ဖော်ထုတ်နိုင်ခြင်းသည် မျိုးဆက်သစ် ကလေးငယ်တို့၏ အဖိုးမဖြတ်နိုင်သော အသိဥာဏ်ပင် ဖြစ်တော့သည်။

ဆံသပညာရှင်တို့၏ စတုတ္ထအကြိမ်မြောက် ကုသိုလ်ဒါန



Shun Cai (စွင့်ချိုင်) ဆံပင်နှင့် အလှပြုပြင်ရေးမှ စတုတ္ထအကြိမ်မြောက် အဖြစ် ထပ်မံ၍ မြောက်ဒဂုံမြို့နယ်ရှိ
နာရေးကူညီမှုအသင်း(ရန်ကုန်) ရုံးချုပ်ရှိရာသို့ ကိုဂျွန်ဆင် ဦးစီးပြီး ဆံသပညာရှင် (၂၅) ဦးတို့မှ ၃.၇.၂၀၁၀
(စနေနေ့)တွင် နာရေးကူညီမှု လုပ်အားပေး အသင်းသူ/သားများနှင့် အင်္ဂလိပ်စာ အခြေခံ သင်တန်း၊ ပန်းချီသင်တန်း တတ်ရောက်နေကြသော မျိုးဆက်သစ် ကလေးငယ် များတို့ အပြင် နာရေးကူညီမှုအသင်းရှိ
သုခကုသိုလ်ဖြစ်ဆေးခန်းသို့ လာရောက်၍ ဆေးဝါး ကုသကြသော လူနာများ၊ လူနာရှင်များတို့အား ဆံပင်ညှပ်ခြင်း၊ ဆံပင်ဆေးဆိုးပေးခြင်း၊ ခြေသည်း လက်သည်း ညှပ်ပေးခြင်း စသည်တို့ကို မိမိတို့ တတ်ကျွမ်းသော ပညာရပ်ဖြင့် တကိုယ်ရေ သန့်ရှင်းမှုအတွက် ကုသိုလ်ဒါန ပြုခဲ့ကြပါသည်။

ကိုကျော်သူ