နာရေးကူညီမှုအသင်း(ရန်ကုန်)၏ အများပြည်သူတို့အတွက် အများပြည်သူတို့မှ လှူဒါန်းငွေတို့ ဖြင့် ရေဘေးဒုက္ခရောက် နေကြသော နေရာဒေသ အသီးသီးတို့တွင် ရေတို ပံ့ပိုးမှုဖြစ်သော ရေလှူဒါန်း ခြင်းနှင့် ရေရှည် ပေးဆပ်မှုဖြစ်သော အ၀ီစိရေတွင်း တူးဖော်ပေးခြင်း၊ အုတ်ရေကန် တည်ဆောက်ပေး ခြင်း၊ ရေစုတ်စက်၊ မီးစက်၊ အင်ဂျင်စက်များကို လိုက်လံကုသိုလ်ယူ လှူဒါန်းတပ်ဆင် တည်ဆောက် ပေးခြင်းတို့ကို ပြုလုပ်ခဲ့ရာ ၁၀.၇.၂၀၁၀ (စနေ) နေ့တွင် နာရေးကူညီမှုအသင်း(ရန်ကုန်) မြောက်ဒဂုံ မြို့နယ်မှ ရန်ကုန်တစ်ဖက်ကမ်းရှိ ဒလမြို့သို့ ကူးတို့ဇက်ဖြင့် ကူးကာ ဒလမြို့ရှိ ဗညားဒလရပ်ကွက် မစိုးရိမ်ကျောင်း၊ တံတားချောင်းကျေးရွာရှိ ရွာမတံတားချောင်း ဘုန်းတော်ကြီးကျောင်း၊ စံပြတံတား ချောင်းကျေးရွာကြီးရှိ ဘုန်းတော်ကြီးကျောင်း၊ ဓနိတောကျေးရွာရှိ ဘုန်းတော်ကြီးကျောင်း၊ ထောအောက်ကျေးရွာရှိ ဘုန်းတော်ကြီးကျောင်းသို့ ဘဏ္ဍာရေးမှူး ဒေါ်မြင့်မြင့်ခင်ဖေ (ခ) ရွှေဇီးကွက် နှင့် ကိုအောင်စိုးတို့ ဦးဆောင်၍ နာရေးကူညီမှုအသင်း(ရန်ကုန်)ရှိ အလုပ်အမှုဆောင်များ၊ ကော်မတီများတို့သည် ရေစုတ်စက် (၅) လုံး၊ မီးစက် (အင်ဂျင်စက်) (၄) လုံး တို့ကို သွားရောက် ပို့ဆောင် လှူဒါန်းခဲ့ရာ ဒေသခံ ရေဒုက္ခသည်များမှ ၀မ်းသာလှိုက်လှဲစွာဖြင့် ကြိုဆိုကြပါသည်။
ရှေ့တန်းတွင် တူးသူက တူး၊ ဆောက်သူက ဆောက်၊ နောက်တန်းမှ ပံ့ပိုးသူက ပံ့ပိုး၊ ထောက်ပံ့သူက ထောက်ပံ့နှင့် တက်ကြွစွာဖြင့် အများပြည်သူအတွက် ပေးဆပ်လျှက် ရှိပါသည်။
သတင်းနှင့်ဓာတ်ပုံ။ ။ ကိုကျော်သူ
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်