0 သမ္မတကြီးသို့ အိတ်ဖွင့်ပေးစာ(၂)ရေးသူ- ဗမာ့သွေး

အတိုက်အခံနိုင်ငံရေးဘဲ ပြောပြော၊ မြန်မာ့ဒီမိုကရေစီရေးဘဲ ပြောပြော၊ လူထုတော်လှန်အုံကြွမှုဘဲ ပြောပြော မြန်မာပြည်နိုင်ငံရေးမှာ တစ်နည်းနည်း တစ်ထောင့်ထောင့်က ပါဝင်ပက်သက်သူတွေအတွက် မှတ်သားလောက်တဲ့ “ရှောင်ရန် (၂) ချက်” ရှိခဲ့ဖူးပါတယ်။ အခု ထောင်ထဲရောက်နေတဲ့သူတွေကိုယ်တိုင် နှုတ်မြွက်ဖွင့်ဟခဲ့ကြတာ ဖြစ်သလို ကျွန်တော်ကိုယ်တိုင်လည်း ရာနှုန်းပြည့်နီးပါး ကသိုဏ်းရှု နှလုံးသွင်းခဲ့ရပါတယ်။

(၁) အစိုးရနဲ့  ပေးစားတဲ့ မြောင်းထဲ မရောက်စေနဲ့ 

(၂) ဒေါ်အောင်ဆန်းစုကြည် ဆန့်ကျင်ရေး မြောင်းထဲ မရောက်စေနဲ့ 

အဲဒီ မြောင်း နှစ်မြောင်း ကို လွတ်အောင်ရှောင်နိုင်ရန်ရင် ကိုယ့်နိုင်ငံရေး ဘယ်တော့မှ မသေဘူးလို့ အရေထူအရိုးရင့် နိုင်ငံရေးလက်စွဲဆောင်ပုဒ်ဟာ ဒီကနေ့တော့ တတိယမြောင်းသစ်ထဲကို သူကိုယ်တိုင် နှာခေါင်းပိတ်မျက်စိမှိတ်ပြီး ခုန်ဆင်းတော့မယ့်ဟန် တပြင်ပြင်ဖြစ်နေပါပြီ။

လွန်ခဲ့တဲ့ နိုဝင်ဘာလ၊ ဒေါ်စု နေအိမ်အကျယ်ချုပ်က လွတ်မလာသေးခင် နိုင်ငံရေး ပရောဟိတ် တစ်ယောက်က ကျွန်တော့်ကို “ဒေါ်စု ဒီတစ်ခါ ပြန်ထွက်လာရင် မထင်မှတ်လောက်အောင် ပြောင်းသွားလိမ့်မယ်၊ စောင့်ကြည့်နေ”လို့ ကျွန်တော် မကြိုက်တဲ့စကားကို အတည်ပေါက်ကြီး လာပြောတော့ “မဖြစ်နိုင်ဘူး.. လုံးဝမဖြစ်နိုင်ဘူး” ဆိုပြီးခွန်းတုန့်ပြန်ခဲ့ဖူးပါတယ်။ အထောက်အထားများစွာနဲ့ သိုင်းသိုင်းဝိုင်းဝိုင်း ဆန်းစစ်ပြောဆိုသွားတဲ့ သူ့စကားဟာ အခုအချိန်မှာ ဇက်ကျိုး လည်လိမ်ရမလောက် သွေးထွက်အောင်မှန်နေပါပြီ။

