(မြန်မာ့လွတ်လပ်ရေးအတွက် တပ်မတော်ဖွဲ့ဖို့ ဂျပန်ပြည်မှာကွယ်)ဆိုတဲ့ သီချင်းလေးနှင့် ထိုနေ့၏ နေ့သစ်ကိုစတင်ပါသည်၊ အချိန်က ဝေလီဝေလင်း ...
(ကျဆုံးလေပြီးသော လွတ်လပ်ရေးဖခင် အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများ အရိုအသေဂါရဝပြုကြရန်နှင့် ရေစက်သွန်ချအမျှအတမ်းဝေကြရန် သတ်မှတ်ထားသည် မိမိတို့စုရပ်များမှ အာဇာနည်ကျောက်တိုင်သို့ ချီတတ်ကြပါရန် နိုးဆော်ပါသည်}}ဟူသော နိုးဆော်ကားလေးက တမြို့လုံးကို လှည့်ပတ်နိုးထစေလျက် ...
ထိုနေ့မတိုင်မှီတစ်ရက်ကြို၍ ပန်းခွေများ သူထက်ငါအပြိုင်အဆိုင်လုပ်ကြသည်၊ ရက်ကွက်အသီးသီးမှ ပန်းခွေများ၊ ဌာနအသီးသီးမှပန်းခွေများ၊ ကျွန်တော်တို့ကတော့ ကျောင်းအတွက် ပန်းခွေလုပ်ကြပါသည်။ ကျောင်းအတွင်းတွင်လည်း ကြက်ခြေနီအသင်းပန်းခွေ၊ ဘင်ခရာအသင်းပန်းခွေ နှင့် အနုပညာအသင်းပန်းခွေ ခွဲလုပ်ကြသေး၏။
ထို့နောက်ဝါဆိုမိုးသည်းသည်းအောက် အာဇာနည်ကျောက်တိုင်အရှေ့ဝယ် ပန်းခွေများ ပန်းခြင်းများကို စနစ်တကျထားရှိကြပြီး သံဃာတော်များကို ဆွမ်းကပ်ရေစက်ချ အမျှဝေကြပါသည်။ ၁၀ နာရီ ၄၂ မီးနစ်တွင် ဆော်သြသူတစ်ယောက်၏ ]]ကျဆုံးလေပြီးသော ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများအား အလေးပြုဟူသည့်}} အသံနက်ကြီးအောက်တွင် ကျွန်တော်တို့ နှစ်မီးနစ်ညီမ်သက်ကြ၏၊ ထိုစဉ် ကျောင်းဘင်ခရာတီးဝိုင်းနှင့် တပ်မတော်ဘင်ခရာတီးဝိုင်းတို့ ပူးပေါင်းကာ ကမ္ဘာမကြေ မြန်မာပြေ ဟူသောတီးလုံးအား လေးတွဲစွာ တီးမှုတ်ပါသည်။ သည်းထန်စွာငိုကြွေးနေသော ကောင်းကင်မျက်ရည်စက်များအောက်တွင် နိုင်ငံတော်အလံသည် အလံတိုင်တစ်ဝက်၌ ညိုးရော်စွာ ခိုတွဲနေလေ၏။
တာဝန်ရှိသူအသီးသီးနှင့် ရှေးတို့ဗမာအစည်းရုံးဝင် သခင်ကြီးများ ဟောပြောသော ဗိုလ်ချုပ်၊ သခင်မြ၊ ဦးဘချို၊ ဦးရာဇတ်၊ ဦးဘဝင်း၊ မန်းဘခိုင်၊ မိုင်းပွန်စော်ဘွားစပ်စံထွန်း၊ ဦးအုန်းမောင် နှင့် ရဲဘော်ကိုထွေးတို့အကြောင်း နားထောင်ကြရသည်၊ နှစ်စဉ်နှစ်တိုင်း ကြားနေရသော်လည်း ဤနေ့ဤရက်ရောက်လျှင် ထပ်ကြားချင် ထပ်ပြီးနားထောင်ချင်နေမိသည်၊ နှစ်ပေါင်းများစွာက အဖြစ်အပျက်တစ်ခုဖြစ်သော်လည်း ထိုနေ့ရောက်တိုင်း ကျွန်တော်တို့ ဝမ်းနည်းကြေကွဲမှု ဖြစ်ရစမြဲ၊ အာဇာနည်ကြီးတို့၏ အဖြစ်အပျက်အကြောင်းအရာများက ဘယ်အခါမှ ရိုးသွားခဲ့သည်မရှိ။
