ဒေါ်အောင်ဆန်းစုကြည် နှင့် မစ္စတာ ကန်တားနား တွေ့ ဆုံ [ Tinhlaing Facebook)]
(YPI) - ယနေ့မွန်းလွဲပိုင်းက မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် ကင်တားနားနှင့် တွေ့ဆုံအပြီးတွင် မြန်မာနိုင်ငံရေးပြောင်းလဲရေးသည် လူပုဂ္ဂိုလ် တစ်ဦး တစ်ယောက်ထဲကြောင့် မဖြစ်နိုင်ဟု မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောသည်။
“ ပုဂ္ဂိုလ်တစ်ဦးတစ်ယောက်ကြောင့် ပြောင်းလဲမှာ မဟုတ်ပါဘူး။ မြန်မာနိုင်ငံသူ နိုင်ငံသားတွေကြောင့် ပြောင်းလဲမှာပါ” ဟု ဒေါ်အောင်ဆန်းစုကြည်က မစ္စတာ ကင်တားနားနှင့် တွေ့ဆုံအပြီး သတင်းထောက်များကို ပြောခဲ့သည်။
နိုင်ငံရေးအကျဉ်းသား လွတ်မြောက်ရေး ကိစ္စနှင့်ပတ်သတ်၍လည်း “ နိုင်ငံရေး အကျဉ်းသားကိစ္စဆိုတာ မစ္စတာ ကင်တားနားက ပြောမှာပါ။ ဒါကပွင့်ပွင့်လင်းလင်း ပြောရမဲ့ကိစ္စပါ”လို့ ၄င်းက ပြောသည်။
မြန်မာနိုင်ငံသို့ ၅ ရက်ကြာလာရောက်သော မစ္စတာကင်တားနားသည် ယခင်ရက်များက အစိုးရ အဖွဲ့ဝင် ၀န်ကြီးများ လွှတ်တော်ဥက္ကဌများနှင့် တွေ့ဆုံအပြီး ယနေ့သြဂုတ် ၂၄ ရက် နေ့လည် ၃ နာရီက ဒေါ်အောင်ဆန်းစုကြည်နှင့် တစ်နာရီခွဲကြာ တွေ့ဆုံခဲ့သည်။
မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ်နှင့် ပတ်သက်၍ ဒေါ်အောင်ဆန်းစုကြည်က “ အင်မတန်ကျေနပ်မှုရှိပါတယ်၊ တကယ်လဲ မြန်မာနိုင်ငံရဲ့ လူ့အခွင့်အရေးကို လုပ်ပေးဖို့ စေတနာရှိတဲ့လူဆိုတော့ သူနဲ့တွေ့ရတာ အားလည်းရပါတယ်” ဟု တွေ့ဆုံမှုအပြီးတွင် မှတ်ချက်ပေးသည်။
ဒေါ်အောင်ဆန်းစုကြည်နှင့် တစ်နာရိကျော်ကြာတွေ့ဆုံ ပြီးနောက် မစ္စတာကင်တားနားသည် ညနေ၅နာရီခန့်တွင် ပြန်လည်ထွက်ခွာသွားခဲ့သည်။
မစ္စတာကင်တားနားသည် သြဂုတ်လ ၂၅ရက်နေ့ တွင် မြန်မာနိုင်ငံမှ ပြန်လည်ထွက်ခွါမည်ဖြစ်ပြီး မထွက်ခွာမှီ လေဆိပ်တွင် သတင်းထောက်များနှင့် တွေ့ဆုံကာ သတင်းစာရှင်းလင်းပွဲပြုလုပ်မည်ဟု သိရှိရသည်။
ကင်တားနား၏ ယခုခရီးစဉ်သည် အစိုးရသစ်လက်ထက်တွင် ပထမဆုံးအကြိမ်ဖြစ်ပြီး လွန်ခဲ့သည့်တစ်နှစ်ကျော် ကာလအတွင်း ၄င်းသည် မြန်မာနိုင်ငံသို့ ပြည်ဝင်ခွင့် အကြိမ်ကြိမ်ငြင်းဆိုခြင်းခံခဲ့ရသည်။
Yangon PressInternational
2 years ago
0 comments:
Post a Comment
လာရောက်လည်ပတ်ကြသော မိတ်ဆွေတို့ရဲ့အမြင်များလည်း ရေးနိုင်ပါတယ်