ကျွန်တော် ငယ်ငယ်က အရုပ်ထောင်ပစ်တာ အရမ်းဝါသနာပါပါတယ်။ ကျွန်တော်ခုတလော အရုပ်ထောင်ပစ်တမ်း ကစားခဲ့တာကို မြန်မာ့နိုင်ငံရေးနဲ့ယှဉ်ပြီး သွားသွား သတိရဖြစ်နေပါတယ်။ စီတန်းထားတဲ့ အရုပ်တွေကို ကျောက်ဂေါ်လီလုံးနဲ့ ပစ်တဲ့အခါ ကိုယ်နဲ့အဝေးဆုံး ထိပ်ဆုံးကအရုပ်ကို .လဲသွားအောင် ပစ်နိုင်ရင် ကျန်တဲ့အရုပ် အားလုံး ကိုယ့်အိတ်ထဲ ရောက်ပါတယ်။ တခြားအရုပ်တွေ ထိရင်တော့ အကုန်မရပါဘူး။ ကျွန်တော်တို့တတွေ ကိုယ့်အလှည့်ရောက်လို့ ပစ်ခါနီးရင် “ဂေါင် (ခေါင်)ထိ အကုန်ဟေ့” လို့အော်ဟစ်ပစ်ကြပါတယ်။ ခေါင်ထိအောင် ပစ်နိုင်တဲ့ သူငယ်ချင်းကို ကျွန်တော်တို မုန်းပါတယ်။ အကုန် သိမ်းကြုံးစားသွားလို့ပါ။ ဒေါ်အောင်ဆန်းစုကြည်ဟာ မြန်မာ့အတိုက်အခံနိုင်ငံရေးရဲ့ “ခေါင်” လို့  ယေဘူယျကျကျ လက်ခံထားကြပါတယ်။

ကျွန်တော်တို့လို အသက် လေးဆယ်ကျော်၊ ဒီမိုကရေစီရေးလှုပ်ရှားမှုမှာ ထိထိမိမိ ထဲထဲဝင်ဝင် ပါခဲ့သူတွေ၊ မရှိတော့တဲ့ စစ်အစိုးရရဲ့ ညှင်းပမ်းနှိပ်စက်မှုမျိုးစုံကို နာနာကျင်ကျင် ခံခဲ့ရသူတွေ၊ သွေးထွက် ဘ၀ပျက်ခဲ့ရသူတွေ အနေနဲ့ လွမ်းစရာနဲ့ ဖြေလိုက်ဖို့ ဆိုတာလည်း လွမ်းစရာကို ဘယ်မှာ လိုက်ရှာရမလဲ။ ဒေါ်စုရဲ့ ဒီတစ်လအတွင်း ပြည်တွင်းပြည်ပကို စေပါးတဲ့ ပေဖူးလွှာတွေ၊ စကားပြောဆိုခန်းတွေကို ဖတ်မှတ် လေ့လာကြည့်တဲ့အခါ မဝေးတော့တဲ့ ကာလတစ်ခုအတွင်း အစတုန်းက ထမင်းရည်ပူစည်းလို့ ရဲရဲတောက် အတိုက်အခံတွေ ခံယူထားတဲ့ ရွေးကောက်ပွဲ စည်းကြောင်းထဲကို တစ်ဇွတ်ထိုး ပြေးဝင်တော့မှာ အသေအချာပါဘဲ။ ဒါပေမယ့် အာဏာရှင်ဆန်တာကို မနှစ်မြို့တဲ့ ဒေါ်စုအနေနဲ့ ဒီမိုကရေစီနည်းကျကျ ရွေးကောက်ပွဲဝင်ရပါသည် ဖြစ်အောင် NLD စုံညီညီလာခံတစ်ခု သဘောမျိုး ဆင့်ခေါ်ပြီး တိုင်းနှင့်ပြည်နယ်ခေါင်းဆောင်များ၊ အီးစီ စီအီးစီများရဲ့ သဘောထားကို ခံယူပြကာ ဒေါ်စုရဲ့ပါတီကို ရွေးကောက်ပွဲကော်မရှင်ထံမှာ မှတ်ပုံတင်တော့မယ်လို့ ယူဆရပါတယ်။ ၂၀၁၀ ရွေးကောက်ပွဲ မ၀င်ဘူး၊ ပါတီ မှတ်ပုံ ပြန်မတင်ဘူး လုပ်ခဲ့သလိုဘဲ အခုလည်း အများဆန္ဒကို ရယူပါလိမ့်မယ်။

