အင်းလေးဖောင်တော်ဦး ဆရာတော်ကြီး၊ ရေသာကျောင်း ဆရာတော်၊ အင်းခြံကျောင်း ဆရာတော်နှင့် ရွာမနန်းပန် ဆရာတော်များ ပါဝင်သော ရှမ်းပြည်နယ် အင်းလေးဒေသတွင် သာသနာ ပြုနေကြသော ဆရာတော်ကြီး (၄၁) ပါးတို့သည် ရန်ကုန်မြို့ရှိ ရွှေတိဂုံစေတီတော်မြတ်အနီး အင်းလေး ဓမ္မာရုံအဆောက်အဦး ပြန်လည်ပြုပြင် ပြီးစီးခြင်း ရေစက်သွန်းချပွဲနှင့် ရန်ကုန်မြို့သို့ ရောက်ရှိနေကြသော အင်းသူ/သားများ၏ ၀ါဆိုသင်္ကန်းကပ်လှူပွဲသို့ ကြွရောက်ခဲ့ရာ အခမ်းအနားကို ၁၁.၇.၂၀၁၀ (တနင်္ဂနွေ) နေ့တွင် အောင်မြင်စွာပြီးစီး ကျင်းပပြီးသည့်နောက် ၁၂.၇.၂၀၁၀ (တနင်္လာ) နေ့တွင် နာရေးကူညီမှုအသင်း(ရန်ကုန်)ရှိ သုခကုသိုလ်ဖြစ်ဆေးခန်းသို့ ကြွရောက်ကြပြီး ဆေးဝါး စစ်ဆေးကုသခြင်းတို့ကို ပြုလုပ်ခဲ့ကြပါသည်။ ဥက္ကဌ ဦးကျော်သူ၊ အသင်းသား ဦးသန်းစိန်နှင့် အသင်းသူ/သားများက ဦးခိုက်ကြိုဆိုကြကာ အထူးကု ဆရာဝန်ကြီး ဒေါက်တာ ဦးအုန်းမြင့်နှင့် သူနာပြု ဆရာမများက နွေးထွေးစွာ ဆီး၊ သွေး စစ်ဆေးပေးခြင်း၊ E.C.G ရိုက်ပေးခြင်း၊ သွေးပေါင်ချိန်ပေးခြင်း၊ ဓါတ်မှန်ရိုက်ပေးခြင်းနှင့် မျက်စိစစ်ဆေးခြင်း (ရေတိမ်ရှိ/မရှိ) တို့ကို ပြုလုပ်ပေးကာ လိုအပ်သော ဆေးဝါးများကို ကုသိုလ်ဖြစ် လှူဒါန်းကုသ ပေးခဲ့ကြပါသည်။
ဗုဒ္ဓ၏ သားတော်များဖြစ်ကြသော ဆရာတော်၊ သံဃာတော်များ၏ သာသနာပြု လုပ်ငန်းကို ကိုယ်စိတ်နှလုံး ကျန်းမာစွာဖြင့် တိုးတက်အောင်မြင်စေလိုသော ဆန္ဒဖြင့် ရည်သန်ကာ နာရေးကူညီမှု အသင်း(ရန်ကုန်)၏ သုခကုသိုလ်ဖြစ်ဆေးခန်းမှ ယခုကဲ့သို့ မြတ်ဗုဒ္ဓအလိုကျ ဇီဝိတဒါန ဆေးဝါးကုသပေး ခြင်းသည် သာသနာပြုကုသိုလ် အထောက်အပံ့ ဖြစ်စေတော့သည်။
ရန်ကုန်ကလေးဆေးရုံကြီးမှာမမြတ်နိုးဝေဆိုတဲ့ ကလေး A သွေးအရေးပေါ်လိုအပ်နေပါတယ်။ဒီနေ့ ညနေခြောက်နာရီအရောက်အချိန်မီသွားလှူပေးစေချင်ပါတယ်။ရန်ကုန်ကလေးဆေးရုံကြီးဖုန်းက 01222807 Ext 404 ပါ။
ReplyDelete