ထိုအခမ်းနားပြီးလျင် ထုံးစံအတိုင်း ဘော်လုံးကန်ကြ၊ ရေကူးကြနှင့် ကျောင်းပိတ်ရက်ကို ပေါ့ပါးစွာ ကုန်လွန်ကြပြန်၏။ မည်သို့ပင်ဖြစ်စေ ထိုနေ့တစ်နေ့လုံး ကျွန်တော်တို့၏ စကားဝိုင်းများတွင် အာဇာနည်တို့၏ အကြောင်းအရာများနှင့်သာ ပြည့်လျှံနေလေ့ရှိပါသည်။ ဗိုလ်ချုပ်ကလက်ဖဝါးဘယ်လိုတားခဲ့တာ၊ ရဲဘော်ကိုထွေး ခင်ဗျာတို့လုပ်ရက်ကြတယ်လို့ ပြောခဲ့တာ၊ မိုင်းပွန်စော်ဘွားကြီး အသက်ပြင်းတာ စသဖြင့် ကြားဖူးသမျှ သူထက်ငါ အလုအယက်ပြောကြပြန်၏။ ထိုမှ ဂဠုန်ဦးစော၏ လည်ပင်းကို ကြိုးစင်တင်သည် ကြေးဘုနှင့် လည်စိကို ထုသတ်သည် စသဖြင့်လည်း ငြင်းခုံကြပြန်၏၊ တခါတခါ ဗိုလ်ချုပ်က လူပြန်ဝင်စားနေပြီ ရှမ်းပြည်ဘက်မှာ ရင်ဘက်မှာသေနတ်ဒဏ်ရာတွေနဲ့ ဟု ကလေးပီပီ ဗိုလ်ချုပ်ကိုမျှော်လင့်ခဲ့ကြသည် သေရွာမှ ပြန်ထလာပြီး မတိုးတက်သေးသော နိုင်ငံကို ပြန်လည်ဦးဆောင်ပြီး ကြီးပွားတိုးတတ်အောင် လာလုပ်ခိုင်းစေချင်ခဲ့ကြသည်။
ထိုစဉ်က တိုင်းပြည်အခြေနေဆိုးနေသလား ကောင်းသလား ကျွန်တော်တို့မသိကြပါ၊ သူတပါးလို့ မတိုးတက်သေးသည်ကို အားမလိုအားရ ဖြစ်နေခဲ့ခြင်းသာဖြစ်၏၊ ထိုသို့မတိုးတတ်မှုမှာလည်း ဗိုလ်ချုပ်သေသွားလို့ ဒီလိုဖြစ်နေရတာ ဟူ၍သာသိသည် နိုင်ငံရေးအပြောင်းအလဲ အုပ်ချုပ်မှုအကြောင်းအရာတို့ကို ကျွန်တော်တို့မသိ။ ဗိုလ်ချုပ်သာ ရှိနေသေးရင် လကမ္ဘာကိုငါတို့ ခြေချနေနိုင်လောက်ပြီဟု ယုံကြည်ခဲ့ကြသည်။
ဗိုလ်ချုပ်သည် ကျွန်တော်တို့၏ သူရဲကောင်းဖြစ်သည်၊ ဗိုလ်ချုပ်ကိုကျွန်တော်တို့ယုံကြည်ခဲ့ကြသည်၊ အဆုံးအစွန်အထိပြောရလျှင် ဗိုလ်ချုပ်ကို ကျွန်တော်တို့ကိုးကွယ်ခဲ့ကြသည်၊ ထို့ကြောင့်လည်း နောင်တချိန်တွင် ကျွန်တော်တို့ (သခင်အောင်ဆန်း နိုင်ငံတော်လည်း သွေးစွန်းခဲ့အဘရေ့)ဟုလည်းကောင်း (တိုင်းပြည်ကြီးရဲ့ ဖြစ်ပုံတွေ ဗိုလ်ချုပ်အဖေရေ ထကြည့်ပါဦး}}ဟုလည်းကောင်း တတတမ်းတမ်း မြည်တွန် တိုင်တည်ရင်း ငိုကြွေးခဲ့ကြခြင်း ဖြစ်ပါလိမ့်မည်။
ကျွန်တော်တို့ ဗိုလ်ချုပ်ဟူသော ထိုပုဂ္ဂိုလ်ကိုခင်ခဲ့သည် ချစ်ခဲ့သည်၊ ထို့ကြောင့် သူတရားကို မင်ခဲ့ပါသည်။
ပုဂ္ဂိုလ်ရေးကိုးကွယ်မှုသည် နိုင်ငံရေးဖြစ်စဉ် တိုးတက်ရေးတွင် ကြီးမားသောအနှောက်အယှက်ကြီး ဖြစ်စေတတ်ပါသည်ဟု ပညာရှင်များက ဆိုကြသည်ဟု ကျွန်တော်ကြားဖူးသည်၊ သူတို့အဆို ဘယ်မျှမှန်သည် ကျွန်တော်မသိပါ၊ ကျွန်တော်ထိတွေ့ဖူးသော မြန်မာ့နိုင်ငံရေးသမိုင်းတစ်လျှောက် ဗိုလ်ချုပ်လို ပုဂ္ဂိုလ်မျိုး မရှိစဖူးခဲ့၊ ကျွန်တော်ထိတွေ့ဖူးသော မြန်မာနိုင်ငံရေးသမိုင်းများက ဗိုလ်ချုပ်ကိုအလွန်အမင်း အမွှန်းတင်ထားသော သမိုင်းမျိုးတွေ ဖြစ်ကောင်းဖြစ်ပေလိမ့်မည် သို့သော် သမိုင်းတစ်လျှောက် ဗိုလ်ချုပ်လို အမွှန်းတင်နေရာပေးလောက်သည် မည်သည့်ပုဂ္ဂိုလ် တဦးတယောက်မှ မရှိသည်ကိုထောက်ရှု့လျှင် ဗိုလ်ချုပ်ကို ကျွန်တော်ကိုးကွယ်သည်မှာ မမှားပါဟု ယုံကြည်ရပေမည်။
Mokenlay
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်