ရေပန်းစားနေတဲ့ မြန်မာ့နိုင်ငံရေးအကျဉ်းသမားများ လွတ်မြောက်ရေးဟာလည်း ဒေါ်စုရဲ့ပါတီ မှတ်ပုံတင်အပြီး စာချုပ်စာတမ်းနဲ့အညီ NLD ဖြစ်ဖြစ်၊ တခြားနာမည်နဲ့ ဖြစ်ဖြစ် ပြည်ထောင်စု ရွေးကောက်ပွဲ ကော်မရှင်ထံမှာ တန်းဝင်ခန်းဝင်ဖြစ်လာတဲ့ အခြေအနေနဲ့ ညီမျှခြင်း ချထားပုံရပါတယ်။ ထောင်ထဲက ပုဂ္ဂိုလ်များ အပြင်ပြန်ထွက်လာရင် လမ်းမပေါ်တက် နိုင်ငံရေး တဖန် စန်းထလာမှာကို အာဏာရကြံ့ဖွံ့ အစိုးရအနေနဲ့ အမှန်တကယ်ဘဲ စိုးရိမ်ပါတယ်ဆိုတာ သူတို့ကိုယ်တိုင် ၀န်ခံထားပြီးပါပြီ။ ထောင်ထဲက ရဲဘော်တွေ အပြင်ထွက်လာချိန်မှာ ဒေါ်စုရဲ့ နိုင်ငံရေးပါတီဟာ အစိုးရဆီမှာ မှတ်ပုံတင်ပြီးသား ဖြစ်နေမှ အတိုက်အခံ နိုင်ငံရေးသမားတွေကို ရွေးကောက်ပွဲစည်းဝိုင်းထဲ ဆွဲသွင်းပြီး ဒီမိုကရေစီရရှိရေးကို လွှတ်တော်ထဲမှာ ထိုင်ပြီး လုပ်ခိုင်းမှာဖြစ်ပါတယ်။

“ဒေါ်စုကို ၀ိုင်းရံကြ” ကြွေးကြော်သံကို ထောင်ထဲကလူတွေ ဆက်လက်ကိုင်စွဲမယ်ဆိုရင်တော့ ”လွှတ်တော်ကို ၀ိုင်ရံကြ” ဆိုတဲ့ ဆိုင်းဘုတ်ကို ပြောင်းကိုင်ကြရပါတော့မယ်။ အစိုးရ ရည်မှန်းထားတဲ့ ဒီလို နိုင်ငံရေးအခင်းအကျင်းမျိုး သပိတ်ဝင်အိတ်ဝင်ဖြစ်လာဖို့ အလွန်နီးစပ်နေပါပြီ။ ဒေါ်စုတစ်ယောက် ရွေးကောက်ပွဲလမ်းကို လျှောက်ပြီဟေ့ဆိုရင် ဒေါ်စုနောက်ကို အရင်တုန်းကလို တရဟောလိုက်ပါကြဖို့ မရှိပါဘူး။ တချို့ ထောင်ထဲက အသံတွေအရ ဒေါ်စုဦးဆောင်တဲ့ ရွေးကောက်ပွဲနိုင်ငံရေးကို ရှောင်ထွက်ပြီး တခြား လူမှုဖွံ့ဖြိုးရေး အလုပ်တွေလုပ်ဖို့ ပြင်ဆင်ဆုံးဖြတ်ထားသူတွေ ရှိပါတယ်။ “ဒေါ်စုလည်း သူ့နည်းနဲ့သူလုပ်၊ ငါတို့လည်း ကိုယ်ကြိုက်တာ ကိုယ်လုပ်မယ်” လို့ပြောလာကြတဲ့ အသံတွေ များများလာတာကို လွန်ခဲ့တဲ့ (၂)ရက်က ရွှေဝါရောင် လေးနှစ်ပြည့် ၀တ်ပြုဆုတောင်းပွဲ ကိစ္စမှာ ထင်ထင်ရှားရှားကြီး တွေ့လိုက်ရပါတယ်။ ဒါဟာ ဒီမိုကရေစီပါဘဲ။

