ဝတ်ကုသိုလ်
၂၀၁၀ ခုနှစ် အတွင်းတွင် ဖွဲ့စည်းလိုက်သည့် နာရေးကူညီမှုအသင်း(ရန်ကုန်) ၀တ်ရွတ်အဖွဲ့ သည် ၂၀၁၀ ခုနှစ်အတွင်း နာရေးကူညီမှုအသင်း(ရန်ကုန်)၏ ဈာပန ပို့ဆောင်မှုလမ်းကြောင်း ၁၀၀၀၀ (တစ်သောင်း) ပြည့် အခမ်းအနားတွင် ပွဲဦးထွက်အဖြစ် ရွတ်ဖတ်ပူဇော်ပြီးသည့်နောက် . . .
ယနေ့ ၂၃.၉.၂၀၁၀ (ကြာသပတေး) နေ့ နံနက်ပိုင်းတွင် လှိုင်မြို့နယ်နေ ဦးအုန်းမောင် အသက် (၇၃) နှစ် နာရေးလမ်းကြောင်းအား နေအိမ်မှ ရေဝေးသုဿန်သို့ တိုက်ရိုက်မီးသင်္ဂြိုလ်မည် ဖြစ်သည့်အတွက် နာရေးကူညီမှုအသင်း(ရန်ကုန်) ၀တ်အဖွဲ့က မော်တော်ယာဉ်တစ်စီးဖြင့် လိုက်လံ ရွတ်ဖတ်ပူဇော် အမျှပေးဝေ ခဲ့ပါသည်။ ဆက်လက်၍ ညနေပိုင်းတွင် နာရေးကူညီမှုအသင်း(ရန်ကုန်)၏ အတွင်းရေးမှူး စာရေးဆရာမ ဒေါ်သန်းမြင့်အောင် ဖခင် ကွယ်လွန်သူ ဦးချစ်အောင် အသက် (၈၄) နှစ်၏ ဈာပနအခမ်းအနားကို ရေဝေးသုဿန် ခန်းမဆောင်တွင် နာရေးကူညီမှုအသင်း(ရန်ကုန်) ၀တ်အဖွဲ့မှ သံဝေဂလင်္ကာများ ရွတ်ဖတ်ပူဇော် အမျှပေးဝေခြင်းတို့ကို ကုသိုလ်ဖြစ်ပေးဆပ် ကူညီပံ့ပိုး ပေးခဲ့ပါသည်။
စနစ်ဟောင်းကိုပယ် … စနစ်သစ်နှင့်စပြီ
လူသေလျှင် လူသေကို မကိုင်ချင်ကြ၊ မထိချင်ကြ၊ ရပ်ကွက်ပြင်ပတွင် သေဆုံးလျှင် ရပ်ကွက်တွင်းသို့ မသွင်းချင်ကြ၊ လူသေ၏ ခန္ဓကိုယ်အား တိရစ္ဆာန်ပမာ ကြမ်းတမ်းစွာ ကိုင်တွယ်ခြင်း၊ တိရစ္ဆာန်မသာများကြတော့ ခုတ်ထစ်ချက်ပြုတ် မြိန်ရည်ရှက်ရည် စားသောက်ကြ … စသည့် အယူသည်းမှုဝါဒများ ဒိဋ္ဌိအယူစွဲများ ပပျောက်အောင် နာရေးကူညီမှုအသင်း(ရန်ကုန်)သည် နေ့စဉ် နာရေးလမ်းကြောင်းများတွင် နာရေးရှင်၊ ရပ်ကွက်သူ/သားများအား ရှင်းလင်း ပြောကြားကာ အယူသည်းမှု တိုက်ဖျက်ရေးကို လုပ်ဆောင်ပေးနေကြသည်။
ယနေ့ ၂၃.၉.၂၀၁၀ (ကြာသပတေး) နေ့တွင် နာရေးကူညီမှုအသင်း(ရန်ကုန်) အသင်းသူ/ သားများအား နာရေးကူညီမှုအသင်း(ရန်ကုန်) ဥက္ကဌ ဦးကျော်သူသည် လူသေများကို သယ်ဆောင် ပို့ဆောင်ရာ၌ စည်းစနစ်ကျစွာ၊ လူသေ၏ ခန္ဓာကိုယ်ကို သက်ရှိလူသားတစ်ဦးအနေဖြင့် ကိုင်တွယ်ပုံ၊ အ၀တ်အစားများ ၀တ်ဆင်ပေးပုံ၊ မျက်နှာအနေအထား သပ်ရပ်စွာဖြင့် ကြည့်ရှုကောင်းအောင် ပြုပြင် သယ်ဆောင် ဖေးမမှုများ ပါဝင်သော ဂျပန်ရုပ်ရှင်ကား (အကယ်ဒမီ ၁၀ ဆုရ) DEPARTURES အမည်ရှိ ဇာတ်ကားအား ပြသရှင်းလင်း ခဲ့ပါသည်။ ထို့အပြင် တိုက်အမြင့်များမှ သယ်ဆောင်ရသော ရုပ်အလောင်းများအား ယခင်က အ၀တ်များဖြင့် ပတ်၍ ပုဆိုးဖြင့် သိုင်းကာ သယ်ဆောင်မှုများကို စွန့်လွှတ်ပြီး ယခု စင်ကာပူနိုင်ငံရောက် မြန်မာလူမျိုး အလှူရှင်များတို့မှ လှူဒါန်းထားသော ရေလုံဇစ် အိတ်၊ လူသေတင်၍ သယ်ပိုးထမ်းချရသော အထမ်းစဉ် စသည့် ပစ္စည်းကိရိယာများကို သုံးစွဲပုံ သုံးစွဲနည်းနှင့် မှတ်တမ်းဓါတ်ပုံများကို ပရိုဂျက်တာဖြင့် ပြသခဲ့ပါသည်။
ထို့ကြောင့် ကျွန်တော်တို့ နာရေးကူညီမှုအသင်း(ရန်ကုန်)သည် မသင့်လျှော်သော နည်းစနစ် များ၊ အယူသည်းမှု အစွဲအမှားများ စသည်တို့ကို ဖယ်ရှား၍ ကောင်းမွန်စည်းစနစ်ကျသည့် လုပ်ရပ်များ ပေးဆပ်မှုများဖြင့် စေတနာ အနစ်နာ ဂရုဏာ မုဒိတာ တို့ကို လက်ကိုင်ပြုကာ ရှေ့ဆက်၍ ပေးဆပ် ကူညီဖေးမ ပံ့ပိုးပေးနိုင်တော့မည် ဖြစ်ပါသည်။
ကိုကျော်သူ
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်