မြန်မာ့နိုင်ငံရေးမှာ အသက်ကြီးပြီး သေဆုံးသွားတဲ့အထိ လူထုရဲ့ ကြည်ညိုလေးစားမှုကို အတိမ်းအစောင်း မခံဘဲရယူသွားနိုင်တဲ့ ပါတီနိုင်ငံရေးသမား မပေါ်ပေါက်ခဲ့ဖူးပါဘူး။ ပညာရေးနဲ့ အနုပညာနယ်ပယ်မှာတော့ ရှိပါတယ်။ ဗိုလ်ချုပ်တောင် မီးစာကုန်ဆီခမ်းသည်အထိ နေမသွားရလို့ပါ။ သိပ်ပြီး သံတမန်စကားတွေ ပြောလွန်းတာ၊ ပွင့်ပွင့်လင်းလင်းမရှိဘဲ လိုအပ်တာထက်ပို ထိန်းချုပ်လွန်းနေတာ၊ တချိန်တုန်းက ပိုးစိုးပက်စက် ဝေဖန်ခဲ့သူတွေနဲ့ ကာလတိုအတွင်း ကျီးဘုတ်မြှောက် ဘုတ်ကျီးမြှောက် လုပ်လွန်းတာတွေက ဒေါ်စုအတွက် ပြောစရာတွေ ဖြစ်လာပါတယ်။ တွေ့ဆုံဆွေးနွေးရေးလုပ်နေတယ်၊ ပြောင်းလဲမှုကို တွေ့ ရပြီ ဒါ့ကြောင့် အရေးကြီးပြီး ထိလွယ်ရှလွယ်တဲ့ အနေအထားမျိုးမှာ ကျွန်မလုပ်တာ စောင့်ကြည့်ပါ လုပ်လို့ မရပါဘူး။ လက်ပိုက် တရားမှတ်ပြီး စောင့်ကြည့်နေဖို့လည်း မဖြစ်နိုင်ပါဘူး။ ဒေါ်နော်အုန်းလှ ပြောသလို အစ်မလည်း သူ့အလုပ် သူလုပ်တယ်၊ ကျွန်မတို့လည်း ကျွန်မတို့အလုပ် ကျွန်မလုပ်တယ် ဒီလိုဘဲ ဖြစ်ရမှာပါ။ နိုင်ငံရေးသမားဆိုတာ ကိုယ်ယုံကြည်တာလုပ်ပြီး ပြည်သူရဲ့ အဆုံးအဖြတ်ကို ရိုးစင်းစွာ ခံယူနေကြတာပါ။

အရေပြားဆိုတာ အယားဖြေဖို့ မဟုတ်။ ကျွန်တော်တို့  အခုလောက်လေး ရေးနိုင်၊ ပြောနိုင်ဖို့ တချို့ဟာ ထောင်ထဲမှာ လောင်ကျွမ်း ကုန်လွန်နေရတယ်။ ပြုပြင်ပြောင်းလဲမှုဆိုတာ အစိုးရဆီက လာတာထက် သူတို့ထံမှ မြစ်ဖျားခံပါတယ်။ အမှတ်တရတွေ၊ အခမ်းအနားတွေ၊ နှစ်ပတ်လည်တွေဆိုတာ လုပ်ကိုလုပ်ရပါမယ်။ ထောင်ထဲရောက် ဒီမိုကရေစီဘက်တော်သားတွေနဲ့ ဒီမိုကရေစီရေးမှာ ကျဆုံးသွားရှာတဲ့ လူမသိသူမသိ အာဇာနည်များအတွက် ကျွန်တော်တို့ တစ်စုံတစ်ခုကို လုပ်ပေးနေဖို့ တာဝန်ရှိပါတယ်။ ၀တ်ပြုဆုတောင်းပွဲတွေ၊ သတိတရ တွေ့ဆုံကြတာတွေကို သူတို့ မလွတ်မြောက်သေးသည် အထိ လုပ်သွားရပါဦးမယ်။ အေးအေးချမ်းချမ်း၊ သပ်သပ်ရပ်ရပ် အဆုံးသတ်သွားရင် အားလုံးအကျိုးရှိတာပါဘဲ။ အကျဉ်းကျခံရဲဘော်တွေ သိရင်လည်း သာဓု ခေါ်နိုင်ကြမှာပါ။

လက်ရှိအာဏာရ အစိုးရပါတီအနေနဲ့ လည်း သူ့အလုပ် သူလုပ်နေရင်းနဲ့ ကျွဲကူးရေပါ ဆိုသလို နိုင်ငံရေး အကျဉ်းသားကိစ္စ၊ မြစ်ဆုံကိစ္စတွေကို ရှင်းထုတ်နေရတာပါ။ တကယ်တော့ နောက်ရွေးကောက်ပွဲမှာ အခုတစ်ကြိမ် အောင်ပွဲခံမှုမျိုးကို အနိမ့်ဆုံးအဆင့်ထားပြီး ဗျူဟာချမှတ် ဆောင်ရွက်နေတာ တစ်စိတ်တစ်ပိုင်း ပါပါတယ်။ ကြံ့ဖွံ့ပါတီရဲ့ ကြီးမားတဲ့ ဇောကပ်မှုဟာ နှစ်(၅၀) အာဏာချုပ်ကိုင်ထားရေးနဲ့ ကြံ့ဖွံ့ပါတီသည်သာ ရွေးကောက်ပွဲတိုင်း ပြတ်ပြတ်သားသား အသာစီးရရေး စီမံကိန်းပါဘဲ။ လွန်ခဲ့တဲ့ (၆)လထက် စာရင် အစိုးရအပေါ် လူကြိုက်များမှုဟာ တိုးတိုးလာနေတာကို တွေ့ရပါတယ်။ ကြံ့ဖွံ့ပါတီရဲ့ ရေတိုရေရှည် မဟာဗျူဟာချပြီး အကွက်ကျကျ လုပ်ဆောင်မှုတွေ ကြားထဲ ကျွန်တော်တို့ အတိုက်အခံတွေအနေနဲ့ ဆန်ကောထဲ ဆီးဖြူသီး ထည့်လှိမ့်ခံရသလို မြင်နေသူတွေ ရှိနေပါပြီ။ “ကြိုဆိုပါတယ်” နောက်ကွယ်မှာ ခပ်အုပ်အုပ် ရယ်မောသံတွေ ကြားနေရသလိုပါဘဲ။

“နိုင်ငံရေးအကျဉ်းသားဆိုတာ မင်းတို့ကသာ လွှတ်ပေးဘာပေး အော်နေကြတာ၊ တကယ်တော့ ဆင်းသွားတဲ့အစိုးရက ပြန်ပေးဆွဲ ထားတာကွ။ အလဲအထပ် လုပ်ဖို့.. မှတ်ထား” လို ဆိုတဲ့ အစ်ကိုကြီးတစ်ယောက် သုံးသပ်ချက်ကို မိမိရရ ပြန်ချေပဖို့လည်း သံခင်းတမန်ခင်းနိုင်ငံရေးကြားထဲမှာ စကားလုံး ရှာမရတော့တဲ့ အခြေအနေကို အားမလိုအားမရ ဖြစ်နေတာကဘဲ ဖတ်စာသစ်တစ်ခုရဲ့ အစလို့ဘဲ ခံယူလိုက်ပါတယ်။

အောင်မျိုးထွန်း
၂၈- ၉- ၂၀၁၁